Txiv Plig Emmanuel de Floris

Txiv Plig Emmanuel de Floris yog ib tug neeg coj yooj yim, nws tsis zais nws cov txhaum, nws hais lus qheb siab lug rau txhua leej, nws pab cov neeg txom nyem raug kev nyuaj siab, nws pab cawm cov neeg raug hiam raug ntes tua ntes kaw tsis hais tog twg.

Tswv Ntuj nyiam cov neeg tu siab rau nws cov txhaum, cov neeg tshaj nws txoj hauj lwm rau luag, cov neeg tsis muab hlob tsa hwj chim.

Txiv Plig Emmanuel de Floris paub ntuj sia, nws xub hais ib xyoos ua ntej tias nws yuav tuag rau Leej Ntshiab Yos Xes hnub. Ib xyoos tom qab, txog hnub ntawd, cov Tij pom nws nyob dhia rhees, lawv txawm npaj ib rooj mov loj los tso dag rau nws, thaum rau tau mov, lawv txawm luag ib tsaug thiab hais tias: "Koj twb tseem tsis tau tuag." Cas saib naj, Txiv Plig twb tuag lawm. Thaum tuag tag, lawv muab xyab tag, cas cia li tswv tswv qab tau ob peb hnub. Tus ntxhiab paj tsw qab ntawd tsw thoob plaws hauv tsev teev Ntuj tshwm rau nraum zoov tib si.