Kwv txhiaj txais xyoo tshiab

**Maiv Paj Lug** 22nd November 2010, 5:21 pm

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Kwv txhiaj txais xyoo tshiab

Post Maiv Paj Lug 22nd November 2010, 5:21 pm

Kuv tsis yog kws txawj hais kwv txhiaj, tiam sis kuv nyiam kawm kwv txhiaj thiab nyiam sau kwv txhiaj, kuv hu tau tsis zoo raws siab xav los sawv daws zam lub txim pub.

Cas xyoo laus nim tas lawm tuaj lawm sib nrho...ces xyoo tshiab nim twb yuav tawm li plaws tuaj txog hnub no...om

Cas xyoo laus niam tas lawm tuaj lawm sib tiag...ces xyoo tshiab nim twb yuav tawm li plaws tuaj txog hnub no kiag...om

Cas xyoo tshiab ces nim twb yuav tawm li plaws tuaj txog hnub no,ces peb ib tsoom ntseeg kwv tij Hmoob mus lawm neej tsa es thiaj li yuav tau los muab tag lub mi paj tsiab mus lawm tuaj lawm peb caug los noj quas xyoo laus es peb yuav tau los noj tas mi mov nplej tshiab ntxuag nqaij qaib mus lawm nqaij npuas...los cia peb nco tib lawm ntsuj ntsoov tias peb twb tau txais txoj mi kev noj qab mus lawm tuaj lawm nyob zoo los dhau xyoo los nim twb yog muaj tas lawm HUAB TAIS NTUJ los ua tus hlub mus lawm tuaj tus saib xyuas...om

Cas xyoo tshiab ces nim twb yuav tawm li plaws tuaj txog hnub no kiag,ces peb ib tsoom ntseeg kwv tij Hmoob mus lawm neej tsa es thiaj li yuav tau los muab tag lub mi paj tsiab mus lawm tuaj lawm peb caug los noj quas xyoo laus es peb yuav tau los noj tas mi mov nplej tshiab ntxuag nqaij qaib mus lawm nqaij nyuj...los cia peb nco tib lawm ntsuj ntsoov tias peb twb tau txais txoj mi kev noj qab mus lawm tuaj lawm nyob zoo los dhau xyoo los nim twb yog muaj tas lawm HUAB TAIS NTUJ los ua tus saib xyuas lawm tuaj ua tus hlub no...om

Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb tsis txhob yuav mus qaug rau txoj mi kev khwv noj mus lawm tuaj lawm khwv haus tas niaj mus lawm tuaj rov tag xyoo...uas cia peb nco tib lawm ntsuj ntsoov txog HUAB TAIS NTUJ teg dej num mus lawm tuaj lawm tej num es thiaj yuav mus zoo...om

Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb tsis txhob yuav mus qaug rau txoj mi kev mus pw ua dab ntub mus lawm qaj qaug...uas cia peb nco tib lawm ntsuj ntsoov txog HUAB TAIS NTUJ teg dej num mus lawm tuaj lawm tej num es thiaj yuav mus zoo rau txhua leej mus lawm tuaj lawm txhua tus tau hnov txog...om

Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb muab ib puas lawm yam tsav fij rau HUAB TAIS NTUJ thiaj li yuav zoo es peb ib tsoom kwv tij Hmoob mus lawm neej tsa ces thiaj yuav tau txaus HUAB TAS NTUJ txoj koob mus lawm txoj hmoo zoo rov txog lwm xyoo...om

Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb muab ib puas lawm yam tsav fij rau HUAB TAIS NTUJ thiaj li yuav ruaj... es peb ib tsoom kwv tij Hmoob mus lawm neej tsa ces thiaj yuav tau txaus HUAB TAS NTUJ txoj koob mus lawm txoj hmoo zoo rov txog lwm xyoo rov tawm tuaj...ces nim twb yuav zoo lam xeeb...om

**Maiv Tooj** 22nd November 2010, 8:23 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Kwv txhiaj txais xyoo tshiab

Post Maiv Tooj 22nd November 2010, 8:23 pm

Nyob zoo Maiv Paj Lug,

Wooooooooooooooooooowwwwwwwwwwwwwwwwwwww....!
Nws tssi txawj hais kwv txhiaj tab sis nws hais nrog suab paj nruag thiab mas zoo kawg nkaus...! Uab! Ua cas es nws tseem tssi hais kiag rau lub Tsiab Peb Caug kiag thiab lauj...! Tam tseeb khuv xim heev...! Hahhaah...!

Zoo kawg os Maiv, nyias ua muaj nyias kws, nws yog ib tug kws tshiab, ua tau zoo heev. Nws qheb txoj hauv kev tshiab rau coob leej yuav ua kom Peb Hmoob vam meej.

**Maiv Paj Lug** 23rd November 2010, 2:59 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°3

Re: Kwv txhiaj txais xyoo tshiab

Post Maiv Paj Lug 23rd November 2010, 2:59 am

Maiv Tooj wrote:

Nyob zoo Maiv Paj Lug,

Wooooooooooooooooooowwwwwwwwwwwwwwwwwwww....!
Nws tssi txawj hais kwv txhiaj tab sis nws hais nrog suab paj nruag thiab mas zoo kawg nkaus...! Uab! Ua cas es nws tseem tssi hais kiag rau lub Tsiab Peb Caug kiag thiab lauj...! Tam tseeb khuv xim heev...! Hahhaah...!

Zoo kawg os Maiv, nyias ua muaj nyias kws, nws yog ib tug kws tshiab, ua tau zoo heev. Nws qheb txoj hauv kev tshiab rau coob leej yuav ua kom Peb Hmoob vam meej.

Hahahaha......Koj ceeb lawm puas yog Maiv Tooj <img src=

" longdesc="84" />

Kuv twb tias hom neeg tsis paub hu kwv txhiaj li kuv ntawm no yuav ua rau nej ceeb no ne, tab sis kuv yog hom new génération yuav khaws peb txuj ci Hmoob Kwv Txhiaj tseg, yog li no kuv thiaj sib zog kawm seb puas khaws tau cia tsam tej laus dua toj tas lawm, peb xav hnov kwv txhiaj los yuav tsis muaj ib tug khaws tau cov laus txuj ci tseg lawm.

Kuv tseem xyaum xwb, txheej nim no ces tsis paub ntsuas suab kwv txhiaj lawm es hu plhaw tom ntej plhaw tom qab lawm xwb, los tsuav sib dhos mus lawm ces kawg yuav li no xwb lau.

Kuv twb kawm tau yuav npaj mus hu zaj kwv txhiaj no rau Hmoob Paris lub tsiab peb caug no tab sis lawv muaj programe ntau tsav ntau yam thiab zoo li lawv muaj cov nav kis las kws hu kwv txhiaj coob thiab ntau lawm ces kuv thiaj tsis proposer kuv zaj kwv txhiaj no pem lawv lub tsiab peb caug.

Nyob nyob yog kuv tau tuaj koom Hmoob Lyon ib lub tsiab peb caug no koj mam tseg place spéciale rau kuv hu ib zaj kwv txhiaj nrog suab paj nruag nawb. :)D

**Mim** 23rd November 2010, 4:46 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°4

Re: Kwv txhiaj txais xyoo tshiab

Post Mim 23rd November 2010, 4:46 pm

Maiv Paj Lug,

Koj xyaum tau hais kwv txhiaj zoo kawg mas... Txheej tshiab no tsis txawj "hais" kwv txhiaj lawm,lawv txawj "hu" kwv txhiaj lawm xwb puas yog?...

Kuv yog ib tug neeg nyiam nyiam mloog kwv txhiaj kawg li tiag...Kuv muaj ib zaj npau suav...Kuv xav hais tias kheev lam kuv txawj kwv txhiaj no kuv yuav hais ib cov kwv txhiaj qhia txog Tswv Ntuj, qhia txog Ntuj Ceeb Tsheej, qhia txog txoj kev ntseeg Tswv ntuj no...Peb Hmoob cov laus mas noj ib lub peb caug mas tsuas pom mus ntsauv cov neeg txawj hais kwv txhiaj xwb...Yog leej twg txawj haikwv txhiaj kev ntseeg no ntshai yuav muaj neeg coob tus kawm tau no...

**Maiv Paj Lug** 24th November 2010, 3:48 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°5

Re: Kwv txhiaj txais xyoo tshiab

Post Maiv Paj Lug 24th November 2010, 3:48 am

Mim wrote:Maiv Paj Lug,

Koj xyaum tau hais kwv txhiaj zoo kawg mas... Txheej tshiab no tsis txawj "hais" kwv txhiaj lawm,lawv txawj "hu" kwv txhiaj lawm xwb puas yog?...

Kuv yog ib tug neeg nyiam nyiam mloog kwv txhiaj kawg li tiag...Kuv muaj ib zaj npau suav...Kuv xav hais tias kheev lam kuv txawj kwv txhiaj no kuv yuav hais ib cov kwv txhiaj qhia txog Tswv Ntuj, qhia txog Ntuj Ceeb Tsheej, qhia txog txoj kev ntseeg Tswv ntuj no...Peb Hmoob cov laus mas noj ib lub peb caug mas tsuas pom mus ntsauv cov neeg txawj hais kwv txhiaj xwb...Yog leej twg txawj haikwv txhiaj kev ntseeg no ntshai yuav muaj neeg coob tus kawm tau no...

Hahaha ...Niam Laus Mim, kuv twb tsis nco qab txog li koj hais lawm thiab os...cov laus mas lawv txawj hais kwv txhiaj hos peb cov hluas ces txawj hu kuv txhiaj li koj hais lawm....kuv kawm tau koj cov lus hnub no lawm thiab laiv cheers

....Niam Laus Mim aj, kuv niam txawj kwv txhiaj heev, kuv twb kom kuv niam hais ib co kwv txhiaj ntseeg rau kuv kawm no tab sis nws pheej nyiam hais cov kwv txhiaj plees xwb es kuv kawm tsis tau li os.

Kuv kuj muaj ib tug npau suav hais tias kheev lam Tswv Ntuj pub ib lub tswv yim zoo rau kuv kom kuv txawj kwv txhiaj no kuv yuav hu kwv txhiaj cav txog Tswv Ntuj lub moo zoo.

Yog leej twg lam paub tej zaj kwv txhiaj zoo zoo nov thov nws tuaj sau pub rau kuv kawm mav? tiam sis ntshe tsuas yog ib tug npau suav xwb, vim txhua tus nyiam kwv txhiaj plees dua ntais lawm ces ntshe yuav tsis muaj tus tuaj qhia kwv txhiaj Cav Ntuj lub moo zoo lawm lau

.