Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 26th April 2015, 8:48 am



    Zaj 171- TEJ ZAJ TEEV NTUJ NTXIM TSWV NTUJ SIAB.




    Tus Leej Ntshiab Zam, Mab Liab nyiam hais tej zaj teev ntuj raws li zaj no:
    *-Kuv nyiam koj os, kuv tus Huab Tais Tswv Ntuj.
    Qhov kuv ntshaw, yog kom tau nyiam koj tam sim no mus txog lub caij kuv txoj sia tu.
    *-Kuv tus Huab Tais, koj zoo nyiam tas nrho, kuv ntshaw Ntuj ceeb tsheej. Kuv tus Huab Tais, koj pub txoj hmoov kom kuv tau nyiam koj txaus siab nkaus xwb.
    *-Tswv Ntuj kuv tus nplaig hais tsis tau tias, kuv nyiam koj.  Los thov kom kuv lub siab hais tau npaum li xav hais, mus txog thaum kuv tsis muaj txoj pa lawm.
    *-Kuv tus Tswv Ntuj thov kom kuv tau nyiam koj nyob hauv txoj kev txom nyem, txhua lub caij. Thaum kuv yuav sau laus ntawd, koj ua kom kuv txoj kev hlub nrog kev nyiam koj hlob loj tshaj plaws txhua yam uas kuv tau ua hauv kuv lub neej. Ua li.


    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 1st May 2015, 8:27 am



    Zaj 172- TUS HWM NTUJ THIAJ TXAWJ NYIAM NEEG.



    Neeg Yaj Ceeb, tus paub kev hwm Ntuj thiab txawj nyiam Leej Tib Neeg mas nws paub nrhiav kev thoob tsib nqes saum ntuj los coj. Nws thiaj yuav ua tau ib tug qauv zoo rau Tswv Ntuj nyiam, thiab txaus neeg qhuas.
    Nws yuav musj tej yam no coj nyob hauv nws lub neej:
    a. Koj yog ib leej tub, los ib leeg ntxhais. Lub neej tom ntej koj loj tsheej txiv neej yawg, los hlob tiav niam. Koj yua xaiv lub neej tsa cuab tsa yim, mas koj yuav ua twb zoo xaiv tus kom koj nyiam nws. Thaum sib qaws ua txij nkawm lawm kom koj hlub taus nws mus kav laus. Tsis hais tus tub los tus ntxhais li, Ob leeg yuav coj tib tug cuj pwm yam ntxwv sib xws.
    b. Kom nyob nyob, koj pom lwm tus tub los luag ib leej txiv. Los pom ib tug ntxhais, los luag ib leeg nyab, zoo xis koj siab. Koj txhob ntshaw thiab nrhiav kev mus ntsib nws, kom tau tham thiab nyiag nws nplooj siab los ua si los si coj los yuav.
    Qhov nyiag luag nplooj siab no yeej muaj nyob zais ntshis ntawm leej neeg nruab siab...
    c.Thaum muaj tej yam no los paug rau koj nruab siab lawm,cov muaj cuab yim mas kawg yuav rov los hwm koj tus txij nkawm kom nws roos koj tus ntsu duab ntsuj plig thiaj yeej tau. Hos cov tseem yog nkauj xwb nraug xwb mas yuav nyob hauv txoj kev teev ntuj ntau tas zog thiaj muaj Ntuj txiaj ntsim pab tiv thaiv tau.
    Yog tus txiv neej ntshaw raug luag poj luag sev lawm, luag tus ntsuj duab nyob nraim hauv koj lub zeem muag lawm, mas tus koj nyiag nyiam ntawd hnav ib ce tsoos tsho zoo nkauj thiab phim nws lub cev txiaj zam zoo. Koj mus yuav kiag ib ce zoo li ntawd los rau koj tus txij nkawm hnav kom koj lub zeem muag tig rov lis nyob rau koj tus txij nkawm roos kom tau koj. Yog raug rau tus poj niam lawm mas, nws kuj yuav tig rov los hwm thiab hlub tus txiv meej lub meej mom hwj chim kom tsim nyog thiab zoo li zoo tau, thiaj daws tau tej teeb meem no tawm ploj mus.
    Qhov kawg koj yuav cog lus tias koj muaj koj lub siab los cog kiag rau koj tus txij nkawm tuag nthi. Koj hais qhia Ntuj paub xwb los twb zoo lawm. Ces koj txiav siab txhob nco txog tus koj pheej nyiam ntawd lawm.
    d. Tsis hais txog saum tus txiv neej los poj niam. Yog koj pom luag tej txij nkawm txawj sib hais lus zoo, ua rau koj ntshaw. Koj kawm kiag kom tau ces koj coj mus xyaum hais rau koj tus txij nkawm. Koj yuav ua twb zoo hais kom tsim nyog li kev hlub thiab kev hwm. Qaum Ntuj thiaj pub txiaj ntsim los pab koj hloov mus phim kev thoob tsib. Kom koj muaj zog yeej tau zaj lus dab phem xav ntxias thiab coj koj mus mag ntxiab ntawd.
    e. Ceev faj kawg nkaus mog, Kev nyiam muaj zog heev. Nyob hauv kev nyiam Koj yuav hwm Ntuj, thov Ntuj pab koj. Koj muab tas nrho koj nplooj siab los cog kiag rau koj tus uas nws yog koj txij nkawm ntawd, Ntuj yuav pub Ntuj tej txiaj ntsim nqes saum ntuj los pab ces koj thiaj tsis swb rau kev ntxias. Ces koj tsis swb rau leej twg li, Hmoob yeej hais kam tej lo lus li no:
    Tus neeg tsis muaj zog, ces nws xub swb lus ua ntej ces nws mam tau swb lub cev nrog thiab. Lo lus no qhov tseeb yog 50% xwb. Vim nws raug tus muaj zog yuam lawm. Tej lus no, hom poob mus rau saum cov poj niam.


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 6th May 2015, 9:25 am



    Zaj 173- ZAM 14: 6



    Lo lus uas Yes Xus hais tias:

    Kuv yog txoj kev, qhov tseeb, thiab txoj sia.Tsis muaj ib tug twg yuav mus tau rau ntawm Leej Txiv. Yog tsis taug ntawm kuv mus!
    *- Yuav taug raws li cov qib lus uas Tswv Ntuj tau xub qhia rau cov pog koob yawg koob, thiab cov Yaj Saub. Nrog Yes Xus tej lo lus qhia thiab muaj lo puav uas yog Leej Tswv Yim Ntshiab qhia tom qab ntxiv rau tej tus neeg:
    1- Tus yuav raws kuv qab,mas nws yuav txhob nco txog nws tus kheej.
    2-Tus yuav lawv kuv qab, mas nws yuav kwv nws tus ntoo cuam raws kuv.
    3- Tus uas nws nyiam kuv mas nws yuav ua nws txoj sia ploj mus.
    4- Tus nyiam Tswv Ntuj, mas nws yuav txhob ntshaw ntiaj teb lub cuab tam.
    5-Tus uas nws tsob hwb Tswv Ntuj, mas nws yuav txhob ntshaw nyiaj txiag.
    6- Tus xav mloog kuv lus mas, nws yuav nyiam tsoom txheb ze. Ib yam li nws rov nyiam nws.
    7-Tus nws nyiam Leej Txiv, mas nws yuav coj Tswv Ntuj Yas Ves 10 lo lus qhia uas nws kom Mais Xes sau saum lub Roob Hos Les los.
    8- Tus nyiam Tswv Ntuj, nws yuav txhob mus teev lwm tus Dab.
    9- Tus uas nyiam Leej Pleev tiag, mas nws yuav nyiam Tsoom txheeb ze ib yam li nws rov nyiam nws.
    10- Tus nyiam mloog Leej Pleev, mas nws yuav txawj zam rau luag.
    11- Tus xav raws Yes Xus qab, nws yuav txais Lub Koom Txoos 7 lub cim pub txiaj ntsim.
    12- Tus xav nrog Leej Pleev mus txog Ntuj Ceeb Tsheej, nws yuav txhob muaj tus ntsuj plig dag.
    13-Tus xav pom Leej Txiv, nws txhais tes yuav txhob npaj muab luag roj ntsha hliv.
    14-Tus uas nws ntshaw Ntuj Ceeb tsheej, nws yuav txhob nyiam kev muab hlob ua neeg khav theeb.
    15- Yog koj nyiam Tswv Ntuj tiag, mas tswj koj txhais tes los txhais taw kom txhob maj nroos mus ua kev txhaum.
    16- Yog Koj hlub Yes Xus tiag, mas koj txhob nyiam mus ua tim khawv cuav.
    17-Yog koj xav ua Ntuj ib tug me nyuam, mas koj txhob nyiam txheem plaub ntug.
    18- Yog koj xav kom Ntuj nyiam koj,mas koj txhob cob kom luag ua plaub ua ntug.
    19-.Yog koj tso siab tias Yes Xus yeej hlub koj, mas koj yuav, txhob npaj rawv kom tau mus ua kev txhaum. th...
    Txoj ncauj ke uas taug ntawm Yes Xus mus, yuav tau hla cov qib lus no tib si....


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 15th May 2015, 5:56 am

    Zaj 174-COV NTAWV NTSHIAB COG LUS QUB YOG TSWV NTUJ TEJ KEV THAJ YEEB KEV NCAJ NCEES LOS SIB NRES.



    *-Cov ntawv no zoo muab los nyeem thiab txais Ntuj lus:
    Zoo li thaum yus xav nrog Tswv Ntuj tham ib leeg ua ke xwb mas yus siv ntawv Ntshiab cog lus qub thiab cog lus tshiab no los nrog Tswv Ntuj sib txuas lus mas yog tej yam zoo.Thaum koj ua li no mas tsis yog koj tib leeg xwb. Muaj ib co neeg siab ntshiab uas lawv xub paub Tswv Ntuj los ua ntej lawm, lawv nrog koj nyob, ces koj txawj tham nrog Tswv Ntuj.
    Zoo li zaj ntawv nthiab cog lus qub ua Mais Xes Nrog Tswv Ntuj tham nyob hauv nkauj paj nruag 55,56 ntawd hais tias:
    Tswv Ntuj thov koj kev thaj yeeb, kev ncaj ncees, thiab kev tseeb los sib ntsib sib qaws nyob ntiaj teb. Kom lub sim ceeb no rov zoo nkauj cuag li thaum koj nyuam qhuav tsis tau tshiab tshiab thawj hnub ntawd.
    Huab Tais siab zoo thiab txawj zam neeg cov txhaum. Koj ua kom kuv yog koj tus tub txib siab kaj tuaj. Vim kuv ua neeg ruam dhau lawm. Koj ua siab ntev mloog kuv mog. Koj teb kuv cov lus thaum kuv nyob hauv txoj kev txom nyem. Huab Tais kuv xav kom tas nrho tsoom kuj cuab tuaj pe thiab cav txog koj lub koob meej uas yog Tswv Ntuj.
    Kom tas lub qab ntuj neeg mus raws nraim koj txoj kev tseem ceeb. Kuv ua koj tsaug, Kuv yuav cav txog koj lub koob meej mus ib txhiab ib txhis. Vim koj tau hlub kuv loj tas nrho. Koj tsis npau taws rau kuv thiab lwm tus neeg tuaj ua neej nyob ntiaj teb no.
    Tswv Ntuj koj tau ua kom ib tug neeg tawm ntawm Has Nplas los. Tas zeej tsoom neeg nyob ntiaj teb no nrog Tswv Ntuj saib nws zoo. Tas tsoom neeg nyob ntiaj teb no nrog Tswv Ntuj nyiam nws. Tas tsoom sid tuav txog nws lub npe, leej twg kuj cav txog nws. Vim Tswv Ntuj tau pub ib lub hwj chim loj cuag li tsoom tshiab nyob saum ntuj rau nws. Yog Mais Xes.
    Cov lus ua Tswv Ntuj pub rau Mais Xes txawj ua kom lwm tus neeg muaj hwj huam uas tsis yog nqes saum ntuj los txawj yaj mus.
    Tswv Ntuj koj tau ua kom Mais Xes muaj koob meej dua cov xub ua vaj thaum ub. Tsuas yog Mais Xes thiaj tau hnov Tswv Ntuj lub suav thiab lub hwj Huam, nyob hauv cov huab tsaus ntuj nti ntawd.
    Neeg ntiaj teb tsa tej tus Vaj, los cov mlom uas lawv muab nyiaj thiab kub ncuav los ua lawv tus Huab Tais mas ntseeg tsis tau. Vim tsis muaj ib lub hwj chim nqes saum ntuj los nyob hauv li. Thiab tsis yog Tswv Ntuj muaj txoj sia. Hu tsis tau ua Huab Tais. Tej yam ntawd tawm ntawm neeg txhais tes los xwb mas muab piv tsis tau, rau neeg cov poj nyawm txwv koob, cov mloom neeg tsa no me kawgb tiag li.
    Cov duab thiab cov cim nyob hauv cov ntawv ntshiab kuj tsis yog Huab Tais. Cov no yog ib co cim los ib co duab zoo li ib co ntawv sau cim ub cim no tseg xwb. Peb hwm los peb coj zoo li tej phau ntawv qhia txuj tshaj lus tawm tias kom yus tau nco tseg li nco ib co lus nyob hauv ntawv kom meej thiab tseeb, uas txhob hais thiab ua yuam kev. Ntawm cov duab ntawd tsuas yog kev coj siab xwb. Koj ceev nrog koj, koj hwm tsis ua cas li. Vim hwm daim duab txawv li teev daim duab, los teev cov mlom. Tsuas yog ib txoj kev nco txog ib lub txiaj ntsim nqes saum ntuj los kom yus nco tau xwb. Txhob ntseeg tias nws hloov tau Tswv Ntuj.

    Yaj Zoov Ntxheb.X.H.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th May 2015, 8:20 am



    Zaj 175- KEV UA TXIJ NKAWM.




    Hais txog lub neej nyob muaj txig muaj nkawm, sib hlub kom mus kawg ntsis, mas yuav nco ntsoov them yus tus nqi tshoob!
    Haiv Hmoob tej niam tej txi, thaum lawv muab nyab los qua ntxhais, kom tau muab tej tub ntxhais los sib txis ua txij ua nkawm. Mas lawv tau sau ib co nyiaj, cov nyiaj ntawd Hmoob hu ua nyiaj sim tshoob los nqi tu iab tu khwv. Los hu ua nqi mis nqi hno no.
    Muaj tseeb li ntawd. Tab sis cov nyiaj no tsis yog tus nqi tshoob.
    Nws poob los ua niam txiv tus nqi mis los tu iab tu khwv. Los deev niam txiv siab kom tshoob kos mus taus xwb.
    Nws tsis yog tus nqi tshoob tiag. Yog muaj tus nqi tshoob li Hmoob hais mas tus nraug vauv yeej them tsis taus li. Vim tus nqi tshoob mas yog ntau vam txiab nyiaj lawm. Hmoob rov tsis paub lus Hmoob ces Hmoob tau hu ua nqi tshoob no xwb.
    a. Tus nqi tshoob tiag,mas Nraug Vauv yuav them nws tus nqi tshoob rau Nkauj Nyab. Hos Nkauj Nyab los nws kuj yuav them nws tus nqi Kos rau Nraug Vauv mas thiaj yog!
    Tus ua Nkauj Nyab thiab Nraug Vauv mas nws yuav them nws tus nqi tshoob, nqi kos no mus tas ib sim neej!
    Tus Nraug Vauv pom nws tus Nkauj Nyab muaj peev xwm nquag txawj ua mov noj txawj txais dab txais qhua zoo, mas Nraug Vauv yuav Nrhiav keb thoob tsib los cav thiab qhuas txog nws tus nkauj Nyab tes mos tes nquag txawj tooj xov ntos ntaub no kom tsim nyog.
    Tus Nyab los thaum nws pom nws tus Vauv muaj peev xwm ua neeg thoob tsib hais lus los coj tau lub zej zog mus haum kev ncaj ncees. Nws yuav qhuas thiab cav txog tias; luag txawj ua tej yam zoo, hos koj tseem ua zoo tshaj luag tej lawm ntau thiab hais lo lus hwm thiab qhuas kom tsim nyog no, los ua tus nqis tshoob them rau yus tus txiv.
    Nkauj Nyab thiab Nraug Vauv, koj them rau kuv, hos kuv them rau koj li no niaj hnub mus tas wb ib sim neej thiaj yog them tus nqi tshoob li hais no ntag.
    b. Nco ntsoov Tus vauv pom tus Nyab ua tsawg yam zoo, mas tsim nyog yuav qhuas thiab cav lus zoo txog nws.
    Tus Nyab los tib yam, pom yus tus vauv muaj peev xwm. Hais lus ua neeg thoob tsib ces hais lus zoo thiab cav txog nws. Tsis yog tos kom nws tau ua tej yam loj mam li qhuas xwb. Tej hauj lwm tu vaj tse ua mov no tu tub ki no xwb los yeej yog hauj lwm tseem ceeb tas nrho tib si lawm mog.
    c. Yog ob tug txij nkawm neb sib them nqi tshoob nqi kos li no xwb ces, Kev muaj mob nkeeg,tej txiab xeeb yuav tsis los paug neb lub vaj lub tsev li. Neb yuav muaj hmoo zej zog yuav vam txog neb los ua zej zog niam zej zog txiv neb yuav zaum luag hauv rooj, noj luag hauv qav, hais luag hauv lus. Ntuj niam Ntuj Txi yuav foom koob hmoov rau neb ua Nkauj Hnub thiab Nraug hli mus nruab nrab ntug coj Haiv Hmoob kev mus ib ncua kev lawm mog.
    Ces Neb yuav txawj cob kom luag me tub me nyuam txhob mus qee luag nyiaj nyob nruab hub los tuaj nruab xab. Ces zej zog yuav tsis muaj kev sib ntxub, thiaj nyob koom tau ua ib pab no.

    Yaj Zoov NtxhebXib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd June 2015, 9:33 am



    Zaj 176- THAWJ TUS KOJ YUAV XUB QHUAS.



    Thawj tug ntawd yog leej twg?
    Thawj tug ntawd yog, Tswv Ntuj, tus ob yog koj leej niam thiab leej txiv. Tus peb ces koj yuav qhuas koj tus kheej. Pab kawg koj yuav qhuas txog koj cuab kwv tij thiab tsoom txheeb ze. Tsoom txheeb ze mas coob thiab dav heev.  Qaum Ntuj Nws suav tas nrho tej Mab Sua tib si nyob hauv, Tsuav yog tus koj hais lus ces lawv paub, thiab lawv hais lus los koj mloog tau, ces yog tsoom txheeb ze huv si. Koj tsis paub lus. Los muaj ib tsos koj yeej paub tau lawm, Yog kev tu siab thiab kev zoo siab.
    1. Vim li cas thiaj yuav qhuas txog Vaj Tswv Ntuj:
    Vim li cas? Vim tias Tswv Ntuj siab zoo tas nrho,  Nyob ntiaj teb no thiab nyob saum ntuj tas qhov txhia chaw, tsis muaj leej twg yuav txawj xav thiab txawj hlub, thiab txawj tsim kom muaj txhua yam li no.
    Yog tias xeeb tau koj tib leeg los ua neeg twm zeej xwb, tsis muaj neeg, tshai koj yuav mus zeem tsiaj txhu ua koj txheeb ze los lawv tsis txawj nrog koj tham lus.  Koj mus zeem tej nroj tsuag xyoob ntoo uas lawv tawg paj zoo nkauj pawg lug ntawd los lawv tsis txawj tshais chaw nyob li thiab. Koj ua zaj twg los yuav tsis muaj chaw ntxim siab.
    2. Qhuas txog koj niam thiab koj txiv, lawv yog tus xub pom, xub paub Tswv Ntuj ua ntej. Lawv muaj kev hwm Ntuj thiab xub paub qhuas Tswv Ntuj ua ntej los lawm. Niam txiv muaj kev hlub tuaj ntawm Tswv Ntuj tuaj, lawv thiaj txaus siab xeeb koj los ua neeg. Kom lawv caj hlav ces ncau tsis tu ncua mus. Thiaj tau xeeb muaj neeg nyob thoob lub ntiaj teb no.
    Yam koj yuav txaus siab qhua, vim Koj tus ntsuj plig thiab ntsuj ce yog Ntuj tsim los.  Hos koj tus ntsuj rog ntsuj ntsha{ ntsuj roj, ntsuj ntshav} ntawd yog niam txiv muab los rau koj.
    Cov ntsuj qaib ntsuj noog. Ntsuj xyoob ntsuj ntoo, thiab 32 tug ntsuj yog ntsuj tsiag ntsuj txhu, Yog tas nrho cov txhiam xws uas koj noj ntawd. Hu li ntawd xwb.
    3. Koj yuav qhuas txog koj tus kheej, Koj muaj hmoo, los koj hmoov zoo. Vaj Tswv Ntuj qhia kom koj xeeb los ua neeg muaj zoo niam zoo txiv muaj txoj kev paub Tus Vaj Tswv Ntuj. Koj tsis tau xeeb los ua tsiaj txhu, los xeeb ua nroj tsuag xyoob ntoo.
    Koj yuav saib koj ua neeg yam muaj nuj nqes loj thiab siab dua txhua yam. Kom koj txhob coj lub siab li tsiaj txhu, hais tsis haum ces sib tog sib tua li tsiaj xwb. Koj thiaj yog Ntuj ib lub txiaj ntsim muaj nuj nqes nyob ntiaj teb no. Los pub rau Tswv Ntuj thiab leej niam Leej txiv lub chaw zoo siab. muaj nqis rau Tsoom Txheeb ze, nyob ua lawv luag tau lub chaw vam khom.
    4. Qhuas txog koj cuab kwv tij, thiab tsoom txheeb ze. Qib lus no dav thiab coob heev. Luag suav saum koj cuab kwv tij, haiv neeg lub xeem nrog rau Mab Sua tawv daj, dawb dub txhua nrho. Tus koj hais lus luag paub thiab luag hais lus koj to taub tib si los.
    Nyiam no muaj cov uas lawv yog Mab Sua los kiav xeem ua Hmoob lawm los Hmoob ho mus kiav xeem ua Mab Sua los muaj tib si lawm thiab. Co hu ua thawj thiab yog cov coob tsis hais sab twg li. Yog cov tub ntxhais mus sib qaws ua neej. Koj mus ua Hmoob los Hmoob mus ua Mab Sua li Lawv muaj txoj hmoo zoo los li cas. Lawv cia li mus thawj thiab tau lawm.
    5. Txhua yam hais los saum no, mas yog neeg muaj hmoo los neeg hmoov zoo. Tsuav yog neeg xwb mas Ntuj saib yog Ntuj cov Txiaj ntsim muaj nuj nqes tas nrho, saum txhua haiv neeg.
    Txhua Haib neeg yog Tswv Ntuj lub cuab tam. Los yog Vaj Tswv Ntuj Nws lub cuab yim neeg.
    Neeg muaj nqes kawg, neeg ua tswv Ntuj lub cuab lub yim neeg, tus muaj peev xwm nws ua Ntuj ncauj lus. Los Ntuj tev taw. Tus yuav nyob theem twg los muaj:
    Cov xwb tim nyob ua Vaj Tswb Ntuj lub meej mom Kom Tswv Ntuj nyob muaj hwj chim lug thiab Tswv Ntuj thoob tsib to nrog los muaj. Hos  cov nyob ua Tswv Ntuj qhov ntsej qhov muag pom yam tsis zoo hnov yam tsis tsim nyog los tau nrog qhuab qhia kom zoo tuaj los muaj. Cov nws nyob rau qhov ua hauj lwm pab tej neeg txom nyem los muaj txiab mob nkeeg los muaj, cov txawj nplij tej neeg tu siab kho siab, pab kom ua siab loj los muaj.
    Qhov kawg koj yuav txhob xav tias koj tsis tsim txiaj thiab tsis muaj nuj nqes. Koj nyob theem twg qhov twg los koj muaj zog muaj chaw zoo rau Vaj Tswv Ntuj siv koj ua Nws lub cuab lub yim neeg, Tab yog koj zoo li lub pob zeb, xwb los twb ua rau Tswv Ntuj Tshais taw siab, kom txhob dawm Nws tus ntiv taw ces twb zoo lawm thiab.
    Ua li mas tsis hais tus muaj zoo meej mom los muaj zoo lub cev ntaj ntsug. Hu ua leej tib neeg lawm mas Koj tsis qhuas Vaj Tswv Ntuj,los Vaj Tswv Ntuj yeej qhuas koj lawm, vim tias Nws muaj ib tug zoo neeg li koj,niam txiv tau muab ib lub npe hu li no rau,  Ntuj thiaj pov hwm kom koj muaj txoj sia ua neej nyob hauv lub sim ceeb no.

    Yaj Zoov Ntxhe. Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 15th June 2015, 8:26 am



    Zaj 177- THAWJ TUS KOJ YUAV XUB QHUAS.



    Thawj tug ntawd yog leej twg?
    Thawj tug ntawd yog, Tswv Ntuj, tus ob yog koj leej niam thiab leej txiv. Tus peb ces koj yuav qhuas koj tus kheej. Pab kawg koj yuav qhuas txog koj cuab kwv tij thiab tsoom txheeb ze. Tsoom txheeb ze mas coob thiab dav heev.  Qaum Ntuj Nws suav tas nrho tej Mab Sua tib si nyob hauv, Tsuav yog tus koj hais lus ces lawv paub, thiab lawv hais lus los koj mloog tau, ces yog tsoom txheeb ze huv si. Koj tsis paub lus. Los muaj ib tsos koj yeej paub tau lawm, Yog kev tu siab thiab kev zoo siab.

    1. Vim li cas thiaj yuav qhuas txog Vaj Tswv Ntuj:
    Vim li cas? Vim tias Tswv Ntuj siab zoo tas nrho,  Nyob ntiaj teb no thiab nyob saum ntuj tas qhov txhia chaw, tsis muaj leej twg yuav txawj xav thiab txawj hlub, thiab txawj tsim kom muaj txhua yam li no.
    Yog tias xeeb tau koj tib leeg los ua neeg twm zeej xwb, tsis muaj neeg, tshai koj yuav mus zeem tsiaj txhu ua koj txheeb ze los lawv tsis txawj nrog koj tham lus.  Koj mus zeem tej nroj tsuag xyoob ntoo uas lawv tawg paj zoo nkauj pawg lug ntawd los lawv tsis txawj tshais chaw nyob li thiab. Koj ua zaj twg los yuav tsis muaj chaw ntxim siab.

    2. Qhuas txog koj niam thiab koj txiv, lawv yog tus xub pom, xub paub Tswv Ntuj ua ntej. Lawv muaj kev hwm Ntuj thiab xub paub qhuas Tswv Ntuj ua ntej los lawm. Niam txiv muaj kev hlub tuaj ntawm Tswv Ntuj tuaj, lawv thiaj txaus siab xeeb koj los ua neeg. Kom lawv caj hlav ces ncau tsis tu ncua mus. Thiaj tau xeeb muaj neeg nyob thoob lub ntiaj teb no.
    Yam koj yuav txaus siab qhua, vim Koj tus ntsuj plig thiab ntsuj ce yog Ntuj tsim los.  Hos koj tus ntsuj rog ntsuj ntsha{ ntsuj roj, ntsuj ntshav} ntawd yog niam txiv muab los rau koj.
    Cov ntsuj qaib ntsuj noog. Ntsuj xyoob ntsuj ntoo, thiab 32 tug ntsuj yog ntsuj tsiag ntsuj txhu, Yog tas nrho cov txhiam xws uas koj noj ntawd. Hu li ntawd xwb.

    3. Koj yuav qhuas txog koj tus kheej, Koj muaj hmoo, los koj hmoov zoo. Vaj Tswv Ntuj qhia kom koj xeeb los ua neeg muaj zoo niam zoo txiv muaj txoj kev paub Tus Vaj Tswv Ntuj. Koj tsis tau xeeb los ua tsiaj txhu, los xeeb ua nroj tsuag xyoob ntoo.
    Koj yuav saib koj ua neeg yam muaj nuj nqes loj thiab siab dua txhua yam. Kom koj txhob coj lub siab li tsiaj txhu, hais tsis haum ces sib tog sib tua li tsiaj xwb. Koj thiaj yog Ntuj ib lub txiaj ntsim muaj nuj nqes nyob ntiaj teb no. Los pub rau Tswv Ntuj thiab leej niam Leej txiv lub chaw zoo siab. muaj nqis rau Tsoom Txheeb ze, nyob ua lawv luag tau lub chaw vam khom.

    4. Qhuas txog koj cuab kwv tij, thiab tsoom txheeb ze. Qib lus no dav thiab coob heev. Luag suav saum koj cuab kwv tij, haiv neeg lub xeem nrog rau Mab Sua tawv daj, dawb dub txhua nrho. Tus koj hais lus luag paub thiab luag hais lus koj to taub tib si los.
    Nyiam no muaj cov uas lawv yog Mab Sua los kiav xeem ua Hmoob lawm los Hmoob ho mus kiav xeem ua Mab Sua los muaj tib si lawm thiab. Co hu ua thawj thiab yog cov coob tsis hais sab twg li. Yog cov tub ntxhais mus sib qaws ua neej. Koj mus ua Hmoob los Hmoob mus ua Mab Sua li Lawv muaj txoj hmoo zoo los li cas. Lawv cia li mus thawj thiab tau lawm.

    5. Txhua yam hais los saum no, mas yog neeg muaj hmoo los neeg hmoov zoo. Tsuav yog neeg xwb mas Ntuj saib yog Ntuj cov Txiaj ntsim muaj nuj nqes tas nrho, saum txhua haiv neeg.
    Txhua Haib neeg yog Tswv Ntuj lub cuab tam. Los yog Vaj Tswv Ntuj Nws lub cuab yim neeg.
    Neeg muaj nqes kawg, neeg ua tswv Ntuj lub cuab lub yim neeg, tus muaj peev xwm nws ua Ntuj ncauj lus. Los Ntuj tev taw. Tus yuav nyob theem twg los muaj.
    Cov xwb tim nyob ua Vaj Tswb Ntuj lub meej mom Kom Tswv Ntuj nyob muaj hwj chim lug thiab Tswv Ntuj thoob tsib to nrog los muaj. Hos  cov nyob ua Tswv Ntuj qhov ntsej qhov muag pom yam tsis zoo hnov yam tsis tsim nyog los tau nrog qhuab qhia kom zoo tuaj los muaj. Cov nws nyob rau qhov ua hauj lwm pab tej neeg txom nyem los muaj txiab mob nkeeg los muaj, cov txawj nplij tej neeg tu siab kho siab, pab kom ua siab loj los muaj.
    Qhov kawg koj yuav txhob xav tias koj tsis tsim txiaj thiab tsis muaj nuj nqes. Koj nyob theem twg qhov twg los koj muaj zog muaj chaw zoo rau Vaj Tswv Ntuj siv koj ua Nws lub cuab lub yim neeg, Tab yog koj zoo li lub pob zeb, xwb los twb ua rau Tswv Ntuj Tshais taw siab, kom txhob dawm Nws tus ntiv taw ces twb zoo lawm thiab.
    Ua li mas tsis hais tus muaj zoo meej mom los muaj zoo lub cev ntaj ntsug. Hu ua leej tib neeg lawm mas Koj tsis qhuas Vaj Tswv Ntuj,los Vaj Tswv Ntuj yeej qhuas koj lawm, vim tias Nws muaj ib tug zoo neeg li koj,niam txiv tau muab ib lub npe hu li no rau,  Ntuj thiaj pov hwm kom koj muaj txoj sia ua neej nyob hauv lub sim ceeb no.


    Yaj Zoov Ntxhe. Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 17th June 2015, 9:30 am



    Zaj 178- TUS UAS LEEJ LO LUS XA TUAJ QHIA QHOV TSEEB.



    Lo lus uas Yes Xus tau hais tias,Kuv yuav xa dua ib tug tuaj nrog nej nyob tus ntawd yuav nplij nej, ces yog Leej Ntuj Plig uas Nws yuav qhia txhua yam rau neeg ntiaj teb no.
    Hnub uas kuv nthuav txog Leej Ntuj Plig nqes los Nwskev thoob tsib kuv tsis tau hais kom ntxaws me ntsis muab cov lus no ntxiv nyob hauv kom muaj coob leej to taub txog qhov tseeb uas Leej Lo Lus xa tuaj nrog peb nyob.
    ->Lub caij uas Leej Ntuj Plig nqes los rau saum cov Hauv Paus Xa Lus ntawd. Tas Zeej tsoom neeg tuaj ntawd tau hnov Yes Xus cov Thwj Tim, uas yog cov neeg Nkas Lis Lais, hais tej xeem lus tshiab raws li Leej Ntuj PLig qhia rau lawv hais,los cav txog Tswv Ntuj cov Hwj Huam loj uas Tswv Ntuj Lo Lus tau ua rau lub ntiaj teb neeg paub.
    ->Lo lus tseeb, mas Leej Ntuj Plig yeej tau ua hwj huam, kom Tsoom neeg tuaj mloog cov hauv Paus xa lus ntawd , mas yog Leej Ntuj Plig muab xeem lus ntawm cov neeg Nkas Lis Lais hais, tig los ua tsoom tsoom neeg tuaj nyob ntawd, Lawv xeem lus. Kom tau hnov lawv xeem lus los cav txog Tswv Ntuj cov hwj Huam qhov tseem ceeb.
    ->Yeej tseeb lawm tiag, yog Leej Tswv Yim Ntshiab ua cov hwj huam ntawd. Ces lawv pob ntseg thiab qhov muag, cia li hnov los pom xyeem tau. Tuaj ntawm sab ntsuj plig tuaj. Cov uas lawv tau hnov muab lawv xeem lus los cav txog Tswv Ntuj cov Hwj Huam ntawd. Yog Leej Ntuj Plig yeej txaus siab ua hwj Huam kom lawv pom tau thiab hnov.
    -> Cov neeg uas Ntuj xaiv mas lawv txawj pom thiab hnov tau tuaj ntawm sab ntsuj plig ncaj qha tuaj rau lawv pob ntseg, thiab qhov muag pom. Cov neeg siab ncaj uas Tswv Ntuj tau xaiv lawv mas, tab yog lawv tsis hnov los tsuav yog lawv tau pom ntawm qhov muag, mas lawv cia li to taub li uas yog hnov tiag lawm. Xeem lus lawv hnov ntawd cia li txawj cob qhia tuaj rau neeg nruab siab.
    ->Cov uas Leej Ntuj Plig pub kom lawv txawj hais ntau xeem lus, los txawj ua yam ub yam no. Mas muaj tseeb kawg. Lo lus ntawd Hmoob yeej ib txwm hais los lawm thiab.
    -> Yam li, Muaj tej tus neeg hais lus mas yeej txaus ntseeg li tiag. Vin nws cov lus muaj Ntuj hwj huam los Ntuj zaj txuj ci nyob hauv. Nws cov lus muaj txiaj ntsim koob hmoov, leej twg khaws coj thiab ua cia li yog neeg zoo, thiab muaj hmoo tuaj lawm.
    ->Muaj tej tus neeg tsis tau kawm ua kws tshuaj li. Nws kov thiab plhws neeg mob xwb, nqaij cia li zoo, txhav los cia li khov kho tuaj li lawm thiab cuag li nws qhov muag txawj pom kev nyob sab nruab yeeb tuaj li.
    ->Muaj tej tus neeg hais lus xwb luag hnov, ces neeg siab cia li kaj hlo tuaj, teeb meem muab daws tas cuag li hliv dej ntxuav taw lo av nkos.
    ->Tej tus neeg hais lus qhuab qhia, mas tsim txiaj tas nrho li. Leej twg hnov xwb khaws coj mus ua neej, cuag li muaj hmoo kawg cia li ua lub neej zoo, vam meej sai thiab nrawm kawg nkaus li.
    -> Ua li mas yeej muaj tseeb yog dab tsi los xij, tsuav yog nqes los tuaj sauj ntuj los, mas Yeej yog Qaum Ntuj li Koob Hmoov yeej zoo xwb li. Saib hnub ua Leej Ntuj Plig nqes los ntawd xwb, tib hnub no muaj 3000 leej ntseeg txog Yes Xus lub Moo Zoo thiab thov txais lub Cim Ntxuav, nyob hauv Tswv Ntuj lub npe.
    ->Lub Koom Txoos Ka Tau Liv cia li txhim hnub ntawd los txog niaj hnub no thiab ua neej nyob nrog Leej Ntuj PLig thoob plaws lub qab Ntuj no. Yes Xus hu Nws cov Thwj Tim tas thiab coj lawv nrog nraim Yes Xus peb lub xyoo, thaum Yes Xus tshaj lub Moo Zoo,yuav tiav. Thaum ze lub caij Yes Xus yuav txais kev txom nyem kom tau ua tus nqi txhiv neeg ntiaj teb ntawm kev ua txhaum los nyob kom muaj txoj sia ntawd.
    -> Yes Xus cov thwj Tim muaj 12 leeg, twb muaj ib tug muab Yes Xus muag 30 lub txiaj nyiag rau cov Thawj Leej Choj thiab cov Fas Lis Xais. Hos twb muaj ib tug thaum Yes Xus raug kev txom nyem nws twb tsis kam lees paub Yes Xus peb zaug diam.
    ->Nyem no twb Muaj Leej Ntuj Plig yog tus tuaj tsa tsev nyob hauv neeg nruab siab lawm. Peb yuav tso siab lug, yog peb pom los hnov tej yam tsis raug ntsej raug muag los ntawm tej tus neeg ntseeg, xws li cov Xib Hwb los tej tus leej Choj. Peb tsis txhob poob siab rau lawv li, tias ntshai kuv yuav rov thim Ntuj mus ua lwm yam.
    -> Yam uas peb thim los xav li ntawd yog ib zaj tswv Yim tuaj ntawm dab phem kev haub ntxias tuaj xwb. Nco ntsoov tias Tswv Ntuj lo lus yog tseeb lawm.

    Yaj Zoov NTxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 24th June 2015, 9:25 am



    Zaj 179- PIAV TXOG NEEG MUAJ PEEV XWM.


    Hais txog neeg musj peev xwm, mas kuv pom txheej laus xyoo 1000- los rau 1999 ntawd lawv muaj peev xwm dua txheej neeg 2000 tom qab no. Hu ua kev kawm mas lawv tsis muaj peev xwm. Tab sis lawv muaj peev xwm tiv thaiv lawv tsev neeg thiab coj kev sib haum xeeb dua.
    Txheej neeg yug los xyoo 1970 ntawd xwb mas nws twb pib tsis muaj peev xwm los lawm.
    Txheej thaud, ib tug tub muaj nyab tas 20 mus rau 30 xyoo, mas nws twb sawv los hloov tau niam txiv cev nres lub cuab yim lawm.
    Cov hauj lwm uas cov tub ua ntawd:
    Tus tub noj xwm,Lawv sawv los tuav lub cub yim, sab kev kev noj haus, kom muaj noj muaj haus hauv yim neeg kom muaj noj muaj haus mus txwm xyoo. Thiab tseem saib, sab ncauj lus kom haum xeeb nrog zej zog teb chaws.
    Cov hluas li ntawd, lawv pib nrog cov neeg ua txwj laus khiav hauj lwm rau luag txib mus xa xov rau cov zej zog ib ncig ntawd. Los muaj hauj lwm txib mus rau qab zej hauv zos. Ceeb toom rau lub zej zog ceev faj tsam dej taws, ho muaj xwm kub hnyiab vaj tse. Ces muaj neeg txom nyem, los tshaj lus ceeb toom txog kev ceev tsiaj txhu, tsam mus noj luag qoob loo. Los muaj tsiaj tuaj pos lam khaub tau lawm.
    Cov uas niam txiv dua nras lawm lawv tej tub coj tau tsev neeg thiab cuab kwv tij kom sawv daws ua neej nyob sib haum xeeb. Ib tug twg muaj kev txob txhawj hu tau cuab kwv tij tuaj sib txhawb pab daws teeb meem.
    Kuv hais li ntawd, kuj tsis hais tias tiam no tsis muaj peev xwm. Lawv muaj, tab sis muaj rau sab kawm txuj ci xwb. Tsis muaj peev xwm kom duav tau yus cuab xeem sib raug zoo li tej laus thaud lawm.
    Thaud tej laus sais duav sab nraud sab hauv tib si los mus rau sawv daws.
    Kuv yuav hais kuv ib tug phooj ywg thiab kuv wb lub neej uas nyob nrog cuab kwv tij thiab cov txheeb ze.
    Kuv li thaum kuv muaj 19 xyoos kuv mus ua Xib Hwb qhia ntawv. Peb hlis tom qab kuv ua Xib Hwb tshaj Yes Xus lub Moo Zoo thiab.
    Kuv nrog Txiv Plig Vaj Pov nyob, wb ob leeg koj tsis paub kuv lus. Kuv los tsis paub koj lus, wb siv lus los Tsuas nyob nruab nrab ntawm wb. Nws tsis paub lus Hmoob. Kuv tsis paub lus Fab Kis txaus thiab.
    Wb nyob zoo li koj tsis ua kuv tus thawj, hos kuv kuj tsis ua koj tus thawj. Uas ib tug yuav kav ib tug ua hawj lwm. Kuv qhia ntawv thiab qhia kev ntseeg kuv ua txhua yam li kuv lub peev xwm ua tau. Yus ua ncaj ncees li ib tug neeg txais hauj lwm ntawm ib tug hlob los. Ua kom haum tsoom Hmoob laus thiab hluas tib si,ua kom lawv tso siab tau.
    a. Sab kev qhia ntawv los cov tub kawm lawv kawm tau raws li kev kawm nyob qhov txhia chaw. Sab kev ntseeg los cov neeg kawm to taub zoo, haum raws li Yes Xus lub Moo Zoo, uas ib tug neeg ntseeg raws li lub koom haum Ka Tau Liv uas lawv tshaj nyob thoob ntiaj teb.
    Kuv xav mas lub peev xwm ntawd yog ntuj pab, thiab niam txiv poj yawm lub peev xwm uas xeeb los nrog yus, ua kom yus muaj peev xwm.
    b.Thaum kuv muaj 30 xyoo, kuv kawm Hmoob kev cai tas, raws li Hmoob ib tug tub, paub dab qhuas, Zaj tshoob txiv xaiv foom kom. Thiab Hmoob neeb yaig, kuv paub tias kev muaj peev xwm muaj ½ los ntawm Hmoob tej txuj ci ntawd los thiab.
    Lub caij ntawd kuv muaj lub peev xwm ua tau ib tug thawj hauv lub koom haum Xib Hwb. Kuv mus nyob lub zos twg coj lub zos ntawd, pab cov thawj neeg coj zej zog sib haum xeeb kom tsis muaj xaiv muaj lus. Lub Koom Haum Xib Hwb peb tsa ib lub haum xeeb ua liaj ua teb kom tau pab tsoom Hmoob cog qoob loo. Xyoo 1973 peb twb npaj kom Tsoom Hmoob muaj noj muaj haus rau sab cog qoob loo thiab yug tsiaj loj tsiaj me, xws li qaib noog rau npua tshis, thiab nyuj twm. Peb npaj kom kev tsheb mus txog txhua lub zos Hmoob. Tsis muaj hmoo, peb nyuam qhuav pib tsim ces Los Tsuas teb nyob tsis thaj yeeb ces tej yam peb npaj ntawd mus tsis taus.
    Lub Tswv yim ntawd lub caij peb mus nyob rau Nkws Yas peb coj lub tswv yim ntawd mus siv nyob Nkws Yas. Ces tsoom Hmoob thiaj muaj peev xwm.
    c. Thaum teb chaws Los Tsuas nyob tsis thaj yeeb yus kuj yog me nyuam neeg xwb Kuv khiav tuaj rau Thaib Teb. Kuv tsis paub tias yuav muaj neeg khiav nrog kuv. Kuv tsev neeg xwb muaj yim leej me nyuam, kuv cov niam hluas dab laug tsib leeg,ob leeg tub xeeb ntxwv peb muaj 15 leeg.
    Txog ntua lub sij hawm sawv kev, cov poj niam me nyuam Xib Hwb lawv 60 leej cia li hais tias lawv yuav raws kuv mus rau Thaib Teb. Kuv tsis nco qab tias yuav txhawj, kuv coj tas nrho lawv nrog kuv mus. Kev noj kev haus nqi nkoj, zoo siab pab tsuav kom lawv tau nrog kuv mus tsis muaj teeb meem.
    d. Thaum peb nyob hauv lub Yeej thoj Nam ntawd, Kuv kuj pab sawv daws ua siab loj, nyob ua neeg ncaj ncees, kom sawv daws muaj kev sib hlub txog sab ntsuj plig. Sawv daws sib hwm kom muaj kev thaj yeeb. Tej Nom tswv luag yug kev noj kev haus lawm tsis muaj nyiaj txiag siv los sawv daws nyob tiaj tus, txhob ua neeg ywj fab ywj fwj tsam muaj plaub ntug ces ho muaj neeg raug kev txom nyem, tau kev ntxhob siab.
    Lub caij peb ua neeg thoj nam ntawd tsis muaj leej twg yuav ua tus hlob muaj kev tso siab tias sawv daws yuav sib hlub, kom nyob taus ua kev no xwb. Los yus yeej xav tias yuav tsum hais lo lus hlub thiab nplij luag tej kom txhua tus nyob kaj siab lug. Ces kuj muaj txiaj ntsim, Ntuj kuj pab kawg kom sawv daws sib mloog lus, ces tsis muaj neeg raug teeb meem muaj kev txom nyem. Tej zoo li no, puas muaj neeg xav tau li ntawd thiab nco tias Ntuj pab sawv daws ua ntu zus los mus li ntawd ne!
    Peb nyob hauv lub yeej tsis kav tsoom neeg lawv kuj muaj kev sib tso siab. Tsis muaj neeg ua sawv saws tus nom lawm. Sawv daws mloog cov tub rog Thaib kav kom txhob mus txhoj puab, tam raug xaiv lus tsis zoo ces cov tub rog coj mus rau txim. Tsis kav ntawm cov Hmoob lawv kuj muaj lawv kev sib tso siab tias yus cov Hmoob muaj tej tus neeg uas luag hwm vim thaum ub yeej ib txwm txawj coj kom neeg sib raug zoo thiab xav ua phooj ywg kom tau kev sib tso siab, tau sib pab lub caij muaj kev tu siab ces yus lam yuav sib cav sib ceg, tau kev sib pab daws teeb meem ntawm yus tsev neeg kom txhua tus tau nyob kaj siab tias yus nyob muaj phooj ywg sib pab sib mloog. Tau lub chaw cuab zog kom ua tau siab loj.
    Muaj tej neeg tau kev vam li no mas yus kuj ua hauj lwm cuag li muaj ib tug hlob nyob saud niaj hnub txib yus. Ces cuag li yus cia li muaj peev xwm xwb.
    Hos kuv tus Phooj ywg nws hais rau kuv tias:
    Xib Hwb kuv xav mas kuv yim leej tub lawv muaj peev xwm tsis cuag kuv li thiab. Kuv yog tub ntsuag. Kuv tuaj hlob tiav neeg nyob USA teb no. Kuv mam li yuav poj niam. Ces kuv muaj yim leej tub. Nws yim leej tub no nws ua hauj lwm yug lawv hlob, thiab kawm ntawv tiav npav sas lawj tas. Nws tua yim tus nyuj los ua yim lub phov dim rau lawv txhua nrho. Nws tau yuav yim tus nyab ua tshoob rau, nws them tau tas nrho. Nws kuj yuav yim lub tsheb rau lawv caij mus ua hauj lwm. Lawv muaj me nyuam li, ib leeg ob tug peb tug li ntawd. Nws tseem zov tau lawv tej me nyuam tib si thiam. Nyiam no nws kuj laus lawm yuav mus so tsis ntev saum no. Nws poob hau lawm lawm. Nws ua hauj lwm dub xwb, nws xav yuav ib lub tsheb tsis hais tshiab qub li. Tas nrho cov tub sib koom nyiaj kom tau ib lub tsheb rau nws tau caij mus teev ntuj los mus yuav txhiam xws noj tom kiab khw xwb los lawv tseem yuav tsis tau taus tsheb rau nws thiab.
    Hnub wb sib tham no mas tsis yog wb yuav thuam cov me nyuam koj li los kuv li. Wb tsuas tham li wb pom xwb. Wb kuj tsis nco tias wb yuav hais ib twg twg lawv dab plig li. Tab yog yus tej me nyuam yus yug tau lawv hlob lawm yog lawv khwv tsis tau txaus noj los yus kuj tseem yuav yug lawv kom laus thiab, los yus kuj tsis xav li cas, lawv yog yus me tub me nyuam lawm. Wb tsuas hais tias sau rau neeg xav tswv yim saib puas nkag kis, nyob hauv zaj lus no.


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th June 2015, 1:40 am



    Zaj 180- PIAV HMOOB KEV DAB QHUAS.


    Hmoob kev dab qhuas. Hmoob thawj lo lus no xwb twb hais txawv lawm. Tsis hais tias, Hmoob kev teev dab. Ho hais tias Hmoob kev dab qhuas. Muab hais meej tseeb kiag hais tias Hmoob kev hwm Ntuj thiab hwm neeg hwm dab nyob tas nrho ua ke hauv. Ces thiaj hais tau tias, Hmoob kev dab qhuas. Vim ua rau Ntuj thiab ua rau neeg nrog dab tib si lawm.
    Hmoob cov dab muaj peb pab. Los peb hom:
    a. Hmoob cov Dab zoo, Muaj Ntuj, muaj pog yawg nrog niam txiv thiab cov kwv tij uas tuag mus lawd yog cov dab zoo. Tus Dab xeeb teb xeeb chaw, yog Tswv Ntuj lawm, dua li yog cov neeg dua nras mus lawd.
    b. Hmoob cov Dab uas Hmoob tsis paub:
    Yog cov dab hnub, dab hli, dab hauv toj hauv pes dab qhov dej npau, qhov dej saus, dab qhov ntuj los dab toj pob... cov no yog cov dab hmoob tsis paub yog dab qus. Puas muaj los tsis muaj. Cov no tawm ntawm neeg tus nplaig los xwb tsis tseeb. Tab sis cov no yog cov dab muaj hwv xyeej tshaj, raug cov dab no mas neeg yeej sab xwb li, coj tau neeg mus zwm rau kev tuag kiag li lawm ntag. Cov no los nrog neeg lo lus hem...
    c. Cov dab phem ntiaj teb paub txhua haiv neeg muaj. Nyob hauv Yes Xus lub Moo Zoo Yes Xus hu ua Xas Tas. Tus Xas Tas no Hmoob hu ua Ntxwj Nyoog. Tus no Hmoob yeej tab meeg hais tias nws siab phem, yog nws tso lub mob lub tuag los rau ntiaj teb. Neeg thiaj txawj mob txawj tuag...
    Zaum no hais txog tus xwm kab. Xwm Kas thaum chiv keeb los mas nws tsis yog dab.
    Xwm Kab yog ib los lus cog rau txhua yam tseem ceeb muaj nyob thiab yuav nyob mus li xwb. Ib yam li cog lus rau ntuj thiab neeg tias yuav ua ncaj ncees.
    Xyoo 1965 peb tus yawg Tsav Ntxaij qhia kuv tias lub keeb paub los yog los ntawm Yawg Vaj Sua, 9.5.16. Nws ib leeg sau, hais tau tias nws paub ib puas tsav yam:
    Dab qhuas, zaj tshoob txiv xaiv me neeb yaig, los mus rau khawv koob,tseb maj saws ntuag txua tshuab qaiv ntxaiv teeb caj tshuab ceg ntos, txua zeb daus luam ntaub, ntxhua xov,ntaus zeb muaj txhib niam txhib txiv zom ncuav zom taum, txuas cos taw, cos dej los nws txawj txhua, thiaj hu ua 9,5 16 nws ib leeg sau. Txawj txhua yam tiag. Yog Yawg Vaj Sua no cov txuj ci. zaum no yog zaum ob uas kuv sau. Ntshai kuv twb plam mus ntau yam lawm thiab.
    Kev txuj ci thiab kev teev hawm txhua yam los rau saum kev tiv thaiv tej dab phem dab qus, kev ntsuam huab cua ntuj tshav ntuj nag nrog neeg thooj siav koom zog sib haum nyob ua ke los, muaj tiam tiam lawm.
    Nws tau qhia ntawm tus Xwm kab thaum chiv keeb muaj vim dab tsi?
    Txij thaum Suav nrog Hmoob muaj caub chim los, Suav xav muab Hmoo txuj ci rhuav kom ploj tas nrho mus. ces Tsoom Hmoob ua neeg thoob tsib xav txuag Haiv Hmoob tej txuj ci kom muaj nyob, thiaj pov hwm tau Hmoob nyob ua Hmoob mus li. Ces cov thawj neeg thiaj tau tuav xam txiav siab muab Hmoob tej xuj ci zais kom tau thiab muaj nyob tseg. Tej kev thoob tsib nyob nrog ncauj lus muab zais rau paj nruag nkauj qeeg. Zaj tshoob txiv xaiv foom kom kwv txhiaj kwv chab kev tshuab raj tshuab ncas, tshuab nplooj. Thiab kev teev tiam dab qhuas. Ntaub ntawv coj mus zais rau paj ntaub tw siv dab tshos ntiag tsho. Thaum ntawd, cov coj Hmoob twb ua neeg thoob tsib mus txog tej no lawm. Hmoob thiaj tseem nyob ua Hmoob los txog niaj hnub no.
    Qhov meej tseeb uas Hmoob pom thiab tuav rawv ntawm tes yog Plaub yam no:
    a. Los lus hais tias tis tswb rau nkauj ces nkauj hlob, tis tswb rau lau ces lau nrov. {yog cov txwj laus uas Hmoob tsa los kom muaj, thiab tau coj ib npoj neeg los ib lub zos, ua ntu zus los mus.}
    b. Cov tub tshoob tub kos, ua luag txiv tuam mej koob mus muab nyab tau los tsis muaj plaub ntug.
    c. Cov tub qav tub num ua hmoob tus kav xwm sawv qab nteeg dhau los tsis muaj xaiv muaj lus.
    D. Hmoob cov txiv muam thaum tej niam txiv tsis sib hlub muaj teeb meem pob caws. Lawv ntuas thiab saib tso lus hem thawj,pom dab poj ntxoog tsiv tsawv lawm kom muab qaib los kho, hu plig vim ntsuj plig tus siab lawm...
    Hmoob muab Hmoob tej txuj ci zais tas nrho rau tej dab qhuas no kom ua Suav chaw ntseeg tias Hmoob ua dab ua qhua xwb. Kom Suav txhob rhuav tau pov tseg.
    Tus xub muaj dua cov yog tus xwm kab. Hu raws li Suav tus thiab. { Sua tus hu ua Xwm kuaas no.} Suav tus kuj tsis yog dab. Nws yog ib tug neeg nplua nuj xwb thiab. Zoo rau Hmoob siv lub npe no. Tus Xwm Kab no yog kev cog lus rau Ntuj thiab rau neeg tias, yuav ua ncaj ncees. Lo lus hu ua Dab Xwm Kab no mas, lam hu kom ua Dab qhuas muaj chaw ntseeg xwb.
    Yog kev cog lus rau Ntuj thiab neeg tias, Yuav sib hwm sib mloog lus, los sib hlub.
    Neeg tsis pom Ntuj los neeg hwm neeg ces neeg tau hwm Ntuj lawm. Koj tsis tau ua tub qaug rau neeg ces koj tsis tau ua tub qaug rau Ntuj thiab.

    Daim ntawv Xwm Kab muaj kev cog lus tias:
    1. Cog lus ua ncaj ncees rau txij nkawm thiaj tsis ua neeg xyob txhiaj.
    2. Cog lus tsis dag rau lub ntuj lub teb, zoo li tsis dag ntuj thiab dag rau neeg
    3. Cog lus tsis twv txiaj yuam pov, los rov taw tuam ntuj. Xws li cog tias yuav mloog lus,thiab sib hwm mus.
    Yog koj hla peb lo lus no lawm. Koj ua neeg xyob txhiaj. Raug plaub ntug luag muab koj nplua nyiaj ntau ntau ces koj txom nyem them tsis taus ua dab tsis tsis tau li. tsis hwm koj kev cog lus lawm.
    txi Xwm kab yog kev cog lus tias yuav ua zoo:
    ->Txi xwm kab tas koj nqa 10 000 mus twv txiaj poob tas koj ua neeg kob huam pluag poob tsim khwv tsis tau nyiaj li lawm...
    ->Txi Xwm kab tas, koj mus dag ib tug neeg tias lawv yuav tuaj tua koj, ces tus koj ntawd xub mus tua lawv, luag ntes koj mus nyob txim koj pluag them tsis taus luag tej nqi ntawd li....
    ->Koj txi Xwm Kab tas koj dag poj niam koj mus ua hluas tham tau luag poj luag sev luag ntes koj mus cuab mus khi them nyiaj ntau ntau rau luag. Koj pluag mus ua neeg tsis tsim txiaj,ces koj ua neeg xyob txiaj khwv nyiaj tsis nce tes mus li....
    Tus xwm kab Hmoob muab hu ua dab xwm Kab no, mas lam hu rau poj niam me nyuam ua chaw ntseeg, txhob hais lwm yam. Tsam Suav hnov Suav hlais nplaig. muab Hmoob txuj ci rhuav ces tsis muaj cai hais ntxiv ces tsis nco qab kev cog lus thiab tej txuj ci tau cog rau txoj kev ntseeg tseem ceeb ntawd lawm. Ntev los ntau tiam neeg lawm lo lus Dab Xwm kab cia li nyob tus li ntawd ua dab xwm kab lawm xwb. Nws yeej tsis yog dab.
    Hmoob thiaj hais tias , tus txiv neej los tus poj niam mus coj ib tug txiv neej los poj niam los ua plees ua yi hauv tsev yog tsis tau sib yuav ua tshoob kos, qaib tau los ntshav ntsej, npua los ntshav ntswg mas txhiaj meej qaug lawm. Yuav tau rov tsa txiaj meej thiaj khwv tau nyiaj nce tes mus rau yav tom ntej.
    Los poj niam yug me nyuam tas tsis tau puv hli. Tej ntxhais coj khaub ncaws txhob mus hla luag taw rooj tsam luag txhiaj meej qaug. Ces koj yuav raug luag nplua qaib npua coj mus kho luag txhiaj meej kom rov sawv.
    Muaj ib nyob zais ntshis cia, Poj niam nyob nruab hlis mas kev cai txiv neej tsis nrog pw, tsam poj niam hauv duav ces ua tsis taus noj. Cov ntxhais coj khaub ncaws tsam nws mus xeeb tau plaub los ces muaj lus ntau. Thiaj muab rau Xwm kav pov kom zoo nkauj.
    Hmoob Paub lub keeb tiv Ntuj tsim neeg muaj ib tug txiv neej thiab ib tug poj niam. Tsis tau sib yuav ua txij nkawm mas ua nkauj ua raug tsis tau. Thiaj tau muab poj niam txiv neej lub neej kev sib hlub los cog rau hauv Xwm Kab lawm, mas yuav tau hwm Hmoob kev cog lus.
    Kev mus ua lag luam yog kev tseem ceeb heev:
    Tus txiv neej mus ua luam nws tham hluas nkauj ces nws ua luam yeej poob peev tsis nce tes li, nws raug xwv txheej, muaj tub sab lwg los raug neeg dag. Nws plam kev lag luam zoo.
    Hos yog tus txiv mus ua luam, poj niam deev hluas nyob hauv tsev los nyob tom qab lawm yeej poob peev li.
    Tus txiv mus ua tub rog ces poj niam nyob, nws deev hluas mas tus txiv kawg yeej mus poob tsam li tsis rov los txog tsev. Tej no tej laus yeej ib txwm hais ntsees qhia los mus. txij thaum Hmoob poob teb chaws ua neeg thoj nam los no ces Tsis muaj neeg qhia tej no los li lawm.
    Tus thawj tub rog tsis saib nws pab tub rog, nws tso sawv daws ua ywj siab mus txog chaw so cov tub rog mus rhiav luag tej ntxhais tham, los nrog luag poj niam ua plees yis ces yeej muaj kev phom sij ntsib yeeb ncuab tos kev tua, los raug ua rog rau tej ntu kev nqaim khiav tsis dim ntau xwb.
    Txoj kev uas Hmoob cov txiv neej mus yuav poj niam hluas, los poj niam mus yuav txiv hluas tim Los Tsuas teb no ua tsis nrog kab nrog kev no. Puav leej yog kev xyob txhiaj rau nws tas nho xwb los tsis muaj neeg kam lees paub qhov tseeb li.
    Muaj ib yam ncaj ncees tsis heev pes tsawg! Ib txwm txiv neej kheev ua los:
    Mus tham hluas nkauj, mas hmoob tsis saib tias yog kev xyob txhiaj li. Hos yog poj niam mus tham hluas nraug, mas txhua leej hais tias, tus poj niam ntawd ua neeg xyob txhiaj. Los rau ob xyoo no mas Hmoob poj niam thiab txiv neej ua neeg xyob txhiaj sib npaug zos lawm. Tej zaum cov txiv neej tseem xyob txhiaj tshaj poj niam mus lawm 1% los yeej yog tseeb tiag lawm.
    Yog hais los mas ib txwm txiv neej yeej txawj ua kom hmoob tus txhiaj meej qaug mus lawm thiab, yog zoo li tsis kam lees tias nyias yeej muaj kev cog lus kom ncaj ncees rau xwm kab li tej laus tau qhuab qhia los mus lawd lawm thiab, kam lees poj niam sab xwb, txiv neej sab tsis tau lees yuav.
    Thaud tej laus yeej saib kev ua txij nkawm yog qhov tseem ceeb. Tsis tau sib yuav mas tsis tshua lam pw ua ke li thiab. Tej tus txiv neej laus lawm xav yuav tej tus me nyuam ntxhais los yuav tau mus ua tshoob tso,coj los yug kom hlob mam pw ua niam txiv tau.
    Kev ua plees ua yi hmoob yeej sib qhia tiam dhau tiam los kom ua neeg tsim txiaj:
    Yog niam txiv pom koj tham luag tus ntxhais lawm ces luag kom koj yuav, kom koj coj mus, muaj ob yam kev txhaum li no:
    a. koj ua tub qaug luag tus txhiaj meej lawm.
    b.Tsam koj muab sim lawm ntiaj teb paub nws tsis dawb huv lawm koj yuav tau yuav mus qhov phem qhov zoo, koj yuav tau thaj tsob mus kom kawg nws lub neej. Vim, koj tsis tau ua tshoob koj xub kov lawm, tsis pub kom luag txhiaj meej qaug thiab poob tsim mus rau leej twg sab li.
    Hmoob yeej paub tias Hmoob cov dab qhuas muaj cov dab qhuas tsis ncaj ncees. Los yuav tau ua li ntawd mus. vim los ntawm ntau txoj kev xav los:
    Vim ua neej qis tuaj rau lub qab tsag tsi raws li kev xav, muaj tsis txawm peem txaus, yuav tsum ua raws li kev ntshaw, kom dhau mus:
    1. a->Ces tus dab roog thiaj yuav tsum ua rau hmo ntuj kom tsis muaj neeg pom. Vim tias tus tsiaj tsis yog yus tsiaj dawb huv,tsam luag pom ces tau kev txaj muag, thiab poob nyiaj poob tsim rau kev ua dab qhuas no thiab. Ces thiaj khawb qhov tau hauv txaj, plaub quav muab faus kom tas nrho rau hauv. Thiab ua dab tas mas yuav tau tshuam phiaj tias caiv lawm, kom puv peb hnub qhua mam tuaj txeem tsev tau. Thaum ntawd ntxhiab los dua, chaw los nphob tas, tsis muaj neeg paub tias tau ua dab tsi, uas tsis nrog kev nrog cai thiab tsis ncaj ncees lawm.
    Tus npua dab roog no muab hu ua tus dab, pov hwm tsiaj txhu kom huam vam thiab pov hwm qoob loo kom nas noog los tsiaj qus txhob kov kom khwv los muaj txaus noj txaus haus mus puv niaj puv xyoo.
    b-> Tus Nyuj Dab no ua los kom tej niam tej txiv pov hwm tej tub ki, xeeb ntxwv kom hmab txhob dawm tes hlua txhob dawm taw. Yog kom txhob mus raug plaub ntug, tsis rau luag cuab luag khi, thaum hais txog hmab thiab hlua ces yog hais li ntawd.
    c->Tus Npua Tai thaud tej laus caij nkoj mus hla hiav txwv, ces tsis pom ntug dej, tsis paub tias mus poob zoo rau plawv dej ntuj lawm los li cas, ces muaj kev txhawj tsam mus tsis txog thiaj tau fiv tej laus, tus zoo yawg koob los yawg saub pab, tias yog mus txog chaw ces yuav muab tus ntxhais los pauj rau tus yawg suab ntawd.
    Fiv tas ces mus txawm pom muaj roob hav tuaj ces mus txog chaw thiaj tau ua tus npua tai no. Tab sis tus nquam nkoj ntawd yog Suav ces nws paub, nws mus nrhiav tau Suav ib tus maum npua laus laus los hloov tus ntxhais ntawd chaws. Ces Suav coj tus ntxhais mus lawm, tsis tau muab tus ntxhais los ua dab. Thaum ua dab tus txiv muam thiaj hais tias Mus nrhiav niag npua txwj npua laus nram Masb nram Suav los rau koj no. Ntshai tsam cov poj niam pom ces lawv siab me thiaj tsis pub poj niam pom. Ua dab Tai tas kaj ntug cov poj niam mam tau los noj ces lawv hais tias, ua cas ho tsis yog nqaij neeg, ho yog nqaij npuas lawm. Thiaj hais tias txhob hais lus tsam Tai hnov tais dua qab puab tsaig ces qhov ncauj zij. Thiaj muaj zaj lus tias tsam zij ncaus. Tus dab Tai no, kuj ua rau Hmo ntuj. Poj niam koom tsis tau poj niam yuav tsum mus pw, cia cov txiv neej ua xwb.
    Hmoob Tshoob Kos.
    ->Hmoob li tshoob Kos yog tshoob Nom tshoob Tswv, cov lus tshoob lus kos kuj yog lus nom lus tswv. Tshoob kos pib chiv muaj los ntawm Nkauj Iab thiab Naug Oo, ob tug niam txiv hauv paus los.
    Mam li los txog Nkauj Mim thiab Nraug Nus, yog ntu dej nyab ntiaj teb tas ces tshuav Nkauj Mim thiab Nraug Nus nkawd ob tib tug. Mam los txog Liaj lwg thiab Rhwv Yis Mws, plaub tug no tseem yog nus muag xwb
    Dhau plaub tug no lawm yog Tub Nom thiab Ntxhais Nom. Tub Nom Ntxhais nom los tseem yog Nus Tij Tub Los Nkauj Muam ntxhais thiab xwb.
    Dhau tej no ntau tiam mam li yog kev neej kev tsav, Vaj Tsab Xeem Lis qhua tub qhua ntxhais xeem los mus.
    Hmob nyiam siv lub npe muaj hwj chim koob meej los ntawm Zaj Laug los, Tsev neeg Huab Tais Hmoob hu ua Zaj Laug Yim neeg. Tej Nom Tswv muaj koob meej Hmoob muab piv rau tus Miv. Tsis paub vim li cas Hmoob ho muab Miv thiab Plis hu ua Nom no. Nyob hauv cov dab neeg Hmoob hais tias Nom tuaj ces Nom caij tug txiv lau qaib tuaj, tus ntawd yog Plis. Zaj cov Ntxhais, Hmoob muab piv rau Miv.
    Thaum tub ntsuag mus zov Txiv Huab Tais Zaj Laug tsev, Tub ntsuag pom Zaj Laug tus Ntxhais Ntxawm, Tub Ntsuag xav yuav, Zaj Laug tsis tshua kam nws thiaj nug tub ntsuag tias koj puas yuav nyuj nees thiab nyiaj kub,nws muaj ntau. Tub ntsuag tsuas taij Zaj laug tus Tshws kub hnyiab xwb {Nws tus ntxhais.}
    Thxeej thaud Hmoob tsuas cav Nuj Nplaib los Nuj Sis Loob txawj qeeg yog mus tshuab qeej xa tshoob xwb. Ob yam qeej xub muaj yog qeej nom qeej tswv, tas mam yog qeej tshoob qeej kos. Qeej mob qeej tuag txij thaum Hmoob zais txuj ci ces tshuav qeej tuag lawm xwb.
    Hmoob tus txiv Tuam Meej Koob mas nws ntse txog txheej neeg As Mes Lis Kas hu ua Los Yawj, tus tub kws txoj cais mus hais plaub. Los ntse li Fab Kis tus As Vaus Kas mus txheem plaub ntug ua tshoob muab tau muab nyab los tsis muaj xaiv muaj lus thiaj yog neeg ntse thiab thoob tsib to nrog.
    ->Kev ib siab ob qig, kev ploj kev tuag. uas Hmoob hu ua kev puv ib puas nees nkaum xyoo.Hmoob tsis nyiam lo lus hais tias ploj tuag. Hmoob siv kev ib siab ob qig, los kev puv ib puas nees nkaum xyoo no xwb.
    Haiv Hmoob muab ntau yam txuj ci coj los cia rau hauv kev puv ib puas nees nkaum xyoo no:
    a. Muaj los lus tias Tus Cuab Tsav, los Thawj xyom cuab no, Yog Tsev neeg muaj ploj tuag no lawv tus nom los tus thawj neeg kiag.
    b. Lo lus Txiv Dab Laug, los Muam Phuj yog nkauj muam los nraug nus, Ob tug nus muag no kev sib hlub nkaud pluas mov kawg ua nus muag ib sim neej txij hnub no mus ces tsis muaj koj los nws lawm muaj los yog luag lawm xwb neb pluas ces tag hnub no lawm. Thiaj hu koj tuaj rau hnub no yog koj ntiag tug.
    c. Muaj cov cuas nyab cuas ntxhais. Yog yus tub cov nyab no niam tais yawm txiv, los yog cov ntxhais no lawv niam thiab txiv sib ntsib ua poj cuas yawm cuas ib zaug xwb zaum no nws puv ib puas nees nkaum xyoo los mus lawm. Muaj los yog luag li lawm xwb tsis yog nej thiab kuv li lawm no mog, thiaj hu lawv tuaj.
    d. Ob tug Kav Xwm yog ob tug Nom loj thov tuaj kav lub ntees ploj ntsees tuag no kom tsoom kwv tij, kev neej kev tsav tuaj plaub ceg kaum ntuj tuaj los kom tau tuaj zoo rov huv tsis xeeb plaub xeeb ntug rau leej twg kev noj kev haus los kom tau noj txhij haus txhua cav lub moo zoo rau tub ki kom nyob nto moo lug xwb. Niam Txiv tau nce lub hauv toj mus lawm los muaj koob meej kev neej tuaj npaum tsuag kev tsav tuaj muaj npaum nplooj. Yog tuaj tshaj lub koob rau lub xov zoo xwb.
    Cov tshwj kab, niam diaj zeb tuav cos niam ua mov. Tub kwv dej txiav tawv txiv qeej txiv nruas txiv txiag tas nrho pab no yog nws tus laus los mus nce hauv toj rau zeej tsoom saib no yog nws pab xab fab li tim xyoob { nws pab nom tswv} hwj xwm nws lub pag lub xau no. tas nrho cov phiaj neeg hauv lub ntees tuag, hu ua txheeb ze.
    e. Los txog tus Txiv Xaiv.
    Tus sawv qab nteeg hais txiav xaiv foom kom no.Thaud niam txiv nyob niam txiv qhia tsis tau tas, los tsis muaj caij nyoog qhia tej tub ki. Nws tau xaiv ib yug neeg paub tab txawj ntuas tej tub ki tuaj qhia kom ua neeg zoo tsheej kiab kom nyob haum teb haum chaw ua neej thiaj tsis muaj kev ntxhov siab raug luag nyiam thiab qhuas kom Ntuj pom los Ntuj hlub no xwb.
    Thaum lawv Foom Kom lawv yeej hais Tswv Ntuj 10 lo lus qhia, kom tsis txhob mus ua plees ua yi, tsam rau luag cuab luag khi...
    Txob mus ua tub sab tub nyiag qee luaj nyiaj tuaj nruab xab tsam nej sib sib ntxub nej nyob koom tsis tau ua ib pab, ces nej tsis sib hlub no.
    Txhob mus twv txiaj yuam pov tsam ua neeg xyob txhiaj khwv tas nej sim neej los tsis txaus rau nej noj no....
    Niam txiv tuag lawm tej tub ki quaj tsis paub ua neej thiaj foom tias txhob quaj quaj, nej txiv tuag lawm nws tau zoo, nyob los laus laus tsis txawj phis cia nws tuag mus ces yuav rov los thawj thiab dua ua nej ib leeg tub nyob mus tsim txiaj.
    Yuav thawj thiab tsis tau. Nej ua siab loj ib tiam nej yuav tsim txiaj zuj zus tuaj, los ib tiam mam ntse dua ib tiam no xwb Kev thawj thiab ces yeej thawj thiab tas lawm. Nej nqaij yog nws nqaij nej txhav yog nws txhav tas ua cas twb thawj ua nej tas lawm. Txoj kev phis ces yog Phis ua nej ntag.yus caj ces muaj mob taw vwm lwm hnub yus kuj mob taw vwm yus caj ces txhav nkig lwm hnub yus nyob tsis kav laus thiab... Kev thawj thiab hais los tauv tej tub ntxhais lub kua muag xwb....
    Tej tus yug ib leeg tub ces ua li Hmoob hais dab neeg, Nws xob vog luaj tug poj qaib xwb. Tus yug ob leeg nws xob vog luaj tug maum npua, tus yug muaj peb leeg tub nws xob vog luaj tug maum nyuj.
    Ces yuav yog ntau tiam nws mam li xob vog tau los luaj li lub hauv toj lawm lauj...
    Ces muab hais ib fab los tias, nws plhis ib zaug loj zog tuaj lawm. Nkauj Mim thiab Nraug Nus nkawd ntshai twb yuav luaj lub ntiaj teb lawm. Xam tas nrho Mab Sua tib si.
    Thaum tuag lawm ces tus ua zoo tau zoo, hos tus ua phem ces tau phem xwb. Kev tuag mas Hmoob qhia meej kawg nyob hauv zaj taw kev los hais tias qhuab ke. Zaj taw kev no yog ib zaj tuam dab neeg. Hmoob pib hais thaum pib ua neej mus txog thaum tuag.
    Lub ntiaj teb no tsis yog koj lub teb chaw uas koj yuav tau nyob mus li. Zoo li koj tuaj ces koj tuaj qiv luag toj yug yaj, qiv luag tais tsau ntxhai xwb. Koj tuaj koj tau noj tsuag luag ib ntsug zoov nuj, haus tas luag ib ncuas dej, yog muaj zoo poj Mab los poj Sua tu teb rau koj tseb maj los tseb ntuag koj thiaj tau maj tau ntuag los nraj tiab nraj tsho rau koj hnav. Zaum no koj yuav los mus, koj yuav nco ntsoov ua luag tsaug dej tsaug taws, tsaug teb tsaug chaw.
    Koj ua tsaug kom koj thiaj muaj txiaj muaj ntsim rau lub ntiaj teb no. tsis yog koj los nyiag noj nyiag haus dawb dawb do do. Koj yog neeg nyob muaj txiag rov muaj ntsig.
    Tus qhuab ke mam li qhia tias koj yuav mus thawj thiab mus kom txog qhov chaw koj niam txiv xov xeeb koj los. Yog ntawm peb txoj kev sib tshuam. Txoj nruab nrab thiaj yog! Txoj nrad ces mus thawj ua quav lawm. Txoj ped ces mus thawj ua zis lawm koj txhob mus, txoj nruab nrab saib puas tau no xwb.
    Qhov kawg kiag Nws qhia tias kom mus zee cua nab ua koj phooj koj ywg koj thiaj li yuav swm. Koj mus no ces koj mus zeem ntsaum kab rws ua koj kwv koj tig, koj thiaj tsis muaj kev chim.
    Yeej yog ntsaum kab rws thiab cua nab nqus mus ua chiv ua luaj yug me xyoob me ntoo tas, ces xyoob ntoo mam rov yug neeg dua.
    Neeg cov ntsuj mas muaj ntau tus ntsuj thiaj tsheej ib tug neeg tau!
    ->Thawj tug yog ntsuj duab ntsuj ce ntsuj plig. Tus no yog tus nqes pem ntuj los. Yog tus tseem tiag nws muaj peb lub npe hu ua ={Ntsuj duab ntsuj ce ntsuj plig.}
    ->Cov Ntsuj los xab xeeb ntxiv rau yog, ntsuj roj ntsuj ntshav hmoob hais ua= {ntsuj rog Ntsuj ntsha.}
    Cov no xeeb los ntawm niam thiab txiv uas ncau ntawm Ntuj Niam Ntuj txi los.
    Dhau cov saum no lawm.
    -> Muaj cov ntsuj xyoob ntsuj ntoo ntsuj deg. Yog cov tuaj ntxiv siav ntxiv zog rau lub cev kom loj hlob. Thaum puav ib puas nees nkaum xyoo lawm yuav rov mus ua xyoob ntoo lo mus ua dej. Raws li Ntuj tau muab av los puab ua neeg ces yuav rov mus ua av.
    ->Cov ntsuj kawg yog ntsuj dev ntsuj tsiag ntsuj txhu,32 tug ntsuj los xab xeeb ntxiv rau tus tseem. cov tsiaj no hmoob tau noj tas nrho, los txhim hmoob lub cev. Yog tej dag zog. Kev tiv thaiv kev txawj kev ntse, kev muaj peev xwm puas tsav puas yam nyob nrog lub cev nqaij daim tawv txhua fab tib si tuaj nrog txiam xws noj tuaj. Kom nce toj los muaj zog nqes hav kom zog nchav... Hais los ces yog ib cov lus Xaiv kaus laus zim hais los cuab Hmoob lub zog kom loj tuaj.
    Nyob hauv peb tsev Hmoob Yaj tus yawg Vaj Sua qhia los mas nws qhia ntau dua no twb hnov tshaj plaub caug xyoo los lawm mam sau, kuv xav tias ntshai kuv ua poob 25% li lawm nco tsis tau.
    Hmoob hais txog ,lub hnub lub hli,txiv neej poj niam mas Hmoob nyiam hais lus txooj los lus tab. Nyiam hais yeeb los hais yaj:
    Hmoob hais tab no, mas yog hais txiv neej,los tsis muaj zog. Tsis khov. Los sib sib. Hos hais txooj, yog poj niam, los zog loj. Khov khov. Ruaj ruaj li.

    Yaj,yog lub hnub. Los nruab hnub. Yog qhov pom kev, kuj yog zog loj thiab.
    Yeeb, yog lub hli. Hmo ntuj. Los poj niam, Los qhov tsaus ntuj.
    Xam nyoog los suav lub hnub mas hais tias Yaj lij tim 15, lub rau hli xyoo 2015.
    Suav Yeeb lij ces hais tias Yeeb lij xiab 15 lub yim li zaj xyoo 2015.

    Thaum muaj tsawg mas Hmoob tsis hais lus tshooj, cia li hais muaj npaum no, los tsis ntau lawm. Yog muaj ntau mas Hmob hom hais lus sib tshooj rau, yam li muaj ob peb tug thiab os. Yeej muaj tab sis tsis tau suav kiag npaum li cas tiag. Los yeej muaj ntau lawm.
    Thaum Hmoob hais tias nws tsis tau khoom mas Hmoob hais tias ob peb hnub tso! Ces nws tsis tau teem caij rau koj, koj txhob tos tias, tshuav peb hnub li no!
    Thaum Hmoob hais ob peb hnub mas yeej yuav ua tab sis xyoo no los lwm xyoo mam pib ua! Yog koj maj mas koj rov txhib thiaj li tau sai od!

    Cov lus Hmoob suav, los xam mus 1,2,3 mas Hmoob hu ua tsiaj xam phaj, nws los ntawm Hmoob Suav tias xiab ib yog qaib xiab ob yog dev xiab peb yog npua li no mus, ces cov 1,2,3. No Hmoob hu ua tsiaj xam phaj no.
    Cov tsiaj tab yog, 1,3,5,7,9. 11-55-99.
    Cov tsiaj txooj yog, 2,4,6,8. 12-66-88.

    Hmoob suav los mus tas nrho:
    1-ib, 10 kaum, 20 nees nkaum, 30 peb caug, 40 plaub caug, 50 tsib caug, 60 rau caum, 70 xya caum, 80 yim caum, 90 cuaj caum, 100 ib puas.
    1000 ib txhiab. 10 000 kaum txhiab. 100, 000 ib puas txhiab. 1000,000 ib plhom. 100,000,000. Ib puas plhom.
    1000,000,000. Ib roob no lawm Yawg Vaj Sua qhia li no xwb.

    Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 2nd July 2015, 7:07 am



    Zaj 181- NTUJ LUB TSWV YIM COJ LUB PEEV XWM.




    Tswv Ntuj lub peev xwm kheej lwb kheej lam nyob mus li. Muab neeg lub tswv yim siab li cuaj caum cuaj tshim los piv mas tseem zoo li lub tsig zeb suab puam, uas poob rau hauv av lawm mas tsis muaj neeg nrhiav tau li.
    Tswv Ntuj lub Tswv Yim mas loj li loj, neeg ntiaj teb yeej twv tsis tau ib zaug li. Suav tau tias Tswv Ntuj lub Tswv Yim ntawm lub peev xwm ntawd,nws dav dua lub ntiaj teb uas neeg nyob txawm no pes tsawg puas vam npaug saud lawm. Nws tseem dav thiab tob tshaj li peb pom lub hnub los ti rau lub ntiaj teb no lawm, ntau ntau npaug uas suav tsis tau.
    Tswv Ntuj tsim lub ntuj thiab lub ntiaj teb no tawg paj paug thiab pom kev lam lug nyob mus li. Saib ntawm Tswv Ntuj sab mas tsuas muaj qhov pom kev xwb,tsis muaj qhov tsaus ntuj li. Tsis muaj nruab hnub thiab hmo ntuj li.
    Lub ntiaj teb uas peb nyob no,zoo li lub me nyuam tuj lub kiv nyob saum ib tug neeg lub xib teg xwb. Yog lub ntiaj teb khiv mus khaub zig lub hnub.
    Ib hnub ib hmos 24 sij hawm rau peb leej tib neeg, mas rau Tswv Ntuj yog ib feeb xwb. Tswv Ntuj suav ib hnub yog zoo li ntiaj teb neeg ib xyoos txwm nkaus 12 hlis mam zoo li yog ib hnub.
    Yav thaud ntuj xeeb teb raug los mus, nyob hauv ntawv faj lem peb thiaj hnov cov lus uas lawv sau tseg tias, neeg ua neej nyob txog 500 xyoo mus rau 1000 xyoo los 1900 xyoo ntawd. Vim yav thaud neeg siv ntsuj xyoob ntsuj ntoo los txhim neeg lub ces ntaj ntsug. Ces neeg tsis muaj mob muaj tuag. {Neeg noj nroj tsuag xyoob ntoo ntau.}
    Hmoob thiaj hais tias,thaud neeg nqaij xub zeb txhav xub hlau, tsis muaj mob muaj tuag. Txij thaum ntiaj teb vam meej me ntsis tuaj lawd, ces neeg muaj ntsuj qaib ntsuj noog, ntsuj tsiag ntsuj txhu los txhim neeg lub cev ntaj ntsug,txhais hais tias, yog neeg noj nqaij tsiaj txhu, ntses me kab me kooj los txhim neeg lub cev ces siav luv dua tuaj lawm. { thaum no neeg muaj txog 32 tug ntsuj, Hmoob hais tias 32 tug ntsuj mas yog ntau kawg suav twb yuav tsis txheeb lawm.}
    Vim neeg noj qub zaub qub mov qub nqaij ntau ces ua rau neeg raug mob ntau dua thiab ces Hmoob hais tias, Neeg nqaij ciab zib, hos txhav yog txhav plhaub mag lawm xwb. Ces neeg nyob ib puas tawm xyoo lawm xwb.
    Nyiam no lub zwj ceeb no mas hais qhov tseeb tiag los mas neeg tsuas nyob txog 30 xyoo mus txog 60 xyoo xwb. Cov nyob txog 80 xyoo, mas lawv sawv daws ua neej nyob nrog tshuaj xwb. Yog tsis muaj tshuaj mas cov muaj hnub nyug laus dua cov ntshai yog cov uas lawv muaj 60 xyoo xwb lauj!
    Ua li mas Tswv Ntuj tsim lub ntuj lub teb uas peb hu ua lub sim Ceeb no, mas Tswv Ntuj tau tsim nws los nyob pom kev lam lug, thiab tawg paj paug xwb. Tsis muaj nrhuab hnub hmo ntuj li.
    Cov hnub qub nyob saum ntuj lawv tseem yog tej lub hnub loj dua li lub hnub uas niaj hnub ziab tuaj rau lub ntiaj teb. Tsuas yog lawv nyob deb dhau lawm ces lawv ci tuaj txog ntiaj teb xwb.
    Zoo li Tswv Ntuj tsim lub sim ceeb no los ntawm Tswv Ntuj lub peev xwm loj uas muaj kev hlub txog txhua tsav txhua yam, tshwm sim tuaj rau peb pom xyeem no.
    Thawj lub txiaj ntsim uas Ntuj tsim los nyob ntiaj teb no mus nto plaws rau saum ntuj. Yog Leej Tib Neeg nws tau ua lub txiaj ntsim zoo tshaj plaws lwm yam tib si lawm ntag. Tswv Ntuj tau pub kom neeg muaj ib lub tswv yim xws li Tswv Ntuj me ntsis. Koj tau xeeb los ua neeg ua ib lub neej nyob nrog txhua yam uas Ntuj tsim los rau saum lub sim ceeb no. Koj puas tau xav tias koj muaj nqes thiab tsim txiaj kawg li!
    Yog koj xav tias koj yog neeg tsim txiaj thiab muaj nuj nqes, mas 24 sij hawm koj muab ib feeb los qhuas txog Tswv Ntuj tias:
    Tswv Ntuj kuv zoo siab rau koj uas Koj tau nco txog kuv uas Koj tau pub kuv xeeb los ua neeg, ua Koj tsaug lauj!
    Hos cov neeg uas Tswv Ntuj tau xaiv lawv los ua Tswv Ntuj yim neeg, mas 204 sij hawm ntawm 6 hnub koj muab ib sij hawm ntawm ib teev los mus pe hawm Tswv Ntuj ib zaug hnub chiv. Kom tau nrog Tswv Ntuj tham txog kev sib hlub sib zam rau koj cov txheeb ze ua niaj hnub nrog koj nyob ua kev, uas nej noj sib hlub haus sib ce ntawd.
    Ib yam li koj tsev neeg muaj mob muaj nkeeg luag tu siab tsis txawj tas li, es koj ho tsis koom kev tus siab, koj puas txheeb koj tsev neeg yuad!
    Zoo li tsev neeg Hmoob Yaj tsoom txiv neej yug los ua Hmoob Yaj luag caiv plawv tas nrho, koj ho tsis caiv, no koj puas yog xeem hmoob yaj!
    Cov neeg uas Ntuj xaiv lawv los ua Tswv Ntuj Yim neeg, yog hnub chiv koj tsis mus teev Ntuj puas txhais tau tias, koj tsis nyiam tus Tswv Ntuj uas Nws xaiv koj los ua Nws Yim neeg, kom Ntuj tau kev pab thiab hlub koj!
    Tswv Ntuj tau xaiv koj lawm koj ho tsis nyiam, los Tswv Ntuj kuj tsis npua koj li, ua ib tug tub Hmoob Yaj nws noj plawv lawm ces nws dig muag mus, zoo li nws raug nplua lawm ntag.
    Tswv Ntuj tau tsim tej yam loj kawg muaj tsim tas nrho nyob saum ntuj. Yam zoo nyob ntiaj teb no yog toj roob hauv pes me xyoob ntoo, nroj tsuag. Cov tsiaj loj nyob ntiaj teb no, yog tsiaj nqhuab tsiaj deg. Los rau tej me nas noog, cov yau dua yog me kab me ntsaum, thiab cov me tshaj ces yog hmob los tej kab mob uas yuav tau xuas yeeb yaj tsom los tsom thiaj li pom tau lawm xwb.
    Tas nrho txhua yam uas Ntuj tsim los no sawv daws nyob kaj lug li Tswv Ntuj tau xav tas nrho.
    Yog peb ya nyob saum ntuj mas peb kuj yuav pom li Tswv Ntuj thiab. Zoo li koj ya saum ntuj mus raws lub hnub mas koj tsis pom tsaus ntuj li koj lub sij hawm ua ob ncig lawm los peb ncig mus, mas koj tseem pom kev lam lug li xwb.
    Yog peb xav li peb nrog huab cua khiav sib law sib liag, mas peb ua Tswv Ntuj Haiv neeg nyob kaj lug pom kev nrig peb yuav suav caij suav nyoog li Tswv Ntuj suav ib xyoos mam li yog ib hnub xwb.
    Peb ua neej nyob lo lub ntiaj teb no peb thiaj pom tias muaj hnub thiab muaj hmo. Thiaj pom lub hnub tuaj thiab lub hnub poob qho.
    Peb yog cov neeg Tswv Ntuj xaiv los ua Ntuj Yim neeg. Mas peb tig los mus ntsuam xyuas Yes Xus cov lus nyob hauv lub Moo Zoo.
    Yes Xus tau qhia tias, peb yuav hu Tswv Ntuj ua Txiv no.
    Vim Ntuj tau xaiv peb los ua Ntuj Yim neeg.
    Koj yog Tswv Ntuj yim neeg lawm. Koj ho yuav ua thiab coj li cas?
    Koj paub lub Xeem Hmoob Yaj! Txhua tus tub Hmoob Yaj, lawv yug los mas paub tab thiab tsis paub los sawv daws yuav tau caiv tsis noj lub plawv laid!
    Koj nyob hauv lub xeem Hmoob ntawd, luag tej coj thiab ua li cas koj twb yuav tau yoog mus li ntawd nad!
    Koj yim neeg muaj txiab muaj nkeeg raug plaub ntug, luag tu siab, luag sib koom. Koj nyog dawb nyob do, yog koj xav li cas lawm!
    Luag quaj luag tu siab koj ho lug tsa suab hlo nrov koj hwm koj lub xeem thiab koj yim neeg mus zoo li cas!
    Kev ntseeg Ntuj thiab ua Tswv Ntuj yim neeg, tsis zoo li coj Hmoob kev cai, es yoog xwb. Kev ntseeg Ntuj thiab ua Tswv Ntuj yim neeg yog los pab Tswv Ntuj ua cov hauj lwm pub rau cov neeg txheeb ze uas lawv niaj hnub nrog koj nyob ntawd ua kev ntawd ntag.
    Ho yog ua tus dab tsi thiab?
    Ntseeg thiab ua Tswv Ntuj yim neeg, xav kom pab niam tub los txiv tub ntawd sib raug zoo. Txiv ua tsis yeej los tub sawv tsees mus pab. Niam ua tsis tas los ntxhais sawv tsees mus ua ntag.
    Niam txiv yug ib pab qee leej thiaj paub thiab txawj pab niam pab txiv xwb, tsis tas tus li thiab. Cov paub ntawd yuav qhia cov tsis paub, kom lawv txawj pom niam thiab txiv kev iab kev khwv thiab.
    Cog neeg ntseeg ua Tswv Ntuj yim neeg mas Ntuj ntshaw kom cov txawj thov Ntuj pab thov Ntuj rau cov tsis txawj. Muaj Leej puav Ntuj xaiv tau los ua Ntuj Yim neeg, ib sim neej tsis txawj thov Ntuj pab nws tus kheej los pab nws cov phooj ywg li, Nws mus teev Ntuj ces yog raws luag mus li raws kev xwb. Mus txog tsev teev ntuj, luag pib teev ntuj, nws pib tsaug zog. Luag teev ntuj tas, ces nws mam tsim los, los tseem yuav tau tsa thiab. Thaum nws tsaug zog, nws kuj tsis tau ua npau suav zoo thiab ces tsis tau dab tsi nqa mus tsev li.
    Twb muaj dua ib tug neeg hais rau kuv hnov lawm tias:
    Hnub no ua hmoov nco txog Leej Ntuj Plig nqes los. Wb mus teev Ntuj koj tos kuv nqa kuv lub tsom qhov muag dub tso. Kuv nug tias tim li cas ho nqa tsom qhov muag dub mus mas!
    Nws hais tias, tsam ib me ntsis Leej Ntuj Plig nqes los ces ci ci qhov muag. Wb mus txog lawv pib teev Ntuj, ces nws muab tsom qhov muag los rau. Nws hais rau kuv tias, Kuv tsaug zog lawm, nej teev Ntuj tas, no ces koj tsa kuv wb mam mus tsev.
    Kuj muaj tej tus uas nws ris ib co lus xaiv tuaj qhia nws tej phooj ywg cov pib teev Ntuj nws pib qhia nws cov lus xaiv, teev ntuj tas nws nyuam qhuav qhia tas thiab xwb.
    Peb yog cov ntseeg thiab ua Tswv Ntuj yim neeg mas Tswv Ntuj xav kom peb xub thov ntuj rau cov nrog peb nyob uas lawv nyiam coj li ntawd
    Ua ib tug neeg ntseeg tsis yog ntseeg lawm, ces cia li nyob dawb nyob do, cov neeg ntseeg thawj txoj hauj lwm, Tswv Ntuj xav kom pab ua Ntuj cov hauj lwm no pub rau Tswv Ntuj, pab cov tsis paub thov, los thov Ntuj rau cov neeg tsis muaj peev xwm thiab lawv muaj tej teeb meem li no.
    Ntuj txiaj ntsim muaj ntau kawg Tswv Ntuj xav kom muaj neeg mus thov thiab coj mus faib rau cov muaj teeb meem ntawd, muaj cov neeg tsis paub thov los tsis txawj txais los siv nyob hauv neeg lub neej li.


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th July 2015, 4:21 am



    Zaj 183- NTUJ COV TXIAJ NTSIM.



    Suav tas nrho txhua yam uas Tswv Ntuj tau tsim los nyob ntiaj teb no, mas yog hu ua Ntuj cov txiaj ntsim:
    Neeg, tsiaj txhu, xyoob ntoo, nroj tsuag, me kab noog, puav leej yog Ntuj cov txiaj ntsim.
    Txiaj ntsim muaj nqes dua nyiaj thiab kub, los pov haum mus lawm ntau npaug.
    Cov hu ua Leej tib neeg, mas yog ib lub txiaj ntsim tseem ceeb nyob hauv Tswv Ntuj kev tsim ntuj tsim teb. Peb yuav tau hwm lub txiaj ntsim ntawd.
    Ob tug niam txiv hauv paus,As Das thiab Es Vas nkawd, yog thawj lub txiaj ntsim,Tswv Ntuj tau tsim los ua txiv neej thiab poj niam,thooj txhij thaum Tswv Ntuj tau tsim lub ntuj lub teb ua ke los.
    a. Cov tsis ntseeg Yes Xus lub Moo Zoo, Lawv coj li As Das thiab Es Vas nkawd coj. Lawv thiaj coj li uas yus yog tus zoo tshaj, thiab kom yeej txhua yam, vim Ntxwj Nyoog tau qhia kom hla cai mus ces lawv yuav zoo cuag li Tswv Ntuj.
    b. Cov ntseeg lub Moo Zoo raws li cov Ka Tau Liv qhia. Ces lawv ntseeg thiab coj li Yes Xus, uas Nws yog tus As Das tshiab. Tso rau luag ua tus yeej, thiaj yog txoj kev mloog Tswv Ntuj lus uas Tswv Ntuj nyiam dua cov.
    c. Nyiam no peb yuav tau lees paub tias txhua yam yog Tswv Ntuj lub txiaj ntsim muaj nuj nqes zoo, thiab tsim txiaj.
    Peb sim tig rov los ntsia saib, Cov His Xas Lais thiab cov As Lav. Lawv koom tib leej txiv, yog Has Nplas. Lawv tseem sib ntaus, ua tsov ua rog los txog lub zwj ceeb no.
    Cov ntseeg txog Yes Xus, mas peb yuav saib txhua tus leej tib neeg yog Tswv Ntuj ib co txiaj ntsim. Peb yuav hwm thiab zam rau lawv.
    Tswv Ntuj twb hu Has Nplas tau 2000 lawm, Yes Xus mam yug los. Nyiam no Yes Xus twb yug los tau 2000 xyoo tawm lawm thiab, ob kwv tij ntawd cov plaub ntug tseem tsis tau tas li. Vim tias lawv tseem coj raws li As Das thiab Es Vas nkawd coj. Cia luag ua tus swb yus xwb mas thiaj li zoo siab.
    Yog peb rov mus saib cov ntawv hauv paus, txij thaum As Das thia Es Vas nkawd ncaim ntawm Tswv Ntuj lawd.
    Nkawd yug tau ob leeg tub xwb. Kas Ees twb muab As Npes tua lawm. Kas Ees yog tus tau muab ¼ neeg tua pov tseg ntag. { Vim thaum ntawd lawv nyuam qhuav muaj 4 leej neeg nyob ntiaj teb no xwb.}
    Kev sib ntxub, kev ua plaub ua ntug, los kev ua tsov ua rog sib tua txhua yam, yog coj thiab ua raws li As Das thiab Es Vas nkawd zaj xav los. Yog kev coj li Dab Phem tau qhia ua los. Thiaj muaj kev cib nyeej, kev xam khib, los kev paub luag ua tub qaug rau yus, ces thiaj muaj kev npau taws thiab kev tu siab, rau tus ub tus no.
    d. Kev sim siab.
    Thaum Tswv Ntuj hu tej tus neeg los ua Ntuj hauj lwm, mas Ntuj muaj kev sim nws siab.
    Nyob ntawm Ntuj hu nws los ua tej txoj hauj lwm loj los hauj lwm me. Kev sim siab muaj ntau txoj los ntau yam sim neeg siab.
    Thaum peb txais kev ntseeg Tswv Ntuj nkuj sim peb siab saib peb puas tso siab rau Ntuj los peb tseem yuav vam txog cov dab tuaj pab peb.
    ->Tswv Ntuj tau sim Has Nplas siab loj kawg. Ntuj tau hais kom Has Nplas muab nws leej tub twm zeej tua txi rau Ntuj. Has Nplas tsis tau yig, nws ua raws li Tswv Ntuj tau qhia. Ces neeg ntiaj teb thiaj li tau niaj hnub tuav txog Has Nplas tus xeeb ntxwv tuaj ntawm Tswv Ntuj tuaj lub npe los sib foom hmoov zoo rau neeg.
    ->Tswv Ntuj hu Has Nplas tau ntau caum xyoo lawm, Ntuj mam hu Mais Xes, Mais Xes yog thawj tus neeg uasTswv Ntuj pub hwj huam hwj chim rau kom ua Tswv Ntuj tus Yaj Saub. Ua ntej Mais Xes.mas Tswv Ntuj tsis tau pub tej lub txiaj ntsim hwj chim kom paub ua Yaj Saub rau neeg leej twg li.
    -> Thaum Yas Kos muaj lub npe hu ua His Xas Lais lawm mas nws muaj 12 leej tub. Tswv Ntuj tsuas pub kom Yas Kos tus tub Yos Xes ua Yaj Saub nyob nruab npau suav xwb:
    -> Muaj 4 zaug xws li,-Ua npau suav pom 11 teg nplej sawv los pe nws nyob ntawm lub tshav nplej.-Nws tau ua npau suav pom 11 lub hnub qub nrog lub hnub thiab lub hli los pe nws ib zaug thiab.
    Nyob Hais Nkws Tos teb nws ua Yaj Saub txhais npau suav rau ob tug nom nyob hauv tsev loj faj. Thiab txhais tus Vaj Hais Nkws tos zaj npau suav muaj 7 tus maum nyuj yuag nyob ib sab dej tim ub hla tuaj noj tas 7 tus maum nyuj rog sab dej tim no tas los lawv tsis rog li. Txhais tias, 7 xyoo yuav muaj qoob thiab 7 xyoo tom qab yuav tshaib plab, tsis muaj mov noj.
    ->Thaum Tswv Ntuj tau tsa Mais Xes ua Yaj saub, Ntuj tau muab 10 los lus qhia rau Mais Xes coj los tshaj txog txoj kev teev Tswv Ntuj tib leeg xwb.
    -> Txij Mais Xes los mas nyob hauv txhua Haiv neeg, cov muaj lub txiaj ntsim ua Yaj Saub lawv tsuas tuaj hais txog kev khaum kev txhaum xwb. Lawv tsis hais txog sab kev ua neeg muaj peev xwm hais txog tus tseev tsim kav teb chaws. Tus sawv ua Yaj Saub, nws tuaj hais txog tus tseev tsim kav teb chaws mas nws tsis ua Yaj Saub. Nws xav ua ib tug thawj neeg xwb, tab sis nws tsis paub tias nws txoj kev yog txoj twg tiag.
    ->Dhau lub txiaj ntsim ua Yaj Saub lawm, mas Tswv Ntuj kuj puab lub txiaj ntsim ua thawj neeg, los ua Vaj.
    Thawj tug Vaj uas Tswv Ntuj Xaiv los coj cov His Xas Lais:
    Yog Das Vis. Tswv Ntuj tau txib tus Yaj Saub mus Pleev Das Vis ua Vaj los coj Tswv Ntuj Haiv neeg.
    ->Yes Xus yog tus Vaj uas Tswv Ntuj tau Pleev Nws. Tas lub qab ntuj neeg thiaj hu ua Yes Xus PLkeev.{Yes Xus Khe Tau=Yog Yes Xus Pleev.}Cov neeg ntseeg s,d yog Chritiane.
    Tus uas Tswv Ntuj xaiv, mas Tswv Ntuj tsis nug leej twg tias, puas pom zoo.
    ->Dhau ntawm tus Tswv Ntuj xaiv los ua tus thawj neeg mas lwm cov lawv yuav tuaj hais txog lub hwj chim thiab tus tseev tsim kav teb chaws ua tsov rog, los sib txeeb ntiaj teb lub cuab tam.
    ->Thaud Tswv Ntuj hu tus Yaj Saub Es Xes Kias. Tswv Ntuj tau coj Es Xes Kias mus saum lub tsheb hluav taws. Thiab muab phau ntawv rau Nws noj:
    Tsam hais tias, Koj tsis kam tshaj Ntuj lo lus ces koj yuav mus saum cov hluav taws ntawd. Ntuj cov lus muab rau koj lawm zoo li koj noj tas ces koj yuav tau tshaj tawm rau neeg hnov los paub. Kom txav mus deb ntawm kev ua txhaum los kev khaum rau koj.
    ->Coc phiaj neeg:
    Cov Xib Hwb, cov Leej Choj. Cov Tswv Qhia, thiab Vaj qhia lawv yog Tswv Ntuj cov Yaj Saub. Uas Tswv Ntuj xaiv los hloov cov Yaj Saub ua ntej Yes Xus Pleev tsis tau tuajntawd,thiab pub hwj chim kom muaj peev xwm tshaj Tswv Ntuj lo lus, pom kev rau lub sim ceeb neeg.
    -> Yes Xus yug los nyob ntiaj teb no, kom tau hloov ua tus As Das tshiab. Coj txoj kev sis nyiam sis hlub kom ntxim Tswv Ntuj siab. Ces niaj hnub Lub Koom Txoos Ka Tau Liv tshaj Yes Xus toj kev tuag thiab sawv rov los mas lawv thiaj nyeem peb tsab ntawv.
    Thawj ob tsab ntawv, yog Tswv Ntuj cov lus uas Tswv Ntuj txib cov Yaj Saub hais tawm los. Hos tsab ntawv Moo Zoo ces yog Tswv Ntuj Leej los lus hais tawm los kiag.
    ->txhua lub txoos txi Ntuj peb thiaj yuav tsum muaj li ntawd. Nyeem ntawv tas mas Xib Hwb los Leej Choj mam nthuav raws li cov xwm haum neeg lub siab xav.
    Lwm cov los lwm pab neeg ntseeg lawv ke nyem ke nthuav, yuav lem mus rau sab twg los nyob ntawm Leej Tswv Yim coj.
    ->Tus Vaj Qhia, cov Tswv Qhia, cov Leej Choj, cov Xib Hwb, lawv yog Tswv Ntuj cov txiaj tsim ua Yaj Saub, tshaj lub Moo Zoo, thiab faib Tswv Ntuj cov cim nqa txiaj ntsim,raws li Leej Tswv Yim txib lawv ua. Lub Koom Txoos Ka Tau Liv Thiaj muaj Zaj cav txiaj ntsim hais txog Yes Xus tshaj txoj kev tuag thiab sawv rov los. Lwm pab lawv tsuas muaj ua cov kab ke kom tau nco txog xwb lawv tsis muaj thaj cav txiaj ntsim.
    ->Vaj Tswv Ntuj pab neeg no, yog lawv raug leej twg cem, thuam, los ntxub, ntaus, mas tus ntawd nws tau ua rau Yes Xus Pleev tib yam thiab. Hos pab neeg no los kuj yuav nco ntsoov tias:
    Yog yus xwb tim ua tej yam kom raug luag cem los ntxub mas yus tsis saib Tswv Ntuj muaj nuj nqes thiab. Yus muab Tswv Ntuj lub meej mom mus cuab phiaj rau luag ntxub los luag cem ntag.
    ->Nco ntsoov kom peb maj mam tawm ntawm tus As Das qub thiab txav zuj zus los zwm rau tus As Das tshiab, kom txawj hlub txawj zam rau luag ntau li ntau tau.
    Vim tias cov coj li tus As Das qub mas lawv tsis yeem swb leej twg li, lawv tsuas xia kom lawv yeej li cov tsiaj txhu xav xwb.
    ->Cov neeg ntseeg, peb yog lub teeb kaj rau luag pom kev. Sawv daws yuav sib koom nrog cov Xib Hwb nyob hauv txoj kev sib haum xeeb kom tus nplaim teeb cig loj pom kev lam lug rau neeg Yaj Ceeb cov muaj kev ntseeg thiab cov tsis muaj sawv daws tau paub Tus uas Tswv Ntuj tau Pleev ua neeg ntiaj teb tus Vaj.
    ->Saib Tswv Ntuj cov txiaj ntsim, mas txhob saib ib sab xwb. Tsis hais tus txiv neej los tus poj niam li.
    Poj niam tawm ntawm txiv neej los. Tswv Ntuj tau muab siab rau tsim ib lub txiaj ntsim kom zoo nkauj dua tus txiv neej. Kom txiv neej tsis muaj chaw xyeej los tib tias, poj niam tsis zoo phim txiv neej. Poj niam lub meej mom thiaj zoo kom ntxim txiv neej nyiam thiab hlub.
    ->Es Vas kuj pom qhov ntawd zoo. Es Vas thiaj xav ua kom Es Vas zoo cuag li Huab Tais Ntuj. Ces Es Vas thiaj tau noj lub txiv uas Tswv Ntuj txwv tsis pub noj.
    ->As Das yog Tswv Ntuj thawj lub txiaj ntsim los ua txiv neej, As Das paub hwm Tswv Ntuj lub txiaj ntsim, ces As Das tsis saib tias Es Vas ua phem. As Das ua ib siab nrog Es Vas noj.
    ->Cov txij nkawm uas ob tug niam txiv, niam pw saum txaj, txiv pw qab txag, los ib tug pw tig rau ib sab. Txiv pw tig rau tog hauv ncoo, niam pw tig rau tog ko taw, mas nkawd txoj kev sib hlub tsis loj txaus. Nkawd lam ua neej nyob sib dai xwb. Yog tseem hluas mas yuav plam mus ib hnub hnub twg xwb.
    ->Vim muaj As Das mas Tswv Ntuj thiaj rov foom lus zoo rau EsVas tias:
    Dab Koj tau ntxias kom Es Vas noj lub txiv uas Ntuj tau txwv tsis pub noj. Mas tus poj niam no yuav muaj ib tug xeev ntxwv los tsuj koj taub hau. Dab phem koj tsuas tom tau nws lub pob taws xwb. Tus poj niam no lub hwj chim peev xwm yuav muaj zog dua koj lub zog ntau npaug.
    =>Tswv Ntuj txaus siab tsim poj niam kom, kom poj niam muaj lub meej mom zoo nkauj thiab tswv yim thoob tsib khiav nrawm dua txiv neej. Ces Dab Phem thiaj xub tuaj ntxia poj Es Vas ua ntej.
    ->Tab sis lub hwj chim thiab lub peev xwm siab tawv mas Tswv Ntuj yeej tso rau Txiv neej ua tus pib ua ntej. As Das hwm lub txiaj ntsim no, vim tias,nqaij yog ib hom hos txhav los yog ib tug.
    ->Lub sij hawm Xas Tas ncaim ntawm Tswv Ntuj mas Tswv Ntuj yeej paub tias, yuav mus li ntawd. Tswv Ntuj thiaj rov qee Nws lo lus yug los ua neeg. Kom tau hloov ua tus As Das thiab ib zaug ntxiv. Thiaj muaj lo lus hais tias. Thaum Leej Txiv tsim lub ntuj lub teb mas Leej tub yeej nyob ntawd lawm. Leej Tub kuj tau nrog Leej Txiv tsim ua ke.
    -> Ua li mas Neeg lub keeb txhaum thiab neeg txoj kev ua txij nkawm yeej xub xeeb los ntxov ntxov thaum ntuj tsim teb raug los lawm. Tuaj ntawm Tswv Ntuj tuaj, ces Tswv Ntuj thiaj pov hwm kom muaj nyob mus tiam dhau tiam li no.
    1. ->Cov neeg ntseeg uas peb zwm rau tus As Das tshiab no lawm mas, peb yuav saib nyias tus txij nkawm. Cov tub ki,cuab kwv tij, cov txheeb ze, Hmoob los Mab Sua sawv daws yog Tswv Ntuj cov txiaj ntsim, zoo li cov tseem nyiaj tseem kub uas muaj tus neeg muab nchuav dua hauv lub yeej vub los lawd.

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th July 2015, 10:07 am



    Zaj 184- NTSEEG NTUJ NRAUJ TSIS NYOG HMOOB KEV CAI.



    Kev ntseeg txog Yes Xus lub Moo Zoo tsis yog kev rhuav ntiaj teb neeg cov txuj ci, los kev cai.
    Neeg ntiaj teb cov txuj ci, los kev cai yog ib yam txuj ci ntshiab huv,thoob tsib nyob nrog haiv neeg.
    Nco ntsoov ib haiv neeg tej kab lis kev cai, lus hais lus qhuab qhia. Kev sib coj, sib hlub kev sib tso siab nyob tas nrho hauv cov txuj ci no zaj lus hais thiab xav tau tas nrho lawm. Haiv neeg twg muaj ib cov kev cai zoo nkauj thiab thoob tsib li Haiv Hmoob cov kev cai mas yog hom txuj ci nqes saum ntuj los.
    Yam twg hu ua nqes saum ntuj los mas yog Qaum Ntuj li kev cai. Nws tsis yog dab kev cai. Ib Haiv neeg nyob hauv lub qab ntuj no, muaj ib txoj kev cai zoo thoob tsib los coj neeg,mas Haiv neeg ntawd yeej nyob ze Tswv Ntuj dua.
    Tej haiv neeg muaj txoj kev cai zoo coj, mas haiv neeg ntawd nws nyob tau nws haiv neeg ntxiv mus,ntau pua xyoo los txoj kev cai thoob tsib pab tau kom Haiv neeg ntawd txawj vam meej mus ntxiv.
    Saib zoo li Haiv Hmoob cov kev cai no, mas muaj kev sib hwm, kev sib hlub, kev sib pab, kev ua siab zoo, kev tso siab ua neeg siab dawb, nyob tas nrho hauv Haiv Hmoob no tej cai tib si lawm!
    Tus neeg xav paub Hmoob tej kev cai zoo saib cov lus yuav hais txuas mus ntxiv nram no:
    *Haiv Hmoob kev sib hlub,kev sib hwm,kev zoo siab, tawm nyob tas nrho hauv Hmoob txoj kev txais qhua.
    Thaum muaj ib tug neeg tshiab tuaj txog koj lub tsev, Koj hu tus ntawd ua qhua no. Koj ntsia kiag xwb, nws yog ib tug Hmoob lawm, koj hu, txaum yim tshis tias koj tuaj los qhua! Tus hluas li koj ces cia li hu ua npawg, tsis tas yuav nug li.Koj coj los tsev,tsab yeeb tsab tshuaj rau haus tas. Mam tham saib tuaj kev deb los tuaj ze tuaj. Tuaj muaj tus xwm dab tsi, los tsis muaj. Tuaj tsham kwv tij los tuaj saib neej saib tsav, los tuaj ua tshoob ua kos. Los tuaj rau ntees ploj ntees tuag.
    *Cov poj niam, mas xub hu lawv ua niam tais los phauj no thiaj yog kev saib taus luag, tus hluas hluas mas hu ua leej muam. Saib ntawm tus neeg lub meej mom laus los hluas. Koj siv peb lo lus no mas tsis tub qaug rau leej twg li. Tab txawm yog lub xeem twg los siv tau tas nrho.
    *Koj mas txais lawv los so hauv tsev ua zaub mov rau lawv noj. Tsis hais, los nug tias puas tau noj mov. Neeg tuaj kev deb tuaj yuav xav tias, lawv tshuav tshais los su tsis tau noj, ntxov thiab lig los yuav tau ua mov kom siav rau noj. tsis muaj zaub los npaj kom muaj tais me mov dej rau noj ces yog muaj txiaj ntsim zoo heev lawm. Dhau kev noj haus tas mam nug tias yog Hmoob xeem dab tsis, puas muaj txheeb muaj ze nyob twg. Yog tsis muaj neej tsa ntsuab ze tuaj poob leej twg lub tsev nws nyob txog lub caij rov.
    *Yog poob rau koj tsev,koj yog neeg ua neej tuaj rau lub qab tsag koj yuav ceeb toom qhia rau kev txwj neeg laus tuaj tos mus so nyob hauv lawv Vaj tsev. Lawv tsis tuaj tos mus mas lawv twb yuav pab koj kom muaj siab puav txhuv thiab tes puav zub pab koj txais qhua kom dhau hnub dhau hmo mus.
    *Tab cov qhua ntawd txawm yog Mab Sua los kuj yuav tau txais lawv, pub mov pub dej rau lawv noj lawv haus. Dhau tej kev so tas, mam nug saib luag tuaj dua kev li no yog tuaj hauj lwm los tuaj tsham teb chaws. Yuav mus ncua ke deb los ncua kev ze, yuav qhia kev ncaj rau luag taug kom mus txog chaw. Thiaj nyob kaj tsis muaj kev txhawj xeeb tom ntej. Tab yog Mab Sua los tseem yuav tau zeem ua niam qhuav txiv qhuav pov hwm tej me nyuam kom hlob dhia rhees plis ncos mus kom tiav hlaub tiav ces. Kom ob tog neeg nyob kaj siab lug. Cog kev phooj ywg kom muaj kev tso siab tias, tsis yog Suav phais tsib tuaj dua kev.
    *Theem ob no Hmoob kev sib hlub sib hwm tawm loj heev rau ob ncua kev no:
    A. Tawm nyob hauv kab tshoob kev kos, thiab kev muaj ib siab ob qig, thaum muaj cov laus ua neej nyob puv 120 xyoo. Uas tas rho tej ntsuab ze sawv daws tuaj saib tus laus ntawd nce hauv toj.
    *Saum kab tshoob kev Kos Hmoob hu ua kev tis ntsuab tsis ze, tis kev neej kev tsav, kev xeeb neej xeeb tsav, Yog kev tsim noob neej,los yeej noob tseg. Kom rov muaj tshoob muaj kos rau tiam tom ntej.
    Saum tus kab tshoob kev kos Hmoob yeej cog lus cia tias, coj mus tsim noob. Yog tus tub ces cia tuav ncej dab ncej qhua. Yog leej ntxhais ces cia tseg noob tshws rau kev neej kev tsav rov tuaj rob nws noob tshws mus dua.
    *Tus Dab laug yog hlob los yau mas hmoob yeej hu ua nus tij. Muab nws tsaws rau phij ua tij. Tus muam mas txawm hlob thiab yau mas muab nws ua phaj yau, cov nws hais lawm mas cov muam tsis cam li koj hais lawm koj yog hlob ces peb tuaj pab li koj nyiam.
    Tab sis cov muam mas Hmoob ho saib ua Phaj muaj koob hmoov thiab kuab tshuaj hais lus xwb los kom zoo tau li lo lus hais. Ces thaum muaj ib yam tsis zoo rau sab ntsuj plig mas Hmoob kheev hu cov muam tuaj tsawm kom kev phem ploj mus pub kom kev zoo tawm tuaj xwb. Yog cov muam hais lawm mas ua dab tsis los kom huaj txhaij tsav vam mus. Dablos kom mloog mus txhob txob neej li lawm.
    *Saum tus kev ib siab ob qig yog ib txoj kev sib hlub loj heev. Thaum ua neej nyob sawv daws noj sib hlub haus sib ce. Tuag mus lawm los kom muaj tus cuab tsav ua thawj xyom cuab nws yog sawv tas nrho cuab kwv tij kev sib hlub. Tus dab laug,kev sib hlub ntawm ob tug nus muag no choj lov los kev tsis tu. Tus muam Phauj sawv cev ntawm ob tug nus muag thiab. Cov cuas nyab cuas ntxhais, yog kev xeeb neej xeeb tsav los ntawm tej tub ki,tus Xeev txwj laug yog kev nom kev tswv muaj plaub ntug sawv daws sib pab ntaus cuam dhau los lawm
    Cov tub qav tub num yog pab txwj laus tuaj tu plaub tu ntug npaj kev noj kev haus rau lub ntees. Zaum no yog Nws laus pluas mov kawg xwb. Sawv daws tuaj noj ua pluas mov tu moo, uas tau muaj kev sib hlub dhau los lawd.
    *Cov txuj ci nkauj qeeg nkauj nruas xa nws mus cuag poj cuag yawm, nyob ntuj qub qab muaj suav rog loj li loj zoo li tej pog tej yawg khia los yog khiav tsov khiav rog los lawm xwb, Mab Sua ntshaw nws tej ris tsho coj mus hnav, yog Mab Sua tsis txeeb los tseg Mab Sua txeeb yam twm kom yam ntawd ntuag mus kom Mab Suas tsis tau yuav thiab.
    Tej nkauj qeeg nkauj nruas txog caij noj tshais noj sus lawm neeg txheeb neeg ze tuaj npaum nplooj koj sawv los coj txheeb coj ze nrog koj noj koj haus uas yog koj pluas mov kawg...
    *Saum cov lus qhia rau tej tub ki Nws lus lub neej tshwm rau peb txoj kev no:
    a. Tus ntsuj plig mus cuag poj cuag yawm yog tus tseeb.
    b. Tus mus thawj thiab ua neeg dua hais kom zoo mloog xwb thaum nws nyob nws ua zoo ces tau zoo ua phem ces tau phem, hais los cob kiag rau cov tub ki li lawm tej niam tej txiv tuag tsis tas li Leej niam los leej txiv hnub nws tuag ntawd mus,nws yug tau li 9 leeg tub 8 leej ntxhais ua ke. Tej tub ntxhais no nqaij yog yus nqaij txhav yog yus txhav hais los ces yog loj tuaj lawm Niam txiv dua toj lawm xwb, yog peb tsis sib hlub ces peb thawj thiab ua tsiaj tas tib si. Yog peb sib hlub ces peb thawj thiab ua neeg, Neeg thiaj sib shub.
    Tus Plig mus zov toj ntxas yog neeg txoj hauj lwm ua neeg tsim koob hmoov tseg xwb. Peb sib hlub sib yoog sib qhia peb thiaj paub neeb paub yaig paub dej tshuaj muaj kev thoob tsib yog nws li koob Hmoov pov hwm tej me nyuam xeeb ntxwv los tiam dhau tiam xwb.
    *Muaj ib yam neeg tsis to taub, zoo li tus neeg muaj tswv yim muaj txuj txua tau yam zoo dhos rau los tsis hais tseeb tias tus hu li no ntxiv ib qho rau zoo dua tuaj lawm! Nws, los sis tus neeg ntxiv yam ntawd cia li hais tias, Dab qhia ib txwm lus ntxiv rau, qhov no yog lus yuam kev. Dab tsis tau qhia, neej txua tau rau neej xav yuav nyiaj ces nws muab hais ua dab lus tus xav kawm nyuav them nyiaj coj mus yuav xyab ntawv fij rau dab, yuav qhia dab paub mam kawm tau.
    Lo lus yog Qaum Ntuj lus, Qaum Ntuj qhia rau neeg ces neeg hais tias yog dab qhia los, qhov tseeb neeg xav tau paj tshab txiaj ntsim ces neeg hais neeg li ntawd rau. Tseeb tiag yog dab qhia mas yuav qhia tej yam rau cov neeg tsis txawj ua neeb thiab. Ua li cas ho qhia rau tib seem neeg xwb.
    *Nyem no xav hais kom neeg paub tab thiab paub cai me ntsis tuaj. Tus muaj ib hom kev ntseeg coj txoj ncauj kev mus lawm txhob nrauj haiv neeg li kev cai los kev teev hawm muab thuam mus rau sab tsis muaj txiaj ntsim qab hau dab tsi. Yes Xus tuaj mas Yes Xus tau hais meej kawg li txog tej kev cai no. Yes Xus tau hais tias kuv tuaj mas yog tuaj kho kom zoo dua xwb. Kuv tsis yog tuaj rhuav. Kuv hais tseeb nyob hauv cov tsiaj ntawv uas neeg tsim tau los,mas lub qhov muag dub,dub nyob saum tus { i } lub taub hau mas kuv nco ntsoov cia kom muaj.
    *Saum Hmoob txoj kev ploj tuag ntawd kuj yog ib txoj kev sib hlub loj kawg thiab:
    1. Ua neej nyob muaj kev sib hlub, tuag lawm los tseem tshuav kev sib hlub rau cov nyob tsis txawj tas li thiab. Hmoob hais tias, ua neej nyob choj lov los kev tsis tu, muaj tshiab tsis nrauj laus.
    Thaum sau laus mus lawm tus muam phauj los dab laug thiaj tuaj koom pluas mov kawg, thiaj hais tias tuaj qaij nws laus lub kaus dub rau nws laus coj mus roos hnub, qaij nws laus lub kaus ci rau nws laus coj mus roos hli.
    2. cov tub ki ntawd yog ob leeg li puav leej yog nkauj muam thiab nraug nus li tib si thiaj foom kom ua neej nyob ua neeg paub tab hno xaiv kom tau nyob ua luag li thawj neeg zaum luag hauv rooj hais luag hauv lus noj luag hauv qav.
    3. Muaj tej yam tsis meej thiab:
    Yam uas ib tug kws txuj muaj zoo tswv yim txua los hais tau ib txwm lus tshiab rau zoo cuag li tej lo lus nqes saum ntuj los. Tus neeg thoob tsib ntawd cia li hais tias yog dab qhia los. Tej yam zoo li no mas nws yuav kev. Vim tias dab mas nws tsis qhia tej yam zoo, Dab sab mas dab nyiam qhia txog tej yam tsis zoo kom neeg ua tub qaug tau rau Ntuj los tub qaug rau neeg xwb. Yam yuav ua kom Ntuj hlub thiab zoo rau neeg qhuas mas dab qhia tsis tau.
    4. Tej txuj ci ua kom neeg paub neeb paub khawv koob paub tshuaj no puav leej yog hom txuj ci tuaj saum ntuj tuaj tas nrho. Leej tib neeg tsis muaj lus hais zoo tshaj qhov ntawd lawm ces neeg cia li hais tias yog Dab qhia no xwb. Hu ua Dab Los Ntuj mas neeg pom tsis tau,txhua yam neeg pom tsis tau uas nws muaj hwj huaj thiab muaj peev xwm mas neeg muab hu ua dab no tas nrho li xwb.
    Ces tus Dab Xeeb teb xeeb chaw ntawd ces yeej yog Tswv Ntuj kiag li lawm. Lwm tus Dab ua tsis tau qhov xeeb kom muaj tuaj no li.
    5. Hmoob cov txuj ci yam tsim txiaj thiab muaj nuj nqis mas yeej nyob zais ntshis rau Hmoob lub nruab siab tias yog dab teej dab tug, yuav faib tawm mas yuav tau them me ntsis nyiaj coj los mus yuav xyab ntawv qhia rau dab paub ua ntej mam li faib tau rau ib tug neeg, ces yus mam li muaj cai kawm kom tau.
    6. Yog muab xav los mas raug kiag li Los Tsuas lo lus hais tias, ua neeg muaj (Phim xoom huam), koj ua ib tug neeg muaj ob lub ntsej muag, lub tig tom ntej yog Huab Tais Ntuj lub ntsej muag, dab lub tig rau nraum xub qwb.
    Lo lus no mas yuav ceev faj kawg nkaus li rau neeg yaj ceeb no. Ceev faj rau thaum peb hais lus los tham nrog neeg:
    Thaum peb tham mas zoo kawg peb siv Huab tais Ntuj lub siab lub tswv yim los hais tas nrho. Tab sis thaum peb ua peb tes hauj lwm thiab zaj peb xav mas yog Dab Phem zaj lus thiab siv li Dab Phem lub tswv yim ua thiab coj. Ces tsis yog peb tuaj kho kom zoo li Yes Xus hais. Peb rhuav xwb. Twb tsis hais lub qhov muag dub,dub nyob rau saum tus i ntawd peb rhua tas nrho ib lo lus hu ua (ntawv) no.
    7. Ua li mas muaj tej Haiv neeg cov kab lis kev cai muaj tej yam zoo uas nyob ze Huab Tais Ntuj kev cai. Yog zoo li Hmoob cov Zaj tshoob thiab cov qhuab kom foom kom. Tsim nyog peb yuav hwm, vim tias nws twb yog ib co kev cai tej pog tej yawg coj Haiv Hmoob ua neej los tau ntau vam xyoo lawm lawv tseem muaj kev sib hlub mas twb yog qhov zoo lawm yus ho mus txais tau ib txoj kev ntseeg txav los nyob ze Huab tais ntuj dua lawm los txhob nrauj thiab thuam mus txog qhov saib tsis taus. Cov phiaj neeg tsim txiaj muaj nuj nqis puav leej yog txoj qub kev cai no tsa lawv sawv los ua neeg tsim txiaj xwb.
    8. Cov tub tshaj Ntuj lus uas lawv hais tias lawv raws Yes Xus qab yog cov yuav ceev faj Tsam muaj tej zaum yus lam hais tias,Yes Xus tsis nyiam Hmoob cov kev cai, vim Hmoob kev cai yog kev teev dab xwb.
    Yog koj tsis paub mas koj hais meej tias koj tsis paub thiab koj tsis txawj ua no xwb ces twb zoo lawm.
    Hos koj mus hais tias kuv tau kawm los lawm Hmoob kev cai siv tsis nyog los xyaw Ntuj kev kev cai. Tus hais li no mas nyob hauv nws tsis muaj kev ncaj ncees thiab tsis tseem ceeb dab tsi li. Tab yog nws caiv tsis hais lus Hmoob mas zoo dua rau nws. Vim nws rov taw tuam Ntuj li Hmoob yeej ib txwm hais kam los nws txhob hais lus Hmoob los tau lawm.
    9. Pab neeg ntseeg Ntuj mus raws Yes Xus lub Moo Zoo mas Nej siv Hmoob kev Cais los nej tsis siv tsis ua li cas vim nej yog pab paub, los nej ho yog pab tsis paub. Pab twg los txiav tsis tau tias zoo thiab tsis zoo, yog thiab tsis yog. Peb yuav nco ntsoov tias muaj hmoob kev cai cov txawj kho ces kho kom zoo rau. Cov tsis txawj kho los txhob hais tias txiav tu nrho, Yes Xus kev cai tsis siv Hmoob kev cai li lawm. Tsam muaj ib hnub luag yuav tau hais tias koj yog tus txia tu nrho tias tsis yuav thiab tsis siv li lawm yog dab kev cai xwb Yes Xus twb tsis tau hais li ntawd ua cas, koj ho hais tau mas!
    10. Leej Ntuj Plig nws yog tus txaus siab yuav qhia peb, kom peb to taub zaj no zoo txhob ua neeg ywj fan ywj fwj txiav li ub txiav li no. Haiv Hmoob thoob tsib txais kev ntseeg Yes Xus lub Moo zoo nyuam qhuav yuav muaj 80 xyoo no xwb,mas yog ib zaj kev ntseeg tshiab, tshiab li tau ntseeg nag hmo los xwb. Qhov tseeb tsis tau muaj ib tug tau paub zoo zoo los li. Kawg tsoom Hmoob 80% ntseem ntseeg tias tus txiv neeb nce pem ntuj, los nqis nruab yeeb tau, mus nrog Ntuj los nrog Dab sib txuas lus tau, yeej yog qhov tseeb li lawm no xwb mas!
    11. Nyob ntiaj teb no cov Haiv neeg muaj ib co kev cai thoob tsib uas muaj kev sib hlub sib nyiam nrog kev ua neeg paub tab paub cai li Haiv Hmoob cov kev cai txuj ci no, muaj tsawg haiv neeg kawg thiaj muaj cov txuj hais txog sab ntsuj plig thiab sab cev nqaij daim tawv xws li Haiv Hmoob no cov txuj ci.
    12. Ib tug Xib Hwb Hmoob los ib tug Leej Choj yog Hmoob thaum nws kawm tiav cov ntawv ntshiab lawm mas nws yuav tau mus kawm Hmoob cov txuj li no:
    a. kawm kom paub Dab qhuas zoo li tus txiv muam coj Dab qhuas.
    b.kawm ob yam no kom tas nrho:
    1. kawm kom ua tau txiv tuam mej koob mus hais tshoob tau rov los.
    2.Kawm ua kav xwm, sawv qab nteeg hais txiv xaiv foom kom kom tas nrho txhua theem los.
    3. Mus kawm kom txawj ua neeb nqes, tab sis nws tsis mus ua neeb. Ces koj yuav paub tias Ntuj muaj lus npaum li cas. Dab ho muaj lus npaum li cas thiab
    13. Hmoob tsuas hnov hais xwb tsis tau pom dua, yam li Hmoob tsis muaj ntawv los kawm cim txhua yam cia tseg li. Tab sis Hmoob cov kwv txhiaj thiab cov zaj tshoob txiv xaiv foom kom mas hais cim tseg nyob rau nruab siab xwb, hais peb hnub tseem tsis tau tas. Zoo li pib hais ces pib taug kev nce mus saum ntuj, mas hais mus nto plaws saum ntuj.
    Raws li kuv xav mas Ntuj kev cai rhuav tsis tau Haiv Hmoob tej kab lis kev cai pov tseg. Muaj ntau yam nyob hauv Hmoob tej kev cai xws li Yes Xus lub Moo Zoo.
    Haiv Hmoob yog ib pab tshwm sim los ze haiv neeg His Xas Lais. Hmoob muaj yam puav kab ke zoo li His Xas Lais cov. Cov Yaj Saub tawm tuaj nyob hauv Haiv Hmoob lawv puav leej tuaj hais kev khaum kev txhaum ntau xwb. Cov yuav tiv Huab Tais Ntuj muaj los tsis paub kuv tsis tau hnov dua li thiab. Muaj qee leej qee tus mas zoo li lawv kev thoob tsib mus tsis deb, ces lawv xav tias ib haiv neeg mas nyias yuav muaj nyias tus Huab Tais Ntuj mas thiaj yog. Cov Ntawd lawv xav tias nyob saum ntuj ntshais muaj Huab tais ntuj zaum nplawg ntia li cov ua Nom ua Tswv. Zaj xav li no tsuas yog xav tau li ib tug leej tib neeg xav xwb. Qaum Ntuj mas nws mus deb dua,Nws tsis tau xav li ntawd.
    Tus uas nws paub tsom mas nws yuav tsom los saum tej tsiaj txhu los nas noog, thiab tej me kab ntsaum los,mas nws yuav paub mus tob dua li ib tug neeg cia li zaum tsaws xav nws zaj tam sis ntawd los ces hais tias yog lawm no. Txhua yam tsiaj ntawd koom tib tug Huab Tais kav thiab saib sawv daws ua ke xwb.
    14. Zaum no txawm yog ib tug neeg tawv dawb, tawv dub los tawv daj Nws tsis tau yug ntawm ib tug poj niam Hmoob thiab tau saws ua me nyuam Hmoob ua ntej ntawm nws muaj hnub nyug ib los rau tsib xyoos, uasw Hmoob hu ua yug ntawm tav los. Mas nws yuav paub tsis txog Haiv Hmoob tej kev cai li.
    Los txog tav no Lwm Haiv neeg uas yug ntawm lwm xeem los, mas kuv tsuas paub Txiv Plig Nyiaj Pov nws paub Hmoob kev cai thiab txuj ci li 60% xwb. Vim nws kawm tau 50 xyoo kawm mus txog hnub nws sau laus.
    15. Qib lus no,thov txim,Zoov Ntxheb tsis tau thuam Txiv Plig, nws hais li muaj thiab yog xwb. Kuv paub tias kuv hais tau siab koj zog lawm thiab.Ib tug zoo neeg li Txiv Plig Txhiaj Foom, lus Hmoob twb paub tsis tau txhua, tom qab los tseem xav tias yog tom ntej lawm, Muab kev ntseeg lub Moo Zoo los sib piv ces nws hais tias:
    { ntseeg tsis tau li lauj!} Ua cas ib tug Hmoob paub zaj txiv xaiv foom kom xwb, yuav muaj ={peev xwm, muaj pouvoir,los muaj pover} ua luaj li no! Hais txiv xaiv foom kom ntawd xwb ces yuav saib thiab tsim txiaj tshaj li lawm. Ces Npuag Neeb Phau ntawv txiv xaiv foom kom uas Txiv Plig Nyiaj Pov thiab Tsoom Hmoob kom ua tau los ntawd. Koj coj mus txhais rau tus Tswv Qhia nyob Vos Xom tias yog lus teev dab tas nrho xwb. Siv tsis tau los xyaw lub Moo Zoo.
    Nyob Los Tsuas teb xyoo 1966 Thawj pab Hmoob ntseeg Yes Xus lub Moo Zoo twb siv, thiab ua tej lub ntsees muaj Txiv Xaiv Foom Kom los lawm...
    Yog muaj ib tug Hmoob kom koj txhais lub Tswb co kom nrov nrov nyob saum lub ru tsev teev ntuj saib koj yuav txhais li cas! Lub tswb ntawd thaud lawv ntaus hu neeg mus pe tus Vaj los hu neeg mus teev dab ntag!
    Hmoob cov txiv Xaiv foom kom no, qhuab ntuas neeg li tej zaj ntawv ntshiab los tej zaj nkauj paj nruag. Hmoob cov qhuab kom foom kom, muaj Tswv Ntuj 10 lo lus nyob hauv. Qhuab tub qhuab ntxhais kom tsim txiaj. Txhob mus ua tub sab tub nyiag ua ua plees ua yi tsam raug luag cem, raug cuab luag khi. Mam foom ua siab zoo kom Ntuj pom Ntuj thiaj hlub, neeg pom neeg thiaj qhuas. Ib cov lus zoo npaum no tuaj qhov twg tuaj,paus yog Dab qhia los!


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th July 2015, 3:23 am



    Zaj 185- NTIAJ TEB LUB NEEJ TSHIAB.


    Ntiaj teb lub neej tshiab, yog ib lub teb chaws zoo rau ntau Haiv neeg mus nyob. Lub teb chaws ntawd kuj zoo rau Haiv Hmoob mus nyob kawg. Lub teb chaws ntawd hu ua INTERNET.
    Haiv Hmoob lawv tu tu siab tias, lawv tsis muaj teb chaws nyob. Yog cov tub txawj tub ntse, thiab ntxhais txawj ntxhais ntse, uas twb ua neeg thoob tsib li niaj hnuv no lawm,sawv daws muaj txuj zoo li tam sim no, sawv daws tsiv mus nyob ib nrab neej rau lub teb chaws INTERNET no. Cov ua niam ua txiv tsis tau laus heev heev tshaj 80 xyoo saud, lawv coj ib nrab mus nyob hauv lub teb chaws tshiab no. Kom lawv txhob nco nco Los Tsuas teb.
    Lub teb chaws tshiab hu ua Internet no cov mus nyob hauv lawm xav kawm cov txuj tshiab, txuj qub los muaj. Cov ho xav tias yuav kawm lus Mab lus Suav xwb los muaj thiab.
    Lub teb chaws no yog ib lub teb chaws tshiab tshiab li. Tab sis yog ib lub teb chaws lawm ces neej thiab dab los yeej nyiam mus nyob, Mas lub teb chaws ntawd mas, neej dab kuj nyob sib npaug zos thiab.
    Tsis hais nyob qhov twg li nyob ntawm koj xwb koj ua ib lub neej nyob ze dab los ntiaj teb no yeej muaj sib npaug. Hos lub teb chaws tshiab ntawd los neej dab kuj tsis txawv li thiab. Tsuav yog hais tias, mus nyob lub teb chaws tshiab Internet ntawd,mas koj ntse lawm ib yam, thiab mus nrawm dua, paub txog ntiaj teb qeeg rau sab ntuj twg,muaj tsov muaj rog los qeeg rau sab kev thaj yeeb uas neeg sib tw ua lag luam ces koj tsis tshua txawj, vim koj hnov lub ntiaj teb ua zog mus txog qhov twg los sab ntuj twg lawm.
    Cov neeg mus rau lub ntiaj teb tshiab ntawd lawm mas lawv sib tham tsis pom ntsej muag, tab sis lawv sib hnov lus zoo li neb nyob kem ib lub phab ntsa xwb.
    Nyob hauv lub teb chaws Internet ntawd, mas txuj ci muaj ntau dua. Vim koj txawj pom, hos nyob lub ntiaj teb qub no mas koj xav ntsib tus paub,nws mam tham tau qhia koj, yuav yog tus zoo phooj ywg uas nws tau pom thiab hnov dua,mas nws thiaj tham tau rau koj hnov xwb.
    Hu ua phooj ywg, mas lub teb chaw Internet ntawd muaj phooj ywg coob dua, vim tias neeg xav nrhiav phooj ywg dua nyob lub ntiaj teb qub. Lawv tsis xaiv neeg ua phooj ywg. Lawv sib tham sib nkag siab sai dua thiab. Zoo li koj mus ntsib tus phooj ywg swm koj heev lawm yog koj pom nyob ntiaj teb no mas koj tsis tshua nyiam nws los muaj.
    Zoo li lub ntiaj teb ntawm lub Internet ntawd tej phooj ywg mas ziab zoo thiab tseem zoo ncauj zoo lus tib si. Sab kev kawm txuj mas luag tsis xaiv neeg qhia, tsuav yog koj xav kawm thiab xav paub,mas luag txaus siab txais koj ua phooj ywg lawm.
    Yav thaud mas koj xav ntsib ib tug phooj ywg mas yuav suav hnub suav hli yog zoo caij nyoog mas mam mus ntsib tau. Vim yuav siv caij nyoog mus kev kom txog chaw. Lub ntiaj teb Internet no mas siv ncauj siv lus ua ntej ces sib tham ncauj lus sib raug sai dua.
    Yog hais li Hmoob tej lus hais los mas lub teb chaws tshiab no mus nyob mas neeg hom yog cov swb lus ua ntej ces mam li swb cev rau luag.
    Tab sis sab zoo mas muaj ntau kawg tus neeg xav kom yeej rau sab zoo mas tsis ceeb laj thiab tsis txog siav los tsis laj khwv li. Muaj kev ua neeg thoob tsib coj koj mus.
    Txoj kev phem mas zoo li yog txoj kev tws. Lub teb chaws Internet ntawd leej twg nyiam mus nyob hauv txoj kev ua neeg phem mas phooj ywg kuj poob sai kawg. Vim tias luag nyeem tau koj lub siab thiab koj zaj xav to taub sai dhau lawm.
    Yog muaj neeg paub tias koj yog neeg phem mas sawv daws tsis qhib koj lub qhov rooj tuaj xyuas koj li. Ces koj lub qhov rooj ces tsis muaj neeg tuaj poob los so, mas koj tseem txom nyem loj dua nyob ntiaj teb no. Hauv mas ib tug neeg phem los luag paub nws sai kawg. Hos ib tug neeg zoo los nws lub koob meej nce sai kawg thiab.
    Nyob qhov twg los xij, koj ceev faj kom koj tsis txhob yog tus pheej mus thab plaub xwb ces Lub teb chaws ntawd sawv daws yeej nyiam koj li lawm. Vim koj niaj hnub mus qhib luag qhov rooj kawm luag txuj ci, ces tsis ntev koj yuav hloov los raws tau luag txoj kev zoo kom muaj phooj ywg sib xws li luag zeej tsoom.
    Yeej yog kev ua zoo xwb thiaj nyob tau nrog pab nrog pawg. Nyob hauv lub teb chaws,los lub zos Internet ntawd cov neeg xav ua dog dig los ua neeg phem mas kawg yog tib co neeg uas lawv xav muab lawv muag kom pheej yig saib puas muaj neeg kheev nqi xwb, tsis muaj lwm txoj kev tseem ceeb tshaj qhov ntawd li lawm.
    Nyob hauv lub teb chaws ntawd,ua phooj ywg mas tsis yog Hmoob xwb. Koj xav ua phooj ywg nrog Mab Sua los tau, tsuav koj paub hais lawv xeem lus thiab sau tau lawv cov ntawv xwb, ces yooj yim ib yam li ib tug Hmoob uas koj paub nws lawd.
    Kev ua phooj ywg muaj ntau fab ua, tsis zoo li cov lus ntiav ntiav tias,ua phooj ywg txiv neej thiab poj niam ntawd xwb.
    Luag kev ua phooj ywg xws li:
    a. Phooj ywg saum tus txiaj lag kev luam.
    b. Phooj ywg saum kev sib pauv txuj ci ib haiv neeg rau ib haiv, thiab kev thoob tsib txhua yam...
    c. Phooj ywg saum txheej nom Tswv tswj teb kav chaw, sib txhawb nqa kom mus sib luag...
    d. Phooj ywg saum yeeb yam nyiaj kub, pov haum kev zoo nkauj zoo nraug ua kom raug ntiaj teb nyiam los qhuas txhua yam...
    Hais tau tias lub teb chaws Internet ntawd yog ib lub teb chaws thaj yeeb rau txhuas fab kev neeg ntiaj teb sawv daws mus sib pauv txuj ci ua neeg thoob tsib, kom paub txog lub ntuj lub teb,tej puav pheej tseem ceeb txhua yam tsim txiaj, muaj tuaj nyob nrog lub ntuj lub teb puag thaum ub los.
    Cov nws nyiam hloov mus rau sab phem,ces nws mus zwm rau ntiaj teb cov nkauj feb thiab nraug fav. Cov no ces qhov kawg yog Tswv Xyas yuav coj lawv mus nyob tim qab tsuas, zoo li Hmoob hais tias Tsov coj Ntxawm mus nyob rau qab tsuas ntab. Ntxawm mas seev txog Txiv Nuj Sis Loob thiab seev txog Txiv Nraug Sis Nab mas seev ua hnub ua hmo seev li.


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd July 2015, 8:14 am



    Zaj 186- NKAUJ DAB THIAB NRAUG NEEJ.




    Zaj Nkauj Dab thiab nraug neej no tig sab twg los seem twg twb tau. Koj muab tig ua Nkauj Neej nraug Dab los tau. Hos koj yuav hu ua Nkauj Dab, Nraug dab los yog tas nrho.
    Lub ntuj tshiab uas hu ua ntuj dav los ntuj nqaim no,neeg ntiaj teb no tej nplooj siab kuj sib txawv tas ntau lawm.
    Zoo li Leej Tib Neeg tsis paub, puas yog muaj txuj vam meej dhau lawm los ua li cas. Neeg ua neej nyob nrog neej thiab dab sib npaug zos:
    1. hauv kev sib cav sib ceg los hais txog dab nyob nrog tib si, koj cem kuv tias niag tsov tom, los kuv kuj cem koj tias, niag poj dab. Ib tug hais tias, zoo li koj ces tuag mus ua qab ke luag mas! Lwm tus kuj hais tias, koj ces phem ua luaj kav tsij tuag mus ua dab thiab mas, ua neej nyob los phem tuag mus ua dab los ntshai yuav phem tib yam thiab os.
    2. Lub ntuj tshiab no, yog tsis xyuam xim thiab ceev faj ces cov neeg txheej siab mus ti nkaus rau txheej qis, txheej hlob thoob plaws mus txog txheej hluas. Sawv daws yuav mus txog tej laus lo lus hais tias:
    Neej Dab nyob ua ke, dab neeg nyob sis nce. Neej Dab nyob ua pawg, dab neeg nyob sis xyaws. Nws los ntawm Leej Neeg tej zaj xav, thiab lawv tej kev ntseeg kev coj sib xyaws pes daws los.
    3. Nyob hauv txhua txoj kev ntseeg lub keeb, los lub hauv paus pib chiv, mas yog kev ntseeg zoo nqes saum ntuj los, los sis yog Qaum Ntuj tso tuaj. Qaum Ntuj yeej tshoj kom cov Leej neeg siab dawb huv los lees paub thiab coj mus nthuav rau Yaj Ceeb leej Tib Neeg paub, kom sawv daws txhob ua kev txhaum kev khaum xwb.
    Kuv tsis yog Yaj Saub, Kuv hais li ib tug leej tib neeg nws lam xav tau ib zaj lus los hais, kuv xav tias yuav tsis tseeb li kuv hais thiab.
    4. Thaum tus neeg dawb huv ntawd nws mus txais tau Qaum Ntuj lo lus lawm nws tig rov los rau ntiaj nrag, ces tus phem nyob tom kev tshuam tos tau tus neeg dawb huv ntawd kev. Ces tus phem tau ntxiv tswv yim rau tus leej neeg tias:
    Kuv zoo siab rau koj uas koj tuaj mus txais tau Qaum Ntuj kev thoob tsib coj los mus qhia ntiaj teb neeg. Qaum Ntuj tej lus tseem ceeb kawg nkaus li lawm. Koj mus mas koj txhob ua kom Qau8mNtuj tas kev cia siab. Koj yuav ntxiv tej yam kom muaj nuj nqes rau Qaum Ntuj thiaj li tsim nyog uas koj tau ua Qaum Ntuj ib leeg tub thoob xo.
    5. Co ntsiab lus koj yuav ntxiv rau ntawd yog hloov lub ntsiab lus rau me ntsis xwb:
    Ua kom koj muaj hwj chim koob meej nyob ntawm Ntuj xub ntiag. Koj yuav hais mus kom phim seem ua neeg nplua nuj muaj txiag thiaj tsim nyog ua Ntuj tus tub txib. Thiab hais seem kom koj nyob ua neeg txaus siab hlo rau saum lub ntiaj teb no.
    Peb los lus koj yuav hais yog peb qib lus no:
    1. Seem koj muaj hwj chim koob meej.
    Koj yuav tshaj tias, ntiaj teb neeg sawv daws puav leej zoo tas tib sis. Hais tseeb tus uas Qaum Ntuj tso los thiab nyob ze Qaum Ntuj mas yog Koj. Leej twg hwm koj thiab pe koj mas cuag li nws tau pe Qaum Ntuj lawm ces Qaum Ntuj zoo siab rau ntawd lawm...
    2. Nce los rau seem ua neeg nplua nuj.
    Koj yog ib tug neeg muaj nuj nqes. Ua Qaum Ntuj ib tug thawj neeg, hais lus tsim nuj tsim nqi,hais ib lo lus mas tim nqi li 100 las nyiaj. Vim koj txuas lus tau rau Qaum Ntuj los txuas tau rau Dab lus tib si. Ces koj pib kom neeg them nyiaj rau koj, kom koj tau ua neeg nplua nuj tuaj....
    3. Seem uas ua kom koj zoo siab txaus nkaus.
    Fab no koj txawj saib tej mob nkeeg txhua fab,koj paub nrog Ntuj los nrog dab sib txuas lus. Koj kov cov neeg mob tej nqaij tej tawv, ces luag yuav zoo hlo los muaj, mas yuav muaj ib tug txiv neej los ib tug poj niam nws txoj hlab siab dhia raug koj txoj hlab plawv. Ces koj yuav nyiam nws, koj yuav txua dua ib daim ntawv nyiaj keeb puaj txwm kom phim koj daim!
    4. Koj yuav hais tias:
    Tiam thaum ub koj thiab nws neb koom ib daim ntawv nyiaj keeb puaj txwm. Neb ntawv ua niam txiv thaum ub neb yeej muaj tseg. Tiam no neb los yuam kev lawm, koj los poob rau sab hnub tuaj, hos kuv poob rau sab hnub poob lawm. Wb sib nrhiav tsis tau, koj tau mus ua luag nyab hos kuv tau mus ua luag vauv lawm. Wb li mas thiaj tseem tseem yog muaj ntawv los ua txij ua nkawm tiag. Koj hais kom luag qaug siab rau koj ces koj muab nws nplooj siab rhuav piam tseem puas tas nrho li.
    5. Ces lub txiaj ntsim Qaum Ntuj txib koj ua Ntuj txoj hauj lwm no yuav ploj mus ua tshauv ua plua av yaj mus kom tas rho tib sis.
    Zaj lus no raug los rau peb sawv daws cov Noob hmoob ua neej nyob Mis Kuj, Fuaj Kuj, Los Kuj, thiab Thaim Kuj teb tib si lawm.
    6. Tej ntxhais kaum plaub xyoos tuaj yeem nrog tej txiv neej yawg hnub nyug 60 ua neej sib txis ua txij ua nkawm. Tug tsis xyeej tug li. Cov tub hluas kaum yim xyoo txaus siab hlo qaws cov poj ntsuam nkauj fa 50 xyoo los ua poj ua sev li thiab.
    Cov txiv neej mas lawv sab kawg nkaus li. Ua tau me nyuam los, zov tsis taus li lawm, ev los twb yuav ntog thiab. Hos puag los tsaug zog nruj nris tso me nyuam, lawv khiav los caum tsis tau li txaus hlub heev.
    7. Kuv muaj ib tug Npaws xov tooj yog muaj neeg nug mas siv tus npaws no dab tsis looj koov rau koj li:
    {T, 2 5 4 - 3 5 7- 2 2 4 3. }
    { Koj tsis paub- peb tsis xav- kom koj paub peb.}
    Kuv sau kom meej thiab qhia kom nej paub zoo dua ntxiv.
    { 2=koj, 5=tsis, 4=paub,- 3=peb, 5-tsis, 7=xav- 2=kom,2=koj, 4=paub, 3=peb.}
    Tus txiv neej los tus poj niam twg muaj tus xov tooj no mas lawv puav leej tau nyob thaj yeeb, thiab kaj siab lug.
    Sau hnub tim 8/3/15. Yaj Zoov Ntxheb X.H.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th July 2015, 9:00 am



    Zaj 187- KEV UA NEEJ NTAWM IB TUG NEEG.



    Hais txog ib tug neeg lub neej mas muaj ntau yam sib caum sib raws los mus ua ke.
    1. Tus neeg xeeb los, zoo nkauj los zoo nraug heev, mas neej los nyiam, dab los ntshaw. Neej los tos kev tham, hos dab los tos kev ntxias kom nws yuam kev. Tau ua lub neej tsis zoo, kom nws muab nws kev zoo nkauj zoo nraug los khav. Ces nws ua neeg pheej yig rau neeg nyiam, thiab ua kev yooj yim rau dab ntxias.
    2. Cov neeg zoo nkauj zoo nraug muaj txij muaj nkawm lawv hom raug ob yam no:
    a. ->Cov neeg zoo nkauj zoo nraug ua neej sib hlub heev, kuj ua neej tsis nto ntsi. Vim koj nyiam hlub ntau leej, ua rau neb kev txij nkawm tsis sib tso siab. Ces muaj xaiv muaj lus ntau, neb muaj kev sib tshob cuab, ua rau muaj kev tu siab los kev mob nkeeg ces ua neej tsis nto ntsis.
    b.->Cov sib ntxub dhau, kuj ua neej nyob tsis nto ntsis thiab. Ua neej sib ntxub dhau lawm, niaj hnub sib tsawg sib foom kom dab ntaus, los tsov tom mus. Neeg tsis qhuas, dab los tsis nyiam, hos Ntuj los tsis pov hwm. Ces kuj ua neej tu siab, tsis muaj mob los muaj kev chim siab, koj txo koj txoj sia kom tuag, los mus ua nkauj fev nraug fav ces ua neej tsis nto ntsis.
    3. Tus neeg tau meej mom zoo, thiab muaj txuj ci zoo:
    a. ->Tus txiv neej xeeb tau los zoo li hais, nws txawj tshuab raj, txawj qeeg, paub zaj tshoob txiv xaiv foom kom txawj hais lus ncauj npliag lias ntse xws nplaig nab. Neeg los nyiam, dab los qhuas, Ntuj kuj hlub.
    Nws raug kev haub ntxias ntau yam kom nws tau txav mus deb ntawm Tswv Ntuj kev hlub kev nyiam tseem ceeb mus:
    Nws raug neeg kev nyiam kev hlub koom nrog dab kev haub kev ntxias, kom nws ncaim mus deb ntawm Ntuj kev hlub, ces nws mus taug kev ua txhaum. Ces nws raug xwv txheej, txawm tsis ploj tuag mus los ua neeg poob tsag tsis xav ua neeg zoo txuas ntxiv mus lawm.
    b.->Cov poj niam los tib yam li hais los thiab, tus txawj hais kwv thxiaj los ua neeg ncauj qab zib heev. Nws tsis yog neeg ntse txaus, luag hais ces nws swb lus ces swb cev rau tej txiv neej vim kev txom nyem xav ua neeg tau zoo rau kev yooj yim. Thaum nws xeev meej los twb lig dhau lawm. Nws ua neeg liam txwv tas lawm, kev txaj muag raws tau nws tas lawm, ces yeeb tshuaj txav ti nws, ces nws xav nrog yeeb tshuaj ua neej sib puag mus,
    ces ua neej tsis nto ntsis.
    4. Cov neeg uas muaj meej mom zoo pes nrab ua neeg ncaj ncees haum nrog lub teb lub chaw, thiab nrog ntiaj teb huab cua nroj tsuag ua neej sib dhos zoo, neeg kev nyiam kev hlub tsis tshaj, kev hlub kev qhuas tsis kawg kawg. Hom no ua neej nyob laus nkoos mus ib nqag nto ntuj ib ploog mus nto ntsis.
    5. Kev txawj ua neeg kom haum li lub ntiaj teb kev ua txij ua nkawm yog, kev tso siab. Ib leeg tso siab rau ib leeg kom tsim nyog, ntseeg neeg lub siab zoo, txawj pom txhua yam txiaj tsim uas ob leeg tau tsim ua kev los lawd. Paub qhuas koj tus txij nkswm tej txiaj ntsim, hwm nws lub hwj chim los lub meej mom uas Qaum Ntuj tau tsim los zoo lawd.
    6. Peb yuav nco tias cov xeeb los muaj zoo meej mom tswv yim zoo lawv muaj qhov uas, neej los qhuas, dab los nyiam. Mas lawv muaj kev txawj xeeb loj dua lwm cov, peb yuav thov kom neeg hlub raws kev ncaj. Ntuj thiaj pov hwm kom zam dhau kev xwv txheej. Thaum poob rau kev raug xwv txheej , ces nws txom nyem vim neeg qhia nws mus poob ntau xwb.
    7. Peb ua neeg nyob ntiaj teb no, tus tau zoo meej mom tswv yim thiab tus taus phem meej mom kev thoob tsib. Leej twg los txhob qhuas tshaj qhov ua kom nws yuam kev. Tus phem los txhob thuam heev kom nws poob tsim mus. Ntuj tsis saib zoo li ntawd.
    Nyob ntawm Ntuj xub ntiag Ntuj saib sawv daws zoo sib xws cov paj tshiab nra tsis muaj lub phem los lub zoo tshaj.
    Yog thaum txi txiv lawm muaj mas thiaj paub tias lub hlaws muaj noob los muaj kua ntau tshaj xwb. Peb yuav nyob raws li txoj kab txoj kev uas muaj zoo noj los zoo hnav ntawd. Kom tsis txhob tsim teeb meem rau leej twg li.


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th August 2015, 10:26 am



    Zaj 188- NEEG TUS NPLAIG.



    Neeg tus nplaig yog ib yam me me kawg nkaus luaj li lub txim taws xwb. Tab sis nws hlawv tau kom lub ntiaj teb no kub hnyiab tas mus los tau.
    Tus nplaig no nws ua tau ib tug kws txoj cai zoo tas nrho. Nws tsa tau kom neeg sawv ntsug ntseg ntsees. Los nws txiav txim rau ib tug neeg kom ntog pw nthi rau hauv av los tau thiab.
    Neeg tus nplaig muaj hwj huam loj kawg nkaus li. Nws yog Dab Phem lub chaw ntxias neeg, los yog ntiaj teb neeg qhov chaw ua txhaum kiag.
    Dab Phem nyiam tis hluav taws rau, kom muab neeg lub neej rhuav pov tseg kom tas du lug.
    Cov tub txawj tub ntse los neeg muaj peev xwm, lawv pwv tau cov tsiaj qus los cov nab muaj taug kom seej. Tab sis tsis muaj leej twg yuav pwv tau kom neeg tus nplaig no seej li.
    Nyob hauv neeg tus nplaig muaj zoo toj taug lom tau kom neeg kom tuag mus.
    Cov uas txawj muab neeg tus nplaig siv los cav txog ntuj mas muaj tsawg kawg li. Cov nyiam muab neeg tus nplaig los tawm tsam rau neeg mas muaj coob li coob. Neeg lo lus zoo, thiab lo lus phem mas tawm tib lub qhov los.
    Kev thoob tsib cuav thiab kev thoob tsib tseem ceeb mas sib txawv deb heev
    Kev thoob tsib cuav, yog kev paub xam khib, nrog kev sib cav tsib ceg, thiab txawj txawj paub kev luag ua tub qaug yus, los saib tsis taus yus.
    Kev thoob tsib cuav, yog yoog raws li cov tsiaj nyob ntiaj teb no. koj xia koj tus kub ntse, Nws los xia nws tus kub zuag thiab, ces kawm tau ntawm nyuj nees dev npua los ntau. Nyiam kev sib tog sib tuag sib nraus.
    Hos kev thoob tsib nqes saum ntuj los, mas nws nyiam kev dawb huv. Nyob tiaj tus, nrhiav kev sib zam thiab hlub luag. Nws yuav txi ib co txiv qab qab zib uas neeg yuav nyiam noj. Cov Tuam Los Pav yuav kheev nqi rau.
    Neeg tus nplaig no, tsim kev ua tsov rog loj tshaj lwm yam tib si. Txoj kev ua yeeb ncuab thiab txoj kev sib hlub tawm los ntawm tib lub qhov los, li lo lus zoo thiab lo lus phem tib yam.
    Cov neeg sib yuav ua txij ua nkawm, mas lawv hom ua lus dim, lus dua tuaj ntawm tus nplaig no tuaj:
    Tus tsis paub kev xyuam xim, nws muab lo lus hlub siv los tawm tam tau ua lus phem thiab. Vim tus mloog nws tsis txawj mloog los, tus hais yuav tsum siv ib lo lus hlub los ua lo luv chiv lub keeb los tau tib yam. Yam li: { kuv mas hlub koj kawg lis os!-Teb lo lus nrov tuaj li no thiab= Tsov tom niag neeg dag, koj txoj kev hlub ces nyob puag nram qab ha os!} Ces xeeb kiag ua tau tsov rog loj kiag tuaj li lawm. Tus nplaig no nws coj tus phem lo lus qhia.
    Zaum no tus phem ho yog tus dab twg thiab?
    Tus phem no ces yog Neeg lub tswv yim kiag. Tus neeg tsis thoob tsib mas nws xav tias kuv yuav hais zaj zoo kom luag nyiam thiab qhuas. Tab sis nws zaj lus tuaj ua tau ib tug phem tuaj ces cia li xeeb tau ua tsov rog. Vim tias, neeg tsis yog ntse 100%. Ruam ntse sib npaug zos.
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th August 2015, 8:59 am



    Zaj 189-NEEG NTIAJ TEB KEV LIM HIAM.



    Kuv yog ib tug Hmoob kuv yuav sau ib zaj lus xws nkaus li yog tus Hmoob xav tau thiab hais tawm los.
    Lub caij kuv sau zaj lus no, Hmoob nyob ntiaj teb tseem muaj 50, 50% xav li no thiab coj kiag li ntawd. Hmoob twb nyob rau tiam nees nkaum ib lawm, los Hmoob tsis tau hla txoj kab no mus li.
    Kuv yog Hmoob kuv thiaj paub txoj kev lim hiam uas Hmoob siv rau Hmoob.
    Hmoob mas hais sab twg los Hmoob yeej ntse. Cov Tswv Yim uas Hmoob muaj mas puav leej yog cov zoo li no:
    1. Hmoob muaj kev thoob tsib, Muaj kev ntse,muaj kev ua neeg paub tab paub cai, kev txawj xav, kev ua siab zoo, kev zam rau luag muab yeeb yaj tsom los tsom rau sab mas Hmoob yog tus tau ua zoo tshaj li lawm.
    2. Hos ntsuam xyuas sab lim hiam, ntxim ntxub mas Hmoob kuj yog thawj tus neeg paub kev liam hiam tshaj thiab. Nws muaj kev Chim siab,kev cib nyeej, kev xam khib, kev npau taws, kev rob caub rau luag, ntxim ntxub kawg li thiab. Tsis muaj kev sib zam li. Hmoob txoj kev ntxim ntxub no, mas Hmoob pheej xav qhia rau Mab Sua tias Hmoob ma tsuas ntxub Hmoob xwb, thiab Hmoob kuj rov nyiam Hmoob thiab xwb.
    3. Kuv sau zaj lus no, mas tsis yog kuv muaj kev ntxub ntxaug ib leej twg li. Kuv yog Hmoob kuv sau li kuv xav ntag.
    Kuv tsis paub, kuv twb yog Hmoob thiab, ua cas Hmoob pheej hla tsis dhau qhov no li!
    4.Txoj kev lim hiam thiab txoj kev ntxub hmoob mas muaj nyob mus li. Thiab Hmoob rov nyiam Hmoob xwb mas twb coj kam li no los lawm tau ntau pua xyoo.
    5. Hmoob cov kev ua tub qaug rau Hmoob mas kuj yog Hmoob ua xwb. Hmoob zam tsis tau rau Hmoob li, hos zam rau Mab Sua mas Hmoob kuj txawj zam kawg. Yog yuav caum kom tau li Hmoob mas muaj tsawg haiv neeg thiaj caum tau li Hmoob, tab sis Hmoob zam tsis tau rau Hmoob kiag li. Hmoob chim thiab npau taws rau Mab Sua mas tsuas npau taws mus ib vuag xwb. Hos yog Hmoob chim thiab npau taws rau Hmoob mas khaws cia mus ib tiam neeg los tseem nco ntsoov ntxub thiab tu siab mus li. Hmoob khaws kev tub qaug cia, khaws kev cib nyeej npau taws tseg mus li ib sim neej.
    6. Ntev li cas kuj xij, tos kom hnub nws raug kev txom nyem mas mam pauj rau:
    Tos kom nws tau kev txom nyem, muaj tub mab nyab, los muaj ntxhais qua, muaj ploj muaj tuag los, los raug xaiv raug lus, thiab ua neej tsis nce tsag, mam muab pauj kom luag tau kev tws kiag.
    7. Tab yog Hmoob nom Hmoob tswv los Hmoob tsis
    ntshai li ua plaub rau tsawm los foom tib si rau. Hos yog Mab Sua lawm mas Hmoob ho tsis ua li cas rau thiab. Ntsia saum Mab Sua mas tsuav yog saib hos kev tuag tseem nyob deb yus, ces Hmoob cia li tsis ua tau dab tsi rau li.
    8. Yog Mab Sua no ua tub qaug coj Hmoob tub ntxhais mus lawm los hmoob tsuas npau taws thaum tshiab me ntsis xwb. Hos yog Hmoob no mas tos nrhw tsis tau hais mas tsis zoo siab li. Hais tsis tau los tos txog hnub yuam kev mus ua ib qho kev txhaum. Ces Hmoob hais tias tos kom nws mag ntxiab lawm ces mas li hais. Kom tuav tau ntawm tes los ntxo tau ntawm ncauj kiag ces hais xwb. Xav los mas ntshai yuav dhaum nom nrim mus lawd?
    9. Muab tej lus kev lim hiam no los xav mas,Zoo li Hmoob yog ib haiv ua luag qhev los tau ntau pua xyoo lo lawm. Ua Huab Tais los yog Hmoob, hos ua Qhev los yog Hmoob ces Hmoob thiaj tsis kam swb Hmoob li. Mab Sua Hmoob swb tas nrho. Hmoob tsuas yog tsis kam swb Tus hu ua Hmoob no xwb.
    Hmoob Nyob thoob qab ntuj zoo tib yam:
    10. Ib tug twg sawv ua nom, Hmoob ntxub tus ntawd. Ib tug Hmoob sawv ua thawj neeg xwb Hmoob twb ntxub tus ntawd lawm.Hmoob tsa ib lub Koom Haum xwb, sawv daws twb ntxub tus thawj Koom Haum lawm. Cov ua thawj Koom Haum los lawv tsis paub nyob nws qhov chaw thiab. Pheej tseg chaw rau luag ntxub nws thiab.
    11. Hmoob tsuas ntshaw foom kom tau ua txwj ua laus, ua huab Tais. Tab sis yog Leej twg tau ua txwj ua laus,ua Huab Tais mas Hmoob ntxub cov ntawd kawg li. Tus ho ua luag qhev xwb los Hmoob kuj ntxub nws kawg thiab. Ua qhev ntshai tsam tsis muaj ces ntshaw ntshaw luag ub luag no, ces tsam nws ho nyiag thiab.
    Lo lus hais saum no mas zoo li Hmoob xav xav mus ua tus tuam thawj dab lo j tshaj plaws xwb kom tau muab luag tej ua rooj ua tog zaum los tiag taw tas tib si mas thiaj zoo Hmoob lub siab lim hiam ntawd kom txaus nkaus.
    12. Hmoob nyiam cav lus zoo txog tus neeg txawj ua phem heev dua li cav lus zoo, txog tua neeg tau ua zoo lawd. Hmoob yeej nyiam qhuas tus neeg phem txog li 70%, hos tus tau ua zoo tseeb tiag mas Hmoob tsuas muaj qhuas nws txog li 30% xwb.
    13. Muaj tej tus Hmoob mas ib sim neej nws txoj kev zoo nws tau ua ntau kawg li. Nws yuamkev tib zaug xwb mas Hmoob cia li hais tias Tus Ntawd mas nws tau ua phem tas nrho li thiab. Hais rau saum feem pua mas nws tau ua zoo 85%, tej yam zoo tsis heev los nws tsis txaus, Nws txawj ua los tsis paub ua ntawd yog 15% xwb, Hmoob muab 85% ua zoo no rhuav pov tseg tas nrho mus los muaj.

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 18th August 2015, 8:44 am



    Zaj 190-NEEG NTIAJ KEV SIB TW HUAS NTEJ.



    Lub Sim Ceeb tam sim no, neeg muaj kev sib tw huas ntej, sawv daws khiav ua npoj ntws xwb.
    Cov nploj neeg khiav sib law sib liag zoo li no:
    Ntiaj teb neeg txoj kev tseeb thiab cuav nws khiav mus ua ib ntxaig. Kev dag thiab kev tseeb khiav mus sib law. Kev zoo, thiab kev phem kuj khiav mus sib raws. Kev muaj thiab kev pluag nws kuj khiav sib caum. Kev pom kev thiab kev tsaus ntuj khiav mus sib txig zos.
    Lus Hmoob Sib lawv hais tias, ua nyuj qua ntse zig nees.
    Txhua yam sab phem thiab sab zoo muaj sib npaug zos. Peb ua neej nyob ntiaj teb no ceeb laj nrhiav tau tus zoo, los yam ntxim siab li lauj!

    1. Hais txog kev ntseeg, muaj li 120 txoj los sib tshuam,rau saum lub Sim Ceeb no. Txoj twg thiaj yog txoj tseeb?
    Uas yuav ntxuav thiab coj tau Leej Tib Neeg cov Ntsuj Plig mus rau qhov dawb huv. Kom tsim nyog rau Tswv Ntuj nyiam.
    Nyob hauv 120 txoj kev ntseeg no, puav leej yog kev ntseeg tiv thaiv cov dab phem dab qus tas nrho. Kom tej dab phem dab qus no txhob los nyob nrog neeg, txhob ua vij ua swv rau neeg thiab kom neeg txhob ua neeg xyob txhiaj thiab tsim txiaj mus xwb.
    Cov taub hau tawm tuaj nyob hauv cov kev ntseeg no mas zoo li, ib hom los ib pab ntawd coj kev ntseeg mas muaj ntau lub taub hau sib txawv nyob hauv.
    Cov taub hau ntawd muaj xws li, lub ib,= lub taub hau nplua nuj muaj txiag. Lub ob, =yog taub hau muaj hwj chim. Lub peb,=taub hau zoo nkauj zoo nraug ntxim nyiam kawg. Lub plaub,=khav theeb tua neeg. Tsib,= lub taub hau hu dab ntshaw noj ntau...
    Saum cov thawj Hauj Sam nyob hauv Phus Thas, mas cov uas luag hu ua As Cas loj mus nyob twm zeej ntau ntawd, mas yog cov txawj sib ntaus tshaj. Leej twg lam mus thab thiab txeeb nws lub cuab tam, mas ib leeg nws ntaus yeej kaum leej los tseem tshaj thiab. Thiab txawj ua khawv koob rau qe zeb los tej lub moo coj ces tiv thaiv tau mem toj mem av los kem tau dab thiab. Leej twg xav ua tus thawj laib,los ua Pheb Ej mas mus cuag thiab kawm lawv tej txuj ci khawv koob tas los mas tsis ntshai leej twg li lawm. Kev ncaj ncees tsuas nyob nrog me nyuam neeg lawm xwb. Tus thawj neeg zoo li ntawd muaj ob lub ntsej muag:
    a. thawj lub ntsej muag ntawm xub ntiag yog Huab Tais Ntuj lub, siv los hais lus rau cov me nyuam neeg siab dawb.
    b. Hos muaj dua ib lub nraum xub qwb yog ib tug dab tsiv tsaim tsis paub npe nws lub ntsej muag. Nws siv los tiv thaiv cov neeg khav theeb huab noj huab haus tsim txom cov neeg me, yuam luag tub luag ntxhais thiab yuam luag ua qhev.
    Hos txoj kev ntseeg Yes Xus lub Moo Zoo Koj ntsia mus Muaj tib lub taub hau xwb. Tab sis nyob hauv lub taub hau ntawd muaj peb lub yeem nyob ua ke hauv sib txawv me ntsis thiab:
    a. Koj pom thawj lub Yeem muaj hwj chim loj kawg li tsuas yog zoo nkauj thiab zoo saib los txaus qhuas xwb.
    b. lub yeem ob, koj pom muaj ib lub yeem muaj kev thoob tsib nyob puv nkaus hauv.xws li kev nplua nuj, muaj kev noj kev haus txhij toob puaj yam zoo yug neeg txoj sia, teeb ua tej tshooj nyob yam kaj siab lug, zoo li tsis muaj kev txob kev thawj li...
    c. Lub yeem peb,muaj kev sib nyiam sib hlub chob ua tej tsham, nrog kev sib txheeb ze sib txuas zws cuag li luag ziab ntaub los ziab paj li xwb. Ntsia mas yog tau nyob ze no ntshai yuav tsis muaj kev kho siab li.
    Muaj ntau npoj neeg siv Yes Xus lub Moo Zoo los ua lub ntsa laj kab xov thiab kem tej dab txeeg dab qus rau sab laj kab nraud. Sawv daws tso siab lug tias, Dab yuav tsis nyob nrog neej lawm. Cuag li tej Txiv Muam Hmoob uas lawv txawj cais. Ces cais neej rau neej teb, hos cais dab rau Dab chaw. Kom neej nyob neej. Dab nws nyob dab.
    Lub laj kab mas xov ruaj kawg nkaus li. Tsis paub ua cas neej dab niaj hnub nyob ua ke tau thiab. Yam nyob ua ke ntawd, yog zoo li no:
    a. Koj hais lus mas hais Ntuj li lus tseem ceeb tas nrho xwb li tsis nruam kiag...
    b.Tab sis thaum ua hauj lwm mas ua tib co hauj lwm uas mus kawm tau ntawm cov dab phem los xwb. Yam twg yog Yes Xus cov lus mas hais heev kawg li, ho ua tsis tau raws li hais. Thiab xaiv neeg ua, cov neeg uas Ntuj xaiv lawm mas tsis kam ua rau. Hos ho ua rau cov neeg uas lawv hom koj xwb thiab.

    2. Nyob hauv kev ua lag luam los muaj ob yam sib txawv:
    a. Pab nplua nuj muaj muaj cuab tam ntau siv tsis tas.
    b. cov pluag tsis muaj dab tsi li, mov twb muaj tsis txaus noj txwm hnub.
    Kev ua lag luam, kuj muaj cov luam tseeb los cov luam cuav nrog thiab. Muaj ib lub lag luam zoo tawm los kiag xwb twb muaj ib tug Los Pav tsim ib hom luam cuav los hloov kom tau nyiaj ntau lawm.
    Neeg cov tswv yim no tsim tej yam tshiab tau sai thiab yooj yim kawg. Zoo saib zoo sim neeg siab ntau xwb. Kev tseem ceeb thiab kev ruaj khov muaj tsawg.
    Tej no sawv daws qhuas tias vam meej sai kawg. Yog qhuas yuam kev lawm. Lub ntiaj teb yuav muaj kev puas xwm ib zaug mas tsis muaj neeg daws teeb meem tau. Vim muaj txhiab txhiab, vam vam leej nees caum tsis tau. Ua rau cov neeg lawv qab no haj yam txom nem loj tuaj. Thiab kho siab kawg. Saib ntawm cov ka xev xwb, tsis muaj 10 xyoo twb hloov ua DVD tas lawm, twb tsis zoo ib daim mas xyuas tshaj 10 lwm xwb twb puas tas, daig tig tsis tau li. koj yuav tau yuav tshiab tas mus li xwb.
    Lub tes les foos thiab lub TV yog ib lub lawm zoo kawg, cov neeg caum tsis tau muaj vam vam leej nyob tom qab, lawv txom nyem tas nrho tuaj lawm.
    Thaum zoo li no muaj neeg muag xov tooj puv ntiaj teb kim li kim hu tau txhua lub teb chaws kawm nyuab tas nrho. Yuav ib sij hloov ib lub. Zoo qee yam xwb. Tsis zoo tas tas li.

    3. saum kev kho mob nkeeg tsis txawv tib lub zeem muag thiab. Muaj ib tug kws tshuaj tshiab, kuj muaj ib twg kws txoj cai tshiab, thiab ib lub koom haum tshiab saib neeg mob tshiab. Ua thiab tsim kev cai tshiab, cuag li nyias mus txua nyias yawm sij coj mus qhib Huab Tais lub txhab nyiaj los sib faib yuav. Nyiaj kub nyob ntiaj teb no muaj npaum li cas los sib faib tsis haum pheej li. Muaj kev tshuam lus txog cov neeg tsis paub qab hau kom mus ua ntaub ntawv qhov ub qhov no nyuaj siab tas nrho thiab. Qhov kawg yog koj kos lub nyuag npe xwb...
    Niaj hnub tshaj txog kab mob tshiab coj neeg mus zwm kev tuag vam vam txhiab leej xwb. Muaj tej lub caij mas neeg sib tusv tes xwb twb tsis tau luag li lawm tsam ho kis mob ces tuag sai thiab.
    Tus tsim tshuaj tiv thaiv kab mob nrhiav thawm hnub thawm hmo kom thaiv tau. Tus tso kab mob tuaj rau neeg kom muaj mob thiaj muaj hauj lwm ntau ua los muaj li thiab. Cov ncauj lus no xyov yog qhov tseeb nyob twg li lawm.
    Neeg tsis noj nqaij noj mov ho yuav tuag mus thiab. Noj ntau ho ua mob ntshav qab zib ntshav muaj roj. Ces raum yuav tuag plawv yuav txhaws thiab.
    Lub caij no mas neeg thiaj yog nqaij ciab zib, txhav plhaub mag tiag li lawm lauj. Yog tsis muaj cov tsev kho mob no ces neeg tsuas nyob ib tiam neeg no 30 xyoo lawm xwb las!
    Ntuj pem suab thaum ub neeg nqaij yog xub zeb txhav yog txhav xub hlau, ua neej nyob qas txhiab tsis muaj mob, txhiab niag tim puas xyoo tsis muaj tuag li. thaud neeg tsis tau noj mov. Neeg noj nqaij thiab zaub xwb, tsis paub puas tau noj mov.
    Niaj hnub no neeg tsis muaj mov noj los thov kom Ntuj pab kom tau mov noj. Tau mov tau nqaij noj lawm los ho yog nqaij thiab mov ua kom mob ntshav qab zib los muaj roj thiab. Tsis muaj mov noj kuj tsis zoo. Muaj mov noj kuj tsis zoo tim fab twg lawm tiag!

    4. Neeg lub cev ntaj ntsug, thiab neeg lub Meej mom. Taug tib txoj kev li thiab.
    Koj tsis tsab zag los luag tsis nyiam. Koj tsab zag dhau lawm los luag ho ntxub thiab. Koj tsis ua neeg luag ntxhi luag hais tias koj dub muag dhau lawm. Koj ho nyob luag ntxhi luag kuj hais tias koj plee dhau lawm thiab. Koj tsis tham lus luag hais tias koj tsis nyiam luag. Koj ho muab tham dhau lawm, luag kuj hais tias koj xav thab luag kawg li thiab. Sab no mas nyias kho nyias, thaum koj nrog tus neeg tham ntawd saib nws yog hom neeg coj tus xeeb ceem zoo li cas xwb.


    Yaj Zoov Ntxheb X.H.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 24th August 2015, 9:48 am



    Zaj 191- MIS KUJ TEB KEV NTSEEG TAU KEV VAM MEEJ.




    Nyob Mis Kuj teb muaj kev vam meej heev rau sab, qhib kev tso cai rau sab coj kev ntseeg.

    *1. Zaum no cov kev ntseeg no tau kev huam vam zoo, ces tab tom yog txoj kev ua rau neej dab tau zoo los nyob ua ke.
    Yeej muaj tseeb li, txij li xyoo 2000 los rau nyiam no. Mas cov teeb meem nyob hauv Haiv Hmoo loj hlob los mus rau sab kev ntseeg ntawd:
    a->Sab kev ua neeg thoob tsib paub kev paub cai, muaj kev txawj ntse muaj txuj ci. mas Hmoob kuj nce sai xws li tej Mab Sua. Cov kawm txuj nyob txheej siab kuj muaj ob peb hom, xws li cov tau dov tawj, lov yawj los lwm hom kuj muaj coob thiab.
    b->Cov nyiam xeeb plaub xeeb ntug los muaj npaud. Twb yog cov ua thawj neeg coj Hmoob,thiab yog qub nom qub tswv. Tej Koom Haum poj niam los Koom haum Txiv neej. Ua tus thawj xwb los leej twg los xav ua tus loj xwb. Ua ho yuav tau dab tsis thiab?
    c-> Ua li no ces cuag li ib leeg saib tsis taus ib leeg li, tug muab tug coj mus cem los rhuav rau luag hnov. Cuag li tus twg los tus phem tas li. Tsis hais tus uas yog txiv neej los poj niam li. Cov ntxhais hluas hluas los tuaj yeem mus ua Hmoob laus poj niam, cov tub hluas los tsis xyeej li thiab txaus siab mus ua pog laus txiv.
    d-> Ib leeg dag ib leeg, nws tuam choj rau koj hla. Thaum hla dhau choj lawd mam li pom Liab txuab, ces tsis xav puab cuab. Ua xaiv ua lus, tsis hais los yuav tsis dim. Hias los twb tau muaj txiaj ntsim, ua rau koj thiab nws muaj kev chim. Tab yog cav lwj los koj twb muab nws zaum mus zaum los dhau lawm. Muaj kev hlub kev ntxhub sib npaug zos
    e->Hmoob yeej hais tias koj txhob sim luag ntaj tsam luag ntaj ntse....Txhob sim luag hneev tsam luag xub ncaj...Ua lub neej tshiab los siab tsis kaj. Ua luag nyiaj daus las mus lawm qha nas tsiaj txhu mus lawm qha nkuaj. Hla dua lub neej tshiab neej lig los nyob tsis ruaj. Lam taug luag qub neev tsoj luag qub lw xwb, tshav ntuj rau luag teb, los nag rau koj chaw xwb lauj...

    *2. Nyob Mis Kuj teb mas yeej ib txwm muaj kev hwm Ntuj, thiab ntseeg Ntuj zoo. Tej Nom Tswv tsis yuam los txwv leej twg tsis pub teev hawm yam ub yam no, xws li txhua yam kev ntseeg twb muaj lawd.
    a-> Tej kev ntseeg Ntuj thiab teev dab qhuas nyias nyiam coj li cas los tau. Sawv daws muaj kev xaiv:
    a.1 Cov xaiv Tswv Ntuj kuj muaj ib feem, yog cov npaj ua neeg ncaj ncees. Thiab muaj kev tso siab coj raws li Leej Tswv Yim qhia hwm Tswv Ntuj.

    a.2 Muaj ib cov Xaiv Tswv Ntuj lub npe, tab sis lawv coj li lawv siab nyiam, tsis raws li Leej Tswv Yim Ntshiab ua tus coj, mas muaj ntau pab sib txawv tsis sib thooj thiab.

    a.3 Cov yuav teev dab qhuas raws li ib txwm neeg tej pog yawg lawv coj los muaj. Hauv Hmoob cov dab qhuas los txua dua tshiab los muaj. Hos cov coj raws li Hmoob cov Saub sawv los qhia tshiab los muaj:
    -Cov txua kom yooj yim rau Hmoob coj lawv ua lawv ib pab.
    -Cov hais teev poj Koob yawm Ntxwg lawv yog lawv ib co.
    -Cov coj raws lis Maiv Ntxwm uas yog tus Yes Xus tshiab niam los lawv muaj lawv ib npoj.
    -Cov uas tus niam Hmoob nyob Thaib teb mus rub tau Niam Loom Mej los ua Hmoob tus niam Nkauj Ntsuab nyob tim qhov tsua, thiab tsa tau Txiv Nraug Nab sawv los tuav Hmoob tus Mem Toj rau Hmoob kom Hmoob rov muaj teb chaws nyob los muaj.
    -Cov uas cia li mus ntseeg khawv koob uas Hauj Sam ua rau cov mlom pob zeb los mlom ntoo kom pab thaiv tau Hmoob cov mem toj mem av kom yus ua neei zoo, thiab muaj txiag nplua nuj, los muaj.
    - Cov Saub Niam Toj txiv toj no muaj sib txawv txog li plaub hom saub thiab:
    ->. cov Saub Txwv Koob Hmoob tshoj kom Huab tais Hmoob sawv los pab Hmoob lawv ua lawv ib pab.
    ->. Cov Saub ua neeb daws kev txhaum kev khaum rau tiam no thiab tiam dhau los lawd los muaj.
    ->. Cov saub mus txo mem toj kom Hmoob muaj zog kom Mab Suam tu ciam dei ciam av rau Hmoob nyob kuj yog ib pab.

    *3. Ib Haiv neeg yog muaj npaum li no los sib txeeb lawm mas Tus tseeb nyob hauv Haiv Hmoob lub keeb thiab lub neej tom ntej no,mas yog tus twg. yuav ua Hmoob tus ncej ntug txheem thiab cev Haiv Hmoob rau tus loj nyob sawm Qaum ntuj. Yuav twv saib!Yog Xob, los yog Zaj, los yog Dab?
    -Ib yam li lub ntiaj teb- los lub hnub- los sis yog lub Hli? Hmoob yuv ua leej twg me nyuam?

    ***->Qhov uas, ua cas sawv ntau pab ntseeg zoo li no, mas chiv los ntawm tib lub keeb xwb:
    ->Tas nrho cov thawj neeg siab tsis tiaj plawv tsis tus, lawv sib huas ntiaj teb lub cuab tam tas nrho lawm. Tsoom neeg txom nyem, neeg pluag seev yees txog Qaum Ntuj tuj tias, ua cas ua ib zaug neeg yuav raug kev txom nyem npaum no diam!
    -> Ces Qaum Ntuj khuv leej npoj neeg txom nyem ntawd, Qaum Ntuj hu dua ib cov neeg coob los hais neeg ntiaj teb tej kev txhaum kev khaum no. Kom neeg hloov siab dua kom rov qab tsim nyog rau QaumNtuj hlub sawv daws.
    ->Qaum Ntuj yeej hu ib co neeg zoo xwb. Muaj tus phem nws muaj kev khib. Ces tus phem tuaj nyob tom kev tshuam tos Thaum Tswv Ntuj qhia tus niam toj los txiv toj uas Ntuj xaiv tau ntawd. Tus phem tshooj ib co lus ntxiv rau, kom nws nyiam ua neeg khav theeb los muab hlob thiab ntshaws ntiaj teb lub cuab tam tib yam li pab thawj neeg dhau los lawd kom lub ntiaj teb no rov puas tsuaj loj duav tuaj ntxiv. Ces thiaj li muaj ntau pab pawg li niaj hnub no.
    -> Nco ntsoov Qaum Ntuj yuav tsis kheev kom tus Phem ntawd, yuam tau leej tib neeg kom ua neeg yuam kev, mus deb dhau.Yog Neeg tsis txiav txim siab xaiv nws tus kheej mas qhov kawg neeg yuav tau rov los ua ib pab xwb.

    *4.Cov uas muaj Neej Dab kev nyiam kev hlub sib npaug ces yog Hmoob!
    a.Hmoob raug Dab nyiam dua, los sis Dab kuj raug Hmoob nyiam dua kuj yog.
    Hmoob cov kev ntseeg muaj npaum no los nyias qhuas nyias cov, pab twg kuj zoo, thiab muaj ceem tas zog li thiab.
    b. Saum cov thawj neeg mas tus twg kuj yog neeg thoob tsib tas txhua tus li. Ib tse neeg muaj 9 leeg los nyias mus nyias txoj li lawm! Cov mus rau Vaj Tswv sab lawv cov meej mom kuj sib txawv me ntsis thiab.
    c. Cov mus raws qub kev cai mas cov siab ntsws sib txawv me ntsis lawm thiab.
    5.Yog tias kawm tas nrho txhu yam kev ntseeg los lawm mas, muab cov neeg hu ua Hmoob no los sib pib mas. Mas hais los no ces Hmoob yog Kas Ees thawj tug me nyuam. Hmoob tseem nyob ze Kas Ee heev:
    ->Qhov hais tias nyob ze Kas Ees heev no mas vim tias Hmoob muaj khib heev, thiab muaj kev cib nyeej heev tiag. Tsuav yog yus tus kwv ntse, los txawj thiab muaj tshaj yus ces yus tsis nyiam li lawm. Yus pib muaj khib rau nws Hmoob lub siab ntsws ntiaj coj li no. Dab tsis los xij li luag lwm tus los lwm pab mas yuav tsum muaj los zoo tsis npaum yus no ces yus nyiam thiab hlub taus luag lawm.
    -> Hos yog luag zoo dua yus no ces zoo li muaj dab tsi pheej ua rau yus nyiam luag tsis tas lawm. Yog luag muaj thiab tseem hais lus siab yus lawm mas pheej xav kom tus ntawd tshais chaw mus nyob deb kom tsis txhob sib pom, los sib hnov moo li. Yog nyob ua ke ntev tseem paub lwm yam thiab mas yeej xav muab nws xa mus nrog dab nyob ua ntej xwb. (muab nws tua pov tseg yam tsis muaj dab tsi li kawg yog kev khib xwb.)
    *5. Cov lus no tsis yog sau los hais leej twg li dab plig! Sau los rau koj thiav kuv, peb kawm thiab xav tswv Yim, saib yuav sib kawm kom nce mus rau ib qib, kom Haiv Hmoob txoj kab zoo twb nrawm li tej Mab Sua lawm. Kom txoj kab ua neeg phem muaj kev cib nyeej no pluam tu nrho mus tsis muaj li.
    Hmoob los lus hias tias Hmoob hlub Hmoob thiab Hmoob yuav kho Hmoob no. Mas kuv twb hnov puag thaum 1964 los lawm. Hais tau cov lus zoo tas nrho li. Ho tsis siv li thiab mas yog li cas tiag?
    ->Lub caij ntawd tsis tau muaj ib tug Hmoob kawm tau Dov Tawj los li.
    Ho, nyiam no, twb muaj Dov Tawj kho mob, Dov Tawj tseev tsim teb chaws. Tseem ntxiv rau cov tub txawg tub ntse tsim toob xib puaj yam muaj txuj siab tib yam li cov Dov Tawj hais no thiab. Peb tseem kho tsis tau peb li.
    Yuav tos mus ntev li cas? Xav tias Mab Sus kuj txawj ua neeg Thoob tsib tuaj lawm sai tas zog. Yog Luag nyeem tau koj lub siab lawm ces luag yeej yuav huas koj ntej nyob dawm koj kev ces koj yuav hla tsis dhau ib ruam tom ntej ntxiv mus li.


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 27th August 2015, 3:40 am



    Zaj 192- MEEJ MOM HMOOB ZOO XWS LAU QAIB DIB.



    Hmoob lub meej mom zoo nkauj zoo nraug tshaj lij tam ntua li tus lau qaib dib cev plaub ntaj ntsug ntawm nws lub cev. Nyob ntawm tus lau qaib no nws muaj cev plaub zoo nkauj phim lub cev ntaj ntsug kawg nkaus li.
    Nws lub taub hau muaj zoo ib phim, muaj kaus ncauj kaus taw zuag plias phim lub cev. Nws qua tau lub suab zoo mloog, kho siab zim.
    Tus lau qaib no tsis swb rau leej twg li. Nws tsuas swb rau tus muaj zog dua nws xwb, tab nws swb lawm los nws tsis chim rau tus nws swb ntawd los rau cov poj qaib, nyuam qaib tib si. Nws mus peb dag deb xwb nws twb qua laws, nws txoj kev khav cuam rau lwm tus muaj tsis paub kawg li.
    Nyob hauv tus lau qaib lub neej mas nws kav ntau tus poj,txij 10 tus mus rau 30 tus poj li. Tus txeeb noj txeeb haus tsis haum siab mas ncaws kiag xwb. Thaum nws yuav dag cov poj qaib mas nws nthuav tis dav fo cuab kom los, cuag li pom muaj ib tug kab, noj mas tshai yuav qab rog heev.
    Hauv tus lau qaib cov lus mas ntshai nws hais li no:
    Koj mloog kuv mas kuv yuav, yuav ib daj ntaub dav, dav thiab ntev ntev li ib daj no, rau koj hnav kiag.
    Tus lau qaib no mas nws coj li yog neeg twm zeej nws tsuas muaj ncaws xwb. Tsis muaj kev hlub,tsis muaj kev chim rau tus poj los tus lau li.
    Lau qaib nws tsis zeem tias tus poj thiab cov me nyuam yog nws cuab nws yim li. Lau qaib tsis muaj kev hlub, tsuas muaj txeeb noj thiab ncaws kom yeej xwb.
    Peb Hmoob coj tau tus yam ntxwv xws nkaus li tus lau qaib ntawd.
    Hmoob lo lus hais thiab tus yam ntawv mas sib txaw deb heev:
    a. Hmoob lo lus hais mas zoo tshaj tas nrho, dhau Mab sua tej lus tas tib si lawm. Hmoob lo lus hais tias, loj muab ua kom yau mus. Hos yau muab ua kom tsis muaj tas. Koj mloog lo lus mas Hmoob thoob tsib thiab ncaj ncees kawg li lawm. Lo lus Hmoob hais kam los ntawd yog Qaum Ntuj li lus xwb.
    b. Hos tus cuj pwm uas Hmoob coj mas txawv dua ntais li lawm. Muab cov lus thiab tus cuj pwm no los sib piv mas deb li ntuj sab hnub tuaj mus txog sab ntuj hnub poob qho.
    Tus cuj pwm kev coj, mas Hmoob nrauj tsis tau kev khib, los kev cib nyeej thiab kev tub qaug pov tseg mus, Hmoob hnov los pom tej yam hais los no mas Hmoob nco ntsoov tas mus ib tiam neeg li.
    Tsim kev ua plaub ua ntug, cuab ntxiab tog kom mag xwb mas thiaj zoo siab. Hais txog tus cuj pwm kev ua mas Hmoob tsis txawv tus lau qaib ntawd kiag li ntag.
    c. Hais txog kev yuav poj yuav sev, mas xav yuav txog plaub tsib tug li. yuav tau tsis hlub sawv daws sib luag. Yeej hlub sib txawv. Ces muaj xaiv muaj lus txog tej thawj neeg thiab kev neej kev tsav puav ntia qab zej hauv zos li.
    Cov poj niam hmoob los kawm tau kiag tej poj qaib lawm thiab. Hlob tiav nkauj xwb nrog tej pog laus tsauj nplawg ntia li qaib seev qe. Tsoom Hmoob Mis Kuj, Fuaj Kuj, Thaim Kuj thiab Los Kuj.Tej ntxhais 14 xyoos tsis xyeej cov nraug laus 60 xyoo li. Cov tub hluas 18 xyoo kuj swm tau cov nkauj laug plhis hniv tas 60 xyoo li thiab. Tej laus hais tias lawv noj taus qav ntxhib lawm.
    d. Tiam neeg no sawv daws nyuam qhuav kawm tau lau qaib zaj nthuav tis los hais tias:
    Yog koj mloog kuv hais thiab yuav kuv lus mas, kuv yuav muab nyiaj Daus las thiab nyiaj Euro los yuav ib daj ntaub dav, dav li ib dag rau koj hnav, kom koj zoo, zoo nkauj tuaj.
    Ces sawv daws ua neej nyob ntsis plaub kom npws loo li tus lau qaib thiab xyaum qua kom lub suab nkoov, nkoov xwb.
    Lub zim txwv no mus mas ntshais tej zoo tub thiab tej ntxhais yuav ceeb laj nrhiav tau ib tug zoo niam tsev los zoo txiv tsev lawm. Hos cov zoo txiv neej thiab zoo poj niam mas muaj pawg lug, Qhib plho qhov rooj saib xwb mas sawv ua phiaj nciav xwb.
    Tus siab tus qis los muaj tus yuav rog yuav yuag los muaj nyob ntawd thiab, tus sau zaj lus no, nws tsis yog xav hais leej twg li dab plig. Nws tau suav nws tus kheej rau hauv tib si lawm thiab.


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th September 2015, 8:03 am


    Zaj 193- LUS UA TIM KHAWV.




    Lub Koom Txoos Hmoob Sacramento. Lawv tus thawj Xib Hwb, yog Vam Tub Muas.
    Kuv yog Xib Hwb Yaj Zoov Ntxheb, kuv pab cuam nws thaum nws muaj chaw mus tawm rooj, mus rau kev deb lawd.  Nyob hauv pab neeg ntseeg muaj ob peb leeg lawv yog cov ntseeg lub Moo Zoo khov kho.
    Muaj ib pab niam tsev lawv nyiam pab neeg. Lawv nyiam hu nkauj teev Ntuj hnub chiv thaum peb ua lub ntees cav txiaj ntsim.
    Lawv sib sau mus kawm nkauj thiab mus teev Ntuj pab cov neeg mob nyob tom tsev tshuaj, los nyob hauv Hmoob tej tsev.  Lawv kuj caw cov Xib Hwb mus thiab. Tej zaum Xib Hwb tsis khoom mas lawv sib yaum mus ua ke.
    Thaum lawv ua cov kab ke thov Ntuj mas lawv sib faib ib leeg hais ib los ob lo lus rau tus neeg mob. Lawv nyiam thov Niam Mab Liab pab daws teeb meem pob caus. Lawv hais txoj saw Mab Liab
    Lawv nyiam mus tsham xyuas cov niam txiv los me tub me nyuam tsis sib haum xeeb. Thiab mus tsham xyuas cov yim neeg muaj mob nkeeg.
    Thaum muaj ib yim neeg muaj mob nkeeg hu txog lawv mas pab niam tsev ntawd, sib yaum mus. Cov mus tau ces lawv  mus, tus mus tsis tau los lawv nyob hauv tsev lawv kuj koom siab lub caij pab mus ntawd thov Ntuj tus mus tsis tau nyob hauv tsev los nws koom nrog lawv, nws hais nws zaj tom tsev xa tuaj sib koom ua ke nyob hauv Leej Tswv Yim txoj kev hlub.
    Kuv ntseeg tias Leej Tswv Yim Ntshiab ua hauj lwm nrog Pab niam tsev ntawd. Muaj ob peb zaug lawv hla dhau cov teeb meem no:
    Ib nkawm niam Txiv muaj lus sib cov nyom, muaj plaub ntug txog theem luag yuav ntes ib tug mus rau txim tim tsev loj faj.
    Cov niam tsev thov Niam Mab Liab pab daws teeb meem pob caus tas, hnub cov nom Tswv hu mus hais plaub ntawd cov tim khawv cuav hais tsis tau ib lo lus tseem ceeb li rooj plaub ntawd cia li tas mus lawm.
    Muaj ib tug niam  tsev tsis haum xeeb nrog nws cov tub ki yuav muaj teeb meem sib ncaim mus, Lawv thov Niam Mab Liab pab daws teeb meem tas kaj ntug lawv cov niam txiv tub rov sib haum xeeb nyob ua ke mus lawm.
    Kuj muaj tej zaum uas tej tus niam tsev muaj mob hnyav txaus txhawj xws li plab hnyuv to mus tawm rooj txaus ntshai lawm cov kws tshua tau teem caij yuav muab phais txuas dua rau. Cov niam tsev ntawd lawv mus thov ntuj tas rau cov kws tshuaj coj mus tsom tas tsis pom muaj dab tsi txawv ces cia li tso los tsev lawm thiab.
    Ob peb tug niam tsev ua kuv paub me ntsis tias muaj Leej Tswv Yim Ntshiab ua hauj lwm nrog lawv mas txhua hnub rau lawv coj cov kab ke yoo, lawv yuav tsum caiv ib yam tsis noj los tsis haus.
    Thaum  yuav hla tau saum tej xwm mob nkeeg ntawd mas muaj tej tus niam tsev lub caij lawv thov Ntuj mas lawv nres kiag ib pliag zoo li muaj ib lub zog tawm ntawm lawv lub cev mus lawm.

    Yaj Zoov Ntxheb Xib Hwb.











    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th September 2015, 6:24 pm


    COV NIAM TSEV ZOO TAU TSWV NTUJ TUS DUAB NTXOO.



    Muaj lus zoo siab ua Tswv Ntuj tsaug rau Tsev Hmoob ntseeg Sacramento muaj txoj kev ntseeg ruaj nreb.
    HT.Yes Xus tau hais tias:
    "20 Thaum ob leeg los peb leeg sib sau ua ke tuav txog kuv lub npe, mas kuv nyob hauv nruab nrab lawv.”MT.18,20.
    Thov qhuas txog cov niam tsev txoj kev kub siab rau kev ntseeg, Tswv Ntuj yuav pauj ib txhiab ib puas zaus rau lawv.

    Kev teev Saw Mab Liab, los yog teev Niam Mab Liab Daws pob caus 9 hnub tib yam, yog muaj coob leej teev ua ke, ib co pib ib co txais mas yuav tau txais txiaj ntsim zoo dua; tab sis yog yus ib leeg xwb los yeej tau txais tib yam thiab tab sis coob leej mas qhov teev Ntuj ntawd muaj zog dua.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th September 2015, 9:40 am



    Zaj 194- LUS THOOB TSIB QHIA COJ SIAB.



    Cov Zaj Lus Zoo li no mas muaj ntau zaj los sib piv. Tab sis muab peb tug piv txwv no los sau rau peb sawv daws xav.

    1. Ntseeg txog tej tus mlom uas muaj tej tus neeg hais tias, nws muaj hawj huam, pab tiv thaiv mem toj mem av, tiv thaiv kev mob kev nkeeg. Los tiv thaiv kom ua neeg muaj hmoo, tau ua neeg nplua nuj muaj txiag.
    *-Nyob hauv zaj lus no, yuav tau ib nyuag ceev faj. Kev thoob tsib thiab kev ua neeg ruam sib npaug:
    Tsam koj raug dag, kom poob nyiaj, kev tso siab rau ib tug mlom, muab av los puab, los muab ntoo los txua tau muaj ib tug neeg foom lus zoo rau ces yuav tiv thaiv tau ntau yam xwv txheej li no.
    *-Uas tsis muaj lus pov thawj thiab lus tseeb los ntawm ib qho chaw los li, cia li ua tau pov haum.
    Yam xwm yuav los yog:
    Thaiv koj txoj kev dawb huv ua kom koj dig muag mus nrhiav tsis tau kev tawm.
    *-Tej no kev txhaum kev khaum tsis yoj vim koj:
    a-Tus qhia nws tsis paub qhov tseeb. Nws tsuas saib tias zoo ua lag luam cuav kom muaj paj tshab zoo rau nws. Ces ntxab ntxawm dej hlob zoo dov cav kom nws ua neeg nplua nuj mus.
    b- Tej yam zoo li no kuj yuav ceev faj, tsam koj tau dag rau ib pab neeg uas lawv yog qaum Ntuj me nyuam. Thiab koj tau dag rau Qaum ntuj nws tsis yog ib yam tseeb nqes saum ntuj los.
    c. Lub tswv yim no nco tsoo tsam yog tus nyob nruab yeeb nws lub tswv yim, Nws tuaj siv koj ua nws txoj hauj lawm rau nws, ces hnub koj muaj 120 xyoo nws npaj chaw rau koj mus nyob.

    2. Ntseeg txog Leej tib neeg tej Hwj Huaj Cawm ntsuj Plig.
    Zaj no kuj tsis txawv deb zaj ntseeg mlom thiab.
    a. Tus Leej Neeg no, Nws vam txog Leej twg cov Hwj Huam los pab. Yog tus neeg nws hais lus Vam txog tej Poj Koob Yawm Koob thiab Ntuj Niam Ntuj txi lub Hwj Huam mas kuj yog ib yam, uas Ib txwm Hmoob tej pog tej yawg siv los mas yog zoo.
    b.Yam ua tsis muaj Ntuj Niam Ntuj txi nyob hauv uas tuaj ntawm koj tus kheej tuaj, uas koj siv ib co Hwj Huam los ntawm Xob. Zaj, Nab, Tsov, los ib tug neeg nto moo lo xwb.
    Zaj no cov xwm txheej yuav raug ob tog, ib tog tau hnyav, ib tog tau sib me ntsis:
    *-Sab hnyav, Vim koj tau dag lawm tsis tseeb...
    koj tau ua tub qaug rau ib tug neeg tsis paub tab, kom lawv dig muag mus ntev xyoo, ces nws ruam ruam tsis xeev los ua neeg thoob tsib pom kev caum luag tej mus.
    *-Sab sib, tus neeg raug dag nws tsuas nros nws ruam, ces nws ua neeg poob qab.
    *- Los ntawm tus hais los, hhov kawg zoo li koj tau dag rau txhua yam, thiab koj kuj rov dag koj.

    3. Ntseeg tshuaj ntshuab.
    a. Cov Tshuaj ntsuab los ntawm nroj tsuag xyoob ntoo los yog ib yam zoo rau neeg lub cev.70%
    b. Tshuav li 30 % tsis zoo no mas nws kuj los ntawm leej tib neeg kev dag los ntxiv rau thiab. Vim muaj tej tus neeg ntshaw kev nplua nuj kom muaj txiaj ntau tau siv, ces nws lam hais tias, ib hom tshuaj zoo 120 yam mob no tuaj.
    c. Tsob tshuaj zoo 100% yog tsob tshuaj hauv tsev. Yog. Neeg cov ncauj nplaig lus hais.
    *- Ob qib lus no yuav hais tej lo lus tsis zoo mloog:
    Tej niam txiv yeej sib hlub tsuas yog tsis txawj hais lus kom ntxim siab. Tej ncauj lus tsis sib tom thawj, hais lus tsis txawj sib hwm los tsis nco txog kev tub qaug, muaj sib cav sib ceg. Muaj kev nros mov tsis noj, ces lub cev swb tej sab foob khaub tuas. Muaj mob nkeeg los mam li txhawj coj mus rau kws tshuaj, los tsis txawj hais lus, hias rau kws tshuaj tias, kuv niag poj niam vwm lawm koj txhaj tshuaj rau kom txhob vwm. Zaum no poj niam haj yam tu siab chim siab ib npaug ntxiv, ces nws huas siav tuag kiag nkag mus ua poj ntxoog lawm ces mam paub li yog txoj kev lig mus ib sim neej.
    *- Txawm yog zoo li hais no, Tej txiv neej los muaj kev tu siab tsis sib xws, ces muaj hnub nyoog 50 xyoo xwb ces tsis muaj zog ua txiv neej. Mam li txhawj. Ces ho nrhiav tshuaj tawv nruj qab teb mus dhau qaum teb. Yog thawj pob tshuaj ntawd tsis raug lawm mas cov sab nraud tsuas zoo thawj pob uas koj zoo siab hnov lo lus nrog xwb, cov tom qab muab los tshuaj mus tshuaj li lawm, tus nkws tshuaj ces cia li nplua nuj dawb.
    *- Hais tas lus nrho yog tsob tshuaj hauv tsev tsis zoo lawm ces, cov tom phamacy tseev nws kim los yeej tsis raug tus mob li.
    Yog sawv daws txawj siv tsob tshuaj nyob hauv tsev mas ua neej nyob txawm noj mov zaub tsuag xwb los yeej tsis muaj mob thiab tseem ua neej nto moo lug, nrog kev kaj siab lom zem xauv npo.
    Zaj lus no xav tau ces cia li sau xwb yam ua yuav yog nyaj yuav muaj li 20% nyob hauv thiab.

    Yaj Zoov Ntheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th September 2015, 9:32 am



    Zaj 195- LUB ZOG NTAWM TXOJ KEV SIB HLUB.


    Lub zog nyob hauv txoj kev sib hlub, los txoj kev sib hlub lub zog loj muaj peev xwm. Lub zog ntawd loj tshaj txhua yam tib si!
    Kev hlub nyob txawm hauv lub zog, vim kev hlub mas muaj zog npaum li lub khauv zeeg cua tuaj.
    Hais txog Cua, mas Cua yog tas nrho Neeg, Tsiaj txhu, Kab Noog, Xyoob Ntoo, Nroj Tsuag txoj Sia. Los yog tas txhua Tsav ntawd tus tswv.
    Hnub twg yog tsis muaj Cua lawm,mas txhua yam yuav cia li tuag, los ploj mus. Cua zoo puav tam li Nws tuaj hloov tau Vaj Tswv Ntuj chaw sib hlub, nrog txhua yam uas Vaj Tswv Ntuj tau tsim tseg rau saum lub ntiaj teb no. Ib qhov chaws twg yog tsis muaj Cua, los muab Cua nqus tas nrho lawm, mas neeg, tsiaj, los kab noog thiab nroj tsuag cia li tuag mus tsis muaj txoj sia nyob taus li lawm.
    Kev hlub mas tuav tau txoj sia ntawm txhua tsav hom toob xib ntawd, nyob kom muaj sia muaj lub zog thiab txawj ua zog los hlob mus kom kawg siav.
    1. Ntawm leej Tib Neeg tus muaj kev hlub, ces Nws muaj zog puv npo, los txhawb tau txhua yam,khiav sib law sib liag, los cuam tshuam nrog nws kev ua neej txhua fab:
    a. Ntawm kev txij nkawm, muaj kev sib hlub mas ua neej tsis paub dhuav. Ua tau lub neej kaj siab lug, nrog kev thoob tsib, kev txawj xav, txawj sib pab sib qhuas, muaj kev noj kev haus,nplua mias khwv yam twg twb nce tes. Nws twb yog neeg txom nyem los nws tseem qee tau tej yam mus pab luag. Cuag li nws nyob hauv txheej ua neeg nplua nuj.
    Nws yeej tej kev txom nyem yeej xaiv lus thiab yeej mob nkeeg tas txhua yam li. Ua neeg sawm txhiaj, hais lus pab tau neeg cuag li yog neeg muaj hmoo los muaj pov haum.
    b. Ntawm sab kwv tij neej tsa, los txoj kev sib hlub ua tau nyob kaj siab lug, nyob muaj zog, muaj sia, siab tiaj tus, vam meej nroo ntaws,tsis ntshai leej twg xeeb plaub xeeb ntug. Zej zog twb dav,neeg coob los saib zoo li zej zog tseem nqaim thiab neeg tseem tsawg ua li tej laus hais, nws tsis xyeej coob li.
    2. Tig saib rau sab ua tsiaj txhu los, muaj zoo tswv saib tsis ntshai tsov hma,poob deg los ntog toj tuag. Muaj zoo tshav zaub mos nog nyob ua npoj ntws, tau zoo dej haus, twb tsis yog me nyuam tsiaj thiaj hom khaj xwb, niag tsiaj laus los hom khaj txog twg li thiab. Tej me kab noog los muaj paj zib haus, quaj nrho nrooj nyob xauv npo txhua lub laj roob,nrog me nas txheeb nas ncuav sib ua luag.
    3. Me xyoob ntoo nroj tsuag cuag li muaj tus saib, hwm cia ua chaw zoo nkauj, nyob tsheej roob. Ntoo txheej siab txheej qis los muaj. Ua chaw rau nas noog, nyaj liab cuam lub chaw kau thiab dhia. Lub zog Cua tuaj ntxuj ntxiag ua rau me nplooj laim txias, cua maj mam tshuab nyob txias zias.
    Lub zog ntawm cua kev hlub tuaj khav tas nrho txhua yam li no, mas ua tau kom txhua npoj neeg lub siab muaj kev sib hlub tseem ceeb kawg nkaus li.
    Ua cas kev hlub ntawm lub zog cua yuav muaj qab hau tas npaum no, cas ib sim neej yus twb tsis xav txog li. Yus pheej xav tias yus yog tus muaj zog tshaj. Yus nyuam qhuav nqa taus 60, los 70 kis lus xwb. Cua mas ua cas twb tsis muaj lub thoob nqa dej li, cua tshuab xwb twb nqa tau dej hiav txwv mus nto ntuj plaws, puag saum qaum ntuj ntsuab, muab tso ua nag los ywg lub ntiaj teb tej me nplooj ntoos thiab av kom muaj dej txhawv puag saum roob nqes los. Yog lub txiaj ntsim dab tsi li lauj!
    Tus paub txog lub zog loj nyob nrog kev hlub ntawm cua no, mas lub siab nyob tiaj tus,ua lub neej tshav ntuj nrig.


    Yaj Zoov Ntxheb X.H.




    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content Today at 3:39 am


      Current date/time is 10th December 2016, 3:39 am