COJ KOJ LUB TEEB MUS CI RAU LUB NTIAJ TEB

Xibfwb, NpuagTub aj...,

Kuv rovqab muab koj cov lus nyeem dua ib lwm ntxiv,
Kuv nkagsiab koj ntau me ntsis lawm mas tabsis daws tsis tau kuv lub siab chis,
Vim kev yuav xaiv ib txojkev ntseeg tsis yoojyim rau kuv,
Vim lub neej no tsis yog yus ib leeg xwb tseem muaj tus hlub,
Yus xav ua li yus lub siab nyiam los ua tsis tau li,
Vim li thiaj niaj hnub nyob nrog lub kua muag si xwb tiag,

Lubpajzoo wrote:Xibfwb, NpuagTub aj...,

Kuv rovqab muab koj cov lus nyeem dua ib lwm ntxiv,
Kuv nkagsiab koj ntau me ntsis lawm mas tabsis daws tsis tau kuv lub siab chis,
Vim kev yuav xaiv ib txojkev ntseeg tsis yoojyim rau kuv,
Vim lub neej no tsis yog yus ib leeg xwb tseem muaj tus hlub,
Yus xav ua li yus lub siab nyiam los ua tsis tau li,
Vim li thiaj niaj hnub nyob nrog lub kua muag si xwb tiag,

Nyob zoo os Niamlaus Lubpajzoo, cas ntev ntev lawm tsis pom nws tuaj xyuas peb li lawm es nws puas tseem noj qab nyob zoo li qub os.

Niamlaus aj, kev ntseeg rau koj mas yooj yim tshaj plaws li os nawb. Txawm koj leej nkawm tsis kam mus ua neeg ntseeg thiaj khuam koj lawm los koj txhob tas kev cia siab os mog. Seb koj nyiam yam twg lawm ces koj cia li zoo siab twj ywm xwb. Xyaum mus nrhiav tej ntawv Ntshiab los nyeem thiab mus thov ntuj pab koj thiab koj tsev neeg xwb ces tau lawm.

Thaum twg koj thov ntuj zoo thiab koj muaj kev ntseeg tseeb lawm ces TSWV NTUJ mam hu koj tus nkawm tom qab los tsis lig. Ua ntej tshaj yog koj tsis tau kev mus teev ntuj hauv Church los kav tsij teev nyob hauv koj tsev ua ntej xwb yeej zoo heev , vim TSWV NTUJ tsis xaiv cov neeg mus tshwm ntsej tshwm muag hauv CHURCH kom luag qhuas tias yog neeg ntseeg ntuj (tiam sis lawv lub niag siab ntsws mas muab zais tob tsis tob los thaum muaj ib tug neeg txom nyeem zaum ntawm kev twb tsis paub tsis pom thiab tseem ua rau lawv hla kauj ruam kom deb tsham lawv lam dawm ntog.)

TSWV NTUJ nyiam tus neeg thov ntuj puag hauv nws nruab siab tuaj dua tus neeg mus qw kom nrov nrov rau luag hnov.

TSWV NTUJ nyiam tus neeg mus Church, yuav tsum tso siab thiab muaj kev ntseeg , TSWV NTUJ thiaj pub txiaj ntsim.

TSWV NTUJ tsis nyiam tus neeg mus Church ua xyem xyav, thiab mus Church mas lub siab twb npaj mus thuam thiab mus nhyos.

TSWV NTUJ tsis nyiam tus neeg mus Church lub siab tsis puab cev, thiab lub siab nyob rau lwm qhov los lub cev tuaj kom luag pom.

TSWV NTUJ yuav pub txiaj ntsim thiab yuav txhawb tus neeg uas nws cuab nws lub siab rau TSWV NTUJ. txawm lub cev tsis tau tshwm tim Church los yog nws lub siab twb nrhiav TSWV NTUJ mas TSWV NTUJ yuav tuaj nplij nws lub siab. Koj txhob tag kev cia siab, koj yuav tsum nyiam thiab ntshaw TSWV NTUJ tiag tiag mas muaj ib hnub koj txoj kev ntshaw thiab nrhiav TSWV NTUJ yuav tawg paj txi txiv xwb xwb li nawb niamlaus Lubpajzoo.

Hos yog yus lub siab nyiam Tswv Ntuj, hos yus lub cev tseem ntshaw kev lom zem , ntshaw nyiaj ntshaw txiaj thiab ntshaw kev plees kev yig ces txawm yus thov ntuj npaum cas yus nrhiav npaum cas los yuav tsis ntsib. TSWV NTUJ tuaj cuag tus neeg dawb huv thiab tsis ntshaw nyiaj tsis ntshaw txiaj , tsis ntshaw kev lom zem ntiaj teb thiab tsis nsthaw kev plees kev yim xwb.

Kuv lus txhawb koj li no xwb, yog koj muaj kev cia siab tiag, koj yuav tau ua li kuv hais saum no xwb ces koj tsis tas yuav yuam kom tau koj leej nkawm mus church mam yog neeg ntseeg. Ua ntej yuav yuam kom tau koj tus nkawm los ntseeg, koj yuav tsum nrhiav kom tau TSWV NTUJ ua ntej tso mog. Thov Huab Tais YESXUS nrog koj nyob ua koj siab kaj lug os Niamlaus Lubpajzoo.