Merry Christmas, Joyeux Noël, Kaj Siab Yes Xus Yug...

Nyob zoo Mim thiab N hlob. Ua tsaug rau neb txoj kev txhawb siab og nawb, thov kom lub xyoo tshiab no neb tau txais Tswv Ntuj lub txiaj ntsim kom neb rau siab tuaj leg Tswv Ntuj lub luag hauj lwm mus lawm tom ntej.

N hlob thiab Mim peb thaj tsam peb nyob kuj tsi xws li siab xav li.
Peb kuj tsi paub, peb xav tias ntshes yog cov tseem hwv qhib txoj kev dav rau peb no.
Tab sis hauv peb lub xeev yeej tsi tau tsos kev ywj pheej li. TTQ hais rau peb tias: yog Txiv Tswv Qhia mus thov cov tseem hwv nyob phuas Haj Nio uas yog cov tuav kev ruaj ntseeg ntawm phab tu xwm, cov Tub Tu Xwm ntawd lawv xas TTQ thiab TP tuaj txog ntawm peb zos lawv mam li rov, es TTQ thiab TP thiaj tau tuaj xwb.

Tiam si cov tub ceev xwm thaj tsam ntawm peb lawv tsi pub TP thiab TTQ nrog peb so ib hmo li, lawv kom TTQ thiab TP ua lub Mis xas Yes Xus los tas thaum tws mas rov thaum ntaws xwb. Li ntawv TP thiab TTQ ua thaj txi ntuj rau peb tas twb yog 10 moos ib tas hmo lawm los lawv yuav tsum caij tsheb mus kom txog rau nram lub xeev uas muaj cov cob tsib ntseeg coob lawv thiaj tau so. Ntawm peb mus rau hauv xeev kwv yeeg muaj li 200km thiaj txog.
Li ntawd yog ib qhov kev nyuaj kawg.

Thov sawv daws teev ntuj pab cov tseev hwv kom qhib txoj kev dav rau peb.

Maiv Tooj wrote:

Nyob kaj siab lug Hnub Huab Tais Yes Xus Yug Mim thiab Tub Kawm,

Tsaib no hnub tim 23 lub 12 hlis, Tub Kawm lawv tseem tsis tau kev tso cai los sib sau ua Hmoov Tsuj Xeeb, xyoo no twb ho muaj Tswv Qhia thiab Txiv Plig tuaj ua lub Hmoov Tsuj Xeeb rau lawv mas yog ib qho hwj huam yees ntxwv loj heev. Kuv ua Tswv Ntuj tsaug. Thaum hauv xyoo, Txiv Plig tuaj txog 180 m (300 tshim) ntawm ib tug xib hwb lub tsev, lawv twb tsis pub Txiv Plig los kom txog nws lub tsev; qab xyoo xwb qas Tswv Qhia Txiv Plig tuaj ua lub Txoos rau tsoom ntseeg hauv zos; yog ib qho hwj huam yees ntxwv ntxiv thiab.

KUV THOV UA NTUJ TSAUG; UA TSOOM NTSEEG NYOB THAJ CHAW TSAUG.

Thank you thank you Jesus
Thank you thank you Jesus
Thank you thank you Jesus in my heart

Thank you thank you Jesus
Thank you thank you Jesus
Thank you thank you Jesus in my heart

Merci merci Jésus
Merci merci Jésus
Merci merci Jésus dans mon coeur

Merci merci Jésus
Merci merci Jésus
Merci merci Jésus dans mon coeur

Ua tsaug ua tsaug Yes Xus
Ua tsaug ua tsaug Yes Xus
Ua tsaug ua tsaug Yes Xus hauv kuv lub siab

Ua tsaug ua tsaug Yes Xus
Ua tsaug ua tsaug Yes Xus
Ua tsaug ua tsaug Yes Xus hauv kuv lub siab

Khop chai khop chai Yé Xou
Khop chai khop chai Yé Xou
Khop chai khop chai Yé Xou you nai chai

Khop chai khop chai Yé Xou
Khop chai khop chai Yé Xou
Khop chaikhop chai Yé Xou you nai chai

Mim,

Kuv yuav tuaj tim koj os; tab sis tseem tuaj dhau koj ob tsem mus rau sab hnub poob lawm thiab. Yog kuv tuaj kuv txiv laus Zoov Ntxheb lub koob tsheej uas nws ua Xib Hwb tau 55 xyoo nyob rau Sacramento. Tab sis tsis muaj sij hawm ntau ces kuv tsuas tuaj qhov hauj lwm nkaus xwb; yuav tsis tau mus saib lub Tsiab Peb Caug Fresno.

Tais Tooj,

Koj tuaj tim no lod? Tiam sis koj kuj tuaj rau ib lub xeev deb kuv heev ces yuav tsis tau sib ntsib li lau. Kuv kuj tau hnov txog Txiv Zoo Ntxheb pluas mov lawm thiab, tiam sis ua li kuv nyuam qhuav hais, nws nyob deb kuv heev, ces kuv yuav tuaj tsis tau os. Thov kom nws tau mus so nyob kaj siab lug. Zoo siab tias koj tau tuaj tsuj peb teb chaws os. Ua li Mes Lis Kas hais, "Welcome" rau neb ob niam txiv nawb, yog tias neb ob leeg tuaj na.

Nyob zoo Tub Kawm,

Kuv nrog nej zoo siab thiab kuj ho nrog nej tu siab, zoo siab tias xyoo no muaj TTQ thiab TP tuaj ua thaj txi ntuj rau nej, nrog nej tu siab tias nkawd kuj tsis tau nrog nej nyob ntev li. Tej zaum mas ib qho yog cov nom tswv tsis ntseeg peb cov Hmoob siab, qhov ob mas ntshai lawv tsis xav pub kom TTQ thiab TP tau nyob ntev thiab tau qhia tej yam rau peb cov Hmoob. Txawm li cas los peb mam li thov kom Tswv Ntuj thiab tus me nyuam Yes Xus qhib lawv lub siab lub ntsws kom lawv pub txoj kev dav rau peb cov Hmoob taug os.

nyob zoo xyoo tshiab rau nej txhua leej lub hmoov ysxu yus los yiog ib lub txiaj ntsim zoo rau txhua leej vaam tias sawv dawsyuav muaj kev lom zem xauv npo txais huab tais tuaj rau hauv peb siab lub xyoo tshiab no thov huabn tais tswv ntuj pub kev kaj lug rau sawv daws mam sib ntsib dua

Tub Kawm wrote:Nyob zoo Mim thiab N hlob. Ua tsaug rau neb txoj kev txhawb siab og nawb, thov kom lub xyoo tshiab no neb tau txais Tswv Ntuj lub txiaj ntsim kom neb rau siab tuaj leg Tswv Ntuj lub luag hauj lwm mus lawm tom ntej.

N hlob thiab Mim peb thaj tsam peb nyob kuj tsi xws li siab xav li.
Peb kuj tsi paub, peb xav tias ntshes yog cov tseem hwv qhib txoj kev dav rau peb no.
Tab sis hauv peb lub xeev yeej tsi tau tsos kev ywj pheej li. TTQ hais rau peb tias: yog Txiv Tswv Qhia mus thov cov tseem hwv  nyob  phuas Haj Nio uas yog cov tuav kev ruaj ntseeg ntawm phab tu xwm, cov Tub Tu Xwm ntawd lawv xas TTQ thiab TP tuaj txog ntawm peb  zos lawv mam li rov, es TTQ thiab TP thiaj tau tuaj xwb.

Tiam si cov tub ceev xwm thaj tsam ntawm peb lawv tsi pub TP thiab TTQ nrog peb so ib hmo li, lawv kom TTQ thiab TP ua lub Mis xas Yes Xus los tas thaum tws mas rov thaum ntaws xwb. Li ntawv TP thiab TTQ ua thaj txi ntuj rau peb tas twb yog 10 moos ib tas hmo lawm los lawv yuav tsum caij tsheb mus kom txog rau nram lub xeev uas muaj cov cob tsib ntseeg coob lawv thiaj tau so. Ntawm peb mus rau hauv xeev kwv yeeg muaj li 200km thiaj txog.
Li ntawd yog ib qhov kev nyuaj kawg.

Thov sawv daws teev ntuj pab cov tseev hwv kom qhib txoj kev dav rau peb.

Mim, Tub Ntsuag thiab Tub Kawm,

Mim, kuv twb rov los tsev lawm os, mus lub koob tsheej nkaus xwb, tsis tau pom dab tsi kiag li; tab sis kuj zoo siab kawg li thiab.

Tub Kawm, yuav zoo siab lub lub txiaj ntsim uas nej tau zaum no mog!
Pib muaj lw lawm ces kev yeej yuav thov xwb, yuav zoo siab thiab tso siab rau Tswv Ntuj; vim NWS lub hwj huam loj tas nrog thiab yam twg tsis yog tuaj ntawm Ntuj tuaj yuav nyob ib vuag xwb yam twg tuaj ntawm Ntuj tuaj yuav nyob mus li. Muaj tus tub huab tais ntiaj teb kav ntiaj teb, haub ntxias neeg tab sis nws yog txoj kev yuam kev, nws txawm yuav khav npaum twg los yuav raug Tswv Ntuj rhuav tshem ib hnub xwb.

Nyob zoo xyoo tshiab Koob Tsheej Hmoov Tsuj xeeb Yes Xus yug los xyoo 2015 rau sawv daws. Xyoo no yog xyoo Ntshiab li ntawd thov kom sawv daws tau txais ntuj lub txiaj ntsim ntau ntau. Vim Tswv Ntuj leej Tub yug los cawm lub qab ntuj neeg tau 2015 zaug lawm.

Xyoo no nyob rau ntawm peb, TTQ An Phong thiab TP Pob Zeb rov tuaj coj peb ua Koob Tsheej Yes Xus los. Xyoo no kuj lom zem kawmg li thiab.
Xyoo no TQ thov cov tseem hwv nws tau tuaj nrog peb pw ib hmo. Cia muaj sij hawm mam tua piav me ntsis peb kev noj nyob rau peb.

Thov ua Tswv Ntuj tsaug ntau.

Peb puas ua li cov neeg zov yaj uas maj zoj zeeg xav xav mus pom thiab mus pe hawm nws?
Peb puas ua li cov kws hnub qub uas pom dheev ib lub hnub qub tshiab, mas yuav tsum caum lub hnub qub ntawd mus kom txog chaw, kom tau mus pom thiab mus pe hawm tus Vaj yug los tshiab, vim nws yog ib tug Vaj tseem ceeb rau tas qab ntuj neeg?

Nyob zoo tais Tooj,

Zoo siab ntau tias koj mus nrhiav tau peb cov nkauj Yes Xus yug los hauv You Tube. Nyob hauv cov nkauj ntawd muaj ib zaj yog kuv sau, tiam sis lawv muab sau tias yog Maiv Yaj Xyooj sau no. Kuv lam qhia li ntawd xwb os.

Nyob zoo Mim,

Khuv xim, Peb Hmoob mas yeej ib txwm ua li ntawd, twb tsis yog yus ua tau los hais tias yog yus ua, thaum ho nrhiav qhov tseeb tuaj ces hais tom ntej tom qab tsis muaj paus ntsis peb thiaj li tsis vam meej. Kuv mas kuv nyiam kom leej twg ua tau mas hais tus ntawd npe, kom muaj tus tshawb nrhiav kawm los thiaj li nug tau tus tswv tseem tiag. Ntau saud mloog Hmoob tham lus mas tus twg los yog tus uas txawj thiab luag nyiam tshaj, xub ua tau qhov ub qhov nov, ces yus tsis paub tus twg yog tus tiag.

Nyob zoo tais Tooj,

Kuv thov txim tias tej zaum yog kuv tsis tau hais kom meej es zoo li koj to taub kuv yuam kev me me lawm. Vim li ntawd kuv thiaj tuaj rov piav me ntsis ntawm no kom sawv daws to taub zoo xwb os.

Qhov kuv hais tias lawv muab kuv hu ua "Maiv Yaj Xyooj" mas kuv tsuas yog qhia tias lawv muab sau ua lus Hmoob ces lawv cia li muab sau li ntawd lawm xwb. Tiam sis kuv kuj tsis tu siab los muab txim rau lawv, vim nyob hauv phau nkauj mas kuv lub npe sau raws li lus Fab Kis los lus Mes Lis Kas tias My Yang Xiong. Ces cov neeg nyob Mes Lis Kas mas lo lus "My" yeej muaj pronunciation tias "Mais" no ces cov neeg hu peb cov nkauj ntawd txawm tsis sau cov npe raws li lawv sau hauv phau nkauj, hos lawv txawm muab sau ua lus Hmoob ces lawv thiaj xav tias sau li ntawd ces yog "Maiv" no xwb. Kuv lub npe "Mim" yeej ib txwm sau li ntawd nyob Nplog teb los lawm, nyob hauv kuv daim qub passport thiab kuv cov npais xas tas yeej sau li ntawd, ces kuv tsis muab hloov li, vim li no neeg Mes Lis Kas yeej hu kuv ua "Mais" no ntau xwb, tsuas yog cov paub kuv, xws li peb cov neeg hauv church thiab cov kuv tau nrog lawv ua hauj lwm thiaj hu kuv ua "Mee" no xwb os.

Mim,

Tsis ua cas, yog lawv sau yuam kev raws lub teb chaws lub suab xwb; kuv ntshai tsam lawv tso rau ib tug neeg tshiab lub npe mas yuav khuv xim heev, vim txoj kev ntseeg yog txoj kev ntseeg, peb yuav tsis txhob xav ua tus loj tus siab nyob hauv txoj kev ntseeg.

Kuv thov qhuas thiab zoo siab rau koj lub siab nkiag, lub ncauj npliag, rau txoj kev Nyiam.

Tais Tooj,

Ua tsaug rau koj cov lus zoo os.

Kaj siab lug rau hmoov
Huab Tais Yes Xus Yug.
Xyiv Fab hlo
rau hmoov Yes Xus Yug Los rau ntiaj teb no.