Hais "UA TSAUG" rau Tswv Ntuj tag...Ces tuag!

**Maiv Tooj** 7th September 2011, 9:55 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Hais "UA TSAUG" rau Tswv Ntuj tag...Ces tuag!

Post Maiv Tooj 7th September 2011, 9:55 am

Hais "UA TSAUG" rau Tswv Ntuj tag...Ces tuag!

VVV.JNSR: Dire "MERCI" au Seigneur... et mourir !

Txhais daim video ua lus Hmoob:

Txiv Plig Gaston Hurtubise, qhia Ntuj Kev Cai hauv lub Tuam tsev sab laj nyob Ottawa, Canada teb, hnub tim 26/6/1992.

TP. Hais:

NWS muab tag nrho nws lub siab, cov phooj ywg! qhov nov tiag! uas yog nws lub SIAB NTSHIAB!
Yog peb muaj me me kev HLUB rau Yes Xus, ntshe peb yuav tsis ntshai qhia peb tej kev muag luav, tais caus, kev ntshai, peb tej kev yuam kev uas NWS yeej ib txwm paub rau nruab siab.
Tab sis qhov NWS xav tau, yog kev HLUB, yog qhov no uas NWS xav tau. Nws tsim peb nrog txoj kev nyiam, los ntawm txoj kev nyiam NWS thiaj thov kom peb ua neej nyob hauv txoj kev sib hlub thiab nyob saum Ntuj Ceeb Tsheej los peb yuav tau txais kev HLUB.

Tab sis KEV HLUB yog dab tsi nej puas paub???

Ceeev faj, niaj hnub no dab phem muaj zog heev, niaj hnub no dab phem ua hauj lwm heev tshaj yam nws tsis tau ua dua los li. Nws lij lias nrhia txhua txoj hauv kev los ntxias kom peb yuam kev, nws nrhiav kev ua kom peb qaug rau kev lwj kev liam, kev puas ntsoog, kev ua txhaum rau cev nqaij daim tawv. Nws nrhiav kev los ua cuav rau txoj kev ncaj ncees thiab qhov tseeb.

Txoj kev HLUB tsis yog ua kom yus zoo siab, lom zem li sawv daws hais rau peb niaj hnub no, zoo li luag sau rau ub rau no uas peb niaj hnub pom. Tsis yog li ntawd. Txoj KEV HLUB tiag yos Yes Xus, yog Leej Pleev kev raug txom nyem los daws peb lub txim txhaum. Tsis muaj ib txoj kev HLUB twg yuav loj tshaj qhov uas muab yus txoj sia mus cawm cov uas yus nyiam. Nyiam Tswv Ntuj tiag! Tab sis nyiam tej kwv tij, tej ib ncig ntawm yus...? Tus nws nyiam Tswv Ntuj tab sis nws tsis nyiam nws tej txheeb ze thiab tej neeg ib ncig ntawm nws, yog ib tug neeg dag.
Kuv xav kom nej nyiam Tswv Ntuj ib yam li NWS nyiam peb. Kuv los tib yam, kuv xav kom kuv nyiam NWS ib yam nkaus li NWS nyiam kuv thiab tseem ceeb tshaj mas kuv xav paub txog TXOJ KEV HLUB UAS NWS MUAJ RAU KUV yam kuv twb tsis muaj peev xwm yuav to taub txog.
Puag ta kuv tau hais rau nej txog NWS Niam, uas yog peb Niam thiab. Es kuv mam li qhia rau nej tias yog leej niam twg thiaj li qhia tau rau peb tias nws nyiam nws tus Tub npaum li cas.
Yes Xus nyob ntawm nov, qheb nws lub siab thiab hais rau nej tias: "Los! Los ntawm kuv!"
Kuv tsis yog ib tug Huab Tais tu siab, chim siab, tsis yog ib tug kws Lij Choj txiav txim,.

Nej yuav tseg kiag txoj me kev xav tias Yes Xus yog ib tug kws txiav txim, nej tej kev ntxhov siab, tej kev iab hiam thiab kev txom nyem yog tim Yes Xus.

NWS yog ib tug Huab Tais muaj kev HLUB, ib tug NEEG muaj kev HLUB, nws tsis nrhiav kev rau txim rau luag, tsis nrhiav tom luag, tsis nrhiav kev muab luag rau txim. YOG IB TUG CAWM SEEJ, NWS LOS CAWM, VIM NWS HLUB PEB. Nws nim xav kom lub ntiaj teb peb nyob niaj hnub no hloov, peb tib cov tsis muaj siab muaj ntsws xav. Nws nim xav kom peb paub tias yog NWS txoj kev HLUB cawm peb. NWS xav kom txhua zaus uas peb ntsia NWS tus Ntoo Cuam, kom peb hnov hais rau peb tias: "Kuv tus me nyuam, koj puas paub tias kuv hlub koj npaum li cas? thiab niaj hnub no los kuv tseem hlub koj npaum twg thiab. Yog koj paub tias kuv hlub koj npaum li cas."

Yog thaum nej tsis muaj lub txiaj ntsim uas yuav to taub txog Tswv Ntuj txoj kev hlub peb mas nej yuav tau thov Leej Tswv Yim Ntshiab los nrog nej thov Ntuj. Nco ntsoov thov Leej Txiv kom pub lub txiaj ntsim rau nej to taub txog Tswv Ntuj txoj kev HLUB loj npaum li cas thiab nws lub siab loj siab dav uas muab rau peb txhua leej sib npaug. Txawm peb muaj txhaum, peb nyob hauv txoj kev txhaum, peb ua neej txom nyem tsis phim, peb ua neeg tsis muaj peev xwm.

Txawm peb zoo li ntawd los NWS tseem hais kom peb tig ntsia peb tus qub hneev taw, rov hais ib los thov txim. Nws yuav zoo siab hlo qheb nws lub siab rau peb saib. Kom peb mus cuag tau NWS, muaj txoj hmoov zoo...nrog txoj sia nyob mus li....Ua Tsaug Tswv Ntuj...Ces nws siav tu kiag tam sim ntawd, ua nej pom nyob hauv daim video nram kawg.

Lam txhais xwb, yog tsis raug thiab tsis zoo los thov zam lub txheej.

Hais "UA TSAUG" rau Tswv Ntuj tag...Ces tuag! Media-10

Last edited by Maiv Tooj on 27th January 2021, 8:45 am; edited 2 times in total

**Npuagtub** 7th September 2011, 1:04 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°2

Re: Hais "UA TSAUG" rau Tswv Ntuj tag...Ces tuag!

Post Npuagtub 7th September 2011, 1:04 pm

Mt,

Ua tsaug os nws coj tau tej yam zoo thiab tshwj xeeb heev tuaj tso rau peb paub thiab kamw os nawv, wow.......ua cas yuav muaj tej yam tshwm sim txawv ua luaj li no es yog tiag los dag ne yom lawv.......????

Hahahaa......Kuv hnov nws hais tias KEV HLUB LOJ TSHAJ PLAWS, TSIS MUAJ IB YAM LOJ DUA KEV HLUB, KEV HLUB YOG MUAB YUS TXOJ SIA MUS PAB LUAG TEJ, TSIS YOG UA KOM YUS MUAJ KEV ZOO SIAB LI PEB NIAJ HNUB XAV, KEV HLUB XWB THIAJ CAWM TAU PEB DIM, yog li peb yuav tsum ua twb zoo los xav txog tus TP. no cov lus yog ib yam tshwj xeeb heev li..

**Maiv Tooj** 7th September 2011, 6:56 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Hais "UA TSAUG" rau Tswv Ntuj tag...Ces tuag!

Post Maiv Tooj 7th September 2011, 6:56 pm

Nyob zoo XH.Npuag Tub,

Twb yog kuv pom daim video nov, kuv nyiam nws cov ntsiab lus heev, thiab kuj txaus xav kawg nkaus uas nws hais nws los lus kawg kiag...Es nws cia li xa nws tus ntsuj plig kiag tam sim ntawd...Kuv thiaj li coj los txhais rau Peb Hmoob sawv daws paub txog Tswv Ntuj txoj kev HLUB me me xwb. Txawm Peb Hmoob ua neej qeeb neej lig, peb lub peev xwm yuav tshawb nrhiav txog Tswv Ntuj me npaum li tus me nyuam khawb lub qhov xuab zeb ntawm ntug dej, yuav mus nqa cov dej hiav txwv kom tag los ntim rau los xij peem, peb lam ua ntsaum kwv pleb ais tau li cas los xam li ntawd.

Koj hais yog kawg, tab sis kuv pom ib nqe uas yuav nyuaj tshaj rau kuv mas yog nqe hais tias:

"Nyiam Tswv Ntuj tiag! Tab sis nyiam tej kwv tij, tej ib ncig ntawm yus...? Tus nws nyiam Tswv Ntuj tab sis nws tsis nyiam nws tej txheeb ze thiab tej neeg ib ncig ntawm nws, yog ib tug neeg dag."

Nqe nov mas nyuaj heev rau kuv, vim neeg tsis xav ib yam. Koj xav tias ua zoo rau luag, koj pab luag, koj hlub luag mas muaj ib txhia neeg tsis nyiam koj, hais tias koj phem, koj tsuj, koj saib tsis taus lawv. Ces yog koj ho tsis pab, tsis quav ntsej lawv, pom lawv txom nyem quaj ntsuag los koj tsis quav ntsej no ces lawv saib koj muaj nqes thiab tsim txiaj dua. Tab sis yus tsis yog hom neeg nyiam pom luag txom nyem ces yus lub siab tsis kheev tso luag poob rau kev txom nyem...Ces yus pheej ris rwj ris aws tag li rau ib txhia...TAB SIS COV NEEG THOOB TSIB TO NROG MAS TWB POM YUS YOG TUS MUAB TAG NROG LUB DAG ZOG THIAB SIAB NTSWS LOS HLUB LUAG LAWM. Li no txoj kev yuav ua zoo SAWV DAWS SIAB mas nyuaj heev...Ces thaum kawg, kuv ua li kuv ua tau rau ntiaj teb neeg...Qaum Ntuj yog Tswv Ntuj txoj hauj lwm, Tswv Ntuj mam ntsia seb kuv tsim nyog li cas xwb...