Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th June 2015, 6:03 am


    tim 12-06-2015.

    LUB HNUB NYUG UA HMOOV LEEJ NTUJ PLIG NQES LOS
    TAS HNUB CHIV PEB, XYOO B.Hwm  Yes Xus lub siab.




    Tsab ntawv Os Xes hais tias: { 11:1+3-4+8-9.}
    ->Tswv Ntuj hlub Nws Haiv neeg xws li Leej Txiv hlub nws Leej Tub.
    Txij hnub uas Tswv Ntuj paub tias. Txog lub caij uas Tswv Ntuj yuav xa Nws lo lus tuaj tshaj Ntuj txoj kev hlub rau lub Sim Ceeb no. Tswv Ntuj tau xaiv Haiv neeg His Xas Lais, Nws maj mam coj, kom lawv loj hlob nyob hauv Tswv Ntuj cov cai. Ua neeg thoob tsib muaj txuj txaus coj thiab ceev Tswv Ntuj cov lus  qhia kev  tsob hwb Ntuj thiab nyiam neeg.
    ->Tswv Ntuj ib txij pub kev txawj ntse, nrog Ntuj cov Yaj saub kom txawj qhuab qhia neeg raws li cov lus Tswv Ntuj tshaj tuaj rau lub Sim Ceeb no.  Kom paub thiab tos txog Leej Pleev yog Tswv Ntuj lub txiaj ntsim  ntawm kev cawm seej.
    ->Thaum txog lub hnub nyug Ntuj npaj tiav lawm, mas Tswv NTuj los hais tias:
    Kuv yog tus Tswv Ntuj Ntshiab, Kuv tsis yog neeg, Kuv yuav tsis rhuav txhua yam kev tseem ceeb kom ploj mus tas.  Txij lub hauv paus los,twb yog Kuv nrog leej tib neeg tsim tau los ua ke kom muaj.  Puav leej yog yam zoo rau neeg tau nco txog Kuv.

    Ntawv Es Fes Xos hais ntxiv tias: {3:8-11+14-19.}
    Paj Lug hais tias:
    ->Lub ntiaj teb neeg xav nrhiav txoj kev kaj siab lug!
    Txoj kev kaj siab lug no, mas tsuas muaj nyob hauv Yes Xus Pleev uas Nws tau siv Nws txoj sia los cawm lub  ntiaj teb neeg xwb.
    ->Tsom Leej Ntsiab uas  lawv tau mus nyob saum Ntuj lub Ceeb tsheej mas, lawv puav leej nrhiav tau txoj kev kaj siab lug no nyob hauv Leej Pleev kev nyiam kev hlub tuaj ntawm Leej Pleev tib leeg tuaj.
    -> Paj lug hais tias nyob hauv Tsoom Leej Ntshiab mas Paj Lug yog tus me dua cov. Los nws txaus siab hlo kim caug pe Leej Txiv Tswv Ntuj. Vin Leej Pleev tau qhia peb tias: Tswv Ntuj yog peb Leej Txiv.
    ->Ces Paj Lug thov kom Leej Txiv pub peb tsa tau peb lub siab los txawb rau saum Leej Txiv kev nyiam thiab kev hlub, kom peb tau nrog Leej txiv ua ib cuab ib yig, nplua nuj raws li Leej Tswv Yim Ntshiab  lub Peev Xwm coj peb.
    -> Paj Lug kuj tau thov kom Leej Plev nyob txawm hauv peb, Kom peb nrhau cag  nyob hauv Leej Pleev kev nyiam.
    ->Leej Pleev kev nyiam mas loj, dav tob heev uas peb neeg ntsuas tsis tau. Txoj keb nyiam ua Leej Txiv muab rau Leej Pleev, uas kom Leej Tswv Yim Ntshiab lub peev Xwm faib rau peb mas, nws nyob nrog txhua yam uas Leej Txiv tau tsim los nyob ib ncig ntawm peb.

    Ces nyob hauv Zam ntawv Moo Zoo. {19:31-37.}
    ->Yes Xus hais ntxiv tias:
    Leej Txiv nyiam peb xws li peb yog Leej Txiv ib co me nyuam. Ces peb tau ua Yes Xus cov kwv thiab cov muam. Yes Xus thiaj zoo siab cia luag nkaug Nws lub plawv, kom tuag thiaj tau ua tus nqe txhiv peb tus ntsuj plig ntawm kev ua txhaum los, muaj txoj siab nyob mus li.
    ->Tswv Ntuj yeej xub kom cov Yaj saub sau lo lus no tseg lawm tias, Sawv daws yuav ntsia tus uas luag nkaug.

    THOV NTUJ.

    1. Peb thov Ntuj rau lub Koom Txoos, Leej Tswv Yim Ntshiab, Peb thov koj coj txhua leej ua nrhiav Leej Pleev kev kaj siab lug, kom muaj ib tug cag khov paub Leej Txiv kev nyiam kev hlub zoo. Ntuj aib...
    2. Peb thov Ntuj rau cov Nom Tswv kav teb chaws, Leej Pleev muaj txoj kev kaj luag loj tas nrho. Kom cov Nom Tswv txhob nyiam tsim kev ua tsov rog. Ntuj aib...
    3. Peb thov Ntuj rau cov neeg txom nyem. Tswv Ntuj cov neeg txom nyem no muaj ntau pab:
    Cov muaj mob nkeeg, cov raug neeg ntxub, cov lam nyob lam muaj kev kho siab, cov tsis muaj hmoo, raug kev tshaib nqhis Koj mloog lawv lub suab...Ntuj aib...
    4. Peb thov Ntuj rau cov sau npe rau hauv phau ntawv, Tswv Ntuj koj mloog sawv daws zaj thov koj hnub no. Ntuj aib...
    5. Peb thov Ntuj rau cov tuaj hnub no, Tswv Ntuj koj mloog peb lub suab uas peb cev peb cov lus thov koj, koj pab kom peb hla dhau txhua yam teeb meem. Ntuj aib...



    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th June 2015, 6:18 am



    NRUAB XYOO CHIV 11 Tim 14 /6/2015.




    Ntawb Es Xes Kias hais tias: {17:22-24.}
    -Tswv Ntuj rov tsa Nws Haiv neeg His Xas Lais kom vam meej ib ib zaug ntxiv, ces yuav vam meej nyob mus li. Ntawm Tswv Ntuj lo lus Nws hais tias:
    Kuv, Tswv Ntuj yuav de lub ntsis, qhov siab tshaj plaws coj mus cog rau saum ib lub roob siab, siab.
    -Lub ntsis ntawd, thaum Nws hlob lawm mas nws yuav siab tshaj thiab loj li ib tug ntoo Vaj Khaum zoo saib.
    Tas txhua yam tsiaj, cov nkag hauv av los cov ya saum ntuj, yuav los nkaum hauv Nws tus duab ntxoo, los nws cov ceg, kom tau so los siav.
    -Ces thaum ntawd sawv daws yuav paub tias, Kuv yog Tswv Ntuj. Txawj ua kom cov ntoo qis siab tuaj. Thiab ua kom cov ntoo siab qis mus.
    Lub roob uas sawv daws saib yog ntoo qhuav lawm mas nplooj yuav rov ntsawv ua lub roob ntsuab tuaj. Hos cov roob muaj ntoo ntsuab yuav ua roob qhuav mus.
    -Tswv Ntuj xav qhia peb tias lub ntiaj teb no, muaj ib lub caij ces neeg yuav sib hloov los mus li ntawd.
    Cov muaj hmoo xub nyob rau lub roob qhua mas yuav ntsuab tuaj. Hos cov tsis muaj hmoo, lawv xub nyob rau lub roob zoov ntsuab ces lawv yuav ua lub roob qhuav.

    Tsab ntawv Kos Lis Nthos hais tias: {5:6-10.}
    -Thaum peb ua neej nyob ntiaj teb no, mas thiaj yog lub caij uas peb yuav ntseeg txog Tswv Ntuj. Thiab npaj kom muaj lub siab ntshiab kom tau mus cuag los pom Tswv Ntuj. Lub caij peb ua neeg mas peb tsis pom Tswv Ntuj.
    -Lo lus Tswv Ntuj hais no mas tseem ceeb heev, Vim tias thaum peb ua neej nyob mas, Peb lub neej nyob nrog kev ua txhaum khiav sib law sib liag.
    -Kev ua txhaum nws khiav nrog peb lub cev thiab tus ntsuj nplig nraim saib peb puas yeej los yuav nti dim xwb. Kev ua Txhaum nws puav peb tus ntsuj Plig cuag li luag xov laj kab thaiv tsiaj, los luag puav ntses los puav ib tug tsiaj kom mag tau lub vas uas luag cuab tseg.
    - Paj Lug hais tias peb txoj kev ntseeg mas niaj hnub no, peb tsuas khuam rau Huab Tais Ntuj xwb. Peb tsis tau tuav kom khov. Yog muaj cua hlob los dab tsi raug, ces peb yuav plam kiag mus li lawm.
    -Peb yuav nrhiav txhua yam ua zoo kom xis Tswv Ntuj siab. Hnub peb mus txog pem Leej Pleev lub rooj txiav txim mas tsis muaj dab tsi thaiv peb li.
    -Qhov phem thiab qhov zoo yuav nyob cuab tha lug rau sawv daws pom tseeb kawg li.

    Mas Kos ntawv Moo Zoo hais tias: [ 4:26-34.]
    -Tswv Ntuj lo lus poob rau saum lub ntiaj teb no, nws txawj txi txiv li, lub noob qoob loo poob rau hauv av, ces nws txi txiv.
    Ces Yes Xus thiaj thiaj piv tias:
    -Tswv Ntuj lub Ceeb tsheej zoo li ib tug neeg pov ib lub noob nplej rau nruab a, Tsis muaj neeg paub li, av txawj ua kom lub noob ntawd tawg ua kaus. Txawj hlob tuaj txi txiv ntau, lub noob nplej ntawd zoo pab lub ntej teb neeg daws kev tshaib nqhis.
    -Zaj lus hnub no uas Lee Pleev lub Koom Txoos tshaj, yog qhia txog Tswv Ntuj lub siab maj mam txhim Nws lub Koom Txoos zoo li lub noob qoob poob rau hauv av. Ces txawj hlob txi txiv tuaj, tab sis kev phem kev zoo muaj sib npaug.

    ZAJ THOV NTUJ.
    1. Peb thov Ntuj rau Tswv Ntuj lub Koom Txoos, Kom Leej Tswv Yim coj lub qab Ntuj neeg los nyob khov zwm rau Tswv Ntuj kev nyiamkev hlub Kom ntiaj teb neeg muaj kev kaj siab. Ntuj Aib...
    2. Peb thov Ntuj rau cov Nom Tswv kav teb chaws, Kom lawv paub tias txoj kev ua Nom ua Tswv no, tsuas yog khuam rau lub ntiaj teb no qee chim xwb txhob tsim kev kub ntxhov rau leej twg li. Ntuj aib...
    3. Peb thov Ntuj rau cov phiaj neeg txom nyem. Lub ntiaj teb no, muaj neeg zoo, neeg phem sib npaug zos. Thov koj coj nyias mus raws li nyias nyiam. Kev txom nyem thiaj tsis raug rau cov neeg tsis muaj zog. Ntuj aib...
    4. Peb thov Ntuj rau cov neeg uas hnub no lawv tuaj pe hawm Tswv Ntuj. Leej Pleev koj muab txoj kev ntseeg no los khi peb, thiab cov muaj npe sau tseg hnub no,kom nyob khov rau Koj lub Moo Zoo. Kom peb tau pom Leej Txiv kev hlub. Ntuj aib...
    5. Peb thov Ntuj rau txhua yam uas peb paub thiab muaj nyob nruab siab rau Tswv Ntuj... Ntuj aib...

    Y.Z.N. X. H.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 17th June 2015, 9:43 am



    NRUAB XYOO CHIV 12 B Tim 21/6/2015.



    Ntawv Yob hais tias: {38:1+8-11.}
    Tswv Ntuj muaj lub Hwj Huam loj xws li lub Hnub. Hos leej tib neeg zoo li lub txim taws xwb, tsis tsim nyog yuav nrog Tswv Ntuj sib cav.
    -Muaj ib zaug, Tswv Ntuj nrog Yob tham. Nws nyob hauv nthwv cua daj cua dub hais lus rau Yob tias:
    -Thaum lub hiav txwv nrov nroo ntws, ntas mus ntas los ua tej nthwv siab li tej lub hauv tsua. Tus teem kom muaj ciam teb rau dej, thiab cua nyob kom tus yees, tsis pub hla ntawd.tab tom ua hauj lwm, Koj nyob qhov twg?
    -Ib lub txim taws tawm ntawm lub cub tawg tuaj xwb, thaum lub Hnub ci tuaj, Nws qhov pom kev yuav nthuav mus deb li cas?
    Lub txim taws ntawd nrug ntawm lub cub tawg mus li ob peb tshim xwb, nws dub nciab ploj mus lawm. Mas tus pom ntawd, tsa tsis nyog ncauj los hais tias,cas lub Hnub pom kev tsis zoo.

    Tsab Ntawv Kos Lis Nthos hais tias: {5;14-17.}
    -Vim Yes Xus sawv ntiaj teb neeg lub chaw tuag. Thiab Nws rov muaj txoj sia nyob. Cov neeg ntseeg txog Yes Xus lub Moo Zoo tiag, mas lub zim txwv kawg lawv yuav muaj txoj sia tshiab.
    -Paj Lug hais rau cov Kos Lis Nthos tias:
    Leej Plev txoj kev nyiam kev hlub tuaj khaub zig peb zoo li tus Nraug Vauv tuaj taij ib tug ntxhais mus ua nws nyab.
    -Peb yuav nco ntsoov tias:
    Ib tug ntxhais mus ciaj tau ua luag nyab, vim tus Nraug Vauv muaj kev nyiam kev hlub, nws tuaj yeem thov niam txiv, kom qaib los ntshav ntsej, npua tau los ntshav ntswg. Dej caw ntws sis laub sis lug los kiav niam txiv lub xom lees, qaib npua tau sem roj sem ntshav tas. Mas tsheej tshoob kos.
    -Nco ntsoov tias, Nkauj nyab mus ua luag nyab tas lawm.
    Nkauj nyab lub xeem yuav pauv dua tshiab hu ua tsoom Pleev no. Tsis yog tsoom neeg no lawm xwb.
    Hu ua Tsoom neeg mas tsis tau hloov. Tsoom Pleev mas thiaj li hloov lawm.

    Mas Kos Ntawv Moo Zoo hais ntxiv tias: (4:35-41.)
    -Thaum peb neeg raug xwv txheej, muaj mob nkeeg. Peb tsis paub los pom Tswv Ntuj pab peb li.
    Peb xav tias, yog peb tsis ntseeg zoo los,yog Tswv Ntuj tsis nco qab pab peb lawm,puas yog Tswv Ntuj tsaug zog lawm! Yeej muaj neeg xav li ntawd.
    -Tab sis Yes Xus tsis hais li ntawd. Nws hais tias:
    Ua cas nej ntshai ua luaj, thiab nej tsis ntseeg li! Tswv Ntuj tsis yog pab cov neeg ntseeg txog lub Moo Zoo xwb. Txij thaum ntuj tsim teb raug los txog niaj hnub no. Tswv Ntuj suav tau tas nrho, cov kev pab cuam uas, Ntuj tau pab peb cov poj yawm txwv koob, peb tej niam tej txiv, peb cov kwv tij txheeb ze tib si. Los nrog rau peb txheej no, ua niaj hnub Ntuj tseem pab qees.
    -Hauv peb lub neej txhua yam kev tus siab nrog kev mob nkeeg, kev poob tsag Tswv Ntuj nyob nraim hauv txhua yam teeb meem, peb thiaj tsis puas tsuaj tau.

    THOV NTUJ.
    1. Peb thov Ntuj rau lub Koom Txoos. Kom Leej Tswv Yim Ntshiab coj tsoom ntseeg lub Moo Zoo tso siab lug rau Ntuj kev saib xyua txhua tus lub neej. Ntuj aib...
    2. Peb thov Ntuj rau cov Nom Tswv Kav teb chaws. Tswv Ntuj twb nrog txhua pab Nom Tswv kom muaj kev ua neeg thoob tsib to nrog, kom lawv txawj hlub cov ua pej xeem ua neej nrog lawv kev tswj hwm. Ntuj aib...
    3. Peb thov Ntuj rau cov neeg txom nyem, uas muaj neeg tsis paub tab tau yuam thiab saib tsis taus, ces muaj ua ywj fab ywj fwj thiaj muaj ntau pab neeg txom nyem. Ntuj aib...
    4. Peb thov Ntuj rau peb Haiv Hmoob kom Leej Tswv Yim coj tej tus neeg tseem ceeb nyob hauv peb Haiv Hmoob los ua Yes Xus Thwj Tim mus ntxiv tom ntej no. Ntuj aib...
    5. Peb thov Ntuj rau peb cov tuaj pe hawm Tswv Ntuj hnub no, Leej Tswv Yim thov koj qhib peb lub siab. Kom peb to taub Tswv Ntuj lub Tswv Yim dawb huv nyiam peb. Ntuj aib...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th June 2015, 9:37 am



    NRUAB XYOO CHIV 13 B Tim 28/6/2015.



    Tsab Ntawv thoob tsib hais tias: { 1: 13-15+2: 23-25+3: 1.}
    Tswv Ntuj tau tsim neeg los zoo xwb. Ntau zaus neeg raug kev txom nyem kev poob tsag los raug txhua yam kev tu siab, yog vim neeg cov txhaum coj neeg mus ntsib txoj hmoov phem.
    -Tswv Ntuj Ntawv thoob tsib hais tias:
    Tswv Ntuj tsis tau tsim txoj kev tuag los rau neeg.  Thaum Tswv Ntuj pom neeg txoj sia ploj ntais lawm, mas Tswv Ntuj tsis zoo siab.
    -Tswv Ntuj tau tsim los kom txhua yam muaj txoj sia nyob mus li xwb muaj tej yam txawj hloov tab sis tsis yog tuag. Txhua yam yeej xav  kom tau nyob zoo mus li xwb.
    -Neeg yuav tsum lees paub, ib txwm txoj kev tuag tsis yog Tswv Ntuj tug uas  yuav zoo muab tso rau leej twg!
    Thaum Tswv Ntuj tsim neeg los,mas tsis muaj dej tshuaj lom neeg kom tuag mus nyob rau hauv li.
    -Txoj kev tuag kuj tsis ua Vaj kav lub ntiaj teb no thiab. Vim tias cov neeg ncaj ncees, lawv yuav tsum muaj txoj sia nyob mus li raws li Tswv Ntuj tau tsim los uas tsis muaj kev tuag kev lwj.
    -Tswv Ntuj thiaj tau tsim neeg los xws li Tswv Ntuj tus duab thiab Ntuj lub Meej Mom Meej Yim ntawd.
    -Vim Xas Tas muaj kev khib rau leej tib neeg, ces txoj kev tuag thiaj  tuaj txog lub ntiaj teb no, kom coj tau neeg mus zwm rau Xas Tas kev khib.
    -Muaj ib lub caij mas neeg sawv daws yuav pom qhov ntawd tseeb.
    Vim cov neeg siab ncaj mas lawv cov ntsuj plig nyob hauv Tswv Ntuj txhais tes tib si lawm. Lawv yuav tsis raug xwv txheej li.

    Tsab ntawv Ob Kos Lis Nthos hais tias: {8:7-9+12-15.}
    -Yes Xus zoo siab muab nws txoj sia los cawm sawv daws. Phim cov neeg ntseeg yuav sau ib co nyiaj los pab cov neeg pluag.  Cov neeg pluag mas yog cov uas Tswv Ntuj paub lawv, tsis yog tus uas peb paub.
    -Txoj kev sau nyiaj tsis yog lub Koom Txoos tsim los ua kev nplua nuj txhim tsa lub Koom Txoos.
    -Peb mloog Paj Lug hais tias:
    Neeg ua yam twg mas neeg twb txawj ua zoo tas nrho.
    Ua li mas tsis hais kev ntseeg los lwm txoj kev li. Peb sawv daws yuav rov sib ua zoo, nyob hauv peb kev ntseeg los kev paub tab paub cai txawj hais lus, txawj ua hauj lwm. Mas peb yuav nco ntsoov tias Sawv daws kev ua neeg thoob tsib tsis sib xws.
    a.Ib cov lawv yeej muaj tswv yim tsis puv plab. Pab tsis tau nws tus kheej.
    b.Ib co lawv nyob rau tej qhov chaw  ua tsis tau dab tsi li.
    c. Ib co lswv muaj tswv yim puv nruab cev, tsis muaj cai tsim dab tsi hlo li thiab.
    d. Ib co lawv raug yuam los ntawm tej cai kov tsis tau dab tsi li los.
    e. Cov nyiaj txiag lub Koom Txoos  hais kom peb sib sau los mus tau pab cuam ces yog mus ua cov hawj lwm rau tej tus los tej yam li no ntag.
    -Kuj muaj tej kev ntseeg yuav loj hlob tuaj kuj yuav muaj tib neeg mus hais lus, yuav muaj ntaub ntawv qhia thiab qhib neeg qhov muag pob ntseg ces mam tawg paj txi txiv los ntawm tsoom ntseeg kev sib pab cuam los mus li no.
    -Txhob xav tias yus twb txom nyem tseem yuav sau nyiaj thiab.  Sawv daws pab li Koj lub peev xwm xwb. Tswv Ntuj paub zoo. Tsis yog kev cog lus tias, yuav tsum muab npaud.
    -Peb yuav zoo siab tias txhua yam yog kev tsim koob hmoov los ntawm cov ntseeg los. Yog sawv daws li, tus pab ib puas nws kuj tawg paj txi txiv. Tus pab ib cent xwb nws kuj tawg paj txi txiv tau tib yam.

    Mas Kos Ntawv Moo Zoo hais tias: { 5:21-43.}
    -Yes Xus ua hwj huam yees ntxwv, tsis yog ua kom luag qhuas. Yes Xus ua vim Nws hlub cov neeg txom nyem.
    Yes Xus tau muab cov neeg txom nyem lawv kev ntseeg thiab kev tso siab los ntaus nqi ua qhov tseem ceeb.
    Yes Xus tsis tau hais ib zaug li tias:
    Kuv kho koj zoo lawm, koj mus tau lawm lauj! Yes Xus hais tsawg zaus los Nws hais tias:
    Koj lub siab ntseeg cawm tau koj lawm, Koj sawv es koj rov mus mog, no xwb.
    -Peb cov neeg ntseeg txog Yes Xus Pleev. Muaj ib zaug twg mas peb sawv daws yuav tau hnov los lus tias, Koj lub siab ntseeg cawm tau koj lawm.
    a.-Ib txhia Yes Xus teb kiag rau thaum lawv thov ntawm Yes Xus, uas lawv tab tom  muaj mob.
    b. Ib txhia Yes Xus yuav teb rau thaum zoo caij zoo nyug xwb Nws mam teb.
    c.Hos ib txhia Yes Xus tos  txog lub caij  ua lawv yuav tau mus pom Tswv Ntuj lub Hwj chim. Yes Xus mas hais tias, koj lub siab ntseeg cawm tau koj hnub no lawm.
    d. Saib zoo li tus tub sab dai saum ntoo cuam nrog Yes Xus ntawd, Yes Xus teb rau nws tias kuv hais tseeb rau koj, hnub no koj yuav tau nrog kuv nyob pem Ntuj lub nras lom zem.

    ZAJ THOV NTUJ.
    1. Peb thov Ntuj rau Tswv Ntuj lub Koom txoos, Leej Txiv thiab Leej Tub, thov neb tso cai rau Leej Tswv Yim, coj txhua tus neeg kom to taub Tswv Ntuj lub siab zoo. Ntuj aib...
    2, Peb thov Ntuj rau cov phiaj Nom Tswv kav teb chaws, tsis hais haiv twg li, kom cov nom tswv muaj lub siab txhim lub teb chaws nyob hauv Ntuj keb nyiam kev hlub. Ntuj aib...
    3. Peb thov Ntuj rau cov neeg txom nyem, Tswv Ntuj neeg plooj siab ntsws tsis sib xws, muaj qee leej txom nyem, vim lawv tsis tau kev khwv. Hos qee leej kuj vim lawv xav sim ntuj thiab sim neeg lub siab. Koj kho qhov ntawd rau. Ntuj aib.
    4. Peb thov Ntuj rau cov neeg muaj mob nkeeg. Cov pw tsev thuaj, cov nyob hauv vaj tse, cov tuaj ntawm no,thiab cov sau npe rau hauv phau ntawv. Tswv Ntuj koj mloog zaj lus peb taij no.  Ntuj aib...
    5. Peb thov Ntuj tau cov neeg tuaj ntawm no Tswv Ntuj thov koj qhib peb pob ntseg, qhib peb lub siab, kom peb to taub Leej Pleev txoj kev cawm neeg, yog dab tsi tiag.  Ntuj aib...


    Yaj Zoov Ntxheb Xib Hwb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th June 2015, 9:40 am



    TIM 29 RAU HLI 2015 HWM POB ZEB PAJ LUG.




    Lub Txoos no, xav rub los rau hnub chiv nruab xyoo tim 13 ntawd los tau. Yog xav kom tsoom ntseeg hnov thiab paub.

    TSAB NTAWV HAUJ LWM Hais tiaas: {12:1-11.}
    Vim Pob Zeb tshaj Ntuj lus,ces Nws raug luag muab nws kaw tsev loj faj. Pob Zeb tau kev tshaj Ntuj lus mus txog hnub Luag muab nws dai saum ntoo cuam.
    -Ntawv Hauj lwm hais ntxiv tias:
    Tus Vaj Hes Los kav Los Mas teb, xav Hiam Lub Koom Txoos cov neeg ntseeg. Nws muab ntaj los txiav tus Hauv Paus Xa lus Yas Kos caj dab. Nws pom cov His Xas Lais zoo siab heev.
    -Ces nws tso tub rog mus ntes Pob Zeb los kaw tsev Loj Faj, Nws yuav tab meeg muab Pob Zeb txiav txim rau tsoom pej xeem saib.
    Hmo ntawd, ib sij huam, Tswv Ntuj tus Tshiab  tuaj coj Pob Zeb tawm hauv tsev Loj Faj mus.
    Cov hlua khi Pob Zeb tes plam tas, ntawm ob tug tub rog. Ob txheej qhov rooj hlau, lub tsev Loj Faj thiab lub nroog qhib tas. Ntuj tus Tshiab coj Pob Zeb los txog ib txoj kev. Ces Ntuj tus Tshiab cia li ploj lawm.
    Ces Pob Zeb mam paub tseeb tias: Ntuj tuaj tso Pob Zeb dim ntawm Hes Los txhais tes tawm los.

    HOS NTAWV TIS MOS TES OB hais ntxiv tias,4:6-8+17-18.
    Paj Lug tau cev Nws txoj sia rau Tswv Ntuj xws li cev ib cov los Txim Txi Ntuj.
    -Paj Lug lo lus hais tias:
    Zaum no, txog lub caij uas KUV YUAV HLIV KUV ROJ NTSHA LOS TXI NTUJ!  Tas kuv sid, kuv tau ua ib ntsug zoo rog.  Kuv tau khiav mus txog chaw lawm. Qhov ntawd, yog kuv nyob RUAJ HAUV TXOJ KEV NTSEEG.
    Tswv  Ntuj tau npaj ib lub mom nyiaj mom kub phim txoj kev ncaj rau kuv.
    Huab Tais tsis yog muab rau kuv xwb. Nws yuav muab rau Tsoom nyiam Nws tib si.
    Kuv qhuas txog Huab Tais, vim Nws muab nws lub zog rau kuv. Kom kuv muaj peev xwm tshaj lub Moo Zoo mus cov neeg teev Pej Kum Dab pob ntseg.
    Huab Tais tau npo kuv dim ntawm ncauj Zag Tsov Lo los.
    -Paj Lug hais txog Ncauj Zag Tsov Lo= {Yog hais tias Yeej kev ua txhaum lawm.} Tus poob rau kev ua txhaum ces cuag li tus tsiaj raug Zaj nqos, los mag Tsov tom mus lawm.

    MAS TAIS NTAWV MOO ZOO hais ntxiv tias:[16:13-19.]
    Yes Xus vam txog neeg, kom tau nrog Nws ua hauj lwm,cawm lub ntiaj teb neeg. Yes Xus thiaj Xaiv tej tus neeg pab Tsoom sid sib haum xeeb.
    -Ces Yes Xus thiaj nug cov Thwj Tim tias:
    Raws li teb chaws hais, Leej Neeg tus tub yog leej twg?
    Tej tus hais tias, Lawv hais tias, yog Zam Ntxuav plig, los  yog Es Lis, tseem muaj cov hais tiasyog Yes Les Mias no thiab.
    Yes Xus nug cov thwj Tim tias, ua li Nej ne, Nej hais tias kuv yog leej twg?
    Pob Zeb Txais nkaus hais tias,Koj yog Leej Pleev tus tswv Ntuj muaj txoj sia leej tub.
    Ces Y.X. teb tias, Xis Moo Yos Nas tus tub,koj txoj hmoov zoo. Qhov koj hais no tsis yog nqaij thiab ntshav qhia koj!
    Yog Kuv txiv nyob saum ntuj qhia koj. Koj yog Pob Zeb, Kuv yuav txhim Kuv lub Koom Txoos nyob saum lub Pob Zeb no. Dab phem cov Rooj Loog yuav tsis yeej lub Pob zeb no.
    Ntuj cov yawm sij kuv muab rau koj. Koj khi yam twg nyob ntiaj teb no, Ntuj saib yog khi nyob saum ntuj.  Hos koj daws yam twg nyob ntiaj teb no, Ntuj kuj saib yog daws nyob saum ntuj.
    Peb yog haiv neeg muaj txoj hmoov zoo uas Paj Lug xa Lub Moo Zoo, tuaj txog peb pob ntseg.
    Peb yuav lees paub tias nyiam no tsuas muaj tib lub Koom Txoos uas Yes Xus tsa nyob saum lub Pob Zeb ntawd. Thiaj muaj cai  daws teeb meem nyob ntiaj teb no tau.
    Yog Lub Koom Txoos  Muaj cov Vaj qhia sib hloov txij  hnub Haiv neeg Los Mas txiav txim rau Pob Zeb dai saum ntoo cuam los txog niaj hnub no. Yog lub Koom Txoos Ka Tau Liv.
    Yes Yog Tswv Ntuj lo lus, Nws yeej paub tias ntiaj teb neeg sawv daws yog neeg muaj txhaum.  Tsis hais tus ua txhaum loj los txhaum me, tsuav  yog tig los khaub zig lub Pob Zeb uas muaj Ntuj cov yawm sij ntawd ces nws cov txhaum yuav daws tas.
    Vim tias kev ua txhaum tuaj ntawm Dab Phem cov rooj loog tuaj. Ces nws yuav tsis muaj cai yeej lub pob Zeb ntawd.
    Peb yuav rau siab xav thiab mloog nraim raws li Yes Xus lub Pob Zeb muaj Ntuj cov yaum sij xauv thiab daws ntawd.  Amen.


    ZAJ THOV NTUJ.

    1. Peb thov Ntuj rau Tswv Ntuj lub Koom Txoos uas nyob saum lub Pob Zeb ntawd, Yog pib ntawm Pob Zeb thiab Paj Lug los. Leej Tswv Yim Ntshiab thov pab kom peb txhob ncaim ntawm lub Pob Zeb uas Yes Xus pleev tau tas tseg rau peb no. Ntuj aib...
    2. Peb Thov Ntuj rau Cov Nom Tswv Kav teb chaws, Tswv Ntuj cov Nom tswv Yeej ib txwm xav hiam lub Koom Txoos, puag  thaum  Hes Los Hiam Pob Zeb lawv los. Thov koj qhia lawv lub siab. Ntuj aib...
    3. Peb thov Ntuj rau cov neeg  txom nyem, Tswv Ntuj thov koj coj txhua tus neeg kom txawj ua siab tawv tiv kev iab kev khwv, lawv thiaj tsis hnov  tias lawv txom nyem  heev.  Ntuj aib.
    4. Peb thov Ntuj rau cov neeg muaj mob nkeeg, cov pw tsev tshuaj. cov nyob hauv vaj tse, thiab cov tuaj ntawm no. Tswv Ntuj koj khuv leej cov neeg ris kev mob kev nkeeg no thiab.  Ntuj aib.
    5. Peb thov Ntuj rau peb txhua tus tuaj ntawm no,peb tau hnov Tswv Ntuj lo lus, kom coj peb to taub ua peb lub neej nrog kev tso siab raws nraim Ntuj cov yawm sij qhib rooj ntug. Ntuj aib...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd July 2015, 7:01 am



    NRUAB XYOO CHIV 14 B Tim 5/7/2015.




    *Ntawv Es Xes Kias hais tias: {2:2-5.}
    Ib tug neeg ntseeg txog Tswv Ntuj, nws yuav tsum ua Tswv Ntuj ib tug tim khawv, hais txog lub Moo Zoo. Vim tias tas txhua yam nyob hauv lub Moo Zoo, yog Tswv Ntuj cov lus. Nrov ntawm Tswv Ntuj Leej Lo Lus lub ncauj tuaj.
    Thaum Tswv Ntuj Lo Lus nyob nrog ib tug neeg, Mas nws yuav hnov tej lub suab nrov hauv nws nruab siab tias:
    Neeg cov tub thiab cov ntxhais, Kuv yuav xa nej mus cuag ib pab neeg ntxeev siab, niaj hnub tiv Tswv Ntuj.
    Lawv tsis paub tias, txij lub hauv paus los, lawv phaj txiv phaj yawg muaj ib lub siab txhav, lem cees tsis xav ntseeg ntseeg txog Tswv Ntuj kev nyiam kev hlub.
    Lawv tseem xav li qub tas zog, Nej ntseeg lawm mas nej yuav ua tim Khawv,rau cov neeg nrog nej nyob, lawv nyiam thiab tsis nyiam los xij, Sawv daws yuav tsum paub tias, Tswv Ntuj lub siab hlub neeg nyob nruab nrab nej sawv daws.

    *Tsab Ntawv Kos Lis Nthos hais tias: {12: 7-10.}
    Nyob hauv tus hauv paus xa lus Paj Lug, mas nws lub siab muaj ib tug saus chob rawv, kom mob xws li ib tug pos chob, nws cov nqaij. Peb tsis paub tias, yog dab tsi!
    Lo lus hais tias tus Saus chob Paj Lug lub siab lub cev ntawd:
    Yog txoj kev tshaj Ntuj lo lus. Yog tias Paj Luag tsis tshaj Yes Xus lub Moo Zoo rau neeg hnov mas nws nyob tsis taus li. Thaum Paj Lug tshaj Lub Moo Zoo tas ces nws lub siab nyob tus lawm.
    Peb li, mas yog peb ntseeg tiag, mas peb yuav zoo siab tshaj lub Moo Zoo rau luag hnov thiab. Ib tug neeg ntseeg Ntuj mas Tswv Ntuj kheev kom Xas Tas ib tug dab tuaj niaj hnub ib ncuav pias rau peb tsis tseg.
    Kom peb lem mus saib txhua yam kev yooj yim, uas koj tsis khwv ua ces tau dawb los. Xas Tas tus dab ntawd nws nyiam kom peb ntaus ib lub cim tias kuv nyiam ua neeg phem ces txhua yam kuj yuav tau dawb los.
    Nws kuj yog ib yam uas Xas Tas ua hauj lawm yooj yim thiab. Vim nws rub tau neeg tus ntsuj plig mus zwm rau Xas tas lub ntuj tawg sai thiab yooj yim, Xas Tas xav ua kom neeg txoj sia luv dua tuaj, Vim Xas Tas ntshai tsam neeg paub txog Tswv Ntuj zoo lawm.
    Tos Paj Lug hais tias zoo li tus saus chob lub siab thiab lub cev:
    Txoj kev tshaj Ntuj lus yog lub zog tuaj ntaws Leej Pleev tuaj tias, Txhob mus yoog ntiaj teb kev yooj yim sai li ntawd. Tswv Ntuj Lo Lus twb tuaj ceeb toom tias,Tswv Ntuj pub txiaj ntsim rau neeg ntiaj teb kom txawj sib nyiam sib hlub, nws tau xa Lo Lus ntawd,tuaj nyob nruab nrab ntawm ib pab neeg lawm. Kom sawv daws xyaum sib zam txog tej lus siab lus qis ntawd tib si.
    Leej Pleev lo lus muaj zog kawg, Tus ua Tim Khawv, thaum nws raug kev txhawh xeeb. Nws vam txog Leej Pleev ces nws yuav tsis ceeb laj rau neeg tej kev thuam kev ntxub.

    *Mas Kos ntawv Moo Zoo hais tias: {6:1-6.}
    Yes Xus cov lus yog lus nyiaj lus kub. Tab yog koj niaj hnub hnov lawm, los koj yuav tsum qhuas mus li. Xws li pab neeg uas lawv tau qhuas ntawd tias:
    Ua li cas,Nws cov lus thiab cov hwj huam Nws ua ntawd,
    Yuav thoob tsib ua luaj. Nws tau qhov twg los?
    Vim Yes Xus cov lus txawj qhib tus neeg xav mloog nruab siab kom to taub txog Tswv Ntuj cov txiaj ntsim thoob tsib ntawd.
    Yes Xus paub tau hauv neeg nruab siab ces Nws hais tias:
    Ib tug Yaj Saub mas tsuas yog nws cov kwv tij thiab cov neeg nrog nws nyob ib zog thiaj tsis ntseeg txog nws. Ces Tus Yaj Saub mam li raug neeg thuam thiab ntxub nws xwb.
    Tej lusYes Xus hais no mas tab tom yog hais rau peb sawv daws kom peb tsim dheev los. Vim tias peb nyiam mloog tej lus paj lus cua tsis tseeb uas los yooj Yim rau peb nruab siab.

    ZAJ THOV NTUJ.

    1. Peb thov Ntuj rau lub Koom Txoos. Kom cov Phiaj neeg ntseeg, txawj ua Yes Xus cov tim khawv, thiab paub qhuas txog Tswv Ntuj lub txiaj ntsim. Ntuj aib...
    2. Peb thov Ntuj rau cov NomTswv kav teb chaws. Kom lawv paub Tswv Ntuj kev nyiam kev hlub. Kom lawv txawj qhib tej txoj kev ncaj ncees rau pej xeem huab hwm taug. Ntuj aib...
    3. Peb thov Ntuj rau cov neeg txom nyem, cov muaj mob, cov muaj kev txhov siab, cov raug neeg ntxub los neeg thuam, cov raug kev tshaib kev nqhis ,cov sau npe hnub no Kom Tswv Ntuj ntsia txog lawv thiab. Ntuj aib...
    4. Peb thov Ntuj kom Ntuj nco txog peb haiv Hmoob. Hu Hmoob tej tub thiab tej Ntxhais los ua Tswv Ntuj tes hauj lwm tshaj Lub Moo Zoo. Ntuj aib....
    5. Peb thov Ntuj rau cov tuaj Teev Ntuj hnub no. Tswv Ntuj koj pub kom peb txawm mloog koj tej lus muaj txiaj ntsim no. Peb lub siab thiaj raws nraim Leej Tswv Yim coj peb. Ntuj aib...

    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 8th July 2015, 10:22 am



    NRUAB XYOO CHIV 15 Xyoo B Tim 12/07/2015.



    Ntawv As Mos hais tias: {7:10+12-15.}

    Ib tug neeg cev Ntuj lo lus rau zeej Tsoom mloog, mas nws yuav ua zooj li yog ib tug neeg siab loj. Nws yuav saib tias, nws tsis yog neeg xa nws tuaj. Hos yog Tswv Ntuj xa nws tuaj.
    Vim tias Tswv Ntuj xav pub lub txiaj ntsim muaj nqes rau Ntuj Haiv neeg. Ces Ntuj thiaj xaiv nws. Tus neeg uas raug Tswv Ntuj txib lawd, mas nws yuav coj ib lub siaj loj li tus Yaj Saub As Mos:
    Thaum As Mos raug tus Leej Choj nyob hau tus Vaj lub Tuam tsev teev Ntuj thuam As Mos tias:
    Niag tsom hauv nruab yeeb. Ntawm no yog tus Vaj lub tsev teev Ntuj thiab nws lub teb chaws. Koj khiav mus ua Yaj saub thiab mus noj mov nyob Yus Das teb, thiab mus ua Yaj Saub nyob tid.
    Ces As Mos hais tias, Kuv ib txwm tsis yog Yaj Saub, thiab tsis tau ua dua Yaj Saub thwj tim. Kuv yog neeg zov Yaj thiab cog ntoo xwb.
    Yog Tswv Ntuj xa kuv tuaj qhuab qhia tus Vaj uas yog Tswv Ntuj haiv neeg His Xas Lais.Vim Tswv Ntuj twb tau nrog lawv cov yawg koob sib cog lus los lawm.

    *Tsab ntawv Es Fes Xos hais ntxiv tias: {3:3-11.}
    Txij thaum Tswv Ntuj tsim lub ntiaj teb los, thiab Tswv Ntuj npaj kom neeg xeeb los, mas tswv Ntuj Ntuj yeej npai kom neeg zwm rau Yes Xus uas yog Leej Pleev.
    Ces Paj Lug thiaj hais tias:
    Kuv cav lus zoo txog Tswv Ntuj ua yog peb sawv daws,tus Huab Tais Pleev Leej Txiv. Vim Nws tau foom lus zoo rau peb neeg lub Tswv Yim, kom tau nyob hauv Leej Pleev, nyob saum ntuj.
    Txij thaum tsis tau muaj lub sim Ceeb Tswv Ntuj twb xaiv li ntawd lawm. Kom peb tau nyob hauv Leej Pleev thiab tau ua neeg ntshiab huv, tsis lo txhaum. Nyiam no peb thiaj tau nyob hauv Nws.
    Nyob hauv Yes Xus Pleev tus zoo nyiam tas nrho ntawd. Peb tau ntsib Leej Txiv lub txiaj ntsim uas Nws Leej Tub siv Nws cov roj ntsha, los txhiv peb ua neeg dawb huv.
    Leej Txiv txoj kev nyiam, lub peev xwm xav kom tas txhua yam nyob saum ntuj thiab nyob ntiaj teb no rov los zwm rau tib tug Tswv xwb, yog Leej Pleev.
    Cov uas Leej Txiv Tswv Ntuj pom zoo uas Nws xub qee los, yog peb neeg ntiaj teb. Neeg ntiaj teb yog yam uas Tswv Ntuj xub hom tseg ntxov los lawm
    Cov tsis tau los zwm rau Leej Pleev mas muai ib lub caij lawv yuav muaj kev tu siab loj, Vim lawv twb raug Leej Txiv hom ua ntej los lawm.

    *Mas Kos ntawv Moo Zoo hais tias:{ 6:6-!3.}

    Yes Xus hais rau Cov Thwj Tim tias, tus ua tub tshaj Ntuj lus , mas nws yuav tsis txhob nqa ntau yam. Thawj yam uas tus tshaj Ntuj lus yuav npaj, yog Tswv Ntuj cov lus.
    Thaum Yes Xus xa Nws cov thwj Tim mus tshaj Ntuj lus, Nws pub hwj huam rau lawv kom ntiab tau cov Dab Tsis huv.Yes Xus qhia kom txhob nqa dab tsi, txhob qhwb xim nyiaj ntawm duav siv.
    Yes Xus tsuas qhia kom lawv nrig ib tug pas nrig xwb, Yes Xus haisntxiv tias, nej mus txog lub tsev twg mas, nej nyob hauv lub tsev ntawd,mus txog hnub rov los. Yog lub tsev neeg ntawd tsis txais thiab tsis mloog nej mas hnub nej rov los,nchos cov plua av lo taw tseg ua tim khawv txiv txim rau lub tsev ntawd.
    Yog cov plua av twb txawj ua tim khawv txiav txim. Mas neeg lub pob ntseg thiab lub tswv yim yuav ua dab tsis thiab?
    Vim tias lub pob ntseg yog tus hnov, lub tswv yim ua tus tsis kas txais. Zaum no ho yog zoo li peb ne! Cia nyias paub nyias mas zoo dua, txhob tib rau pob ntseg los lub Tswv Yim.Tas txhua yam sib koom nyob hauv lub cev tib si lawv hauj lwm.
    ZAJ THOV NTUJ.
    1. Peb thov Ntuj rau lub Koom Txoos. Leej Txiv koj tau xaiv thiab tsa lub Koom txoos kom muaj Leej Pleev lub Hwj Huam thiab lub peev xwm ntiab tau cov Dab tsis huv. Koj txuag cov tub tshaj Ntuj lo lus uas koj xaiv lawv los. Ntuj aib...
    2. Peb thov Ntuj rau cov NomTswv kav teb chaws, Kom Cov Nom Tswv txawj hwm Leej Pleev cov Tim Khawv, tshaj Ntuj lus nyob thoob qab ntuj khwb. Ntuj aib...
    3. Peb thov Ntuj rau cov neeg txom nyem, kom cov neeg muaj mob,pw tsev tshuaj,cov nyob tsev loj faj, cov nyob hauv lawv vaj tse, cov tuaj ntawm no, thiab cov sau npe rau phau ntawv qhia Tswv Ntuj,Thov pab kom lawv txawj tiv kev txom nyem hauv lawv kev iab kev khwv ntawd, Ntij aib...
    4. Peb thov Ntuj rau tej yam uas koj pom nyob hauv koj nruab siab.... Tswv Ntuj thov Koj mloog cov zaj peb cev rau koj no thiab . Ntuj aib...
    5. Peb thov Ntuj rau peb cov tuaj sib sau hnub no.Tswv Ntuj Koj twb xaiv peb lawm, thov koj txuag peb kom tau nyob hauv Leej Pleev lub txiaj ntsim uas Nws khuv leej peb, Ntuj aib...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 16th July 2015, 3:13 am



    NRUAB XYOO CHIV 16 Xyoo B Tim 19/7/2015.



    Ntawv Yes les Mias hais tias: {23:1-6.}
    Luv Zim Txwv no, muaj coob leej neeg coj Tswv Ntuj npoj Yaj tsis zoo. Tswv Ntuj thiaj tso Yes Xus tuaj ua Piv Txwv kom sawv daws paub, thiab xyiv fab coj Tswv Ntuj pab Yaj.
    Tus Yaj Saub Yes Les Mias hais Tswv Ntuj lo lus muaj li no:
    Coc neeg zov Tswv Ntuj cov Yaj nyob hauv Lub tshav zaub. Lawv cia Tswv Ntuj pab Yaj no, tuag los tawg tas mus ua lwj ua liam.
    Mas cov Tswv ntawd lawv txoj hmoov yuav phem mus. Tswv Ntuj lo lus hais li tias:
    Tas txhua tus ua Tswv coj kuv Haiv neeg. Nej muab cov Yaj cais thiab faib kom lawv sib ncaim, mas yog txoj kev ua kom pab Yaj, los Neeg mus poob zoo. Lub caij kuv tuaj ntsib nej los nej tau ntsib Kuv mas nej txoj hmoob yuav phem.
    Cov Yaj uas lawv tseem ua cov poob zoo,tsis raug hma tom mas Kuv yuav coj lawv rov mus nog zaub rau lub tshav muaj zaub mos. Kuv yuav tsa dua tej tus Tswv saib lawv,
    Kwv Tij, Tswv Ntuj tau hais Nws cov lus tseem ceeb kawg rau peb. Cov ua Thawj Neeg, los cov Ntseeg sawv daws tib si. Peb sawv daws yuav coj li Yes Xus tus piv txwv uas muaj Tswv Ntuj kev nyiam kev hlub nyob hauv, raws li Leej Ntuj Plig qhia nyob rau peb nruab siab.
    Ntawm cov neeg ntseeg txhua leej, los yuav txawj tsom tias, tus zoo Tswv Zov Yaj no, yog leej twg. Tsis txhob ua neeg ywj fab ywj fwj, tsim teeb meem rau yus tej phooj ywg, ces sib tawm tsam, khiav mus nyob rau lwm pab lwm pawg.
    Tswv Ntuj hais meej thiab tseeb tas nrho tias, Koj ua li ntawd, lub caij koj ntsib kuv ces yog lub cais koj txoj hmoov phem los txog.

    *-Paj Lug hais rau cov neeg Es Fes Xos tias:{ 2:13-18.}

    Neeg ntiaj teb, yeej xav sib faib mus ua ntau pab, kom muaj kev sib ntxub. Tab sis Yes Xus sau sawv daws los nyob ua ke, ua ib cuab ib yig nyob hauv Yes Xus lub cev.
    Paj Lug hais rau cov Es Fes Xos tias, nyiam no:
    Nej paub Yes Xus lawm,ces nej yuav nyob txawm hauv Leej Pleev.Yav thaud nej tsis paub Leej Pleev mas nej nyob deb Nws. Hos nyiam no, peb nyob ze Leej Pleev lawm. Vim Nws cov roj ntsha, tau pub txoj kev thaj yeeb rau ntau hais neeg los koom ua ib Haiv neeg loj nyob hauv Leej Pleev.
    Nws tau muab Nws lub cev los ua ib hauv tshuaj ntxuav peb kev sib ntxub tas lawm. Txij no mus,cov nyob ua txij ua nkawm, cov ua kwv ua tij, cov ua niam tub txiv tub. Nej txhob muab Leej Pleev kev thaj yeeb los siv ua nej kev sib ntxub thiab sib ncaim mus ntxiv lawm.
    Leej Pleev kev thaj yeeb Ntuj tsuas qhia los kom ua neeg sib raug zoo xwb. Neeg txhob muab los siv ua kev sib , ntxub sib ncaim, vim Leej Pleev tau thov kom Leej Txiv xa Leej nplij neeg tuaj nrog neeg ntiaj teb nyob kom tau coj neeg los koom nrog Tswv Ntuj ua ib cuab ib yim nyob hauv Tswv Ntuj.

    Mas Kos Ntawv Moo Zoo hais ntxiv tias:{ 6:30-34.}

    Yes Xus cov Hauv Paus Xa lus tsis coob, Tab sis lub qab ntuj neeg tuaj coob kawg tuaj cuag lawv. Yes Xus thiaj txaus siab tso Leej Ntuj Plig tuaj qhia cov Hauv Paus Xa lus .
    Yes Xus saib neeg ntiaj teb no zoo li yog ib pab Yaj tsis muaj tswv. Nws xav kom cov neeg ntseeg. Cov ntseeg thiab cov ua thawj neeg sib raug zoo. Kom sawv daws nyob tau ua ib npoj li muaj ib tug ua Tswv saib .muab lawv nog zaub rau ib thaj muaj zoo tshav zaub mos rau sawv daws.

    ZAJ THOV NTUJ.
    1. Peb thov Ntuj rau lub Koom Txoos. Kom cov thawj neeg txhob ua neeg muab hlob, Tswv Ntuj kev thaj yeeb thiaj hlob nthuav mus txog cov neeg txom nyem uas Ntuj tos lawv. Ntuj aib...
    2. Peb thov Ntuj rau cov NomTswv kav teb chaws, kom lawv paub tias, kev ua Nom coj sawv daws tsis yog kawg rau Nom xwb. Muaj Qaum Ntuj hwj huam peev xwm nyob hauv. Kom tej nom Tswv txob ua neeg khav theeb. Txawj txo hwj chim kom haum cov neegt me. Ntuj aib...
    3. Peb thov Ntuj rau cov neeg txom nyem. Cov muaj mob nkeeg, uas pw tsev tshuaj, los tom vaj tse, thiab cov tuaj ntawm no. kom sawv daws muaj Tswj Ntuj kev thaj yeeb. Los nres sawv daws kev txom nyem. Ntuj aib...
    4.Peb thov Ntuj rau peb sawv daws cov tuaj ntawm no. kom peb sib raug zoo nyob hauv Tswv Ntuj kev thaj yeeb, txhua fab kev sib nyiam sib hlub, kom haum li Tswv Ntuj yim neeg ntshiab bsib txoo nyob ua ke. Ntuj aib...
    5. Peb thov Ntuj rau yam muaj nyob hauv S.D nruab siab. Ntuj aib..

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 23rd July 2015, 8:07 am



    NRUAB XYOO CHIV 17 B Tim 26/7/ 2015.




    Tsab ntawv 2 Vaj {4:42-44. thiab Zam ntawv Moo Zoo 6:1-15 .} hai tias:
    Tswv Ntuj pab tus Yaj Saub Es Lis Xais ua kom mov ntau tuaj, vim Tswv Ntuj xav pab cov neeg tshaib plab. Thiab Yes Xus ua kom mov ntau tuaj txaus pub rau 5000 leej noj. Yog lub cim hais tias Yes cov lus mas muaj ntau heev txaus yug rau lub ntiaj teb neeg sawv daws noj tas los tseem tshuav ntau.
    a. Hais txog ntawm neeg lub cev, mas Tswv Ntuj yug cov neeg tshaib plab kom lawv muaj mov txaus noj txwm hnub. Niaj hnub muaj neeg raug ua neeg thoj Nam tsis muaj kev ua liaj teb. los rau luag muab kaw.
    Tswv Ntuj tshoj kom muaj neeg siab ncaj sib sau nyiaj mus yuav mov rau lawv noj. thiab pab cov suam teb chaws qhuav tsis muaj dej nag los yug qoob loo, kom tau cawm cov neeg raug txom nyem los ntawm kev tshaib nqhis ntawd.
    b. Cov neeg khwv tsis txaus noj, lawv txom nyem,noj nroj tsuag xwb los Ntuj kuj pab tuav pov hwm lawv tej kev tshaib plab, kom nyob thawm hnub. pw thawm hmo, kom txhob tsaug zog tuag mus nrog kev tshaib kev nqis.
    c. Yog Ntuj tsis pab mas peb yeej hnov lub moo uas neeg tshaib plab tuag los ntev lawm. Thaud hnov tias tshaib plab muab ib tug me nyuam pauv ib lub ncuav pias noj los kuj tsis tau hnov tias muaj neeg tuag tshiab. Kev tuag tshaib tsuas hnov tias, niam tij los niam hlob, niam yau ciav tub ntxhais ntsuag tsis pub noj tuag tshaib mas muaj.
    d. Cov lus nyob hauv lub Moo Zoo, cov hwj huam uas Yes Xus ua kom mov ntau tuaj no. Yog cov mov yug neeg sab ntsuj plig. Kuj yog lub cim hais tias Yes Xus cov lus muaj ntau kawg. txaus faib rau lub ntiaj teb neeg sawv daws noj tas los tseem tshuav ntau.
    -Yes Xus cov lus yog hom mov, yug neeg tus ntsuj plig thiab lub siab. kom neeg txhob mus nqhis txog:
    kev tsis hwm Ntuj, qhis kev ua plees ua yi,kev ua tub sab tub nyiag. ntshaw mus saj kev cib nyeej, kev xam khib, kev paub luag ua tub qaug. thiab saj kev npau taws.
    -Ces yuav ua neeg qaug zog mus taug kev nce toj. Nws yuav nyiam ua neeg tsaug zog tso cev poob mus rau ntuj tawg.
    -Peb muaj Yes Xus cov lus los yug peb cov ntsuj plig, peb yuav nco tsim dheev sawv los noj lus. Kom peb muaj zog ya npaum li tus dav uas muaj tis ya tshoom Ntuj mus kom nto plaws rau ntuj ceeb tsheej mam tsaws ntua rau.

    Nyob hauv tsab ntawv ob, {Es Fes Xos,4:1-6:}
    Thaud Paj Lug hais rau cov Es Fes Xos, hnub no kuj yog hais rau peb thiab.
    Yam li peb yuav sib koom siab teev Ntuj sib koom los sib txhawb sib nqa. Vim peb sawv daws muaj tib tug Huab Tais, yog peb leej txiv. Ib leeg yuav thov Ntuj rau ib leeg, kom peb nyob ruaj hauv kev Tswv Ntuj kev thaj yeeb.
    Ces nyias thiaj yuav thau tau tej yam qub tsis zoo siv coj los pov tseg. Muab tej yam tshiab thiab dawb huv los ntxiv rau hauv peb lub cev los peb lub cuab tam yuav khaws tseg mus rau yav tom ntej.

    ZAJ THOV NTUJ.
    1. Peb thov Ntuj rau lub Koom Txoos, txhua phiaj neeg. Zoo li Txiv Vaj Qhia, cov Tswv Qhia, cov Leej Choj, tas tsoom neeg ntseeg txua tus. Kom sawv daws txawj noj Yes Xus cov lus tuav tus ntsuj plig nyob thaj yeeb. Ntuj...
    2. Peb thov Ntuj rau cov Nom Tswv kav teb chaws, kom tsoom Nom Tswv ua Yes Xus cov thwj tim Nrog Faib Tswv Ntuj cov lus xws li faib mov rau co neeg txom nyem noj. Ntuj aib...
    3. Peb thov Ntuj rau cov neeg raug kev txom nyem uas muaj neeg quab yuam thiab tsim txom lawv. Kom Ntuj coj lawv lub neej mus ntsib kev kaj siab. Ntuj aib...
    4. Peb thov Ntuj rau cov neeg muaj mob nkeeg, cov pw tsev thuaj, cov nyob hauv lawv vaj tse thiab cov neeg muaj npe sau hauv phau ntawv. Tswv Ntuj koj nrog saib
    sawv daws tej teeb meem no thiab. Ntuj aib...
    5. Peb thov ntuj rau rau peb sawv daws cov tuaj teev Ntuj hnub no. tas txhua yam peb tau hnov los ntawm Tswv Ntuj cov lus qhuab qhia ntawd kom tawg paj txi txiv rau peb nruab siab. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 30th July 2015, 6:46 am



    NRUAB XYOO CHIV 18 Tim 2/8/ 2015.





    Ntawv kev tsiv hais tias: {16: 2-4+12-15.}
    Cov His Xas Lais tsis tso siab rau Tswv Ntuj, tsis kav, Tswv Ntuj ua hwj huam los pab, cov His Xas Lais ntau zaus.
    Nyob teb chaws suab puam,cov His Xas Lais pib yws rau Mais Xes thiab As Loos nkawd tias:
    Ua cas Tswv Ntuj txhais tes tsis muab peb tua kom tuag tas, thaum peb tseem nyob Hais Nkws Tos teb, uas peb tseem zaum ncig tej niag lauj kaub nqaij ntawd. Peb muaj mov  noj seem noj so.
    Neb coj peb los nyob teb chaws suab puam no kom peb tuag tshaib tas.
    Ces Tswv Ntuj hais rau Mais Xes tias:
    Kuv yuav ua kom mov poob saum ntuj los. Cov mov ntawd yuav  hu ua mov Mas Nas, vim yog cov mov nqes saum ntuj los. Ces  thaum yuav tsaus ntuj muaj ib pab yij ya tim qab ntug tuaj tsaws rau thaj chaw lawv nyob ntawd, kom Cov His Xas Lais tau txhom los tua noj.
    Hmo ntuj muaj ib co lwg poob saum ntuj los rau thaj chaw lawv nyob. Cov lwg ntawd khov ua tej lub tsig  dawb dawb, ua mov rau cov His Xas Lais tau noj  Tswv Ntuj ua ob hom hwj huam no los pab cov His Xas Lais tau 40 xyoo, kom lawv txhob tuag tshaib.

    Nyob hauv tsab ntawv Es Fes Xos. {4: 7+20-24.}
    Paj Lug hais rau cov neeg Es Fes Xos thiab peb tias:
    Peb sawv daws yuav kawm Yes Xus lo lus thiab txais Nws zaj tswv yim, kom peb tus ntsuj plig thiab peb lub siab plhis tau ua tus neeg tshiab.
    Paj Lug hais tias:
    Kuv yuav hais ib li lus sam hwm rau nej tias, Kuv xav qhuab qhia nej, nyob hauv Huab Tais lub npe.  Nej yuav txhob coj ib tug yam ntxwv tseem xws li cov neeg teev dab!
    Lawv lub tswv yim coj lawv mus rau qhov uas tsaug zog tsis tsim los, thiab tsis pom dab tsi li.  Lawv lub tswv yim nyob tsaus ntuj nti li nyob nruab hmo ntuj.
    Nej mas nej tau kawm Yes Xus lub Moo Zoo tsis zoo li hais ntawd, Leej twg tsis paub mas yuav tshaj tawm, ces nws yuav rov kawm kom paub zoo txog.
    Kuv tso siab tias nej yuav txais lo lus los coj kom haum Leej Pleev lub npe,Thiab haum nrog txoj kev tseem ceeb.  Nej twb tau kawm tias nej yuab tso tus qub yam ntxwv pov tseg los coj tus yam ntxwv tshiab ntawd.
    Tas nrho tej kev ua phem ua qias tsis haum li kev tseem ceeb los tsuas rau Leej Pleev lub npe mas yog kev cuav tas nrho xwb.

    Zam ntawv Moo Zoo kuj hais ntxiv tias: {6: 24-35.}
    Yes Xus yog cov mov nqes saum ntuj los!
    ->Tas nrho txhua yam tawm ntawm Yes Xus lub cev lub ncauj,lub tswv yim thiab tus yam ntxwv los,mas yog txhiam xws zoo yug neeg lub siab thiab tus ntsuj plig txhua yam tib si, kom muaj txoj sia nyob mus li.
    ->Cov tsis kam txais Yes Xus tuaj nyob hauv lawv nruab siab, mas lawv yuav tsis muaj txoj sia nyob mus li.
    -> Kwv tij, kuv xav hais tseeb rau peb sawv daws tias: hnub chiv peb tuaj ua thaj txi ntuj no, mas zoo li peb ua ib rooj tshoob ntag.
    ->Thaum peb pib hais zaj nkauj qhib los rau zaj lees txhaum thiab nyob pem ntuj ntawd. Yog ntu txais qhua tshoob qhua kos tuaj txog vaj txog txog tsev, uas txheeb qhua zaum rooj.
    -> Thaum Leej Choj los Xib Hwb ua zaj thov ntuj yuav mus nyeem peb tsab ntawv uas yog Tswv Ntuj cov lus ntawd! yog zoo li muaj peb txheej lus ib txhhej caw haus nco txog lo lus zoo.
    ->Lub caij Leej Choj los Xib Hwb nthuav ntawv hais lus qhuab qhia yog lub caij ua niam txiv ntuas tub los ntuas ntxhais kom ua neeg xyom seej xyom hauv, kom tsim txiaj nrog lub teb lub chaws. Zeeg cawv haus ntawd, yog zaj kuv ntseeg.
    ->Lub caij txi Ntuj uas Leej Choj rub Yes Xus tuaj nyob hauv mov thiab cawv. yog lub caij nkauj nyab nraug vauv sib cog lus tias, ib leeg yuav tsis nrauj leeg mus li tas lub neej. phem thiab zoo los ua cav lwj sis ib nyob mus kom kawg.
    -> Ntu txais lub Cim Yug muaj peb txheej lus ib txheej caw. Cov lus thiab cov nkauj peb hais ntawd, yog qhib rooj tos txais Yes Xus  Leej Pleev tuaj nyob hauv peb nruab siab. Yog cov lus tseem ceeb.
    -> Peb sawv daws puav leej tau ua nkauj nyab nraug vauv, los ua niam pog txiv yawg. Peb twb pom dua kev ua tshoob ua kos los lawm.
    -> peb lub thaj txi Ntuj no tseem ceeb tshaj lub rooj tshoob los lawm ntau npau saud. Cov paub ua txiv tuam meej koob mas lawv paub zoo cuag li cov Xib Hwb thiab cov Leej Choj txawj ua thaj txi ntuj no ntag.
    -> Lub rooj tshoob yog nkauj nyab thiab nraug Vauv kev cog lus sib hlub mus tas ib sim neej.
    -> Thaj txi ntuj kuj yog noob neej txhua tus kev nrog Tswv Ntuj sib cog lus tias,yuav sib hlub sab ntsuj plig mus tsis txawj kawg li thiab.  Kom tsis muaj ploj tuag thiab tsis muaj ncaim mus li.
    -> Lub thaj txi Ntuj mas peb muaj cai nrog Tswv Ntuj sib cog lus lis piam dhau lis piam. Hos tshoob kos ces peb cog ib zaug rau niam txiv  thiab ntiaj teb neeg pom thiab paub ib zaug xwb. Ua li mas lub thaj txi Ntuj zoo tshaj lub rooj tshoob lawm ntau npaug tiag.

    ZAJ THOV NTUJ.        
                                                           
     1.Peb thov Ntuj rau lub Koom Txoos, Tswv Ntuj thov koj pub kom cov neeg ntseeg to taub txog kev noj Ntuj lus muaj qab hau rau neeg nrog Ntuj sib cog lus, kom txhob sib ncaim mus.  Ntuj awb...
    2. Peb thov Ntuj rau cov Nom Tswv Kav teb Chaws. Kom lawv muaj Ntuj cov lus ua txhiam xws yug lawv lub siab. Lawv thiaj yuav pov hwm tau tsoom pej xeem nyob thaj yeeb.  Ntuj awb...
    3. Peb thov Ntuj rau cov neeg txom nyem, xws li  cov neeg kho siab, cov muaj mob, pw tsev tshuaj, los nyob hauv lawv vaj tse, thiab cov tuaj ntawm no. Ntuj thov koj tuaj saib xyuas lawb yuad.  Ntuj awb...
    4. Peb thov Ntuj rau peb cov tuaj ntawm no, Tswv ntuj peb niaj hnub yws yws txog koj los thov koj rov pov hwm peb dua thiab mog   Ntuj awb...  
    5. Peb thov Ntuj rau txhua lub vaj tse  hmoob nyob hauv cov neeg peb paub. kom lawv txhob ua neeg ywj fab ywj fwj mus caum pab ub pab no tsam lawv nkim zog, caum tsis tau ib qho tseeb.   Ntuj awb.


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th August 2015, 9:58 am


    NRUAB XYOO CHIV 21 B Tim23 /8/2015.

    Tsab ntawv Yos Xuas hais tias: {24:1+15-18.}
    Yos Xus tau tswj thiab coj cov His Xas Lais kom nyob ruaj nreb hauv txoj kev hwm Ntuj. Ces tas Tsoom His Xas Lais thiaj nyob ruaj nrog kev hwm Ntuj.
    Yos Xus tau hu thiab sau tas tsoom His Xas Lais, cov txwj laus, cov xeem, cov nom tswv,cov txiav txim, thiab cov thoob xwm ntawv, tuaj nyob ntawm Tswv Ntuj xub ntiag.
    Yos Xus hais rau tsoom His Xas Lais sawv daws tias, Yog nej tsis xav tsob hwb Huab Tais Tswv Ntuj. Mas nej xav tsob hwb leej twg?
    Los nej xav tsob hwb nej cov yawg koob nyob sab dej tim ub lawv cov dab?
    Peb tus Huab Tais Tswv Ntuj no twb pab peb dim ntawm Hais Nkws Tos teb los, kom peb tsis tau ua qhev. Tswv Ntuj twb tau ua tej yam hwj huam loj nyob ntawm peb xub ntiag:
    Ntuj tau pov hwm peb, hla dej hiav txwv, pub kom mov poob saum ntuj los rau noj nyob teb chaws Suab Puam,tau ntau caum xyoo nrog peb cov yawg koob. Xav txog yav thaum ub los nyiam no, Tswv Ntuj yeej tseem pov hwm peb txhua txhua tiam neeg los tib si li.
    Peb yuav mloog thiab nco txog txhua yam zoo uas Huab Tais Ntuj niaj hnub ua los pab peb txhua lub caij ntawd.

    Tsab ntawv ob Paj Lug kuj hais rau cov Es Fes Xos: {5:21-32.}
    Nws ntuas cov ua txij ua nkawm kom sib hlub. Nws hais tias, Txoj kev nyob ua txij ua nkawm yog lub cim uas Tswv Ntuj qhia tias, Tswv Ntuj nyiam lub ntiaj teb neeg.
    Huab Tais Tswv Ntuj lo lus hais tias:
    Nej yuav sib mloog lus, vim nej hwm Yes Xus yog Leej pleev. Cov poj niam nej yuav mloog nej tus txiv li mloog Huab Tais. Vim txiv neej yog tus tswj poj niam, li Leej Pleev tswj lub Koom Txoos. Vim Leej Pleev yog tus cawm lub Koom Txoos.
    Hos cov Txiv neej yuav hlub lawv cov poj niam li Leej Pleev hlub lub Koom Txoos thiab. Lub Koom txoos yog txoj kev zoo nkauj rau Leej Pleev,lawv zoo li lub Koom Txoos uas cev tas txhua yam kom ntxim Leej Pleev kev nyiam kev hlub.
    Vim tias tas sawv daws yog Leej Pleev tes taw zoo li ntawd. Kom sawv daws paub txog tias, Tsis muaj leej twg yuav ntxub nws lub cev ib yam twg li. Nws yuav mloog tas txhua yam zoo nkauj los muaj mob muaj nyob hauv nws luv cev. Leej Pleev kuj mloog txhua tus neeg zoo li kev khaub zig li ntawd.

    Zam ntawv Moo Zoo hais tias: {6:60-69.}
    Cov neeg uas lawv ntseeg tsis tau tias Yes Xus muab Nws lub cev thiab cov ntshav los yug peb lub siab thiab tus ntsuj plig mas lawv haj yam yuav ntseeg tsis tau tias, Yes Xus cawm lub ntiaj teb neeg nyob saum ntoo cuam.
    Yes Xus cov thwj Tim kiag twb muaj cov hnov Yes Xus hais tias, nej yuav noj kuv lub cev thiab haus kuv cov ntshav. Mas lawv tseem yws yws tias,lo lus no ntxhib dhau lawm, tsis muaj leej twg yuav mloog tau!
    Yes Xus paub neeg xav li cas. Ces Yes Xus hais tias: Tej ntawd dawm nej taw los ua cas!
    Ua li yog thaum nej pom Leej Neeg tus tub nce mus saum qhov chaw Nws nyob no nej ho yuav xav li cas?
    Yog Lub Tswv Yim muaj txoj sia, tsis yog lub cev, lub cev tsis zoo ua dab tsi li. Nej ua kuv Thwj Tim txij lub hauv paus los, Nyob hauv nej yeej tseem muaj tej tus tsis ntseeg. Yes xus lo lus Nws hais no yeej poob los rau saum peb ib kuag leej. Peb sawv daws txais Yes Xus cov lus los cov cim txhua zog tau ntau xoo los lawm, tab sis tseem muaj tej tus xav li ntawd thiab.
    ZAJ THOV NTUJ.
    1.Peb thov Ntuj rau lub Koom Txoo, kom txhua phiaj neeg ntseeg, zoo li Peb tus Vaj Qhia, peb cov Tswv Qhia, tsoom Leej Choj, Tsoom ntseeg. Sawv daws txawj mloog tau Yes Xus lo lus. Ntuj awb...

    2. Peb thov Ntuj rau cov Nom Tswv Kav teb chaws, Kom cov nom Tswv lees paub Tswv Ntuj kev nyiam kev hlub tas txhua phiaj neeg, kom tej nom tswv cog kev thaj yeeb pub rau lub teb chaws. Ntuj awb...

    3. Peb thov Ntuj rau txhua pab neeg txom nyem, cov muaj mob, cov pluag, cov tu siab. Cov tshaib [plab,Ntuj koj tuaj daws, s.d tej teeb meem no. Ntuj awb...
    4. Peb thov Ntuj rau cov sau npe thiab cov peb paub nyob deb los nyob ze raws li nyais kev paub yuav vam khom txog Tswv Ntuj kev pab ntawd.... Ntuj awb...

    5.Peb thov Ntuj rau peb cov tuaj hnub no, peb tau hnov Ntuj cov lus tseem ceeb kom cov txiaj ntsim koob hmoov no tawg paj txi txiv nyob peb nruab siab. Ntuj awb

    Yaj Zoo Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th August 2015, 3:27 am



    NRUAB XYOO CHIV 22 B Tim30/8/2015.

    Ntawv phau tsib hais tias: {4:1-2+6-8.}
    Cov neeg ntseeg uas lawv mloog Tswv Ntuj lo lus qhia, mas lawv yuav ua cov neeg thoob tsib du cov.
    Ntawv phau tsib qhia tias:
    Zaum no nej mloog txoj cai Lij Choj hnub no Ntuj qhia rau nej mas nej yuav muaj txoj sia.
    Yog txoj cai uas Tswv Ntuj tau muab rau nej cov yawg Koob txheej thaud. Nej txhob ntxiv tej los lus tsis yog rau, thiab txhob txiav tej lo tawm mus, tsam nej tau ua txawv li cov lus Tswv Ntuj ceeb toom tuaj lawd.
    Lub ntiaj teb neeg pej kum cuab, thiaj yuav pom tias, nej ua neeg thoob tsib thiab xyuam xim. Ces lawv yuav nrog nej tsa suab cav txog tswv Ntuj tias:
    Haiv neeg loj ntawd, lawv yog Haiv neeg thoob tsib muaj ib tug Huab Tais nyob ze ze lawv, thiab yog tus Huab Tais ncaj ncees tiag.

    Yas Kos tsab ntawv hais tias: {1:17-18+21-22+27.}
    Tswv Ntuj cov lus nyob hauv txhua lub txoos teev ntuj, peb yuav khaws tseg, thiab nco mus li nrog peb tej hauj lawm. Yog ib co txiaj ntsim zoo tuaj saum ntuj tuaj tas tib si. Cuag li yog Leej Txiv tso los kom peb sawv daws pom kev nyob hauv cov txiaj ntsim zoo, uas tsis txawj hloov mus ua lwm yam. tsuas muaj nyob khov kom tuav tau txhua yam mus zoo, yog cov lus coj neeg kom txawj ua thawj neeg, ntaus thawj nyob hauv zeej tsood.
    Thiab yog ib txoj kev qhia kom peb txawj nrauj tej yam tsis huv thiab nkhaus pov tseg. Kom peb xyiv fab txais Tswv Ntuj cov lus zoo coj kom muaj txoj sia nyob mus li nrog peb.
    Huab Tais Ntuj txoj kev dawb huv mas yog ua zoo li ntawd. Kom ntiaj teb neeg txhob tau txais txoj kev ua ntsoj ua ntsuag, tsis muaj kev hlub, ces ua neej pw nrog kev ua txhaum mus li.

    Mas Kos ntawv Moo Zoo hais tias: { 7:1-8+14-15+21-23.}
    Tej laus hais tias thaum peb teev dab mas peb yuav caiv cov hnub nyug tsis zoo, kom txhob raug dab. Nyiam no peb ntseeg txog Ntuj lawm, mas Ntuj tsuas xav kom peb coj lub siab ntshiab huv tsis lo txhaum xwb.
    Cov Fas Lis Xais thiab cov thoob xwm ntawv, pom Yes Xus cov thwj Tim noj mov ysis ntxuav tes. Ces lawv hais tias: ua cas Yes Xus cov thwj Tim tsis yoog tej laus kev cai!
    Yes Xus thiaj hais tias:
    Cov neeg zoo nraum daim me tawv. Tus Yaj saub His Xais hais raug nej phaj neeg no kawg. Haiv neeg no tsuas hwm kuv ntawm lawv di ncauj xwb. Lawv lub siab nyob deb kuv kawg. Lawv teev kuv mas lawv teev dog dig xwb.
    Tas txhua yam lawv coj thiab ua mas yog ib co cai tuaj ntawm neeg tuaj xwb. Ces Yes Xus hais rau tsoom sid tias:
    Nej mloog thiab xav tswv yim kom zoo mog. Tsis muaj ib yam dab tsi nyob sab nraud, yuav nkag mus hauv neeg lub cev tau, ces ua kom neeg lub cev tsis huv tuaj li od.
    Tsuas muaj tej yam tawm hauv neeg nruab siab los ces ua kom neeg tsis huv tuaj xwb:
    Yog txoj kev xav tswv yim phem, hauv neeg nruab siab ua kom neeg tsis huv tuaj. yam li kev ua plees ua yi, kev zes luag poj luag sev, kev dag, ntxias noj ntxias haus, kev ntshaw ub ntshaw no, kev lim hiam,kev xyav luag tej moo tsis zoo,kev ua neeg muab hlob thiab txo luag txoj sia.
    Txhua yam zoo li no tawm ntawm neeg lub siab los mas ua rau neeg lub cev tsis huv xwb.

    ZAJ THOV NTUJ.
    1. Peb thov Ntuj rau Tswv Ntuj lub Koom Txoos, kom txhua phiaj neeg txawj teev Ntuj raws qhov tseeb thiab coj tau lub siab ntshiab huv. Ntuj awb...
    2. Peb thov Ntuj rau Cov Nom Tswv kav teb chaws. Kom lawv paub tias Tswv Ntuj yog sawv daws txoj kev tseem ceeb, kom S.D.txawj sib hwm nyob hauv Tswv Ntuj kev thoob tsib. Ntuj awb...
    3, Peb thov Ntuj rau cov neeg txom nyem. Cov tsis muaj tswv yim pab tau nws tus kheej, cov muaj mob muaj nkeeg. cov raug kev tshaib kev nqhis. Thiab cov sau npe hnub no. Ntuj Awb...
    4. Pev thov Ntuj rau cov tub ntxhais hluas kom lawv txawj nrhiav Tswv Ntuj, lawv yog cov yuav pab Tswv Ntuj tes hauj lwm tom ntej no. Ntuj awb...
    5. Peb thov Ntuj rau peb cov neeg tuaj teev Ntuj hnub no uas peb tau hnov Tswv Ntuj los lus tseem ceeb, kom Tswv Ntuj lo lus nkag tau mus nyob hauv peb nruab siab. Ntuj awb...

    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 4th September 2015, 7:53 am



    NRUAB XYOO CHIV 23 B Tim 6/9/2015.



    Tswv Ntuj tus Yaj Saub hais rau tsoom His Xas Lais tias:
    {38: 4-7.}

    Tshuav tsis ntev lawm ces cov His Xas Lais yuav rov tau zoo. Nws hais Tswv Ntuj lo lus tias:
    Nej tus Tswv Ntuj rov tuaj cawm nej lawm. Tswv Ntuj muab txim rau cov neeg ua txaum. Ntuj pub koob haum rau cov neeg ua zoo.
    Yam li cov neeg dig muag rov pom kev tuaj. Cov lag ntseg rov hnov lus, thiab cov nplaig txhav rov hais tau lus meej.
    Lawv yuav qw suab cav txog Tswv Ntuj. cov teb chaws suab puam yuav muaj dej txhawv ntws los hla cov neeg nqhis dej kom lawv tau haus.
    Ntuj cov lus no yog tus txhais tau mas nws yuav zoo siab loj heev. Vim cov lus no yog hais raug peb lub neej uas peb raws Leej Pleev kev cawm seej.
    Vim Tswv Ntuj yog tus pub Koob Haum rau, peb zoo li lub teb chaws suab puam qhuav qhawv tsis muaj dab tsi li. Peb sawv daws ces yog cov neeg tshaib nqhis ntawd ntag.

    Tsab ntawv 2 Yas Kos mam hais tias: { 2:1-5.}

    Lub Koom Txoos uas nws yog peb. Peb yuav ceev faj, Tswv Ntuj xav kom peb txhob saib cov neeg muaj zoo dua cov neeg pluag.
    Lo lus uas Ntuj xav hais mas yog:
    Cov ntseeg txog Yes Xus, mas nej txhob saib ib co yog neeg loj, hos ib co yog neeg me. Nyob hauv tsev teev ntuj los nyob tom {phov dim} mas tus neeg ua zam hnav tsho txooj nws coj nplaib kub,los tus hnav tsho tab tsis muaj nplhaib coj,thiab khau rau mas nej yuav saib tias nkawd loj tib yam nyob ntawm Tswv Ntuj xub ntiag.
    Ces nej thiaj tsis yog tus txiav txim rau nkawd tias, leej twg yog neeg zoo.

    Mas Kos ntawv Moo Zoo hais tias: {17:31-37.}

    Cov neeg pom Yes Xus ua hwj huam yee ntxwv, mas lawv zais tsis tau. Peb puas txawj pom Tswv Ntuj thiab Yes Xus Pleev niaj hnub ua hwj huam los pab peb niaj hnub?
    Nyob hauv peb lub neej thiab hauv peb nruab siab. Yog peb txawj pom mas peb yuav zoo siab cav txog Tswv Ntuj, nrog Huab Tais Yes Xus Pleev niaj hnub ua hwj huam los pab peb. Yam li, Yes Xus niaj hnub hais rau peb tias:
    Es Fes Tas, koj qhib los mas!
    Ces peb pob ntseg thiab qhov ncauj thiaj hnov thiab mloog tau Tswv Ntuj lo lus. niaj hnub no tus lag ntseg thiab nplaig txhhav ntawd ces tsis txawv peb li.
    Peb yuav xyaum qhuab qhia tsoom sid thiab cav txog Tswv Ntuj tias, Yes Xus tus uas yog Tswv Ntuj Leej Tub Nws nyiam thiab hlub lub ntiaj teb neej npaum li cas tiag.
    Vim li cas peb yog me nyuam neeg xwb Tswv Ntuj yuav muab ib txoj hmoov rau peb ua Tswv Ntuj cov tub ki. Kom peb tsis tuag tshiab, los tsis raug kev phaub ntug, muaj Tswv Ntuj cov txiaj ntsim nres peb txhua fab tib si.

    ZAJ THOV NTUJ.
    1.Peb thov Ntuj rau lub Koom Txoos, Kom Leej Pleev lub Tswv Yim txhawb Peb tus Vaj Qhia, peb cov Tswv Qhia kom txawj coj Nws lub Koom Txoos nyob ntiaj teb kom txawj cav txog Tswv Ntuj lub koob meej. Ntuj awb...
    2. Peb thov Ntuj rau cov Nom Tswv kasv teb chaws, kom lawv txawj mloog Tswv Ntuj tej lus qhuab qhia, Tsom peb xeem thiaj muaj kev thaj yeeb nyoab ntiaj teb no. Ntuj awb...
    3. peb thov Ntuj rau cov neeg txom nyem, cov raug luag hiam. cov tsis muaj neeg pab thiab hlub lawv, cov muaj mob,pw tsev tshuaj los nyob hauv vaj tse, cov tuaj ntawm no. Tswv Ntuj thov koj nco txog sawv daws, cov teeb meem no. Ntuj awb...
    4. Peb thov Ntuj rau cov sau npe rau phau ntawv, cov peb paub thiab nco txog uas peb tsis tau sau npe...
    Ntuj Tswj thov koj mloog txhua tus zaj thov. Ntuj awb...
    5. Peb thov Ntuj rau peb sawv daws uas tuaj teev Ntuj hnub no. peb tau hnov Tswv Ntuj tej lus . kom cov lus tseem ceeb nqes mus txog peb nruab siab. Kom peb txawj cav thiab qhuas txog Tswv Ntuj. ntuj awb....

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th September 2015, 9:19 am



    NRUAB XYOO CHIV 24 B Tim13/9/2015.


    *Thawj tsab ntawv Npes Xis Las hais tias: {27:30+28:1-7.}
    Ib tug neeg tsis txawj zam rau luag, nws txhob vam tias, Tswv Ntuj yuav zam rau nws. Vim tias qhov kev cib nyeej thiab kev npau taws uas nws coj ntawd, mas yog tej yam uas Tswv Ntuj ntxub tshaj plaws li.
    Tswv Ntuj cim ntsoov tseg nyob hauv cov neeg ua txhaum nruab siab, tsis nruam ib qho li. Huab Tais tos saib koj puas zam rau luag, Ces Huab Tais mam li zam rau koj.
    Huab Tais xav kom koj hlub ib tug neeg zoo li koj, ces Huab Tais mam li zam rau koj. Huab Tais xav kom koj hla lub ntiaj teb no mus txhob nco txog cov txhaum uas luag ua tub qaug rau koj li.

    * Tsab ntawv Los Mas hais ntxiv tias: {14: 7-9.}
    Peb yuav ua yam twg mas peb ua nyob ntawm Huab Tais xub ntiag. Vim Huab Tais Yes Xus yog peb tus Tswv. Peb tuaj ua neej nyob ntiaj teb no, mas peb tsis muaj tug li. Leej Pleev yog tus Tswv tuav thiab hwj peb lub neej zoo li thaum nws tuaj txhiv peb ntawm txoj kev ua txhaum los kom rov muaj txoj sia nyob mus li.
    Ua li mas peb muaj kev tso siab rau Leej Pleev lub caij peb tseem ua neej nyob los lub caij peb hla lub ntiaj teb no mus, los peb yeej yog Leej Pleev tug. Leej Pleev tuag thiab rov muaj txoj sia mas kom Nws tau ua cov neeg tuag thiab cov neeg ciaj tus Huab Tais.

    * Mas Tais Ntawv Moo Zoo hais tias: {18:21-35.}

    Peb yuav zam rau luag mus li, vim Tswv Ntuj twb zam rau peb lawm.
    Pob Zeb hais rau Yes Xus tias:
    Huab Tais ua li tej txhaum uas kuv cov kwv tij ua rau kuv, kuv yuav tsum zam pes tsawg zaus?
    Kuv puas yuav zam txog 7 zaus?
    Yes Xus hais rau Pob Zeb tias:
    Kuv tsis hais rau koj tias, koj yuav zam txog 7 zaus. Kuv hais rau koj tias koj yuav zam txog 77 x7 zaus. Tej lus no Yes Xus ua paj lug hais xwb.
    Yes Xus lo lus hais tias, yuav tsum zam txog 77 zaus, mas yog hais tias zam tas koj sim neej:
    Koj yug los mus txog muaj 7 xyoo koj thiaj paub tias qhov ua phem yog kev ua txhaum. koj mus txog 77 xyoo ces koj rov ua me yaus rov tsis paub kev ua txhaum lawm.
    Lo lus yog hais tias koj yuav zam tas koj sim neej rau luag tej. mus txog hnub uas koj laus tsis paub tias yog kev ua txhaum lawd.

    ZAJ THOV NTUJ.
    1. Peb thov Ntuj rau Tswv Ntuj lub Koom Txoos, kom txhua phiaj neeg txawj sib zam rau luag, kom Tswv Ntuj zoo siab zam rau peb. Ntuj awb...
    2. Peb thov Ntuj rau cov Nom Tswv kav teb chaws, Kom lawv paub Tswv Ntuj kev zam, ces lawv txawj zam rau tsoom pej xeem kom txhua leej nyob kaj siab lug.
    Ntuj awb...
    3. peb thov Ntuj rau cov neeg txom nyem, cov raug luag hiam, cov muaj mob nkeeg, cov pw nyob tsev tshuaj, cov nyob hauv vaj tse, thiab cov tuaj ntawm no. Kom Tswv Ntuj khuv leej lawv. Ntuj awb...
    4. Peb thov Ntuj rau cov sau npe qhia Tswv Ntuj paub, thiab cov uas peb paub nyob qhov ub qhov no... Tswv Ntuj thov koj tshem txhua tus cov teeb meem kom txav mus deb ntawm lawv. Ntuj awb...
    5. Peb thov Ntuj rau peb cov tuaj hnub no, kom Tswv Ntuj daws peb tej teeb meem nyob vij peb pov tseg, thiab pub peb txais tej paj tshab zoo hwj peb lub neej. Ntuj awb...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 18th September 2015, 7:07 am



    NRUAB XYOO CHIV 25 B Tim20/9/ 2015.



    Ntawv thoob tsib hais tias: {2:17-20.}
    Thaum cov neeg siab ncaj ntuas neeg, mas neeg ntxub thiab xav muab cov neeg siab ncaj tua.
    Cov ntxub neeg ntawd, yog cov neeg tsis kam hwm Tswv Ntuj. lawv ua neeg dig muag thiab yuam kev. Lawv pheej xav tias cov neeg siab ncaj zaj lus puas yuav yog tiag?
    Lawv hais nyob hauv lawv nruab siab tias, peb tos saib lub caij tus neeg siab ncaj no yuav tuag, Tswv Ntuj puas tuaj pab nws. Nws pom xeeb nhais tias, nws yog Tswv Ntuj tus tub txib no!
    Mas Tswv Ntuj yuav tuaj nres nws thiab npo nws ntawm cov yeeb ncuab txhais tes los. Yog peb leej twg txawj ua mas, peb ua tub qaug rau nws,peb yuam nws, peb tsim txom nws.
    Kom peb paub tias, tus neeg siab ncaj no puas tiv taus, thiab nws puas yog neeg siab zoo tiag. Peb yuav txiav txim rau tus neeg siab ncaj, saib ntuj puas yuav tuaj cawm nws rau peb pom.

    * Tus hauv paus xa lus yas Kos hais ntxiv tias: {3:16-18+4:i-3.}
    Yog leej twg ua kom xeeb muaj tsov rog!
    Cov ua kom muaj tsov rog, yog peb sawv daws,vim peb sib cav sib ceg nyob hauv peb vaj peb tsev. tej ntawd yog kev ua tsov rog tus cag!
    Ib qho chaws uas muaj neeg sib cav sib ceg, sib khib, sib cib nyeej mas lawv ua kom muaj ntau yam ntxhov. Lawv tej hauj lawm tsuas yog hauj lwm phem xwb.
    Hos cov neeg muaj Tswv Ntuj kev thoob tsib, mas lawv ua neeg siab dawb, nyiam kev thaj yeeb. Lawv txawj xav zoo, thiab zam rau luag tej. Lub txiv uas lawv txi yog kev thaj yeeb thiab ua ncaj rau lub sim ceeb no.
    Lawv tau cheem cov neeg sib cav sib ceg cuag li ntaus tej kob tsam rog loj. Cov neeg lim hiam no tos lawv tsis muaj dab tsi ua lawv tug. Mas lawv tsis thov dab tsi ntawm Tswv Ntuj!
    Lawv tsuas vam txog tus phem qhia tswv yim, kom lawv muaj zog ua lawv txoj kev phem kom yeej luag tej, thiab tau txeeb txhua yam los ua lawv tug xwb.

    *Mas Kos ntawv Moo Zoo hais ntxiv tias: {9:30-37.}
    Tus xav ua thawj nyob pem Ntuj lub ceeb tsheej, mas nws yuav tuaj yeem tuag,kom tau ua Tswv Ntuj tus tub txib, thiab nyiam ua neeg me!
    Yes Xus nug cov Thwj Tim tias:
    Thaum nyob ntawm kev nej sib tham txog dab tsi?
    Nej tsis paub, muaj neeg yuav muab Leej Neeg tus tub rau luag ntes. ces luag yuav muab Nws tua, Thaum nws tuag tas, peb hnub tom qab Nws yuav sawv rov los.
    Cov Thwj Tim tsis to taub, mus txog chaw Yes Xus hu cov thwj Tim los nws hais tias:
    Nej leej twg xav ua tus loj mas nej yuav yuav ua tus kawg tom qab, tus ntawd yuav ua sawv daws tus tub txib. Ces Yes Xus puag ib tug me nyuam, Nws hais rau lawv tias, leej twg txais ib tug me nyuam li no vim kuv lub npe. Mas tus ntawd kuj yog txais kuv.
    Tus txais kuv mas nws kuj txais tus xa kuv tuaj thiab. Hnub no Yes Xus hais qhia peb tias Nws nrog peb nyob, ua ke niaj hnub. yog peb zoo siab txais yes Xus ces peb tau txais Leej Txiv uas xa Yes Xus tuaj nrog peb nyob.

    ZAJ THOV NTUJ.
    1 peb thov Ntuj rau lub Koom Txoos, kom txhua phiaj neeg txawj ua tswv Ntuj cov tub txib tuaj yeem ua neeg me tsob hwb luag zeej tsoom. Ntuj awb...
    2. Peb thov Ntuj rau cov nom tswv kav teb chaws, lawv muaj feem xyuam nrog Tswv Ntuj tswj teb kav chaw, kom lawv nyiam kev thaj yeeb lub teb chaws thiaj muaj kev kaj siab. Ntuj awb...
    3. Peb thov Ntuj rau cov neeg txom nyem, uas lawv raug kev tshaib kev nqis, cov muaj mob raug nkees, pw tsev tshuaj, cov nyob hauv vaj hauv tsev, los cov tuaj teev ntuj hnub no, kom sawv daws tau txais kev yeej. Ntuj awb...
    4. Peb thov Ntuj rau cov peb paub lawv muaj kev txhawj xeeb, nyob hauv peb nruab siab... Tswv Ntuj thov koj mloog sawv daws zaj lus thov. Ntuj awb...
    5. peb thov ntuj rau peb cov tuaj ntawm no. peb tau hnov Yes Xus cov lus lawm. Kom cov lus peb hnov no, ua ib co txiam xws yug peb lub siab kom peb txawj ua tub txib rau zeej tsoom. Ntuj awb...

    Yaj Zoov Ntxheb Xiv Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th September 2015, 8:23 am



    NRUAB XYOO CHIV 26 BTim 27/9/2015.




    Ntawv xam phaj hais tias: {11: 24-29.}
    Leej Tswv Yim Ntshiab xav tshoj leej twg, mas Nws tuaj tshoj tus ntawd. Tab yog cov neeg tsis tau ua thawj nyob hauv lub Koom txoos mas Nws tuaj kuj tuaj qhia lawv.
    Thaum Huab Tais. Ntuj nqes los nyob saum twv huab zov cov His Xas Lais. Huab Tais Ntuj hais rau Nws tus Yaj Saub Mais Xes tias:
    Koj tshaj rau 70 tus txwj laus His Xas Lais tias, Tswv Ntuj yuav muab Nws lub Tswv Yim los rau lawv, ces lawv yuav ua Yaj Saub. tab sis tsis yog ua mus li,kuj muaj ob leeg nyob sab nraud ua Yaj Saub thiab.
    Tswv Ntuj zaj lus no, zoo li muaj qee lub caij, Tswv Ntuj pub kom muaj neeg sawv ua Yaj Saub coob leej, los hais txog kev neeg ua kev txhaum, los kev khaum ntau dhau lawm. Cov neeg ntawd lawv sawv los ua Yaj Saub ib vuag xwb.
    Dhau Tswv Ntuj lub caij txib lawm,mas kuj tseem muaj tus phem cheem leej puav kom nyiam ua Yaj saub nyob li qub. Vim muaj neeg ntseeg txog lawv lawm, ces tus phem xav kom lawv txoj kev ua yaj Saub coj neeg ncaim ntawm Tswv Ntuj mus ua lwm yam los muaj.
    Thaum Yos Xuas pom ob tug nyob sab nraud txawj ua Yaj Saub li 70 leej ntawd. Yos Xus hais rau Tswv Ntuj tus Yaj Saub Mais Xes tias, Huab Tais Mais Xes, Koj txwv cov sab nraud kom txhob ua Yaj Saub. Ntuj qhia Mais Xes, kom hais rau Yos Xuas tias:
    Puas yog koj khib rau lawv!
    Kheev lam Tswv Ntuj pub lub tswv Yim no rau Sawv daws tib si! mas yuav tsis muaj kev nyuaj qhia rau tsoom sid li.

    * Ces Yas Kos hais hauv nws tsab ntawv tias:{5:1-6.}

    Cov neeg muaj yuav tsum ceev faj. Vim ntau zaus lawv muaj mas yog lawv noj cov neeg pluag lub zog.
    Lo lus Yas Kos hais, xav kom cov neeg nplua nuj quaj, thiab tu siab txog lawv txoj kev yuav raug xwv txheej. Vim lawv lub cuab tam yuav lwj mus, thiab yuav muaj ib co kas tuaj noj lawv lub zam zoo nkauj uas lawv hnav ntawd kom khab seeb tas.
    Lawv cov nyiaj cov kub yuav yaj mus ua av,thiab txhua yam lawv muaj yuav los ua tim khawv txiv txim rau cov neeg nplua nuj ntawd.
    Cov neeg tau ceev nyiaj ntau, zoo li lawv tau ceev ib pob hluav taws loj kub tas nrho tos lawv. Vim cov tub zog ua neeg txom nyem tsis tau txais lawv tus nqes zog kom txaus.
    Cov tub zog tus nqes,thiab lawv kev khwv twb nce mus nyob txheej ntuj siab saud tos cov neeg nplua nuj lawm. Vim cov neeg nplua nuj tau txiav txim rau cov neeg pluag thiab siab ncaj kom lawv tuag mus nrog kev pluag.

    *Mas Kos ntawv Moo Zoo hais tias: {9:38-43+45-47.}

    Tus xav ua Yes Xus tim khawv,mas nws yuav rau siab rhuav yam tsis zoo nyob hauv nws nruab siab tawm mus.
    Zam hais qhia Yes Xus tias, Xib Hwb, Peb tau pom ib tug neeg tuav txog koj lub npe los ntiab dab! Nws tsis yog cov nrog peb.
    Yes Xus hais tias:
    Nej txhob txwv nws,Tsis muaj ib tug neeg yuav ua hwj huam yees ntxwv tau, vim kuv lub npe, yog kuv tsis tso cai rau. tsam nws hais lus phem txog kuv. Cov tsis tiv peb, mas lawv nrog peb. Kuv hais rau nej tias, tus pab daws neeg kev tshaib nqhis rau ib tug neeg twg, mas nws kuj yuav tau koob hmoov thiab.
    Hos yog ib tug neeg coj ib tug me nyuam ntseeg txog kuv mus ua txhaum,mas tsim nyog muab ib lub zeb hnyav txaus li ib tug luj cab los dai rau nws caj dab, ces muab nws pov rau hauv qab tiv txwv dej kom tuag mus.
    Kuv tseem xav hais li no ntxiv:
    Yog koj txhais tes nyiam ua kev txhaum,mas muab nws txiav pov tseg, koj ua neeg tu tes mus hauv Huab Tais Ntuj lub ceeb tsheej mas zoo dua, koj lub cev tib si mus nyob rau hauv dab phem lub qhov hluav taws tsis txawj kug ntawd.

    ZAJ THOV NTUJ.
    1. Peb thov Ntuj rau Tswv Ntuj lub Koom Txoos, kom cov neeg ntseeg to taub txog Leej Tswv Yim Ntshiab kev tshoj neeg ua siab zoo. Ntuj awb....
    2 Peb thov Ntuj rau cov nom tswv kav teb chaws, kom lawv paub txog Ntuj cov me nyuam kev khwv thiab hwm lawv lub zog. Ntuj awb...
    3. Peb thov Ntuj rau cov neeg txom nyem nyob thoob ntiaj teb. kom cov neeg raug kev tshaib nqhis, cov muaj mob nkeeg, pw tsev tshuaj, cov nyob hauv lawv vaj tse, los cov tuaj ntawd no. Kom lawv tau txais Ntuj kev khuv leej.
    Ntuj awb...
    4. Peb thov Ntuj rau tsoom txheeb ze ua peb paub lawv muaj teeb meem... Tswv Ntuj thov koj tuaj xyuas cov neeg peb cev rau koj no. Ntuj awb...
    5. Peb thov Ntuj rau peb sawv daws tuaj ntawm no. kom Leej Tswv Yim Ntshiab tshoj peb ua ib co neeg siab ncaj paub Tswv Ntuj kev nyiam kev hlub zoo. Ntuj awb...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 1st October 2015, 9:06 am



    NRUAB XYOO CHIV 27 B Tim 4/10/2015.


    Ntawv hauv paus hais tias: {2:18-24.}

    - Tswv Ntuj tsim txiv neej thiab poj niam kom sib phim. Vim Tswv Ntuj xav kom poj niam thiab txiv neej los ua tej nkawm sib hlub, mus tas ib sim neej.
    Tswv Ntuj lo lus Nws hais tawm tias:
    Tsis zoo rau txiv neej nyob ib leeg zoo li no. Kuv yuav tsim ib tug poj niam, kom phim nws thiab pab tau nws. Tswv Ntuj tau muab txiv neej ib tug txha tav los tsim ua poj niam. Kom txhav yog ib co, hos nqaij los yog ib hom.
    Hnub uas tswv Ntuj tsim tus poj niam mas yog hnub nkawd sib sau los ua txij ua nkawm ntawd. Ua ntej ntawd, mas nkawd tsuas yog txiv neej thiab poj niam uas Ntuj tau hom los kom tiav xwb. Nkawd yog tub thiab ntxhais xwb, nkawd yuav tau hla mus ua nkauj nyab nraug vauv tas, mas nkawd mam yog txij yog nkawm.
    Nkawd mam muaj kev sib hlub, sib pab thiab sib ua luag nyob hauv lub neej.
    Cov niam txiv sib nrauj los sib tso mus, txiv ua nraug fav hos niam ua nkauj feb. Mas lawv tau thuam Tswv Ntuj lawm. ces lawv yuav tau txais ib txoj hmoov tsis kaj siab.
    Vim lawv tsis hwm lub hnub nyoog uas Ntuj tau tsim ib tug poj niam los phim tus txiv neej kom nkawd muaj kev sib hlub, thiab sib pab sib ua luag mus ntawd.

    Tsab ntawv Hes Nplaws hais ntxiv tias: {2:9- 11.}

    -Yes Xus yog tus yuav los pab daws lub qab ntuj neeg kev txog kev txhaum. Tswv Ntuj thiaj kheev kom Yes Xus raug txom nyem.
    Yes Xus txoj kev txom nyem no, yog ib txoj kev ntshiab. Nws thiaj pab kom cov neeg mloog Ntuj lus lawv rov ntshiab tuaj. Yes twb yog Tswv Ntuj tsis kav Nws tuaj yeem ua tus nyob qis dua, Tswv Ntuj cov tshiab, ib ntus. Kom lub ntiaj teb no txoj kev sib hlub nyob ruaj ntxiv mus rau yav tom ntej.
    Leej Pleev xav kom tsoom niam txiv paub txog zaj tswv yim no. Kom Tswv Ntuj kev thoob tsib nyob txawm hauv lawv, thiab lawv tej tub ki. Neeg ntiaj teb cov tub ki thiaj muaj kev haum xeeb nrog Tswv Ntuj sib txuas mus.
    Yog cov niam txiv nyob ua txij ua nkawm yuav pab txuas Tswv Ntuj kev thoob tsib kom lub ntiaj teb tej tub ki, nyob haum xeeb nrog Tswv ntuj mus li. Yog neeg ntiaj teb plam txoj kev sib haum xeeb nrog Tswv Ntuj lawm, mas neeg yuav zoo xws li ib cov tsiaj lawm xwb.
    Tshaj qhov hais no lawm mas neeg tsis muaj nqes li. tsiaj tuag, mas neeg tseem mus hlais nqaij los noj, tho kaus los yuav, txiav kub los saib,laws tawv los npua. Hos neeg tuag mas yog tsis tau tsim koob hmoov mas neeg tsuas hais txav kev kom deb mus xwb.
    Ntshai tsam thaum ntawd ces yog lub caij uas Tswv Ntuj yuav tu siab rau leej tib neeg, vim Ntuj tsis tau tsim ib co noob neej phem. Ntuj tau tsim ib co noob neej kom zoo tshaj txhua yam noob nyob ntiaj teb no.

    Mas Kos ntawv Moo Zoo hais tias: {10:2-16.}

    -Yes Xus tshaj tias:
    Tswv Ntuj tsis xav kom ob niam txiv sib nrauj. Kev sib nrauj yog kev zes luag poj luag sev, thiab zes luag tub luag roog xwb.
    Vim tias hnub uas Tswv Ntuj tsim tus poj niam,mas yog hnub uas nkawd sib sau los nyob ua ke. Ua ntej nkawd tsis tau sib sau los nyob ua ke mas, nkawd tseem yog me nyuam tub thiab me nyuam ntxhais xwb.
    Hmoob muaj ib lo lus hais tias:
    Qaib tsis tau los ntshav ntsej, npua tsis tau los ntshav ntswg. nkawd tseem tsis tau tsheej txiv neej thiab poj niam kom tiav. Nkawd tsis tau ua txij ua nkawm raws li hnub uas Ntuj tsim tus poj niam rau tus txiv neej kom tau sib hlub sib pab thiab sib ua luag nyob ua ke. Hnub ntawd muaj 4 tug meej koob sawv Tswv Ntuj chaw los tsim kom txiv neej thiab poj niam nyob ua txij ua nkawm kom tiav.
    Tus txiv Neej tau ua nraug Vauv, nrog Tswv Ntuj sib cog nyob nruab plag tias, yuav mloog Tswv Ntuj lus, yuav hlub thiab pab mus kom haum neej haum tsav. nyob nrog txhua phaj neeg laus hluas, ntawm phaj hlob mus rau phaj yau tib si.
    Muaj kev cai haus cawv khawm pib lees paub rau kev txwj neeg laus hnov. Uas lawv tam li lub ntuj.
    Lub zim txwv no muaj ib yam xwm tshiab tawm los:
    Cov niam txiv uas lawv tsis muaj noj muaj haus, yuav yog cov sib nrauj ntau zuj zus tuaj, vim lawv txoj kev pluag. Tsis muaj nyiaj txaus siv, los tsis muaj mov txaus noj txwm hnub.
    Dab phem yuav ntxias kom cov neeg muaj muab nyiaj los npog cov neeg pluag qhov muag, kom lawv sib nrauj sib tso, coob li coob tau mus.
    Hnub uas neeg yuav plhis ua tsiaj mus tshai tsam yog hnub uas kev ua plees ua yi, thiab kev ua tub sab tub nyiag caum cuag thiab puav tau neeg ntawd lawm xwb.
    Yuav yog hnub uas neeg txais kev txom nyem loj. Tsis hais leej twg li peb yuav rau siab thov Ntuj kom cov muaj thiab cov pluag muaj kev sib hlub, txhob kis tau tus kab mob ntawd.

    ZAJ THOV NTUJ.
    1.Peb thov Ntuj rau lub Koom Txoos, kom txawj thuav Tswv Ntuj kev tsim neeg los sib hlub nyob ntiaj teb no. Kom neeg ntiaj teb to taub zoo. Ntuj awb...
    2.Peb thov Ntuj rau cov nom tswv kav teb chaws. Kom lawv paub nrog Tswv Ntuj tswj leej tib neeg kev sib raug zoo. Ntuj awb...
    3. Peb thov Ntuj rau cov neeg txom nyem. Cov neeg mob nkeeg,cov nyob tsev loj faj, cov raug ua nkauj feb los nraug fav,kom Tswv Ntuj hlub lawv thiab nco txog lawv zam txim rau lawv kev tu siab no. Ntuj awb...
    4. Peb thov Ntuj rau tej txheeb ze uas nyias paub muaj teeb meem txhua yam, kom kom lawv rov muaj kev sib haum xeeb nrog Tswv Ntuj dua... Ntuj awb....
    5. Peb thov Ntuj rau peb cov tuaj ntawm no. Uas peb tau hnob Ntuj lo lus. Yog peb muaj tej teeb meem li hais no, kom Tswv Ntuj pab peb daws kom dim mus. Ntuj awb...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 9th October 2015, 8:26 am



    NRUAB XYOO CHIV 28 B Tim 11/10/2015.


    Ntawv thoob tsib hais tias: {7:7-11.}
    Kev thoob tsib yog ib co txuj pab coj neeg lub neej, yog neeg tsis muaj kev thoob tsib nqes saum ntuj los coj neeg. Mas tab yog nws muaj yam twg zoo los tsis muaj qab hau.
    Ntawv thoob tsib hais tias:
    Yog koj tsis thov Tswv Ntuj lub tswv yim thoob tsib, los nyob hauv koj, kom tau coj koj. Mas koj tsis muaj kev ntse.
    Ib tug neeg muaj kev thoob tsib, mas zoo dua, cov nyiaj cov kub. Thiab cov Vaj thiab cov Vaj Txheeb tej theej kiab zaum. Tab yog tas txhua yam yam muaj nqes uas neeg hua ua pov haum.
    Nrog rau txoj kev zoo nkauj zoo nraug, uas muaj hwj chim ntxiag,thiab neeg kev tau zoo noj tau zoo haus txhua yam. muab los piv rau kev thoob tsib, mas piv tsis tau.
    Vim tias, kev thoob tsib nws pub ib lub cuab tam loj heev, uas suav tsi tau li rau neeg.
    Tus muaj kev thoob tsib mas, tab yog tas nrho cov neeg koom nyob ua ib lub teb chaws. Lawv muab tas lawv cov cuab tam pub rau nws mas lawv tseem zoo siab dua, uas cia lawv ua tus saib.
    Yog Leej twg to taub mas, kav tsij thov thiab txais kiag los coj koj lub neej.

    Tsab ntawv Hes Nplaws hais ntxiv tias: {4:12-13.}

    Tswv Ntuj paub peb nruab siab, peb zais tsis tau rau tswv Ntuj lo lus txiav txim.
    Vim tias, Tswv Ntuj lo lus muaj txoj sia. Thiab Nws ua hauj lwm zoo. Tswv Ntuj lo lus no ntse tshaj rab ntaj muaj ob sab ntse. Nws txeem mus txog neeg tus ntsuj plig. mus tob dua neeg lub tswv yim thiab neeg lub siab.
    Tswv Ntuj lo lus yog qhov txiav txim rau yam peb nyiam los peb xav ntawd. Tas txhua yam uas peb ua mas nws nyob nqha nrig tsis muaj ib yam uas yuav zais tau, Leej twg los sim tsis nyog Tswv Ntuj.

    Mas Kos ntawv Moo Zoo hais tias: {10:17-30.}
    Tus nyiam Tswv Ntuj mas nws yuav ua tus tsis muaj dab tsi li. Nws yuav tuav nws kev thoob tsib ces nws raws Yes Xus mus.
    Yes Xus hais rau cov thwj tim thiab npoj neeg ntawd tias:
    Tsuas muaj Tswv Ntuj tib leeg xwb siab zoo. Yog tus tsis tau ua tim khawv cuav dag, tsis zes luag poj luag sev, luag tub luag roog, thiab tsis tau ua tub sab tub nyiag, tsis tau ua phem rau leej twg.
    Nws yog neeg nplua nuj, thiab cuab tam ntau,mas nws yuav muab muag kom tas, ces muab pub rau cov neeg pluag. Ces nws los raws kuv qab. Nws thiaj tsis ceeb laj mus pem Tswv Ntuj lub ceeb tsheej.
    Txoj kev mus rau Ntuj ceeb tsheej muab tus neeg nplua nuj los piv mas, tus ncos caj qaum ua pob ntawd nkag raws qab xov uas rab koob poj niam ntxiv khaub ncaws mus dhau. Mas tus neeg nplua nuj tseem nrhiav tsis tau tau kev mus.
    Lo lus kawg Yes Xus xav hais rau peb sawv daws tias:
    Tus tso tas txhua yam tseg es raws Yes Xus qab mus, mas nws yuav muaj cuab tam, niam txiv kwv tij li 100 npaug ntxiv.

    ZAJ THOV NTUJ.

    1. Peb thov Ntuj rau lub Koom Txoos, Kom lub Koom Txoos txawj thov Ntuj hloov Ntiaj teb tej tub ki lub siab, los raws Yes Xus qab. Kom txoj kev mus Ntuj ceeb tsheej thiaj tsis ceeb laj mus rau cov neeg nplua nuj. Ntuj awb...
    2. Peb thov Ntuj rau cov Nom Tswv kav teb chaws, kom lawv paub tias ntiaj teb lub cuab tam muaj nqes tsis npaum li ntuj kev thoob tsib. Ntuj awb...
    3. Peb thov Ntuj rau txhua phiaj neeg txom nyem, cov muaj mob nkeeg, cov raug kev tshaib nqhis, cov nyob tsev loj faj. Cov muaj kev txhawj xeeb tsis xav ua neej nyob. Ntuj thov koj daws S.D, tej teem meem no. Ntuj awb...
    4. peb thov Ntuj rau cov txheeb ze peb paub lawv muaj teeb meem.... Ntuj awb...
    5. Peb thov Ntuj rau peb cov tuaj ntawm no, Peb tau hnov txhua yam tawm ntawm Tswv Ntuj kev thoob tsib los, kom Tswv Ntuj lo lus yug tau peb muaj txoj sia nyob mus li. Ntuj awb...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 14th October 2015, 8:35 am



    NRUAB XYOO CHIV 29 B Tim 18/10/2015.


    Cov tsab ntawv hnub no hais tias: { H.X.53:10-11. H.Npl 4:14-16. M. K. 10:35-45.}
    Yes Xus yog Tswv Ntuj Leej tub sawv peb chaw, them peb cov txim txhaum. Nws yog tus Tuam thawj Leej choj, cev peb cov lus rau Tswv Ntuj paub. Peb thiaj tso siab lug rau Ntuj. Peb thiaj pom cov neeg tuav hauj lwm nyob hauv Tswv Ntuj lub ceeb tsheej, nyiam ua Tswv Ntuj cov tub txib mus tas lawv lub neej.
    Vim muaj cov ntawv cim Tswv Ntuj tej lus tseg li ntawd:
    Peb thiaj ntseeg thiab tso siab tias, Tswv Ntuj Leej tub thiab Ntuj cov tub txib muaj ntau leej raug kev txom nyem, los lawv tso siab lug rau Tus Tuam Leej Choj Yes Xus uas Nws tau hla mus txog ntau txheej ntuj siab. Nws yog tus paub Leej Txiv Tswv Ntuj lub siab khuv leej neeg.
    Cov neeg ntseeg uas lawv muaj kev tso siab rau Tswv Ntuj tus Tuam Leej Choj no. Mas Yes Xus zoo siab los nyob ze lawv. kom lawv muaj Tswv Ntuj lub txiaj ntsim, khuv leej neeg nrog lawv nyob ruaj nreb.
    Vim lawv tau xaiv kev ncaj ncees lawv thiaj tiv tau kev txom nyem, los raug lawv.
    Tas nrho cov neeg ntseeg, tsis hais cov tuav kab xwm los cov tsis tuav li. leej twg muaj kev tso siab thiab ntseeg tus tuam leej choj txawj cev ntiaj teb neeg lus rau Tswv Ntuj. mas lawv puav leej, tau txais Tswv Ntuj tus tuam Leej choj muab Nws txoj sia los ua tus nqes txhiv lawv ntawm kev ua txhaum kom dim mus.
    Thaum peb hnov ib cov lus muaj zog li no lawm. mas peb txhob pwv nyob hauv kev tu siab. Yog peb pw nyob hauv kev tus siab kev ua txhaum. Mas Tswv Ntuj tus Tuam Leej Choj no, Nws cev tes tuaj rub peb mas peb kuj tsis tso siab, ces peb yuav tuav tsis tau Nws kev khuv leej.
    Peb yuav ua neeg nyob sawv ntsug, muab peb lub tswv yim no tig nrog lub ntiaj teb khiav mus sib law sib liag. Ib ntxeej ntuj, Nws vuag tsis tau los lwm ntxeej ntuj, kom Nws thiab peb sib tuav tes tau. Lub caij peb nyob dag xwb mas peb txhob zaum, los pw nrog kev tu siab.
    Peb lub Tswv yim nws yuav khiav nrog tej nthwv cua zoo, thaum cua tig mus nrog dej lawm cua kuj muaj zog, ua rau neeg rov ua pa zoo tuaj.
    Yog peb tsis khiav caum lub ntiaj teb mas peb caum tsis tau Tswv Ntuj lub Tswv Yim coj peb hloov siab tig mus raws kev muaj zog kom nyob ze Tswv Ntuj mus li.
    Txoj kev peb lub tswv Yim khiav nrog lub sim ceeb ntawd, yog khiav kom tau nrog Tswv Ntuj mus ua ke. Peb thiaj txawj hloov los yuav yam tshiab. Niaj hnub Tswv Ntuj lub Tswv Yim xa tej yam tshiab tuaj mus li. ua kom tib neeg ntse thiab raws cuag.
    Koj cia koj lub tswv yim nyob thiab pw, mas Tus phem muab kev tub nkeeg los nias koj koj. Ces kev tub nkeeg rub koj mus zwm rau kev npau taws. Kev npau taws nws muaj zog coj kev phem los cuab koj lub zog kom koj muaj zog khiav mus deb ntawm kev npuab Tswv Ntuj.

    ZAJ THOV NTUJ.
    1. Peb thov Ntuj rau lub Koom Txoos, kom cov ntseeg txawj tso siab rau Tswv Ntuj tus Tuam thawj Leej Choj uas txawj cev ntiaj teb neeg kev tsos siab los qhia rau Tswv Ntuj. Kom lub koom Txoos ruaj nrog Tswv Ntuj. Ntuj awb....
    2. Peb thov Ntuj rau cov Nom Tswv kav teb chaws, kom lawv txawj hloov siab tig los nrog Tswv Ntuj taug tib txoj kev khuv leej neeg yaj ceeb no. Ntuj awb.
    3. Peb thov Ntuj rau cov neeg txom nyem, kom txhua phiaj neeg txom nyem txawj tig lawv lub siab los txais Tswv Ntuj kev khuv leej, txhob pw nyob hauv kev tu siab mus tas lawv sim neej. Ntuj awb...
    4. Peb thov Ntuj rau cov neeg mob, pw tsev tshuaj, cov nyob hau vaj tse, cov tuaj ntawm no, thiab cov sau npe qhia Tswv Ntuj. Kom lawv tau txais Ntuj kev khuv leej txhua tus. Ntuj awb...
    5. Peb thov Ntuj rau peb cov tuaj hnub no, kom peb txhua tus nyias txawj tig nyias lub siab los nrog lub ntiaj teb khiav caum Tswv Ntuj tus Tuam Leej Choj, txoj kev txhiv peb dim ntawm kev ua txhaum. Ntuj awb...

    Yaj Zoov Ntxheb Xib Hwb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 28th October 2015, 10:12 am



    NRUAB XYOO CHIV 31 B TIM 1/11/2015.

    HWM TSOOM LEEJ NTSHIAB.



    Ntawv nyob phab 210.
    Hnub no tas lub ntiaj teb hwm Tsoom Leej Ntshiab. Cov peb hu ua Leej Ntshiab, yog tas ntiaj teb neeg tsoom pog yawg. Uas lawv ua neeg siab ncaj thiab dawb huv, li cov lus uas peb tau nyeem los nyob hauv peb zaj ntawv ntshiab hnub no.
    Yam li yog cov neeg uas lawv yuav Yes Xus zaj Tswv Yim, thaum lawv tseem ua neej nyob ntiaj teb no. Thiab lawv ntseeg tias Tswv Ntuj nyiam lawv.
    Ces nyiam no, lawv tau mus nyob saum Ntuj Ceeb Tsheej, Lawv sib sau nyob ntawm Tswv Ntuj xub ntiag. Zoo li ib pab neeg coob uas lawv ua ib lub txoos teev Ntuj lom zem loj tas nrho.
    Hnub no, yog hnub uas tas neeg ntiaj teb neeg tej pog tej yawg siab ncaj lawv hnub zoo siab. Vim Tswv Ntuj tau nyiam lawv. Ces Tswv Ntuj qhib rooj ntug rau neeg ntiaj teb cov ntsuj plig, kom muaj cai mus nrog Tswv Ntuj nyob.
    Peb Haiv Hmoob kuj muaj cov pog cov yawg koom nrog ntiaj teb tej pog yawg zoo siab.
    Nyob teb chaws them txim peb tseem tshuav tej niam tej txiv uas lawv tos peb xa paj tshab mus pab lawv li Hmoob ua kam uas yav thaud uas lawv hlawv ntawv mus pab.
    Tej niam tej txiv cov neeg dua nras,lawv tos thiab tso siab rau peb lub txoos teev Ntuj hnub no, uas muaj Leej Pleev lub cev thiab Nws cov ntshav, nrog peb cov zaj teev Ntuj, mus daws lawv li kev them txim.
    Cov tub ki hnub no lawv tau tuaj koom Leej Pleev lub Txoos txi Ntuj no,mas lawv cov niam txiv zoo siab npaum li neeg muaj hmoo. Uas hmoov tau poob saum Ntuj los rau, lawv cov ntsuj plig kom tau dim ntawm teb chaws them txim mus.
    Yog nej paub mas hnub no nej yuav xa paj tshab mus teb chaws them txim kom ntau li ntau tau. Nej mus xyuas lawv lub zos laus ntawd, Nej hais zaj, peb txiv nyob saum ntuj, zaj koj nyob kaj lug Mab Liab, Zaj Huab tais Leej Txiv, Huab Tais Leej Tub, Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej xws li txheej laus thaud los ua li.
    Peb zaj no xwb,nws twb tsim muaj nuj nqes txaus tso ib tug neeg nyob teb chaws them txim mus. Tsis kav tsis tshua muaj neeg xa mus rau tej niam tej txiv li thiab.
    Lub Txoog txi Ntuj thiab cov zaj yuav xa mus ua paj txhab rau teb chaws them txim, mas hnub tim 1 thiab tim 2 lub 11 hli no mas muaj nuj nqes kawg. yog peb paub zoo mas ob hnub no,peb yuav tsis txhob nruam li.
    Tseem tshuav ntau lub tswv yim uas zoo coj mus hais qiv tus yawm sij qhib qhov rooj nyob teb chaws them txim, kom muaj neeg coob leej tau hla teb chaws them txim los rau Ntuj ceeb tsheej, peb yuav kawm kom paub ntau dua ntxiv.

    ZAJ THOV NTUJ.
    1. Peb thov Ntuj rau lub Koom Txoos, kom peb ntseeg tias, Tswv Ntuj nyiam thiab zam rau peb cov pog yawg, los cov niam txiv nyob teb chaws txom nyem kom tau mus rau Ntuj kag. Ntuj awb...

    2.Peb thov Ntuj rau cov Nom Tswv kav teb chaws, kom lawv pub kev thaj yeeb rau tsoom pej xeem huab hwm kom neeg txawj xaiv txoj kev ncaj qha mus rau Ntuj ceeb tsheej. Ntuj awb...

    3.Peb thov Ntuj rau cov neeg txom nyem Txawm lawv nyob hauv kev txom nyem los ntseeg tias Tswv Ntuj nyiam thiab hlub lawv,kom lawv muaj kev tso siab lug rau Ntuj mog. Ntuj awb...

    4.Peb thov Ntuj rau cov sau npe hnub no, uas muaj neeg cev lawv tej txheeb ze rau ntuj Tswv Ntuj thov koj mloog lawv lo lus cev tuaj mog. Ntuj awb...

    5. Peb thov ntuj rau peb cov tuaj hnub no, peb tau hnov Ntuj lus, peb tau xa paj tshab mus rau teb chaws them txim. Tswv Ntuj koj saib kom yog tsim nyog li peb thov Koj. Ntuj awb...
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th November 2015, 9:34 am



    NRUAB XYOO CHIV 32 B Tim 8/11/2015.



    Cov ntawv Ntshiab uas hnub no lub Koom Txoos nyeem nyob hauv ntawv 1Vaj{17:10-16} Hes Npaws{9:24-28.} thiab Mas Kos{12:38-44.} Zoo pab peb tso siab tias:

    Tswv Ntuj zoo siab pab cawm cov neeg tshaib plab, kom muaj mov txaus noj. Tswv Ntuj siv cov Yaj Saub siab ncaj thiab Nws leej tub Yes Xus Pleev, tuaj ua hauj lwm pab cov neeg txom nyem.
    Kom neeg ntiaj teb cov siab zoo tau koom nrog Yes Xus zaj txi Ntuj nyob saum ntoo cuam.
    Tas txhua yam hwj huam cawm neeg ntawm kev tshaib kev nqhis. los kev mob kev nkeeg. Puav leej yog txoj kev cawm neeg dim ntawm kev ua txhaum!
    Cov zaj lus hnub no peb hais mas tseeb tiag. Vim tias, thaum neeg raug kev tshaib kev nqhis, los raug kev mob kev nkeeg. Ces neeg muaj kev tu siab tuaj, ces neeg txav mus zwm rau kev ua txhaum ntau dua.
    Thaum neeg txav mus txog kev ua txhaum lawm, mas neeg raug cov xwv txheej, coj neeg txoj sia mus zwm rau kev ua txhaum tuag.
    Ces neeg tus ntsuj plig tau ris txoj kev ua txhaum, ncaim ntawm Tswv Ntuj kev nyiam kev hlub mus. Vim tias kev ua txhaum nyob ti cev, ces muaj kev tu siab, kev npau taws.
    Txoj kev npau taws, yog lub vas puav neeg, kom tso Tswv Ntuj pov tseg thiab tuag mus. Tswv Ntuj paub tej no zoo, Ntuj thiaj xa cov Yaj saub siab ncaj thiab Nws Leej Tub tus muaj peev xwm tuaj pab cov neeg txom nyem.
    Kom muaj kev ntseeg, tiv taus kev tshaib kev nqhis, thiab neeg tej mob nkeeg. Kom neeg tau txav nrug deb ntawm kev npau taws.
    Peb yuav txaus siab los koom nrog Yes Xus, tab peb txom nyem, peb cev tau ib lub khuav dawm, los ib xees liab xwb, los peb muab cev nrog Yes Xus Pleev txoj kev hlub mus pab rau luag.
    Zaj lus hnub no peb hais mas yog lus tseeb. Vim tias thaum neeg raug kev tshaib nqhis,los raug kev mob nkeeg. Mas neeg muaj kev tu siab, ces neeg txav mus nyob ze kev ua txhaum ntau dua.
    Thaum muaj kev tu siab lawm, mas neeg tus ntsuj Plig ris kev ua txhaum tuag,thiab ncaim ntawm Tswv Ntuj kev nyiam kev hlub mus. Vim kev npau taws nyob ti cev lawm, ces neeg tuag rau nws kev npau taws.Txoj kev npau taws yog lub vas puav neeg tuag,kom tso Tswv Ntuj pov tseg. Tswv Ntuj paub tej no zoo, Ntuj thiaj tso kom muaj cov Yaj Saub los cov neeg siab ncaj, thiab Nws leej Tub tuaj nplij lub ntiaj teb neeg.
    Yog cov muaj peev xwm, uas yuav pab cov neeg raug kev tshaib kev nqhis, thiab kev mob kev nkeeg. Kom tau txav nrug deb ntawm txoj kev npau taws tuag mus.
    Yes Xus Pleev thiaj tuaj yeem muab Nws thaj txi Ntuj tso nyob qhov chaws siab rau saum tus ntoo cuam. kom ntiaj teb neeg paub thiab ntsia pom, kom cheem tau sawv daws tej kev npau taws, nyob nruab siab tawm mus.
    Thaum Yes Xus ua nws cov hwj huam,cawm neeg kev tshaib nqhis los kev mob nkeeg tas. Mas Tswv Ntuj yuav tsa Nws ua Vaj, kom lub ntiaj teb neeg rov zoo siab tias, Tswv Ntuj nco txog neeg ntiaj teb kev iab kev khwv thiab kev txom nyem nyob ntiaj teb no lawm.
    Hnub no peb tau hnov Ntuj ib zaj lus zoo kawg. Yog lub pov haum uas tsim nyog peb nhiav kom tau.


    ZAJ THOV NTUJ.
    1. Peb thov Ntuj rau lub Koom Txoos, kom txhua phiaj neeg paub txog, cov neeg Ntuj txib nqa txiaj ntsim tuaj rau cov neeg txom nyem. Kom txawj txais nyias li hauj lwm koom nrog leej Pleev kev cawm neeg. Ntuj awb...
    2. Peb thov Ntuj rau cov Nom Tswv kav teb chaws, kom lawv tuaj yeem ua Tswv Ntuj cov tub txib rau sab kev pab neeg txom nyem. Kom lub ntiaj teb tau nyob thaj yeeb. Ntuj awb...
    3. Peb thov Ntuj rau cov neeg txom nyem. Kom lawv nco tias Tswv Ntuj nyiam thiab hlub lawv txhua tus. Ntuj awb...
    4. Peb thov Ntuj rau cov neeg muaj npe sau tseg qhia rau Tswv Ntuj. Tab txawm muaj mob nkeeg los raug kev tshaib nqhis los tso siab tias Tswv Ntuj hlub thiab nyiam lawv. Ntuj awb...
    5. Peb thov Ntuj rau peb cov tuaj hnub no, Peb hnov peb paub, Kom Tswv Ntuj txuag peb li Tswv Ntuj nyiam thiab hlub. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th November 2015, 9:37 am



    NRUAB XYOO CHIV 33 B Tim 15/11/2015.




    Cov ntawv Ntshiab uas lub Moo Zoo hais thiab cov tsab ntawv hnub no: Mas Kos{14:24-32.}Hes Nplaws{10:11-14+18.} thiab Das Nias{12:1-3.} hais tias:
    Peb lub neej nyob ntiaj teb no,peb tsuas hnov thiab pom kev ua plaub ua ntug los, kev tsov kev rog, thiab muaj xwv txheej mus li xwb. Niaj hnub muaj tshwm sim tuaj, yad tas yad tuaj thiab.
    Peb yuav nco tias lub sim ceeb no, yuav tsis nyob zoo li ntawd mus li. Lub Sim Ceeb yuav dua ntais mus ib zaug.  Peb muaj Yes Xus yog peb tus Vaj, Nws nyob ze Leej Txiv Tswv Ntuj.
    Peb muaj chaw tso siab, Yes Xus yog tus them peb cov txim txhaum. Peb muab siab rau vam txog Yes Xus, ces peb yuav tau mus nyob pem Tswv Ntuj lub ceeb tsheej.
    Zoo li tus Yaj Saub Das Nias yees pom tias,thaum lub ntiaj teb no kawg, thiab dua ntais mus lawd,lub ntuj yuav tsaus nti,txhua yam yuav ploj tas.  Mas cov neeg siab ncaj, yuav sawv rov los muaj txoj sia nyob mus li.
    Lub caij uas ntiaj teb kev txom nyem tuaj txog,neeg ntiaj teb yuav pom Yes Xus Pleev muaj hwj chim zaum nyob saum cov huab, nyob saum ntuj.
    Ntuj cov tshiab yuav sau tas cov neeg nyob plaub ceg kaum ntuj, los nyob ze ntawm rooj ntug. Luag yuav txheeb cov neeg tso siab rau Leej Pleev, lub thaj txi Ntuj nyob saum tus ntoo cuam.
    Leej Pleev Nws txi Ntuj ib zaug xwb, ces them thiab txhiv los ntxuav tas nrho cov neeg ntseeg thiab tso siab rau Leej Pleev mus ib txhiab ib txhis lawm.
    Hos cov neeg tso siab rau lawv cov thaj txi ntuj,uas muab tsiaj los txi. mas daws tsis tau neeg cov txhaum, thiab ntxuav tsis tau neeg kom dawb huv tuaj.
    Thaum neeg ntiaj teb pom tus Vaj Txheeb Miv Kas sawv los, mas yog lub caij uas neeg ntiaj teb yuav muaj kev ntshai thiab txhawj xeeb loj heev.
    Yog lub caij hu ua cov txheeb ze kev sib ncaim,cov muaj npe nyob hauv phau ntawv uas Ntuj cov tshiab tuav tseg.  mas lawv yuav muaj txoj sia nyob mus li, thiab lawv yuav ci ntsa iab li, cov hnub qub ntsais nyob saum ntuj.
    Peb yuav tso siab thiab vam txog Yes Xus,vim lub sim ceeb no, muaj kev phem kev zoo sib naug zos.  Tuaj yuj neeg lub siab, kom tsis txawj xaiv txoj twg.
    Uas yog txoj kev cawm neeg,peb yuav thov kom muaj raws li peb xav,ib lub hnub qub ntsais nyob sau ntuj kom yog tus uas peb xav tias yuav yog ntawd!
    Kom lub neej peb ua neeg nyob ntiaj teb no, kom tsim nyog rau peb tej kev iab kev khwv uas peb tau ntsib ntawd.

    ZAJ THOV NTUJ.
    1. Peb thov Ntuj rau lub Koom Txoos, kom cov ntseeg paub Leej Pleev zaj txi Ntuj thiab lawv tso siab rau,cawm tau lawv kom muaj txoj sia nyob mus li.   Ntuj awb...
    2. Peb thov Ntuj rau cov Nom Tswv kav teb chaws, kom lawv paub tias lub ntiaj teb yuav txawj dua mus ib zaug xwb. kom lawv muab kev ncaj ncees thiab kev thaj yeeb rau tsoom pej xeem tau taug.  Ntuj awb...
    3. Peb thov Ntuj rau cov neeg txom nyem, kom txhua pab txawj ua siab loj thiaj tiv taus kev iab kev khwv los raug lawv.  Ntuj awb...
    4. Peb thov Ntuj rau cov ua txij ua nkawm, kom lawv sib hlub tom thawj raws li Ntuj foom pub los.  Ntuaj awb...
    5. Peb thov Ntuj rau cov tuaj hnub no, uas peb hnov tej yam zoo los ntxiv zog rau peb, peb ntseeg thiab tso siab rau yam tseem ceeb yuav cawm tau peb.   Ntuj awb.


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 19th November 2015, 10:02 am



    NRUAB XYOO CHIV 34 B Tim22/11/ 2015.
                HWM YES XUS UA VAJ.



    peb zaj ntawv Ntshiab hais txog Yes Xus ua Vaj hnub no.  Lub Moo Zoo, Kus Kas,{23:35-43} Xas Muas,{5: 1-3.} thiab Kos Los Xais,{1:12-20.} hais tias:
    Yes Xus yog tus Tuam Vaj loj tshaj txhua yam,Nws yog lub tau hau coj lub Koom Txoos, kom hlob nrog lub ntiaj teb, mus taug txoj kev tshiab.
    Yes Xus yog tus Tuam Vaj, Nws thiaj tuaj yeem tuag kom tau txhiv nws Haiv neeg. Yes Xus yog tus Vaj coj cov neeg muaj txhaum, kom tau mus txog Ntuj Ceeb tsheej.
    Thaum tus yaj Saub Xas Muas, thiab tsoom His Xas Lais thov kom Das Vis ua lawv tus Vaj. mas lawv tsuas pom tias, Das Vis txawj coj lawv ntaus rog xwb.
    Tab sis Tswv Ntuj paub tias, Das Vis yuav coj cov His Xas Lais kom paub Tswv Ntuj zoo dua. Ces Tswv Ntuj tuaj tshoj kom Xas Mus pleev Das Vis ua Vaj.
    Cov neeg tau xaiv Yes Xus ua lawv tus Vaj, mas lawv ntseeg tias, Yes Xus yog tus cawm tau neeg cov ntsuj plig los ua Tswv Ntuj cov tub ki.
    Yes Xus thiaj qhia kom lub qab ntuj neeg, hu Tswv Ntuj ua Leej Txiv siab zoo. Kom cov ntseeg zeem Tswv Ntuj ua lawv Leej Txiv, kom neeg muaj cai thov txhua yam ntawm Leej Txiv  txoj kev khuv leej.
    Peb yuav ntseeg tias, Yes Xus tuaj yuav lub cev neeg, kom Nws muaj tib hom roj ntsha zoo li peb. Thaum peb tsis muaj zog thiab peev xwmtsis txaus, mas peb yuav vam txog Yes Xus ua tus coj peb.
    Uas Nws yog lub taub hau, muaj zog thiab muaj peev xwm  ntawm peb sawv daws lub tswv yim ua Vaj. Nws hwj thiab roos tau peb ua Ntuj cov me nyuam siab zoo nyob ruaj nreb mus li.
    Peb yuav zoo siab ua Leej Txiv tsaug, vim Leej Txiv tau tso tus Vaj Pleev tuaj hu peb los, nrog Nws muaj koob meej, thiab ua haiv neeg ntshiab.
    Kom peb tsim nyog txais txoj hmoov thiab lub hwj chim nyob rau lub teb chaws pom kev. Peb tau ua peb tus Vaj siab zoo pab Yaj dawb huv ntxim nyiam thiab hlub los ntawm Leej Txiv kev khuv leej peb.
    Peb yuav tso siab li tus neeg nyob ntawm Yes xus sab xis, uas Yes Xus tau cog lus tias, kuv hais rau koj.  Hnub no koj yuav tau nrog kuv nyob pem lub nras lom zem mog.

    ZAJ THOV NTUJ.
    1. Peb thov Ntuj rau lub Koom Txoos, uas Yes Xus yog lub taub hauj, thiab tus Vaj txiv lub qab ntuj neeg cov txhaum, kom sawv daws tso siab thiab vam txog Nws, ua tus coj.    Ntuj awb...
    2. Peb thov Ntuj rau cov Nom Tswv kav teb chaws, kom tus yuav tuaj ua Vaj txheeb, pwm tsav tom ntej no, mloog Ntuj cov lus, coj li Tswv Ntuj nyiam thiab Ntuj txib.   Ntuj awb...
    3. Peb thov Ntuj rau cov neeg txom nyem,cov muaj mob nkeeg, cov raug kev tshaib nqhis, cov ua neeg lwj siab. kom lawv tso siab, Ntuj pom lawv txhua tus, kev txom nyem.   Ntuj awm
    4. peb thov Ntuj rau cov uas muaj neeg sau npe mus qhia Leej Txiv siab zoo. Tswv Ntuj thov koj nco txog sawv daws cov npe peb cev tuaj no.  Ntuj awb.
    Peb thob Ntuj rau cov tuaj hnub no...... Ntuj awb....

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th November 2015, 8:41 am



    TOS HUAB TAIS CHIV 1 C Tim29/11/2015.



    Cov ntawv Ntshiab uas, Yes Les Mias, Paj Lug, thiab Lus Kas lawv sau peb nyeem hnub no hais tias: {Y.L.M.33:14-16.} {1 T. X. L.N.{3:12-14+4:1-2.} {L.K.21:25-28+34-36.}

    Yes Xus yug ntawm lub ntiaj teb los,xws li ib tug kaus hlav hauv av tuaj. Kom Nws tau ua ib tug piv txwv zoo rau Yaj Ceeb neeg yoog. Vim tias niaj hnub Huab Tais Tswv Ntuj tuaj xyuas lub sim ceeb no.
    Peb cov neeg nyob Yaj Ceeb no, yuav xyaum kom peb txhob muaj chaw xyeej. Vim niaj hnub peb pom cov zej zog, los cov teb chaws raug xwv txheej ntau heev. Peb yuav nco tias, cov kev phem ntawd, kuj yuav dua nrog cov neeg phem mus.
    Ces Tswv Ntuj lub Ceeb Tsheej thiaj yuav maj mam hlob zuj zus mus.
    Cov hwj huam loj txaus ntshai thiab txawj nyob ntiaj teb no, mus nto txheej ntuj siab saud, thiab cov xwv txheej uas neeg ntiaj teb tsim los no,yuav txawj dua mus.
    Vim lub Koom Txoos tus Vaj Pleev yog neeg ntiaj teb lub taub hau, zaum nyob saum cov huab. Lub ntiaj teb cov neeg ntseeg yuav tso siab rau Leej Pleev ua tus coj.
    Sawv daws yuav hloov siab los,coj tus yam ntxwv tshiab, kom tsis muaj chaw xyeej nyob ntawm Tswv Ntuj xub ntiag. Tswv Ntuj twb muaj lus ceeb toom tias:
    Ntuj yuav foom rau Yaj Ceeb neeg, kom lub ntiaj teb hlav ib tug kaus,coj txoj kev ncaj ncees tuaj. Kom muaj kev thaj yeeb, Ntuj yuav tis lub npe tias, yog Tswv Ntuj txoj kev ncaj ncees kom rhuav tsis tau.
    Cov zaj lus uas Tswv Ntuj hais hnub no, mas duav tas nrho leej tib neeg, tej kev khib, kev rob caub,kev cib nyeej, thiab kev npau taws los kev paub luag ua tub qaug rau yus tas tib si hauv.
    Lub txiv yuav txi ntawd hu ua, txoj kev zoo, zam rau tsoom txheeb ze.

    ZAJ THOV NTUJ.
    1. Peb thov Ntuj rau lub Koom Txoos, kom lub Koom Txoos hwm Tswv Ntuj tus kaus hlav tuaj ntawd,Nws coj Tswv Ntuj txoj kev ncaj ncees tuaj rau Yaj ceeb neeg. Ntuj awb...
    2. Peb thov Ntuj rau cov Nom Tswv kav teb chaws, kom lawv hwm Tswv Ntuj lo lus ceeb toom. Kom pub kev thaj yeeb rau lub sim ceeb neeg. Ntuj awb...
    3. Peb thov Ntuj rau cov neeg txom nyem, zoo li cov ua neeg thoj nam, cov muaj mob nkeeg, cov nyob tsev loj faj, kom lawv txawj tso siab tias, kev txom nyem yuav du mus. Ntuj awb...
    4. Peb thov ntuj rau cov tub ntxhais hluas. kom Tswv Ntuj lo lus ceeb toom kev ncaj ncees tuaj txog lawv. Ntuj awb...
    5. Peb thov Ntuj rau peb sawv daws tuaj hnub no, kom peb muaj kev tso siab rau Tswv Ntuj lo lus ceeb tom kom peb muaj kev thaj yeeb. Ntuj awb....
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 4th December 2015, 10:46 am



    TOS HUAB TAIS CHIV 2 C Tim 6/12/2015.



    Ntawv Hes Nplaws hais tias: [5:1-9.}
    Peb pom lub ntiaj teb no raug kev txom nyem, muaj kev ntxhov, peb yuav nco tias:
    Txoj kev cov neeg siab ncaj nyob hauv kev txom nyem, lawv taug ntawd,yuav mus tshwm rau Tswv Ntuj lub ceeb tsheej. Tswv Ntuj lo lus nrov tuaj tias,hle koj lub tsho tu siab txom nyem no tseg.
    Koj muab Tswv Ntuj lub hwj chim, uas yog lub tsho tsuj tsho npuag los hnav. Yog txoj kev ncaj lub tsho, yog Tswv Ntuj lub meej mom thiab lub koob meej.
    Koj hnav kom lub ntiaj teb neeg pom, ces Tswv Ntuj yuav hu koj lub npe ua neeg siab ncaj mus li.

    -Hauv tsab ntawv ob, Paj Lug thov ntuj rau cov neeg nyob Fis Lis Pos:{1:3-6+8-10.} kom lawv hlob mus nyob hauv txoj kev ntseeg, hauv Yes Xus lub npe kom tiav.
    Mus raws txoj kev ncaj haum lub Moo Zoo.
    Nws hais tias,yog kuv nco txog nej thaum twg, mas kuv thov Ntuj rau nej,thiab ua Ntuj tsaug. Vim txij thaum nej ntseeg txog Yes Xus los, mas nej tau ua ib tug qauv zoo. Nej hwm Yes Xus lub Moo Zoo, thiab nej ua rau ntiaj teb neeg pom, ces cuag li nej tau pab tshaj lub Moo Zoo lawm.
    Muaj Tswv Ntuj ua tim khawv tias, nej tau pab lub Moo Zoo kom hlob mus nyob nruab nrab hauv lub ntiaj teb neeg. Tswv Ntuj nyiam nej nyob hauv Leej Pleev nruab siab.
    Kom zaj txuj ci tseem ceeb no,tau pab lub ntiaj teb neeg, xyaum ua neeg siab dawb, kom tsis muaj chaw xyeej.

    Lus Kas ntawv Moo Zoo hais dua tias: {3:1-6.}
    Yes Xus cawm peb, mas Nws xav kom peb npaj siab tos Yes Xus tuaj nyob hauv peb. Zoo li lub caij Zam Ntxuav Plig tshaj Tswv Ntuj lo lus nyob teb chaws suab puam. Kom neeg tig los yuav lub siab tshiab, kom tau daws txhaum.
    Nws hais tias,neeg ntiaj teb, nej kho Huab Tais txoj xub ke kom tiaj tus. Nej tshav ncaws tej hauv roob kom qis, txhub av rau cov kwj ha kom tiaj xim yeem.
    Cov qib lus no Ntuj xav kom peb kho peb tej siab ntsws kom zoo, tsim nyog txais Leej Pleev tuaj nyob hauv peb nruab siab.
    Leej Pleev twb tuaj lawm, Peb lub siab tseem ua roob ua hav, peb yuav ncaws tshav peb lub siab kom xwm yeem, kom Tswv Ntuj kev cawm tuaj txog peb. Kom peb tau txais lub npe hu ua cov neeg siab ncaj.
    Lo lus kawg uas peb yuav kho peb lub siab kom tiaj tus, yog plaub yam no:
    a.Koj yuab txaus siab rau koj tus kheej.
    b.Koj yuav txhob dag rau lub ntuj lub teb.
    c.Koj yuav tsis txhob dag rau lub hnub lub hli.
    d.Koj yuav txhob rov dag rau koj tus kheej
    Plaub yam no mas niaj hnub tab meeg dag mus li, yam tsis saib lub ntuj lub teb. Los tsis saib lub hnub lub hli. thiab rov tsis saib peb tus kheej li. Ces cuag li peb yog cov neeg hmoov tas lawm.
    {piav plaub lo lus no li koj piav tau.}
    Tswv Ntuj yog tus tsim koj los, koj yog yam zoo tshaj txhua yam uas Ntuj tau tsim los nyob ntiaj teb no. Koj dag tsis tau,Ntuj pom Ntuj paub txhua lub sij hawm...
    Lub hnub lub hli txog caij tawm tuaj nws tawm tuaj, txog caij poob nws poob, lub hnub lub hli tsis txawj tsaug zog. lub caij twg, tav li cas koj dag los nws pom thiab paub tas,tsis zoo dag li.
    Koj txhob rov dag koj, koj xav tias dag lwm tus zoo dag no! dag lub Ntuj lub teb, dag lub hnub lub hli, los dag lwm tus neeg. Tej no, yog koj rov dag rau koj tus kheej xwb.
    Qhov kawg yog muab ntaus nqes tias koj tsis tsim txiaj los tsis muaj nqes li lawm. Koj dag koj ces yog koj hmoov tas lawm. Vim koj muaj cuab kav dag rau Ntuj rau teb los rau lub hnub lub hli tib si lawm. Koj tshuav dab tsi tseem zoo, nyob hauv koj?

    ZAJ THOV NTUJ.
    1. Peb thov Ntuj rau lub Koom Txoos, kom lub Koom Txoos sawv daws txawj tso siab tias, txoj kev txom nyem coj peb mus tswm rau Ntuj ceeb tsheej. Ntuj awb...
    2. Peb thov Ntuj rau cov nom tswv kav teb chaws kom lwv paub tias, muaj txoj kev ncaj uas Tswv Ntuj nyiam thiab yuav pub rau lub ntiaj teb taug kom lawv txawj nrhiav. Ntuj awb...
    3. Peb thov Ntuj rau cov neeg txom nyem, kom lawv nco tias muaj Tswv Ntuj lub hwj chim nres sawv daws. kom lawv mus hnav Lub tsho muaj kev ncaj ncees rau Tswv Ntuj nyiam lawv. Ntuj awb...
    4.eb thov Ntuj rau cov tub ntxhais hluas, kom muaj neeg tig los yuav lub siab tshiab kom tau kev daws txhaum. ces Yes Xus lub Moo Zoo yuav hlob tiav nyob ntiaj teb no. Ntuj awb...
    5. Peb thov Ntuj rau peb cov tuaj ntawm no, kom peb txawj thoov txoj kev ncaj kev du rau Leej Plev los nyob haiuv peb nruab siab. Ntuj awb...
    Yaj Zoov Ntxheb Xib Hwb.




    Sponsored content

    Re: XH.Zoov Ntxheb Yaj Nthuav Ntawv Ntshiab.

    Post  Sponsored content Today at 3:40 am


      Current date/time is 10th December 2016, 3:40 am