Niam Mab Liab quaj nyob Malaysia (Mas Les Xias)

Lawv nyuam qhuav tshaj xov xwm tawm tias nyob Mas Les Xias, nyob cheeb tsam Kampung Mahandoi hauv lub nroog Penampang, xeev Sabah, qaum pov txwv Borneo, ib yim neeg muaj ib tug mlom Mab Liab pib quaj hnub Ob lub lis piam no los lawm. Ntsia mas nws kuj los tej teev kua muag loj kawg li. Xyov yog nws xav hais dab tsi los peb kuj tsis paub. Tiam sis ib qho peb paub zoo mas yog qhov tias Niam Mab Liab xav kom peb mob siab rau niaj hnub teev ntuj thiab coj raws li nws leej Tub tau qhia rau peb lawm.

http://www.thestar.com.my/News/Nation/2015/03/06/Visitors-flock-to-see-crying-statue-of-Mother-Mary-in-Sabah/

Mim,

Ua tsaug nws muab tsab xov nov tuaj rau peb paub. Niam Mab Liab quaj vim peb pheej tsis mloog Yes Xus cov lus kom peb ho tau nyob thaj yeeb nyab xeeb. Twb tsis muaj teeb meem los peb pheej mus nrhiav teeb meem kom peb tau kev nyuaj siab ntxhov plawv, twb tsis txaus sib ntxub, sib chib los nim ua lub qaws hauv peb lub siab rau txoj kev ciaj caub, tsub mub tsim txom kom peb tsis muaj rtxoj kev thaj yeeb li. Tswv Ntuj muab txoj kev zoo kom peb tau txais kev nyab xeeb ua neej hauv txoj kev sib nyiam sib hlub los peb tsis yuav li ces Niam Mab Liab thiaj li quaj.

Ntawm kuv tus kheej mas kuv xav kom peb txhob ua ib cov neeg kom tau ua pab ua pawg thiab kom tau chaw vam khom xwb peb yuav tsum ua ib cov neeg ntseeg hauv nruab siab nrhiav Ntuj lub Ceeb Tsheej tiag tiag li. Kom Ntuj lub Ceeb Tsheej nyob ntiaj teb nov li nyob saum Ntuj mas peb yuav tau kev thaj yeeb nyab xeeb, peb yuav tsis muaj kev tu siab tu sau, tshub muj tsim txom peb, peb yuav tau nyob Tswv Ntuj lub Ceeb Tsheej ntiaj teb thiab tseem yuav tau mus nyob mus li tom qab lub neej txoj sia.

Nyob Mim thiab N hlob

Xyov yog vim li cas niaj hnub nyem no tib neeg yuav tsi mloog ntuj txoj cai qhia li lawm.
Lub ntiaj teb no twb tshwm sim txhua yam ntau kawg, xws li,
Kev kub ntxhov, kev sib ntau sib tua. Kev muaj av qeeg, dej nyab, muaj ntau qhov piam sij tas.
Los neeg tseem coj lub siab tawv li tawv tsi kam mloom ntuj txoj cai qhia li.

Neeg tseem xav raws neeg lub siab xwb.
Tab yog cov neeg ntseeg ntuj nkaus los, muaj ib txhia tseem ua ntsej lag muag dis, ua tus tsi hnov, tsi paub tsi pom.
Txawm lawv pom kiav los lawv muab xyeeb zog rau lwm qhov, lawm ua ywj lawv txoj kev lom zem xwb.

Mim Thiab Niam hlob kuv xav mas tej zaum Niam Mab Liab hlub peb tib neeg. Nws xav qhia kom neeg paub nws lub siab mob ntsim li cas los nws qhia tsi tau rau peb tib neeg ntiaj teb, es nws thiaj yeeg tuaj rau tus piv txwv ntawm tus mloom Mab Liab ntawd quaj kom neeg pom og.

Zaj xov xwm nyuav qhuav yog hnub tim 2 - 3 - 2015 no xwb lov, los yog thaum twg maj? Vim nej tsi sau lub sij hawm kom meej nco tseg, tsam ob peb xyoo ces tsi paub yog xyoo twg lawm.

N hlob thiab Mim
yog neb muaj sij hawm no rov tuaj txhais ntxiv, vim kuv mus yuas tus Link Mim tso mas zoo li tsi tau tas.
Los twb txhais tas lawm og, vim kuv tsi paub ntawv Aas kiv thiab Fab kis.
Yog nej txhais tsi tau tas no thov rov txhais ntxiv og nawb.

Sib ntsib dua

Kuv txhais raws li cov lus sau:


Tus tswv tsev Miv Kais hais tias: tus mlom Mab Liab pib los ib cov teev dej Hnub Ob Tim 02, 3 hlis 2015, thaum 5 teev yuav tsaus ntuj.

Nws hais tias yog nws tus tub yau npe hu ua Mejvin, hnub nyug 14 xyoos yog tus xub pom cov teev dej ntws ntawm tus mlom Mab Liab lub plhu hnub ntawd thaum 17h.

"Thaum ntej kuv tsis ntseeg li txog thaum kuv pom kiag cov kua muag ntws tiag. Ua rau kuv ceeb tag, kuv tsis xav hais tias kuv yuav pom tej yam zoo li nov tshwm sim. Kuv xav tias yog hwj huam yees ntxwv"


Nws hais tias nag hmo Hnub Tsib, tim 05-03-2015, cov kua muag rov qab ntws dua thaum 10 teev tsaus ntuj.

Miv Kais tias tsaib no, nws tus muam mus ncig teb chaws, nws yuav tus mlom nov nyob teb chaws Philippine los; lawv muab khaws cia tav nov, vim tseem kho tsev ces nyuam qhuav muab rau Tswv Qhia Liab Jonh Wong (Tuam Tswj tsoom neeg Catholic cheeb tsam Sabah Sabah) thaum nws ua Thaj Txi Ntuj hauv lub tsev teev Ntuj Poj Vaj Niam Mab Liab nyob lub nroog Kampung Kobusak Hnub Chiv dhau los no (Hnub Chiv Tim 01 lub 3 hlis 2015).

Neeg hnov qhov xov nov, tuaj coob heev tuaj xyuas thiab tuaj teev Ntuj ntawm tus mlom. TP.Jefferi Gumu tias Koom Txoos paub txog qhov xwm no; lawv tseem yuav xyuas seb yuav ua li cas; tej zaud Txiv Plig lawv yuav muab tus mlom nov coj mus tso rau hauv lub tsev teev Ntuj ntawm lus zos.

Nyob zoo Tub Kawm thiab tais Tooj,

Tub Kawm, qhov xwm no nyuam qhuav tshwm kiag lub lis piam no xwb os. Kuv tsis tau muab txhais ua lus Hmoob, tiam sis tais Tooj twb muab txhis thiab tso hnub nws pib quaj rau lawm os.

Ua tsaug tais Tooj, koj tau tuaj muab txhais ua lus Hmoob lawm, kom cov uas tsis paub lus Aas Kiv los lus Fab Kis ho tau nyeem qhov lawv piav.