Xav nrog tais Tooj tham

Tais Tooj,

Zoo li kuv muaj kev ntxov ntau ntau yam li es koj pab nriav saib leej twg puas khoom tuaj tso cov zaj nyeem Hnub Chiv Xyoo B os. Ntshai yuav yog lub 9 hlis mas kuv mam rov tuaj tso tau. Tams is no ces ntshai kuv yuav tuaj tsis tau lawm. Thiab kuv yuav tsis tso cov zaj nyeem niaj hnub lawm thiab, cia kuv tuaj tso tau thaum twg no ces kuv mam rov tuaj dua.

Nyob zoo Mim,

Ua li os, yog nws tsis khoom los kuv mam li tuaj tso xwb. Qhov nrhiav lwm tus tuaj pab ces lub siab yeej xav kom muaj tus pab tab sis xav luaj ntug los xu luaj nyug ces cia seb Tswv Ntuj puas hu leej twg tuaj pab peb xwb.
Kuv tus kheej mas yeej khwv tiag tiag li, ib leeg xwb ces khwv ib hnub twb tsis khoom zaum los twb ua tsis tau dab tsi li. Tsis ua cas, yus tib neeg thiaj li suav caij nyoog xwb Tswv Ntuj li Tswv Ntuj tsis sua, ib hnub thiab ib txhiab xyoo rau Tswv Ntuj zoo ib yam. Thaum ntej kuv khuv xim lub Forum Hmong Catholique, kuv txhawj tsam ploj tab sis hnub no, kuv tso siab tau Tswv Ntuj, kuv pom tias Forum Hmong Catholique ciaj sia thiab yuav nyob mus li.
Kuv tsis tshua khoom ces ntshe kuv yuav tuaj tso Ntawv Ntshiab thiab sau xov xwm tej me ntsis nrog rau LTH.Zoov Ntxheb thiab TP.Txhiaj Foom cov zaj ntau xwb. Dua li kuv mam npaj txhais tej zaj tseem ceeb tuaj tso; tab sis ntshe yuav ntev ntev mam txhais tau ib zag xwb.

Mim, ua siab loj mog.
Tswv Ntuj nrog koj nyob, ua koj siab kaj lug.

Tais Tooj,

Ua tsaug os. Twb yog kuv tab tom npaj yuav ua kuv tus tub ntxawg lub tshoob rau ib ob lis piam tom ntej no thiab ua tas nrho ces kuv ho yuav mus xyuas kuv niam, ces kuv thiaj li tuaj tsis tau vim muaj kev ntxhov ntau qhov. Thiab kuv yuav mus li ib hlis tawm ob hlis tej mam rov los. Nyob tim lawv ntshai twb tsis muaj computer rau kuv tuaj xauj li thiab.

Es nws mam ua siab ntev tuaj tso rau mog. kuv los txog thaum twg kuv mam rov tuaj pab nws os.