nyob zoo kuv cov phooj ywg txhua tus.

Nyob zoo kuv cov phooj ywg.
Tau 5 hnub los no kuv tsis muaj sij hawm tuaj tsham nej li vim kuv tau me ntsis khaub thuas lawm.
laus lawm ces tau me ntsis khaub thuas xwb los zoo li nim sab sab heev yuav tsum tau mus pw tsev kho mob kom luag pab xwb thiaj li tau.hnub no kuv los tsev lawm nej txhob poob siab mog.

Nyob zoo me tub LajPov,

Zoo siab nawb mog, uas nws rov los dawb los huv, los txog vaj txog tsev lawm.

Ua siab loj, tej zaud Tswv Ntuj yuav cia nws txom nyem nyob ntiaj teb no kom nws tau zoo rau lub neej pem suab.

Nyob Fab Kis teb, tau muaj ib hlis los txog niaj hnub no, kuj muaj ib phaum khaub thuas hnoos, los ntswg thiab kub tau haus nrog. Peb coob leej raug, kuv twb tseem tsis tau zoo, lam mus ua hauj lwm xwb.

LaPaoYang wrote:Nyob zoo kuv cov phooj ywg.
Tau 5 hnub los no kuv tsis muaj sij hawm tuaj tsham nej li vim kuv tau me ntsis khaub thuas lawm.
laus lawm ces tau me ntsis khaub thuas xwb los zoo li nim sab sab heev yuav tsum tau mus pw tsev kho mob kom luag pab xwb thiaj li tau.hnub no kuv los tsev lawm nej txhob poob siab mog.

Nyob zoo LaPaoYang, kuv nrog koj thiab koj tseev neeg zoo siab rau qhov koj tau rov los tsev lawm, ua siab ntev so hnub puav xwb ces koj yuav rov muaj zog li qub.
Sis ntsib dua, nyob zoo koj ov !

Y. Suav Nus

Nyob zoo niam ntxawm txooj tub thiab txiv Suav nus.
Ua tsaug neb tuaj teb kuv cov lus thiab muab kev txhawb siab rau kuv mog.
Kuv tau me ntsis khaub thuas xwb tab sis zaum no yog zaum sab tshaj plaws li kuv twb tawm tim tsev kho mob los puag hnub 10/10/12 lawm tab sis tam sim no twb tsis tau muaj 1 lub zog hlo li.Nurse tseem niaj hnub tuaj saib kuv hauv tsev 1 hnub 1 lwm los yog yus xav tau kev pab ces yus hu lawv.lawv yuav tuaj li 10 hnub ntxiv seb kuv puas taus zuj zus li cas.

Nyob zoo me tub Liaj Pov,

Zoo siab nws rov los txog vaj txog tsev lawm mog.
Txawm nws muaj ib tug mob, ntxhov nws siab, tsis muaj kev ywj siab mus ub mus no, tau hlo li luag zej tsoom los yuav tau zoo siab txais qhov nws muaj thiab nws tau mog. Yuav tswj nws lub siab kom tus yees, txhob khuv xim tu siab tu sau dab tsi thiaj li yuav pab tau nws lub cev muaj zog tiv thaiv tej sab foob khaub thuas.

Kuv lam qhia nws ib qho, yog tsis nyiam los tsis ua cas, yog txaus siab no ho lam thov seb puas tau raws li siab xav. Vim nws tseem hluas heev tab sis nws txom nyem dhau lawm, tsis nrog luag muaj kev ywj siab ua neej.

Nws thov Leej Ntshiab Fuas (Foy), kom pab thov Ntuj peb nws, kom nws tus mob zoo hlo, kom nws ntsej tshiab plhu los, kom nws muaj zog nyob laus nkoos txoob dawb kem caug zaum ua luag laus. Kuv xav mas Leej Ntshiab Fuas yuav kam pab nws xwb. Nws fiv kom nws zoo, nws mam tuaj xyuas Leej Ntshiab Fuas lub "Tsev". Nws nyob tsis deb ntawm nws cov kwv tij Nîmes thiab ntawm peb no. Nyob nram Conques, lub zos Leej Ntshiab Fuas nyob mas lawv teev Ntuj ib hmos ib hmos kaj ntug li. Cov txiaj ntsim tau, qhov ntau yog thaum tsaus ntuj tau ntau xwb.

Nyob zoo niam ntxawm txooj tub.
Ua tsaug koj lub tswv yim zoo pab muab leej ntshiab fuas lub hwj chim pub rau kuv mog.kuv twb thov leej ntshiab fuas li koj qhia kuv lawm.kuv ntseeg tias leej ntsiab fuas yuav thov ntuj pab kuv li kuv lub siab ntshaw lawm mog.
Tam sim no kws kho mob tshawb tau kuv tus kab mob lawm yog tim kuv txoj hlab ntsws qhuav tsis ua hauj lwm lawm.
Thaum kuv noj zaub mov ces dej thiab kua zaub kua mov nkag tau rau lub ntsws lawv tsis lav kho li lawm.
Nej leej twg muaj tswv yim li cas no thov pab kuv thiab mog.

Me tub Liaj Pov,

Txawm Kws Tshuaj tsis kam kho los tso siab rau Tswv Ntuj mog. Tswv Ntuj lub hwj huam loj tas nrho. Nws txhob tag kev cia siab, niaj hnub, ib hnub teev Ntuj thiab thov txog Leej Ntshiab Fuas ib zaug, nws yuav tau kev cawm xwb. Nws txoj hlab ntsws, tsuas qhuav xwb twb tseem nyob thiab ua hauj lwm me ntsis txhob siab me, ciav cuag li tus hluas Guibert uas nws tus los pav muab nws ob lub qhov muag dawj kiag lawm, tau ib xyoo tom qab Leej Ntshiab Fuas thov Tswv Ntuj kam pub txiaj ntsim rau nws, tseem nqa tau ob lub ntsiab muag los dhos rau nws thiab rov pom kev.

Ntawm kuv tus kheej, kuv thov tej yam me me xwb, tab sis kuj raws li kuv siab xav los yog tseem tshaj qhov kuv xav txog thiab.

Nyob zoo niam ntxawm txooj tub.
Ua tsaug koj tuaj nthuav qhia tswv ntuj lub hwj chim pub kuv mog.
Tam sim no ces yeej yog tso siab rau tswv ntuj li koj hais lawm xwb.
Kuv ntseeg tias tswv ntuj yeej hlub kuv thiab yeej pab kuv.