E - MAIL NCIG NTUJ SIB NUG MOO NTAWM KEV NTSEEG

**Maiv Paj Lug** 29th October 2009, 4:01 am

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°26

Re: E - MAIL NCIG NTUJ SIB NUG MOO NTAWM KEV NTSEEG

Post Maiv Paj Lug 29th October 2009, 4:01 am

Mim wrote:Hnub no kuv xav tuaj hais me ntsis txog cov Ntseeg nyob Cob Tsib teb. Kuv tau nyeem dab laug TP Cwj Vuam Chiv tsab ntawv uas nws piav txog nws mus xyuas peb cov kwv tij neej tsa Hmoob nyob tid. Lawv raug txom nyem ntau tsav yam, tsis hais ntawm lawv lub neej kev noj kev haus los lawv lub neej kev ntseeg. Nws tau hais tias thawj tug Hmoob los ntseeg Ntuj yog xyoo 1937. Ces xyoo 1939 xwb, nkawd ob txiv tub twb raug koom tshas(communist) muab tua tuag lawm. Kuv nyeem txog li ntawd mas kuj ua rau kuv zoo siab thiab ho nyuaj siab tu siab thiab. Zoo siab yog vim hais tias peb Hmoob muaj tej tus uas lawv tau ntseeg ruaj nreb tiag, lawv tau ua piv txwv zoo rau peb, lawv tuaj yeem tuag tsis khuv xim lawv txoj sia nyob ntiaj teb no tsuav lawv tau txais txoj sia nyob mus li nrog Tswv Ntuj nyob xwb. Lawv tau ua rau peb Hmoob tau ntsej muag nyob hauv txoj kev ntseeg lawm.

Qhov uas cov koom tshas tsim txom thiab hiam cov neeg ntseeg nyob Cob Tsib teb tsis yog xyoo 1939 xwb, niaj hnub no los lawv tseem ua li ntawd qees. Kuv tau nyeem nyob hauv tej ntaub ntawv xov(news), piav txog tias cov neeg ntseeg, tsis hais catholic los protestants, yeej raug tseem hwv ua phem rau lawv kawg nkaus. Tej txhia raug ntaus sab kawg, tej txhia raug ntaus sab sab ces tuag lawm, tej txhia raug coj mus kaw nkuaj los muaj. Tej txhia raug tseem hwv tuaj hais rau lawv tias: "Yog nej thim kev ntseeg mas nej thiaj yuav tsis raug txom nyem." Qhov kuv tu siab yog qhov tias muaj ib co ntseeg, vim lawv ntshai tuag thiab khuv xim lawv txoj sia dhau, ces lawv cia li thim kev ntseeg. Ua rau kuv rov tig los hais rau kuv tus kheej tias: "Kuv ne, yog kuv nyob lawv qhov chaw no, kuv ho yuav ua zaj twg?" Thaum nyob sab nraud mas yus yeej xav hais tias, "Kuv mas yuav tsis thim kev ntseeg li!" Tiam sis thaum ti kiag ntawd lawm mas ntshai yeej yuav nyuaj kawg li. Kuv ho yuav nug nej cov uas nyeem kuv zaj no, nej ne nej ho yuav ua zaj twg thiab? Kuv xav hais tias peb yuav tau thov Tswv Ntuj tas zog pab kom peb tsis txhob ua neeg ntxeev siab, kom nws pub nws Leej Tswv Yim Ntshiab lub txiaj ntsim los ntxiv zog rau peb kom peb nyob ruaj nreb hauv txoj kev ntseeg, tsis txhob ntshai tsis txhob thim. Yog yus vam yus tus kheej xwb ces yus kawg ntog xwb, tiam sis yog Tswv Ntuj pab ces yus thiaj yuav yeej. Tsis tas hais qhov tias muaj ib tug niag tuaj taw phom nki rau yus ntawd, niaj hnub no, qee zaum thaum yus yuav xaiv ua qhov zoo thiab haum Tswv Ntuj txooj cai twb nyuaj kawg li. Yuav yog yus muab tau yus lub siab los nyiam Tswv Ntuj tiag tiag mas ysu thiaj tig tau los mus ua qhov yog qhov zoo.

Lub Koom Txoos qhia rau peb hais tias yog ib tug neeg twg, nws yeem tuag vim txoj kev ntseeg, mas txawm tus neeg ntawd raug luag txo nws txoj sia lawm los nws tus ntsuj plig yuav tau ncaj qha mus nrog Tswv Ntuj nyob saum ntuj no. Yog li ntawd peb yuav tsum tau kub siab thiab mob siab rau peb txoj kev ntseeg tiag tiag, kom txoj kev ntseeg tuaj cag tob tob rau hauv peb nruab siab lawm mas peb thiaj yuav yeej tau ntiaj teb txoj kev haub ntxias.

Nyob zoo tus niamlaus Mim, zoo siab hnub no nws tuaj koom sau ntawv nrog peb lawm thiab! Ua tsaug ntau koj tuaj piav T.P CwjVuamChiv txoj kev mus xyuas Hmoob Cob Tsib Teb, koj tau nug tias yog peb ne peb ho yuav ua li cas? thiab thaum kawg yog luag yuav tua peb es peb puas yeem tuag los yuav xyeeb Tswv ntuj kom dim ntawm txoj kev tuag?

Ntawm lwm tus kuv tsis paub tab sis ntawm kuv yog tias leej twg yuav muab kuv tua vim kuv yog ib tug neeg Ntseeg xwb ces kuv yeej tuaj yeem tuag tsis yeem thim kuv txoj kev tseeg kom dim txoj sia ntiaj teb. Yog tias yus tau txoj sia ntiaj teb tab sis yus tsis tau Tswv Ntuj nyob nrog yus lawm es yuav zoo ua dab tsi? Thaum yus thim yus txoj kev ntseeg ces Satan yog tus tau yus tus ntsuj plig lawm. Kuv twb paub tias txoj kev tuag tsis muaj Yesxus mas tseem phem tshaj txoj kev tuag uas muaj Yesxus nrog yus nyob.

LOS PEB SAWV DAWS NYEEM ZAJ NTAWV NTSHIAB : 7 LEEJ TUB TUAJ YEEM TUAG NROG LEEJ NIAM HAUV QAB NO TXHAWB PEB ZOG.

Tus
Vaj As Nthias Kus ntes tau 7 leej kwv tij nrog lawv niam. Tus vaj yuam
lawv Txoj cai txwv tsis pub noj. Nws kom xuas pas thiab xuas leeg nyuj
nplaws lawv.

Ib tug tub txawm sawv 7 leej kwv tij thiab lawv
niam chaw hais lus rau tus vaj tias: " Koj xav paub saib peb xav li
cas. Mas peb yeem tuag zoo dua qhov hla peb cov yawg koob txoj cai. "

Tus
vaj npau taws heev, nws kom lawv muab ib lub yias los hlawv kom liab
liab saum hluav taws. Thaum cov yias kub kub lawm, nws kom lawv muab
tus tub ntawv hlais nplaig thiab laws nws daim tawv taub hau thiab
txiab nws cov tes taw rau nws niam thiab cov kwv tij ntsia. Thaum lawv
ua li ntawv tas rau tus tub lawm, tus vaj kom lawv coj nws mus kib hauv
yias, nws tseem ciaj. Thaum nws cov pa ncho hauv yias tuaj mas nws cov
kwv tij thiab nws niam lawv sib txhob tias kom sawv daws ua siab loj
tuag li ntawv thiab.

Lawv hais tias: " HUAB
TAIS tswv ntuj pom peb , nws hlub peb raws li Mais Xes tau hais hauv
zaj nkauj paj nruag tias nws yuav hlub nws cov tuv txib."

Thawj
tug tub tuag li ntawv tas, lawv coj tus thib 2 mus. Lawv muab nws plaub
hau dob, lawv laws nws daim tawv taub hau, lawv nug nws tias: Cheem peb
tseem tsis tau hlais koj ib ce zuj zus tuaj, koj puas yeem xav noj
nqaij npuas?" Nws hais rau lawv tias: Kuv tsis noj ". Ces lawv coj nws
mus txhiab hluav taws kom tuag. Thaum nws yuav tuag nws hais tias: " Ib
tug neeg siab phem li koj, koj tsis pub peb ua neej nyob. Tab sis tus
vaj kav lub ntiaj teb yuav tsa peb sawv rov los kom peb tau ib lub neej
tsis txawj kawg, rau qhov peb tuag vim nws txoj cai."

Tus
2 tuag tas, lawv coj tus 3 los. Lawv kom nws hlev nplaig, ces nws hlev
nplaig tam sim ntawv thiab nws xyab nws ob txhais tes caj npab tib si
rau lawv. Nws tseem muaj cuab kab hais tias: " Kuv
txais kuv 2 txhais tes no ntawm Ntuj los, vim nws tej kev cai mas kuv
ntxub kuv ob txhais tes. Kuv tso siab tias nws yuav muab kuv ob txhais
tes no rau kuv." Tus vaj thiab nws cov neeg sawv daws ceeb tas
tias vim li cas tus tub hluas ntawv yuav muaj lub siaj loj kawg. Nws
saqib nws qhov txom nyeem zoo li tsis muaj nqi dab tsi hlo li. Nws txoj
sia tu lawm, lawv kuj coj tus 4 los ua phem li ntawv rau thiab.

Thaum tus 4 yuav tuag nws hais tias : " Kuv
yeem tuag nyob hauv neeg txhais tes. Kuv tso siab tias Tswv Ntuj yuav
tsa kuv ciaj rov los. Ntawm koj mas, koj yuav tsis tau ciaj rov los
muaj txoj sia." Ces lawv coj tus 5 los ua phem rau nws.

Nws ntsia tus vaj nruj nruj nws hais tias: " Koj
kuj txawj tuag thiab. Tab sis koj muaj cai nyob saum neeg, koj ua rau
neeg raws li koj nyiam. Tab sis koj txhob xav tias peb haiv neeg tsis
yog ib haiv neeg Tswv Ntuj saib xyuas. Tos tsis ntev koj yuav tau pom
Tswv Ntuj lub hwj huam loj. Koj yuav pom nws muab kev txom nyeem rau
koj thiab koj haiv neeg." Tus 5 tuag, ces lawv coj tus 6 los.

Thaum nws yuav tuag txog tes nws kuj hais rau tus vaj tias: " Koj
tsis txhob xav tias koj yuav tau nyob kaj lug. Peb raug txom nyeem them
peb cov txim txhaum, vim peb ua txhaumrau Tswv Ntuj. Vim li ntawv mas
peb thiaj tau raug tej yam loj li no. Tab sis ntawm koj mas koj txhob
xav tias koj yuav tau zoo nyob li no mus li, vim koj tau tsa rog ntaus
Tswv Ntuj."

Lawv Niam kuj ua tau tej yam txaus qhuas kawg
thiab tsim nyog yuav piav txog. Nws ntsia nws 7 leej tub ib tug tuag
zuj zus nyob hauv tib hnub nkaus. Tsis kav nws ua ntsej muag luag ntxhi
ris qhov ntawv vim nws tso siab rau Tswv Ntuj. Leej Niam hais nws niam
nws txiv xeem lus ntuas nws cov tub ib leeg dhau ib leeg. Nws txawj xav
zoo thiab txawj ntuas tej lo lus zoo kom nws cov tub muaj zog tuaj.

Leej niam hais rau nws cov tub tias: "
Kuv tsis paub nej xeeb zoo li cas los nyob hauv kuv lub cev. Tsis yog
kuv muab txoj sia thiab lub tswv yim los rau nej! Tsis yog kuv tau tsim
nej los zoo li nej nyem no. Tus Tswv tsim lub ntiaj teb nws tsim kom
neeg txawj yug los.Nws ua kom tas puas tsav yam muaj ib lub hauv paus
chiv. Tswv Ntuj siab zoo nws yuav rov muab txoj sia thiab lub tswv yim
rau nej, vim nej tsis hlub nej lub cev nyem no, nej tsuas nyiam Tswv
Ntuj txoj cai tshaj tas puas tsav yam."

Tus Vaj As Nthias
Kus xav tias cov lus ntawv yog lus thuam nws thiab cem nws. Thaum ntawv
, tus tub yau tseem tsis tau tuag. Ces tus vaj As Nthias Kus thiaj
ntxias tus tub yau tias yog nws tso nws tej yawg koob tej kev cai pov
tseg mas nws tseem yuav ua kom tus tub yau muaj txiaj nplua nuj tuaj
thiab kom tus tub yau tau zoo neej ua, yuav nrog nws ua phoojywg zoo
thiab yuav muab ib txoj hauj lwm siab rau nws ua. Tab sis tus tub
ntxawg tsis mloog tus vaj hais. Ces tus vaj kom nws niam los ntuas nws
tus tub kom tus tub rov cawm tus tub txoj sia. Tus vaj hais ntev loo,
ces leej niam thiaj ua siab mus ntuas nws tus tub. Nws ua txuj ua raws
li tus vaj hais, nws khoov mus siv nws lub xeem lus hais lus rau nws
tus tub tias: "Me tub, koj hlub koj niam mog! Koj
niam tau nqa koj cuaj hlis nyob hauv nws xub ntiag, tau pub mis rau koj
noj peb xyoos, tau tu koj qhia koj los txog nyeem no. Me tub , koj
ntsia lub ntuj thiab lub teb, tas puas tsav yam nyob hauv. Koj yuav
paub tias Tswv Ntuj muaj tej yam me me los tsim xwb. Nws tsim neeg ib
yam li ntawv. Koj tsis txhob ntshai tus xav tua neeg ntawv,koj yuav ua
raws li koj cov tijlaug ua kom tsim nyog ua lawv kwv, koj ua siab tuag
mog! Thaum txog lub caij Ntuj zam kuv thiaj tau pom koj nrog lawv ua
ke."

Nws niam tseem hais tsis tau tas tus tub hais tias: " Nej
tseem tos dab tsi ntxiv? kuv tsis mloog tus vaj cov lus, kuv yuav mloog
txoj cai ua Mais Xes qhia rau peb cov yawg koob. Koj uas yog tus coj
txoj kev txom nyeem tuaj rau cov Hes Nplaws, koj yuav tsis dim ntawm
Tswv Ntuj txhais tes." Tus vaj npau taws heev. Nws ua heev
tshajncov rau tus tub ntxawg. Tus tub yau tso nws txoj sia tseg li
ntawv, nws lub siab dawb paug. Nws tso siab lug rau Tswv Ntuj. Ces leej
niam tuag lawv cov tub qab.

E - MAIL NCIG NTUJ SIB NUG MOO NTAWM KEV NTSEEG - Page 2 Saint176

**Mim** 29th October 2009, 2:22 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°27

hais txog txoj kev ntseeg ruaj nreb

Post Mim 29th October 2009, 2:22 pm

Nyob zoo Maiv Paj Lug,

Kuv ua niam laus zoo siab heev rau koj cov lus koj teb ntawd, ua rau kuv tso siab lug tias peb tsoom Hmoob txoj kev ntseeg yeej yuav tsum loj hlob zuj zus xwb. Koj txawj teb tau zoo heev, vim koj muaj kev ntseeg zoo. Zaj 7 leej kwv tij uas koj tso rau peb nyeem ntawd los yog ib zag zoo txhawb peb kawg li. Xav kom peb cov ntseeg Hmoob rau siab nyeem peb phau Ntawv Ntshiab, thiaj yuav zoo li tej zaub tej mov uas los yug peb tus ntsuj plig thiab peb txoj kev ntseeg.

Kuv ho yuav ntxiv ob peb los uas yog HT Yes Xus cov lus, muab hauv Mas Tais 10: 32-33 los.Yes Xus hais li no:
32 "Yog leej twg lees paub kuv rau tej tib neeg, mas kuv kuj yuav lees paub nws rau kuv Txiv uas nyob saum ntuj thiab.
33Hos yog leej twg tsis lees paub kuv rau tej tib neeg, mas kuv kuj yuav tsis lees paub nws rau kuv Txiv uas nyob saum ntuj ib yam."
HT Yes Xus hais nws cov lus no meej kawg li puas yog? Ab! yod.... yog yus ua ib tug neeg ntxeev siab no, yus cawm yus txoj sia tiag, tiam sis tsuas nyob ib nyuag ntu luv luv xwb ces yus twb yuav tau mus cuag Tswv Ntuj lawm thiab. Mus txog saud, Yes Xus hais tias, "Kuv tsis paub koj as, xyov koj yog leej twg? Kuv tsis muaj chaw rau koj nyob ntawm no," no ntshai thaum ntawd yuav tu siab tshaj plaws li lau... Thaum ntawd ces yuav hais tias, "Paub li mas..." no los pauv tsis tau lawm, vim yus twb xaiv yus txoj kev lawm.

(Thov txim os, kuv hais zaj no tsis yog yuav hais los hem peb leej twg, tiam sis yog xav hais kom peb ras txog thiab ceev faj txog xwb os nawb)

**Mim** 29th October 2009, 4:45 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°28

Re: E - MAIL NCIG NTUJ SIB NUG MOO NTAWM KEV NTSEEG

Post Mim 29th October 2009, 4:45 pm

Npuag Tub wrote:

Mim wrote:Hnub no kuv xav tuaj hais me ntsis txog cov Ntseeg nyob Cob Tsib teb. Kuv tau nyeem dab laug TP Cwj Vuam Chiv tsab ntawv uas nws piav txog nws mus xyuas peb cov kwv tij neej tsa Hmoob nyob tid. Lawv raug txom nyem ntau tsav yam, tsis hais ntawm lawv lub neej kev noj kev haus los lawv lub neej kev ntseeg. Nws tau hais tias thawj tug Hmoob los ntseeg Ntuj yog xyoo 1937. Ces xyoo 1939 xwb, nkawd ob txiv tub twb raug koom tshas(communist) muab tua tuag lawm. Kuv nyeem txog li ntawd mas kuj ua rau kuv zoo siab thiab ho nyuaj siab tu siab thiab. Zoo siab yog vim hais tias peb Hmoob muaj tej tus uas lawv tau ntseeg ruaj nreb tiag, lawv tau ua piv txwv zoo rau peb, lawv tuaj yeem tuag tsis khuv xim lawv txoj sia nyob ntiaj teb no tsuav lawv tau txais txoj sia nyob mus li nrog Tswv Ntuj nyob xwb. Lawv tau ua rau peb Hmoob tau ntsej muag nyob hauv txoj kev ntseeg lawm.

Qhov uas cov koom tshas tsim txom thiab hiam cov neeg ntseeg nyob Cob Tsib teb tsis yog xyoo 1939 xwb, niaj hnub no los lawv tseem ua li ntawd qees. Kuv tau nyeem nyob hauv tej ntaub ntawv xov(news), piav txog tias cov neeg ntseeg, tsis hais catholic los protestants, yeej raug tseem hwv ua phem rau lawv kawg nkaus. Tej txhia raug ntaus sab kawg, tej txhia raug ntaus sab sab ces tuag lawm, tej txhia raug coj mus kaw nkuaj los muaj. Tej txhia raug tseem hwv tuaj hais rau lawv tias: "Yog nej thim kev ntseeg mas nej thiaj yuav tsis raug txom nyem." Qhov kuv tu siab yog qhov tias muaj ib co ntseeg, vim lawv ntshai tuag thiab khuv xim lawv txoj sia dhau, ces lawv cia li thim kev ntseeg. Ua rau kuv rov tig los hais rau kuv tus kheej tias: "Kuv ne, yog kuv nyob lawv qhov chaw no, kuv ho yuav ua zaj twg?" Thaum nyob sab nraud mas yus yeej xav hais tias, "Kuv mas yuav tsis thim kev ntseeg li!" Tiam sis thaum ti kiag ntawd lawm mas ntshai yeej yuav nyuaj kawg li. Kuv ho yuav nug nej cov uas nyeem kuv zaj no, nej ne nej ho yuav ua zaj twg thiab? Kuv xav hais tias peb yuav tau thov Tswv Ntuj tas zog pab kom peb tsis txhob ua neeg ntxeev siab, kom nws pub nws Leej Tswv Yim Ntshiab lub txiaj ntsim los ntxiv zog rau peb kom peb nyob ruaj nreb hauv txoj kev ntseeg, tsis txhob ntshai tsis txhob thim. Yog yus vam yus tus kheej xwb ces yus kawg ntog xwb, tiam sis yog Tswv Ntuj pab ces yus thiaj yuav yeej. Tsis tas hais qhov tias muaj ib tug niag tuaj taw phom nki rau yus ntawd, niaj hnub no, qee zaum thaum yus yuav xaiv ua qhov zoo thiab haum Tswv Ntuj txooj cai twb nyuaj kawg li. Yuav yog yus muab tau yus lub siab los nyiam Tswv Ntuj tiag tiag mas ysu thiaj tig tau los mus ua qhov yog qhov zoo.

Lub Koom Txoos qhia rau peb hais tias yog ib tug neeg twg, nws yeem tuag vim txoj kev ntseeg, mas txawm tus neeg ntawd raug luag txo nws txoj sia lawm los nws tus ntsuj plig yuav tau ncaj qha mus nrog Tswv Ntuj nyob saum ntuj no. Yog li ntawd peb yuav tsum tau kub siab thiab mob siab rau peb txoj kev ntseeg tiag tiag, kom txoj kev ntseeg tuaj cag tob tob rau hauv peb nruab siab lawm mas peb thiaj yuav yeej tau ntiaj teb txoj kev haub ntxias.

Nyob zoo sister Mim,

Ua tsaug ntau koj tuaj sau TP. Cwj Vuam cov lus hais txog cov ntseeg nyob Cob Tsib teb rau peb tau paub. TP. Cwj Vuam kuj email tuaj rau kuv hais txog me ntsis cov Hmoob ntseeg nyob Cob Tsib teb rau kuv thiab. Kuv tseem xav tias lwm hnub muaj caij no peb cov XH. nyob USA no yuav sib yaum mus xyuas lawv ib zaug no, tiam sis zoo li txoj kev mus xyuas peb cov hmoob nyob tid mas tseem phom sij heev.

Sister Mim, koj tau nug hais tias yog peb nyob rau lawv chaw no peb ho yuav ua zoo li cas hais txog peb txoj kev ntseeg. Kuv thov hais rau koj thiab cov phooj ywg sawv daws tias, peb ua neej nyob raws li Tswv ntuj pub rau peb xwb peb lub siab ntseeg tsis sib luag, tsis sib xws. Qhov peb yuav ntseeg ruaj thiab kho los yeej yog Tswv Ntuj pub nws lub txiaj ntsim rau peb, ua kom peb muaj lub siab loj siab tawv tiv txhua yam kev nyuaj. mas peb thiaj li nyob tau ruaj khov hauv txoj kev ntseeg.

Yog li ntawd HT. Yes Xus thiaj hais tias, cov tau txoj hmoov zoo yog cov pluag hauv nruab siab, vim Ntuj lub ceeb Tsheej yuav yog lawv li. Cov yuav tau txoj hmoov zoo yog cov raug luag hiam, vim qhov lawv nyiam txoj kev ncaj, vim ntuj lub ceeb tsheej yuav yog lawv tug.

Txawm li cas los xij, peb sawv daws yuav tau thov ntuj pab rau txhua haiv neeg nyob hauv ntiaj teb no tsis hais cov siab zoo los siab phem.

Nyob zoo XH Npuag Tub thiab tais Tooj,

Kuv zoo siab tau nyeem neb cov lus. Neb yog neeb thoob tsib, neb teb tau zoo heev. Tais Tooj tseem qhia tau ib co lus uas kuv tsis tau paub txog dab laug TP Cwj Vuam Chiv txoj kev mus saib cov Hmoob nyob Cob Tsib teb li. Zoo kawg.

Tais Tooj, kuv nyiam koj cov lus no, koj hais tau yog kawg,
"lawv ib txwm txom nyem, lawv tseem thev tshaj peb, yog lawv thev tsis taus lawm, peb haj yam yuav thev tsis taus." Kuv los kuj xav hais tias kom Tswv Ntuj zam rau lawv thiab, txawm lawv ua tau yuam kev.
Tiam sis ntawm kuv tus kheej mas pheej xav hais tias kom kuv ntseeg ruaj nreb xwb no. Yog kuv txoj kev ntseeg tsis txaus los thov kom Tswv Ntuj pub txiaj ntsim pab kom txaus xwb xwb li no.
Yog li peb yuav tsum tau thov ntuj ib leeg rau ib leeg, thiab peb yuav tau thov ntuj pab peb cov ntseeg uas raug txom nyem zoo li cov nyob Nyab Laj teb os nawb.

**Maiv Tooj** 29th October 2009, 6:31 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°29

Re: E - MAIL NCIG NTUJ SIB NUG MOO NTAWM KEV NTSEEG

Post Maiv Tooj 29th October 2009, 6:31 pm

Nyob zoo Mim,

Koj hais yog kawg li, kuv tus kheej los kuj xav kom kuv txoj kev ntseeg loj thiab muaj zog khov kho, cua tshua tsis ua zog. Txhua hnub kuv nrhiav Tswv Ntuj tsis tseg, kuv haj yam nrhiav, zoo li haj yam tshua ntau yam uas kuv tsis tau paub. Txoj kev ncaj, kuv haj yam zam rau luag, zoo li kuv haj yam zoo tsis txaus. Oh! caij tag lawm ces mus hauj lwm lawm. Ib tsam mam rov los tham dua. Ib tsam TP. Cwjvuamchiv yuav tuaj xyuas kuv lub tsev... Very Happy

**Maiv Paj Lug** 30th October 2009, 4:08 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°30

Re: E - MAIL NCIG NTUJ SIB NUG MOO NTAWM KEV NTSEEG

Post Maiv Paj Lug 30th October 2009, 4:08 am

Mim wrote:Nyob zoo Maiv Paj Lug,

Kuv ua niam laus zoo siab heev rau koj cov lus koj teb ntawd, ua rau kuv tso siab lug tias peb tsoom Hmoob txoj kev ntseeg yeej yuav tsum loj hlob zuj zus xwb. Koj txawj teb tau zoo heev, vim koj muaj kev ntseeg zoo. Zaj 7 leej kwv tij uas koj tso rau peb nyeem ntawd los yog ib zag zoo txhawb peb kawg li. Xav kom peb cov ntseeg Hmoob rau siab nyeem peb phau Ntawv Ntshiab, thiaj yuav zoo li tej zaub tej mov uas los yug peb tus ntsuj plig thiab peb txoj kev ntseeg.

Kuv ho yuav ntxiv ob peb los uas yog HT Yes Xus cov lus, muab hauv Mas Tais 10: 32-33 los.Yes Xus hais li no:
32 "Yog leej twg lees paub kuv rau tej tib neeg, mas kuv kuj yuav lees paub nws rau kuv Txiv uas nyob saum ntuj thiab.
33Hos yog leej twg tsis lees paub kuv rau tej tib neeg, mas kuv kuj yuav tsis lees paub nws rau kuv Txiv uas nyob saum ntuj ib yam."
HT Yes Xus hais nws cov lus no meej kawg li puas yog? Ab! yod.... yog yus ua ib tug neeg ntxeev siab no, yus cawm yus txoj sia tiag, tiam sis tsuas nyob ib nyuag ntu luv luv xwb ces yus twb yuav tau mus cuag Tswv Ntuj lawm thiab. Mus txog saud, Yes Xus hais tias, "Kuv tsis paub koj as, xyov koj yog leej twg? Kuv tsis muaj chaw rau koj nyob ntawm no," no ntshai thaum ntawd yuav tu siab tshaj plaws li lau... Thaum ntawd ces yuav hais tias, "Paub li mas..." no los pauv tsis tau lawm, vim yus twb xaiv yus txoj kev lawm.

(Thov txim os, kuv hais zaj no tsis yog yuav hais los hem peb leej twg, tiam sis yog xav hais kom peb ras txog thiab ceev faj txog xwb os nawb)

Nyob zoo Niamlaus Mim, cas koj yuav txawj tuaj sau ntawv zoo ua luaj, kuv mas xav kom muaj cov neeg tshaj lij thiab thoob tsib li koj tuaj ntxiv peb kom coob zuj zus .

Mim, peb ua neeg nyob hauv ntiaj teb no sawv daws txawj tuag ib yam, li no tsis tas ntshai txoj kev tuag, txawm luag muab yus tua ua ntej los luag yeej yuav txawj tuag lawv qab, li no peb ua siab loj, peb yuav thov ntuj pab rau cov kwv tij Hmoob nyob cob tsib teb, nyob Nplog teb thiab lwm qhov uas raug tsim txom vim txoj kev ntseeg. Peb thov Huab Tais Yesxus kom nws pub txiaj ntsim rau lawv kom lawv ua siab loj thiab tso siab rau txoj kev ntseeg.

Txawm ua neej muaj muaj nyiaj muaj kub, nto neej mom tau huab tais hauv ntiaj teb no ua los neeg yeej txawj tuag tib yam, thaum yus tuag lawm twb nqa tsis tau ib yam dab tsi mus, qhov yus nqa tau mus ces yog yus cov txhaum thiab txoj kev ncaj ncees tob tob uas Yesxus ib leeg thiaj pom nrog yus mus xwb, thaum yus mus txog ntawm Yesxus xwb ntiag Yesxus yeej hlub yus thiab xav coj yus mus nrog Yesxus nyob, tab sis yus twb tuaj yeem tsis lees paub Yesxus hauv ntiaj teb no ces nsthe mus txog hauv kev tsaus ntuj los yus yuav tsis lees tib yam ces thaum ntawv yuav tu siab tom qab los pab tsis tau, cia peb ua neej nyob ntiaj teb no es txawm ciaj thiab tuag los peb lees Yesxus kom tag siab nrho thaum peb tuag Yesxus thiaj lees peb tag siab nrho tib yam. E - MAIL NCIG NTUJ SIB NUG MOO NTAWM KEV NTSEEG - Page 2 Icon_biggrin

**Maiv Tooj** 30th October 2009, 6:02 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°31

Re: E - MAIL NCIG NTUJ SIB NUG MOO NTAWM KEV NTSEEG

Post Maiv Tooj 30th October 2009, 6:02 am

Nyob zoo Maypaj, Mim thiab XH. Npuag Tub,

Me Mim aw...! Kuv nqa ib daim duab tuaj rau nws saib seb nws puas paub tsev neeg nov os...? Kuv zeem tsis tau lawv lawm...

Mim,

Kuv taug kev, kuv tau ntsib ib tug Txiv Plig thiab ob tug me nyuam ntxhais nov nyob tom Nantes, kuv lam coj tuaj qhia nej tias kuv tau ntsib nkawd. Ntxim hlub heev tej me ntxhais nov...Muaj peev xwm kawg li...Ntshe yuav yog ob tug ntxhais Hmoob uas xub tau tsuj Fabkis daim Av ntag lauv!

**Mim** 31st October 2009, 3:13 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°32

Re: E - MAIL NCIG NTUJ SIB NUG MOO NTAWM KEV NTSEEG

Post Mim 31st October 2009, 3:13 am

Maiv Tooj wrote:
Nyob zoo Maypaj, Mim thiab XH. Npuag Tub,

Me Mim aw...! Kuv nqa ib daim duab tuaj rau nws saib seb nws puas paub tsev neeg nov os...? Kuv zeem tsis tau lawv lawm...

Mim,

Kuv taug kev, kuv tau ntsib ib tug Txiv Plig thiab ob tug me nyuam ntxhais nov nyob tom Nantes, kuv lam coj tuaj qhia nej tias kuv tau ntsib nkawd. Ntxim hlub heev tej me ntxhais nov...Muaj peev xwm kawg li...Ntshe yuav yog ob tug ntxhais Hmoob uas xub tau tsuj Fabkis daim Av ntag lauv!

Uag!... tais Tooj aw! cas nws tseem tau ib co duab zoo li no thiab naj!... Tsev neeg no... Xyov yog leej twg li lawd... tus txhais ev me nyuam ntawd nws twb tso peb tseg lawm os... Tu siab kawg li ...
Kuv los yeej zeem tsis tau ob tug me ntxhais no li lawm thiab as...es niaj hnub no nkawd mus nyob rau qhov twg lawm ne?!...Ha ha ha... Yog nej pom nkawd, nej yeej tsis paub tias yog ob tug me ntxhais ntawd li lawm lau!!...

**Npuagtub** 31st October 2009, 8:33 am

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°33

Re: E - MAIL NCIG NTUJ SIB NUG MOO NTAWM KEV NTSEEG

Post Npuagtub 31st October 2009, 8:33 am

Mim wrote:

Maiv Tooj wrote:
Nyob zoo Maypaj, Mim thiab XH. Npuag Tub,

Me Mim aw...! Kuv nqa ib daim duab tuaj rau nws saib seb nws puas paub tsev neeg nov os...? Kuv zeem tsis tau lawv lawm...

Mim,

Kuv taug kev, kuv tau ntsib ib tug Txiv Plig thiab ob tug me nyuam ntxhais nov nyob tom Nantes, kuv lam coj tuaj qhia nej tias kuv tau ntsib nkawd. Ntxim hlub heev tej me ntxhais nov...Muaj peev xwm kawg li...Ntshe yuav yog ob tug ntxhais Hmoob uas xub tau tsuj Fabkis daim Av ntag lauv!

Uag!... tais Tooj aw! cas nws tseem tau ib co duab zoo li no thiab naj!... Tsev neeg no... Xyov yog leej twg li lawd... tus txhais ev me nyuam ntawd nws twb tso peb tseg lawm os... Tu siab kawg li ...
Kuv los yeej zeem tsis tau ob tug me ntxhais no li lawm thiab as...es niaj hnub no nkawd mus nyob rau qhov twg lawm ne?!...Ha ha ha... Yog nej pom nkawd, nej yeej tsis paub tias yog ob tug me ntxhais ntawd li lawm lau!!...

Nyob Zoo cov sisters thiab cov Brothers,

Sister Maiv tooj e....., 2 tug me ntxhais nyob hauv daim duab no ces puav leej nyob USA no los mas. Muaj ib tug nyob hauv Fresno no, tiam sis tam sis no kuv tsis tau ntsib nws lawm xyov nws puas tseem nyob hauv no lawm, hmoov zoo kawg peb tseem muaj tej co ntxhais hmmob tsim txiaj tau tuaj mus kawm ntawv tas fabkis teb nrov los thiab.

**Npuagtub** 28th November 2009, 2:12 am

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°34

RE: Nyob zoo Xyoo Tshiab 2010‏

Post Npuagtub 28th November 2009, 2:12 am

From: Chakrit Saethao (brochakrit@hotmail.com)
Sent: Fri 11/27/09 7:05 PM
To: tou_heu@live.com

Nyob Zoo Npuag Tub

Cia siab tias nej sawv daws yuav noj qab nyob zoo, kuv tab tom yuav mus ua Xmas rau pem roob. Xyoo no mas kuv muaj cov zos yuav mus ua Xmas tas nrho yog 45 lub zos. Ces yuav tsum maj me ntsis thiaj li yuav mus txhua tej hnub mas sawv ntxov nyob ib lub zos thiab tsaus ntuj nyob rau ib lub zos. Lub 12 hli no kuv yuav los nyob rau hauv tsev Hauv Paus Hmoob lawm.
Kuv yuav mus ua hmoov Yes Xus yug los rau peb cov Hmoob ua ntej txog tim 17 Dec Hmoob noj peb caug ces kuv ho yuav mus ua Xmas rau cov Yas. Tom qab peb caug lawm mas rov mus rau cov zos Hmoob kom txhua mas ntshai kuv yuav mus ua Xmas txog rau lub ib hli ntuj thiaj li thoob.
Nco txog sawv daws.

TP Tshaj Xwm

Nyob zoo cov phooj ywg sawv daws,

Hnub no kuv tau txais TP. Tshaj Xwm Thoj ib tsab email tuaj, ua rau kuv kuj zoo siab kawg.
tiam sis muab xav los mas cas peb cov TP. Hmoob yuav khwv ua luaj li tsis muaj lub caij nyob li es luag lwm hom neeg ua TP. yuav tsis khwv zoo li peb hmoob. Nej nyeem TP. Tshaj Xwm cov lus mas nws mus ua hmoov Christmas ib hlis thiaj li thoob cov zos nws saib. Nws tseem khwv tshaj thiab saib zos ntau tshaj lwm haiv neeg ib tug Tswv qhia lawm thiab. Tsis tas li ntawd nws mus xaib cov zos uas yog neeg txom txom nyem xwb.
Peb tus Txiv Tswv Qhia hauv Fresno no twb saib cov zos tsis ntau npaum li TP. Tshaj Xwm li.
Peb sawv daws yuav tau thov ntuj tiag kom peb muaj TP. coob thiab es peb cov TP. Hmoob thiaj li tsis khwv khwv.

**Maiv Tooj** 28th November 2009, 8:42 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°35

Re: E - MAIL NCIG NTUJ SIB NUG MOO NTAWM KEV NTSEEG

Post Maiv Tooj 28th November 2009, 8:42 pm

Nyob zoo XH.NPuag Tub,

Kuv los tau txais TP. Tshwj Xwm tsab Mail ib yam koj thiab, tab sis ho muaj ob peb los lus tshaj ko cov ces kuv rov tso kuv zaj ntxiv.
Yog kawg, Huab taib Ntuj txoj hauj lwm ntai heev, yog tsis ua ces tsis pom, yog nqes tes ua lawm ces yuav ua tsis yeej. Ua Ntuj tsaug uas tseem tshuav lub puav noob nplej ZOO nyob ntiaj teb yeej noob mus...Neej puv ntiaj teb tab sis tsuas xia plias rau txoj kev txhaum, kev siab hlob ntawm tus kheej xwb. Cas twb zoo ib yam xwb neeg ho tsis xaiv txoj kev yuav muaj txoj sia nyob mus li...Cas ho xia plias tau txoj kev tsaus ntuj ntsim siab, niaj hnub hais los phem rau luag thene thi yuav mus pab luag...

Nyob zoo txog nej sawv daws huv tib si, cia siab tias sawv daws yuav noj qab nyob zoo li lub siab xav. Kuv rov los txog ces hauj lwm yam ub yam no tuaj ces thiaj lit sis tau sawv daws teb nej sawv daws li email pes tsawg.

Tam sim no kuv los nyob rau Tsev Hauv Paus Hmoob lawm, thiab Tswv Qhia tseem muab ib lub tsev teev ntuj nyob ntawm Payao rau kuv saib thiab ces kuv saib tas nrho yog 45 lub zos ua ke. Kuv yuav pib ua Xmas rau hauv lub zos yog tim Dec 8 yuav txog no. Ib hnub mas kuv yuav mus kom tau li ob lub zos lub caij hmoob ua peb caug ces kuv ho mus rau cov zos Yas. Mas ntshai lub ib hli ntuj mas thiaj li ua Xmas thoob rau sawv daws.

Tej yam uas kuv xav tau mus rau cov ntseeg mas yam li

Pam Vov

Ris Tsho tiv no

Khoom Plig rau cov me nyuam yaus

Qab zib faib rau cov ntseeg.

Yog nej sib koom tau thiab xa raws li nram no

Chakrit Sae thao

Hmong Catholic Center

88 Chotana Road

T. Chang Phuek,

Muag Chiangmai

50300

Thailand

TP Tshaj Xwm Thoj
28/11/09