Kawm NTSIAB lus Hmoob

KAWM NTSIAB LUS HMOOB


Toob Fab = sab hnub tuaj
Xib Fab = sab hnub poob
Laj Fab = sab qab teb
Pej Fab = sab qaum teb

Tuam ceeb = Ib lub teb chaws lub tuam nroog (capitale)
Tseem hwv = Nom tswv kav teb chaws ( Gouvernement )
Txoov Tim Tswv = Tuam thawj tswj lub teb chaws (Président de la République)
Thawj Pwm Tsav = Txoov Tim Tswv thawj tug Tim Xyoob.( Premier Ministre)
Pwm Tsav = Tim Xyoob (Ministre)
Hau Xeev = Nom kav lub xeev ( Préfet)
Hau Zos = nom kav lub zos

Hahahah...!Maiv, cas nws es yuav txawj tso dag ua luaj li naj...!

Txawj xwb fab = txawj nrhiav noj nrhiav haus, txawj nrhiav kom tau, txawj khwv tau.

Yog hais li nov xwb.

Maiv,

Nws hais yuav luag raug, tab sis ib nyuag xu lawm...!

Moj Sab yog los ntawm lus suav los, yog txhais hais tias Roob Plaug Hau = roob nqeeb = roob puam khab.

Suab puam = teb chaws xuab zeb qhuav, tsis muaj nroj tsuag, xyoob nto.
av xuav = av xuab zeb (terre sableuse)

XH.Npuag Tub,

Nws puas kam tuaj txhab los puav kom txaus suav, nws puav kam tuaj ntxiv me ntsis kom zoo siv?

- Fwv tsam = muaj caij tom thawj
- Tom thawj = lub caij haum nkaus rau qhov xwm tshwm sim, lub caij ntawd.
- Xwm = ib qho hauj lwm, ib lub caij tshwj xeeb (Evènement)
- Xwm txheej = teeb meem ncauj lus, plaub ntug los yog raug mob nqaij to ntshav nrog.

Mt, Nws yog tus xub noj ntau diav zaub nws thia yog tus paub, nws xub noj ntau diav mov mas nws yuav paub lus hmoob ntau dua os.

(1) Thej Com, Laj Zeej, Kav Xwm = Tus coj thiab tswj kav kom txhob muaj teeb meem, nyob hauv tej rooj noj rooj haus, rooj ntshoob rooj kos, rooj mob rooj tuag (leader).
(2) Phom sij = txaus ntshai ua raug mob puas tsuaj (danger).
(3) Cim meej Tsab = tej yam muaj nyob hauv koj lub neej yav tas los (background).
(4) Phiaj Tim = Daim ntawv teev hnub, tim, thiab xyoo (calendar).
(5) Tim tsum = kub tes kub taw = ti tes ti taw = xwm maj ceev, sai sai tam sis (emergency).
(6) Txwj laus = Laus neeg = tus neeg paub tab paub cai, paub siab paub qis (elder).

Maiv Tooj wrote:KAWM LUS HMOOB TOB


Toob Fab = sab hnub tuaj
Xib Fab = sab hnub poob
Laj Fab = sab qab teb
Pej Fab = sab qaum teb

Tuam ceeb = Ib lub teb chaws lub tuam nroog (capitale)
Tseem hwv = Nom tswv kav teb chaws ( Gouvernement )
Txoov Tim Tswv = Tuam thawj tswj lub teb chaws (Président de la République)
Thawj Pwm Tsav = Txoov Tim Tswv thawj tug Tim Xyoob.( Premier Ministre)
Pwm Tsav = Tim Xyoob (Ministre)
Hau Xeev = Nom kav lub xeev ( Préfet)
Hau Zos = nom kav lub zos

Koojziagkabzaug.
Luag tej laus niaj txig piv txoj lus tias txus laus tyxus hnov txuj no muaj tiag laiv yom.
Cov npe Hmoob uas kuv hnov dua los lawm muaj Hmoob dawb.Hmoob lees.Hmoob dub.Hmoob txaij.Hmoob ntsuab.Hmoob sib.zaum no ho tuaj kawm tau Hmoob tob ntxiv thiab.Ua tsaug ntau ntau mog.

Hahahah...! Me tub aw...! Cas nws mas yuav hais tau txaus luag ua luaj li...Twb yog nws me niam ntxawm tsis xav tswv yim li thiaj li sau tau ib los lus ua rau nws yoob tag li lawm...Hahahah...! Cia mam mus kho rau. Tsis yog LUS HMOOB TOB tab sis yog lus Ntsiab Hmoob, lus Hmoob muaj kuab xwb...

Hmoob lo lus thaum ua tshoob ua kos luag ntuas tub ntuas ntxhais, yog txhais kom meej mas yog txhais tias:
= Niam txiv yug tau cev,yug tsis tau siab. Niam txiv neej nus ciaj hlau tais tsis tau. Peb muab rau nraug vauv xeem { N...} ciaj hlau tais.
-> Yog hais tias, peb yug tau lub cev hlob peb yuav tsis tau. {deev tsis tau.} Peb muab rau Nraug vauv yuav.
= Nej thoob nej thi, nej phav nej npuj.
-> Nej coj mus ua neej, coj mus hlub,txhob cia tshaib nqhis ntshaw txog luag nraum toj nraum pes kev ua plees ua yi.
=Peb yias tooj hau tsis tau, thiaj muab rau nej yias hlau hau.
-> Peb pw tsis nyog ib txag, thiaj tso rau nej xeem{N...} pw,
= Hauv hlua peb muab rau nej, qab hluas peb tseem tuav.
-> Nej coj mus yog nej tsis hlub, tsis nyiam tsis nrog pw, cia nws tshaw luag kev ua plees ua yi, peb yuav hais.
= Kev pe,ua ntej los ua qab yog kev thov kom nrog txuas ncauj txuas lus kom tau kev hais lus. Los kev thov ntawm kev ua txhaum, saib tsis taus tej tau ua dhau kev cai lawm xwb,tsis tau yog pe tshoob.
Pe tshoob yog thaum nian txiv tso neeg los pub tshoob, thiab thaum niam txiv nkaw lus,los thaum coj qhua vauv los laij nyug Thiaj yog pe tshoob.
Thaum pe tshoob yog kev cog lus tias,yuav ua li niam txiv kev cog lus hais los lawd. Ces pe niam pe txiv,neej nus...
Thaum pe txog ncej dab ncej qhua, yeej hais txog lub Ntuj lub Teb, txog lub hnub lub hli thiab hais txog ob tug sis yuav ntawd lub neej nyob hauv tib si lawm.
Thaum niam txiv hais cov lus nkaw los ntawm kev tshoob kos ntawd,tsis hais txiv neej los poj niam, yeej cog lus tas ob leeg tib si lawm,tsis pub mus ua plees ua yi.
Luag thiaj hais lo lus tias, mus ces kiab kiab kais kais, niam mloog txiv qhuab. Txiv mloog niam hais, kom tau ev me nyuam tuaj saib niam tais no.
Tus txiv neej mus tham hluas nkauj, los poj niam mus tham hluas nraug. ob leeg yeej muaj kev txhaum ib yam. Vim tus mus tham hluas ntawd, nws tsis hwm nkawd kev cog lus los ua txij ua nkawm.
Nrog kev cog lus rau niam txiv thiab cov meej koob, thiab kev neej kev tsav rau lub ntuj lub teb lub hnub lub hli, thiab nkawd tus kheej tib si.
Nws thoob nws tsis thi, nws phav nws tsi npuj,nws mus thi luag thoob los npuj luag phav. tsis hais poj niam los txiv neej yus tsis muab nws ciaj hlau tais cia. Nws mus tshaw luag ciaj hlau tais.
Kev txhaum los ntawm nkawd ob leeg los, Ua li Hmoob hais ntshai koj ua dej txiag paug siab lawm. Ua dej txiag paug siab, koj ua rau nws tu siab lawm, koj tsis nrog nws pw ua ke, los koj tsis hlub nws.
Ces nws raug kev tshaib nqhis los ntawm hlub tsis tas, pw tsis txaus ntawd los, thiab tsis txawj xav, pheej xav tias ntshais nws muaj siab rau lwm tus lawm.
Cov neeg siab coob yeej muaj tsis yog tas sawv daws, leej puav xwb. Yog kev hlub tsis txaus los ua dej txiag paug siab lawm, ces muaj kev txias siab mam tu siab tsis nyiam tsis hlub, tsis pw ua ke. Feem coob yog neeg raug kev tshaib kev nqhis ntau, tsis yog neeg siab phem.
Tej hais no ib nrab cov niam txiv nyob hauv kev ua txij nkawm tseem tsis tau paub tias, lub ntsiab nyob qhov twg. Pheej xav tias nws yog neeg phem, ces muab twm rau nws cab ces nws cia li cab kom teb chaws paub tias nws cab twm no xwb.
Cov niam txiv sib nrauj sawv daws ob tog puav leej tsis paub txog tej no zoo. thaum nws tau cab twm lawm, ces nws tsis zoo tso tseg. Lwm tus daws teeb meem mas tsis yooj yim,yuav yog nws tus txij nkawm paub nws daws mas yooj yim dua.
Vim tias yog nws li kev ua txhaum, lwm tus tsis paub kev txhaum nyob qhov twg. Yuav xub to taub tias muaj kev taug, yuav mus nruab yeeb mus kom txhob sib phoom mas thiaj daws yooj yim.
Vim tias thaum ib tug neeg nws swb lawm mas tshuav tib txoj kev ua neej nyob kom muaj ntsej muag xwb, yog txoj kev dag, Kev dag mas tsis txawj txaj muag muag li.
Dag yus tus kheej. dag Ntuj Niam Ntuj Txi, dag nkauj hnub nraug hli. Yam muaj tswv yim muaj siab ntsws,li nws ces nws dag tas nrho mus.
Kev dag muaj zog dua nyiaj thiab kub,tus neeg dag xwb cia li tau nyiaj siv, dag xwb neeg cia li hlub nws lawm los cia li tau ua phooj ywg.
Txoj kev Kev dag muaj zog tiag,Koj dag ces ua rau luag txom nyem, ua neej puas siab puas ntsws tas mus li. Dag ua rau neeg pluag mus tau,dag ua rau neeg yuam kev coob leej, dag ua rau luag raug xwv txheej,los tuag mus cuag li yog kev ua txhaum tseeb li lawm.
Muaj ib nkawm niam txiv yeej sib hlub, muaj ib hnub tsis paub yog leej twg ua dej txiag paug siab lawm. Nkawd muaj lus sib cav me ntsis, ces nkawd sib nrauj. Tau ntau lub xyoo leej twg los tsis yog ib tug txij nkawm zoo rau me tub me nyuam nrog luag hu.
Nkawd ob leeg ua neej sib nrauj tsis muaj txig muaj nkawm, nkawd cia li pw hauv kev tu siab mus li,vim dej txiag paug siab xwb. tsis muaj qhov tseem ceeb li.
Muaj coob leej,uas yog ua dej txiag paug siab xwb cia li ua neej nyob li ntawd mus,suav tsis txheeb, mas txaus tus siab kawg.


Yaj Zoov Ntxheb Xib Hwb.