Dab phem tus hneev taw.

**Maiv Tooj** 25th December 2019, 8:22 pm

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Dab phem tus hneev taw.

Post Maiv Tooj 25th December 2019, 8:22 pm

Lub tsev teev Ntuj Nôtre Dame Munich

Dab phem tus hneev taw nyob hauv lub Tuam Tsev teev Ntuj Leej Niam Ntshiab München, Germany teb

Raws li dab neeg hais tias thaum Tiam 15 (1468), tus kws ua tsev (architecte) Jorg von Halspach nrhiav peev coj los txhim lub Tuam Tsev teev Ntuj nyob München, Germany teb, tsis muaj peev txaus ces dab phem txawm los nrog nws cog lus tias yog dab phem pab nws nrhiav tau nyiaj los ua lub tsev teev Ntuj mas kom nws tsis txhob ua kom muaj qhov rais li, kom tsis txhob muaj ib qhov pom kev nraum zoov txeem tau los hauv tsev teev Ntuj li no. Ces yawg Jorg von Halspach kam ua li dab phem hais. Li ntawd nws thiaj li nrhiav tau nyiaj los ua tsuag tsuag 20 xyoo xwb ua tau kiag lub Tuam Tsev teev Ntuj Notre Dame de München yog lub tsev uas siab tshaj hauv lub roog München. Nyob hauv München lawv tawm ib txoj cai tsis pub kom ua ib lub tsev siab tshaj ob tug pej thuam ntawm lub tsev teev Ntuj.

Thaum ua tau lub tsev teev Ntuj tiav, dab phem zoo siab hlo nkag mus saib xav tias nws kaus tau tus kws ua tsev teev Ntuj taub hau noj lawm ces nws nkag mus txog kuj tsis pom muaj qhov rais tiag tab sis ib nyuag nam mus pem toj cas yog cov ncej dav dab thaiv cov qhov rais lawm xwb. Ces dab phem pom tias nws raug dag lawm ces nws nplua taws thiaj tib ntaug taw hauv av kom lub tsev vau no thiaj li ua rau daim pob zeb pua tsev (carrelage) zawj kiag zwm dab phem tus hneev taw cia rau ntawm qhov rooj tsev teev Ntuj. Ua rau tus pej thuam sab lauj qaij kiag tab sis tsis vau thiab txij thaum ntawd los ces ib ncig ntawm lub tsev teev Ntuj yeej muaj khaub lig cua tshuab tas li. Lawv hais tias yog dab phem tsis zoo siab txhob txwm ua cua tshuab kom tsev teev Ntuj vau.

Lub tsev teev Ntuj Txhim thawj lub pob zeb xyoo 1468 ua tuav xyoo 1525.

Remarque :
Raws li kuv mus xuas tes kov kiag mas tus hneev taw nov tsis yog neeg ua vim nws yaig thiab cov pob zeb yees zog li thaum nws tsuj cov pob zeb muag muag. Tab sis carrelage mas yog cov pob zeb tawv tawv thiab nkig uas yuav zawj tsis tau yog tawg ces tawg kiag xwb..