Teev ntuj yuav teev li cas?

**Maiv Tooj** 20th November 2013, 10:18 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

Teev ntuj yuav teev li cas?

Post Maiv Tooj 20th November 2013, 10:18 am

TEEV NTUJ.

Kev teev Ntuj yog ua kom yus txav ti Tswv Ntuj, kom yus nyob ze Tswv Ntuj.

Teev Ntuj yog nrog Tswv Ntuj tham, yog nyob twj ywm mloog Tswv Ntuj, yog saib NWS thiab ua kom ntxaum NWS.

LN.Augustin hais tias: "Teev Ntuj yog qhov phaj tshab uas loj tshaj thiab zoo tshaj uas neeg ua tau los nco Tswv Ntuj tshav ntuj uas tau tsim neeg los ua neeg.

Teev Ntuj yog hais nyob zoo, ua tsaug, thov txim, kuv nyiam KOJ.

Teev Saw Mab Liab tau txiaj ntsim ntau, muaj peev xwm ua kom yus tsev neeg noj qab nyob zoo, muaj mob nkeeg los tej mob yuav zoo taus. Nco ntsoov hais zaj teev Ntuj Fas Tis Mas ua ntej pib teev Ntuj, yuav daws tau ntau yam teeb meem hauv yus tsev neeg:

"Kuv tus Tswv Ntuj, kuv ntseeg, kuv pe hawm,
kuv tso siab thiab kuv nyiam koj.
Kuv thov koj zam txhaum rau cov tsis ntseeg,
tsis pe hawm, tsis tso siab thiab tsis nyiam koj."

Teev Ntuj rau cov neeg tuag nyob teb chaws them txim, niaj hnub teev Saw Mab Liab thiab teev LN. Fostine zaj "Tswv Ntuj txoj kev Khuv Leej neeg." zaj Saw Mav Liab no yog teev Ntuj pab rau cov neeg nyob teb chaws them txim. Kev teev Ntuj pab cov neeg nyob teb chaws them txim, yus thov Ntuj rau lawv kom lawv tau mus saum Ntuj, lawv yuav thov Ntuj rov rau yus. Yus nyob suam yaj teev Ntuj rau lawv mas thiaj tau txiaj ntsim rau lawv, lawv tus kheej nyob nruab yeeb mas rov thov Ntuj rau lawv tsis muaj txiaj ntsim li peb nyob suam neej no; tab sis lawv thov Ntuj rau cov saum yaj mas yuav muaj hwj huam heev. Yog yus nquag thov Ntuj rau cov nyob teb chaws them txim mas yus yuav muaj kev kaj siab, noj qab nyob zoo thiab khwv nce tes, tau nyiaj tej.

Yus txhob ntshai tsam tus neeg uas yus thov Ntuj rau ho mus saum Ntuj lawm es yus tej kev teev Ntuj poob dawb pov tseg. Yog tus neeg uas yus thov Ntuj rau ho tau mus saum Ntuj lawm los yeej yuav mus pab lwm tus uas vam txog peb txoj kev teev Ntuj ntiaj teb no mus pab nws. Peb tej kev teev Ntuj yeej tsis poob dawb ib zaug. Peb thov Ntuj rau lawv, yog lawv tau mus saum Ntuj lawm, lawv kuj yuav rov thov Ntuj rau peb nyob ntiaj teb thiab.

Yuav nquag teev txog cov Tuam Tshiab npe pab peb. Xws li Tshiab Mis Kas yog tus yuav tiv thaiv peb, ntiab dab phem kom deb peb, kom txhob tau ntxias, shoj peb los tej neeg ua phem rau peb kom peb ntxhov siab.

Tshiab Las Fais, pov hwm cov neeg mob thiab yus tej niam txiv kom muaj kev sib haum xeeb, kev sib hlub hauv tsev neeg thiab ob niam txiv.

Tshiab Nkas Nplias, zoo rau cov Leej Phauj, Txiv Plig, Xib Hwb thiab cov Coj ib pawg ntseeg, yog cov uas qhuag teev Leej Tswv Yim Ntshiab kom pab lawv txoj hauj lwm.

Qhov zoo mas yuav teev ib tug Tshiab npe ib hnub ib zaug kom pab thiab thaiv yus.

Qhov zoo mas yus yuav thov Ntuj rau luag tej ntau tshaj rov thov rau yus tus kheej. Yus thov Ntuj rau luag thiab rau yus cov yeeb ncuab; lawv tau txiaj ntsim mas lub txiaj ntsim luag tau yuav rov 10 npaug rov qab los rau yus.

Kom yus tus tshiab tsob hwb (ange gardien) pab saib xyuas yus, nco ntsoov kom nws tshem dab phem tej tswv yim uas muab tso rau hauv yus lub siab pov tseg. Yog yus hu txog nws mas nws yuav pab yus ntau yam, tsis hais kev nyuaj siab ntxhov plawv los kom nws tshem mus, thaum yus chim siab kom nws nplij yus, thaum yus tsis tau luag kom nws ua yus luag, thaum yus muaj ib qho teeb meem loj kom nws pab yus tsis hais tej yam hauj lwm nyhav los yog tej yam plaub ntug los kev mus twv ntawv, leej heev yog me nyuam mus twv ntawv, yus hais kom yus tus tshiab pov hwm hais kom me nyuam tus tshiab pab me nyuam mas tau hauj lwm kawg li.

Thaum yus tsis muaj hauj lwm los yog pheej tau tej txoj hauj lwm phem phem tsis ntxim siab, teev LN.Yos Xes 9 hnub sib law mas yus yuav tau tej txoj hauj lwm zoo tshaj qhov yus xav txog. Yog teev 9 hnub tag tos ib ntus tsis tau mas rov teev dua 9 hnub dua. Tab sis feem ntau teev ib zaug xwb yeej tau lawm. Nyob hauv vaj tsev, ua neej txom nyem khwv tsis nce tes, khwv tsis txaus noj. Thov LN.Yos Xes pab tau kom yus lub vaj tsev rov muaj tuaj.

Teev Ntuj ua ntaj teg teev, yuav tau txiaj ntsim ntau dua uas khawm tes teev.

Teev Ntuj, txhob tsuas thov tas zog kom Tswv Ntuj pub ub no rau yus. Yuav tsum paub nco tshav ntuj, paub ua tsaug, paub pub Tswv Ntuj thiab. Txhob thov tas ces tso tseg, hnub twg xav tau dab tsi ces thov ntxiv xwb. Yuav tsum paub ua Tswv Ntuj tsaug, hais zoo rau Tswv Ntuj, ua zoo rau luag tej. Thaum yus nco Tswv Ntuj txiaj ntsig lawm, tsis thov los Tswv Ntuj yuav rov ntau tshaj qhov yus tos rau yus. Qhov nov muab piv rau tej kwv tij phaooj ywg, yog yus tsuas paub thov luag xwb tsis pauj li mas txawm yuav zoo npaum li cas los ib hnub twg yeej yuav sib tso tseg xwb. Vim luag muab muab tsis taus lawm ces kawg luag yuav tso yus tseg xwb. Li ntawm peb yuav tseg qhov uas pheej kom Tswv Ntuj pab yu li ub li no.

Zaj teev Ntuj uas thov txiaj ntsim ntawm Tswv Ntuj tas li mas yog zaj teev Ntuj uas pluag tshaj plaws rau Tswv Ntuj; tab sis neeg tsis paub mas yog qhov uas neeg ua ntau tshaj plaws.

Kev teev Tswv Ntuj txoj kev Khuv Leej, teev zoo tib yam nkaus li teev Saw Mab Liab.
Xuas txoj Saw Mab Liab los teev, tsuas yog thaum hais cov zaj teev Ntuj,
tsis yog hais zaj "Peb Txiv" thiab zaj "Koj nyob kaj lug Mab Liab xwb (Koj Nyob zoo Mab Liab)" rau txhua yas, tsuas yog hais ib zaug rau thaum pib xwb.

Txoj saw no yog leej twg nquag niaj hnub hais mas yog ib qho yuav pub txiaj ntsim ntau raws li yus txoj kev thov.

Thaum peb tsis ua kev thov ntuj cuaj hnub (novena/neuvaine), mas peb tsuas hais txoj saw nkaus xwb,
tiam sis yog peb ua kev thov ntuj cuaj hnub mas peb mam hais cov lus thov ntuj Hnub 1 mus txog Hnub 9 nrog.
Yog li thov kom sawv daws to taub zoo tias niaj hnub peb tsuas hais txoj saw xwb los tau.

Yog ib zaj teev Ntuj tshiab uas muaj txiaj ntsim tib yam nkaus li teev Saw Mab Liab uas peb ib txwm paub los.
Li no kuv yuav rov muab coj los tso ua ke, kom meej dua rau peb cov uas tseem tsis tau paub teev
"Tswv Ntuj txoj kev Khuv Leej" no ho to taub zoo thiab tau xyaum mus teev.
Nws teev yooj yim dua teev Saw Mab Liab, vim cov zaj luv dua ces yus siv sij hawm tsawg dua los teev.

Txoj Saw Thov Tswv Ntuj Txoj Kev
Khuv Leej Neeg
Raws li leej Ntshiab Faustina, 1931

Tuav txoj Saw Mab Liab ces hais:

Pib:

UA NTOO CUAM LUB CIM.

- 1 zaug zaj Peb txiv

Peb txiv nyob saum Ntuj
Koj lub npe ntshiab nto moo lug,
Koj lub ceeb tsheej los txog,
Kom muaj raws li koj nyiam nyob ntiaj teb no
zoo li nyob saum ntuj.
Thov koj muab mov txaus peb noj hnub no.
Koj zam txhaum rau peb zoo li peb zam rau luag.
Koj txhob tso peb raug kev ntxias.
Koj npo peb dim ntawm kev phem. Ua li.

-1 zaug ZAJ KOJ NYOB KAJ LUG MAB LIAB.

Koj nyob kaj lug Mab liab,
Tus tau txiaj ntsim puv siab.
Huab Tais Ntuj nrog koj nyob.
Koj tau koob tau hmoov tshaj ib zej tsoom poj niam tib si,
thiab koj lub txiv uas koj lub cev txi tau koob tau hmoov.
Leej Ntshiab mab Liab, Tswv ntuj leej Niad,
Koj thov Ntuj rau peb cov neeg txhaum,
Nyem no mus txog thaum peb lub caij dua. Ua li.

-1 zaug ZAJ NTSEEG

Kuv ntseeg txog Tswv Ntuj,
Yog leej txiv muaj hwj huam tas nrho,
yog tus tsim ntuj tsim teb.
Kuv ntseeg txog Yes Xus Pleev,
yog Tswv Ntuj leej Tub twm zeej, yog peb tus huab tais.
Leej Tswv Yim Ntshiab ua kom nws xeeb los ua neeg.
Nws yug ntawm Nkauj Ntshiab mab Liab los.
Lub caij Pis Las Tos ua nom,
Yes Xus raug luag hiam thiab ntsia saum ntoo cuam.
Nws tuag mus zwm av, mus txog ntuj txias teb tsaus.
Hnub peb, Yes Xus sawv hauv cov tub tuag rov los.
Nws nce mus lawm saum ntuj,
zaum ntawm Leej Txiv muaj hwj huam tas nrho phab xis.
Nws yuav rov los txiav txim rau cov neeg ciaj neeg tuag.
Kuv ntseeg txog Leej tswv Yim Ntshiab.
Ntseeg txog Tsoom Leej Ntshiab sib koom Ntuj Lub Txiaj Ntsim.
Ntseeg txog kev daws txhaum.
Ntseeg txog neeg lub cov sawv rov los.
Ntseeg muaj txoj sia nyob mus li. Ua li.

Yas Ib:

Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

- Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
- los cev rau koj them peb cov txhaum thiab tas ntiaj teb neeg cov txhaum..

Tuav 10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov lus nram no:
- Vim nws txoj kev raug txom nyem tsim txom loj tas nrho,
- thov koj khuv leej peb thiab tas ntiaj teb neeg.

Yas Ob:
[b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

- Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
- los cev rau koj them peb cov txhaum thiab tas ntiaj teb neeg cov txhaum..

Tuav
10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

- Vim nws txoj kev raug txom nyem tsim txom loj tas nrho,
- thov koj khuv leej peb thiab tas ntiaj teb neeg.

Yas Peb:
[b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

- Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
- los cev rau koj them peb cov txhaum thiab tas ntiaj teb neeg cov txhaum..

Tuav
10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

- Vim nws txoj kev raug txom nyem tsim txom loj tas nrho,
- thov koj khuv leej peb thiab tas ntiaj teb neeg.

Yas Plaub:
[b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

- Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
- los cev rau koj them peb cov txhaum thiab tas ntiaj teb neeg cov txhaum..

Tuav
10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

- Vim nws txoj kev raug txom nyem tsim txom loj tas nrho,
- thov koj khuv leej peb thiab tas ntiaj teb neeg.

Yas Tsib:
[b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

- Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
- los cev rau koj them peb cov txhaum thiab tas ntiaj teb neeg cov txhaum..

Tuav
10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

- Vim nws txoj kev raug txom nyem tsim txom loj tas nrho,
- thov koj khuv leej peb thiab tas ntiaj teb neeg.

Xaus:

Hais peb lwm:

- Tswv Ntuj Ntshiab, Tus Muaj Hwj Huam tas nrho Ntshiab, tus Muaj Txoj Sia nyob mus li Ntshiab,
- thov koj khuv leej peb thiab tas nrho ntiaj teb neeg.

Hais 3 lwm:
- Cov ntshav thiab cov dej txhuav yaws ntawm Yes Xus lub Plawv los ua tus dej pub kev khuv leej rau peb,
- kuv tso siab rau nej!

UA NTOO CUAM LUB CIM

TAS.

PS. YOG TEEV 9 HNUB CES TXHOB RAWM UA NTOO CUAM LUB CIM THEEM NOV,
mam ua thaum hais cov zaj Thov Ntuj leej hnub tag.

Yog teev Tswv Ntuj txoj kev khuv leej xwb no ces teev li nov xwb.

**Maiv Tooj** 21st November 2013, 10:50 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°2

Re: Teev ntuj yuav teev li cas?

Post Maiv Tooj 21st November 2013, 10:50 am

Nrhiav ib qho chaw rau Tswv Ntuj.

Nrhiav ib qho chaw tseem ceeb tsis ncaj ke heev los tso cov khoom ntshiab xws li: Ntoo cuam, mlom thiab duab Mab Liab, mlom thiab duab cov Leej Ntshiab, dej foom hmoov zoo los yog saw Mab Liab uas twb foom Hmoov Zoo rau lawd. Tu qhov chaw ntawd kom huv si kom tsim nyog ib qho chaw ntshiab. Yuav nquag hlawv tswm cia thiab de paj rau. Ua ib qho chaw hwm.

Tej khoom ntshiab, yog tej yam muaj hwj huam thiab hwm, yuav txhob muab lo rau ub rau no, tso xyaw khaub ncaws los yog nyuag ub nyuag no sib xyaws daws, paug plua tshauv niab, muab lo tim phab ntsa xyaw yus tsev neeg cov duab ua ntxog ua ntxwg. Tswv Ntuj ntshiab huv, yuav muab tso siab dua yus neeg ntiaj teb li chaw.

Yog yus hwm Ntuj, Ntuj yuav hwm yus tib yam.

Thaum yus teev Ntuj, qhov zoo yuav taws tswm ciab mam teev.
Yog taws tswm ciab thiab de paj ntau rau ntawm Tswv Ntuj xub ntiag, yuav yog ib qho txiaj ntsim loj rau yus.

**Maiv Tooj** 21st November 2013, 11:27 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°3

Re: Teev ntuj yuav teev li cas?

Post Maiv Tooj 21st November 2013, 11:27 am

THAJ TXI NTUJ.

Lub thaj txiv Ntuj yog ib qho tseem ceeb tshaj plaws uas Tswv Ntuj muab tau rau neeg.
Kev mus lub Txoos Hnub Chiv yog ib qho tseem ceeb heev rau peb lub neej yaj ceeb thiab nruab yeeb tib si. Thaum peb mus teev Ntuj Hnub Chiv, peb yuav npaj siab coj peb tej kev chim siab zoo siab coj mus txiv rau Huab tais Ntuj, peb mus nrog NWS tham, mus tso siab rau NWS, mus ua NWS tsaug, mus thov txim nws uas peb ua tsis tau neeg zoo li NWS xav kom peb zoo, xws li peb ruv tsis tau peb lub siab los zam rau luag tag tag, zaum puav peb tsis nco qab, peb hais tau lus loj me ntsis rau luag, mus xyuas NWS.

Yog peb mus teev Ntuj, peb lam mus lam los xwb, peb tsis muaj qhov mus tso siab, qheb siab, ces peb tej kev nyuaj siab yuav tsis ploj. Yog peb muab peb txoj kev zoo siab chim siab coj mus txiv rau Huab Tais Ntuj, peb nco nw stxiaj ntsim ua nws tsaug mas Tswv Ntuj yuav tshem peb tej kev iab kev daw, NWS yuav pub kev thaj yeeb rau peb.

Qhov zoo, tsis ntev tsis ntev peb yuav mus daws txhaum ib zaug, kom thaum peb mus teev Ntuj txais Yes Xus lub Cev los peb thiaj dawb huv tsim nyog txais NWS rau hauv peb. Yog peb dawb huv ces peb yuav tau txiaj ntsim ntau dua thiab tuaj kub yuav haub ntxias tsis tau peb. Thaum tuaj kub txav tsis ti peb, peb lub tsev neeg yuav muaj kev kaj siab thiab noj qab nyob zoo tsis muaj txiab xeeb thiab kev ntxhov siab.

Thaum muaj ib tug hauv tsev neeg puv ib puas nees nkaum xyoo, peb yuav nco ntsoov kom Txiv Plig ua yam tsawg 3 thaj Txi Ntuj rau nws. Yuav tsis txhob niaj hnub quaj hais txog kev tu siab thiab nco xwb yuav pab tsis tau nws. Qhov yuav pab tau yog yuav tsum ua cov thaj txiv Ntuj rau nws, nws thiaj yuav mus cuag Tswv Ntuj tau. Yog peb thov ntuj rau lawv, lawv mus tau zoo mas lawv yuav rov thov ntuj rau peb cov tseem nyob ntiaj teb no. Cov tuag lawm, lawv vam peb cov nyob yaj ceeb thov Ntuj rau lawv nkaus xwb, lawv tus kheej rov thov rau lawv tsis tau; tab sis yog lawv thov rau peb mas yuav muaj txiaj ntsim heev.

Thov hais ib los rau ib cov nyob ib lub teb chaws uas nej tau sab laj rau kuv.

Thaum nej mus teev Ntuj ua lub Txoos, cov neeg pheej sib tham qog qees, tus xav mloog Txiv Plig los Xib Hwb nyeem Ntawv thiab ntuas los nej twb tsis hnov li; zoo li cov neeg tuaj teev Ntuj tsis hwm cov Xib Hwb. Qhov nov, kuv kuj pab nej nyhav siab kawg thiab.

Tab sis kuv xav tias txhua hnub, nej yuav thov Leej Ntshiab Miv Kas tuaj roos nej. Kom nws pab ntiab dab phem deb ntawm nej, tej thaum mas dab phem txhob txwm los ua ib cov neeg siab kom tham lus ua rau cov coj qaug zog thiab ntaus siab yau. Kom nej sib tawg ces tuaj kub zoo siab xwb.

Thiab nej yuav thov txog LN. Las Fais ( Saint Raphaël archange) kom thob Ntuj rau nej, los pab nej kom nej muaj txoj kev sib hlub sib haum xeeb.

Nej yuav thov LN.Nkas Nplias kom nws pab ua nej lub siab kom loj, muaj kev thoob tsib thiab txhob qaug zog.

3 tug Tshiab no tsim nyog nej yuav thov txog txhua hnub los pab nej.

Ntawm kuv tus kheej, kuv pom tias muaj txiaj ntsim heev.

LN. Las Fais.

LN. Nkas Nplias.

LN.Miv Kas.