HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Padre Pio thaum ua neej nyob - Page 2 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Padre Pio thaum ua neej nyob

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  Maiv Tooj 2nd November 2012, 9:28 am


    ZAJ TEEV NTUJ UAS PADRE PIO SAU.

    Padre Pio thaum ua neej nyob - Page 2 SanPadrePio_CTV3

    Huab Tais, KOJ NROG KUV NYOB, vim yuav tsum kom kuv pom rawv koj thiaj tsis hnov qab Koj. Koj yeej paub tias kuv yuav tso koj tseg tau yooj yim heev.

    Huab Tais, KOJ NROG KUV NYOB, vim kuv muag luab heev thiab kuv vam txog koj lub zog txhawb kuv kom kuv tsis txhob ib sij ntog.

    Huab Tais, KOJ NROG KUV NYOB, vim koj yog kuv lub neej thiab yog tsis muaj koj, kuv lub neej yuav tsis xyiv fab.

    Huab Tais, KOJ NROG KUV NYOB, vim koj yog kuv qhov pom kev thiab yog tsis muaj koj, kuv yuav nyob tsaus ntuj nti.

    Huab Tais, KOJ NROG KUV NYOB, kom tau qhia Koj qhov koj nyiam rau kuv.

    Huab Tais, KOJ NROG KUV NYOB, kom kuv hnov koj lub suab thiab raws koj qab.

    Huab Tais, KOJ NROG KUV NYOB, vim kuv xav kom kuv nyiam koj thiab nrog koj nyob tas mus li.

    Huab Tais, KOJ NROG KUV NYOB, yog koj xav kom kuv tsis fav xeeb.

    Huab Tais, KOJ NROG KUV NYOB, vim, kuv tus plig txawm yuav txom nyem npaum li cas los nws xav ua zoo rau koj, uas yog qhov chaw nplij thiab kev sib hlub lub zes.

    Huab tais Yes Xus, KOJ NROG KUV NYOB, vim lig lawm lub hnub twb yuav poob qho...yam li kuv lub neej twb yuav tag, txoj kev tuag, lub caij txiav txim, ib txhiab ib txhid los ze zuj zus thiab tsum rov sib zofg ntsos rau kuv lub zog kom tsis txhob theem tog kev, li ntawd kuv thiaj li vam txog koj pab. Lig lig lawm, txoj kev tuag tuaj ze zuj zus. Kuv ntshai txoj kev tsaus ntuj heev, ntshai dab phem kev ntxias, ntshai ntuj nqha teb nkig, ntshai cov ntoo khaub lig, ntshai tej kev txob kev txhawj, es npaum li cas ntxiv thiab uas kuv vam txog KOJ, Huab tais Yes Xus, thaum hmo uas kuv ncaim lub ntiaj teb mus.

    Huab tais Yes Xus, KOJ NROG KUV NYOB, vim, hmo no uas txoj sia muaj kev plhom sij, kuv vam txog koj. Ua kom kuv ua rau koj zeem kuv li koj cov thwj tim uas nrog koj faib lub ncuav mov mog, txhais tias kom lub cim yug kaj qhov pom kev rau kuv kev tsaus ntuj, koj lub zog txhawb kuv ces yog kuv qhov zoo siab hom khaj hauv kuv lub siab ntshaw.

    Huab Tais, KOJ NROG KUV NYOB, vim thaum txog kuv lub caij tuag, kuv xav mus nrog Koj nyob, nyob hauv lub cim yug, los yog hauv lub txiaj ntsim kev hlub.

    Huab tais Yes Xus, KOJ NROG KUV NYOB, kuv tsis kom Koj muab Tswv Ntuj txoj kev nplij rau kuv, vim kuv tsis tsim nyog txais, tab sis koj muab qhov koj nrog kuv nyob ua ib qho paj tshab rau kuv, auj! yuad! kuv thov koj os!

    Huab Tais, KOJ NROG KUV NYOB, kuv tsuas nrhiav Koj tib leeg xwb, Koj txoj kev hlub, Koj lub txiaj ntsim, Koj siab nyiam, Koj lub siab zoo, Koj lub tswv yim, vim kuv nyiam Koj thiab kuv tsis xav kom koj muab dab tsi ntxiv tsuav kuv tau nyiam koj nkaus xwb. Kom tau ib txoj kev hlub ruaj nreb, yooj yim, kom kuv tau nyiam Koj tag siab nrho rau hauv ntiaj teb no, kom tau nyiam koj tshaj plaws ntxiv mus tag ib txhiab ib txhi.



    Padre Pio thaum ua neej nyob - Page 2 08_wir10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  Maiv Tooj 1st September 2015, 10:30 am



    Leej Ntshiab Padré Pio keeb kwm-2015,
    Txoj kev Hlub ntawm cov qhov txhab qheb.



    L'histoire De St.Padre Pio - 2015, Les Plaies Ouvertes De L'amour. Partie /01




    Padré Pio tus muaj hwj huam yees ntxwv, Padré Pio tus tau Yes Xus cov qhov txhab nyob rau nws lub cev ...keeb kwm cov qhov txhab tshwm sim los…Muaj cov qhov txhab cim yog muaj Yes Xus Pleev cov qhov txhab nyob ntawm yus lub cev ; zoo li cov qhov txhab thaum Nws raug ntsia thiab nkaug saum Ntoo. Nyob hauv lub Koom Txoos Kas Tos Liv tsuas muaj thaj tsam li 60 tus neeg muaj cov cim qhov txhab uas Koom Txoos lees paub.
    Padré Pio yog thawj thawj tug Leej Choj uas tau txais cov cim qhov txhab uas muag pom xyeem tau. Nws muaj cov cim qhov txhab uas muag pom nov tau tshaj 50 xyoo thiab cov qhov txhab kuj tsob ntshav ntev tib yam; raws li cov kws txuj tshawb fawb mas nws yuav nyob tsis taus ntev npaum li ntawd, vim cov qhov txhab los ntshav tas mus li.
    Qhov tseeb tiag, Padré Pio twb muaj cov cim qhov txhab uas muag pom tsis tau thaum hnub tim 14-08-1910 los lawm. Nws tau thov Ntuj kom cov cim qhov txhab txhob tshwm rau neeg pom, kom muag txhob pom tau. Tab sis hnub tim 20-09-1918 thaum nws ua Thaj txi Ntuj tag, nws ua Ntuj tsaug, nws cia li muaj cov cim qhov txhab tshwm plaws los. Nws tus TP. Tsob Hwb nws thiaj li kom nws sau txhua txhia yam tshwm sim hnub ntawd cia.
    Saib qhov uas Padré Pio sau nov: « Kuv pom ib tug neeg txawv txawv paub tsis tau, tshwm los ntawm kuv, pom ntshav ntws ntawm nws ob txhais ko taw, ntawm nws ob txhais tes thiab ntawm nws ib sab, nws lub zeem muag ua rau kuv ntshai heev, thaum tus neeg ploj lawm ces kuv pom ntshav ntws ntawm kuv ob txhais tes, ob txhais taw thiab ntawm kuv sab hauv siab.
    Sim xav rau qhov kuv raug txom nyem, tseem txom nyem yuav luag txhua hnub ntxiv. Ntshav los tas li ntawm kuv lub plawv los, tshwj xeeb Hnub Tsib tsaus ntuj mus rau Hnub Xya. Kuv Txiv (hais rau tus Txiv Plig Tsob Hwb), kuv nyiaj kuv txoj kev txom nyem thiab ntxhov nyho hauv kuv tus ntsuj plig. Kuv qw nrov nrov ntawm NWS xub ntiag thiab kuv tau thov nws tsis tseg.  NWs uas tus muaj lub siab khuv leej neeg, kom tshem tsis yog qhov mob vim kuv pom tias yuav mus taus, kuv nqhis txoj kev nyiaj mob, kuv txaus siab kom mob kuv txog qhov qaug kiag tab sis tshem cov qhov txhab rau muag pom nov mus, vim rau kuv yog zoo li yog ib qho ua rau luag thuam thiab tsis zoo rau luag tham.
    Padré Pio to tob heev hauv nws ob sab xib teg tshab plaws rau qaum tes, ob sab xib taws tshab plaws rau qaum taw, yog xauj, nej yuav pom qhov to tog tshab plaws rau sab tod thiab to ntawm nws sab hauv siab lauj. Nws rau hnab looj tes tas mus li, tshwj tseg thaum nws ua Thaj txiv Ntuj nkaus xwb, thiab nws qhwv ko taw tas mus li. Coob leej tau pom nws cov qhov txhab ntawm tes thaum nws ua Thaj Txi Ntuj. Nws cov ntaub qhwv qhov txhab, qhwv hmo ces hloov tag kis sawv ntxov tas mus li. Nws cov cim qhov txhab raug coob tus Kws tshuaj ntsuam xyuas, puav leej xaus lus tias yog ib qho uas tsis muaj peev xwm yuav piav tau.
    Tsis tau kev tso cai ntawm cov hlob, tsis muaj leej twg yuav muaj cai pom nws cov qhov txhab li. Kws kho mob Dr.Bignami saib Padré Pio cov qhov txhab tsis ntev tom qab uas tshwm muaj los, nws hais tias cas txawv tshaj li, twb to yuav tau ib xyoo, ua cas cov qhov txhab ho tsis zoo thiab ho tsis voos, tsis mob loj tshaj ntxiv li. Cov Kws Tshuaj hais tias Padré Pio cov qhov txhab nov mas yog hwj huam yees ntxwv, vim lawv twb tau phais nws muaj thoob tshaj thiab phais ib lub qog, twb nqawm tag, zoo hlo du lug lawm; tab sis cov cim qhov txhab nov ho tsis txawj zoo li. Ib qho txawv heev mas yog cov qhov txhab ntawm nws ob txhais tes, yeej nyob qheb cuab tha lug hliv cua tab sis ho tsis voos li.
    Cov ntshav uas los ntawm nws sab hauv siab los mas ib hnub no los npaum li ib ntig kob swm tshuaj ; lawv muab ib daim ntaub maj los qhwv nws hauv siab. Tus Dr.Sanguinetti  hais rau nws ib tug phooj ywg hais tias yog koj los kuv, peb nyiaj ib feem kaum ntawm Padré Pio cov mob nov mas ntshe peb twb tuag lawm.
    Ib tug me nyuam mus daws txhaum ntawm Padre Pio nug tias ua cas nws lub qhov txhab ntawm hauv siab ho tsis nyob qhov chaw li Peb tus Huab Tais. Padré Pio teb tias yog tias nyob kiag qhov chaw li peb tus Huab Tais mas mob dhau lawm ntshe yuav nyiaj tsis tau ces thiaj li ua kom nws to ib nyuag xu me ntsis.
    Dhau ntawm cov cim qhov txhab, Padré Pio tseem tau nyiaj lub mom pos thiab kev nplawm (thaum muab Yes Xus nplawm) ib lis piam ib zaug thiab. Tej thaum mas Padré Pio cov cim qhov txhab tsw tswv paj ntshua npaim xyaw paj tsam xem. Muaj ib tug Kws tshuaj hais tias peb yuav tsum paub tias tag nrho hauv peb lub cev, cov ntshav yog qhov uas lwj sai tshaj ; tab sis cov ntshav uas los ntawm cov qhov txhab los mas ho tsis tsw phem li thiab tej thaum mas tej qhov khoom uas Padré Pio kov thiab lo nws cov ntshav kuj tsw tsw qab li nws cov ntshav, tej thaum mas yog tej khoom uas yog nws tug kuj tsw qab thiab. Muaj tej tug neeg mus thov Padré Pio thov Ntuj rau mas nws hnov tsw qab ntxiag, tsw paj ntshua nplaim, paj hav zoov, thiab tsw pa yeeb nkab kauv. Lawv xav tias qho tsw nov yog nws nyob ntawm yus los yog nws ua ib yam dab tsi rau yus, yog ib qho qhia kom yus paub.
    Nyob hauv cov ntawv sau tseg hauv lub tsev Notre Dame de la Grâce, muaj txhiab txhiab tus tim khawv txog txhua yam, tau teev tseg tias lawv muaj mob uas kws tshuaj kho tsis tau thiab mob tuag tes tuag taw puav leej zoo tag yog vim Padre Pio thov Ntuj rau lawv.
    Padré Pio kuj coj tau coob leej rov los ntseeg, ib txhia yog cov hais tias lawv yog neeg ntseeg kas tos liv tab sis mas lawv tsis teev Ntuj li.

    Padré Pio lub neej me nyuam yaus :
    Padré Pio niam yug tau 8 leej me nyuam, muaj 3 tug tuag thaum yau yau lawm. Padré Pio yug hnub tim 25-05-1987. Lub npe hu ua Faas Tshes Kos Fos Zias Nos. Hnub tom qab ces lawv ntxuav plig rau nws.  Thaum nws muaj 5 xyoos, Faas Tshes Kos lub siab muag rau txhua yam uas muaj feem txog Ntuj. Thaum ntawd nws twb pib pom tej yam txawv txawv, tej yam Ntshiab thiab tej yam phem dab tuag, tej yam phem uas nws pom ntawd ua rau nws ntshai ntshai, thiab ua rau nws quaj. Faas Tshes Kos, Padré Piot sis nyiam tawm mus nrog cov me nyuam nws ib phaum ua si, vim nws hais tias lawv tsis hais lus zoo, lawv lam tau lam hais lus loj loj. Padré Pio yog ib tug me nyuam mloog lus heev, 5 xyoos xwb nws twb cog lus nrog Leej Ntshiab Faas Tshes Kus As Xis. Thaum muaj 9 xyoos, nws niam pom nws pw ntawm plag tsev txias txias thiab tawv tawv, muab ib lub pob zeb los rau ncoo. Tab txawm yog me nyuam yaus xwb los nws twb paub tab, thaum nws pom cov me nyuam ntxhais nws yuav coj zoo, nws tsis ntsia ntsoov lawv, thaum nws ntsia lawv mas nws mluas mlob ib nyuag fee rau ib sab, tsis lam yuav xyiv fab nrog lawv tso dag tso luag  ua si li.
    Txhua hmo, Padré Pio tsev neeg teev Saw Mab Liab ua ke. Txoj Saw Mab Liab muaj ib lub chaw tshwj xeeb hauv lawv tsev. Hauv lawv tsev, lwm yam mas tso tseg tau tab sis teev txoj Saw Mab Liab mas tseg tsis tau ib zaug li.
    Thaum nws tseem me nyuam yaus, muaj ib zaug nws pom ib tug ntxhais uas nws paub, tab tom xaws ib txoj sab rau nws daim tiab. Nws hais tias : « Aas Dis Las, hnub no peb tsis ua hauj lwm, Yog Hnub Chiv. » Tus ntxhais muaj ntsis txaj muag ces txawm teb hais tias : Me nyuam tub, koj tseem me dhau uas yuav hais li koj ! Faas Tshes Kos nyob ib nyuag pliag ces nws mus muab tau ib rab txiab thiab chua kiag daim paj ntaub, muab txiav tsuag tsuag pov tseg.
    Faas Tshes Kos Fos Zias Nos, Padré Pio, hnub nyug muaj 14 xyoo xyoo 1901, lawv muab nws xa mus kawm tsev kawm ntawv xyoo 5 (secondaire) uas yog Aas Ntses Los Kas Kas Vos ua tus saib lawv. Xyoo 1902, Kas Kas Vos kom Padré Pio sau ib zaj dissertation hais tias : « Yog tias kuv yog vaj ntxwv… », Faas Tshes Kos Fos Zias Nos, Padré Pio muaj 15 xyoos nws sau li no : « Yog tias kuv yog ib tug vaj ntxwv, kuv yuav xub tawm tsam rau kev sib nrauj, uas ntau tus txiv neej phem ntshaw plias, kuv yuav yuam kom sawv daws hwm lub Cim Cog Lus ntau npaum li yuav ua tau. »
    Niag Zus Lias uas thim ntawm kev ntseeg kas tos liv lawd ua li cas lawm, nws uas yog ib tug neeg muaj peev xwm khov kho; tab sis nws yuam kev loj qhov uas tso txoj kev ntseeg Yes Xus uas nws ib txwm tau kawm thiab paub txij thaum nws yug los. Nws tseem rov mus ntseeg dab lawm.  Zaum ces no nws yeej tsis tau dab tsi ntxiv tsuas yog tau lub nyuag npe tsis ua Ntuj Kev Cai lawm xwb.
    Hnub tim 06-01-1903, Padré Pio nkag mus rau Tsev kawm ua Txiv twj cuab (monk) Capucin, nws muaj txiab xeeb heev ces nws tus xib hwb qhia Ntuj Kev Cai hais rau nws tias : « Koj yog ib tug neeg muaj mob, ntshe koj yuav ua tsis taus ib tug neeg tshaj Ntuj Lus ib zaug li. Ntshe tsuas vam kom koj los ua ib tug Txiv Plig thoob tsib, siab ntev Daws Txhaum xwb. » Cov lus nov yog ib cov lus yaj saub, vim cia li muaj tseeb tiag li rov tom qab, nws los ua ib tug Daws Txhaum zoo heev raws nraim li los lus xub hais.
    Padré Pio txais lub Cim Tiag tes ua Leej Choj hauv lub Koom Txoos Kas Tos Liv rau hnub tim 10-08-1910. Nws hais rau lawv hais tias : « Kuv Txiv xa kuv tuaj ces kuv xa nej mus tib yam.»  Nws hais li nov ces nws tshuab pa rau lawv, nws hais tias : «Nej txais Leej Ntuj Plig, yog nej zam txhaum rau leej twg mas nws yuav zam nyob saum Ntuj, yog nej tseg leej twg cov txhaum mas nws yuav nyob mus li.» Nyob hauv Zam Ntawv Moo Zoo, peb pom tias Yes Xus muab hwj huam rau cov Thwj Tim kom muaj peev xwm (muaj hwj huam) daws txhaum tau rau. Txoj kev daws txhaum no yog Tswv Qhia muab lub hwj huam rau cov Txiv Plig ; yog ib qho tseem ceeb rau Padré Pio thiab rau nws tej hwj huam yees ntxwv tom qab no.  Thaum 1918-1923, Padré Pio daws txhaum ib hnub no txog ntawm 15-19 teev li. Txij li uas 1940-1950 Padré Pio Daws Txhaum tsawg dua lawm tab sis ib hnub no kuj tseem li 5-8 teev ntawd. Padré Pio daws txhaum mas ib tug no tsuas ntev li 3 fiab xwb. Muab xam los mas tag nrho cov uas Padré Pio daws txhaum rau muaj ze ntawm 50.000.000 leej. Coob leej ntau tus xav tuaj daws txhaum ntawm Padré Pio, tab sis yuav tsum tos li ob los peb lis piam mam li tau ntsib Padré Pio. Neeg coob kawg li txog qhov uas thaum kawg tau qheb ib lub rooj los faib naj npawb rau cov neeg tos. Hauv daim ntawv tos sau qhia seb yuav nyob qhov twg tos Padré Pio. Kev faib naj npawb nov yog txij thaum lu bib hlis 1950 los mus. Thiab tseem sau tias tsis pub rov qab mus daws ntxhaum dua ntawm Padré Pio yog tsis tau dhau 8 hnub.
    Ib tug yawg nyob Padoue rov mus daws txhaum ntawm Padré Pio dua uas twb tsis tau dhau 8 hnub, nws tsis xav ua raws li tus txheej txheem ces nws dag hnub uas nws daws txhaum dhau los, thaum nws mus txog ntawm Padré Pio, Padré Pio muab nws ntiab tawm thiab cem nws ua neeg dag. Yawg quaj dhi tawm los ; nws hais tias : « Kuv tau dag ntau zaus hauv kuv lub neej, kuv xav tias ntshe kuv yuav ua tau tib yam li rau Padré Pio.» Padré Pio twb paub nws lub siab tag lawm. Padré Pio xav kom txoj kev daws txhaum yog ib qho txhawb kev ntseeg. Nws tsis zam rau tej uas tsis hais ncaj, zais tsis hais tej txhaum kom tag. Nws ua tawv heev rau cov uas tsis kam thov txhaum rau luag, uas siab tsis ncaj thiab tsis hloov siab. Nws tseev kom tus tuaj daws txhaum ua siab ncaj ncees tsis zais. Li no thiaj li yog daws txhaum tiag thiab hloov ua neeg tshiab rau lub neej tom ntej. Ntau tus neeg tuaj daws txhaum ntawm Padré Pio hais tias  thaum lawv mus txog ntawm Padré Pio, lawv mloog li yog lawv nyob ntawm Tswv Ntuj lub rooj txiav txim. Yog tias tus neeg twg tuaj txog, es nthuav daim ntawv nws sau nws cov txhaum npliag liag xwb tsis txia siab hloov tiag tiag mas Padré Pio muab ntiab tawm. Coob tus tau hais tias Padré Pio txeev cia li kaw nkaus daim txiag qhov rais daws txhaum ntawm lawv xub ntiag.
    Muaj ib yawg hais tias tus txiv twj cuab nov yog leej twg, ua cas nws twb tsis tos kuv hais lus tso, txawm siv ntiab thiab cem kuv ua niag taw npua laus no. Ces lawv teb yawg tias tej zaud Padré Pio kuj hais yog lawm ; vim li nws thiaj piv rau ib niag taw npua laus. Yawg tias kuv mas kuv tsis pom qhov txhaum li. Tab sis ib pliag nws mam hais tias ntshe yog kuv pheej nrog ib niag pog uas tsis yog kuv poj niam nyob ho es nws thiaj hais ho!
    Tej zaud Padré Pio kuj ntiab tej tug Txiv Plig los yog tej tug Tswv Qhia tawm ntawm chaw daws txhaum thiab. Muaj ib zaug Padré Pio hais rau ib tug Txiv Plig hais tias : « Yog tias koj paub txog qhov txaus ntshai tshaj plaws uas mus zaum ntawm lub rooj txiav txim Daws Txhaum thiab ! Peb yog tus tswj Leej Pleev cov ntshav, peb yuav tsum tswj nrees tsis txhob ya ib nta hla los yog tsis nco qab thaum peb tseem muaj sia.
    Ib yawg mus sim Padré Pio  siab daws txhaum, nws xav mus sim seb Padré Pio puas paub qhov nws zais. Yawg hais rau Padré Pio tias nws tuaj nov tsis yog tuaj daws txhaum, tab sis yog tuaj thov kom Padré Pio pab thov Ntuj rau nws tsev neeg xwb. Twb tsis muaj tseeb ces Padré Pio xua ib ncuav pias rau nws plhu thiab ntiab nws kom khiav ntawm chaw daws txhaum mus.
    Ib tug poj niam tuaj kev deb tuaj cuag Padré Pio thiab hais tias : Padré Pio, txij li kuv tus txiv tuag tau 4 xyoo no kuv tsis mus teev Ntuj li lawm. » Saib seb Padré Pio teb li cas. Nws ntsawm qhov rooj thiab teb tias : « Es koj tus txiv ploj no koj txawm yuav tso Tswv Ntuj tseg thiab lov ! Kav tsij khiav mus ! » Tsis ntev tom qab no tus poj niam no rov ntseeg, nws zoo siab rau Padré Pio cov lus cem nws, ua rau nws ras xeev tias cas nws yuav muab nws tus txiv saib hlob tshaj Tswv Ntuj lawm thiab.
    As Nres Las To hais tias kuv mus teev Ntuj hauv tsev teev Ntuj, tab sis kuv tsis mus daws txhaum li, kuv mus tsawg tsawg xwb  vim kuv tsis ntseeg txog kev daws txhaum. Kuv pib ntseeg txog kev daws txhaum yog thaum kuv mus daws txhaum ntawm Padré Pio xwb. Thawj zaug uas kuv mus nws piav kuv cov txhaum ua ntu zus rau kuv.
    Kas tas lis Nas hais tias thaum peb mus daws txhaum ntawm Padré Pio, Padré Pio nug peb tias ua li peb daws txhaum thaum twg los lawm? Lo lus nug nov mas yog thawj los uas Padré Pio txuas nrog tus neeg tuaj daws txhaum. Zoo nkaus li uas Padré Pio cia li paub txog peb tib si li lawm. Yog peb hais tsis raug los tsis txhua mas nws ntxiv rau, zoo nkaus li nws ib lub qhov muag ntsia pom peb tag nrog es yuav coj mus rau Tswv Ntuj.
    Padré Pio tham txog cov nws daws txhaum peb xav hais tias ua li cas Padré Pio yuav daws tau txhaum coob ua luaj li. Tej thaum kuv hnov nws hais tias nws daws txhaum ib hnub txog 18 teev sib law. Nws hais tias : « kuv tsis muaj ib qho sij hawm rau kuv li tab sis Tswv Ntuj pab kuv txoj hauj lwm heev, kuv tso tag puas tsav yam tseg, tsuav kom tau cov ntsuj plig rov tig rau ntawm Yes Xus thiab nyiam Yes Xus xwb. »
    Ntsos Mus Kas Fis mus daws txhaum ntawm Padré Pio tau sau nws zaj kwv huam zoo tag nrho tias : Mus Kas Fis xav kom Padré Pio thov Ntuj rau nws ib tug phooj ywg. Thaum lub caij so, Mus Kas Fis pib tham thiab piav ; tab sis Padré Pio cia li ib nyuag luag thiab txiav nws lus hais tias : « Yog mas, kuv tseen nco tau koj thiab os phooj ywg. »
    Ib tug pog npe hu ua Nos Lis Nes mus daws txhaum ntawm Padré Pio nws hais tias nws xav thum luam yeeb. Nws tsis xav tias Padré Pio yuav teb li ntawd rau nws. Padré Pio teb nws tias : «Cov niag poj niam uas haus luam yeeb mas vuab tsuab tshaj li. »  
    Fes Des Liv uas yog ib tug ntawm cov neeg daws txhaum, nws rov tig los ntseeg, tom qab mus daws txhaum ntawm Padré Pio. Nws tham txog tim li cas nws thiaj rov los ua neeg ntseeg : «Thaum lub 11 hli 1928, kuv mus xyuas Padré Pio thawj thawj zaug, tau xyoo puav lawm uas kuv hloov ntawm cov as cas los ntseeg kas tos liv kom yooj yim kev rau tej ntaub ntawv thiab noj haus. Kuv tsis ntseeg, tsam no kuv mam paub tias kuv lam ua li kuv muaj kev ntseeg xwb. Vim kuv ib txwm hlob nyob hauv ib tse neeg tseem tseem kas tos liv, ces txoj kev ntseeg tau cog tob hauv kuv tsis ploj li, kuv thiaj li xav xav paub txog tej yam uas yus paub tsis tau. Kuv ib tug phooj ywg, nws muab kuv tsa nrog cov txawj ua dab, tsis ntev tsis ntau ces kuv dhuav tej lus uas dab los txuas lus rau kuv uas rau kuv tsis tshua ntseeg heev rau lub neej sab tod. Ces kuv txawm cia kawm ua khawv koob, tso dab tej txhua yam. Ib hnub kuv ntsib ib yawg hais rau kuv tias muaj ib tug txiv twj cuab txawv txawv, nws tib leeg thiaj li yog tus paub qhov tiag thiab qhia qhov tseeb ntawm txoj kev ntseeg. Ces wb txawm mus ua nws thwj tim, ntawm kuv lub rooj ntawv mas muaj cov ntawv teev dab thiab zoo li cov phau ntawv ntawd txawj mooj yus. Kuv ntseeg tas siab nrho ces kuv txawm kawm tej kev cai dab qhuas, teev dab txhua yam. Kuv txawm tos ntshi txog qhov yuav pom dua ib lub neej tshiab. Kuv tsis paub hais tias yog tim li cas, ntshe yog kuv lam ua kom kuv poj niam zoo siab es kuv thiaj li txav ze lub Cim Yug zaum puav nyuag.
    Thaum kuv hnov lawv tham tias muaj ib tug Txiv Plig Kas Pus Xees ua li ib tug lawv muab ntsia ciaj saum ntoo cuam ; ces kuv txawm xav xav pom nws kiag ntawm qhov muag.  Kuv mus txhos caug hauv chav daws txhaum, kuv xav tias kev daws txhaum nov yog ib qho ua neeg paub cai xwb kuv tsis ntseeg txog lub hwj huam ntshiab ntawm txoj kev daws txhaum. Ces yawg Padré, uas muaj cov qhov txhab ntsia kuv ua ntsej muag ntshaus ntsho thiab hais rau kuv tias : «Tus neeg mus ntseeg yuam kev ! Es tag nrho cov Cim Yug uas koj txais dhau los puav leej raug saib tsis taus mas koj yuav tsum ua ib qho kev daws txhaum thoob plaws. Xav zoo zoo saib thaum twg los lawm uas koj tau tib zoo ua lub cim daws txhaum. Yes Xus ua siab zoo rau koj tshaj uas ua rau Yus Das.» Ces nws ntsia lub qhov muag nyaum nyaum saum kuv taub hau, nws qw ib suab nrov nrov tias: « Cav lus zoo txog Yes Xus, cav lus zoo rau Mab Liab. »  Ces nws txawm sawv mus rau tom tsev teev Ntuj, yuav mus daws txhaum rau cov poj niam nyob tod. Hos kuv ces kuv nyob hauv kem tsev cov Txiv Plig hloov khaub ncaws, kuv cia li nyob tib tug tu siab tsawv hauv chav daws txhaum xwb.  Ua rau kuv taub hau kiv lees, kuv xav tsis tau dab tsi li lawm. Kuv tseem hnov ntsoov nws lub suab hais rau kuv pob ntseg tias : « nco seb yog hnub twg los lawm uas koj tau ua tib zoo daws txhaum ? » Kuv xav tsis tawm li lawm ces kuv txawm xav tias kuv yuav hais rau Padré Pio tias : « kuv tsis paub, kuv xav yuam kev lawm, kuv txiav txim siab mus ua plos tes taas tsis ntev ces kuv txawm txais lub cim ntxuav hauv cov plos tes taas. Lawv hais tias txais lub cim ntxuav ces yuav ntxua tag nrho yus tej thaum lawm no. Tab sis ua kom kuv qab siab ces ntshe kuv yuav pib daws txhaum txij puag thaum kuv me nyuam yaus los mus… » Ces Padré Pio rov nkag los hauv chawv daws xthaum, nws rov nug kuv li qub dua. Koj tib zoo daws txhaum zoo zoo thaum twg los lawm, koj puas nco qab ? Kuv teb tias : « Txiv, yog thaum kuv tseem…Ces tus daws txhaum txawm txiav kiag kuv cov lus hais tias : « Koj qhov daws txhaum zoo tiag mas yog thaum koj ua tshoob tag es koj poj niam neb mus ncig teb chaws rov los.  Pib txij thaum ntawd los xwb, ua ntej ntawd ces muab pov tseg. Kuv cia li yoob tag, ceeb tias kuv ntsib tej yam tuaj ntawm Ntuj tuaj tiag. Tab sis yawg Padré tsis cia kuv xav tswv yim li, nws hais kuv tej txhaum zoo zoo ib qho zuj zus. Tom qab uas Padré Pio teev kuv cov txhaum tuag (txhaum loj) huv si tshwm los, nws ua kom kuv paub kuv cov txhaum nyhav npaum li cas. Nws hais ib lub suab ua rau kuv nco ntsoo tsis ploj tias : « Koj tseem hu ib zaj nkauj txhawb zog rau xas tas hos Yes Xus hauv nws txoj kev hlub loj tas nrho tseem raug lov caj qab rau koj. » Ces nws foom hmoov zoo thiab zam txim rau kuv. Txij thaum ntawd los ces kuv tsis yog ntseeg lub Koom Txoos Kas Tos Liv  kev qhia Ntuj kev cai xwb, kuv tseem ntseeg tag nrho txhua yam hauv lub Koom Txoos tib si. Zaum no yog yuav tshem kuv txoj kev ntseeg mas yuav tsum tau tshem kuv txoj sia thiab.
    Joe Gréco zaum no nyiam Padré Pio heev, tau npau suav mus ntsib Padré Pio ntawm ib txoj kev, nws thov kom Padré Pio kho nws txiv ; cas npau suav tag, nws txiv cia li zoo lawm tiag. Joe txiav txim siab mus ntsib Padré Pio thiab ua nws tsaug. Nws tos tau 4 hnub ces thiaj txog nws thib mus daws txhaum. Nws hais li no, thaum Padré Pio pom Joe, nws hais tias : « Aj! Yog uas koj txiv zoo lawm los ! » Kuv ceeb tag, vim kuv tsis tau mus dua San Giovanni Rotondo ib zaug, yog thawj zaug kuv mus xwb. Kuv tsis tau mus dua ces ntuj nov li, kuv tsis paub leej twg li ; tab sis ua cas thaum kuv txawb kiag kuv ko taw xwb nws hais li nws paub paub kuv, ces kuv cia li tsis paub yuav pib qhov twg tuaj, kuv tsuas xav hauv kuv taub hau tias : « Puas yuav yog koj ?Puas yuav yog koj ? » Ces nws txawm teb kuv tias : « Hauv npau suav, yog mas, yog hauv npau suav. » Thaum ntawd ces kuv cia li ntshai heev heev, kuv ntshai ntshai tshee na, kuv tsis pom qab hais qhov tseeb rau nej. Kuv teb tias : « Txiv yog mas, yog hauv  npau sua. » Ces kuv hais tag nrho kuv cov txhaum rau nws, thaum nws yuav foom hmoov zoo thiab zam txhaum rau kuv, nws hais tias : Joe, tshua ib qho uas koj paub kawg ; tab sis koj tsis xav hais. Kuv txawm teb nws tias : « Kuv Txiv, kuv tsis nco dab tsi ntxiv kiag li lawm. » Padré Pio thiaj tham txog nrog ib tug poj niam hauv lub vaj paj, thaum kuv nyuam qhuav mus ua peeb zeej. Thaum ntawd kuv rov nco tag puas tsav yam. Tam sim ntawd mas kuv xav kom av tawg plho los muab kuv nqos kiag mus xwb, kuv txaj txaj muag tshaj plaws li. Kuv thiaj hais rau Padré Pio tias : Txiv, kuv rov nco tau txhua yam lawm, kuv ntshai tsam kuv tsis nco qab hais thaum kuv daws txhaum vim kuv txaj muag dhau lawm. Nws rov hais tias : « Yog mas, koj ev qhov txhaum no puag thaum 1941 los lawm, hais qhov tseeb rau koj, yog tshwm sim nyob pem Blackburn. »  Ces kuv tab tom sawv yuav rov los, Padré Pio tseem rov hais dua tias koj tsis nco qab ib qho lawm thiab ! Kuv pom nws ib nyuag luag, ces kuv txawm teb tias : « Auj ! Txiv ! Tsis tshua dab tsi kiag li lawm os ! » Kuv xav tias ntshe yog tshua txhaum tsis tau hais naj nws hais tias : Xuas hauv koj hnab tshos seb ! Ces kuv xuas hnab tshos naj tau txoj saw Mab Liab, kuv muab cev rau nws, nws foom hmoov zoo rau, ces tag li no lawm xwb.
    Ib tug yawg mus daws txhaum hais rau Padré Pio hais tias : « Kuv ncawg kuv cov txhuam, kuv swm kom nws nrog kuv ua neej, kuv tsis xav txhem li, pab kuv nrhiav kom tau ib hauv tshuaj daws. » Padré Pio muab ib zaj teev Ntuj rau nws teev Leej Ntshiab Mis Kas 4 lub hlis, ib hnub ib zaug.
    Ib tug Txiv Plig nyob nroog Padue, Is Tas Lis teb, mus daws txhaum ntawm Padré Pio yam tsawg ib puas zaud tau tham hais tias : « Kuv nco ntsoov thawj thawj zaug, nws cov lus ua rau kuv xav tsis tag thiab qheb kuv qhov muag. Tej lus nws hais raug kuv lub neej dhau los thiab lub neej pem suab tib si. Muaj tej thaum mas nws hais tej los lus tsis muaj feem nrog cov lus uas wb tham hauv kev daws txhaum li. Tab sis ntev tom qab muaj tej xwm tshwm raws nkaus li nws cov lus, kuv mam li xav txog hais tias nws cov lus yog ib cov lus yaj saub. Muaj ib zaug, kuv mus daws txhaum xyoo 1957, muaj ib lo lus mas nws hais 5 zaug nkaus rau kuv, nws hais tag rov hais dua rau kuv ob peb lwm sib law tib qho qub tab sis hais cov lo lus txawv xwb kom kuv ua lub siab ntev ntev, nws ua kom kuv pom kev txog kev ua siab ntev. Nws qhia kom kuv coj li cas thiaj li yuav zam dhau kev siab luv lawm yav tom ntej. Tej no yeej tsis muaj neeg qhia rau nws li, ua li mas nws tseem paub kuv zoo tshaj kuv tus kheej lawm. Thiaj qhia kom kuv rov kho kuv tus kheej li cas.
    Cov uas mus xyuas Padré Pio, muaj ib txhia hais tias lawv tsis yog neeg ntseeg, tus puav mus lam xyuas seb zoo li cas xwb, ib txhia yog mus thuam Padré Pio thiab thuam Tswv Ntuj. Ob tug franc maçons (cov neeg nyob hauv lub koom haum tawm tsam txhua yam ntawm lub Koom Txoos ua thiab qhia) ua txuj mus lees nkawd cov txhaum ntawm Padré Pio, tiag mas yog nkawd xav mus ua kom lub Cim Daws Txhaum poob tsim. Ob tug neeg ntawd tsis mus ua ke, ces nkawd txawm ua txuj dag ub dag no los hais tab sis Padré Pio twb paub lawm, Padré Pio cia li txiav kiag lus hais rau nkawd tias nws twb paub tias nkawd ua dab tsi rau dab tsi. Ces nws pib hais tej uas nkawd tau ua txhaum loj, hais qhov xwm, qhov chaw thiab lub caij tib si. Ua rau nkawd ceeb thiab xav tsis tag li ces tau ob peb hnub tom qab nkawd cia li hloov siab los ua ob tug neeg ntseeg zoo lawm.
    Ib tug koom tsha tsis ntseeg dab tsi li, mus daws txhaum ntawm Padré Pio. Thaum ntawd nws tseem tsis tau tso nws txoj kev ntseeg tsis huv ntawd pov tseg.  Padré Pio muab ntiab thiab hais rau nws tias : «Koj yuav ua li cas ntawm Tswv Ntuj lub Rooj txiav txim, yog hais tias koj tsis ntseeg ? Khiav mus, kav tsij khiav mus ! Koj yog ib tug koom tsha !»
    Ib tug poj niam muab me nyuam rho, hais rau Padré Pio tias : Kuv tsis paub hais tias rho me nyuam yog ib qho txhaum. Padré Pio teb nws hais tias : « Koj tsis paub tias yog txhaum no lov ! Yog ib qho txhaum loj heev. »
    Padré Pio ua rau cov neeg zoo siab, tsis paub Tswv Ntuj siv Padré Pio ua hwj huam yees ntxwv rau lwm tus. Tsoom neeg hwm thiab tso siab heev rau Padré Pio.
    Thaum hnov lus paj lus cua hais tias yuav muab Padré Pio hloov mus rau lwm qhov mas tag nrho tsoom neeg nyob cov zos ib ncig ze ntawd sawv tawm tsam thiab hais tias yog tseem xa Padré Pio mus lwm qhov thiab mas lawv yuav sib zog ntag. Yog ib qho txhaum thiab ua siab tawv heev uas cov neeg ib cheeb tsam ntawd ua ; tab sis kuj qhia rau paub tias txoj kev uas Padré Pio thov Ntuj pab sawv daws ntawd nto moo heev. Thaum lub 8 hli 1923, Padré Pio tus Txiv Plig Loj hais tias ntshe yuav muab nws hloov mus rau qhov chaw tshiab. Ces hnub tim 10-08-1923, muaj ib tug yawg npe hu ua Denato rho hlo phom twb Padré Pio taub haus thiab hais tias : « Ciaj thiab tuag los koj nrog peb nyob hauv peb lub zos no. » Ces cov neeg thiaj los txhom Denato thiab txeeb tau rab phom lawm. Cov neeg txeev txiav Padré Pio cov khaub ncaws ib qho coj los khaws ua pov haum. Padré Pio hais tias : « Nej sim saib seb! yog cov neeg tsis paub Ntuj Kev Cai zoo, kuv yuav tsum coj nruj dua rau lawv…»
    Padré Pio ua kom tus neeg dig muag rov pom kev, muaj ib tug dig muag thov kom Padré Pio ua kom nws pom kev, kom nws rov pom nws cov txheeb ze lub ntsej muag ; txawm pom ib sab xwb los yeej zoo siab lawm. Padré Pio nug tus neeg ntawd ob peb zaug hais tias : « Ib sab xwb lov ? Ces nws hais ntxiv tso siab lug, mus kuv mam li thov Ntuj rau koj. » Ob peb lis piam tom qab, tus neeg ntawd ua kua muag poob dawb vog tuaj xyuas Padré Pio thiab vim nws pom kev lawm. Padré Pio nug tias :
    - Ces koj pom kev lawm lov ?
    - Yog mas, yog sab qhov muag nov ; tsis yog, yog sab tod !
    - Av ! Ib sab qhov muag xwb lo ! Cia qhia li nov koj thiaj paub. Tsis txhob plov meej rau Tswv Ntuj ib zaug li! Yuav tsum thov kom txiaj ntsim loj xwb !
    Ib tug tub hluas kom Padré Pio kho nws qhov muag dig. Padré Pio nug tias : » Koj xav cawm koj lub qhov muag los cawm koj tus ntsuj plig ? » Tus hluas teb tias : « Yog yuav tsum xaiv xwb ces kuv xaiv kev cawm kus tus ntsuj plig. » Padré Pio rov hais tias  yog yuav tsum xaiv ib qho xwb. Mas kuj yog ib qho iab siab heev rau tus hluas yuav txiav txim siab thiab.
    Xyoo 1919, muaj ib tug Txiv Plig npe hu ua Padré Carlo Nagi nrog nws ib tug phooj ywg neeg Yus Das hu ua Lélo Pégnat tuaj xyuas Padré Pio, tus Txiv Plig pias tias nyuam qhuav tsis ntev no Pégnat cia li dig muag kiag li lawm. Nkawd txhob txwm tuaj xyuas Padré Pio kom seb qhov muag puas zoo. Padré Pio hais rau Pégnat hais tias : « Huab Tais tsis kam ua kom koj pom kev, yog koj tsis xub qheb qhov muag rau koj tus ntsuj plig ua ntej tso ! Thaum twg koj Ntxua Plig tas ces Tswv Ntuj yuav ua kom koj pom kev. » Tau ob peb hlis tom qab, Pégnat rov tuaj, nws tsis rau tsom qhov muag dub ua thaum i lawm. Pégnat hais rau Padré Pio tias nws tsev neeg tsis kam, tab sis nws los ua Ntuj Kev Cai lawm, nws ntxuav plig tas lawm. Thaum ntej mas nws poob siab vim nws dig muag zuj zus ntxiv xwb tab sis ntau hli tom qab ces nws cia li rov pom kev lawm. Tus Kws Tshuaj kho nws hais rau Pégnat hais tias thaum i mas nws qhov muag twb dig lawm, ua cas zaum no nws cia li rov pom kev zoo zoo lawm. Leej Tij Pos Laus nrog cov Léli Pégnat nyob ua ke tau tshaj  30 xyoo hais tias nws lub qhov muag yeej pom kev zoo tas mus li.
    Ib tug me nyuam ntxhais tsis muaj ntsiab muag pom kev. Gemma di Giogi yug los tsis muaj ntsiab muag.  Ntau tus Kws Tshuaj tshwj xeeb hais tias tsis muaj hauv kev yuav kho tau Gemma li. Xyoo 1947, nws muaj 7 xyoo, nws niam tai coj nws mus cuag Padré Pio, mus txog tog kev xwb, Gemma cia li pib pom kev, ua rau nws niam tais thiab niam tais cov phooj ywg zoo siab tas nrho li, lawv hais tias yog ib qho hwj huam yees ntxwv. Thaum lawv tuaj txog lawd, ib txwm Padré Pio twb tsis tau pom dua Gemma li tab sis cia hu Gemma tuav npe kiag ntawm sawv daws xub ntiag mus daws txhaum.  Thaum daws txhaum Gemma yeej tsis hais dab tsi txog nws ob lub qhov muag dig li, tab sis Padré Pio ua Ntoo Cuam lub Cim rau saum ob sab qhov muag. Thaum daws txhaum tag, Padré Pio foom hmoov zoo rau nws thiab hais rau nws tias : «Xyaum ua neeg zoo thiab ua neeg ntshiab huv. » Txij ntawd los ces Gemma pom kev zoo zoo lawm. Coob tus Kws Tshuaj tuaj ntsuam xyuas Gemma hais tias  ntseeg tsis tau li, vim tsis muaj ntsiab muag ho pom kev tau mas muaj tsis taus. Gemma niam tais hais tias muaj Kws Tshuaj tuaj xyuas Gemma hauv lawv tsev coob coob kawg, tus twg los yeej hais tib yam ces qhov kawg lawv xaus lus tias yog hwj huam yees ntxwv.
    Ib tug pog piav txog qhov Padré Pio kho nws tus ntxhais zoo. Tau 6 xyoo dhau los no, nws tus ntxhais mob cancer hauv ncauj tsev me nyuam, cov Kws Tshuaj muab 5 xyoos rau nws nyob xwb.  Nws rov qab mus rau lawv ntsuam zaum kawg, cas nws tus mob twb ho zoo hlo lawm. Kuv yeej xav tias yog Padré Pio tuaj kho xwb ; vim muaj ib tug phooj ywg ntseeg catholic qhia kom kuv thov Padré Pio ces kuv thov Padré Pio thov Ntuj rau kuv tus ntxhais.  Kuv tsis yog neeg ntseeg catholic, tab sis kuv xav tias yog ib qho hwj huam yees ntxwv.
    Cov kwv huam zoo li nov mas muaj ntau heev.

    Tas daim video 1.
    Txhais : Maiv Tooj.
    Tim 02-09-2015.



    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 4th March 2019, 10:09 am


    NWS CIA LI HAIS KIAG KUV LUB NEEJ


    Padre Pio thaum ua neej nyob - Page 2 152_2110


    Frédérick Abresch yog ib tug Los Pav muaj ntawv nyeem nyob San Giovanni Rotondo. Yog ib tug uas Padre Pio rov coj tau nws los ua neeg ntseeg, ib yam nkaus li txhiab txhiab puas pua tus uas tsis hais txog .

    « Kuv yug nyob hauv ib tse neeg ntseeg As Cas (protestant) uas tawm tsam Koom Txoos Kas Tos Liv heev, tab sis lam ntseeg Kas Tos Liv rau txoj kev yooj yim (ua txuj ntseeg kom tau muag ntawv xwb. Ces kuv thiaj li nyiam mus saib Saub thiab fiv dab. Tej zaum mas kuv lam mus nrog kuv poj niam mus txais cov Cim kom nws zoo siab xwb, tsis yog kuv ua tiag tiag li.

    Kuv poj niam mob nyhav, nws yuav raug phais, thiab yog phais tag ces nws yuav tsis muaj me nyuam li lawm. Hnov lawv tias muaj ib tug tau Tswv Ntuj lub hwj huam lo kho mob nyob San Giovanni Rotondo, ces kuv thiaj lam mus xyuas.

    Mus txog, Padre Pio txais kuv tib tug tsuag tsuag. Thaum kuv txhos caug Dawv Txhaum, nws liam tias zaum tag los no kuv mus Daws Txhaum, kuv tssi hais kuv cov txhaum tag, kuv zais ib cov txhaum loj, kuv tau thuam thiab saib tsis tau txoj kev Ntseeg Kas Tos Liv kuv lam mus txais lub Cim Yug ua dog dig, thc...Ces nws kom kuv cia li Daws kuv cov txhaum tib si kuv ib leeg, nws khiav mus Daws Txhaum rau cov poj niam lawm.,
    Thaum nws rov qab los, kuv tseem hais tsis tau tag, kuv tseem tab tom hais kuv cov txhaum ib qho zuj zus. Nws cia li hais tias: "Tsum cov ntawm ko os, es hais txij tom qab koj poj niam neb ua Tshoob tag es neb mus ncig teb chaws. Yog txij qhov ntawd uas koj tib zoo Daws Txhaum zaum tag los no".
    Ces nws cia li hais kuv cov txhaum ib qho zuj zus rau kuv, tag nrho tej Mis Xas Hnub Chiv thiab Hnub Hmoov Ntshiab uas kuv tsis mus! Nws tseem hais tej yam uas kuv twb tssi nco qab lawm tib si thiab. Nws ua rau kuv paub tias, tej uas kuv mus Saib Tsawv Saub thiab teev Saub ntawd yog kuv teev Dab Phem Xas Tas, kuv ua nws tes taw. Thaum nws Zam txhaum rau kuv tag, cas kuv cia li mloog li uas kuv cov txhaum tawm ntawm kuv mus lawm, ua rau kuv sib khuav, kuv kaj siab lug. Kuv cia li xav kom kuv poj niam ntsib Tswv Ntuj tus neeg nov thiaj.

    Nws thiaj tuaj thiab mus Daws Txhaum. "Es kuv puas yuav kam cia Kws Tshuaj phais kuv?" Kuv poj niam nug nws li ntawd. Nws xub teb tias "Aw!", hais lus rov qab li cov neeg yaj sab. Es yog li ces kuv yuav mooj tsis muaj me nyuam li lawm. Kuv poj niam hais li ntawd. Padre Pio thiaj hais tawv qhawv tias: "Yog li ces tsis muaj hlau (tsis muaj hlau hauv cov ntshav liab)"
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 4th March 2019, 10:20 am


    PADRE PIO LUB NEEJ.


    Padre Pio thaum ua neej nyob - Page 2 _p_re_10
    Padre Pio txiv yog tus zaum tsaws.
    Ob tug ntxhais yog nws ob tug ntxhais kwv


    1887-1903
    Hnub tim 25 lub 5hlis 1887, thaum 17teev, Francesco Forgione tau yug los hauv ib yim neeg txom nyem hauv lub zos Pietrelcina. Nws txais lub Cim Ntxuav xya hnub tom qab. Nws quaj taug heev, ua rau nws txiv sam tam thiab npau taws, txog ntua qhov uas nws niam hais kiag tias: "HT.Yes Xus muab zoo li nov rau wb, wb yuav zoo siab yuav li ntawd, wb yuav tu nws daws li wb lub txim txhaum."

    Nws txiv mus ua hauj lwm rau Brasilia thiab As Mes Kas teb kom tau nyiaj los koob tsev neeg. Nws txawj txawj txuag nyiaj, ces thaum nws rov qab los, nws thiaj los yuav tau ib lub tsev thiab ib qho av nyob cheeb tsam lub zos Piana Romana. Yog hauv lub lub zos ntawd uas Padre Pio tau txais cov qhov txhab Ntshiab ntawm tes taw thiab ntawm hauv siab (stigmates).

    Thawj zaug uas nws muaj hwj huam paub hauv luag nruab siab, yog thaum nws muaj xya xyoo. Nws mus kawm ntawv ntawm ib tug Txiv Plig, tus Txiv Plig tsis zoo siab rau qhov nws kawm tsis tau li.

    Ces Francesco hais rau nws niam tias:"Nws lub taub hau tsis tsim txiaj dab tsi li, nws ua neej nyob hauv txoj kev txhaum."

    Thaum nws muaj 12 xyoos, cas nws cia li muab nws txi rau Tswv Ntuj thiab Leej Ntshiab François. Thaum 14 xyoos ces nws paub tseeb tias nws yuav mus ua Txiv tab seeb, Capucin.

    1903-1907
    Thaum nws muaj kaum tsib xyoos, siab kub lug xav muab tag nrho rau Huab Tais Ntuj, nws nkag mus kawm ua txiv tab seeb rau Morcone ze ntawm Benevento, nws hloov khaub ncaws hnav thiab tis npe tshiab hu ua Tij Pio ntawm lub zos Pietrelcina. Nws coj zoo heev, ua ib tug tub qauv zoo rau sawv daws, txij ntawd los ces luag ntsia ntsoov nws xwb. Tej thaum mas nws yoo ntau hnub tsis noj mov li, nws tsuas noj lub Cim Yug xwb. Raws li txoj kev Mloog Lus (Kev mloog lus mas yog ib qho ntawm plaub yam tseem ceeb hauv ib tug neeg txais lub Cim tiag Tes), lawv yuam kom nws noj, tab sis nws pheej noj tsis taus li. Muaj ib hnub tus Xib Hwb thiaj tsis kam muab lub Cim Yug rau nws, ua rau nws yuav luag tuag! Nws ib txwm yog ib tug neeg muaj mob thiab ces nws cia li kub cev heev heev, ua rau tus ntsuas mob tawg kiag hauv kem tsev kho mob. Ces tus Txiv Plig kho mob thiaj muab tus ntsuas mob uas ntsuas dej da los ntsua Tij Pio, nws nce txog 48°c (118°F) (Neeg mas siab kawg nkaus tsuas yog 42°C xwb. Ua ntej yuav txog 42°c twb kawg tuag lawm).
    Ces tus Txiv Plig cia li zov hmo them txim lig heev mam pw. Nws pw ze Tij Pio thiab mas tsis tau zoo tsaug zog li, vim hmo ntuj mas Dab phem los nrog Tij Pio sib ntaus tas li. Taig kis kag ntug mas Tij Pio ntsej muag to thiab pob kub ntsuab tag.




    1907-1918
    Thaum nws muaj 19 xyoos, Hnub tim 27 lub 1hlis 1907, nws Cog Lus ib sim. Tab sis nws yog ib tug neeg muaj mob ces nws nyob ntawm nws lub zos Pietrelcina uas yug nws ntau xwb. Yog lub caij uas nws txiav txim siab.

    Hnub tim 10 lub 8hli 1910, nws muaj 23 xyoos, nws txais lub Cim Tiag tes ua Leej Choj, (daim duab ntawd ib sab nov), yog nyob hauv lub Tuam tsev teev Ntuj Benevento, yog tau kev tso cai tshwj xeeb, vim nws mob dhau lawm ces ntshai tsam nws tuag ua ntej txais lub Cim Tiag Tes.
    Nws ua nws thawj Thaj txi Ntuj, Mis Xas, ntawm lub zos Pietrelcina,nws los ua tus txhawb pab Txiv Plig nyob ntawd.
    Cov ntseeg tsis nyiam qhov nws ua Mis xas ntev dhau, tej thaum ces nws theem tej tswb tsam, vim nws yoob lawm: Tej thaum mas ntev txog li 4 teev. Tej thaum mas nws cia li txhav rau pem Thaj txi Ntuj lawm. Tus Txiv Plig loj yuav tsum hais nws txhua zaus raws li Txoj kev Mloog lus ntshiab ces tus Txiv Plig hluas kuj mloog nws tam sim ntawd.
    Nws nyob tsheej teev los nuam Tswv Ntuj. Txawm nws yog ib tug neeg muag luav los nws yeej tsis tau so li, nws phav siav mus leg hauj lwm rau lub Tsev teev Ntuj.

    Hnub tim 17 lub 8hli 1910, 7 hnub tom qab nws txais lub Cim Tiag tes, nws tau txais cov qhov txhab ntsiab, tab sis qhov muag tsis pom xyeem.(Stigmates invisibles) (Leej Pleev cov qhov txhab). Txog ntua rau 1916 mas Dab Phem tsim txom Padre Pio heev kawg nkaus.

    Tim 23 lub 8 hli 1912, nws muaj 25 xyoos, nws tau txais ib kab (kev hlub) hlais zoo li ib kab tawg pleb ntawm nws lub plawv. Thaum lub caij ntawd tsuas muaj 3 tug tib neeg xwb thiaj pom: Nws tus Txiv Plig Daws Txhaum ib txwm, Nws tus Tswj thoob tsib, thiab tus Txiv Plig Daws txhaum tam sim ntawd.

    Hnub tim 6 lub 11 hlis 1915, nws mus ua peeb zeej. Nws tsis paub dab tsi kiag li ces lawv muab nws txib ua tej niag hauj lwm dog dig uas qias neeg tshaj plaws. Yam li tu cov mob aws thiab khaws quav sw hauv yeej peeb zeej, tej hauj lwm nov ua rau nws txom nyem heev. Nws cia li poob rau txoj kev ua txhaum. Ua tib tug neeg txhav qhe, tsis txawj ua hauj lwm, nws cov phooj ywg tsis paub tias nws tej tes taw txhav txhav, ua rau nws txom nyem heev ua tsis taus hauj lwm. Nws rov mob dua ces lawv thiaj muab nws xa rov mus so 6 lub hlis rau Pietrelcina. Lawv hloov txoj cai lawm ces nws cia li tsis rov qab mus ua peeb zeej ntxiv lawm.

    Hnub tim 4 lub 9hlis 1916, nws muaj 29 xyoos, lawv muab nws xa mus nyob San Giovanni Rotondo kom sov me ntsis seb nws puas yuav zoo. Nws nyob txog ntua thaum nws tuag hnub tim 23 lub 9hlis 1963, uas nws muaj 81 xyoos.

    Ob xyoo tom qab, hnub tim 20 lub 9hlis 1918, nws tau txais cov qhov txhab ntsiab uas qhov muag pom xyeem tau.

    Padre Pio thaum ua neej nyob - Page 2 Padre-10

    Thaum cov qhov txhab to kiag tag nrho, muaj ib tug kws yees duab tau muaj lub tswv yim muab Padre Pio yees duab cia.
    Daim duab nov yog thaum nws to cov qhov txhab kiag ntag.

    1919-1920
    Cov neeg tuaj teev Ntuj ua ntwg niab, lub chaw Daws Txhaum tsis xyeej kiag thiab cov hwj huam yees ntxwv ntau zuj zus.

    Thaum lub caij ntawd, Padre Pio raug Kwv Tshuaj soj ntsuam ntau lwm, yog ib qho ntswv siab rau Padre Pio, tab sis nws yeej ua ib siab mloog luag hais. Ob tug Kws tshuaj Romanelli thiab Festa yeej qhuas txog nws cov qhov txhab tias cas tsis voos thiab los ntshav tshiab tas mus li xwb, tab sis nws ho tsis si (daj ntseg, ntshav tsis txaus), tseem ceeb ntawm cov qhov txhab ua cas hos tsis tsw pos, ho tsw tsw qab.

    1922-1934
    Txoj kev tsim txom tsis txawj tag, pib txwv nws ntau yam , yam li tsis pub nws Mis Xas rau tsoom sid, tsis pub kom cov Ntseeg tuaj ntsib nws. Yog nws cov phooj ywg nti me ntsis ces nws cov yeeb ncuab haj yam tsis tso hlua taug me ntsis li. Thaum 1931 rau 1934, Padre Pio yeej nyob zoo nkaus li nws nyob txim hauv nws lub tsev Txiv Twj Cuab (Monastery), lawv muab nws rho tag puas tsav yam ntawm txoj cai ua Leej choj, tsuas tseg kiag qhov uas nws muaj cai ua Thaj Mis Xas ib leeg kaw nti hauv nws lub paim (kem txaj) xwb (Tshuav me me xwb mas lawv twb tsis pub nws ua tau Mis Xas ib leeg thiab!°)
    Hnub tim 14 lub 7hli 1933, lawv rov tsis txwv nws, nws thiaj rov muaj cai ua Mis Xas rau tsoom sid.
    Thaum lub 3 hlis 1934, lawv thiaj tso cai rau Padre Pio rov ua lub Cim Daws Txhaum. Muaj cov neeg thoob ntuj tuaj tsis so, tuaj teev Ntuj thiab Daws txhaum. Raws li nws txoj kev tsis tawv ncauj, tsis yws, Tswv Ntuj txhawm tej yam zoo ci ntsa iab, txiaj ntsim ntws lug cuag dej tsaws tsag, Thaj Mis xas ua lub teeb ci tshwm tuaj kaj.

    Padre Pio thaum ua neej nyob - Page 2 La-mai10
    Padre Pio thaum ua neej nyob - Page 2 Hotel-10

    Padre Pio Lub tsev kho mob

    1942-1955
    Yog lub caij nqes tes ua hauj lwm:
    Thaum 1916 uas nws coj cov pab pawg tuaj teev Ntuj, nws xav tias yuav tsa ib lub tsev kho mob tshiab, "Lub Tsev daws kev txom nyem", lawv tau ua tiav thiab qheb tshiab rau xyoo 1956.
    Thaum 1954 cov Txiv Tab Seeb Capucins txiav txim siab tsa ib lub Tsev teev Ntuj dav dua. Vim neeg tuaj coob li coob, yuav tau faib zauv rau lawv ua nab noj nab tw tos mus Daws Txhaum. Ib hnub muaj txog li 10.000 tsab ntawd tuaj tseem tshuav li 700 tsab xaim (télégrame...

    1959-1964
    Rov muaj kev tsim txom dua ntawm cov Txiv Tab Seeb los, yog muaj kev iab hiam txog kev tsis ncaj ncees ntawm pob nyiaj loj uas Padre Pio tau txais txhua qhov los mus pab rau lub Tsev Kho Mob.

    1964-1968
    Rov muaj kev tsim txom dua ntawm cov Txiv Tab Seeb los, yog muaj kev iab hiam txog kev tsis ncaj ncees ntawm pob nyiaj loj uas Padre Pio tau txais txhua qhov los mus pab rau lub Tsev Kho Mob ntxiv thiab.

    PADRE PIO, Yog ib tug neeg NYIAM txoj kev HLUB HUAB TAIS NTUJ THIAB HLUB LUAG TEJ !
    Thaum muab Padre Pio los tag rov los txog, Yog hnub tim 23 lub 9hlis 1968, nws ib tug kwv luag Tab Seeb hais tias ntshe neeg yuav hnov qab lub Tsev Twj Cuab ntawm San Giovanni Rotondo ntawm no zuj zus mus...
    Hais li tib neeg xav...Tsis xam txog tus tuag txoj kev ntshiab huv...kev ci ntsa ntawm txoj kev ntshiab huv: "Kuv muab kuv lub Ntuj los ua zoo rau ntiaj teb", Leej Ntshiab Thérèse hais tseg li ntawd...! Es puas yog hais Padre Pio?
    Cas tiag, xyoo dhau xyoo, neeg tuaj coob zuj zus rau San Giovanni Rotondo. Tsaib no, tuaj txog xya plhom (7millions) tuaj teev Ntuj (tseem coob tshaj Lourdes), tuaj xyuas Padre Pio lub ntxa.
    Ua cas yuav ua rau neeg xav tuaj ua luaj li? Tim li cas neeg yuav txaus siab npaum ntawd?
    Ua ntej yuav nrhiav los lus teb ntawm cov lus nug nov, ntshe yuav tau xub mus saib padre Pio lub neej ua ntej tso.



    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 4th March 2019, 10:30 am


    PADRE PIO UA LEEJ NTSHIAB.



    Padre Pio thaum ua neej nyob - Page 2 34687210
    Yam tsis tau muaj dua los,
    Hnub Chiv 10teev24 sawv ntxov, hnub tim 16 lub 6hli 2002, nyob ntawm tshav puam lub Tuam Tsev teev Ntuj Leej Ntshiab Pob Zeb, nroog Los Mas, Italy teb, Txiv Vaj Qhia Zam Paj Lug II tau muab Leej Ntshiab Pio Pietrelcina tsa ua leej Ntshiab Siab dawb thiab ib tug qauv zoo rau tsoom ntseeg. Txiv Vaj Qhia kom muab nws lub npe Ntshiab sau kiag rau hauv cov npe Leej Ntshiab Xam nyoog Los Mas thoob plaws qhov txhia chaw es tsis yog cheeb tsam ntawd xwb. "Hnub 23 yog hnub nws yug pem Ntuj"

    Padre Pio thaum ua neej nyob - Page 2 Ob_cd910


    Cov Daws Txhaum ntawm Pader Pio
    "Tag txhua yam koj tuav nyob ntiaj teb, yuav tuav nyob saum Ntuj; yam uas koj xyeeb nyob ntiaj teb yuav xyeeb nyob saum Ntuj", Yes Xus hais li nov rau Pob Zeb. Padre Pio, nyiam hais txoj cai nov rau cov qhov muag dig uas tuaj daws txhaum nroo ntws. Nws muaj lub hwj huam mus tshawb neeg lub siab, dawj tej txhaum uas hnov qab lawm los. Tej txhaum no, tsuas ua rau nws txom nyem nkaus xwb; yog Leej Pleev txom nyem nyob hauv nws. Daws txhaum ntev npaum li ntawd rau luag tej, mas yuav tsum yog muaj ib lub zog tuaj Saum Ub tuaj pab mas thiaj yuav ua tau. Tiag tiag mas nws yog ib tug neeg qaug qeb, tsis thev. Tab sis ib hnub nws Daws Txhaum 15 rau 16 teev sib law tsis noj mov, tsis haus dej li.




    COV TIM KHAWV UAS TAU MUS DAWS TXHAUM

    -Ib tug poj niam Italian hais tais yog ib qhov: "Hwj huam yees ntxwv, kuv tus txiv kam mus Daws txhaum lawm!"
    "Kuv txhawj heev, vim nws tsis kam mus. Kuv kom nws mus, kom nws mus San Giovanni Rotondo rau kuv lub hmoov ( yog ib qho nuj sua plig rau lub hmoov ntawm tus leej ntsiab uas nws yuav lub npe). Nws teb npau taws tsawv tias: Mus deb thiab kev phem ua luaj..."Koj tsis yoom kom kuv mus Daws txhaum nawb...". Thaum ua Mis xas tag, kuv pom kuv tus yawg lawv padre Pio qab mus rau tom Sacristie (kem tsev hloov khaub ncaws). Kuv thov Ntuj. Cas nws rov qab los ua ntsej muag txawv txawv. Nws txhos caug. " Tag lawm os, kuv twb daws txhaum tag lawm, Txiaj ntsim loj !" Nej yuav hais li cas, ua ib lub Mis Xas zoo li ntawd tag, kuv yuav tsis daws txhaum tsis tau. Zoo li nws muaj zog tshaj kuv lawm. "Nws hnov li ab tsi thawb nws mus, zoo nkaus li yog ib txhais tes qhia nws ua tag nrho".




    -Ib tug tub luam nyob Gênes tuaj tau 52 teev, mam tuaj txog. Nws nqa ib tsab ntawv tuaj rau Padre Pio. Padre ntsia nws thiab hais rau nws tias: "Thaum twg los lawm uas koj tsis tau Daws txhaum?"
    -Txij thaum kuv muaj 7 xyoo los.
    -Yuav thaum twg es koj mam yuav tseg koj lub nyuag neej liam no?
    Nws txaj muag ces nws Daws Txhaum ntawm Padre Pio. Nws zoo siab. "Kuv ib txwm tsis ntseeg, cas tsam no es kuv tsis pom qab yuav piav qhov pom kev cuag xob laim los kaj kuv tus ntsuj plig."

    -Ib tug pog Aas Kiv txhos caug hauv qov chaw daws txhaum. Padre Pio hais npau taws tho: "Kuv tsis muaj caij rau koj."
    Quaj pos muag nti mus lawm, tsib hnub tom qab rov tuaj dua kuj rov mag ntiab tib yam li qub thiab.
    Nees nkaum hnub tom qab, nws mam txais. "Neeg ruam dig muag, haj tseem nroo tias kuv tsiv, cas koj ho tsis nug koj tus kheej seb saib tsis taus, thuam Tswv Ntuj tau ntau xyoo npaum ko es Tswv Ntuj siab zoo puas kam yuav koj lawm?
    Tus uas thuam Ntuj, yuav rov noj nws lub txim. Ua kom tau ntsej muag, koj nim cav txais Yes Xus lub Cev ntawm koj niam thiab koj tus txiv ib sab tau ntev xyoo npaum no, yam koj muaj txhaum tuag?"
    Padre Pio yeej paub ua ntej lawm tias tus poj niam no yeej yuav nyob ntawm San Giovanni tos, nws thiaj txhob txwm cia lub caij ntev no kom nws thiaj muaj caij los tu siab rau nws cov txhaum.
    Txeev pom muaj cov poj niam thiab txiv neej taug kev quaj qaws hauv zos, tos kom tau mus daws txhaum. Padre Pio yeej saib ntsoov lawv tsis tso, lawv los tos ntsoov Padre Pio yuav muab lawv nchuav dua tshiab, kho kom lawv rov zoo los.

    Ntawm Padre Pio, kev Daws Txhaum yog ib txoj hauj lwm tseem ceeb heev. Yog luag tej nug nws tias nws ua hauj lwm dab tsi, nws teb tias: "Kuv Daws Txhaum."
    Huab Tais Ntuj muab lub hwj huam rau nws paub luag tej siab ntsws, luag lub neej, yog vim li ntawd nws thiaj li coj tau coob tus neeg txhaum rov los.Muab luag tej txhaum uas luag tsis muaj peev xwm hais tawm hais kom luag muaj peev xwm lees tej qhov txhaum uas nyhav nyhav es lawv ris tsis taus, ua kom sib rau lawv.
    Yog muab nws txoj kev txom nyem pauv kom tus puav neeg lees lawv tej txhaum.
    Yog yus paub tias muaj nqes npaum li cas kev cawm ib tug ntsug nplig! Yeej txeev pom Padre Pio quaj. Muaj tej zaum kev daws txhaum yog ib nthwv rog rau nws.
    Tej thaum nws kuj ncaj qha mus hais kiag rau tej tug uas lawv ua xyem xyav tsis xav los daws txhaum.
    Lawv hais tias: "Padre Pio, kuv ua txhaum ntau dhau lawm, kuv tsis muaj kev cia siab lawm."
    -Kuv tus me tub, Tswv Ntuj raws cov ntsuj plig uas tawv ncauj tshaj plaws. "Coob leej, lam tuaj xauj, tab sis raug nuv ntse chua ces kuj mus pem chaw daws txhaum lawm thiab."
    Cov tuaj teev Ntuj, lawv kaj siab lug rov qab.

    Yog nug tias nws yog leej twg:
    Nws teb tias:
    -Nrog nej ces kuv yog ib leej Tij, pem thaj Txiv Ntuj, kuv yog ib tug raug txom nyem, hauv kem Daws txhaum kuv yog ib tug thoob Xwm txoj cai.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 9:57 pm


    PADRE PIO LUB CAIJ KAWG.


    Padre Pio lub Mis Xas kawg 1968, nej ntsia nws zoo zoo. Cas zoo li thaum nws tseem ua neej nyob, lub caij ua nws yuav tuag, nws lub ntsej muag tseem nplhob dua thaum nws tuag, lawv muab nws faus tau 40 xyoo, lawv rov khawb nws los.

    Padre Pio thaum ua neej nyob - Page 2 Origin10


    Padre Pio daim duab thaum nws tuag 1968


    40 xyoo tom qab, Padre Pio lub ntsej muag, tej ntiv tes tej tseem tshiab tshaj thaum nyuam qhuav tuag. Nws tej rau tes tej mos nyoos thiab tshiab huv npaum li nyuam qhuav mus txhaum tom haab tu cev los.


    Padre Pio thaum ua neej nyob - Page 2 Chiesa10

    Padre Pio thaum ua neej nyob - Page 2 Le-cor10


    Padre Pio 40 Xyoo tom qab.

    Padre Pio lub cev ntaj ntsug uas tsis ploj, tau muab tshwm sim los rau cov neeg ntseeg xyom txog tim 23 lub 9 hlis xyoo 2009. Nws muaj cov Yes Xus cov qhov txhab uas luag tsim txom thaum NWS yuav tuag.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 10:33 pm



    MUS DAWS TXHAUM NTAWM PADRE PIO.



    Padre Pio thaum ua neej nyob - Page 2 Ob_cd911
    Cov Daws Txhaum ntawm Pader Pio
    "Tag txhua yam koj tuav nyob ntiaj teb, yuav tuav nyob saum Ntuj; yam uas koj xyeeb nyob ntiaj teb yuav xyeeb nyob saum Ntuj", Yes Xus hais li nov rau Pob Zeb. Padre Pio, nyiam hais txoj cai nov rau cov qhov muag dig uas tuaj daws txhaum nroo ntws. Nws muaj lub hwj huam mus tshawb neeg lub siab, dawj tej txhaum uas hnov qab lawm los. Tej txhaum no, tsuas ua rau nws txom nyem nkaus xwb; yog Leej Pleev txom nyem nyob hauv nws. Daws txhaum ntev npaum li ntawd rau luag tej, mas yuav tsum yog muaj ib lub zog tuaj Saum Ub tuaj pab mas thiaj yuav ua tau. Tiag tiag mas nws yog ib tug neeg qaug qeb, tsis thev. Tab sis ib hnub nws Daws Txhaum 15 rau 16 teev sib law tsis noj mov, tsis haus dej li.

    Padre Pio thaum ua neej nyob - Page 2 2p10


    COV TIM KHAWV UAS TAU MUS DAWS TXHAUM

    -Ib tug poj niam Italian hais tais yog ib qhov: "Hwj huam yees ntxwv, kuv tus txiv kam mus Daws txhaum lawm!"
    "Kuv txhawj heev, vim nws tsis kam mus. Kuv kom nws mus, kom nws mus San Giovanni Rotondo rau kuv lub hmoov ( yog ib qho nuj sua plig rau lub hmoov ntawm tus leej ntsiab uas nws yuav lub npe). Nws teb npau taws tsawv tias: Mus deb thiab kev phem ua luaj..."Koj tsis yoom kom kuv mus Daws txhaum nawb...". Thaum ua Mis xas tag, kuv pom kuv tus yawg lawv padre Pio qab mus rau tom Sacristie (kem tsev hloov khaub ncaws). Kuv thov Ntuj. Cas nws rov qab los ua ntsej muag txawv txawv. Nws txhos caug. " Tag lawm os, kuv twb daws txhaum tag lawm, Txiaj ntsim loj !" Nej yuav hais li cas, ua ib lub Mis Xas zoo li ntawd tag, kuv yuav tsis daws txhaum tsis tau. Zoo li nws muaj zog tshaj kuv lawm. "Nws hnov li ab tsi thawb nws mus, zoo nkaus li yog ib txhais tes qhia nws ua tag nrho".




    -Ib tug tub luam nyob Gênes tuaj tau 52 teev, mam tuaj txog. Nws nqa ib tsab ntawv tuaj rau Padre Pio. Padre ntsia nws thiab hais rau nws tias: "Thaum twg los lawm uas koj tsis tau Daws txhaum?"
    -Txij thaum kuv muaj 7 xyoo los.
    -Yuav thaum twg es koj mam yuav tseg koj lub nyuag neej liam no?
    Nws txaj muag ces nws Daws Txhaum ntawm Padre Pio. Nws zoo siab. "Kuv ib txwm tsis ntseeg, cas tsam no es kuv tsis pom qab yuav piav qhov pom kev cuag xob laim los kaj kuv tus ntsuj plig."

    -Ib tug pog Aas Kiv txhos caug hauv qov chaw daws txhaum. Padre Pio hais npau taws tho: "Kuv tsis muaj caij rau koj."
    Quaj pos muag nti mus lawm, tsib hnub tom qab rov tuaj dua kuj rov mag ntiab tib yam li qub thiab.
    Nees nkaum hnub tom qab, nws mam txais. "Neeg ruam dig muag, haj tseem nroo tias kuv tsiv, cas koj ho tsis nug koj tus kheej seb saib tsis taus, thuam Tswv Ntuj tau ntau xyoo npaum ko es Tswv Ntuj siab zoo puas kam yuav koj lawm?
    Tus uas thuam Ntuj, yuav rov noj nws lub txim. Ua kom tau ntsej muag, koj nim cav txais Yes Xus lub Cev ntawm koj niam thiab koj tus txiv ib sab tau ntev xyoo npaum no, yam koj muaj txhaum tuag?"
    Padre Pio yeej paub ua ntej lawm tias tus poj niam no yeej yuav nyob ntawm San Giovanni tos, nws thiaj txhob txwm cia lub caij ntev no kom nws thiaj muaj caij los tu siab rau nws cov txhaum.
    Txeev pom muaj cov poj niam thiab txiv neej taug kev quaj qaws hauv zos, tos kom tau mus daws txhaum. Padre Pio yeej saib ntsoov lawv tsis tso, lawv los tos ntsoov Padre Pio yuav muab lawv nchuav dua tshiab, kho kom lawv rov zoo los.

    Ntawm Padre Pio, kev Daws Txhaum yog ib txoj hauj lwm tseem ceeb heev. Yog luag tej nug nws tias nws ua hauj lwm dab tsi, nws teb tias: "Kuv Daws Txhaum."
    Huab Tais Ntuj muab lub hwj huam rau nws paub luag tej siab ntsws, luag lub neej, yog vim li ntawd nws thiaj li coj tau coob tus neeg txhaum rov los.Muab luag tej txhaum uas luag tsis muaj peev xwm hais tawm hais kom luag muaj peev xwm lees tej qhov txhaum uas nyhav nyhav es lawv ris tsis taus, ua kom sib rau lawv.
    Yog muab nws txoj kev txom nyem pauv kom tus puav neeg lees lawv tej txhaum.
    Yog yus paub tias muaj nqes npaum li cas kev cawm ib tug ntsug nplig! Yeej txeev pom Padre Pio quaj. Muaj tej zaum kev daws txhaum yog ib nthwv rog rau nws.
    Tej thaum nws kuj ncaj qha mus hais kiag rau tej tug uas lawv ua xyem xyav tsis xav los daws txhaum.
    Lawv hais tias: "Padre Pio, kuv ua txhaum ntau dhau lawm, kuv tsis muaj kev cia siab lawm."
    -Kuv tus me tub, Tswv Ntuj raws cov ntsuj plig uas tawv ncauj tshaj plaws. "Coob leej, lam tuaj xauj, tab sis raug nuv ntse chua ces kuj mus pem chaw daws txhaum lawm thiab."
    Cov tuaj teev Ntuj, lawv kaj siab lug rov qab.

    Yog nug tias nws yog leej twg:
    Nws teb tias:
    -Nrog nej ces kuv yog ib leej Tij, pem thaj Txiv Ntuj, kuv yog ib tug raug txom nyem, hauv kem Daws txhaum kuv yog ib tug thoob Xwm txoj cai.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 10:37 pm



    Tim khawv neeg Daws txhaum ntawm padre Pio,
    txuas ntxiv

    Txiv Vaj Qhia Bes Nes Div XV


    Txiv Vaj Qhia Bénédict XV hais tias: "Tus Padre Pio yog ib lub cim rau lub Caij Nyoog." Tswv Ntuj tau muab lub hwj huam loj tag nrho rau tus Txiv Plig no los ua kom neeg ras xeev, muab txoj sia rau cov ntsuj plig uas poob rau qhov tuag rov ciaj los, nws tuaj yeem raug tsim txom nyob lawv chaw."
    Thiab sawv daws muab nws ua nyuj thauj nees ris lub nra.
    Nws txom nyem ntsuav rau neeg tej txim txhaum. Kev ua txhaum kawg yog Tswv Ntuj thiaj li yuav hais tau tias yog li cas: Leej neeg tsis nco txog Tswv Ntuj, thiaj tsis paub zam kev txhaum.
    Tus Leej Choj nov thiaj li tseb tej lus Zam Txhaum rau saum cov neeg txhaum.
    Ua Yes Xus Thwj Tim thiab tiv kev txom nyem Daws Txhaum txog ntuav hnub kawg ntawm nws lub neej, thaum yuav txog nws lub caij kawg, mus tsis taus kev lawm los tseem zaum rooj log mus Daws Txhaum rau luag thiab.


    Docteur Cesare Festa

    Cesare FestaPadre Pio tus Kws tshuaj Docteur Georges Festa tus kwv tij, Tus Kws tshuaj no twv Cesare tias yog nws tuaj mus ntsib Padre Pio mas nws yuav tau ib qho pov thawj ntawm Tswv Ntuj uas Cesar yuav tsis muaj cuab kav lees. Ces tus tub Ncauj Lus (Loyer) Cesare thiaj txiav txim siab tuaj mus San Giovanni. Mus txog Padre Pio hais tias: "Ua cas, koj ho nyob nov? koj ntseeg kev txawj ntse xwb nev." Sib hloov ob peb lo lus tawv tsawv tag ces, yawg txawm mloog li muab nws lub qe tev, Leej Choj thiaj li hais lus mos zog thiaj cev tes mus tuav yawg tes. Yawg mloog li nws swb lawm ces thiaj li Daws Txhaum.


    Docteur Saltamerenda.
    Kws tshuaj Docteur Saltamerenda, yog ib tug neeg tsis muaj kev ntseeg, nws lam mus saib Padre Pio seb zoo li cas cas neeg yuav cav ua luaj.
    Padre Pio, pom nws nyob hauv pawg neeg coob coob, nws thiaj hu tias:""Génois, Génois,(tus neeg nyob Gènes), koj twb nyob ze dej Hiav txwv cas koj twb tsis txawj txuav koj li es ceb muag ua luaj!" Tua xub ncaj qha rau yawg, yawg paub tias yog yawg tsis ntxuav yawg tus ntsuj plig, ces yawg thiaj li mus thov Daws Txhaum, tab sis Padre Pio tsis kam. Nws txaj muag heev thiaj li mus ncig pem hav zoov, cas hnov paj Violette (paj xiav) tsw qab ntxiag, ntsib ib tug Tij thiaj coj nws mus rau tom Padre Pio qhov chaw Daws Txhaum uas nws hnov tsw tib tug ntxhiab li saum roob thiab. Los txog no cas zaum no ho txais nws zoo siab hlo, Padre Pio Daws txhaum rau nws, pab nws hais nws cov txhaum ua ntus zus puag thaum me nyuam yaus los mus.
    Ua cas ib tug tib neeg ho paub tej kev npog zais hauv neeg lub siab tib si, muab lauj tawm thiab daws tag nrho tej uas nyob tob tob uas twb tsis nco qab lawm, thau los pov tseg tab meeg ntsuav kom deb li deb tau.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 10:45 pm



    Tus ntxhais Gemma De Giorgi tsis muaj ntsiab muag.

    Nyob hauv cov Tij lub tsev nyob San Giovanni Rotondo muaj tej yam hwj huam loj tshaj tshwm sim.
    Niaj hnub tus Leej Choj coj tau kaum, nees nkaum...Ib puas tus ntsuj plig mus cob rau Tswv Ntuj. Ces muaj hwj huam yees ntxwv tshwm sim tuaj thiab.

    Tus me ntxhais Gemma De Giorgi, yug los dig muag, nws pog coj nws tuaj mus koom Padre Pio thaj Mis Xas nyob San Givanni Rotondo. Thaum Padre Pio los txog ntawm nws xub ntiag, tus pog laus qhia nws qho teeb meem rau. Tus Txiv Plig cev tes mus plhws nws ob lub qhov muag tag, ua Ntoo Cuam lub Cim rau saum nws hauv pliaj, tsa muag ntsia saum Ntuj, tag ces hais rau nws pog tias: "Tso siab mog, me ntxhais, tus me nyuam txhais yuav tsis quaj, koj los tib yam, txhob txhawj mog. Gemma pom kev lawm."
    Tiag tiag li, tam sim ntawd, nws cia li pom kev, ceeb tag, tsis paub yuav hais li cas li: Gemma pom kev lawm tiag.
    Padre Pio tau ua qhov hwj huam yees ntxwv uas loj tshaj plaws: Vim tus me nyuam ntxhais nov dig muag nruab thiab los, xeeb tau tsis muaj ntsiab muag, es cia li pom kev tam sim ntawd tau.

    Padre Pio thaum ua neej nyob - Page 2 Newsle10


    Tus ntxhais Gemma txais lub Cim Yug Thawj zaug



    Padre Pio thaum ua neej nyob - Page 2 Newsle11

    Gemma lub qhov muag tsis muaj lub ntsiab hauv plawv



    Padre Pio thaum ua neej nyob - Page 2 Hqdefa10

    Tus me nyuam ntxhais nov tseem muaj txoj sia nyob txog niaj hnub no(2011). Nws nyob Naple, Italy.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 10:50 pm


    Maria Laigueglia



    Maria Laigueglia piav tias thaum nws muaj plaub xyoos, nws mob nyhav; yuav ciaj yuav tuag; xam hnub xam hmo nyob xwb. Nws mob lub siab thiab tus txiav, nws lub plab zais zais, tsam tsam, qhov ncauj os nkoog lam, ua fem feeb lawm xwb.
    Ua rau ib ce yees tag, ces muaj ib tug Phauj nyob ntawm lub Tsev Kho Mob thiaj xav tias cia thov Padre Pio pab. Thiaj muab nws daim duab los tso rau hauv tus ntxhais Maria qab hauv ncoo thiab sau ib tsab ntawv mus rau Pietrelcina. Thov Txiv Plig Pio pab. Tau ob hnub tom qab, cas hauv chav pw cia li tsw tsw tus ntxhiab paj ntshua plaim. Tus ntxhais cia li tsis ntsaj lawm. Nws niam xav tias ntshe nws tuag lawm ces nws niam quaj quaj, naj cas ntsia tus ntxhais ua pa xwm yeem thiab nws hu tias nws tshaib tshaib plab. "Cia li zoo hlo los yam tsis paub tias yog ua li cas li". Nws niam tias tsis yog qhov muag txaij, nws thiaj li cev tes xuas kiag qab hauv ncoo, lauj daim duab los nwj thiab muab daim duab rau tus ntxhais saib. Tus ntxhais nug tias: "Yog leej twg tus Tij no, niad?" "Nag hmo kuv pom ib tug Tij zoo nkaus li tus nov tiag".
    -Yog Padre Pio, yog nws kho koj zoo.
    Ob teev tom qab, muaj ib tsab télégramme tuaj tom Pietrelcina: "Padre Pio thov Ntuj thiab Foom Hmoov zoo rau nej."
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 10:52 pm


    Rosetta Polo Riva

    Txij thaum hnub nyug 12 xyoos los, Rosetta Polo Riva mob plawv. Cov Kws Tshuaj tsis pom qab kho li. Muaj ib tug phooj ywg tuaj xyuas nws hais tias: "Koj puas tau sau ntawv mus rau Padre Pio?" Ces nws xa ib tsab ntawv mus rau Padre Pio. Ob lis piam tom qab,
    tej yam txawv heev tshwm sim: Lub qho rais ntawm nws lub txaj pw qheb, cas pom ib tau huab dawb dawb me me nkag los rau hauv txaj. Nws ntshai heev, ces nws hnov ib lub suab hais tias:
    "Koj tsis txhob ntshai."
    -Es koj yog leej twg?
    "Kuv yog Padre Pio, Rosetta, Niam Mab Liab uas nyob Garde muab txiaj ntsim rau koj."
    -Thaum twg Padre Pio?
    -"Hnub tim 28 lub 8hli"
    Tauv huab dawb cia li ploj lawm. Hnub tim 28 lub 8hli los txog, kuv cia li hnov kuv zoo me ntsis lawm. Ob lis piam tom qab ces kuv cia li zoo hlo lawm.

    Cov nov yog ib cov piv txwv xwb, tseem tshuav txhiab puas yam uas piav tsis tag...Padre Pio muaj peev xwm mus kho mob txog Sacramento, USA yam nws lub cev ntaj ntsug tsis tau mus txog tiag, tab sis cov neeg uas thov txog nws nyob tis pom nws mus txog tib si.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 17th April 2020, 10:58 pm


    PAJ NTSHUA NPLAIM TSW.


    Padre Pio thaum ua neej nyob - Page 2 Unname11

    Giuseppina Marchetti
    Giuseppina Marchetti sab npab xis lov. Tus Kws Tshuaj phais neeg hais tias tus me ntxhais nov txhais npab yuav tsis zoo li lawm.
    Ces nws txiv coj nws mus cuag Padre Pio, nws hais rau nkawd tias yuav zoo xwb. Tab sis cas tsis muaj dab tsi txawv li: Ntshe Padre Pio yuam kev lawm xwb pob? Tab sis txog thaum Leej Ntshiab François lub hmoov cov qhov txhab ntshiab (stigmates), lawv lub tsev tsw paj ntshua nplaim thiab paj Jonquille (paj daj) ntev li 15 fiab: Yog lub cim uas Padre Pio tuaj ze lawv. Cas txhais npab cia li zoo kiag tam sim ntawd.

    Luigi Antonelli
    Luigi Antonelli mob cancer ntawm qab pob ntseg thiab xwb pwg. Nws yuav tsum raug phais, ces ib tug phooj ywg hais kom nws mus pem Rotondo. Nws nkag mus hauv tsev teev Ntuj, mus koom Txiv Plig Pio thaj Mis xas thiab Daws Txhaum ntawm Padre Pio. Thaum tseem tab tom Daws Txhaum, nws hnov kub lus sov so thoob plaws ib ce ces nws qhov mob cancer cia li ploj lawm.


    Ib tug poj niam nyob San Giovanni muaj kev txhawj xeeb, vim nws tus txiv mob nyhav. Nws khiav ceev ceev mus pem Txiv Plig lub tsev thov Padre Pio kom pab kho nws tus txiv.
    Tab sis neeg coob coob ces nws txeem mus tsis ti li: Ua ntej Mis Xas los tsis tau, tom qab Mis Xas los tsis tau, tom chaw hloov khaub ncaws los mus tsis txeem, ntawm qhov chaw Daws txhaum los tsis tau li. Tsis paub yuav ua li cas? Ces nws txawm teev Ntuj hauv siab, ib pliag, thaum nws ho mus hais tau rau, tus Leej Choj cia li hais txias to rau nws tias: Yuav thaum twg es koj mam li tsis phov tav tog tog. Kuv tsis lag ntseg nav. Mus tsev, kav tsij mus, zoo lawm mas."
    Cas nws rov los txog tsev naj pom nws tus txiv twb zoo hlo lawm.


    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 18th April 2020, 4:25 am



    Padre Pio tav hoob pob thiab yuam dav hlau thim rov qab.




    Thaum Tsov Rog Ntiaj teb zaum Ob, Nyob Bari, Italie, yog tshav Dav Hlau tua rog tog no (As Mes Kas). Ntau tus Officiers tau hais tias yog Padre Pio cawm lawv dim thaum dav hlau tuaj tua. Tus Tsav Dav Hlau tau pom tej yam txawv heev. Yog hnub uas nws tsav lub dav hlau tua rog yuav mus tua ib qho chaw uas lawv hais tias yog Yias Lab Mas ib lub yeej riam phom nyob ntaw lub zos San Giovanni Rotondo, Italy teb. Tus Tuam Thawj tub rog hais tias lawv tab tom mus yuav txog qhov chaw tua, ces nws cov peeb thiab nws cia li pom ib tug txiv neej, nyob saum ntuj (nrog lub dav hlau ib txig saum huab cua), ib tug Txiv Twj Cuab, ob txhais tes tsa. Cas cov hoob pob cia li lem mus poob rau tom hav zoov thiab cov dav hlau cia li lem rov qab, yam uas cov tsav tsis tau kov li. Tag nrho sawv daws hais tias yog cov dav hlau mloog tus Txiv Twj Cuab.

    Ces muaj ib tug thiaj hais rau tus Thawj tsav dav hlau tias nws hnov lawv hais tias muaj ib tug Txiv Twj Cua nyob lub zos San Giovanni Rotondo muaj hwj huam heev. Tus Thawj tsav thiaj hais tias thaum twg teb chaws tus kiag no peb mus saib seb puas yog tib tug txiv Twj Cuab uas peb pom nyob saum ntuj.

    Tom qab teb chaws tus lawm, tus Thawj thiaj coj ob peb tug tub Tsav dav hlau nrog nws mus pem cov Txiv Plig Capucins lub tsev. Thaum mus txog ntua, ntawm chav cov Txiv Plig hloov khaub ncaws pom ib cov Txiv Plig coob coob, tab sis lawv cia li zeem tau kiag tus uas quab cov hoob pob thiab yuam cov dav hlau rov qab. Padre Pio muab txhais tes tua tus Thawj xwb pwg thiab hais rau nws tias: "Es koj yog tus uas yuav muab peb tua kom tuag tag nrho lov". Nws ceeb rau tus Leej Choj lub qhov muag ntsia thiab cov lus, tus Thawj cia li txhos caug ntawm Padre Pio xub ntiag.

    Qhov txawv tshaj mas yog Padre Pio hais cov lus ntawm haiv neeg me nyob Italy xwb, tab sis tus Thawj hais tias tus Txiv Twj Cuab hais lus Aas Kiv rau nws tiag tiag li. Ces nkaws txawm cia li ua phooj ywg txij li ntawd los, tus Thawj yog ib tug ntseeg Protestant tab sis cia li los ua Catholic lawm.

    NB: Padre Pio, tsis tau kawm ntawv siab, vim lawv yog ib yim neeg txom nyem. Thiab nws twb tsis tau mus txawv teb chaw li, nws tsuas paub hais lawv cov lus li lus Hmoob xwb.



    Padre Pio thaum ua neej nyob - Page 2 5e40c410

    Padre Pio: May, 1945
    “in the hallway in front of Padre Pio’s cell, giving us Medals” of the Blessed Virgin Mary.

    Padre Pio thaum ua neej nyob - Page 2 9afed910


    463RD Bomb-Group Choir: May, 1945
    “in the Choir Loft singing the Mass of the Angels in Latin for Padre Pio’s Mass. I am the person on the Left end.”
    (Puas yog thaum cov tub tsav dav hlau mus xyuas Padre Pio? 1945)

    Padre Pio thaum ua neej nyob - Page 2 Adamic10


    In the Sacristy: May, 1945
    “Padre Pio allows the kissing of his hands. Members of the 463rd Bomb-Group and Italians” surround him.

    Padre Pio thaum ua neej nyob - Page 2 Adamic13

    Padre Pio thaum ua neej nyob - Page 2 Maxres10

    Padre Pio thaum ua neej nyob - Page 2 Images11

    Group of Monks: May, 1945
    “walking away from the Monastery toward” San Giovanni Rotondo.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 18th April 2020, 4:28 am


    ROV QAB TEB CHAW THEM TXIM LOS
    THOV PADRE PIO PAB THOV NTUJ RAU.

    Padre Pio thaum ua neej nyob - Page 2 Padre_10

    Nov yog Padre Pio piav rau Txiv Plig Anastasio.
    "Muaj ib hmo, thaum kuv teev Ntuj ib leeg hauv lub tsev teev Ntuj Loj, kuv hnov nrov; kuv pom ib tug Txiv Tab Seeb hluas ua hauj lwm tav tog tog ntawm lub Thaj Txiv Ntuj, muab cov txawb tswm ciab swb thiab cov txawb paj sau cia. Kuv txawm xav tias yog Txiv Tab Seeb Leon. Thaum ntawd txog caij noj hmo lawm, kuv txawm txav ze ntawm qhov nyuag laj kab uas xov lub Cim Yug thiab hais nws tias:
    "Tus Txiv Tab Seeb Leon puas mus noj hmo? Tsam no tsis yog caij yuav los tu rooj teev Ntuj."
    Tab sis lub suab, tsis yog Txiv Tab Seeb lub teb kuv tias:
    "Kuv tsis yog Txiv Tab Seeb Leon os".
    Es koj yog leej twg? kuv nug nws li ntawd.
    Nws teb kuv tias:
    "Kuv yog koj tus kwv luag; thaum ub kuv kawm Txiv Plig qhov nov. Kuv mloog lawv lus, ces kuv yog tus tu lub Thaj Txi Ntuj kom huv du dais ib xyoos. Tu siab uas muaj ntau zaus, kuv tsis hwm Yes Xus, kuv tsis hwm lub Cim Yug, kuv hla mus mus los ntawm lub Thaj Txiv Ntuj, kuv tsis nyo hau hawm. Tim txoj kev tsis hwm Ntuj li no kuv thiaj tseem nyob hauv teb chaws Them txim. Tswv Ntuj siab zoo tas nrho, xa kuv los cuag koj, vim koj thiaj yog tus uas yuav ua tau kuv nyob ntev npaum li cas hauv cov nplaim taws kev HLUB. Kuv thiaj los cuag koj..." Xav tias ntshe kuv yuav siab dawb rau tus ntsuj plig txom nyem no, kuv txawm hais rau nws tias: "Koj nyob nov txog taig kis, thaum sawv daws tuaj es kuv ua Mis xas." Tab sis tus ntsuj plig qws tib suab tias: "Siab phem!", ces cia li ploj lawm. Kuv nco ntsoov lub suab qw ntsia ntsees kuv lub siab no tsis ploj. Xav tias ntshe kuv yuav pab tau kiag nws mus saum Ceeb Tsheej tam sim ntawd no, los kuv tseem muab nws rau txim ib hmos ntxiv hauv teb chaw Them Txim thiab."
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 18th April 2020, 4:31 am



    Padre Pio kho mob zoo.


    Padre Pio thaum ua neej nyob - Page 2 Main-q10

    Lawv tau tshaj tias muaj ib tug mob cia li zoo hlo cuag muaj hwj huam uas yog Padre Pio kho.
    Muaj ib tug Thawj saib xyuas cov txuas xov hluav taws xob rau cov ciav tsheb nqaj hlaus (train), nws ua neej nyob txog ntua 1983, thaum nws muaj 70 xyoo, nws yog ib tug neeg muaj muaj mob. Xyoo 1945, yawg nyob lub Xeev Sienne, Italy teb, nws muaj poj niam thiab ib tug tub.
    Hnub Tim 21 lub 5hlis 1945 thaum sawv ntxov, nws caij ib lub tsheb maum npua (motocyclette) mus hauj lwm, muaj ib lub tsheb thauj khoom loj los nrau nws. Lawv thauj nws mus tom tsev Kho Mob, cov kws tshuj pom tias raug sab heev, raug nws taub hau tawg, raug ib sab pob muag lauj tawg, raug daim npog pob ntseg sab xis to, lov ntau ntooj tav thiab sab ceg lauj lov tsib ntus. Qhov yuav ciaj thiab tuag ib nphaug zos, ntev tom qab ces thiaj mam zoo zuj zus. Tom qab no kuj zoo tu qab tag lawm thiab tsuas tshuav nws txhais ceg txhav lawm ais cov Kws tshuaj tsis muaj peev xwm muab ua kom qhaws tau. Nws tau mus cuag ntau tus Kws tshuaj, lawv thiaj muab nws mus pw lub Tsev Kho Mob ntiav nyob Sienne, tau ib xyoos ntau. Thiaj coj nws mus kho rau lub Tsev Kho Mob Rizzoli, nyob Bologne. Lawv muab nws phais tag, kuj ua rau nws tus txha ncej puab zoo lawm ntau, tab sis kuj nyuaj heev vim nws txhais ceg txhav lawm. Lub Tsev Kho cov mob ceg nyob Sienne thiaj txiav txim siab muab nws txhaj tshuaj tsaug zog es mam muab nws txhais ceg qhaws kom quav tau tab sis lawv kuj qhaws tsis tau li.
    Tsis tag li ntawd, cov qhov txhab uas lawv phais zoo tsis tu qab, nws pheej paim kua ywg. Cov Kws tshuaj ntawm lub tsev kho mob txhaj tshuaj loog rau es muab nws txhais ceg nyom seb lub hauv caug puas qhaws tau no tab sis kuj lov tsis tau li, vim cov leeg txhav los cam cov nqaij lawm ces thiaj li txheem lub hauv caug qhaws tsis tau lawm. Yawg tham hais tias: “Cov Kws tshuaj sib sib zog nyom es tseem ua rau nws ib tug txha ntawm plab hlaub lov lawm thiab, nws thiaj li tau pw Tsev Kho Mob ob hlis ntxiv rau qhov lawv cam nws txhais ceg lov ntawd.
    Xyoo 1948 pib, luag thiaj tshaj tias kuv tus mob yuav kho tsis tau, ces kuv thiaj li tawm Tsev Kho Mob ntawm Sienne. Thaum ntawd kuv muaj 35 xyoos xwb, kuv thiaj xav tias es kuv yuav ua li cas nyob li nov tag nrho kuv sim neej. Ces kuv thiaj li txiav txim siab mus xyuas dua lwm tus Kws tshuaj kho ceg, vam ntsoov tias yuav muaj peev xwm kho tau, tab sis ntshai rwg tsam yuav rov raug phais dua. Txij ntawd los ces kuv cia li ua ib tug neeg tsiv tsiv, phem phem zoo nkaus li ib tug tsiaj raug mob. Kuv cia li tsis xav ua neeg, tsis xav pom leej twg. Tab sis kuv poj niam yeej txhawb kuv siab, txhawb kuv lub zog tas li, tab sis kuv ua phem tas li rau nws. Kuv nrig pas mus kev, tiam sis yeej mus tsis tau deb li. Vim kuv txhais ceg tsis yog txhav xwb, tseem muaj qhov txhab ua ntshav txia txev liab vog thiab. Thaum kuv mus kev, yog kuv ntog mas kuv npau taws, kuv cem Huab Tais Ntuj thiab foom sawv daws. Kuv poj niam yog ib tug neeg ntseeg zoo, tab sis kuv mas kuv tsis ntseeg li. Nws mus teev Ntuj tab sis kuv tsis txaus siab ces kuv thuam Ntuj ces ua rau nws quaj.
    Muaj ib hnub ib tug Leej Choj tuaj tshaj lus hauv peb lub tsev teev Ntuj. Nws hnov tias kuv muaj mob, nws thiaj hais rau kuv poj niam tias: “Cas neb ho tsis lam mus xyuas tus Capucin Padre Pio , pem San Giovanni Rotondo? Es neb tsis hnov lawv tham txog nws tej hwj huam lov?”
    Kuv poj niam zoo siab hlo, nws los hais qhia kuv, tab sis kuv luag thuam luag thuam Padre Pio. Kuv poj niam kuj tsis tag kev cia siab, nws sau ob peb zaug ntawv mus rau tus Leej Choj, tab sis tsis pom teb nws li. Tsis hnov teb li ces kuv poj niam thiaj rov tham Padre Pio rau kuv thiab thov kom kuv mloog nws hais. Yam li kuv tus mob niaj hnub mob zuj zus ntxiv, kuv ntshai tsam ib hnub twg kuv yuav cia li tas txoj sia ces kuv thiaj hais rau kuv poj niam tias: “ Zoo mas, yog li ces lam mus sim qhov ntawd seb.”
    “Txoj kev deb heev, thiab kev phem heev, thaum mus kuv pw ntawm ib lub txwj ntaub, kuv kuj tsis txom nyem pes tsawg, tab sis thaum twg lawv muab kuv tuav nce thiab nqes tsheb nqaj mas mob yuav tuag li. Thawj toom kev yog nroog Los Mas, tsuas muaj tib lub tsheb nqaj mus pem San Giovanni Rotondo; nws mus ntxov heev. Ces peb txawm ua siab pw hauv cov Tsev So no ces kuv maj mam txheem kuv ob tug pas mus kev naj cas kuv cia li ntog kiag rau ib pag niag dej. Cov tub hauj lwm ntawm Tshav tsheb nqaj thiaj pab tsa kuv thiab coj kuv mus nyob ntawm ib kem tsev, ces peb cia li pw ntawd ib hmos. Taig kis sawv ntxov , kuv poj niam thiab kuv tus tub peb thiaj caij lub tsheb nqaj mus rau pem San Giovanni Rotondo. Lub chaw nqes tsheb deb li 2km ntawm cov Txiv Plig Capucins lub tsev teev Ntuj, thiab txoj kev los lawv tsis leem pob zeb. Kuv tsis paub tias kuv ua li cas ho mus txog pem tsev teev Ntuj lawm. Nyuam qhuav mus txog ntua xwb, kuv pom deev ib lub rooj zaum, kuv ncaj qha mus zaum ua rau kuv yuav luag tsaus muag. Yam li kuv tsis tau pom dua Padre Pio tus duab, ces kuv yeej tsis paub tias yog tus twg li. Muaj coob tus Txiv Plig Capucin nyob hauv tsev teev Ntuj. Tsis deb ntawm kuv muaj ib tug Txiv Plig ta tom daws txhaum rau cov poj niam. Daim ntaub thaiv lub rooj daws txhaum qheb me ntsis, kuv pom tus Txiv Plig dauv muag lawv thiab nws txhais tes tshwm npliv hauv nws ob lub tes tsho. Thaum nws tsa txhais tes xis los Zam Txhaum rau tus Daws Txhaum, kuv pom nws coj ib lub hnab looj tes looj nws lub tsawj teg. Kuv xav tias : Yog nws xwb. Tam sim ntawd Padre Pio tsa taub hau thiab ntsia kuv ob peb secondes. Cas kuv lub cev cia li pib tshee, zoo nkaus li ib qho taws xob muaj zog laum kuv. Ob peb feeb tom qab, Padre Pio cia li khiav tawm hauv kem Daws txhaum lawm. Thaum 4 teev tsaus ntuj, peb rov mus pem tsev teev Ntuj. Padre Pio rov tuaj Daws Txhaum dua hauv kem daws txhaum. Muaj ob peb tug neeg tos daws Txhaum ua kuv ntej. Thaum txog kuv lwm, kuv txheem kuv ob tug pas thiab txav mus ze tus Txiv Plig. Kuv tab tom yuav hais , tab sis nws tsis cia kuv hais. Nws cia li xub hais rau kuv, nws hais kuv lub neej ua ntu zus thiab tseem hais kuv tus cwj pwm, kuv tus yam ntxwv. Nws cov lus muab kuv mooj lawm ces kuv tsis nco qab txog kuv txhais ceg lawm. Thaum Padre Pio tsa tes Zam Txhaum rau kuv, kuv hnov deeg daws kuv ib ce zoo nkaus li thaum sawv ntxov thiab. Tsis nco qab txog li, cas kuv cia li txhos caug thiab ua Ntoo Cuam Lub Cim tag. Tseem tsis tau nco txog kuv txhais ceg thiab, kuv saw, khaws kuv ob tug pas nrig tuav ntawm tes mus kev txav deb zuj zus. Kuv poj niam uas nyob hauv tsev teev Ntuj pom kuv nqa ob tug pas nrig ntawm tes, nws kuj tsis nco xav txog dab tsi li thiab; nws tsuas hais rau kuv tias: “ Cas koj ntsej muag yuav xyiv fab cus plaws xwb!” Ces peb teev Ntuj ib pliag, ces peb mus rau tom qhov rooj. Yog thaum ntawd xwb uas kuv poj niam mam li pom qhov uas nyuam qhuav tshwm sim ntawd. Nws hais tias: Giuseppe, cas koj mus kev lawm!” Kuv mam nres thiab saib naj cas kuv nqa rawv ob tug pas txheem ntawm kuv tes. Ces kuv teb nws tias: “Tiag os: kuv mus taus kev lawm thiab kuv tsis hnov mob li lawm.” Kuv tus tub thiaj teb tias: “Txiv, thaum koj mus ntawm Padre pio, koj txhos caug.” Kuv zoo siab heev, vim tsis mob, tsis nyuaj kiag li. Kuv hlws kiag ce gris saib, kuv saib kiag kuv sab ceg lauj cas cov qhov txhab uas mob mob tsis zoo cia li zoo tag lawm tsuas tshuav cov caws pliav huv si thiab qhuav qhawv xwb. Ces kuv cia li qw tias: “ Kuv zoo lawm tiag tiag lauj”, ces kuv cia li quaj kiag lawm. Thaum peb rov qab los tsev, peb ua Ntuj tsaug tsis tseg, kuv tham rau txhua chaw qhov uas tshwm sim rau kuv. Kuv thiaj rov mus tom lub Tsev kho mob nyob Sienne. Qhov lawv ceeb yog lawv pom kuv mus kev. Lawv xooj fais fab, lawv pom cov mob nws tseem nyob nws li qub tsis hloov; raws li tsev tshuaj mas kuv yeej mus tsis tau kev ib zaug.
    Qhov tshwm sim rau kuv tus mob no tau muab tshaj rau Rooj Sab Laj kab mob kev nkeeg nyob Los Mas. Dua li kuv kuj tau ntsib coob tus Kws tshuaj loj uas tuaj pej kum teb tuaj.muaj koob meej. Lawv los tib yam, lawv yeej ceeb tag tus thiab.

    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  NrhiavTswvNtuj 7th January 2021, 9:08 am



    Txoj Kev Teev Yes Xus lub Plawv Ntsthiab 9 Hnub

    Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial) Yes_xu10

    Yog LN Marguerite Marie Alacoque tau qhia thiab pib txoj kev teev Yes Xus lub Plawv Ntshiab no, vim Yes Xus tau yees tawm tuaj rau nws pom thiab qhia nws txog txoj kev teev ntuj no.

    LN Padre Pio yog ib tug nyiam hais zaj teev ntuj no niaj hnub.



    Cov Zaj Teev Ntuj thov Yes Xus Lub Plawv Ntshiab

    HT Yes Xus, koj tau hais tias: “Kuv hais tseeb rau nej, nej thov ces nej yuav tau txais, nej nrhiav ces nej yuav ntsib, nej khob ces qhov rooj yuav qhib rau nej.” Yog li kuv tuaj khob, kuv tuaj nrhiav, thiab tuaj thov lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus, koj tau hais tias: “Kuv hais tseeb rau nej, yog nej tuav kuv lub npe thov ib yam dab tsi ntawm leej Txiv, mas nws yuav muab rau nej.” Yog li kuv tuav koj lub npe thov leej Txiv kom pub lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus, koj tau hais tias: “Kuv hais tseeb rau nej, lub ntuj thiab lub ntiaj teb yuav dua mus, tiam sis kuv cov lus yuav tsis txawj dua mus.” Yog li kuv tso siab tias yuav muaj raws li koj tau hais, kuv thiaj tuaj thov lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus lub Plawv Ntshiab, yuav kom koj tsis txhob hlub neeg mas tsis tau li, yog li thov koj hlub peb cov neeg txom nyem neeg txhaum, thiab thov koj pub cov txiaj ntsim raws li peb tau thov, peb vam txog koj leej Niam Mab Liab thiab peb Niam lub Plawv uas raug txom nyem loj thiab dawb huv los thov koj.

    Poj Huab Tais, koj ua niam hlub peb, koj nres peb txoj sia, koj ua peb lub neej tsim txiaj, koj ua peb lub siab tus. Peb tuaj xyuas koj. Es Vas tej me nyuam poob nram hav puv kua muag no, Es Vas tej me nyuam kho siab tas nrho tuaj seev ntawm koj. Aib Niam pab peb puag saum ntuj, koj dauv ntsej muag los ntsia peb. Thaum txog peb lub caij khuam ntiaj teb no tas, muab lub txiv txi hauv koj lub cev, Yes Xus, rau peb xyuas. Aib Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam.

    Tswv Ntuj leej Niam, koj thov ntuj rau peb, kom peb tsim nyog txais raws li leej Pleev tau cog lus tseg.

    Leej txiv ntshiab Yos Xes, tus tu Yes Xus hlob, thov koj thov ntuj rau peb.
    Ua li.

    Tus txhais :
    Mim Yaj.

    Padre Pio thaum ua neej nyob - Page 2 Image-10

    Sponsored content


    Padre Pio thaum ua neej nyob - Page 2 Empty Re: Padre Pio thaum ua neej nyob

    Post  Sponsored content


      Current date/time is 28th March 2024, 12:56 pm