HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


XH.Zoov Ntxheb Yaj Nthuav Ntawv Ntshiab. - Page 12 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    XH.Zoov Ntxheb Yaj Nthuav Ntawv Ntshiab.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th November 2017, 9:38 pm



    NRUAB XYOO CHIV 33 A Tim 19 /11/2017.

    Coc zaj nyeem muaj ntawv Paj Lug, {31: 10-31.} 1Tes Xas Los Nis,{5;1-6.} thiab Mas Tais, {25: 14-30.} Hais tias:
    -Cov neeg ntseeg lawv muaj ib lub cuab tam muaj nqes kawg, yog lub Moo Zoo.
    - Tus neeg ntseeg, yog nws muab lub Moo Zoo faus cia rau hauv nws lub Cim Xeeb xwb, mas nws muaj txhaum.
    -Yus sim neej mas tsis ntev li, Yus txhob tsaug zog los txhob hais tias: Tos ob peb hnub los ob peb xyoos tso kuv mam tig los yuav lub siab tshiab.
    - Peb yuav ua li tus zoo poj niam, uas nws nrhiav kev kaj siab lug nyob hauv nws tej hauj lwm ua ib tug niam tsev zoo.
    +Tswv Ntuj lo lus hais tias, Leej twg thiaj yuav nrhia tau tus zoo poj niam! Ib tug zoo poj niam, mas nws muaj nqes dua cov pov haum.
    Nws txawj ua xis nws tsev neeg siab, nws tis ua kom muaj ib tug tu siab rau nws ib zaug li. Ntuj tsis tau kaj, nws twb sawv los npaj mov rau nws tsev neeg noj.
    Nws ob txhais tes nquag loj npab ntshuas ua hauj lwm, Ntuj tsis tau kaj nws twv sawv los tooj xov ntos ntaub. Nws zoo li lub teeb ci lam lug mus thawm hmo.
    Nyob hauv lub nrog nws tus txiv muaj koob meej nto moo lug. Tus zoo poj niam, nws muaj hwj chim. Nws hais lus txawj saib tom ntej tom qab.
    Nws lub ncauj tsuas qhia kev hwm Ntuj hwm neeg. Nws tus txiv hais tias, Muaj ntau tus poj niam tau ua tej yam loj. Tab sis koj tseem ua zoo tshaj sawv daws lawn thiab.
    Kwv tij Huab Tais sau nws cov lus piv txog lub caij Huab Tais yuav tuaj. Mas nws yuav tuaj zoo li ib tug tub sab tuaj thaum ib tag hmoo.
    Thiab xws li lub caij uas neeg tab tom tham tias, zaum no, peb tau nyob kaj siab lug lawm. ces ib vuag xwb tej kev ploj tuag cia li ya tuaj txog xws li tus tub sab los txeem los tsev ces lawv cia li tsis tau kev dim.
    Nej yuav ua txoj kev pom kev cov me nyuam, mus kev nruab hnub. nej nco ntsoov tias nej tsis yog cov neeg maub mus hmoo ntuj.
    Tswv Ntuj yuav zoo li tus neeg sawv kev mus rau pej Kum teb. Nws muab ib co nra nyiaj rau Nws peb tuag tub txib ceev.
    Thawj tug nws muab tsib nra nyiaj rau nws ceev. Tus ob Nws muab ob nra rau ceev, Tus peb nws muab ib nra rau ceev.
    Thaum Nws rov los txog nws nug Nws cov nra nyiaj ntawd. Thawj tug uas nws ceev tsib nra, nws coj mus ntxeev ua luam tau tsib nra tuaj.
    Tus ceev ob nra, nws kuj coj mus ntxeev tu ob nra tuaj thiab. Ho tus ceev ib nra, nws mua khawb ib lub qhov nws muab nra nyiaj ntawd faus cia.
    Nws nqa nws tus Tswv nra nyiaj rov tuaj, nws hais tias, Yawg hlob. Kuv paub tias, koj yuav sau cov nqes uas koj tsis tau khw. kuv ntshai tsam khwv tsis tau.
    Ces kuv thiaj coj koj nra nyiaj mus faus cia, koj los lawm kuv xa rov tuaj rau ko. Tus Tswv hais rau cov tub txib tias: Nej muaj nra nyiaj no mus rau tus uas nws twb muaj lawd kom nws muaj ntau ntxiv.
    Tus tub txib no nej muab nws tshem mus pov nraum zoov qho chaws txom nyeem loj.
    Tus twv hais rau thawj ob tug tias: Neb ua zoo lawm, neb yog ob tug tug tub txib siab ncaj. Kuv yuav tsa neb saib tej yam loj.
    Neb nrog neb tus Huab Tais zoo siab mog! Amen.

    ZAJ THOV NTUJ.
    1. Peb thov Ntuj rau lub Koom Txoos...
    2. peb thov Ntuj rau cov Nom Tswv Kav teb chaws....
    3. Peb thov Ntuj rau cov neeg txom nyem... cov sau npe hauv phau ntawv...
    4. Peb thov Ntuj rau cov xwm txheej muaj uas peb pom...
    5. Peb thov Ntuj rau cov neeg tuaj teev ntuj hnub no...


    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 24th November 2017, 5:21 am



    NRUAB XYOO CHIV HWM YES XUS UA VAJ A Tim 26/11/2017.


    XH.Zoov Ntxheb Yaj Nthuav Ntawv Ntshiab. - Page 12 Le_chr10

    Cov zaj nyeem muaj Es Xes Kias, { 34: 11-16.} 1 Kos Lis Nthos, { 15:20-26+28.} thiab Mas Tais, {25:31-46.} Hais tias:

    - Yes Xus yog tus Vaj txiav txim rau Nws tsoom pej xeem. Nws tsuas saib lawv puas tau ua cov hauj lwm sib nyiam sib hlub los nyiam luag tej.
    -Tswv Ntuj tso tas puas tsav yam, kom zwm rau Yes Xus. Kom Yes Xus tau coj tas txhua leej txhua tus mus zwm rau Tswv Ntuj.
    - Vim Yes Xus yog tus Vaj hlub tas nrho tsoom neeg ntseeg. Xws li tus Tswv zov Yaj, lhub Nws pab Yaj.

    + Tswv Ntuj hais tias, zaum no, kuv yuav tsob hwb kuv pab yaj. Tus zov Yaj, nws yuav nrhiav kom tau nws cov Yaj uas tawg tas lawd.
    Nws hais tias, Nws yuav tshuaj xyuas Nws cov Yaj ib tug zuj zus. Tab yog cov Yaj txawm tawg mus dua qhov twg lawm, los Nws yuav mus sau lawv rov los nyob poo npoj.
    Nws yuav cia lawv nog zaub nyob saum Nws lub Roob. uas muaj lub tshav zaub mos. Tus muaj mob los Nws yuav qhwv lawv cov qhov txhab kom zoo.

    + Leej Pleev txoj kev sawv rov los, nyob hauv tsoom neeg tau mus tsaug zog ntawd. Mas Leej Pleev yog thawj tug sawv rov los.
    txoj kev tuag yog ib tug neeg coj tuaj, sawv daws thiaj tau tuag mus. Txoj kev sawv rov los kuj yog ib tug neeg coj tuaj. Txoj kev tuag uas nws muaj yeej sawv hauv cov tub tuag rov los, kuj yog Ib tug neeg coj tuaj thiab.
    Thaud, sawv daws tuag nyob hauv As Das. Hos nyem no sawv daws sawv rov los nyob hauv Leej Pleev. Leej Pleev hais tseeb tias, nyias muaj nyias lub caij sawv rov los.

    Leej Pleev yog tus ntaus thawj, sawv hauv cov tub tuag rov los. Cov yuav sawv tom qab, yog leej Pleev cov neeg, Lwm cov mas tus Vaj yuav muab rhuav pov tseg.
    Leej Pleev yuav coj lub hwj chim no, mus cob rau Leej Txiv Tswv Ntuj. Tus yeeb ncuav uas Nws yuav rhuav mus ntawd, yog txoj kev tuag.
    Lub caij Leej Neeg tus Tub yuav tuaj, mas Ntuj cov Tshiab kuj yuav nrog Nws tuaj. Nws yuav zaum saum lub theej kiab muaj hwj chim loj. Tas txhua Haiv neeg yuav sib sau los nyob ntawm Nws xub ntiag.
    Thaum ntawd, Nws yuav faib cov Yaj, zoo li tus Tswv cais cov maum yaj ntawm cov txiv yaj. Ib pab mus nyob sab xis, hos lwm pab mus nyob sab laug.
    Tus Vaj yuav hais rau cov nyob sab xis tias:
    Nej yog cov kuv txiv pub txoj hmoov zoo rau nej! Ntuj lub Ceeb Tsheej uas Ntuj npaj tseg txij thaum ntuj tsim teb raug los, nej txais mus ua nej tug.
    Vim thaum kuv tshaib plab los nqhis dej thiab kuv muaj mob, nej tau tuaj xyuas kuv. Thiab pub mov rau kuv noj muab dej rau kuv haus thiab nej tuaj tsham kuv.
    Cov siab ncaj teb tias, Huab Tais, thaum twg peb tau muab mov thiab muab dej rau koj haus, los tau tuaj xyuas koj thaum koj mob!
    Tus Vaj Hais tias, nej tau ua zoo npaum li cas rau cov neeg me tshaj, ces yog nej tau ua rau kuv lawm.
    Tus Vaj kuj hais rau cov nyob sab laug tias:
    Nej khiav mus deb ntawm kuv, Ntuj tsawm nej! Nej mus nyob hauv cov hluav taws uas Ntuj npaj rau dab phem nyob. Vim thaum kuv tshaib plab, kuv nqhis dej los kuv mob nej tsis tuaj xyuas kuv thiab nej tsis muab mov muab dej rau kuv haus.
    Cov sab laug nug tias, Huab Tais, thaum twg peb tau pom koj mob los tshaib plab thiab nqhis dej. peb tsis tuaj xyuas koj los peb tsis tau muab mov muab dej rau koj haus!
    Tus Vaj hais tias, kuv hais yiag rau nej.Thaum nej tsis tau ua rau cov neeg txom nyem thiab cov neeg me tshaj ces nej kuj tsis tau ua rau kuv thiab. Amen.

    ZAJ THOV NTUJ.
    1. peb thov Ntuj rau lub Koom Txoos...
    2. peb thov Ntuj rau cov Nom Tswv kav teb chaws...
    3. peb hov Ntuj rau cov neeg txom nyem,... cov sau npe...
    4. Peb thov Ntuj rau cov xwm txheej peb paub muaj...
    5. Peb thov Ntuj rau cov neeg tuaj hnub no...

    Yaj Zoov Ntxheb X.H.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 24th November 2017, 5:38 am





    QHIA KEV NTSEEG.
    { Cov lus no siv tau, nyob hauv hnub chiv.}

    Lub xyoo no, yog ib lub xyoo. Hnyav heev, rau Tswv Ntuj thiab Nws tsoom tub ki siab ncaj. Uas lawv tseem ua lub neej khuam nyob ntiaj teb no.
    Vim tej thawj neeg, siab tsis ncaj, los plawv tsis tus. Lawv ua neeg tsiv taim, muaj coob leej ntau tus. Lawv tau tsim teeb meem rau neeg, los muaj npaud.
    Tej pab neeg nyob ua kev, tsis sib haum xeeb, muaj teeb meem nyob hauv lawv tej pab pawg neeg. Kuj muaj ntau npaud thiab. Ua rau lub ntiaj teb no hnyav heev dhau lawm.
    Tsam Peb tus Vaj Yes Xus thiab tsoom neeg siab ncaj, yuav nres tsis taus. Ces lub ntiaj teb no yuav tog mus rau dej nyab, los raug hluav taws kub.
    Ces yuav ua rau tsoom neeg siab ncaj, yuav ib txhij raug tuag mus ua ke, nrog cov neeg phem. Peb yog cov neeg ntseeg txog Yes Xus lub Moo Zoo.
    Peb yuav rau siab thov Ntuj, kom tej teeb meem no, txawj yaj tas mus. Peb kuj tsis paub yuav ua zaj twg thiaj yog zoo, kom tsim nyog, rau peb Leej Txiv Tswv Ntuj muab tshem tawm mus.
    Leej Tib Neeg cov teeb meem no, ntau dhau lawm. Yam twg los peb tsis paub hais. Mas peb yuav ua li no:
    Peb yuav yoo kev sib cav sib ceg, kom muaj tsawg li tsawg tau. Txhob muaj nyob hauv peb vaj tse, thiab nrog rau peb tsoom txheeb ze.
    Peb yuav nquag tuaj koom thaj txi Ntuj hnub Chiv. Txais Tswv Tej lus qhuab qhia, ua neeg ncaj ncees. Thiab txais lub Cim Yug. Lub Cim Daws Txhaum, hais txoj saw mab liab.
    Xyaum ua tim khawv zoo, rau cov neeg niaj hnub nrog yus nyob ua ke. Xyaum sib mloog lus los ntawm kev sib txib sib hu, kev cob qhia nrog kev sib pab.
    Kom peb muaj feem tau pab peb tus Huab Tais Yes Xus Pleev, Thiab peb Leej Niam Mab Liab,tus tuaj yeem mloog Tswv Ntuj lus. Uas nws tau nto koob meej tshaj nyob hauv tas tsoom poj niam tib si.
    Peb kuj yuav koom siab, koom ib lub suab lus nrog Yes Xus thiab peb Leem Nim Mab Liab thov Ntuj, rau lub ntiaj teb neeg, kom tej teeb meem, neeg tsis sib haum xeeb no. Ploj mus li pa taws yaj.
    Peb yuav hais rau Tswv Ntuj Leej tub Yes Xus, nrog peb Leej Niam tus siab Ntshiab. Thiab tsoom Leej Ntshiab, peb tsoom Poj yawm Txwv Koob siab ncaj.
    Koom ib lub siab nrog peb tus Tuam Vaj Yes Xus Pleev, thov kom Tswv Ntuj muab tej teeb meem tsis sib haum xeeb no rhuav tshem mus.
    Kwv tij, peb tso siab mog! Tus nyiam nrhiav kev ncaj ncees, mas Tswv Ntuj yuav nco qab ntsoov txog nws. Kom lub Ntuj lub Teb tau nyob thaj yeeb. Amen.


    Sacramebto tim 22/10.2017.

    *Yaj Zoov Ntxheb X. H.*



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 24th November 2017, 5:40 am



    TXUAS ZAJ QHIA KEV NTSEEG.

    Peb yuav tsum ntseeg los ntawm peb tus kheej tias, peb xaiv tau txoj kev ntseeg tseeb, los txoj kev ntseeg cuav.
    Tsam txog hnub kawg, Peb kev tws lawm, ces peb yuav seev tias, Tswv Ntuj nyob qhov twg? Puas muaj Tswv Ntuj tiag ne?
    Peb yuav rov tsom peb nruab siab tias, thaum ub tus dab phem Xas Tas. Tuaj ntxias kom ob tug Niam Txiv hauv paus li Nkauj Iab thiab Nraug Oo nkawd. Kom yuam kev mus ntseeg tau Xas Tas.
    Ua nws txia ua tus Nab los laum tus ntoo pub txoj sia, kom nruav tau neeg txoj sia ploj mus. Ces kom dab tau yeej Noob Neej, nyob saum tus ntoo rhawv txoj kev tuag.
    Txij thaum ntawd los, Ces cov Leej Tib neeg muaj tsos tawv daj, li Haiv Hmoob, Suav, Los Tsuas. Thiab thiab los ntau Haiv neeg coj txoj kev cai ntseeg raws li Phus Thas qhia.
    Sawv daws yeej paub tias, kev Ntseeg,yog ntseeg txog Tswv Ntuj. Tab sis neeg ntseeg raws li Tswv Ntuj cov tub txib uas, Ntuj tso lawv thuaj tshaj Tswv Ntuj tej lus.
    Muaj tus Thwj Tim tsis thoob tsib,lawv tau tshaj los, tsis meej pem. Ua rau neeg nyob ntiaj teb no to taub tsis tshab zoo!
    Ces ua rau neeg muaj kev tso siab rau ib co Tim Tswv, cuav, mus rau sab tsis tseeb. Thiaj tau tso siab rau tej tus tsiaj muaj lub zog loj:
    Ntseeg mus rau tej Tsiaj muaj lub zoog li Nab loj los Zaj ntawd. Coj neeg lub tswv yim los ntseeg tej Tsiaj txhu uas neeg xav tias, nws yog tus muaj zog tshaj:
    Ces thiaj coj neeg mus tso siab rau tej Nab Loj, Thaum pom los paub tias. Nws muaj zog loj heev lawm ,ces nws dhau mus ua Zaj. Nws muaj zog nphau tau tej toj roob kom ua tau dej kuav mus li Hmoob pom thaum ntuj los nag.
    Uas rau av pob tau ua dej kuav mus, tas tej phab roob los tej ntsug av nrog dej mus tau tas tib si. Vim neeg nteeg tej kev tsis tseem ceeb no.mem tau tias, muaj zog tshaj lwm tus tsiaj mus lawm.
    Leej Tib neeg thiaj ntseeg tau tej tus tsiaj, nyob hauv qab tiv txwv av luaj zoo li ntseeg Zaj. Hmoob thiaj ntseeg tias, tus muaj zoo Looj Mem Nab Looj Men Zaj. Yog tus tau zoo Looj Mem, Hmoob thiaj ntseeg Looj Mem Zaj, Looj Mem, Dav thiab Looj Mem tsov,los Looj Mem Ntxhw.
    Tej no Hmoob tsuas ntsia lub roob nkhaus xws li tsus Zaj, los lub roob zoo li tus tsiaj ntawd. Ces Hmoob hais tias, yog zoo Looj mem lawm.
    Yog lub roob loj dav fov ho lub qab roob yau mus rau nram qab roob zoo li Ntxhw tus duab, ces yog Looj Mem Ntxhw.
    Hmoob hu ua looj mem Ntxhw, Looj mem ntxhw qhov chaw muaj zog nyob nram tus cov txwv. Looj meem Nab thiab Looj Mem Zaj, yog lub roob ntug, los lub roob yuag.
    Looj Mem nab thiab Zaj,qhov chaw muaj zog nyob ze rau pem yav taub hau. Looj meb dav hmoob hais tias, qhov muaj zog nyob ncaj kiag ntawm, ob phab tis nruab nrab.
    Tej no ntseeg raws li neeg lub siab xav txog,saib ib tug tsiaj qhov chaw muaj zog,nyob qhov twg, ces lub chaw muaj zog nyob ncaj twg xwb.
    Haiv neeg nrhiav Looj Mem li no, lawv tsuas tso siab rau tej yam li neeg tej tswv yim xav xwb. Hais los ntawm qhov tseeb tsis muaj neeg paub tau qhov tseeb!
    Tej laus twb xaiv, Looj Mem los lawm tau ntau pua xyoo. Sawv daws cov Huab Tais ntawd, kuj tsis tau pom ib tug sawv los nyob rau qhov twg li thiab.
    Hais txog ntawm tus Zaj no, thaum tsis muaj teeb meem saib zoo li nws yog tus muaj zog tshaj. Thaum kawg, Zaj ua teeb meem tuaj lawd, Zaj kuj tseem swb mus rau tus hu ua Xob. Zoo li Xob tseem nyob ze Quj dua.
    Los Xob muaj zog dua Zaj lawm,thaum Hmoob tsis muaj kev mus lawm. Uas Hmoob tau kev tws kiag lawd,kawg rov hu Ntuj dua tias, Ntuj nyob twg , puas yuav muaj Ntuj tiag!
    Thov Ntuj los pab Ntuj me nyuam Hmoob aud! Peb ua Leej Tib neeg peb yuav tsum paub tus tseem ceeb uas tsim neeg thiab tsim tas txhua yam los, kom muaj los nyob. Tus ntawd nws thiaj yuav yog tus muaj zog.
    Yog tus tau tsim thiab qhia Hmoob tis lub npe rau, tias, yog neej los dab, nrog txhua yam muaj los nyob tib si. Tab yog tsoom dab los, kuj yog tus Tswv Ntuj tsim los thiaj.
    Thaum Xas Tas xaiv txoj kev ua txhaum lawm, Ntuj mam muab nws pov tseg los rau ntiaj teb. Ces nws pom tej tib neeg tau zoo.
    Nws ntxias kom neeg poob mus rau kev txom nyem, ib yam li nws. Nws thiaj xaiv Zaj Nab lub cev. Thaum Leej Tib Neeg mloog Xas Tas lus lawd. Ces Leej Tib Neeg cia li tso siab rau lub npe tsiaj zoo li tus Zaj no.
    Vim Tus dab Xas Tas no, nws tau siv Zaj Nab lub cev, txia ua Nab tuaj ntxias neeg. Zaj thiaj txia ua neeg, los ua Xib Nywj zoo li twm rau neeg pom tau. Vim nws yog ib tug dab muaj huam huam.
    Muaj raws li Hmoob cov zaj dab neeg. Zaj thiaj txia ua nkauj Zag, tuaj yuav tej tub hluas Hmoob. Los txia ua tej tus tub Nraug Zaj tuaj yuav Nkauj Hmoob.
    Zaj yog ib tug tsiaj muaj hwm huam loj, Vim nws yog dab Xas Tas tau txia yuav Zaj Nab lub cev tuaj ntxias Nkauj Iab thiab nraug Oo nkawd. Puag txheej thawd ib zaug los lawm. Neeg thiaj saib tias, Zaj yog tsav muaj zog.
    Tab sis nyob hauv Hmoob cov dab neeg, Zaj tsis yog ib tsav neeg zoo. Zaj sib txeeb noj sib txeeb haus. Zaj sib txeeb poj niam yuav.
    Zaj muaj plaub muaj ntuag loj kawg, sib txeeb liaj ia teb chaws nyob. Yog tus yeej thiaj tau nyob, tus swb kawg tawm khiav mus.
    Thaum Zaj muaj plaub ntug lawd, Zaj tuaj thov Hmoob tej tub ntsuag Hmoob mus pab Zaj. Tub Ntsuag siv xub hneev tua Zaj xwb, los Zaj twb tua tau Zaj tuag thiab.
    thaum tub Ntsuag tua tuag lawd, kuj tsis muaj plaub ntug, plaub ntug rau neeg thiab. Zaj puas yuav yog ib tug thawj neeg sawv los tswj lub teb lub chaw tau li Hmoob ntseeg txog ntawd!
    Kom Hmoob tau nyob tiaj tus, thiab vim li cas Xob ho tua tau thiab. Zaj puas yuav ua tau tus cawm seej thiab pab neeg ua nom ua tswv thiab ua Huab tais, li neeg ntseeg.
    Hmoob tej dab neeg tham nkauj Zag thiab txiv nraug Zaj twb muaj ntau zaj kawg los. Thawm kawg lub neej plam tas mus lawm, tsis muaj leej twg sawv los ua tau Hmoob Huab Tais nyob kom kav ib tiam neeg qhov twg li.
    Hais txog Tswb Tshoj, los Tswb los Tuam kuj tsis pom ua Huab tais lo pab hmoob. Tsuas yog dab neeg hais rau pob pob ntseg hnov xwb. Kuj tsis muaj keeb kwm tias, tau ua Huab Tais kav Hmoob ib lub zim txwv ntev loo los.
    Nyob hauv Hmoob Keeb kwm, zoo li Txiv Yawg, thiab Vwj Paj Yig, nrog rau tej tus muaj npe hu ua, Hmoob Huab Tais peb hnov los lawd.
    Kuj tsis muaj ib tug muaj lub Keeb kwm los ntawm cov dab neeg Zaj thiab Tswb Tshoj los! Tias yog Huab Tais Hmoob. Peb yog cov neeg paub Huab Tais Ntuj, yog tus nyob siab.
    Nws yog tus tsim neeg thiab tsim txhua yam, kom muaj tuaj. Peb yuav ntseeg thiab tso siab tias: Nws muaj peev xwm thiab muaj hwj huam, cawm neeg lub cev nrog tus ntsuj Plig, kom muaj txoj sia mus rau lwm tiam dua cov dab no.
    Peb yuav hwm tus ntawd, thiaj yog zaj tseeb rau peb. Hmoob tej thawj coj Hmoob, los tej tus Hmoob twb tau lub npe ua Huab Tais no, Muaj ntau leej twb ua neej nyob tsis tas nws sim neej.
    Vim Tej kev ntseeg hais no, tsis coj lawv mus kom paub txog zaj tseeb. Kom meej pem, li peb pom ntiaj teb neeg coj. Leej twg los kuj hais tias, yog txoj kev zoo yuav tau ua Huab Tais.
    Qhov kawg kuj yog cov kev ntseeg uas Neeg coj ntawd, tsis muaj kev ncaj ncees, los muaj kev sib hwm, nyob hauv. Neeg sawv daws thiaj tsis muaj kev sib raug zoo.
    Zoo li tsis muaj Qaum Ntuj lus qhia, ces sawv daws ua neej nyob ,ib leeg lauj leeg taw ntaiv mus li. Ces leej twg los sawv tsis taus los ua neeg zoo kom muaj Keeb kwm nyob txuas mus txog qhov kawg. Yog vim cov kev ntseeg ,no tsis yog tuaj, los nqes saum ntuj los.
    Txij thaum ntuj tsim teb raug los tav li lub zwj ceeb no. Suav tsis tau tias, twb muaj peb tsawg txhiab caum vam tiam neeg los li lawm.
    Nyem no ntiaj teb neeg vam meej lawm, tsim nyog sawv sawv yuav xeev thiab tim dheev los tias: Muaj tej txoj kev ntseeg tseem ceeb pab tau kom neeg lub siab nyob tiaj tus.
    Peb yuav tsum txawj los xaiv, txoj kev meej tseeb. Kom Qaum Ntuj txaus siab nyiam Leej tib neeg, tej nplooj siab dawb uas txawj hloov los yuav qhov tseeb.
    Muaj kev hwm Ntuj hwm neeg nyob hauv lawv tej kev ntseeg ntawd.


    Sacramento Tim23/10/2017.
    *Yaj Zoov Ntxheb X.H.*
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 30th November 2017, 5:51 am



    TOS HUAB TAIS CHIV 1 B. Tim 03-12-2017


    XH.Zoov Ntxheb Yaj Nthuav Ntawv Ntshiab. - Page 12 9cdcd310

    *-His Xais hais tias: { 63:16-17+19. 64:2b-7.}
    Peb thov kom Tswv Ntuj zam txhaum rau peb, xws li Nws tau xub zam ntau zaus rau cov His Xas Lais thaud. Peb tso siab, vim tiasTswv Ntuj tau nqes los nrog neeg nyob.
    His Xais thiaj hais tias:
    Tswv Ntuj yog peb txiv,Koj yog tus cawm peb, Koj lub npe yeej yog li no puag thaum ub los lawm.
    Tswv Ntuj peb thov kom koj tuaj nyob ze peb, Koj cia peb nyob ntawm koj txoj kev.
    Tswv Ntuj vim peb yog koj lub xeem thiab yog koj lub
    cuab tam, koj thiaj txuag peb nraim.
    Tswv Ntuj dua koj lawm tsis muaj lwm tus tswv yuav zoo lo koj ntxiv. Tswv Ntuj koj niaj hnub sawv tuaj xyuas cov neeg koj paub tias lawv yog neeg siab ncaj, koj nco ntsoov tias muaj lawv. Koj ua npaum li no los twb tseem tsis muaj neeg tsob zeem txog koj lub npe.
    Neeg ntiaj teb tsuas hais txog kev ua txhaum xwb. Tsis kav koj yog peb txiv, thov koj txhob nco txog peb cov txhaum. Koj tsuas nco tias peb yog koj haiv neeg xwb.

    **-Paj Lug thiaj rau cov Tes Xas Los Nis tias:{1:3-9.}
    Thaum nej ntsib kev ntseeg thawj zaug, Nej txais Yes Xus lub txiaj ntsim, tas nej sid. Mas nej ua kom kev paub Yes Xus, thiab kev nyiam Yes Xus hlob tuaj, kom mus txog hnub nej tau rov pom Yes Xus dua hauv qhov tseeb.
    Ces Paj Lug hais ib los ntxiv tias, Kuv xav kom nej tau lub txiaj ntsim, thiab txoj kev kaj lug, tuaj ntawm peb txiv Tswv Ntuj thiab ntawm peb tus Huab Tais Pleev tuaj.
    Niaj hnub kuv ua Ntuj tsaug tsis tseg, vim lub txiaj ntsim uas Tswv Ntuj tau pub rau nej nyob hauv peb tus Huab Tais Pleev. Nws muaj nqes dua cov nyiaj cov kub nyob ntiaj teb no ntau npaug.
    Tshuav ib lub txiaj ntsim uas nej yuav tau txais hnub kawg! Thaum Leej Pleev yuav tawm tuaj mas xav kom nej tsis txhob muaj chaw xyeej.
    Lub Txiaj ntsim ntawd yog lub txiaj ntsim ua Leej Txiv yeej npaj rau nej lawd: Yog txoj sia nyob mus li tsis txawj ploj ib zaug li.

    ***-Mas Kos ntawv Moo Zoo rov hais ntxiv tias: {13:33-37.}
    Peb yuav ceev faj xws li cov neeg zov hmo:
    Vim tias Yes Xus niaj hnub tuaj xyuas peb. Yog peb txawj pom Yes Xus  tuaj nyob hauv cov xwm niaj hnub tshwm sim, mas hnub kawg peb yuav tsis ntshai Yes Xus.
    Yes Xus tau hais cov lus no tseg tias:
    Nej yuav ceev faj! Nej yuav zov hmo mus li, vim nej tsis paub lub caij, yog zoo li tus neeg tawm rooj mus kev deb rov los.  Nws qhia nws cov tub txib kom nyias muaj nyias hauj lwm ua.  Ces nws qhia tus zov qhov rooj, kom zov hmo.  Vim nej tsis paub tias tus Tswv yuav rov los thaum twg. Los lus no yog hais rau cov neeg ntseeg sawv daws tib si.
    Zaj lus hnub no  Yes Xus ua Paj Lug hais ntau, tab sis yog peb txawj txhais mas raug rau peb kawg lawm. Raug nyob hauv peb lub neej tas nrho li lawm.

    -ZAJ THOV NTUJ.
    1. Peb thov Ntuj rau Lub Koom Txoos ntseeg, Tswv Ntuj koj yog peb txiv, Koj zam txhaum rau  peb S.D.thiab pov hwm cov neeg ntseeg kom txawj tso siab rau koj kev zam txhaum.  Peb thov Koj...
    2. Peb thov Ntuj rau cov Nom Tswv tswj teb kav chaw. Tswv Ntuj ntiaj teb neeg yog koj lub cuav tam, koj pub txiaj ntsim pab cov nom tswv kom txawj txuag lub cuab tam no rau Koj. Peb thov....
    3.  Peb thov Ntuj rau cov neeg txom nyem, cov ua neeg thoj nam, cov tsis muaj vaj tse nyob, cov nyob tsev loj faj cov raug kev tshaib kev nqhis Tswv Ntuj thov koj  tuaj nplij lawv.  Peb thov koj...
    4.eb thov ntuj ra cov muaj mob nkeeg, cov pw tsev tshuaj, cov nyob tom vaj tom tsev. Cov tuaj ntawm no thiab cov nyob deb uas peb paub nrog cov sau npe hauv phau ntawv.  Ntuj thob koj hlub lawb thiab mog.
    Peb thov koj....
    5. Peb thov Ntuj rau cov neeg tuaj teev ntuj hnub no. kom Yes Xus lub Moo Zoo cawm txhua tus kom muaj kev ntseeg kev tso siab nyiam no mus txog hnub uas peb tau rov ntsib Yes Xus uas Nws tawm tuaj.
    Peb thov koj...
    6. Peb nyias cev nyias zaj lus uas peb muaj nyob nruab siab.
    Tswv Ntuj thov koj mloog cov zaj lus peb sawv daws cev rau koj paub no.     Peb Thov koj....


    Yaj Zoov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 12 Roses-10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 7th December 2017, 5:42 am




    TOS HUAB TAIS CHIV 2 Xyoo B, tim 10-12-2017


    *-Tus Yaj Saub His Xais hais tias: {40:1-5+9-11.}
    Tswv Ntuj niaj hnub tuaj xyuas nws cov neeg xws li tus tswv zov Yaj tuaj saib nws pab Yaj.
    Mloog Tswv Ntuj lo lus mas zoo li Nws niaj hnub hais rau cov thawj neeg tias:
    Nej nplij kuv haiv neeg mas! Nej hais lus nrov rau lub ntiaj teb neeg mloog tias, nyiam no lub caij mus ua tub zog, ua qhev them txim txhaum dua lawm.
    Txoj kev them txim txhaum cov paj tshab tuaj ntawm saum ntuj tuaj muaj nqes tshaj kev them txim txhaum li ob npaug lawm.
    Tswv Ntuj lub ncauj hais tias:
    Nej ntsia nej tus Tswv Ntuj tuaj xws li tus muaj tsim, muaj hwj chim hwj huam loj tas nrho. Txhua Haiv neeg tuaj zwm rau Nws, cov Haiv neeg uas Nws txeeb tau tuaj ua nws ntej xws li cov Yaj tuaj mus nog zaub.
    Zaum no, txhua Haiv neeg yuav pon Tswv Ntuj lub hwj huam, hwj chim, raws li lub suab qw nyob teb chaws Suab Puam tias:
    Nej npaj txoj kev rau Tswv Ntuj taug. Nej ncaus ib txoj kev ncaj rau Tswv Ntuj tuaj txog nej tej zos los nej lub tsev. Nej txhub cov kwj ha kom tiaj. Nej tshav cov hauv roob kom qis.
    Cov qhov ntuj thiab tej toj ntxhab, nej txhub kom tiaj zoo ua tshav rag nyuj rag neeg, thiab zoo ua tshav zaub rau Cov Yaj mus nog zaub.
    Ces Tswv Ntuj lub hwj chim yuav tawm tuaj rau sawv daws pom xyeem. Yog lub caij uas cov neeg muaj mob nkeeg thiab cov neeg ris nra hnyav yuav tau so los siav lawm.

    **-Li ntawd Pob Zeb thiaj hais qhia peb tias: { 3:8-14.}
    Huab Tais ua siab ntev tos kom peb tig los yuav lub siab tshiab. Mas peb txhob ncua ntev, vim peb tsis paub tias, Huab Tais yuav tuaj tos peb hnub twg!
    Pob Zeb qhia rau peb tias:
    Kwv tij, tshuav ib yam uas nej yuav tsum tau paub txog:
    Nyob hauv Huab Tais Ntuj mas, 1000, xyoo yog ntev zoo li ib hnub. Ib hnub thiab 1000 xyoo yog ntev tib yam xwb. Thaum Huab Tais cog lus tias Nws yuav cia ib yam los Nws yuav rhuav ib yam mas Huab Tais tsis ncua ntev.
    Muaj neeg hais tias Huab Tais yuav ua dab tsi mas Huab Tais ua qeeb qeeb. Qhov ntawd yog vim Huab Tais ua siab ntev rau neeg ntiaj teb xwb. Nws xav txuag sawv daws kom txhob ploj mus sai.
    Huab Tais lub hnub nyoog yuav tuaj ntawd zoo li tus tub sab, nws tuaj thaum neeg tsis ceev faj. Thiab zoo li lub khauv zeeg cua, ib vuag xwb ces yaj ntshis tas lawm.
    Ua li mas peb txhob ncua ntev, coj lub siab tshiab, teev Ntuj tas zog, Kom Tswv Ntuj lub hnub nyoog tuaj sai Ces lub ntuj lub teb tshiab thiaj yuav tuaj nyob raws li lo lus tau cog cia.
    Ua li mas lub caij peb tos ntawd, thov kom peb txhob muaj lub siab tsis huv rau Huab Tais pom nyob rau qhov chaw kaj.

    ***-Ces Mas Kos ntawv Moo Zoo hais ntxiv tias:{1:1-8.}
    Kom peb tig los yuav lub siab tshiab tos Yes Xus Pleev. Yog peb coj tus yam ntxwv ua neeg them txim txhaum, mas peb lub siab yuav kaj.
    Thaum Mas Kos pib qhib Yes Xus lub Moo Zoo hais txog Yes Xus Pleev yog Tswv Ntuj Leej tub. Raws li Tus Yaj Saub His Xais hais tias, kuv xa kuv tus tiam li ua koj ntej kom tau npaj txoj kev rau koj taug.
    Kwv tij hnub no yog ib hnub tseem ceeb rau peb cov neegt ntseeg tias:
    Tswv Ntuj tau txib sawv daws ua Tswv Ntuj cov Yaj Saub, kom tau ua Leej Pleev cov tiam lis thoov kev rau Yes Xus Pleev taug.
    Yes Xus Pleev tuaj nyob hauv lub sim ceeb no lawm. Tshuav qhov uas Leej Pleev yuav tuaj nyob txawm hauv peb sawv daws nrub siab nruab cev.
    Peb yuav ncaus cov toj roob siab hauv peb kom qis, yuav txhub cov hav tob ntawm peb kom tiaj, cov qhov ntuj thiab cov toj ntxhab peb yuav meem av rau kom tiaj, zoo ua tshav zaub rau Nws pab Yaj nog, los tiaj kom zoo rag nyuj rag nees rau neeg saib.
    Peb cov xub ntseeg lub Moo Zoo yog peb li hauj lwm. Peb yog lub suab qw nyob teb chaws suab puam tias, nej npaj Huab Tais txoj kev kom tiaj tus rau Huab Tais taug tuaj kom txog nej lub zos los nej lub tsev.
    Peb yuav tshaj rau peb lub siab tias:
    Nej txhob ncua ntev, txog lub caij lawm nej cia li tig los yuav lub siab tshiab. Rab taus nyob ze lub hauv paus ntoo lawm, Cov ntoo tsis txi txiv tus Tswv yuav muab ntov pov tseg. Cia chaws cog dua tsob ntoo tshiab, kom txi txiv ncw.

    -ZAJ THOV NTUJ.

    1. Peb thov Ntuj rau Tswv Ntuj lub Koom Txoos, Tswv Ntuj rov tuaj xyuas nws cov neeg, zoo li tus tswv zov Yaj nws tuaj xyuas nws paj Yaj mus li. Tswv Ntuj thov koj pov hwm thiab txuag koj lub Koom Txoos kom muaj zog tig los yuav lub siab. Peb thov koj.
    2. Peb thov Ntuj rau cov Nom Tswv kav teb chaws, Huab Tais thov koj ua siab ntev tos kom neeg tig los yuav lub siab tshiab, kom cov nom Tswv txawj hlub tsoom pej xeem ces lub teb chaws yuav tau nyob kaj lug.
    Peb thov koj...
    3. Peb thov Ntuj rau cov neeg txom nyem. Cov nyob tsev loj faj, cov muaj mob nkeeg txhua tus, cov pw tsev tshuaj cov tom vaj tsev, thiab cov tuaj ntawm no tib si. Tswv Ntuj koj yog cov neeg txom nyem ntawd tus tswv Ntuj. Thaum lawv raug kev txom nyem no lawv tau them txim lawm thov koj khuv leej lawv. Peb thov koj...
    4. Peb thov Ntuj rau cov neeg ntxhov siab, cov tu siab, cov tsis muaj kwv tij, cov niam txiv tsis sib hlub,cov tsis muaj vaj tse nyob, cov neeg thoj nam. Tswv Ntuj koj paub lawv teeb meem zoo dua, Koj khuv leej lawv mog.
    5. Peb thov Ntuj rau cov tuaj teev Ntuj hnub no. Tswv Ntuj thov koj pub txiaj ntsim los ntawm lub thaj txi ntuj hub no rau peb kom muaj zoo dej tshuaj los kho peb tej mob nkeeg nyob hauv peb nruab siab. Peb Thov koj...
    6.Peb cev peb zaj lus nyias muaj nyob nyias nruab siab rau Ntuj Kom nTuj ntxhuav txhua yam tsis huv los paug rau peb nruab siab tawm mus. Peb thov koj...


    Yaj Zoov Ntxheb, Xib Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th December 2017, 6:24 am



    TOS HUAB TAIS CHIV 3 B.Tim 17-12-2017



    Source : lilia59.centerblog.net

    *- His Xais hais tias: {61:1-2+10-11.}
    Yes Xus yog tus ua kom cov neeg txom nyem rov zoo siab tuaj. Peb cov neeg ntseeg yuav koom nrog Yes Xus ua kom tsoom neeg txom nyem dim ntawm lawv tej kev ntxhov siab.
    Kwv tij Tswv Ntuj lo lus hais tias:
    Huab Tais lub Tswv yim yuj nyob saum peb, Tswv Ntuj tau Pleev peb, ua cov xa lub Moo Zoo rau cov neeg pluag. Huab Tais xa peb mus qhwv cov neeg muaj lub siab ntsoog, Huab Tais xav kom poeb mus tshaj tias, cov neeg nyob txim nyob tim tsev loj faj yuav tau dim.
    Qhov tseeb tiag, Cov muaj lub siab ntsoog nyob hauv tsev loj faj ntawd, mas twb yog peb lawm ntag.
    Peb txawm yog cov neeg muaj lub siab puas ntsoog. Vim peb tsis muaj kev tso siab rau Tswv Ntuj txaus, Tsis muaj tus pab peb qhib peb lub tswv yim, peb lub siab tsis lim laj nthuav ntxeev, peb ua txhua yam tsis paub siab tsis paub qis ua txhaum ntuj tub qaug neeg los peb tsis leem cai thiab tsis paub txog li. Peb tsis paub kev ua phooj ywg kom tau kev paub tau kev kawm  rau sab zoo.  Peb cia li pw nyob hauv kev tsaus ntuj, maub mus tsis tshwm sab twg li. Ua neej nyob tsaus ntuj nti qi muag cia xwb. Tsis pom tsis paub ntuj kag li. Muaj mob muaj nkeeg los npua mob npua ntsaj mus li xwb.

    **-Paj Lug thiaj qhia zaj lus no rau cov Tes Xas Los Nis thiab rau peb tias: { 5:16-24.}
    Cov neeg ntseeg mas yuav coj li ib co neeg ua lub neej kaj siab lug, luag nyav mus li, thiab yuav xyiv fab mloog Leej Ntuj plig coj peb txoj kev ua  Yes Xus tim khawv.
    Yog Leej Tswv Yim Ntshiab xav kom peb ua li ntawd. Peb txhob muab Leej Tswv Yim Ntshiab tua li tua teeb.  
    Cov ua li no mas lawv ua kom lub txiaj ntsim uas Leej Tswv Yim Ntshiab muab pub rau lawv poob qis qis. Nej yuav tsis txhob nrug ntawm Leej Tswv Yim Ntshiab li. Nej muab siab rau zam  kev kom deb ntawm tej kev haub kev ntxias kom lub cev thiab tus ntsuj plig tsis muaj chaw xyeej. Ces nej thiaj mus tos tau Leej Pleev rov tuaj hu peb ua cov neeg tsis fav xeeb.

    ***- Ces thiaj muaj raws li Zam hais hauv ntawv Ntshiab tias: { Zam 1: 6-8+19-28.}
    Cov ntseeg tshaj Yes Xus lub Moo Zoo, mas yuav nco ntsoov txog Yes Xus lub Koob Meej. Txhob txeeb los nyiag Yes Xus lub Koob Meej los ua yus lub.
    Yuav ua raws li Zam ntxuav Plig hais:
    Kuv tuaj ua Tim Khawv hais txog txoj kev Kaj xwb.
    Muaj ib tug nyob nruab nrab nej. Nej tsis paub Nws.  Nws lawv kuv qab tuaj. Kuv twb tsis tsim nyog daws nws txoj hlua khau.
    Kwv tij, cov uas lees paub tus nyob nruab nrab peb ntawd mas lawv yog cov neeg tau kho lawv tej xub ke kom ncaj tuaj, rau Tus Huab Tais tuaj mus txog lawv lub zos los lawv lub tsev.
    Hos cov tsis tau lees paub mas lawv yog cov Fas Lis Xais uas Tseem yuav tos tus Pleev uas yuav tuaj coj lawv mus ntaus rog, Nws yuav qhia cov txuj ci tshiab rau lawv kom ua neeg paub paub kev xam khib, thiab paub kev cib nyeej, paub kev npau taws zam tsis tau rau leej twg li.

    ****-ZAJ THOV NTUJ.
    1. Peb thov Ntuj rau lub Koom Txoos, Tswv Ntuj koj .lub tswv Yim yuj nyob saum nws lub Koom Txoos. Thov koj los ua tus coj thiab pov hwm lub Koom Txoos uas Leej Pleev tsa nyob saum lub Pob zeb, Vim Leej Pleev tau foom tias, Dab phem cov rooj loog yuav tsis yeej lub pob zeb ntawd. Peb thov koj
    2. Peb thov Ntuj rau cov Nom Tswv kav teb chaws. Tswv Ntuj xa kuv tuaj tshaj tias cov neeg nyob txim yuav dim. Tswv Ntuj thov koj pab cov nom tswv kom lawv txawj hlub tsoom pej xeem kom lub teb chaws tau nyob nyab xeeb.   Peb thov koj...
    3. Tswv Ntuj Koj xa lub Moo Zoo tuaj txog cov neeg pluag. Tswv Ntuj koj yog cov neeg txom tus Tswv Ntuj. Thov koj lub siab hlub neeg tuaj ua tshuaj kho cov neeg mob, pw nyob tsev thuaj, cov nyob hauv lawv vaj tse, cov tuaj ntawm no kom lawv nyob kaj siab lug.   Peb thov koj...
    4. Peb thov ntuj rau cov neeg tuaj teev  ntuj hnub no Tswv Ntuj koj qhib lub Moo Zoo nrog thaj txi ntuj hnub no  los ua kub tshuaj kho peb lub cev thiab tus ntsuj plig, kom  tau koob tau hmoov zoo.  Peb thov...
    Y.Z. N.X.H.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 21st December 2017, 10:24 am




    TOS HUAB TAIS CHIV 4 B. Tim 24-12-2017

    XH.Zoov Ntxheb Yaj Nthuav Ntawv Ntshiab. - Page 12 Mablia10

    *-Ntawv Xas Muas ob hais tias: {7:1-5+8-11+16.}
    Tus Vaj Das Vis xav tias, nws yuav txhim ib lub Tuam tsev rau Tswv Ntuj nyob thiaj phim.
    Ces Tswv Ntuj hais rau Das Vis tias:
    Nws yuav muaj Koob Meej nyob hauv Nws tus xeeb ntxwv Yes Xus.
    Yog lub caij ua cov yeeb ncuab tuaj vij tas Das Vis lub teb chaw, ces Das Vis hais rau tus Yaj Saub Nas Taas tias:
    Koj sim ntsia saib, kuv nyob hauv ib lub tsev uas xuas ntoo vaj khaum loj los ua. Hos Tswv Ntuj lub nkoj cog lus muaj nqe tshaj kuv lawm ntau npaug, ho nyob hauv ib lub tsev tsam phooj xwb.
    Tom qab ntawd Tswv Ntuj lo lus thiaj nrov ntawm tus Yaj Saub Nas Taas tuaj tias:
    Thaum koj tseem ua tub zov Yaj mas kuv twb xaiv koj los ua tus ntaus thawj coj tsoom His Xas Lais lawm.
    Kuv tau muab ib lub Koob Meej loj tshaj cov neeg nyob ntiaj teb no rau koj. Lub Koob Meej no yuav nyob ntawm Tswv Ntuj xub ntiag mus li, ces koj lub theej kiab yuav nyob ruaj nreb mus tiam dhau tiam. Ua li mas Tswv Ntuj zoo siab tuaj nyob hauv lub tuam Tsev uas koj txhim.
    Kwv tij, Tswv Ntuj niaj hnub hu peb, Nws niaj zaus hais tias, Thaum nej ua tub kawm ntawv los ua tub qoob loo kuv twb xaiv nej los ua cov ntaus thawj lawm. Nej yuav txhim ib lub Tuam tsev rau kuv tuaj nrog nej nyob. Kuv thiaj tau tuaj mus ntsib kuv tej zoo phooj ywg. Kuv yuav qhia kuv cov Phooj Ywg ntawd kom lawv qhib qhov rooj rau kuv leej tub uas kuv nyiam nws kawg ntawd kom tau nrog lawv nyob thiab.

    **-Paj Lug thiaj hais ib co lus tshooj ntxiv rau cov Los Mas thiab peb tias: { 16:25-27.}
    Txij thaum Yes Xus yug los nyob ntiaj teb no mas, ntiaj teb thiaj paub txoj hmoov zoo uas Tswv Ntuj npaj rau lub ntiaj teb neeg.
    Tswv Ntuj lub hwj Chim hwj huam no loj thiab tob heev. Nws tau npog los txog lub zim txwv uas Yes Xus yug los, ntawm Das Vis caj ces.
    Tswv Ntuj mam pib qhib rau neeg ntiaj teb no tau paub. Tswv Ntuj yeej ib txwm txiav tias, yuav ceeb toom tej yam npog thiab zais ntshis ntawd, muab qhib rau neeg ntiaj teb paub txij lub hauv paus los.
    Kom neeg ntiaj teb pom xyeem tias, Tswv Ntuj tib leeg yog tus thoob tsib tuav lub hwj huam, thiab lub Koob Meej zoo nyob mus li.
    Ntuj xav kom lub Koob Meej nyob hauv Leej Pleev los roos cov neeg siab dawb, uas tsos siab rau Leej Pleev, kom sawv daws ib txhij muaj Koob Meej nyob mus tas txhiab niag tim puas xyoo.

    ***Ces Lus Kas ntawv Moo Zoo thiaj piav tias: {1:26-38.}
    Yog vim Mab Liab uas yog Das Vis ntxhais xeeb ntxwv, zoo siab ua Tswv Ntuj tus ntxhais txib.
    Ces Mab Liab tau qhib rooj ntug rau Yes Xus nqes los ua neeg, nyob ntiaj teb no.
    Lub zim txwv ntawd Ntuj tus Tshiab Nkas Nplias tawm tuaj hais tias:
    Koj nyob zoo Mab Liab, tus muaj txiaj ntsim puv siab. Huab Tais Ntuj nrog koj nyob.
    Tswv Ntuj saib koj muaj lub siab ntshiab, ntxim Tswv Ntuj siab. Koj yuav xeeb ib tug tub, koj yuav tis nws lub npe hu ua Yes Xus.
    Kwv tij niaj hnub Nkas Nplias cov kwv luag tuaj xyuas peb sawv daws lawv hais tib hom lus li ntawd rau peb thiab:
    Leej Tub, thiab Leej Ntxhais, zoo nyiam thiab ntxim hlub, Tswv Ntuj nyiam nej. Nej mloog kuv Leej tub uas kuv nyiam nws kawg no cov lus. Nws yog kuv Leej tub thoob tsib, Nws muaj Koob Meej nto moo lug, Nej yuav muaj Koob Meej nyob hauv nws, mus tiam dhau tiam thiab.

    ****-ZAJ THOV NTUJ.
    1. Peb thov Ntuj rau lub Koom Txoos. Tswv Ntuj xub xaiv Das Vis thaum nws ua tub zov Yaj. Tswv Ntuj cov Tswv Qhia thiab Vaj Qhia yog koj xaiv lawv thov koj pab muab kev thoob tsib rau lawv kom lawv nyob hauv Leej Pleev lub Koob meej mus li. Peb...
    2. Peb thov Ntuj rau cov Nom Tswv. Tswv Ntuj koj yog sawv daws tus thawj Nom muaj Koob Meej, koj pab cov nom Tswv no ua neeg thoob tsib kom raug pej xeem hwm. Lawv thiaj muaj koob meej coj teb chaws zoo.Peb..
    3. Peb thov Ntuj rau cov neeg txom nyem:
    Tswv Ntuj koj qhib tej yam zais ntsis ua neeg tsis paub rau cov neeg txom nyem paub, thiaj tsis muaj neeg mus nyob tsev loj faj, tsis muaj neeg raug mob, tsis muaj neeg mus pw tsev tshuaj, tsis muaj cov ris tej tus mob tsheej xyoo. Peb...
    4. Peb thov Ntuj rau cov tub tshaj Ntuj lus.
    Tswv Ntuj koj hu ib co neeg tshiab tuaj ua koj tej teej qav teej num kom lub ntiaj teb paub txog Koj Leej tub zoo nyiam lub Koob meej.
    5. Peb thob ntuj rau tej yam muaj ua yus paub tsis tai hais qhia rau Tswv Ntuj. Tswv Ntuj thov koj mloog cov lus peb tau cev rau koj no thiab.

    Yaj Zoov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 12 1510
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 21st December 2017, 10:26 am





    YES XUS YUG LOS HMO 24-25.


    XH.Zoov Ntxheb Yaj Nthuav Ntawv Ntshiab. - Page 12 Chrych10

    **-Ntawv His Xais thiab ntawv Tis Tos Ceeb tom tias:
    { H.X. 9:1-6.= T.T.2:11-14.}
    -Ib tug me nyuam yug los nyob nruab nrab peb lawm. Nws coj txoj kev ncaj tuaj rau lub ntiaj teb neeg.
    Cov Haiv neeg thaud lawv nyob tsaus ntuj nti. Hmo no lawv pom ib qho pom kev loj.
    Qhov pom kev ntawd yog ib tug neeg qhia tswv yim zoo tas nrho. Nws yog tus Tswv Ntuj muaj zog. Yog tus Vaj pub kev thaj yeeb.
    Yog Tswv Ntuj lub txiaj ntsim tuaj coj lub ntiaj teb neeg. Nws yuav cawm tas tsoom sid, nyob hauv Nws txoj kev hlub.
    Lub txiaj ntsim no yuav coj lub qab ntuj neeg mus taug kev hwm Ntuj.
    Kom txij no mus lub ntiaj teb neeg tso txoj kev ntshaw ntiaj teb lub cuab tam cuav, vam ua neeg khav theeb, txawj paub kev ua neeg xam khib cib nyeej thiab muab hlob nrauj mus xws li tej laus sib foom rau Dab tias, coj mus txog rau Zaj zeg Zaj qho, kom ntsej tsis hnov muag tsis pom.
    Ces lub txiaj ntsim thiab lub him chim nqes saum ntuj los no yuav txhiv neeg Yaj ceeb tej siab ntsws thiab tej ntsuj plig kom dawb huv tuaj.

    ***-Lus Kas ntawv Moo Zoo thiaj hais tias: {2: 1-14.}
    Hmo no tus cawm peb yug los lawm.
    Yav thaud tus cawm lub ntiaj teb yug los yog lub caij Xes Ntxas As Nkus kav ntuj. Nws ceeb toom kom tshuaj mej hwm saib, lub qab ntuj neeg muaj coob npaum li cas, nyob Los Mas teb.
    Hmo no Tswv Ntuj lub Koom Txoos ua Thaj cav txiaj ntsim txog tus me nyuam yug los nyob nruab nrab peb. Kuj zoo li Lub Koom Txoos tshuaj saib tsoom mej hwm tuaj hawm tus me nyuam yug los nyob nruab nrab peb muaj npaum li cas haiv neeg.
    Hmo no kuj yog ib Hmos zoo uas Tswv Ntuj yuav saib tias muaj pes tsawg Haiv neeg koom siab tos tus me nyuam yug los nyob nruab nrab cov Haiv neeg. Uas yuav qhib qhov rooj tos Tus me nyuam yug los no tuaj nyob hauv cov leej neeg nruab siab.
    Peb yuav xyaum hais ib co lus thov Ntuj dua tshiab zoo li tus Vaj Hes Los zaj Thov Ntuj tias:
    Thaum nej mus tshuaj paub txogTus yug los tshiab no lawm mas nej tshaj rau kuv, kuv xav mus hawm nws thiab.
    Peb txhob yoog raws li tus Vaj Hes Los uas nws tau muab tas nrho cov me nyuam tub nyob Npe Les Hes tua tuag tas huv si, tib hnub ntawd.
    Yog peb tshuaj paub lawm,peb yuav mus txi cov paj tshab muaj nuj nqes siab tshaj, cov tseem nyiaj tseem kub thiab tshuaj tsw qab uas cov Kws hnub qub coj mus cev rau tus yug los tshiab ntawd nyob Npe Les Hes . Kom tsim, nrog Tswv Ntuj tsoom Tshiab koom suab cav txog Tswv Ntuj lub Koob meej nyob ntiaj teb no mus nto plaws rau Ntuj Ceeb Tsheej Kiab, qhuas thiab cav txog Tswv Ntuj yog tus siab ntshiab.

    ****-ZAJ THOVNTUJ.

    1. Peb thov Ntuj rau lub Koom Txoos.
    Hmo no tus cawm seej yug los nyob nruab Nruab nrab peb lawm. Thov kom Tswv Ntuj txuag Nws lub Koom Txoos nyob ruaj nreb rau txoj kev thoob tsib thiaj coj tau lub ntiaj teb no mus paub Leej pleev. Peb thov...
    2. Peb thov Ntuj rau cov Nom Tswv kav teb chaws.Thov kom Yes Xus yug los nyob hauv lawv teb kab xwm txhua nrho, kom coj lub ntiaj teb nyob hauv txoj kev sib haum xeeb. Peb thov koj...
    3. Peb thov Ntuj rau cov neeg txom nyem: Cov nyob tsev loj faj, cov muaj mob nkeeg, cov pw tsev tshuaj, cov nyob hauv vaj tse, cov tuaj ntawm no. Cov neeg thoj nam. Cov tsis muaj vaj tse nyob,cov raug kev tshiab nqhis. Tswv Ntuj koj khuv leej tej neeg zoo li peb hais no. Peb thov...
    4.Peb thov Ntuj rau peb cov tuaj teev ntuj hnub no. Tswv Ntuj thov koj tuaj tshoj peb lub siab kom paub koj Leej tub li thaud koj tshoj cov Kws hnub qub mus paub txog tus me nyuam Yes Xus Kom peb tau cev peb lub siab rau Nws. Peb thov Koj...
    5. Peb thov Ntuj rau tej yam...



    Yaj Zoov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 12 Ytoile11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 28th December 2017, 5:07 am

    YES XUS YUG LOS Tim 25 ABC lub 12 hlis 2017.

    XH.Zoov Ntxheb Yaj Nthuav Ntawv Ntshiab. - Page 12 33958010

    * Tsab ntawv His Xias, zaj 52:7-10 hais tias:
    Tas lub Sim Ceeb no, mus ti puag tim npoo ntuj poo ntiaj teb, sawv daws yuav pom Tswv Ntuj txoj kev cawm neeg.
    * Nyob hauv tsab ntawv Hes Nplaws, zaj 1: 1-6 hais tias, Tswv Ntuj tso Nws Leej tub tuaj cev Tswv Ntuj cov lus rau ntiaj teb neeg hnov.
    * Thiab Zam ntawv Moo Zoo, zaj 1: 1-14 hais tias: Yes Xus yog Tswv Ntuj Leej Lo Lus, tuaj yuav lub cev neeg, nrog peb nyob.
    Ib yam thaum lub hauv paus, Leej Lo Lus yeej muaj nyob txawm. Leej Lo Lus yeej yog tus Tswv Ntuj ib txwm nyob nrog Leej Txiv ib txhij nyob txawm los ua ke.
    Leej Lo Lus Nws kuj yog tus ua kom, tas txhua yam muaj tuaj. Tsis muaj ib yam uas tsis yog Nws ua li, Leej Lo Lus yog tas puas tsav yam muaj txoj sia. Nws kuj yog qhov pom kev, kaj lub Sim Ceeb no tas nrho.
    Nws tuaj nyob hauv lub Sim Ceeb no, xws li yog Nws Vaj tse. Kom tau kaj tas txhua leej txhua tus. Kom cov neeg ntseeg txog Nws,Kom lawv tau yog Leej Pleev cov roj ntsha xeeb lawv los. Kom muaj Tswv Ntuj lub hwj chim, lawv tsis yog neeg tswv yim xeev lawv los.
    -Tus Hauv Paus xa lus Paj Lug thiaj rov hais tias, txheej thaud, Tswv Ntuj txib cov Yaj Saub cev Ntuj cov lus rau neeg cov Pog Koob Yawg Koob.
    Tom qab no, Tswv Ntuj tso Nws Leej Tub tuaj, cev Ntuj cov los rau peb hnov. Leej Tub yog Tswv Ntuj lub Hwj Chim ci ntsa iab ua Tswv Ntuj tus Daub, nrog peb nyob.
    Leej Tub yog Tswv Ntuj lub zog tuaj nres lub Sim Ceeb no, Nws yog Tswv Ntuj sab tes xis. Nyob pem ntuj, Leej Tub loj dua, Ntuj cov tshiab txhua tus.
    -Tswv Ntuj tus Yaj Saub His Xais nws xub hais ua ntej tias, tus xa moo tuaj nws yuav tshaj tias, Txoj kev thaj yeeb tuaj txog, nws coj txoj kev noj qab nyob zoo tuaj.
    Thiab nws tshaj tias, txoj kev cawm neeg tuaj txog lawm. Yog tus Huab Tais Pleev, Nws ua Vaj lawm, neeg ntiaj teb yuav pom Tswv Ntuj tuaj xyuas lawv.
    Tswv Ntuj yuav tuaj nplij Nws Haiv neeg, Ntuj yuav loj npab ntshuas txhiv nws Haiv neeg. Kom thoob plaws npoo ntuj npoo ntiaj teb pom Tswv Ntuj txoj kev cawm neeg. Amen.

    ZAJ THOV NTUJ.
    1. Peb thov Ntuj rau lub Koom Txoos, kom tsoom neeg ntseeg sawv daws zoo siab txais lawv tus Huab Tais Pleev tuaj nyob hauv Nws vaj tse. Uas yog lawv nruab siab. Ntuj awb....
    2. Pev thov Ntuj rau cov Nom Tswv kav teb chaws, kom hawv saib thiab hwm Leej Pleev, Txhob tsim kev ua tsov rog rau luag, los lwm teb chaws. Ntuj awb...
    3. Peb thov Ntuj rau cov neeg txom nyem, cov muaj mob pw tsev tshuaj, cov nyob tom vaj tse, cov tuaj ntawm no thiab cov neeg raug kev tshiab kev nqhis. Ntuj awb...
    4. Peb thov Ntuj rau tej xwm tshwm sim uas peb paub: ... Ntuj awb...
    5. Peb thov Ntuj rau peb cov neeg ntseeg uas hnub no peb tuaj thiab cov tsis tau kev tuaj tib si. Kom Tswv Ntuj Leej Tub foom hmoov zoo tau txhua tus neeg ntseeg tib si nyob thoob qab ntuj no. Ntuj awb....

    -< Yaj Zoov Ntxheb X.H. >-
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 28th December 2017, 5:11 am



    YES XUS YUG LOS CHIV 1 ABC  Hwm Yim Neeg Ntshiab.     Tim 31 /12/2017.


    XH.Zoov Ntxheb Yaj Nthuav Ntawv Ntshiab. - Page 12 Sainte10

    * Tsab ntawv Npe Xis Las, zaj 3: 3-7+14-17 hais tias:       Tus hwm nws niam nws txiv, mas nws tau mloog Ntuj lus.
    * Paj Lug tsab ntawv hais rau cov neeg nyob Kos Los Xais kuj hais tias:   Cov neeg nyob ua nej nyob hauv ib tse, Mas lawv yuav sis nyiam sis hlub.
    * Lus Kas tsab ntawv Moo zoo nyob hauv xyoo B, zaj 2: 22-40, hais tias:  Mab Liab thiab Yos Xes nkawd coj Yes Xus mus hauv lub Tuam Tsev Teev Ntuj, Vim nyob hauv Mais Xes txoj cai.
    Thawj tug me nyuam yog Tub, mas yuav muab qee rau Tswv Ntuj. Yim neeg Ntshiab no, lawv mus ntsib Xis Mes Oos thiab As Nas nkawd.
    Xis Mes Oos thiab As Nas nkawd, yog ob tug neeg siab ncaj thiab hwm Ntuj.  Leej Tswv Yim Ntshiab tshoj Xis Mes Oos tias:
    Yog nws tsis tau xub pom tus Huab Tais Pleev, mas nws yuav tsis xub tuag ua ntej. Yog tus yuav tuaj nplij tsoom His Xas Lais.
    Hnub ntawd, Leej Tswv Yim Ntshiab tau tshoj kom Xis Mes Oos mus nyob hauv lub Tuam tsev Teev Ntuj, kom tau pom tus Huab Tais Pleev.
    Thaum Mab Liab thiab Yos Xes nkawd, coj tus me nyuam Yes Xus tuaj txog.  Xis Mes Oos puag tus me nyuam nyob hauv nws ob txhais tes.
    Xis Mes Oos cav txog Tswv Ntuj tias:  Tswv Ntuj, nyiam no koj tso koj tus tub txib mus nyob kaj lug, xws li koj tau cog lus.  kuv qhov muag tau pom Koj txoj kev cawm neeg lawm.
    * Paj Lug kuj ntuas cov neeg Kos Los Xais tias, nej cov neeg ntseeg txog Leej Pleev lub npe, mas nej yog cov uas Tswv Ntuj xaiv. Peb kuj zoo li yog cov Ntuj xai peb.
    Thiab nej yog cov neeg ntshiab uas Ntuj nyiam, Nej yuav muaj ib lub siab  txawj khuv leej luag tej zoo.  Nej yuav nyob hauv txoj kev ua neeg zoo thiab nyiam ua tus neeg me, los ua siab ntev.
    Nej yuav rov sib zam, vim Huab Tais tau zam rau nej.  Mas nej kuj yuav coj zoo li Huab Tais tau qhia. Nej xub muab siab rau nrhiav txoj kev nyiam, ces Tswv Ntuj kev thaj yeeb yuav tuaj nyob txawm hauv nej.
    Ces nej yuav coj lub neej ua Tswv Ntuj tsaug mus li, nej yuav xyaum ua neeg thoob tsib rov sib qhia sib ntuas.  Nej ua yam twg, mas nej yuav ua nyob hauv Huab Tais lub npe thiab nrog Nws lub hwj chim.
    Cov nyob ua txij nkawm, nej tsis txhob npaw taws sai rau tus nrog nej nyob. Hos cov yog tub ki nej yuav mloog thiab hwm cov ua niam ua txiv vim lawv zoo li Tswv Ntuj tus duab.
    * Kom muaj raws li ntawv Npe Xus Las hais tias:  Tus hwm nws niam nws txiv, nws tau them nws cov txim txhaum tas lawm.  Thiab tus tau cav lus zoo txog nws niam, mas cuag li nws muaj ib txhob nyiaj txhab kub nyob saum ntuj.  Amen.

    ZAJ THOV NTUJ.
    1. Thov Ntuj rau lub Koom Txoos....  2. Thov ntuj rau cov Nom Tswv kav teb chaws....  3. Thov Ntuj rau cov neeg txom nyem....  4.Thov Ntuj rau tej xwm ub no... 5. Thov Ntuj rau cov neeg tus teev Ntuj....


    -< Yaj Zoov Ntxheb X.H.>-
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 11th January 2018, 6:20 pm



    LUB CAIJ NYOB NRUAB XYOO CHIV 2 Tim14/1/18.

    *-His Xais ntawv, 49: 3+5-6. Hais tias:
    Yes Xus zoo siab,ua Tswv Ntuj tus tub txib, mas Tswv Ntuj thiaj tsa Yes Xus ua tus sau tas ntiaj teb neeg los ua Nws haiv neeg.
    *-Nyob hauv tsab ntawv, Kos Lis Nthos. Tswv Ntuj pom zoo tsa Paj Lug ua Hauv Paus Xa Lus, los ntuas lub ntiaj teb neeg.
    Kom cov uas Tswv Ntuj xaiv los ua neeg ntseeg, lawv muaj ib lub siab ntshiab.
    *- Leej Ntshiab, hauv paus xa lus Zam, kuj hais tias:
    Yes Xus yog tus ntxuav peb nyob hauv hauv Leej Tswv Yim Ntshiab. Vim ib txwm Leej Tswv Yim Ntshiab nyob txawm hauv Yes Xus.
    Thaum Zam Ntxuav Plig pom Yes Xus, Zam tshaj rau tsoom sid tias, nej saib Tswv Ntuj tus Yaj. Nws yog tus thau lub Sim Ceeb no cov txhaum.
    Nws yog tus kuv xub hais rau neej tias,tus lawv kuv qab tuaj, nws muaj zog dua kuv. Nws huas kuv ntej lawm, ib txwm Nws yeej yog tus nyob hauv hauv lub Sim Ceeb no.
    Kuv tuaj ua lub Cim Ntxuav nyob hauv dej, kom nws tau tawm tuaj rau lub Sim Ceeb neeg thiab tsoom His Xas Lais pom xyeem.
    Zam kuj hais ntxiv tias, Kuv tau pom Leej Tswv Yim Ntshiab tawm tuaj ua Tim Khawv nyob saum Yes Xus. Kuv zeem tseeb tias, Yes Xus yog Tswv Ntuj leej tub.
    *-Tswv Ntuj pom zoo rau Paj Lug los ua Hauv Paus Xa Lus, qhib kom neeg ntiaj teb txhua Haiv neeg muaj cai los ua Yes Xus cov Thwj Tim.
    Los txhawb txim Tswv Ntuj lub Koom Txoos kom loj hlob dav mus thoob qab ntuj khwb. Kom neeg ntiaj teb sawv daws tau nyob thaj yeeb.
    Ua ntej tau ntau txhiab xyoo los lawm. Tswv Ntuj tau txib tus Yaj Saub His Xais, tshaj Tswv Ntuj tej lus. Kom muaj coob leej los ntseeg thiab ua Tswv Ntuj cov tub txib. Tshaj Tswv Ntuj txoj kev cawm kev hlub mus thoob plaws rau txhua cuab xeem neeg nyob ntiaj teb. Amen.

    ZAJ THOV NTUJ.
    1. Thov Ntuj rau lub Koom Txoos...
    2. Thov Ntuj rau cov Nom Tswv kav teb chaws...
    3. Thov Ntuj rau cov neeg txom nyem....
    4. Thov Ntuj rau tej xwm yus paub muaj ntawd...
    5. Thov Ntuj rau pab neeg tuaj hnub no...

    -< Yaj Zoov Ntxheb X.H. >-
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 17th January 2018, 10:15 pm



    LUB CAIJ NYOB NRUAB XYOO CHIV 3 A TIM 21/1/18.

    *- Ntawv Yos Nas, 3: 1-10 hais tias:
    Tswv Ntuj zam rau cov neeg ua hauj lwm them txim txhaum.
    *- Tsab ntawv Kos Lis Nthos,7: 24-31 hais tias:
    Lub Sim Ceeb no, yuav dua ntais mus,peb yuav nyob tsis ntev hauv lub sim Ceeb no. Peb txhob cia peb lub siab dai dhuam rau tej yam nyob ntiaj teb no.

    *- Mas Kos ntawv Moo Zoo 1: 14-20 kuj hai tias:
    Thaum Yes Xus cov Thwj Tim los mloog Yes Xus cov lus, mas Yes Xus cov Thwj Tim mloog Yes Xus lus  tam sim ntawd.
    Nyob hauv tsoom neeg ntseeg, Yes Xus kuj tau hu peb ib yam li Nws hu Nws cov Thwj Tim.  Lub caij lawv ntes Zam Ntxuav Plig lawd.
    Yes Xus hais tias, Ntuj lub ceeb tsheej los txog ze lawm!  Nej tig los yuav lub siab tshiab, nej tig los yuav lub Moo Zoo.
    Yes Xus tau hu peb, xws li Nws tau hu Xis Moo thiab As Nres  nkawd tias:  Neb yog tub puav ntses, neb raws kuv mus, kuv yuav tsa neb ua tub puav neeg.
    Ces nkawd, raws Yes Xus qab mus tam sim ntawd.

    *-Tus Hauv Paus xa lus Paj Lug, kuj ntuas cov neeg Yaj Ceeb no li cov neeg nyob Kos Lis Nthos tias:  Tshuav tsis ntev lawm, cov poj niam uas nej muaj chaw quaj.
    Mas nej yuav nyob hauv txoj kev lom zem, xws li tus tsis muaj chaw quaj!  Nej yuav coj li tsis muaj kev txom nyem.
    Sawv daws yuav coj li tsis muaj dab tsi ua yus tug, nyob ntiaj teb no!  Cov muaj cuam yeej ntau, uas nej siv tas txhua yam nyob ntiaj teb no, nej yuav ua zoo li tus tsis muaj dab tsi li lawm.

    * Tswv Ntuj yuav hais rau sawv daws xws li Ntuj hais rau tus Yaj Saub Yos Nas Tias:
    Koj sawv kev mus, los lus thiab cov lus Ceeb Tom, yuav tshaj, mas kuv mam qhia rau koj paub thiab hais!  Thaum lub Tsheej Nis Nis Vas los lub ntiaj teb hnov Tswv Ntuj cov lus lawm.  Mas lawv yuav hloov siab, tig los yuav lub siab tshiab.
    Tsis hais cov laus, los cov hluas, lawv yuav yoo mov.  Thiab hnav ntaub tsaj ntxhib los ua kab ke thov txhaum them txim.
    Tus Vaj kuj hle nws tej ris tsho hnav ua Vaj tseg, sawv daws tau hu Ntuj tas zog.  Lawv tau caiv kom tsis txhob ua kev txhaum ntxiv.
    Thaum lawv tso txoj kev ua txhaum pov tseg, mas Tswv Ntuj lub siab nqig lawm.  Ntuj tsis tso xwv txheej los raug lub nroog thiab lub ntiaj teb no.
    Nyiam no lub Sim Ceeb neeg tam sim no, Txhua tus tab tom tsim kev ua txhaum rau Tswv Ntuj. Kom Tswv Ntuj tau npau taws rau cov neeg nyob Yaj Ceeb no.
    Peb yuav yoog Nis Nis Vas tus qauv no, Thov Ntuj thiab ua tej kab ke yoo kev ua txhaum. kom Tswv Ntuj txhob muaj kev npau taws rau lub Sim Ceeb no.
    Amen.

    ZAJ THOV NTUJ.

    1. Peb thov Ntuj rau lub Koom Txoos...
    2. Peb thov Ntuj rau cov Nom Tswv tswj teb kav chaw...
    3. Peb thob ntuj rau cov neeg raug kev txom nem...
    4. Peb thob Ntuj rau tej xwm uas peb paub muaj nyob ncig peb...
    5. Peb thov Ntuj rau cov neeg tuaj hnub no....

    - < Yaj Zoov Ntxheb X.H. > -
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 26th January 2018, 2:56 am



    LUB CAIJ NYOB NRUAB XYOO CHIV 4 B Tim 28/1/2018.

    *- Ntawv phau tsib, 18: 15-16+18-20.
    Hais tias: Yes Xus yog tus tseem Yaj Saub uas Tswv Ntuj xa tuaj qhia Tswv Ntuj cov lus rau ntiaj teb neeg.

    *- Tsab ntawv 1 Kos Lis Nthos,7: 32-35
    hais tias: Sawv daws yuav tsum paub tias, Tswv Ntuj yuav xaiv Leej puav, los ua neeg nyob tab seeb. Kom tau pab Tswv Ntuj Haiv neeg zoo dua thiab leg Tswv Ntuj cov hauj lwm.
    Nyob hauv peb cov neeg ntseeg, peb yuav thov kom Tswv Ntuj hu peb cov tub ki. Leej puav nyob hauv peb tsev, los ua neeg nyob tab seeb, tuaj yeem rau Tswv Ntuj txib ua Ntuj txoj hauj lwm.

    *- Nyob hauv Mas Kos ntawv Moo Zoo, 1:21-28.
    Hais tias: Ib tug neeg coj li Tswv Ntuj tus yam ntxwv, los ua Tswv Ntuj tus tub txib. Mas Tswv Ntuj yuav pab nws kom nws muaj hwj chim thiab muaj peev xwm.
    Xws li thaud Yes Xus nyob hauv lub Txoos, nrog Npoj neeg nyob Kas Fas Naus. Yes Xus tau tsa ncauj qhia tsoom sid, xws li ib tug neeg muaj hwj chim thiab muaj peev xwm.
    Ces muaj ib tug neeg raug tus dab tsis huv, nws nthe nthe tias: Yes Xus Pleev koj xav ua dab tsi rau wb? Puas yog koj tuaj nrhuav wb? Kuv paub koj yog Leej Twg lawm! Koj yog tus Ntshiab tuaj ntawm Tswv Ntuj tuaj!
    Ces Yes Xus cem tus dab tsis huv tias: Ua twj ywm tawm ntawm tus neeg no mus! Nws qw ib suab nrov nrov ces nws tawm mus lawm.
    Cov neeg nyob Kas Fas Naus hais tias: Yog ib txoj kev qhuab qhia tshiab thiab muaj hwj chim peev xwm loj kawg!

    *- Tom qab no, Paj Lug hais rau pab neeg nyob Kos Lis Nthos tias: Tswv Ntuj xav pom neej cov neeg tsis muaj chaw xyeej, nyob hauv cov txiv neej, uas tsis tau muaj poj niam.
    Kom muaj leej puav muab siab rau, los leg Huab Tais txoj hauj lwm, nrhiav txoj kev ua xis Tswv Ntuj siab. Hos cov twb muaj poj niam lawd, nej nrhiav txoj kev ua xis poj niam me nyuam siab.
    Thiab cov poj niam hluas uas tsis tau muaj txiv, mas nej kuj yuav nrhiav txoj kev ua xis Huab Tais siav ib yam nkaus mus thiab.
    Cov neeg zoo li hais no, nej lub siab yuav faib rau ob tog siv! Nej yuav nrhiav txoj kev ua kom lub cev thiab lub Tswv Yim ntsiab tuaj.
    Hos cov poj niam muaj txiv lawd, Nej yuav nrhiav txoj kev ua xis Tswv Ntuj thiab nej cov txiv tub lawv siab. Kom cov dab tsis huv txhob qiv nej lub siab lub cev mus ua kev txhaum.

    *-Cov lus hais no, puav leej yog yam zoo rau nej txhua tus tib si. Nyob hauv ntawv phau tsib, Huab Tais hais li no: Tswv Ntuj yuav tsa tej tus Yaj Saub nyob nruab nrab nej! Yog ib tug Yaj Saub zoo li Tswv Ntuj tus tub txib Mais Xes.
    Nej yuav mloog nws lus,Thaud nyob ntawm lub Roob Hos Les, Tswv Ntuj tau tsa Mais Xes kom nws ua Yaj Saub.
    Nyem no, Tswv Ntuj kuj yuav tsa tej tus Yaj Saub nyob nruab nrab nej! Tus Yaj Saub ntawd yuav cev Tswv Ntuj cov lus qhia rau nej, Nej kuj yuav txaus siab los mloog.
    Vim nws yog tus Yaj Saub sawv Tswv Ntuj chaw, los hais lus rau nej. Thaum kawg Kuv, Tswv Ntuj yuav nug tus Yaj Saub thiab nug nej tias, vim li cas nej thiaj tsis kam mloog Tswv Ntuj lo lus qhia. Amen.

    ZAJ THOV NTUJ.
    1. Thov Ntuj rau lub Koom Txoos...
    2. Thov Ntuj rau cov Nom Tswv Kav teb chaws....
    3 Thob Ntuj rau cov neeg txom nyem...
    4. Thob Ntuj rau tej xwm tswm sim tuaj....
    5. Thob Ntuj rau cov neeg tuaj hnub no....

    -< Yaj Zoov Ntxheb X.H. >-

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 31st January 2018, 11:26 pm



    NRUAB XYOO CHIV 5 B Tim 4/2/ 2018.


    Zaj nyeem 1, ntawv Yob zaj, 7:1-4 +7-8, hais tias:
    *- Tas txhua Leej Neeg, yuav nyob ntiaj teb no tsis ntev thiab yuav ntsib xwv txheej ntau zaus. Tus neeg ntseeg yuav muaj kev tso siab, vim lawv tso siab tias, Tswv Ntuj ntsia ntsoov lawv mus li.

    *- Zaj nyeem 2, Tsab ntawv Kos Lis Nthos, zaj 9:16-19+22-23. Hais tias:
    Ib tug Neeg ntseeg nyob hauv Yes Xus lub npe, mas nws yuav tshaj lub Moo Zoo. Nws yuav nco ntsoov 3 yam no:

    1. Yog Tswv Ntuj tshoj nws lub siab kom paub tshaj lub Moo Zoo...
    2. Nws yuav ua tib zoo pub lub Moo Zoo dawb rau luag txais.
    3. Nws yuav nco ntsoov tias, nws yog sawv daws tus tub txib faib Tswv Ntuj lub Moo Zoo rau sawv daws.
    *- Nyob hauv Mas Kos ntawv Moo Zoo, muaj ib hnub Yes Xus tshaj lub Moo Zoo, rau sawv daws. Nws hais tias:
    Tswv Ntuj xav cawm neeg, Yes Xus thiaj tuaj yeem ua sawv daws tus tub txib. Yes Xus tsis saib txoj kev khwv.
    Thaum Yes Xus tawm haub lub Txoos los, Nws nrog Yas Kos thiab Zam nkawd mus hauv Xis Moos tsev. Yes Xus pom Xis Moos niam tais tab tom mob ua npaws, nws pw nyob saum txaj.
    Yes Xus txav los tuav Xis Moos Niam tais tes, ces nws tus mob npaws ntawd. Cia li zoo hlo tam sis ntawd, Nws sawv los tsob hwb lawv.
    Hnub ntawd, kuj muaj coob leej, raug dab phem thiab muaj mob nkeeg tuaj cuag Yes Xus. Ces Yes Xus ntiab cov dab phem tawm mus, thiab kho cov neeg mob kom zoo hlo ntau leej.
    Lub caij ntawd Yes Xus txwv kom cov dab tawm twj ywm mus kom dab tsis txhob qw. Thaum ntawd muaj ib cov neeg tuaj nrhiav Yes Xus.
    Yes Xus hnov cov Thwj Tim hais tias, Lawv nrhiav koj! Ces Yes Xus hais rau cov Thwj Tim Tias, Peb yuav mus rau lwm qhov chaw kom kuv tau kev tshaj lub moo Zoo.
    Tsis yog vim kuv xav ua neeg muaj koob meej, kuv yuav tsum ua li ntawd, yog kuv tuaj, kuv tsis tshaj lub moo zoo, mas kuv txoj hmoov yuav phem.
    Tej no, tsis yog kuv ua tus xaiv! Yog Tswv Ntuj muab rau kuv ua. Kuv cov koob hmoov yog pub lub moo zoo dawb rau luag tej txais.
    Kuv yuav tsis noj tej yam uas lub Moo Zoo pub dawb rau kuv noj! Yes Xus hais tias, kuv yog neeg twj lij, tsis zwm rau leej twg.
    Kuv txhob txwm xaiv txoj kev ua luag tus qhev, Vim kuv xav kom kuv tau coj ib co neeg coob coob tuaj thiab kuv yuav nyob nrog cov neeg tsis muaj zog.
    Kuv yuav ua tas puas tsav yam kom kuv tau tsob hwb lub Moo zoo. Kom muaj coob Leej tau txais lub Moo Zoo ib feem los ua lawv tug.
    Kuv lub siab , kuv xav coj li tus qhev, xav mus so nyob haub qhov ntxoov. Thiab zoo li tus tub zog tos txog lub caij mus so.
    Kuv saib lub sim ceeb no, mas kuv lub tswv yim ntxhov tas nrho. Kuv nco ntsoov tias kuv txiv yuav pom kuv thiab Nws yuav nco ntsoov kuv txoj sia zoo.
    Tsuav yog kuv Txiv qhov muag ntsia ntsoov kuv xwb, ces kuv txaus siab lawm. Amen.


    ZAJ THOV NTUJ.

    1. Peb thov Ntuj rau lub Koom Txoos... 2. Peb txhov Ntuj rau cov Nom Tswv kav teb chaws...
    3. Peb thov Ntuj rau cov neeg txom nyem... 4. Peb thov Ntuj rau yam ub yam no... 5. Peb thov Ntuj rau cov neeg tuaj hnub no...

    --
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 8th February 2018, 3:55 am



    NRUAB XYOO CHIV 6 B Tim 11/2/2018.

    *- Zaj nyeem1 tsab ntawv Les Vis zaj 13:1-2+45-46. hais tias:
    Txheej thaud, cov His Xas Lais tsis kheev kom cov neeg mob ruas tuaj fim luag tej. Peb yuav nco ntsoov tias yog peb cov txhaum yog zoo li tus neeg mob ruas.
    Tsam nws kis rau peb lub siab thiab kis rau luag lwm tus lub siab. Peb yuav rau siab mus daws txhaum.

    *- Nyob hauv zaj nyeem ob, tsab ntawv 1 Kos lis Nthos. Zaj 10: 31-33 + rau zaj11: 1, hais tias:
    Cov neeg ntseeg lub neej, yog zoo li ib txoj hauj lwm tshaj lub Moo Zoo. Vim li ntawd peb yuav ua peb txoj hawj lwm kom tsim nyog tej hauj lwm ua tim khawv zoo rau luag.

    *- Nyob hauv Mas Kos ntawv Moo Zoo zaj 1: 40 -45 kuj hais tias:
    Yes Xus cov hauj lwm zoo yeej nto moo lug ncha ntws, yog cov neeg ntseeg ua hauj lwm zoo. Yes Xus yuav nto koob meej zoo, vim cov ntseeg.
    Nyob hauv Mas Kos ntawv Moo Zoo hais tias, muaj ib tug neeg mob ruas tuaj txog ntawm Yes Xus, nws txhos caug ntua thov Yes Xus tias:
    Yog koj xav mas koj ua kom kuv rov tuaj yeej tau! Yes Xus hnov tus neeg mob ruas hais li ntawd, ces Yes Xus hlub nws.
    Yes Xus cev tes mus tuav nws, Yes Xus hais tias, Kuv xav, kom koj huv tuaj! Tam sim ntawd tus neeg mob ruas cia li huv tuaj.
    Yes Xus tso nws rov mus, Yes Xus hais rau nws tias: Koj txhob hais dab tsi rau leej twg paub! Koj coj koj lub cev mus rau cov Leej Choj saib.
    Koj mus ua cov kab ke cev txim txhaum raws li Mais Xes txoj cai. Kom tau ua ib qho tseem ceeb rau lawv paub! Tab sis tus neeg mob ruas ntawd hla dhau ntawm Yes Xus mus.
    Ces nws cia li tshaj lub moo ntawd ncha ntws mus thoob plaws lawm, Yes Xus thiaj tsis tau kev nyob hauv lub nroog ntxiv mus. Yes Xus yuav tsum tau tawm mus nyob sab nraud.
    Ua li mas ntiaj teb neeg muaj Tswv Ntuj ua tus cawm lub ntiaj teb no lawm. Peb ua yam twg los xij, peb yuav ua kom zoo cav txog Tswv Ntuj lub npe.
    Thiab nrog lub koob meej, txhob ua tej yam uas yuav ua chaw dawm taw txog lub Moo Zoo thiab ua chaw dawm taw rau Tswv Ntuj lub Koom Txoos.
    Peb ua yam twg, mas peb yuav ua kom zoo rau tsoom sid, sawv daws lub siab. Thiab nrhiav kev ua zoo kom sawv daws kom tau txais kev cawm los ntawm Tswv Ntuj cov Tub txib.
    Nrog Yes Xus Pleev tus lwj lwm, Cov neeg ua kev txhaum thiaj muab los piv rau xws li tus neeg mob ruas.
    Luag thiaj muab los sib piv li txheej thaud, ib tug neeg mob ruas thiaj li yuav tau hnab khaub hlab, thiab txhob txav ti lwm tus neg tsis muaj mob.
    Ib tug neeg muaj txhaum Yes Xus thiaj muab ntaus nqis xws lu tus mob ruas. zoo li Hmoob hais cov mob ruas lawm, mas tsim nyog xa mus nyob rau qab tsuas.
    Tus neeg nyiam ua kev txhaum kuj zoo tib yam li ntawd thiab. Nws tsis tsim nyog nyoab nrog sawv daws.

    ZAJ THOV NTUJ.
    1. Thov Ntuj rau lub Koom Txoos...
    2. Peb thov Ntuj rau cov Nom Tswv kav teb chaws...
    3. Peb thov Ntuj rau cov neeg txom nyem...
    4. peb thov Ntuj rau tej xwv txheej tshwm sim tuaj... 5. Peb thov Ntuj rau cov neeg tuaj teev Ntuj hnub no...

    -< Yaj Zoov Ntxheb X.H.>-
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 16th February 2018, 5:36 am



    LUB CAIJ 40, HNUB 4 TXAIS TSHAUV ABC tim 14/2/18.

    *- Zaj nyeem 1 ntawv Yos Es, zaj2: 12-17 hais tias:
    Tswv Ntuj xav kom cov neeg ntseeg, tig los yuav lub siab tshiab.
    *-Zaj nyeem 2, tsab ntawv, 2 Kos lis Nthos. Zaj,5:20-21+ zaj 6:1-2, hais tias:
    Nyem no yog lub caij uas cov neeg ntseeg, yuav rov los nrog Tswv Ntuj sib haum xeeb lawm. Vim Yes Xus tau them peb sawv daws cov txim txhaum tas lawm.

    *- Nyob hauv Mas Tais ntawv Moo Zoo zaj 6: 1-6 + 16 -18 kuj hais tias:
    Cov neeg ntseeg yuav ua tej yam zoo, tsis yog vim, lawv xav nrhiav lub koob meej. Yog vim peb sawv daws nyiam Tswv Ntuj.
    Tswv Ntuj cov lus hais tias:
    Nej txhob ua tej yam zoo, nyob ntawm neeg xub ntiag xwb. Yog nej ua li ntawd, mas nej twb txais nej cov txiaj ntsim koob hmoov los ntawm neeg los tas lawm.
    Vim nej ua rau neeg xwb, hos nyob ntawm nej txiv nyob saum ntuj. Mas nej yuav tsis tau txais dab tsi li, Kuv hais rau nej tias:
    Thaum nej pub rau luag, mas nej txhob ua li cov neeg uas lawv nyiam tshuab qeej ntaus nruas ncha ntws mus ua lawv ntej. Nej yuav ua li mas nej txhais tes xis cev dab tsis rau luag, mas nej sab tes laug tsis nrog paub txog li.
    Cia nej txiv nyob saum ntuj ib leeg paub xwb, mas thiaj yog. Nws yuav pauj rau nej.
    Nej cov neeg ntseeg uas Tswv Ntuj tso nej ua Leej Pleev cov Tiam Lis, mas Tswv Ntuj yuav qiv nej lub ncauj los hais Tswv Ntuj cov lus uas Nws tso Leej Pleev tuaj tshaj rau nej paub nyob ntiaj teb no.
    Kom nej pab tshaj mus rau lub qab ntuj neg txhua tus paub txog, zoo li, Nej yog Leej Pleev kiag. Nej yuav ua ib siab nyob nrog Tswv Ntuj sib haum xeeb tiag.
    vIM Tswv Ntuj tau ua kom tus tsis paub kev ua txhaum, tau los ris ntiaj teb neeg cov txhaum tas huv tib si. Kom lub ntiaj teb neeg txhaum tau tig los npuab Tswv Ntuj.
    Muaj li ntawd tiag, mas Tswv Ntuj cov neeg nrog Leej Pleev ua hauj lwm. Thiaj thov ntuas nej. Kom nej tau txais Ntuj lub txiaj ntsim, kom nej txhob lam txais dag, ces ho tsis siv. Nyem no, Tswv Ntuj hais tias: Lub sij hawm zoo lawm, Kuv yuav mloog nej hu txog kuv. Yog lub caij kuv yuav cawm nej lawm.
    Cov lus uas Paj Lug, hais rau cov Kos Lis Nthos tias: Tas nej cov neeg ntseeg, yog cov ua Tswv Ntuj tso nej, mus ua Leej Pleev cov Tiam Lis. Nej yog cov uas Leej Pleev qiv nej lub ncauj los sib ntuas sib qhia.
    Kom nej sawv daws tau los nyob sib haum xeeb, muaj txoj kev sib nyiam sib hlub nyob hauv Leej Pleev.
    Tswv Ntuj kuj tseem tshuav ib co lus hais li no ntxiv! Nej rov qab los cuag kuv, Mas nej yuav quaj rau nej cov txhaum, cuag li nej ua cov tub los cov ntxhis xyom cuab.
    Nej rov los cuag nej tus Huab Tais, Nws yuav hlub nej, Nws yog tus khuv leej nej. Nws yuav pub txiaj ntsim ntau rau nej, ces nej yuav tsis raug kev txaj muag, rau cov pej kum neeg.
    Thiab yuav tsis muaj neeg hnyos thiab thuam nej mus ntxiv lawm tias: Nej tus Huab Tais Tswv Ntuj dua qhov twg lawm. Amen.

    ZAJ THOV NTUJ.

    1.Peb thov Ntuj rau lub Koom Txoos...
    2. Peb thov Ntuj rau cov Nom Tswv kav teb chaws...
    3. Peb thov ntuj rau cov neeg txom nyem...
    4. Peb thov Ntuj rau tej xwm tshwm sim uas peb paub nyob ib ncig peb lub teb chaws...
    5. Peb thov ntuj rau cov neeg tuaj teev Ntuj hnub no...

    -< Yaj Zoov Ntxheb X.H. >-

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 16th February 2018, 5:37 am



    LUB CAIJ 40 CHIV 1 B Tim 18/2/2018.

    *- Zaj nyeem 1:ntawv hauv paus, zaj 9: 8-13+15, hais tias:
    Cov neeg txais cov dej ua lb Cim Ntxuav, lawv yuav tsis tuag. Lawv zoo li cov neeg nrog Nom Hes nyob hauv lub nkoj, lawv yuav tsis raug dej nyab ntiaj teb.

    *- Zaj nyeem 2, 1 Pob Zeb, zaj 3:18+21-22, hais tias:
    Lub Cim Ntxuav. yog zaj lus nrog Tswv Ntuj rov sib haum xeeb.

    *- Hos Mas Kos ntawv Moo Zoo, zaj 1:12-15, hais tias:
    Yes Xus mus sau siab nyob teb chaws Suab Puam, Nws thiaj tshaj rau sawv daws tias, kom neeg sawv daws tig los yuav lub siab tshiab. Thaum ntawd, Leej Tswv Yim Ntshiab coj Yes Xus mus rau teb chaws Suab Puam.
    Yes Yes yoo mov tau 40 hnub, nyob teb chaws Suab Puam. Tas 40 hnub, Xas Tas tuaj ntxias Yes Xus peb zaug tias:
    A. Koj yog Tswv Ntuj Leej tub, tsis tsim nyog koj yuav yoov mov! Koj ua kom cov pob xeb no txia ua mov rau koj noj. Yes Xus teb rau Dab Phem tias, Neeg tsis yog kawg mov los yug txoj sia xwb thiaj yuav cawm tau neeg txoj sia.
    B. Xas Tas rov hais rau Yse Xus tias: Yog koj pe kuv, mas kuv yuav muab tas nrho cov teb chaws nto moo rau koj ua koj tug!
    Yes Xus teb tias, Ntawv hais tias koj yuav pe koj tus Tswv Ntuj tib leeg xwb thiaj yog!...
    C. Xas Tas rov ntxias Yes Xus zaum peb tias, koj yog Tswv Ntuj LeejTtub, koj dhia saum lub ru tsev no mus lawm hauv av. Tswv Ntuj yuav txib, Ntuj cov Tshiab tuaj nqa koj nyob hauv lawv txhais tes. Koj taw yuav tsis dawm ib lub pob zeb li.
    Yes Xus teb rau Xas Tas tias: Koj khiav mus ntawv hais tias koj yuav hwm thiab pe koj tus Tswv Ntujtib leeg xwb, koj txhov tuaj ntxias Koj tus Tswv Ntuj. Ces Dab phem tso Yes Xs tseg. Ntuj cov Tshia tuaj tsob hwb Yes Xus.
    -Xws li Pob Zeb siv Leej Pleev cov lus los ntuas cov neeg muaj txhaum tias: Leej Pleev tuag ib zaug, vim peb cov txhaum. Yes Xus yog tus siab ncaj.
    Nws raug tuag kom tau pab cov neeg tsis ncaj, vim Nws xav coj peb mus cuag Tswv Ntuj. Nws lub cev tuag. Nws lub Tswv Yim ua kom Nws rov muaj txoj sia.
    Zaj lus no, zoo muab piv rau lub Cim Ntxuav. Lub Cim Ntxuav tsis yog daws txhaum nyob sab nraud xwb. Lub Cim Ntxuav yog zaj cog lus cog lus ncaj rau Tswv Ntuj. Lub Cim Ntxuav no yog zaj cog lus los npuab Tswv Ntuj tiag.
    -Yog tib zaj uas zoo li Tswv Ntuj tau nrog Nom Hes cog lus nyob hauv lub nkoj tias. Kuv cog lus rau koj thiab koj cov xeeb ntawv, nrog tas txhua yam nyob hauv lub nkoj tias;
    Txij no mus,tas txhua yam tawm hauv lub nkoj no mus, yuav tsis pom dej nyab lub niaj teb ib zaug ntxiv lawm. Tswv Ntuj tseem hais ntxiv tias:
    Kuv yuav tso ib lub Cim los nrog nej thiab tas puas tsav yom cog lus. Yog lub Cim ua kom Zaj sawv hauv dej mus rau sau huab cua. Yog kuv nrog lub ntiaj teb cog lus tseeb, kuv yuav tsis rov nrhuav lub tiaj teb ntxiv lawm. Amen.


    ZAJ THOV NTUJ.
    1. Thov Ntuj rau lub Koom Txoos...
    2. THov Ntuj rau cov Nom Tswv Kav teb chaws...
    3. Thov Ntuj rau co neeg txom nyem...
    4. Thov Ntuj rau tej xwm pom maj nyob ib ncig lub teb chaws...
    5. Thov Ntuj rau cov neeg tuaj teev Ntuj hnu no...

    - < Yaj Zoov Ntxheb X.H.>-
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 21st February 2018, 11:10 pm



    LUB CAIJ 40 CHIV 2 B Tim 25/2/2018.

    *- Zaj nyem 1 ntawv Hauv Paus, zaj, 22:1-2+9-10+13+15-18. hais tia:
    Has Nplas Has, yog tsoom neeg ntseeg Leej txiv. Vim nws xub ntseeg thiab xub mloog Tswv Ntuj lus dua sawv daws.

    *- Zaj nyeem ob, tsab ntawv Los Mas, zaj 8:31-34, hais tias:
    Yog peb nrog Yes Xus tiag, mas tsis muaj leej twg yuav yeej tau peb.

    *- Mas Kos tsab ntawv, Moo Zoo, zaj 9: 2- 10 hais tias:
    Yes Xus yog Tswv Ntuj Leej Tub uas Tswv Ntuj nyiam Nws kawg. Peb yuav nyiam Yes Xus thiab mloog Nws lus. Kom Tswv Ntuj tau nyiam peb.
    Xws li hnub uas Yes Xus coj Pob Zeb thiab Zam nrog Yas Kos. Lawv mus pem lub roob siab. Yes Xus txia ntshis ua ib tug Tshiab, Nws tej ris tsho ci ntsa iab dawb paug xws li cov sab hnub.
    Nyob ntiaj teb no, tsis muaj ib co kob yuav zas tau kom ci ntsa iab zoo nkauj cuag li ntawd. Ces txawm muaj ib lub suab nrov saum ntuj tuaj tias:
    Tus no yog kuv Leej tub, uas kuv nyiam Nws kawg. Nej mloog Nws lus mog! Thaum lawv nqes rov qab los, Yes Xus tau txwv lawv tias:
    Kom lawv txhob hais yam uas lawv tau pom rau leej twg li, tos txog hnub uas Leej Neeg tus tub sawv hauv cov tub tuag rov los tas tso!
    Cov Thwj Tim thiaj khaws cov lus no tseg, lawv xav hauv nruab siab tia, Los lus sawv hauv cov tub tuag rov los, yog dab tsis tiag!
    Thaum Paj Lug hais rau cov neeg nyob Los Mas, Nws thiaj hais tias: Yog Tswv Ntuj nrog peb lawm, mas leej twg thiaj yuav tiv tau!
    Tswv Ntuj twb tsis txuag Nws Leej Tub, Nws tso Nws Leej Tub tuag kom tau pab peb ua neeg ncaj tuaj. Neeg ntiaj teb leej twg thiaj yuav muab txim rau peb tau!
    Yes Xus tuag thiab sawv rov los, Nws zaum nyob ntawm Tswv Ntuj sab xis. Vim Nws xav thov Ntuj rau peb, mas muaj li ntawd,Thaum Tswv Ntuj sim Has Nplas siab tias.
    Koj muaj koj tus tub twm zeej los tua txi rau Kuv, Has Nplas tau mloog Tswv Ntuj lus. Nws tau muab nws tus tub His Xas Has los txi rau rau Tswv Ntuj.
    Thaum Tswv Ntuj paub tseeb tias Has Nplas Has tau mloog Tswv Ntuj lus lawm. Ces Tswv Ntuj tau foom hmoov zoo rau Has Nplas Has tias:
    Koj cov Xeeb Ntxwv yuav coob npaum li cov hnub qub nyob saum ntuj thiab coob npaum li cov Suab zeb nyob tom ntug Hiav Txwv.
    Tas lub ntiaj teb neeg yuav tuav txog koj tus Xeeb Ntxwv llub npe los sib Foom Hmoov zoo. Kuv yuav ua li ntawd los pauj rau koj. Amen.

    ZAJ THOV NTUJ.
    1. Peb thov Ntuj rau lub Koom Txoos...
    2. Peb thov Ntuj rau cov Nom Tswv kav teb chaws...
    3. Peb thov Ntuj rau cov neeg txom nyem...
    4 Peb thov Ntuj rau tej xwv txheej muaj nyob ncig peb...
    5. Peb thov Ntuj rau cov neeg tuaj teev ntuj hnub no...

    --

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 26th February 2018, 12:42 pm


    LUB CAIJ PLAUB CAUG CHIV 3 B, TIM 04/03/2018



    Zaj lus hnub chiv 3 lub caij 40 no, Lub Koom Txoos yuav hais txog Tswv Ntuj cov txuj ci thoob tsib nrog Nws lub Peev Xwm muaj zog.
    Hauv cov Ntawv Ntshiab: { kev tsiv 20:1-3+7-10 +12-17.} { Kos Lis Nthos:1-1:22-225. } {Thiab Zam: 2:13-25.}

    Tswv Ntuj Nws muaj 3 lo lus muaj zog thiab thoob tsib heev:
    1->Tswv Ntuj yog tus muaj txoj sia Ntshiab huv pub rau cov neeg nyiam mloog Nws cov lus.
    2->Cov neeg ua Tswv Ntuj kam hu lawv, mas lawv ntseeg tias, Yes Xus yog Tswv Ntuj kev thoob tsib Thiab lub zog.
    3->Yes Xus yog tus pub tau txoj sia nyob mus li, vim Nws txawj tuag thiab txawj sawv rov los.
    Tswv Ntuj yeej ib txhis yog tus txawj khuv leej neeg. Yav thaud, Tswv Ntuj tau hais rau Mais Xes tias, Tswv Ntuj tau coj koj tawm ntawm Hais Nkws Tos Teb los.
    Nyiam no thiab thaum ub, los Tswv Ntuj yeej tsis tau hloov siab thiab hloov lus li. Thaum muaj ib tug neeg ntseeg thiab tso siab rau Tswv Ntuj lawm, mas Nws yeej coj kom tus neeg ntawd, tawm ntawm nws kev muaj xwv txheej los,cov raug dab haub ntxias los cov raug neeg yuam kom mus raug kev puas tsuaj.
    Nyob hauv peb sawv daws lub neej mas peb yeej ntsib dua los lawm feem coob, yog peb tsis to taub thiab zeem tau tias Ntuj Twb tau coj peb dua tawm ntawm tej kev muaj xwv txheej los lawm.
    Hos cov tsis muaj los Ntuj yeej ib txwm pov hwm kom lawv nyob nrug deb ntawm kev yuav ntsib xwv txheej.
    Ua li mas peb yuav nco ntsoo hwm Ntuj, thiab txhob tuav txog nws lub npe los mus cog lus cuav. Nws yeej npaj kom tau pab peb daws tej teeb meem,txhua lub caij. Nws thiaj tau muab 10 lo lus qhia rau Mais Xes ua ntej ntxo ntxo los lawm.
    10 lo lus ntawd yog Tswv Ntuj txoj kev nrog peb neeg Yaj Ceeb no cog lus.

    ->Paj Lug hais tias. Cov Yus Das thiab cov Hes Las lawv ua ob Tog:
    Cov Yus Das lawv taij kom tau pom Yes Xus cov Hwj Huam Yees Ntxwv. Hos Cov Hes Las taij kom tau pom Yes Xus kev thoob tsib.
    Cov ua txawj pom tau tias Yes Xus yog Tswv Ntuj kev thoob tsib thiab yog Tswv Ntuj lub zog mas lawv yog cov to taub tias Tswv NTuj muaj txoj sia nyob mus li tsis txawj ploj los pub rau cov neeg nyiam kev ntsiab huv. Uas Yes Xus tau hai lub caij nws tshaj Tswv Ntuj cov lus thoob tsib tias:
    Kuv yog txoj sia, Kuv yog qhov tseem ceeb, kuv yog txoj kev.
    Xav kom neeg Yaj Ceeb to taub lo lus Leej Pleev tshaj no.

    ->Cov sau ntawv Moo Zoo tau sau tseg thiab qog Yes Xus lo lus saum no vim Yes Xus hais ntxiv tias:
    Tus nyiam Kuv Txiv mas yuav saib tias Tswv Ntuj lub chaw tsis yog Nyiaj kub thiab ntiaj teb lub cuab tam thiab chaw nplua nuj ua kev hom khaj thiab kev lom zem. Yuav muaj ob yam no rau neeg xaiv:
    a. Tus xaiv kev ywj siab yuav tuag mus li tsis saw rov los, yog nws kev tu siab tsis muaj hmoo tau txoj sia nyob mus li. Vim nws tsis vam txog Ntuj pab. Nws xaiv nws tus kheej.
    b. Tus muaj hmoo vim Ntuj pab nws xaiv, thiab nws zoo siab lees yuav. Xyov yog dab tsis hmoov nws thiaj tau muaj txoj sia nyob mus ib txhiab ib txhis, tsim nyog Ntuj tso nws tuaj xeeb ua neeg ib zaug rau lub sim ceeb no kawg nkaus.

    ZAJ THOV NTUJ.
    1. Peb thov Ntuj rau lub Koom Txoos, kom Leej Tswv Yim coj lub Koom Txoos mus raws nraim Lub uas Leej Pleev tau tsa Xis Moos ua lub Pob Zeb nyob khov kho, uas Dab Phem cov rooj loog yuav tsis yeej lub Pob Zeb no. Peb thov...
    2. Peb thov Ntuj rau cov Nom Tswv kav teb chaws. Uas lawv nyiam tsim tsov rog Kom Leej Ntuj Plig los coj thiab qhiav kev sib hlub sib zam, los sib koom siab sib raug zoo, ua phooj ywg kom txhob muaj kev ua tsov rog. Peb...
    3. Peb thov Ntuj rau cov neeg txom nyem. Tswv Ntuj, cov neeg txom nyem no muaj puv lub qab ntuj khwb, koj thiaj paub. Thov koj tshem txhua txoj kev txom nyem mus kom txhob muaj neeg mus zwm rau Tsev loj faj coob. Cais kom tej mob nkeeg txhob los zwm rau neeg nruab cev. Nplij cov neeg raug kev tshaib nqhis. Peb thov...
    4. Peb thov Ntuj rau cov muaj npe nyob hauv phau ntawv kom Tswv Ntuj los nplij txhua tus muaj kev txhawj xeeb no. Peb thov koj...
    5.Peb thov Ntuj rau peb sawv daws uas tuaj hnub no, kom Tswv Ntuj pub paj tshab rau peb, to taub Leej Pleev los lus thoob tsib thiab muaj zog, kom peb tau ua cov Ntuj xaiv, thiab peb txawj lees yuav. Peb thov...
    6. Peb cev yam ua peb muaj nyob nruab siab uas xav qhia rau Tswv Ntuj pab daws teeb meem mus... Tswv Ntuj peb tso siab lug rau koj lub siab thoob tsib muaj zog no. Peb thov koj...


    Yaj Zoov Ntxheb Xib Hwb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 9th March 2018, 3:41 am

    LUB CAIJ 40 CHIV 4 B Tim 11/3/2018.

    *- Zaj nyeem ib, 2 ntawv Xwm, zaj 36:14-16+19-23 hais tias:
    Tswv Ntuj muab txim rau Nws Haiv neeg ntau zaus, Vim lawv ua txhaum ntau. Tab sis Tswv Ntuj rov hlub thiab Nws zam rau lawv.
    *-Zaj nyeem ob, Paj Lug tsab ntawv Es Fes Xos zaj, 2:4- 10. Hais tias:
    Thaum lub ntiaj teb neeg zoo li peb, tseem tsis tau nyiam Tswv Ntuj. Mas Tswv Ntuj xub niam peb, Tswv Ntuj thiaj ua kom peb paub Nws Leej Tub Yes Xus.
    *- Zam ntawv Moo Zoo, zaj 3:14-21 hais tias:
    Thaum ib tug neeg ntseeg txog, Yes Xus thiab mloog Yes Xus lus. Mas Tswv Ntuj zam txim rau tus neeg ntawd. Raws li Mais Xes tsa tus Nab Tooj nyob teb chaws Suab Puam.
    Leej Neeg tus Tub Nws kuj raug tsa siab zoo li ntawd, kom xwv tus ntseeg tau muaj txoj sia nyob mus li. Vim yog muaj leej Neeg tus Tub.
    Yog Tswv Ntuj nyiam lub Sim Ceeb no, Nws thiaj muab Nws Leej Tub twm zeej rau. Kom tus ntseeg txog Nws Leej Tub tus Ntsuj Plig tsis raug kev tuag thiab tau muaj txoj sia nyob mus li.
    Vim tias, Neeg yaj Ceeb no, lawv tej hauj lwm yeej tsiv saib. Cov neeg mus taug txoj kev tsiv saib no, mas lawv ntxub txoj kev kaj.
    Vim lawv txoj hauj lwm puav leej nyob rau hauv txoj kev ua tej yam tsiv saib ntawd!
    Cov lus uas paj Lug hais, mas Tswv Ntuj yeej tso Tswv Ntuj lub siab dav kawg. Nws tau muab tas nrho, Nws lub Siab los nyiam peb. Ces Nws thiaj ua ib siab zam rau peb.
    Thaum peb tseem nyob hauv lub keeb txhaum, mas peb sawv daws nyob hauv txoj kev tuag, feem Coob. Peb tso peb cov kev ua txhaum nyob Tub Tuag teb.
    Peb tau nrog Yes Xus sawv hauv cov tub tuag teb rov los, ces cov neeg siab ncaj yuav tau nrog Yes Xus Pleev muaj txoj sia nyob.
    Vim Tswv Ntuj xav kom yav tom ntej, neeg ntiaj teb pom tseeb tias: Leej Tib Neeg tau txais lub txiaj ntsim dawb nyob hauv Leej Pleev.
    Ua li mas kev cawm yog tuaj ntawm Tswv Ntuj tuaj, nws tsis yog tuaj ntawm neeg tej hauj lwm tuaj. Nyiam no Tswv Ntuj xav tsim peb dua tshiab nyob hauv Yes Xus Pleev.
    Kom peb ua cov hauj lwm, ua raws nraim lis Yes Xus ua. Thaud cov His Xas Lais thiab lawv cov Vaj ua tsis ncaj rau Tswv Ntuj.
    Mas yog vim lawv yoog raws li, cov pej kum Neeg. Uas lawv yeej nyiam ua qhov phem, Tswv Ntuj yeej ib txwm saib tas Sawv daws cov Poj Koob Yawm Txwv.
    Tswv Ntuj tau txib ntau tus Tiam Lis, nyob hauv txhua Haiv neeg. Xws li cov uas Hmoob hu lawv ua Saub ntawd, los cov hu ua neeg Txwj neeg laus, paub tab txawj xav los ntuas tib neeg.
    Kom Sawv daws coj ncaj ncees pub rau luag lwm tus tias, kom saib taus thiab sib hwm. Vim muaj ntau zaus Tswv Ntuj twb npau taws, mus txog qhov uas yuav cheem tsis tau Nws lub siab lawm.
    Ntuj twb xav tso xwv txheej tuaj kom muaj li Hmoob hais tias, zaum no ces mag khaum lawm lauj! Tswv Ntuj zam tas rov zam dua mus li.
    Neeg thiaj tau kev huam vam mus puv, lub qab ntuj khwb no. Hais txog tej xwv txheej no, mas muaj ntaus zau kawg. Tswv Ntuj cia li xaiv tej tus neeg tsis tau paub Tswv ntuj dua ib zaug li los ua Tswv Ntuj tus Tiam Lis:
    Yam li Tswv Ntuj cia li mus xaiv tej tus Vaj nyob deb deb, kom nws muaj hwj Chim tuaj Huj rog thiab tso lus rau tej neeg nyob txim tau kev tawm rov mus nyob lawv teb lawv chaw.
    Zoo li tus Vaj Kws Los, Ntuj cia li tsa Nws ua Tswv Ntuj tus Pleev, kom muaj peev xwm tuaj tso cov His Xas Lais rov mus nyob lawv teb chaws.
    Ntawm tus Vaj Pes Xis uas nws kav lub tsheej Npas Npis Los ntawd. Kws Los cia li Ceeb Toom tias:
    Tswv Ntuj yog tus kav lub ntuj lub teb, Hnub no Ntuj tau tso tas nrho txhua Haiv neeg nyob hauv kus xib teg lawm! Ntuj muab Ntuj ib txoj hauj lawm rau kuv ua!
    Leej twg yog neeg teev Ntuj, thov kom hnub no lawv cia li rov mus nyob Yes Lus Xas Les. Nyob Yus Das teb.
    Peb Leej twg txaus siab ntseeg txog Yes Xus Pleev thiab mloog Nws lus,mas Yes Xus kuj yuav hais tib los lus ntawd rau cov Ntuj Plig thiab. Amen.

    ZAJ THOV NTUJ.

    1.Peb thov Ntuj rau lub Koom Txoos uas Yes Xus tsa nyob saum lub Pob Zeb uas dab phem cov rooj loog yuav tsis yeej lub pob zeb no. Kom cov neeg….
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb thov Ntuj rau tej xwm peb pom thiab paub nyob ib ncig ze ntawm peb….
    5. Peb thov Ntuj rau cov neeg tuaj teev Ntuj hnub no…


    -< Yaj Zoov Ntxheb X.H.>-


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th March 2018, 9:10 am



    LUB CAIJ 40 CHIV 5 B Tim 18/3/2018.

    *- Zaj nyeem 1 tsab ntawv Yes Les Mias, zaj 31: 31-34 hais tias:
    Cov neeg zoo siab nrog Tswv Ntuj cog lus, mas Tswv Ntuj sau lawv cov lus tseg nyob hauv Ntuj lub siab.
    *- Zaj nyeem 2 Paj Lug tsab ntawv Hes Nplaws, zaj 5:7-9 hais tias:
    Yes Xus cawm tau tsoom neeg nyob ntiaj teb no, vim nws xub tuaj yemm xyaum mloog Leej Txiv lus.
    *- Zam tsab ntawv Moo zoo, zaj 12: 20-33, hais tias:
    Yes Xus hu lub caij uas Nws yuav txais txoj kev tuag hu ua, lub caij nws yuav muaj koob meej.
    Vim lub caij ntawd, muaj ib co Hes Las, tuaj nqaum paj nqaum nruas teev Ntuj tuaj nyob Yes Lus Xas Les. Lawv txav los nug Fis Lis Pos thiab As Nres nkawd tias:
    Peb xav pom Yes Xus?
    Ces nkawd qhia rau Yes Xus, ces Yes Xus teb nkawd tias:
    Zaum no, txog lub caij uas Leej Neeg tus Tub, yuav muaj koob mej. Kuv hais rau nej tias:
    Lub Noob Nplej tsis poob hauv av thiab tsis tuag, mas Nws yuav nyob Nws ib leeg xwb! Hos yog lub Noob Nplej tuag mus, mas Nws yuav txi txiv ntau!
    Tus neeg uas nws nyiam nws txoj sia, mas nws yuav ua nws txoj sia ploj mus. Tus ntxub nws txoj sia nyob ntiaj teb no, mas nws yuav txuag tau nws txoj sia nyob mus li.
    Yog Leej twg xav tsob hwb kuv, mas nws yuav nrog kuv mus! Yog kuv nyob qhov twg, mas kuv tus tub txib kuj yuav nyob qhov ntawd.
    Leej twg tsob hwb kuv, mas kuv txiv yuav pub koob meej rau nws. Kuv xav hais rau kuv txiv tias, koj npo kuv kom txhob raug lub caij ntawd.
    Tiam sis twb yog vim lub caij ntawd ntag, kuv thiaj tuaj nyob hauv lub Sim Ceeb no. Zaum no, kuv yuav hais rau kuv Txiv tias:
    Txiv, koj ua kom koj lub npe nto koob meej. Ces lub suab nrov saum ntuj tuaj tias:
    Kuv twb ua kom kuv lub npe nrov nto koob meej lawm, lub suab nrov saum ntuj tuaj ntawd, tsis yog nrov tuaj pab kuv!
    Nws yog nrov tuaj pab nej txhua tus, muaj lub siab nyiam nrog kuv! Cov lus no yog xav qhia kom peb paub meej txog Yes Xus txoj kev tuag.
    -Cov lus nyob hauv tsab ntawv Hes Nplaws, yog cov lus uas thaum Leej Pleev nyob ntiaj teb no. Nws quaj thov kom tus muaj zog cawm neeg txoj sia tau, kom Nws mloog Leej Pleev lo lus thov.
    Txawm tsis muaj neeg hwm Leej Txiv, los tseem tshuav Leej Pleev yog tus hwm Leej Txiv Zoo. Leej Pleev tau raug txom nyem loj npaum no, los Leej Pleev ua tiag txais kom tiav log dhau mus, pub rau lub Sim Ceeb neeg tau muaj txoj sia nyob.
    -Nyob hauv Yes Les Mias tsab ntawv yog hais tias, peb yuav nrog Tswv Ntuj cog lus tias: Tswv Ntuj yog peb Leej Txiv, hos peb yog Tswv Ntuj cov me nyuam.
    Peb yuav txhob cog lus zoo li peb cov poj yawm txwv koob thaud, lawv cog lus tas, ces lawv tso Tswv Ntuj pov tseg ntau zaus mus lawm. Peb yuav cog lus tias:
    Tswv Ntuj yog peb Leej Txiv siab zoo, hos peb yog Tswv Ntuj tsoom Tub tuaj yeem mloog Peb Leej Txiv lo lus. Kom peb tau nrog Tswv Ntuj sau lo lus meej tias, Peb cov Ntsuj Plig tso nyob hauv Tswv Ntuj lub cev Tswv Ntuj lo lus sau tseg nyob tso hauv peb nruab siab mus li. Amen.

    ZAJ THOV NTUJ.
    1.Peb thov Ntuj rau lub Koom Txoos….
    2. peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb thov Ntuj rau cov xwm txheej uas peb pom thiab paub nyob ib ncig peb lub teb chaws…
    5. Peb thov Ntuj rau cov neeg tuaj teev Ntuj hnub no…

    -< Yaj Zoov Ntxheb X.H.>-
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 22nd March 2018, 5:42 am


    HNUB CHIV UA COV KAB KE NQAUM PLOOJ.Tim28/3/18.    
           
    *- Saib raws cov ntawv qhia nyob hauv lub lis piam ntshiab.  
    Xyoo B, thaum nyob nraum zoo, nyeem Mas Kos zaj 11: 1-10. Los nyeem Zam zaj 12:12-16.


    XH.Zoov Ntxheb Yaj Nthuav Ntawv Ntshiab. - Page 12 Panini10

    *- Thaum ua cov kab ke nqaum nplooj mus hauv tsev teev Ntuj. Hais zaj Faj Tim Huab Tais Ntshiab…
    *- Thaum ua thaj cav txiaj ntsim, mus nyeem His Xais, zaj 50: 4-7.  

    Tsab ntawv 2 nyeem Paj Luag tsab ntawv 2 Fis Lis Pos zaj,2: 6-11.

    *- Tsab ntawv Moo Zoo, nyeem Yes Xus txoj kev txom nyem raws li Mas Kos piav.  
    Zaj 14: 1 mus txog zaj 15: mus txog 47. Tsis nthuav ntawv vim yog lub caij ntev.
    *- Ua Zaj thov Ntuj raws li txhua hnub chiv.
    1. Thov Ntuj rau lub Koom Txoos...
    2. Thov Ntuj rau cov Nom Tswv kav teb chaws…
    3T. Thov Ntuj rau cov neeg txom nyem...
    4.Thov Ntuj rau tej xwm ua peb paub muaj….
    5,Thov Ntuj rau, cov tuaj teev Ntuj hnub no…


    Yaj Zoov Ntxheb X. Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 29th March 2018, 9:33 am



    HNUB CHIV HLA ABC tim 01/04/2018.


    Ntawv Hauj Lwm hais tias: {10: 37- 43.}
    Tswv Ntuj tau tsa Yes Xus sawv rov los lawm. Leej twg xav txais Tswv Ntuj lub txiaj ntsim muaj txoj sia, nws yuav vam txog Yes Xus.
    Vim tias Tswv Ntuj tau Pleev Yes Xus, thiab pub Leej Tswv Yim Ntshiab lub peev xwm rau Yes Xus. Kom kho tau cov neeg mob poob hauv dab phem txhais tes kom zoo hlo.
    Vim Tswv Ntuj nrog Yes Xus nyob, ces luag thiaj tau hiam Yes Xus, thiab muab Nws dai rau saum ib tug ncej kom tuag.
    Hnub peb Tswv Ntuj tau tsa Yes Xus sawv rov los, Tswv Ntuj tau pub kom cov Thwj Tim pom. Lawv yog cov tim khawv uas Ntuj ib txwm xub xaiv.
    Tos ho muaj li ntawd, Vim Tswv Ntuj tsa Yes Xus sawv rov los kom tau txiv txim rau cov neeg ciaj thiab neeg tuag. Ces Yes Xus thiaj li yuav tau mus lwm ib vuag rau tub tuag teb.

    Paj Lug hais rau cov Kos Lis Nthos tias: {3:1-4.}
    Cov ntseeg txog Yes Xus, mas lawv nrog Yes Xus txais lub cim ntxuav.
    Lub Cim Ntxuav, pab tus neeg ntseeg zeem tias, nws tau nrog Yes Xus tuag thiab sawv rov los muaj txoj sia.
    Ua li mas peb pom xeeb nrog Leej Pleev sawv rov los, peb yuav nrhiav tej yam nyob txheej ntuj saud.
    Peb lub siab txhob dai dhuam rau tej yam nyob ntiaj teb no. Tej yam nyob ntiaj teb no puav leej coj neeg mus zwm rau txoj kev tuag. Peb twb nrog Leej Pleev nqes mus tub tuag teb rov los lawm, mas peb yuav tso tej yam nyob ntiaj teb no tseg. Yam li kev muab hlob, kev khav theeb, kev ntshaw ntiaj teb lub cuab tam loj nrog kev muaj hwj chim koob meej tuaj ntawm lub ntiaj teb tuaj.
    Tej yam no puav leej coj neeg rov mus zwm rau kev tuag tas nrho xwb.

    +Zam ntawv Moo Zoo thiaj hais ntxiv tias: {20:1-9.}
    Peb ntseeg tias Yes Xus sawv tau rov los. Peb thiaj tso siab tias, Yes Xus pub tau txoj sia rau peb.
    Thaum Tus Thwj Tim uas Yes Xus nyiam thiab Xis Moos Pob Zeb nkawd khiav mus txog Yes Xus lub ntxa, ces nkawd ntseeg. Tab sis nkawd tsis to taub tias Yes Xus yuav sawv hauv cov tub tuag rov los raws li ntawv qhia. Yog hnub uas Leej Tswv Yim Ntshiab nqes los nyob,mas lawv thiaj paub tseeb, los ntawm Leej Tswv Yim Ntshiab kev tshoj neeg lub siab kom paub los.
    Ntawm peb mas lub hnub nyug Leej Tswv Yim Ntshiab nqes los mas Nws kuj yuav qhia peb kom to taub li Cov Thwj Tim tib yam thiab.
    Hnub peb to taub lawm mas peb kuj yuav zoo siab los txhim lub KoomTxoos li thawj pab thwj Tim 3000 leej ntawd. Uas Dab Phem lub rooj loog yuav tsis muaj cai yeej lub Koom txoos ntawd los txog tav no.
    Thaum ntawd peb yuav muaj Leej Pleev lub hwj chim thiab muaj Leej Tswv Yim Ntshiab lub peev xwm los tiv thaiv peb, ces cov neeg raug mob uas poob rau ntawm Dab Phem txhais tes, peb yauv pab kom lawv zoo hlo tau.

    ZAJ THOV NTUJ.
    1. Peb thov Ntuj rau Tswv Ntuj lub Koom Txoos, kom txhua phiaj neeg ntseeg to taub txog qhov Tswv Ntuj tau Pleev Yes Xus, thiab pub Leej Tswv Yim lub peev xwm rau Yes Xus kom dab phem cov rooj loog tsis yeej Y.X.....
    2. Peb thov Ntuj rau cov Nom Tswv tswj teb kab chaw, Lub ntiaj teb no yog tas nrho pej xeem huab hwm sawv daws li ntiag tug, kom cov nom Tswv saib taus tsoom pej xeem pab pawg coob thiab pab pawg tsawg ib yam...
    3. Peb thov Ntuj rau cov neeg txom nyem.Cov raug luag hiam, cov raug poob ua neeg thoj nam,cov muaj mob nkeeg, pw tsev tshuaj, cov tuaj ntawm no thiab cov nyob tom vaj tse. Tswv Ntuj thov koj hlub txog lawv mog...
    4. Peb thov Ntuj rau txhua pab neeg ntseeg sib txawv. Nyob ntiaj teb no,kom peb Leej Nplij neeg tshoj kom sawv daws to taub txog tus Tswv Ntuj muaj zog thiab muaj peev xwm pub tau txoj sia rau leej tib neeg. Txhob mus ntseeg dab ntseeg mloom los cov lus cuav...
    5. Peb thov Ntuj rau peb txhua tus tuaj teev ntuj, kom Leej Pleev thiab Leej Tswv Yim Ntsiab pub peb muaj peev xwm tiv thaiv dab phem cov rooj loog tuaj haub ntxias peb niaj hnub...

    Yaj Zoov Ntxheb Xib Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 5th April 2018, 9:29 pm



    LUB CAIJ HLA CHIV 2 B Tim 8/4/2018.

    ->Ntawv Hauj Lwm, zaj 4:32-35 hais tias:
    Tus neeg ntseeg txog Yes Xus tiag, mas nws yuav ua neeg muaj peev xwm los sib pab, kom ntau li nws yuav pab tau.

    ->Zam tsab ntawv 2, zaj 5: 1-5 hais tias:
    Tus neeg ntseeg ntseeg txog Yes Xus, mas nws yuav nyiam thiab coj li nws yog neeg txheej tshiab uas tau yug los dua tshiab nyob hauv Yes Xus.
    Nws yuav xyaum los mloog Tswv Ntuj, xws li Yes Xus mloog thiab hwm Leej Txiv.

    ->Zam ntawv moo zoo, zaj 20: 19-31. Hais tias:
    Cov neeg uas lawv ntseeg tias, Yes Xus sawv rov los. Mas Yes Xus yuav pub kom lawv tau nyob kaj lug! Xws li thaum Yes Xus tawm tuaj xyuas Nws cov Thwj Tim, Yes Xus hais rau lawv tias:
    Nej nyob kaj lug mog, Yes Xus thiaj muab Nws cov qhov txhab rau cov thwj Tim saib. Tib lub caij ntawd. Yes Xus tshuab pa rau saum Nws cov thwj Tim txhua tus. Yes Xus hais rau lawv tias:
    Nej txais Leej Tswv Yim Ntshiab, yog nej daws txhaum rau leej twg, mas nws cov txhaum yuav daws mus!
    Yog nej cia txhaum rau Leej twg, mas nws cov txhaum yuav nyob. Nej txhob ua neeg tsis ntseeg mog! Nej yuav ntseeg tias, Yes Xus yog Leej Pleev, yog Tswv Ntuj Leej Tub.
    Leej twg ntseeg tias Yes Xus yog Leej Pleev, mas tus ntawd nws yug ntawm Tswv Ntuj los, thiab nws nyiam tus xeeb Leej Tub los!
    Ntseeg tau li ntawd, mas sawv daws thiaj yuav muaj ib lub siab txawj sib faib Ntuj txiaj ntsim. Lo lus hais tias, Ntuj txiaj ntsim:
    Yog tsoom neeg ntseeg sawv daws txawj sib faib Ntuj tej koob hmoov. Tuaj yeem nrog Tswv Ntuj sib pov hwm tsoom neeg nyob ua ke, kom muaj noj muaj haus sib luag. Thiab sib pab ris kev txom nyem, kom txhob cia hnyav dhau rau ib tug. Lawv ua tau li ntawd, vim lawv muaj Leej Tswv Yim lub zog los nres lawv. Ces sawv daws muaj tib lub tswv yim los sib pab sib nres sib hlub, sib mloog lus.
    Sawv daws yuav zoo ib yam li yog ib cuab ib yig tiag.
    Amen.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov ntuj rau cov nom Tswv kav teb chaws….
    3. Peb thov ntuj rau cov neeg txom nyem….
    4. Peb thov Ntuj rau cov neeg, sau npeb thiab cov peb paub …
    5. Peb thov Ntuj rau cov neeg, tuaj teev ntuj hnub no….

    -< Yaj Zoov Ntxheb X.H.>-

    Sponsored content


    XH.Zoov Ntxheb Yaj Nthuav Ntawv Ntshiab. - Page 12 Empty Re: XH.Zoov Ntxheb Yaj Nthuav Ntawv Ntshiab.

    Post  Sponsored content


      Current date/time is 18th March 2024, 8:49 pm