Dear God....

Seinphy wrote:

Dear God..........
Ua tsaug rau koj txoj kev hlub, koj pub nag hmo rau kuv nyob dhau, koj tseem pub hnub no rau kuv tau nyob txog thiab. Kuv ua koj tsaug tsis paub tag tsis paub kawg. Txawm nag hmo, hnub no kuv tau ua txhaum, hais lus tsis haum koj siab los thov koj zam lub txim pub kuv thiab kuv Leej Txiv. Amen.

Kuv yuav tuaj koom nrog koj thov vaj tswv ua ke seb...

Faj Tim Txiv Huab Tais Ntuj
tus VAJTSWV uas muaj txoj kev hlub nplua mias
thiab tus uas muaj lub HWJ CHIM loj dua ntais
VAJTSWV tus uas muaj txoj sia nyob puag thaum ntuj tsim teb raug los txog nyiam no thiab tseem yuav nyob mus ib txhis yav tom ntej. VAJTSWV tus uas niaj hnub tswj lub ntuj tsis pub pob tuav lub teb tsis pub npau. Thov kom VAJTSWV koj tau koob meej mus tag ib txhis, thiab thov kom txhua tus hwm koj lub npe, ua koj tsaug uas koj tseem niaj hnub ua tshav ua nag ua huab ua cua los yug peb tib neeg txoj siav txoj zog thiab cev nqaij daim tawv thiab pub peb khwv tau noj tau haus.

VAJTSWV, mi yaus tuav cawm seej tswv yesxus tus neeg dawb huv uas tau los tuag saum tus ntoo khaub lig lub npe tsim txiaj kawg nkaus thov koj, hnub no thov koj los kav mi yaus lub siab. VAJTSWV, mi yaus yog neeg txhaum vim mi yaus tseem nyob rau lub ntiaj teb uas puv npho txoj kev txog kev txhaum thiab yeej ib txwm txhaum puag thaum nkauj iab nraug oo los txog nyiam no.

VAJTSWV mi yaus yog noob neej xwb tsis muaj peev xwm yuav uv tau thiab tiv dhau txoj kev nyuaj siab kev txhaum uas muaj nyob rau ntiaj teb no, tiam sis VAJTSWV koj yog leej txiv uas muaj txoj kev hlub thiab kev zam txim...Yog li thov koj zam txim pub rau mi yaus tej kev txhaum uas tau ua dhau los, tej kev txhaum uas mi yaus tab tom ua thiab txhua yam txhaum uas mi yaus tseem yuav ua yav tom ntej huv tib si.

VAJTSWV yam uas mi yaus thov tsis txog los koj yog tus uas tsim noob neej lub siab lub ntsws koj yeej paub lawm yog li ntawv thov koj muab yam uas tsim nyog mi yaus tau ntawv pub rau mi yaus thiab. Mi yaus thov koj los ntawm tus cawm seej tswv yexus lub npe...Amen

Maiv Tooj wrote:

Nyob zoo Seinphy, XH.Npuag Tub thiab Tubteej,

Tswv Ntuj txoj kev khuv leej zoo, ua rau txhua leej tuaj tham tsis txawj thoob
Tswv Ntuj txoj kev hlub loj, ua rau peb tham tsis txawj txog

Ib hnub peb hais ib zaj, tag peb sim peb hais txog nrab
Ib hnub peb nthuav ib los, tag ib sim tsuas nthuav txog tog



Tubteej,

Ua tsaug rau nws zaj thov Ntuj, yeej yog li nws hais, xav tau qhov zoo tab sis ua tsis tau zoo li Tswv Ntuj ntshaw, ces thov Tswv Ntuj zam rau yus ib txhia es yus mam li peem ib txhia...Seb yus puas tau Tswv Ntuj lub Ceeb Tsheej. Peb nyob ntiaj teb yog ib vuag dua, yog peb tau txiaj ntsim mus pem Ntuj, peb yuav nyob tsis txawj tuag...Peb nyob ntiaj teb, peb nyob ib pliag dhau, yog peb muaj fwv tsam tau mus pem Ntuj, peb yuav nyob tsis txawj laus...Sawv daws zoo nkauj zoo nraug ib txhiab ib txhid , lom zem kaj siab, thaj yeeb nyab xeeb xwb ntshe yuav zoo heev...

Nyob zoo niam laus Koojziag, yeej yog li koj hais saud lawm. peb txawm yuav kawm npaum li tas los xyov puas txawj tas li koj hais li. zoo siab ntsib koj niam laus.

Yexus txoj lus, yog koj kawm tau thiab khaws mus coj
Nws yuav ciaj sia zees, nrog koj mus tsis paub ploj
Yexus txoj koob hmoov, yog koj tau lawm
Nws yuav kav koj mus ib txhiab ib txhis tsis tawm.

Peb ua neej nyob peb muaj kev xaiv seb txoj twg peb yuav taug.