Home
Yog koj tso siab rau Yesxus lub siab ntshiab, nws yuav ua koj siab kaj lug 
Leej Nsthiab John/Jean Bosco (Don Bosco) yug los xyoo 1815, nyob lub xeev Piedmont, Italy. Nws tas sim neej xyoo 1888. Nws niam nws txiv lawv yog ib tse neeg ua liaj ua teb thiab txom nyem. Thaum nws muaj ob xyoos, nws txiv tso ntiaj teb tseg, cia nws niam tu lawv xwb. Txij thaum nws yau los, nws niam qhia nws nyiam thiab hwm Niam Mab Liab zoo heev li. Nyob hauv lawv tswv neeg, ib hnub lawv hais zaj Angelus 3 zaug, sawv ntxov tav su, tsaus ntuj. John kuj nquag nquag vam txog Niam Mab Liab kawg li.
Thaum nws muaj 9 xyoos nws ua ib zag npau suav. Nws ua npau suav tias nws nyob ntawm ib lub tshav ua si nrog ib pab me nyuam yaus coob coob. Muaj ib co dhia ua si luag zom zaws, tiam sis muaj ib co mas ho sib foom phem phem thiab sib ntaus zom zaws. Nws tsis xav mloog lawv cov lus phem ntawd ces nws txawm dhia mus ntaus lawv thiab qw tas zog kom lawv tsum. Txawm cia li muaj ib tug txiv neej nyob ntawd, nws ntsej muag ci ntsa iab, hnav ib ce khaub ncaws dawb ntev ntev. Tus txiv neej hu John los thiab kom nws ua tus coj cov me nyuam tub ntawd. Nws hais rau John hais tias, "Koj xav kom koj yeej lawv, mas tsis yog yuav siv koj lub nrig, tiam sis yog siv kev hlub lawv thiab kev ua zoo rau lawv." Nws kom John yuav tsum qhia kev ntseeg thiab kev hwm Ntuj thiab kev ua neeg tsim txiaj rau lawv. John teb tus txiv neej tias nws yog ib tug ruam ruam xwb nws yeej tsis paub yuav qhia lawv txog kev ntseeg thiab kev hwm Ntuj li. Thaum ntawd cov me nyuam ntawd txawm ntsiag tas, lawv los ntsauv vij vog tus txiv neej.
John hais rau tus txiv neej tias,
“Koj yog leej twg, cas koj thiaj yuav kom kuvua ib yam nyuaj ua tsis tau?”
Tus txiv neej hais nws tias,
”Txawm yog vim koj xav tias ua tsis tau, koj thiaj yuav tsum ua kom tau; yog koj xyaum ua neeg mloog lus thiab koj mus kawm kom paub ces koj yuav tsum ua tau.”
John teb tias,
“Kuv yuav kawm li cas thiab mus kawm qhov twg thiaj yuav paub?”
Tus txiv neej hais tias,
“Kuv mam muab ib tug xib hwb los qhia koj, tus xib hwb ntawd qhia mas koj thiaj li yuav muaj kev thoob tsib, tsis muaj nws qhia mas lwm yam kev thoob tsib tsis muaj nqes dab tsi li.”
“Koj yog leej twg, koj thiaj yuav hais tau li ntawd mas?
“Kuv yog tus poj niam uas koj niam qhia kom koj nco txog nws ib hnub 3 zaug tus Tub.
“Kuv niam qhia kom kuv tsis txhob tham nrog tej tus neeg uas kuvtsis paub, yog kuv niam kam kuv thiaj tham tau xwb. Yog li qhia koj lub npe rau kuv.
“Koj mam nug kuv niam hais tias kuv lub npe yog li cas.
Ces thaum ntawd John txawm pom ib tug poj niam muaj hwj chim ntxiag sawv ntawm tus txiv neej ib sab. Nws hnav ib lub tsho loj thiab ci ntsa iab npaum cov hnub qub xwb. Tus poj niam pom tias John tsis to taub, ces nws co tes kom John mus ntawm nws. Nws tuav John tes, nws hais tias,
“Koj ntsia mas.
John thiaj tig ntsia no, ua cas cov me nyuam yaus khiav tas lawm. Txawm muaj ib cov tshis, ib co dev, thiab miv, thiab dais thiab lwm yam tsiaj los nyob ntawm lub tiaj lawm.
Tus poj niam hais tias,
“Koj txoj hauj lwm yog qhov ntawd. Koj yuav xyaum ua neeg txo hwj chim, muaj lub siab tawv qhawv, thiab muaj zog. Ib me ntsis koj yuav pom cov tsiaj ntawd hloov tas. Koj yuav tsum ua ib yam li ntawd pab rau kuv cov me nyuam thiab.
John thiaj li tig ntsia no, ua cas cov tsiaj qus puas ta txia ua ib cov yaj seej seej lawm xwb. Lawv quaj zom zaws li yog lawv zoo zoo siab pom tus txiv neej thiab tus poj niam ntawd. John txawm pib quaj thiab thov kom tus poj niam piav kom nws to taub hais tias yog txhais li cas. Tus poj niam txawm cev tes rau saum John taub hau, hais rau John tias,
” Thaum txog sij hawm ces koj yeej yuav to taub tas txhia yam.
Ces thaum ntawd muaj ib qho ua rau John tsis dheev los lawm. John nco ntsoov zaj npau suav ntawd tsis ploj hauv nws nruab siab li.
Ces thaum nws mus kawm tau ua txiv plig lawm, nws thiaj los mus pab cov me nyuam tub uas raug kaw hauv nkuaj thiab cov uas ua lub neej tsis tsim txiaj, thiab mus ua tub sab ua dog ua dig tej ntawd.
Thaum nws muaj 9 xyoos nws ua ib zag npau suav. Nws ua npau suav tias nws nyob ntawm ib lub tshav ua si nrog ib pab me nyuam yaus coob coob. Muaj ib co dhia ua si luag zom zaws, tiam sis muaj ib co mas ho sib foom phem phem thiab sib ntaus zom zaws. Nws tsis xav mloog lawv cov lus phem ntawd ces nws txawm dhia mus ntaus lawv thiab qw tas zog kom lawv tsum. Txawm cia li muaj ib tug txiv neej nyob ntawd, nws ntsej muag ci ntsa iab, hnav ib ce khaub ncaws dawb ntev ntev. Tus txiv neej hu John los thiab kom nws ua tus coj cov me nyuam tub ntawd. Nws hais rau John hais tias, "Koj xav kom koj yeej lawv, mas tsis yog yuav siv koj lub nrig, tiam sis yog siv kev hlub lawv thiab kev ua zoo rau lawv." Nws kom John yuav tsum qhia kev ntseeg thiab kev hwm Ntuj thiab kev ua neeg tsim txiaj rau lawv. John teb tus txiv neej tias nws yog ib tug ruam ruam xwb nws yeej tsis paub yuav qhia lawv txog kev ntseeg thiab kev hwm Ntuj li. Thaum ntawd cov me nyuam ntawd txawm ntsiag tas, lawv los ntsauv vij vog tus txiv neej.
John hais rau tus txiv neej tias,
“Koj yog leej twg, cas koj thiaj yuav kom kuvua ib yam nyuaj ua tsis tau?”
Tus txiv neej hais nws tias,
”Txawm yog vim koj xav tias ua tsis tau, koj thiaj yuav tsum ua kom tau; yog koj xyaum ua neeg mloog lus thiab koj mus kawm kom paub ces koj yuav tsum ua tau.”
John teb tias,
“Kuv yuav kawm li cas thiab mus kawm qhov twg thiaj yuav paub?”
Tus txiv neej hais tias,
“Kuv mam muab ib tug xib hwb los qhia koj, tus xib hwb ntawd qhia mas koj thiaj li yuav muaj kev thoob tsib, tsis muaj nws qhia mas lwm yam kev thoob tsib tsis muaj nqes dab tsi li.”
“Koj yog leej twg, koj thiaj yuav hais tau li ntawd mas?
“Kuv yog tus poj niam uas koj niam qhia kom koj nco txog nws ib hnub 3 zaug tus Tub.
“Kuv niam qhia kom kuv tsis txhob tham nrog tej tus neeg uas kuvtsis paub, yog kuv niam kam kuv thiaj tham tau xwb. Yog li qhia koj lub npe rau kuv.
“Koj mam nug kuv niam hais tias kuv lub npe yog li cas.
Ces thaum ntawd John txawm pom ib tug poj niam muaj hwj chim ntxiag sawv ntawm tus txiv neej ib sab. Nws hnav ib lub tsho loj thiab ci ntsa iab npaum cov hnub qub xwb. Tus poj niam pom tias John tsis to taub, ces nws co tes kom John mus ntawm nws. Nws tuav John tes, nws hais tias,
“Koj ntsia mas.
John thiaj tig ntsia no, ua cas cov me nyuam yaus khiav tas lawm. Txawm muaj ib cov tshis, ib co dev, thiab miv, thiab dais thiab lwm yam tsiaj los nyob ntawm lub tiaj lawm.
Tus poj niam hais tias,
“Koj txoj hauj lwm yog qhov ntawd. Koj yuav xyaum ua neeg txo hwj chim, muaj lub siab tawv qhawv, thiab muaj zog. Ib me ntsis koj yuav pom cov tsiaj ntawd hloov tas. Koj yuav tsum ua ib yam li ntawd pab rau kuv cov me nyuam thiab.
John thiaj li tig ntsia no, ua cas cov tsiaj qus puas ta txia ua ib cov yaj seej seej lawm xwb. Lawv quaj zom zaws li yog lawv zoo zoo siab pom tus txiv neej thiab tus poj niam ntawd. John txawm pib quaj thiab thov kom tus poj niam piav kom nws to taub hais tias yog txhais li cas. Tus poj niam txawm cev tes rau saum John taub hau, hais rau John tias,
” Thaum txog sij hawm ces koj yeej yuav to taub tas txhia yam.
Ces thaum ntawd muaj ib qho ua rau John tsis dheev los lawm. John nco ntsoov zaj npau suav ntawd tsis ploj hauv nws nruab siab li.
Ces thaum nws mus kawm tau ua txiv plig lawm, nws thiaj los mus pab cov me nyuam tub uas raug kaw hauv nkuaj thiab cov uas ua lub neej tsis tsim txiaj, thiab mus ua tub sab ua dog ua dig tej ntawd.
Last edited by Mim on 14th March 2010, 11:31 am; edited 4 times in total
