Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


TEJ ZAJ THOV NTUJ RAU LUB CAIJ RAUG TXOM NYEM Empty

Suav neeg tuaj saib, txij hnub 17/09/2010 los mus.


    TEJ ZAJ THOV NTUJ RAU LUB CAIJ RAUG TXOM NYEM

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    TEJ ZAJ THOV NTUJ RAU LUB CAIJ RAUG TXOM NYEM Empty TEJ ZAJ THOV NTUJ RAU LUB CAIJ RAUG TXOM NYEM

    Post  Mim on 17th April 2020, 6:27 am

    Nyob zoo sawv daws,
    Kuv xav tuaj pib tso tej zaj teev ntuj uas peb siv tau rau thaum tej lub caij muaj kev txom nyem zoo li lub caij tam sis no.

    Niaj hnub no peb mus koom tsis tau thaj txi ntuj tom tsev teev ntuj, peb mus koom tau hauv vas sab ntau xwb. Yog li thaum txog lub sij hawm txais Yes Xus lub Cev, peb yuav txais tsis tau nws ntawm peb lub qhov ncauj, tiam sis peb xav thov kom nws los nyob hauv peb lub siab. Lub caij ntawd, peb xav nyias thov nyias li cas los yeej zoo kawg li. Tiam sis, qee zaum yog leej twg ho xav siv lwm tus cov lus los thov los kuj zoo thiab. Muaj ntau ntau zaj thov ntuj rau lub caij uas yus mus txais tsis tau lub Cim Yug.

    Nram no, kuv tsuas muab ib zag luv luv thiab yooj yim xwb, yog txhais ntawm zaj lus Aas Kiv los:


    Lus Aas Kiv:

    My Jesus,
    I believe that You are present in the Most Holy Sacrament.
    I love You above all things,
    and I desire to receive You into my soul.
    Since I cannot at this moment receive You sacramentally,
    come at least spiritually into my heart.
    I embrace You as if You were already there
    and unite myself wholly to You.
    Never permit me to be separated from You.
    Amen.


    Lus Hmoob:

    Huab Tais Yes Xus,
    Kuv ntseeg tias koj yeej nyob hauv lub Cim Yug.
    Kuv nyiam koj tshaj tas ib puas tsav yam,
    kuv xav kom koj los nyob hauv kuv tus ntsuj plig.
    Tiam sis lub caij no, kuv txais tsis tau koj hauv lub Cim Yug,
    Thov koj cia li los nyob hauv kuv lub siab.
    Kuv los puag koj, vim kuv ntseeg tias koj twb nyob hauv kuv lawm,
    Thiab kuv muab kuv lub siab los koom nrog koj lub siab tas hus si.
    Thov koj tsis txhob pub kom kuv ncaim ntawm koj mus li.  
    Ua li.


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    TEJ ZAJ THOV NTUJ RAU LUB CAIJ RAUG TXOM NYEM Empty Re: TEJ ZAJ THOV NTUJ RAU LUB CAIJ RAUG TXOM NYEM

    Post  Mim on 18th April 2020, 8:17 am

    Txiv Vaj Qhia Francis hais zaj thov ntuj nram no rau cov uas tsis tau kev mus txais lub Cim Yug:

    TEJ ZAJ THOV NTUJ RAU LUB CAIJ RAUG TXOM NYEM Images?q=tbn%3AANd9GcRnsj1rIRpiXHTu9fbbbVIlKvqpjfpgGj8LZrBO1Wfcyfw8-odU&usqp=CAU

    At Your feet, O my Jesus,
    I prostrate myself and I offer You
    repentance of my contrite heart,
    which is humbled in its nothingness
    and in Your holy presence.
    I adore You in the Sacrament of Your love,
    the ineffable Eucharist.
    I desire to receive You
    into the poor dwelling that my heart offers You.
    While waiting for the happiness of sacramental communion,
    I wish to possess You in spirit.
    Come to me, O my Jesus,
    since I, for my part, am coming to You!
    May Your love embrace my whole being in life and in death.
    I believe in You,
    I hope in You,
    I love You. Amen.
    (Cardinal Rafael Merry del Val yog tus tsim)

    Kuv lam muab txhais ua lus Hmoob li nram no:

    Aub! Huab tais Yes Xus,
    Kuv tuaj nyo hau txhos caug pe koj ntawm koj ko taw,
    Kuv muab kuv txoj kev tu siab
    xav lees txhaum tuaj cev rau koj.
    Kuv lub siab pom kuv qis kawg nkaus,
    tsis muaj tsim dab tsi nyob ntawm koj xub ntiag.
    Kuv pe hawm koj nyob hauv lub Cim qhia txog
    koj txoj Kev Hlub uas yog lub Cim Yug zoo tas nrho.
    Kuv xav txais koj tuaj nyob hauv kuv lub siab
    uas yog ib qho chaw pluag txom txom nyem xwb.
    Lub caij no thaum kuv tos nrhw lub sij hawm kuv yuav
    tau txais koj nyob hauv lub Cim Yug tiag tiag,
    kuv lub tswv yim xav tau koj los nyob hauv kuv.
    Aub! Huab Tais Yes Xus, thov koj tuaj nyob hauv kuv,
    ib yam li kuv coj kuv tuaj nyob hauv koj thiab.
    Thov kom koj txoj kev hlub txuag kuv tus kheej tas nrho
    thaum kuv ua neej nyob thiab thaum kuv lub caij dua.
    Kuv ntseeg txog koj,
    Kuv tso siab rau koj,
    Kuv nyiam koj.  Ua li.

    Lus Fab Kis:

    « À tes pieds, ô mon Jésus,
    je m’incline et je t’offre le repentir de mon cœur contrit
    qui s’abîme dans son néant et Ta sainte présence.
    Je t’adore dans le Saint Sacrement de ton amour,
    désireux de te recevoir dans la pauvre demeure que mon cœur t’offre.
    En attente du bonheur de la communion sacramentelle,
    je veux te posséder en esprit.
    Viens à moi, ô mon Jésus, pour la vie et pour la mort.
    Que ton amour enflamme tout mon être, pour la vie et la mort.
    Je crois en toi, j’espère en toi, je t’aime. Ainsi soit-il. »

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    TEJ ZAJ THOV NTUJ RAU LUB CAIJ RAUG TXOM NYEM Empty Re: TEJ ZAJ THOV NTUJ RAU LUB CAIJ RAUG TXOM NYEM

    Post  Mim on 19th April 2020, 11:04 am

    Tej lub caij muaj kab mob kev nkeeg thiab muaj kev ntshai, peb xav siv txoj NPN 91 los teev ntuj los tau:

    NPN 91: 1-16

    1 Tus nrhiav chaw nkaum nyob hauv tus Nyob Siab,
    tus nraim hauv tus muaj hwj huam qhov ntxoov,

    2 nws yuav hais rau Huab Tais tias:
    “Koj yog kuv qhov chaw nkaum, kuv lub ntsa loog zeb,
    kuv tus Tswv Ntuj; kuv tso siab rau koj.”

    3 Vim Tswv Ntuj yuav cawm koj ntawm tus cuab noog rooj ntxiab
    Thiab ntawm tus kab mob kis neeg.

    4 Nws yuav muab nws phab tis los roos koj,
    ces koj yuav muaj chaw nkaum.
    Nws txoj kev ua ncaj yog daim leem phiaj
    thiab daim hlau thaiv koj.

    5 Koj yuav tsis ntshai tej kev txhawj xeeb loj thaum hmo ntuj,
    los tus xib xub ya ntxiag tuaj thaum nruab hnub nrig,

    6 Los tus kab mob kis neeg uas tsiv nraim hauv qhov tsaus nti,
    Los txoj kev rhuav tshem puas ntsoog thaum tav su.

    7 Txawm ib txhiab leej ntog nyob ntawm koj ib sab,
    Txawm kaum txhiab leej ntog nyob ntawm koj sab xis,
    Los tsis muaj dab tsi yuav tuaj raug koj.

    8 Koj xuas qhov muag ntsia xwb,
    Koj yeej yuav pom cov neeg phem txais lawv tus nqe zog.

    9 Vim koj tau muab HUAB TAIS ua koj lub chaw nkaum,
    Muab tus Nyob Siab ua koj lub tsev nyob,

    10 Yuav tsis muaj dab tsi phem poob los raug koj,
    Los kev txom nyem txav los ze koj lub tsev tsam phooj.

    11 Vim HUAB TAIS yuav txib nws cov tshiab kom los saib koj,
    Thiab los txuag koj nyob hauv txhua txoj kev koj mus.

    12 Lawv yuav nqa koj nyob hauv lawv txhais tes,
    Kom koj txhais taw txhob mus dawm pob zeb.

    13 Koj yuav taug kev tsuj tus tsov ntxhuav thiab tus nab,
    Koj yuav muab tsov thiaj nab tsuj ntiag rau hauv qab xib taws.

    14 Vim nws npuab nraim kuv nyiam kuv, mas kuv yuav cawm nws;
    Kuv yuav pov hwm nws, vim nws paub kuv lub npe.

    15 Thaum nws hu txog kuv, mas kuv yuav teb nws;
    Kuv yuav nrog nraim nws thaum nws ntsib kev nyuaj ntxhov,
    Kuv yuav cawm nws thiab yuav hwm nws.

    16 Kuv yuav pub txoj sia ntev rau nws ua kom nws zoo siab,
    Thiab yuav muab kuv txoj kev cawm seej rau nws pom.

    NrhiavTswvNtuj
    NrhiavTswvNtuj
    Hmong Catholique
    Hmong Catholique

    Messages : 851
    Date d'inscription : 2009-08-18

    TEJ ZAJ THOV NTUJ RAU LUB CAIJ RAUG TXOM NYEM Empty Re: TEJ ZAJ THOV NTUJ RAU LUB CAIJ RAUG TXOM NYEM

    Post  NrhiavTswvNtuj on 19th April 2020, 10:23 pm


    Nyob zoo Mim,

    Zoo kawg, tej lub caij nyuaj li niaj hnub no yog ib lub cib fim yuav los nrhiav tej lus thov Tswv Ntuj vim Tswv Ntuj twb tsim tau tag puas tsav yam rau neeg cia li khaws siv xwb los twb tsis kum siv los siv li ho niaj hnub nroo kev txom nyem xwb.



    TEJ ZAJ THOV NTUJ RAU LUB CAIJ RAUG TXOM NYEM 48639587parousie-over-blog-fr-poisson-croix-coeur-gif

    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj taub hau,
    Vim koj ntshiab saum taub hau ti nkaus ko taw.
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    TEJ ZAJ THOV NTUJ RAU LUB CAIJ RAUG TXOM NYEM Empty Re: TEJ ZAJ THOV NTUJ RAU LUB CAIJ RAUG TXOM NYEM

    Post  Mim on 21st April 2020, 4:44 am

    Nyob zoo tais Tooj'

    Tam sis no kuv ib nyuag muaj sij hawm ntau zog ces kuv thiaj li xav tias cia kuv nrhiav tej zaj teev ntuj tuaj pab peb thaum lub caij peb raug txom nyem zoo li no. Muaj ib txhia mas tej zaum lawv yeej txawj txawj hais lus thov ntuj ntawm lawv tus kheej lawm, tiam sis kuj muaj tej tus uas tsis tshua pom qab yuav hais tau ib co lus zoo los thov ntuj thiab. Yog li kuv vam hais tias yuav pab tau sawv daws thiab.
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2805
    Date d'inscription : 2009-10-16

    TEJ ZAJ THOV NTUJ RAU LUB CAIJ RAUG TXOM NYEM Empty Re: TEJ ZAJ THOV NTUJ RAU LUB CAIJ RAUG TXOM NYEM

    Post  Mim on 21st April 2020, 10:21 am

    TEJ ZAJ TEEV NTUJ THOV KEV ZAM TXHAUM

    Zoo li lub caij no peb tsis tau kev mus daws txhaum ntawm ib tug TP, yog peb xav thov kom Tswv Ntuj zam txhaum rau peb ces peb kuj yuav niaj hnub thov nws.  Nram no kuv coj ib zaj teev ntuj thov kev zam txhaum ntawm Tswv Ntuj tuaj rau cov uas xav siv ho tau siv. Txawm tias peb twb tau kev mus daws txhaum li yav tas los los, yog peb xav niaj hnub hais zaj no los thov txhaum yeej tau ib yam.

    Prayer of Reparation

    Most Sacred Heart of Jesus, have mercy on me, a sinner.
    O God, forgive me for all the sins of my life;
    The sins of my youth and the sins of my age,
    The sins of my body and the sins of my soul,
    The sins I have confessed and the sins I have forgotten,
    The sins against others in thought, word, and deed,
    My sins of omission.
    O, my God, I am sorry for all my sins,
    because you are all good and deserving of all my love;
    I resolve not to sin again with the help of your grace.
    God, be merciful to me, a sinner.
    Divine heart of Jesus, convert sinners, save the dying,
    Deliver the holy souls in purgatory.
    I ask this through the Sacred Heart of Jesus.  Amen.

    Lus Hmoob:

    Huab Tais Yes Xus lub Plawv Ntshiab, thov koj khuv leej kuv, uas yog ib tug neeg txhaum;
    Tswv Ntuj, thov koj zam kuv cov txhaum hauv tas kuv lub neej huv tib si rau kuv;
    Kuv cov txhaum thaum yav hluas thiab kuv cov txhaum thaum yav laus,
    Kuv cov txhaum nyob hauv kuv lub cev thiab cov txhaum nyob hauv kuv tus ntsuj plig,
    Kuv cov txhaum kuv twb daws tas lawm thiab cov kuv tsis nco qab daws lawm,
    Kuv cov txhaum kuv tau ua nyob hauv kuv lub tswv yim txoj kev xav,
    Cov nyob hauv kuv lo lus ku hais, nyob hauv tej yam kuv tau ua,
    Kuv cov txhaum uas los ntawm qhov kuv tsis tau ua tej yam zoo kuv twb yuav tsum tau ua lawm.
    Kuv tus Tswv Ntuj, kuv tu siab rau tas nrho kuv cov txhaum huv tib si,
    vim koj lub siab zoo tas nrho, tsim nyog kuv yuam tsum nyiam koj ib leeg xwb.
    Kuv txiav siab tsis xav ua txhaum ntxiv, thov koj muab koj lub txiaj ntsim los pab kuv.
    Tswv Ntuj, thov koj khuv leej kuv, uas yog ib tug neeg txhaum.
    Yes Xus lub Plawv Ntshiab, thov koj ua kom cov neeg txhaum hloov siab tig los ua qhov zoo,
    Thov koj cawm cov neeg tab tom tso lub ntiaj teb no tseg,
    Thov koj tso cov ntsuj plig nyob teb chaws them txim tawm los mus nyob saum ntuj.
    Kuv vam txog Huab Tais Yes Xus lub Plawv Ntshiab los thov.  Ua li.


    A Prayer for Daily Neglects
     
    Eternal Father, I offer Thee the Sacred Heart of Jesus, with all its love, all its sufferings and all its merits.

    First --- To expiate all the sins I have committed this day and during all my life. Glory be to the Father, and to the Son, and to the Holy Spirit. As it was in the beginning, is now, and ever shall be, world without end. Amen.

    Second --- To purify the good I have done poorly this day and during all my life. Glory Be, etc.

    Third --- To supply for the good I ought to have done, and that I have neglected this day and all my life. Glory Be, etc.

    Lus Hmoob:

    Thov Kev Zam Rau Tej Txhaum Yus Niaj Hnub Ua

    Leej Txiv nyob mus li, kuv muab Yes Xus lub Plawv Ntshiab los cev rau koj, nrog nws txoj kev hlub, nws txoj kev txom nyem, thiab nws tej txiaj ntsim koob hmoov tas huv tib si.

    Ib  --- los them rau cov txhaum kuv tau ua hnub no thiab rau cov kuv tau ua hauv tas kuv lub neej.
    Huab Tais Leej Txiv, Huab Tais Leej Tub, huab Tais Leej Ntuj Plig muaj koob meej nto moo lug,lub zim txwv no mus txog fab lwm txheej, xws li txheej laus thaud los. Ua li.

    Ob --- los ua kom tej yam zoo kuv tau ua ua dog ua dig hnub no thiab hauv tas kuv lub neej kom zoo tuaj ntshiab tuaj.
    Huab Tais Leej Txiv, Huab Tais Leej tub, Huab Tais Leej…

    Peb--- los ntxiv rau tej qhov zoo uas kuv yuav tsum tau ua, tiam sis kuv tsis tau ua hnub no thiab nyob hauv tas kuv lub neej.
    Huab Tais Leej Txiv, Huab Tais Leej tub, Huab Tais Leej…


    Sponsored content

    TEJ ZAJ THOV NTUJ RAU LUB CAIJ RAUG TXOM NYEM Empty Re: TEJ ZAJ THOV NTUJ RAU LUB CAIJ RAUG TXOM NYEM

    Post  Sponsored content


      Current date/time is 26th May 2020, 9:24 pm