Tej yam zoo uas tsim nyog paub

**Maiv Tooj** 11th May 2011, 8:46 pm

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°26

Re: Tej yam zoo uas tsim nyog paub

Post Maiv Tooj 11th May 2011, 8:46 pm

Hmoob Ntujqubqab,

Cov ntses npub ncaug nov, kuv hnov lawv hais xwb, kuv tseem tssu tau noj dua. Vim nyob qub teb chaws, thaum tseem nyob toj siab, muaj ces kuv yau dhau lawm, nco tssi tau. Thaum paub tab lawm ces ho tsiv los nyob chaw qes lawm.

Peb tham txog maj nos ces tham maj nos kom meej tso mam mus rau lwm yam...

Hmoob Ntujqubqab, ua tsaug rau nws qhia tias siv maj nos los da kom ib ce mos thiab zoo nkauj...Kuv yuav ntxiv me ntsis...

-Maj Nos ntxuav ntsej muag.

Ntxuav muag kom huv si, muab ib qho zib mus pleev lub plhu kom thoob plaws, muab ntiv tes zuaj lub plhu li 5 feeb, ces muab ib qho kua maj nos, cov maj nos daj thiab tshiab mas zoo dua, los pleev tuaj sab sauv , maj maj zuaj lub plhu rau. Yog maj nos ntxais no ces rov pleev ib qho zib mus rau tso mam rov tso maj nos rau ntxiv. Cia li 5 feeb tej ces muab dej yaug. Yaug tag ces pleev plhu tau lawm...Tab sis yuav pleev tshuaj tiv hnub thiab, vim maj nos ua rau yus daim tawv mos tuaj ces tsam raug tshav ho ua rau yus yiav thiab plhu dub tej teev, kho tsis tau. Pleev li nov, tsuas ua 15 hnub ib zaug xwb, txhob ua tuab heev tsis zoo rau yus daim tawv.
*Yog xav txhuam kom yus lub plhu mos, huv (gommage), ces muab zib mus, kuav txiv maj nos thiab ib qho piam thaj los sib xyaws, muab txhuam lub ntsej muag...Ces huv si tuaj lawm...Muab maj nos ntxua plhu kuj zoo thiab yuav thoob tau yus tej qhov pore uas zeb toob txuab muab txhaw tag ntawv...

-Muaj ib qho ntxiv,

muab ib lub kua maj nos xyaw ib lub qe dawb, pleev ntseg muag, cia li 30 feeb muab ntxuav. Kuj zoo kawg thiab no, qhov nov yog rau cov tawv nqaij muaj roj.

Yog cov tawv nqaij qhua mas muab ib lub nkauj qes, ib dia kas fes zib mu thiab ib dia kas fes roj txiv olive los sib tov ua ke, pleev ntsej muag li 30 feeb ces ntxuav tawm. Ob qho nram qab nov, yuav ua ib lis piam ib zaug.

Tej yam zoo uas tsim nyog paub - Page 2 Img_3410

**Maiv Tooj** 14th May 2011, 5:08 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°27

Re: Tej yam zoo uas tsim nyog paub

Post Maiv Tooj 14th May 2011, 5:08 am

KUA QAUB DAWB

Siv cov dawb xwb thiaj muaj zog thiab tsis tsuas ub no.

Tej yam zoo uas tsim nyog paub - Page 2 Orangeraie%20006

Tiv thaiv zeb toob txuab:

- Tiv thaiv lub tshuab ntxuav tais diav los lub tshuab ntxua khaub ncaws tsis txhob khub zeb toob txuab.
Koj tsis cas pees yuav cov tshuaj uas luag muag tom kiab khw los tso rau kuj tau, koj muab 1l kua qaub ntshiab (dawb) los ncuav rau hauv lub tshuab, koj ntswj lub tshuab rau qhov ntxuav, ntxhua ntev, kub dua, ces koj cia li muab tso khiav qhuav ib lwm kom xaus nkaus. Mas nws ua rau koj lub tshuab huv si cuag tshiab tuaj. Koj yuav ua li nov ib xyoo 2 zaug.

- Cov tshuab lim Kas fes, rhaub dej, koj tso ib qho kua qaub ntshiab rau, koj ntim dej kom puv nkaus, koj tso khiav mas nws kuj ua rau zeb toob txuab tawm du lug thiab.

- Lub luam khaub ncaws, qhov zoo mas koj cug dej nag teem cia kom txaus siv thawm xyoo, yog koj tsis muaj dej nag los luam khawb ncaws ces koj ntim dej kom puv thiab tso ib qho kua qaub rau, koj muab ntsia taws xob, tso rau qhov kub tshaj thiab qheb pa kom tawm ces nws yuav ntxuav koj lub luam khaub ncaws huv siv tuaj. Thaum thawj cov dej xyaw qaub tawm tag, koj rov tso ib qho dej yaug thiab rov tso khiav me ntsi kom txhob muaj kua qaub los tsuas koj cov khaub ncaws.

- Tsis ntev tsis ntev, koj yuav hle cov npog ciav dej(lub lim ntawm cov hau ciav dej) los tsau kua qaub, koj cov kais dej thiaj tsis tawg.

- Ntxua tej lauj kaub uas khub zeb toob txuab.

- Tso hauv tshuab ntxuav tais dia, ntawm qhov chaw tso tshuaj "yaug =Rinsage", tsis txhob yuav cov tshuaj yaug, tso kua qaub rau xwb los tau. Yuav ua rau nej cov khob tshiab tshiab thiab ci lam lug thiab tseem ua kom los roj zoo dua. Tsis tag li ntawd, kua qaub pheej yig tshaj cov tshuaj lawm ntau npaug.

- Ua kom koj cov khaub ncaws tsis txhav, mos thiab dawb huv si, ua kom cov tso tshiab khiv, koj tso ib qho kua qaub rau ntawm qhov chaw tso "tshuaj muag=Adoucisseur" . Nws tssi tsuas koj cov khaub ncaws, haj yam ua kom tshiab xwb.

- Thaum koj ntxuav koj lub txee txias (freezer) tag, koj muab ib qho khaub hlab tub kua qaub coj mus txhuam thoob plaws lub txee txias sab hauv, kua zaub yuav tua kab mob zoo heev.

- Cov pob hov cub dub dub, muab tsau kua qaub kuj zoo heev, yog cov pob qhov cubyog alluminium no muab tov me ntsis dej rau, mam tsau. Ces koj cov pob qhov cub yuav cuag li tshiab tuaj lawm.

- Siv ntxuav qhov tsev plob, chaw da dej, yog xav kom tsw qab, tso me ntsis kua maj nos xyaw rau.

- Kua qaub kuj ntxuab tau hlau xeb thiab. Muab tsau...

- Ua kom plaub hau ci ci, muab ib qho kua qaub xyaw dej los tso rau cov plaub haus thaum zawv tag. Cia ib pliag muab yaug kom zoo. Yuav tsw me ntsis.

- Tshuaj lom ntsauv, muab kua qaub tov ib qho dej los zawv plaub haus, cia tsau ib nyuag pliag, muab yaug kom huv. Kua qaub tua tsis tau ntshauv, tab sis ua rau cov plhaub qe ntsauv yaj, ces qe qauj tag, ntshauv tsis huam ntxiv lawm.

* Tsis xav kom me nyuam kis tau ntshauv, tsis ntev tsis ntev, muab kua qaub xyaw me ntssi dej, los zawv me nyuam plaub hau, cia tsau ib pliag li 5 feeb, muab yaug kom huv. Nws zoo heev rau cov neeg uas tsis haum tej tshuaj hauv tsev muag Tshuaj.

- Kua qaub txuam tej txee, ua kom ci plas thiab roj khub los zoo heev.
- Tsw ntuav, muab ib qho tov me ntsis dej, muab ncuav me ntsis rau ntawm qhov ntuav, cia ib pliag muab ntxuav los txhuam kom huv, mas tsis tsw kiag li lawm, zoo cuag li ua khawv koob...

- Qes tes taw, muab tov dej li 1/10, muab qhwv qhov mob.

- Muaj ntsaum los hauv tsev, muab kua qaub txhuam tsev thiab ntxuav tej twj uas ntsaum los nkag ces ntsaum tsis los lawm...

- Yog koj muaj cov pinceaux pleev kob uas qhuav thiab txhav lawm, muab hau los tsau kua qaub ces nws yuav rov tshiab khib thiab muag tuaj.

- Yog muaj miv pheej los tso zis ntawm tej, muab kua qaub ntxuab ces nws yuav tssi rov los tso zis rau ntxiv lawm. Thiab tsis tsw zis miv.

- Txhuam nyiaj, txhuam kom dawb, muab kua qaub rhaub kom npau hau hauv lauj kaub rau ib qho ntsev txhuv rau, muab cov nyiaj los tooj los tsau rau, mas yuav tshiab zoo nkauj cuaj li ua khawv koob...

- Ntxuav tej zeb toob ntawm tej dab da dej, dab ntxuav muag, muab kua qaub rhaub xyaw dej, muab ncuav rau ntawm lub dab dej, cia tsau ib pliag mam yaug, mas yuav tshiab heev tuaj.

- Kua qaub txhuam ia qhov rais, iav tsheb mas tshiab thiab ci heev. Txhob ua raug tej qhov uas yog yaj them.

- Yog muaj kua nplaum lo tej qhov chaw, tev tssi tau, muab kua qaub mus txhuam, kuj tev tau zoo dua.

- Tej yam uas me me, cev tsis tau tes rau ces nchuav kua qaub rau, muab me nyuam pob zeb los yog txhuv rau ces muab yoj mus yoj los, kuj ntxuav tau zeb toob txuab tawm thiab tshiab tuaj.
- Cov tsehb ua khub cov ntsev lawb nphoo kev thaum lub caij ntuj tsaug los daus, muab ib dia noj mov khaub tov ib khob dej, muab hlab tub mus txhuam ces tsheb tshiab khiv tuaj lawm.

- Yog qhov dej txhaw, muab ib qho kua qaub xyaw bicarbonate de soude, hliv rau hauv qhov dej ces yuav thoob thiab qhov dej tssi tsw phem lawm.

- Txhuam ntaub pua tsev tsuas, muab 3/4 dej gazeuse thiab 1/4 kua qaub sib tov, muab los txhuam qhov tsuas, txhuam sab nraud rau hauv plawv tag muab dej huv los yaug.

- Muaj tej lub khaub ncaws, ntxhua tag los pheej tsw phem, tsw tsog, ua ntej yuav ntxhua, muab tub kua qaub me me rau ntawm qhov tsos, mam ntxhua mas nws yuav tsis tsw phem lawm.

- Thaum koj yuav tau ib lub khaub ncaws tshiab, uas yog tso dub los tso tshiab heev, muab tsau hauv ib qho kua qaub xyaw dej mas yus hnav nws yuav tsis tsuas yus nqaij yog sov tawm hws thiab yuav tsis thim mus tsuas lwm hom khaub ncaws uas dawb dua ua muab ntxhua ib tshuab ua ke.

- Yog muaj kab tom los plev yus, muab ib qho kua qaub los txhuam mas yuav tsis khaus, tsis txob lawm.

- Yog tsaug zaub paj, ntshai tsam muaj kab nyob tej kis, ces hliv ib qho kua qaub rau hauv cov dej tsaug, cia tsau ib pliag kom kab poob.

Tej yam zoo uas tsim nyog paub - Page 2 TN2-39559-soleil

Tej yam zoo uas tsim nyog paub - Page 2 TN2-39559-soleil

UA CAS COV KUA QAUB NOV YUAV UA RAU KUV TSHAV NTUJ UA LUAJ LI....!

**Maiv Tooj** 16th May 2011, 6:33 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°28

Re: Tej yam zoo uas tsim nyog paub

Post Maiv Tooj 16th May 2011, 6:33 am

Yog noj txiv, muaj txab nplaum tes ces muab roj los txhuam tag mam ntxuav xab npus tom qab.

Yog cawv liab nchuav rau ntaub pua rooj dawb los ris tsho dawb, ncuav ib qho ntsev nqus thiaj ntxhua los zoo.

**Maiv Paj Lug** 16th May 2011, 8:52 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°29

Re: Tej yam zoo uas tsim nyog paub

Post Maiv Paj Lug 16th May 2011, 8:52 am

Maiv Tooj, ua tsaug koj qhia kua qaub vinaigre rau peb siv nawd, tiag yuam, ua cas tej kua qaub ntawv pheej yig ua luaj ua tau ntau yam ua luaj los yus tsis paub li, kuv yuav tau tsev tshiab nyob twj cuab muaj muaj yoov nkag los hauv tsev coob kawg nkaus, kuv mus yuav kua qaub los pleev kuv tej qhov rooj qhov rais ua rau yoov hnov tsw kua qaub yoov tsis los tsev lawm thiab tiag, kuv tseem tsis tau paub siv rau txhua yam koj qhia saud...hahahah zoo kawg kuv tseem tshuav 2 hwj kuv mam li muab mus ntxuav lwm yam laud, ua tsuag nawb Maiv Tooj cheers

**Maivxis** 3rd November 2011, 1:30 am

Maivxis

Maivxis: Phooj Ywg; Messages : 191
Date d'inscription : 2009-11-05

Post n°30

Qhia tej yam tsimnyog paub

Post Maivxis 3rd November 2011, 1:30 am

Nyob zoo os ib tsoom phooj ywg sawv daws .

Hnub no kuv lam tuaj piav me ntsis rau nej mloog os , Hias txog dej nyab es dej ua dej qias thiab phem lawm tsis tsim nyob yuav kov los puas yog ntub cov dej ntawd vim nwskuj muaj tau kab mob thiab ,

Yuav ua li cas yog raug dej qias ( xws li dej nyab ) ntub yus lawm .

Tej yam zoo uas tsim nyog paub - Page 2 Images10

Lub caij no nws muaj dej nyab ntau heev li nyob rau sab Thaib thiab plog

Cov neeg uas raug dej nyab thiab nraug dej qias ntub ( Dej tsw lwj , dej muaj roj muaj tsiaj tuag lwj , khib nyiab qias neeg nyob rau cov dej es nws ho los ntub yus .

Yog cov dej li hais los no thaum ntub nej los puas yog nej cev ris tsho lawm ,Yuav tsum Hle koj nej cev ris tsho tam sim es nej yuav tsum mus ntxuav nej tus kheej kom huv ,los puas da dej kom zoo xws li da dej sov los dej huv yuav tsum ntxuav koj lub cev kom txhua txhia qhov chaw tag nrho kom zoo zoo thiab yuav tsum ntxuav dej xws li ntxuav , yaug sawv tsug , tsis txhob da dej hauv dab dej nawb vim nws cov qias ntawd yuav tsis poob mus nws yuav rov los lo koj cev qaij daim tawv dua
yog koj paub hais tias zoo li muaj roj es nws nplaum nplaum Los puas yog ( hydrocarbon) masyuav tau ntxuav kom zoo thiab ntxuav nrog " sab bum " ( Mild Soap ) thiab yuav tsum ntxuav ntev li 10 nas this los puas kom nws tsis txhob muaj roj lawm mam tsum , Thiab yuav tsum tsis rov qab hnav koj cev khaub ncaws uas lo cov dej qia phem ntawd lawm , Yog hais tias tsis muaj lawm yuav tsum rov qab hnav xwb no ces yuav tsum muab ntxhua li 2-3 zaug kom huv huv tiag mas mam rov qab hnav es thiaj tsis muaj kab mob rov tom koj cov ntawv qaij nawb
Yog koj xav lawm hais tias zoo li cov dej qias ntawd kag koj qhov muag lawm no yuav tsum ntxuav qhov muag tam sim ntawd Nrog rau dej sov , Los puas dej huv los puas dej kua ntsev ( salt water ) maj mam tso nws ntws rau lub qho muag , Uas koj yuav tsum pw los puas khoov ua tsais koj yuav tsum ntxuav ntev li 15 - 20 nas this

Tej yam zoo uas tsim nyog paub - Page 2 24_18410

Li caslos yog koj hnov lawm hais tias koj ib ce kub lug ho koj sawv tsis taus li ces yuav tsum mus xyuas kws kho mob xwb vim koj yeej raug tau kab mob lawm nawb

Ua tsaug os , Sim ho coj mus siv saib lub caij no kuj yog lub caij uas dej nyab teb chaws nplog thiab thaib ntau heev li .

Tej yam zoo uas tsim nyog paub - Page 2 Japane10

Maivxis .

**Maiv Paj Lug** 3rd November 2011, 8:32 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°31

Re: Tej yam zoo uas tsim nyog paub

Post Maiv Paj Lug 3rd November 2011, 8:32 am

Ua tsaug os MaivXis,

Ntev lawm tsis tau ntsib koj, hnub no zoo siab kawg koj tseem tuaj qhia peb kom paub ceev faj rau thaum muaj dej qias neeg los kuav yus tej ris tsho ntub, kuv tsis paub es thaum dej nyab yus yog qias neeg heev li ntawd yus tus mob yog mob dab tsi ned? thiab qias neeg puas ua rau yus tuag taus.

**Maiv Tooj** 3rd November 2011, 9:08 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°32

Re: Tej yam zoo uas tsim nyog paub

Post Maiv Tooj 3rd November 2011, 9:08 am

Nyob zoo Maiv Xis thiab Maiv Paj Lug,

Maiv Xis,

Ua tsaug nws tuaj qhia tej yam tseem ceeb heev rau peb paub txog.
Pom cov pej xeem Thaib raug kev txom nyem mas hluab lawb kawg nkaus.
Kuv muab nws lub Topic no los txuas rau kuv lub; txawj tssi yog hais tib yam los yeej yog tej yam zoo uas tsim nyog paub.

Ua tsaug rau nws lub siab zoo mog.

**Maiv Tooj** 28th March 2012, 10:14 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°33

Re: Tej yam zoo uas tsim nyog paub

Post Maiv Tooj 28th March 2012, 10:14 am

Mov nplej ua rau neeg mob ntshav qab zib.

Ib txwm txwv nyeej puas tiam los cov neeg Es Xias yeej ib txwm noj mov nplej yug siav los txog lub zwj ceeb no. Yav thaum ub, mov nplej yog ib yam qoob uas yug neeg lub cev zoo tshaj, tsuav muaj mov noj xwb, tsis noj lwm yam khoom los yeej nyob taus. Tab sis lub zwj ceeb no mov nplej hloov tus lwj lwm me ntsis lawm. Thaum ub yog ib yam yug neeg lub cev zoo heev, vim yog xuas qhov cos tuav ntxhuv los noj xwb ces nws tev cov plhaub ntxib tawm, tseg qhov plhaub nyias nyias qhwv lub txhuv, qhov npluag nyias nyias kem lub txhuv thiab cov xua yog qhov uas muaj vitamine tshaj, lub txhuv dawb hauv plawv ces yog noj kom tsau plab xwb, tsis muaj vitamine ntau. Zaum no kev cog qoob hloov lawm, lub ntiaj teb huab cua kuj hloov thiab yog xuas tshuab luam txhuv los luam ntxhuv xwb ces tshuab muab cov ntxhuv luam plhaub thiab daim tawv ntxhuv luam du lug lawm thiaj ua rau noj cov ntxhuv dawb no ntau, yuav ua tau rau neeg mob ntshav qab zib tau.
Li ntawd, cov kws tshuaj thiaj kom txhob noj cov ntxhuv dawb no ntau, yuav tsum noj cov ntxhuv uas muaj daim xua mos nyob ib txhia thiab.

Tej yam zoo uas tsim nyog paub - Page 2 Riz_bl10

Mov dawb, noj ntau ntxiav ntshav dawb.

Tej yam zoo uas tsim nyog paub - Page 2 Le-riz10

Ntxhuv muaj xua lo, zoo heev rau lub cev.

Last edited by Maiv Tooj on 28th March 2012, 10:54 am; edited 1 time in total

**Maiv Tooj** 28th March 2012, 10:53 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°34

Re: Tej yam zoo uas tsim nyog paub

Post Maiv Tooj 28th March 2012, 10:53 am

LAUJ KAUB twj taig PEJ CHUM thiab YAJ THEM.

Pej chum (alluminium) thiab TXHUAS yog nkag mus rau neeg lub cev lawm mas nws tawm tsis tau, nws yuav tau rau hauv neeg lub cev. Yuav tau rau ntawm pob ntxha, nws ua rau cov nqaij tuag, tus neeg yuag thiab qaug zog heev, ib cov nce mus lo rau lub paj hlwb ces ua rau neeg mob alzheimer (tem toob, tsis tshua nco qab) los yog mob Parkinson (mob tes taw ntshee, ib ce caws).

Cov yaj them no los ntau qhov los xws li:

- Nyob hauv cov mis nyuj vim lawv tso tau muab ntim rau cov thoob PEJ CHUM.
- Nyob hauv tej tshuaj kho mob.
- Nyob hauv cov dej haus (Fab kis teb), vim lawv muab cov ntsev PEJ CHUM los teev kom txo tog. (yog lawv muab ntsev hlau los teev mas yuav tsis muaj teeb meem rau neeg lub cev, tab sis ntse hlau kim dua ntsev pej chum ces thiaj li teev ntse pej chum.
- Nyob hauv cov poom dej qab zib, vim lub hwj yog yaj them.
- Los ntawm tej twj taig, dia noj mov.
- Ib feem ntau yog los ntawm cov yias thiab lauj kaub pej chum, lauj kaub yaj them.

Tej yam zoo uas tsim nyog paub - Page 2 28_cas10

Tej yam zoo uas tsim nyog paub - Page 2 Casser10

Lauj kaub txhuas (pej chum) tsis zoo siv.

Tej yam zoo uas tsim nyog paub - Page 2 16041010

Tej yam zoo uas tsim nyog paub - Page 2 Casser11

Lauj kaub hlaus (txhais yias=fonte) zoo siv.

Tej yam zoo uas tsim nyog paub - Page 2 I_110810

Lauj kaub hlau dawb (Inoxe) zoo siv.

**Maiv Tooj** 25th July 2012, 9:53 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°35

Re: Tej yam zoo uas tsim nyog paub

Post Maiv Tooj 25th July 2012, 9:53 am

NTAU SAB LIM.

Yog thaum ua hauj lwm sab sab los yog lim heev mas haus ib qho cawv liab, cawv txiv cawv liab ntau sab lim mas zoo heev.

Tej yam zoo uas tsim nyog paub - Page 2 Fresco11

Tej yam zoo uas tsim nyog paub - Page 2 Boutei10

Tej yam zoo uas tsim nyog paub - Page 2 Art-de10

Yog tsis paub tias cov cawv twg yog cov qab ces xaiv cov hwj cawv uas lub qab saus xwb ces yog cov qab lawm.

**Maiv Tooj** 22nd September 2012, 8:05 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°36

Re: Tej yam zoo uas tsim nyog paub

Post Maiv Tooj 22nd September 2012, 8:05 am

TUA TSW NTXHIAB

Thaum yus tawm hws tsw ntxhiab, tsw tsog, ua pa tsw phem tej mas yuav tau haus kob swm tshuaj (tshuaj yej), los lwm yam tshuaj rau dej rhaub haus. Haus dej kub los yog rhaub kub npau cia kom txia zog ces haus; nws yuav ua kom roj ntsha khiav zoo ces tej hws los qaub ncaug tsis nyeem thiaj tsis tsw ntxhiab. Txhob xav tias tshav kub kub los sov sov ces haus dej txias; yog haus dej txias ces ua rau tej roj ntsha khiav tsis zoo, ua rau hws tsis tawm ces haj yam pos thiaj li tsw phem.

**Maiv Tooj** 22nd September 2012, 8:11 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°37

Re: Tej yam zoo uas tsim nyog paub

Post Maiv Tooj 22nd September 2012, 8:11 am

UA PA TSW NTXHIAB.

Yog ua pa tsw phem, noj txheej txhaim nyoos yuav ua rau koj cov hniav huv thiab ua pa tsis tsw ntxhiab.

Tej yam zoo uas tsim nyog paub - Page 2 Celeri10

**Maiv Tooj** 22nd September 2012, 8:17 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°38

Re: Tej yam zoo uas tsim nyog paub

Post Maiv Tooj 22nd September 2012, 8:17 am

UA PA TSW NTXHIAB.

Tej yam zoo uas tsim nyog paub - Page 2 Orange10

Yog ua pa tsw ntxhiab, nquag txhuam hniav, sab hauv sab nraud tib si, kaus tus nplaig thiab noj txiv qaub.

Haus kua txiv kab ntxwv thaum sawv ntxov, noj txiv kab ntxwv thiab haus kua txiv qaub. Cov Vitamine C nyob hauv cov txiv qaub yuav pab tshem tej tsis huv hauv yus lub cev.

**Maiv Tooj** 7th May 2013, 8:09 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°39

Re: Tej yam zoo uas tsim nyog paub

Post Maiv Tooj 7th May 2013, 8:09 am

Txiv qaub maj nos (citron).

Tej yam zoo uas tsim nyog paub - Page 2 Manucu10

Rau tes dub, muab ib sab citron los txhuam, tsau ib pliag ntxuav ces tes dawb dawb tuaj lawm. Cov quav hnav uas yog cov laus dub, xuas citron pleev ib ntus ces ploj lawm. Yog cov rau tes nkig nkig lov, muab ib qho roj txiv ntoo (l'huil d'olive) rhaub sov (tes kov tau) ntxiv ib sab kua citron rau, muab cov ntiv tes tsau txog thaum txias; ua li nov ob peb zaug ces rau tes tsis lov lawm.

Tej yam zoo uas tsim nyog paub - Page 2 Arton810

roj txiv ntoo (l'huil d'olive)

**Maiv Tooj** 26th October 2014, 8:15 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°40

Re: Tej yam zoo uas tsim nyog paub

Post Maiv Tooj 26th October 2014, 8:15 pm

Ua kom khawb ncaws dawb mus li.

Khaub ncaws dawb hnav ntev tsis dawb lawm:

1- Xaiv cov khaub ncaws dawb rau ib qho, txhob xyaw cov yuav tsuas.
2- Muab ib qho mis nyuj los tsau cov khaub ncaws dawb kom ntxaum, cia tsau li 1h, muab si kua thiab muab tso rau hauv tshuab (los yog muab ntxhua tes).
3- Muab ib qho poov xab su (levure chimique) los xyaw cov xab npus, poov su ua kom khawb ncaws dawb.
3- Muab ib lub txiv maj nos hlais 4 nplai tso rau lub hnab tsog, muab tso xyaw cov khawb ncaws hauv tshuab, kom nws maj mam yaj thaum zawv cov khaub ncaws (txiv zaub ua kom zeb toob txuiab yaj).

Ces nej cov khaub ncaws dawb ua laj lis ntawd yuav rov dawb tuaj lawm.