Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Latest topics

» COV ZAJ NYEEM NRUAB LIS PIAM XYOO II 2017-2018
by Mim 18th October 2018, 5:13 pm

» COV ZAJ NYEEM HNUB CHIV Xyoo B 2017-2018
by NrhiavTswvNtuj 18th October 2018, 6:21 am

» XH.Zoov Ntxheb Yaj Nthuav Ntawv Ntshiab.
by Maiv Tooj 18th October 2018, 6:14 am

» XH. Yaj Zoov Ntxheb lub Tsev THOOB TSIB
by Maiv Tooj 18th October 2018, 6:11 am

» Tsa Vaj Qhia äj Lug 6 ua Leej Ntshiab
by Maiv Tooj 14th October 2018, 6:01 am

» TP.Txhiaj Foom lub TSEV Ntawv
by Maiv Tooj 5th October 2018, 11:08 pm

» 3 Tug Tij Hmoob Nyab Laj teb.
by Mim 4th September 2018, 2:26 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 31st August 2018, 6:10 am

» Notre Dame du Laus
by Maiv Tooj 9th August 2018, 8:28 am

» Txiv Tswv QhiaTxwj Choo Thoj nyob los tsuas
by Maiv Tooj 27th July 2018, 8:04 am

» Hmoob Roob Nyuj Qus 1956-57 ( Saib duab nias ntawm no)
by Maiv Tooj 20th July 2018, 10:47 pm

» Nyob pab saib tsev
by Maiv Tooj 18th July 2018, 2:01 pm

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th April 2018, 2:41 am



    LUB CAIJ HLA CHIV 3 B Tim15/4/2018.

    Tsab ntawv Hauj Lwm, zaj 3: 13-15 hais tias:
    ->Tus Yes Xus uas cov Yus Das muab nws tua, mas Tswv Ntuj tsa nws sawv rov los lawm. Peb yuav tau tig los mloog Tswv Ntuj lus.
    -> Nyob hauv Zam tsab ntawv 1, zaj 2: 1-5. Hais tias:
    Peb yog ib co neeg muaj txhaum, tab sis peb muaj Yes Xus ua tus cev peb cov lus thov txim, nyob ze Leej Txiv.
    ->Nyob hauv Lus Kas ntawv Moo Zoo, zaj 24: 36-48. Hais tias:
    Cov Thwj Tim ntseeg tias, Yes Xus sawv rov los, mas Yes Xus thiaj qhib lawv lub tswv yim. Kom lawv to taub txhua yam nyob hauv cov ntawv Ntshiab, uas Tswv Ntuj Leej Tswv Yim Ntshiab qhia rau lawv.
    Xws li thaum Yes Xus nrog ob tug Thwj Tim mus rau lub nroog Es Mas Nws Es. ThaumYes Xus piav txog cov lus nyob hauv ntawv Ntshiab thiab ua cov kab ke lov mov, mas nkawd mam zeem tau Yes Xus.
    Tib lub sij hawm ntawd, Yes Xus kuj tawm tuaj nyob nruab nrab hauv cov Thwj Tim nyob Yes Lus Xas Les. Yes Xus tshaj rau lawv tias:
    Nej nyob kaj lug mog! Nej ntsia kuv ob txhais tes saib, yog kuv tiag! Cov dab, mas lawv tsis muaj pob txha. Ces Yes Xus noj mov nyob ntawm cov Thwj Tim xub ntiag.
    Yes Xus rov hais rau cov Thwj Tim tias, tas txhua yam hais txog kuv, mas nyob hauv Mais Xes txoj cai. Thiab nyob hauv cov ntawv nkauj paj nruag.
    Ces Yes Xus thiaj qhib cov Thwj Tim lub tswv Yim, kom lawv to taub txog cov ntawv Ntshiab hais tias:
    Yeej muaj ntawv sau tseg txog Leej Pleev, yuav raug kev txom nyem, thiab hnub peb mas Nws yuav sawv hauv cov tub tuag rov los.
    Nws yuav tshaj txoj kev tig los yuav lub siab tshiab, kom tau daws txhaum nyob hauv Leej Pleev lub npe. Nej yuav ua tim khawv pom txog tej yam kuv hais no.
    Cov hauv paus xa lus thiaj sau tseg tias:
    Muaj ib tug cev peb cov lus, thov kev zam txim nyob ze Leej Txiv. Yog tus Yes Xus siab ncaj no, Yes Xus tuag, kom tau ua tus nqi txhiv lub qab ntuj neeg cov Ntsuj Plig.
    Yes Xus thiaj qhia tias:
    Yog peb lam ua txuj ntseeg, peb tsis coj Nws cov lus qhia xwb, mas peb yog ib co neeg dag. Peb tsis muaj txoj kev tseem ceeb nyob hauv peb.
    ->Thaum Pob Zeb kho tus neeg tuag ceg, nyob Yes Lus Xas Les. Nyob hauv lub Tuam tsev teev ntuj, Pob Zeb tau tshaj tias:
    Yog peb cov Yawg Koon tus Huab Tais, muab hwj chim rau tus Yes Xus. Uas nej tau coj mus cuag Pis Las Tos, Pis Las Tos tso lus rau Yes Xus mus.
    Nej tsis kam tso Yes Xus mus, Nej tau liam rau tus siab Ntshiab siab ncaj, nej tau muab tus Vaj siab ncaj tua tuag. Tswv Ntuj tau tsa Nws sawv rov los, peb ua tim khawv pom.
    Kwv tij, tas txhua yam uas Yes Xus Pleev raug. Mas yog Tswv Ntuj ua raws li cov lus lus uas cov Yaj Saub xub hais tseg los lawd tias:
    Leej Pleev yuav raug txom nyem li ntawd, Ua li mas nyem no, nej yuav tig los yuav lub siab tshiab. Ces nej cov txhaum yuav daws mus. Amen.

    ZAJ THOV NTUJ.
    1.Peb thov Ntuj rau lub Koom Txoos….
    2. Peb thov Ntuj rau cov Nom Tswv kav teb chaws….
    3. Peb thov Ntuj rau cov neeg txom nyem…
    4. Peb thov Ntuj rau cov neeg raug xwv txheej uas peb paub…
    5. Peb thov ntuj rau cov neeg tuaj teev ntuj hnub no…..

    -< Yaj Zoov Ntxheb X.H.>-




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 19th April 2018, 1:45 am



    LUB CAIJ HLA CHIV 4 B Tim 22/4/2018.
    ->Zaj nyeem ib nyob hauv tsab ntawv Hauj Lwm, zaj 4: 8- 12. Hais tia:
    Yes Xus lub npe cawm tau, tus neeg tuag ceg thiab cawm tau peb ntawm kev ua txhum. Tsuav yog peb ntseeg tias, Yes Xus yog tus tswv Ntuj nyiam.

    ->Zam tsab ntawv 1, zaj 3:1-2. Hais tias:
    Tswv Ntuj nyiam peb, Nws yuav peb los ua nws cov me nyuam. Muaj ib hnub peb yuav zoo li Tswv Ntuj, uas yog peb Leej Txiv.
    ->Nyob hauv Zam ntawv Moo Zoo, zaj 10: 11-18. Hais tias:
    Yes Xus yog tus zoo tswv zov Yaj, Nws siv Nws txoj sia los cawm Nws cov Yaj. Tsim nyog zeej tsoom yuav los ua Yes Xus cov Yaj.
    Kom ua tau li Yes Xus hais, kuv yog tus zoo Tswv Zov Yaj. Tus zoo Tswv Zov Yaj, Nws muab Nws txoj sia los cawm Nws pab Yaj.
    Yes Xus tsis, yog zoo li tus neeg ntiav tuaj zov Yaj, uas nws tsis yog tus Tswv, cov yaj tsis yog nws li. Thaum nws pom hma tuaj, ces nws tso cov Yaj pov tseg. Ua rau cov Yaj tawg tas.
    Tus neeg ntiav los zov Yaj xwb, mas nws tsis xyiv fab rau pab yaj. Yes Xus hais tias, Kuv cov yaj paub kuv, Lawv yuav mloog nraim kuv lub suab.
    Tos Leej Txiv nyiam kuv, vim kuv pub tau kuv txoj sia rau luag. Tsis muaj leej twg yuav thau tau kuv txoj sia,yog vim kuv muaj peev xwm pub rau luag raws li kuv pub tau.
    Nej sim ntsia saib, Leej Txiv nyiam peb npaum no. Nws pom zoo hu peb ua Ntuj cov me nyuam, peb yeej yog Tswv Ntuj cov me nyuab tiag.
    Tus tsis tau zeem Tswv Ntuj ua Txiv, mas nws kuj tsis tau los ua Tswv Ntuj me nyuam. Y yog peb txaus siab los zeem Tswv Ntuj ua peb Leej Txiv.
    Mas tom ntej, peb yuav txia ua Tswv Ntuj cov me nyuam, peb yuav zoo li Tswv Ntuj kiag.
    Peb yuav tau nyob kaj lug, ib yam li Ntuj cov tshiab nyob saum ntuj. Uas ib txwm yog Ntuj cov me nyuam. Amen.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. peb thov Ntuj rau cov neeg txom nyem…
    4. Peb thov Ntuj rau txhua yam xwv theej ua peb paub muaj nyob ib ncig ntawm peb…
    5. Peb thov Ntuj rau peb cov neeg tuaj teev Ntuj hnub no….

    -< Yaj Zoov Ntxheb X.H.>-




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th April 2018, 6:34 am


    LUB CAIJ HLA CHIV 5 B Tim 29/4/2018.

    ->.Zaj nyeem ib tsab ntawv hauj lwm, zaj 9: 26-31. Hais tias:
    Paj Lug thawj lub npe thaum hluas hu ua Xauv. Txij thaum Yes Xus hu Xauv los ua neeg ntseeg txog Yes Xus lub npe. Xauv mam muaj lub npe hu ua Paj Lug!

    Paj Lug muaj lub siab kub tshaj txoj kev ntseeg Yes Xus lub Moo Zoo, rau cov neeg teev pej kum dab.
    ->.Zaj nyeem ob nyob hauv Zam tsab ntawv 1, zaj 3:18-24 hais tias:
    Yog peb tuaj yeem ntseeg Yes Xus tiag, mas peb yuav mloog Nws cov lus. Thiab yuav nyiam ua cov hauj lwm pab luag tej.

    ->.Nyob hauv Zam ntawv Moo Zoo, zaj 15:1-8 hais tias:
    Peb tau txais txoj sia ntawm Yes Xus los, mas peb yuav khaub zig txog Yes Xus mus li. Peb yuav yoog raws li lo lus uas Yes Xus hais tias:
    Kuv yog tsob tseem txiv cawv, nyob hauv kuv, mas tus ceg twg tsis txi txiv. Mas kuv Txiv yuav muab nws txiav pov tseg.
    Tus ceg twg txi txiv zoo, mas kuv Txiv yuav tav nws lub ntsis, kom txi txiv zoo dua. Hais meej thuav rau nej, kuv yog tsob txiv cawv, hos nej yog cov ceg.
    Tus nyob hauv kuv thiab kuv nyob hauv nws, mas nws yuav txi txiv ntau. Hos tus ncaim ntawm kuv mus lawm, mas nws yuav ua tsis tai dab tsi.
    Yog ib tug ceg tsis nyob hauv kuv, mas nws zoo li tus ceg qhuav lawm. Kawg yuav muab txiav pov tseg coj mus hlawv kom kub hnyiab tas xwb.
    Cov nyob txawm hauv kuv thiab kuv nyob txawm hauv lawv, mas lawv thov dab tsi los lawv yuav tau txais. Cov nyob txuas rau tus kav, mas lawv yuav txi txiv ncw, kuv txiv yuav muaj koob meej. Kwv tij, ua li mas peb txhob ua neeg nyiam ntawm lo lus thiab nyiam ntawm tus nplaig xwb.
    Peb yuav muab txoj kev nyiam no, cog nyob rau hauv peb nruab siab tawm los nyiam thiab hlub luag tej. Kom peb lub siab nyob tiaj tus ntawm Tswv Ntuj xub ntiag.
    Vim tias Tswv Ntuj Nws sib dav thiab paub tas txhua yam, Nws thiaj ua tau kom peb lub siab nyob tiaj tus. Zoo li thaum Yes Xus hu Xauv tas, ces Xauv tau mus txog Yes Lus Xas Les.
    Nws nrog cov hauv paus xa lus nyob, nws tsis kam ncaim ntawm lawv mus. Cov Yus Das thiab cov Fas Lis Xais xav muab xauv tua.

    Cov hauv paus xa lus thiaj xa Xauv mus nyob rau rau Xes Ntxas Les thiab Tas Xis. Xauv, paj Lug thiaj tshaj Ntuj lus rau cov neeg teev dab nyob tej chaw ntawd.
    Yog vim muaj Leej Tswv Yim Ntshiab pab coj lub Koom Txoos, Nws ua kom Yus Das teb thiab Xas Mas Lias teb nyob thaj yeeb tiaj tus.
    Lub Koom Txoos thiaj maj mam hlob tuaj ris mus thoob qab ntuj khwb li peb pom no. Amen.

    ZAJ THOV NTUJ.
    1.Thov Ntuj rau lub Koom Txoos… 2. Thov Ntuj rau cov Nom tswv…. 3. Thov Ntuj rau cov neeg txom nye…
    4. Thov ntuj rau tej teeb meem peb paub… 5.Thov ntuj rau cov neeg tuaj teev ntuj… --



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd May 2018, 9:58 pm



    LUB CAIJ HLA CHIV 6 B Tim 6/5/2018.


    Zaj nyeem 1 ntawv hauj lwm zaj, 10:23-26+34-35+44-48 hais tias:

    ->Yes Xus tshoj tas txhua Haiv neeg kom ntseeg txog Nws. Nws pub Leej Tswv Yim Ntshiab tas tib si rau txhua Haiv neeg.

    -> Zaj nyeem 2 Zam tsab ntawv 1 zaj,4: 7-10, hais tias:
    Tswv Ntuj yog txoj kev nyiam, Nws tau nyiam peb. Nws thiaj tso Nws Leej Tub Yes Xus tuaj txhiv peb cov Ntsuj plig mus zwm rau txoj kev tuag. Kom tau nyob muaj txoj sia nyob mus li.

    ->Zam ntawv Moo Zoo, zaj 15: 9-17, hais tias:
    Yes Xus xav kom peb sib nyiam sib hlub, Nws xav kom peb mloog Nws lus ib yam li Nws tau mloog Leej txiv lus.
    {Thaum Yes Xus nrog Nws cov Thwj Tim noj pluas mov kawg. Yes Xus hais rau cov Thwj Tim tias:}
    Kuv nyiam nej, ib yam li kuv txiv nyiam kuv. Yog nej coj kuv cov lus qhia, mas nej yuav nyob txawm hauv kuv, txoj keb nyiam.
    Ib yam li kuv coj kuv txiv cov lus qhia, ces kuv nyob txawm hauv Nws txoj kev nyiam. Tej kuv hais rau nej no, Yog kom kuv txoj kev kaj siab tau nyob txawm hauv nej.
    Kuv cov lus qhia, yam li nej yuav sis nyiam sib hlub, li kuv tau nyiam thiab hlub nej. Tsis muaj lwm txoj kev nyiam loj cuag li, yus siv yus txoj sia los cawm yus cov phooj ywg!
    Nej ua li kuv tau qhia rau nej mog, vim nej yog kuv cov phooj ywg. Kuv tsis hu nej ua kuv cov tub txib, Vim cov tub txib lawv tsis paub yam uas tus Tswv xav ua.

    ->Cov zoo nyiam, peb yuav rov sib nyiam mog. Vim tias txoj kev nyiam tuaj ntawm Tswv Ntuj tuaj. Tus muaj txoj kev nyiam, mas Nws yug ntawm Tswv Ntuj los, nws thiaj paub Tswv Ntuj.
    Tus tsis txawj nyiam, mas nws tsis yog yug ntawm Tswv Ntuj los thiab nws tsis paub Tswv Ntuj. Nyob hauv txoj kev nyiam, hais tseeb. Tsis yog peb yuav tsum nyiam Tswv Ntuj, yog Tswv Ntuj Nws yeej ib txwm nyiam peb.

    ->Nyob hauv tsab ntawv hauj lwm, Thaum Kos Nes Lias pe Pob Zeb. Pob Zeb hais tias, Koj sawv mog. Kuv kawg yog ib tug neeg xwb.
    Kuv paub tseeb tias, Tswv Ntuj tsis kws leej twg cai. Leej twg hwm Ntuj thiab mloog Ntuj txoj cai, mas leej twg tau ua ntxim Tswv Ntuj siab.
    Leej Pleev pub txoj kev thaj yeeb rau neeg sawv daws. Tus vaj uas yog tus tseem Huab Tais, yog Yes Xus.
    Thaum Pob Zeb hais txog los lus Leej Pleev, yog sawv daws tus Vaj, los yog sawv daws tus Huab Tais. Mas Leej Ntuj Plig poob los rau saum tsoom neeg uas lawv tuaj mloog Pob Zeb tej lus.
    Yog thawj zaug ua Leej Tswv Yim Ntshiab nqes los nyob rau saum cov neeg teev pej kum dab, tau tig los txais yuav Yes Xus lub Moo Zoo.
    Thaum lawv hnov cov pej kum neeg cov lus cav txog Tswv Ntuj lub koob meej lawm. Ces Pob Zeb hais kom ib tug neeg ntseeg ua lub Cim ntxuav nyob hauv Yes Xus lub npe rau cov pej kum neeg ntawd. Amen.

    ZAJ THOV NTUJ.
    1.Peb thov Ntuj rau lub Koom txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau tej pab neeg raug kev txom nyem….
    4, peb thov ntuj rau tej xwv txheej uas peb paub…
    5. Peb thov Ntuj rau cov neeg tuaj teev Ntuj hnub no…

    -< Yaj Zoov Ntxheb. X.H.>-



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 9th May 2018, 2:44 am



    LUB CAIJ HLA CHIV 7 ABC. Tim 13/5/2018.
    HWM HNUB NYOOG YES XUS MUS SAUM NTUJ.
    ->.Zaj nyeem 1 tsab ntawv hauj lwm, zaj1: 1-11. Hais tias:
    Yes Xus mus nyob saum ntuj, Nws xa nws lub Tswv Yim los nyob hauv peb: Yog Leej Tswv Yim Ntshiab.

    ->. Zaj nyeem 2 tsab ntawv Es Fes Xos, zaj 1: 17-23. Hais tias:
    Paj Lug hais tias,peb pom Tswv Ntuj lub zog, nyob hauv txoj kev Nws tsa Yes Xus sawv rov los. Thiab tsa Yes Xus ua tus loj tshaj ib puas tsav yam, nyob saum ntuj thiab nyob ntiaj teb no.

    ->. Mas Kos ntawv Moo Zoo, zaj 16: 15-20. Hais tias:
    Hnub Yes Xus mus saum ntuj, Nws qhia kom peb tshaj lub Moo Zoo, rau tas txhua Haiv neeg. Yog vim lo lus ntawd, mas tsoom neeg ntseeg thiaj yuav tshaj lub Moo Zoo tas zog rau zeej tsoom.

    ->Yes Xus tau hais tias, nej mus thoob lub qab ntuj khwb no. Nej tshaj lub Moo Zoo rau txhua leej txhua tus uas Ntuj tau tsim los.
    Tus ntseeg thiab txais lub Cim Ntxuav, nws yuav txais kev cawm. Hos tus tsis nteeg nws yuav raug txim.
    Yes Xus hais tias, cov ntseeg, mas lawv muaj peev xwm tuav kuv lub npe los ntiab cov dab phem. Lawv yuav txawj hais tej xeem lus tshiab.
    Lawv tuav tau cov nab muaj taug, thiab haus cov tshuaj lom neeg. Mas lawv yuav tsis raug xwv txheej.
    Thaum lawv tau tsa tes rau saum cov neeg muaj txiab muaj nkeeg. mas cov neeg mob yuav zoo hlo. Thaum Yes Xus hais li ntawd tas, ces Nws nce zuj zus mus saum ntuj. Mus zaum nyob ntawm Tswv Ntuj sab xis.

    ->.Paj Lug thiaj hais rau Cov Es Fes Xos tias, Kuv thov kom peb tus Huab Tais Yes Xus Pleev,tus Tswv Ntuj. Pub lub tswv yim thoob tsib, txawj pom Tswv Ntuj zaj txuj ci tawm tuaj rau nej, ces nej yuav paub Tswv Ntuj.
    Kuv thov kom Tswv Ntuj, ua nej lub siab pom kev, nej thiaj yuav pom tias: Tswv Ntuj hu nej tuaj txais ib txoj kev tso siab zoo tas nrho.
    Nej yuav pom tias, nej nrog tsoom Leej Ntshiab txais ib lub cuab tam tsim txiaj, muaj hwj chim tas nrho. Nej yuav pom tias, Nws lub hwj chim lub zog nres peb tsoom ntseeg zoo tshaj.
    Tswv Ntuj twb tau qhia nws lub zog rau peb nyob hauv Leej Pleev lawm, Yam li Nws tau tsa Leej Pleev sawv hauv cov tub tuag rov los.
    Kom Leej Pleeb tau zaum nyob ntawm Tswv Ntuj sab xis, ua tus Vaj txheeb loj. Nyob siab dua cov vaj nyob ntiaj teb no, siab dua txhua yam muaj hwj chim thiab muaj zog. Nyob saum ntuj thiab nyob ntiaj teb tib si.
    Tswv Ntuj tso tas puas tsav yam nyob hauv Leej Pleev qab xib taws. Leej Pleev yog lub Koom Txoos lub tau hau. Lub Koom Txoos yog Nws lub cev vas tas txhua yam ua yog leej Pleev tug.

    ->.Paj lug thiaj qhia rau Tes Os fis Los tias: Phau ntawv piav tas puas tsav yam uas Yes Xus ua. Tau piav txij lub hauv paus los txog hnub Yes Xus nce mus lawm saum ntuj.
    Rau Tsoom Thwj Tim ua Yes Xus cov hauv paus xa lus, Thaum Yes Xus sawv rov los lawd. Nws ua kom lawv tau pom nws ntev li plaub caug hnub.
    Yes Xus tham txog Tswv Ntuj lub Ceeb tsheej, Nws tau qhia lawv kom tsis txhob tawm ntawm Yes Lus Xas Les mus.
    Lawv tos txog ib yam, uas leej Txiv cog lus yuav pub rau lawv. Zoo li yav thaud Zam ua lub cim ntxuav nyob hauv dej.
    Hos nej mas nej yuav txais lub Cim ntxuav nyob hauv Leej Tswv Yim Nthiab. Nej yuav ua tim khawv nyob His Xas Lais teb mus txog tim npoo ntuj.
    Amen.

    ZAJ THOV NTUJ.
    1.Peb yuav thov Ntuj rau lub Koom Txoos…
    2, peb yuav thov Ntuj rau cov Nom Tswv kav teb chaws….
    3. Peb yuav thov Ntuj rau cov neeg txom nyem…
    4. peb yuav thov Ntuj rau cov xwm txheej peb pom los paub nyob ib ncig ntawm peb….
    5. Peb thov ntuj rau peb cov tuaj teev ntuj hnub no…

    -< Yaj Zoov Ntxheb X.H.>-




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 17th May 2018, 1:25 am


    LUB CAIJ HLA CHIV 8 ABC Tim 15 /5/ 2016.

    Hnub Leej Ntuj Plig Nqes Los.


    Hnub no, yog lub hnub nyug Leej Ntuj Plig Nqes Los. Peb siv cov zaj lus nyob hauv ntawv hauj lwm,{2:1-11.} 1 Kos Lis Nthos,{12:3-13.} Thiab Zam,{ 7:37-39.} Hais tias:

    Thaum Leej Tswv Yim Ntshiab los nyob hauv ib tug neeg, mas yog Tswv Ntuj lub Txiaj Ntsim ntws los, nyob hauv tus neeg ntawd tsis tseg.

    Vim Leej Tswv Yim Ntshiab xav pab, kom lawv txawj ua lawv txoj hauj lwm, nyob hauv lub Koom Txoos. Leej Tswv Yim Ntshiab yuav siv lub hwj Chim, lub zog zoo li Cua tshuab, thiaj yuav zoo li hluav taws, ua kom neeg pom kev, thiab kub siab.

    Thaum cov Yus Das ua lub hnub nyug tsib caug, Yes Xus cov Thwj Tim mus sib sau nyob ib qho chaw. Ib sij huam, txawm hnov ib yam nrov nroo ntws, xws li ib nthwv Cua ua nca tas lub tsev lawv nyob.
    Muaj ib co nplaim taws tawm tuaj poob rau saum lawv tau hau. Tam sim ntawd, Leej Tswv Yim Ntshiab tuaj nyob puv lawv siab.

    Ces Leej Tswv Yim pib qhia lawv hais tej xeem lus tshiab, uas lawv tsis tau hais dua los. Lub caij ntawd, cov neeg teev Ntuj nyob thoob qab ntuj khwb hnov. Ces lawv tuaj ntsauv lub tsev uas cov Thwj Tim nyob.
    Yog Leej Tswv Yim qhib lawv cov qhov ncauj, kom lawv hais tias, Yes Xus yog Huab Tais. Thiab lawv nthuav tias, muaj ntau txoj Kab Xwm, yog tib tug Huab Tais tswj.
    Muaj ntau txoj hauj lwm yog tib tug Tswv kav, nyob hauv sawv daws. Kom nyias txawj ua nyias kom tau kev sis pab rau sawv daws.

    Yog Leej Tswv Yim ua tus pub kev thoob tsib rau sawv daws. Nws pub kom tej tus muaj kev txawj kev ntse,Nws pub kom muaj tej tus muaj lub siab ntseeg, pub kom muaj neeg txawj kho mob, Nws pub kom muaj cov txawj ua Yaj Saub, Nws pub kom muaj tus mem tau yam ub yam no,thiab pub kom muaj tus txawj txhais tej xeem lus.
    Puav Leej yog Leej Tswv Yim Ntshiab tib leeg ua nyob hauv sawv daws. kom txhua tus neeg ua tau sib dhos zoo, li Leej Tswv Yim qhia ua.

    Raws li Yes Xus tau hais tias.Leej twg nqhis dej, kom nws tuaj cuag kuv! Tus ntseeg txog kuv kom nws haus mas! Tus dej muaj txoj sia yuav txawv hauv nws xub ntiag los!
    Lo lus no, Yes Xus hais txog tus Leej Tswv Yim Ntshiab uas cov neeg ntseeg yuav tau txais rau hnub Yes Xus xa tuaj, zoo li hnub uas Nws cov Twj Tim tau Txais li peb tau hnov no.

    ZAJ THOV NTUJ.
    1. Peb Thov Ntuj rau lub Koom Txoos,kom Tswv Ntuj lub txiaj ntsim ntws los nyob hauv cov neeg ntseeg xws li tus dej ntxawv hauv nws xub ntiag los tsis tu ncua li. Ntuj awb...

    2. Peb thov Ntuj rau cov Nom Tswv Kav teb chaws, kom lawv paub tias lawv txoj kev ua Nom muaj ib feem nyob hauv Tswv Ntuj, kom lawv txawj txo hwj chim los zeen Tswv Ntuj ua tus coj lawv. Ntuj awb...

    3. Peb thov Ntuj rau cov neeg txom nyem, kom lawv txawj tsos siab, vam txog Ntuj pab tiv kev txom nyem. Ntuj awb...

    4. Peb thov Ntuj rau cov neeg muaj txiab xeeb mob nkeeg, cov rau ua neeg thoj Nam, cov raug kev tu siab tu saus. Kom tswv Ntuj khuv leej lawv thiab. Ntuj awb...
    5. peb thov Ntuj rau peb cov tuaj hnub no uas pebpaub Leej Ntuj Plig kev coj, kom peb txawj xaiv ua raws li Leej Ntuj Plig qhia. Ntuj awb...
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th May 2018, 9:37 am


    NRUAB XYOO HNUB CHIV HWM PEB LEEG HUAB TAIS.
    Xyoo B Tim 27 /5/2018.

    ->.Zaj nyeem 1 ntawv phau 5, zaj 4: 32-34+39-40. Hais tias:
    Thaud, Tswv Ntuj tau pab Nws Haiv neeg, nyiam no, Tswv Ntuj kuj pab tsoom ntseeg ib yam li thaud.  Peb yuav mloog Nws coj peb kev.
    ->. Zaj nyeem 2 tsab ntawv Los Mas, zaj 8: 14-17. Hais tias:
    Leej Ntuj Plig pab peb ntseeg tias, peb yog Tswv Ntuj cov me nyuam.  Ua li mas, peb yog Tswv Ntuj tsoom tub thiab tsoom ntxhais zoo kiag li Yes Xus.
    ->. Mas Tais ntawv Moo Zoo, zaj 28: 16- 20. Hais tis:
    Tswv Ntuj Leej Tub Yes Xus Pleev, qhia kom peb tuav txog Huab Tais 3 Leeg lub npe.  Ua li mas, peb nrog 3 leeg Huab Tais koom ua ib cuab ib yig tiag.
    -Thaum cov Thwj Tim mus txog lub roob uas Yes Xus teem rau lawv!  Ces Yes Xus tawm los thiab txav ze ntawm lawv.
    Yes Xus hais tias:
    Leej Txiv Tswv Ntuj, pub tas nrho lub peev xwm nyob saum ntuj los nyob ntiaj teb no rau kuv.  Nej yuav coj kom tas txhua Haiv neeg los ua kuv Thwj Tim.
    Nej hu txog leej Txiv thiab Leej Tub, thiab Leej Ntuj Plig lub npe.  Nej ua lub Cim Ntxuav rau lawv.  Nej qhia tas txhua yam uas  rau lawv.
    Hos ntawm kuv, mas kuv yuav nrog nej nyob mus txog hnub uas lub ntiaj teb no kawg kiag.  Ua li mas, peb yuav hwm peb Leeg Huab Tais loj sib luag zos.
    Peb yuav hwm Leej Ntuj Plig zoo li peb hwm, Huab Tais Leej Txiv, thiab Huab Tais Leej Tub.  Zoo li peb Leeg Huab Tais yeej ib txhij nyob. Lub caij Ntuj tsim teb raug los.
    -Tus hauv paus xa lus Paj Lug hais ntxiv tias, tas txhua leej neeg uas yog Tswv Ntuj lub tswv yim coj.  Mas lawv puav leej yog Tswv Ntuj Tsoom tub.
    Nws hais tias, nej tsis tau txais ib lub Tswv yim los ua tus qhev. Mas nej tsis txhob ntshais, Nej sawv daws yeej tau txais ib lub Tswv Yim tshiab, los hu Huab Tais Tswv Ntuj ua Txiv no!
    Leej Tswv Yim nrog peb lub Tswv Yim zeem tseeb tias, peb yog Ntuj me nyuam tiag lawm.
    -Tswv Ntuj tau hais rau Mais Xes tias:
    Nej nug txheej thaud, taug kom mus txog hnub uas Tswv Ntuj tsim muaj neeg los nyob ntiaj teb no saib!  Puas muaj ib lo lus nrov tuaj, muaj hwm chim xws li Tswv Ntuj lo lus!
    Puas muaj lwm Haiv neeg tau hnov tus Tswv Ntuj muaj txoj sia lub suab, nrhov hauv hluav taws tuaj!  Puas muaj ib zaj lus hais tias, Tswv Ntuj tuaj npo thiab cawm Nws Haiv neeg!
    Puas muaj lwm Haiv neeg hu tau Tswv Ntuj tuaj pab ntaus rog los cheem rog. Li ntawd, mas nej yuav nco ntsoov nyob rau nej nruab siab tias:
    Tus Huab Tais nyob saum ntuj thiab nyob ntiaj teb no, tsuas muaj tib tug xwb, tsis muaj lwm tus ntxiv li lawm.  Amen.

    ZAJ THOV NTUJ.

    1.Peb thov Ntuj rau lub Koom Txoos…
    2. Peb thov Ntuj rai cov Nom Tswv kav lub ntiaj teb…
    3. Peb thov Ntuj rau cov neeg txom nyem…
    4. Peb thov Ntuj rau  tej teeb meem uas peb pom thiab paub muaj ntawd…
    5. Peb thov Ntuj rau peb cov tuaj teev ntuj hnub no.

    -< Yaj Zoov Ntxheb X.H.>-



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 31st May 2018, 8:03 am



    NRUAB XYOO CHIV B HWM YES XUS LUB SIAB.

    { Ua hmoov Leej Ntuj Plig nqes los tas lub piam 3. }



    ->.Zaj nyeej 1 ntawv Os Xes zaj,11: 1+3-4+8-9. Tim 10/6/2018,. Hais tias:
    Tswv Ntuj hlub nws haiv neeg xws li ib Leej Txiv hlub nws Leej Tub.

    ->. Zaj nyeem 2,tsab ntawv Es Fes Xos, zaj 3: 8-11+14-19. Hais tias:
    Lub ntiaj teb no nrhiav kev kaj siab lug,tab sis kev kaj siab lug, mas tsuas nyob hauv kev paub Yes Xus lub siab nyiam peb.

    ->. Zam ntawv Moo Zoo, zaj 19: 31-37. Hais tias:
    Yes Xus nyiam peb tshaj plaws, Nws thiaj zoo siab cia luag nkaug Nws lub plawv.
    Hnub nyoog ua hmoov hla, yog ib lub hnub nyoog loj. Cov yus Das tsis xav kom muaj cov neeg tuag tseem dai myob saum ntoo cuam.
    Cov Yus Das mus thov kom Pis Las Tos tso lus rau vov tub rog mus muab lawv cov ceg lov kom lawv tuag thiab muab txo los.
    Cov tub rog mus, lawv pom Yes Xus tuag lawm, ces lawv xuas hmuv nkaug Yes Xus hauv siab. Thaum ntawd nws pom ib co ntshav thiab dej tawm los.
    Tus pom ntawd nws ua tim khawv hais qhov tseeb rau sawv daws paub. Cov xwm ntawd tshwm sim muaj li ntawv xub hais tseg tias:
    Lawv yuav tsis lov Nws ib tug pob txha, thiab ntawv tseem sau lwm zaj tseg tias: Sawv daws yuav tsa muag ntsia tus uas luag nkaug.

    ->.Paj Lug hais rau cov Es Fes Xos tias: Nyob hauv Tsoom neeg Ntshiab, kuv yog tus me dua cov. Kuv tau txais lub txiaj ntsim mus tshaj Ntuj lus rau cov neeg teev dab.
    Kom lawv tau paub txog leej Pleev cov txiaj ntsim uas ntsuas tsis tau. Yog lub txiaj ntsim, uas nyob zais ntsis nyob hauv Tswv Ntuj, uas yog tus tsim ntuj tsim teb. Txij no mus yog vim muaj lub Koom Txoos, mas tab txawm yog dab los yuav paub paub Tswv Ntuj tej kev thoob tsisb tas tib si.
    Yog ib zaj tswv yim uas Tswv Ntuj ua kom tsheej xeeb nyob hauv peb tus Huab Tais Pleev. Peb yuav nrog Paj Lug kim caug pe Leej Txiv.
    Kev, ua Txiv nyob saum ntuj thiab nyob ntiaj teb no, puav leej tuaj ntawm Nws tuaj. Peb yuav thov kom Leej Txiv lub hwj chim nplua nuj muaj peev xwm loj uas yog tus Leej Tswv Yim Ntshiab pub thiab xa lub zog tuaj nyob hauv neeg nruab siab
    Yog peb txawj thov Leej Tswv Yim Ntshiab ces txoj kev ntseeg yuav nrhau cag tau nyob hauv peb nruab siab.
    Kom peb tsa tau peb lub siab txawb rau saum txoj kev nyiam. Ces peb yuav nrog Tsoom Leej Ntshiab to taub tias, Leej Pleev txoj kev nyiam peb dav thiab siab npaum li cas!
    Ces peb lub siab yuav puv nkaus txoj kev yuav chaws mus hauv Tswv Ntuj txoj kev zoo.

    ->. Vim tias,Tswv Ntuj yeej nyiam peb xws li Tswv Ntuj tau nyiam tsoom His Xas Lais. Ntuj thiaj tau hu kom lawv tawm ntawm Hais Nkws Tos teb los.
    Tswv Ntuj tau txuag thiab coj Tswv Ntuj tsoom tub ki txij thaum Nws hu haiv neeg His Xas Lais los ti nkaus rau peb neeg sawv daws rau tiam no.
    Tswv Ntuj tsis mloog Nws lub siab npau taws thiab xav muab rhuav peb pov tseg li.

    ZAJ THOV NTUJ.
    1.Peb thov Ntuj rau lub Koom Txoos…
    2.Peb thov Ntuj rau cov Nom Tswv kav teb chaws…
    3. peb thov Ntuj rau cov neeg txom nyem…
    4. peb thov Ntuj rau tej xwm txheej peb paub…
    5. peb thov Ntuj rau cov neeg tuaj teev Ntuj hnub no… --



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th June 2018, 10:14 pm



    NRUAB XYOO CHIV 10 C. Tim 10-06-2018.

    Cov Zaj nyeem hnub no ntawv,1 VAJ,{17: 17- 24.}Nkas Las Tias, {1:11-19.} thiab Lus Kas, { 7:11-17.} Hais tias:
    Peb yuav qhuas txog Yes Xus lub Hwj Huam, tsa tau Neeg sawv rov los,thiab nco txog Yes Xus lub txiaj Ntsim niaj hnub ua kom neeg tig rov los nyiam Tswv Ntuj.
    Zoo li Paj Lug tau hloov sia tas, vim Yes Xus lub txiaj ntsim muaj zog. Paj Lug thiaj muab siab rau kom tau mloog Yes Xus. Thiab zoo li thaum tus poj ntsuam tus tub tuag.
    Es Lis tau hu txog Tswv Ntuj tias:
    Huab Tais puas tsim nyog, cia tus poj ntsuam no tus tub tuag mus zoo li no! Vim nws txais kuv nyob hauv nws tsev,Es Lis khoov Hawm Tswv Ntuj peb zaug, rau saum tus me nyuam. Thov Tswv Ntuj tias:
    Thov koj coj tus me nyuam no tus ntsuj plig rov los nyob hauv nws! Tswv Ntuj tau mloog Es Lis hu, ces tus Ntsuj Plig rov los nyob hauv tus me nyuam. Nws rov muaj txoj sia caij tuaj.
    Es Lis muab tus me nyuam cob rau nws niam,ces tus poj ntsuam ua Ntuj tsaug tias:
    Nyiam no, kuv paub tseeb tias koj yog Tswv Ntuj tus neeg! Cov lus tawm ntawm koj lub ncauj los, yog lus Tseem Ceeb, Tswv Ntuj thiaj mloog.
    Kwv tij, peb yuav ntseeg thiab tso siab tias,thaum peb sawv daws tseem nyob hauv Leej Niam lub cev. Mas Tswv Ntuj lub txiaj ntsim twb xaiv thiab Qee peb lawm.
    Ntuj xav kom peb yoog raws li Es Lis, kom tau tshaj Tswv Ntuj Leej tub cov lus cawm Ntuj Plig,nyob hauv peb cov kwv cov muam. Peb yuav xub mloog Tswv Ntuj lo lus dua mloog peb lub cev.
    Kom Leej Pleev tau tsa peb sawv daws cov ntsuj plig sawv rov los nyob ntiaj teb no, los tiam tom ntej, kom tau muaj txoj sia nyob rau Ntuj Ceeb Tsheej.
    Yog ib yam hwj huam pab peb ntseeg tias, Yes Xus muab Nws txoj sia rau peb tau. Kom sawv daws tau Cav txog Tswv Ntuj lub koob meej nyob ntiaj teb no.
    Thiab nyob saum ntuj tias,Tswv Ntuj tus Yaj Saub loj sawv nyob hauv peb. Tswv Ntuj tuaj xyuas Nws Haiv neeg lawm.

    ZAJ THOV NTUJ.
    1. Peb thov Ntuj rau lub Koom Txoos,kom txhua tus ntseeg tso siab tias Tswv Ntuj xub xaiv peb ua ntej yug los kom ua Tswv Ntuj cov Tub ki. Peb yuav xub mloog Tswv Ntuj ua ntej dua. Ntuj awb...
    2. Peb thov Ntuj rau cov Nom Tswv kav teb chaws, kom lawv hwm Tswv Ntuj tus Yaj Saub. Uas sawv los nyob ntiaj teb no, Kom lawv nyiam Tswv Ntuj kev thaj yeeb. Lub ntiaj teb thiaj muaj kev sib haum xeeb. Ntuj awb...
    3. Peb thov Ntuj rau cov neeg txom nyem,xws li cov muaj mob nkeeg pw tsev tshuaj los cov nyob hauv vaj tse, thiab cov sau npe thov kom Ntuj nco txog. Ntuj awb...
    4. Peb thov Ntuj rau cov neeg raug ua neeg thoj Nam. Poob teb chaws,kom muaj neeg hlub lawv, pub txiam xws yug lawv kev tshaib kev nqhis. Ntuj awb...
    5. Peb thov Ntuj rau cov tuaj teev Ntuj hnub no. Uas lawv tau hnov Ntuj lub txiaj ntsim muaj zog no los nres txhua tus kev ntseeg, kom nyob ruaj nreb ua Ntuj li tub ki. Ntuj awb...


    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th June 2018, 10:15 pm



    NRUAB XYOO CHIV 11 B Tim 17/6/2018.

    ->.Zaj nteem 1 Es Xes Kias, zaj 17: 22-24. Hais tias:
    Tswv Ntuj ua kom Nws Haiv neeg, uas mus nyob txim, nyob Npas Npis Los teb, rov los ua ib Haiv neeg vam meej.
    ->. Zaj nyeem ob, 2 Kos lis Nthos, zaj 5: 6-10. Hais tias:
    Lub caij peb nyob ntiaj teb no, yog lub caij peb ntseeg txog Tswv Ntuj. Mas peb tsis tau pom Tswv Ntuj, peb yuav npaj kom muaj ib lub siab ntshiab tau mus mus cuag Tswv Ntuj.
    ->. Nyob hauv Mas Kos ntawv Moo Zoo, Zaj 4:26-34, hais tias:
    Tswv Ntuj lo lus poob los nyob ntiaj teb no, nws yuav txi txiv, xws li lub noob poob hauv av. Nws yuav nrhau kaus thiab yuav txi txiv ntau.
    Yes Xus thiaj hais tias, Tswv Ntuj lub Ceeb Tsheej yog zoo li ib tug neeg. Muab ib co noob mus pov rau nruab a, nyob rau nruab hnub.
    Hmo ntuj thaum neeg tsaug zog tas, lub noob ntawd nrhaw kaus tuaj ua yub. Ces nws nqus yas ua plab nab puv nkaus, txi txiv ncw.
    Thaum cov noob zoo hlais, luag tuaj muab cov noob qoos hlais mus lawm. Peb yuav muab Tswv Ntuj lo lus piv rau yam dab tsi.
    Cov noob ntawd me tshaj, thaum hlob tuaj lawd, nws siab tshaj, txhua yam yub tuaj nyob nruab a. Nws ncau ceg mus deb tshaj.
    Tsoom noog ya saum ntuj los nkaum, hauv nws qhov ntxoov. Ua li mas cov noob uas Tswv Nuj nyiam yog hom twg?
    Tswv Ntuj xav hais tias, lub caij peb ua neeg nyob niaj teb no. yog ib lub caij peb khuam nyob deb Tswv Ntuj kawg.
    Vim tias, thaum peb nyob ntiaj teb no, peb mus taug kev ntseeg. Mas peb tsis mus taug txoj kev pom keb tseeb kom tau nyob ruaj nreb.
    Tab txawm yog peb ntseeg, los peb tso peb lub cev pov tseg. Thaum peb nyob ntawm Leej Pleev lub rooj txiav txim mas tsis muaj dab tsi thaiv peb.
    Thaum ntawd peb nyias yuav pom tias, nyias tau ua dab tsi lawm. Peb yuav nrhiav tus ntoo vaj khaum loj thiab siab dua cov.
    Peb yuav de lub ntsis siab dua cov, coj mus cog nyob rau saum lub ncov roob siab tshaj. Tus ceg ntawd thiaj yuav siab thiab txi txiv, thiaj yuav ua ib tug ntoo zoo siab.
    Tas txhua hom noog thiaj yuav los nkaum hauv nws cov ceg qhov ntxoov. Vim yog Tswv Ntuj tus ntoo nyob ruaj nreb.
    Swav daws thiaj yuav paub tias, Tus ntoo ntawd yog Tswv Ntuj. Nws yuav ua kom cov ntoo siab qis mus, hos Nws yuav ua kom cov ntoo qis siab tuaj.

    ZAJ THOV NTUJ.
    1.Peb thov Ntuj rau lub Koom Txoos….
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem….
    4. Peb thov Ntuj rau cov neeg peb paub lawv muaj teeb meem…
    5. Peb thov Ntuj rau cov neeg tuaj teev ntuj hnub no…

    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 21st June 2018, 8:38 am



    NRUAB XYOO CHIV 12 B Tim 24/6/2018.

    Hwm Leej Ntshiab Zam Ntxuav Plig.
    ->.Zaj nyeem ib, ntawv Yob, zaj,38: 1+8-11. Hais tias:
    Tswv Ntuj yog tus muaj hwj huam loj, neeg yog ib tug me me, tsis phim los tsim nyog, nrog Tswv Ntuj sib cav.
    ->. Zaj nyeem ob, 2 Kos Lis Nthos, zaj 5: 14- 17. Hais tias:
    Yog vim Yes Xus sawv peb chaw tuag, Nws yeej txoj kev tuag. Mas cov neeg ntseeg txog Yes Xus, txhua tus uas muaj kev ntseeg ruaj nreb. Lawv thiaj muaj txoj sia tshiab.
    ->. Nyob hauv Mas Kos ntawv Moo Zoo, zaj 4: 35-41 Hais tias:
    Thaum peb raug xwv txheej ntau, mas peb tsis hnov Tswv Ntuj tuaj pab peb. Peb xav tias yog Tswv Ntuj tsis nyiam peb, los Tswv Ntuj tsaug zog lawm. Cov xav li ntawd, mas vim lawv tsis ntseeg zoo!
    Peb mloog mus thaum Yes Xus thiab cov Thwj Tim tso pab neeg tseg, lawv nce nkoj mus lawd. Txawm muaj ib nthwv cua hlob tuaj nplawm lub nkoj.
    Ua rau dej nphau los nyab puv lub nkoj, Yes Xus tseem tsaug zog nyob sab pem taub hau nkoj. Cov Thwj Tim tsa Yes Xus tias:
    Xib Hwb peb yuav tuag, Yes Xus tsim dheev los. Yes Xus txwv cov cua thiab lub hiav txwv tias, Tswm seeb mas!
    Koj ua twj ywm, ces tam sid ntawd, cua thiab dej cia li nyob ntsiag to lawm. Ces Yes Xus hais rau cov Thwj Tim tias, ua cas nej ntshais ua luaj. Nej tsis ntseeg.
    Cov Thwj Tim, mas lawv ntshai kawg, lawv sib tham tias, tus ntawd yog leej twg! Ua li cas, Cua thiab dej cia li mloog Nws lus.
    -Paj Lug thiaj hais rau cov Kos Lis Nthos tias:
    Peb muaj ib tug sawv peb chaw, mas sawv daws thiaj hla dhau txoj kev tuag. Leej Pleev sawv, peb sawv daws txoj kev tuag.
    Ua li mas, peb txhob saib thiab ntsuam xyuas sab nraud xwb. Nyob sab Ntsuj Plig, Leej Pleev nyiam peb, Nws taij peb, kom peb nco tias, muaj ib tug tuag taj peb, kom peb tau muaj txoj sia nyob.
    Zoo li txij thaum muaj ib tug neeg nyob hauv Leej Pleev lawd, mas yog Nws rov tsim dua tshiab. Kuj kuj muj zoo li lub Sim Ceeb qub ncaim mus lawm. Hos lub Sim Ceeb tshiab tawm tuaj nyob.
    Tswb Ntuj zoo li, cov cua nyob hauv nthwv cua daj cua dub. Hais lus rau Yob thiab tsoom Thwj Tim nyob hauv lub nkoj.
    Thaum Cua thiab dej hiav txwv nphau tuaj yog Leej twg ua? Puas yog koj mas Tswv Ntuj? Tus teem kom dej hiav txwv txhob hla mus ntawd tus ciam av yog leej twg thiab?
    Tswv Ntuj xav cheem txhua yam kom nyob ntsiag to los tso tawm mus kom txhia yam puas tas mus tib si los Nws muaj Peev Xwm.
    Tswv Ntuj niaj hnub taij kom peb nyob ntsiag to hauv kev thaj yeeb, txhob npj ua keb txhaum.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem….
    4. Peb thov Ntuj rau tej xwv thxeej uas peb paub tias muaj lawd…
    5. Peb thov Ntuj rau pab neeg tuaj teev ntuj hnub no….


    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 1st July 2018, 4:31 am



    NRUAB XYOO CHIV 13 B Tim 1/7/2018.

    ->.Zaj nyeem 1, ntawv thoob tsib, zaj1: 13-15+ 2: 23-25+ 3: 1. Hais tias:
    Tswv Ntuj tau tsim neeg yog tsav zoo, vim neeg lub keeb txhaum. Mas neeg thiaj raug txoj kev phem cob neeg ua tau tej yam phem, tsis haum Tswv Ntuj lub siab.
    ->. Zaj nyeem 2, tsab ntawv Kos Lis Nthos, zaj 8: 7-9 + 11-15. Hais tias:
    Cov coj lub Koom Txoos, tsis nyiam thov nyiaj, ntawm tsoom neeg ntseeg ntau tshaj li lawv yuav them tau. Vim lawv nco txog tias:
    Yes Xus twb tau muab Nws txoj sia, los pab sawv daws lawm. Phim cov ntseeg yuav nco txog kev pab Tswv Ntuj Tsoom tub ki txom nyem.
    ->. Mas Kos ntawv Moo Zoo, zaj 5: 21-43. Hais tias:
    Tas nrho cov hwj haum yees ntxwv, uas Yes Xus tau ua los, tsis yog ua kom luag tej qhuas Yes Xus.
    Yog vim Yes Xus xav pab cov neeg txom nyem kom lawv dim ntawm lawv tus mob nkaeeg thiab lawv kev txom nyem mus xwb.
    ->.Thaum Yes Xus nrog cov Thwj tim hla lub Hiav txwv los txog. Muaj ib tug hu ua Yais Los, yog tus saib lub tsev txoos, tuaj thov Yes Xus mus tsa tes rau nws tus ntxhais mob kom rov zoo hlo tuaj.
    Yes Xus raws nws mus, muaj ib pab neeg coob nrog lawv mus thiab. Muaj ib tug poj niam mob, tsob ntshav tau 12 xyoos los lawm.
    Nws ntseeg tias tsuav yog nws tau kov Yes Xus lub tsho xwb, ces nws yuav dim ntawm nws tus mob. Nws mus ze Yes Xus, ces nws tuav Yes Xus lub tw tsho.
    Yes Xus hnov Nws lub zog tawm plaws ntawm nws lub cev mus. Yes Xus tig ntsia rov tom qab, hais tias leej twg tuav kuv lub tsho?
    Yes Xus pom tus poj niam ntawd, mas tus poj niam ntshai kawg! Yes Xus hais tias, kom ntseeg, ces koj tus mob tso koj tseg lawm! Koj mus koj nyob kaj lug mog!
    Lub caij ntawd muaj ib tug neeg tuaj tom Yais los lub tsev tuaj his tias:
    Koj tus ntxhais tsis nyob lawm, koj txhob txob Xib Hwb ntxiv lawm. Yes Xus hnov lub moo ntawd, Yes Xus hais rau Yais Los tias: Koj ntseeg mog, Ces Yes Xus coj Pob Zeb, Yas Kos thiab Yas Kos tus kwv Zam lawv mus.
    Yes Xus hais kom tsoom sid tawm mus sab nraud, tseg tus me nyuam niam thiab txiv thiab Yes Xus peb tug Thwj Tim. Yes Xus hais rau tus me nyuam tias:
    Me ntxhais kuv hais rau koj! Koj sawv los mas! Ces tam sim ntawd tus me nyuam sawv tsees los zaum, Yes Xus rov muab tus me nyuam cob rau nws niam thiab nws txiv.
    ->.Ua li mas peb yuav ua li Paj Pug, hais rau cov Kos Lis Nthos tias: Peb ua yam twg, mas peb twb txawj ua zoo, nyob hauv peb kev hais lus los kev ua hauj lwm. Nrog rau peb kev nua neeg paub tab paub cai. Peb yuav rau siab ua, kom zoo tau li peb txawj ua, los pab rau luag tej.
    ->. Kom peb muaj ib lub siab, txawj nyiam luag tiag,yam uas luag zoo siab pab, mas peb kuj yuav zoo siab txais. Yog luag tsis muaj mas peb tsis txhob yuam.
    Tus muaj ntau dua, nws yuav zoo siab pab rau tus tsis muaj. Tswv Ntuj tau tsim neeg los kom nyias muaj nyias lub peev xwm.
    Yog kev txhaum coj neeg, tig los mus poob rau kev txom nyem. Tus neeg ncaj ncees, ces nws muaj txoj sia nrog tus ntsuj plig ua neej nyob.
    Neeg lub cev nws txawj yug los, thiab txawj tuag. Txhob peem nrees, mus taug txoj kev tsis ncaj ncee, tsam pab tsis tau tus ntsuj plig kom muaj txoj sia nyob nrog Tswb Ntuj.

    ZAJ THOV NTUJ.
    1.PEb thov Ntuj rau lub Koom Txoos…
    2. Peb thov ntuj rau cov Nom Tswv kav teb chaws…
    3. Peb thov Ntuj rau cov neeg txom nyem, Cov muaj mob pw tsev thuaj, cov nyob hauv vaj hauv tsev…
    4. Peb thov Ntuj rau tej xwv txheej peb paub…
    5. Peb thov ntuj rau tuaj teev ntuj hnub no thiab…


    Yaj Zoov Ntxheb Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th July 2018, 8:09 am



    NRUAB XYOO CHIV 14 B Tim 08/07/2018.




    *Ntawv Es Xes Kias hais tias: {2:2-5.}
    Ib tug neeg ntseeg txog Tswv Ntuj, nws yuav tsum ua Tswv Ntuj ib tug tim khawv, hais txog lub Moo Zoo. Vim tias tas txhua yam nyob hauv lub Moo Zoo, yog Tswv Ntuj cov lus. Nrov ntawm Tswv Ntuj Leej Lo Lus lub ncauj tuaj.
    Thaum Tswv Ntuj Lo Lus nyob nrog ib tug neeg, Mas nws yuav hnov tej lub suab nrov hauv nws nruab siab tias:
    Neeg cov tub thiab cov ntxhais, Kuv yuav xa nej mus cuag ib pab neeg ntxeev siab, niaj hnub tiv Tswv Ntuj.
    Lawv tsis paub tias, txij lub hauv paus los, lawv phaj txiv phaj yawg muaj ib lub siab txhav, lem cees tsis xav ntseeg ntseeg txog Tswv Ntuj kev nyiam kev hlub.
    Lawv tseem xav li qub tas zog, Nej ntseeg lawm mas nej yuav ua tim Khawv,rau cov neeg nrog nej nyob, lawv nyiam thiab tsis nyiam los xij, Sawv daws yuav tsum paub tias, Tswv Ntuj lub siab hlub neeg nyob nruab nrab nej sawv daws.

    *Tsab Ntawv Kos Lis Nthos hais tias: {12: 7-10.}
    Nyob hauv tus hauv paus xa lus Paj Lug, mas nws lub siab muaj ib tug saus chob rawv, kom mob xws li ib tug pos chob, nws cov nqaij. Peb tsis paub tias, yog dab tsi!
    Lo lus hais tias tus Saus chob Paj Lug lub siab lub cev ntawd:
    Yog txoj kev tshaj Ntuj lo lus. Yog tias Paj Luag tsis tshaj Yes Xus lub Moo Zoo rau neeg hnov mas nws nyob tsis taus li. Thaum Paj Lug tshaj Lub Moo Zoo tas ces nws lub siab nyob tus lawm.
    Peb li, mas yog peb ntseeg tiag, mas peb yuav zoo siab tshaj lub Moo Zoo rau luag hnov thiab. Ib tug neeg ntseeg Ntuj mas Tswv Ntuj kheev kom Xas Tas ib tug dab tuaj niaj hnub ib ncuav pias rau peb tsis tseg.
    Kom peb lem mus saib txhua yam kev yooj yim, uas koj tsis khwv ua ces tau dawb los. Xas Tas tus dab ntawd nws nyiam kom peb ntaus ib lub cim tias kuv nyiam ua neeg phem ces txhua yam kuj yuav tau dawb los.
    Nws kuj yog ib yam uas Xas Tas ua hauj lawm yooj yim thiab. Vim nws rub tau neeg tus ntsuj plig mus zwm rau Xas tas lub ntuj tawg sai thiab yooj yim, Xas Tas xav ua kom neeg txoj sia luv dua tuaj, Vim Xas Tas ntshai tsam neeg paub txog Tswv Ntuj zoo lawm.
    Tos Paj Lug hais tias zoo li tus saus chob lub siab thiab lub cev:
    Txoj kev tshaj Ntuj lus yog lub zog tuaj ntaws Leej Pleev tuaj tias, Txhob mus yoog ntiaj teb kev yooj yim sai li ntawd. Tswv Ntuj Lo Lus twb tuaj ceeb toom tias,Tswv Ntuj pub txiaj ntsim rau neeg ntiaj teb kom txawj sib nyiam sib hlub, nws tau xa Lo Lus ntawd,tuaj nyob nruab nrab ntawm ib pab neeg lawm. Kom sawv daws xyaum sib zam txog tej lus siab lus qis ntawd tib si.
    Leej Pleev lo lus muaj zog kawg, Tus ua Tim Khawv, thaum nws raug kev txhawh xeeb. Nws vam txog Leej Pleev ces nws yuav tsis ceeb laj rau neeg tej kev thuam kev ntxub.

    *Mas Kos ntawv Moo Zoo hais tias: {6:1-6.}
    Yes Xus cov lus yog lus nyiaj lus kub. Tab yog koj niaj hnub hnov lawm, los koj yuav tsum qhuas mus li. Xws li pab neeg uas lawv tau qhuas ntawd tias:
    Ua li cas,Nws cov lus thiab cov hwj huam Nws ua ntawd,
    Yuav thoob tsib ua luaj. Nws tau qhov twg los?
    Vim Yes Xus cov lus txawj qhib tus neeg xav mloog nruab siab kom to taub txog Tswv Ntuj cov txiaj ntsim thoob tsib ntawd.
    Yes Xus paub tau hauv neeg nruab siab ces Nws hais tias:
    Ib tug Yaj Saub mas tsuas yog nws cov kwv tij thiab cov neeg nrog nws nyob ib zog thiaj tsis ntseeg txog nws. Ces Tus Yaj Saub mam li raug neeg thuam thiab ntxub nws xwb.
    Tej lusYes Xus hais no mas tab tom yog hais rau peb sawv daws kom peb tsim dheev los. Vim tias peb nyiam mloog tej lus paj lus cua tsis tseeb uas los yooj Yim rau peb nruab siab.

    ZAJ THOV NTUJ.

    1. Peb thov Ntuj rau lub Koom Txoos. Kom cov Phiaj neeg ntseeg, txawj ua Yes Xus cov tim khawv, thiab paub qhuas txog Tswv Ntuj lub txiaj ntsim. Ntuj aib...
    2. Peb thov Ntuj rau cov NomTswv kav teb chaws. Kom lawv paub Tswv Ntuj kev nyiam kev hlub. Kom lawv txawj qhib tej txoj kev ncaj ncees rau pej xeem huab hwm taug. Ntuj aib...
    3. Peb thov Ntuj rau cov neeg txom nyem, cov muaj mob, cov muaj kev txhov siab, cov raug neeg ntxub los neeg thuam, cov raug kev tshaib kev nqhis ,cov sau npe hnub no Kom Tswv Ntuj ntsia txog lawv thiab. Ntuj aib...
    4. Peb thov Ntuj kom Ntuj nco txog peb haiv Hmoob. Hu Hmoob tej tub thiab tej Ntxhais los ua Tswv Ntuj tes hauj lwm tshaj Lub Moo Zoo. Ntuj aib....
    5. Peb thov Ntuj rau cov tuaj Teev Ntuj hnub no. Tswv Ntuj koj pub kom peb txawm mloog koj tej lus muaj txiaj ntsim no. Peb lub siab thiaj raws nraim Leej Tswv Yim coj peb. Ntuj aib...


    Yaj Zoov Ntxheb Xib Hwb.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th July 2018, 2:34 am


    NRUAB XYOO CHIV 15 B Tim 15/7/2018.

    ->.Zaj nyem 1 ntawv As Mos, zaj 7: 10+12-15. Hais tias:
    Cov neeg cev, Tswv Ntuj lo lus rau tsoom sid mloog, lawv yuav muaj ib lub siab loj. Txhob ntshai tsoom sid, vim tus xa lawv mus tshaj lus, yog Tswv Ntuj.
    ->. Zaj nyeem 2 tsab ntawv Es Fes Xos. Zaj 1:3-11, hais tias:
    Txij lub hauv paus los, Tswv Ntuj tsim kom muaj neeg. Tswv Ntuj yeej npaj kom sawv daws zwm rau Yes Xus.
    ->. Mas Kos ntawv Moo Zoo, zaj 6: 6-13. Hais tias:
    Tus neeg xav tshaj Ntuj lus, yog nws mus xyuas sawv daws, nws txhob npaj ntau yam. Nws tsuas muaj lub siab npaj cev Tswv Ntuj cov lus nkaus xwb.
    Raws li Yes Xus mus ncig xyuas cov zej zog, Nws ntuas tsoom sid. Thiab xa nws cov thwj Tim mus, ua tej pab ob leeg.
    Nws pub kom lawv muaj peev xwm ntiab tau cov dab tsis huv.
    Yes Xus hais tias, nej rau khau khiab, nej txhob hnav ob lub tsho sib tshooj. Nej mus txog lub tsev twg, nej cia li so nyob hauv lub tsev ntawd.
    Yog muaj ib qho chaws uas lawv tsis txais nej, thiab tsis mloog nej. Mas thaum nej tawm mus, nej nchos tej plua av lo nej taw tib si tseg, ua tim khawv txiav txim rau lawv.
    Cov uas lawv zoo siab txais mloog Tswv Ntuj cov lus, mas cov Thwj Tim tshaj Ntuj lus kom lawv tig los yuav lub siab tshiab.
    Cov Thwj Tim ntiab ntau tus neeg raug cov dab phem tsis huv tawm mus. Lawv muab rog los pleev cov neeg mob kom zoo hlo.
    ->. Ua li mas peb yuav zoo siab cav txog peb tus Huab Tais Pleev. Vim Nws tau foom hmoov zoo rau peb lub tswv yim kom nyob hauv Leej Pleev lub hwj chim.
    Nyob ntiaj teb no zoo nkaus li nyob saum ntuj, kom peb tau ua neeg ntshiab thiab tsis lo txhaum. Vim Yog Leej Txiv, xub txiav txim tias, peb yog Ntuj cov me nyuam nyob hauv Leej Pleev.
    Leej Txiv Nws pom zoo ua li ntawd, kom neeg tau cav txog Tswv Ntuj lub txiaj ntsim nrog Nws lub hwj chim nyob hauv Tswv Ntuj kev nyiam.
    Cov nyob hauv Leej Pleev, lawv tau ntsib txoj kev txhiv lawv los ua neeg ntshiab. Thiab lawv ntsib txoj kev daws txhaum, raws li lub txiaj ntsim Ntuj tau pub dawb rau lawv.
    Vim Leej Txiv xav coj lub qab ntuj neeg los zwm rau tib tug Tswv. yog Leej Pleev. Leej Txiv Tswv Ntuj Nws twb Xub hom peb ua ntej kom tau nyob hauv cov ua Leej Pleev tug.
    ->. Peb txhob ua li As Mas Xias uas nws tsis xav hnov Tswv Ntuj tus Yaj Saub As Mos cov lus qhuab qhia tus Vaj His Xas Lais.
    As Mas Xias tau Cem tias, Koj yog niag neeg xav tsom hauv neeg nruab li tsom hauv nruab yeeb. Koj khiav mus deb ntawm no! Koj khiav mus ua Yaj Saub nyob puag tim Yus Das teb.
    Ntawm no, yog tus Vaj lub tsev thiab nws chaw teev ntuj, Tus Yaj Saub As Mos teb tias: Kuv ib txwm tsis yug los ua Yaj Saub thiab kuv tsis yog Yaj Saub thwj Tim!
    Kuv yog ib tug neeg zov Yaj thiab cog ntoo, Tswv Ntuj nthos nkaus kuv tes. Thaum kuv tseem nrog kuv pab yaj mus kev.
    Tswv Ntuj kom kuv tuaj ua Yaj Saub, qhia Tswv Ntuj Haiv neeg, xws li tus Vaj kav tsoom His Xas Lais. Tus coj Tswv Ntuj Haiv neeg lub siab, thiab tus kav Tswv Ntuj cov tub ki, nyob ua ib lub teb chaws, yuav txhob ua yeeb ncuab sib tiv, nyob ntawm Tswv Ntuj xub ntiag.
    Nyia muaj nyias lub meej mom, nqes saum ntuj los nres nyias txoj kab xwm, nyob hauv hauv Tswv Ntuj.

    ZAJ THOV NTUJ.
    1.Peb thov Ntuj rau Lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb thov ntuj rau txhua yam teeb meem kev txom nyem, cua nplawm, los nag dej nyob, av qeeg rob taws nphau, kev sib tua ntawm kev ua tsov rog…
    5.Peb thov Ntuj rau cov neeg tuaj teev ntuj thiab cov nyob tom lawv vaj tse tuaj tsis tau…

    Yaj zoov Ntxheb X.H.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th July 2018, 7:49 am



    NRUAB XYOO CHIV 16 B Tim 22 /7/ 2018.


    ->.Zaj nyeem 1 ntawv Yes Les Mias, zaj 23: 1-6, hais tias:
    Muaj ntau zaus, cov neeg coj Tswv Ntuj cov Yaj, lawv coj tsis zoo. Tswv Ntuj thiaj tsa Yes Xus ua tus piv txwv rau cov neeg xyiv fab, coj Tswv Ntuj cov Yaj.

    ->. Zaj nyeem 2, tsab ntawv Es Fes Xos, zaj 2:13-18.
    Hais tias:
    Neeg ntiaj teb, yeej xav sib faib, ua ntau pab los sib ntxub. Yes Xus thiaj sau sawv daws los nyob ua ke koom nyob ua ib lub cev.

    ->.Mas Kos ntawv Moo Zoo, zaj 6: 30-34. Hais tias:
    Yes Xus nrog cov hauv paus xa lus ua ib pab tsis coob. Tab sis tas zeej tsoom, coob kawg lawv tuaj cuag Yes Xus. Yes Xus rau siab qhia tas tsoom sid.
    Tom qab Yes Xus cov thwj Tim, mus tshaj Ntuj lus los txog. Yes Xus coj lawv mus ib qho chaw xu kev. Thaum Yes Xus thiab cov Thwj Tim mus txog.
    Tsoom sid tuaj qhov txhia chaw tuaj coob, Yes Xus pom ib npoj neeg ccob coob tuaj li ntawd. Yes Xus hlub lawv, vim lawv zoo li ib co yaj tsis muaj tus Tswv saib lawv.
    Ces Yes Xus pib qhia lawv ntev loo, Yav thaud Leej Pleev tsis tau tuaj. Sawv daws nyob deb, ntawm Tswv Ntuj, nyem no sawv daws nyob ze Leej Pleev.
    Vim Leej Pleev cov roj Ntsha, Leej Pleev yog lub qab ntuj neeg, txoj kev thaj yeeb. Leej Pleev rhuav lub laj kab xov kem cov Haiv neeg.
    Nws muab ntau Haiv neeg los ua ib Haiv, Leej Pleev muab Nws lub cev, los ntxuav neeg tej kev sib ntxub pov tseg.
    Leej Pleev rhuav cov qub kev cai, Nws muab ob hom neeg los ua ib tug neeg tshiab, nyob hauv Nws kev thaj yeeb. Kom tas sawv daws rov los nrog Tswv Ntuj sib haum xeeb.
    Nws tshaj kev thaj yeeb, rau cov nyob ze mus kawg nkaus rau cov nyob deb. Vim Leej Pleev muab ob tug neeg los koom ua ib tug nyob hauv Leej Tswv Yim.

    ->. Zoo li muaj ib tug Tswv saib tas nrho pab Yaj, nyob hauv Nws lub tshav zaub. Nws tsis cia los kheev kom ib yug yaj twg tuag mus rau tsov thiab hma tom.
    Yog Tswv Ntuj hais li no, rau tas nrho cov Tswv coj tej Haiv neeg. Vim lawv kheev ua kom Tswv Ntuj pab Yaj ncaim mus poob zoo tsis poo npoj.
    Nyem no txog lub caij, uas Tswv Ntuj yuav los saib leej tib neeg, cov hauj lwm phem. Nws vov Yaj tau ncaim mus txog lub teb chaws twg lawm, los Nws yuav mus coj lawv rov los.
    Nyem no yog lub zim txwv uas Tswv Ntuj yuav tsa tus Kaus siab ncaj nthaw tawm los. Tus kaus siab ncaj ntawd nws thoob tsib thiab ntse heev.
    Nws muaj kev ncaj ncees thiab hlub neeg loj kawg, Nws yuav ua raws nraim li txoj kev ncaj ncees nyob hauv Nws lub teb chaws.
    Kom lub qab ntuj neeg tau txais kev cawm. Tus ntawd, luag tis lub npe rau Nws hu ua Tswv Ntuj, uas yog peb txoj kev ncaj.

    ZAJ THOV NTUJ.

    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb hov Ntuj rau tej xwv txheej peb paub muaj tuaj nyob ncig lub ntiaj teb…
    5, Peb thov ntuj rau cov neeg tuaj teev Ntuj hnub no thiab cov nyob tim tsev…

    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 26th July 2018, 10:38 am


    NRUAB XYOO CHIV 17 B tim 29/7/2018.


    ->.Zaj nyem 1b, 2 Vaj zaj, 4:42-44, hais tias:
    Tswv Ntuj pab tus Yaj Saub Es Lis Xais, ua kom muaj mov ntau. Vim Tswv Ntuj xav pab, cov neeg pluag txom nyem raug kev tshaib plab.

    ->.Zaj nyeem ob, tsab ntawv Es Fes Xos, zaj 4:1-6.
    Hais tias:
    Paj Lug thov ntuas cov neeg raug nyob txim hauv cov tsev loj faj, nyob hauv Huab Tais lub npe.

    ->. Zam tsab ntawv Moo Zoo, zaj 6: 1-15, hais tias:
    Yes Xus ua kom mov ntau tuaj txaus pub rau 5000 leej noj tsau npo. Yog lub Cim hais tias: Yes Xus lo lus yug tas lub ntiaj teb no tau.
    Thaum Yes Xus hla mus rau, sab ntug dej hiav txwv Nkas Lis Lais. Muaj tej pab neeg coob pom thiab hnov Yes Xus ua tej lub Cim los kho cov neeg mob.
    Ces lawv raws Yes Xus qab mus nce saum ib lub roob, lub caij ntawd yuav txog lub caij cov His Xas Lais nqaum paj nqaum nruas ua hmoov hla.
    Yes Xus tsa muag ntsia, Nws pom ib npoj neeg coob coob tuaj cuag Nws. Yes Xus hais rau Fis Lis Pos tias:
    Peb yuav mus muas mov qhov twg rau lawv noj? Fis Lis Pos teb tias,200 lub txiaj nyiag kuj yuav tsis txaus rau sawv daws ib leeg noj ib qho me me!
    As Nres yog Xis Moos Pob Zeb tus kwv nws hais tias, nyob ntawm no, muaj ib tug me nyuam nws muaj 5 lub ncuav mov thiaj 2 tug ntses.
    Tab sis yog muab tej ntawd los piv,rau pab neeg coob npaum no,mas yog dab tsi? Ces Yes Xus hais rau cov Thwj Tim, qhia kom lawv zaum ua tej pab saum tej nroj tsuag.
    Yes Xus tuav cov ncuav mov, Nws ua Ntuj tsaug. Nws muab ntais, los faib rau cov neeg nyob ntawd noj. Yes Xus kuj ua ib yam li ntawd, rau ob tug ntses thiab.
    Pab neeg ntawd xav noj npaum li cas, los txaus lawv noj, thaum pab neeg noj tas tso tseg, Yes Xus kom cov Thwj Tim mus sau cov mov seem rov los, tau 12 tawb.
    Pab neeg coob ntawd hais tias, tus Yaj Saub tuaj nyob ntiaj teb no yog tus ntawd tiag.
    ->. Ua li mas peb yuav coj ib lub neej kom tsim nyog rau tus tuaj hu peb. Peb yuav rov sib hais tias, peb yog neeg mas, peb yuav ua siab ntev sib nyiam sib hlub thiab sib txhawb.
    Peb yuav koom siab koom ntsws, nyog hauv kev thaj yeeb, kom peb zoo li yog ib lub cev nyob hauv ib Leeg Tswv Yim roos peb nyob ua ke.
    Peb txhob ua neeg qia dub, peb yoog raws li Es Lis Xais qhia nws tus tub txib kom faib mov rau sawv daws noj. Lub tsu mov yuav tsis nqig kom mus ti qab tsus.


    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau, cov neeg txom nyem…
    4. Peb hov Ntuj rau tej xwv txheej peb paub nyob ncig peb teb chaws….
    5. Peb thov Ntuj rau cov neeg tuaj teev ntuj nhub no…

    Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 4th August 2018, 1:18 am





    NRUAB XYOO CHIV 18 Tim 02/08/ 2018.





    Ntawv kev tsiv hais tias: {16: 2-4+12-15.}
    Cov His Xas Lais tsis tso siab rau Tswv Ntuj, tsis kav, Tswv Ntuj ua hwj huam los pab, cov His Xas Lais ntau zaus.
    Nyob teb chaws suab puam,cov His Xas Lais pib yws rau Mais Xes thiab As Loos nkawd tias:
    Ua cas Tswv Ntuj txhais tes tsis muab peb tua kom tuag tas, thaum peb tseem nyob Hais Nkws Tos teb, uas peb tseem zaum ncig tej niag lauj kaub nqaij ntawd. Peb muaj mov noj seem noj so.
    Neb coj peb los nyob teb chaws suab puam no kom peb tuag tshaib tas.
    Ces Tswv Ntuj hais rau Mais Xes tias:
    Kuv yuav ua kom mov poob saum ntuj los. Cov mov ntawd yuav hu ua mov Mas Nas, vim yog cov mov nqes saum ntuj los. Ces thaum yuav tsaus ntuj muaj ib pab yij ya tim qab ntug tuaj tsaws rau thaj chaw lawv nyob ntawd, kom Cov His Xas Lais tau txhom los tua noj.
    Hmo ntuj muaj ib co lwg poob saum ntuj los rau thaj chaw lawv nyob. Cov lwg ntawd khov ua tej lub tsig dawb dawb, ua mov rau cov His Xas Lais tau noj Tswv Ntuj ua ob hom hwj huam no los pab cov His Xas Lais tau 40 xyoo, kom lawv txhob tuag tshaib.

    Nyob hauv tsab ntawv Es Fes Xos. {4: 7+20-24.}
    Paj Lug hais rau cov neeg Es Fes Xos thiab peb tias:
    Peb sawv daws yuav kawm Yes Xus lo lus thiab txais Nws zaj tswv yim, kom peb tus ntsuj plig thiab peb lub siab plhis tau ua tus neeg tshiab.
    Paj Lug hais tias:
    Kuv yuav hais ib li lus sam hwm rau nej tias, Kuv xav qhuab qhia nej, nyob hauv Huab Tais lub npe. Nej yuav txhob coj ib tug yam ntxwv tseem xws li cov neeg teev dab!
    Lawv lub tswv yim coj lawv mus rau qhov uas tsaug zog tsis tsim los, thiab tsis pom dab tsi li. Lawv lub tswv yim nyob tsaus ntuj nti li nyob nruab hmo ntuj.
    Nej mas nej tau kawm Yes Xus lub Moo Zoo tsis zoo li hais ntawd, Leej twg tsis paub mas yuav tshaj tawm, ces nws yuav rov kawm kom paub zoo txog.
    Kuv tso siab tias nej yuav txais lo lus los coj kom haum Leej Pleev lub npe,Thiab haum nrog txoj kev tseem ceeb. Nej twb tau kawm tias nej yuab tso tus qub yam ntxwv pov tseg los coj tus yam ntxwv tshiab ntawd.
    Tas nrho tej kev ua phem ua qias tsis haum li kev tseem ceeb los tsuas rau Leej Pleev lub npe mas yog kev cuav tas nrho xwb.

    Zam ntawv Moo Zoo kuj hais ntxiv tias: {6: 24-35.}
    Yes Xus yog cov mov nqes saum ntuj los!
    ->Tas nrho txhua yam tawm ntawm Yes Xus lub cev lub ncauj,lub tswv yim thiab tus yam ntxwv los,mas yog txhiam xws zoo yug neeg lub siab thiab tus ntsuj plig txhua yam tib si, kom muaj txoj sia nyob mus li.
    ->Cov tsis kam txais Yes Xus tuaj nyob hauv lawv nruab siab, mas lawv yuav tsis muaj txoj sia nyob mus li.
    -> Kwv tij, kuv xav hais tseeb rau peb sawv daws tias: hnub chiv peb tuaj ua thaj txi ntuj no, mas zoo li peb ua ib rooj tshoob ntag.
    ->Thaum peb pib hais zaj nkauj qhib los rau zaj lees txhaum thiab nyob pem ntuj ntawd. Yog ntu txais qhua tshoob qhua kos tuaj txog vaj txog txog tsev, uas txheeb qhua zaum rooj.
    -> Thaum Leej Choj los Xib Hwb ua zaj thov ntuj yuav mus nyeem peb tsab ntawv uas yog Tswv Ntuj cov lus ntawd! yog zoo li muaj peb txheej lus ib txhhej caw haus nco txog lo lus zoo.
    ->Lub caij Leej Choj los Xib Hwb nthuav ntawv hais lus qhuab qhia yog lub caij ua niam txiv ntuas tub los ntuas ntxhais kom ua neeg xyom seej xyom hauv, kom tsim txiaj nrog lub teb lub chaws. Zeeg cawv haus ntawd, yog zaj kuv ntseeg.
    ->Lub caij txi Ntuj uas Leej Choj rub Yes Xus tuaj nyob hauv mov thiab cawv. yog lub caij nkauj nyab nraug vauv sib cog lus tias, ib leeg yuav tsis nrauj leeg mus li tas lub neej. phem thiab zoo los ua cav lwj sis ib nyob mus kom kawg.
    -> Ntu txais lub Cim Yug muaj peb txheej lus ib txheej caw. Cov lus thiab cov nkauj peb hais ntawd, yog qhib rooj tos txais Yes Xus Leej Pleev tuaj nyob hauv peb nruab siab. Yog cov lus tseem ceeb.
    -> Peb sawv daws puav leej tau ua nkauj nyab nraug vauv, los ua niam pog txiv yawg. Peb twb pom dua kev ua tshoob ua kos los lawm.
    -> peb lub thaj txi Ntuj no tseem ceeb tshaj lub rooj tshoob los lawm ntau npau saud. Cov paub ua txiv tuam meej koob mas lawv paub zoo cuag li cov Xib Hwb thiab cov Leej Choj txawj ua thaj txi ntuj no ntag.
    -> Lub rooj tshoob yog nkauj nyab thiab nraug Vauv kev cog lus sib hlub mus tas ib sim neej.
    -> Thaj txi ntuj kuj yog noob neej txhua tus kev nrog Tswv Ntuj sib cog lus tias,yuav sib hlub sab ntsuj plig mus tsis txawj kawg li thiab. Kom tsis muaj ploj tuag thiab tsis muaj ncaim mus li.
    -> Lub thaj txi Ntuj mas peb muaj cai nrog Tswv Ntuj sib cog lus lis piam dhau lis piam. Hos tshoob kos ces peb cog ib zaug rau niam txiv thiab ntiaj teb neeg pom thiab paub ib zaug xwb. Ua li mas lub thaj txi Ntuj zoo tshaj lub rooj tshoob lawm ntau npaug tiag.

    ZAJ THOV NTUJ.

    1.Peb thov Ntuj rau lub Koom Txoos, Tswv Ntuj thov koj pub kom cov neeg ntseeg to taub txog kev noj Ntuj lus muaj qab hau rau neeg nrog Ntuj sib cog lus, kom txhob sib ncaim mus. Ntuj awb...
    2. Peb thov Ntuj rau cov Nom Tswv Kav teb Chaws. Kom lawv muaj Ntuj cov lus ua txhiam xws yug lawv lub siab. Lawv thiaj yuav pov hwm tau tsoom pej xeem nyob thaj yeeb. Ntuj awb...
    3. Peb thov Ntuj rau cov neeg txom nyem, xws li cov neeg kho siab, cov muaj mob, pw tsev tshuaj, los nyob hauv lawv vaj tse, thiab cov tuaj ntawm no. Ntuj thov koj tuaj saib xyuas lawb yuad. Ntuj awb...
    4. Peb thov Ntuj rau peb cov tuaj ntawm no, Tswv ntuj peb niaj hnub yws yws txog koj los thov koj rov pov hwm peb dua thiab mog Ntuj awb...
    5. Peb thov Ntuj rau txhua lub vaj tse hmoob nyob hauv cov neeg peb paub. kom lawv txhob ua neeg ywj fab ywj fwj mus caum pab ub pab no tsam lawv nkim zog, caum tsis tau ib qho tseeb. Ntuj awb.



    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 23rd August 2018, 7:27 am


    NRUAB XYOO CHIV 21 B Tim 26/08/2018.

    Tsab ntawv Yos Xuas hais tias: {24:1+15-18.}
    Yos Xus tau tswj thiab coj cov His Xas Lais kom nyob ruaj nreb hauv txoj kev hwm Ntuj. Ces tas Tsoom His Xas Lais thiaj nyob ruaj nrog kev hwm Ntuj.
    Yos Xus tau hu thiab sau tas tsoom His Xas Lais, cov txwj laus, cov xeem, cov nom tswv,cov txiav txim, thiab cov thoob xwm ntawv, tuaj nyob ntawm Tswv Ntuj xub ntiag.
    Yos Xus hais rau tsoom His Xas Lais sawv daws tias, Yog nej tsis xav tsob hwb Huab Tais Tswv Ntuj. Mas nej xav tsob hwb leej twg?
    Los nej xav tsob hwb nej cov yawg koob nyob sab dej tim ub lawv cov dab?
    Peb tus Huab Tais Tswv Ntuj no twb pab peb dim ntawm Hais Nkws Tos teb los, kom peb tsis tau ua qhev. Tswv Ntuj twb tau ua tej yam hwj huam loj nyob ntawm peb xub ntiag:
    Ntuj tau pov hwm peb, hla dej hiav txwv, pub kom mov poob saum ntuj los rau noj nyob teb chaws Suab Puam,tau ntau caum xyoo nrog peb cov yawg koob. Xav txog yav thaum ub los nyiam no, Tswv Ntuj yeej tseem pov hwm peb txhua txhua tiam neeg los tib si li.
    Peb yuav mloog thiab nco txog txhua yam zoo uas Huab Tais Ntuj niaj hnub ua los pab peb txhua lub caij ntawd.

    Tsab ntawv ob Paj Lug kuj hais rau cov Es Fes Xos: {5:21-32.}
    Nws ntuas cov ua txij ua nkawm kom sib hlub. Nws hais tias, Txoj kev nyob ua txij ua nkawm yog lub cim uas Tswv Ntuj qhia tias, Tswv Ntuj nyiam lub ntiaj teb neeg.
    Huab Tais Tswv Ntuj lo lus hais tias:
    Nej yuav sib mloog lus, vim nej hwm Yes Xus yog Leej pleev. Cov poj niam nej yuav mloog nej tus txiv li mloog Huab Tais. Vim txiv neej yog tus tswj poj niam, li Leej Pleev tswj lub Koom Txoos. Vim Leej Pleev yog tus cawm lub Koom Txoos.
    Hos cov Txiv neej yuav hlub lawv cov poj niam li Leej Pleev hlub lub Koom Txoos thiab. Lub Koom txoos yog txoj kev zoo nkauj rau Leej Pleev,lawv zoo li lub Koom Txoos uas cev tas txhua yam kom ntxim Leej Pleev kev nyiam kev hlub.
    Vim tias tas sawv daws yog Leej Pleev tes taw zoo li ntawd. Kom sawv daws paub txog tias, Tsis muaj leej twg yuav ntxub nws lub cev ib yam twg li. Nws yuav mloog tas txhua yam zoo nkauj los muaj mob muaj nyob hauv nws luv cev. Leej Pleev kuj mloog txhua tus neeg zoo li kev khaub zig li ntawd.

    Zam ntawv Moo Zoo hais tias: {6:60-69.}
    Cov neeg uas lawv ntseeg tsis tau tias Yes Xus muab Nws lub cev thiab cov ntshav los yug peb lub siab thiab tus ntsuj plig mas lawv haj yam yuav ntseeg tsis tau tias, Yes Xus cawm lub ntiaj teb neeg nyob saum ntoo cuam.
    Yes Xus cov thwj Tim kiag twb muaj cov hnov Yes Xus hais tias, nej yuav noj kuv lub cev thiab haus kuv cov ntshav. Mas lawv tseem yws yws tias,lo lus no ntxhib dhau lawm, tsis muaj leej twg yuav mloog tau!
    Yes Xus paub neeg xav li cas. Ces Yes Xus hais tias: Tej ntawd dawm nej taw los ua cas!
    Ua li yog thaum nej pom Leej Neeg tus tub nce mus saum qhov chaw Nws nyob no nej ho yuav xav li cas?
    Yog Lub Tswv Yim muaj txoj sia, tsis yog lub cev, lub cev tsis zoo ua dab tsi li. Nej ua kuv Thwj Tim txij lub hauv paus los, Nyob hauv nej yeej tseem muaj tej tus tsis ntseeg. Yes xus lo lus Nws hais no yeej poob los rau saum peb ib kuag leej. Peb sawv daws txais Yes Xus cov lus los cov cim txhua zog tau ntau xoo los lawm, tab sis tseem muaj tej tus xav li ntawd thiab.

    ZAJ THOV NTUJ.
    1.Peb thov Ntuj rau lub Koom Txoo, kom txhua phiaj neeg ntseeg, zoo li Peb tus Vaj Qhia, peb cov Tswv Qhia, tsoom Leej Choj, Tsoom ntseeg. Sawv daws txawj mloog tau Yes Xus lo lus. Ntuj awb...

    2. Peb thov Ntuj rau cov Nom Tswv Kav teb chaws, Kom cov nom Tswv lees paub Tswv Ntuj kev nyiam kev hlub tas txhua phiaj neeg, kom tej nom tswv cog kev thaj yeeb pub rau lub teb chaws. Ntuj awb...

    3. Peb thov Ntuj rau txhua pab neeg txom nyem, cov muaj mob, cov pluag, cov tu siab. Cov tshaib [plab,Ntuj koj tuaj daws, s.d tej teeb meem no. Ntuj awb...
    4. Peb thov Ntuj rau cov sau npe thiab cov peb paub nyob deb los nyob ze raws li nyais kev paub yuav vam khom txog Tswv Ntuj kev pab ntawd.... Ntuj awb...

    5.Peb thov Ntuj rau peb cov tuaj hnub no, peb tau hnov Ntuj cov lus tseem ceeb kom cov txiaj ntsim koob hmoov no tawg paj txi txiv nyob peb nruab siab. Ntuj awb

    Yaj Zoo Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 29th August 2018, 7:42 am



    NRUAB XYOO CHIV 22 B Tim 02/09/2018.

    ->.Zaj nyeem 1 ntawv phau tsib, zaj 4: 1-2+6-8. Hais tias:
    Yog tsoom ntseeg mloog Tswv Ntuj cov lus qhia, mas lawv sawv daws yuav yog ib co neeg thoob tsib dua.

    ->.Yas Kos tsab ntawv zaj 1:17-18+21-22+27. Hais tias:
    Tswv Ntuj cov lus, uas peb txais nyob hauv cov txoos teev Ntuj. Peb yuav khaws tseg thiab nco ntsoov nyob mus li nrog peb tej hauj lwm.

    ->.Mas Kos tsab ntwv Moo Zoo, zaj 7:1-8+14-15+21-23. Hais tis:
    Thaum peb tseem ua neeg teev dab, peb yuav tsum caiv ub vaiv no, kom peb txhob muaj txhaum. Nyem no peb ntseeg txog Yes Xus, Nws tsuas xav kom peb coj lub siab ntshiab.

    ->.Cov Fas Lis Xais thiab cov thoob xwm ntawv, pom Yes Xus cov Thwj Tim noj mov tsis ntxuav tes. Lawv hais rau Yes Xus tias:
    Ua li cas koj cov Thwj Tim noj mov tsis ntxuav tes rau li txheej laus tej kev cai? Yes Xus hais rau lawv tias, Tus Yaj Sab His Xais hais nws cov lus, mas raug rau nej kawg!
    Ntawv tau sau tseg tias, Haiv neeg no tsuas hwm kuv ntawm lawv di ncauj xwb. Hos lawv lub siab nyob deb ntawm kuv kawg. Lawv lam teev kuv ua dog dig xwb.
    Lawv coj txoj kev cai qhia tuaj ntawm neeg tuaj xwb, ces Yes Xus hais rau tsoom sid tias:
    Nej mloog thiab nej xav tswv yim kom zoo! Tsis muaj ib yam dab tsi, uas nws nkag mus hauv neeg lub cev. Uas nws yuav ua kom neeg lub cev tsis huv tuaj!
    Yog tej yam tawm hauv neeg lub cev los,mam ua kom neeg tsis huv tuaj. Vim txoj kev xav tswv yim phem, tawm hauv neeg nruab siab tuaj.
    Xws li kev ua tub sab, kev xav txov neeg txoj sia, los kev ua neeg hu dab, xav txeeb luag tug, kev ua phem ua qias ntshaw deev luag poj luag sev nrog rau luag tub luag roog, kev xyav luag moo phem, kev ua neeg muab hlob.
    Tas txhua yam no, nyob hauv neeg nruab siab thiaj ua kom neeg lub cev tsis huv tuaj.

    ->Cov txiaj ntsim zoo puav leej tuaj saum ntuj tuaj, yog Leej Txiv tso nqes los tas tib si. Vim Leej txiv tau yug peb los xws li yog Nws me nyuam tiag.
    Leej Txiv, Nws xav hais tej yam tseem ceeb rau peb. Nws xav kom cov ntseeg txog nws ua cov ntaus thawj zeem txog kev tseeb thiab kev tseem ceeb nyob hauv zeej tsoom.
    Ua li mas peb yuav nrauj tas txhua yam kev nkhaus, uas tsis huv nyob hauv peb nruab siab tawm mus kom tas. Thiab peb yuav xyiv fab nyob hauv Tswv Ntuj cov lus cawm tau txoj sia.
    Peb yuav hwm Leej Txiv txoj kev dawb huv, yam li peb yuav hlub txog tej me nyuam ntsuag thiab tej poj ntsuam. Txhob cia peb lub siab los nyiam teb kev tsis dawb huv.
    ->Nej yuav coj tus cai lij choj li Tswv Ntuj qhia hnub no! Ces nej yuav muaj txoj sia nyob mus li. Nyob hauv lub hauv lub teb chaws, uas Tswv Ntuj txais nej cov yawg koob nyob.
    Haiv neeg twg thiaj muaj ib tug Huab tais nyob ze ze lawv. Zoo li peb tus Huab Tais nyob ze peb li no.

    ZAJ THOV NTUJ.
    1.Peb thov ntuj rau lub Koom Txoos…
    2. Peb thov ntuj rau cov nom tswv kav teb chaws…
    3. Peb thob ntuj rau cov neeg txom nyem…
    4Peb thov Nuj rau tej xwv txheej uas peb paub tias muaj…
    5. Peb thov ntuj rau cov neeg tuaj teev ntuj hnub no thiab cov…

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 6th September 2018, 7:29 am


    NRUAB XYOO CHIV 23 B Tim 9/9/2018.

    ->.Zaj nyeem ib ntawv His Xais, zaj 35: 4-7, hais tias:
    Tus Yaj saub His Xais xub hais rau cov His Xas Lais nyob txim nyob rau Npas Npis Los teb tias, tsis ntev nej yuav rov tau zoo.

    ->. Zaj nyeem ob, Yas Kostsab ntawv, zaj 2: 1-5, hais tias:
    Lub Koom Txoos yuav ceev faj, kom saib cov neeg muaj zoo dua cov neeg pluag!

    ->Mas Kos ntawv Moo Zoo, zaj 17: 31-37, hais tias:
    Cov neeg pom Yes Xus ua hwj huam yees ntxwv,lawv zais tsis tau. Peb kuj yuav txawj pom tias, niaj hnub Yes Xus ua hwj huam yees ntxwv nyob hauv peb nruab siab! Yog peb txawj pom, mas peb yuav xav thiab nco txog Yes Xus.

    ->. Thaum Yes Xus tawm rooj mus hla Tws Los, Xis Doos, thiab Nkas Lis Lais teb. Lawv coj ib tug neeg ruam lag ntseg tuaj rau Yes Xus, lawv thov kom Yes Xus tsa tes rau saum nws.
    Yes Xus muab Nws ntiv tes rau hauv tus neeg ntawd ob lub pob ntseg. Thiab Yes Xus nti qaub ncaug los kov tus neeg ntawd tus nplaig.

    Yes Xus tsa muag ntsia saum ntuj, Nws hais tias:
    Es Fes Tas!={Koj qhib los mas!} tam sim ntawd nws pob tseg qhib los, cov hlua khi tus nplaig kuj daws tas. Nws hnov thiab hais lus meej.
    Ces Yes Xus txwv kom txhob hais dab tsis rau leej twg. Tas sis tsoom neeg haj yam muab tshaj tawm mus thoob teb chaws tau paub txog.
    ->Peb txoj kev ntseeg txog Yes Xus, mas lub Koom txoos yog tas nrho peb sawv daws. Peb yuav tsis txhob saib tias, ib co yog neeg los thiab ua meeg muaj.
    Ho sib co lawv yog neeg pluag thiab lawv ua neeg me, txhob saib tias tus hnav tsoos zoo muaj hwj chim dua tus hnav tsoos tsho phem.
    Rub tus muaj tuaj sab pem toj, thiab tso tus pluag rau nram kawg. Yog peb ua li ntawd, mas peb twb txiav tias, ib tug yog tus zoo thiab loj. Hos lwm tus yog tus phem los yog tus pluag lawm.
    Nej mloog kom zoo mog, Tswv Ntuj tsis xaiv li neeg xaiv. Tswv Ntuj tsuas xaiv kom neeg tau txais Ntuj lub cuab tam nyob hauv Ntuj lub Ceeb Tsheej, xws li Ntuj tau cog lus thiab pub rau neeg txhua tus xwb.

    ->. Tswv Ntuj lo lus hais tias:
    Cov neeg ntxhov siab, nej ua siab loj, nej ntsia nej tus Huab Tais tuaj cawm nej lawm. Tswv Ntuj muah txim rau cov neeg txhaum, hos Ntuj pub koob haum rau cov neeg ua zoo.
    Zoo li cov neeg dig muag rov pom kev tuaj, hos cov neeg lag ntseg rog hnov lus tau. Cov neeg nplaig txhav lawv yuav qw suab cav txog Tswv Ntuj tau.
    Dej yuav txhawv nyob hauv cov teb chaws suab puam los, cov teb chaws nqhis dej yuav muaj dej txhawv rau lawv.

    ZAJ THOV NTUJ.
    1.peb thov Ntuj rau lub Koom txoos…
    2.Peb thov Ntuj rau cov nom tswv kav teb chaws…
    3.Peb thov Ntuj rau cov neeg txom nyem…
    4.peb thov Ntuj rau tej xwv txhej peb pom los paub muaj…
    5.Peb thov Ntuj rau cov neeg tus teeb ntuj….

    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th September 2018, 10:00 am



    NRUAB XYOO CHIV 24 B Tim 16/9/2018.


    ->.Zaj nyem ib tsab ntawv His Xais, zaj 50:5-9, hais tias:
    Tus Yaj Saub His Xais, cav txog Tswv Ntuj tus tub txib Yes Xus. Peb txhua tus kuj yuav xyaum ua Tswv Ntuj ib co tub txib tshiab raws lis Yes Xus tus qauv.

    ->. Zaj nyeem ob Tus hauv paus xa lus Yas Kos tsab ntawv zaj 2: 14 -18, hais tias:
    Ib tug neeg ntseeg txog Tswv Ntuj tiag, mas nws yuav ua cov hauj lwm nyiam luag tej. Vim Tswv Ntuj qhia kom sawv daws, yuav tsum muaj txoj kev sib nyiam sib hlub, nyob hauv Tswv Ntuj kev nyiam keb hlub.

    ->. Mas Kos ntawv Moo Zoo, zaj 8: 27-35. Hais tias:
    Yes Xus ib txhij yog tus Huab Tais Pleev, thiab yog Tswv Ntuj tus tub txib los raug luag hiam. Yes Xus cov Thwj Tim kuj ib txhij txais Yes Xus lub hwj chim thiab txais Yes Xus txoj kev txom nyem.

    ->. Yes Xus tau nug cov Thwj Tim tias:
    Zeej tsoom hais tias, kev yog leej twg? Nyob hauv cov Thwj Tim muaj ib txhia teb tias, zeej toom hias tias, Koj yog tus Zam ntxuav Plig. Ib txhia hais tias, koj yog Es Lis, los yog ib tug Yaj Saub!
    Yes Xus nug cov Thwj Tim ntxiv tias:
    Ua li nej ne, nej hais tias, kuv yog Leej twg? Ces Pob Zeb txais nkaus hais tias: Koj yog Leej Pleev. Ces Yes Xus tau txwv lawv nruj tias, Txhob hais tej no rau leej twg! Ces Yes Xus hais qhia cov Thwj Tim tias, Leej neeg tus tub yuav raug kev txom nyem loj.
    Vim cov Leej Choj thiab cov thoob xwm ntawv, yuav muab nws tua pov tseg! Txog hnub peb, Nws yuav sawv rov qab los. Pob Zeb nroo txog Yes Xus los lus tias, Nws yuav raug tua pov tseg.
    Yes Xus tig los ntsia cov Thwj Tim, Nws cem Pob Zeb tias, Xas Tas, koj lawv kuv qab! Koj tsis xav li Ntuj xav, koj xav li neeg xav xwb!
    Yes Xus hais rau tsoom sid tias, leej twg xav lawv kuv qab. Mas nws yuav tsis txhob nco txog nws, nws yuav kwv nws tus ntoo cuam lawv kuv qab.
    Tus xav cawm nws txoj sia, mas nws yuav ua nws txoj sia ploj. Tus ua nws txoj sia ploj vim kuv thiab lub Moo Zoo, mas nws yuav cawm tau nws txoj sia.

    ->.Kwv tij, thaum muaj ib tug neeg hais tias, kuv muaj lub siab ntseeg. Tab si nws tsis ua cov hauj lwm nyiam, mas nws txoj kev ntseeg tsis muaj qab hau dab tsi li.
    Nws lub siab ntseeg puas yuav cawm tau nws? Thaum muaj ib tug txheeb ze, tsis muaj dab tsi hnav thiab noj. Yog nej hais rau lawv tias, nej rov mus nej nyob kaj lug mog.
    Nej mus nte taws thiab noj kom tsau plab npo, nej tsis tau muab dab tsi rau lawv. Nyob hauv kev ntseeg kuj zoo tib yam li ntawd.
    Yog tsis muaj txoj hauj lwm nyiam nyob hauv txoj kev ntseeg, mas nws txoj kev ntseeg kawg yuav coj nws mus zwm rau kev tuag xwb lod.
    Ua li mas tus muaj txoj kev ntseeg tiag, nws yuav muab txoj kev ntseeg rau luag pom. Nyob hauv txoj hauj lwm nyiam luag.

    ->. Ua Tswv Ntuj tus tub txib. yuav qhib koj lub pob ntseg thiab koj tej qhov muag los pom tej ntawd. Yog Tswv Ntuj hauj lwm yus txhob yig thiab txhob thaub qab.
    Yog luag xav ntau yus, mas yus tig nraub qaum rau luag ntaus. Thaum luag thuam yus mas yus yuav txawj ua twj ywm.
    Tus yuav daws cov txhaum uas luag muab rau yus ris, mas Nws nyob ze ntawm yus. Leej twg yuav muab txim rau yus tau. Huab Tais yog tus nyob ze yuav pab yus.
    Cov xav muab txim thiab muab tus cai nplua neeg, sawv daws yuav ploj mus li tej khaub hlab ntuag thiab ploj mus, ces ua rau lawv lub cev yuav liam txwv mus tas.

    ZAJ THOV NTUJ.
    1. Peb thov Ntuj rau lub Koom Txoos…
    2. Peb bthov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb thov Ntuj rau tej xwv txheej uas peb pom muaj…
    5. Peb thov Ntuj rau cov neeg tuaj teev Ntuj…
    Yaj Zoov Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th September 2018, 9:48 am


    NRUAB XYOO CHIV 25 B Tim 23/9/2018.

    ->.Zaj nyem ib tsab ntawv thoob tsib, zaj 2: 17- 20, hais tias:
    Thaum cov neeg siab ncaj ntuas luag tej, mas ntau zaus luag muab cov neeg siab ncaj tua.

    ->. Zaj nyem ob Tus Hauv Paus xa lus,Yas Kos tsab ntawv zaj 3: 16-18+4: 1-3, hais tias:
    Leej twg ua kom muaj tsov rog! Yog peb sawv daws, vim peb sib cav sib ceg hauv peb vaj peb tsev. Yog kev ua tsov rog tus cag.

    ->.Mas Kos ntawv Moo Zoo, zaj 9:30-37, hais tias:
    Tus xav ua thawj, nyob pem Tswv Ntuj lub Ceeb tsheej, nws yuav tuaj yeem tuag. Nws yuav nyiam ua luag tus tub txib thiab nyiam ua neeg me.

    ->. Yes Xus qhia Nws cov thwj Tim tias:
    Luag yuav muab Leej Neeg tus Tub rau hauv tsoom neeg txhais tes, luag yuav muab Nws tua. Nws tuag tas, mas hnub peb Nws yuav sawv rov los.
    Cov Thwj Tim tsis to taub, lawv sib cav tias, nyob hauv lawv Leej twg yuav ua tus loj dua? Yes Xus nug lawv tias: Nej sib cav txog dab tsis?
    Cov Thwj Tim tsis pom qab teb, Yes Xus zaum thiab hu lawv los. Yes Xus hais tias:
    Nej Leej twg xav ua tus loj dua cov thiab ua tus thawj neeg, mas nws yuav ua tus nyob puag tom tw. Nws yuav ua sawv daws tus tub txib.
    Ces Yes Xus muab ib tug me nyuam los nyob nruab nrab lawv. Yes Xus puag tus me nyuam, Nws hais rau cov Thwj tim tias:
    Leej twg txais cov me nyuam li no, vim kuv lub npe, mas tus ntawd kuj yog txais kuv. Leej twg txais kuv, mas nws kuj tau txais tus xa kuv tuaj.

    ->.Nyob ib qho chaw twg, yog neeg sib cav sib ceg. Mas lawv ua ntau yam ntxhov, thiab lawv tej hauj lwm yog hauj lwm phem.
    Hos cov muaj Tswv Ntuj kev thoob tsib, mas lawv muaj ib lub siab dawb, lawv nyiam kev thaj yeeb. Lawv nyiam ua zoo thiab zam rau luag. Lawv yuav txi ib co txiv zoo.
    Vim lawv tsis kws leej twg cai, Cov neeg tsim kev thaj yeeb, mas lawv yuav txi ib co txiv nyob hauv lawv kev thaj yeeb.
    Nyob hauv cov neeg muaj kev sib cav sib ceg, vim lawv yog neeg ntsaw ub ntshaw no, uas tsis yog lawv tug. Lawv muaj khib vim lawv tsis muaj xws luag. Ces lawv sib cav sib ntaus rog.
    Qhov tseeb lawv tsis thov dab tsi ntawm Tswv Ntuj thiab tsis kam ua tej hawj lwm sib hlub sib zam. Ces tab yog lawb txawm thov los lawv yuav tsis tau txais dab tsi.

    ->.Cov neeg tsis hwm Ntuj lawv yuam kev loj, lawv hais tias: Peb sim saib, saib qhov uas tus neeg ncaj hais no puas yog tseeb tiag!
    Yog tus neeg siab ncaj no, yog Tswv Ntuj tus tub txib tiag. Mas Tswv Ntuj yuav npo nws kom dim ntawm cov yeeb ncuab sab tes ua xwv txheej rau nws.
    Tus neeg siab ncaj, qee zaus nws muaj ob lub siab! Ib lub siab ua xyem xyav thiab ib lub siab, nws txiav siab xav mus nrog Leej Pleev nyob, yuav zoo dua rau nws.
    Lo lus no yog xav hais rau nej kom nej xaiv txoj kev kom tsim nyog nyob rau hauv Lub Moo Zoo.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb gthov Ntuj rau tej teeb meem muaj uas peb paub…
    5. peb thov Ntuj rau cov neeg tuaj teev Ntuj hnub no…

    Yaj Zoo Ntxheb Xib Hwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th September 2018, 10:30 am



    NRUAB XYOO CHIV 26 B Tim 30/9/2018.
    ->.Zaj nyeem ib ntawv Xam Phaj, zaj 11: 24-29, hais tias:
    Leej Tswv Yim Ntshiab xav tuaj tshoj Leej Twg, mas Nws tshoj tus ntawd. Tab yog ib tug neeg nws tsis ua thawj nyob hauv lub Koom Txoos los Leej Tswv Yim Ntshiab kuj tusj tshoj lawv.
    ->.Zaj nyeem ob Yas Kos tsab ntawv, zaj 5: 1-6, hais tias:
    Cov neeg muaj, lawv yuav tsum ceev faj, Muaj qee leej tos lawv muaj, vim lawv noj cov pluag zog. Nyob hauv lub Moo Zoo ua tsis nyog tej no!
    ->.Nyob hauv Mas Kos ntawv Moo Zoo, zaj 9: 38-43+45-47, Hais tias:
    Tus neeg xav ua Yes Xus Tim Khawv, nws yuav rau siab muab yam tsis zoo nyob hauv nws nruab siab rhuav pov tseg.
    ->.Tus Thwj Tim Zam hais rau Yes Xus tias, Xib Hwb! Peb tau pom ib tug neeg tuav txog koj lub npe, los ntiab cov dab phem. Nws tsis yog ib tug nrog peb!
    Yes Xus hais tias:
    Nej txhob txwv nws, vim yeej tsis muaj ib tug neeg ua hwj huam yeev ntxwv, vim kuv lub npe. Thiab nws hais phem txog kuv!
    Leej twg yog nws tsis tiv peb, mas nws nrog peb. Thiab Leej twg yuav muab tau ib khob dej los rau nej daws nqhis, vim yog Leej Pleev tug.
    Kuv hais tiag rau nej, tus ntawd, yuav tau txais koob haum. Yog nej Leej twg, coj ib tug me nyuam ntseeg txog kuv, mus ua txhaum.
    Mas tsim nyog muab ib lub Pob zeb hnyav txaus ib tug luj los neeg cab, los dai rau nws caj dab thiab muab nws thawb kom poob rau hauv hiav txwv.
    Yog koj koj txhais tes nyiam ua txhaum, mas muab txiav pov tseg zoo dua koj muaj ob sab tes mus nyob hauv cov hluav taws kub tsis txawj tuag.
    Yog koj txhais taw ua txhaum, muab txiav pov tseg zoo dua koj ua neeg tu ceg, uas muaj txoj sia nyob. Pob ntseg thiab qhov muag los kuj yuav ua tib yam li no, tsuav koj muaj txoj sia txoj sia nyob mas zoo dua.
    Cia koj lub cev tib si mus nyob hauv lub chaw raug txim.
    ->.Cov neeg muaj, mas ib hnub lawv yuav quaj ntsuag qees, vim lawv yuav raug xwv txheej. Lawv cov cuab yeej cuab tam yuav lwj tas, cov nyiaj kub yuav xeb mus tas. Tej tsoos tsho yuav khaub hlab ntuag mus.
    Tej cuab yeej no yuav ua ib co kab los tom lawv lub cev, txhua yam ua lawv muaj yog ib txoj kev ceev cuab tam los ua ib co hluav taws npaj tos lawv lub cev uas hnub kawg tau ua hluav taws kub.
    ->. Tswv Ntuj los lus nrov tuaj rau Mais Xes thiab Tsoom txwj laus tias: Thaum Tswv Ntuj nqes los rau saum twv huab, mas Tswv Ntuj yuav muab lub tswv yim rau Mais Xes faib rau sau 70 tus txwj laus.
    Kom lawv txawj ua yaj Saub, tsis kav Tswv Ntuj kuj pub kom muaj ob tug tsis nyob hauv cov thawj neeg ntawd kom nkawd txawj ua Yaj Saub thiab.
    Yos Xus tau hais kom Mais Xes txwv tsis pub nkawd ua Yaj Saub. Mais Xes hais tias, puag yog vim Koj khib rau nkawd lod.
    Kuv xav kom Tswv Ntuj muab Nws lub Tswv Yim rau Nws Haiv neeg tib si, ua Yaj Saub tau txhua tus

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws.
    3. Peb thov Ntuj rau cov neeg txom nyem…
    4. peb thov ntuj rau cov teeb meej ua peb paub…
    5. Peb thov Ntuj rau cov neeg tuaj teev Ntuj hnub noo…

    Yaj Zoov Ntxheb Xib Hwb.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th October 2018, 11:10 pm


    NRUAB XYOO CHIV 27 B Tim 7/10/2018.
    ->.Zaj nyeem ib ntawv hauv paus, zaj 2:18-24. Hais tias:
    Tswv Ntuj tsim txiv neej thiab poj niam, kom sib phim, vim Tswv Ntuj xav kom txiv neej thiab poj niam, ua tej nkawm sib nyiam sib hlub mus tas ib sim neej.

    ->. Zaj nyeem ob ntawv Hes Nplaws, zaj 2: 9-11.
    Hais tias:
    Vim Yes Xus yog tus yuav pab tas zeej tsoom, mas Tswv Ntuj thiaj kheev kom Yes Xus raug kev txom nyem. Yes Xus yog tus ntshiab thiab ua kom neeg ntshiab tuaj.

    ->.Mas Kos ntawv Moo Zoo, zaj 10: 2-16. Hais tias:
    Yes Xus tau tshaj tias, Tswv Ntuj tsis kheev kom ob niam txiv sib nrauj.

    ->. Cov Fas Lis Xais xav sim Yes Xus lawv nug Y.X tias:
    Ib tug txiv neej nws yuav nrauj nws poj niam puas tau?
    Yes Xus nug kawv tias! Mais Xes qhia kom nej ua zoo lis cas? Lawv hais tis, Mais Xes qhia kom ua ntawv nrau tsoj, mas thiaj nrauj tau!
    Yes Xus hais rau cov Fas Lis Xais tias! Vim nej ua neeg twm xeeb dhau lawm, Mais Xes thiaj kom nej xub ua ntawv nrauj li ntawd.
    Kuv hais rau nej tias:
    Thaum lub hauv paus Ntuj tsim teb raug los, Ntuj tsuas tsim ib tug txiv neej thiab ib tug poj niam xwb. Vim li ntawd, nkawd ob leeg thiaj yuav tso nkawd niam nkawd txiv, los mus nyob ua ke, nkawd yuav tsis txhob sib txhem mus.

    ->Yes Xus hais rau lawv tias: Tus Txiv neej nrauj nws tus poj niam, rov yuav dual wm tus. Nws tau ua txhaum hla nws tus poj niam.
    Tus poj niam nrauj nws tus txiv rov yuav dua lawm tus txiv neej, nws kuj tau ua txhaum ib yam nkaus li thiab. Yes Xus hu cov me nyuam los ntawm Yes Xus, Nws hais rau sawv daws tias:
    Cov yuav tau Ntuj lub Ceeb Tsheej los ua lawv tug, yog cov zoo li cov me nyuam no. Tus tsis rov ua neeg dawb huv li cov me nyuam no mas tus ntawd yuav tsis tau mus hauv Tswv Ntuj lub Ceeb tsheej.

    ->.Thaum Yes Xus cawm lub ntiaj teb neeg nyob saum tus ntoo cuam. Mas Yes Xus raug txo hwj Chim,qis dua Ntuj cov Tshiab, vim Nws txais txoj kev tuag, Ces Yes Xus thiaj rov muaj Hwj Chim thiab koob meej loj tshaj plaws.
    Vim Ntuj kheev Yes Xus saj txoj kev tuag. kom tau pab tas zeej tsoom. Vim yog Tswv Ntuj lub txiaj ntsim tsim txhua tus neeg, Ntuj thiaj xav kom txhua tus neeg tau txais lub hwj chim los tsob hwb Tswv Ntuj zoo li ntawd.
    Yes yuav tsum yog tus thawj ntaus thawj uas yuav tau coj tsoom neeg mus ntsib Tswv Ntuj lub hwj Chim. Nyob hauv Yes Xus txoj kev cawm neeg, kom zoo tiav.
    Muaj li ntawd, Tswv Ntuj thiaj xav kom lub ntiaj teb neeg, cov txiv neej thiab cov poj niam. Txhob muaj kev sib nrauj.
    Vim thaum Tswv Ntuj tsim neeg Tswv tau muab av los puab tas ib puas tsav yam. Ntuj thiaj cia Av ua tus ntsuj loj yug tas nrho neeg thiab tsiaj tib sij.
    Txhua yam twb yog av puab tawm los hnub kawg txhua yam thiaj yuav rov mus ua Av. Peb Leej Tib neeg yog tawm ntawm tus txiv neej uas yog Av los.
    Yog tus Txiv neej nws ua tis npe, rau neeg thiab txhua yam. Sawv daws hu raws li tus txiv neej tau tis npe rau. Nyob hauv cov txij nkawm tus tsis hwm ib tug txiv neej nws tau thuam tus txiv neej ntawd, mas nws tis muaj tsim dab tsi li.
    Hos tus txiv neej thuam ib tug neeg… los ib tug tsiaj, mas nws tau thuam Ntuj lawm. Vim yog Ntuj tsim txhua hom los rau neeg siv, txhawb neeg lub cev kom muaj zoj loj hlob tiav hlaub tiav ces.
    Tus hu ua Leej Tib neeg lawm, yog nws pom ib yam zoo, mas tsim nyog nws yuav tsa suab hlo cav li thaum nws tau pom Ntuj Tswv Ntuj tsim thawj tug poj niam, nws tau cav tias:
    Tus no nqaij xws kuv nqaij. Txhav xws kuv txhav, Nws yuav hu ua poj niam no! Kom muaj kev sib hlub nyob ruaj nreb mus kav laus. Amen.

    ZAJ THOB NTUJ.
    1.Peb thov ntuj rau luub Koom Txoos…2. Thov Ntuj rau cov Nom Tswv… 3. Thov Ntuj rau cov txom nyem… 4.thov Ntuj rau tej xwm txheej… 5. Thov Ntuj rau cov tuaj teev Ntuj hnub no… Yaj Zoov Ntxheb X.H.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 11th October 2018, 7:40 am


    NRUAB XYOO CHIV 28 B Tim14/10/ 2018.


    ->.Zaj nyeem ib ntawv thoob tsib, zaj 7: 7-11. Hais tias:
    Txoj kev thoob tsib, yog cov txuj pab coj peb lub neej. Yog neeg tsis thoob tsib, mas tab yog neeg muaj cuab tam ntau los tsis muaj qab hau.

    ->. Zaj nyeem ob, tsab ntawv Hes Nplaws, zaj 4: 12-13. Hais tias:
    Tswv Ntuj paub txog peb nruab siab, peb zais tsis tau dab tsi rau Ntuj. Ntuj lo lus kuj yuav txiav txim rau peb.

    ->. Mas Kos ntawv Moo Zoo, zaj 10: 17- 30. Hais tias:
    Tus nyiam Tswv Ntuj tiag, mas nws yuav nyiam ua neeg tsis muaj cuab tam ntau. Nws yuav tso tas txhua yam tseg, kom tau raws Yes Xus mus.

    ->. Muaj ib tug neg txhos caug ntawm Yes Xus xub ntiag hais rau Yes Xus tias: Xib Hwb siab zoo, kuv yuav ua li cas! Kuv thiaj yuav tau txais txoj sia nyob mus li los ua kuv tug?
    Yes Xus hais tias, ua cas koj hu kuv ua X.H. siab zoo? Tsis muaj leej twg siab zoo, tsuas yog Tswv Ntuj ib leeg xwb, siab zoo.

    Koj yuav paub cov lus qhia hais tias: Txhob tua neeg, txhob zes luag poj luag sev,txhob ua tub sab tub nyiag, txhob ua tim khawv cuav dag rau leej twg, koj yuav hwm koj niam koj txiv.
    Ces tus ntawd teb tias: X.H. txij thaum kuv yav hluas los, kuv tau coj nraim tej ntawd! Yes ntsia nws thiab hlub nws, Yes Xus hais rau nws tias:
    Tsuav ib yam xwb uas koj yuav tau ua! Koj mus, koj muab koj lub cuab tam muag tas. Ces koj muaj pub rau cov neeg pluag!
    Ua li ntawd tas ces koj los raws kuv, koj yuav muaj txhab nyiaj txhab kub nyob saum ntuj. Tus ntawd hnov Yes Xus lo lus, nws mluas zog, ces nws rov mus ua ntsej muag ntshaus ntsho. Vim nws yog neeg nplua nuj muaj txiag ntau.
    Yes Xus hais rau Nws cov Thwj Tim tias:
    Cov me nyuam, Cov neeg muaj txiag, mas lawv ceeb laj mus tau hauv Tswv Ntuj lub Ceeb Tsheej kawg. Yes Xus rov hais dua tias, ib tug Ncos { camel} yuav nkag haub lub qhov koob, mas haj tseem yooj yim dua ib tug neeg muaj.
    Yes Xus hais tias: Kuv hais tseeb rau nej! Leej twg tso vaj tse,niam txiv tub ki tseg, vim kuv thiab lub Moo Zoo. Mas nws yuav tau txais 100 npaug li cov hais saum no!

    ->.Tswv Ntuj lo lus muaj txoj sia, Tswv Ntuj lo lus ua hauj lwm zoo. Tswv Ntuj los lus ntse, txeem mus txog tus ntsuj plig thiab nruab tswv yim.
    Tas txhua yam uas Ntuj tsim los,tsis muaj ib yam uas Tswv Ntuj lo lus yuav pom tsis tau li. Tas txhua yam yuav nyob cuab tha lug rau Tswb Ntuj pom thiab paub.

    ->. Peb yuav thov txais txoj kev txawj kev ntse ntawd, peb hu tas zog kom txoj kev thoob tsib los nyob hauv peb. Tej kev muaj txiag nplua nuj los tej pov haum muaj nqes piv tsis tau Tswv Ntuj kev thoob tsib ib qho li.
    Txhua yam nyiaj kub pov haum muab piv rau Tswv Ntuj kev thoob tsib yog zoo li yog plua av xwb. Kev thoob tsib zoo tshaj tej teeb pom kev, vim nws ci ntsa iab mus li tsis txawj tuag los qauj mus.

    ZAJ THOV NTUJ.
    1.Peb thov Ntuj rau lus Koom Txoos…
    2. Peb thov Ntuj rau cov Nom tswv kav teb chaws…
    3. Peb thov Ntuj rau cov neeg txom nyem, cov muaj mob pw tsev tshuaj. Cov nyob hauv lawv vaj tse. Los cov tuaj ntawm no…
    4. Peb thov Ntuj rau cov tej xwv txheej uas peb paub muaj tuaj ntawd…
    5. Peb thov Ntuj rau cov neeg tuaj teev Ntuj hnub no…

    Yaj Zoov Ntxheb Xib Hwb.




    Sponsored content

    Re: XH.Zoov Ntxheb Yaj Nthuav Ntawv Ntshiab.

    Post  Sponsored content


      Current date/time is 21st October 2018, 11:33 pm