HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Kev hlub yog dab tsi ? Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Kev hlub yog dab tsi ?

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Kev hlub yog dab tsi ? Empty Kev hlub yog dab tsi ?

    Post  Maiv Paj Lug 12th June 2010, 3:24 am

    KEV HLUB YOG DAB TSI?

    Kev hlub tsis yog ib pob los ib thooj thiab kev hlub tsis yog ib yam khoom dab tuav tau ntawm tes. Kev hlub tsuas yog lo lus hais ntawm neeg lub siab los thiab yam nws ua es hais tau rau lwm tus tias : nov yog kuv hlub koj thiab koj hlub kuv xwb.

    Kev hlub yog nyob rau ntawm ib tug neeg muaj nyob rau nws nruab siab . Tus neeg uas muaj txoj kev hlub nws tsis xaiv leej twg ntsej leej twg muag. Nws ua tau siab loj, siab dav, lub siab ntev tau, tsis lam chim sai, thiab muaj txoj kev hlub ncaj ncees tuaj nruab siab.

    Kev hlub tsis xam khib, tsis muaj hlob rau ib leej twg, tus neeg muaj lub siab hlub nws tsis coj ua nruj ua tsiv rau ib leej twg. Kev hlub tsis yog kev cuaj khaum, tsis lam chim sai tej yam nws tsis tau paub qhov tseeb, thiab tsis cim ntsoov luag tej lus tsis zoo rau nruab siab nraim. Kev hlub yog kev ncaj ncees los coj thiab los taug kom haum rau txhua tus thiab kev hlub tsis thuam tsis nyhos leej twg, tsis qhuab yuam, thiab tsis hais tej lus siab tsis tau tej neeg.

    Kev hlub tsis yog kev ntxub ntxaug tsis yog kev ua phem ua qias , thiab tsis yog tus neeg muab nws saib muaj nqis tshaj lwm tus. Kev hlub yog kev sib hwm, thiab xyaum ua siab ntev, xyaum mloog luag tej lus hais tsis haum nws siab. Kev hlub yog ib yam puav pheej tib neeg txhua tus ntshaw thiab xav tau tiam sis lawv tsis muaj. Vim kev hlub tsis yog ib yam ua tau yooj yim li neeg siab xav.

    Kev hlub tsis muaj muag thiab txawm mus nrhiav txog qhov twg los tsis tau vim kev hlub nyob rau neeg lub siab. Kev hlub yog tus neeg nws muaj lub siab ntev xyaum thiab mloog nws tus kheej saib nws txoj kev nsthaw yog dab tsi? thiab muaj lub siab ntseeg tias kev hlub yeej txhua yam.Kev hlub yog kev cia siab, kev hlub tsis paub tuag, yog leej twg muaj txoj kev hlub zoo lawm, txoj kev hlub nrog nws nyob mus tag nws tiam neej.

    Kev hlub yog ib yam nws yuav tsum txaus siab muab thiab ua rau lwm tus luag thiab tau nws li kev hlub. HLUB yog ib lo lus uas muaj zog heev los sis muaj hwj chim tshaj plaws txhua txhia yam saum ntuj thiab nyob rau ntiaj teb no. HLUB yog tus neeg muaj lub siab ntev thiab nyiaj tau txoj kev nyuaj siab , nws thiaj paub thiab pom tias kev hlub yog li cas tiag.

    Txoj kev hlub nws cia li txawj tshwm sim tawm hauv neeg lub siab los xwb. Kev hlub tsis yog yus mus nrhiav thiaj mam tau thiab yus yeej tsis ntsib. Txoj kev hlub ua yog koj thiab kuv muaj lawm tsis muaj leej twg nyiag tau. Tab txawm lawv muab yus tua kiag los nws tsis tau, thiab txoj kev hlub yog yus haj yam hlub leej twg npaum li cas los nws haj yam muaj ntau ntxiv xwb thiaj txais tau tias kev hlub yog dab tsi.

    Txoj kev hlub yog ib yam khoom paj tshab uas muaj nuj nqis tshaj plaws rau neeg. Yog li thov kom txoj kev hlub no muaj nyob rau koj thiab kuv wb mus tag wb tiam neej.



    Kev hlub yog dab tsi ? Amour%2Bc%27est%2B5
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Kev hlub yog dab tsi ? Empty Re: Kev hlub yog dab tsi ?

    Post  Npuagtub 27th June 2010, 4:26 pm

    Mp,
    Koj zaj lus no zoo heev, kuv muaj 10 lub ntsiab ntawm kev Hlub los sau ib qho txuas ntxiv raws li kuv paub .

    1. Kev Hlub yog kev cawm seej tus yuam sij (Master key) qhib tau txhua fab mus rau txoj sia kev zoo siab.

    2. Kev Hlub zoo li koob hmoov zoo, koj yuav tsum nrhiav txhua txoj kev thiaj ntsib nws.

    3. kev Hlub kho tau koj kev xav nruab siab loj muaj zog, txawj xav tom ntej tom qab.

    4. kev Hlub tsis txawj kawg, tsis txawj tas, nws nyob mus ib txhis.

    5. Kev Hlub zoo li ib nthwv rog, thaum pib mas yooj yim, tiam sis nyuaj thaum yuav txog tom ntsis.

    6. kev Hlub ua rau koj tus ntsuj plig zoo siab dhia hom khaj tuaj rau txoj kev kaj.

    7. Kev Hlub yog ib yam txiaj ntsim paj tshab zoo tshaj nyob saum ntuj.

    8. Kev Hlub nyiaj taus kev nyuaj, kev zoo siab thiaj li tawm muaj tuaj.

    9. Tus yuam sij (Key) ua kom txoj kev sib Hlub nruaj khov nyob hauv kev ua txij nkawm, tsis yog nrhiav tus neeg phim koj, tiam sis yog kawm ua raws li tus neeg koj Hlub thiab tau ntsib nws.

    10. Kev Hlub yog pib ntawm koj ua ntej, Koj puas hlub koj tus kheej tiag ? Koj yuav tsum Hlub tau koj tus kheej ua ntej, mas koj thiajli yuav mus hlub tau luag lwm tus sab nraud.


    Ntawv Nkas Las Tias, Zaj 5 : 22. Hais tias:

    Lub txiaj ntsim nyob hauv Leej Ntsuj Plig yog; Kev Hlub, kev zoo siab, thiab kev thaj yeeb.

    Kev zoo siab yog kev Hlub kaj siab,
    kev thaj yeeb yog muaj keb Hlub nyob txawm,
    kev siab ntev yog npaj txoj kev Hlub,
    kev sib pab yog tsim txoj kev Hlub,
    kev ua zoo yog nyiam txoj keb Hlub,
    kev sib ntseeg yog kev tswj txoj kev Hlub,
    Kev xyuam xim yog kev Hlub lub zog,
    Kev cheem yus tus kheej, yog ua kom kev Hlub  loj hlob thiab vam meej.


    * Txoj kev Hlub tsis zoo li tej khoom peb yuav ua thiab tsim ntawm peb tus kheej tau tuaj. Nws yog rhawv tawm ntawm Leej Tswv Yim Ntshiab tuaj.

    * Txhua leej ntshaw kev Hlub, Txhua leej xav tau kev Hlub, Kev Hlub muaj nuj nqis loj heev rau txhua leej, kev Hlub tswj lub qab ntuj neeg ciaj sia, tsis muaj ib tug neeg nyob ciaj tau yog tias tsis muaj kev Hlub.

    * Yog koj hais tias tsis muaj kev Hlub mas twb yog vim koj tsis paub tias kev yog dab tsi ?

    * Kev Hlub muaj nuj nqis tseem ceeb heev, kev Hlub mem tau txhua yam ntawd peb sawv daws.

    * Ua li kev Hlub ho muaj nuj nqis thiab txiaj ntsim zoo npaum li cas rau koj ?

    * Peb txhob muab kev Hlub saib tsis muaj nuj nqis rau peb lub neej, yog tsis muaj kev Hlub mas txhua leej tsis muaj txoj sia nyob ciaj ua neej.


    TSWV NTUJ YOG TUS TSIM KEV HLUB, TSWV NTUJ YOG KEV HLUB,
    Tus twg ua neej nyob hauv kev Hlub,
    nws nyob nrog Tswv Ntuj thiab Tswv Ntuj nyob nrog nws.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Kev hlub yog dab tsi ? Empty Re: Kev hlub yog dab tsi ?

    Post  Maiv Paj Lug 28th June 2010, 9:55 am

    Ua tsaug XH Npuagtub, uas koj tseem tuaj qhia peb txog lub ntsiab tseem ntawm Kev Hlub . Kev Hlub muaj ntau tsav ntau yam hais, yog yus nrhiav kev hlub tiag tiag, yus yeej yuav pom thiab paub tias nws txhais li cas.


    TXHAIS : KEV HLUB


    Kev hlub yog dab tsi ? Photo-253949-L

    Vim koj Txiv nto moo lug yog kev hlub, vim koj niam ntiaj teb yog kev hlub, vim neeg tus tub yog kev hlub, tag txhua yam tshwm sim nyob ntiaj teb yog kev hlub thiab txoj kev thoob tsib, kev hlub thiaj yuav coj tau nej mus nyob kaj siab lug.

    Yog koj nyiam koj thiab koj hlub koj ces koj yuav hlub tau txhua yam, vim koj yuav qhia tau tias tus Tswv muaj hwj chim tag nrho nrog koj nyob, vim txhua hnub tus Tswv nto moo lug yuav ntxuav koj tej kev txhawm , yuav ua kom koj dawb huv hauv koj lub cev koj tus ntsuj plig.

    Tsis txhob foom tus neeg ua mob rau koj vim nws tsis tau xeev los rau txoj kev hlub, txoj kev hlub tseem tsis tau tshwm sim hauv nws lub siab, zam txim rau nws kom nws paub txog qhov txhaum nws ua rau koj, yog koj zam txim rau nws ces koj raws txoj cai ntawm txoj kev hlub nto moo lug, yog koj tshem tag nrho tej kev phem hauv koj lub siab ces txoj kev hlub ntawm yuav tshwm sim ntawm koj qhov muag.

    Yog koj muaj kev hlub puv npo, koj yuav paub txog Tswv Ntuj lo lus tias txoj kev hlub ua rau yus muaj zog tsa tau toj roob hauv pes sawv , txawm kev hlub tuaj qhob twg tuaj los koj yuav tau hwm kev hlub, vim kev hlub yog koj lub zog. Nco ntsoov hais rau luag tias kuv hlub koj, vim qhov " KUV" ntawv ua rau Huab Tais nrog koj nyob, nco ntsoov tias thaum lwm tus hais rau koj tias << kuv hlub koj >> qhov " KUV " ntawm nws hais rau koj mas Tswv ntuj nrog nws nyob, li no koj yuav tsis muaj hnub ntshai kev hlub.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Kev hlub yog dab tsi ? Empty Re: Kev hlub yog dab tsi ?

    Post  Maiv Tooj 28th June 2010, 11:13 am



    Nyob zoo Maypajlug thiab XH. Npuag Tub,

    Neb twb tham kev hlub los ntev, yog kuv tsis xyeej tes thiaj tsis tau tuaj nrog neb tham kev hlub.

    Tswv Ntuj yog tus pom deb, nws pom yav dhau los, niaj hnub thiab tom ntej.
    Nws twb yeej hais tias kom neeg sib hlub.
    NWS twb paub tias Kev Hlub muaj zog tshaj puas tsav yam.
    Kev Hlub txhawb yus ua tau tag puas tsav yam.
    Kev Hlub yog lub pov haum zoo tshaj.
    Kev Hlub yog lub zog loj tshaj.

    Yog muaj kev hlub yus muaj siab khwv
    Yus muaj siab khwv ces tau noj
    Yus muaj noj ces vam meej
    Yus vam meej ces muaj kev thaj yeeb
    Yus muaj kev thaj yeeb ces tsis muaj mob
    Yus tsis muaj mob ces noj qab nyob zoo
    Yus noj qab nyob zoo ces kaj siab
    Yus muaj kev kaj siab ces muaj kev sib hlub.




    Last edited by Maiv Tooj on 6th November 2016, 10:13 am; edited 1 time in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Kev hlub yog dab tsi ? Empty Re: Kev hlub yog dab tsi ?

    Post  Npuagtub 28th June 2010, 11:34 am

    Maiv Tooj thiab Maypajlug,

    Wow .........! Neb 2 zaj kev Hlub sau tau zoo heev, Kuv ntseeg tias yog neb sau tawm hauv neb siab tuaj raws li neb txawj.
    Kuv sau raws li kev tau kawm los, yog muab coj tuaj sib dhos ua ke ces yuav ua tau lub xab cum 3 tug ceg lawm tiag.
    Leej Ntshiab Paj Lug thiaj li hais tias: Muaj 3 yam tseem ceeb tshaj nyob hauv peb lub neej, tiam sis ib yam yog yam muaj nqis dua.
    Xws li: Kev Ntseeg, kev Tso siab, thiab kev Hlub. ( Faith, Hope and Love ). Tiam sis Kev Hlub yog yam muaj nqis dua.

    Muaj kev Hlub thiaj muaj kev ntseeg
    muaj kev ntseeg thiaj muaj kev tso siab
    muaj kev tso siab thiaj li muaj kev Hlub.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Kev hlub yog dab tsi ? Empty Re: Kev hlub yog dab tsi ?

    Post  Npuagtub 13th July 2010, 12:15 pm


    Kev nyiam Tswv Ntuj tsim ib lub siab hlub luag tej.

    Cov zoo nyiam, peb yuav sib nyiam sib hlub mog ! Vim txoj kev nyiam tuaj ntawm Tswv Ntuj tuaj, ua li mas tus twg nyiam, tus ntawd yug ntawm Tswv Ntuj los, thiab nws paub Tswv Ntuj.  Tus tsis txawj nyiam, mas nws tsis paub Tswv Ntuj, vim Tswv Ntuj yog txoj kev nyiam. Tswv Ntuj txoj kev nyiam peb tawm los rau qhov muag pom xyeem li no : Tswv Ntuj xa nws Leej Tub Twm Zeej tuaj nyob ntiaj teb no, kom peb ciaj nyob hauv nws Leej Tub.  Nws txoj kev nyiam yog zoo li no : Tsis yog peb tau nyiam Tswv Ntuj, yog Tswv Ntuj tau nyiam peb, thiab yog nws xa nws Leej Tub tuaj ua nqi txhiv peb ntawm peb cov txhaum.  Cov zoo nyiam, yog Tswv Ntuj nyiam peb npaum li ntawd,

    peb kuj yuav sib nyiam sib hlub thiab.  Tsis muaj leej twg tau ntsia ntsoov Tswv Ntuj ib zaug li. Yog peb sib nyiam sib hlub, mas Tswv Ntuj nyob hauv peb, thiab nws txoj kev nyiam uas zoo txhij zoo txhua hlob tiav nyob hauv peb. Peb paub tias peb nyob hauv Tswv Ntuj, thiab nws nyob hauv peb vim qhov no : yog qhov nws pub nws Leej Ntuj Plig rau peb.  Ntawm peb, mas peb tau ntsia ntsoov, ces peb ua tim khawv zeem tias Leej Txiv tau xa Leej Tub tuaj cawm lub qab ntuj neeg. Tus lees tias Yes Xus yog Tswv Ntuj Leej Tub, mas Tswv Ntuj nyob txawm hauv nws, thiab nws nyob hauv Tswv Ntuj. Peb paub Tswv Ntuj txoj kev nyiam peb lawm, ces peb ntseeg.

    Tswv Ntuj yog txoj kev nyiam : tus twg nyob hauv txoj kev nyiam, mas nws kuj nyob hauv Tswv Ntuj, thiab Tswv Ntuj nyob hauv nws. Thaum txoj kev nyiam hlob tiav hauv peb, mas yuav zoo li no : thaum txog hnub txiav txim, mas peb yuav tso siab lug, vim tias Yes Xus zoo li cas, mas peb nyob ntiaj teb no, peb kuj yuav zoo li nws thiab. Txoj kev nyiam tsis muaj qhov ntshai. Txoj kev nyiam uas hlob tiav lawm tshem qhov ntshai, vim thaum muaj qhov ntshai, mas kuj muaj kev raug txim thiab : li ntawd, tus twg ntshai, mas nws txoj kev nyiam tsis tau hlob tiav. Peb, mas peb kav tsij nyiam mog ! Vim Leej Txiv xub tau nyiam peb ua ntej. Yog muaj ib tug hais tias: "Kuv nyiam Tswv Ntuj," tab sis nws ho ntxub nws tus kwv, mas nws yog ib tug neeg dag. Tus tsis nyiam nws tus kwv uas qhov muag pom tau, mas nws nyiam tsis tau Tswv Ntuj tus uas qhov muag tsis pom. Los lus qhia uas peb tau txais ntawm leej txiv los yog lo lus no: Tus hlub Tswv ntuj mas nws yuav tsum hlub nws tus kws. Zam tsab ntawv1, 4:7-21.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Kev hlub yog dab tsi ? Empty Re: Kev hlub yog dab tsi ?

    Post  Tub Kawm 3rd June 2013, 3:25 pm

    Nyob sawv daws, kuv mus tshawb fawb pog lub Sites no http://sites.google.com/sites/lyanhtsai/kev-hlub-yog-dab-tsi
    kuv xav tias ntshai yog nws sau no. Tiam si muab saib ces zoo li tus ntawd coply nej zaj no mus tso xwb. Kuv tsi paub nws nyob rau qhov twg? Zoo li Nws hais tias nws lub npe hu Cai yog xeem Lis, nyob cob tsib teb no.
    Tiam sis tsi paub nws chaw nyob vim nws tsi sau tso tawm cab sab.

    Tus phooj ywg Cai yog koj pom kuv cov lus lawm, thov koj muab koj tus E mail. Tso rau hauv koj lub Sites kuv xav nrog koj tham me ntsis.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Kev hlub yog dab tsi ? Empty Re: Kev hlub yog dab tsi ?

    Post  Maiv Tooj 3rd June 2013, 5:54 pm



    Nyob zoo Tub Kawm,

    Peb Hmoob txawj tsis ntse, pom luag ua zog ces yus keev hlo, pom luag ua zaim ces yus khaws qiam. Tsis paub tias yog luag li ces yus qev los siv yuav tso luag lub npe tiv kom paub noj qab taug lw. Yus xav ua neeg ntse tab sis yog nug qab nug hauv tuaj yus ho tsis pom qab ke ces yog li no. Kev tso cab sab, yog ywj siab tab sis yuav tsum paub tso luag npe rau mas thaum ib tug noj qab taug hauv tuaj thiaj paub tias yuav mus xaus rau qhov twg thiaj li ua tau peb yog ib haiv neeg vam meej. Yog ua neeg ntshaw hwj chim, luag ua tau yus khaws noj thaum nug tuaj yus ua wj as xwb mas yuav ua rau peb poob qab vim peb twb tsis paub qhov tseeb, peb lam hais xwb.

    Kuv paub tias nyob hauv peb ob lub Forum, muaj neeg tuaj nqa ntau heev mus tso lwm qhov yam tsis tso peb npe.

    Lub site saud, ntshe tsam no tsis yog xuab moos uas nom tswv pub peb saib, kuv nias mus hais tias tsis khiav lawm no xwb. Yog koj xav tau tus tswv cuab li mail, koj saib nram qab lub site kawg nkaus, koj nias ntawm "contact" ces koj sau ntawv tau rau nws.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Kev hlub yog dab tsi ? Empty Re: Kev hlub yog dab tsi ?

    Post  Npuagtub 4th June 2013, 7:26 am



    Nyob zoo cov phooj ywg hmov tshua txhua leej,

    Tau ntev heev tsis tau tuaj fim nej li vim muaj hauj lwm ntau yam khuam tes khuam taw tas li ces thiaj tsis khoom tuaj xwb, tiam sis lub siab yeej tseem nyob nrog nraim nej txhua lub sij hawm.

    Yog kawg li Mt. hais, tiam sis txhua yam peb sau nyob hauv no uas tsis yog los ntawm peb tus kheej mas peb yuav nco ntsoov txog tus tswv ntawm yam peb copy nws li los. Tiam sis peb cov ua yog ua tswv ntuj txoj hauj lwm uas yog lub tswv yim tswv ntuj pub rau peb no ces peb yuav tau ua siab loj siab dav muab pub rau lwm tus thiab txawm nws yuav coj mus siv ua lwm yam los tsuav yog pab tau nws mus rau txoj kev zoo, txawm nws ho tsis nco qab txog tias yam nws copy los ntawd yog leej twg li los peb yuav ua lub siab dawb pub rau nws yuav ib yam li Tswv Ntuj pub rau peb thiab
    .

    Npuag Tub
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Kev hlub yog dab tsi ? Empty Re: Kev hlub yog dab tsi ?

    Post  Maiv Tooj 5th June 2013, 9:05 am


    XH.Npuag Tub,

    Wow...! Cas nws yuav ploj ntais ntau ntev loo lawm hnub no mam pom nws tuaj.
    XH.Hauj lwm ces yeej muaj ua tsis tag tab sis yog lauj zias lub caij tuaj nrhiav Tswv Ntuj txoj kev nyiam kev hlub xwb.

    XH.Koj hais yog kawg thiab; kev ntseeg ces leej twg yuav nqa mus siv mus kawm los yeej zoo siab, tab sis qhov zoo mas yuav tso tus sau lub npe rau es yog thaum nrhiav keeb chiv kwm los thiaj paub tias yog muab qhov twg los thiab paub tias yog tim li cas thiaj hais li ntawd, sau li ntawd. Yog peb lam nyeem ua si xwb mas tsis tso npe los tsis ua cas. Tab sis tsis ua cas, yog tso tawm cab sab lawm ces yeej yog tso kom s d tau siv thiaj tso.

    Ua tsaug rau koj cov zaj, zoo kawg.

    Sponsored content


    Kev hlub yog dab tsi ? Empty Re: Kev hlub yog dab tsi ?

    Post  Sponsored content


      Current date/time is 28th March 2024, 10:07 am