HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


NYEEM YES XUS LUB MOO ZOO Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Today at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


3 posters

    NYEEM YES XUS LUB MOO ZOO

    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty NYEEM YES XUS LUB MOO ZOO

    Post  Npuagtub 11th July 2010, 6:52 am


    YOSXES THIAB MABLIAB NYOB LUB ZOS NASXASLES


    Tus Ntshiab Nkasnplias Xa Xo Rau Mabliab.
    Luskas 1:26-38

    26 Lub rau hli, Tswv Ntuj xa tus Tshiab Nkas Nplias mus cuag ib tug ntxhais hauv ib lub zos nyob Nkas Lis Lais. Lub zos ntawd hu ua Nas Xas Les. 27 Tus ntxhais ntawd, lawv muab qhaib rau ib tug txiv neej hu ua Yos Xes, xeem Das Vis. Hos tus ntxhais lub npe hu ua Mab Liab.

    28 Tus Tshiab chaws mus hauv Mab Liab tsev, nws hais rau Mab Liab tias :"Koj nyob kaj lug, tus tau txiaj ntsim puv siab ! Huab Tais nrog koj nyob." 29 Mab Liab hnov lo lus ntawd, nws lub siab nphau npog, nws xav hauv nruab siab tias lo lus hawm ntawd yog dab tsi. 30 Tus Tshiab hais rau Mab Liab tias : "Mab Liab, koj tsis txhob ntshai.Tswv Ntuj saib koj ntxim Tswv Ntuj siab.

    31 Zaum no, koj yuav xeeb tub, koj yuav yug ib tug tub, koj yuav tis nws npe hu ua Yes Xus. 32 Nws yuav yog ib tug loj, luag yuav hu nws ua tus Nyob Siab leej Tub. Huab Tais Tswv Ntuj yuav muab nws txiv Das Vis lub theej kiab rau nws. 33 Nws yuav ua vaj kav Yas Kos tsev neeg tiam dhau tiam. Nws txoj kev ua vaj yuav tsis muaj caij kawg."

    34 Mab Liab hais rau tus Tshiab tias : "Qhov ntawd yuav muaj tuaj zoo li cas, vim kuv tsis paub ib tug txiv neej." 35 Tus Tshiab teb rau Mab Liab tias : "Leej Ntuj Plig Ntshiab yuav los nyob saum koj, tus Nyob Siab lub hwj huam yuav los roos koj. Li ntawd, tus ntshiab yug los yuav hu ua Tswv Ntuj Leej Tub.

    36 Saib ! Es Lis Xas Npes, tus uas txheeb koj, luag hu nws ua pog khoom, nws hnub nyoog laus lawm, tab sis nws kuj xeeb tub lawm thiab. Lub hlis no, nws xeeb tub tau rau hli lawm. Vim tias, tsis muaj ib yam uas Tswv Ntuj ua tsis tau." 38 Ces Mab Liab hais tias : "Kuv yog Huab Tais tus ntxhais txib. Kuv xav kom muaj raws li koj hais." Tus Tshiab thiaj tso Mab Liab tseg.


    COV LUS NCO CIM TSEG:
    Tus Ntxhais nkauj xwb tsim txiaj yuav xeeb ib tug Tub,
    yuav tis nws npe hu ua Is Mas Nos Es, txhais hais tias: Huab Tais Ntuj nrog nej nyob. His Xais 7:14


    Last edited by XH. Npuagtub on 1st September 2011, 6:11 am; edited 12 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 11th July 2010, 7:54 am


    MABLIAB MUS XYUAS ESLISZASNPES

    Thaum lub caij ntawd, ces Mab Liab maj nroos sawv kev mus pem toj siab, rau ib lub nroog nyob xeev Yus Das. 40 Nws chaws mus hauv Ntxas Kas Lias tsev, nws foom lus nyob kaj lug rau Es Lis Xas Npes. 41 Thaum Es Lis Xas Npes hnov Mab Liab foom kev kaj lug, mas nws tus me nyuam dhia hauv nws plab, thiab Leej Ntuj Plig Ntshiab los nyob puv hauv Es Lis Xas Npes.

    42 Ces Es Lis Xas Npes tsa suab hlo hais nrov nrovtias: "Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov. 43 Ua cas Ntuj thiaj pub kom kuv tus Huab Tais leej niam tuaj xyuas kuv ? 44 Koj saib, thaum kuv hnov dheev koj lub suab foom kev kaj lug nrov txog kuv pob ntseg, tus me nyuam hauv kuv plab dhia zoo siab.

    Esliszasnpes thiab nws tus me nyuam nyob hauv plab zoo siab heev.!Eslisxasnpes tus tub hlob Yesxus 6 hli, nws yog tus Tswv Ntuuj xa los ua Yesxus ntej qhia rau tsoom sim kom npaj tos Yesxus tus cawm seej yuav los. Yog li thaum Zam ua yog Elisxasnpe tus tub hlob tuaj nws thiaj li mus tshaj txog tus cawm seej yuav los kom tsoom neeg sawv daws yuav tsum ua kev cai ntxuav txhaum nyob hauv tus dej Yoslasdas.


    Last edited by XH. Npuagtub on 1st September 2011, 6:40 am; edited 7 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 11th July 2010, 1:32 pm



    YESXUS YUG LOS NYOB BESLESHES

    Lub zwj ceeb ntawd, vaj ntxwv Xes Ntxas Aus Nkus Tus tshaj lus ceeb toom kom tas ntiaj teb txheeb tsoom mej hwm. Thaum txheeb tsoom mej hwm thawj zaug no, yog lub caij Kis Lis Nyus ua nom tswj Xis Lias teb.

    Txhua leej txhua tus sawv kev mus, nyias mus sau nyias npe hauv nyias lub nroog. Yos Xes kuj sawv kev hauv lub nroog Nas Xas Les, xeev Nkas Lis Lais mus pem Das Vis lub nroog hu ua Npes Les Hes, nyob hauv xeev Yus Das, vim Yos Xes yog Das Vis tsev neeg thiab Das Vis caj ces.

    Yos Xes xav muab Mab Liab lub npe sau nrog nws lub npe, vim Mab Liab yog tus nws qhaib thiab Mab Liab cev hnyav lawm. 6 Thaum nkawd nyob Npes Les Hes, txog lub caij Mab Liab yuav daws cev. Nws yug nws tus tub, nws muab ntaub qhwv, thiab muab tso pw hauv ib lub dab nyuj, vim lub tsev txais qhua tsis muaj chaw rau nkawd so. LK 2: 1-7




    Last edited by XH. Npuagtub on 1st September 2011, 7:45 am; edited 8 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 11th July 2010, 3:17 pm



    COV NEEG ZOV YAJ.
    Nyob thaj tsam ntawd, muaj ib co neeg zov yaj. Lawv nyob nruab teb. Hmo ntuj, lawv nyob zov lawv pab yaj. Huab Tais tus Tshiab tawm los rau lawv pom, Huab Tais lub hwj chim ci dawb paug ncig lawv, lawv ntshai kawg. Tus Tshiab hais rau lawv tias: "Nej txhob ntshai, vim kuv tuaj xa ib tsab xov zoo uas yuav ua kom nej zoo siab thiab ib tsoom neeg zoo siab. Hnub no, nyob hauv Das Vis lub nroog, tus Cawm nej yug los lawm, nws yog Leej Pleev, thiab yog Huab Tais. Lub cim yuav ua kom nej paub yog lub cim no : nej yuav pom ib tug me nyuam mos qhwv ntaub pw hauv ib lub dab nyuj." Ib sij huam, txawm muaj ib pab Tshiab coob coob tuaj nrog tus Tshiab xa xov cav lus zoo txog Tswv Ntuj tias : "Nyob saum cov txheej ntuj siab, Tswv Ntuj nto meej nto moo, nyob ntiaj teb, tsoom neeg Tswv Ntuj nyiam, nyob thaj yeeb. Thaum cov Tshiab tso cov zov yaj tseg rov mus saum ntuj lawm, cov zov yaj sib yaum tias : "Peb mus Npes Les Hes, mus xyuas yam xwm uas Huab Tais tuaj qhia peb ntawd saib." Ces lawv maj zeeg tuaj mus. Lawv pom Mab Liab thiab Yos Xes, thiab pom tus me nyuam mos pw hauv dab nyuj. Thaum lawv pom li ntawd, lawv piav lo lus uas tus Tshiab tau qhia rau lawv txog tus me nyuam. Tus twg hnov, tus twg kuj qhuas txog tej lus uas cov zov yaj hais rau lawv. Hos Mab Liab, nws ua tib zoo khaws tej lus no huv si cia rau nruab siab. Cov zov yaj rov mus tsev, lawv foom koob meej thiab cav lus zoo txog Tswv Ntuj vim tas txhua yam lawv tau pom thiab tau hnov raws li Ntuj qhia lawv. LK. 2: 8-20
    Photobucket


    Last edited by XH. Npuagtub on 1st September 2011, 7:54 am; edited 3 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 11th July 2010, 5:53 pm


    COV KWS HNUB QUB TUAJ HAWM YESXUS
    Yus Das teb, yog lub caij Hes Los ua vaj. Muaj ib co kws hnub qub tuaj Toob Fab tuaj txog Yes Lus Xas Les. Lawv nug tias : "Tus vaj Yus Das uas nyuam qhuav yug los nyob qhov twg ? Peb pom nws lub hnub qub tawm nyob Toob Fab, peb tuaj hawm nws."Tus vaj Hes Los hnov li ntawd, nws lub siab nphau npog. Tas Yes Lus Xas Les kuj nrog nws ua siab nphau npog thiab. Hes Los hu cov thawj leej choj thiab pej xeem cov kws ntawv tuaj tas huv tib si.

    Nws nug lawv txog qhov chaw uas Leej Pleev yuav yug los. Lawv teb tias : "Nyob Npes Les Hes, Yus Das teb, vim tus yaj saub sau tseg tias : Koj, Npes Les Hes, Yus Das thaj av, koj tsis yog lub zos Yus Das me tshaj cov, vim ib tug thawj coj yuav tawm hauv koj los, nws yuav zov kuv haiv His Xas Lais." Hes Los hu cov kws hnub qub twj ywm tuaj. Nws kom lawv qhia meej lub sij hawm uas lub hnub qub tau tawm tuaj. Ces nws cia lawv mus Npes Les Hes. Hes Los hais rau lawv tias : "Nej mus tshuaj tus me nyuam kom meej, thaum nej nrhiav tau nws, nej xa xov qhia kuv paub, vim kuv xav mus hawm nws thiab." Tus vaj tso lus li ntawd, ces lawv sawv kev mus. Thaum ntawd, lub hnub qub uas lawv tau pom nyob Toob Fab rov mus ua lawv ntej. Nws mus nres saum qhov chaw uas tus me nyuam nyob. Lawv rov pom lub hnub qub, mas lawv zoo siab kawg. Lawv chaws mus hauv tsev, lawv pom tus me nyuam thiab nws niam Mab Liab, lawv pe, lawv hawm nws. Lawv qhib lawv cov phij xab, lawv cev kub, cev txab ntoo xyab, thiab cev txab txiv yoov ua paj tshab rau nws. Ntuj qhia lawv hauv npau suav kom txhob rov qab mus pem Hes Los tsev. Ces lawv taug dua ib txog kev rov mus lawv teb chaws.

    Mt. 2: 1-12


    Last edited by XH. Npuagtub on 1st September 2011, 8:14 am; edited 2 times in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Maiv Paj Lug 12th July 2010, 10:04 am

    XH NpuagTub...koj lub Topic nov haib ua luaj li :T

    Wowowow....zoo tiag li , yog koj npaj siab sau txhua yam ntxiv kom cov neeg xav paub txog Yesxus LUB MOO ZOO ho tau tuaj nyeem. Ua tsaug nawb XH NpuagTub, koj lub siab kub sau thiab tsim tau txhua yam zoo Tswv Ntuj yuav pub txiaj ntsim rau koj mus li o)
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 12th July 2010, 7:34 pm


    XISMES OOS CEV YESXUS RAU NTUJ.
    Thaum txog lub caij yuav ua kab ke ntxuav ob niam tub raws li Mais Xes Txoj Cai, Mab Liab thiab Yos Xes nkawd coj Yes Xus mus pem Yes Lus Xas Les, kom tau cev tus me nyuam rau Huab Tais. Vim Huab Tais Txoj Cai sau tias : "Txhua tus me nyuam tub xub yug, yuav muab qee rau Huab Tais." Nkawd tseem yuav cev ib co txim rau Ntuj raws li Huab Tais Txoj Cai uas sau cia tias : muab ib nkawg nquab lwb rwg, los ob tug thav nquab dawb.
    Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus neeg ntawd yog neeg ncaj thiab nyiam teev Ntuj. Nws tos tus yuav tuaj nplij His Xas Lais. Leej Ntuj Plig Ntshiab nyob roos nws. Leej Ntuj Plig Ntshiab tshoj nws ces nws paub tias yog nws tsis tau pom Huab Tais tus Pleev, mas nws yuav tsis tuag. Leej Ntuj Plig coj nws tuaj nyob hauv lub Tuam Tsev Teev Ntuj. Thaum Mab Liab thiab Yos Xes nkawd coj tus me nyuam mos Yes Xus tuaj ua cov kab ke raws Txoj Cai, Xis Mes Oos txais tus me nyuam los rau hauv nws ob txhais npab, nws cav lus zoo txog Tswv Ntuj tias :

    Txiv Tswv, nyem no koj tso koj tus tub txib mus kaj lug, raws li koj lo lus, vim kuv qhov muag tau pom koj txoj kev cawm neeg, uas koj npaj nyob ntawm ib tsoom haiv neeg xub ntiag, yog qhov pom kev tawm tuaj kaj cov pej kum haiv neeg, yog koj tsoom pej xeem His Xas Lais lub koob meej.Yes Xus niam thiab txiv qhuas cov lus nkawd hnov hais txog tus me nyuam. Xis Mes Oos foom hmoov zoo rau lawv, nws hais rau Mab Liab, Yes Xus niam tias : "Koj ntsia ! Tus me nyuam no yuav ua chaw rau ntau leej His Xas Lais ntog thiab ntau leej rov sawv. Nws yog ib lub cim ua kom sawv daws sib cav. Hos ntawm koj, mas ib rab ntaj yuav hno koj tus plig, kom xwv tej lus uas coob leej xav tuaj nruab siab tawm los rau sawv daws paub. Tseem muaj ib tug yaj saub poj niam, hu ua As Nas, yog Fas Nus Ees tus ntxhais, xeem As Ntxes. Nws lub hnub nyoog laus kawg. Dhau lub caij nws nyob ua nkauj xwb lawm, mas nws nrog nws tus txiv nyob xya xyoo, ces nws ua poj ntsuam laus li ntawd txog yim caum plaub xyoos. Nws tsis nrug ntawm lub Tuam Tsev Teev Ntuj li. Nws yoo mov thiab hais cov zaj teev Ntuj los hawm Tswv Ntuj thawm hnub thawm hmo. Tib lub sij hawm ntawd, As Nas kuj tuaj nyob ntawd thiab, nws cav lus zoo txog Tswv Ntuj, nws hais txog tus me nyuam rau txhia leej txhia tus uas tos txog txoj kev txhiv Yes Lus Xas Les. Thaum lawv ua txhua yam raws li Huab Tais Txoj Cai tas lawm, lawv rov mus Nkas Lis Lais, hauv lawv lub nroog Nas Xas Les. Hos ntawm tus me nyuam, nws hlob, nws muaj zog zuj zus, kev thoob tsib puv nws siab ntsws. Tswv Ntuj lub txiaj ntsim nyob saum nws





    Last edited by XH. Npuagtub on 1st September 2011, 8:21 am; edited 4 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 12th July 2010, 7:54 pm

    Maypajlug wrote:XH NpuagTub...koj lub Topic nov haib ua luaj li :T

    Wowowow....zoo tiag li , yog koj npaj siab sau txhua yam ntxiv kom cov neeg xav paub txog Yesxus LUB MOO ZOO ho tau tuaj nyeem. Ua tsaug nawb XH NpuagTub, koj lub siab kub sau thiab tsim tau txhua yam zoo Tswv Ntuj yuav pub txiaj ntsim rau koj mus li o)

    Mp,
    Kuv lam sau cia rau ib txhia tsis muaj ntawv Ntshiab xav nyeem txog Yes Xus lub Moo Zoo es saib lawv puas tuaj nyeem xwb.
    tso tau tsis tshua zoo es yog nws txawj kho kom zoo no ho pab kho tej qhov nws pom rau os nawv.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 12th July 2010, 8:27 pm


    Tus Ntshiab Ua Npau Suav rau Yos Xes.

    Thaum cov kws hnub qub rov qab mus lawm, Huab Tais tus Tshiab tawm tuaj ua npau suav rau Yos Xes, nws hais rau Yos Xes tias :"Koj sawv, koj coj tus me nyuam thiab nws niam khiav mus Hais Nkws Tos teb, koj yuav nyob ntawd mus txog thaum kuv rov tuaj qhia koj, vim Hes Los tab tom nrhiav tus me nyuam tua."

    Yos Xes sawv, nws coj tus me nyuam thiab leej niam, lawv khiav hmo ntuj mus Hais Nkws Tos teb. Nws nyob Hais Nkws Tos teb mus txog hnub Hes Los tuag. Qhov ntawd tshwm sim raws li lo lus Huab Tais kom tus yaj saub xub hais tias: Kuv hu kuv leej tub tim Hais Nkws Tos teb los. Hes Los pom tias cov kws hnub qub dag nws, ces nws npau taws ceev kawg. Nws xa neeg mus tua cov me nyuam uas muaj ob xyoos raws li nws hnov cov kws hnub qub hais. Nws tua cov nyob Npes Les Hes thiab nyob ib ncig ntawm Npes Les Hes tas tib si. Mas muaj raws li yaj saub Yes Les Mias tau hais tias :
    Luag yuav hnov ib lub suab nrov nyob Las Mas, yog suab quaj suab nyiav : yog Las Nkes quaj nws cov me nyuam ; nws tsis kam luag nplij nws, vim nws cov me nyuam tsis nyob tas lawm. Mt. 2:13-18



    Yos Xes Thiab Mab Liab Nkawd Khiav..

    Thaum ntuj tus ntshiab los ua nau suav rau Yos xes kom nws coj tus me nyuaam khiav tawm hauv lub zos nkawd nyob, ces Yos Xes thiaj coj Maib Liab thiab tus me nyuam Yes Xus nkiav mus nyob Hais Nkaws Tos teb,

    kom tus Vaj Hes Los thiaj li tua tsis tau nkawd tus me nyuam, nkawd mus nyob Hais Nkws Tos teb. Nkawd nyob Hais Nkws Tos Teb txog thaum Hes Los tuag, ces nkawd mam li nrov qab los nyob nkawd lub qub zos Nas Xas Les.






    Tus Vaj Heslos Tua Cov Me Nyuam.

    Thaum Hes Los pom tias cov kws hnub qub dag nws, ces nws npau taws ceev kawg. Nws xa neeg mus tua cov me nyuam uas muaj ob xyoos raws li nws hnov cov kws hnub qub hais. Nws tua cov nyob Npes Les Hes thiab nyob ib ncig ntawm Npes Les Hes tas tib si.
    Mas muaj raws li yaj saub Yes Les Mias tau hais tias : Luag yuav hnov ib lub suab nrov nyob Las Mas, yog suab quaj suab nyiav : yog Las Nkes quaj nws cov me nyuam ; nws tsis kam luag nplij nws, vim nws cov me nyuam tsis muaj txoj siab nyob tas lawm.

    Yos Xes thiab Mab Liab nkawd tawm Hais Nkws Tos teb los nyob Nas Xas Les.

    Thaum Hes Los tuag lawm, Huab Tais tus Tshiab tawm los ua npau suav rau Yos Xes nyob Hais Nkws Tos teb. 20 Tus Tshiab hais tias : "Koj sawv, koj coj tus me nyuam thiab nws niam, nej sawv kev rov mus His Xas Lais thaj av, vim cov neeg uas xav muab tus me nyuam tua, tuag lawm." Ces Yos Xes sawv, nws coj tus me nyuam thiab leej niam rov los His Xas Lais teb. Tab sis, Yos Xes hnov tias As Kes Los ua vaj hloov nws txiv Hes Los chaw kav Yus Das teb, ces Yos Xes ntshai mus Yus Das teb. Ntuj qhia nws hauv npau suav, nws thiaj tsiv mus nyob xeev Nkas Lis Lais. Nws los nyob ruaj hauv ib lub zos hu ua Nas Xas Les. Qhov ntawd tshwm sim kom muaj raws li cov yaj saub xub hais tias : Luag yuav hu nws ua neeg Nas Xas Les. Mas Tais, 2:19-23




    Last edited by XH. Npuagtub on 1st September 2011, 10:38 am; edited 19 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 13th July 2010, 4:35 am



    Yes Xus nrog cov kws Txoj Cai tham.

    Yes Xus niam thiab txiv nkawd niaj xyoo mus ua lub Ntees Hla pem Yes Lus Xas Les. Thaum Yes Xus muaj kaum ob xyoos lawm, lawv mus ua lub Ntees Hla pem Yes Lus Xas Les raws li kev cai ua Ntees Hla. Dhau cov hnub ntawd tas, ces Yos Xes thiab Mab Liab nkawd sawv kev rov mus, hos tus me tub Yes Xus tseem nyob Yes Lus Xas Les, nws niam thiab nws txiv tsis paub.

    Nkawd xav tias nkawd tus tub nrog pab neeg tuaj ua ke rov qab lawm. Ces nkawd mus ib hnub ke, nkawd mam li pib nrhiav nkawd tus tub hauv cov txheeb ze thiab cov swm neeg. Nkawd nrhiav tsis tau, nkawd rov mus nrhiav nws pem Yes Lus Xas Les. Nkawd nrhiav peb hnub, thiaj nrhiav tau Yes Xus nyob hauv lub Tuam Tsev Teev Ntuj. Nws zaum hauv nruab nrab cov kws Txoj Cai, nws mloog lawv thiab nug lawv. Cov neeg uas tau hnov Yes Xus hais lus, puav leej yoob tas rau nws lub tswv yim ntse thiab nws cov lus teb. Thaum nkawd pom Yes Xus, nkawd xav tsis thoob, ces Yes Xus niam hais rau Yes Xus tias: "Me tub, vim li cas koj ua li ntawd rau wb ? Saib ! Koj txiv wb nrhiav koj, wb ntxhov siab tas nrho." Yes Xus hais rau nkawd tias : "Vim li cas neb nrhiav kuv ? Neb tsis paub tias kuv yuav leg kuv Txiv cov hauj lwm lod ?” Mab Liab thiab Yos Xes nkawd tsis to taub lo lus uas Yes Xus hais rau kawd. Yes Xus nrog nkawd rov mus Nas Xas Les. Nws mloog nkawd lus. Yes Xus niam khaws tej ntawd huv tib si cia rau nruab siab. Hos Yes Xus hlob hauv kev thoob tsib, nws hlob cev thiab hlob hauv Ntuj lub txiaj ntsim, nyob ntawm Tswv Ntuj thiab ntawm zeej tsoom xub ntiag.



    Last edited by XH. Npuagtub on 1st September 2011, 10:46 am; edited 5 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 13th July 2010, 3:03 pm



    Zam Ntxuav Plig qhuab qhia.

    Zam Ntxuav Plig
    mus ntuas tsoom sid nyob hauv teb chaws suab puam Yus Das. Nws hais tias : "Nej hloov siab mog, vim Ntuj lub Ceeb Tsheej los txog ze lawm." Nws yog tus uas yaj saub His Xais hais txog tias : Tus qw hauv teb chaws quav poj lub suab hais tias : Nej npaj txoj kev rau Huab Tais, nej ua kom nws txoj kev ncaj tuaj.

    Zam cov ris tsho yog xuas plaub ntxhuav ua, nws sia ib daim siv tawv tsiaj ncig nws lub duav. Nws noj kooj thiab zib mu qus. Tas cov nyob Yes Lus Xas Les, cov nyob Yus Das teb, thiab cov nyob ib thaj tsam raws tus dej Yos Las Das puav leej tuaj cuag Zam. Lawv lees txhaum, thiab thov nws ntxuav lawv nyob hauv tus dej Yos Las Das.

    Thaum Zam pom coob tus Fas Lis Xais thiab ntau tus Xas Dus Kais tuaj txais kab ke ntxuav, nws hais rau lawv tias : "Caj ces nab muaj taug, leej twg qhia nej khiav kom nej dim ntawm Ntuj Txoj Kev Npau Taws uas tuaj yuav txog ? Nej kav tsij txi ib co txiv tsim nyog tus neeg hloov siab.

    Nej txhob khav rau nruab siab tias: ‘Peb muaj Has Nplas Has ua peb txiv.’ Kuv hais rau nej tias, Tswv Ntuj yuav ua kom Has Nplas Has ib co xeeb ntxwv tawm hauv cov pob zeb no los kuj tau. Zaum no, rab taus twb nyob ntawm cag ntoo lawm, tsob ntoo twg tsis txi txiv zoo, yuav tsum muab txiav pov hlawv hauv hluav taws.

    Ntawm kuv, mas kuv ntxuav nej nyob hauv dej kom nej tig los yuav ib lub siab tshiab ; hos tus lawv kuv qab tuaj, nws muaj zog dua kuv, kuv tsis tsim nyog hle nws nkawm khau.Tus ntawd yuav ntxuav nej nyob hauv Leej Ntuj Plig Ntshiab thiab nyob hauv hluav taws. Nws txhais tes tuav rawv ib lub vab, nws yuav ntxuaj nws lub tshav ntaus nplej. Nws yuav yawm cov nplej qoos rau hauv txhab, hos cov npluag, nws yuav muab hlawv hauv cov hluav taws tsis txawj tuag."
    Mastais, 3:1-12.


    Last edited by XH. Npuagtub on 1st September 2011, 10:56 am; edited 2 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 13th July 2010, 4:35 pm



    YES XUS TXAIS KAB KE NTXUAV.

    Thaum lub zim txwv ntawd, Yes Xus tawm hauv xeev Nkaslaislis mus cuag zam ntawm tus dej Yoslasdas (Jordan), kom Zam ua kab ke ntxhuav rau nws. Thaum Zam pom Yes Xus tuaj txais kab ke ntxuas ntawm nws, Zam tsis kam ua, Zam hais rau Yes Xus tias: " Kuv yog tus yuav thov koj ntxuav kuv, tiam sis koj ho tuaj cuag kuv."

    Yes Xus hais rau zam tias: Nyem no cia koj ua rau kuv kom xwv wb thiaj li tau ua raws txoj kev ncaj. Ces Zam ua raws li yes Xus hais. Thaum Yes Xus ua kab ke ntxuav tas, nws tawm hauv dej los tim ntug nqhuab tam sis ntawd Zam pom Tswv ntuj tus Ntsuj Plig nqes los xws li ib tug nquab rau saum Yes xus. Thiab ib lub suab nrov saum ntuj tuaj hais tias: " Tus no yog kuv Leej Tub uas kuv hlub tshaj, nws yog kuv qhov chaw zoo siab."
    Maistais, 3:13-17.



    [size=14]LO LUS NUG:
    1. Vim li cas Yes Xus thiaj kom Zam ua lub Cim Ntxuav rau nws ?
    2. Thaum Yes Xus txais lun Cim Ntxuav, Zam pom lub Ntuj qhib thiab leej Ntuj plig Ntshaib nqis los rau saum Yes Xus, nws yog cim qhia dab tsi rau peb ?
    3. Lub Cim Ntxhuav zam ua qhia tau dab tsi zoo rau peb ?

    LO LUS NCO NTSOOV:
    Tus tsis tau yug nyob hauv dej thiab hauv Leej Ntuj Plig Ntshiab
    mas nws yuav mus tsis tau hauv Tswv ntuj lub Ceeb tsheej. Zam, 3:5


    Last edited by XH. Npuagtub on 1st September 2011, 11:06 am; edited 5 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Maiv Tooj 13th July 2010, 10:17 pm



    Nyob zoo XH. Npuag Tub,

    Zoo heev, nws muaj lub tswv yim zoo
    los dhos duab thiab muab HT Yes Xus
    lub neej los nthuav ua ntu zus.
    Ua zoo li nov, kom peb rov taug dua
    HT Yes Xus txoj kev lub neej los mus.
    Muaj ntau yam uas peb tseem paub tsis txog,
    yuav qhia rau peb paub ntxiv.
    Kuv ua nws tsaug.

    Photobucket



    XH.NPuag Tub, cas kuv tsis txawj tso kom daim duab thiab cov ntawv nyob ua ke nruab nrab li?
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Maiv Paj Lug 14th July 2010, 12:58 am

    Maiv Tooj wrote:




    XH.NPuag Tub, cas kuv tsis txawj tso kom daim duab thiab cov ntawv nyob ua ke nruab nrab li?

    Maiv Tooj, cas zaum no XH NpuagTub tseem keej siv kev tso duab thiab sau ntawv zoo nkauj rau hauv vas sab Hmong Catholique lawm thiab ne O: ......ntshe wb yuav tau xyaum XH NpuagTub kom thiab ua tau zoo nkauj zuj zus mus lauj...XH NpuagTub cov duab los zoo nkauj heev, qhia tau kev cai thiab keeb kwm zoo heev...

    Ua tsaug ntau rau XH NpuagTub kev tshaj lij thiab ua ib tug XH zoo rau peb tsoom Hmoob :!
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 14th July 2010, 3:52 am

    Maiv Tooj wrote:


    Nyob zoo XH. Npuag Tub,

    Zoo heev, nws muaj lub tswv yim zoo
    los dhos duab thiab muab HT Yes Xus
    lub neej los nthuav ua ntu zus.
    Ua zoo li nov, kom peb rov taug dua
    HT Yes Xus txoj kev lub neej los mus.
    Muaj ntau yam uas peb tseem paub tsis txog,
    yuav qhia rau peb paub ntxiv.
    Kuv ua nws tsaug.

    Photobucket



    XH.NPuag Tub, cas kuv tsis txawj tso kom daim duab thiab cov ntawv nyob ua ke nruab nrab li?

    Mt,

    yog nws xav sau kom daim duab thiab cov ntawv nyob ncaj zoo li cov kuv tso ces nws yuav tau tso tus (table width100%) ces yeej zoo li cov kuv tso lawm, kuv pom nws tso (table width=60% ) xwb ces thiaj li tsis nyob dav. Hehehe....., twb yog kuv copy nws li xwb los tsam no tseem ua txuj tsis paub lawm thiab.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 14th July 2010, 4:16 am

    Maypajlug wrote:
    Maiv Tooj wrote:




    XH.NPuag Tub, cas kuv tsis txawj tso kom daim duab thiab cov ntawv nyob ua ke nruab nrab li?

    Maiv Tooj, cas zaum no XH NpuagTub tseem keej siv kev tso duab thiab sau ntawv zoo nkauj rau hauv vas sab Hmong Catholique lawm thiab ne O: ......ntshe wb yuav tau xyaum XH NpuagTub kom thiab ua tau zoo nkauj zuj zus mus lauj...XH NpuagTub cov duab los zoo nkauj heev, qhia tau kev cai thiab keeb kwm zoo heev...

    Ua tsaug ntau rau XH NpuagTub kev tshaj lij thiab ua ib tug XH zoo rau peb tsoom Hmoob :!

    Mp. thiab Mt,

    Txhob lam tsa luag tw ntxiab kom luag muaj siab, txhob lam tsa luag tw yej kom luag muaj ntsej.
    Neb li yog muaj Xib Hwb cob neb ua thiaj li yog, neb li yog muaj Xib hwb qhia neb thiaj ua tau zoo tiag.
    kuv li ces yog kawm tom hav nyom lam coj tuaj tso sib dhos ua rau neb vaj tsev ntxhov.
    Kuv li ces yog kawm tom tog kev lam coj tuaj tso ua rau sw neb tsev.
    Poj niam lub tswv yim zoo tsis thooj txiv neej li, nkawd ob leeg nyob ua ke thiaj tsheej ib yig.

    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 14th July 2010, 5:47 am



    YES XUS NYOB 40 HNUB 40 HMO TOM TIAJ NRAG SUAB PUAM
    (MT. 4:1-11, MK. 1:12-13, LK. 4:1-13)

    Tom qab ntawd, Leej Ntuj Plig Ntshiab coj Yes Xus mus tom tiaj nrag suab puam kom dab Ntxwgnyoog tau ntxias nws. Yes Xus yoo mov tau 40 hnub 40 hmo nws tshaib plab heev, ces dab ntxwgnyoog tuaj hais rau Yes Xus tias: " saib koj yog Tswv Ntuj leej tub tiag no, koj sim ua kom lub pob zeb no txia ua mov saib." Yes Xus teb rau dab Ntxwgnyoog tias: " Neeg tsis kawg muab mov los yug siav xwb, neeg tseem yuav cov lus tawm ntawm Tswv ntuj lub ncauj los yug siav thiab."

    Dab Ntxwgnyoog tseem coj Yes Xus mus txog ib lub tsheej Ntshiab, tso Yes Xus rau saum lub ruv tuam tsev teev ntuj, nws hais rau Yes Xus tias: " Saib koj yog Tswv Ntuj leej tug tiag no, koj dhia lawm hauv av saib. Vim ntawv sau muaj tias: " Ntuj yuav txib cov Ntshiab saum Ntuj tuaj nqa koj nyob hauv txhais tes, tsis cia koj txhais taw dawm pob zeb li." Yes Xus teb rau dab Ntxwgnyoog tias:[color=blue] " Koj yuav tsis txhob ntxias koj tus Huab Tais Tswv Ntuj."Dab Ntxwgnyoog tseem coj Yes xus mus txog saum ib lub ncov roob siab, nws muab tas cov teb chawm vam meej saum yaj no rau Yes Xus pom. Nws hais rau Yes Xus tias: " Yog koj txhos caug hawm kuv, kuv yuav muab cov teb chaws ntawd tib si rau koj." Yes Xus hais rau Ntxwnyoog tias: " Xas Tas ! Koj khiav mus, vim ntawv sau muaj tias: Koj yuav pe yuav hwm yuav teev yog koj tus Huab Tais Tswv Ntuj tib leeg xwb." Ntxwgnyoog tso Yes Xus tseg, ces muaj Ntuj cov Ntshiab txav los ze Yes Xus lawv tsob hwb nws.


    LO LUS NUG:
    1. Yes Xus siv cov lus teb dab Ntxwgnyoog txoj kev dag ntxias zoo li cas ?
    2. Qhov Yes Xus raug Ntxwgnyoog ntxias, qhia rau peb paub Yes Xus li cas ?
    3. Yes Xus yeej txoj kev dag ntxias, kev txom nyem yoo tshaib 40 hnub 40 hmo muaj lub ntsiab li cas rau peb lub neej niaj hnub no ?


    LO LUS NCO NTSOOV:
    Peb muaj ib tug tuam leej Choj uas nws raug sim dag ntxias rau txhua fab kev,
    zoo xws li peb thiab, tias sis nws tib leeg yog tus tsis muaj txhaum. HB. 4:15


    Last edited by XH. Npuagtub on 1st September 2011, 11:19 am; edited 2 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 14th July 2010, 7:27 am


    UA TSHOOB HAUV LUB ZOS KAS NAS

    Peb hnub tom qab, muaj ib rooj tshoob nyob hauv lub zos Kas Nas xeev Nkas Lais Lis. Yes Xus niam mus nrog lawv noj tshoob nyob ntawd. Lawv caw Yes Xus thiab nws cov Thwj tim mus noj tshoob thiab. thaum lawv noj tshoob txog tog ces cawv tas lawm, Yes Xus niam los hais rau Yes Xus tias: Lawv cawv tas lawm, ces Yes xus hais rau nws niam tias: " Niam, tsis yog koj hauj lwm, kuv lub sij hawm tseem los tsis tau txog."
    Yes Xus niam mus hais rau cov tuv ce cawv tias:" Yes Xus kom nej ua yam twg mas nej ua huv si mog." Nyob ntawd muaj rau lub hub zeb teem dej rau cov Yus Das siv raws li lawv txoj cai ntxuav tes. ib lub hub ntim tau li 2-3 thoob dej. Yes Xus hais rau cov tub ce cawv tias, nej hliv dej kom puv cov hub no, ces lawv hliv dej puv cov hub tas. Yes Xus hais rau lawv tias: " Zaum no nej ce cov dej no nqa mus rau txiv thiaj com." Lawv ce cov dej ntawd nqa mus, thaum txiv thiaj com saj cov dej ntawd yog ib co cawv qab tshaj, nws tsis paub tias cov cawv ntawd muab qhov twg los? Tiam sis cov tub ce cawv paub, vim lawv yog cov ce cawv. ces txiv thiaj com thiaj hu nraug vaus los.
    Nws hais rau nraug vauv tias: "Kev cai mas yuav xub ce cov caw qab los haus ua ntej tso, thaum sawv daws qaug me ntsis lawm mas li muab cov qab tsis heev los haus, Tiam sis koj muab cov cawv qab tshaj cia txog tav no diam." Yes Xus ua thawj lub cim yog zoo li ntawd, nyob huav lub zos Kas Nas xeev Nkas Lais lis. Nws ua nws lub hwj chim tawm los, ces nws cov thwj tim thiaj li ntseeg txog nws. Zam, 2:1-11

    LO LUS NUG
    1. Vim li cas Yes Xus niam thiaj los hais tias cawv tas lawn rau Yes Xus ?
    2. Lub cim Yes Xus muab dej txia ua cawv no ntxhais li cas rau peb lub neej?
    3. Thaum cov Thwj tim pom Yes Xus ua lub cim no lawv xav li cas ?

    LO LUS NCO NTSOO
    Leej Lo Lus xeeb los ua ib lub cev neeg, nws nrog peb nyob.
    peb tau ntsia ntsoov nws lub hwj chim. Yog lub hwj chim uas Leej Tub twm zeej tau ntawm leej txiv los.
    Leej Tub muaj txiaj ntsim thiab qhov tseeb nyob puv hauv nws.
    Zam, 1:14


    Last edited by XH. Npuagtub on 1st September 2011, 12:24 pm; edited 6 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 14th July 2010, 8:52 am



    CUA THIAB DEJ HIAV TXWV NYOB TUS YEES


    Muaj ib hnub Yes Xus hais rau nws cov Thwj tim tias, peb nce nkauj mus rau lawm sab ntug dej tid, ces lawv txawm nquam nkoj mus li Yes Xus hais. Yes Yus Tsaug zog lawm, ib sij huam ces dej hiav txwv thiab cua tshuab sawv nphau tej niag nthwv hauv haiv txwv tuaj. Cov nplaim dej nphau tuaj nphog lub nkoj lawv nyob.

    Cov Thwj tim los ze Yes Xus, lawv qw thiab tsa Yes Xus tias: " Huab Tais, koj cawm peb mas, peb yuav tuag ! Yes Xus hais rau lawv tias: " Vim li cas nej ntshai ? Ua cas nej yuav ntseeg ntsawg ua luaj ? Ces Yes Xus sawv ntsug, nws txwv cua thiaj dej hiav txwv, tam sis ntawd dej thiab cua cia li rov nyob tus yees.

    Nws cov thwj tim cia li nyob hab nuv cia, lawv sib tham zom zaws tias: Tus ntawd yog leej twg tiag ? tab yog cua thiab dej hiav txwv los los yeej mloog nws lus. MT. 8:23-27



    LO LUS NUG
    1. Ua cas Yes Xus ua lub cim qhia tias nws yog Tib neeg tiag ?
    2. Ua cas Yes Xus ua lub cim qhia tias nws yog Tswv ntuj tiag ?
    3. Nyob hauv peb lub neej, Yes Xus pab peb zoo li cas thaum cua daj cau dub tuaj raug peb ?

    LO LUS NCO NTSOOV
    Yes Xus hais rau lawv tias, ...." Ntuj pub ib puas tsav yam hwj huam nyob saum Ntuj
    thiab nyob ntiaj teb no rau kuv. "
    MT. 28:18


    Last edited by XH. Npuagtub on 1st September 2011, 11:49 am; edited 4 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 16th July 2010, 4:50 am

    <
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 22nd July 2010, 10:42 am

    <
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 22nd July 2010, 10:42 am

    <
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 22nd July 2010, 10:43 am

    <
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 22nd July 2010, 10:43 am

    <
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Npuagtub 22nd July 2010, 10:44 am

    <

    Sponsored content


    NYEEM YES XUS LUB MOO ZOO Empty Re: NYEEM YES XUS LUB MOO ZOO

    Post  Sponsored content


      Current date/time is 27th March 2024, 11:26 pm