Mus dab phem teb rov qab los

**Admin** 11th February 2010, 10:53 am

Admin: Admin; Messages : 188
Date d'inscription : 2009-08-05

Post n°1

Mus dab phem teb rov qab los

Post Admin 11th February 2010, 10:53 am

Txhua tus Phoojywg, nej mloog zoo zoo tus yawg hauv no cov lus . Nws yuav qhia rau nej qhov tseeb. Thov txim ntau kuv muaj hais lus fabkis xwb vim tus yawg no nyob Fab Kis Teb, nws siab phem kawg nkaus rau nws tus pojniam thiab nws cov me nyuam, thaum nws txo nws txoj sia nws ntsib dab phem, nws tuag tau 36 xuaj moo mam rov xeev.

j'étais en enfer... j'en suis revenu !
envoyé par SEPTRE.

**Admin** 11th February 2010, 11:21 am

Admin

Admin: Admin; Messages : 188
Date d'inscription : 2009-08-05

Post n°2

Re: Mus dab phem teb rov qab los

Post Admin 11th February 2010, 11:21 am

Tus yawg Meskas no nws kub nyhiab nws pom Tswv Ntuj qhia kom nws rov qab los ua tim khawv qhia txog Tswv Ntuj lub koob meej.

revenu des morts
envoyé par SEPTRE. - Vidéos des dernières découvertes scientifiques.

**Maiv Tooj** 12th February 2010, 4:43 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Mus dab phem teb rov qab los

Post Maiv Tooj 12th February 2010, 4:43 am

Admin wrote:Txhua tus Phoojywg, nej mloog zoo zoo tus yawg hauv no cov lus . Nws yuav qhia rau nej qhov tseeb. Thov txim ntau kuv muaj hais lus fabkis xwb vim tus yawg no nyob Fab Kis Teb, nws siab phem kawg nkaus rau nws tus pojniam thiab nws cov me nyuam, thaum nws txo nws txoj sia nws ntsib dab phem, nws tuag tau 36 xuaj moo mam rov xeev.

j'étais en enfer... j'en suis revenu !
envoyé par SEPTRE.

j'étais en enfer... j'en suis revenu !

j'étais en enfer... j'en suis revenu !
envoyé par SEPTRE.

Kuv lam muab txhais ua lus Hmoob, yog qhov twg tsis zoo thiab txhij txhua los thov zam txim.

Yog nyob yav Fab Kis Qaum teb, uas peb tau ntsib Yawg Jules. Nws ua hauj lwm 40 xyoo ntawm lub Tshav Nkoj Rouen. Yug los ua neeg txom nyem, hnub nyug 13 xyoos xwb nws twb ntxeem nws lawm.

Jules Roucou haus cawv ntau heev, nws haus txog 5l ib hnub. Nyiam sib ntau thiab raug kaw tsev loj faj. Ua neej txom nyem,nws yuam nws poj niam ua qhev, nws ntau nws poj niam heev, zaum puav nws ntau nws poj niam ua ntshav si laim, nws muab saw hlau los khi poj niam com cia thiab txawm yog caij ntuj no los tseem ntiab poj niam mus pw nraum zoov. Nws lub neej yav tag los, zaum no nws tsis xav thjam txog lawm.
Tom qab nws taug tuag ib tsig, nws tau mus txog ib qho chaw phem heev, zoo li yog Dab teb uas niaj hnub no nws tham txog mas nws ntshai heev thiab tu siab los kua muag. Tom qab no, tej yam nws tau pom los ua kom nws muab nws lub neej los txi rau HT Yes Xus.

Jules hais:

Kuv yug nyob rau Rouen, hauv ib tse neeg txom nyem heev. Kuv tseem me heev los kuv yuav tsum khwv kom tau mov los rau kuv cov kwv, cov muam thiab kuv niam kuv txiv peb noj. Kuv muaj 13 xyoos xwb ces kuv twb ua hauj lwm, cab luj luag cov rhawv cawv, kwv cov thawv cawv thiab thau khoom ntawm Tshav Nkoj Rouen. Kuv thiaj pib haus cawv thaum ntawd los.

Ces kuv pib ua laib, txhoj puab. Thaum ntawd kuv nyiam tham hluas nkauj heev, 17 xyoo ntau kuv mus ua Tub Rog, ua Tub Rog Fab Kis. Thaum kuv ua Tub Rog tag rov los, kuv cia li ua ib tug neeg liam hiam lawm.

Kuv yuav kuv poj niam thaum kuv muaj 27 xyoo, xav tias yuav poj niam lawm ces kuv yuav hloov los ua neeg zoo. Tab sis kuv yeej zoo kuv li qub, niaj hnub qaug cawv. Kuv ntau kuv poj niam, ua rau kuv poj niam thiab cov me nyuam tu siab heev.

Niam Jules hais:

Thaum wb nyuam qhuav sib yuav, kuv tus txiv zais tsis qhia kuv paub tias nws haus cawv, tab sis tsis ntev xwb ces kuv paub tias nws haus cawv ntau heev. Ua rau peb lub neeg phem cuag dab teb xwb. Tsaus ntuj, nws los tsev, nws los muab peb ntau, muab peb ntiab mus pw nraum zoov. Phem tiag tiag li, nws tsuas niaj hnub hem kuv tias nws yuav txo nws txoj sia, kuv tsis ntseeg. Muaj ib hnub ces nws cia li ua tiag tiag li, tsis qhia peb paub. Tab sis peb cov niam tub tsis ntseeg, xav tias nws ua plhu li txhua zaus xwb. Tab sis zoo li Tswv Ntuj qhia rau kuv tias nws tsis yog li txhua zaus lawm. Thaum kuv pom nws, cas nws ob lub qhov muag ntxob tawm tuaj, ntseg muag o nkoog lam, txaus ntshai heev. Ces kuv thiaj hu cov me nyuam los saib ces peb thiaj hu Tsheb thaum mob tuaj. Thaum tsheb tuaj txog, lawv saib zoo li nws twb yog ib tug neeg tuag tu siav lawm, tab sis lawg kuj tseem thaum mus tim Tsev Kho Mob. Nws tsis nco qab tau 36 xuab moo. Ntev tom qab no nws twb los ua neeg Ntseeg Ntuj Kev Cai lawmù, nws mam tham rau kuv tias thaum nws tsis nco qab ntawd nws pom tej yam phem thiab txaus ntshai heev li.

Jules hais:

Zoo nkaus li kuv cia li dhuav dhuav lub neeg, hauv lub tsev no, kuv thiaj xav ua kom kuv txoj sia tu. Kuv thiaj noj ib teg tshuaj ces kuv thiaj tsis nco qab lawm, kuv tsis nco qab tau 36 teev. Thaum kuv tsis nco qab no mas txaus ntshai heev, kuv mus rau Dab Phem teb lawm. Mus txog hauv mas Dab los muab kuv rub cuag dab tsi. Hauv Dab teb no, muaj ib cov neeg los cab chua kuv, tab sis yog ib cov tib neeg tab sis cov ntseg muag phem phem dab tuag, txaus ntshai heev, cov tes phem phem thiab. Lawv txav ze kuv zuj zus, lawv thab kuv...Txaus ntshai dhau uas pom tej yam zoo li nov. Kuv tsis xav kom leej twg mus pom tej yam zoo li nov ib zaug li. Nyob hauv Dab teb nov mas nej ua tsis tau dab tsi kiag li, luag thab nej, tsis pub nej tau zoo nyob tas li. Nej thaub qab los tsis tau, mus los mus tsis tau, cov neeg ntawd txav los rau ntawm nej xwb, cov neeg phem phem tsis zoo saib li.

Thaum kuv xeev los, cas kuv pw hauv ib lub tsev Kho Mob. Ntawm lub Tsev kho mob nov muaj ib phau Ntawv Ntshiab, kuv cia nthuav phau Ntawv Ntshiab no, yam tsis paub tias yog ua cas thiab nthuav rau leej twg. Thawj hnub kuv tsis nco ceev faj dab tsi, tab sis hnub qab kuv kuj rov nthuav dua phau ntawv ntawd ntxiv. ( Thaum nov nws quaj) Thaum ntawd kuv thiaj pom tias muaj ib tug Huab Tais Tswv Ntuj rau peb cov neeg phem. Kuv paub tseeb tias Tswv Ntuj siab zoo heev. Hnub no kuv ua NWS tsaug, yog NWS txoj kev cawm, kuv thiaj ciaj rov los. Txhua tus neeg tsis nyiam kuv, fees rau kuv, tab sis Tswv Ntuj lub txiaj ntsim los cawm tau kuv, kuv yuav hais "Ua Tsaug"

Thov kom kuv qhov Tim khawv nov yuav pab tau tej tus neeg uas lawv nrhiav tus Cawm Seej. Tsuas muaj Huab Tais Ntuj tib leeg xwb thiaj yuav cawm tau cov Ntsuj plig uas poob zoo lawm.

Kuv thov ua tsaug tas siab tas ntsws.

**Maiv Paj Lug** 12th February 2010, 5:32 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°4

Re: Mus dab phem teb rov qab los

Post Maiv Paj Lug 12th February 2010, 5:32 am

Maiv Tooj, cas nws tshaj lij ua luaj nws txawm siv muab tus yawg nyob Rouen txoj History los txhais tau ua lus Hmoob lawm, kav tsij piav ntxiv mus , zoo kawg li yog txhais tau ua lus Hmoob.

Maiv Tooj, koj puas xav li cas thaum koj hnov tus yawm hais nws cov lus kua muag teev yees? txaus ntshai tshaj plaws li os niamlaus, zoo qhov thaum i kuv mus ib zaug ntuj txias teb tsaus kuv tsis pom cov niag dab phem dab poj ntxoog ntawv. Vim kuv yeej hais rau Tswv Ntuj tias txawm ib plia ib muag xwb los kuv tsis xav pom. Tswv Ntuj twb yuav luag pub kuv pom ib muag tab sis kuv ntshai dhau lawm ces Tswv Ntuj thiaj tsis pub kuv pom cov niag dab txoog. Kuv pom lub qhov ntuj tsaus nti tsis muaj qab kawg twb ua rau kuv ntshai txog niaj hnub no tsis xav poob rau lub niag qhov ntuj ntawv. Kuv thiaj tab hais tas zog tias kuv tuaj yeem cia luag tej thuam kuv thiab ntxub kuv los kuv yuav tsis thuam luag tsis ntxub luag, vim kuv paub tias kuv tsis xav tso kuv lub siab nsthaw kev ntxub ntxaug tsam kuv ua txhaum rau Tswv Ntuj ces kuv yuav tau poob hauv lub niag qhov ntuj dub nciab uas muaj dab ntxoog dab phem.

**Maiv Tooj** 12th February 2010, 6:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: Mus dab phem teb rov qab los

Post Maiv Tooj 12th February 2010, 6:23 am

Nyob zoo Maypaj,

Kuv maj maj, luv lam txhais xwb xyov puas raug thiab...hahahah...! Kuv xav txhais kom txhua leej paub txog txoj kev ua txhaum thiab txoj kev ua tsis txhaum. Vim leej neeg, tus puav mas nws twb ua dhau kev cai lawm los nws tseem pheej hais tias yog luag tej pham es thiaj tsis sib haum. Tus zoo twb zam dhau qhov zam, zam zam ua mob kiag, tsis tshuav dab tsi los zam ntxiv kom muaj txoj kev thaj yeeb los tus phem yeej tsis pom qhov tus zoo zam li.

May, tus yawg Jules, nws tsis kam qhia tag tag qhov nws mus pom, vim txaus ntshai dhau lawm. Xav kom muaj tus puav neeg nyob Dab teb rov los hais kom neeg ntiaj teb ua ntsuas lim hiam dhau hwv...Cas s d yuav sib tsim txom yam ib tug tsis paub khuv leej ib tug li lawm. Lam tsim txom luag kom luag txom nyem es nws zoo siab xwb, nws twb tsis tau dab tsi.

Kuv mloog tus yawg nov cov lus, ua rau kuv nco txog nws, XH. Npuag Tub thiab Maiv Dawb cov lus. Txaus ntshai dhau lawm.