Yuav hwm niam hwm txiv.

**Maiv Paj Lug** 12th June 2010, 4:18 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Yuav hwm niam hwm txiv.

Post Maiv Paj Lug 12th June 2010, 4:18 am

YUAV HWM NIAM HWM TXIV (Npes Xis Las 3:1-11)

Yuav hwm niam hwm txiv. Sainte_Trinite_190D

Cov me nyuam , nej mloog kuv, kuv yog nej txiv, nej coj tus yam ntxwv ua kom nej tau txais kev cawm. Huab tais ua kom leej txiv muaj koob meej nyob hauv nws cov me nyuam, nws ua kom leej niam muaj cai saib nws tej tub ki.

Tus hwm nws txiv nws them nws cov txim thxaum. Tus cav txog nws niam lub koob meej nws zoo li tus neeg sau ib txhab nyiaj.Tus hwm nws txiv, yav tom ntej nws yuav ntsib chaw zoo siab nyob hauv nws cov me nyuam.Thaum nws thov Ntuj, Ntuj yuav mloog nws lus thov. Tus cav txog nws txiv lub koob meej, nws yuav nyob ntev xyoo. Tus ua xis nws niam siab, nws yuav mloog lus. Tus hwm Huab Tais, nws kuj yuav hwm nws niam nws txiv, thiab nws tsob hwb nws niam nws txiv li ib co tswv.

Koj yuav hwm koj txiv ntawm lub ncauj, ntawm tej tes taw tib si, nws lo lus foom hmoov zoo thiaj li yuav tuaj cuag koj. Leej txiv lo lus foom hmoov zoo ua kom nws tej tub ki nyob nruaj nreb.Leej niam lo lus foom hmoov phem rhuav nws tej tub ki tej vaj tse. Yog koj txiv poob ntsej muag mas koj txhob khav tias koj muaj koob meej. Ib tug neeg lub koob meej tuaj ntawm nws txiv lub neej mom tuaj. Thaum ib leej niam raug luag thuam, mas nws cov me nyuam kuj raug kev txaj muag.

Yuav hwm niam hwm txiv. Veronese_dieu_le_pere

Yuav hwm niam hwm txiv. Veronese_dieu_le_pere

Pab kuv rov los cuag koj Huab Tais Yesxus

Kajntug 14th June 2010, 10:56 am

Kajntug

Kajntug: Messages : 21
Date d'inscription : 2009-08-16

Post n°2

Re: Yuav hwm niam hwm txiv.

Post Kajntug 14th June 2010, 10:56 am

****Niam thiab txiv txoj kev hlub ****

Txij kuv paub tab los raw li kuv paub thiab kuv tu kheej xav ntawm niam txiv txoj kev hlub nws yog ib txoj kev muaj nqis tsaj txua txua txoj kev hlub ua muaj nyob hauv lub ntiaj teb no, vim hai tia niam thiab txiv yog tu muab yu lub cev,lub siab, lub tswv yim, yu lub future thiab lwm lwm yam rau yu, yog tsi muaj niam thiab txiv txoj kev hlub lawm yuav tsi muaj yu tu kheej thiab tsi tag li ntawd kuj hos yuav tsi tswm sim muaj ntau tsam ntau yam ua kom yu paub thiab tau kawm txuj kawm cis es kom peb human hos muaj kev vam meej mus tom ntej.

Nyob ntawm niam thiab txiv txoj kev hlub yog tsi ua zoo muab saib thiab xav nws yuav tsi pom qhos hlub yu los si cov me nyuam li, vim tia txij kiag niam thiab txiv yu kiag peb los xwb niam thiab txiv yeej ib txwm cem cem thiab qhia qhia peb kom peb xyaum ua ib tug neeg zoo li cas thiab coj li cas los si yuav hais lus li cas thiaj yuav mus nyob tau nrog txua tu neeg ua sawv daw nyob koom zej kom zos, tsi tag li xwb yuav ua cas thiaj yuav nyob haum neej haum tsav haum nom haum tswv thiab coj raug luag txoj kev cais zoo. Nyob rau ntawm kuv tu keej niam thiab txiv txoj kev cem ces yog niam thiab txiv ib txoj kev ua hlub peb cov ua me nyuam tsaj plaws, vim tia lawv ntshai ntshai tsam yu tu ua me nyuam tsi txawj thiaj quab qhia kom yu mloog lus ,vim txua yam cov laus yog tu hlob thiab twb tau dhau tej yam txwm txeej zoo li ntawd mus lawm es lawv twb muaj experience ntau lawm lawv thiaj paub tia qhov twg yog qhov twg tsi yog es lawv thiaj cem thiab qhua yu li ntawd xwb.

Niam txiv txoj kev ntau tsua yog ib txoj kev ua kom cov me tub me nyuam nws cim tau zoo thiab nco tau tseg tia lwm zaus kom tsi txhob ua li qub ntawd lawm, vim tia yog ua li ntawd ces nws yuav tsi raug thiab yuav yuam kev mus lawm xwb, tsi lam muaj ib tug niam thiab txiv twg ces cov me tub me nyuam nws ua tsi raug lawm los pheej yuav muab tej me nyuam cem thiab ntau. Yog qhov twg tej me tub me nyuam ua raug thiab yog lawm niam thiab txiv yeej tseem muaj thiab muab txoj kev khuas rau tu me nyuam ntawd xwb, kom nws thiaj muaj txoj kev ntseeg nws tu kheej tia nws kuj ua tau thiab nws kuj ua raug lawm.

Sim neej no yog ib tug neeg twg nws tsi muaj niam thiab txiv lawm nws yuav tu siab heev li, nws yuav peem thiab mus nrhiav saib ntawm ib ncig ua nrog luag niam luag txiv kawm lwm leej niam thiab txiv quab qhia luag tej me tub me nyuam xwb thiaj yuav txim txaj thiab thiaj li yuav muaj txoj kev vam meej mus tom ntej, yog tu neeg twg tsi muaj niam muaj txov lawm yuav tau txais lub neej txom nyem, yua vtau txais txoj kev lwm leej lwm tu saib tsi tau, vim tsi muaj tu ntau thawj coj txoj kev mus ua thiab qhia yu tia yuav ntau kev li cas thiab pib qhov twg tuaj thiaj yuav ua tau rau lwm tu neeg nyiam. Txoj kev tsi muaj niam muaj txiv thiab txoj kev tsi muaj txiv los yog tsi muaj niam xwb yeej yog ib txoj kev ua ntsuag ib txoj kev lwj siab ntxov plawg, vim raw li txeej puag thaum ub los raw li peb ntsia pom xwb yeej tsi muaj ib tug me nyuam ntsuag twb ua yuav raug luag hlub hlub thiab muaj lub siab loj tso mus kawm kev txawj kev ntse, tsua yog tia coj tu ntsuag los ua qhov nyhav hos cia yu tu hauv tsev mus kawm txuj xwb, tab si thaum kawg tu tub ntsuag kuj hos yuav sawv los ciaj nom ciaj tswv kuj hos yuav los tau zoo thiab ua lub neej vam meej dua tu tau mus kawm txuj kawm cia siab siab thiab, vim hai tia txua yam tau raw li siab xav lawm kuj hos tsi zoo lit u ntsuag no ua nws ntshaw ntshaw es qhov twg los ua yam rau siab ntso thiab tseem nyiag kawm txoj kev zoo los ntawm lwm tu neeg thiab.vim nws yeej nyob rau txoj kev txom nyem xwb tiag tab si nws kuj nrhiav txua txua lub chance ua yuav ua cas thiaj yuav nyiag kawm tau los si tia muaj ntau ntau txoj kev xav, piv txwv tia: yuav ua cas lub neej tom ntej no thiaj yuav tsi tau txais txoj kev txom nyem zoo li qub no lawm? Yog li ntawd nws yuav tau nrhiav txoj kev los pov thaib thiab los pab kom nws lub neej hos vam meej mus lawm tom ntej seb hos pua yuav raw cuag li cov neeg txawj ntse thiab. Dhaus qhov ntawd kuj tseem hos tsuav ib qhos tia tu neeg tau kawm siab siab los kuj tsi txais tia yuav ntshe thiab txawj tsaj tu neeg tsi tau kawm.

**Npuagtub** 14th June 2010, 1:26 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°3

Re: Yuav hwm niam hwm txiv.

Post Npuagtub 14th June 2010, 1:26 pm

Nyob zoo Kaj Ntug,

Koj sau tau ib co lus muaj lub ntsiab zoo heev,
thaum kuv pom dheev zoo li lub ntiaj teb kaj tuaj lawm
tiam sis tseem tsuav peb ib txhia, sawv daws tsis paub,
khaws tsis tau Leej niam thiab leej txiv txoj kev hlub.
Ua rau leej niam thiab leej txiv nyob tsaus ntuj nti,
lub kua muag poob tsis pub leej twg pom.

Tiam neej tshiab no, me tub me nyuam
tsis nco txog leej niam leej txiv txoj kev hlub
vim lawv muaj chaw tau mus kawm txuj raws lub ntuj
kawm ci raws lub hli, lawv ib txhia tseem xav tias lawv kev
txawj ntse thiab tsim txiaj yog los ntawm lawv tus kheej lub hlwb.
Tiam sis lawv twb tsis paub tias niam thiab txiv yog lawv thawj tug Xib Hwb.

**Maiv Paj Lug** 15th June 2010, 2:06 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°4

Re: Yuav hwm niam hwm txiv.

Post Maiv Paj Lug 15th June 2010, 2:06 am

Kaj Ntug thiab XH Npuagtub nej cov lus zoo heev,

Peb yug los ua neeg peb yuav tsum zoo siab rau peb niam peb txiv, txawm lawv yog neeg txom nyeem neeg nplua nuj neeg daj neeg dub neeg dawb los peb niam peb txiv yeej yug tau peb zoo zoo muaj tes muaj taw, muaj pob ntseg muaj qhov muag tsis txawv lwm leej lwm tus. Peb yuav hwm peb niam peb txiv yam li peb hwm lub ntuj daim av vim Tswv Ntuj muab peb niam peb txiv lub koob lub npe rau peb txheej dhau txheej.

Kuv yog ib tug ntxhais txom nyeem tiam sis kuv zoo siab heev rau kuv lub neej, vim kuv niam kuv txiv txawj qhuab qhia kuv kom mloog lus. Kuv niam qhia kom kuv txhob siv lus dev lus npua vim tej yam lus ntawv yog lus xyob txhiaj xwb. Tsev neeg nplua nuj tsis yog tsev neeg muaj nyiaj muaj txiaj , tiam sis yog tsev neeg thoob tsib uas niam txiv qhuab qhia lus nyiaj lus kub rau tej me tub me nyuam .

Pab kuv rov los cuag koj Huab Tais Yesxus