THOV NTUJ THAUM KOJ YUAV MUS PW.

**Npuagtub** 4th September 2009, 2:16 am

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°1

THOV NTUJ THAUM KOJ YUAV MUS PW.

Post Npuagtub 4th September 2009, 2:16 am

Thaum koj yuav mus pw, koj yuav teev ntuj li 5 feeb mus txog 10 feeb tso koj mam li qhau cev pw.

1. Koj txhos caug ntawm koj lub npoo txaj, los sis koj tig xub ntiag rau ntawm phab uas koj muaj daim duab HT. Yes Xus los yog niam Mab Liab daim duab.

2. Koj ua ntoo cuam lub cim: (HU TXOG LEEJ TXIV, LEEJ TUB THIAB LEEJ NTUJ PLIG LUB NPE, Ua li).

3. UA TSWV NTUJ TSAUG:

Huab Tais Tswv Ntuj, kuv ua koj tsaug txog ntawm koj txoj kev hlub, koj tau tsom kwm thiab pov hwm kuv thiab kuv tsev neeg ib hnub dhau los lawm. Kuv tau txais koj tej txiaj ntsim ntau kawg lawm, kuv thov ua koj tsaug.

4. THOV KOM TSWV NTUJ TXUAG YUS:

Kuv tus Huab Tais Tswv Ntuj, lub sij hawm no kuv yuav mus pw tsaug zog mas kuv thov muab kuv thov muab kuv tus ntsuj plig cob rau koj ua tus tsom kwm thiab pov hwm ib hmos rov txog kaj ntug tag kis.
Thov koj rhuav tshem cov yeeb ncuab, dab phem kev haub ntxias, dab ntub npau suav phem huv tib si kom txav deb ntawm kuv. Thov koj pub kom kuv tau pw tsaug zog zoo hmo no mus txog kaj ntug, kuv thov ua kojthov ua koj tsaug, Ua li.

5. HU 2 ZAJ NKAUJ NRAM NO:

1. Peb txiv nyob saum ntuj. Koj muaj koob meej nto moo lug mus li. koj hwj huam los txog. Peb xav mloog koj lus nyob ntiaj teb no zoo li nyob saum ntuj. Hnub no koj muab mov txaus pub peb noj. Koj zam rau peb zoo li peb zam rau luag. Thaum dab phem tuaj ntxias peb siab, koj txhob tso peb tseg. Ua kom peb dim ntawm tus phem. Ua li.

2. Koj nyob zoo Mab Liab, txiaj ntsim puv koj lub siab. Huab Tais Ntuj nrog koj nyob. koj tau koob tau hmoov tshaj sawv daws poj niam tib si, thiab koj plab lub txiv , Yes Xus tau koob tau hmoov.
Mab Liab, Huab Tais Ntuj tus niam, nyiam no thiab thaum txog peb lub caij txom nyem, koj thov pab peb cov neeg txhaum. Ua li.

6. ROV UA NTOO CUAM LUB CIM:

(Hu txog Leej Txiv, Leej Tub thiab leej Ntuj Plig, lub npe. Ua li).

Ua tas li no ces yus mam li mus pw tsaug zog.