THOV KEV KOOM TES

**Maiv Tooj** 9th February 2011, 9:36 pm

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

THOV KEV KOOM TES

Post Maiv Tooj 9th February 2011, 9:36 pm

THOV KEV KOOM TES

Sam Hwm rau ib tsoom niam txiv kwv tij neeg tsa
Uas muaj lub siab dawb tuaj txhawb nqa
Kuv pom nej muaj coob tuaj sau npe
Tab sis kuv tsis pom nej nqes tes
Hnub no kuv muaj ib los lus thov
Nej lub zog tuaj pab txhawb, txhim, kho
Peb lub zos Hmoob Catholic
Kom muaj chaw ruaj siab zoo ncig
Kom peb sib koom tseb keb thaj yeeb
Rau ntiaj teb neeg lub zoo laj xeeb
Kom peb sib koom nthuav Tswv Ntuj txoj kev HLUB
Rau ntiaj teb neeg tau chaw nkaum tshav ntuj

Kuv pom peb muaj coob tuaj sau npe
Kuv thov nej txhua leej txhob ua siab deb
Txhob xav tias yus tsis txawj
Ib leeg yeej muaj lawm ib yam yuav kawm
Ib tug yeej muaj lawm ib yam zoo
Peb txhob muab rau ncoo
Coj tuaj nthuav ua koob ua hmoov
Tus muab ib teg yuav tau ib nphoo
Coj tuaj qhia ua dej siab dej ntsws
Tus qee ib qho Tswv Ntuj yuav foom koob hmoov rau NWS

Hnub no kuv thov hu txog nej ib los
Tuaj pab txhawb nqa peb lub Vas Sab mog!
Vim lub caij no muaj ntau leej khuam num
Ua rau peb lub Tsev nphob tsis muaj neeg tu
Vim lub caij no coob leej ntxhov siab
Ua rau peb lub Tsev muaj neeg ntoj tsis muaj neeg tiam...

Thov nej kev siab dawb...Nawb cov me nploj yaig kwv luag...!
Hais ib los xwb twb yog lub npe
Hais ib nqes twb yog ib sob
Hais ib qho twb yog ib phab
Hais ib zag twb cawm tau lub siab zoo
Haiv Hmoob yuav nto moo yog los ntawm koj thiab kuv peb sawv daws nawb mog me kwv tij phooj ywg....

**Maiv Tooj** 13th July 2011, 8:21 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: THOV KEV KOOM TES

Post Maiv Tooj 13th July 2011, 8:21 pm

Thov nquag hu txog tsoom ntseeg txhua leej,
Cov ua neej nyob muaj meej
Thov hu txog cov tuaj tshiab txhua tiam,
Cov neeg muaj txoj kev nyiam

Hnub no kuv yuav vam txog nej txhua tus
Tuaj pab txhawb nqa Tswv Ntuj tes dej num
Rau Peb Haiv Hmoob paub meej
Kom Peb txawj xyaum ua cov neeg ntseeg tseeb
Kom Peb txawj ua neej hauv txoj kev sib hlub
Nyob hauv Tswv Ntuj Leej Tub lo lus QHUB

Yog peb lim xeeb,
Peb lub neej yuav nyab xeeb, thaj yeeb
Tsis muaj chim,
Tsis muaj sib tsim...
Yog peb txawj sib nyiam sib hlub sib zam
Peb yuav nyob tau kaj siab luag nyav, tssi muaj lub nra nyhav...

Kuv thov kev koom tes ntawm nej txhua leej uas tuaj txog peb lub Tsev Ntseeg...Thov nej nqa nej tej kwv huam los yog tej yam uas nej muaj nyob rawv hauv nej lub siab tuaj tso rau peb txhua leej tau nyeem txhawb zog thaum peb poob rau kev txom nyem los tos kev vam khom...Thov ua tsaug.