Merry Christmas and Happy New Year

Nyob Zoo ib tsoom Hmoob ntseeg sawv daws

Xa ib lo lus kev hlub thiab kev zoo siab tuaj txog txhua leej uas npaj siab txais tos tus me nyuam Vaj Yesxus yug los nyob hauv txhua leej lub siab. Txoj kev kaj tshwm pom xyeem rau txhua leej uas ntseeg tias tus me
nyuam yug los tshiab yog tus cawm tag nrho lub qab ntuj neeg. Thov kom nws txoj kev kaj tuaj kaj koj lub siab thiab pub kev vam meej, kev noj qab haus huv, kom txhua leej maim dhau tej vij sub vij sw, mus txoj kev twg los kom txhob ntsib teeb meem phem. Thov kom Vaj Yesxus yug los nyob hauv txhua leej txhua tus lub siab, khwv nce toj los kom tau noj khwv nqis hav los kom tau hnav, kom nyob thaj yeeb lug mus puv niaj dhau xyoo nawv mog ib tsoom Hmoob.

Merry Christmas to all of you

Ntxhuav Mom Xyooj,

Ua tsaug rau koj cov lus foom koob hmoov rau peb os.



Lub sij hawm khiav nrawm nrawm kawg li, zoo li tsis tau ntev twb rov txog hnub nyoog nco txog HT Yes Xus yug los dua lawm.

lub caij no mas peb sawv daws npaj nyiaj npaj txiaj kom tau yuav paj tshab pub rau tej me nyuam los puas tej txheeb tej ze. Ib txhia npaj yuav mus ncig teb ncig chaw los puas mus lawm lwm lub xeev. Peb sawv daws nrhiav kev lom zem rau peb sab cev nqaij ntau xwb, ua li peb puas nco npaj peb lub siab lub ntsws kom dawb huv, kom txhob ntxhov ntxhov thiab nqaim nqaim ti ti? Thaud Yos Xes mus khob lub tsev twg los luag hais tias tsis muaj chaw lawm no xwb. Yog li xav kom peb txhob ua li lawv. Qhov uas yuav pab peb tshaj plaws kom peb lub siab huv si thiab muaj chaw dav fo rau tus me nyuam Yes Xus los nyob hauv peb yog txoj kev daws txhaum. Lub caij no peb yuav tau tsum mus daws txhaum ntxuav peb lub siab peb tus ntsuj plig, Yes Xus thiaj xav los nkag hauv peb vaj peb tsev.

Thov kom HT Yes Xus coj kev thaj yeeb nyab xeeb tuaj rau peb sawv daws rau lub caij no thiab rau lub Xyoo Tshiab!

Nyob zoo ib tsoom phooj ywg uas tuaj hauv lub vas sab no.
Merry Christmas and Happy New Year to all of you.

Tus cawm qab ntuj neeg tau yug los ua neeg li peb thiab tseem yug los txom nyem tshaj peb. Nws tau yug los nyob tom ib lub nkuaj tsiaj xwb,tsis muaj leej twg lees paub nws thiab yuav kam txais nws li. Nws yug los twb tau 2015 rau xyoo no lawm. Ntiaj teb neeg txoj kev vam meej thiab ntsuj plig rov zoo siab los yog vim Yesxus tau yug los lawm.

Peb cov uas tau ntseeg Yesxus lawm,peb npaj siab txais nws los nyob haus peb lub siab lub ntsws kom peb tus ntsuj plig muaj kev lom zem zoo siab hom khaj nyob hauv nws lub npe mus ib txhis.

December 22, 2017

Merry Christmas tuaj rau ib tsoom ntseeg sawv daws
Thov kom tus cawm seej Yesxus tuaj nyob puv npo hauv peb txhua leej lub siab lub plawv peb txhua leej thiaj li nyob sov siab npho nrog lub caij no uas yog Leej Pleev lub Tsuj Xeeb
yuav yug los no.

Yam phem yam tsis zoo hauv lub xyoo 2017 peb muab pov tseg nrog lub xyoo laus mus.
Thov kom xyoo tshiab 2018 yuav los no thov kom peb txhua leej tau txais yam tshiab tag nrho.

Thov kom sawv daws noj qab nyob zoo thiab ntsib txoj kev kaj siab lug nrog lub xyoo tshiab.

Ntxhuav Mom Xyooj

Nyob zoo nej sawv daws,

Xyoo no kuv lub caij Christmas thiab xyoo tshiab ces dhau mus zoo li npau suav lawm xwb. Tiam sis oeb kuj tseem nyob hauv lub caij HT Yes Xus yug los, thiab nyuam qhuav yog tim 4 lub 1 hlis 2018 xwb, ces kuv tuab hais lig lig rau nej los yeej tseem tau thiab. Yog li ntawd,

Merry Chritmas and Happy New Year rau sawv daws nawb.