nyob zoo o cov kwv tij sawv sawv daws

nyob zoo ntawm no kuv yog kheej nyuam qhuav los tshiab, kuv yog hmoob ntseeg nyob los tsuas teb, zoo siab uas tua paub nej sawv daws uas nyob rau hauv no kuv tsis tau paub dab tsis ntau yam thiab yuav thov fim nej cov tij laug los niam laus sawv daws uas nyob rau hauv no pab qhia paub thiab

Nyob zoo Kheej,

Zoo siab koj tuaj txog peb lub tsev nrhiav Tswv Ntuj lub Moo Zoo.
Koj tuaj txog lawm, kav tsij tuaj xyuas peb, nyeem ntau yam uas peb tau sau dhau los lawm, yog tshuav yam twg tsis txhij tsis txhua los ho qhia kom peb tshawb nrhiav los sau ntxiv; koj tus kheej thiab cov txheeb ze ho muaj yam ntxim yuav tham rau peb mloog thiab paub txog los peb zoo siab txais tos txhua yam.

Nyob zoo Kheej, kuv zoo siab hnub no koj tuaj txog peb hmoob kav tos liv lub tsev sib fim Tswv Ntuj txoj lus.
Kuv twb tos ntev cas tsis pom muaj hmoob nplog hmoob suav tuaj nrog peb fim li.
Kuv zoo siab hnub no koj tuaj txog lawm, thov koj tham nej kev ntseeg ntuj tuaj pub rau peb mloog.
Kheej peb sawv daws tuaj ntawm no yog tuaj txhua qhov chaw txhua lub teb chaws tuaj sib fim kev ntseeg. Zoo siab koj tuaj txog peb lawm, kav tsij tuaj peb sib tham og nawb.

nyob zoo o tub kawm koj lub npe hu li cas tiag thiab koj nyob qhov twg tuaj, ziag no tseem kawm los ua dab tsis lawm xwb, peb nyob rau ntawm no ces tsawg tawg yim xwb thiab tsis muaj tsev teev ntuj tsaus yog nyob nyob thiaj tau mus thov ntuj ntawm ib yim xwb los yog leej twg muaj noj muaj haus thiaj li tua mus koom thov ntuj ua ke yog li ntawv kev paub ntawm tswv ntuj los yeej tsawg heev li, tsuas yog muaj ib lub tshawj loj nyob rau hauv nroog vias cas xwb yog li ntawv kev mus los los deb thiab lub neej los tsaus yog niaj hnub mus liaj ua teb rov los tsev nkau xwb txoj kev kawm ntawv los yeej muaj tsawg heev li thiab vim tias feem ntau cov nyob rau toj siab xwb thiaj li tsis paub txog lub neej thiab txoj kev txawj tse li nyuam qhuav tau ob xyoo no xwb tswv ntuj thiaj li coj peb tuaj paub tau me ntsi li no thiab coj kuv los ntsib nej sawv daws nyob ntawm no
kev ntseeg tswv ntuj nyob rau ntawm peb cov nyob rau sab no tam sim no cov uas nyob rau hauv nplog teb no uas yog cov kuv paub yog muaj 6 los 7 lub zos xwb thiaj muaj peb cod ntseeg nyob hos dua li ces tsaus yog nplog los pobthawj lawm xwb

nyob zoo o maiv tooj zoo siab tias nej ho tsim tau ib qho chaws ua rau peb sawv daws tau tuaj sib paub los tuaj tshawb nrhiav txog tswv ntuj nyob rau ntawm no, neej yeej tsim tau zoo kawg li lawm, kuv los nyuam qhuav paub nyuam qhuav nrhiav tau qhov chaw nyob no thiab xwb yog tias saib tshuav qhov twg tsis zoo los mam sib noog sib qhia rau
tsuas thov tswv ntuj foom koob hmoov rau koj o phauj maiv tooj

Nyob zoo Kheej thiab ub Kawm,

Kheej,

Tswv Ntuj muaj hwj huam loj tas nrho, txawm hais tias nej tsis muaj qhov chaw txoos los nej yuav tau ua siab loj, siab ntev; txhoob qaug rau luag kev haub kev ntxias, kev ua kom zoo li luag tab sis nyob hauv txoj kev txhoj txhaum thiab tsis raws li Tswv Ntuj lub zeem muag. Yuav xav tias txhua yam kev tsim txom, kev quab yuam thiab kev caij tsuj, yog neeg ntiaj teb ua, yog neeg ntiaj teb mus nrhiav dab phem txoj kev yooj yim, txoj kev haub ntxias rau lub neej ntiaj teb xwb; nws yuav tsis nyob mus li. Yuav tau tswj nres yus lub siab, nyob ruaj nreb hauv txoj kev ntseeg, hauv Tswv Ntuj lub xub ntiag, txawm txom nyem los yuav zoo siab; vim kev txom nyem yog qhia kom yus ntse thiab ntxuav yus kom dawb huv xwb. Yuav txaus siab txom nyem tab sis nyob hauv txoj kev dawb huv, uas txhiaj khoov lom zem zoo siab nplua nuj uas nyob hauv txoj kev txhaum. Peb lub neej ntiaj teb yog ib vuag dua, peb lub neej tom qab lub neej yaj ceeb yuav nyob mus li, hloov, thim tsis tau li lawm; yog peb tsis ua txiaj ntsim, hnub qab nram ntsis peb xav txog ces lig dhau lawm yuav tsis muaj neeg pab tau peb tus ntsuj plig lawm.

Yav thaum teb chaws tsis tau tawg, ua ntej 1975, nyob Nplog teb thiab Cob Tsib Qab teb, tsoom ntseeg Catholique, tsim tau ntau yam zoo cia; lawv txhim vaj tse loj, muaj ntau lub tsev teev Ntuj loj, muaj neeg coob mus rqhia Ntuj Kev Cai thiab txhawb Hmoob pem toj siab, nyob yaj sab; tab sis txij teb chaws tawg ces peb muab tag nrho tej teeg tug pub rau tseem hwv tag lawm, zaum no nej thiaj li nyob tsis muaj chaw ntsaub, tsis muaj chaw txoos. Tab sis ua siab loj, Tswv Ntuj xav pab nej hnub twg los yeej tau, Tswv Ntuj ua tau tej yam loj uas neeg xav tsis txog thiab ua tsis tau. Qhov zoo thiab tseem ceeb ces nej tswj nrees nej txoj kev ntseeg kom zoo nkaus xwb, qhov nov yuav yog tus yuam sij qheb txhua yam saum yaj ceeb thiab hauv yeeb ceeb rau nej.

Kuv hais li no, vim kuv lub neej muaj ntau ntu poob qes, muaj ntau ntu nce siab; vim kuv nyob tso siab lug rau Tswv Ntuj, thaum kuv poob qes tshaj lawd, Tswv Ntuj xa tej tug neeg uas kuv tsis paub lawv los pab kuv ib txwd, tsis hais thaum me nyuam yaus los lub neej laus no.

Nyob Kheej thiab N hlob.

Kheej ua tsaug uas koj tham nej kev ntseeg rau peb paub og. Txawm nej tsi tau muaj tsev teev ntuj los, nej sib sau koom teev ntuj rau ib yim ces zoo kawg lawm. Thaum HT Yes xus yug los Yes Xus yeej xaiv txoj kev txom nyem pw hauv dab nyuj, li ntawd nej txawm txom nyem los tsuav yog rau siab rau nej txoj kev ntseeg txhob tso tseg ces hnub tom ntej yuav tau txais koob hmoov ntawm Tswv Ntuj xwb.

Peb los kuj tib yam nej thiab xwb. Kuv nyob rau Yaj sab kuj tsi tau muaj tsev txoos li thiab og. Tiam sis kuj ua siab tawv qhawv rau txoj kev ntseeg.
Kheej thov koj thiab kuv peb khaw Niam hlob uag yog Maiv Tooj nws cov lus sau toj no rau peb nruab siab, coj mus txhawb zog rau cov ntseeg zog og nawb.

Koj nug tias kuv lub npe hu li cas? Puas tseem kawm ntawv? Nyob qhov twg?.
Kuv lub tseem npe yog Txawj Tuam Xeem ham, nyob cob tsib teb, kuv tsi kawm ntawv lawm.
Es koj nej ho hu li cas thiab yog xeem twg? Cov zos koj paub puas nyob ze peb sab nrim teb? Ib lub zog Lawv muaj peg tsawg yim tej? Tam sim no koj muaj tsaw xyoo lawm? Koj puas paub Txiv Tswv Qhia Txwj Choo Thoj? Hauv lub Tshawj koj hais nyob rau Vees cas ntawd puas yog TT Qhia Txwj Choo ua tus saib?

tub kawm kuv lub npe tiag hu kheej lauj muaj 20 xyoo tam sim no kuv tuaj kawm nyob hauv nroog vias cas ho kuv niam kuv txiv nyob hav zeb dub kuv txiv hu li ntsuab li lauj kuv niam hu li mos lis uas yog xeev Huam pha nyob puab rau sab cob tsib ko thiab yog tuaj ncaj no ho tuaj saib lawv thiab hauv lub zos ntawv muaj cov ntseeg li kaum tawm yim thiab ho yog khoom no ho tuaj saib lawv los tau.
hos cov zos uas kuv paub ntawv yog nyob rau sab vias no cov zos uas tsawg ces yog 3 yim cov coob muaj li 10 tawm yim thiab xwb.
hos tus txiv tswv qhia Txwj Choo kuv los twb tsis tau pom thiab tab sis kuv hnuv lub npe xwb thiab paub tias nws nyob rau lub xeev mos loob uas yog tav qaum teb ntawm teb chaw los tsuas no ho tus nyob ntawm no yog txiv tsw qhia qha xem uas yog tus qhia peb, thiab kuj tsis tau paub tias sab pev cov ntseeg puas coob thiab vim tsis tau mus txog pev li.
kv los tsis tau noog koj es kojmuaj tsawg xyoo lawm? tib cov ntseeg nyob sab ko paus coob thiab? thiab koj puas tau tuaj tsham teb chaws no paus tau paub leej twg uas nyob rau sab no thiab? thiab ho tham txoj kev ntseeg nyob rau sab ko rau peb mloog thiab?

Nyob zoo Kheej thiab Tub Kawm,

Kheej,

Auv! Koj yog cov hmoob Lauj Hav Zeb Dub lov! Kuv paub koj cov txheeb ze tus puav thiab, cov uas xub xub ua Ntuj Kev Cai nyob Samneua thaum TP.Nyiaj Pov tuaj thawj zaug uas cov Hmoob Samneua sawb saub, ua Niam Txiv thiab xws li: Lauj Fav Tswb, Lauj Vam Thaiv, Lis Nkaj Teev, Vaj Nyiaj Lwm, Tsab Xov Tshaj, Lauj Ntxawg, Thoj Vaj Thaiv, Lauj Ntxhuav uas tseem nyob zos Av Liab tim ko, Lauj Ntxhuav kuv tsis tau pom dua nws, wb sib fim hauv ntawv xwb; Lauj Tau mas kuv tau ntsib nws tim Fab Kis teb lawm. Yog koj nyob xeev Huam Phan tuaj, nyaj koj yuav pom TP.Nyiaj Pov lawv tej qub vaj qub tsev uas tso tseg rau ped thiab; lawv nyuam qhuav pib tsim vaj tsa tsev, twb ua tsis tau tag li lub hom phiaj ces twb muab tso tseg tag nrho lawm.
Yog koj tuaj Samneua tuaj ces Tub Kawm neb nyob tsis sib deb pes tsawg, yog tuaj tsheb tuaj mas lug heev, tab sis kuj sib caij li 6-7 teev xwb, yog txiav kev mas haj yam ze dua.

Kheej, thaum ub nyob Moos Loob mas yog cov Txiv Plig yog cov tuav cov tsev kawm ntawv zoo thiab loj tshaj, cov tub huab tais nplog puav leej mus kawm ntawv hauv Txiv Plig lawv tsev xwb; tab sis teb chaws tawg ces kuj tso tag nrho rau tseem hwv lawm; zaum no Tswv Qhia Txwj Choo nyob ped, nws kuj tsis tau cai tshaj Ntuj Lus li siab xav, nws nyob kaw nti, tsis muaj kev qheb dav rau nws. Nyob li Vees Cam kev qheb dav zog; tab sis kuj tsis yooj yim npaum siab xav; nyob rau Savannakhet mas Koom Txoos muaj kev raug zoo nrog tseem hwv mas lawv kuj txhim tau vaj tsev zoo, ua tau chaw rau cov tub kawm Txiv PLig thiab. Vam thiab cia siab tias lawv yuav muaj kev huaj vwm lawm yav tom ntej.

Nyob zoo N hlob thiab Kheej, kuv zoo siab ntau ua Tswv Ntuj coj tau peb tuaj sib paub og. Niam hlob, txhua yam twb yog muaj nej tsim tau lub Forum hmoob Catholic rau peb sawv daws tuaj sib paub og.
Thov kom HT Tswv Ntuj xa Leej Ntuj Plig Ntshiab tuaj tshoj coob leej tuaj sib fim hauv peb lub Forum.


Kheej, tej zaum koj thiab kuv yuav nyob tsi deb li N hlob hais ntawd, kuv kuj tsi paub zoo. Thiab kuv kuj tsi tau txog nej sab ntuj ib zaug li, thiab kuv tsis tau paub leej twg li.
Tsuas lam nug koj xwb. Kuv zoo siab ua tsaug rau koj tuaj nrog peb sib xa Tswv Ntuj lub Moo Zoo og.

Kheej, tam sim no kuv muaj 30 tawd xyoo lawm, kuv tsev neeg muaj 5 leej xwb, kuv poj niam thiab 3 tus me nyuam.

Hais txog ntawm peb txoj kev ntseeg tej zaum tib yam tom nej ko, los ntau muaj kev dav me ntsis thiab xwb og.
Hais txog cov ntseeg ua yog peb hmoob kiag nyob rau peb lub Cheeb Koom Huong Hoa, yav qaum teb, tsi xam cov nyob lwm qhov mas tej zaum peb muaj Kwv yeeg tej zaum muaj 6000 tawm leej neeg ntseeg tej lawm.
Peb kuj coob kawg, tiam si peb hmoob feeb yog ua liaj ua teb noj nyob rau yaj sab, tsi muaj kev kawm txaus li koj hais, ces yeej tseem nyuaj heev.

Kheej, yog koj twb tau mus kawm rau hauv nroog lawm, kav tsij rau rau siab kawm kom tiav rov lom pab rau yus tsev neeg ntseeg og nawb. Txhob tso txoj kev kawm tseg og nawb. Sib ntsib dua.

niam hlob cov neeg uas koj hais los ntawv kuv los kuv kuj paub thiab tab sis mas thaum ntawv yus tseem me yus nco tau lem loog lawm xwb rau nyias mus nyias tas lawm tsuas yog tshuav cov nyob los yog cov rov los saib teb chaws xwb thiaj paub lawv zoo, hos yog hais lub npe no tseem nco tau qee tus thiab hos yog pom no xyov paus paub lawm rau nyias laus nyias tas lawm thiab yeej noog tsis tau lawv li xyov lawv paus tseem noj qab nyob zoo hos cov kv nrhiav tau lawv 2 3 tus hauv facebook hauv thiab cov kv paub zoo yog  zoov ncaib yog cov txiv ntxawm nyob rau fab kis teb lawm hos tau lauj los yog cov txiv ntawm thiab xwb tseem nyob rau nas xam las ib co mus meskas lawm cov kuv paub lawv kuj tseem noj qab nyob zoo thiab
ho ntawm tub kawm seb nyob lub zos hu li cas xeev dab tsis? tej zaum kuv tsis paub los mam saib seb nyob puas ze kuv niam lawv,

Nyob zoo Kheng,
kuv nyob Xeev Dien Bien ze ze rau nej sab ntag, tiam si teb chaws loj ua loj dav tes dav, yus los ko taw tsis ntev thiab ncig tsi tau teb chaw, ces tseem tsi tau paub txhij txhua, cia seb thaum twg muaj sij hawm mam ncig ov.

nyob zoo ib tsoom kwv tij sawv daws nyob li ntawm nej teb chaw los lub nroo lo lub zos puas tau noj peb caug thiab paus lom zem?