Zaj movie txog Leej Ntshiab Rita nyob Cascia lub neej

**Mim** 22nd February 2013, 5:48 pm

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Zaj movie txog Leej Ntshiab Rita nyob Cascia lub neej

Post Mim 22nd February 2013, 5:48 pm

Kuv tuaj tso leej ntshiab Rita lub neej rau peb saib, kom peb thiaj paub txog tias leej ntshiab Rita tau siv nws lub neej los kho tej neeg phem kom lawv hloov siab thiab txawj muaj kev hwm ntuj thiab hlub luag. Nws yug los xyoo 1381 thiah tuag tim 22 lub 5 hlis xyoo 1457. Nws xub yuav txiv, muaj ob tug tub. Thaum nws tus txiv thiab nws ob tug tub tuag tas lawm, nws kuj tseem tau mus ua leej phauj thiab kuj tau txais HT Yes Xus cov qhov kauj pos nyob saum nws taub hau.

Muaj tej yam txawv txav tau tshwm sim rau LN Rita. Xws li thaum nws mus nkag ua leej phauj, lawv txoj cai tsis kam muab daim phuam (veil) khwb taub hau rau nws ntoo, vim nws yog ib tug neeg musj dua txiv los lawm. Lawv xav sim nws siab, ces lawv kom nws mus ywg dej rau ib tug ceg ntoo qhuav uas lawv muab txhos rau hauv av. LN Rita mloog mloog lus thiab nws ua siab ntev nteev niaj hnub mus ywg dej tus ceg qhuav ntawd tau 3 lub xyoo. Ua cas thaum kawg tus ceg qhuav ntawd cia li hlav tau ib txoj hmab txiv cawv (grape vine). Raws li lawv hais txoj hmab ntawd tseem nyob thiaj tseem txi txiv cawv. Lawv siv cov txiv ntawd los ua cov caw rau Vaj Qhia siv.

Tseem muaj ib zaj kwv huam piav tias thaum LN Rita laus lawm thiab muaj mob pw lawm xwb, muaj ib zaug nws ib tug viv ncaus kwv tij tuaj saib nws, tus viv ncaus nug tias nws puas xav tau dab tsi ntawm nws lub qub tsev. Nws teb tias nws xav tau ib lub paj ntshua nplaim thiab ib lub txiv cev nraum nws lub vaj. Lub caij ntawd yog lub caij ntuj no no lawm, yeej tsis muaj paj ntoos tawg los muaj txiv cev yuav txi li, tiam sis cas thaum tus viv ncaus mus xyuas nrau LN Rita lub vaj no pom muaj txiv cev siav siav thiab muaj ib lub psaj ntshua nplaim tab tom ntshuav, ces nws thiaj de tuaj rau LN Rita.

Niaj hnub no LN Rita muaj ib lub npe hu tias "the saint of the impossible", txhais tias "tus leej ntshiab uas pab tau tej yam tsis phim yuav tau li" vim ntau zaus tej tug neeg xav tias yuav tsis muaj leej twg pab tau lawv li lawm, tiam sis yog lawv thov LN Rita, mas LN Rita kuj pab tau lawm, yam uas ntseeg tsis tau li.

Thov txim os, Maiv Paj Lug twb coj zaj movie no tuaj tso hauv no lawm thiab tiam sis yog nws tso zaj uas lawv txiav ua ntau ntau daim videos. Ces kuv ho muab zaj uas lawv tso ua ob daim videos xwb tso rau qhov no.