Tsawg Ib Tug Neeg Zoo-2 Gen. Vang Pao ( Mloog txoj nkauj no kua muag los ) :'(

Maiv Tooj wrote:
Maiv Paj Lug,

Hais los twg los yog, hais zaj twg los tu siab os mog...Peb yuav tau ua siab loj, Yawg Hlob Vaj pov thiaj zoo siab nawb mog.
Yog peb qaug zog ntshe nws yuav tsis kaj siab tso lub ntiaj teb no tseg nawb mog. Yam li daim teb, nws coj peb kev mus saib, mus luaj tau, hlawv thiab them tag. Cog nplej loj hlob siav, nws sau tau tag nrho cia txhab, mam tso peb tseg. Yog peb tssi tib zoo khaws nws tej nplej ntshe nws yuav tu siab heev...

Maiv, daim video no nag hmo kuv twb tso tau nram kuv kem lawm, tab sis ntshe nws tsis nco qab pom ces nws ho nqa los tso nov thiab los tsis ua cas.

Maiv Tooj, kuv pom nyob nram koj kem kawg mas, tab sis kuv muab zaj nkauj no los tso rau hauv chaw Mloog nkauj xwb os, thaum twg tuaj txog hauv no xav mloog thiaj tsis laj tshawb .

Koj hais yog lawm os, peb txhua tus tsis txhob qaug zog , tsam Txiv Nais Phoo ho tsis kaj siab, cia peb mloog nws tej lus qhuab qhia coj peb ua neej, ntshe zaum no Hmoob yuav tau sib zog rub Hmoob lub siab tiag kom ntev tau 2 npaum ntxiv seb Hmoob puas yuav muaj tus siab loj thiab siab zoo li Nais Phoo Vang Pao lawm. Kuv yeej yuav ua kom tau ib siab so kua muag, vim hais tias txawm yus zog ntaug tag los yus txoj sia tsis tu ces yuav tsum tau tauj lub neej kom ntev li ntev tau, seb puas muaj hnub kuv kawm tau los ua ib tug qauv zoo thiab

Maiv paj Lug,

Lub neej ces yus hla dhau ib ntus kev nkhaus los tseem tshua ib ntus kev lem, dhau kev lem xav tias yuav tau zoo me ntsis los yeej tshua pob tsag dej thiab...Yuav ntsib thiab ntsib txog thaum yus zov nthaug ces yus zoo siab txais tej kev nyuaj kev txom nyem ntawd lawm ces thaum ntawd yus thiaj mam yog ib tug qauv zoo...Rau tus xav yuav yus ua tus qauv zoo. Tus tsis pom li yus los luag tseem yuav hlawv yus lub siab ntxiv thiab...Maiv, txoj kev yuav ua ib tug qauv zoo mas yooj yim heev thiab nyuaj heev...Ib yam li Yawg Hloob Vaj Pov, nws muab nws ib sim neej los ua tau ib tug qauv zoo, nws coj tau Hmoob hla ib txhiab xyoo. Txhiab pua vam leej neeg ua neej txhiab pua tiam twb piv tsis tau Yawg Hlob Vaj pov ib tiam...Qhov nov yog yooj yim rau tus tswv Ntuj muab txiaj ntsim rau nws los coj nws haiv neeg...Tus uas nyuaj rau nws, nws tsis muaj lub yeej koob yeej huam los pov, nws txawm yug los ib txhiab ib vam zaus los twb tsis hnov nrov...Peb muaj hmoo heev uas peb taug pom Hmoob tus Niam Txiv Vaj Hmoob uas Hmoob cov Yaj saub tau hais tau ntau tiam ua ntu zus los mus...