HMONG CATHOLIQUE DE CHOLET 49

Nyob zoo Maiv Paj Lug,

Kuv zoo siab pom nej pab ntseeg, txawm tawg tsawg los tseem muaj siab tuaj sib sau ua ib pawg. Thov kom leej Tswv Yim Ntshiab txhawb nej txhuatus kom nej muaj lub siab kub lug nriav Tswv Ntuj sis tseg mog.

Hnub Chiv 5 nruab xyoo 05/02/2012

Hnub no peb Hmoob Cholet xeev 49 mus ua Txoos Teev Ntuj nrog Fab Kis hauv tsev teev ntuj, peb tau mus ua tim khawv qhuas txog T.P Nyiaj Pov lub txiaj ntsim tau tuaj tshaj ntuj lus peb thiaj tau los ua ntuj me nyuam , peb kuj thov ntuj pab T.P cwj Vuam Chiv, peb tau mus muag ntau daim duab thiab Calendriers yuav coj mus pab cov Kwv Tij Hmoob Cob Tsib tsim lawv lub Tsev Teev Ntuj. Peb pawg Hmoob nyob Cholet tsis coob pes tsawg tiam sis kuj ua tau tej yam zoo txaus qhuas kawg thiab ....kuv tso me me duab nej tau saib.

Nyob Maiv paj lug, thib Niam Hlo, mus rau XH Npuag tub, thiab Mim, zoo sib rov ntsib nej txhua tus vam hais tias nej yuav txais kev kaj lug. MP ua tsaug uas nej tseem muaj lub sib hlub tshua txog peb hmoob cob tsib thiab og, thov Tswv Ntuj pub nws lub txiaj ntsim tuaj rau nej txhua leej txhua tus kom ua yam twg tau yam ntawd xwb. Mp kuv saib Nws cov duab mas zoo nkauj kawg li og. Thov ua tsaug rau nws tuaj pub rau peb saib og.

Nyob zoo Maiv Paj Lug, XH.Npuag Tub thiab tub Txawj Tuam,


Maiv Paj Lug,

Yog ib qho zoo heev uas nej muaj kev sib fim nrog lwm haiv neeg. Yog ib qho zoo kawg, yus mus fim nrog luag mas ua rau yus qhov muag qheb loj dua, yuav muaj kev sib coj kawm thiab sib txhawb, sib pab.

Wow...! cas no ua luaj li, daus dawb vog xwb los nej tseem hnav tau tsoos tsho Hmoob mus teev Ntuj thiab tseem nias duab nraum zoov thiab.

Maiv, kuv nrog nws zoo siab mog, uas nws muaj lub peev xwm los qaws cov Hmoob nyob lub nroog Cholet ua ib pab ib pawg, thov kom Tswv Ntuj tsom kwm nws thiab nws pawg ntseeg kom tsuas muaj kev vam meej lawm yav tom ntej.

Nyob Fab Kis teb, lub sij hawm no muaj ib suam cua txia los sab Siberie los ais ua rau Fab Kis teb no heev. Sab nram Nrab teb uas peb nyob nob mas twb tawm tsis tau nraum zoo li.

Nyob zoo nej txhua tus os,

Ntawm peb no ces los daus hlob hlob li, ua rau kev khov tas, kuv lub zos me me li tsis muaj tsheb loj tuaj kuam kev li ces kuv twb tsis mus hauj lwm ib hnub no li os lawv, tsis mus los xiam ib hnub hauj lwm, mus los kev plua plua li ces kuv cia li tsis mus li, nyob ib hnub los ua tsis tau dab tsi li thiab, los daus thiab kev nplua mas yam kuv txhawj txhua xyoo tshaj, vim xiam yus caij mus khwv noj khwv haus.

Nyob zoo sawv daws, cas nyob rau nej sab fab kis teb es cas ob hnub no tseem no no , es sam daus ua luaj nav. Peb sab cob tsib no ces twb sov sov es cua daj twb nplawm ntwg, tej toj roob hauv peg uas fab nqeeb, tauj, ces yog hlawv ces twb kub nyiab cig tas lawm og. Mp ntsia Nws daim duab mas zoo nkaus li daus los tuab kawg li sad, ntshais twb tawm tsis tau rooj mus ncig ua si li lauj. Ua cab lub niaj lub xyoo ho yuav txawv txav ua luaj. Caj nyob rau tej lub teb chaws tseem muaj ntuj no, thiab sam daus. Cas tej lub ces twb sov sov lawm. Tsis paub xyov yog li cas, txawm li cas los kav le, cia rau Tswv Ntuj ua tus paub xwb, thov kom peb txhua tus muab peb lub neej fij rau Tswv Ntuj ua tus tsom kwm xwb. Kom peb thiaj li tsi muaj kev txhawj og lawv.

Fab Kis Thaij peb Hmoob Cholet Hnub tim 5 lub 2 hli 2012 nyob lub Paroisse Saint Louis de Cholet 49...pom peb hu nkauj tom kawg 2:54 hu nkauj teev ntuj.

XH. Npuagtub wrote:Nyob zoo Mp, thiab cov phooj ywg,

Wow.....nej hu nkauj tau zoo kawg li os Mp, txoj kev mus teev ntuj koom nrog lwm yam neeg yog ib lub txiaj ntsim zoo heev, yog ib yam paj tshab uas yog tswv ntuj xav kom peb muaj kev ua phooj ywg nrog lwm tus thiab kuj yog ua kom lwm haiv neeg ua phooj ywg nrog peb thiab.

Mp, thaum kuv pom nej muaj feem nrog cov fab kis hu nkawj thiab mas ua rau kuv zoo siab heev, nej yuav kub siab mus teev ntuj nrog cov neeg nrog neej nyob ua ke, thiab nej yuav nyob kom ze lubkoom txoos nyob hauv nej lub zos, thaum txog caij ua tej lub hmoov nej yuav tau mus koom nrog lawv qhov no yog ib yam yuav coj kom peb hmoob sawv daws tsis hais nyob qhov twg los peb thiaj nrog luag nyob tau ua ke koom tau ib lub tsev teev ntuj. Kuv thov qhuas nej lub peev xwm thiab nej txoj kev ntseeg os nawv.

XH NpuagTub,

Hnub no kuv rov qab mus ua dua kev ntseeg qhia txog T.P Nyiaj Pov Keeb Kwm tuaj tshaj Ntuj lus lub moo zoo, thiab tham txog me ntsis tias peb Hmoob yog leej twg tiag. Qhov no yog ib qho zoo heev uas ua tau rau neeg Fuam Kuj qhuas peb haiv Hmoob lub neej thiab txoj kev ntseeg, lawv zoo siab tas txhua tus .

Nyob zoo Mp thov ua tsaug rau Nws thiab Nws tus Niam hlua uas tau coj peb hmoob txoj kev ntseeg mus tshaj pub rau lwm haiv neeg mloog og. Vam thiab cia siab tias ib hnub tws Tswv ntuj yuav muab nqe zog rau neb xwb. Kawg no thov kom Tswv Ntuj lub txiaj ntsim nrog koj nyob, kom koj ua koj txoj hauj lwm tiav og nawb. :koob hmoov: nyob zoo

Nyob zoo Maiv Paj Lug thiab tub Txawj Tuam,

Maiv Paj Lug,

Zoo siab uas nws muaj peev xwm ua tau tej yam zoo kawg rau Peb Haiv Hmoob. Nws nthuav peb lub npe Hmoob rau luag, nws tho ib txoj hauv kev rau peb Hmoob taug; yog ib yam zoo heev, txoj kev mus fim nrog lwm haiv neeg. Peb Hmoob yog ib haiv neeg me, tab sis tswv Ntuj nrog nraim peb, peb mus txog qhov twg, nyob rau qhov twg los luag puav leej txais peb zoo. Maiv, yog ib lub txiaj ntsim zoo kawg uas nws mus qhia txog peb Hmoob keeb kwm rau luag pej kum, vim luag yuav muab peb lub npe sau cia, peb yuav muaj kev dav taug thaum luag paub peb lawd.

Thov qhuas thiab ua tsaug rau pawg ntseeg nyob cheeb tsam Pays de la Loire, txawm nej yog ib pawg ntseeg tsawg tsawg xwb los nej tseem muaj lub peev xwm ua tau ntau yam zoo thiab kub siab rau txoj kev ntseeg. Thov kom Tswv Ntuj nrog nraim nej, kom nej tsuas muaj txoj kev vam meej zuj zus ntxiv lawm tom ntej.