2018 MUS TEEV NTUJ tim DAIM AV NTSHIAB (Israël)

Hnub tim 30/10/ mus txog rau tim 08/11/2018, Ntxhoo wb tau nrog ib pab fab kis peb muaj tag nrho yog 50 leej tau mus teev Ntuj ncig Daim Av Ntshiab (His Las Lais teb). Tus Txiv Plig coj peb, nws txeev coj neeg mus ncig tej chaw ntshuab teev Ntuj, nws muaj kev sib fim zoo nrog rau tsoom nom tswv thiab tej tswj kav; li ntawd peb mus tsham teev Ntuj zaum no kuj yog ua rau peb paub txog lub teb chaws kev tswj kav, noj haus thiab lub neej ntxiv rau txoj kev ntseeg ntau yam. Peb mus raws li Ntawv Ntshiab tau sau tseg, kuj yog mus raws Has Nplas Has tej chaw nyob chaw tsiv los mus rau Yas Kos tej kev tsiv los mus rau tej chaws uas phau Ntawv Cog Lus tshiab tau teev tib si, peb tsis tau mus rau sab Mais Xes coj hais His Xas Lais los nyob suab puam vim txoj kev tsis thoob, tsis muaj kev thaj yeeb, muaj kev plhom sij peb thiaj li tsis mus. Txhua hnub peb mus nce kiag car xwb ces peb xub teev Ntuj me ntsis, mus txog tej qhov chaw ntshiab kuj rov teev Ntuj thiab nyeem ib zaj Ntawv Ntshiab raws li tau tshwm sim rau qhov chaw ntawd thiab teev Ntuj me ntsis, peb kuj muaj Mis Xas txhua Hnub rau ib qhov chaw Ntshiab uas peb mus txog ntawd. Dua li txhua hnub kuj muaj cov neeg tseem ceeb tuaj tham txog lawv lub neej los yog lawv txoj hauj lwm thiab tej koom haum loj keeb kwm nrog rau tes dej num rau peb mloog. Peb tau ntsib ntau tus nom tswv loj...Kev mus los thiab noj haus kuj yog lawv txais peb zoo kawg nkaus vim tus Txiv Plig coj peb paub tej qhov chaw zoo heev txais peb.

Hnub 1- Has Nplas Has tej chaw tsiv tom Uj (Ur) los rau teb chaws suab puam Beersheba.



Lub teb chaws uas Tswv Ntuj kom Has Nplas tso nws niam nws txiv tseg rau tom Uj es los nyob lub teb chaws uas Tswv Ntuj yuav muab rau nws.



Ntawv Hauv Paus: 21,22-34.
Has  Nplas  Has  thiab  As  Npis  Mes
Les nyob Npes Xas Npes.  

22    Thaum  lub  caij  ntawd,  As  Npis  Mes
Les  nrog  nws  tus  thawj  tub  rog  Pis  Kos
tuaj hais rau Has Nplas Has tias :  
"Vim Tswv Ntuj pab koj nyob hauv txhua
yam  uas  koj  ua.    23    Ua  li  mas,  zaum  no
koj cog lus rau kuv ntawm Tswv Ntuj xub
ntiag tias  koj  yuav tsis  dag  kuv, thiab tsis
dag  kuv  caj  ces,  kuv  tsev  neeg,  thiab  koj
yuav  nrog  kuv  ntaus  phooj  ywg,  thiab
ntaus  phooj  ywg  rau  lub  teb  chaws  uas
koj  tuaj  poob  no,  ib  yam  li  kuv  tau  nrog
koj ntaus phooj ywg."  
24  Has Nplas Has teb hais tias :  
"Kuv cog lus li ntawd !"  
25    Has  Nplas  Has  hais  rau  As  Npis  Mes
Les  txog  lub  qhov  dej  uas  As  Npis  Mes
Les  cov  tub  txib  tau  liam  cai  siv.    26    As
Npis Mes Les teb tias :  
"Kuv  tsis  paub  leej  twg  yog  tus  tau  ua  li
ntawd.    Koj  tsis  tau  hais  qhia  rau  kuv  ib
zaug  li.    Kuv  nyuam  qhuav  hnov  txog
qhov ntawd hnub no xwb."  
27    Has  Nplas  Has  muab  yaj  muab  nyuj
ua  paj  tshab  pub  rau  As  Npis  Mes  Les,
ces nkawd  muaj kev sib cog  lus.  28  Has
Nplas Has  muab  xya  tus  me  nyuam yaj  
28
los tso rau ib cag.    29   As Npis Mes Les
nug nws tias :  
"Cas  koj  muab  xya  tus  me  nyuam  yaj  los
tso rau ib cag li no ?"  
30  Has Nplas Has teb tias :  
"Yog  muab  rau  koj,  koj  yuav  tsum  yuav
xya  tus  me  nyuam  yaj  no  los  ua  puav
pheej  tias  kuv  yog  tus  uas  tau  khawb  lub qhov dej."  
31    Vim  li  no  thaj  chaw  ntawd  thiaj  tau
lub  npe  tias  Npes  Xas  Npes,  vim  nkawd
ob leeg sib cog lus nyob ntawd.  
32   Thaum  nkawd  tau  cog  lus  nyob  Npes
Xas  Npes  tas  lawm,  As  Npis  Mes  Les
sawv  kev  nrog  nws  tus  thawj  tub  rog  rov
qab mus rau teb chaws Fis Lis Tis.  
33    Has  Nplas  Has  cog  ib  tsob  ntoo  rau
ntawm  Npes  Xas  Npes,  ces  nws  hu  txog
tus HUAB TAIS   Tswv Ntuj nyob  mus  li  
lub npe nyob ntawd.  
34    Has  Nplas  Has  nyob  ntev  xyoo  hauv
lub teb chaws Fis Lis Tis.

Thaj chaw suab puam nco txog Mais Xes coj cov Hias Xas Lais tsiv los rau teb chaws suab puam muaj ntsis thooj li qhov peb mus nov. Peb twb nyob tsis deb ntawm Mais Xes tej chaw tsiv tab sis peb mus tsis txog vim cov nom tswv hais tsis sib haum lawv cov nrim teb nrim dej nrim av li ntawd thiaj tsis muaj kev ywj pheej rau sawv daws mus ncig. taug kev toj roob hauv tsua quav li qhaw, tshwv kub kub twb sis tsho qhuav qhawv xwb xav tias ua cas tsis tawm hws li no tab sis qhov tseeb, kub thiab qhuav dhau ces hws tawm kiag xwb twb qhuav tag lawm yus thiaj li qhuav qhawv xwb. Nco txog thaum Mais Xes xuas nws tus pas nrig nkaug phab tsua tau dej txaus cov His Xas Lais haus mas tsuas yog Tswv Ntuj xwb thiaj li yuav ua tau tej yam loj ua luaj li.

Kev tsiv: 17,1-7
Dej txhawv ntawm phab tsua los.  

1    Tsoom  tub  ki  His  Xas  Lais  tso
lub   hav   suab   puam   Xees   tseg,
lawv  mus  ntxiv  raws  li  HUAB  TAIS  tau
hais  kom  lawv  yuav  tsum  maj  mam  tsiv
zuj  zus  ib  qho  rau  ib  qho.    Lawv  los  tsa
tsev  nyob  rau  Les  Fis  Dis,  nyob  ntawd
tsis  muaj  dej  rau  tsoom  pej  xeem  haus.    
2    Ces  lawv  npau  taws  rau  Mais  Xes, lawv hais tias :  
"Koj cia li muab dej los rau peb   haus !"  
Mais Xes hais rau lawv tias :  
"Vim li cas nej npau taws rau kuv ?  Vim
li cas nej xav sim HUAB TAIS ?"  
3    Tsoom  pej  xeem  nqhis  dej,  lawv  yws
yws rau Mais Xes tias :  
"Ua  cas  koj  thiaj  coj  peb  tawm  Hais
Nkws  Tos  teb  los  ?    Puas  yog  koj  xav
kom  kuv  tuag  dej,  kuv thiab kuv  cov  me
nyuam thiab kuv cov tsiaj peb sawv daws tuag dej ?"  
4    Mais  Xes  tsa  suab  hu    HUAB  TAIS hais tias :  
"Kuv  yuav  ua  li  cas  rau  haiv  neeg  no  ?
Tshuav  me  ntsis  xwb  ces  lawv  yuav  xuas
pob zeb txawb kuv."  
5   HUAB TAIS hais rau Mais Xes tias :  
"Koj mus ua tsoom pej xeem ntej, koj coj
ob  peb  tug  txwj  laus  His  Xas  Lais  nrog
koj mus.  Koj nqa koj rab pas nrig ntawm
tes,  yog  rab  pas  uas  koj  tau  siv  los  ntaus
tus  niam  dej  nyob  Hais  Nkws  Tos,  koj
mus.  6  Kuv yuav mus ua koj ntej,  saum
lub tsua,  nyob saum roob Hos Les tos koj
tuaj.    Koj  yuav  ntaus  lub  tsua,  ces  dej
yuav  txhawv  tawm   los  rau  tsoom  pej xeem  haus."  
Mais Xes ua raws li  ntawd, cov txwj  laus
His   Xas   Lais   ntsia   ntsoov   nws   ua.            
7    Mais  Xes  tis  npe  rau  thaj  chaw  ntawd
hu  ua  Mas  Xas  thiab  Mes  Lis  Npas,  vim
nyob  ntawd,  cov  His  Xas  Lais  nrhiav  lus
rau  nws  thiab  lawv  sim  HUAB  TAIS, lawv hais tias :  
"HUAB TAIS puas nrog peb nyob los tsis nrog ?

Lub qhov dej nov yog cov nabatéens khawb, pob zeb pob tsuas xwb twb sis dej yog ib qho muaj nqes heev rau suam teb chaws suab puam ces lawv khawb pob tsuas kom tauv tau dej ntau. Lawv khuv khuv xim tsam tshav kub ces ua rau dej nqes, tsis muaj xyoob nto ib ncig li tab sis lawv tseem mus txiav tau ntoo los vov thiab. Peb mus pom ib ncig tag nro puav leej yog roob pob zeb pob tsuas qhuav qhawv xwb tsuas yog tib qhov nov thiaj li muaj ib tug me nyuam dej txia thiab lawv khawb tau lub pas nov muaj dej ntau hauv xwb.







Lub Roob Nes Npos uas Mais Xes tuag.



Tuaj tim lub roob Nes Npos ntsia los mus rau sab His Xas Lais teb li Tswv Ntuj kom Mais Xes ntsia.

Ntawv Cog Qub Lus (Xam Phaj 34,1-12) hais txog Mais Xes tuag. (khoom mam tuaj txhais.)

Mort de Moïse (Deutéronome 34.1-12)
34 Moïse monta des plaines de Moab sur le mont Nebo, au sommet du Pisga, vis-à-vis de Jéricho. L'Eternel lui fit voir tout le pays:
2 Galaad jusqu'à Dan, tout Nephthali, le pays d'Ephraïm et de Manassé, tout le pays de Juda jusqu'à la mer Méditerranée,
3 le Néguev, les environs du Jourdain, la vallée de Jéricho, la ville des palmiers, jusqu'à Tsoar. 4 L'Eternel lui dit: «Voilà le pays que j'ai juré de donner à Abraham, à Isaac et à Jacob en disant: 'Je le donnerai à ta descendance.' Je te l'ai fait voir de tes yeux, mais tu n'y entreras pas.»
5 Moïse, le serviteur de l'Eternel, mourut là, dans le pays de Moab, conformément à l'ordre de l'Eternel.
6 L'Eternel l'enterra dans la vallée, dans le pays de Moab, vis-à-vis de Beth-Peor. Personne n'a su où était son tombeau jusqu'à aujourd'hui.
7 Moïse était âgé de 120 ans lorsqu'il mourut. Sa vue n'était pas affaiblie et il n'avait pas perdu sa vigueur.
8 Les Israélites pleurèrent Moïse pendant 30 jours dans les plaines de Moab. Puis les jours de pleurs et de deuil sur Moïse arrivèrent à leur terme.
9 Josué, fils de Nun, était rempli de l'Esprit de sagesse car Moïse avait posé ses mains sur lui. Les Israélites lui obéirent et se conformèrent aux ordres que l'Eternel avait donnés à Moïse.
10 Il n'a plus surgi en Israël de prophète semblable à Moïse, que l'Eternel connaissait face à face.
11 Personne ne peut lui être comparé pour tous les signes et les miracles que Dieu l'a envoyé faire en Egypte contre le pharaon, contre ses serviteurs et contre tout son pays,
12 et pour tous les actes terrifiants que Moïse a accomplis avec puissance sous les yeux de tout Israël.

Hnub 2 sawv ntxov peb caij tsheb nce ntawm Arad mus rau Naj Xas Les, peb hla Hiav Txwv Tuag, mus rau Npes Xais Das Haus Paus Xas Lus Pob Zeb, As Nres, Yas Kos tus Hlob, Hauv Paus Xas Lus Zam, Fis Lis Pos thiab Nas Tas Nais Ees lawv qhov chaw nyob ua ntej ntsib Yes Xus thiab yog qhov chaw uas Yes Xus nto qaub ncaug ntse av los pleev tus dig muag qhov muag zoo.

Dhau ntawd peb mus Ein-Guédi qhov chaw uas thaum vaj Xas Ws caum Das Vis tua es Das Vis tsis xav tua Xas Ws ces nws txiav Xas Ws tw tsho.

Peb hla Qumrân tej chaw uas Zam Ntxuav Plig tshaj Ntuj Lus los rau ntawm ntug dej Yos Las Das qhov chaw Yes Xus ntxuav plig.

Los mus rau Yes Li Kos uas tus dig muag hu Yes Xus tias: "Huab Tais, Das Vis leej tub, koj khuv leej kuv os" thiab Ntxas Xes nce txiv ncuav pias saib Yes Xus dhau kev.

Tuaj ntawm Yes Lis Kos ntsia mus rau lub roob Nebo uas Mais Xes los tuag, yog lub roob uas Tswv Ntuj kom nws ntsia mus pom lub teb chaws uas Tswv Ntuj yuav muab rau Nws haiv neeg.

Peb mus noj sus hauv nroog Yes Lis Kos tag peb mus rau lub roob uas dab phem ntxias Yes Xus thaum Yes Xus mus nyob suab puam tau 40 hnub.

Peb mus txog Naj Xas Les twb yuav luag tsaus ntuj. Peb mus ua mis xas thiab muab chaws pw hauv cov Phauj Naj Xas Les, lawv txais peb zoo kawg nkaus.



Peb nqes mus rau Hiav Txwv Tuag,



Sawv ntsia mus rau ntawm Hiav Tswv Tuag.
Lawv tis npa hu ua Hiav Tswv Tuag vim daw ntsev heev, tsis muaj yam dab tsi ciaj sia tau rau hauv ces thiaj li hu ua Hiav Tswv Tuag. Dej ntuj thiab hiav txwv qab ntse 2-4% xwb. Hiav Tswv Tuag dab nqev txog 27,5% yog qhov hiav txwv uas daw ntsev tshaj hauv ntiaj teb no. Nws nyob qes tshaj nplaim hiav txwv -npoo av)  lawm -429 mev. Tau muaj 50 xyoo los no ib xyoos twg dej nqeg lawm 1,45 mev. Tam sim no dej nqeg tshaj lawm 1/3 peb. Lawv tseem yuav npaj nqus dej pem hiav txwv Liab los txhab rau. Vim neeg nyob coob ces cov me dej thiab tus dej Yos Las Das uas ntws los yug lub pas dej nov raug muab cais mus siv thiab mus ywj liaj teb tag ces thiaj tsis muaj dej los yug lub hiav txwv Tuag no.

Mav Xas Das.

Mas Xas Das yog cov Hes Los lub tsev so thaum lub caij ntuj no. Tom qab Hes Los txhij tau lub nroog Xes Ntxas Les (Sésarée) cav txog Xes Ntxas lub koob meej ua vaj txheeb Los Mas, nws txhim nws lub Tuam Vaj Loog ua 3 theem rau ntawm npoo roob siab li 460mev. Tom qab Yes Xus tuag tas xyoo 72, cov Yus Das sawv tawm tsam Los Mas. Cov Los Mas rhuav lub Tuam Tsev teev Ntuj tom Yes Lus Xas les tag, cov yus das uas swb khiav los sib sau rau Massada, yog cov chaw uas cov Yus Das tawm tsam zaum kawg uas lub teb chaws His Xas Lais raug ploj npe hauv ntiaj teb nov los txog rau xyoo 1948 tom qab ua Rog Ntiaj Teb zaum 2 uas cov Yus Das raug His Lawj txov nyob sab Yus Lauv. Thaum cov Los Mas tuav cov Yus Das tawm tsam lawv thiab hlawv lus Tuam tsev teev Ntuj, lawv muab Yus Das cov thawj tawm tsam thiab cov Phas Lis Xais, thoov xwm txoj cai ntsia saum ntoo cuam tshaj 3.000 leej. Cov los mas vij Mas Xas Das tau 7 lub hlis, lawv muab cov yus das uas lawv ntes tau coj mus ua leem phiaj thaiv lawv hauv ntej mus tua Mas Xas Das. Thaum cov los mas ua tau npaj tau twj txaus lawv thiaj mam li ntau Mas Xas Das tawg. Niaj hnub no Massada yog cov Yus Das ib qho chaw teev hawm txog keeb kwm lawv tau poob cev qhev tau yuav luag 2000 xyoo mam li rov los txhim dua lawv lub teb chaws.

Peb hla ntawm Ein-Gedi, ntug Hiav Txwv Tuag sab hnub poob, yog thaj chaw thaum Das  Vis  tau  kev  muab  Xas  Ws  tua, tab sis nws tsis tua.  

1 Xas Muas:  24, 1 - 21.
1    Das  Vis  tso  thaj  tsam  ntawd
tseg, nws mus nyob pem cov qhov
tsua Es Nkas Dis.    
2    Xas  Ws  mus  caum  cov  Fis  Lis  Tis.  
Thaum nws rov qab los, luag hais rau nws  tias :  
"Das  Vis  mus  pem  thaj  suab  puam  Es Nkas Dis lawm."  
3    Xas  Ws  thiaj  sau  peb  txhiab  leej  neeg
nyob  hauv  tsoom  His  Xas  Lais,  nws  kom
lawv  mus  nrhiav  Das  Vis  thiab  Das  Vis
pab   neeg   ntawm   cov   pob   tsuas   Sai.          
4  Xas Ws tuaj txog ntawm cov nkuaj yaj
uas  nyob  ntawm  ntug  kev.    Nyob  ntawd
muaj  ib  lub  qhov  tsua.  Xas  Ws  mus  so nyob hauv.  
Das Vis thiab nws pab tub rog twb nkaum
hauv   lub  qhov  tsua  ntawd  lawm thiab.  
5   Cov tub  rog  hais  rau  Das  Vis  tias :  
"Txog  hnub  HUAB TAIS  qhia koj tias :  
'Kuv  tso  koj  tus  yeeb  ncuab  rau  hauv  koj
txhais  tes.    Koj  ua  rau  nws  ywj  koj  siab mas."
Das  Vis  sawv,  nws  nyiag  mus  txiav  Xas
Ws  ib  sab  tw  tsho  tshaj  sab.    6    Nws
ntshai, nws lub plawv dhia heev, vim nws
txiav tau Xas Ws ib sab tw tsho tshaj sab
lawm.    7    Nws  hais  rau  nws  pab  tub  rog tias :  
"Thov  kom  HUAB  TAIS  txhob  cia  kuv
ua  phem  rau  kuv  tus  Huab  Tais  !    Kuv
txhob  tua  Xas  Ws,  vim   Xas  Ws  yog
HUAB TAIS tus pleev."  
8    Ces  Das  Vis  hais  tej  lo  lus  tawv  txwv
tsis pub nws pab tub rog dhia mus tua Xas
Ws.  Xas Ws sawv, nws tawm  hauv  qhov
tsua, nws mus taug nws txoj kev ntxiv.  
9  Das Vis thiaj sawv, nws kuj tawm hauv
qhov  tsua  mus,    nws  hu  Xas  Ws  nrov nrov  tias :    
"Kuv tus tswv huab tais !"    
Xas  Ws  tig  ntsia  rov  tom  qab.    Das  Vis
khoov thiab pe Xas Ws.   10  Das Vis hais rau Xas Ws tias :  
"Ua cas koj ntseeg cov neeg uas lawv hais
rau  koj  tias  Das  Vis  nrhiav  ua  phem  rau
koj  ?    11    Hnub  no,  koj  qhov  muag  pom
tias HUAB TAIS  muab koj rau hauv kuv
txhais  tes  lawm  nyob  hauv  lub  qhov  tsua
no.  Kuv tsis  kam  muab koj tua.  Kuv cia
koj  ciaj.    Kuv  tau  hais  tias  kuv  txhais  tes
yuav  tsis  tua  kuv  tus  huab  tais,  vim  nws
yog HUAB TAIS tus pleev.  12  Txiv, koj
ntsia  koj  lub  tsho  ib  sab  nyob  hauv  kuv
txhais  tes  no.    Kuv  tau  txiav  koj  lub  tsho
ib  sab,  tab  sis  kuv  tsis  tau  muab  koj  tua.  
Koj  yuav  tsum  lees  tias  kuv  lub  siab  tsis
xav  ua  phem  rau  koj,  tsis  xav  muab  neeg
tua.    Kuv  tsis  tau  ua  txhaum  rau  koj,  hos
koj nrhiav kev ntes kuv thiab txo kuv txoj
sia.    13    Kuv  thov  kom  HUAB  TAIS
txiav saib puas yog kuv los  yog koj muaj
txhaum.    Kuv  thov  kom  HUAB  TAIS
pauj rau koj.  Tab sis  kuv txhais tes  yuav
tsis kov koj li. 14  Tej laus qhia hais tias:
Cov  neeg  phem  rho  txoj  kev  phem  tawm
los.  Ua  li  mas  kuv  yuav  tsis  tsa  tes  ntaus
koj.    15    Vaj  His  Xas  Lais,  koj  taug  txoj
kev  ntaus rog, koj xav tua leej twg ?  Koj
caum  leej  twg  ?    Koj  caum  ib  tug  dev    
lod  ?    Los  koj  caum  ib  tug  nyuag  dev  
mub ?   16  Cia HUAB TAIS ua tus txiav
txim  rau  wb.    Kuv  thov  kom  nws  ntsuas
kuv  cai  thiab  npo  kuv  ntawm  koj  txhais tes."
17    Thaum  Das  Vis  hais  li  ntawd  tas  rau
Xas   Ws,   mas   Xas   Ws   hais   tias   :  
"Kuv  me  tub  Das  Vis,  puas  yog  koj  lub suab tiag ?"  
18    Ces  Xas  Ws  quaj  nrov  nrov.    Nws
hais rau Das Vis tias :
"Koj  siab  ncaj  dua  kuv.    Vim  koj  ua  zoo
rau  kuv,  hos  kuv  kawg  ua  phem  rau  koj
xwb.   19   Hnub no koj tseem tau ua zoo
tshaj   rau   kuv,   vim   HUAB   TAIS   twb
muab  kuv  rau  hauv  koj  txhais  tes,  tab  sis
koj  tsis  muab  kuv  tua.   20   Thaum  ib  tug
neeg  ntsib  nws  tus  yeeb  ncuab,  nws  puas
yuav  cia  nws  tus  yeeb  ncuab  mus  taug
nws   txoj   kev   ntxiv   ?   Kuv   thov   kom
HUAB  TAIS  pub  paj  tshab  rau  koj  pauj
qhov zoo uas hnub no koj tau ua rau kuv.  
21  Nyem no kuv paub tseeb tias koj yuav
ua vaj, thiab txoj kev ua vaj tswj His Xas  
Lais  yuav  nyob  ruaj  nreb  hauv  koj  txhais tes."

Nroog Qumram txhim 134-104 ua ntej Yes Xus, raug rhuav 68-70 tom qab Yes Xus thaum cov Yus Das ntxeev siab rau cov Los Mas, cov Los Mas tua His Xas Lais puas tsuaj. Yog Zam Ntxuav Plig tej chaw nyob thiab chaw tshaj Ntuj Lus.

Zam Ntxuav Plig qhuab qhia.
MT.3 : 1 - 6.
1    Muaj  ib  ntus,  Zam  Ntxuav  Plig  
mus  ntuas  tsoom  sid  nyob  hauv  teb
chaws  suab  puam  Yus  Das.    2    Nws  hais tias :  
"Nej  hloov  siab  mog,  vim  Ntuj  lub  Ceeb
Tsheej los txog ze lawm."  
3  Nws yog tus uas yaj saub His Xais hais txog  tias  :
Tus  qw  hauv  teb  chaws  quav
poj  lub  suab  hais  tias  :  Nej  npaj  txoj  kev
rau  Huab  Tais,  nej  ua  kom  nws  txoj  kev ncaj tuaj.
4      Zam   cov   ris   tsho   yog   xuas  plaub
ntxhuav ua, nws sia ib daim siv tawv tsiaj
ncig  nws  lub  duav.    Nws  noj  kooj  thiab
zib mu qus.  5  Tas cov nyob Yes Lus Xas
Les,  cov  nyob  Yus  Das  teb, thiab  cov
nyob  ib  thaj  tsam  raws  tus  dej  Yos  Las
Das  puav  leej  tuaj  cuag  Zam.    6    Lawv
lees  txhaum,  thiab  thov  nws  ntxuav  lawv
nyob hauv tus dej Yos Las Das.  



Zam 1,28
28  Tej  ntawd tshwm sim tuaj  nyob Npes
Tas  Nias,  nyob  sab  dej  Yos  Las  Das  tim
ub,  ntawm  thaj  chaw  uas  Zam  ua  kab  ke ntxuav.

Zam:1,6-15
6    Muaj  ib  tug  neeg  tuaj,  yog  Tswv  Ntuj
xa nws tuaj.  Nws lub npe hu ua Zam.  
7  Nws  yog  ib tug tim  khawv tuaj ua pov
thawj txog qhov pom kev, kom txhua leej
txhua  tus  ntseeg  vim  nws.    8    Tus  ntawd
tsis  yog  qhov  pom  kev,  tab  sis  nws  yuav
ua tim khawv txog qhov pom kev.
9    Qhov  pom  kev  uas  yog  qhov  tseeb,  ci
tuaj  ziab  txhua  leej  tib  neeg,  nws  tuaj
nyob  hauv  lub  sim  ceeb.    10    Nws  yeej
nyob  txawm  hauv  lub  sim  ceeb  no.    Yog
nws ua kom  muaj lub sim  ceeb  no tshwm
los,  tsis  kav  lub  sim  ceeb  tsis  paub  nws.  
11  Nws los  nyob hauv  nws tsev, tsis kav
nws cov  neeg tsis txais  nws.  12  Tab sis,
cov  neeg  uas  txais  nws  thiab  ntseeg  txog
nws lub npe,  mas nws pub hwj huam rau
lawv   kom   los   ua   Tswv   Ntuj   cov   me
nyuam tas huv tib si.  13  Cov ntawd, yog
cov  uas  tsis  yug    ntawm  ntshav  los,  tsis
yog lub cev nqaij xav kom  lawv  yug los,
thiab  kuj  tsis  yog  neeg  lub  siab  xav  kom
lawv  yug  los.    Lawv  yog  cov  yug  ntawm
Tswv Ntuj  los. 14  Ces Leej Lo Lus xeeb
los  ua  ib  lub  cev  neeg,  nws  nrog  peb  
nyob.    Peb  tau  ntsia  ntsoov  nws  lub  hwj
chim.    Yog    lub  hwj  chim  uas  Leej  Tub
twm  zeej  tau  ntawm  Leej  Txiv  los.    Leej
Tub  muaj  txiaj  ntsim  thiab  qhov  tseeb
nyob puv hauv nws.
15  Zam ua tim khawv txog Leej Lo  
Lus : Zam tshaj hais tias :  
"Tus no yog tus kuv hais txog tias, tus uas
lawv kuv qab tuaj, mus ua kuv ntej lawm,
vim nws xub nyob dua kuv."  

Zam  ua tim khawv.  1 : 19 - 35.
19  Thaum cov Yus Das xa ib co leej choj
thiab  ib  co  les  vis  tuaj  ntawm  Yes  Lus
Xas Les mus nug Zam hais tias :
"Koj yog leej twg ?"  
Mas Zam ua tim khawv zoo li no :  
20  Zam lees, nws tsis zais, nws lees tias :
"Kuv tsis yog Leej Pleev."  
21  Lawv nug Zam tias :  
"Ua li koj yog leej twg ?  Koj puas yog Es Lias ?"  
Zam hais tias :
"Kuv tsis yog."  
"Koj puas yog tus Yaj Saub ?"  
Zam teb tias : "Tsis yog."  
22  Lawv thiaj hais rau nws tias :  
"Koj yog leej twg ?  Peb yuav tsum coj ib
lo lus teb rov mus rau cov xa peb tuaj.
Koj hais dab tsi txog koj ?"  
23  Zam hais tias :
"Kuv  yog  tus  neeg  nyob  hauv  teb  chaws
quav  poj  lub  suab  qw  tias  :  Nej  ua  kom
Huab  Tais  txoj  kev  rov  tiaj,  raws  li  yaj
saub His Xais tau hais tseg."
24    Cov  uas  lawv  xa  tuaj  yog  ib  co  Fas
Lis Xais.  25  Lawv nug Zam tias :  
"Koj tsis yog Leej Pleev, tsis yog Es Lias,
thiab tsis yog tus Yaj Saub, vim li cas koj
thiaj ua kab ke ntxuav ?"  
26  Zam teb rau lawv tias :  
"Kuv  ua  kab  ke  ntxuav  nyob  hauv  dej.  
Hos  nyob  hauv  nej,  muaj  ib  tug  uas  nej
tsis  paub,    27    tus  ntawd  yuav  lawv  kuv
qab  tuaj,  kuv  tsis  tsim  nyog  daws  nws txoj hlua khau."  
28  Tej  ntawd tshwm sim tuaj  nyob Npes
Tas  Nias,  nyob  sab  dej  Yos  Las  Das  tim
ub,  ntawm  thaj  chaw  uas  Zam  ua  kab  ke ntxuav.  
29    Hnub  tom  qab,  Zam  pom  Yes  Xus
tuaj ze ntawm nws, nws hais tias :  
"Nej  ntsia    Tswv  Ntuj  tus  Yaj,  tus  daws
qab ntuj neeg cov txhaum.  30  Tus ntawd
yog tus uas kuv hais txog nws tias : Muaj
ib  tug  neeg  lawv  kuv  qab,  nws  yuav  tuaj,
nws  twb  huas    kuv  ntej  lawm,  vim  nws
xub nyob  dua kuv.  31  Kuv tsis tau paub
nws,  tab  sis  kuv  tuaj  ua  kab  ke  ntxuav
nyob  hauv  dej  kom  xwv  nws  tawm  los
rau His Xas Lais pom xyeem."
32    Ces  Zam  ua  tim  khawv  hais  tias  :
"Kuv  pom  Leej  Ntuj  Plig  nqes  saum  ntuj
xws li ib tug nquab los rau saum nws.  
33    Kuv  tseem  tsis  tau  paub  nws,  tab  sis
Tus  xa  kuv  tuaj  ua  kab  ke  ntxuav  hauv
dej,  nws  hais  rau  kuv  tias  :  Tus  uas  koj
yuav  pom  Leej  Ntuj  Plig  nqes  los  nyob
saum    nws,  mas  nws  yog  tus  ua  kab  ke
ntxuav nyob hauv Leej Ntuj Plig Ntshiab.    
34    Kuv  tau  pom,  ces  kuv  ua  tim  khawv
tias nws yog Tswv Ntuj tus Xaiv."  









Yes Xus txais kab ke ntxuav.
MT: 3,13 - 17.
13    Lub  zim  txwv  ntawd,  Yes  Xus  tawm
hauv  xeev  Nkas  Lis  Lais  mus  cuag  Zam
ntawm  tus  dej  Yos  Las  Das,  kom Zam ua
kab ke ntxuav rau nws.  14  Zam tsis kam, Zam hais tias :  
"Kuv  yog  tus  yuav  tsum  thov  koj  ntxuav
kuv, tab sis, koj ho tuaj cuag kuv."  
15  Yes Xus teb rau Zam tias :  
"Nyem  no,  cia  koj  ua  rau  kuv  :  wb  thiaj
tau  ua raws txoj kev ncaj."  
Ces Zam ua raws li Yes Xus hais.  
16    Yes  Xus  txais  kab  ke ntxuav tas, nws
tawm  hauv  dej  los  tim  ntug  nqhuab  tam
sis  ntawd.    Ces  ntuj  qhib  plho  :  Zam  pom
Tswv  Ntuj  tus  Ntsuj  Plig  nqes  xws  li  ib
tug    nquab    los    rau   saum   Yes   Xus.          
17   Thiab ib lub suab nrov saum ntuj tuaj hais tias :  
"Tus no yog kuv Leej Tub uas kuv nyiam.  
Nws yog kuv qhov chaw zoo siab."

Yos Xuas 3 : 7 + 10a - 11 + 13 - 17.: Tsoom His Xas Lais hla tus dej Yos Las Das.

7 HUAB TAIS hais rau Yos Xuas tias :
"Hnub no, kuv yuav ua kom koj loj tuaj
rau tas tsoom His Xas Lais pom, kom
lawv paub tias kuv yuav nrog koj ib yam
li kuv nrog Mais Xes. Koj yuav ceeb
toom rau cov Leej Choj kwv lub Xab Cog
Lus li no : thaum nej mus txog ntawm
ntug dej Yos Las Das lawm, nej yuav mus
nyob hauv nruab nrab tus dej."
Ces Yos Xuas hais rau cov His Xas Lais tias :
"Nej txav los mloog HUAB TAIS Tswv Ntuj cov lus !"
10 Yos Xuas hais tias :
"Nej yuav pom tias Tswv Ntuj yog
ib tug Tswv Ntuj muaj txoj sia nyob hauv
nruab nrab nej, vim nej yuav pom ib yam
zoo li no : 11 HUAB TAIS uas yog tus
Tswv kav tas lub ntiaj teb, nws lub Xab
Cog Lus yuav hla tus dej Yos Las Das ua
nej ntej. 13 Thaum cov Leej Choj kwv
HUAB TAIS lub Xab Cog Lus mus tsuj
cov dej Yos Las Das, mas tam sim ntawd
dej yuav tsis ntws ntxiv. Cov dej yuav
nres ua ib pawg nyob pem hauv dej !
14 Thaum tsoom pej xeem His Xas
Lais sawv kev mus hla tus dej Yos Las
Das, mas cov Leej Choj kwv lub Xab Cog
Lus mus ua sawv daws ntej.
15 Thaum ntawd yog lub caij sau
nplej, tus dej Yos Las Das phwj dhau ob
sab ntug. 16 Cov kwv lub Xab Cog Lus
nyuam qhuav txog ntawm ntug dej Yos
Las Das xwb, cov Leej Choj ko taw
nyuam qhuav tsuj cov dej, ces cov dej
ntws pem hauv los theem kiag, thiab dej
teev kiag ua ob lub pas dej siab siab nyob
ob sab, txij As Das mus txog lub yeej Xas
Taas. Hos cov dej nram hav ntws mus
txog lub hiav txwv daw ntsev hu ua hiav
txwv As Las Npas. Tsoom pej xeem hla
dej ncaj ntawm lub tsheej Yes Lis Kos.
17 Cov Leej Choj uas lawv kwv lub Xab
Cog Lus, lawv sawv ntsug nyob hauv
nruab nrab tus dej Yos Las Das, lawv ko
taw qhuav tsis ntub dej, thiab tas tsoom
His Xas Lais kuj hla dej, ko taw tsis
ntub dej li. Tas haiv His Xas Lais hla dej zoo li ntawd.

Tus dig muag nyob Yes Lis Kos.
Lus Kas 18 : 35 - 43.
35 Thaum Yes Xus tuaj yuav txog Yes
Lis Kos, muaj ib tug dig muag zaum thov
khawv ntawm ntug kev. 36 Nws hnov ib
pab neeg taug kev, nws nug saib yog dab
tsi. 37 Luag qhia nws tias yog Yes Xus
Nas Xas Les hla tuaj mus. 38 Ces nws
tsa suab hu nrov tias :
"Yes Xus, Das Vis Leej Tub, thov koj khuv leej kuv !"
39 Cov uas mus kev tom hauv ntej cem
nws kom ua twj ywm, tab sis nws haj
yam hu nrov tias :
"Das Vis Leej Tub, thov koj khuv leej
kuv !” 40 Yes Xus nres, nws kom lawv
coj tus dig muag los rau nws. Thaum tus
dig muag los txog ze, Yes Xus nug nws tias :
41 "Koj xav kom kuv ua dab tsi rau koj ?"
Tus dig muag hais tias :
"Huab Tais, thov kom kuv rov pom kev."
42 Ces Yes Xus hais rau nws tias :
"Koj rov pom kev mas ! Koj lub siab
ntseeg cawm koj lawm."
43 Tam sis ntawd, tus dig muag rov pom
kev, ces nws raws Yes Xus mus, nws cav
txog Tswv Ntuj. Tas tsoom pej xeem
pom qhov ntawd, lawv cav lus zoo txog Tswv Ntuj.

Ntxas Kais.  19 : 1 - 10.
1    Yes  Xus  mus  hauv  Yes  Lis
Kos,  nws  hla  lub  tsheej.    2    Muaj
ib tug neeg lub npe hu ua Ntxas Kais, nws
yog  ib  tug  nom  hauv  cov  sau  se,    nws
nplua  nuj.    3    Nws  nrhiav  kom  tau  kev
pom  saib  Yes  Xus  yog  leej  twg,    tab  sis
nws  tsis  tau  kev,  vim  neeg  coob  dhau,
thiab  nws yog  neeg  qig taub.  4  Ces nws
khiav mus ua ntej, nws nce saum tsob txiv
cev  kom  tau  pom  Yes  Xus,  vim  Yes  Xus
yuav  hla  ntawd  mus.    5   Thaum  Yes  Xus
los  txog  ntawm  qhov  chaw  ntawd,  nws
tsa  muag  ntsia,  nws  hais  tias  :  "Ntxas
Kais,  koj  nqes  los  sai,  vim  hnub  no  kuv
yuav tsum mus hauv koj tsev."
6  Ntxas Kais nqes nrawm  nroos  los, nws
zoo  siab  txais  Yes  Xus.    7    Sawv  daws
pom  li  ntawd,  lawv    yws  yws  hais  tias  :
"Nws  mus  so  hauv  ib  tug  neeg  txhaum lub tsev !"  
8  Hos  Ntxas  Kais  sawv  ntsug,  nws  hais
rau Huab Tais tias :  
"Huab Tais, saib,  kuv yuav muab kuv tej
cuab  yeej  cuab  tam  ib  nrab  pub  rau  cov
pluag.    Yog  kuv  tau  ua  tsis  ncaj  rau  leej
twg,  mas  kuv  yuav  muab  plaub  npaug pauj rau nws."  
9  Yes Xus hais rau Ntxas Kais tias :  
"Hnub  no,  txoj  kev  cawm  los  txog  hauv
lub  tsev  no,    vim  tus  no  kuj  yog  Has
Nplas Has ib leeg tub thiab.  10  Vim tias
Neeg   Leej   Tub   tuaj   nrhiav   thiab   tuaj
cawm yam uas ploj lawm."






Hom ntoo txiv ncuav pias (syconore) uas Ntxas Kais nce saib Yes Xus.

Yes Xus yeej kev ntxias.
Mas Tais: 4, 1 - 11.
1 Thaum ntawd, Leej Ntuj Plig coj
Yes Xus mus rau teb chaws suab
puam kom raug dab phem ntxias. 2 Yes
Xus yoo mov tau plaub caug hnub plaub
caug hmo, ces nws tshaib plab. 3 Ces
niag ntxias neeg txav los, nws hais rau Yes Xus tias :
"Saib, koj yog Tswv Ntuj Leej Tub no,
koj hais kom cov pob zeb no txia ua mov !"
4 Tab sis Yes Xus teb tias :
"Muaj lus sau cia tias :
Neeg tsis kawg muab mov xwb los yug
txoj sia, neeg tseem muab txhua lo lus
tawm ntawm Tswv Ntuj lub ncauj los yug txoj sia thiab."
5 Dab phem tseem coj Yes Xus nrog nws
mus hauv lub Nroog Ntshiab. Ces dab
phem coj Yes Xus mus tso puag saum lub
ruv Tuam Tsev Teev Ntuj, 6 dab phem hais tias :
"Saib, koj yog Tswv Ntuj Leej Tub no,
koj dhia lawm puag hauv, vim muaj lus sau cia tias :
Ntuj yuav txib nws cov tshiab, kom lawv
nqa koj nyob hauv lawv txhais tes, kom
koj ko taw txhob dawm ib lub pob zeb li."
7 Yes Xus hais rau dab phem tias :
“Tseem muaj lus sau cia tias :
Koj yuav tsis txhob ntxias koj tus Huab Tais Tswv Ntuj.”
8 Dab phem tseem coj Yes Xus mus txog
saum ib lub roob siab siab. Nws taw cov
ceeb tsheej muaj koob meej nyob ntiaj teb
rau Yes Xus ntsia. 9 Nws hais tias :
"Yog koj txhos caug pe kuv, mas kuv
yuav muab tej ntawd tas huv si rau koj."
10 Yes Xus hais rau dab phem tias :
"Xas Tas, koj khiav mus ! Vim muaj lus sau cia tias :
Tus koj yuav pe, yog koj tus
Huab Tais Tswv Ntuj. Koj yuav teev nws tib leeg xwb."
11 Dab phem thiaj khiav ntawm Yes Xus
mus. Ces cov Tshiab txav los tsob hwb Yes Xus.

Hnub 3, peb mus Naj Xas Les rau lub Roob Tas Npos, peb tau hla lub zos Nais uas Yes Xus thiab cov thwj tim mus ntsib lawv tab tom mus faus tus poj ntsuam tus tub twm zeej uas Yes Xus tau tsa ciaj rov los. Dhau ntawd peb mus rau lub Roob Tas Npos uas Yes Xus coj Pob Zeb, Zam thiab Yas Kos Zam tij laug lawv mus, Yes Xus lub hwj chim tawm tuaj rau lawv pom ci ntsa iab. Tom qab Roob Tas Npos, peb mus xyuas lub tsev teev Ntuj Tshiab Nkas Nplias, yog ntawm lub pas dej uas Mab Liab tuaj kwv dej ais tus Tshiab Nkas Nplias tuaj tshaj lus thawj zaug rau nws tias Tswv Ntuj yuav xaiv nws ua Tswv Ntuj Leej Tub niam. Peb xyuas lub pas dej uas dej tseem niaj hnub txhawv txog lub zwj ceeb no tag peb ho los xyuas lub tsev teev Ntuj Annonciation uas yog ua rau saum Mab Liab lub qua tsev, tseem tshuav taw ntsa me ntsis. Dhau Mab Liab lub tsev, peb mus xyuas lub tsev teev Ntuj Leej Ntshiab Yos Xes thiab thaum tsaus ntuj, peb mus xyuas Yos Xes lub ntxa uas lawv nyuam qhuav nrhiav tau tsis ntev no nyob hauv cov Phauj Naj Xas Les qab tiv tsev.


Yes Xus tsa tus poj ntsuam nyob
Nas Ees tus tub sawv rov los.
Lus Kas: 7 ,11 - 17

11 Dua li ntawd, Yes Xus mus hauv ib
lub nroog hu ua Nas Ees. Yes Xus cov
thwj tim thiab ib pab neeg coob nrog Yes
Xus ua ke mus. 12 Thaum Yes Xus tuaj
yuav txog lub qhov rooj loog nkag hauv
lub nroog, luag tab tom kwv ib tug tuag
tawm tuaj txog ntawd. Yog ib leeg tub
twm zeej, hos leej niam yog ib tug poj
ntsuam. Ib pab neeg coob hauv nroog
nrog leej niam tawm tuaj. 13 Huab Tais
pom tus poj ntsuam, Huab Tais khuv leej
nws. Huab Tais hais rau nws tias :
"Koj txhob quaj."
14 Yes Xus txav los tuav lub hleb, cov
kwv hleb nres. Ces Yes Xus hais tias :
"Tus hluas, kuv hais koj : Koj sawv !"
15 Ces tus tuag sawv zaum, thiab nws
pib hais lus. Yes Xus muab tus tub hluas
ntawd cob rau nws niam. 16 Tas sawv
daws ntshai tas nrho. Lawv cav txog Tswv Ntuj tias :
"Ib tug yaj saub loj sawv los nyob hauv
peb, Tswv Ntuj tuaj xyuas nws haiv neeg."
17 Cov lus hais txog tus hluas ntawd
ncha mus thoob tas xeev Yus Das thiab ib
ncig lub teb chaws ntawd.

Lub Roob Tas Npoj yog lub roob siab tshaj ntawm His Xas Lais teb, nws siab 588 mètre attitude, nyob Nkas Lis Lais, yog lub roob uas siab tshaj nyob ntawm ib puag ncig ntawd.  Yog lub roob uas Yes Xus coj Pob Zeb, Zam thiab Yas Kos Zam tij laug lawv nce mus es Yes Xus ua nws lub hwj chim rau lawv pom xyeem. Lub Roob Thas Npoj zoo nkaus li yog Tswv Ntuj txhob txwm tsa nws lub thaj txiv Ntuj los cav txog Nws lub koob meej rau thaj chaw ntawd. Tam sim nov yog cov txiv twj cuab Franciscains yog cov zov lub tsev teev Ntuj saum ncov roob. Tsoom ntseeg txeev teev Ntuj nce ko taw mus saum roob.

Yes Xus lub hwj chim tawm los.
MT:17,1 - 8.
1    Tau  rau  hnub  tom  qab,  Yes  Xus  coj
Pob Zeb, Yas Kos thiab nws tus kwv Zam
mus rau ib qho, ces lawv nce mus saum ib
lub  roob  siab.  2  Yes Xus ib ce hloov tas
nyob  ntawm  lawv  xub  ntiag  :  nws  lub
ntsej muag ci ntsa iab zoo li lub hnub, nws
cov  ris  tsho    ci  dawb  paug  li  qhov  pom
kev.    3    Ces  Mais  Xes  thiab  Es  Lias
nkawd  tawm  los  rau  lawv  pom.    Nkawd
nrog Yes Xus tham.  
4   Pob Zeb hais rau Yes Xus tias : "Huab
Tais,  peb  nyob  ntawm  no  mas  zoo  tas
nrho.  Yog  koj  kheev  no,  kuv  yuav  ua  peb
lub  tsev  tsam  phooj,  ib  lub  rau koj, ib lub
rau Mais Xes, ib lub rau Es Lias."  
5    Pob  Zeb  tseem  tab  tom  hais  li  ntawd,
ces  muaj  ib  tw  huab  ci  dawb  paug  los
ntxoov  npog  nkaus  lawv,  ces  ib  lub  suab
hais hauv twv huab tuaj tias :  
"Tus  no,  yog  kuv  leej  tub  uas  kuv  nyiam,
nws  yog  kuv  qhov  chaw  zoo  siab,  nej
mloog nws mog !"  
6    Cov  thwj  tim  hnov  lub  suab  ntawd,
lawv  khoov  ntsej  muag  ti  av,  lawv  ntshai
kawg.   7  Tab sis Yes Xus txav los plhws
lawv, thiab nws hais rau lawv tias :  
"Nej sawv, nej txhob ntshai."  
8    Ces  lawv  tsa  muag  ntsia,  tsis  pom  leej
twg li, kawg tshuav Yes Xus tib leeg xwb.

Lub pas dej uas Mab Liab tuaj nqa dej es tus Tshiab Nkas Nplias tuaj hais rau nws thawj zaug tias Tswv Ntuj xaiv nws los ua Tswv Ntuj Leej Tub Niam. Tshiab Nkas Nplias xub tshwm ntawm pas dej nov tag mam li rov tshwm ib zaug ntxiv tom Mab Liab tsev. Raws li Yas Kos Ntawv Moo Zoo uas tsis tau muab siv hauv lub Koom Txoos tau sau tseg tias Mab Liab tuaj nqe dej ntawm tus ciav dej nov uas zaum no lawv tis npe hu ua Mab Liab lub qhov Dej no ces tus Tshiab Nkas Nplias tshwm thawj zaug rau Mab Liab pom, nws ntshai nws khiav mus tsiv nraim tim nws tsev ces tus Tshiab mam rov tshwm zaum ob rau nws ntxiv thaum ntawd Mab Liab thiaj li lees ua Tswv Ntuj ntxhais txib.

Thaum lub caij uas Mab Liab yuav xeeb tub nov mas cov poj niam His Xas Lais yeej tos ntshi seb Tswv Ntuj yuav los tshwm rau leej twg vim raws li cov Kws Ntawv xam nyoog mas tus Cawm Seej yuav los sai sai thaum lub caij ntawd...


Rov thim rau tom qab me ntsis,

XAIV YOS XES UA MAB LIAB TU TXIV.

Thaum Mab Liab hnub nyug muaj 15 xyoos, Nws niam thiab Nws txiv twb tuag tag lawm. Mab Liab nrog rau Xas Kas Lis uas yog tus Leej Choj nyob pem tsev teev Ntuj xwb vim thaum xeeb Mab Liab yog As Nas twb laus lawm tsis muaj me nyuam thiaj li thov thov Ntuj hais tias yog Tswv Ntuj pub ib tug me nyuam rau nws no ces cais mis kiag xwb ces nws yuav muab pub rau Tswv Ntuj, yuav cia mus nyob hauv Tswv Ntuj lub tsev xwb no ces thiaj li muaj Mab Liab. Cov ntxhais His Xas Lais mas hnub nyug 15 xyoo ces lawv yuav xaiv vauv rau kom yug tub ki thiab muab thawj tug me nyuam tub los txiv rau Tswv Ntuj.

Ib hnub Xas Kas Lis hu Mab Liab los ntawm nws, nws nug seb Mab Liab puas muaj hluas nraug. As Nas, yog tus pog laus dig muag uas thaum Mab Liab thiab Yos Xes nkawd coj Yes Xus mus cev rau Tswv Ntuj es nws los hais txog Yes Xus yog tus Tswv Ntuj tso los cawm His Xas Lais thiaj teb rau Xas Kas Lis tias: " Nws yuav ua cas paub leej twg, nws ib txwm yeej nrog koj nyob hauv tsev teev Ntuj nov hlob xwb."

Thiab hais ntxiv tias Mab Liab yeej ib txwm hais tias Nws yuav muab Nws lub cev nkauj xwb rau Tswv Ntuj ib leeg xwb. Ces Xas Kas Lis thiaj nug Mab Liab tias koj xav muab koj txoj kev nkauj xwb nov rau Tswv Ntuj thaum twg los lawm?
Mab Liab teb tias:" Ib txwm kuv xeev xwm los, kuv yeej hais li ntawd, ua ntej kuv yuav tuaj nrog koj nyob hauv tsev teev Ntuj nov lawm."

Xas Kas Lis hu Mab Liab los hais txog yuav xaiv vauv rau nws, vim muaj ib hnub Xas Kas Lis tab tom nyob hauv tsev teev Ntuj, Tswv Ntuj los hais rau Xas Kas Lis kom xaiv ib tug txiv los tsom kwm Mab Liab. Xas Kas Lis tias yuav ua cas paub tus txiv neej twg siab thiaj li yuav ncaj, thiaj yuav saib xyuas tau Mab Liab. Ces Tswv Ntuj hais rau Xas Kas Lis kom hais txhua tus txiv neej tab seeb hnub nyug zoo tsa yim txog ntua hnub nyug 50 xyoo mus txiav ib leeg ib tug ceg ntoo thiab sau npe rau, coj tuaj tso hauv tsev teev Ntuj ib hmos taig kis yog leej twg tus pas hlav nplooj thiab tawg paj ces tus ntawd yog tus Tswv Ntuj xaiv rau Mab Liab.

Li ntawd Xas Kas Lis thiaj li tshaj kom hnub ntawd txhua tus txiv neej tab seeb zoo tsa cuab txiav ib leeg ib tug ceg ntoo sau npe tuaj. Thaum ntawd Yos Xes ua yawg ntsuag, hnub nyug twb thaj tsam li 30 xyoo lawm, nws paub Mab Liab zoo, vim lawv nyob sib ze thiab thaum As Nas tsis tau muaj Mab Liab, nws ntshaw ntshaw me nyuam ces nws niaj hnub mus coj Yos Xes tus kwv Alphée tuaj nrog As Nas nyob thiab pw. Thaum yug Mab Liab, Yos Xes muaj 15 xyoos, nws twb tuaj xyuas As Nas yug Mab Liab thiab. Li ntawd luag tej ces mus yos deb deb mus txiav tus ceg zoo zoo nqa tuaj, Yos Xes ces Yos Xes tuaj hla ntawm Mab Liab lawv tsev, nws cia li cev tes mus lov ib tug ceg khaub hauv Mab Liab lawv vaj nqa mus tim tsev teev Ntuj xwb. Cas ib hmos taig kis Xas Kas Lis mus saib no yog Yos Xes tus pas tsis yog hlav nplooj xwb cia li tawg paj tib si thiaj li xaiv tau Yos Xes los yuav Mab Liab.

Txij thaum ntawd los, cov duab Yos Xes thiaj nqa ib res paj.

Lub tsev teev Ntuj Synagogue Melkite yog lub tsev teev Ntuj uas thaum Yes Xus nyeem Ntawv Ntshiab thawj zaug es nws nthuav His Xais zaj lus uas tias: "Tswv Ntuj lub Tswv Yim nyob saum kuv..."


Yes Xus rov mus Nas Xas Les.  
Lus Kas: 4, 16 - 30

16    Yes  Xus  los  txog  Nas  Xas  Les,  yog
lub  zos  uas  nws  hlob.    Hnub  Xas  Npas
Tos,  nws  mus  hauv  lub  tsev  txoos  xws  li
nws  ua  kam,  ces  nws  sawv  mus  nyeem
ntawv.    17    Lawv  cev    tus  Yaj  Saub  His
Xais  phau  ntawv  rau  nws.  Nws  nthuav
kauj  ntawv,  nws  nrhiav  tau  nqe  lus  uas sau tias :  
18    Huab  Tais  lub  Tswv  Yim  nyob  saum
kuv, vim nws pleev roj los qee kuv..
Nws  xa  kuv  mus  tshaj  lub  Moo  Zoo  rau
cov  pluag.    Nws  xa  kuv  mus  ceeb  toom
rau cov nyob txim tias lawv yuav dim, rau
cov dig muag tias lawv yuav rov pom kev,
rau  cov  raug  luag  yuam  tias  lawv  yuav
rov tau ua neeg twj lij,  
19      kom  kuv  tshaj  tias  yog  xyoo  Huab
Tais yuav pub txiaj ntsim.  
20  Yes  Xus  rov  kauv  phau  ntawv,  nws
rov muab rau tus tub txib, ces nws zaum.
Tas  tsoom  neeg  uas  nyob  hauv  lub  tsev
txoos  ntsia  ntsoov  Yes Xus.  21  Ces Yes
Xus hais rau lawv tias :  
“Hnub  no,  cov  lus  nyob  hauv  zaj  Ntawv
no tsheej xeeb raws li nej tau hnov."  
22    Tas  cov  neeg  ntawd  zeem  tseeb  tias
nws  hais  lus  zoo,  lawv  qhuas  cov  lus
muaj   txiaj   ntsim   tawm   hauv   nws   lub ncauj los.
Lawv hais tias :  
"Tus  ntawd,  tsis  yog  Yos  Xes  tus  tub    lod ?"  
23  Ces Yes Xus hais rau lawv tias :  
"Paub  ntsoov,  nej  yuav  piv  lus  hais  txog
kuv  tias  :  Kws  kho  mob,  koj  rov  kho  koj
mas  !    Tas  txhua  yam  uas  luag  piav  tias
tshwm  sim  nyob  Kas  Fas  Naus,  mas  koj
kuj ua ib yam li ntawd nyob hauv lub zos
koj hlob no thiab mas !"  
24  Yes Xus tseem hais ntxiv tias :  
"Kuv  hais  tseeb  rau  nej,  tsis  muaj  ib  tug
yaj  saub  uas  luag  yuav  txais  nws  zoo
hauv  lub  zos  nws  hlob.      25  Kuv  hais
tseeb rau nej : lub caij Es Lias nyob, muaj
coob  tus  poj  ntsuam  nyob  His  Xas  Lais
teb.    Thaum  ntuj  kaw  nag  tau  peb  xyoos
thiab rau hli, tas teb chaws tshaib plab loj
kawg.    26    Tab  sis  Ntuj  tsis  xa  Es  Lias
mus  pab  cov  poj  ntsuam  His  Xas  Lais  ib
tug li.  Ntuj xa Es Lias mus pab ib tug poj
ntsuam  nyob  lub  zos  Xas  Les  Tas,  nyob
Xis  Doos  teb.    27    Lub  caij  tus  yaj  saub
Es Lis Xais nyob, muaj coob tus mob ruas
nyob His Xas Lais teb, tab sis tsis muaj ib
tug  mob ruas His Xas Lais rov huv, tsuas
yog  tus  mob  ruas  Xis  Lias  hu  ua  Nas
Maas thiaj rov huv."
28    Tas  cov  neeg  hauv  lub  tsev  txoos
hnov  cov  lus  ntawd,  mas  lawv  npau  taws
kawg.    29    Lawv  sawv  tsees,  lawv  ntiab
Yes  Xus  tawm  sab  nroog  nraud.    Lawv
coj  Yes  Xus  mus  txog  ntawm  ib  phab  toj
saum  lub  roob  uas  lawv  txhim  lub  nroog,
lawv   yuav  thawb   Yes  Xus  kom  poob
lawm hauv lub qab toj ntxhab.  30 Tab sis
Yes Xus hla plaws hauv nruab nrab lawv,
nws taug nws kev mus lawm.

Tais Tooj,

Nrog neb zoo siab tias neb tau mus tsuj daim av ntshiab rov los lawm tiag tiag. Yog ib qho uas kuv lub siab tseem ntshaw rwg xav mus pom kawg. Cia saib kuv puas muaj txoj hmoo tau mus ib zaug.

Mim,

Lwm zaud koj xav mus no ces tuaj nrog tus txiv plig nyob Lyon nov mus ntshe yuav zoo dua, vim nws paub cov neeg tseem ceeb coob ces peb mus tsis yog peb mus xyuas tej chaw ntshiab xwb, peb muaj ua conférence thiab témoignage txhua hnub li ua rau peb paub txog lawv lub neej kev coj kev tswj hwm thiab mas kuj yog ib qho zoo kawg li.

Nyob nqaum tshav puam lub tsev teev Ntuj Tswv Ntuj tshaj rau Mab Liab nyob Naj Xas Les, lawv ua kiag rau saum Mab Liab lub tsev, ua nrog ob peb zaug pob tag lawm thiab thaum xyoo 1187 cov Ottoman (Musulman) tuaj tua Yes Lus xas Les, cov Croisade paub tias lawv yuav swb ces lawv muab Mab Liab cov phab ntsa tsev rhuav rau nkoj thauj los rau Rome no tab sis thaum ntawd muaj tsov rog nyob sab Italie teb thiab ces tus Tswv Qhia Loreto thiaj li muab Mab Liab cov phab ntsa uas thaum tim Naj Xas Les los tsa Mab Liab lub tsev rau Loreto, Italie qab teb.

Nyob sab nraum tshav puam ntawm lub tsev teev Ntuj, Sanctuaire de l'Annonciation no lawv tso cov duab Niam Mab Liab txhua lub teb chaws thoob qab ntuj tso rau.

Lub tsev teev Ntuj lawv txhim zoo nkaus li kub "mom yeej 'couronne)" cim txog Niam Mab Liab tau txais lub Mom Yeej nyob saum Ntuj.


Lus Kas Ntawv Moo Zoo hais txog Tswv Ntuj ua hwj huam rau ob leeg xeeb los ua neeg yog Zam thiab Yes Xus.



Zam Ntxuav Plig yuav yug los.
Lus Kas 1 : 5 - 25
5 Lub zim txwv Hes Los ua vaj kav Yus
Das teb, muaj ib tug Leej Choj hu ua
Ntxas Kas Lias, nws yog phiaj Leej Choj
As Npias. Nws poj niam hu ua Es Lis
Xas Npes, yog As Loos ib tug ntxhais
xeeb ntxwv. 6 Nkawd ob niam txiv yog
neeg ncaj nyob ntawm Tswv Ntuj xub
ntiag. Nkawd ua raws nraim li Huab Tais
cov lus qhia thiab cov cai tas huv si, tsis
muaj ib qho xyeej. 7 Nkawd tsis muaj
me nyuam li, vim Es Lis Xas Npes xeeb
tub tsis tau, thiab nkawd hnub nyug kuj laus lawm.
8 Muaj ib hnub, Ntxas Kas Lias tab tom
leg Leej Choj txoj kab xwm nyob ntawm
Tswv Ntuj xub ntiag, vim txog lub caij
nws phiaj Leej Choj rov leg kab xwm.
9 Lawv ntaus txheeb raws li cov Leej
Choj kev cai ua kam, ces Ntxas Kas Lias
raug ua tus chaws mus hlawv xyab hauv
Huab Tais Kem Ntshiab. 10 Lub caij
hlawv xyab, tas tsoom pej xeem teev
Ntuj nyob sab nraud.
11 Huab Tais tus Tshiab tawm tuaj sawv
ntsug nyob ntawm lub thaj xyab sab xis
rau nws pom. 12 Ntxas Kas Lias pom
dheev, nws ua siab nphau npog, nws
ntshai kawg. 13 Tab sis tus Tshiab hais
rau Ntxas Kas Lias tias :
"Ntxas Kas Lias, koj txhob ntshai, vim
Ntuj mloog koj cov lus thov. Koj poj
niam Es Lis Xas Npes yuav yug ib tug tub
rau koj, koj yuav tis nws npe hu ua Zam.
14 Nws yuav ua kom koj kaj siab thiab
zoo siab tas nrho. Thaum nws yug los,
coob leej kuj yuav zoo siab. 15 Vim nws
yuav yog ib tug loj nyob ntawm Huab
Tais xub ntiag. Nws yuav
tsis haus kua txiv cawv, tsis haus cawv ntsim.
Txij nruab thiab los, Leej Ntuj Plig Ntshiab
yuav nyob puv hauv nws. 16 Nws yuav
coj coob leej tub His Xas Lais rov los rau
Huab Tais, lawv tus Tswv Ntuj. 17 Nws
yuav taug kev mus ntawm Huab Tais
hauv ntej. Nws yuav tau Es Lias lub tswv
yim thiab lub hwj huam, kom nws coj
cov ua txiv lub siab rov los rau lawv cov
me nyuam, coj cov neeg qig lus rov los
taug cov neeg ncaj txoj kev thoob tsib.
Nws yuav npaj ib haiv neeg qhib siab lug
tos Huab Tais. 18 Ntxas Kas Lias hais
rau tus Tshiab tias :
"Dab tsi yuav ua kom kuv paub tias yuav
muaj tuaj li ntawd ? Vim kuv yog ib tug
neeg laus, hos kuv poj niam kuj muaj
hnub nyoog lawm."
19 Tus Tshiab teb tias :
"Kuv yog Nkas Nplias. Kuv sawv nraim
ntawm Tswv Ntuj xub ntiag. Nws xa kuv
tuaj hais lus rau koj thiab fi tsab xov zoo
no rau koj. 20 Vim koj tsis ntseeg kuv
cov lus uas thaum txog sij hawm yuav
tsheej xeeb, mas koj yuav nyob ntsiag to
hais tsis tau lus mus txog hnub tej xwm
ntawd tshwm sim tuaj."
21 Tsoom pej xeem tos Ntxas Kas Lias,
lawv xav tsis thoob tias vim li cas Ntxas
Kas Lias thiaj nyob ntev hauv kem
ntshiab. 22 Thaum nws tawm los, nws
hais tsis tau lus rau lawv, ces lawv to taub
tias nyob hauv kem ntshiab nws tau pom
ib yam yees tawm tuaj. Ntxas Kas Lias
piav tes rau lawv, nws hais tsis tau lus.
23 Thaum tas nws lub sij hawm leg kab
xwm lawm, ces nws rov mus tsev.
24 Tsis ntev tom qab, Ntxas Kas Lias poj
niam Es Lis Xas Npes xeeb tub. Es Lis
Xas Npes tsiv nraim nyob hauv tsev tau
tsib hlis. Nws hais tias :
25 "Huab Tais ua qhov no rau kuv, txog
caij nws dauv muag ntsia kuv, nws thau
kuv txoj kev txaj muag ntawm zeej tsoom."

Nkas Nplias xa xov tuaj rau Mab Liab. LK 1 : 26 - 38
26 Lub rau hli, Tswv Ntuj xa tus Tshiab
Nkas Nplias mus cuag ib tug ntxhais hauv
ib lub zos nyob Nkas Lis Lais. Lub zos
ntawd hu ua Nas Xas Les. 27 Tus
ntxhais ntawd, lawv muab qhaib rau ib
tug txiv neej hu ua Yos Xes, xeem Das
Vis. Hos tus ntxhais lub npe hu ua Mab
Liab. 28 Tus Tshiab chaws mus hauv
Mab Liab tsev, nws hais rau Mab Liab tias :
"Koj nyob kaj lug, tus tau txiaj ntsim puv
siab ! Huab Tais nrog koj nyob."
29 Mab Liab hnov lo lus ntawd, nws lub
siab nphau npog, nws xav hauv nruab
siab tias lo lus hawm ntawd yog dab tsi.
30 Tus Tshiab hais rau Mab Liab tias :
"Mab Liab, koj tsis txhob ntshai. Tswv
Ntuj saib koj ntxim Tswv Ntuj siab.
31 Zaum no, koj yuav xeeb tub, koj yuav
yug ib tug tub, koj yuav tis nws npe hu ua
Yes Xus. 32 Nws yuav yog ib tug loj,
luag yuav hu nws ua tus Nyob Siab leej
Tub. Huab Tais Tswv Ntuj yuav muab
nws txiv Das Vis lub theej kiab rau nws.
33 Nws yuav ua vaj kav Yas Kos tsev
neeg tiam dhau tiam. Nws txoj kev ua vaj
yuav tsis muaj caij kawg."
34 Mab Liab hais rau tus Tshiab tias :
"Qhov ntawd yuav muaj tuaj zoo li cas,
vim kuv tsis paub ib tug txiv neej."
35 Tus Tshiab teb rau Mab Liab tias :
"Leej Ntuj Plig Ntshiab yuav los nyob
saum koj, tus Nyob Siab lub hwj huam
yuav los roos koj. Li ntawd, tus ntshiab
yug los yuav hu ua Tswv Ntuj Leej Tub.
36 Saib ! Es Lis Xas Npes, tus uas txheeb
koj, luag hu nws ua pog khoom, nws
hnub nyoog laus lawm, tab sis nws kuj
xeeb tub lawm thiab. Lub hlis no, nws
xeeb tub tau rau hli lawm. Vim tias, tsis
muaj ib yam uas Tswv Ntuj ua tsis tau."
38 Ces Mab Liab hais tias :
"Kuv yog Huab Tais tus ntxhais txib.
Kuv xav kom muaj raws li koj hais."
Tus Tshiab thiaj tso Mab Liab tseg.

Mab Liab mus xyuas Es Lis Xas Npes. LK 1 : 39 - 56
39 Tau ob peb hnub, ces Mab Liab sawv
kev mus, nws rau siab ntso mus pem toj
siab, rau ib lub nroog nyob xeev Yus Das.
40 Nws chaws mus hauv Ntxas Kas Lias
tsev, nws foom lus nyob kaj lug rau Es
Lis Xas Npes. 41 Thaum Es Lis Xas
Npes hnov Mab Liab foom kev kaj lug,
mas nws tus me nyuam dhia hauv nws
plab, thiab Leej Ntuj Plig Ntshiab los
nyob puv hauv Es Lis Xas Npes. 42 Ces
Es Lis Xas Npes tsa suab hlo hais nrov nrov tias :
"Koj tau koob tau hmoov tshaj ib tsoom
poj niam huv tib si, thiab lub txiv txi hauv
koj lub cev tau koob tau hmoov. 43 Ua
cas Ntuj thiaj pub kom kuv tus Huab Tais
leej niam tuaj xyuas kuv ? 44 Koj saib,
thaum kuv hnov dheev koj lub suab foom
kev kaj lug nrov txog kuv pob ntseg, tus
me nyuam hauv kuv plab dhia zoo siab.
45 Tus tau ntseeg tias cov lus Huab
Tais hais rau nws yuav tsheej xeeb, mas
nws txoj hmoov zoo !"
46 Ces Mab Liab hais tias :
"Kuv tus plig cav txog Huab Tais lub hwj
chim, 47 kuv lub tswv yim hom khaj
nyob hauv Tswv Ntuj, tus Cawm kuv,
48 vim nws dauv muag ntsia nws tus
ntxhais txib hauv txheej qis. Vim li
ntawd, txij no mus, txhua tiam neeg yuav
hais tias kuv txoj hmoov zoo, 49 vim tus
Muaj Hwj Huam ua tej yam loj rau kuv,
nws lub npe Ntshiab. 50 Nws lub siab
hlub roos cov neeg hwm nws tiam dhau
tiam. 51 Nws sab npab nthuav nws lub
zog rau sawv daws pom. Cov neeg uas
lub siab muab hlob, Huab Tais ua kom
lawv tawg. 52 Huab Tais nchuav cov
muaj hwj huam poob ntawm lawv lub theej kiab.
Nws tsa cov neeg hauv txheej qis kom siab.
53 Nws pub tej yam zoo rau cov neeg
tshaib noj seem noj so, hos nws ntiab cov
neeg muaj rov qab mus tes qhuav.
54 Huab Tais pab nws tus tub txib His
Xas Lais, vim nws nco ntsoov tias nws
lub siab hlub neeg,
55 nws ua raws li nws tau tshaj rau peb
cov yawg koob, nws ua zoo tas nrho rau
Has Nplas Has thiab Has Nplas Has cov
xeeb ntxwv mus ib txhiab ib txhis."
56 Mab Liab nrog Es Lis Xas Npes nyob
peb lub hlis tej, ces nws rov mus tsev.

Zam yug los. LK 1 : 57- 80
57 Ntawm Es Lis Xas Npes, mas txog
lub caij nws daws cev, nws yug tau ib tug
tub. 58 Cov neeg koom zej koom zos
thiab nws cov kwv tij neej tsa hnov tias
Huab Tais hlub Es Lis Xas Npes loj
kawg. Lawv nrog Es Lis Xas Npes zoo siab.
59 Thaum txog hnub yim, lawv tuaj ua
lub cim txiav rau tus me nyuam. Lawv
xav tis nws npe raws li nws txiv Ntxas
Kas Lias lub npe. 60 Nws niam hais tias :
"Tsis yog. Tus me nyuam yuav hu ua Zam."
61 Lawv hais rau leej niam tias :
"Tsis muaj ib tug hauv koj cov txheeb ze hu li ntawd."
62 Ces lawv piav tes rau leej txiv saib
nws xav kom lawv tis tus me nyuam npe
li cas. 63 Leej txiv kom lawv muab ib
daim txiag los, nws sau ntawv tias :
"Nws lub npe hu ua Zam."
Sawv daws ceeb tas. 64 Tam sis ntawd,
leej txiv lub ncauj qhib plho, tus nplaig
muag nthas, nws hais tau lus, nws cav
txog Tswv Ntuj. 65 Tsoom neeg nyob ze
nkawd sawv daws tau ntshai kawg. Hos
nyob pem toj siab hauv xeev Yus Das,
sawv daws tham txog tej xwm ntawd.
66 Cov uas tau hnov luag tham txog tej
xwm no, muab khaws cia rau nruab siab,
lawv hais tias :
"Tus me nyuam ntawd yuav yog ib tug
zoo li cas ?"
Huab Tais txhais tes yeej nrog nraim tus
me nyuam ntawd tiag.
67 Ces Leej Ntuj Plig Ntshiab los nyob
puv hauv tus me nyuam leej txiv Ntxas
Kas Lias. Ntxas Kas Lias ua yaj saub hais tias :
68 "His Xas Lais tus Huab Tais Tswv
Ntuj nto koob meej, vim nws tuaj xyuas
thiab tuaj npo nws haiv neeg. 69 Nws tsa
ib txog kev cawm muaj zog rau peb nyob
hauv nws tus tub txib Das Vis tsev neeg.
70 Nws ua raws li nws kom cov yaj saub
ntshiab txheej thaud xub qhia tias :
71 nws yuav cawm peb ntawm peb cov
yeeb ncuab, thiab ntawm cov neeg ntxub
peb txhais tes. 72 Nws tau hlub peb cov
yawg koob. Nws nco ntsoov txog cov lus
ntshiab nws nrog lawv cog, 73 nws nco
ntsoov txog lo lus nws cog rau peb txiv
Has Nplas Has tias : 74 nws yuav ua
kom peb txhob ntshai, nws yuav npo peb
ntawm peb cov yeeb ncuab txhais tes,
75 peb thiaj tau kev tsob hwb nws hauv
txoj kev ntshiab thiab txoj kev ncaj nyob
ntawm nws xub ntiag tas peb sid.
76 Hos koj, me tub, luag yuav hu koj ua
Leej Nyob Siab tus yaj saub. Koj yuav
mus tom Huab Tais hauv ntej, koj yuav
npaj nws txoj kev. 77 Koj yuav qhia nws
haiv neeg paub txoj kev cawm, uas tawm
ntawm txoj kev zam txhaum los. 78 Peb
tus Tswv Ntuj lub siab hlub mos nyoos,
nws xa lub hnub saum txheej siab tuaj
xyuas peb. 79 Nws kaj cov neeg zaum
hauv qhov tsaus ntuj thiab cov nyob hauv
kev tuag tus duab ntxoo. Nws hwj peb
txhais taw mus taug txoj kev thaj yeeb."
80 Tus me nyuam hlob, nws lub tswv
yim muaj zog zuj zus. Nws nyob hauv
teb chaws suab puam mus txog hnub nws
tawm los rau cov His Xas Lais pom

Thaum lub caij Yes Xus tuag thiab Sawv rov los, lub koom Txoos tsis teev Niam Mab Liab pab thov Ntuj; lawv thov Leej Tshiab Miv Kais uas yog tus yeej dab phem lucifer thaum nws ntxias Es Vas thiab As Das noj lub txiv paub tab.
Txij lu Rooj Ncauj Lus Ephèse xyoo 432 uas tag nrho tsoom Tswv Qhia thoob ntiaj teb tau zeem tseeb tias Niam Mab Liab ua Tswv Ntuj Niam ces tsoom ntseeg pib teev Niam Mab Liab thiab thiab thov Nws thov Ntuj pab li qhov lawv xav tau cas muaj hwj huam heev. Li ntawd txij thaum ntawd txhua zaus peb xav cev ib zaj lus thov rau Tswv Ntuj peb thiaj li vam txog Niam Mab Liab nrog peb thov.
Thawj zaug uas siv Niam Mab Liab lub npe los roos yog lub tsev teev Ntuj "Saint Marie le Majeur" nyob Rome, Italie teb.

Keeb kwm lub tsev teev Ntuj Sainte Marie Lemajeur:

Thaum lub 8 hli xyoo 356, Nkauj Ntshiab Mab Liab tau tshwm rau Vaj Qhia Libère thov kom txhim ib lub tsev teev Ntuj rau nws rau qhov chaw uas los daus hmo ntawd.

Hnub tim 5/08/356 tsoom ntseeg nquam teev Ntuj taug kev mus rau lub roob Esquilin uas Nkauj Ntshiab hais cas pom ib thaj chaw los daus puv nkaus saud. Vaj qhia Libère thiaj li tsa thawj thawj lub tsev teev Ntuj rau qhov chaw ntawd ...

Sainte Marie Lemajeur yog 1 ntawm 4 thawj lub tsev teev Ntuj loj nyob Rome. Yog 1 ntawm 7 lub tsev teev Ntuj uas neeg ncig teev Ntuj.

Xyoo 1884, Tswv qhia tau kom ib cov Phauj nyob Fab Kis teb mus nyob Naj Xas Les, His Xas Lais teb pab cov me nyuam ntsuag vim muaj tsov rog sab tid tsis muaj neeg saib xyuas cov me nyuam nyuam ntsuag. Yog ib lub koom haum Phauj tshiab tshiab xyoo 1822 uas lawv tsis coob. Thaum lawv xaiv npe rau lawv lub koom haum, lawv muab ntau lub npe tab sis ho xaiv tsis raug, lawv thiaj li tso npe ua cov Phauj nyob Naj Xas Les, yog ib lub npe koom haum uas tsis tau muaj dua los yam lawv tsis paub txog tias lwm hnub lawv yuav tau mus nyob rau tim Naj Xas Les.

Thaum mus txog Naj Xas Les, lawv lub tsev me me tsis txaus yuav ua tsev kawm ntawv thiab tsev kho mob rau cov me nyuam ces tus Phauj Loj thiaj li thov kom 3 tug tswv av nyob ze lawv lub tsev muag lawv 3 thaj av rau cov Phauj kom xwv thiaj li txaus ua tsev kawm ntawv.  Tus Phauj Loj yuav tau thaj av npuab lawv kiag thiaj thaj tom ub yog ob tug txiv neej muag ces tsis kim heev, thaj nruab nrab ces yog ib tug poj niam nws txawm hais 3 npaug nqe ntawm ob thaj ua ntej. Vim nws hais tias nws txiv hais tias nyob hauv qab muaj lub rhawv dej loj thiab muaj ib tug Thoob Tsib lub ntxa yam tsis qhia npe tias yog leej twg tiag. Kim los tus Phauj ua siab yuav tau yuav vim nws nyob nruab nrab lawm thiaj li yuav thiab txhim tsev rau. Xyoo 1936 ib tug Phauj mus kho hauv qab tsev cas muaj ib qho phab ntsa pob thiab ib lub pob zeb poob rau puag hauv qab li khoob, lawv thiaj li tshawb mus pom lub rhawv dej uas khawb hauv pob tsuas thiab muaj ib lub tsev nyob, ib lub tsev teev Ntuj qub Bizantine uas lawv ua rau ntawm Yes Xus tej chaw nyob chaw ncig thaum me nyuam yaus thiab muaj kev mus ntau qhov chaw, muaj ntaiv pob zeb nce nqes rau ub rau no. Mus pom ib lub ntxa sau ntawv rau saud tias: Yos Xes tus Ncaj ncees", lawv thiaj li paub tau tias yog Leej Ntshiab Yos Xes lub ntxa, vim nyob kiag ntawm Mab Liab lub tsev ib sab.
Raws li His Xas Lais txoj cai mas lawv tsis faus tuag rau hauv zos li, lawv zais deb ntawm zos tab sis ntshe Yos Xes yog ib tug ntshiab huv lawv thiaj li muab tso rau ntawm tog tsev.

MT. 1,18-19.
18 Yes Xus Pleev lub keeb chiv zoo li
no : Mab Liab uas yog Yes Xus niam,
lawv muab qhaib rau Yos Xes lawm.
Thaum nkawd tseem tsis tau los nyob ua
ke, Leej Ntuj Plig Ntshiab ua kom Mab
Liab xeeb tub. 19 Yos Xes uas yog Mab
Liab tus txiv, yog ib tug neeg ncaj, nws
tsis xav kom zeej tsoom hais lus xaiv
txog Mab Liab, ces nws txiav siab nrauj
Mab Liab twj ywm.



Yes Xus caj ces:

Yes Xus lub keeb.
1 : 1 - 17.
1    Phau  ntawv  qhia  txog  Yes  Xus
Pleev  lub  keeb,  uas  yog  Das  Vis  leej
tub thiab yog Has Nplas Has  leej tub :
2  Has Nplas Has yug Is Xas Has,
Is Xas Has yug Yas Kos,
Yas  Kos  yug  Yus  Das thiab nws cov kwv tij.
3  Yus Das poj niam hu ua Thas Mas yug
Fas Les thiab Ntxas Las.
Fas Les yug Es Xas Los,
Es Xas Los yug As Las,
4  As Las yug As Mis Nas Das,
As  Mis  Nas  Das  yug  Nas  As  Xoos,  Nas
As Xoos yug Xas Moos,
5  Xas Moos poj niam hu ua Las Has yug Npuag Oos,
Npuag  Oos  poj  niam  hu  ua  Luv  yug  Os
Npes, Os Npes yug Yes Xes,
6  Yes Xes yug tus vaj Das Vis.
Das  Vis  yuav  Us  Lis  tus  poj  niam,  nws
yug Xas Los Moos,
7    Xas  Los  Moos  yug  Los  Npuag,  Los
Npuag yug As Npias,
As Npias yug As Xas,
8  As Xas yug Yos Xa Fas,
Yos Xas Fas yug  Yos Las,
Yos Las yug Os Xias,  
9  Os Xias yug Yos As Thas,
Yos As Thas yug As Kas,
As Kas yug Es Xes Kias,
10  Es Xes Kias yug Mas Nas Xes,
Mas Nas Xes yug As Moos,
As Moos yug Yos Xias,
11    Yos  Xias  yug  Yes  Kos  Nias  thiab
Yes  Kos  Nias  cov  kwv  tij.    Thaum
ntawd  yog  lub  caij  raug  txim  nyob
Npas Npis Los.  
12    Dhau  lub  caij  raug  txim  nyob  Npas
Npis  Los  lawm,  Yes  Kos  Nias  yug  Xas Las Thias,
Xas Las Thias yug Ntxos Los Npas Npes,
13    Ntxos  Los  Npas  Npes  yug  As  Npis
Yus, As Npis Yus yug Es Lias Kis,
Es Lias Kis yug As Ntxos,
14  As Ntxos yug Xas Dos,
Xas Dos yug As Khis,
As Khis yug Es Lis Us,
15  Es Lis Us yug Es Les As Ntxas,
Es Les As Ntxas yug Mas Thas,
Mas  Thas yug Yas Kos,
16  Yas  Kos  yug  Yos  Xes  uas  yog  Mab
Liab  tus  txiv.    Mab  Liab  yug  Yes  Xus,
uas luag hu nws ua Leej Pleev.    

Lus Kas: 3,23-38.
23  Thaum  Yes  Xus  pib  tshaj  lus,  nws
muaj   hnub   nyoog   ze   peb   caug   xyoo.
Sawv daws xav tias nws yog Yos Xes tub,
Hes  Lis  tub,  24  Mas  Thas  tub,  Les  Vis
tub,  Mes  Kis  tub,  Zas  Nais  tub,  Yos  Xes
tub,    25  Mas  Tas  Thias  tub,  As  Mos  tub,
Nas  Us  tub,  Es  Lis  tub,  Nas  Nkais  tub,  
26  Mas  As  tub,    Mas  Tas  Thias  tub,  Xes
Mes  Ees  tub,  Zos  Xes  tub,  Zos  Das  tub,  
27 Yuas Nas tub, Les Xas tub, Ntxos Los
Npas  Npes  tub,  Xas  Las  Thias  tub,  Nes
Lis tub, 28 Mes Kis tub,  As Dis tub, Kos
Xas tub, Ees Mas Das tub, Ej tub, 29 Zes
Xus tub, Es Lis Yes Xes tub, Yos Lis tub,
Mas  Thas  tub,  Les  Vis  tub,  30  Xis  Mes
Oos  tub,  Yus  Das  tub,  Yos  Xes  tub,  Zos
Nas tub, Es Lias Kis tub,  31 Mes Les As
tub, Mes Nas tub, Mas Tas Thas tub, Nas
Thas  tub,  Das  Vis  tub,  32  Yes  Xes  tub,
Yos  Npes  tub,  Npuag  Oos  tub,  Xas  Las
tub,  Nas  As  Xoos  tub,    33  As  Mis  Nas
Das tub, As Das Mis tub, As Nis tub, Hes
Xaws Loos tub, Fas Les tub, Yus Das tub,  
34  Yas  Kos  tub,  His  Xas  Has  tub,  Has
Nplas  Has  tub,  Thas  Las  tub,  Nas  Khos
tub,  35  Xes  Lus  tub,  Las  Nkaus  tub,  Fas
Les   tub,   Es   Npes   tub,   Xas   Las   tub,        
36  Kais  Naas  tub,  As  Fas  Xas  tub,  Xees
tub,  Nos  Hes  tub,  Las  Mes  tub,    37  Mas
Thus  Xas  Las  tub,  Hes  Nos  tub,  Yes  Les
tub,  Mas  Les  Lees  tub,  Kais  Naas  tub,  
38    Es  Naus  tub,  Xes  tub,  As  Das  tub,
Tswv Ntuj tub.

Le Mont Précipice yog lub uas thaum Yes Xus tshaj Ntuj Lus cov Phas Lis Xais thiab cov Kws Ntawv yuav muab Yes Xus txawb pob zeb thiab thawb rau qab tsuas tab sis thaum kawg ho tsis muaj tus xub cuam pob zeb rau Yes Xus ces Yes Xus cia li ploj lawv saib cas Yes Xus twb mus deb lawm, cov Muv Xis Lim hu lub roob nov hu ua Roob Paj Paws, vim lawv hais tias Yes Xus paj paws ntawm lub roob nov rau ub rau no thiaj li mus txog rau sab Carpharnaüm, Césaré, rau Xas Mas Lias, rau la Judé...yog tias mus ko taw xwb mas Yes Xus yuav mus tsis tauv deb npaum li ntawd...

Yes Xus rov mus Nas Xas Les.  
Lus Kas: 4, 16 - 30
16    Yes  Xus  los  txog  Nas  Xas  Les,  yog
lub  zos  uas  nws  hlob.    Hnub  Xas  Npas
Tos,  nws  mus  hauv  lub  tsev  txoos  xws  li
nws  ua  kam,  ces  nws  sawv  mus  nyeem
ntawv.    17    Lawv  cev    tus  Yaj  Saub  His
Xais  phau  ntawv  rau  nws.  Nws  nthuav
kauj  ntawv,  nws  nrhiav  tau  nqe  lus  uas sau tias :  

18    Huab  Tais  lub  Tswv  Yim  nyob  saum
kuv, vim nws pleev roj los qee kuv..
Nws  xa  kuv  mus  tshaj  lub  Moo  Zoo  rau
cov  pluag.    Nws  xa  kuv  mus  ceeb  toom
rau cov nyob txim tias lawv yuav dim, rau
cov dig muag tias lawv yuav rov pom kev,
rau  cov  raug  luag  yuam  tias  lawv  yuav
rov tau ua neeg twj lij,  
19      kom  kuv  tshaj  tias  yog  xyoo  Huab
Tais yuav pub txiaj ntsim.  
20  Yes  Xus  rov  kauv  phau  ntawv,  nws
rov muab rau tus tub txib, ces nws zaum.
Tas  tsoom  neeg  uas  nyob  hauv  lub  tsev
txoos  ntsia  ntsoov  Yes Xus.  21  Ces Yes
Xus hais rau lawv tias :  
“Hnub  no,  cov  lus  nyob  hauv  zaj  Ntawv
no tsheej xeeb raws li nej tau hnov."  
22    Tas  cov  neeg  ntawd  zeem  tseeb  tias
nws  hais  lus  zoo,  lawv  qhuas  cov  lus
muaj   txiaj   ntsim   tawm   hauv   nws   lub ncauj los.
Lawv hais tias :  
"Tus  ntawd,  tsis  yog  Yos  Xes  tus  tub    lod ?"  
23  Ces Yes Xus hais rau lawv tias :  
"Paub  ntsoov,  nej  yuav  piv  lus  hais  txog
kuv  tias  :  Kws  kho  mob,  koj  rov  kho  koj
mas  !    Tas  txhua  yam  uas  luag  piav  tias
tshwm  sim  nyob  Kas  Fas  Naus,  mas  koj
kuj ua ib yam li ntawd nyob hauv lub zos
koj hlob no thiab mas !"  
24  Yes Xus tseem hais ntxiv tias :  
"Kuv  hais  tseeb  rau  nej,  tsis  muaj  ib  tug
yaj  saub  uas  luag  yuav  txais  nws  zoo
hauv  lub  zos  nws  hlob.      25  Kuv  hais
tseeb rau nej : lub caij Es Lias nyob, muaj
coob  tus  poj  ntsuam  nyob  His  Xas  Lais
teb.    Thaum  ntuj  kaw  nag  tau  peb  xyoos
thiab rau hli, tas teb chaws tshaib plab loj
kawg.    26    Tab  sis  Ntuj  tsis  xa  Es  Lias
mus  pab  cov  poj  ntsuam  His  Xas  Lais  ib
tug li.  Ntuj xa Es Lias mus pab ib tug poj
ntsuam  nyob  lub  zos  Xas  Les  Tas,  nyob
Xis  Doos  teb.    27    Lub  caij  tus  yaj  saub
Es Lis Xais nyob, muaj coob tus mob ruas
nyob His Xas Lais teb, tab sis tsis muaj ib
tug  mob ruas His Xas Lais rov huv, tsuas
yog  tus  mob  ruas  Xis  Lias  hu  ua  Nas
Maas thiaj rov huv."
28    Tas  cov  neeg  hauv  lub  tsev  txoos
hnov  cov  lus  ntawd,  mas  lawv  npau  taws
kawg.    29    Lawv  sawv  tsees,  lawv  ntiab
Yes  Xus  tawm  sab  nroog  nraud.    Lawv
coj  Yes  Xus  mus  txog  ntawm  ib  phab  toj
saum  lub  roob  uas  lawv  txhim  lub  nroog,
lawv   yuav  thawb   Yes  Xus  kom  poob
lawm hauv lub qab toj ntxhab.  30 Tab sis
Yes Xus hla plaws hauv nruab nrab lawv,
nws taug nws kev mus lawm.  

Rooj tshoob hauv zos Kas Nas.
Zam 2 : 1 - 11.
1 Peb hnub tom qab, muaj ib rooj
tshoob hauv lub zos Kas Nas xeev
Nkas Lis Lais. Yes Xus niam mus nrog
lawv noj tshoob nyob ntawd. 2 Lawv
caw Yes Xus thiab nws cov thwj tim mus
noj tshoob thiab. 3 Lawv tsis tshuav
cawv ntxiv lawm, Yes Xus niam hais rau Yes Xus tias :
"Lawv tsis muaj cawv ntxiv lawm."
4 Ces Yes Xus hais rau nws niam tias :
"Niad, tsis yog wb hauj lwm. Kuv lub sij
hawm tseem los tsis tau txog."
5 Yes Xus niam hais rau cov tub ce cawv tias :
"Yes Xus kom nej ua yam twg, mas nej
ua huv tib si mog."
6 Nyob ntawd, muaj rau lub hub zeb
teem dej rau cov Yus Das siv raws li lawv
tej kev cai ntxuav tes. Ib lub hub ntim tau
peb los plaub thoob dej. 7 Yes Xus hais
rau cov tub ce cawv tias : "Nej hliv dej
kom puv cov hub no." Ces lawv hliv dej
puv nkaus cov hub. 8 Yes Xus hais rau lawv tias :
"Zaum no, nej ce cov dej no nqa mus rau
txiv thiaj com."
Ces lawv ce cov dej ntawd nqa mus.
9 Thaum txiv thiaj com saj cov dej txia
ua cawv, mas nws tsis paub cov cawv los
qhov twg los. Tab sis cov tub ce cawv
paub lawm, vim lawv yog cov ce. Txiv
thiaj com hu nraug vauv los. 10 Nws
hais rau nraug vauv tias :
"Sawv daws ce cov cawv qab los haus
tso. Thaum cov neeg qaug cawv lawd,
mam li ce cov qab tsis heev los haus. Hos
koj, koj muab cov cawv qab cia txog tav no."
11 Yes Xus thawj lub cim yog zoo li
ntawd. Nws ua thawj lub cim nyob Kas
Nas xeev Nkas Lis Lais. Nws ua nws lub
hwj chim tawm los rau pom, ces nws cov
thwj tim ntseeg txog nws.

Qhov chaw nov yog thaum Yes Xus tuag tas Nws sawv rov qab los, Nws ua rau cov Thwj Tim pom xyeem.

Yes Xus yees tawm los xyuas cov
thwj tim nyob Nkas Lis Lais.  
Zam 21 : 1 - 14.
1    Dua  li  ntawd,  Yes  Xus  rov
tawm  los  rau  cov  thwj  tim  pom
nyob  ntawm  ntug  dej  ntuj  Tis  Npes  Lias.  
Thaum  Yes  Xus  tawm  los  mas  muaj  zoo
li  no.    2    Cov  nyob  ua  ke  ntawd  yog  Xis
Moos  Pob  Zeb,  Tos  Mas  uas  hu  ua  Dis
Dws  Mos,  Nas  Tas  Nais  uas  nyob  Kas
Nas hauv xeev Nkas Lis Lais, Ntxes Npes
Dais  ob  tug  tub,  thiab  ob  tug  thwj  tim
ntxiv.  3  Xis Moos Pob Zeb hais rau lawv tias :  
"Kuv yuav mus puav ntses."  
Lawv hais rau nws tias :  
"Peb nrog koj mus thiab."  
Lawv  tawm  mus  nce  rau  hauv  lub  nkoj.  
Hmo  ntawd  lawv  puav  tsis  tau  dab  tsi  li.  
4    Thaum  kaj  ntug  lawm,  Yes  Xus  nyob
tim  ntug  dej.    Tab  sis  cov  thwj  tim  tsis
paub  tias  yog  Yes  Xus.    5    Yes  Xus  thiaj
hais rau lawv tias :  
"Cov  me  nyuam,  nej  puas  muaj  dab  tsi noj ?"  
Lawv teb rau Yes Xus tias :  "Tsis muaj."  
6  Nws hais rau lawv tias :  
"Nej pov vas rau ntawm lub  nkoj sab xis,
nej yuav tau ntses."  
Lawv thiaj pov vas mus, ces lawv rub tsis
tau  lub  vas  rov  los,  vim  mag  tau  ntses
ntau  kawg.    7  Tus  thwj  tim  uas  Yes  Xus
nyiam thiaj hais rau Pob Zeb tias :  
"Yog Huab Tais !"  
Xis  Moos  Pob  Zeb  hnov  dheev  tias  yog
Huab  Tais,  nws   muab   ib   daim   khaub
ncaws khi ntawm duav, vim nws liab qab,
ces  nws  dhia  mus  hauv  dej.    8    Lwm  cov
thwj  tim  mam  li  caij  nkoj thiab cab lub  
vas  puav  ntses    los.    Lawv  nyob  tsis  deb
ntawm  ntug  nqhuab  lawm,  kwv  yees  deb
li ob puas tshim.  9  Thaum lawv nqes los
txog saum av, lawv pom ib cub tawg thee
nyob  ntawd,  hos  muaj  ib  co  ntses  tso  rau
saud, thiab ib co ncuav mov.  10  Yes Xus
hais rau lawv tias :  
"Nej  nqa  cov  ntses  me  uas  nej  nyuam
qhuav puav tau los."  
11    Xis  Moos  Pob  Zeb  nce  mus  hauv
nkoj,  nws  rub  lub  vas  mag  ntses  loj  puv
nkaus  los  rau  saum  av  :  tau  ib  puas  tsib
caug peb tus ntses !  Txawm tias puav tau
ntses  ntau  npaum  ntawd,  tsis  kav  lub  vas tsis ntuag.
12  Yes Xus hais rau lawv tias :  
"Nej los noj tshais."  
Tsis  muaj  ib  tug  thwj  tim  muaj  cuab  kav
nug Yes Xus tias :  
"Koj yog leej twg ?"  
Vim  lawv  yeej  paub  tseeb  tias  yog  Huab
Tais.    13    Yes  Xus  txav  los  muab  cov
ncuav  mov  cev  rau  lawv,  nws  kuj  muab
cov ntses cev rau lawv thiab.
14    Txij  thaum  Yes  Xus  sawv  hauv  cov
tuag  rov  los,  mas  nws  tawm  los  rau  cov
thwj tim pom, zaum no yog zaum peb.

Le Mont les Béatitueds ib lub me nyuam laj roob ntsia ntsoov mus rau lub pas dej Tis Npes Lias, nyob rau sab yuav mus rau Syrie teb, yog thaj chaw Yes Xus hais txog cov muaj txj hmoov zoo.

Txoj Hmoov zoo. MT. 5: 1 - 12.


1    Yes  Xus  pom  neeg  coob  coob
tuaj,  nws  nce  mus  saum  lub  roob.  
Nws  zaum.    Cov  thwj tim txav los ze Yes
Xus.  2   Ces Yes Xus tsa ncauj qhia lawv hais tias :  
3    "Cov  tau  txoj  hmoov  zoo,  yog  cov
pluag hauv nruab siab, vim Ntuj lub Ceeb
Tsheej yog lawv  li.  
4    Cov  tau  txoj  hmoov  zoo,  yog  cov  siab
zoo,  vim  lawv  yuav  txais  lub  ntiaj  teb  los ua lawv tug.
5    Cov  tau  txoj  hmoov  zoo,  yog  cov  quaj
ntsuag,  vim  Ntuj yuav
nplij lawv.  6  Cov tau  txoj  hmoov  zoo,  yog  cov  tshaib  thiab
nqhis  txoj  kev  ncaj,    vim  Ntuj  yuav  daws lawv qhov nqhis.
7    Cov  tau  txoj  hmoov  zoo,  yog  cov  hlub
luag tej, vim Ntuj yuav hlub lawv.
8    Cov  tau  txoj  hmoov  zoo,  yog  cov  siab
huv, vim lawv yuav pom Tswv Ntuj.
9    Cov  tau  txoj  hmoov  zoo,  yog  cov  tsim
kev  thaj  yeeb,  vim  Ntuj  yuav  hu  lawv  ua
Tswv Ntuj cov me nyuam.
10  Cov tau txoj hmoov zoo, yog cov raug
luag  hiam  vim  txoj  kev  ncaj,  Ntuj  lub
Ceeb Tsheej yog lawv tug.
11  Thaum luag thuam nej, hiam nej, thiab
liam ntau yam phem rau nej vim kuv, mas
nej txoj hmoov zoo.
12    Nej  zoo  siab  thiab  nej  hom  khaj  mog,
vim nej yuav tau txais koob haum loj nyob
saum  ntuj.    Cov  yaj  saub  ua  nej  ntej,  kuj
raug luag hiam zoo li ntawd thiab.


Mam txuas ntxiv.