Ib tug neeg nplua nuj thiab nto koob meej tuaj yeem xaiv Tswv Ntuj

**Mim** 9th July 2010, 4:20 pm

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Ib tug neeg nplua nuj thiab nto koob meej tuaj yeem xaiv Tswv Ntuj

Post Mim 9th July 2010, 4:20 pm

Muaj ib tug actress ua movie xyoo 1958 mus txog 1963. Nws yog ib tug neeg zoo nkauj, thiab nws ua movie tau zoo sawv daws qhuas thiab nyiam heev. Thaum lub caij ntawd, nws twb qhaib nrog ib tug txiv neej tib si, yeej npaj yuav sib yuav lawm xwb. Tiam sis, nws cia li txiav txim siab tso tas puas tsav yam tseg, mus ua ib tug phauj "cloistered nun."

Yog yus no xyov yus puas yuav muaj peev xwm tso tau tas puas yam tseg li nws, es mus tsob hwb Tswv ntuj ib leeg lawm xwb?

**Mim** 10th July 2010, 5:17 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°2

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Mim 10th July 2010, 5:17 am

Lub 8 hli xyoo 2008, ib tug tub hluas uas yog ib tug professional soccer player, nws nto koob meej thiab nws lub neej yav tom ntej yeej tho tau kev du lug rau nws taug mus lawm xwb, tiam sis nws kuj tau txiav txim siab muab tej ntawd tso tseg tas nrho, mus kawm npaj ua leej choj tsob hwb Tswv Ntuj xwb....

**Npuagtub** 10th July 2010, 8:30 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°3

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Npuagtub 10th July 2010, 8:30 am

TUS YAJ SAUB YOS NAS KHIAV TSWV NTUJ

		Nyob zoo Mim thiab cov phooj ywg, Cov zaj lus video koj tso no mas zoo thiaj muaj nqis heev rau peb cov neeg ntseeg. Yuav qhia tau rau peb kom peb paub tias thaum Tswv Ntuj hu koj mus ua hauj lwm rau nws mas koj yuav pauv koj tus kheej thiab lub neej zoo li cas ? Thaum Tswv Ntuj hu koj mus ua txoj hauj lwm uas nws npaj rau koj mas koj yuav tawv tsis dhau li, yog li no peb thiaj li pom muaj coob leej cia li sawv kev zoo siab hlo kam tso nws lub neej tseg es mus ua Tswv Ntuj txoj hauj lwm raws Huab Tais Yes Xus qab. peb mus saib tus yaj saub Yos Nas thaum ub Tswv Ntuj txib kom mus ua nws txoj hauj lwm tiam sis Yos Nas ntshai tsis kam mus, nws thiaj li xav khiav deb rau lwm lub teb chaws kom tswv Ntuj txhob nrhiav txib tau nws. Thaum Tswv Ntuj hais rau Yos Nas kom nws sawv kev mus txog lub roog Nis Nis Vas, kom ntuas cov neeg nyob Nis Nis Vas kom lawv txhob ua txhuam ntxiv, kom lawv tig los yuav lub siab tshiab. Yos Nas ntshai mus ntuas cov neeg nyob Nis Nis Vas ces nws caij nkoj mus mus rau lwm lub teb chaws. Tab sis thaum nws nrog lawv caij nkol mus txog ib tog kev ces dej hiav txwv nphau loj heev ces cov tub tsav nkoj thiaj li muab Yos Nas pob rau hauv dej hiav txwv.
Tswv Ntuj pab Yos Nas, ib tug vaj ntses thiaj li tuaj nqos Yos Nas. Tus vaj ntses cia Yos Nas nyob 3 hnub hauv nws plab. tus vaj ntses mus ntuav Yos Nas rau tim ntug hiav txwv Yos Nas tseem ciaj sia. Ces tus Yaj Saub Yos Nas thiaj li mus qhuab qhai ntuas cov neeg nyob Nis Nis Vas, Cov neeg Nis Nis Vas thiaj tig los yuav lub siab tshiab rov mloog Tswv Ntuj zoo. Yog ib zaj dab neeg nyob hauv ntawv Ntshiab Cog Qub Lus, yog ib zag ntuas cov His Xais Lais thaum ub lawv mus nyob txim nyob Npas Npis Loos rov qab los. kuj yog iv zaj zoo qhia rau peb cov ua tau ntsib kev txom nyem poob teb chaws mus ciaj luag toj ua luag qhev uas tam sis no ho rov tau txais lub neej kaj siab vam meej zoo lawm thiab.

**Maiv Tooj** 10th July 2010, 5:20 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Maiv Tooj 10th July 2010, 5:20 pm

Mim wrote:Muaj ib tug actress ua movie xyoo 1958 mus txog 1963. Nws yog ib tug neeg zoo nkauj, thiab nws ua movie tau zoo sawv daws qhuas thiab nyiam heev. Thaum lub caij ntawd, nws twb qhaib nrog ib tug txiv neej tib si, yeej npaj yuav sib yuav lawm xwb. Tiam sis, nws cia li txiav txim siab tso tas puas tsav yam tseg, mus ua ib tug phauj "cloistered nun."

Yog yus no xyov yus puas yuav muaj peev xwm tso tau tas puas yam tseg li nws, es mus tsob hwb Tswv ntuj ib leeg lawm xwb?

Nyob zoo Mim,

Kuv paub ib tug Txiv Plig hluas, nws txais lub Cim Tiag Tes lub 5hlis 2008, nws tso nws tus hluas nkauj tseg, tom qab nws cog lus Thawj Zaug tag, nws mus xyuas nws tus hluas nkauj thiab tus hluas nkauj tus txiv. Nws hais rau tus txiv tias: "Koj yuav tsum hlub nws nawb, yog koj tsis hlub nws, hais koj paub tias kuv tseem nyob ntawm no". Lo lus nov tsis yog txhais li Hmoob txhais hais tias kuv tseem yuav rov los yuav nws, tab sis yog txhais hais tias: " Yog koj tsis hlub nws, kuv yuav tuaj muab koj xyuas...!" Kuv xav txog tus Txiv Plig nov cov lus thaum twg mas kuv kuj xav li neb hais thiab, Tswv Ntuj muaj hwj huam tag nrho, Tswv Ntuj tau txib leej twg mas yuav khiav tsis dhau...Ces niaj hnub nim no peb quaj tag los yuav rov tuav Tswv Ntuj tes hauj lwm ntxiv, peb ua txhaum tag los txhob xav txog peb cov txhaum li, rau siab ua Tswv Ntuj tes hauj lwm mus xwb. Yam ua tag ces cia tag mus, qhov tom ntej yuav mus ntxiv. Yog peb xav tias peb twb ua ntau yam tsis zoo, tsis tsim nyog lawm, peb yuav tsis tuas Tswv Ntuj lub npe ntxiv ces peb yuav ua tsis tau ib yam dab tsi li.

**Maiv Paj Lug** 10th July 2010, 11:39 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°5

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Maiv Paj Lug 10th July 2010, 11:39 pm

Mim wrote:Muaj ib tug actress ua movie xyoo 1958 mus txog 1963. Nws yog ib tug neeg zoo nkauj, thiab nws ua movie tau zoo sawv daws qhuas thiab nyiam heev. Thaum lub caij ntawd, nws twb qhaib nrog ib tug txiv neej tib si, yeej npaj yuav sib yuav lawm xwb. Tiam sis, nws cia li txiav txim siab tso tas puas tsav yam tseg, mus ua ib tug phauj "cloistered nun."

Yog yus no xyov yus puas yuav muaj peev xwm tso tau tas puas yam tseg li nws, es mus tsob hwb Tswv ntuj ib leeg lawm xwb?

Wow.....cas Tswv Ntuj yuav muaj hwj huam tag nrho li....saib tej txoj keeb kwm no txaus los kua muag. Tej tus ntxhais zoo nkauj npaum no twb muaj qhaib tib si lawm los tseem txiav txim tau siab mus ua phauj, tus ntxhais no ntshe yeej yog neeg ntshiab neeg tso siab tiag tiag rau Tswv Ntuj lawm, nyiaj thiab kub thiab neeg ntiaj teb nws tsis ntshaw npaum li Ntuj txoj sia nyob mus li.

Sim neej no ntshe cov neeg dawb huv li no yuav tau mus ncaj nqha rau Ntuj ceeb tsheej hos cov zoo li yus ntshe xyov puas yuav tau mus ncaj nqha li lauj.....cas Tswv Ntuj twb pub txiaj ntsim ntau ua luaj rau yus los yus tseem ntog tsis tseg li thiab!.

Ib tug neeg nplua nuj thiab nto koob meej tuaj yeem xaiv Tswv Ntuj Maypa110

Pab kuv rov los cuag koj Huab Tais Yesxus

**Mim** 11th July 2010, 1:29 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°6

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Mim 11th July 2010, 1:29 pm

XH Npuag Tub, tais Tooj, thiab Maiv Paj Lug,

Kuv xav hais tias peb tsim nyog qhuas tej tus neeg muaj peev xwm npaum li ntawd. Qhov loj tshaj uas kuv xav qhuas mas yog qhov tias cas ob tug neeg ntawd, nkawd yuav muaj txoj kev nyiam Tswv Ntuj loj tag npaud, nkawd tuaj yeem tso nkawd lub neej nplua nuj muaj txhij muaj txhua, muaj koob nto npe tseg, tsuav tau Tswv Ntuj ua nkawd tug xwb... Nkawd tau coj raws nkaus li peb nyeem nyob hauv Ntawv Moo Zoo ntag:

MT 13: 44
"Ntuj lub Ceeb Tsheej zoo li ib hub nyiaj faus rau hauv ib daim teb. Muaj ib tug neeg mus nrhiav tau...nws muag nws lub cuab tam, ces nws muas daim teb ntawd."

Nkawd tau xaiv raws li Yes Xus hais, tsis ua raws li tus tub hluas muaj nyiag hauv zaj no:

MK 10: 17-27
17 Thaum Yes Xus yuav sawv kev mus, muaj ib tug neeg khiav los txhos caug ntawm Yes Xus xub ntiag, nws nug tias: "Xib Hwb siab zoo, kuv yuav ua dab tsi thiaj tau txais txoj sia nyob mus li los ua cuab tam?"
18Yes Xus hais rau nws tias: "Vim li cas koj hais tias kuv siab zoo? Tsis muaj leej twg siab zoo, tsuas kawg Tswv ntuj ib leeg xwb.
19 Koj paub cov lus qhia tias: 'Koj txhob tua neeg, txhob zes luag txij luag nkawm, txhob ua tub sab, txhob ua tim khawv cuav, txhob ua luam cuav, hwm koj niam koj txiv.'"
20 Tus neeg ntawd teb rau Yes Xus tias: "Xib Hwb, txijh kuv yav hluas los, kuv yeej coj nraim li ntawd."
21 Yes Xus ntsia nws, ces Yes Xus nyiam nws. Nws hais rau tus neeg ntawd tias: "Tsuas tshuav ib yam xwb koj tsis tau ua: Koj mus, koj muabkoj lub cuab tam muag, muab tus nqi pub rau cov pluag, koj yuav tau ib lub cuab tam muaj nqis nyob saum ntuj. Ces koj los raws kuv."
22 Tus neeg ntawd hnov lo lus no, nws lub ntsej muag ntshaus tas, ces nws rov mus tu siab nrho, vim nws muaj cuab yeej cuab tam ntau.
23 Ces Yes Xus ntsia ib ncig nws, nws hais rau cov thwj tim tias: "Cov neeg nplua nuj mus hauv Tswv Ntuj lub Ceeb Tsheej nyuaj npaum no!"
24 Cov thwj tim yoob tas rau cov lus no. Tab sis Yes Xus rov hais rau lawv tias: "Kuv cov me nyuam, kev mus hauv Tswv ntuj lub Ceeb Tsheej mas yeej nyuaj npaum no!
25 ib tug ntxhuav yuav nkag hauv lub qhov koob yooj yim dua ib tug neeg nplua nuj yuav nkag mus hauv Tswv Ntuj lub Ceeb Tsheej...
26 Cov thwj tim yim huab yoog heev. Lawv sib tham tias: "Leej twg thiaj yuav txais kev cawm tau?"
27 Yes Xus ntsia lawv, nws hais tias: "Yog neeg ua neeg xwb mas yeej tsis tau li, tab sis Tswv Ntuj ua tau. Vim Tswv Ntuj ua tau tas ib puas tsav yam."

Thov kom Tswv Ntuj lub txiaj ntsim pab peb cov Hmoob kom pom tau tias Tswv Ntuj yog lub hub nyiaj nyob hauv daim teb, uas peb yuav tsum mus muas kom tau xwb xwb. Thiab kom peb tsis txhob ua li tus neeg nplua nuj, uas lub siab dai dhuam rau tej cuab yeej cuab tam lub neej ntiaj teb no, tiam sis kom peb yuav tsum muab Tswv Ntuj los ua qhov tseem ceeb nyob hauv peb lub neej, peb yuav tsum saib txoj kev teev Ntuj, hwm Ntuj, ua siab dav hlub luag muaj nqes.

Tsis tas li ntawd xwb, thov kom peb muaj ib co tub co ntxhais Hmoob los yog ib co txiv neej los poj niam Hmoob uas muaj lub siab tawv qhawv mloog HT Yes Xus hu lawv mus caum nws...

**Npuagtub** 11th July 2010, 2:29 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°7

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Npuagtub 11th July 2010, 2:29 pm

Nyob zoo Mim, Mt, Mp, thiab cov phooj ywg,

Yog kawg, kuv los kuj zoo siab thov qhuas txog tej tug neeg zoo li ntawd kawg nkaug. Peb ua neej nyob mas peb tsis paub Tswv Ntuj lub hom phiam uas nws npaj rau peb. Kuj muaj ib txhia neeg lawv tau txiav siab mus ua tswv Ntuj cov hauj lwm tiam sis thaum txog tej lub sij hawm lawv tsis nyiam mas lawv kuj tim nrov qab thiab.

Xws li nyob nram peb no 10 xyoo dhau los Tswv qhia lawv tau thov ib tug Txiv Plig tseem hluas heev, nws ua hauj lwm saib lub tsev teev ntuj nyob tsis deb ntawm Fresno pes tsawg, kom nws tuaj pab ua txoos teev ntuj rau peb cov hmoob, nws kuj tuaj li tswv qha hais, nws kuj nyiam hmoob heev thiab nws twb kawm hais lus hmoob tau me ntsis lawm thiab. Tsis ntes ces nws tsis khoom tuaj pab ua Mass rau peb lawm ces peb tsis tau ntsib nws li 5 xyoos tom qab ces nws hu ib tsab xov tooj tuaj rau Deacon Soob Naij tham ces nws hais tias nws tsis uas Txiv Plig lawm, nws twb yuav poj niam tau 2 xyoos lawm. Kuj ua rau Deacon Soob Naij ceeb loj kawg.

Peb ua neeg nyob mas tus yuav ua li cas los muaj tas huv si, txhob muab xav xwb yog muab xav mas mob taub hau kawg ua rau tswv yim qauj tas.

**Maiv Tooj** 12th July 2010, 8:47 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Maiv Tooj 12th July 2010, 8:47 am

XH. Npuag Tub,

Tswv Ntuj pom hauv neeg lub siab, Tswv ntuj pom yav tom ntej, tus neeg nws ho ua tsis tau Txiv Plig los yog nws rau siab taug nws txoj kev ntseeg ces yeej yog ib qho zoo heev. Vim nws yuav ua Tswv Ntuj tus tub txib txawv qhov uas nws ua tsis tau. Ib yam li peb niaj hnub no, peb nyias muaj nyias txwj nyias nkawm, me tub me nyuam; tab sis peb coj ib lub neej nyob ze Huab Tais Ntuj heev, niaj hnub sawv ntxov, tav su tsaus ntuj, peb tham nrog Tswv Ntuj tas mus li. Yog yuav hais los ces peb yeej teev Ntuj tas mus li thiab, txawm peb tsis yog lub neej tab seeb los peb Txiv Ntuj raws li peb kev ua neej ncaj ncees thiab tsob hwb Huab Tais Ntuj txoj hauj lwm. Kuv xav tias tej yam zoo li peb ua nov, kuj yog ib lub txiaj ntsim loj heev thiab.

**Mim** 16th July 2010, 1:45 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°9

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Mim 16th July 2010, 1:45 pm

Tais Tooj thiab XH Npuag Tub,

Hais txog ntawm cov txiv plig los cov phauj uas tawm lawv txoj kev ua txiv plig thiab ua phauj, mas muaj ob peb yam hais, vim neeg nyias muaj nyias tswv yim nyias muaj nyias siab nyias muaj nyias kev ntseeg txawv.

Muaj tej tus txiv plig los tej tus phauj los tej tus tij, yog lawv pom tau hais tias yog lawv nyob ua txiv plig, ua phauj los ua tij ntxiv mas ntshai lawv yuav uv tsis dhau, lawv yuav ua txhaum rau lawv txoj kev cog lus xwb, ces lawv yeem tawm zoo dua. Cov coj li no mas kuv xav tias yog ib qho zoo dua rau lawv tus kheej thiab rau lub Koom Txoos, vim lawv pom lawv qhov tsis muaj zog, ces lawv xav maim kom dhau kev txaug kev txhaum.

Muaj ib co mas zoo li lawv tsis muaj kev ntseeg tob txaus, lawv lam mus ua txiv plig los ua phauj los ua tij xwb. Txawm lawv twb kawm kev ntseeg ntau ntau los zoo li yeej tsis nkag hauv lawv lub hlwb thiab tej siab ntsws li, ces lawv tsis muaj qhov ntseeg tias ua txhaum rau Ntuj li. Lawv xav ua li cas los lawv nyiag ntshis ua, tsuav txhob pub neeg pom neeg paub xwb. Tiam sis cov coob ces muaj ib hnub twg neeg yeej yuav tsum paub li... Cov coj li no mas tej zaum lawv tseem qhuas tias lawv tau zoo neej kawg, xav siv nyiaj ces cia li rho hauv church los siv xwb... zoo li yog lawv nrhiav kev noj tsoom ntseeg thiab lub Koom Txoos xwb...

Muaj ib txhia mas lawv yeej paub tias lawv ua txhaum, tiam sis lawv txoj kev ntshaw kev ntiaj teb muaj zog dhau, qhau lawv tas mus li, ces lawv cia li ua lawv lub cev thiab lub siab ntshaw qhev lawm.

Yog vim li no, peb cov ntseeg yuav tau zam txhaum ib txhia rau lawv, tiam sis peb kuj yuav tsum tau ua nruj kom lawv coj zoo. Qhov loj tshaj yog peb yuav tsum tau thov ntuj pab lawv. Lawv tus kheej los yuav tsum pab lawv thiab. Lawv yuav tsum muaj txoj kev teev ntuj tsis tseg nyob hauv lawv lub neej niaj hnub, mas lawv thiaj nyob ze Tswv Ntuj ces lawv lub siab thiaj tsis fav xeeb rau Tswv ntuj.

Muab xav mus xav los mas txoj kev teev ntuj yog txoj kev yuav daws tau peb tsoom ntseeg sawv daws tej kev nyuaj ntxhov thiab kev txaug kev txhaum, tsis hais tus neeg ntseeg, tus xib hwb los tus leej choj li.

Kuv lam piav raws li kuv xav tau xwb, yam twg zoo khaws mus xav los nej ho coj mus, yam twg zoo tso tseg los nej muab tso tseg os nawb...

**Maiv Tooj** 17th July 2010, 9:26 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°10

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Maiv Tooj 17th July 2010, 9:26 am

Nyob zoo Mim,

Kuv nyeem koj cov lus kawg nov mas ua rau kuv xav txog ntau yam. Tab sis xij peem, kuv xav tias peb ua neeg nyob, peb muaj peb li ntiag tug hauj lwm ua ces peb ua mus xwb; txhob ntsia luag tej. Ntawm Peb Hmoob mas kuj tseem tsis tau muaj cov Txiv Plig ho tso lawv tej kev ua Cog Lus tseg. Tab sis kuv paub tus puav phauj mas ua tau tej yam tsis tsim nyog kiag li. Tsis yog lawv tseg tsis taus lub neej ntshaw hauv ntiaj teb no es lawv tawm, tab sis lawv ua tej yam txhaum loj uas luag tej twb tsis ua. Yam li lawv cia li tsis ntshai qhov muaj txhaum li lawm. Kuv pom lawv coj li ntawd, kuv kuj tu siab kawg. Tab sis tej no ces kuv lam tham xwb, yog Tswv Ntuj lub luag hauj lwm, nws mam xyuas raws li nws txoj cai.

Ntawm kuv tus kheej mas, kuv xav tias yus twb paub Tswv Ntuj txoj cai, yog yus thev tsis tau los yus yuav tsum ua ib tug neeg ntshiab huv, coj lub neej ncaj ncees thiab ua Tswv ntuj txoj hauj lwm mus ntxiv, ua ib tug neeg ntseeg zoo nrog lub Koom Txoos Ntshiab...

**Mim** 2nd August 2010, 4:48 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°11

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Mim 2nd August 2010, 4:48 pm

Ntawm no yog ib zaj piav txog Paddy (Patrick) Kelly. Nws thiab nws cov nus muag lawv tsim tau ib pab band hu nkauj. Lawv nto moo heev nyob Germany, Spain, thiab cov teb chaws Europe. Lawv muas tau ib lub castle nyob rau Germany rau lawv tsev neeg nyob. Txawm nws muaj nyiaj nto koob meej npaum li ntawd los nws tsis muaj kev zoo siab li. Nws xav txog txoj kev yuav txo yus txoj sia xwb.

Muaj ib zaug nws lam mus xyuas Lourdes, no ua cas nws cia li hnov nws
lub siab nyob tau kaj kaj, thiab nws hnov zoo li ib lub suab qhia rau
nws tias Tswv Ntuj tsis nyob deb deb, nws nyob zee yus xwb. Nws to taub
tias yog Niam Mab Liab lub suab hais rau nws. Xyoo 2000, nws thiab nws ob tug kwv tij thiab ob tug muam lawv txawm mus koom lub Youth Festival nyob Medjugorje. Txij ntawd los lawv lub siab cia li tig zuj zus los ntseeg Ntuj zoo dua qub tuaj. Xyoo 2004, Paddy tau txiav txim siab tso nws tej nyiaj txiag thiab nws lub koob meej tseg, nws tawm mus kawm theology, nws mus ua ib tug monk nyob rau lub koom haum St. John Community nyob Medjugorje. Nws yuav lub npe hu ua Brother John Paul Mary. Nws kuj tseem niaj hnub hu nkauj thiab, tiam sis yog hu cav txog Tswv Ntuj thiab Niam Mab Liab lawm xwb.

Leej twg xav paub ntau dua nov, mus saib thiab nyeem hauv lub site no:

http://www.ministryvalues.com/index.php?option=com_content&task=view&id=610&Itemid=122

**Maiv Tooj** 3rd August 2010, 7:19 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°12

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Maiv Tooj 3rd August 2010, 7:19 am

Nyob zoo Mim,

Wow...! Tswv Ntuj mas hwj chim loj heev tiag, NWS xav ua dab tsi mas nws yeej muaj peev xwm ua tau. Li ntawd peb txhua leej yuav tsum tso siab log rau Tswv Ntuj, thaum peb txom nyem los ntxhov siab, peb yuav tau ua siab loj thiab tso siab tag nrho rau Tswv Ntuj.

Mim, zaum no mas ntshe Brother John Paul Mary yuav yog ib tug Moine tseem ceeb thiab nto moo heev. Cas nws yuav hu tau nkauj zoo tag npaum ntawd. Mloog nws lub suab hu nkauj, hu koj zaj nkau Ave Maria cuag li nws muab yus xa mus ze ze Tswv Ntuj lawm tiag.

Ua tsaug os Mim, koj txawj mus nrhiav tej yam zoo thiab tseem ceeb heev rau peb sawv daws paub thiab txhawb peb txoj kev ntseeg kom loj dua tuaj. Kuv ua koj tsaug mog.

Ib tug neeg nplua nuj thiab nto koob meej tuaj yeem xaiv Tswv Ntuj 2863162638_94e76d304a

**Maiv Paj Lug** 3rd August 2010, 8:13 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°13

Re: Ib tug neeg nplua nuj thiab nto koob meej tuaj yeem xaiv Tswv Ntuj

Post Maiv Paj Lug 3rd August 2010, 8:13 am

Wow...Niamlaus Mim, koj mas cas yuav paub nrhiav tau tej yam kev ntseeg ntawm cov neeg muaj nyiaj nplua nuj thiab muaj neej mom convertie los ua Catholic ua luaj li, ua koj tsaug ntau nawb, tej yam xwm zoo li no yeej tsim nyog muab nthuav thiab qhia sawv daws vim Niam Mab Liab yeej pab tau coob tus neeg hloov siab hloov ntsws mus ua Tswv Ntuj me nyuam tiag tiag li

Pab kuv rov los cuag koj Huab Tais Yesxus