Xav nrog Mim tham

Nyob zoo Mim,

Kuv tsis paub lawv muab phau ntawv "Thoob Tsib" hauv Ntawv Ntshiab tso rau qhov twg?

Koj pab qhia kuv kom kuv paub meej.

Ua tsaug.

Npas Lws nyob hauv SEEV

Nyob zoo Nrhiav Tswv Ntuj,

Phau Ntawv Thoob Tsib nyob xyaw phau Kwv Txhiaj lawm os. Koj mus xyuas phau Kwv Txhiaj ces nws nyob tom qab lawm.

Nyob zoo Mim,

Kuv nrhiav tsis tau phau ntawv Xos Fos Nias, yog nyob rau qhov twg lawm?

Cas cov ntawv no lawv pheej muab sib xyaws, tsis teev cia es tsis paub nrhiav li.

Ua tsaug.

Nrhiav Tswv Ntuj,

Nag hmo kuv tsis khoom tuaj li ces tsis tau teb rau koj. Phau ntawv Xos Fos Nias lawv muab tso nyob hauv Os Npas Dias lawm os. Tas cov yaj saub me txij Os Npas Dias mus txog Mas Las Kis nyob hauv tas nrho os.

Mim,

Ua tsaug ntau koj qhia rau peb paub nrhiav cov phau Ntawv Ntshiab.
Yog ua li cas lawv ho tsis sau phiaj kom peb paub nrhiab ni yuad?
Txawm tias txhais cov zaj nyeem xwb los tsim nyog lawv yuav tsum tso phiaj kom txhua leej nrhiav tau.

Mim,

Kuv sau tsis tshwm hauv lub Topic » Ib tug txiv neej hu ua Marino restrepo cov lus pov thawj>> ces kuv los sau rau hauv nov teb koj cov lus.

Zoo kawg uas koj coj Mario zaj qhia tuaj tso rau peb nyeem.
Kuv pom ntau yam, tab sis kuv tsis paub hauv paus hauv ntsis ces kuv tsis muab lub caij mus nrhiav.
Zaum no muaj saub cuav, saub dag coob heev ces yog kuv tsis paub keeb kwm ces kuv tsis tshua nyeem tej lus pov thawj uas sawv daws hais, ntshai tsam tseem coj yus mus yuam kev phem tshaj qhov qub lawm thiab.

Yog koj khoom no koj pab txhais yuad, yog zoo heev es xav kom sawv daws tau paub thiab tau khaws cia xwb. Yog koj txhais ces kuv xav mus txhais lwm yam uas kuv twb npaj tau ntev lawm, tab sis yog tsis muaj caij xwb.

Tais Tooj,

yog koj muaj lwm yam yuav txhais no los kuv mam maj mam tuaj txhais ib qho me ntsis zuj zus rau los tau. Tus yawg Restrepo no mas kuv txhais los kuv tsis tshua ua xyem xyav li tus Maria Divine Merci os.

Mim,

Yog txhais no koj txhais Mario Restrepo zaj kom tag,
Maria Divine Mercy cov mas ntau thiab zoo li tej zaj thiaj zoo txhais, muaj tej zaj mas kuj tsis tag siab pes tsawg ces tsis txhais los tau.

Ua li, kuv cia koj mam txhais, vim qhov kuv npaj xav txhais ntawd kuv twb npaj ntev lawm, tab sis yog hauj lwm ntau me ntsis es tseem tsis tau ua xwb.

Ua tsaug.

Nyob zoo Mim,

Mim, nej tsis tuaj pab kuv ces kuv ib leeg xwb yuav txheem tsis tau ib phab tsua.

Cas qoob los ntau tsis muaj tub zog, tu siab kawg.

Mim, cas kuv nrhiav tsis tau As Mos hauv Ntawv Ntshiab li, yog muab tso rau qhov twg lawm?

Cov phau Ntawv Ntshiab, lawv tsis ua phiaj mas nrhiav nyuaj heev.

Nyob zoo os tais Tooj,

Xyov li lauj!... Kuv twb npaj tias yuav tuaj nrog koj sau tej zaj no tiam sis yeej tsis tau tuaj kiag li os... Koj twb khwv khwv kawg los koj tseem tuaj tu tsev nraim. Ua koj tsaug nawb. Thov Kom Tswv Ntuj foom nws tej koob hmoov zoo rau koj txoj kev mob siab mog.

Tais Tooj, koj hais txog As Moos, mas kuv tsis paub, tiam sis yog As Mos mas lawv muab tso nrog Yos es lawm os. Koj mus saib Yos Es ces nyob tom qab. Tej zaum yog ob phau luv luv ces lawv muab tso ua ke lawm. Koj mus saib saib puas yog tus koj xav nrhiav os.

Nyob zoo Mim,

Ua tsaug rau koj qhia kuv, kuv nrhiav tsis tau hauv Ntawv Ntshiab cab sab ces kuv mam ntau xwb ua leh rau kuv me ntsis, vim kuv tsis tshua khoom. Tab sis kuj ua tau ob lis piam los lawm, kuj dhau lawm thiab.

Tiag mas tsim nyob lawv cov luam phau ntawv no yuav tsum ua phiaj kom yooj yim nrhiav.

Mim, thaum peb ua hmoov 50 xyoo nco txog Rooj ncauj lus Vas tis kaas 2, kuv tau ua ib daim video luv luv, lub web site Cheeb Koom Txoos Lyon tuaj pom, lawv thov xa musrau lawv khaws ua puav pheej cia thiab lawv tau taug txog peb lub Forum no, lawv zoo siab kawg txawm lawv nyeem tsis tau ntawv hmoob los lawv pom peb ua hauj lwm ntau thiab muaj neeg tuaj saib coob. Lawv tseem caw kom tej thaum Peb Tsev Hmoob ntseeg cheeb tsam Lyon muaj koob tsheej no mus tso tau hauv lub lub site thiab no. Tab sis kuv khwv khwv li ces ntshe yuav lam teb cia xwb es cia seb Tswv Ntuj puas txib xwb lauj. Vim kuv twb tsis muaj caij ua cov hauj lwm uas kuv xav ua rau tus kheej li, tsuas tuaj tuav ob lub Forum nov tas zog xwb. Kuv tseem tab tom txhais txog tej xwm txheej tshwm sim thaum HT.Yes Xus yug los, muaj ntau yam xwm txheej tshwm sim uas tsis  nyob hauv Ntawv Ntshiab ces peb tssi paub txog, zoo kawg li. Kuv txhais tag mam muab tso rau sawv daws nyeem kom paub tias yog keeb kwm li cas thiaj yuav zeem tau ib tug Huab tais yug ua neeg, vim nws tsis yug li ib tug tub nom tub tswv, ntsej luaj ntxuam muag luaj kho, caj ntswm luaj qws tuav txob, nws yug los ua ib tug me tshaj ntawm cov neeg me.

Kuv pom tias Yes Xus mas nws ua le contraire ntawm tej huab tais vaj ntxwv, cov me nyuam vaj ntxwv mas lawv yug los hauv tsev vaj loog, pw txaj txum zooj, luag tsa nws ua vaj mas luag pleev roj, muab mom kub rau nws ntoo, zaum theej kiab, luag ua rooj nqaig rooj hno noj nqaij haus cawv dhia lom zem. Yes Xus yug los rau hauv kem tsev tshav puam (xam las), pw hauv lub dab nyuj, luag tau mom kuv, nws tau pom pos ua vaj, luag pleev roj nws pleev ntshav, luag zaum theej kiab nws mag ntaus nkag ti nkaus av, luag li noj nqaij haus cawv nws li suab quaj suab nyiav, luag li tau ib tug vaj kav lub teb chaws pib tshiab nws tau txoj kev tuag ua lub neej tshiab, luag tawm ntawm lub rooj loog muaj hwj chim nws tawm ntawm lub rooj ntxas thc.

Mim,

Koj mus qheb koj lub Box E_mail, kuv xa ib tsab xov tuaj rau hauv lawm.

Nyob zoo Mim thiab txiv Suav Nus,

Lwm lub lis piam, kuv tsis nyob tsev lawm, thov seb neb leej twg khoom no pab tuaj tso Ntawv Ntshiab Hnub Chiv tom ntej rau hauv nov.

Ua tsaug.

Maiv Tooj wrote:
Nyob zoo Mim thiab txiv Suav Nus,

Lwm lub lis piam, kuv tsis nyob tsev lawm, thov seb neb leej twg khoom no pab tuaj tso Ntawv Ntshiab Hnub Chiv tom ntej rau hauv nov.

Ua tsaug.

Nyob zoo os tais Tooj,
Koj hais li ntawd no puas yog hnub chiv tim 26/5/2014 no ?
Yog hnub ntawd no kuv mam pab tso los tau, tsam Mim ho muaj hauj lwm ntau ces nws tsis xyeej tes..
Sis ntsib dua lwm zaus.

Y. Suav Nus

Maiv Tooj wrote:

Mim,

Koj mus qheb koj lub Box E_mail, kuv xa ib tsab xov tuaj rau hauv lawm.

Tais Tooj,

kuv tsis pom koj tsab xov hauv kuv qhov email li as.  Kuv twb mus saib tas tsis pom li.  Koj xav hais dab tsi os? Yog koj muab xa rau PM thiab saib qhov twg pom os.

Txiv Suav Nus, yog koj tuaj tso cov zaj nyeem los tau kawg mas.

Mim,

Thaum kuv hais tias kuv xa xov hauv koj tus E_mail rau koj no yog kuv hloov koj tus PW hauv nov lawm es kuv xa rau hauv nov ces koj tsis paub tus ntawv qheb, koj qheb tsis tau koj npe, kuv thiaj li xa tuaj rau hauv e_mail xwb. Koj twb tuaj tau hauv nov lawm, txhais tias koj twb pom kuv tsab xov lawm koj thiaj tuaj tau.

Nyob zoo Xyoo Tshiab Mim,

Qhov koj sau txaog daim "scarpulaire" nyob qhov twg lawm, kuv nrhiav tsis tau; yog koj tuaj pom kuv tsab xov noov no koj muab link rau kuv, vim kuv xav muab luam rau cov neeg uas tsis paub tuaj haus cab sab nov.

Ua tsaug.

Nyob zoo tais Tooj,

Kuv tsis paub mus nrhiav li lawm, xyov yog nyob qhov twg lawm os. Cas zoo li muaj ntau yam uas kuv mus nrhiav tsis tau lawm es yog nws ploj lawm los yog tsis paub mus nrhiav xwb? Yog koj ho nrhiav tau no ces muab tso ib qhov kom nrhiav tau yooj yim os.

Nyob zoo Xyoo Tshiab Mim,

Yeej tsis ploj; tab sis yog tsis sau ib lub topic rau nws tus kheej ces thiaj li tsis paub tias nyob qhov twg lawm xwb. Ua li koj puas khaws ua document rau ntawm koj, yog koj muaj nyob ntawm koj no koj pab xa rau kuv tau siv nim no.

Kuv twb yuav tau ib lub disque dur externe lawm; cia muaj sij hawm mam tuaj copy cov zaj hauv nov, mam muab teem kom zoo thiab meej xav siv qhov twg thiaj nrhiav tau thiab kom tau khaws tseg.

Aub yaub, tais Tooj e,

Kuv mas xyoo no raug hmoov phem heev. Ua ntej thaum lub 7 hli 2014, kuv lub computer cia li tsis khiav lawm, ces hle lub hard drive mus rau lawv pab muab kuv cov documents tawm rau kuv no, tiam sis lawv hais tias yog vim daim hard drive ntawd puas lawm ces muab tsis tau kuv cov documents tawm li mas khuv xim tshaj plaws li os. Kuv muaj yam puav uas nyob rau lwm qhov thiab tiam sis cov ntau yog nyob hauv daim puas lawm xwb. Tam sis no, kuv tseem pheej xav tau tias ntshai kuv yuav tau rov tuaj copy cov uas tso rau hauv no es kuv thiaj muaj cia no tiag. Yog koj yuav tau daim disque externe lawm no kav tsij muab khaws cia es thiaj li tsis ploj mus os.

Xyov yuav ua cas thiaj nrhiav tau tej yam uas yus xav rov mus nyeem ne yuad?

Tais Tooj, kuv xav rov tuaj nug ib qho ntxiv: Ua cas kuv rov mus nrhiav peb tej lus uas thaum kuv nyuam qhuav tuaj tau tsis ntev peb sau, kuv nrhiav tsis tau li lawm. Kuv ho mus nrhiav tej yam uas thaum ntawd peb tau sau hais txog cov nom Los Mas tau sau tej daim ntawv piav txog Yes Xus. Kuv kuj mus nrhiav tsis tau li lawm thiab. Ib qho ntxiv, zoo li nej cov uas tuaj kho tau lub site, tau muab nws kho ob peb lwm lawm, es thaum nej kho ntawd nej puas muab tej yam tso pov tseg os? Kuv mus tshawb ntau ntau qhov, zoo li kuv pheej nrhiav tsis tau li. Los yog kuv tsis paub nrhiav xwb na?

Mim,

Kuv kuj tsis paub li thiab, tam sim no cov uas yuav tshem tau tej uas sau hauv nov ces tshuav koj thiab kuv xwb; May Paj Lug twb tsis tuaj lawm. Muaj tej zaj mas kuv mus nrhiav tsis tau li, zoo li nws ploj kiag lawm. Mas ntshe yog cov moderator goole tuaj tshem xwb thiaj li yuav tau; vim muaj tej cai tiv thaiv neeg txoj cai yooj yim heev, tej zaud mas yog tseeb, tej zaud mas yog lam tau lam hais los luag cia li muab tshem yam twb tsis soj ntsuam qhov tseeb.
Seb koj puas nco tej uas peb sau ntawd nyob rau chawv twg?

Forum mas Maiv Paj tsuas kho tib zaug thaum nyuam qhuav tsim tau lub Forum tshiab tshiab xwb; tab sis twb tsis tau tshem dab tsi, yog nws kho sab nraud kom txawv xwb.

Mim wrote:Aub yaub, tais Tooj e,

Kuv mas xyoo no raug hmoov phem heev.  Ua ntej thaum lub 7 hli 2014, kuv lub computer cia li tsis khiav lawm, ces hle lub hard drive mus rau lawv pab muab kuv cov documents tawm rau kuv no, tiam sis lawv hais tias yog vim daim hard drive ntawd  puas lawm ces muab tsis tau kuv cov documents tawm li mas khuv xim tshaj plaws li os.  Kuv muaj yam puav uas nyob rau lwm qhov thiab tiam sis cov ntau yog nyob hauv daim puas lawm xwb.  Tam sis no, kuv tseem pheej xav tau tias ntshai kuv yuav tau rov tuaj copy cov uas tso rau hauv no es kuv thiaj muaj cia no tiag. Yog koj yuav tau daim disque externe lawm no kav tsij muab khaws cia es thiaj li tsis ploj mus os.

Xyov yuav ua cas thiaj nrhiav tau tej yam uas yus xav rov mus nyeem ne yuad?

Mim,

Ntshe yog koj tus technicien ntawd tsis tshua tshaj lij txaus thiaj li ua koj cov documents ploj lawm; yog nws tshaj lij txaus mas yeej rov muab tau rov los xwb. Kuv cov li tej thaud ploj tag nrho, tab sis kuv tus technicien yeej muab tau rov qab thiab nws kho los tsis txog qhov yuav tsum tshem txhua yam hauv mam li kho.

Cia kuv khoom, kuv mam li muab tib kom zoo zoo thiab rau npe kom meej rau txhua yam. Tej uas koj nrhiav tsis tau, tej zaud yog nyob txuam rau lwm yam lawm ces yus tsis nco qab tias yog tau sib tham rau qhov twg lawm xwb.

Tais Tooj,

Tsis yog tim kuv tus technicien, hos yog tim kuv daim hard drive ntawd kub nyhiab lawm no os, ces kuv yuav tsum tau siv ib daig tshiab lawm xwb.