Nthuav zaj Peb Txiv nyob saum Ntuj.

-> Koj lub ceeb tsheej los txog, nyob ntiaj teb no xws li nyob saum ntuj. Tswv Ntuj lub Hwj Chim Koob Meej loj thiab zoo tas nrho. Nyob thoob plaws saum ntuj rau ntiaj teb no.
Tsis muaj ib yam yuav zoo tshaj li, Tswv Ntuj lub hwj chim koob meej lawm. Kev muaj hmoo, kev nplua nuj. Kev zoo siab, kev vam meej, kev tuag muaj yeej nyob hauv Tswv Ntuj tas txhua yam.
->.Koj pub mov txwm hnub txaus peb noj hnub no, Tswv Ntuj tus nplua nuj koj pub kom peb muaj noj muaj haus txwm hnub. Ces peb lub siab tsis ywj fab ywj fwj mus taug kev ua thaum ua tub qaug rau Tswv Ntuj lawm.
Thaum peb muaj txaus noj txaus haus mus kav thawm hnub. Ces Peb yuav tsis mloog Dab phem tuaj ntxias peb siv peb lub siab mus ua kev txhaum rau Tswv Ntuj tsoom tub ki nyob ntiaj teb no.
Thaum peb tsis muaj kev tshaib kev nqhis ces peb lub siab nyob tiaj tus. Tsis nco thiab ntshaw los nyiam mus ua tub sab tub nyiag.
->.Koj zam txaum rau peb zoo li peb zam rau luag! Peb lees tias, peb yog ib tug neeg tsis thoob tsib to nrog. Thaum peb pom peb tej txheeb ze ua txhaum me me rau peb. Mas peb twb txawj zam rau lawv.
Yog peb thov mas Tswv Ntuj yuav txawj zam tej yam loj tshaj li peb zam tej yam me me rau cov txheeb ze ntawm peb. Thov kom Tswv Ntuj hlub peb li peb txawj hlub qee leej txheeb ze peb.
->. Koj npo peb dim ntawm kev phem! Peb thov kom Tswv Ntuj txuag peb, kom peb txhob txav mus ze rau dab phem rooj ntxiab. Uas nws caws tos peb kom mag peb, Kom peb tau ua kev tub qaug rau Tswv Ntuj.
Peb yeej tsis xwb tim ua rau Tswv Ntuj, tab sis peb ua rau Tswv Ntuj tsoom tub ki, ces yeej cuag li peb xwb tim ua rau Tswv Ntuj kiag lawm.
Vim tas txhua leej txhua tus sawv daws yog Tswv Ntuj tej me nyuam tas nrho.
->. Zaj peb txiv nyob saum ntuj no, yog Tswv Ntuj Leej Tub. Ua Nws tau nrog Tswv Ntuj ib txhij nyob thaum lub hauv paus los. Yog Yes Xus Pleev ua tus qhia rau Yaj Ceeb neeg sawv daws.
Tus paub thiab txawj hais zaj peb txiv nyob saum ntuj no, los cav txog Tswv Ntuj lub npe nyob hauv Tswv Ntuj lub hwj chim thiab lub koob meej.
Mas Tswv Ntuj yuav npo nws tus Ntsuj plig kom dab phem ntxias tsis tau nws. Nws zoo puav tam li yog Yes Xus ib tug kwv los ib tug muam. Muaj Tswv Ntuj lub zog thiab lub peev xwm nyob txawm hauv nws nruab siab.
Nws tus Ntsuj plig dawb thiab ntshiab li Tswv Ntuj Tsoom Tshiab uas yog Tswv Ntuj cov tub ncig nyob saum ntuj. Leej twg txawj siv zaj peb txiv nyob saum ntuj no. Mas thaum nws hais zaj peb txiv nyob saum ntuj no, los daws teeb meem mas leej thiab muaj zog tshaj li Hmoob cov zaj kawv koob daws dab, mus lawm ntau npaug.
->.Kwv tij ua li mas kuv thiaj muab nthuav kom nej sawv daws txawj siv los tiv thaiv dab phem rooj ntxiab uas nws cuab tos peb tom peb hauv ntej.

Yaj Zoov Ntxheb X.H.