Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Cov Txiv Plig ua tau muaj txiaj ntsim rau Peb Hmoob

Gallery


Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 26th January 2018, 3:27 am



    Zaj 307- LEEJ TIB NEEG TEJ KEV UA NTSUAG.




    Yog piav txog Leej tib neeg sawv daws tej kev ua ntsuag, mas muaj ntau yam:

    1. Kev ua ntsuag raws li tej laus hais los, mas ua ntsuag niam ntsuag txiv. Los ua ntsuag txij ntsuag nkawm, los ua ntsuag tub ntsuag ki, ntsuag kwv ntsuag tij.
    Yog los ntawm neeg tej kev sib ncaim, ib tug tso sawv daws tseg, tus ntsuj plig rov mus lawm pem ntuj, mus nrog Huab Tais Ntuj nyob lawm. Yam no, mas yog kev ua ntsuag tiag.
    Cov tseem ua neej nyob yog cov tau ua ntsuag, lawv muaj kev nco thiab tu siab. Vim lawv tsawg ib leeg lawm, tu kev pab ntawm kev txhawb dag zog. Tsis muaj tus txib los tus siab xyuas sawv daws.

    2. Tseem muaj lwm yam kev ua ntsuag, tsis zoo hais. Yam li peb lub teb chaws muaj kev ua tsov rog, Niam ncaim txiv mus lawm. Los niam txiv ncaim tej tub ki mus sawv daws sib raws ua ke tsis tau.
    Ua rau sawv daws muaj kev sib nco sib khuv xim tsis tau mus nyob ua ke noj sib hlub haus sib ce. Ib leeg noj qab noj tsuag los tseg ib leeg nyob ib roog ntuj.

    3. Tseem muaj dua ib txoj kev ua ntsuag:
    Peb muaj ib pab phooj ywg sib pab sib hlub noj nyob ua ke ntau niaj ntau xyoo. Lub teb chaws nyob tsis thaj yeeb, ib leeg ncaim mus nyob ib sab ntuj. Muaj kev txib kev hu los tuaj pab tsis tau.
    Kuj yog kev ua ntsuag pluag kwv pluag tij, noj nqaig qab tsis xws nqaij, haus cawv qab tsis tsheej cawv. Kuj muaj kev tu siab kawg, yog peb sawv daws txoj hmoo, sib raws mus nyob ua ke tsis yog kev yooj yim.

    4. Txoj kev ua ntsuag kawg, lub caij peb sawv daws muaj hnub nyoog li 70- 90 xyoo li no, cov muaj hmoo ua neej nyob los sawv daws laus tas lawm.
    Peb txawm muaj kev sib hlub thiab nyob ib lub teb chaws. Los koj laus xws kuv kuj laus xws koj. yuav tsav tsheb mus sib xyua tsis tau lawm.
    Tej tus ua neeg lag ntseg, tej tus ho ua neeg dig muag nco tsis tau kev mus sib xyuas. Yog tej tub ki tsis thauj mus ces mus sib xyuas tsis tau.
    Zoo caij nyoog mus sib ntsib, los nyias tham nyias zaj tsis sib to taub. Ib tug tham txog kev ua qoob ua loo, lwm tus nws ho tham txog kev mus ua si pom tej tsiaj pom txhuv los kev tshav ntuj thiab los nag.
    Peb sib tham cuag li koj tsis paub kuv zaj, Kuv los mloog tsis tau koj piav thiab. xav los , mas kuj yog kev ua ntsuag lawm thiab lauj.

    5. Kuj muaj qee leej tsis sib raug zoo, nyob koom zej koom zos. Los tug tsis khiav tug lawm.tua tsiaj tua txhuv noj los muaj kev tu siab tsis tuaj sib koom noj koom haus.
    Tua nyuj nphoo ntsev noj kheej, luag tsis tuaj nrog nws noj, kuj zoo li kev ua ntsuag ib yam nkaus li thiab od.
    Zaj lus kev ua ntsuag no, yog sau los ua kev sib kawm, kom sawv daws nco tias ua cas ho yuav zoo li ntawd lawm.muaj
    Qee leej muaj kev kaj siab, qee tus kuj muaj kev tu siab xav tsis txawj tas li thiab. Ntshai yog li luag tej laus hais tias, ntuj fav teb lam , thiaj zoo li no lawm lauj.


    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st January 2018, 11:25 pm



    Zaj 308- TXOJ KEV HLUB HMOOB YOG COJ LI CAS!

    Cov ua thawj neeg uas lawv nyiam coj li tus neeg:
    A. tshaw ua Hmoob tus Huab Tais, los nyiam ua Hmoob tus Nom thiab Hmoob cov thawj neeg...
    B. Cov ntshaw kev tham hluas nkauj nyiam hmoob tej ntxhais, los nyiam Hmoob tej poj ntsuam nkauj fa...
    C. Cov ntshaw kev haus dej haus cawv xav zaum thawj lub rooj noj nqaig...
    D. Cov nws yog neeg ruam nyiam tsab tse tsis paub hauj lwm...
    * Cov no yog cov uas tsis txawj hlub Hmoob ib qho li, lawv tsis nrhiav paub tias, hlub Hmoob yuav coj li cas kom haum thiab zoo tsoom Hmoob lub siab.
    Tus twg los ua neeg khav theeb nkaus xwb, nws tsuas hais tau thiab saib lo lus tias, mas tsis yog kwv yog tij ne! Ces thiaj ua tsis tau li hais los thiab tsis yooj yim!
    Cov coj li no, puav leej yog cov neeg ruam taub hau loj, li tej laus hais ntag. Thiaj tsis txawj hlub Hmoob, muaj ib nyuag yam tsis haum siab xwb los.
    Tsuas khav ua xaiv lus, plaub ntug sib kwv mus txog tej nom Tswv Mab Sua, nplawg ntia kom luag paub. Luag muab Hmoob tsim txom, kom Hmoob muaj kev txom nyem. Mas nws tseem zoo siab thiab.
    Coj coj li no, mas lawv tsis yog cov hlub Hmoob. Tej Mab Sua luag twb cawm luag Haiv neeg, luag pab kom sawv daws tau kev nyob thaj yeeb.
    Ua cas Hmoob yuav mus ruam tas npaum li no, twb tsim nyog yus hlub, los yus tseem qhia kom Mab Sua muab kev txom nyem rau tus uas yog Hmoob, uas yav tom ntej yus yuav tau ua neej ua tsav nrog rau kom nws txom nyem mus ti txha kiag.
    Hmoob tsis muaj kev vam meej yog vim tej no ntag, Ua neej tsis pom txoj hmoo li tej laus hais tiag lauj!
    Ua cas yog ib tug Mab Sua no Hmoob ho tsis hais dab tsi li, hla Hmoob kev cai, hla niam hla txiv nrog rau tas Tuam Cuab Hmoob los ho kav liam thiab.
    Zoo li nyob ntuj qub qab tim Los Tsuas, Hmoob kiav cob tsib teb los coob kawg, Cov thawj neeg. Yus lav yuav yus cuab kwv tij xwb. Vaj tsb xeem lis sab nraud, yus mus qhia tub ceev xwm los tsuas muab lawv ntes xa rov qab tas.
    Cia Hmoob raug kev txom nyem, quaj ntsuag nco luag kwv luag tij tsis txawj tas li. Los yus tseem zoo siab thiab.
    Zoo li Hmoob tsuas txawj ua rau Hmoob kom Hmoob txom nyem thiab quaj ntsuag mus xwb. Tab yog 18 Cuab Hmoob, saib Hmoob nyob Mis Kuj teb no, sawv daws tsis muaj ib tug muaj lub tswv yim yuav hlub Hmoob kom txaus Hmoob nyiam li.
    Nyias tsuas ua nyias koom haum kav nyias pab neeg xwb. tsis pom txog lwm Cuab Hmoob xws li yus. Nws tsuas nco tias muaj yus xeem nkaus xwb.

    * Cov uas txawj hlub Hmoob, tshuav tab sis tsis muaj coob lawm. Puas yog vim Hmoob cov kev ntseeg Dab Qhua, Kab Lis Kec Cai no, ua Dab qhuas tsis sib thooj.
    Zoo li tej poj dab poj ntsuam hla ib rog lawm, pam tsis tau, ua yus dab yus qhua. Hais txog Tshoob Kos mas pub dawb xwb los yeej tau nad!
    Saum kev ploj kev tuag, tej me nyuam ua neej txom nyem los sawv daws cia li mus pab los yeej tau. vim lawv ua neej txom nyem tiag.
    Cov uas khaws kev cib nyeej puag thaud, tej laus ua los lawd, tsis tau tsiaj los nyiaj txiag npaum ub npaum no mas roob taus theev tsis hle li.
    Siv tej niag lus uas txij puag thaum qaib tis tau tuaj kaus taw, nyuj tsis tau tuaj kub thiab neeg tsis tau tuaj hniav ntawd, los siv tsis tau lawm.
    Yus twb tsis paub kev ntseeg Ntuj zoo, yus ho muab Christmas noj ua ntej tias, hais tias yuav koob tsheej khi tes rau tus ub tus no nrog...
    Xyoo laus tsis tau tas, yus twb pib ua xyoo tshiab puag thaum lub 8 hli ntuj los lawm. Yog neeg ntse mus rov rau yav ntuj pem suab lawm lod!
    Cov tub kawm txuj kawm ci txheej siab, nej nrog lawv zoo siab kawg thiab lod! Nej cov Dr thiab Lov Yawj!
    Cov thawj coj hais tau lus zoo kawg, Yuav mus yuav tej lub tsev ua Hmoob kab lis kev cai. ua neeb ua yaig nyob hauv. Noj tshoob noj kos nyob hauv, pam tuag nyob hauv.
    Yog nyias coj nyias Xib Hwb tuaj ua nyias cov kev cai, thaum lub tsev ntawd puas leej twg ua tus kho? Lub tsev no puas yuav nyob mus li. Ntshai tsam tsis kav ib tiam neeg xwb.
    Hmoob cov dab qhuas tsis sib thooj, tshoob kos nyias ua raws nyias txiv tuam mej koob. Nyias sau nyias tus nqes tshoob. tsis koom ib lub txhooj. Hmoob Dawb tsis paub ua Hmoob Sib tus txiv tuam mej tuam mej zeeg tshoob.
    Tus Hmoob Ntshuab tsis txawj ua Hmoob Dawb tus txiv tuam mej koo. Puas yuav kav ib tiam neej mus li rau Hmoob yom!
    Poob rau lub caij nyoog ua yog cov, nyiam plaub ntug thiab nyiam xaiv lus siab nqaim li no, los tswj ntug. Puas yuav tshav ntuj rau tsoom Hmoob tiag.
    Kwv tij zaj lus no tsis yog cem los thuam ib tug twg li, Kuv nyob hauv txhua pab neeg kuv zoo li nej sawv daws. Kuv sau los ua peb kev kawm thiab sib pab tswv yim mus kom zoo rau tej tub ki lawv tiam xwb od, tsis muaj kev ntxub ntxaug leej twg li nawb!


    -< Yaj Zoov Ntxheb X.H.>-



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th February 2018, 3:58 am



    Zaj 309- KEV ZAM TXIM TXHAUM.

    Kev zam txim txhaum yog ib yam loj tas nrho, Uas peb Leej Tib Neeg tsis paub txog! Ib tug neeg thoob tsib uas txawj zam txim txhaum tau luag lwm tus,thiab txawj thov Ntuj pab rau luag.
    Mas nws yog txheej neeg nyob ze Huab Tais Ntuj, los nws twb tau nrog Huab Tais Ntuj nyob ua ib npoj hauv Tswv Ntuj pab neeg lawm.
    Nws twb xeeb tau los ua Huab Tais Ntuj me nyuam thiab Ntuj lub xeem lawm. Cov paub kev zam txhaum rau lwm tus neeg,nws twb zoo puav tam li nws yog Yes Xus phau ntawv Ntshiab, uas muaj cov lus pub txoj sia nyob rau hauv nws tas tib si lawm.
    Nws paub tseeb Yes Xus lo lus hais tias,tus neeg siab tsis ncaj thiab ua neeg nplua nuj, yuav mus hauv Huab Tais Ntub lub Ceeb Tsheej mas tseem nyuaj dua tus Ncos {camel} chaws hauv lub qhob koob tseem yooj yim dua.
    Hu ua cov Laus neeg thiab cov Thawj Neeg,cov thawj coj tej pab paug neeg....Mas yuav tau ceev faj kawg nkaus, txoj kev ua Thawj neeg rau lawv. Yog tsis ceev faj, mas lawv yuav yog cov neeg raug kev txom nyem loj tshaj:
    Lawv lub hwj Chim thiab lub Koob Meej, txawm muaj hwj chim loj npaum li cas,nyob ntiaj teb no. Mas zoo li phau ntawv Ntshiab, uas lawv tsuas pib nyeem xwb.
    Lawv tsis tau paub zoo thiab tsis tau yog Tswv Ntuj cov lus tiag. Lawv tsis tau to taub, Hos qee Leej lawv yog me nyuam neeg xwb, Lawv twb txawj hais lus zoo cuag li ib co Yaj Saub, thiab txawj zam kev ua txhaum rau tus nyob deb los nyob ze lawv.
    Mas lawv twb yog Tswv Ntuj Leej Tub phau ntawv muaj cov lus pub txoj sia lawm. Ua li mas tsim nyog lub ntiaj teb Neeg yuav sib hwm.
    Vim Nyem no, Tswv Ntuj tsis yog Nws nyob saum ntuj uas siab siab thiab deb deb li tib neeg xav. Tswv Ntuj yeej nyob ntiaj teb no nrog Leej Tib neeg sawv daws.
    Cov Neeg siab dawb Tswv Yim ncaj, lawv nrog Huab Tais Ntuj nyob ua ke li cov Leej Ntsiab thiab Ntuj cov Tshiab. Cov Neeg siab ncaj tsis muab hlob thiab Ntuj cov Tshiab lawv daws daws yog Huab Tais Ntuj pab nyob ua npoj ua ke.
    Peb Leej twg paub zaj lus hais no, peb yuav thov Ntuj pab cov Thawj Neeg tsis tseg mus li. Lawv yog cov txom nyem siab loj dua lwm cov huv si!
    Kev ua txhaum niaj hnub poob los tsuam lawv xws li cov daws poob saum ntuj los. Lawv tsis hnov nhyav. Tab sis muaj ib hnub mas lawv yuav tawm tsus taus los.
    Peb yuav thov Ntuj pab lawv, peb yuav ua cov neeg pab laws kaus cov daus kom txhob tau khov ua dej khov. Los tsuam lawv. Yog tsis muaj neeg pab, mas lawv yuav muaj kev tu siab tsis muaj kev tso siab rau Tswv Ntuj.
    Ces lawv swb txoj kev ua txhaum, lawv yuav tso lawv tus ntsuj plig pw thiab tuag nyob hauv kev ua txhaum. Thaum lawv muaj kev tu siab loj lawm, lawv tsis pom qab los nco mus khaub zig rau leej twg li.
    Lawv xav tias, Phooj ywg yuav pab tsis tau ntshai Ntuj kuj yuav tsis pab. ces lawv muab lawv tus ntsuj Plig tso pov tseg tuag nyob hauv kev ua txhaum.
    Zaum no lawv tshuav tib tug phooj ywg zoo lawm xwb, yog txoj kev tuag. Ces lawv rov tua lawv tus kheej,los mus dai caj dab kom tuag.
    Vim lawv kev tso siab rau Ntuj thiab neeg tsis muaj ib qho tas nrho li lawm. Lawv ua ib siab nrog txoj kev tuag sib puag pw ua tus phooj ywg zoo mus ib sim neej.
    Hais rau peb sawv daws tias, koj txawm yog ib tug me nyuam neeg xwb los. Koj Muaj Nuj nqes loj sab ua Tswv Ntuj ib tug me nyuam.
    Koj ua tau ib tug Choj tuam rau cov Thawj Neeg hla kom dhau Dej, tsis tau poob deg tuag. Thiab Koj kuj ua lawv luag mus dhau zoov , kom lawv tau luag thiab muaj zog.
    Thaum cov Dab muaj zog thiab muaj peev xwm ntxias tej thawj neeg no. Kom lawv yuam kev mus mag kev haub kev ntxias los cuab ntxiab cuab hlua tos tej thawj neeg ntawd kev.
    Thiab muab kev ploj kev tuag los cheem tav lawv kom tau kev tws. Ces lawv tau ncaim ntawm Tswv Ntuj mus kom tsis muaj hnub yuav rov los cuag Tswv Ntuj tau.
    { Zaj lus no siv tau rau ib lub txoos teev Ntuj ua ke muaj neeg coob.}


    Sau nyob Sacramento, tim 1/1/ 2017.
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th February 2018, 4:02 am



    Zaj 310- COV LUS HAIS HNUB NOJ PEB CAUG SACRAMENTO.

    Tswv Ntuj lub hwj chim txiaj ntsim, nyob txawm hauv Leej Tib neeg, txiv neej los poj niam txhua tus. Tswv Ntuj tau saib Leej tib neeg muaj nqes kawg, Ntuj tau pub yam zoo tas nrho rau peb:
    Tswv Ntuj tau xav txog ib tug neeg tuaj nyob ntiaj teb no. Ntuj thiaj pub tas txhua yam zoo tas nrho rau neeg.
    Ntuj thiaj tsim kom muaj ib tug Txiv neej los pub rau tus poj niam, Tswv Ntuj kuj hlub tus txiv neej kawg nkaus. Tswv Ntuj tau tuaj yeem rho txiv neej ib tug txa tav los tsim tus poj niam pub rau tus txiv neej.
    Kom nkawd tau sib nyiam sib hlub, Nkawd ob leeg puav leej yog zoo li ib lub tseem pov haum. Los tseem nyiaj tseem kub mchua los.
    Coj los sib pub rau nkawd lub neej, nyob hauv ib tug neeg lub cev. Tswv Ntuj tsim kom muaj txhua yam zoo tshaj tej pov haum los nyiaj thiab kub rau nkawd kom tau muab los sib pub:
    Muaj lub cev ntaj ntsug, muaj plaub hau, pob ntseg, qhov muag, qhov ncauj, tes taw muaj hwj chim zoo nkauj, zoo nraug ntxiag.
    Muaj tswv yim, muaj kev hlub dai siab dhuam, ib leeg tsis xav nrug los ncaim ib leeg mus. Tas txhua yam muaj nyob nrog neeg lub cev, muaj koob hmoov nrog kev nyiam kev hlub.
    Zoo tshaj tej pov haum nyiaj thiab pov haum kub, uas ib tug neeg nplua nuj muaj nyiaj kub txog li peb roob nyiaj kub uas suav tsis txheeb li.
    Tas txhua yam muaj nyob txawm, nrog neeg lub cev thiab neeg lub tswv yim. Mas muaj nqes thiab tsim txiaj tas nrho.
    Ua li mas thawj yam peb yuav tsum hwm:
    -Hwm yus tus kheej yog neeg tsim txiaj, vim Ntuj pub txhua yam, zoo muaj nuj nqes rau yus, ib yam nkaus li luag lwm tus.
    - Yus yuav tau hwm luag lwm tus, zoo ib yam li yus hwm yus tus kheej. Yus thiaj tau ua yus txoj hauj lwm nyob ntiaj teb no nrog neeg tiav.
    - Yus yuav txhob tsim teeb meem rau tus uas nrog yus nyob, zoo li tus nrog yus nyob ua txij ua nkawm. Tsis hais tus txiv neej los tus poj niam li.
    Yus yuav hwn thiab hlub nws, Tseem yuav hwm zoo tshaj li yus tus phooj ywg raug zoo nyob sab nraud. Yus yuav tau muab kev nyiam kev hlub thiab qhuas, los ua tus nqi them rov rau yus tus txij nkawm.
    Yus thiaj tau ib tug txiv los ib tug poj niam ntse, muaj tswv yim puv ntoob. Tsis hais saum tus txiv neej los tus poj niam li.
    Yog koj thuam thiab tsis hwm nws, ces nws lub tswv yim tsis nthuav los. ces koj yuav tau ib tug txiv los ib tug poj niam ruam ruam.
    Vim koj twb tsis hlub thiab qhuas nws ib zaug li, nws muaj kev tu siab nyob hauv nws nruab siab lawm. Tab yog nws kawm txuj siab npaum li cas, los nws yeej kawg ua neeg ruam mus li.
    Yog koj qhuas thiab hlub nws, mas tab yog ntsej muag meej mom tsis zoo pes tsawg los nws lub tswv yim thiab nws lub ncauj yuav pab tau nws kom zoo Nkauj zoo nraug mus tob heev...
    Ntxim luag nyiam los txaus luag pab koj hlub, mas nws ua ib lub neej nyob tshav ntuj nrig. puav tam li lub hnub tsis txawj poob qho.
    Tas txhua yam uas kuv hais los no, yog Tswv Ntuj muab pub los ua paj tshab rau peb txhua tus. Tsim nyog peb yuav xub qhuas Tswv Ntuj ua ntej.
    Tswv Ntuj twb xub muab rau peb ob tug Pog Suab Yawg Suab ua ntej puag thaum ntuj tsim teb raug los lawm.
    Yog Pog Suab Yawg Suab, muab tseb los rau peb Pog peb Yawg. Ces peb niam peb txiv lawv txais los ntawm txheej laus ntawd los.
    Tswv Ntuj yeej pom zoo, muab tseb los faib rau peb txhua tus. kuv xav kom cov nyob ua txij nkawm sib hwm, lawv thiaj tau lub neej nyob kaj siab thiab nyob thaj yeeb tas lawv sid.
    Hais rau peb sawv daws tias, yog tsis muaj ib tug txiv neej nyob ntiaj teb no li. Mas tsis muaj neeg paub tias, poj niam zoo nkauj thiab muaj zoo pov haum li.
    Hos yog tsis muaj ib tug poj niam tawm los nyob, Mas kuj yuav tsis muaj ib tug neeg twg, paub tias txiv neej muaj hwj chim thiab zoo nraug li thiab.
    Nyob hauv ob tug txij nkawm, yuav tau sib hwm sib hlub kom zoo tiag. Tus txiv neej nws nchos cev xwb nyiaj kub cia li poob saum ntuj los tau nyiaj siv.
    Hos tus poj niam, nws nchos cev xwb, mov thiab nqaij hno kuj cia li poob saum ntuj los. Sawv daws noj tsis tshaib haus tsis nco nqhis li thiab.
    Muaj ib tug txiv neej nyob ntiaj teb no, mas poj niam thiaj zoo nkauj tuaj. Kuj muaj ib tug poj niam tawm los nyob ntiaj teb no, mas txiv neej thiaj muaj lub meej mom zoo nraug tawm los.
    Niam Nkauj Ntsuab thiab txiv Nraug Nab nkawd tawm ntawm lub hwj chim meej mom no los ntag. Nkawd thiaj tsis xav sib ncaim. nkawd thiaj tau khiav puag Tuam Tshoj mus kawg nkaus rau Xov Tshoj teb li paub hnov nkswd zaj dab neeg.
    Yeej muaj tseeb, Hmoob li keeb kwm zoo nkauj zoo nraug tawm nyob hauv zaj dab neeg no tas tib si lawm.
    Cov ua Nkauj Nrab Nraug Nrab, thiaj ntsaw txiv me tub hluas hluas. Cov txiv neej thiaj ntshaw Niam Nkauj mos Ab. Yog tsis muaj txiv neej, poj niam ua neej nyob tsis tsheej. Hos tsis muaj poj niam, txiv neej kuj ua neej nyob tsis kawg.
    Kawg yuav mus ua txiv Cuam, mus nrhiav poj Liab los deev siab.
    Kuv ua nej tsaug uas nej tau mloog kuv zaj lus no.

    Tim 23/12/17.
    -< Yaj Zoov Ntxheb X.H.>-




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th February 2018, 5:48 am



    Zaj 311- COV TXIV NEEJ TEJ KEV NYIAM KEV NTSHAW.



    Nyob hauv peb tsoom Hmoob cov txiv neej, lawv tej kev nyiam thiab ntshaw yog tej yam nram no!
    1. lawv nyiam poj niam.
    2. Lawv nyiam ua luag tus thawj neeg.
    3. Lawv nyiaj haus cawv.
    4. Lawv nyiam nyiaj txiag.
    Npoj neeg nyiam plaub yam hais los ntawm no, mas lawv nyiam xyaum ua neeg tsab ntse. Lwm cuab pej kum neeg, yuav kawm tau lawv tus yam ntxwv tau sai kawg li.

    A. Lwm pej kum cuab neeg yuav nug lawv tias, Koj nyiam dab tsi thiab koj xav li cas txog koj txoj kev ntse thiab muaj peev xwm!  Ces luag yuav twv tau koj zoo thiab sai kawg nkaus li.

    B. Luag yuav saib koj nyiam coj li cas, koj puas muaj kev sib hlub ntau, los kev sib ntxub ntau dua xwb.  Luag yuav pom tseeb txog koj lub siab thiab lub tswv yim.
    Ces luag yuav muab koj ntxeev, tig mus rau sab twg los tau yooj yim thiab sai kawg li. Koj tsis paub los tsi nco txog, koj twb poob mus nyob hauv tej yam koj tsis muaj kev ceev faj los lawd.  Tas txhua yam yog koj ua tus qhia rau luag paub tib si xwb.

    C. Luag paub nyob hauv koj cov lus teb ntawd tas, yog lus phem los lus zoo.  laug kawm tau sai kawg nyob hauv koj pab neeg, lub tswv tim ntse mus tob los deb npaum li cas!
    Luaj muaj peev xwm twv tau tias, koj npoj neeg muaj lus sib cav sib ceg ntau los tsawg. Luag yuav tsis ntshai koj npoj neeg. vim koj thiab koj npoj neeg tsis muaj ib lub hom phiaj tseem ceeb dab tsi li.

    D . Ces luag nrhiav tswv yim los tsim txom rau loj npoj neeg, ua kom koj raug kev mob siab.  Uas yam koj tsis paub txog txhua yam, kev ntxhub thiab saib tsis taus koj txog rau koj npoj neeg txhua tus.
    Tej yam no twb puav leej los ntawm koj npoj neeg sawv daws tsis paub ua neeg thoob thiab ntse los. Peb txhua tus lam tsab ua neeg ntse nkaus xwb, Dwv daws puav leej coj mus rau sab neeg ruam.  Tab sis sawv daws nyiam ua neeg tsab ntse, ces tas sawv daws tsis muaj lub hom phiaj zoo.  Los tuav pov hwm nyias npoj neeg, kom sawv daws muaj ib lub hom phiaj tias, yog neeg zoo.  Uas muaj tib lub meej mom siab ntsws zoo sib xws thiab muaj kev sib raug zoo nyob hauv Peb npoj neeg mus thoob plaws.
    Tsoom kwv tij zaj lus no, yog sau los ua kev kawm rau sab uas sawv daws xav xyaum ua neeg thoob tsib pub rau lub ntiaj teb neeg pej kum cuab muaj kev cav tias, Hmoob yog ib Haiv neeg tsim txiaj muaj kev sib hlub zoo no xwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 21st February 2018, 11:14 pm



    Zaj 312- KEV TSIM TEEB MEEM RAU YES XUS LUB NPE.

    Ntiaj teb neeg, muaj ntau leej coob tus, siv Yes Xus lub npe, los tsim teeb meem, ua kev txhaum. Lawv muab Yes Xus Pleev, los siv ua kev dawb huv rau luag saib.
    Hnub tawg paj los, yog lub paj phem, kev ua txhaum tim ntsej tim muag rau neeg ntiaj teb ntsia:

    1. Lub zim txwv tiam 20 no, muaj coob leej kawg. Lawv tau ua tub qaug rau Yes Xus Pleev lub npe, Cov neeg no lawv muaj kev sib ntxub.
    Ces lawv sawv daws muab Yes Xus lub npe, los ua kev sib cav sib ceg, cais kev ua kwv ua tij. Los cais kev ua txij nkawm, nyias muaj nyias txoj kev ntseeg Yes Xus tsis sib xws.
    Sab twg los siv Yes Xus lub npe, los ua kev dawb huv, txog qhov kawg yog siv los ua kev txhaum. Tus raug kev liam ua neeg txhaum los muaj, Hos tus xwb tim siv kom tau ua kev txhaum los muaj coob npaud.

    2. Muaj qee tus Xib Hwb, muab ntseeg tshaj, dhau kev cai li Yes Xus hais lawm. Luag ntseeg thiab tsis coj li nws nyiam. Nws kuj muaj peev xwm muab nws tsev neeg tua tuag tas nrho. tsis ntshai tub qaug Ntuj li.
    Tej kev cai li no tsis yog Yes Xus Pleev lub Moo Zoo, uas Nws tau qhia los, kom neeg muaj kev sib nyiam sib hlub.

    3. Muaj qee leej Xib Hwb siv Yes Xus lub tswv yim los ua kev hlub. Nws muab tej me nyuam ntxhais los luag tej poj niam los tawb. Nws ua ntau thiab ntau, ces nws muab siv los ua kev plees kev yi.
    Nws muab luag poj luag sev, los tej ntxhais tsis tau muaj hnub nyug. Los ua kev nkauj nraug, ua rau lub ntiaj teb no ncha tas. Ua rau tib neeg, muaj xaiv muaj lus, ua plaub ntug, thuam txog Yes Xus lub npe, los paug rau pob ntseg ntau kawg.
    Tsis yog Hmoob ua xwb, feem coob yog Mab Sua ua li ntawd coob leej. Thiaj nrov txog neeg ntiaj teb tej pob ntseg ntau tas zog, yam rhiab pob ntseg thiab rhiab qhov muag tsis xav hnov los xav pom li.

    4. Thaud Yes Xus tsuas xaiv, ib co thwj tim yog txiv neej tas nrho xwb. Cov Xib Hwb lawv tau xaiv tej tus niam tsev nrog lawv mus tshaj Ntuj lus.
    Mus ua ke ntau, ces lawv siv luag poj luag sev los ua kev nkauj nraug. Hais tias yuav sis nyiam sis hlub raws li Yes Xus qhia.
    Thaum txog kawg,lawv tau tawg ib co paj, yog kev sib cog los ua kev txhaum, tub qaug rau luag poj luag sev, los tub qaug luag tub luag roog. Thiab ua tub qaug rau Ntuj txoj lus nyob hauv lub Moo Zoo loj kawg.
    Tej lus no, twb ncha ua rau ntiaj teb tau ua zog koog lawm. Lawv muab Yus Xus lub Moo Zoo mus ntxeev ua kev phem kev qias rau ntiaj teb hnov thiab saib, yam tsis txaj muag li.

    5. Muaj qee tus Xib Hwb, lawv nyiag yuav Yes Xus lub npe. Los ua lawv lub hwj chim koob meej tias , lawv yog neeg dawb huv kom nws tau muaj koob meej.
    Lawv muaj ib lub tswv yim cuav, nyob deb ntawm Yes Xus lub Moo Zoo. Lawv muab Yes Xus lub Moo Zoo no, los tiv thaiv lawm pab neeg cuag li ib pab yog neej hos ib pab yog dab.
    Cuab kwv tij los tsoom txheeb ze, mas lawv cais noj, cais haus, sib koom ua ke tsis tau. Yam lawv nyiam, tsuas yog tsa muag ntsia luag poj luag sev los ntsia luag tub luag ntxhais nkaus xwb.

    6. Nyob hauv lwm cov tsis muaj kev ntseeg txog Yes Xus, los lawv kuj paub txog Yes Xus lub npe. Ces lawv muab Yes Xus lub npe los tsim dua tej txoj kev ntseeg tshiab.
    Lawv hais tias, Vaj Tswv yuav nqes los sai sai no ntag, Lub ntiaj teb yuav kawg ib hnub tom ntej no. Cov muaj txij nkawm yuav sib hlub, hos cov tsis tau muaj los yuav sib xaiv thiab nrhiav kom tau sai sai.
    Tsis paub hnub twg li lawm, Yog Vaj Tswv nqes los, ces cov tsis muaj txij nkawm, nws yuav tsis muaj txij nkawm nyob rau Ntuj Ceeb Tsheej.
    Lo lus no kuj ua rau tej tub ntxhais sib yuav nplawg ntia yam tsis xaiv li. Hos cov uas tej txij nkawm tsis sib raug zoo, ua rau lawv sib tso, cia li mus thab luag poj luag sev. Kom tau ib tug poj niam zoo, coj mus ua neej nyob saum ntuj los muaj.
    Tej no yeej tsis muaj nyob hauv Yes Xus lub Moo Zoo ib qho li. Lub tswv yim no xyov yog neej los yog dab qhia los. Los nws tuaj qhov twg tuaj, ho muaj tej neeg hais tau li no!

    7. Kuj muaj tej tus neeg tsis nyob hauv cov ntseeg Yes Xus lub npe, lawv txua tej txoj kev ntseeg tshiab los, Hais txog ib tug Yes Xus tshiab uas yog Hmoob tus ntag. Lawv hais tias:
    Tus Yes Xus uas tas ntiaj teb hu ua, Tswv Ntuj Leej tub los tus Vaj pleev no. Yog Mab Sua tus, Hmoob tus mas, twb yug los lawm. Twb yuav muaj 18 xyoo.
    Hmub twg nws muaj 18 xyoo lawm mas nws yuav ua ob yam li no:
    a. Yam ib, mas nws yuav muab ib lub teb chaws rau Hmoob nyob. Hmoob cov poj koob yawm koob twb nrog pom zoo tas lawm, Hmoob txwv feej yuav los sai sai no lawm.
    b. Yam ob, Tus Yes Xus tshiab uas yog Hmoob tus, mas ua tsis tau lub teb chaws tshiab ntawd, rau Hmoob nyob, los nws cia li coj hmoob nce mus nyob rau saum ntuj. Hmoob mam ua Qaum Ntuj neeg muaj teb chaws nyob saud.
    Leej twg tso nyiaj ntau, ces Yes Xus yuav tsim kom nws tau ib lub tsev zeb tsev tsua khov kho nyob tsis txawj li. Pab no lawv muaj coob kawg lawm, lawv twb nyob puv li ib lub qab ntoo lawm thiab. Lawv teev ntuj nyob hauv xov tooj cua xwb.

    8. Nyob hauv cov ntseeg Yes Xus lub npe kiag. Muaj ib tug Xib Hwb nws muaj Vaj Tswv tus npaws xov tooj. Nws yuav nrog Vaj Tswv tham lub caij twg, tav li cas los tau tib si lawm thiab.
    Muaj ntau tus poj niam mus vam txog nws hu mus nrog Vaj Tswv tham tais:
    As Laud, Vaj Tswv, tus poj niam no, muaj teeb meem koj yuav hais li cas rau nws no! Ces Vaj Tswv teb hiag rau nws ntag.
    Cav ua rau cov poj niam muaj siab kawg, lawv tau npuaj teg ntaug taw qhuas kawg tias, Vaj Tswv tau teb lawv lawm thiab.
    Tab sis tsoom sid tsis hnov Vaj Tswv cov lus li tsuas yog Xib Hwb hais tawm los tias, Vaj Tswv hais li no xwb thiab. Lub moo no twb ncha nyob Mis Kuj teb lawm.

    9. Kwv tij Hmoob txhua pab txhua pawg, hu ua Hmoob no, nyias muaj nyias li kev ntseeg. Nyob hauv nyias txoj kev ntseeg uas pog koob yawg koob coj thiab qhia los ntawd, yog kev ntseeg dawb huv.
    Yog los saum ntuj los rau tej pog tej yawg, puav leej yog ib co kev cai dab qhuas zoo rau Qaun ntuj. Kuv xav tias, Txhua tus neeg, koj yuav ntseeg los ntawm koj tus kheej los ua ntej.
    Ces koj tso siab thiab thov, tus tseem ceeb uas Nws yog tus tsim Noob Neej los nyob ntiaj teb no. Pab koj, kom koj yog ib tug neeg dawb huv thiab paub txog qhov tseeb.
    Ces koj muab qhov zoo tshaj plaws uas koj ntseeg nyob nruab siab tias, zaj lus no yuav tsis musj kev tub qaug rau Qaum Ntuj, los pab cuam koj, kom koj txawj hlub neeg.
    Mas thiaj yog qhov tseeb uas raug Qaum Ntuj siab, thiab ntxim rau Qaum Ntuj nyiam. Huab Tais Ntuj yog tus Hmoob hu ua Ntuj Niam Ntuj txiv no. Zoo ib yam li Nkauj Iab thiab nraug Oo nkawd.
    Peb koom ib hom ntsuj roj ntsuj ntshav los ntawm peb tus pog koob yawg koob thiab niam txiv ntawd, los xeeb ua neeg xwb.

    Ua li mas tus Xib Hwb zoo nkaus li Tswv Ntuj, hos Tswv Ntuj zoo nkaus li tsoom ntseeg sawv daws txhua tus. Peb ua neej nyob ntiaj teb no, ib leeg yuav pov hwm leeg thiaj tau nyob thaj yeeb.
    Tus ua Xib Hwb nws yuav pov hwm thiab thov kom Ntuj pov hwm cov ntseeg. Cov ntseeg yuav pov hwm lawv tus Xib Hwb thiab thov Ntuj pab Xib Hwb.

    Kev pov hwm yog:
    Cov ntseeg txhob muab Xib Hwb qhuas dhau kev cai, Xib Hwb thiaj tsis tab meeg mus kov kev ua txhaum, los ua tub qaug rau luag poj luag sev, los luag tub luag ntxhais.
    Yog koj nyiam thiab qhuas Xib Hwb mus tshaj 50 % lawm, ces Dab muas tau Xib Hwb kiag kom Xib Hwb tab meeg mus ua kev txhaum.
    Hos yog koj ntxub Xib Hwb mus qis tshaj 50% Xib Hwb tus siab tias,Vaj Tswv Ntuj tsis pab Xib Hwb, Vaj Tswv thiaj cia neeg thuam los ntxub nws.

    Ces Xib hwb qaug zog ua Ntuj txoj hauj lwm, Dab kuj muas tau Xib hwb sai kawg thiab, kom nws tso Ntuj txoj lus pov tseg. Nws tig mus hloov dua kev cai tshiab.
    Ces Xib Hwb mus nrhiav tau txoj kev cuav, haj yam ua tub qaug rau Ntuj thiab rau neeg mus lawm thiab. Yog pev neeg tsis sib pov hwm, ces yog nrhiav kev ncaim Qaum mus kom tau nrug deb ntawm Qaum Ntuj xwb.
    Tej no, Neeg ntiaj teb tsis qhia los yeej paub tias, yog mus li ntawd lawm. Neeg yeej paub nyob nruab siab tsis txawj muab nthuav tawm los sib qhia xwb.

    Yog Sawv daws coj thiab ua tau zoo, mas Sawv daws yuav tsis pom ib tug neeg twg muaj kev tu siab quaj lub kua muag poob los rau neeg pom li.
    Leej tib neeg, zoo li peb sawv daws, tsis yog av luaj tawg pleb cia li tawm los xeeb tau ua neeg. Peb muaj leej niam leej txiv cov ntsuj roj ntsuj ntshav thiab lawv tus duab.
    Nyob hauv peb, yog lawv yug thiaj muaj peb los ua neeg. Peb yog ib tsav zoo ib yam xwb, zaj lus no tsis yog muaj kev thuam txog leej twg.

    Cov lus no yog kev kawm rau Leej tib neeg kom ua neeg paub tab. Tsim txiaj, tsim nyog ua Ntuj me nyuam ib zaug uas ntuj tau tsim neeg los nyob ntiaj teb no.
    Kom lub ntiaj teb tau muaj kev thaj yeeb, muaj vaj haum sib luag. Ua neej nyob kom txhua tus tau muaj nrog kev ntshaw. Txhob muaj kev txom nyem ua lub neej quaj ntsuag, rau leej twg.


    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 26th February 2018, 12:39 pm

    Zaj 313- KEV SIB THUAM RAU IB TUG NEEG LOS IB PAB.

    Hais txog cov neeg uas nyiam hais lus thuam ib tug neeg, los thuam ib pab neeg twg. Uas nws tau ua ib yam kev txhaum, txawm thuam nrog nws kev ua phem los nrog nws txoj kev ntseeg.
    Tab nws yog tus thawj neeg, mas yog kuv hnov, kuv tsis tu siab. Kuv zoo siab hnov zaj lus uas luag tau thuam nws li ntawd, los yog thuam kuv, mas kuv tsis tusiab.
    Yog muaj tej tus neeg thuam ib tug thawj neeg, los thuam kuv nyob hauv ib txoj kev ntseeg, los nyob hauv kuv caj ces, mas yuav saib tias muaj ob yam li no xwb:
    A. Tej tus neeg ntawd, xav thuam kom lub ntiaj teb neeg sawv daws paub tias, Nws ua ib tug thawj neeg. Los yog ib txoj kev ntseeg zoo, ua cas tseem muaj tej tus thawj neeg ua tau tej yam kev phem kev qias neeg npaum li no thiab.
    Yog xav txog qhov tseeb tiag, yuav zoo siab hnov thiab qhuas txog tej yam tej yam zoo li ntawd. Yog ib lo lus ntuas thiab qhuab qhia rau yus kom yus txawj xav thiab ua neeg paub tab.
    Thiab pab sawv daws tau kev hloov siab, tsis hais leej twg li, ib tug ua tsis zoo los tseem tshuav li cuaj leeg tseem yog neeg zoo.
    Kom npoj neeg zoo ntawd nyob ruaj hauv txoj kev ua neeg ntshiab huv rau Qaum Ntuj tau nyiam leej tib neeg. Thiab saib tias Ntuj cov me nyuam tsis yog sawv daws phem tas huv si.
    B. Tus neeg tau ua tej yam phem qias neeg ntawd, nws yeej tau ua muaj li ntawd tiag. Los tsuas yog nws ua nws tus kheej xwb, tsis yog tas tuam cuab sawv daws ua li ntawd.
    Peb yuav saib tias, tsis yog txoj kev ntseeg los nws caj ces ua. Tus nws raug thuam tawd, nws yeej nyiam ua kev phem kev qias. Nws yeej nyiam ua neeg tsis tsim txiaj, txhob muab hais los kis rau txoj kev ntseeg thiab caj ces.
    Thiab txhob muab txoj kev ntseeg uas muaj Ntuj kev nyiam kev hlub,los xyav koob meej nrog tus neeg ntawd. Nco ntsoov tias, tsis yog kev ntseeg ua kom nws raug kev thuam.
    Yog Dab Phem lub tswv yim qhia kom nws tau raug kev thuam. Yog tus thuam ntawd muab Ntuj kev nyiam kev hlub los thuam, mas nws tau ua ib feem nyob hauv kev thuam Ntuj thiab.
    Tsis hais leej twg li, cov nyiam ua kev phem kev qias rau luag tej, mas yog nws tus kheej xeeb txawm nyiam los ntshaw ua tej kev phem tsis zoo ntawd.
    Ces nws mloog dab phem tej lus qhia ua phem ua qias kom tau kev ncaim mus ntawm txoj kev ntseeg. Los nyob nrug deb ntawm Tswv Ntuj tus Ntshiab huv xwb.
    C. Hos cov uas lawv tsis muaj ib txoj kev ntseeg tseem ceb, mas sawv daws qhuas tus txawj ua phem rau sab kev ua phem ua qias ntawd kawg li.
    Muaj coob leej qhuas thiab tshaj nws lub koob tias:
    Tus yawg X no, mas nws txawj thiab ntse muaj peev xwm los muaj cuab kav ua rau luag li no! Yam txaus siab hlo li tiag. Nws ua rau tej txiv neej tau swb lus kiag, hos ua rau tej poj niam tau swb cev kiag rau nws tas txhua tus li tiag.
    Hos cov tsis muaj ib txoj kev ntseeg tseem ceeb mas, saib zoo li lawv twb tsis muaj ib tug neeg raug thuam li. Lawv mas yog raug qhuas thiab cav lub koob meej ncha ntaws xwb.
    Sawv daws tseem cav lus zoo txog tias, cas nws yuav ntse thiab thoob tsib ua luaj, muaj peev xwm tas npaum li no li lauj. Muaj coob leej xav plhis kom tau li nws los cas yuav plhis tsis tau li lauj!
    Raws li kuv hnov luag thuam thiab xyav moo, mas yog hais txog rau cov neeg muaj ib txoj kev ntseeg, los cov sab nraud ntau xwb. Thiab tus thuam luag li ntawd, los nws tsis ceev faj txog nws.
    Ua li tshuav yus ned, yus ho zoo lias thiab, Yus tsuas nco txog luag sab nraud xwb. Yus twb rov tsis pom yus yog neeg zoo puas npaum li luag thiab.
    Zaj lus no kuv sau los ua kev sib cog kawm ua neeg paub tab hno xaiv li tej laus cov lus piv txoj lus hais xwb. Nej cov nyeem thxhob muab ntaus nqi mus ua lwm yam od, tsam muaj lus xaiv rau koj thiab luag.

    Tim 14/3/ 2017

    Yaj Zoov Ntxheb X.H.






    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th March 2018, 3:38 am



    Zaj 314- KEV SIB HWM RAU PEB COV HMOOB.

    Nyob hauv lub qab ntuj khwb no,Suav txij xyoo 1975 ntawd. Haiv Hmoob muaj. Nyob Suav teb kwv yees li 8,ooo,ooo leej Hmoob, Los Tsuas teb Lub caj teb Lub caj awg Vaj Pov nyob muaj li ntawm,6oo,ooo leej. Nyab Laj teb, kwv yees li 300.000 leej. Thaib teb muaj kwv yees li100,000 leej neeg.
    Tas nrho qab ntuj khwb muaj li 9.000.000 tus Hmoob. Hu ua Hmoob, mas yuav muaj tshaj li hais no, nyob Sauv teb muaj ob pab Hmoob. Cov Hmoob Nyoos lawv coob dua cov Hmoob siav.
    Cov Hmoob siav tsis tau suav nyob hauv yim plhom Hmoob nyob rau Suav Teb. Pab Hmoob siav no, yog lub caij Hmoob swb rog rau Suav. Ces ib pab Hmoob mus hnav Suav tsoos, hais lus Suav lawm.
    Lawv zwm rau Suav, ua Suav neeg, saum tus tshoob kos thiab kev ib siab ob qig lawv tseemm coj li Hmoob. Lawv tseem tshaj ib los lus tias: Hnub twg, cov Hmoob Nyoos lawv tsim txiaj lawm no, nco txog cov Hmoo siav thiab.
    Pab Hmoob nyob Los Kuj teb, xyoo 1961-75 ntawd,tsoom Hmoob nrog Yawg Hlob Vaj pov ua rog thaiv Los Tsuas teb. Tiv cov nyab Laj thiab Los Tsuas Liab ua Koom Tshas.
    Cov neeg raug kev ploj tuag los ntawm kev ua tsov rog, tau ploj tuag muaj 35,000 leej. Hos lub zim txwv Yawg Hlob Vaj Pov tau khiav tawm teb chaws lawd,cov khiav cawm yawg hlob qab tseem tau raug kev ploj tuag coob dua cov ua rog rau tuag ntawd!
    Cov xwv txheej ua rau tsoom Hmoob tau ploj tuag ntawd, thaum lawv khiav, muaj ntau txoj kev ua kom lawv tau ploj tuag mus:
    Yam li khiav ntau hnub tsis muaj mov noj, tseem muaj neeg phem tos kev tua pov tseg. Los muaj neeg ntxub ntxaug muab lawv tua, los muaj cov neeg Thaib muab lawv nchauv rau hauv niam dej Nam khoos kom tau tuag mus.
    Muaj tej pab khiav mus ua liab cuam nkaum hav zoov hav tsuag, tsis muaj dab tsis noj, los tseem raug Lav Xias ib co tshuaj lom neeg. Lawv tso rau tej hauv dej hauvv hav, neeg haus ces neeg zawv plab tuag mus.
    Cov pab neeg ua tsov rog 15 lub xyoo, tseem tuag coob tsis cuag cov raws Yawg Hlob Vaj Pov qab khiavnyob hauv, 4-5 lub xyoo ntawd lawv tuag txog 100.000 leej li diam:
    Cov Hmoob tau raws Yawg hlob Vaj Pov mus ua neej rau cov teb chaws Vam Meej: Zoo lis Mis Kuj, Fuaj Kuj, Canada, Australias.
    Txij no mus yog Hmoob txawj hlub Hmoob mas sawv daws yuav xyaum txo hwj chim. Hmoob tsis yog neeg ruam tsis paub qab hau.
    Txhua tus Hmoob yog Hmoob ntse, twb nyiam ua thawj neeg sawv los hais lus pub rau zeej tsoom yuav thiab mloog. Ib leeg tsis txawj hais los thov kom ib leeg txawj mloog thiab.
    Sawv daws txhob muab txoj kev txawj ntse ua neeg thoob tsib to nrog no coj los ua xaiv ua lus. Kom muaj kev sib cav sib ceg nrov ncha rau lub qab ntuj khwb.
    Txhob mus sib twv ua plaub ua ntug, siv yeeb siv tshuaj los noj tshuaj lom neeg tuag. Thiab siv ncauj lus, nrog riam phom los sib tua.
    Sawv daws koom tib co poj koob yawm koob li cov ntsuj roj ntsuj ntshav los xeeb ua neeg Hmoob xwb. Ib leeg yuav hwm ib leeg, Lub Ntiaj teb no tseem dav heev.
    Yog Hmoob txawj hlub Hmoob mas, tseem yuav nyob tsis tau puv li. Haiv Hmoob yog zoo li ib co pob zeb tawv kawg, yog sawv daws txawj sib hlub mas sawv daws yuav los sib koom muab los puab ua ke.
    Kom yog ib lub tsua loj thiab khov heev rau ntiaj teb,pej kum haiv neeg los roos cev, mas luag yuav hwm txhua tus Hmoob ua thawj tus ncej zeb ncej tsua khov.
    Lub Tswv Yim no, yog phaj ua niam ua txiv tiam 20 no lub tswv yim lawm ntag. Cov uas nej yog niam yog txiv, nej yuav rau siab pab nej tej tub ki mus kawm txuj!
    Rau siab pab thiab saib thaum lawv muaj lub hnub nyoog tsib rau xyoo ntawd mus. Thaum lawv mus tau rau theem siab txog Bac rov saud lawm lawv thiaj muaj kev zoo siab thiab nce tau theem mus raws li Luag tej Mab Sua tub.
    Me nyuam Hmoob tsis ruam dua me nyuam Mab Sua mog! Yog nej tsis rau siab pab nej tej tub ki, ces lawv kawm mus tsis txog bac los qis dua.
    Nej puas paub tias lawv yuav txom nyem dua nej lub zim txwv no! Cov niam Txiv tsis tau kawm ntawv, nej sawv nraim saum lub luaj qoob luaj loo.
    Nej khwv txaus nej noj thiab txaus rau tej pog tej yawg noj! Tsev neeg tsis raug kev tshaib kev nqhis. Hos nej cov tub ki kawm ntawv tsis tiav ces, lawv txom nyem dua nej thaum nej txawj ua neej ntawd laid.
    Tsis muaj neeg txais lawv mus ua hauj lwm, zog twb tsis muaj ua. Ces lawv ntshaw noj ntshaw haus. Xav hnav zoo tuaj kom xws li lub teb chaws, Vim lawv nyob teb chaws vam meej lawm.
    Cov tub zoo ces nej yug tau lawv los, nej yuav yug kom lawv loj hlob tas, los tseem yuav tau yug kom lawv laus thiab laid.
    Yog nej tsis yug kom lawv laus , ces lawv yuav xyaum mus tho luag qhov vaj qhov tsev. Cov tub ki no yuav tau mus nyob txim tsev loj faj.
    Tej no ntag uas kuv hais tias lawv yuav txom nyem dua nej ob peb npaug rov hauv ntawd!
    Cov neeg tsis muaj vag muaj tsev nyob, mus nyob pw qab choj puav leej yog cov tsis muaj txuj no xwb od! Lawv txauj tsis txaus,paub tsis tas, ces ua yam twg los nyuaj twb tsis raug li ned! Tsheej txiv neej yawg los yog nej tsis yug ces yuav tau ua cov neeg no mus xwb od.
    Lawv tau kawm ntawv tiag, mas lawv tsuas paub ntawv xwb od, lawv tsis paub txuj li nawb. Thiab nej txhob txaj muag rau nej cov lus Hmoob.
    Lus Hmoob zoo nkauj thiab muaj nuj nqes heev, Yim kawm txuj siab mas yim yuav paub lus Hmoob zoo. Xeem lus Hmoob no, nws paub tob paub ntiav. Txawj hais lo lus nplij neeg siab, kho neeg plawv kom nyob tiaj tus.
    Nej yog Hmoob nej yuav ua lus Mab lus Suav los ntuas nej tej tub ki zoo tsis cuag lus Hmoob od. Nej twb tsis paub lus Mab Sua tej paj lug txhiaj txhais.
    Ua li cas nej yuav ntuas nej tub nej ntxhais ua lus Mab lus Suav ntuas no yuad. Tej laus hais tias tshuab raj rau nyuj twm pob ntseg los nyuj twm tsis paub no sad! Hmoob tshuaj cia Hmoob rhaub od.
    Ua li cas koj tsis hais koj cov lus maj! Koj cov lus Hmoob tsis tsim txiaj thiab tsis muaj nqi lod! Sawv daws yauv sib hwm koom saib zoo li Hmoob Yog ib tse neeg xwb mog.
    Hmoob kev sib hwm hauv koj lub cuab xeem thiab neej tsa, nrog tsoom txheeb ze loj thiab dav zoo tas nrho. Hmoob li luag, suav mus thiab sib hwm dhau li peb plaub tiam neeg li laid.
    Kuv kuj tsis paub zoo thiab, kuv saib Mab Sua, mas lawv sib hwm zoo li ib tiam neeg xwb dhau mus lawv hais tias deb lawm no sub laid.
    Mab Sua lawv tsis paub tias sawv daws koom ib co ntsuj roj ntsuj ntshav los ntawm tib tug pog koob yawg koob los. Hos Hmoob paub qhov hais ntawd.
    Thaum Hmoob ua tshoob ua kos, Hmoob tseem hais txog! Yam li hais tias, koj qaib pw kuv cooj, hos kuv os pw koj nkuaj no.
    Ua li mas peb sawv daws od, tsis hais leej twg li, qhov loj yuav hwm tej tub ki kom zoo. Thiab xyaum txo hwj chim kom sib raug zoo nrog lwm lub xeem zoo li koj xeem mog.
    Tsis hais leej twg tus tub ki li od, Hmoob siab yeej zoo nawd! Nco ntsoov tej laus lo lus tias, tsam lwm hnub koj laus ces hnov dej nrov tsis tau dej haus mog.
    Nco ntsoov txog tej tub ki tseem yau pab kom kawg koj li txuj rau, ua tsis tau hauj lawm los kom zoo siab thiab txawj mus sawv rau saum lub luaj qoob .
    Txawj mus nrog luag tu tsiaj tu txhuv. Ces twb yog qhov zoo lawm mog.
    Zaj lus no hais txog saum Hmoob muaj coob npaum lis cas, yog xyoo 1984 Kuv nrog Txiv Plig Nyiaj Pov wb mus Thaib teb, Suav teb, Cob Tsib teb, kuv tau nug los ntawm tej tus Hmoob laus los xwb kuj tsis paub tias puas yuav muaj tseeb tseeb li hais no tiag.
    Hos saum cov Hmoob nyob Los Tsuas teb, tej kev ploj tuag, yog lub Koom Haum qub tub rog nyob Mis kuj tshaj tawm, kuv sau los.
    Cov ploj tuag lub caij ua tsov rog, thiab cov khiav caum yawg Hlob Vaj Pov raug ploj tuag ntawd. Kuv sau li lawv tau hais muaj los xwb Kuv ntseeg tias tseeb lawm.
    Kuv sau zaj lus no, yog xav kom Hmoob rov hlub Hmoob xwb. Xav kom Hmoob Vam meej mus raws kev muaj txuj caum raws cuag tau li Mab Sua xwb.
    Tsis xav kom Hmoob Vam meej mus raws kev txawj sib cav sib ceg ua plaub ntug txog lub xeem los caj ces,thiab Hmoob cov Koom Haum. Mab Sua tsis tau qhuas Hmoob muaj txuj ci li.
    Mab Sua tsuas qhuas Hmoob Txawj ua plaub ua ntug rau Hmoob, thiab poj niam niam Hmoob ua plaub nplua txiv neej Hmoob poob nyiaj mus txog ze ntawm Lab nyiaj li xwb.
    Nco ntsoov lo lus no od! Tus txawj foom txawj cem neeg mas nws xub khaum ua ntej! Piv li ib tug niam los ib tug txiv txawj cem los foom nws cov tub ki.
    Ces lawv ua neeg ruam, lawv tsis muaj siab khwv lawv ua txaus lawv noj xwb. Lawv tsis muaj pub rau niam txiv noj li. Ces niam txiv xub raug khaum ua ntej lawm ntag.
    Yog Hmoob Coj li no ntev mus, mas Hmoob cov niam Nkauj Ntsuab thiab txiv nraug nab ces yuav yog tub Mab, thiab txhais Suav lawm xwb lauj!
    Tus yuav mus zeem Mab Sua ua neej tsa tiam no yog cov tsis paub lus Hmoob xwb, mas zoo rau lawv kawg. Hos cov paub lus Hmoob mus zeem Mab Sua ua neej tsa, mas lawv yog cov neeg zoo li tus tsiaj los poob zoo lawm, lawv thiaj nyob taus li ntawd.


    *Yaj Zoov Ntxheb X.H.*



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 15th March 2018, 9:12 am



    Zaj 315- KEV SIB HWM NYOB HAUV COV TXHEEB ZE.

    Zaj lus yuav hais no, kuv yuav muab tej qub lus, uas tej laus hais kam los nthuav:
    Yam li lo lus luag hais tias, tus Yaj Saub loj thiab tseeb tshaj nyob hauv koj lub zos. Koj ho tsis hwm thiab mloog nws hais.
    Hos ib tug Yaj saub nyob puag tim roob tauj, tsis muaj dab tsi li. Koj ho mloog thiab hwm nws cuag li yog ib tug Yaj Saub nqes saum ntuj los.
    Zaj lus kuv hais no, tsis yog hais los thuam leej twg. Los saib tsis tau leej twg li od. Kuv hais no, yog hais los piv rau koj thiab kuv, peb sawv daws ntag.
    Vim peb yog hom neeg kheev ua li tej laus tau hais los lawd tiag. Yam li tus txheeb ze yus tshaj lwm tus neeg, zoo li tej uas twb yog yus niam yus txiv.
    Lo yog yus tej kwv tij nkauj muam nraug nus nyob ua ke. Sawv daws koom ib hom roj ntshav los, noj sib hlub haus sib ce.
    Ua yam twg los sawv daws sis pab nroos, tsis muaj leej twg yuav zoo tshaj peb lawm. Muaj ib tug ntog los sawv daws hlub, hos ib tug sawv tau los sawv daws qhuas.
    Ua li cas yus ho tsis nyiam, Hos ib tug neeg nyob sab nraud, yus twb tsis tau paub luag zoo li. Yus ua thaj hlub thiab nyiam luag tshaj plaws lawm.
    Thaum koj tau ntog ib teeg lawd, luag hnyos koj, hos koj sawv ntseg xwb los luag twb ntxub koj lawm. Koj niaj hnub muab luag qhuas xab qhuas xu tias lug yog neeg zoo no.
    Ua li koj cov neeg uas thaum koj quaj lawv nrog koj tu siab. thaum koj zoo siab, lawv nyob kaj lug. lub txiaj ntsim ntawd cua tshuab mus dua qhov twg lawm!
    Hmoob lo lus hais tias, niam txiv kwv tij nkauj muam nraug nus, yog yog txoj kev hlub nqes saum ntuj los. nrauj tsis tau pov tseg mus.
    Cov sab nraud tus zoo kawg nkaws, luag hu ua phooj ywg txheeb ze no. Phooj ywg muaj ob sab:
    A. Ua Phooj ywg nrog kev sib hlub, coj kev kaj siab kev thaj yeeb tuaj rau koj thiab nrog kev thoob tsib nplua nuj tuaj.
    B. Ua phooj ywg nrog kev ntxub, siv koj lub zog kev pab rau nws tus keej kom zoo siab. Nws npaj nyiag koj txhua yam:
    Zoo li nyiag txuj ci, tswv yim, nyiaj txiag, nyiag koj tus txij nkawm mus kom tas du lug. Mam muab koj txhub rau lub qhov tuag, muab koj xyav moo mus dhau dab nrim kiag lawm thiab, koj ua neej los neeg ntxub, koj tuag los dab tsis nyiam.
    Muab koj lub suab lub npe xyav mus thoob teb chaws, neej los hnov, dab los paub tag. Lub ntiaj teb no, koj tsis muaj chaw nyob.
    Koj nyob neej teb, los nyob tsis kaj, nyob dab teb los nyob tsis huv. Tsis muaj neeg nyiam raug zoo rau koj. Thaum koj teem ciaj, twb muab koj hu ua dab. Thaum tuag dab ho tsis yuav thiab.
    Nco ntsoov tias kwv tij nkauj muam nraug nus tsoom txheeb ze thiaj yog koj tug.lawv thiaj hlub thiab hmov tshua koj.
    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd March 2018, 5:39 am



    Zaj 316- KEV SIB HWM NTAWM POG NYAB



    Hais los rau saum tsoom ntxhais mus ua luag nyab, yuav tau kawm cov lus no. Kom paub kev ceev faj, thaum koj mus ua nyab, yog koj yuav tau ib tug tub ntsuag los niam txiv nyob deb lawm.
    Los lawv tsis muaj niam pog txiv yawg. koj mus ces koj cia li tau nce mus ua ib tug niam tsev loj thaum koj tseem hluas hluas los mus.
    Koj tsis paub txoj kev poj nyab sib ciav, ces koj tsis muaj kev kho siab los tu siab. Koj yuav ceev faj rau thaum koj rov muaj nyab.
    Koj tsis paub txoj kev poj ciav nyab ciav li cas! Ces koj yuav hais tej lo lus tsis haum koj cov nyab, tos koj paub ces koj twb hais tau tej lo lus uas tsis xis koj cov nyab siab lawm.
    Cov nyab siab zoo ces lawv cia li ua neeg ruam, tsis txawj hlub koj thiab tsis paub ua zaub ua mov rau koj noj. Los cia li tsis muaj tswv yim nrog koj tham sib txuas lus, lawv tsis paub nrog koj nyob mus dhau hnub los nyob thaum hmo.
    Koj cia li muab koj cov nyab ntaus nqi, ua neeg ntxub koj mus. Feem coob cov niam pog uas thaud lawv los ua nyab lawv tsis muaj niam pog, mas lawv muaj ntsis yog hom niam pog no ntau. Vim lawv tsis tau raug dua kev nrog poj ciav nyab.
    Feem ntau lawv nyob nrog tub nyab los nyob nrog tej ntxhais vauv, mas lawv tsuas nco ntsoov, qhov uas lawv ib txwm ua thawj niam tsev los mus xwb.
    Lawv tsis paub tias tsam tej nyab muaj kev tu siab li, Cov uas nej raug mus ua nyab kuj hais rau nej paub tias cov niam pog thaud lawv los ua nyab. Lawv tau txais lub meej mom ua thawj niam tsev, mas lawv coj li ntawd, los nej txhob muaj kev tu siab.
    Ib txwm los tsis muaj neeg tau qhia zaj lus no rau nej, ces nej kuj yuav paub tsis txog thiab. Muaj qee leej nyab mas twb tu siab los lawm ntev los tu siab tsis txawj tas li thiab od.
    Vim tej no mas muaj ntau leej pog nyab tsis sib rau zoo, yog vim ob leeg tsis paub txog txoj kev ua poj, yuav ua li cas, tej nyab thiaj zoo siab thiab tau nyob kaj siab lug.
    Zaj lus no, yog xav hais kom poj paub poj li kev ua poj, hos nyab paub nyab li kev mus ua nyab kom yav tom ntej tus ua poj thiaj txawj ua poj. Los tus nyab thiaj to taub nyab kev mus ua nyab, kom ob leeg nyob sib rau zoo.
    Tej kev uas poj nyab sib ciav no ntau yam mas twb tsis muaj dab tsi l, tsuas yog kev tsis sib to taub ua kom nyias nyob nyias xav tias poj tsis nyiam nyab, los nyab tsis hlub poj no xwb.
    Ib txhia mas poj twb ua poj lawm los poj tsis paub poj li kev ua poj. Nws pheej xav tias nws twb laus lawm los nws tseem yog neeg ntse heev tsis kam txo meej mom los nyob sib txig li thiab.
    Raug rau tus nyab siab luv zam tsis taus ces thiaj muaj xaiv muaj lus, ua rau poj tu poj siab mus. Hos nyab nyab ncaim nyab mus nkawd thiaj tsis sib raug zoo.
    Zaj lus no sau los pub ua paj tshab rau poj thiab nyab, kom nkawd sib to tau thiab sib raug zoo nyob ua kev rau yav tom ntej.

    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th April 2018, 1:43 am



    Zaj 317- KEV FIV YEEM ZAJ OB.

    Peb cov neeg ntseeg Ntuj raws kev cai Ka Tau Liv, peb muaj ib txoj kev fiv yeem. Txawv zog li yav thaud peb cov poj yawm txwv koob, uas lawv coj cov qub kev cai ntseeg raws li Hmoob poj ua tseg yawm ua cia.
    Peb cov neeg ntseeg Ntuj, peb yuav tsum paub zoo dua tias. Tswv Ntuj tsis xav kom peb fiv ib tug tsiaj los pauj lub yeem uas peb fiv rau Ntuj.
    Txhua yam nyob saum lub ntiaj teb no, twb yog Tswv Ntuj yog tus tsim los. Txhua yam yog Tswv Ntuj tug, ua Nws tsim los pub rau Leej Tib Neeg tau siv.
    Yog peb xav fiv ib lub yeem rau Ntuj tiag, mas peb yuav fiv peb lub SIAB rau Tswv Ntuj mas thiaj yog qhov zoo tshaj los pub rau Tswv Ntuj:
    Yam li peb fiv rau saum ib tug neeg muaj mob, los fiv yam twg los tau. Peb yuab fiv tej txoj hauj lwm, zoo raws li peb fiv thiab cog lus tias, yog thaum muaj tshwm sim raws lus li peb thov thiab fiv lawm.

    Mas eb yuav tsum ua kom tau raws li peb cog lus fiv ntawd, peb yuav ua txoj hauj lwm raws li peb tau fiv:

    a- Yog peb tsis txawj hlub tus neeg raug mob, peb fiv tias yog xoo lawm, mas peb yuav tau hlub nws tshaj li yav tas los. peb yuav tau xyaum ua kom tau qhov ntawd.
    Los fiv tias raws lus lawm, mas peb yuav muab siab rau teev Ntuj thiab sib hlub tshaj yav tas los lawd dua tuaj.
    Los fiv tej txoj haum lwm xyaum mus pab luag tej ib los ob zaug li ntawd kuj yog. Los fiv ib txoj hauj lwm pub ib yam khoom zoo rau cov neeg pluag.

    b- Yog peb fiv kom txhob muaj kev raug xwv txheej, mas yam peb fiv ntawd mus dhau lawm. peb yuav ua ib txoj hauj lwm pab lub tsev teev Ntuj.
    Zoo li tuaj yeem mus cheb tsev teev Ntuj, ib los ob zaug li ntawd kuj yog. Los sis txhob txwm mus ib ncua kev kom tau pauj lub yem ntawd.

    c- Los peb fiv kom peb tau mus hais tej lo lus zoo, rau tej tus neeg uas peb tsis hwm thiab tsis nyiam lawv. Peb yuav hais lus luag ntxhi li peb nyiam thiab zam txhaum rau lawv, kom Tswv Ntuj paub.
    d- Peb yuav ua tej yam zoo li hais no yog tej yam zoo rau Tswv Ntuj thiab zoo rau peb tiag...

    e-Yog peb fiv yeem raws li Hmoob ua raws li poj ua tseg yawm ua cia. Peb fiv ib tug tsiaj, thaum peb pauj yeem peb tua ib tug tsiaj lawm. Yog peb ib tug txheeb ze tsis tuaj nrog peb koom, peb tseem muaj kev tu siab rau tus ntawd. Cuag li peb fiv ib tug neeg xwb.
    Thaib peb txhob khi tes rau mas zoo dua. Peb khi tes ces zoo li peb ua yuam kev lawm. Yog peb yuav khi tes mas peb yuav hais rau tus neeg ntawd tias:
    Koj zoo siab mog koj ua siab loj kom koj yeej mob yeej nkeeg, peb yuav ua ib rooj mob hu neeg tuaj khi koj tes. kom koj muaj ib qho paj tshab pab koj ua koj txoj hauj lwm kom mus zoo thiab tiav log.
    Yog hais li no thiab ua raws li lus hais mas peb tsuas hais rau peb tus neeg ntawd xwb. Peb hu neeg tuaj pab txhawb koob hmoov rau peb tus neeg mas yog ib yam ua raws li peb kev sib pab sib txhawb, nws kuj yog nws ib yam raws li neeg nyiam ua thiab sib pauv zog.
    Kuj yog ib yam zoo raws li neeg tej kev sib nyiam sib hlub tuaj ntawm neeg tuaj.

    Yaj Zoov Ntxheb X.H.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 12th April 2018, 2:43 am



    Zaj 318- KAWM LEEJ TIB NEEG LUB SIAB.


    Nyob hauv lub qab ntuj khwb, ntawm daim av luaj pua no. Tseem muaj tej haiv neeg, uas lawv tsis txawj hlub cov neeg uas lawv yog ib hom roj ntsha.
    Los ntawm caj ces neeg, uas koom ib tug poj yawm los. Cov Haiv neeg tsis sib hwm, thiab tsis sib raug zoo ntawd, yog cov Haiv neeg tsawg ntau xwb.
    Thiab yog cov Haiv neeg uas tsis muaj teb chaws ua lawv tug, los lawv feem xyuam. Nyob hauv Haiv neeg zoo li hais no, mas yog muaj ib tug sawv ua neeg txawj ntse paub tab.
    Mab Sua muab lawv tsa ua nom ua tswv, kom muaj peev xwm nrog Mab Sua tuav ib txog hauj lwm tswj teb kav chaw nrog tej Mab Sua xws li, ua tswv zos los nrog pab saib ib ntsug av rau pej xeem nyob.
    Los Mab Sua tsa, nws ua ib tug nom ua tib txoj hauj lwm ua kab xwm loj, los ua thawj tub rog thaiv lub teb chaws. Zoo li Yawg hlob Vaj Pov. Los cov ua nws ntej, puav leej raug tib yam nkaus.
    Thaum lub caij nws muaj zog muaj peev xwm, mas nws cov neeg muaj ntau leej tiv nws. Xav nce ua tus loj, los nyob nws chaw. Yeej muaj neeg tsim kev kub ntxhov, kom nws tsis tau nyob thaj yeeb.
    Dua nws lub sij hawm muaj hwn chim lawm, Mab Sua ho saib nws Haiv neeg tsis muaj qab hau lawm. Nws Haiv neeg ho muab nws hu tej lub npe loj tias, yog Sawv daws tus Huab Tais.
    Cov haiv neeg coj li no, yog thaum tuag tas lawd, mam muab tsa ua Huab Tais saib sab Ntsuj plig xwb. Thaum muaj cai thiab ciaj, tsis hwm sab sab cev ntaj ntsug, tuag tas mam ho hwm thiab saib muaj nuj nqes.
    Hais qhov tseeb haiv neeg thaum ciaj tsis hwm thaum tuag lawd mam hwm. Ua li no Qaum Ntuj puas yuav foom hmoov zoo rau lawv ne yom!
    Nyob hauv peb Haiv Hmoob cov dab neeg kuv pom muaj ntsis zoo li no thiab. Yam li Yaj Txiv Yawg, Vwj Paj Yig, Tuam Nqaj Kab, Vwj Paj Cai, Lauj Kiab Toom. Tub Npis Lis Foom. Los rau Yawg Vaj Pov, lawv puav leej nyob hauv tus qauv no tas tib si.
    Leej twg raug Mab Sua muab tsa ua nom, mas cov nyiam yog cuab kwv tuj xwb. Vaj tsab xeem Lis sawv daws ntxub thiab xyav nws lub moo phem ntau xwb..
    Kuv lam xav, yog peb Haiv Hmoob coj li no, ces ntshai Qaum Ntuj yuav tsis foom hmoov zoo kom peb Hmoob nrog luag muaj zoo nom zoo Tswv los coj thiab kav ib ntsug av li lauj.
    Txij thaum Hmoob pheej muab Hmoob tej nom tswv muag rau Mab Sua los txog lub zwj ceeb no. Tsis pom Hmoob muaj teb chaws nyob, los muaj Huab Tais Hmoob li.
    Tsuas pheej hnov Hmoob Cem Hmoob cov thawj coj, los Hmoob cov Koom Haum sib pab. Tsa tau lub los muab muab lub nrhuav tawm mus li xwb. Yog sawv daws xav ua neeg zoo tiag.
    Mas Lub Koom Haum twg los yog Hmoob li Txhua tus Hmoob yuav hwm thiab txhawb kom loj hlob mus thiaj yog.
    Lub Txhooj Txais tub txais nyab, los Vauv thiab ua nyab no xwb twb tsis sib thooj li. Tej dab qhuas los ib lub xeem xwb los twb sis sib thooj li thiab.
    Mas Hmoob yuav muaj tsis tau teb chaws ib zaug li. Vim los ntawm ib leeg tsis hwm ib leeg. nyias xia nyias xav kom nyias yog tus thawj nyob rau luag hwm.
    Zoo li Hmoob tsis yog yug los ua kwv ua tij nyob, Hmoob yug los kom tau sib tw ua nom los sib tw ua neeg nplua nuj xwb.
    Lub xeem twg los xav ua tus thawj loj dua cov, tus neeg twg los xav ua tus loj thiab ntse dua cov. Nyiag luag tub luag ntxhais los txhawb nqa, tsav yus lub xeem kom huaj vam.
    Los tsis hwm neej hwm tsav nyob rau qhov muaj meej mom nuj nqes siab. Saib tib qhov ua qhov tseem ceeb xwb, Yus yog tus loj lawm hais lus xwb txaus ua rau luag ntog ib teeg nyob ntawm yus xub ntiag.
    Tej no, yog lus ua neej rov qab lawm, kev hlub neeg, yog koj xav kom luag hlub koj xwb, koj tsis muaj kev hlub luag li. Mas koj yog tus tsis muaj kev hlub nyob hauv koj ntag.
    Nyob hauv ib hom roj ntsha, mas koj yuav hlub luag ua ntej, Luag mas hlub koj thiaj yog. Cov roj ntsha ntsw los ua ke ntawm tej Pog tej yawg los.
    Yuav ua raws nraim li Niam Txiv, lawv hlub lawv tej me nyuam ua ntej. me nyuam mam hlub niam txiv nrog lawv cuab kwv lawv tij los lawv tej viv lawv ncaus.
    Yog peb hlub luag kom tau noj luag zog los txib tau luag ua hauj lwm rau peb xwb. Mas tsis tsim nyog li. Vim peb tsis txawj hlub neeg.
    Muab Hmoob cov dab neeg los saib, tej laus thaud los txog nyiam no, zoo li Yaj Txiv yawg. Vwj Paj Yig. Tuam Nqaj kab, Los txog rau Vwj Paj Cai, Lauj Kiab Toom. Tub Npis Lis Foom, Yawg Hlob Vaj Pov lawv cov no.
    Yeej muaj cov dab neeg sib txuas zws los puag yav pem suab los lawm.{ Pem Suab= Yog yav puag thaum ub.} Yeej yog cov me nyuam xov nom, muab cov thawj Nom loj no, muag rau cov Nom Mab Sua.
    Kom tau muab lawv tua kom tuag xwb. Lub caij lawv tau hla txoj kev tuag mus lawm cov nyob ho tsis muaj qab hau dab tsis tuaj lawm.
    Ces ho muab lawv hu npe ua Huab Tais Hmoob no. Zoo li ciaj, ces koj ntxub tuag lawm koj mam hlub. Coj li no xwb Qaum ntuj puas yuav foom hmoov zoo rau koj kom muaj teb chaws nrog luag nyob.
    Qaum Ntuj txawm muab teb chaws rau Hmoob nyob los Hmoob ua tsis tau Huab Tais Hmoob:
    Tus ua Huab Tais no, nws yuav txeeb luag poj niam los ua nws poj niam. Txeeb luag ntxais los ua nws poj niam. Yuav muaj xaiv muaj lus hauv lub cuab xeem nrog neej tsa. Yuav ua rog txij nkawm, los rog kwv tij ua ntej.
    Pej xeem tsis hwm, ib leeg cib nyeej rau leeg, kev sib ntxub yuav muaj ntau kav tsis tau teb chaw. Pej xeem yuav nrhiav kev muab muag rau Mab sua, plaub ntug kawg yog riam phom daws xwb thiaj zoo siab.
    Nyem no Hmoob twb tsis muaj teb chaws nyob, qiv luag toj yug yaj, qiv luag tais rau ntxhai xwb. Cov Hmoob nyob teb chaws Vam meej. Twb tsis tau muaj Hmoob Vam meej li.
    Muab Mab Sua vam meej xwb muab los khav theeb. mus yuav luag tub luag ntxhais tuaj coob li coob tsis sib hlub tso ua nkauj fav nrog feb, pawg lug plaub ntug muaj ntau kawg. Cov nyob Suav Teb Cob Tsib teb Los tsuas teb. Pib nyiag Hmoob poj niam los hmoob tej ntxhais coj mus muag yuav nyiaj.
    Ua cas ho tsis yog mab sia nyiag li thaud, tej laus hais tias, Yog Suav Phais tsib nyiag. Ho yog tus hmoob tuaj nyiag Hmoob poj niam los nyiag Hmoob ntxhais lawm.
    Hmoob caum tau, los raws cuag cov tsov Tswv Xyas Thaud lawm. Tswv Xyas tseem ua kom niam txiv pom muaj lub ntxa ua ib paug av. Ho cov tswv Xyas Hmoob nyiag poj niam no, coj mus cuag li cua tshuab lawm xwb, nroj tsuag twb tsis qaug kom muaj lw li.
    Cov haiv neeg zoo li no yog muaj teb caws ntshai, ntiaj teb yuav ntxub heev. Nws twb tsis hlub cov neeg yog ib hom roj ntsha uas hais ib xeem lus ua ke.
    Mas Mab Sua yuav ntshai npaum li Hmoob ntshai cov dab noj nyoos hais txias. Pom nyob qhov twg los cia noj noj li lawm xwb lauj.
    Kwv tij zaj lus no sau los ua kev kawm paub txog tej haiv neeg tsis paub qab hau uas lawv tseem niaj hnub coj li no. tsis yog sau los ntawm kev ntxub ntxaug thiab thuam los xyav leej twg lub npe.
    Tos kuv muab Hmoob los hais ntau zog rau hauv no, Vim Hmoob cov dab neeg muaj tej yam zoo li ntawd, thiaj tau muab los hais kom to taub zoo xwb.

    Yaj Zoov Ntxhev Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 19th April 2018, 1:48 am



    Zaj 319- IB ZAJ ZOO PAB LUB CEV KOM NOJ QAB NYOB ZOO.

    Zaj no, kuv hnov los ntawm ib tug kws txuj Kaus Lim los:

    1. Koj muab koj lub taub hau, maj mam tig mus rau sab laug 10 ncig li ntawd. Ces ho tig sab xis los rau sab laug tib yam li ntawd thiab.
    Ces koj yuav hnov koj lub caj dab tig nrov qij qawj, koj zaum, los koj sawv ntsug los tau. Ib hnub koj tig ob peb zaug li ntawd, ces koj hnov koj lub cev nyob zoo tuaj.

    2. Koj ua yam no ntxiv:
    Koj sawv nyob ze ntawm ib lub rooj zaum, Koj ua li koj yuav zaum saum lub rooj ntawd. Tab sis koj txhob zaum, lub rooj ntawd tsuas npaj, tsam koj yuav qaug ces koj tau zaum xwb.
    Koj muab koj ob tug ntiv tes, ntiv xoo thiab ntiv tes taw, los tuav koj ob lub taub ntseg. Muab ob ntiv sab xis, los tuav lub taub ntseg sab laug. Ho muab sab laug los tuav sab xis.
    Koj ua li koj yuav zaum mus ti lub rooj, tab sis txhob zaum li. Koj ua li koj yuav sawv thiab yauv zaum xwb. Koj ua li no 8 zaus, Qhov ua li no yog ua rau koj kom koj rov muaj cim xeeb tuaj.
    Luag hais tias cov taws xob nyob hauv koj lub cev, sab xis xa taws xob mus rau sab laug. Hos sab laug ho xa taws xob mus rau sab xis no.
    Kom niaj hnub ua li ntawd, ib hnub ob peb zaug, ces koj lub cim xeeb nws thiaj nyob li qub. Cov neeg laus lawm, mas cov taws xob los khiav tsis zoo, thiab lub cim xeeb nco tsis tshua tau tej yam uas yus twb muaj los lawd.

    3. Thaum koj ua ob yam hais tas saum no lawd, ces koj cia koj lub cev nyob kaj lug. Muab kev ntxhov siab tso pov tseg, txhob nyob nrog kev tus siab ntxhov siab ua phooj ywg.
    Txoj kev ntxhov siab nws kheev coj, kev npau taws los tsuam koj lub zog. Cov neeg laus lawm, mas lawv kheev qaug zog nyob hauv kev ntxhov siab.
    Thaum lawv ntxhov siab ntau dhau, ces lawv cia li swb mus ua neeg ruam ntxhov siab thiab ruam heev tuaj.
    Kuv sau zaj no ua paj tshab tuaj pub rau nej uas yog kuv cov phooj ywg. *Sacramento.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th April 2018, 6:38 am



    Zaj 320- HUAB TAIS NTUJ LUB CHAW NYOB.


    Tus Tswv Ntuj Hwj Huam Hwj Chim,nrog Leej Pleev thiab Leej Tswv Yim Ntshiab, qhov chaw nyob. Mas Nws nyob hauv cov npe hu li no!
    Yam li Nws nyob tas qhov txhia chaw, thiab nyob hauv cov npe, hu ua Niam thiab Txiv, Pog thiab Yawg. Niam Tais, Yawm Txiv,los cuab kwv tij thiab cuab neej tsa, cov ua Tij ua viv thiab tas tsoom txheeb ze sawv daws tib si.
    Vim li cas ho hais li ntawd, vim tias Tswv Ntuj tau muab Nws lub Meej Mom Tswv Yim rau tas txhua phiaj neeg nyob ntiaj teb no.
    Kom txhua tus Leej Tib Neeg zoo xws li Tswv Ntuj me ntsis,Tib neeg muaj tswv yim txawj xav tom ntej tom qab thiab paub qhov phem, qhov zoo xws li Tswv Ntuj.
    Qhov tseeb tiag, mas thaum muaj kev txhawj xeeb los ntshai, mas sawv daws hu txog niam thiab txiv los pab cuam. Kom muaj kev tso siab los ntawm cov Niam thiab Txiv lub npe los pab.
    Thawj lub npe uas Hmoob nyiam hu yog hu txog Niam thiab Txiv los pab. Vim neeg muaj Tswv Ntuj ib feem zoo li Tswv Ntuj thiab yog Ntuj me nyuam tiag.
    Ua li mas yog koj tsis nyiam los tsis hlub ib tug neeg twg. Los koj saib tsis taus, muab nws thuam los xyav nws lub npe lub moo tsis zoo.
    Kuj cuag li yog koj tau thuam Ntuj lawm ntag, peb yuav ceev faj rau tej tus neeg uas peb tsis tau paub lawv zoo. Tsam peb tau ua puas rau Tswv Ntuj lub npe.
    Peb yuav txhob qhuas peb dhau rau luag hnov, thiab txhob thuam luag tej. Tsam peb yuam kev muab Tswv Ntuj lub npe los xyav.
    Peb tsis tau hwm lub meej mom uas Tswv Ntuj muab rau peb kom peb zoo xws li Tswv Ntuj. Tswv Ntuj twb hu peb ua Leej Tswv Yim Ntshiab lub tsev qhia txuj ci kom Nws tau nyob nrog peb.
    Ua li mas Tswv Ntuj yeej nyob hauv peb kom peb tau hu Tswv Ntuj ua Leej Txiv,thiab peb yog Ntuj me nyuam tiag. Tswv Ntuj tau tsim ob tug Pog Koob Yawg Koob,hu ua As Das thiab Es Vas.
    Kom peb tau muaj nkawd cov ntsuj roj ntsuj ntshav, xeeb los ua peb lub cev nqaj tib neeg. Peb sawv daws tau txais ib tiam dhau tiam los txog lub zim txwv no.
    Ntawm peb tus Ntsuj Plig, mas Tswv Ntuj yeej pom zoo xeeb los rau peb thaum peb txais peb tus Ntsuj roj ntsha ntawm peb Leej Niam thiab Leej txi los ntawd lawm.
    Tej no Tswv Ntuj tau hais meej tseeb kawg, rau peb tus Yawg Koob Has Nplas Has tias koj cov xwb ntxwv mas yuav coob npaum li cov hnub qub nyob saum ntuj thiab coob npaum li cov suab puam nyob rau tom ntug Hiav Txwv ntawd.
    Tus tsis hwm Niam hwm Txiv, hwm tub hwm kiv,nrog rau tas tsoom txheeb ze. Mas nws yog ib tug neeg thuam Ntuj los thuam neeg lawm.
    Tus coj li ib tug neeg tsis hwm Ntuj thiab hwm neeg, mas nws yuav raug zoo li tej laus hais tias, nws yuav raug kev khaum mus.
    Kev khaum mas tsis yog ntev mam li khaum! Muab ua piv txwv li ib leej niam los ib leej txi, nws tsis hwm cov tub ki. Nws tsawm thiab thuam los cem, ua rau tej tub ki tu siab tsis muaj siab mus ua noj ua haus.
    Ces lawv tsuas ua txaus lawv noj xwb, thaum niam txiv tshaib los tsis muaj noj, tsis muaj siv thov tej tub ki los luag pab tsis tau. Ces nws yog tus xub raug khaum ua ntej lawm ntag.
    Leej Tib Neeg, lub tswv yim thiab lub siab me me, paub tsis txog pom tsis thoob. xav mus tsis deb li tej laus lo lus hais tias:
    Tus neeg nquag, nws tis yeej tus neeg ntse. Hos tus ua neeg ntse los nws tsis yeej tus neeg muaj hmoo. Tus muaj hmoo, yog Ntuj pab kom nws tau txoj hmoov zoo.
    Peb Leej Tib neeg tej kev nyuaj siab uas peb sawv daws muaj yog:
    Nyuaj siab vim kev pluag,thiab tsis muaj kev hlub. Los tsis paub ua neeg thoob tsib li luag. Peb yuav muaj kev tso siab rau Tswv Ntuj.
    Txhob xav tswv yim ntau dhau, ua rau peb lub hlwb puv lawm. Ces peb txais tsis tau dab tsi ntxiv lawm. Ces peb yuav nyuaj siab xws li tus neeg dig muag tsis pom tsis paub dab tsi li.
    Peb yuav txawj daws peb lub teeb meem pab peb tus kheej. Thiaj tsis muaj kev txhawj xeeb txog kev tu siab.

    * Sacramento tim 17/2/ 2017.
    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd May 2018, 10:00 pm



    Zaj 321- HMOOB YUAV HWM HMOOB COV LUS.

    Lus Hmoob yog ib co lus zoo kawg, muaj nuj nqes loj, muaj txuj ci zoo tas nrho nyob hauv. Hmoob muaj zoo kwv txhiaj paj ntsha lus taum.
    Muaj Zaj tshoob txiv xaiv foom kom. hais ua lus rov, muaj lus txhiaj txhais txhua yam twb zoo kawg li. Hmoob tus nplaig zoo heev hauv cov lus muaj yim lub suab.
    Hmoob twb muaj ntawv sau tau txhua yam lus tawm los, xws li Mab Sua txhij txhua. Yog ib xeem lus uas Qaum Ntuj tsim los rau Hmoob siv.
    Ib tug Hmoob txawj hais lus Hmoob zoo, hais lwm xeem lus puav leej raug dhos zoo tib si. Lub suab Hmoob qog tau lwm Haiv neeg cov xeem lus yooj yim thiab raug zoo kawg.
    Yog cov niam txiv tiam neeg no, tsis cev faj, mus saib lwm xeem lus loj dua. Ces yuav muaj teeb meem rau Hmoob tej tub ntxhais yav tom nyej:
    Cov tub ki mus kawm Mab Sua li lus, ces lawv yuav tsis paub lus Hmoob. Thiab lawv yuav hais tsis meej rau tom ntej!
    Lawv hais lawv xeem lus tseem meej tsis cuag li ib tug neeg pej kum kawm hais lus Hmoob. Hmoob yog Hmoob, Hmoob hais tsis tau lus Hmoob thiab tsis meej lawm.
    Lawv hais lus Hmoob txhav txhav, ces lawv yuav tsis hais ntxiv. Nyob nyob, yog luag lwm xeem neeg yuav nug lawv, ces lawv hais tias lawv yog Hmoob, los luag tsis ntseeg, vim lawv tsis txawj hais lus hmoob, los paub tsis paub lus Hmoob.

    Lub zim txwv no muaj neeg kawm lus hmoob, lawv tseem paub zoo dua Hmoob tej tub los Hmoob tej ntxhais lawm thiab. Kuv twb pom los hnov muaj teeb meem los lawm:

    1. Nyob St Paul muaj ib tug ntxhais kawm ntawv nyob txheej siab. As Mes Lis Kas, nug nws tias lo lus Hmoob hais tias, Niam Yaid,yog txhais li cas? Nws tsis paub txhais, nws raug quaj ib pluag ntawm kev txaj muag.

    2. Nyob Fuaj Kuj muaj ib leej niam coj nws tus tub mus txhais lus tom tsev kho mob! Leej Niam hais tias, me tib koj hais rau tus kws tshuaj tias:
    Ua cas ntu no kuv daj daj ntseg li kuv pheej tsis qab los noj mov li lawm. Nws Leej Tub hais rau tus Kws tshuaj tias: Kuv niam hais tias: Nws pob ntseg daj daj, nws tsis xav moj mov li.
    Ces tus kws tshuaj cia li mus saib pob ntseg, pob ntseg kuj tsis daj. Kws tshuaj cia li tso los tsev lawm.
    { Hmoob hais tias daj daj ntseg = tsis xis neej lawm, tsis qab los noj mov.}

    3. Nyob Mis Kuj, Muaj ib yam tu siab heev:
    Ib tug Leej txiv nws tus qau, mob ib lub pob zoo li yuav ua rwj ntawm ib sab. Nws coj nws tus ntxhais paub lus As Mes Lis kas mus txhais lus tom Tev Kho mob.
    Thaum tus kws tshuaj xyuas tas, Kws tshuaj hais tias yuav, tau muab lub pob ntawd phais los tev tawm mus. Leej txiv mloog cov lus txhais tas, nws teb tias cia phais tawm mus li nws hais.
    Tus ntxhais txhais lus rau tus kws tshuaj tias:
    Kuv Txiv hais tias, koj muab txiav tawm mus kiag kom zoo sai. Ces tus Kwv tshuaj cia li muab txiav ib ya mus lawm, tshua ib ya luv luv lawm xwb.
    Leej txiv xeev los, ua cas muab txiv tawm ib ya lawm. Leeg txiv tsis zoo siab nws hais. Ces tus kws tshuaj muab cov lus txhais los tso rau nws mloog.
    Tus ntxhais txhais hais tias, Kuv txiv hais tias kom muab txiav tawm mus no. Ces plaub ntug hais tsis sawv. Leej txiv tu tu siab, nws yoo mov tau ib ntus ces nws cia li tuag mus lawm.
    4. Lub zim txwv no, nyob Mis Kuj. Twb muaj cov As Mes Lis Kas dawb los dub kawm lus Hmoob. Lawv kawm zaj tshoob txiv xaiv kawm hu nkauj Hmoob nrov rig lawm thiab.
    Thaum lawv paub Hmoob txuj ci tas, lawv txawj hais lus rov los txhiaj txhais tas. Cov tub ntxhais Hnoob tsis paub lawv tej txuj ci lawv yuav xav li cas mus ntxiv!
    Kuv mus kav kiab muag zub, muaj ib tug tub hluas Hmoob yog Dov tawj. Tuaj yuav zaub, nws hais rau kuv tias: Kuv nyiam thiab xav yuav koj cov zaub no. Vim nws hluas hluas kawg, nws tuaj txog nram kuv teb, nws hais:
    Ua cas koj cov pob kws no, twb txi txi thiab loj loj lawm. Puas tau zoo de mus noj ned? Cav ua rau kuv ceeb tas thiab od.
    Aub yom! yog zoo li muab piv rau cov neeg haus luam yeeb ntag lauj! Koj nrog lawv thiab yoog lawv ces koj xav haus luam yeeb nrog lawv ntag lauj.
    Kwv tij, zaj lus no kuv tsuas sau ceeb toom tias kom peb hwm peb cov lus, yog ib xeem lus muaj tsim thiab muaj koob meej txuj ci siab kawg. Nyob hauv peb Haiv Hmoob no xwb.
    Yog koj paub koj xeem lus cov txuj ci zoo, koj tsis muaj chaw txaj muag rau lwm Haiv neeg li lawm. Koj muaj meej mom siab ib yam li luag.

    Yaj Zoov Ntxheb. X.H.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th May 2018, 2:48 am



    Zaj 322- HMOOB TXOJ KEV NTSEEG

    1. Tej laus thaud hais tias,hmoob txoj kev ntseeg thaum ub chiv muaj los, Hmoob yog ib co neeg heev heev thiab siv hwj chim loj loj.

    Hmoob ua neeg muab muab hlob, thiab muaj ntsis yog neeg khav theeb. tsis kam hwm tej hlob los tej neeg laus coj noj coj ua, saib luag tej tsis khuab qhov muag.

    Nyias xia nyiam muaj peev xwm thiab muaj zog xwb, ces muaj ob tug kwv tij hu ua. Cis Tuj thiab Tuj Nplug no, nkawd xia nkawd muaj zog, Nkawd muab Qav Kaws ntaus tuag lawm.

    Ces Ntuj Niam Ntuj Txi thiaj foom kom Hmoob txom nyem, { Qav Kaws nws tsis yog qav od, nws yog tib neeg, lam muab hu ua qav kom zoo mloog xwb.}

    Tos Hmoob txom nyem li no, Hmoob cov kev coj thiab ntseeg. Yog Ntxwj Nyoog qhia nyob los rau Hmoob. Tus Dab Ntxwj Nyoog ntawd muab cog tob tob rau Hmoob nruab siab.

    Kom ib Haiv neeg xwb los kom hais tias, Dab Qhuas sib txawv, tsis sib thooj. Qhov tsis sib thooj no, yog tawm hauv Hmoob nruab siab los. Vim txoj kev tsis sib hlub thiab sib raug zoo.

    Txij li Cis Tuj thiab Tuj Nplug nkawd los ces Hmoob yeej coj li no los txog niaj hnub no li. Tsis hais lub Xeem Hmoob twg li, Tij ua txawv kwv hos kwv los yeej ua txawv tij me ntsis mus.

    Ib tug ua 9 txim, tud ho ua 5 txig, lawm tus ho ua 7 txim . Sawv daws koom ib tug pog tug yawg los, los dab qhuas thiaj sib txawv li no.

    Cov Hmoob Muas los thiaj muaj Zag Tas zag phaws. Vim ib tug tso tug tseg tiv plaub tiv ntug rau tom qab.
    Ntxwj Nyoog yeej paub tias. yog Hmoob koom ib tug dab qhuas. Mas Hmoob tseem nyob ze rau Ntuj Niam Ntuj Txi heev, cia nws muab yob kom Hmoob muaj lub tswv yim sib txua mus kom coj sib txawv nyob nruab siab.

    Ces txij muaj cov teeb meem dab qhuas no los, ua kom Hmoob sib ncaim mus. Yam ua kom Hmoob sib tuav tes nyob yog cov kab lis kev cai uas Hmoob xaiv txij xaiv nkawm ntawd, tuav Hmoob nyob ua ib Haiv neeg tseem hu ua Hmoob no los xwb.

    Thaum twg Hmoob ntshai thiab txom nyem tuaj mas Hmoob hu rau sab nkauj muam kev txhheb ze tuaj pab. Mas Ntuj kuj pab dab kuj pov, Hos tig loo rau sab kev sib cov nyom tuaj lawd.

    Ib leeg saib tsis taus leeg lawm, mas Hmoob hu Ntuj los, Ntuj tsis hnov. Hu Dab los dab tsis pab. Vim hu tawm hauv sab kev tsis mloog lus los.

    Muab tus qauv li no los piav, Thaum Lwm pab neeg,los lwm Haiv neeg ua phem rau Hmoob. Hmoob tau kev tws lawm, Hmoob hu Ntuj los Ntuj pab, hu dab los dab pov. Pab tas Hmoob tsis hloov siab.
    Ces hu Dab los dab tsis muaj lawm. Hmoob hu Ntuj los Ntuj tsis hnov lawm. Vim thaum Ntuj pab tas Hmoob tsis nrhiav kev tawm mus ua neeg zoo.

    Hmoob muab tej kev Ntuj pab ntawd los txua dua ib txoj kev teev hawm tshiab. tsis raug li Ntuj kev hlub, los Dab kev nyiam lawm. Hloov los ua Hmoob ib tug Tim Tswv tshiab dua rau Hmoob pe hawm mus.
    Ces Qaum Ntuj tso pov tseg, vim lwm haiv neeg luag kuj siab phem tsis npaum li Hmoob hais! Qhov Hmoob txom nyem, los Hmoob tuag coob coob ntawd.

    Twb yog Hmoob mus qhia rau luag tias, Pab hmoob ntawd yog cov yuav ntxeev siab tua nom Tswv. Ces Hmoob coj Mab Suas mus tua Hmoob.

    Qhov tseeb yog Hmoob cov Dab qhuas no tsis yog dab qhuas zoo, nyiam los pab Hmoob. Yog Hmoob cov dab qhuas no txhib kom Hmoob sib tua Hmoob xwb.

    Cov teeb meem Caub Fab lub ntsiab loj muaj li hais no. Cov Hmoob mus nyob pej kum teb, ua neeg nplua nuj muaj nyiaj ntau. Mus yuav cov niam mos ab lub tswv yim kuj yog zoo li ntawd.
    Hmoob thiaj muaj lus xaiv lus, plaub ntug nchav puv qab ntuj khwb, kuj yog vim cov dab qhuas Hmoob tsis pov hwm Hmoob ua neeg zoo li no. Thiaj ua kom Hmoob teev hawm, muaj lub npe tsis zoo rau Hmoob.
    Vim Hmoob cov Dab qhuas no tsis muaj kev teev hawm zoo. Tus Dab Xwm Kab, yog tus pov hwm kom Hmoob muaj nyiaj ua neeg nplua nuj. Los Hmoob twb tsis hwm.
    Xwm Kab muaj peb lo lus cog tseg tias:

    a. Koj txhob dag koj tus kheej...
    b. Koj txhob zes lusg poj luag sev...
    c. Koj txhob mus twv txiaj yuam pov...

    Yog koj hla peb lo lus no, ces koj ua neeg xyob txhiaj mus, Hmoob twb tsis paub txog. Tsis muaj ib twg Hmoob uas nws txawj teev tiam thiab mloog nws cov dab qhuas li.
    Cov ua thawj neeg haj yam ua kev txhaum loj! Tsuav yog nws ua thawj neeg tab meeg ntxias lus tej poj niam mus ua kev txhaum. Mas hais lawv tej plaub ntug xaiv lus.
    Cov txiv muam paub, paub dab, kuj hais kom hmoob siv qaib npua ntau los ua dab. Hmoob teev dab npaum li cas xwb?

    a. Thaum Hmoob ntshai poob plig, ces hu plig.
    b. Noj mov nplej tshiab laig dab.
    c. Muaj mob ua neeb saib los kho.
    d. Tua tsiaj txhu noj, los ua tshoob kos laig dab, tej no xwb.

    Ib tsev neeg los ib xeem neeg muaj tus txiv tsev los qee tus ua txiv muam thiaj paub. Feem coob li cov tub hluas twb tsis paub! Tsuas txawj hais lu puv ncauj xwb.
    Qaum Ntuj yuav ua li cas thiaj pab tau Hmoob tsim txiaj os! Hmoob yuav txawj hlub Hmoob mas Hmoob yuav kho cov dab qhuas no kom raug li Qaum Ntuj nyiam.
    Hmoob thiaj yuav ua tau ib haiv neeg zoo. Kom txaus Ntuj nyiam los txaus neeg qhuas. Yes Xus hais tias: Yuav muaj ntau leej yuav kuv lub npe los hais tias;
    Nws yog tus Xib hwb ub tus Xib Hwb no, hais tias kuv yog Ntuj tus Xib hwb paub Ntuj lus hais qhov tseeb. Uas Ntuj kom kuv los qhia rau Hmoob. Cov thawj neeg dhau los puav leej yog neeg nyiam kov kev ua txhaum.
    Muaj ib tug Xib Hwb Hmoob Lauj hais tias nws ntseeg Yes Xus tau 20 xyoo lawm nws saib mas, Yes Xus cov kev cais tsis tseeb.
    Nws muab nws tis npe hu ua Xib Hwb Keeb thawj Xeeb, nws yog Vaj Leej thawj tus Xib Hwb, uas Vaj Leej thawj txib nws tuaj hais qhov tseeb!
    Nws hais tias, Hmoob tus Tswv Ntuj yog Pog Paj Yawj Paj. Li tej laus hais tias, pog Nplas yawg Nplas. Yog Nkauj hnub Txiv Nraug hli
    Tswv Ntuj Leej tub tiag hu ua Vaj Leej thawj, yog tus yuav pab kom Hmoob muaj teb chaws. Xib Hwb Keeb thawj Xeeb hais tias, Vaj leej thawj, yuav muaj peev xwm nqa lub tuam tsev teev Ntuj thaud Yus Xus mus hais lus nyob Yus Das teb mus txawb kiag rau Hmoob teb chaws.
    Hnub ntawd Hmoob yuav muaj hwj chim muaj peev xwm. Tas ntiaj tej yuav pe hawm Hmoob thiab muab Hmoob tsa ua thawj hais neeg loj nyob ntiaj teb no.
    Vim Hmoob yog Vaj Leej Thawj haiv neeg, muaj koob meej hwj chim lawm. Xib Hwb keeb Thawj Xeeb yog Vaj Leej Thawj, thawj tug Xib Hwb.

    2.Vaj Siv Yis ho hais tias.
    Hmoob cov Tim Tswv, Muaj cov npe hu li no:
    Yawm Huab Tais Tooj Dub, Huab Tais Xob, Huab Tais Zaj, Huab Tais Cua, Huab Tais Hnub thiab Yawm Ntxwg. Lawv yog cov Tim Tswv kav ntiaj teb.
    Niam Txiv Vaj Hmoob tus muaj hwj huam loj, yuav los xyoo 2017 no lub 12 hlis. Mas Hmoob yuav muaj teb chaws rau Hmoob nyob.
    Vaj Siv Yis thiab nws pab neeg twb them nyiaj, thiab siv tsiaj ntxhu, mus ua ib rooj mov loj thov kom Niam Txiv Vaj Hmoob mus tso tau Yawg Hlob Vaj Pov, nrog 500 leej nyob tub tuag teb los nyob rau Tiaj Suab Puam lawm.
    Tos lawv ho xub mus tso Yawg Vaj Pov, mas vim Tsoom Hmoo hlub, nyiam thiab tshua yawg heev. Yog tias, leej twg xav paub thiab xav hnov Vaj Pov lub suab tham los tau!
    Vaj Siv Yis lawv muaj sawv daws cov pog yawg tej npaws xov tooj tib si, Cia li hu ncaj nraim mus nrog lawv tham los tau. Hu tau txhua lub caij.
    Tab sis luag tsis tau pub kom hnov lub suab zoo li yog nws lub kiag! Vim lawv nyuam qhuav tawm los tshiab tshiab no xwb.
    Yog zoo li cov nyob Mis Kuj Teb no hu, mas yog niam Vaj Hmoob nyob Los Tsuas teb ua Nws lub suab nrov tuaj. Hos cov Nyob Los Tsuas teb hu, mas yog Niam Vaj Hmoob nyob Mis Kuj teb lub suab teb.
    Txiv Yawg thiab Vwj Paj Yig, Huab Tais Vam Khib lawv tseem nyob tub tuag teb tsis tau tawm los. Vim Nyob txim tsis tau tas.
    Leej twg tau tawm los lawd, mas yuav ua neej nyob mus txog 9 vam 800 txhiab xyoo. Cov tub tuag teb, mas nyob nruab yeeb.
    Hos cov teev Yes Xus mas muaj tsawg leej kawg thiaj tau mus nrog Yes Xus nyob saum ntuj. Cov mus ntawd, yog cov Yes Xus Xaiv lawv thiaj tau mus!
    Hos feem coob mas puav leej mus nyob rau tub tuag teb, vim lawv lub ncauj lub cev ntseeg xwb. Lub siab tsis ntseeg, lawv lam sim kom paub saib puas tseeb, feem coob yog cov zoo li ntawd.
    Tej lus no Yes Xus yeej hais ntxov ntxov los tias:
    Yuav muaj neeg yuav kuv lub npe los qhia tej yam uas tsis yog tuaj ntawm Leej Txiv tuaj rau nej hnov. Lawv yuav muab Leej Txiv cov lus uas Leej Txiv tau tshoj cov Yaj Saub hais txij Ntuj tsim teb raug los ua lawv cov lus.
    Nyob hauv lub qab ntuj khwb no, tsuas yog cov mloog Tswv Ntuj Leej tub cov lus muaj txoj sia thiaj tau kev dim. Yes Xus tsis tau hais ib zaug tias kuv ua li no yog kuv pom zoo ua li ntawd.
    Nws tsuas hais tias, yog Leej txiv pom zoo, ces nej yuav tau li no xwb. Yog Leej Txiv pom zoo nej thiaj tuaj cuag kuv thiab Leej Txiv tau.
    Vim kuv yog txoj kev, kuv yog lub qhov rooj, thiab kuv yog txoj sia. Nej ntseeg txog kuv ces nej tau ntseeg Leej Txiv. Nej pom kuv ces nej kuj tau pom leej txiv.
    Tas nrho cov kev cai ntseeg Tswv Ntuj uas Yes Xus hu ua Leej txiv qhia los, muaj tib txoj xwb yog txoj tseeb uas muaj cov ntawv ntshiab cog lus qub thiab ntawv Ntshiab cog lus tshiab.
    Uas cov neeg mloog thiab coj los ua raws nraim li Phau ntawv Ntshiab hais thiaj yog zaj tseeb. Dua li ces puav leej yog cov uas Dab Xas Tas qhia kom hloov thiab siv tus Vaj Pleev uas yog Tswv Ntuj Leej Tub cov lus los hais, tab sis tsis ua raws.
    Kwv tij zaj lus no tsis yog kev ntxub ntxaug leej twg thiab thuam leej twg li, yog ib zaj lus sau rau cov neeg Ntuj xaiv, cia rau lawv tau kawm kom lawv nyob npuab lawv tus Vaj Leej Pleev raws li, lawv kev ntseeg xwb.
    Ib yam tseem ceeb kuj yog pab cov Xib Hwb uas tau Ntseeg txog Yes Xus lub npe, txhob lam txua li ub li no. Txua tsis nyog, yog ib yam yuam kev loj rau, nej tus twb tau ua Xib Hwb ib zaug los lawd thiab.

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th May 2018, 2:27 am



    Zaj 323- MOTHER'DAY HNUB NPAJ RAU XYOO 2018.



    Leej Niam nws muaj txiaj ntsim, loj kawg rau lub cuab lub yig. Nws zoo puav tam li lub Pov Haum, muaj nqes pov thiab roos tsev neeg.
    Leej Niam nws paub cov Txiv Tub, lawv lub siab kev nyiam kev ntshaw txhua yam. Yam twg nws ua tau thiab txawj ua, mas Leej Niam ua pub dawb tas tib si.
    Leej Niam txawj ua zaub ua mov, nws paub tav li cas cov txiv tub yuav tshaib plab. Nws ob txhais tes nquag, twb npaj tau txhij rau tsev neeg noj.
    Muaj qhua txheeb ze tuaj, los nws tsis txhawj, yog tsis muaj lwm yam zaub ntxiv lawm. Los nws ntxiv ib ntim dej rau xwb, twb txaus rau tej qhua los noj koom tsum tas tib si.
    Yog hnub twg, Leej Niam tsis nyob lawm, noj pluas mov twg. Los tsis qab li Leej Niam txhais tes ua, Noj tsau, los tseem tsis tau hnov mov poob plab.
    Leej Niam lub tswv yim zoo kawg, txawj ntsuas, txawj xaiv tej tsoos tsho phim cev, rau cov txiv tub sawv daws hnav, zoo tau muaj xom lees ntxiag.
    Hnub twg Leej Niam muaj chaw tawm rooj lawm, lub vaj lub tsev nyob tau sw tsawv. Nyob yam tsis kaj siab li, Pab Txiv Tub laj laj tos txog thaum hnub poob qho, uas Leej Niam yuav rov los.
    Tsoom Tub Ki tus twg, muaj kev tu siab los chim siab, tos ntsoov yuav mus hais, qhia rau Leej Niam paub thiaj daws tau.
    Leej niam ib nyuag plhws tau hau, xwb lub siab twb kaj lawm. Yog tsis muaj Leej Niam nyob lawm, mas pab Txiv Tub lawvyuav tu ncua kev sib hlub mus zuj zus.
    Pab Txiv Tub no, lawv nyias yuav muaj nyias kev taug, mus tsis sib thooj. Ib tug yuav mus ntaus phooj ywg rau Nkauj Dab, hos ib tug yuav mus ntaus phooj ywg rau Nkauj tsov.
    Ces lub neej yuav ua neej nyob nrog dab tso, ib hnub peem peb zaug mus ua dab, rov peem peb zaug los ua neej, los twb tsis tau tsaus ntuj thiab.
    Tej tus muaj hmoo, kuj tsis luaj twg, tus tsis muaj hmoo. Ces pab Txiv Tub ntawd, sawv daws sib tw ua ntsuag ciaj tib si mus.
    Thaum tseem muaj Leej Niam nyob, mas sawv daws nyob kaj siab lug, li lub hnub tsis txawj poob qho. Thaum Leej Niam tau nraim cev mus lwm.
    Lawv nyob zoo puav tam li Nkauj Hnub Nraug hli tawm tuaj tsis nto npoo ntuj. Nruab hnub los nyob tsaus nti, hmo ntuj los nyob tsaus nciab.
    Tsim pom qab muab lub neej mus khuam rau qhov twg! Plaub ceg kaum ntuj los zoo li puav leej muaj dab liab ncaug tos nrhw yuav tom, yuav noj xwb.
    Tsim nyog pab txiv tub yuav hwm Leej Niam txhais tes nquag tes muaj hmoo ntawd. Yuav tau rau siab qhuas lawv Leej Niam siab zoo, lub txiaj ntsig nyiaj ntsig kub no.
    Ib nkawm niam txiv, zoo puav tam li ob lub pov haum muaj nqes ,los sib nres. Tej tub kis tsim nyog yuav los hwm, Leej Niam thiab Leej txi tej txiaj ntsim , koob hmoov.
    Kom Leej Niam txoj kev hlub loj hlob nyob nrog tsoon Tub Ki. Kom sawv daws tsis txhob mus raug tau tus dab xyob txhiaj, noj tsis txawj txuag, haus tsis ntshai pluag.
    Khwv nyiaj tsis nce tes, muaj nyiaj ntau los muab mus dib dab xyob xhiaj los paug vaj paug tsev tas. Cuag li yog hmoov phem poob los xwb.
    Muaj hmoo npaum li cas, los tseem tsis dhau li tub tub ntsuag lub chaw tu siab. Lub koob meej loj los lub siab quaj dhe tseem txom nyem tshaj li tej tub ntsuag lawm thiab.
    Yuav muaj raws li tej laus piv txoj lus tias, teev dab zoo npaum li cas, los qhov rooj tsis tsis kho tsis xov. tej dab qus yeej txeem tau los tsev.
    Zeej tsoom ntsia xws li ua lub neej mus nce tsag, tab sis nyob nruab siab ua lub neej ntxuag kua muag. Cov neeg zoo li no, lawv mloog tsis tau kwv txhiaj ntsuag.
    Tsam ho muaj dej oob txhawv ntws tav toj, ces yuav qq8muaj neeg mus de ntsis nroj rov tuam tshoj.

    Sacramento,tim 17/10/ 1017.

    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 17th May 2018, 1:30 am


    Zaj 324- HMOOB MUAJ KEEB KWM ZOO NKAUJ ZOO NRAUG.



    Raws li tej laus hais los, mas Hmoob yeej muaj lub keeb kwm zoo nkauj zoo nraug los puas thaum ub , tej pog tej yawg tseem ua neej nyob rau Tuam Tshoj los lawm.
    Haiv Hmoob thiaj muaj zaj dab neeg hais txog Nkauj Ntsuab thiab Nraug Nab. Los Ntxawm thiab txiv Nuj Sis Loob lawv tej dab neeg no:

    1. Zaj dab neeg keeb kwm Nkauj Ntsuab Nraug Nab no, tsis yog Nkauj Ntsuab Nraug Nab nkawd muaj txuj ci.uas Suav tsis nyiam,Suav raws tua. Yog Nkauj Ntsuab zoo nkauj tshaj plaws li lawm, Suav tuaj txeeb, raws yuav Hmoob Niam Nkauj Ntsuab xwb.

    Coj mus ua Suav poj Suav sev, Suav thiaj tuaj raws yuav kom tau nws.
    Thiaj ua rau Nkauj Ntsuab Nraug Nab nkawd Khiav peb hnub peb hmos xwb, ces nkawd khiav dhau plaws Tuam Tshoj teb, los mus poob nroos rau Xov Tshoj chaws lawm.

    Nkauj Ntsuab Nraug Nab nkawd los hlav los rau Xyav siv Ncej Zeb roob phawv nplej. So nyob rau Koov Toom Choj.tsua niNiam Nkauj Ntsuab. Mam hla los rau Tiaj Rhawv Ze, ces los nyob rau Vaj Loo Tsuas. Uas nyob rau Thaib teb, lawv hu ua Luaam Phoj Luaam Mej lub Vaj Loog Tsua ntawd.

    2. Hais txog Ntawm thiab txiv Nuj Sis Loob, Ntxawm kuj yog ib tug ntxhais zoo nkauj heev. Neej los nyiam dab los ntshaw, Tsov txaij nraum thiaj ris Ntxawm mus zais tim qab tsuas lawm.

    Txiv Nuj Sis Loob nws kuj yog neeg zoo nraug thiab muaj txuj ci, nws thiaj muaj rab peev xwm mus raws Ntxawm. Nws muaj txuj ci nws thiaj yeej tau tej dab ntxoog dab tso ntawd.

    Nuj Sis Loob coj tau Ntxawm rov los nyob tsheej neeg. Tsis muaj txuj ci mas Ntxawm twb nyob ciaj tso yoog tau dab lawm. Ua li mas hais txog tej,vij sub vij sw rau tsoom Hmoob mas teem yuav muaj ntau ntxiv mus...
    3. Haiv neeg Hmoob yeej muaj keeb kwm, zoo nkauj zoo nraug li no. Cov txiv neej Hmoob thiaj ntshaw yuav ntau tus poj niam.Cov Hmoob tau nce mus ua ib tug Xeev Laus mas lawv yeej yuav ntau tus poj niam zoo nkauj.
    Tsoom txiv neej los ntshaw muaj ntau tus poj niam. Tsoom poj niam los kuj ntshaw ntus tus txiv txiv neej. Thiaj muaj cov txiv neej los poj niam tsis tsim txiaj, tham ntau tus nkauj, deev ntau tus hluas. Thiaj coj vij sub vij sw paug vaj paug tsev.

    Ua rau lub cuab lub yig nyob tsis tsheej tsis kiab li sawv daws pom thiab paub no. Tej txij nkawm, neej tsa, los kwv tij thiaj muaj xaiv muaj lus ntau, los paug sawv daws tej pob ntseg tsis zoo mloog los tsis zoo saib.
    Ntshai yog peb Haiv Hmoob, yeej muaj keeb kwm zoo nkauj zoo nraug. Los yog raug tau tus dab xyob txhiaj lawm thiaj coj li no los tsis paub li lauj!
    Kuv kuj twv tsis tau tias yog vim txoj twg, los tsav twg li thiab.

    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 24th May 2018, 9:42 am



    Zaj 325- HAIS TXOG KEV FIV YEEM.

    Nyob ntiaj teb no, Haiv Hmoob muaj kev fiv yeem ntau kawg. Saum Hmoob kev txhawj xeeb, hais txog kev ntshai raug xwv txheej.
    Yam li saum kev muaj mob nkeeg, los kev tawm rooj mus ua lag luam los kev npau suav tsi zoo, ntshai tsam ntsib, los raug xwv txheej.
    Mas Hmoob nyiam fiv yeem los pab, raws li peb cov Hmoob tseem coj tej kab lis kev cai. Raws li tej pog tej yawg ib txwm qhia los.
    Mas Hmoob nyiam fiv yeem qaib npua, los nyuj twm los pab pov hwm.Tej no Hmoob fiv yeem yog yam zoo lawm, thuam tsis nyog, yog Hmoob li kev ntseeg.
    Hmoob ua li no, yog ib txoj kev uas Hmoob tos ntsis txog lub Ntuj lub teb los pov hwm. Cov dab Hmoob hu lub caij ntawd tsis yog hu ib co dab phem.
    Hmoob hu txog ib co dab zoo. Tuaj pov kom muaj kev nyob nyab xeeb, txhob raug xwv txheej. Yam pom tsis tau, mas Ntuj los Hmoob kuj hu ua Dab no thiab
    Ua li ne, cov neeg ntseeg Ntuj lawd, lawv yuav fiv yeem zoo li hais no puas yog yuam kev! Tsis tau hais tias, yuam kev no od.
    Nws yuav fiv li no rau Huab Tais Ntuj puas tau? Kuj tsis tau hais tias tsis yog, Tsuav yog nws nyiam ua li ntawd kuj yog ib yam zoo rau nws kev tso siab thiab ntseeg xwb.

    1. Xav hais ib yam kom cov neeg ntseeg paub mus deb dua, li fiv ib lub yeem qaib npua, los fiv yeem nyuj tawm los pov hwm txog lawv tej kev txhawj xeeb no!
    Koj xav fiv ib lub yeem zoo li cas los tau raws li koj lub siab uas koj ntseeg ntawm koj tus kheej. Qhov kuv xav hais, mas zoo rau tus ua neej muaj los ua neej txom nyem tuaj lub qab tsag tib sij.
    2. Koj yuav fiv los rau saum kev hlub los kev sib zam txim, los fiv los pab cuam rau tej tus neeg txom nyem, uas koj tau ua rau, muaj luag muaj kev tu siab, fiv tej lub yeem uas koj pauj yooj yim rau koj!
    Koj yuav fiv yeem rau ib tug neeg mob, vim koj hlub tsis txaus. Nws muaj kev tu siab ua ntej lawm, nws mam noj mov tsis poob plab los haus dej tsis poob cev.
    Nws thiaj muaj mob, Koj fiv ib qho kev cog lus rau Ntuj tias: Yog nws tu siab muaj mob lawm, los thov kom Ntuj pab tshem nws tej mob nkeeg mus koj dhau, yog zoo lawm mas koj yuav hlub nws tshaj qhov qub dhau los lawd.
    Yog zoo los nrog lus lawm, ces koj xyaum nco ntsoov hais lo lus zoo los hlub tshua txog nws. Cov lus fiv zoo nrog lus lawm, ces nco ntsoov cov lus koj tau hais rau Ntuj, mas yog yam zoo tshaj lawm uas koj tau thov ntuj ua kev fiv yeem.
    3. Los koj fiv pab txiaj ntsim rau tej tus neeg txom nyem, uas koj twb paub nws lawd. Los koj tsis paub li, koj tus neeg mob zoo lawm, koj tau fiv 50 los 100 koj yuav pub nyiaj pab tus pluag ntawd pes tsawg.
    Yog nrog lus lawm, Koj paub ib tug lawm ces koj muab koj qhov nyiaj ntawd xa mus pub tus neeg txom nyem ntawd. Koj txhob qhia rau nws tias yog dab ts! Koj cia li hais hais tias muab qhov nyiaj no pub rau koj siv xwb.
    Yog koj tsis paub ib tug neeg txom nyem li. Ces koj muab rau ib tug neeg uas koj ntseeg siab tias nws muaj lub siab dawb yuav coj mus pab rau cov neeg txom nyem.
    Koj muab rau nws coj mus pab tus nyob deb nyob ze los xij, tsuav yog cov neeg txom nyem xwb. Ces koj tau pauj koj lub yeem tas, koj tsis muaj kev ntxhov siab lawm.
    4. Yog koj tsis muaj dab tsi li, koj fiv tej txoj hauj lawm qhia rau Ntuj paub tias: Yog koj tus neeg mob zoo lawm, mas koj yuav mus kev taw deb li cas rov qab los tsev, yog nrog lus lawm, koj mus kev li tau cog lus ntawd. Koj txhob npau taws li. Koj ua li ntawd tas ces koj twb tau pauj yeem tas.
    5. Cov yeem koj fiv li no, mas txhob hais qhia leej twg tias koj tau fiv yeem lawm. Koj yuav pauj yeem li ntawd, kom luag txhob hais dab tsi rau koj. Cov yeem koj fiv li no, tsuas yog Ntuj ib leeg nrog koj paub xwb, mas yog ib qho zoo kawg.
    6. Fiv yeem qaib npua los nyuj twm yeej zoo, muaj qee yam zoo tsis tas, yog dab tsi? Yam li koj fiv ib lub yeem npua los yeem nyuj, thaum koj pauj ntawd.
    Yog koj ib tug txheeb ze tsis khoom tuaj pab koj, los tej tus thawj neeg koj xav kom nws tuaj ua tus cev lus. Zoo li koj hu ib tug Xib Hwb thuaj thov Ntuj thiab ua Ntuj tsaug.
    Yog nws tsis khoom tuaj, koj muaj kev tus siab rau lawv, tias, lawv tsis nyiam koj los tsis xav pab koj. Ces koj tu siab los koj tseem tau quaj ib pluag thiab.
    Ces cuag li thaum koj fiv, koj tau fiv Ntuj, hos thaum koj pauj, zoo li koj pauj rau neeg. Lub yeem koj fiv no tsis dawb huv zoo.
    Koj nyob nrog ib pab neeg, tsam koj nroo tau ib lo lus rau luag hnov, luag coj mus hais. Ces tshooj tau ua ob lo lus lawm. ces muaj kev tu siab tsis txawj tas xwb.
    Yog yuav piav, mas tseem muaj ntau yam yuav hais ntxiv. Hais me ntsis li no qhia rau sawv daws kom nyias paub nyias xwb.
    Yog koj ua li no, mas tseeb yog koj fiv rau Ntuj lawm, koj pauj los yog yam dawb huv uas Ntuj nrog koj paub, mas yog ib yam zoo. Tsis hais leej twg li, tus muaj tus pluag los ua tau tib si...
    7. Hos cov rooj mov ua kev zoo siab rau me nyuam yug los thiab ua mov zoo siab pub rau tej laus. los tej rooj mov txais kev phooj ywg. Muaj txiaj muaj ntsim mas tsis yog nyob hauv kev fiv yeem nyias ua li nyias muaj peev xwm.
    Tsis hais tej rooj mov loj los me, nyob txij li koj xav ua loj los me yeej yog txiaj ntsim zoo.
    8. Hos lwm rooj mov koj xwb tim ua kev zoo siab rau tej tub ki kawm txuj tiav. Los ua kev lom zem zoo siab rau tsev neeg sawv daws los ua rau ib tug neeg twg.
    Nyias ua nyias raws li sawv daws nyiam tsis muaj kev cuam tshuam txog yam ub yam no. Tsuav muaj kev zoo siab mas yog kev zoo tas tib si.
    9. Los puas koj fiv nrog kev teev Ntuj. Yog zoo nrog lus lawm. Koj yuav thov Ntuj pub rau lub ntiaj teb, tej kev muaj teeb meem tsis sib raug zoo. Ib hnub siv ntev li pes tswg lub caij nyug los teev Ntuj. Ua pes tsawg hnub pub rau Ntuj...
    10. Zaj lus no kuv sau los ua kev kawm kom sawv daws paub thiab ua lub neej nyob nyab xeeb xwb, qhia li no rau nej sawv daws.


    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st May 2018, 8:05 am



    Zaj 236- COV XWV TXHEEJ LOJ YUAV MUAJ TUAJ.

    Neeg ntiaj teb tsis xyuam xim, mas yuav muaj tej xwv txheej no tawm los! Cov xwv txheej yuav tawm tuaj, mas yog cov tub ua nom ua tswv tswj teb kav chaws lawv ua cov tsim tawm los:
    Yuav muaj ib co xwv txheej loj tuaj raug lub ntiaj teb no, ua kom txhua lub teb chaws thiab txhua tus neeg tau raug txoj kev txom nyem loj.
    Cov xwv txheej no yuav hla los rau saum txhua fab los txhua txoj kev, tib si kom nphav rau neeg. Neeg ntiaj teb, yuav muaj kev ua ntsuag niam ntsuag txiv.
    Nrog rau kev ua ntsuag tub ntsuag kiv thiab ntsuag kwv ntsuag tij. nyob thoob lub qab ntuj khwb no. Mov yuav tsis muaj noj, tsev los yuav tsis muaj nyob.
    Sawv daws yuav zoo li ib pab tsiaj nyob tsis muaj tsw los tsis muaj nkuaj, los nkaum tshav nkaum nag. Muaj tej tus neeg muaj Ntuj txiaj ntsim pom kev nruab siab hais tawm los.tias:
    Yuav muaj ib txoj kev luj lim leej tib neeg sawv daws, txoj kev luj lim leej tib neeg no, txhais hais tias,{ yuav lim cov neeg siab phem thiab cov neeg siab ncaj ua ke ib txhij.
    Cov lus no kuj tsis yog ib tug ua Yaj Saub hais tawm los, nws tsuas yog ib tus neeg pom kev nruab siab nruab tswv yim hais tawm los xwb. Nws hais tias:
    Txoj kev luj lim leej tib neeg, muaj 3 txoj kev tuaj! thawj txoj tuaj saum qaum huab tuaj. txoj ob tuaj qab huab tuaj, hos txoj peb nws tuaj txi duav tuaj. Cov kev luj lim no yog cov thawj neeg tsim kom muaj tuaj.
    Nyiam no, luag hais piv txoj lus tias, neeg ntiaj teb tsis muaj neeg ncaj ncees lawm. Muaj cov neeg siab ncaj, los yuav this cov neeg siab phem tuag ua ke mus.
    Tus neeg muaj hmoo thiaj yuav nrhiav tau cav cawm nws txoj sia. Yam uas nws yog cav cawm txoj sia, nws kuj muaj peb hom:
    Nyob hauv 3 yam ntawd, thawj yam yog yam noj tsuag tsuag, yam ob yog yam noj qab zib thaj cov. yam kawg yog yam noj uas iab txhaj plaws thiab. Nws tsis tau txhais tias yog dab tsi li.
    Cov xwv txheej no yuav tuaj ua qab cua hlob, los nag thiab dej nyab tas. Yog cov thawj neeg tsis muaj siab ntsws zoo los ua siab ncaj ncees txaus.
    Cov xwv txheej los saum qaum huab thiab qab huab los cov los txij dua yuav los hla lub ntiaj teb cov neeg sawv daws. Cov neeg siab tsis ncaj ncees lawv yuav tuag raws lawv txoj kev luj lim ntawd mus.
    Cov neeg siab ncaj lawv kuj yuav raug xwv txheej los ntawm cov thawj neeg ntawd thiab. Nyob hauv cov neeg siab ncaj ntawd, muaj Qaum Ntuj yuav npo lawv cov Ntsuj plig mus so nrog lawv tej pog yawg thiab Qaum Ntuj nyob ua ib npoj.
    Qaum Ntuj yuav tsis pub cov neeg siab ncaj lawv cov Ntsuj Plig loj nyob hauv ntiaj teb kev ua txhaum. Vim Qaum Ntuj hlub cov neeg siab ncaj nrog rau lawv tej pog yawg nyob saum txheej ntuj siab saud lawm.
    Tab yog cov neeg siab ncaj lawv raug xwv txheej los, Ntuj yuav cim lawv cov Ntsuj plig cia, kom yog neeg dawb huv. Thaum cov xwv txheej no hla dhau txhua tus neeg lawm yauv muaj 3 pab neeg sib txawv li no:
    Thawj pab neeg, yuav tuag mus nrog lawv kev lim hiam ntais ntuj mus. Pab ob cov neeg phem neeg zoo yuav nyob ua neeg ceg tawv lag ntseg tuag tes tuag taw, khwv tsis tau noj.
    Cov no Ntuj kuj yuav pov hwm lawv tej Ntsuj plig kom nyob ua neeg dawb huv mus. Hos pab peb lawv yuav raug mob zoo li muaj ib phaum mob khaub thuas los hla lawv thiab.
    Pab kawg no yog pab yuav tsim noob neej nyob ntiaj teb no ntxiv mus yav tom ntej. Thiab hais zaj dab neeg no qhia tej tub ki xeeb leej xeeb ntxwv mus rau yav tom ntej.
    Kom paub thiab nco txog dab neeg keeb kwm los ntawm txheej laus los muaj li cas. tiag.
    Zaj lus no kuv sau raws li tej tus neeg pom kev nyob nruab siab thiab hais hauv nws lub tswv yim hais los xwb.


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th June 2018, 9:57 pm



    Zaj 327- CEEV FAJ KEV VWM.



    Lub ntiaj teb no, ntuj ua tsov teb ua rog, kev sib ntxub, kev phem kev zoo, muaj sib npaug. Yuav muaj neeg vwm coob leej, sauv tsis txheeb.
    Tsis hais tus txiv neej los poj niam li, Cov thawj neeg, los cov me nyuam neeg. Sawv daws muaj txoj kev txhawj xeeb, los paug siab paug rau lawv cov tswv yim.
    Ces lawv yuav raug txoj kev ua neeg vwm, cov neeg vwm no, muaj ib co yog cov kawm txuj siab. Hos ib co tsis muaj txuj dab tsi los muaj.
    Cov muaj txuj ci, lawv tsis nco qab tswj lawv tus kheej zoo. Ces lawv coj tsis tau ua tsis yog, ces lawv yuav tsab ua neeg vwm los daws lawv teeb meem kev txaj muag.
    Hos cov me nyuam neeg uas tsis muaj txuj, mas lawv xav ntau dhau lawm. lawv kuj tswj tsis tau lawv lub tswv Yim, ces lawv kuj cia li vwm thiab.
    Kuj muaj qee leej kawm txuj tsi kawg, lawv cia li ua txoj tsab ua neeg muab hlob khav thheeb ua neeg paub txuj. Ces lawv ntshaw ua tus loj. lawv xav tau ntau dhau zog lawm, ces lawv kuj vwm ib zaug thiab.
    Lawv tau hais tej lus tsis raws li neeg kev paub txuj, lawv cuab tau tshaj zog lawm. Cov lus lawv hais, tsis raws li cov neeg paub txuj, kuj tsis raws li Ntuj cov lus haum kev ncaj ncees.
    Lawv qiv cov Yaj Saub tej lus los cov neeg paub txuj tej lus los hais. Lawv hais tias, yog Ntuj tshoj lawv los hais. Ces lawv cia li dhau mus ua ib tug neeg Vwm yam tsis txaj muag los muaj.
    Lub zim txwv no neeg yuav hnov tej tus neeg hais li no, mus ntau zuj zus lawm. Yav dhau los no, twb muaj qee leej, txiv neej los poj niam hais tias:

    1. ZAJ IB:
    Nws yog Mab Liab uas yog Yes Xus Niam, Yes Xus twb rov yug los dua tshiab lawm. Muaj neeg coob leej tau mus zwm rau lawv hais tias, tus Yes Xus thaud, mas yog Mab Sua tud. Hos tus tshiab no thiaj yog Hmoob tud tiag.
    Pab no lawv lub chaw teev ntuj tsis muaj tsev teev hawm, lawv teev ntuj nyob hauv xov tooj cua, ya nruab ntug mus daws teeb meem kev nyuaj siab ntxhov plawv. thiab kho neeg cov mob nkeeg.
    Lawv suav caij nyoog rau koj, kom mus zwm rau lawv sai sai. yuav tso nyiaj ntau mus tsim Vaj tse nyob rau Ntuj Ceeb tsheej. Leej twg tsis tuaj zwm rau ces, txog lub caij nce hauv toj mus txog Ntuj Ceeb Tsheej, tsis muaj tsev zeb tsev tuas los nrog luag nyob.
    Lawv muaj coob kawg lawm, lawv sib sau nyob puv li ib lub qab ntoo lawm, tsam lig rau koj. Leej twg ntseeg thiab tso siab rau ces yog neeg dawb huv tib si.
    Cov no, yog tej txij nkawm nyob ua ke ib tug ntseeg ib tug tsis ntseeg, mas kawg sib nrauj kom tau taw mus thiaj tsis muaj dab tsis khuam tes taw nyob rov tom qab.

    2.ZAJ OB.
    Tseem muaj ib zaj hais li no ntxiv: Muaj ib tug ntxhais Hmoob yug los nyob Los Kuj teb. Ntuj thaum ub, lus Los Tsuas hais tias, nws yog ib tug Phab Nab Gas ua hauj lwm rau Nyab Laj.
    Cov Hmoob ua neeg thoj nam tsiv mus nyob rau Mis Kuj teb lawd. Muaj ib tug txiv neej Hmoob thoj nam rov mus yuav tau nws tuaj.
    Cov neeg Mis kuj paub tias nws yog ib tug Phab Nab Gas Nyab Laj, ces nws nyob tsis tau Mis Kuj Teb, nws raug rov qab mus. Nws mus nyob rau Vaj Loog Tsua.
    Ib tug Hmoob thoj nam ntawd, ua Yaj saub, nws txawj tshuab qeej. Hu Ntuj los pab. Leej twg siab tsis ncaj, mas nws tshuab qeej xa mus rau tub tuag teb ces cia tuag mus tau.
    Ntuj pab Hmoob lawm,yuav muaj teb chaws nyob ,nws yuav tus poj niam hais no. Tus poj niam no, nws hais tias, nws yog Yes Xus tus muam. Nws cia li poob saum ntuj los rau hauv Vaj Loog Tsua.
    Nkawd sib yuav ua txij nkawm. Nkawd yuav yog Hmoob tus Vaj zeeg tim ob. Kom sawv daws ncuav nyiaj mus pab, Hmoob yuav muaj teb chaws sai sai no mus.
    Tus Saub no, nws txawj ua neeb mus daws Hmoob tej vij kom dawb huv mus. Vaj hmoob thiaj yuav los tau, ua nee txog tog muaj teeb meem ces cia li tso tseg muaj ntab ntws lub moo no ntxiv lawm.

    3. ZAJ PEB.
    Nyob Mus Kuj muaj ib tug poj niam Mis Kuj,lawv tsis tau hais tias yog neeg dab tsi li, nws nyob sab hnub tuaj mus txog sab ntug hiav txwb Pa Xis fiv sab hnub poob.
    Nws mus txog nram ntug hiav txwv nws vwm ces nws hle tiab tsho pov tseg tas. Cov tub ceev xwm pom nws ua li ntawd, lawv hais tias, vim li cas nws ua li no?
    Nws hais tias nws yog ib tug nkauj ntses tawm hauv lub hiav txwv los. Cov tub ceev xwm muab nws ceev cia tau ob peb hnub. nws feeb meej rov los, lawv thiaj paub tias nws nyob rau sab hnub tuaj.
    Ces lawv muab nws xa rov mus rau nws tsev neeg lawm. Kwv tij muaj tej yam coj neeg ua neeg vwm, mus txog tej hais li no!
    Mas zaj lus sau no, tsis yog sau los thuam los ntxub txog ib tug leej tib neeg twg! Tsuas yog sau los ua kev ceev faj rau cov neeg muaj meej mom tswv yim zoo.
    Kom nyias txawj ceev faj rau nyias tus kheej, txhob qaug rau tej yam ua kev vwm li no, los daws teeb meem kev ua txhaum. Tsam muaj chaw raug tau poob hwj chim koob meej mus.
    Kev ua Yaj Saub los ua cov Thawj neeg tsis yog yuav siv tej yam zoo li piav no los daws teeb meem kev txaj muag.
    Qhov tseeb cia ua tseeb qhov cuav cia ua cuav, koj txawm yog neeg muaj txuj los neeg tsis muaj txuj. koj yeej muaj koob meej loj nyob nrog Lub Ntuj lub Teb thiab nrog Leej tib neeg. Mas yog qhov zoo tshaj txhob siv tej kev ruam raum no los daws teb meem rau yus kev txaj muag.
    Cov neeg muaj txuj, cov tsis muaj, cov ruam los cov ntse, nyias muaj nyias lub hwj chim tsim txiaj. Ua neej nyob saum npoo av, loj thiab muaj nuj nqis txhua tus, xib xws.
    Nyias yuav txuag nyias lub hwj chim nrog lub npe zoo uas tau xeeb los ua neeg kom tsim nyog.


    Sacramento. Yaj Zoov Ntxheb Xib Hwb.







    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5481
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th June 2018, 10:04 pm



    HNUB FATHER'DAY XYOO 2018.


    Leej txiv muaj hwj chim thiab tseem ceeb heev, nws kav lub cuab lub yig. Tus poj niam thiab cov tub ki, yuav txaus siab rau lawv Leej Txi.

    Tsim nyog sawv daws yuav qhuas, tus Leej txi no, nws muaj peev xwm tiv thaiv, txhua yam teeb meem, uas yuav los raug lub cuab lub yig.
    Nws muaj peev xwm, mus khwv nyiaj txiag los yug nws tsev neeg, kom muaj noj muaj haus xws teb chaws. Muaj Leej Txi nyob ntawd, lub zej zog thiaj hwm cov niam tub thiab saib taus lawv.
    Leej txiv kuj yuav xyaum ua neeg tsim txiaj, kom zeej tsoom nyiam hwm nws. Cov niam tub mus txog twg los luag thuaj nrog hwm thiab hu.
    Leej Txiv yog tus paub thiab yuav qhia nws cov niam tub kom tsim txiaj. Sawv daws yuav nco tias, Leej Txiv yog tus tiv thaiv tsev neeg, Leej Txiv yog tus muaj zog.
    Leej Txiv nws ntaus yeej tej dab ntxoog dab tsov, Nws txawj tua phom. Leej Txiv nws txawj thov Ntuj pab tej poj niam me nyuam, kom lawv txawj ua siab loj. Pw tsaug zog zoo.
    Lub zej zog muaj noj muaj haus, los luag hwm thiab luag hu txog cov niam tub sawv daws. Lub zej zog luag tsis cem nws tej tub ua neeg plab loj noj ntau.
    Xws li zeej tsoom cem ib tug tub ntsuag tias, niag Ntsuag plab hlob noj ntau. Tus Tub Ntsuag thiab tus Tub muaj ib Leej Txiv, Nkawd ob leeg noj sib npaug xwb. Los luag yeej cem tus Tub Ntsuag ua neeg plab loj, noj ntau.
    Vim nws tsis muaj Leej Txiv lub hwj chim los roos nws. Txhua yam luag thiaj muab liam rau tus Tub Ntsuag ua tus Phem tas nrho.
    Tej phooj ywg txiv neej, tsis nyiam los tej phooj ywg poj niam tseem ntxub ua luaj thiab. Li ntawd mas peb yuav hwm Leej Txiv, nws yeej muaj Meej Mom Hwj Chim tiag.
    Yav thaud Hmoob hais tias, Leej Txiv zoo tam li tus Xwm kab zov vaj zov tsev. kom tej Dab qus txhob los txeem tsev tau.
    Thaum kawg mas peb yuav nco tias peb sawv daws tseem tshuav ib Leej Txiv zoo, yog tus nyob siab. Uas yog Tswv Ntuj, Nws yog sawv daws Leej Txiv Muaj hwj Chim thiab Muaj Tsim tas nrho, saum peb leej txiv no thiab.
    Peb yuav thov Ntuj pab cov Leej Txiv, kom lawv yoog tau li Tswv Ntuj. Txawj hlub txhua tus yog Poj Tub Se. Thiab txawj cob qhia sawv daws ua neeg tsim Txiaj.
    Muaj ib yam uas cov Tub Ki tau ua ntau, rau lawv Leej Txiv! yog tej yam no:
    A. Thaum ib tug tub muaj 5 xyoo mus txog 15 xyoos, mas nws saib nws txiv yog tus muaj zog. thiab ntse tshaj li tej neeg thoob tsib, uas luag hu ua cov Phab Ej xwb. Lawv hwm thiab mloog lus kawg.
    B. Lawv dhau 15 xyoo rov saud lawm, mas lawv saib lawv Leej Txiv no ruam dua lawv lawm. Ces lawv tsis mloog lus, lawv ua neeg tsis tsim txiaj. Lawv nyiam mus haus yeeb haus tshuaj tsab ua neeg ntse twv thiab khav txog yam ub yam no.
    thiab nyiam tsim plaub ntug, rau luag thuam los saib tsis taus. Ua rau leej Txiv los leej niam muaj kev ntxhov siab ntau kawg.
    C.Thaum lawv muaj ze 50 xyoo mus rau li 70 tawm xyoo ntawd. Mas lawv mam xav tias, lawv tsis tau ntse tshaj lawv txiv. tshuav ntau yam uas lawv tsis tau kawm los ntawm lawv txiv los!
    Yav thaud peb Hmoob tsis tau paub tias, muaj lub hnub nyoog hwm Leej txiv no. Mas peb tsis paub txog li, Thaud Tej niam tej txi, lawv muaj hnub nyoog li 20 xyoo xwb, mas luag twb ua luag txiv tsev khov kho lawm.
    Lawv twb muaj peev xwm, ua tau mov txaus noj thawm xyoo los yug lawv tsev neeg. Muaj qee leej twb nce mus ua thawj neeg, nrog tej xeev laus khiav hauj lwm hais plaub ntug tau lawm.
    Cov txawj khwv nyiaj, lawv twb ua tuam los Pav, thawj Toob Xib, mus ua luam muag tsiaj txhu kav txog 5-6 tus txiv neeg thauj Toob Xib lawm.
    Tiam no tej tub ki muaj 20 xyoo nyuam qhuav kam txuj ci tas. Los tseem tshuav qee yam tsis tau thoob tsib txaus. Tseem yoog raws li lawv lub siab luv thiab txawj xam khib rau luag.
    Kwv tij zaj qhuas txog Leej Txiv no, Kuj yog ib me nyuam zaj lus zoo rau peb sawv daws kawm kom tau paub txog thiab.
    Kom peb muaj ib lo lus qhuas txog cov ua Leej txiv, kom lawv tau yeej mob nkeeg, noj hno poob plab haus dej paug cev. Muaj txoj sia nyob ntev niaj ntau xyoo ntxiv.
    Txoj kev hwm Niam hwm Txiv no, Tswv Ntuj yeej qhia ntxov ntxov los. Tau ntau txhiab xyoo los lawm. Hais rau cov tseem yog Tub Ki, tsis tau paub tab txaus.
    Nej sawv daws yuav tau hwm thiab qhuas txog nej Leej Txiv ua neeg muaj tsim tsim nyog hwm lawv rau qhov chaw siab mog.
    Cov ua Tub Ki thiaj tau txoj hmoov zoo, li tej laus tau foom tseg los tias. Kom tau nyob ua luag Txwj zaum ua luag Laus. nyob dawb txoob dawb hau paug no.


    Sacrmento Tim, 17/ 10/ 2017.
    Yaj Zoov Ntxheb X.H.






    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 19th June 2018, 2:59 pm