hmong de chine ? miao sauvages?

Le titre intitule "Hmong or Meo sauvage" est considere comme une insulte du peuple hmong car l'ecriture dans la photo n'a pas dit de la meme chose. Alors si l'auteur manque l'art de comprendre une photo qui datait de .. avec sa description , il faudra qu'il prenne un peu de temps a lire les cartoons avant de mettre de l'essence au feu. Merci.

Nyob zoo Hmoobheroes thoab Poobzoo,

Los lus Miao nov yog yuav nrhiav keeeb chiv kwm los mas tsis yog li sawv daws muab txhais thiab muab hais rau fab phem. Txij thaum Suav ua rog loj nrog Hmoob ces Suav cia li muab lo lus zoo los hais uas lus phem lawm, dua li tom qab no cov teb chaws Xov Tshoj uas Hmoob ho thoj nam mus nyob lawv thiaj li qog Suav hais qhov tsis zoo rau Hmoob. Tsis tag li ntawd los muaj los lus sib xws (homonyme, lub suab zoo tib yam tab sis lub ntsiab sib txawv deb) los cuam tshum thiab ces thiaj ua rau lu NPE HMOOB tsuas tssi zoo lawm.

Keeb kwm tus txwm ntawv Suav lawv sau MIAO yog pom nras liaj, ib teg nplej, TXHAIS TAU TIAS:

HMOOB YOG THAWJ HAIS NEEG TXAWJ MUAB NPLEJ LOS COG UA LIAJ, UA TSOB TXHIAM XWM NYEG, YOG THAWJ HAIS NEEG TXAWJ COG QOOB, UA TAU MOV NOJ.

Tsis yog li lawv muab quav pov rau Hmoob, hais tias tus txwm ntawv Suav sau Hmoob tias: Nroj ntsuab, nroj qus. Tom qab no Hmoob pla los nyob rau Cob Tsib teb, Nplog teb, Thaib teb, lawv cia li muab lo lus Miao ntawd txhais ua MIV QUS= Neeg yaj sab, tsis huv, tsis poo luag, neeg ruam hlwb qauj...thc...

Ib qho peb poob peb lub npe qhov zoo yog vim peb tsis muaj ntaub ntawv, peb tsis nrog luag kawm txuj, peb tsis khaws peb keeb kwm tseg, ntau tiam tom qab peb thiaj li tsis paub peb tus kheej lawm. Yog peb xav tau peb li keeb kwm, peb tseem yuav mus nrhiav hauv luag, cov uas ntxub peb tshaj peb thiaj li mam nrhiav tau. Ces thaum twb ntau rog muaj yeej muaj swb lawd, txawm yus phem thiab tsis phem los luag yog yus tus yeeb ncuab lawm, luag yeej yuav tsum hais qhov phem rau peb nkaus xwb. Tab txawm luag twb hais qhov phem tshaj rau peb los peb mus nyeem tej keeb kwm uas luag sau txog peb mas yeej tseem nyhav heev rau peb, yog tias tseem yog Peb Hmoob sau thiab mas xyov yuav ua cas tu siab. Tsis hais deb, tsis hais yav ntuj thaum ub uas ua neej txom nyem, huas lub caij mus khwv ua teb thiaj li tau noj, tseem huas lub caij txoj sia mus tiv thaiv suav rog thiaj li seem txoj sia; tab niaj hnub no, Peb Hmoob feem coob tau zoo noj, tau zoo hnav, nyob pw xwb los nyiaj los, zaub mov los, noj tsis tag haus tssi nqeg, taug ib txoj kev qhov twg los zaum xwb ces twb mus txog lawm. Li no los PEB TWB TSSI MUAJ NEEG LOS SAU PEB TEJ KEEB KWM KEV TXAWJ TXUJ CI TSEG KIAG LI. Yog nkag rau lub tsev Txuj tseem ceeb mas tssi muaj neeg li, yog nkag rau lub tsev uas tham Npua tuaj kub Qaib tuaj hniav mas coob li coob. Xav los mas tu siab kawg, tu tu siab uas tsis txawj hais lo twg li lawm.

Ua li cov kwv tij phooj ywg, nej puas noj txhij xav txhua es nej ho loj npab ntshuas tuaj nrog kuv KHAWS TXUJ thiab os.

Nyob zoo ntxawm Tub (Maiv Tooj),

Ua tsaug ntawm koj qhov message uas koj reply tuaj rau saum toj no txog ntawm kuv sau me ntsis txog lo lus hais tias "Meo sauvage" est une insulte. Merci, c'est resolu.

Kuv tsis hnov txog "Tswb Pov Muas" (Koj tus niam tais Mim tus ex-husband) moo li lawm es xyov nws thiab nws tsev neeg noj li cas - nyob li cas lawm. Kuv tsis muaj dab tsi thiab, twb yog kuv collecte tau kuv ib co duab qub qub puag thaum ub thaum 1969 los txog ntua rau niaj hnub tam sim no. Kuv xav hais tias tam sim no peb sawbdaws peb nyias twb laus nyias tas lawm thiab tsis tas li ntawd, peb ib leeg nyob ib rooj teb, xyov puas muaj ib hnub peb yuav rov sib ntsib sib pom lawm. Yog li ntawd kuv thiaj xav hais tias cia kuv muab kuv cov duab qub qub thiab tej phooj peb cov duab peb thaij ua ke thaud coj los tso ua ke es kuv muab lawv post rau hauv ib lub website es yog leej twg xav nkag tuaj mus saib mus xyuas los tau. Seb sawvdaws rov qab pom sawvdaws tej qub duab thaud seb sawvdaws xav li cas? Yog li ntawd kuv thiaj yuav nug koj tias seb koj puas pom koj tus tais Mim, yog pom no koj pab nug seb nws puas ntsib thiab pom Tswb Pov Muas, yog pom no kom nws pab qhia rau Tswb Pov Muas seb nws puas xav tuaj xyuas peb cov duab puag thaum ub thaum 1975-1976 peb thaij ua ke nyob tom Moung Cha thiab tim Noom Khais (Thaib teb) es kuv muab post rau hauv kuv lub website personnel.

Tsis tas li ntawd, kuv xav faj ib co lus no ntxiv rau ib tsoom phooj ywg sawvdaws uas tuaj saib thiab pom kuv qhov website nram no thiab. Yog nej leej twg saib tag es ho pab nyiam thiab xav tau ib lub website zoo li kuv lub ntawd los hais tias design txawv zog kuv lub ntawd es coj mus piav qhia txog nws lub neej thiab tej sij hawm dhau tas los lawm no [ biographie basee sur des photo et video prises dans le passe et maintenant] tid tauj hu rau kuv los hais tias email rau kuv. Kuv paub design website es kuv yuav pab nws ua kom tau li nws siab nyiam tab sis kuv xav yuav me ntsis nqe tes. Hauv qab no yog ob lub websites uas kuv ua tau lawm tabsis muaj qeev yam tseem tsis tau tiav tag (completed). Kuv muab los qhia ua ib qho example rau sawvdaws saib thiab pom xwb. Ob lub website no, muaj ib lub yog ua los muag khoom online. Tab sis website rau lwm yam tsis hais ua lag luam, koom haum (association), website personnel (zoo li kuv lub nyob hauv qab no) kuv yuav pab ua kom tau li nws siab xav. Tus nqe tes? Nyob ntawm seb yog ib lub website very simple los hais tias "professional" es muaj flash, muaj effects, muaj duab slide nrog thiab muaj video.

http://www.tswvnyiajyaj.com

Retail online website:

http://www.purplepinkjewelry.com

Ua tsaug =): PoobZoo

Nyob zoo me tub poobzoo,

Wow...! cas nws yuav mus poob zoo lawm tiag yuad...! Ua tsaug rau nws cov duab, pom lub neej qub mas kho siab kawg li. Lub neej thaum ub txom txom nyem tab sis kuj muaj qhov uas nco ntsoov rau nruab siab, lub neej nim no zoo zoo los twb tsis deev lub siab cuag li lub neej uas muaj sib faib noj, tau sib faib yuav.

Kuv tsis tau Tswb Pov chaw nyob, tab sis kuv mam li xa xov rau nws tuaj saib nej cov duab nawb.

Kuv pom Zeb Lis thiab, nws poj niam tuag tag ces zaum no nws mus ua Hmoob Thaib lawm. Nws yuav mus Nplog teb no tab sis mus txog tid ces nws ho yuav poj niam Hmoob Thaib ces mus nyob Thaib teb. Nws mus ua lub neej li yav thaum ub lawm. Koj hnov tias nws poj niam hlob yog txo nws txoj sia tuag no tab sis kuv hais rau koj paub tias tsis yog os nawb. Yog nws txoj oesophage tawg es nws thiaj cia li tuag tam sid. Ib txwm nws yeej tsis nrog luag ua si li, tab sis thaum nws yuav tuag ntawd, ntshe nws tus plig paub tias nws tshuav caij tsawg tsawg nyob lawm xwb mas nws ua ua si, muaj koob tsheej, luag tej tssi dhia ua si los nws coj nws tus ntxhais nrog nws dhia li, hmo ntawd lawv mus zov hmoc Noj Peb Caug, nws tseem ua si lom zem tsis zaum li, ces los tsev los pw xwb ces nws cia li tuag lawm. Kuv mus saib mas txaus hlub tshaj li, vim nws lub ntsej muag tsis zoo li cov neeg tuag, tshiab khiv xwb. Tu siab tshaj li...

Kuv pom ib tug zoo nkaus li kuv tus txiv hluas Yaj Tuam thiab puas yog, daim duab dawb thiab dub uas txij dua?

Kuv tau Vwj Pov chaw nyob thiab, kuv mam hais nws tuaj saib koj cov duab.

Nyob zoo Poobzoo,

Kuv mus saib nws cov duab, kuv pom ib daim duab Hmoob qub 1920, kuv xav coj los tso nrog kuv cov Duab Qub hauv nov, nws puas kam pub rau kuv? Daim duab ntawd nws muab qhov twg los, zoo nkauj heev. Thiab nws puas muaj lwm daim ntxiv?

Tau kawg mas, seb nyob rau qhov twg kiag vim kuv muab duab los tso sib xyaw pes daws li xwb es yog daim twg kiag thiab nyob rau qhov twg?

Koj muaj ib co nyob hauv no kuv twb xav tau thiab es kuv tseem hais tias kuv yuav nug koj seb kuv copy ib daim puas tau?

Daim duab hmoob thaum 1920, yog koj paub rub mus yuav thiab coj mus tso nrog koj li, koj rub tau mas. Kuv tso cai rau koj, tsis muaj dabtsi.

Hais txog ntawm daim duab hauv qab, peb muaj 4 leeg mus ua si ntawd, tsis yog Txooj Tub, nyob hauv yog muaj cov phooj ywg raws li nram no, ntsia tom no mus, hais cov npe neeg sawv sab xis tuaj:

1 - Kuv (Doua Pao)
2 - Hang Yia (Detroit - USA)
3 - Ly Lu (Ntsuab Vaj Lis tus tub - Yav tas los nyob Clermont ferrand, Vichy-France)
4 - Tswb Pov Muas (France)

Lub sij hawm ntawd, peb thaij nyob Nong Khay xyoo 1975, Txooj Tub lawv tej zaum nyob tom Nam Phoos or Vib Nais?

Nyob zoo Poobzoo,

Ua tsaug rau koj daim duab, yog lwm hnub koj ho mus ncig pom lwm daim los thov koj pab nqa tuaj tso xyaw kuv cov hauv nov thiab kom peb thiaj muaj duab keeb kwm me ntsis. Ua tsaug.

Hahahah...! Cas es txiv laus Tswb Pov ho zoo nkaus li Txooj Tub thiab tseem hnav lub teeshirt zoo nkaus li Txooj Tub lub thiab. Thiaj li xav tias yog nws no.

Nyob zoo PoobZoo,

Ntev tssi hnov nws moo lawm, puas nyob zoo thiab?

Hnub bno kuv mus yos yos, pom daim duab nov, lam nqa tuaj rau nws saib seb nws puas paub cov kwv tij nyob hauv nov.

Wow......cov txiv tsev generation 1975 nov zoo nraug thiab ntxim hlub kawg li , ua tsaug neb tuaj share pub peb saib nawb Maiv Tooj thiab Poozoo....ua li Poobzoo yog tus twg no ?

Nyob zoo ntxawm Txooj Tub,

Ua tsaug ntau koj muab daim duab thaum 1978 nyob Grenoble tuaj tso pub rau kuv..Ua li hmoob pem roob hais, yog koj coj tuaj tso rau nov pub rau kuv pom kuv saib, txhais tau hais tias daim no kuv nqa mus saib tau puas yog?

Ua tsaug nawb, kuv yuav muab coj mus ua duab collection tso nrog kuv cov uas kuv muab tso nyob rau hauv kuv lub website. Txuas ntxiv no mus, cov kwv-tij phooj sawvdaws, tsis hais cov nyob Ameskas-Fabkis-Blog teb etc.. yog nej leej twg paub kuv - kuv paub nej - thiab tseem khaws tau peb tej duab thaum ub sij hawm thaum 1970 - 1995 es peb tau yees duab tseg ua ke - los hais tias thaij duab ua ke - Yog kam no, kuv xav thov nej muab ob-peb daim uas muaj kuv nrog nej coj tuaj tso pub rau kuv nyob hauv no puas tau?

Ua Tsaug ua ntej os !!
PoobZoo

Maiv Tooj wrote:Nyob zoo PoobZoo,

Ntev tssi hnov nws moo lawm, puas nyob zoo thiab?

Hnub bno kuv mus yos yos, pom daim duab nov, lam nqa tuaj rau nws saib seb nws puas paub cov kwv tij nyob hauv nov.

Grenoble, Fab Kis teb 1978.

Nyob zoo os MaivTooj .

Ua li cas es koj twb tsis khoom li los koj tseem khiav khiav mus nqa daim duab cov tub hmoob no qhov twg los na lod , Ab ... yuad twb yog thaum ntawd ho thaij tau ib co duab li no cia os yod ... ua li es tam sim lawv puas tseem zoo thiab hluas li no lawm ne yuad ...! ua li cas peb neeg lub neej es yuav dhau mus sai ua luaj li os , ntshe tsam no ces nej twb Laus tag lawm os cov me nus e...!


Maivxis .

Nyob zoo cov phooj ywg,

Maiv Xis, tsis khoom li, ces thaum twg sab dhau lawm, mus so ces mus ncig xyuas duab thiaj nrhiav tau tej kwv tij phooj ywg rov los sau ua ib cuab li lub neej yav thaum ub uas yuav tsis rov mus txum dua ntxiv lawm. Zaum no ces yuav dhau lawm ib tiam, tag lawm ib txheej, yuav cia ua ib zaj dab neeg lawm xwb lauj...! Lawv e...!

Poobzoo, tshuav ib daim nov, tsis pom tseeb, tab sis zoo li ib tug uas nyob rau tom kawg yog nws tsi tsub. Thaum ntawd, tag nrho ib lub zos, muaj ob lub tsheb xwb, ib lub yog lub nres uas nej pom tod. Tab sis muaj kev sib hlub, sib pab heev. Lub tsheb no yog lub uas thaum sawv daws tuaj mus noj mov hav zoov, caij ntuj kub 1977 (Sau tias 1977, na tab sis puas yog yuam kev rau 1978 lawm?). Thaum ntawd tsuas muaj Muas Tub Soob Ntxawg yog tus xub muaj tsheb thiab xub muaj xov tooj xwb; tseem yog cov xov tooj txuas hlua hauv tsev xwb. Leej twg muaj hauj lwm dab tsi, sib xa xov puav leej ntau rau Muas Xeev Tub, nws mam caij tsheb mus hais rau tus tswv cuab. Tsis ntev tom qab, Yaj Kuam (Txooj Kuam) thiaj li muaj lub tsheb uas nej pom hauv daim duab, thiaj li daws Xeev Tub hauj lwm me ntsis. Dhau ntawd, Xeev Tub yog peb leej tij, ua peb niam peb txiv, nws thiaj li tawm tswv yim kom peb sib koom sau nyiaj, kom ib hlis yuav tau ib lub xov tooj rau ib lub tsev ( thaum ub caij 1977, txuas ib lub xov tooj nyob rau Fab Kis teb yog ib lub nyiaj hli kheej kheej, tsis siv ib npib ib xus li mas thiaj li teeb tau), tsis tag li ntawd, lub caij ntawd sawv daws nyuam qhuav tuaj txog rau Fab Kis teb, yog thawj cov tuaj, peb tsis tuaj raws Kev Thoj Nam Pab, peb tuaj tus kheej ces tsis muaj kev pab cuam li mas sawv daws txom nyem tshaj qhov hais tau. Tom qab no cov uas tuaj raws Kev Thoj Nam mas kuj vij los yog tau zoo kawg lawm, dab tsi los luag pab, luag txhawb ces lawv cia li khaws kiag lub neej zoo ua yam tsis tau peem.

Kuv thov nqa tes ua Muas Xeev Tub thiab Txooj Kuam Yaj, ob tug uas muaj lub siab loj, thoob tsib thiab tau ob tug niam tsev zoo, siab loj siab dav tau ua peb niam peb txiv ib ntus tsaug ntau ntau.

Maiv Tooj wrote:

Nyob zoo cov phooj ywg,

Maiv Xis, tsis khoom li, ces thaum twg sab dhau lawm, mus so ces mus ncig xyuas duab thiaj nrhiav tau tej kwv tij phooj ywg rov los sau ua ib cuab li lub neej yav thaum ub uas yuav tsis rov mus txum dua ntxiv lawm. Zaum no ces yuav dhau lawm ib tiam, tag lawm ib txheej, yuav cia ua ib zaj dab neeg lawm xwb lauj...! Lawv e...!

Poobzoo, tshuav ib daim nov, tsis pom tseeb, tab sis zoo li ib tug uas nyob rau tom kawg yog nws tsi tsub. Thaum ntawd, tag nrho ib lub zos, muaj ob lub tsheb xwb, ib lub yog lub nres uas nej pom tod. Tab sis muaj kev sib hlub, sib pab heev. Lub tsheb no yog lub uas thaum sawv daws tuaj mus noj mov hav zoov, caij ntuj kub 1977 (Sau tias 1977, na tab sis puas yog yuam kev rau 1978 lawm?). Thaum ntawd tsuas muaj Muas Tub Soob Ntxawg yog tus xub muaj tsheb thiab xub muaj xov tooj xwb; tseem yog cov xov tooj txuas hlua hauv tsev xwb. Leej twg muaj hauj lwm dab tsi, sib xa xov puav leej ntau rau Muas Xeev Tub, nws mam caij tsheb mus hais rau tus tswv cuab. Tsis ntev tom qab, Yaj Kuam (Txooj Kuam) thiaj li muaj lub tsheb uas nej pom hauv daim duab, thiaj li daws Xeev Tub hauj lwm me ntsis. Dhau ntawd, Xeev Tub yog peb leej tij, ua peb niam peb txiv, nws thiaj li tawm tswv yim kom peb sib koom sau nyiaj, kom ib hlis yuav tau ib lub xov tooj rau ib lub tsev ( thaum ub caij 1977, txuas ib lub xov tooj nyob rau Fab Kis teb yog ib lub nyiaj hli kheej kheej, tsis siv ib npib ib xus li mas thiaj li teeb tau), tsis tag li ntawd, lub caij ntawd sawv daws nyuam qhuav tuaj txog rau Fab Kis teb, yog thawj cov tuaj, peb tsis tuaj raws Kev Thoj Nam Pab, peb tuaj tus kheej ces tsis muaj kev pab cuam li mas sawv daws txom nyem tshaj qhov hais tau. Tom qab no cov uas tuaj raws Kev Thoj Nam mas kuj vij los yog tau zoo kawg lawm, dab tsi los luag pab, luag txhawb ces lawv cia li khaws kiag lub neej zoo ua yam tsis tau peem.

Kuv thov nqa tes ua Muas Xeev Tub thiab Txooj Kuam Yaj, ob tug uas muaj lub siab loj, thoob tsib thiab tau ob tug niam tsev zoo, siab loj siab dav tau ua peb niam peb txiv ib ntus tsaug ntau ntau.

Pinique, Grenoble, Fab Kis teb 1977.

Wow......Maiv Tooj, koj piav tau txaus tu siab thiab ho txaus qhuas kawg , thaum ub, hom tsheb li lub tsheb peb pom puag tov ces twb yog hom haib tshaj plaws rau Hmoob lawm, tam sim no muab hais los Hmoob vam meej lawm ntau heev, ib txhia twb ua neej muaj nto pua txhiab mus rau million lawm, peb lub neej kuj khiav sai kawg, tiam sis peb puas tseem nco tau hais tias peb los hauv ib haiv neeg txom txom nyeem los? zoo li niaj hnub no ib txhia neeg tsis nco qab tias peb yog ib haiv txom nyeem dua los lamw no sub as, ib txhia tseem tsa hwj chim tsis tseg , tseem khav tas zog tias yog neeg zoo npaum ub npaum no, muab xav rau yav thaum ub, zoo li Hmoob txawj sib hlub dua nim no, thaum ub Hmoob nyob tau ua pab ua pawg, zaum no ces Hmoob sib ntsib qhov twg tseem mus sib cav sib ceg, mus sib ntaus rau ub rau no, tsis nyob tau ntau li thaum ub lawm.

Ua tsaug os niam ntxawm aw, Tsis paub hais tias hauv daim duab no puas muaj kuv nab? Kuv nco zoo li thaum lub sij hawm ntawd,xyoo 1977 ou 1978 ntawd kuv tau nrog lawv mus pinic puag saum roob tsuas saud thiab na !! Es puas muaj leej twg muaj duab ntxiv lawm thiab ma ! kuv xav pom thiab xav tau ntxiv nawb. Nej sim xav seb, ib sij huam xwb cov neeg zaum pawg lug noj sus ntawd lawv ib leeg mus nyob ib ceg kaum ntuj tag !!!!!!!!!!!!!! Tsawg npaum li ntawd los lub neej thiab lub teb tseem phua qees sawvdaws mus nyob ib leeg ib ceg kaum teb lawm thiab tiag..

Nyob zoo me tub PoobZoo,

Yog nws tuaj txog no nkag los tseg, zoo li muaj neeg xa ib tsab moo rau nws.
Kuv muab cia hauv tsev, nws los, nws mam li los muab.