Niam Mab Liab Roob Nyuj Qus

**Maiv Tooj** 24th October 2011, 9:20 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Niam Mab Liab Roob Nyuj Qus

Post Maiv Tooj 24th October 2011, 9:20 am

Niam Mab Liab Roob Nyuj Qus muaj lub siab tus
Niam Mab Liab Kiu Katiam muaj lub siab kaj
Koj qhov pom kev ci rau haiv Hmoob
Koj lub hwj huam roos txhua leej nyob khuab roob
Leej zoo niam,
Txhiab nyeej puas xyoo nyob nrog txoj kev nyiam....

Nyob Zoo Ntxawm Txooj Tub,
Ua tsaug ntau ntau uas koj tau xa Niam Mab Liab daim duab tuaj rau peb cov Ntseeg nyob Milwaukee, Wisconsin, USA. Peb yuav muab luam ua ib daim loj loj mus dais rau ntawm peb lub Tsev Teev Ntuj St. Michael.

Tsav Xyooj Yaj
Tuam Tswj Pawg Ntseeg Catholic Milwaukee
St. Michael Parish
Milwaukee, WI, USA

Date: Fri, 21 Oct 2011 18:33:51

TP Cwj Vuam

Kuv muab ib daim duab Niam Mab Liab Lub zos Roob Nyuj qus coj mus uA ib daim loj li
50 cm x 80 cm, hnub peb ua hmoov hu ua Asian Unity Day, peb yuav nqa daim duab ntawd mus koom nrog lwm haiv neeg, xws li kaus lim, Suav, fif lif pees, los tsuas, india, nyab laj. Peb tus tswv qhia tuaj ua thaj txi ntuj rau peb. Mam li yees duab rau koj saib. Yog muaj caij no, yuav thov kom nws Benir Niam Mab Liab lub zos Roob nyuj Qus thiab.

TL Txhiaj vwj

Lundi 24 Octobre 2011 2h33

Nyob zoo Txiv Plig Cwj Vuam:

Hnub no peb tau mus ua thaj txi ntuj koom nrog cov neeg Asia nyob Milwaukee ,
Xyoo no yog thawj zaug peb muab Niam Mab Liab lub zos roob Nyuj Qus nqa mus
Ua ntsej muag raws li cov duab no. Hais ua tsaug rau Ntxhua,
koj tus muam uas kos daim duab Mab Liab Roob Nyuj Qus no nawb.

Txhiaj Vwj
Sheboygan
USA

**Tub Kawm** 24th October 2011, 3:46 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°2

Re: Niam Mab Liab Roob Nyuj Qus

Post Tub Kawm 24th October 2011, 3:46 pm

Nyob zoo og Niam hlob Txooj Tub, thov ua Nws tsaug ua nws tseem coj daim duab Niam Mab Liab roob nyuj qus, nrog rau lawv cov duab , tuaj tso rau peb saib og nawb, zoo nkauj kawg li og, kuv vam hais tias: yog thaum twg Niam Mab Liab tshwm tuaj xyuas peb haiv hmoob mas nws yeej yuav hnav khaub ncaws hmoob zoo xws li daim duab Niam Mab Liab roob nyuj qus no og. Xws li cov tsib uas Niam Mab Liab tau tshwm tuaj rau lawv pom nyob "La Vang" uas yog Niam Mab Liab hnav tsoos cob tsib ntawd og. vam hais tias, txij no mus peb yuav muaj ib daim duab Niam Mab Liab hmoob xws li luas lwm haiv neeg lawm, thov hais rau peb tsoom hmoob ntseeg ntuj tias: yav tas los peb tsuas muaj cov duab Niam Mab Liab hnav tsoos xws li mab sua xwb, hnub no kiag peb twb muaj ib daim duab Niam Liab hnav tsoos xws li peb hmoob lawm. Kuv thov ua TP Cwj Vuam Chiv tsaug ntau ntau, vim yog muaj Nws es peb thiaj tau daim duab Niam Mab Liab hnav tsoos hmoob no, thiab thov ua TP tsaug uas TP tseem coj daim duab Niam Mab Liab no tuaj pub rau peb cov hmoob nyob cob tsib teb, thiab Nws tseem tuaj qhia peb kom paub ua lub Txoos "Teev Ntuj", lub Txoos "xa plig" thiab lub "Cim Ntxuav" mus rau lwm lwm yam og. Txawv hais tias kuv tsis tau mus nrog lawv kawm ua ke tim ntsej tim muag los, lawv los txog lawv yeej qhia rau peb paub txog txhua yam uas lawv tau kawm ntawm TP los rau peb paub og. Thov kom HT Ntuj lub Txiaj Ntsim nrog TP nyob mus li.. Thiab thov qhia rau peb txhua tug paub tias: yog nej leej twg tsis tau muaj daim duab Niam Mab Liab hnav tsoos hmoob no. Yog xav tau no nej ho mus muab ntawm TP Cwj Vuam Chiv, nyob fab kis teb. yog cov nyob cob tsib teb, nej mus muab rau nram lub ceeb Koom Txoos "HƯƠNG HOÁ" uas yog Txiv Tswv Qhia Vu Tất ua tus tswj. los mus rau ntawm TP Bình, nyob sas pas los yeej tau. Tshuav cov nyob Suav teb, Thaib teb, Nplog teb, Mis kas tej, kuv tsi paub lawm, nej leej twg paub ho pab ntxiv rau. li no xwb, peb mam sib ntsib dua, tus sau, Tub Tuam

**Maiv Tooj** 24th October 2011, 6:34 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Niam Mab Liab Roob Nyuj Qus

Post Maiv Tooj 24th October 2011, 6:34 pm

Nyob zoo Tub Txawj Tuam,

Zoo siab ntau tau ntsib nws hnub no,
Tub Txawj Tuam, ib haiv neeg twg yuav vam meej, yuav tsum muaj ib txoj kev ntseeg tswj kav, yuav tsum muaj kev teev hawm ua ke thiaj li yuav ciaj haiv. Txhua haiv neeg hauv ntiaj teb no, cov uas lawv muaj teb chaws, lawv tsis yog neeg teev dab qhuas, lawv tsis yog ib xeem, ib yig nyias muaj nyias dab, lawv thiaj li ciaj haiv, lawv thiaj li muaj teb muaj chaw. Vim Tus Tswv kav lawm ROOS lawv...Zaum no Peb Hmoob pib paub Tswv Ntuj tus ua Tswv Tsim, yuav coj Peb Hmoob mus rau kev vam meej, kev pheej xeeb zuj zus. Peb yuav paub txog kev sib zam, sib nyiam sib hlub, sib pab. Peb yuav nyob ua zej ua zos, ua pab ua pawg...li luag pej kum. Tswv Ntuj hlub txog NWS haiv Hmoob, vim twb muaj kev tshwm sim ntau yam rau peb pom xyeem lawm...Tab sis tshua qhov koj hais no, xav kom ib hnub twg Niam Mab Liab hnav tsoos tsho Hmoob los tshwm rau peb pom xyeem ib zaug, los nplij peb Hmoob ntsuag nos lub siab, los qheb tej nom tswv lub siab kom hlub lawv haiv Hmoob...Kuv xav tias peb sawv daws rau siab ncig ntuj nrhiav Tswv Ntuj, ib hnub twg peb yuav muaj txiaj ntsim pom Niam Mab Liab los nplij peb xwb. Txawm peb yuav tsom nyem, tau zoo los pab yuav rau siab taug peb txoj hauv kev...Kom Tswv Ntuj pom peb lub siab ruaj, kom peb nrog tau Tswv Ntuj sib faib txiaj ntsim, thaum ntawd peb tsis thov los peb yeej yuav tau, peb tsis vam los peb yeej yuav muaj, ...

**Npuagtub** 26th October 2011, 4:18 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°4

Re: Niam Mab Liab Roob Nyuj Qus

Post Npuagtub 26th October 2011, 4:18 am

Nyob zoo Mt,

Kuv thov nug koj tias, daim duab TP. Cwj Vuam Chiv tus muam cos tau thaum lub caij TP. txais lub Cim Tiag tes, nws yog ua ib daim duab ( Niam Mab Liab Hmoob ) puas yog? Ua cas peb twb tau cov duab ntawd thaum lub caij ntawd thiab tiam sis peb tsis paub tias yog duab niam mab liab Hmoob?

Koj puas paub nws qhov keeb kwm daim duab ntawd kev tshwm sim nyob Roob nyuja qus los li cas? Thaum nws tshwm los xyoo twg thiab cov tim khawv pov thawj zoo li cas thov coj tuaj post rau nram qab cov duab koj post no os nawv.

Raws li kuv nkag siab mas, daim duab no tsis yog duab niam mab liab, yog kuv nkag siab tsis yuam kev mas yog ib daim duab sawv cev TP. Cwj Vuam thiab nws niam txoj kev hlub nws xwb, thaum i kuv pom nas. Tiam sis tam sis no kuv pom koj tso mas ua rau kuv ceeb hais tias muaj niam mab liab tshwm los rau Hmoob pom lawm thiab no os. Li no xwb, sib ntsib dua.

Npuag Tub

Nyob zoo XH.Npuag Tub,

Zoo siab ntsib nws hnub no,
Hais txog daim duab Niam Mab Liab Roob Nyuj Qus mas kuj yog li nws hais lawm, yog yuav tis npe tias Niam Mab Liab Roob Nyuj Qus mas yuav tsum yog Niam Mab Liab tshwm sim rau Hmoob pom nyob RNQ mas thiab li yuav hais tau li ntawd. Qhov nov cia mam li tham rov tom qab seb yuav muab hais tau li cas.

Lub keeb ntawm daim duab nov mas yeej yog xav kos ib tug duab Niam Mab Liab hnav tsoos tsho Hmoob, yog thaum TP.Cwj Vuam tseem tssi tau txais lub Cim Tiag Tes, nws mus nyob ib xyoos nram Sénégal teb, nws tau thov kom Niam Mab Liab tsom kwm Peb Haiv Hmoob, ces nws thiaj li kom ib tug Artiste Khej dub kos tau ib daim, tab sis nws kos tau zoo li neeg khej dub lawm ces rov los txog, ti nws lub Rooj Cim Tiag tes dhau lawm, nws tus muam thiaj li rov muab kho dua coj los ua ib daim duab cim nws lub Cim Tiag Tes rau Sawv Daws.

Nws thiaj tis npe daim duab nov ua Niam Mab Liab Roob Nyuj Qus, vim TP.CVC kuj xeeb rau Roob Nyuj, TP.Nyiaj Pov kuj xub tuaj tshaj Ntuj Lus rau ROOB Nyuj, cov Ntawv Hmoob kuj yog tshwm Nyob Roob Nyuj, thiab ho muaj ib tug Tswv Qhia, ib tug TP. keeb kwm Roob Nyuj thiab...Ces yog li no xwb...

**Maiv Tooj** 26th October 2011, 8:03 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: Niam Mab Liab Roob Nyuj Qus

Post Maiv Tooj 26th October 2011, 8:03 am

XH.Npuag Tub,

Hais txog cov duab thiab mlom ntshiab mas kuv kuj tseem tsis tau paub meej tias yog siv li cas rau li cas tiag. Tab sis raws li kuv paub mas tej tus, tej daim mas yog muaj ib qho kebv tshwm sim rau neeg pom xyeem, tej qhov kuj yog lawv thov tau txiaj ntsim, tej daim los tej tug mlom Leej Ntshiab los yog Niam Mab Liab los yog HT.Yes Xus mas yog ib cov neeg lawv teev teev Ntuj ais lawv kos xwb. Cov nov lawv hu ua Icône. Cov Icône no mas tsis muaj kev tshwm sim dab tsi, tsis muaj ib qho hwj huam yees ntxwv txog daim duab kub keeb kwm.

**Maiv Paj Lug** 27th October 2011, 7:23 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°6

Re: Niam Mab Liab Roob Nyuj Qus

Post Maiv Paj Lug 27th October 2011, 7:23 am

Maiv Tooj,

ua tsaug ntau rau cov duab zoo zoo nkauj no nawd;

Daim Duab Niam Mab Liab roob nyuj qus nod mas cas yuav phim tus me ntxhais ntawm no nqa ua luaj, tus me ntxhais los zoo nkauj phim tag nrho Niam Mab Liab daim duab li, nws me ntsej muag luag ntxhi nyias ntsais xwb, Niam Mab Liab xaiv tau tus me ntxhais ntxim hlub kawg los nqa nws daim duab. Thov qhuas lawv cov Hmoob Ntseeg Ntuj Kas Tos Liv ntawm nod ua tau tej yam tsim nyog kawg li lawm.

Daim duab muaj txiaj ntsim kawg li, txawm yog duab kos xwb los yeej yog muaj Tswv Ntuj txhais tes tuav tus ntxhais uas tau kos daim duab no kos nrog, vim saib daim duab xwb nws muaj ntau yam hais, zoo nkauj ntsej muag xwm yeem, tus pojniam puag tus me nyuam lub ntsej muag tsis ua ntsej muag luag muaj hlob, tsis yog ntsej muag quaj zawv, tsis ua ntsej muag ntshai, nws lub ntsej muag muaj kev hlub thiab nws dawb huv li ib tug pojniam tsim txiaj tag nrho, tus me nyuam los zoo li mloog lus kawg nkaus, kuv xav kom peb Hmoob cov paub soj ntsuam me ntsis daim duab nod li lwm haiv neeg specialiste ho nrog ntsuam seb puas pom tej yam tshwm sim uas tus ntxhais kos daim duab tsis ceev faj ho kos tau zoo nkauj npaum no, seb lub sij hawm nws kos nws daim duab nws muab sij hawm ntev li cas los kos? sim ho test lwm tus kos ib daim duab li daim no seb lawv siv sij hawm li cas thiaj li kos tau? thiab seb kos tau los lub ntsej muag puas tsim txiaj npaum Niam Mab Liab roob nyuj qus daim? Yog peb soj ntsuam tiag tiag es thov ntuj pab no yuav muaj tej yam peb pom tsis txog tab sis kos tau los txhais tau uas yog Tswv Ntuj txhawb kos daim duab.