HUAB TAIS THOV KOJ QHEB KUV QHOV MUAG.

**Maiv Tooj** 17th September 2011, 9:40 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

HUAB TAIS THOV KOJ QHEB KUV QHOV MUAG.

Post Maiv Tooj 17th September 2011, 9:40 am

HUAB TAIS THOV KOJ QHEB KUV QHOV MUAG.

Koj saib daim duab Yes Xus no.
Yes Xus txhais tes lauj tuav ib phau ntawv:
Yog Tswv Ntuj cov lus uas Yes Xus tuaj tshaj rau peb hnov.
Muaj qhov pom kev ci ntsa ib ncig ntawm Yes Xus ntsej muag:
Yes Xus yog peb tus Huab Tais muaj hwj chim.
Nws qhov muag ntsia koj.
Hmo ntuj, thaum koj yuav pw, koj ntsia nws daim duab no.
Yes Xus hais rau koj tias: " Koj yog ib tug hauv kuv haiv neeg.
Koj khaws kuv thawj 10 lo lus qhia cia rau nruab siab.
Yog 10 lo lus nram no:

KOJ YUAV NYIAM KOJ TUS HUAB TAIS TSWV NTUJ
TAS SIAB TAS NTSWS, TAS TSWV YIM, TAS LUB ZOG.
KOJ YUAV NYIAM TSOOM TXHEEB ZE
IB YAM LI KOJ NYIAG KOJ.

**Maiv Tooj** 23rd September 2011, 8:20 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: HUAB TAIS THOV KOJ QHEB KUV QHOV MUAG.

Post Maiv Tooj 23rd September 2011, 8:20 am

HUAB TAIS NTUJ XAV PUB KOM SAWV DAWS NYOB KAJ SIAB LUG XWS LI NWS.

Koj puas paub tias Huab Tais Ntuj xav pub paj tshab rau koj?
Tsis yog ib cov paj tshab uas nauj yuav noj tau.
Tsis yog ib co paj tshab uas muag yuav pom tau.
Yog ib yam paj tshab uas nyob nruab siab.
Yam li Tswv Ntuj xav kom KOJ LUB SIAB KAJ.
Tswv Ntuj xav kom sawv daws nyob kaj siab lug.
Koj mloog Yes Xus qhia seb leej twg muaj lub siab kaj lug.

NYEEM TSWV NTUJ LO LUS.

1 Yes Xus pom neeg coob coob tuaj, nws nce mus saum lub roob.
Nws zaum.
Cov thwj tim txav los ze Yes Xus. 2 Ces Yes Xus tsa ncauj qhia lawvli no:
"Cov neeg muaj lub siab kaj lug, yog cov neeg pluag hauv nruab siab.
Cov neeg muaj lub siab kaj lug, yog cov neeg siab zoo.
Cov neeg muaj lub siab kaj lug, yog cov neeg quaj ntsuag.
Cov neeg muaj lub siab kaj lug, yog cov neeg nyiam txoj kev ncaj.
Cov neeg muaj lub siab kaj lug, yog cov neeg nyiam zam rau luag.
Cov neeg muaj lub siab kaj lug, yog cov neeg siab dawb siab huv.
Cov neeg muaj lub siab kaj lug, yog cov neeg ua kom haum xeeb.
Cov neeg muaj lub siab kaj lug, yog cov raug luag hiam vim ntseeg txog kuv."
(MT.5)
HUAB TAIS THOV KOJ QHEB KUV QHOV MUAG. Msg-348-1236795426

HUAB TAIS THOV KOJ QHEB KUV QHOV MUAG. Msg-348-1236795426

Txij thaum Yes Xus tau hais cov lus ntawd los txog tav no
muaj coob leej tau xyaum kom muaj ib lub siab kaj lug.
Lawv tau xyaum raws li Yes Xus hais saum no.
Lawv yog Yes Xus cov phooj ywg.
Koj xyaum ua Yes Xus phooj ywg mog,
ces koj yuav muaj lub siab kaj.
Koj yuav nyiam ib sij hais ib zaug cov lus nram no:

HUAB TAIS YES XUS,
KOJ TXAIS KUV LOS UA KOJ TUS PHOOJ YWG.
KOJ PUB KUV MUAJ LUB SIAB KAJ.

HUAB TAIS THOV KOJ QHEB KUV QHOV MUAG. Yesxus10

Koj saib daim duab nov:
Koj pom Yes Xus khaum tes saum ib tug neeg xwb pwg,
Vim Yes Xus saib tus neeg ntawd yog nws tus phooj ywg.
Thaum koj tau txais lub Cim Ntxuav
Mas yog zoo li Yes Xus tau khuam tes saum koj xwb pwg.
Nws txais koj los ua nws ib tug phooj ywg.
Koj tseem pom muaj ib lub voj ci ntsa ncig Yes Xus taub hau.
Yes Xus lub ntsej muag kaj lug.
Nws ua kom nws tus phooj ywg muaj lub ntsej muag kaj thiab.
Yog koj npuab Yes Xus li ib tug phooj ywg,
mas Yes Xus ua kom koj siab kaj,
thiab nws ua kom koj lub ntsej muag luag ntxhi.
YOG COV PAJ TSHAB UAS YES XUS MUAB RAU KOJ.

**Maiv Tooj** 26th September 2011, 1:47 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: HUAB TAIS THOV KOJ QHEB KUV QHOV MUAG.

Post Maiv Tooj 26th September 2011, 1:47 am

HUAB TAIS THOV KOJ QHEB KUV QHOV MUAG. 13168810

HUAB TAIS THOV KOJ QHEB KUV QHOV MUAG. Moise-10

Tswv Ntuj tawm tuaj zoo li ib cov hluav taws
Vim Tswv Ntuj xav qhia rau peb tias NWS ua kom peb siab kub tuaj.
Tswv Ntuj tawm tuaj nyob hauv tsob pos
Vim peb zoo li tsob pos uas Tswv Ntuj tuaj zes kom cig.
Tsob pos cig tsis txawj kug.
Vim Tswv Ntuj zes kom peb cig
Tab sis peb muaj ib lub siab txawj xav li qub mus li.
Tswv Ntuj hais tias nws hu ua "KUV YOG TUS UAS KUV YOG"
Vim neeg tsis muaj los lus tsim nyog ua Tswv Ntuj lub npe,
ntiaj teb neeg paub tsis tau Tswv Ntuj kom tag,
peb tsuas paub me me tias Tswv Ntuj yog ib tug zoo li cas.

KOJ LOS NYOB HAUV COV NEEG NTSEEG TXOG KOJ.
KOJ UA KOM LAWV LUB SIAB KUB LI HLUAV TAWS.

**Maiv Tooj** 27th September 2011, 11:06 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: HUAB TAIS THOV KOJ QHEB KUV QHOV MUAG.

Post Maiv Tooj 27th September 2011, 11:06 am

TSWV NTUJ XAI MAIS XES UA TUS COJ HAIV HIS XAS LAIS KOM DIM.

Tswv Ntuj haiv neeg HLA ntawm lub teb chaws ua cev qhev
los nyob rau lub teb chaws uas Tswv Ntuj pub rau lawv.
Tswv Ntuj haiv neeg tau HLA lub Hiav Txwv Liab.
Lawv tau hla ntawm kev tuag los ua neeg muaj txoj sia.
Lawv ua HMOOV HLA kom tau nco txog TSWV NTUJ TXOJ KEV HLA.

NEJ CAV TXOG TUS HUAB TAIS SIAB ZOO,
NWS HLUB PEB TAS IB SID!
NWS FAIB LUB HIAV TXWV LIAB.
NWS COJ HIS XAS LAIS HLA HAUV NRUAB NRAB.
NWS HLUB PEB TAS IB SID!

**Maiv Tooj** 29th September 2011, 10:11 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: HUAB TAIS THOV KOJ QHEB KUV QHOV MUAG.

Post Maiv Tooj 29th September 2011, 10:11 am

DAS VIS, TUS VAJ HU NKAUJ CAV TXOG TSWV NTUJ.

HUAB TAIS THOV KOJ QHEB KUV QHOV MUAG. Coffre10

Mais Xes coj cov His Xas Lais kom hla dhau teb chaws suab puam.
Cov His xas Lais rov mus nyob Has Nplas Has lub teb chaws,
yog ib lub teb chaws zoo ua noj ua haus,
muaj mis nyuj zib ntav zib muv ntws sis.
Nyob nyob cov His Xas Lais tsis nco txog Tswv Ntuj cov lus qhia.
Lawv tsis txawj sib hlub.
Lawv tssi txawj ua ib haiv neeg koom siab.
Civ His Xas Lais xaiv lawv ib tug neeg loj loj ua lawv tus vaj.
Tswv Ntuj xav tias:
"Lawv tsis nco qab tias kuv yog lawv tus vaj, lawv tus Huab Tais.
Lawv mloog ib tug vaj tsis txawj hwm Ntuj hwm neeg.
kuv hlub kuv haiv neeg His Xas Lais, kuv yuav pab lawv.
Kub yuav pub lawv muaj ib tug vaj txawj hwm Ntuj txawj hwm neeg."
Ces Tswv Ntuj tsa Das Vis ua Vaj kav cov His Xas Lais.
Das Vis coj cov His Xas Lais ua paj nruag hu nkauj teev Tswv Ntuj.
Cov His Xas Lais nrog Das Vis rov ua ib haiv neeg nyiam Tswv Ntuj.

Das Vis tau ua ib tug Vaj ntxim Tswv Ntuj siab.
Lub npe Das Vis txhais hais tias: "TUS ZOO NYIAM"
Vim Tswv Ntuj nyiam Das Vis,
Das Vis kuj nyiam Tswv Ntuj thiab haiv neeg His Xas Lais.
Thaum Das Vis tseem tssi tau ua Vaj mas nws yog ib tug zov yaj.
Nws txawj coj nws cov yaj mus txog tej tsha zaub mos,
nws txawj txuag nws cov yaj kom hma txhob tom.
Tswv Ntuj thiaj li tsa Das Vis ua tus saib nws haiv neeg.
Thaum yav hluas, Das Vis kuj txawj ntaus thaj cheej,
nws txawj hais tej zaj nkauj, tej zaj kwv txhiaj.
Thaum nws tau ua Vaj, nws tsim tej zaj nkauj teev Tswv Ntuj.
Das Vis cov nkauj hu ua cov ZAJ NTXUAG QEEJ.

DAS VIS ZAJ NTXUAG QEEJ 99.

Tas ib puas xyeem teb chaws
Nej sawv daws qw ntsoog qees cav txog Huab Tais Ntuj.
Nej zoo siab hlo luag ntxhi tuaj hwm Tswv Ntuj.
Nej hu nkauj luag nyav tuaj mus cuag nws.

[/size]

**Maiv Tooj** 30th September 2011, 11:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°6

Re: HUAB TAIS THOV KOJ QHEB KUV QHOV MUAG.

Post Maiv Tooj 30th September 2011, 11:48 am

COV YAJ SAUB, NEJ NPLIG KUV HAIC NEEG MOG!

Das Vis tuag lawm. Nws cov xeeb ntxwv sawv ua Vaj nyob nws chaw.
Tus Vaj siab ncaj kuj muaj, tus Vaj siab nkhaus kuj muaj.
Cov teb chaws nyob ib ncig sawv rog tuaj ntau cov His Xas Lais.
Cov His Xas Lais tsis tau nyob thaj yeeb.
Muaj ib zaug tus Vaj Npas Npis Los tuaj ntau Yes Lus Xas Les.
Cov His Xas Lais swb, lub tsheej Yes Lus xas Les puas tas.
Tsoom pej xeem tau mus nyob txim nyob Npas Npis Los.
Lawv nyob txim 70 xyoo, txom txom nyem, ciaj cev qhev.
Lawv kho siab, lawv nco nco txog lawv lub tsheej Yes Lus xas Les,
nco txog lub Tuam Tsev teev Ntuj zoo nkauj,
nco txog cov hnub nyug ua Hmoov lom lom zem.
Lawv tsuas txawj quaj, poob siab,
lawv xav tias ntshe lawv yuav tsis pom Yes Lus xas Les ntxiv lawm.

Ob peb tug Yaj Saub nplij tsoom pej xeem His Xas Lais,
Ces tsoom pej xeem His Xas Lais tso siab zoo li no:

"Tswv Ntuj npaj ib txoj kev zoo rau peb rov mus Yes Lus xas Les.
Peb yuav rov pom cov ntsa zeb xov lub tsheej Yes Lus Xas Les.
Peb yuav rov txhim lub tuam tsev teev Ntuj kom zoo nkauj dua.
Peb yuav coj raws txoj cai uas Tswv Ntuj qhia rau Mais Xes .
Peb tso siab tias ib tug Huab Tais Pleev yuav sawv los coj peb.
Tus Vaj Plees yuav ua kom peb nyob thaj yeeb ib txhis.
Peb haiv His Xas Lais tos txog Leej Pleev.

Cov His Xas Lais hnov cov Yaj Saub nplij lawv lub siab
Lawv pom tias Tswv Ntuj txuag nws haiv neeg
raws li nws cog lus rau Has Nplas Has, rau Mais xes, rau Das Vis.

**Maiv Tooj** 18th October 2011, 10:18 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°7

Re: HUAB TAIS THOV KOJ QHEB KUV QHOV MUAG.

Post Maiv Tooj 18th October 2011, 10:18 am

HUAB TAIS YES XUS LUB TEB CHAWS.

Cov teb chaws Toob Fab thaum ub.

Huab Tais Yes Xus lub teb chaws.

**Maiv Tooj** 18th October 2011, 10:34 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: HUAB TAIS THOV KOJ QHEB KUV QHOV MUAG.

Post Maiv Tooj 18th October 2011, 10:34 am

TIG NEJ LUB SIAB LOS NYIAM TSWV NTUJ.

Cov His Xas Lais tos tus Vaj Pleev uas yuav tuaj cawm lawv.
Lawv tos ntau pua xyoo los lawm, ces Tswv Ntuj xav tias:
"Kuv haiv neeg His Xas Lais lawv tssi tshua mloog cov Yaj Saub.
Cov tig los tso siab tiag rau kuv mas muaj tsawg dhau.
Kuv yuav xa kuv Leej Tub mus nrog kuv haiv neeg nyob.
Lawv pom kuv Leej Tub tuaj, mas zoo li yog kuv tuaj kiag!"
Huab Tais Tswv Ntuj tseem xav tias:
"Kuv haiv neeg His Xas Lais lawv tos ib tug Vaj Pleev yuav tuaj.
Lawv tos, yog vim Das Vis thiab cov Yaj Saub tau hais tias
ib tug Vaj Pleev yuav tuaj npo lawv tawm ntawm kev ntxhov siab.
Tab sis thaum kuv Leej Tub yuav tuaj nrog lawv nyob
mas lawv yuav ua li cas paub tias yog kuv Leej Tub tuaj?
Kuv yuav xa ib tug tim khawv xub tuaj qhia lawv.
Kuv tus tim khawv yuav hu ua Zam.
Zam yuav hais rau kuv haiv neeg tias kuv Leej Tub tuaj txog.
Zam yog zoo li ib lub teeb ci hmo ntuj
thaum hnub tseem tssi tau tawm tuaj.

Zam yog ib lub zoo npe txhais tias:
TSWV NTUJ LUB SIAB TXAWJ NYIAM.
Li ntawd Zam tuaj qhia peb tias:
Nej qhib nej lub siab rau Tswv Ntuj:
Tswv Ntuj yuav ua kom nej lub siab txawj nyiam.

Hnub uas Zam yug los mas nws tsev neeg zoo siab,
nws txiv Ntxws Kas Lias tau hais ib zag hu nkauj zoo li no:

Tsoom Hias Xas Lais tus Tswv Ntuj muaj koob meej!
Nws tuaj xyuas tuaj npo nws haiv neeg.
Tswv Ntuj ua raws li nws xub cog lus
rau Has Nplas Has thiab Das Vis thiab cov Yaj saub.
Tswv Ntuj tau cog lus tias
ib tug yuav sawv lo cawm peb ntawm kev phem,
yuav sawv los coj peb mus taug kev tshiab.
Zam, kuv tus me tub, koj yuav yog Tswv Ntuj ib tug Yaj Saub loj.
Koj yuav mus tom Huab Tais Pleev hauv ntej,
Koj yuav qhia sawv daws kom npaj siab tos tus Huab tais Cawm Seej.

Peb kawm Tswv Ntuj lo lus,
peb yuav nrog Zam hais los lus no:

NEJ YUAV TIG LOS YUAV LUB SIAB TSHAIB MOG!
NEJ NTSEEG TXOG LUB MOO ZOO,
VIM TIAS HUAB TAIS TUAJ TXOG ZE LAWM.