Cov Hmoob xub paub Yes Xus.

Maiv Tooj wrote:

Thawj cov Hmoob xub paub Yes Xus lub Moo Zoo yog cov Hmoob nyob Suav Tuam Tshoj. Thawj tug Txiv Plig tau mus nrog Hmoob nyob yog Txiv Plig Paul Vial 1855-1917. Nws tau mus nrog Hmoob nyob rau sab Yunan.

Tom qab nws, muaj Txiv Plig François-Marie Savina 1876-1941, uas yog thawj tug tsim cov Ntawv Hmoob Latine, ua ntej Txiv Plig Nyiaj Pov. Txiv Plig Savina tau nrog Hmoob nyob sab Yunan, Cob Tsib Qaum teb, nrog Paj cai Vwj, lawv nyob ua ke thaum Paj Cai Sawv Saub. Nws yog thawj thawj tug neeg Tawv Dawb uas txawj hais lus hmoob. Nws kuj tau nyob Los Tsuas teb thiab.

maivtooj.
koj mas thiaj txawj mus tshawb nrhiav tau hmoob li keeb kwm kev ntseeg tiag lauj yom.hmoob twb muaj cov xub paub tswv yes xus puag xyoo 1855 los lawm thiab twb xub muaj tus tsim ntawv hmoob las tees puag ntxov los lawm ua cas hmoob thiab cov txiv plig ho tsis nthuav txoj kev ntseeg pem suav teb los rau nplog teb xwb es hmoob haj tseem tu ncua kev ntseeg ntuj los txog xyoo 1950 txiv plig nyiaj pov lawv mam li rov tuaj qhia kev ntseeg ntuj thiab tsim dua ntawv hmoob las tees rau hmoob siv nyob rau roob nyuj qus dua thiab ne yom.
yog nyob rau xeev yunan twb muaj txiv plig nrog hmoob nyob puag xyoo 1855 los lawm no tam sim no lawv ho puas muaj cov hmoob ntseeg ntuj coob npaum li cas thiab xib hwb yias yaj uas yog cov xib hwb hmoob catholic thaum ub nyob moos loob twb xam phaj mus rau suav teb lawm nej puas muaj leej twg paub tias xib hwb yias lawv pab no ho nyob rau qhov twg lawm ne yom.

Nyob zoo Xeebzeejkim,

Nws lub npe zoo heev, sau txog nws lub npe mas zoo siab tias nws paub lus Hmoob tob heev thiaj tis tau lub npe muaj txuj, tsim nuj.

Cov Txiv Plig yeej xub mus txog rau Yunan thiab Lauj Kais ntawd ua ntej 1900 lawm, tab sis yog muaj teeb mem kev Tswj Hwm tsov rog ces thiaj li tu ncua tau ib ntus xwb. Cov kwv tij Hmoob ua Ntuj Kev Cai nyob pem Tuam Tshoj, lawv kuj tseem teev Ntuj txog niaj hnub no. Tab sis muaj ib ntus mas kuj yog nyuaj heev, lawv teev hauv tej qhov taub, thaum tsaus ntuj xwb...Thawj tug mus pem Suav teb yog Txiv Plig Paul Vial, tus ob yog Txiv Plig Savina. TP.Savina nws mus nrog cov Hmoob nyob Suav teb nyob thiab nws nrog cov Hmoob Cob Tsib nyob Lauj Kais thiab cov Hmoob Nplog nyob Xeev Kham thiab.

Nws yog thawj thawj tus neeg pej kum Tawv Dawb uas txawj hais lus Hmoob. Nws yog tus xub mus xyuas Paj Cai Vwj lawv thaum lawv pib Sawv Vaj, tawm tsam Fab Kis. Nws yog tus cev lus rau Fab Kis kom Fab Kis yuav tsum faib liaj ia, nom tswv rau Hmoob tuav, Hmoob tug, Hmoob thiaj li yuav tsis tawm tsam. Vim Hmoob tssi muaj teeg tug, tsis muaj nom tswv zwm, luag caij tsuj Hmoob, Hmoob thiaj pheej Sawv Saub, Sawv Vaj tawm tsam ntau zaud, txij puag pem Suav teb los mus. TP.Savina yog thawj tug uas xub tsim cov Ntawv Hmoob Latin, thiab ua tau ib Phau Ntawv txhais lus Hmoob-Fab Kis.
Thaum TP.Nyiaj Pov xub tuaj rau Los Tsuas teb, nws siv TP.Savina cov ntawv los kawm lus Hmoob thiab ua hauv paus tsim cov Ntawv Hmoob Latin tshiab. Lawv tssi kam yuav TP.Savina cov Ntawv, vim yog cov cim nyob rau sab saud ces yuav nyuaj rau kev siv tshuab ntau ntawv. Li ntawd lawv thiaj li nrhiav ib qho tshiab kom siv yooj yim, thiaj li muab tus Cim rau tom qab thiab yog ib tug Ntawv. Cov Protestant lawv tsim tau ib cov, lawv muab tus Cim yog ib tug ZAUV rau tom qab, ces pom tau tias koj sau ntawv, koj sau ib tug zauv rau tom qab tas mus li ces tssis zoo nkauj thiab tsis nkag kev cai sau ntawv, lawv thiaj li yuav li TP. Nyiaj Pov lub tswv yim...Ces peb thiaj siv cov Ntawv Thoob Teb nov los txog niaj hnub no.

Hais txog cov thaum nyob Vib Nais ais Suav txais mus nyob pem Suav ntawd lawv puav leej rov qab los rau Nplog teb tag nrho lawm. VIm Suav tssi zoo li lwm qhov, lwm lub teb chaws, Suav tssi yog yuav txais mus tag mus li, Suav tsuas yog txais mus nyob ib ntus kom Nplog teb tiaj tus ces mam rov qab los xwb. Li ntawd lawv thiaj rov qab los tag lawm. Yaj Yias nws nyob rau Luang Nam Tha, nws kuj tau lub neej zoo ua lawm, nws muaj ntau lub tsheb, nws khiav tsheb thaum neeg thiab nws qhia ntawv Aas Kiv.