Tim 17 lub 11 hlis 2014 tas no ABC News nyob Mes Kas teb tau hais tawm txog ib tug duab nyob ntawm ib tsob hauv paus ntoo, nyob lub zos Polk City , xeev Iowa. Ib txhia neeg pom yog Niam Mab Liab puag tus me nyuam Yes Xus, ib txhia hais tias lawv pom yog Yes Xus. Kuj muaj neeg nqa paj ntoos tuaj tso rau ntawm hauv paus ntoo thiab.
http://abc13.com/religion/some-see-virgin-mary-jesus-on-iowa-tree-trunk-/399276/
Nyuam qhuav tim 19 lub 12 hlis no, kuj muaj dua ib tug duab Mab Liab nyob ntawm hauv paus ntoo, ntawm ib yim neeg lub vaj ntawm qhoiv rooj, nyob Houston, xeev Texas thiab. Yim neeg ntawd hais tias lawv tsev neeg muaj ib tug me nyuam mob mob, ces tus poj niam txawm thov Niam Mab Liab pab kom tus me nyuam zoo, thiab nws cog lus tias nws yuav muab nws cov plaub hau txiav coj mus fij rau Niam Mab Liab nyob Mexico City no. Tiam sis nws tsis muaj nyiaj yuav mus raws li tau cog lus. Tus me nyuam kuj cia li pib khees lawm, ces cia li pom ib daig duab Niam Mab Liab tshwm rau ntawm nws tsob ntoo. Nws hais tias yog ib lub cim qhia tias Niam Mab Liab tau hnov nws cov lus thov lawm. Yim neeg no twb pom tus duab no hnub tim 5 lub 12 los lawm.