Thov kev pab ntawm nej txhua tus

kuv tso ib tug phoojywg uas tseem yuav npaj ntxuav plig rau xyoo 2012 tau thov kev pab ntawm kuv, kuv coj tuaj share kom nej pab hais ob peb los lus kuv coj mus txhawb rau nws, nws cov lus nug muaj li nram no :



Nyob zoo cov phoojywg,

Kuv tuaj nug ntawm nej seb nej ho xav li cas rau kuv qhov experience uas kuv tab tom muaj niaj hnub nim no ua rau kuv lub siab nyob tsis tswm , nyob tsis kaj ?

Yam li nej paub , kuv tab tom taug kev kawm yuav npaj ntxuav plig xyoo 2012 nyob lub caij Yesxus sawv rov los tom ntej no uas yog nyob hauv Koos Txoos Kas Tos Liv. Tiam sis sij hawm no muaj me ntsis kev ntxhov kuv siab ua rau kuv xav tsis tas.

Thaum twg kuv thov ntuj kuv hais rau Niam Mab Liab ,vim kuv hwm nws, kuv thov nws pab kuv, thiab kuv xav paub nws ntxiv, mas pheej muaj ib lub niag tswv yim qias qias neeg txeem los rau kuv, pheej hais rau kuv li ub li no, kuv niaj zaus sab kawg yog kuv nrog lub tswv yim ntawv sib cam, nws tsuas tshwm sim rau kuv thaum kuv thov ntuj txog Niam Mab Liab nkaus xwb, qhov loj tshaj yog thaum twg kuv mus hais txoj saw Mab liab, lub tswv yim ntawv tshwm sim heev tshaj rau kuv.

Muaj ib ntus kuj tsum lawm kuv nyob taus me ntsis, tiam sis tam sim no rov qab txeem dua tuaj rau kuv lawm, Kuv niaj hnub thov kom Niam Mab Liab pab kuv vim kuv ntshai tsam yog kuv, tiam sis kuv xav mus ua Tswv Ntuj me nyuam rau xyoo 2012 uas yog Niam Mab Liab coj kuv kev mus rau nws Leej Tub Yesxus na.

Kuv kuj tau nyeem Leej Ntshiab Faustine phau ntawv me me, nws hais txog tej yam uas nws muaj dua los, muaj ntsis zoo li kuv qhov experience piav saum no thiab. Yog li kuv thov seb nej leej twg puas yuav pab tau kuv, nej puas tau muaj tej yam tshwm sim zoo li no rau nej thiab? nej puas kam pab kuv? nej puas kam qhia kuv kom kuv thiaj tsis ntshai tias tsam yog kuv?

Nicolas yog kuv lub npe, ua tsaug ntau ntau tsis txawj tag.

Dab phem kuj pom tau hais tias yus yuav los ntseeg Ntuj ces nws khib, nws ua kom yus tso tseg.


Yog thaum yus muaj tej yam zoo li ntawd mas yim huab rau siab thov Ntuj txhob tso tseg, thiab thov pawg ntseeg, txiv plig los xwb hwb lawv tuaj thov Ntuj rau yus. Rau siab teev Ntuj tshaj qhov qub, txhua sij hawm mas yus yauv tsum yeej xwb. Yog thaum muaj lub suab li ntawd mas yus yim hu nkauj nrov thiab teev Ntuj heev dua.

Nyob hauv peb lus zos muaj ib tug me nyuam txhais yog peb cov ntseeg, thaum nws tseem me muaj ib ntus, thaum yuav tsaus ntuj mas nws pheej hais tias muaj ib tug los ntxias nws kom nws txhob ntseeg Tswv Ntuj, thiab kom nws muab nws tua. Pheej ua li ntawd txhua hmo thaum yuav tsaus ntuj mas nw pib quaj thiab pib txhawj. Ces nws niam thiaj li hu xwb hwb thiab peb cov ntseeg mus teev Ntuj thiab muab txoj saw Mab Liab rau nws coj ces qhov ntawd cia li ploj ntais lawm.

Nyob zoo tus phooj ywg,

Zoo siab koj tuaj thov kev pab cuam ntawm peb sawv daws tiam sis peb los zoo ib yam li koj thiab xwb os nawv, qhov loj tshaj plaws mas koj yuav tsum ntseeg koj tus kheej, koj tso siab rau koj tus kheej, peb tsis paub koj txoj kev xav, Tswv Ntuj thiab koj xwb thiaj li paub, ib qhov mas kom nej Txiv Plig ua lub Cim Ntxuav rau koj tam sis no, thiab tuaj ua kab ke ntiab dab hauv koj lub tsev, ces koj mam li kawm kev ntseeg ntxiv tom qab. Yog nej tus Txiv Plig kam ua li kuv hais no mas xav tias koj yuav tau kev kaj siab xwb os nawv.

Nyob zoo Maiv Paj Lug,

Ntawm kuv mas kuv kuj tau muaj zoo li tus phooj ywg nov los lawm thiab...Niaj hnub no kuv tsis teev Ntuj hauv nruab siab li lawm. Kuv ua tus pog laus los yog tus Phas Lis Xai, teev Ntuj suab nrov nkaus lawm xwb. Qhov kuv teev suab nrov, tssi yog kuv xav ua li cov Phas Lis xais, ua kom luag paub thiab pom tias kuv teev Ntuj, kom kuv tau plhu, tab sis yog muaj tej yam ua kom kuv lub tswv yim ntxhov, pom tej yam tsis huv, kuv lub tswv yim tsis ntshiab, kuv tsis xav mloog qhov ntawd ces kuv thiaj li teev Ntuj nrov kiag kom yuam tau qhov ntawd xwb. Tej yam no tshwm sim rau kuv tsis ntev tom qab peb Pawg Ntseeg Cheeb Tsam Lyon mus Sau Siab rau Châteauneuf-de-Galaure, ntawm Marthe Robin lub zos, uas kuv pom tuaj kub luag muaj plus rau kuv. Tom qab qhov kuv pom no tag, kuv mus thov Ntuj hauv Thawj lub Tuam tsev teev Ntuj Fab Kis teb, Primatiale Saint Jean Bâptiste nyob Lyon, ces lub ntsej muag muaj plhus ploj lawm. Tab sis lub tswv yim qias neeg,cov lus dev lus npua cem Niam Mab Liab thiab Huab Tais Yes Xus tshwm tuaj thiab cov av mos qhwv, khub kuv lub hlwb tshwm tuaj...Kuv tau mus Daws Txhum ntau zaud, kuv tau mus thov Ntuj ntau zaud...Nws tsis ploj li...Muaj ib tug Txiv Plig laus uas nto moo heev hauv peb lub nroog no hais rau kuv tias:"Txhob quav ntsej tej niag duab tshwm, nej niag tswv yim qiav neeg li." Ces kuv tssi quav ntsej li lawm ces zoo li zaum no ploj me ntsis lawm...Txog ntawm qhov av mos qhwv kuv lub hlwb (mloog tau xwb tsis yog tiag), ces kuv mus Daws Txhaum ob peb zaug thiab kuv tau qhia tus uas kuv khib nws los kuv uya tej yam zais ntawm nws nraub qaum rau nws ces zoo li qhov av mos uas qhwv kuv lub hlwb tau ib xyoos ntau ploj kiag lawm. Cov av mos mas kuv xav tias yog kuv cov txhaum, txawm kuv mus Daws Txhaum ntawm tus Leej Choj tag los yog kuv tsis muaj cuab kav mus lees ntawm tus uas kuv zais mas tej zaud yus cov txhaum yuav ploj tsis tag. Thaum kuv leev rau nws tag, qhov av mos qhwv kuv lub hlwb ploj ntais, kuv pom ib cov paj daj, paj liab tseb tawg nra paug thoob plaws nras, muaj tshav ntuj tshiab tshiab, tsis kub heev tsis no heev, laj ntxiag xwb thiab lub ntuj huv si, cua laim txias. Pom li no nyob hauv kuv lub paj hlwb tau ib hnub ib hmos ces rov ploj lawm.
Tsis tag li, txij thaum peb los tsim lub Forum Hmong Catholique no, es peb rau rau siab sau, thaum ntawd kuv muaj qhov uas tsis yog kuv ua kom kuv txhawb sau ntawv, txhob teev Ntuj, txhob nyeem ntawv txog Tswv Ntuj tes dej num, tab sis kuv tsis quav ntsej. Qhov twg yaj yam ua kom kuv ua tsis tau mas kuv haj yam peem kom dhau xwb. Ces zaum no zoo li tej ntawd ploj zuj zus lawm.
Thaum yus ua neeg ntseeg zoo, dab phem yuj yus tas li, tab sis thaum tso tseg tag nrho, dab phem kuj muab tsis tau ib yam dab tsi zoo rau yus thiab ces qhov zoo txhob mloog dab phem tej lus haub kom yus poob nthab xwb. Yog dab phem muaj zog tiag nws yeej yuav tsis lij lias ntxias neeg li. Twb yog nws tsis yeej, nws thiaj taug nyeg rau txhua txoj ke.

Maiv Paj Lug wrote:kuv tso ib tug phoojywg uas tseem yuav npaj ntxuav plig rau xyoo 2012 tau thov kev pab ntawm kuv, kuv coj tuaj share kom nej pab hais ob peb los lus kuv coj mus txhawb rau nws, nws cov lus nug muaj li nram no :



Nyob zoo cov phoojywg,

Kuv tuaj nug ntawm nej seb nej ho xav li cas rau kuv qhov experience uas kuv tab tom muaj niaj hnub nim no ua rau kuv lub siab nyob tsis tswm , nyob tsis kaj ?

Yam li nej paub , kuv tab tom taug kev kawm yuav npaj ntxuav plig xyoo 2012 nyob lub caij Yesxus sawv rov los tom ntej no uas yog nyob hauv Koos Txoos Kas Tos Liv. Tiam sis sij hawm no muaj me ntsis kev ntxhov kuv siab ua rau kuv xav tsis tas.

Thaum twg kuv thov ntuj kuv hais rau Niam Mab Liab ,vim kuv hwm nws, kuv thov nws pab kuv, thiab kuv xav paub nws ntxiv, mas pheej muaj ib lub niag tswv yim qias qias neeg txeem los rau kuv, pheej hais rau kuv li ub li no, kuv niaj zaus sab kawg yog kuv nrog lub tswv yim ntawv sib cam, nws tsuas tshwm sim rau kuv thaum kuv thov ntuj txog Niam Mab Liab nkaus xwb, qhov loj tshaj yog thaum twg kuv mus hais txoj saw Mab liab, lub tswv yim ntawv tshwm sim heev tshaj rau kuv.

Muaj ib ntus kuj tsum lawm kuv nyob taus me ntsis, tiam sis tam sim no rov qab txeem dua tuaj rau kuv lawm, Kuv niaj hnub thov kom Niam Mab Liab pab kuv vim kuv ntshai tsam yog kuv, tiam sis kuv xav mus ua Tswv Ntuj me nyuam rau xyoo 2012 uas yog Niam Mab Liab coj kuv kev mus rau nws Leej Tub Yesxus na.

Kuv kuj tau nyeem Leej Ntshiab Faustine phau ntawv me me, nws hais txog tej yam uas nws muaj dua los, muaj ntsis zoo li kuv qhov experience piav saum no thiab. Yog li kuv thov seb nej leej twg puas yuav pab tau kuv, nej puas tau muaj tej yam tshwm sim zoo li no rau nej thiab? nej puas kam pab kuv? nej puas kam qhia kuv kom kuv thiaj tsis ntshai tias tsam yog kuv?

Nicolas yog kuv lub npe, ua tsaug ntau ntau tsis txawj tag.

Nyob zoo Maiv Paj Lug,

Koj tus phooj ywg Nicolas nyob deb los nyob ze koj na?
Yog nws pheej muaj tej lub tswv yim phem li ntawd, kom nws yuav tsum tsis txhob quav ntsej txog li, thaum teev Saw Mab Liab ces kav tsij teev kom tas, tsis txhob muab tso tseg li, yog yus tso tseg ces zoo li yus swb nws lawm. Ua li no mus saib tej zaum kuj yuav txawj ploj. Ib qho ntxiv mas yog nej cov coj ob peb leeg yuav tsum mus nyob ua ke koom ua kev thov ntuj pab rau nws, tej zaum kuj yuav pab tau thiab. Hos ib qho ntxiv mas yog thov txiv plig, los xib hwb tuaj ua kab ke ntiab dab rau nws.

Nyob hauv Koom Txoos Kas Tos Liv txoj kev cai kawm npaj txais lub Cim Ntxuav mas muaj ntau qib. Thawj qib, yog cov neeg xub kawm kom paub txog lub Koom Txoos, ces yog tias lawv txiav txim siab xav los txais lub Cim Ntxuav ua neeg ntseeg tiag tiag, ces muaj ua ib co kab ke tos txais lawv. Lus Mes Kas hu ua Rite of Acceptance no. Thaum lawv dhau thawj qib no lawm, mas lawv lub hom phiaj yog kawm kom paub HT Yes Xus thiab txoj kev cai ntseeg ntuj zoo. Nyob hauv lub caij no, muaj ib co kab ke thov ntuj ntiab dab pab rau cov tab tom npaj txais lub Cim Ntxuav kom lawv yeej dab phem tej kev haub kev ntxias, lus Mes Kas hu ua "Minor Exorcisms" (Exorcismes Mineurs) no. Raws kuv paub mas peb muaj cai siv cov zaj teev ntuj no tshaj ib zaug, txhais tias yog yus xav teev ntuj ua kab ke ntiab dab ob peb zaug rau ib tug neeg los tau. Yog nej hu tau txiv plig los xib hwb tuaj thov ntuj mas zoo dua. Thaum txog lub caij 40 (los Caij Yoo), kuj tseem muaj ib co kab ke ntiab dab ntxiv thiab, tiam sis yog txiv plig ua thaum ua thaj txi ntuj xwb.

Yog li, kuv kuj tsis paub tias koj tus phooj ywg nws nyob rau qib twg, tiam sis phim nej siv qhov "Minor Exorcisms" ntawd tau.