Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


XH.Zoov Ntxheb Yaj Nthuav Ntawv Ntshiab. - Page 14 Empty

Latest topics

» UA KOOB TSHEEJ YES XUS YUG LOS XYOO 2018
by Mim Yesterday at 2:16 pm

» Qhia Ntuj Kev Cai.
by Maiv Tooj 21st October 2019, 10:29 pm

» XH. Yaj Zoov Ntxheb lub Tsev THOOB TSIB
by Maiv Tooj 21st October 2019, 10:27 pm

» Xov Tooj Cua Zoo Tswv Zov Yaj
by Maiv Tooj 21st October 2019, 6:30 pm

» COV ZAJ NYEEM HNUB CHIV 2018-2019 xyoo C
by NrhiavTswvNtuj 16th October 2019, 11:36 pm

» Tij Teej Xyooj Cob Tsib teb Cog Lus ib sim neej hauv Tswv Ntuj.
by Maiv Tooj 13th October 2019, 8:17 am

» Cov Txiv Plig Hmoob Suav teb
by Maiv Tooj 11th October 2019, 2:32 am

» HMOOB LUB XEEM
by Maiv Tooj 8th October 2019, 10:13 pm

» QHOV UAS DAB YUAV TSWJ KAV TAU NEEG
by Maiv Tooj 8th October 2019, 2:56 pm

» TXOJ KEV YUAV RAUG TXIM TIAM YUAV TUAJ NO.
by Maiv Tooj 18th September 2019, 6:33 am

» TP.Txhiaj Foom lub TSEV Ntawv
by Maiv Tooj 23rd August 2019, 6:08 am

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd August 2019, 5:37 am

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 18th October 2018, 6:14 am


    NRUAB XYOO CHIV 29 B Tim 21/10/ 2018.

    ->.Zaj nyeem ib ntawv His Xais, zaj 53: 10-11.
    Hais tias:
    Yes Xus yog Tswv Ntuj tus tub txib, sawv peb chaw them peb cov txim txhaum.
    ->. Zaj nyeem ob tsab ntawv Hes Nplaws, zaj 4: 14-16.
    Hais tias:
    Peb muaj Yes Xus ua peb tus Leej Choj cev peb lus rau Tswv Ntuj. Nws paub peb zoo, peb yuav tso siab rau nws.
    ->. Mas Kos ntawv Moo Zoo, zaj 10: 35-45. Hais tias:
    Cov neeg tuav hauj lwm loj nyob hauv Tswv Ntuj lub Ceeb Tsheej, lawv yuav nyiam ua tsoom sid cov tub txib, mus txog hnub kawg.
    ->. Yas Kos thiab Zam nkawd txav los ze Yes Xus nkawd hais rau Yes Xus tias: Xib Hwb, qhov wb xav thov ntawm koj yog! Thov koj pub wb ib tug zaum ntawm koj sab xis, ib tug zaum ntawm koj sab laug, nyob hauv koj lub hwj chim.
    Yes Xus teb rau nkawd tias: Neb tsis paub qhov uas neb thov! Neb puas haus taus lub ntim uas kuv yuav haus? Thiab neb puas yuav txais lub Cim Ntxuav uas kuv yuav txais?
    Lub Cim ntxuav mas neb yuav txais, qhov yuav zaum ntawm kuv sab xis los sab laug, tsis yog kuv muaj cai pub qhov ntawd rau neb. Ntuj npaj rau Leej twg, mas yog tus ntawd li.
    Yes Xus hais rau cov Thwj Tim tias: Cov Nom Tswv kav cov Haiv neeg, lawv tswj luag xws li lawv yog ib co Huab Tais.
    Lawv coj nruj rau cov pej xeem,kom luag hu lawv ua cov hlob no. Nyob hauv nej mas yuav tsis zoo li ntawd, leej twg ua tus loj, mas nws yuav tsum tau ua sawv daws tus tub txib.
    ->.Vim peb twb xub muaj Yes Xus, yog Tswv Ntuj tus tub, ua peb tus tub txib ua ntej lawm. Nws yog Huab Tais, nws hla dhau 9 txheej ntuj peb yuav nyob ruaj nreb hauv nws txoj kev ntseeg.
    Nws raug kev sim siab tseem loj dua peb, tsuas yog nws tsis muaj txhaum xwb. Peb yuav tso siab rau lub theej kiab muaj txiaj ntsim, tau Tswv Ntuj kev nyiam kev hlub los pab peb.
    ->.Tswv Ntuj tso Nws tus tub txib raug kev txom nyem kom luag muab nws tsuj rau hauv pem teb. Vim yog nws xav cawm peb txoj sia thiab them peb cov txim txhaum nkaus xwb.
    Yog vim Tswv Ntuj tus tub txib mas thiaj muaj tas txhua yam li Tswv Ntuj lub siab xav. Thaum dhau txoj kev txom nyem lawm, Tswv Ntuj tus tub txib yuav muaj txoj kev ua zoo rau lub ntiaj teb neeg rov puv siab tuaj. Nyob hauv txoj kev kaj, Amen.

    ZAJ THOV NTUJ.
    1.peb thov Ntuj rau lub Koom Txoos…
    2. peb thov Ntuj rau cov nom Tswv kav teb chaws…
    3. Peb thov Ntuj rau cov neeg txom nyem...
    4. Peb thov Ntuj rau tej xwm txheej peb paub muaj...
    5.Peb thov Ntuj rau cov tuaj teev ntuaj hnub no…
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 25th October 2018, 8:34 am


    NRUAB XYOO CHIV 30 B Tim 28/10/ 2018.

    ->.Zaj nyeem ib Yes Les Mias, zaj 3:7-9. Hais tis:
    Lub caij tsoom His Xas Lais. mus nyob txim rau pej kuj teb. Tus Yaj Saub Yes Les Mias qhia lawv tias, muaj ib lub caij. Tswv Ntuj yuav rov los nplij lawv

    ->Zaj nyeem ob tsab ntawv Hes Nplaws, zaj 5: 1-6. Hais tias:
    Yes Xus yog tus thawj Leej Choj, cev ntiaj teb neeg cov lus rau Tswv Ntuj. Peb cov neeg ntseeg kuj nrog Yes Xus ua Leej Choj cev lub ntiaj teb neeg cov lus rau Tswv Ntuj.

    ->. Mas Kos ntawv Moo Zoo, zaj 10: 46-52. Hais tias Yes Xus yog tus Vaj das Vis, yog Tswv Ntuj Leej Tub, Nws tsis ua neeg muab hlob. Nws hlub tus neeg dig muag thov khawv nyob ntawm kev.

    ->. Thaum Yes Xus nrog Nws cov thwj Tim thiab pab neeg coob, tawm ntawm Yes Lis Kos mus. Tis Mes tus tub Npas Tis Mes dig muag zaum ntawm ntug kev thov khawv.
    Nws tau hnov luag hais tias, Yes Xus Nas xas Les tuaj, nws qw tias: Das Vis Leej Tub thov koj khuv leej kuv mas! Ces Yes Xus theem thiab hais tias: Nej hu nws tuaj!
    Lawv thiaj hais rau tus dig muag tias, koj tso siab, koj sawv, koj tuaj, ces tus dig muag hle nws lub tsho tshaj sab, nws dhia tuaj cuag yes Xus.
    Ces Yes Xus hais rau nws tias, koj xav kom kuv ua dab tsis rau koj? Tus neeg dig muag hais tias, Xib Hwb, kuv thov koj ua kom kuv rov pom kev tuaj!
    Yes Xus hais tias, “koj mus koj lub siab ntseeg cawm koj lawm.” Ces tam sim ntawd tus neeg dig muag pom kev lawm, nws cia li raws Yes Xus mus.

    ->.Ua li mas Yes Xus yog tus thawj Leej Choj pab lub ntiaj teb neeg tig los fim Tswv Ntuj thiab muab cov paj tshab txi Ntuj zoo los them neeg tej txim txaum.
    Nws yog ib tug Leej Choj hlub tau cov neeg, tsis paub dab tsi li. Tswv Ntuj tsa Yes Xus ua tus thawj Leej choj, los ua thaj txi Ntuj them ntiaj teb neeg cov txim txhaum.

    ->. Tswv Ntuj thiaj hais tias, nej yuav qw suab zoo siab cav tias: Tswv Ntuj tau cawm nws Haiv neeg zoo li peb. Kom luag tej hnov txog tias, Tswv Ntuj coj peb sawv daws pem lub teb chaws pej kum fab rov los. Tswv Ntuj tos cov dig muag, cov ceg tawv, thiab cov neeg nplaig txhav los cov neeg mob tsis huv los tib si.
    Thaum ub tas sawv daws ua tej pab neeg coob, nyob txim rau cov teb chaws tsaus ntuj. Muaj kev txom nyem kev quaj, nyem no Tswv Ntuj coj sawv daws los nyob rau qhov chaw muaj dej txawv. Lawv yuav tau tej txoj kev du lug tsis muaj dab tsi dawm lswv taw lawm. Amen.

    ZAJ THOV NTUJ.
    1.Peb thov Ntuj rau lub Koom Txoos….
    2. Peb thov Ntuj rau cov nom tswv kav teb chaws…
    3. peb thov Ntuj rau cov neeg txom nyem….
    4. Peb thov ntuj rau cov xwv txheej, peb paub tias muaj.
    5.Peb thov Ntuj rau cov neeg tuaj teev ntuj hnub no…


    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 29th October 2018, 5:49 am


    NRUAB XYOO CHIV 31 B Tim 4/11/2018.

    ->.Zaj nyeem ib ntawv phau tsib, zaj 2: 2-6. Hais tias:
    Tswv Ntuj cov lus qhia, pub kev kaj siab, kev vam meej rau cov neeg mus taug nraim Nws cov lus qhia.
    ->.Zaj nyeem ob, tsab ntawv Hes Nplaws, zaj 7: 23-28. Hais tias:
    Yes Xus yog tus Leej Choj siab Ntshiab, cev peb lus rau Tswv Ntuj tau. Peb yuav vam txog Yes Xus pab peb mus cuag Tswv Ntuj.
    ->. Mas Kos ntawv Moo Zoo, zaj 12: 28-34. Hais tias:
    Tus uas nws nyiam tas tsoom neeg, nyob hauv Tswv Ntuj lub hwj chim. Nws yog ib tug neeg coj Ntuj kev ntseeg Yes Xus lub npe zoo tiav lawm. Nws lub neej zoo puav tam li ib thaj txi Ntuj nyob mus li.
    ->.Muaj raws li tus thoob xwm ntawv nug Yes Xus tias:
    Nyob hauv Tswv Ntuj cov lus qhia, thawj lo lus yog los lus twg? Yes Xus teb tias. Thawj lo lus qhia yog zoo li no:
    ->.Leej Tib neeg nejj mloog mas! Peb tus Huab Tais Tswv Ntuj uas peb teev, Nws tib leeg yog Huab Tais Tswv Ntuj. Koj yuav nyiam koj tus Huab Tais Tswv Ntuj tas siab tas ntsws,tas tswv yim tas zog!
    ->.Lo lus qhia ob,koj yuav nyiam tsoom txheeb ze, ib yam li koj nyiam koj! Tsis muaj lwm lo lus qhia loj dua ob lo lus no.
    Ces tus thoob Xwm ntawv ntawd hais tias, Xib Hwb koj hais tseeb kawg lawm. Muaj tib tug Tswv Ntuj xwb, tsis muaj dua lwm tus lawm, dua Nws mus.
    Txoj kev nyiam Tswv Ntuj tas siab tas ntsws tas tswv yim tas zog. Thiab nyiam tsoom txheeb ze zoo ib yam li koj nyiam koj. Mas zoo tshaj li, tej tsiaj muab los ua nyuj dab npua tai thiab ua dab roog, los tej kev fiv yeem.
    Yes Xus hais rau tus thoob xwm ntawv ntawd tias: Koj nyob tsis deb ntawm Tswv Ntuj lub Ceeb Tsheej lawm.
    ->. Tsoom Leej choj, uas lawv siv tsiaj los ua thaj txi ntuj thaud. Mas lawv puav leej tuag mus tas lawm. Ntawm leej Pleev, mas Nws ua Leej Choj nyob mus li ib txhiab ib txhis li qub.
    Leej Pleev yog tus Leej Choj siab ntshiab siab huv nyob pab neeg mus tas zim txwv kom tas neeg tej kee mus li. Txij thaum Leej Pleev Nws muab Nws los ua thaj txi Ntuj lawd.
    Tas tsoom Leej choj muab tsiaj los txi Ntuj puav leej tsis muaj zog mus ntxiv lawm. Nyob hauv Leej Pleev, mas yog txoj kev cog lus tshiab nyob kav mus ib txhiab ib txhis.
    ->. Peb ntiaj teb neeg, yuav niaj hnub hwm peb tus Huab Tais Tswv Ntuj. Thiab hwm txoj cai lij choj uas Nws qhia rau peb, kom tas lub qab ntuj neeg, muaj txoj kev kaj siab kev vam meej, tuaj ntawm peb tus Huab Tais Tswv Ntuj tuaj.
    Ua li mas peb yuav mloog tias, kawg yog peb tus Huab Tais Tswv Ntuj tib leeg xwb thiaj yog tus tseem Tswv Ntuj tiag. Tsis muaj dua lwm tus tswv ntuj lawm. Amen.

    ZAJ TOV NTUJ.
    1.Peb thov Ntuj rau lub Koom Txoos…
    2.Peb thov ntuj rau cov nom tswv kav teb chaws…
    3.Peb thov Ntuj rau cov neeg txom nyem…4.Peb thov Ntuj rau tej xwm txheej uas peb paub muaj…5.Peb thov Ntuj rau cov neeg tuaj teev Ntuj hnub no.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 8th November 2018, 9:12 pm


    NRUAB XYOO CHIV32 B Tim 11/11/2018.

    ->.Zaj nyeem ib ntawv 1 Vaj, zaj 17: 10-16. Hais tias:
    Tus Yaj Saub Es Lis tso siab tias, Tswv Ntuj cawm tau tus Poj Ntsuam ntawm nws txoj kev tuag. Ces tus Poj Ntsuam tso siab rau Tswv Ntuj tus neeg.
    ->. Zaj nyeem ob tsab ntawv Hes Nplaws, zaj 9:24-28. Hais tias:
    Thaum Yes Xus Nws tuag, yog Nws muab Nws txi rau Tswv Ntuj. Txij hnub ntawd los, lub ntiaj teb neeg thiaj tau kev dim ntawm txoj kev ua txhaum.
    Lub ntiaj teb neeg thiaj tshiab zuj zus tuaj, vim Yes Xus muab Nws txi rau Tswv Ntuj.
    ->. Mas kos ntawv Moo Zoo, zaj 12: 38-44. Hais tias:
    Thaum ib tug neeg pluag, muab ib lub txiaj nyiag, los pab lwm tus neeg pluag. Mas nws tau ua ib yam muaj nqes dua, cov neeg muaj pub nyiaj rau luag kom tau nto koob meej.
    ->.Yes Xus qhia tsoom sid tias: Nej yuav ceev faj! Txhob ua xws li cov thoob xwm ntawv, uas lawv nyiam hnav zam zoo nkauj, kom luag hwm nyob ntawm tej kev tshuam, los tom tej tshav puam. Thiab lawv nyiam zaum thawj leej rooj tom luag hauv ntej kom muaj hwj chim. Tab sis lawv noj tej poj ntsuam los tej tub ntsuag lub lub cuab tam ntau kawg.
    Tsis kav nyob hauv tsev teev ntuj mas lawv ua txoj teev ntuj ntev loo. Yav tom ntej mas lawv yuav raug txiav txim nruj.
    Yes Xus pom muaj cov neeg nplua nuj tuaj tso nyiaj ntau leej. Lawv tso lawv cov nyiaj seem rau hauv lub chaw rau nyiaj.
    Muaj ib tug poj ntsuam tuaj tso ob lub txiaj me me. Ces Yes Xus hais tias, tus poj ntsuam ntawd tso nyiaj ntau dua cov neeg muaj. Vim tias nws qee nws cov nyiaj tuaj tso rau rau hauv.
    Qhov tseeb mas nws tso nyiaj ntau dua cov neeg muaj nyiaj, uas lawv ua neeg nplua nuj. Tuaj tso nyiaj rau hauv lub tsev ceev nyiaj.
    ->Thaum Tswv Ntuj tus Yaj Saub Es Lis pom ib tug poj ntsuam, nws hu tias thob koj nqa ib lub ncuav mov tuaj rau kuv noj!
    Ces tus poj Ntsuam hais tias: kuv hu txog tus Tswv Ntuj muaj txoj sia, kuv tsis muaj mov siav lawm. Kuv tsuas kawg tshuav ib teg hmoov nplej thiab ib qho roj xwb. Wb ob niam tub wb noj tas qhov ntawd, ces wb npaj tuag lawm xwb.
    Es Lis hais rau tus poj Ntsuam tias: Koj ua li kuv hais rau koj, koj xub ua ib lub ncuav mov tuaj rau kuv tso. Koj mam ua rau koj tus tub neb noj. Peb tus Tswv Ntuj hais tias:
    Lub hub hmoov nplej thiab lub taub roj yuav tsis txawj nqig thiab qhuav mus, kom txog hnub ua Tswv Ntuj yuav tso nag los ywg rau saum npoo av no.
    Tus poj Ntsuam ntseeg thiab tso siab ces cov hmoov nplej thiab lub taub roj cia li tsis txawj nqig. Raws li Tswb Ntuj lo lus. Amen.

    ZAJ THOV NTUJ.
    1.Thov Ntuj rau lub Koom Txoos…
    2. Thov Ntuj rau cov nom tswv kav teb chaws….
    3. Thov ntuj rau cov neeg txom nyem…
    4. Thob Ntuj rau tej xwm txheej…
    5. Thov Ntuj rau cov neeg tuaj teev Ntuj hnub no…

    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 15th November 2018, 8:04 am



    NRUAB XYOO CHIV 33 B Tim 18 /11/2018.

    ->.Zaj nyeem ib Tsab ntawv Das Nias, zaj 12:1-3. Hais tias:
    Tus Yaj Saub Das Nias, yees pom tias, thaum txog hnub kawg. Tsoom neeg siab ncaj, yuav sawv rov los muaj txoj sia nyob mus li.
    ->. Zaj nyeem ob tsab ntawv Hes Nplaws, zaj 10: 11-14+18. Hais tias:
    Nyem no Yes Xus zaum nyob ze Leej Txiv, Nws them peb cov txim txhaum tas. Peb muaj chaw tso siab tias, Tswv Ntuj zam rau, tsuav yog peb muab siab thiab vam txog Yes Xus tseeb tiag.
    ->. Mas Kos ntawv Moo Zoo, zaj 14: 24-32. Hais tias:
    Tas peb sid, peb tsuas pom lub ntiaj teb ua tsov ua rog. Thiab pom muaj ntau yam xwv txheej tshwm sim tuaj, peb yuav paub tias:
    Lub Sim Ceeb uas peb pom no, nws yuav tsis nyob mus li. Lub yuav nyob mus li, yog Tswv Ntuj lub Ceeb Tsheej.
    ->. Tswv Ntuj los lus hais tias:
    Thaum kev txom nyem dua ntais lawd, lub hnub yuav nyob tsaus ntuj nti, lub hli yuav tsis qaim, cov hnub qub nyob saum ntuj yuav poob los.
    Tas txhua yam muaj hwj huam, nyob saum ntuj yuav ua zog koog. Tas tsoom neeg yuav pom Leej Neeg tus Tub zaum nyob saum cov huab, nyob saum ntuj.
    Nws yuav muaj hwj huam, hwj chim loj, Nws yuav hais kom Ntuj cov Tshiab sau cov neeg, uas Nws xaiv nyob 4 ceg kaum nyuj los.
    Txij qab ntuj mus txog hauv ntuj los, Thaum nej pom tej no, mas nej yuav paub tias Leej Neeg tus Tub tuaj nyob ze lawm.
    Kuv hais rau nej paub. Lub ntiaj teb yuav dua ntais mus, hos kuv cov lus, mas yuav nyob mus li. Hais txog lub hnub nyoog thiab lub sij haum yuav tshwm sim tuaj, mas tsis muaj leej twg paub. Kawg yog Leej Txiv thiaj paub xwb.
    ->Tswv Ntuj lo lus hais tias: Ntawm Leej Pleev, mas nws tsuas txi Ntuj them txim txhaum ib zaug xwb. Cov neeg ntseeg thiab tso siab rau Leej Pleev cov kab ke txi ntuj, mas, lawv twb ntshiab huv tas lawm.
    Hos cov tsis ntseeg, mas yeej ntxhuav tsis tau lawv cov txhaum kom ntshiab huv mus.
    Nyiam no Leej Pleev, zaum nyob ntawm Tswv Ntuj sab xis lawm. Nws tos kom Leej Txiv Tswv Ntuj muaj cov Yeeb ncuab los ua rooj rau tiag Nws tiag taw.
    ->.Tswv Ntuj kuj hais tias: Thaum ntawd Tswv Ntuj tus Tuam thawj tub rog Miv Kas Ntshiab yuav sawv ntsug nyob ntawm Ntuj Haiv neeg.
    Ces yuav yog ib lub caij ntxhov siab loj tshaj, txij lub hauv paus los txog tav no, tseem tsis tau muaj kev txhawj xeeb loj li ntawd ib zaug li.
    Thaum ntawd, Haiv neeg uas muaj lub npe tshwm nyob hauv phau ntawv yuav dim. Yuav muaj ntau vam leej pw hauv teb chaws plua av yuav sawv rov los.
    Ces ib txhia yuav muaj txoj sia nyob mus li. Ho sib txhia yuav mus raug txim nyob mus li hiab. Cov neeg paub txuj tau qhia txoj kev ncaj yuav ci ntsa iab zoo li cov hnub qub nyob saum ntuj. Amen.

    ZAJ THIV NTUJ.
    Hais 5 yam raws li txhua zaus hais kam los lawd.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd November 2018, 8:24 pm


    NRUAB XYOO CHIV 34 B Tim 25 /11/2018.


    ->.Zaj nyeem ib Das Nias, zaj 7:13-14. Hais tias:
    Tus Yaj Saub Das Nias yees pom Leej Neeg tus Tub yog tus Vaj rau tas txhua Haiv neeg hwm.

    ->. Zaj nyeem ob ntawv qhib yav tom ntej, zaj 1:4-8. Hais tias:
    Yes Xus yog peb tus Vaj, Nws coj thiab tsa peb, ib txhij ua Vaj thiab ua Leej Choj nrog Yes Xus.

    ->. Zam ntawv Moo Zoo, zaj 18:33-37. Hais tias:
    Yes Xus yog tus Vaj coj cov neeg nrhiav kev tseem ceeb.

    ->. Thaum Pis Las Tos nug Yes Xus tias koj puas yog cov Yus Das tus Vaj?
    Yes Xus teb tias, yog zoo li koj hais, lub teb chaws kuv kav tsis yog nyob ntiaj teb no! Yog kuv kav lub Sim Ceeb no, mas kuv cov pej xeem yuav ua rog. Tsis pub luag muab kuv rau cov Yus Das ntes.
    Kuv lub teb chaws tsis yog nyob qhov no. Pis Las Tos hais ntxiv tias: Ua li koj yog Vaj? Yes Xus teb tias:
    Yog zoo li koj hais, kuv kuv ua Vaj. Kuv yug los thiab kuv tuaj nyob hauv lub Sim Ceeb no, yog vim kuv ua tim khawv zeem tseeb txog kev tseem ceeb. Tus nyiam txoj kev Tseem Ceeb, Mas nws yuav mloog kuv cov lus.

    ->.Yes Xus tau thov kom Leej txiv, tso Leej Tswv Yim Ntshiab tuaj coj peb. Nws muaj 7 lub Cim nqa txiaj ntsim, pub kev kaj siab lug, Yes Xus Pleev yog tus tim khawv hais qhob tseeb, Nws tsis fav xeeb.
    Yes Xus Pleev yog tus tuam Vaj kav tas nrho cov Vaj nyob tas ntiaj teb. Nws nyiam peb, Nws thiaj muab nws cov ntshav los ntxuav peb cov txhaum pov tseg.
    Kom peb tau ua ib pab Leej Choj, los teev Leej Txiv Tswv Ntuj. Kom muaj koob meej thiab muaj hwj Chim, muaj peev xwm nyob mus li. Thawj tug tsiaj ntawv As Fas thiab tus tsiaj ntawv kawg Os Mes Nkas Yog Leej Pleev. Ua li.
    ->. Tus zoo li Leej Tub, nyob saum ntuj, mas luag Nws tsa ua Vaj kav lub ntiaj teb. Nws muaj koob meej loj kawg, tas txhua Haiv neeg yuav tuaj tsob hwb Nws. Nws lub hwj Chim yuav nyob mus tsis txawj kawg. Nws lub teb chaws kuj yuav tsis txawj puas, yuav nyob mus li tas txhiab niag tim puas xyoo. Amen.

    ZAJ THOV NTUJ.
    1.Peb thov Ntuj rau lub koom Txoos, kom txhua Haiv txhua xeem neeg zoo siab cav thiab qhuas peb tus Vaj Pleev lub koob meej kom nyob nto moo lug. Ntuj awb…
    2. Peb thov Ntuj rau cov nom tswv kav teb chaws, kom lawv txhua tus txaus siab mloog Tswv Ntuj Leej Tub txoj kev ua Vaj. Kom lub ntiaj teb tau nyob thaj yeeb. Ntuj awb…
    3. Peb thov Ntuj rau cov neeg txom nyem…. Kom sawv daws muaj kev tso siab tias, lawv muaj Yes Xus Pleev ua lawv tus Vaj uas tshem tau txhua yam mob nkeeg tawm mus . Ntuj awb…
    4. Peb thov Ntuj rau tej xwv txheej peb pom thiab paub muaj ntawd Kom peb tus Vaj rhuav tsem mus kom nws tsoom pej xeem tau nyob kaj siab lug. Ntuj awb…
    5. Peb thov Ntuj rau peb cov neeg tus teev Ntuj hnub no. Peb muaj ib tug zoo Vaj coj peb tej Ntsuj Plig kom muaj txoj sia nyob mus li. Peb zoo siab qhuas txog peb tus Vaj lub hwj chim no. Ntuj awb…

    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th December 2018, 10:06 pm


    CAIJ TOS HUAB TAIS CHIV 1 C Tim 2/12/2018.

    ->.Tsab ntawv Yes Les Mias, zaj 33: 14-16. Hias tias:
    Yes Xus yug ntawm lub niaj teb neeg los, xws li tus kaus nrau hauv av tuaj.
    ->.Tsab ntawv 1 Tes Xas Los Nis,zaj 3: 12-13+4: 1-2, hais tias:
    Niaj hnub Huab Tais tuaj xyuas peb,peb yuav xyaum ua ib lub neej tsis muaj chaw xyeej.
    ->.Lus Kas ntawv Moo Zoo,zaj 21:25-28+34-36, hais tias:
    Thaum peb pom lub zej zog, teb chaws thiab lub Koom Txoos raug xwv txheej. Mas peb yuav nco tias, muaj ntau yam yuav dua mus. Tswv Ntuj lub Ceeb Tsheej yuav maj mam hlob tuaj thiab zoo mus.
    ->.Neeg ntiaj teb yuav pom, tej xwm nyob saum ntuj, zoo li lub hnub lub hli thiab cov hnub qub. Muaj xwm txawv txav, rau neeg ntiaj teb muaj kev ntshai tuag. Vim tias, txhua yam, nyob siab nyob qis yuav ua zog koog.
    Yog ze lub caij, uas Leej neeg tus tub, yuav nqes los nyob saum cov huab. Yog lub caij uas, cov neeg siab ncaj yuav tau kev dim.
    Cov neeg tsis ceev faj, yuav poob mus ua neeg lwj liam. Hla tas nrho Tswv Ntuj 10 lo lus qhia thiab Tswv Ntuj lub Koom Txoos 7 lub Cim pub txiaj ntsim. Ua kom lub Cim Ntxuav tsis muaj zog.
    Txij nyem no mus, sawv daws yuav ua neeg xyuam xim. Kom lub caij ntawd, txhob poob los xws li lub vas mag tas nrho sawv daws tib si ua ke.
    ->. Peb yuav nco ntsoov tias, nyob hauv Tswv Ntuj lub Koom Txoos. Sawv daws twb raug Tswv Ntuj tsim dua tshiab los zaum ob lawm.
    Kom tau nyob ruaj nreb, ua Tswv Ntuj tsoom tub ki tshiab nyob hauv lub Cim Ntxuav ntawd. Amen.

    ZAJ THOV NTUJ.
    1.Peb thov Ntuj rau lub Koom Txoos…
    2.Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg raug kev txom nyem…
    4.Peb thob Ntuj rau tej xwv txheej peb paub muaj…5. Peb thov Ntuj rau cov neeg tuaj hnub no….

    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th December 2018, 10:07 pm


    CAIJ TOS HUAB TAIS CHIV 2 C Tim 9/12/2018.

    ->.Tsab ntawv Npas Lws zaj,5:1-9. Hais tias:
    Tswv Ntuj lub Koom Txoos nyob ntiaj teb no, kuj yuav piv tau li. Tsoom His Xas Lais uas lawv mus nyob txim nyob rau Npa Npis Los teb.
    Peb cov neeg ntseeg, nyob hauv Tswv Ntuj lub Koom Txoos. Yuav nco tias peb raug kev txom nyem, ntxhov siab ntau yam. Tab sib peb sawv daws yuav nco tias:
    Txoj kev uas peb taug ntawd, yog ib txoj kev peb taug mus tshwm rau Tswv Ntuj lub Ceeb Tsheej.
    ->. Tsab ntawv Fis Lis Pos zaj 1:3-6+8-10, hais tias:
    Paj Lug thov Ntuj pab, kom pab neeg ntseeg nyob Fis Lis Pos. hlob mus nyob hauv txoj kev ntseeg, kom hlob ua lub Koom Txoos, hlob tiav nyob hauv Yes Xus lub npe.
    ->. Nyob hauv Lus Kas ntawv Moo Zoo zaj 3: 1-6, hais tias:
    Yes Xus tuaj cawm peb, mas Yes Xus xav kom peb npaj siab txais tos Yes Xus tuaj nyob hauv peb nruab siab!
    Yes Xus xav hais txog txoj kev daws txhuam thiab tu neeg tej siab ntsws kom dawb huv. Zoo ua lub chaw rau Yes Xus tuaj nyob, tsom kwm Leej tib neeg tej ntsuj plig.
    Kom tsim nyog rau Leej Txiv nyiam thiab hlub neeg cov Ntsuj Plig no.
    ->. Nyob hauv Paj Lug zaj thov ntuj, rau cov Fis Lis Pos. Yog txhais los. Mas xav hais tias:
    Peb yuav ua Yes Xus tsaug thiab niaj hnub peb yuav rov sib zam txhaum rau cov neeg uas peb nyob ua ke. Kom peb tsis saib tus neeg, los peb saib taus lawv cov ntsuj Plig.
    Peb yuav nco ntsoov tias, peb lub cev zoo li Tswv Ntuj tus duab, hos peb tus Ntsuj Plig zoo li Leej Tswv Yim Ntshiab tus duab thiab.
    Ob yam no puav Leej yog, Tswv Ntuj ua tus tsim los nyob kom muaj li ntawd. Peb lub cev nqaij txawm sib txawv, los peb cov Ntsuj Plig tsis sib txawv.
    Txhua tus Ntsuj Plig zoo nkauj zoo nraug sib xws, xws li pab noog uas ya nyob saum ntuj tsis muaj neeg paub tau tias, nkauj lau yog tus twg li.
    ->.Lo lus kawg nyob hauv thawj tsab ntawv Npas Lws, yog hais tias: peb yuav muab peb lub cev, lub siab los peb tej hauj lwm uas peb tau ua phem ntawd.
    Hle pov tseg mus, peb yuav tu siab rau tej yam uas peb ntshaw ua kom lub cev tau zoo nyob. Cov neeg muaj lawv yuav nrog cov neeg txom nyem ris kev txom nyem, kev tus siab ib yam nkaus.
    Peb yuav muab peb tus Huab Tais Yes Xus Pleev lub hwj chim los ua lub zam zoo nkauj rau peb hnav. Peb tus Huab Tais Pleev txoj kev txom nyem tuag los cawm peb no.
    Yog peb lub tsho tsuj tsho npuag uas peb yuav hnav los ua ib lub zam zam zoo nkauj tias peb yog Tswv Ntuj tsoom tub ntxhais zoo nyob nto moo lug mus txheej dhau txheej mus li.

    ZAJ THOV NTUJ.
    1.Peb thov Ntuj rau Luv Koom Txoos…
    2. Peb thov Ntuj rau cov Nom Tswv kav teb chws…
    3. Peb thov Ntuj rau cov neeg txom nyem….
    4. peb thov Ntuj rau tej xwm txheej uas peb tau paub…
    5. Peb thov Ntuj rau peb pab neeg ntseeg nyob hauv peb lub teb chaws no….

    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th December 2018, 10:10 pm


    LUB CAIJ TOS HUAB TAIS CHIV 3 C Tim 16/12/ 2018.

    ->.Thawj tsab ntawv Xos Fos Nias, zaj 3: 14-18, hais tias:
    Lub caij tsoom His Xas Lais zwm rau cov yeeb ncuab, muaj ib tug Yaj Saub pab Tsoom His Xas Lais tso siab tias, Tswv Ntuj yuav rov pab lawv.
    Peb cov neeg ntseeg, yuav ntaus tej kob tsam rog, loj cuag li tej kob tsov rog sib tua ua ntuj tsaus ntais, los tiv thaiv kev ua txhaum. Peb yuav tso siab tias, Tswv Ntuj yuav pab peb kom yeej kev ua txhaum mus.
    ->. Tsab ntawv Fis lis Pos zaj 4: 4-7 hais tias:
    Cov neeg ntseeg txog Yes Xus lub npe, nyob hauv lub Koom Txoos Ka Tau Liv. Yuav muab siab rau coj ib tug yam ntxwv tsim txiaj. Vim Tswv Ntuj nyob ze peb, muaj ib hnub peb yuav tau pom Tswv Ntuj.
    ->. Lus Kas ntawv Moo Zoo zaj 3:10-18, hais tias:
    Yes Xus yog tus siab ntshiab, xav kom peb cov ntseeg txog Yes Xus lub npe, xyaum ua neeg siab ntshiab. Xyaum nrhiav kev hwm thiab pab luag.
    _>..Zam Ntxuav Plig hais tias,cov neeg muaj, yuav fab tej yam, uas cov neeg pluag tsis muaj pub rau lawv siv. Thiab sawv daws yuav xyaum hwm cov kab ke, nyob hauv lub Cim daws txhaum. Kom txhua tus txhob muaj chaw xyeej, rau peb tus Huab Tais.
    Cov thawj neeg saib tsoom pej xeem, txhob hais kom luag them se tshaj li lawv yuav them tau. Cov ua tub rog, los txhob hiam thiab liam, los yuam kom luag tau kev swb yus mus raws kev tsis ncaj ncees.
    Vim tus lawv kuv qab tuaj, nws muaj hwj chim loj dua kuv. Nws tuav rawv lub vab ntxuaj lub tshav nplej, Nws yuav xaiv cov Noob nplej zoo coj mus cia rau hauv txhab.
    Cov uas yog npluag, Nws yuav sau coj mus hlawv, kom kub hnyiab tas.
    ->..Zam hais rau tsoom sid tias, nej yuav zoo siab nyob hauv Huab Tais. Nej tsis txhob txawj xeeb txog dab tsi, Nws twb tuaj nyob ze nej lawm.
    Yog nej xav tau yam ub yam no, mas nej yuav teev Ntuj thiab ua Ntuj tsaug. Tswv Ntuj txoj kev thaj yeeb zoo tshaj tej uas nej xav tau nyob hauv nej nruab siab!
    Txoj kev thaj yeeb yuav coj nej lub cev thiab nej cov Ntsuj Plig mus nyob hauv Huab Tais uas yog peb tus Vaj lub tsev.
    ->..Lo lus kawg, peb sawv daws yuav zoo siab, qw suab hu nkauj, cav txog peb tus Huab Tais lub koob meej los nrog peb nyob.
    Lub txim uas nws yuav tuaj txov peb ua neeg phem, Nws twb muab tshem, mus deb ntawm peb tej xub ke lawm. Huab Tais yog tus Tuam Vaj loj, Nws nyob nruab nrab peb.
    Nws thaiv txhua txoj kev txom nyem uas yuav raug rau sab Ntsuj plig, kom peb txhob muaj kev ntshai. Tswv Ntuj lub hwj chim, zoo li tus Tuam Vaj thiab tus thawj tub rog muaj zog, nyob nruab nrab peb.
    Hnub twg yog peb txawj ua zoo thiab sib hlub, Mas Tswv Ntuj Nws zoo siab hom khaj, xws li cov hnub nyoog nqaum paj nqaum nruas Nws zoo siab hom khaj ntawd.

    ZAJ THOV NTUJ.
    1.Thov Ntuj rau lub Koom Txoos…
    2. Thov Ntuj rau cov Nom Tswv kav teb chaws…
    3. Thov Ntuj rau cov neeg txom nyem…
    4. Thov Ntuj rau tej xwm txheej uas paub muaj…
    5.Thov Ntuj rau cov neeg ntseeg tuaj thiab cov tsis tuaj tib si.


    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th December 2018, 10:11 pm


    LUB CAIJ TOS HUAB TAIS CHIV 4 C Tim 23/12/2018.

    ->.Tsab ntawv Mis Kes zaj 5:1-4, hais tias:
    Tus Pleev yuav yug los nyob Npes Les Hes, Nws yuav sawv los sau thiab coj Tswv Ntuj Haiv neeg.
    ->. Tsab ntawv Hes Nplaws zaj 10: 5-7+9-10, hais tias:
    Thaj txi Ntuj xis Tswv Ntuj siab, yog Yes Xus thaj uas Nws muab Nws txi rau Leej Txiv nyob saum ntoo cuam.
    ->. Lus Kas ntawv Moo Zoo zaj,1: 39-45, hais tias:
    Mab Liab thiab Es Lis Xas Npes nkawd, muaj me nyuam. Nkawd zoo siab, vim nkawd paub tias:
    Txog lub caij uas Tswv Ntuj lub txiaj ntsim, tuaj cawm lub ntiaj teb neeg lawm.
    ->..Lub Zim Txwv uas Mab Liab sawv kev mus pem toj siab, Nws hla lub tsheej nyob Yus Das teb. Nws chaws mus hauv Ntxas Kas Lias tsev, Nws foom lus nyob kaj lug rau Es Lis Xas Npes.
    Es Lis Xas Npes tus me nyuab uas yog Zam Ntxuav Plig ceeb thiab nti nyob hauv nws lub cev. Es Lis Xas Npes hais rau Mab Liab tias:
    Koj nto koob meej tshaj tsoom poj niam tib si, lub txiv uas koj lub cev txi nto koob meej. Ua cas yog Huab Tais Leej Niam tuaj cuag kuv!
    Tus ntseeg cov lus Huab Tais xa tuaj, mas Nws txoj hmoov zoo.
    ->..Nyob hauv tsab ntawv Hes Nplaws qhia tias, Tswv Ntuj tsis xav yuav cov tsiaj uas neeg muab tua los hlawv rau Tswv Ntuj!
    Kom tau ua cov kab kev los thov kev zam txim txhaum rau neeg. Yam uas Tswv Ntuj nyiam yog ua raws li Leej Pleev tus qauv txi Ntuj.
    Leej Pleev yog tus tuaj muab cov qub kev cai txi Ntuj rhuav pov tseg. Nws muab Nws tus kheej los ua tus Tsiaj dawb huv los txi Ntuj.
    Yam peb yuav ua raws li Tswv Ntuj nyiam, mas yog peb yuav yoo kev ua txhaum kom peb yog neeg dawb huv los ua peb thaj txi Ntuj.
    Peb yoo kev ua txhaum los yoog tej pluas mov los thov ua kev zam txim txhaum mas ntxim Tswv Ntuj siab dua, uas peb tua txog li ob los peb tug tsiaj los ua ib pluas mov ua Ntuj tsaug.
    Los peb xwb tim mus ua tej txoj hauj lawm pab thiab hlub luag tej los ua kev zam txim txhaum rau peb. Mas yog ib yam zoo tshaj li peb siv ib tug tsiaj los tua ua kev zam txim txhaum rau peb.
    Nyob hauv ib tug tsiaj, mas tsim nyog peb tua los ua kev zam txim txhaum thaum peb tau ua tub qaug rau ib tug neeg lawd, mas peb mam li ua rau tus neeg ntawd xwb thiaj yog.
    ->..Nyob hauv tsab ntawv Mis kes, yog Tswv Ntuj kev tshaj tawm tias: Ib tug me nyuam neeg, tsis muaj koob meej, los Tswv Ntuj tuaj nyob hauv nws.
    Zoo ib yam li Tswv Ntuj tuaj so nyob hauv, ib tug neeg ua Vaj los ua Huab Tais, kav ib ntsug teb, lawv tej vaj tse. Muaj ntau zaus, Tswv Ntuj tuaj so nyob hauv tej me nyuam neeg lawv tej vaj tse xis Tswv Ntuj siab dua li, tuaj so nyob hauv cov nom tswv muaj koob meej lawv tej vaj tse.
    Cov ua Nom ua Tswv lawv lub siab fab rau tej xwm nyob ntiaj teb no ntau dua nrog Tswv Ntuj sib fim.


    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws kom lawv muaj kev sib raug zoo nyob hauv txhua tus thawj neeg tswj teb kav chaw. Ntuj Awb…
    3. Peb thov Ntuj rau cov neeg txom nyem, cov muaj mob…
    4. Peb thov Ntuj rau tej xwm txheej muaj nyob ncig peb zej zog…
    5. Peb thov Ntuj rau cov neeg n4tseeg nyob hauv peb zos no, cov tuaj thiab cov tsis tau kev tuaj….


    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th December 2018, 10:20 pm


    CAIJ YES XUS YUG LOS Tim,30/12/2018.
    HWM Tsev Neeg Ntshiab.

    ->.Tsab ntawv Xam Phaj zaj,6:22-27, hais tias:
    Tswv Ntuj foom hmoov zoo rau leej twg, mas leej ntawd, tau txoj hmoov zoo.
    ->.Tsab ntawv Nkas Las Tias, zaj 4:4-7, hais tias:
    Vim Tswv Ntuj Leej Tub yug ntawm ib tug poj niam los, lub ntiaj teb neeg cov siab dawb. Thiaj tau ua Tswv Ntuj tsoom tub ntxhais.
    ->.Lus Kas ntawv Moo Zoo, zaj 2:16-21,hais tias:
    Lub caij Yes Xus yog los, mas Mab Liab tau khaws tej xwm tswm sim los ntawd tseg tib si.
    ->..Cov lus uas Ntuj tus Tshiab tuaj hais qhia, rau cov neeg zov yaj txog ntawm tus me nyuam yug los! Thaum lawv hnov, ces lawv khiav tuaj xyuas.
    Lawv pom tus me nyuam mos pw nyob hauv lub dab nyuj, nrog Nws Niam Mab Liab thiab Yos Xes. Cov neeg zov yaj, lawv piav txog tej xwm, lawv pom thiab lawv tau hnov.
    Mas leej twg hnov lawv piav, mas lawv qhuas txog. Thaum cov neeg zov yaj rov mus lawm. Lawv cav txog Tswv Ntuj lub hwj chim thiab lub txiaj ntsim, nyob hauv txhua yam uas lawv tau pom thiab hnov.
    Muaj tiag raws li Tswv Ntuj cov lus thiab cov Yaj Saub, tau xub hais tseg los lawd.
    Hnub tim 8 Mab Liab thiab Yos Xes nkawd, coj tus me nyuam mus ua cov kab ke tis npe hu ua Yes Xus thiab muab cev rau Tswv Ntuj.
    Lub npe hu ua Yes Xus, mas Ntuj tus Tshiab yeej xub hais qhia ua ntej, thaum Mab Liab tseem ua Nkauj xwb nyob los lawm.
    ->..Tus Yaj Saub Nkas Las Tias, kuj xub hais ua ntej tias, nyiam no txog lub caij lawm. Tswv Ntuj yuav tso, nws Leej Tub, tuaj yug los ntawm ib tug poj niam.
    Tus Tub ntawd yuav zwm rau txoj cai, Nws yuav pub kom peb tau ua Tswv Ntuj tsoom tub ntxhais. Muaj lus ua pov thawj hais los tias, Huab Tais hlub peb neeg ntiaj teb.
    Yog qhov uas Tswv Ntuj tso Nws Leej Tub lub Tswv Yim tuaj nyob hauv peb nruab siab. Kom peb tau txais Tswv Ntuj lub Cuab Tam, Ua Tswv Ntuj npaj tseg yuav pub rau peb.
    ->..Muaj li tsab ntawv Xam Phaj hais, uas Tawv Ntuj kom Mais Xes Tshaj tawm teg tias: Koj mus hais rau tus Leej Choj As Loos tias, Tsawv Ntuj yuav foom hmoov zoo rau tsoom tub His Xas Lais:
    Kuv thov kom Tswv Ntuj foom hmoov zoo rau koj thiab pov hwm koj. Kuv thov kom Tswv Ntuj pub lub meej Mom ci ntsa rau koj thiab kom Nws zam txiaj ntsim rau koj.
    Tswv Ntuj yuav muab Nws lub Ntsej Muag rau koj pom, tsoom Leej Choj yuav tuav txog Tswv Ntuj lub npe los sib foom hmoov zoo, rau txhua leej txhua tus….


    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav the chaws…
    3. Peb thov Ntuj rau cov neeg txom nyem….
    4. Peb thov Ntuj rau tej xwm peb paub nyob ib ncig ntawm peb no….
    5. Peb thov Ntuj rau peb cov neeg ntseeg tuaj teev Ntuj thiab cov tuaj tsis tau…..


    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd January 2019, 8:19 am



    TIM 1/1/2018 ABC.

    ( HwmLeej Ntshiab Mab Liab Tswv Ntuj leej Niam.)

    *-Tsab ntawv Hauj Lwm, 6: 22-27 Hais tias:
    Tswv Ntuj foom hmoov oo rau Leej twg, mas tus ntawd tau txoj hmoov zoo.

    *-Nyob hauv tsab ntawv Nkas Las Tias,4: 4-7. Paj Lug ntuas tsoom sid tias:
    Tswv Ntuj Leej Tub yug los ntawm ib tug poj niam los, mas peb li neeg ntiaj teb. Cov siab ncaj thiaj tau ua Tswv Ntuj cov Tub thiab cov Ntxhais.

    *- Nyob hauv Lus Kas ntawv Moo Zoo, 2:16-21 kuj hais tias:
    Tej xwm tshwm sim thaum Yes Xus yug los, mas Mab Liab tau khaws tseg tas tib si. Thaum cov neeg zov yaj nyob Npe Les Hes tuaj xyuas Mab Liab Yos Xes thiab tus me nyuam pw nyob hauv lub dab nyuj.
    Cov neeg zov yaj tau hnov Ntuj tus Tshiab hais rau lawv txog tus me nyuam.
    Mas sawv daws qhuas txog cov xwm tshwm sim tuaj ntawd kawg. Cov neeg zov Yaj xub qhuas txog Tswv Ntuj lub hwj Chim thiab lub txiaj ntsim.

    Muaj tseeb tiag, raws li Ntuj tau qhia rau lawv paub, Mab Liab tau muab tus me nyuam tis npe hu ua Yes Xus.
    Yog lub npe uas Ntuj tus Tshiab tau xub qhia rau Mab Liab tias:
    Nyiam no txog lub caij teem tseg lawm, Tswv Ntuj tso Nws Leej Tub tuaj. Tus Tub ntawd, yog tus zwm rau txoj cai.
    Nws tuaj cawm lub ntiaj teb neeg, kom txhob zwm rau txoj cai, Kom peb tau ua Ntuj cov Tub. Muaj lus ua pov thawj tias:
    Huab Tais Ntuj hlub ntiaj teb neeg, vim Ntuj tso Nws Leej Tub lub Tswv Yim tuaj nrog peb nyob. Leej Tub lub tswv yim tau hais rau peb hnov nrov nrov tias:
    Txiv, nyiam no peb tsis yog cov tub txib lawm. Peb yog cov tseem Tub cag ntawm Koj tiag! Txij no mus Neeg tej Tub yuav tau txais lub cuab tam no los ua lawv tug. Vim Tswv Ntuj yog tus pub.
    -Yav thaud Tswv Ntuj twb tau hais rau Mais Xes tias:
    Koj hais rau tus Leej Choj As Loos tias, thaum koj foom hmoov rau His Xas Lais tsoom Tub mas nws yuav hais tias:
    Kuv thov kom Tswv Ntuj foom hmoov zoo rau koj thiab pov hwm koj. Thov kom Tswv Ntuj lub Hwj Chim ci ntsa iab rau koj thiab pub Ntuj cov txiaj ntsim rau koj.
    Cov tuav txog Ntuj lub npe nyob saum ntuj los

    ZAJ THOV NTUJ.
    1. Thov rau lub Koom Txoos...
    2. Thov Ntuj rau cov nom tswv...
    3. Thov rau cov neeg txom nye...
    4 Thov rau yam ub yam no...
    5 Thov rau cov neeg tuaj hnub no....

    Y.Z.N. X. H



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd January 2019, 8:21 am



    YES XUS YUG LOS Tim 06/1/20189 ABC.
    (Hwm Huab Tais Yes Xus tawm tuaj.)


    *- Zaj nyeem1 His Xais, 60:1- 6. Hais tias:
    Yes Xus yug los nyob ntiaj teb no, Nws yog lub hnub sawv los ziab rau lub ntiaj teb neeg.

    *- Tsab ntawv Es Fes Xos, 3: 2-3+ 5-6. Hais tias:
    Txij thaum Yes Xus yug los nyob ntiaj teb no, Tswv Ntuj qhia tej yam uas thaud, Nws tsis tau qhia.

    *- Nyob hauv Mas Tais ntawv Moo Zoo, kuj hais tias:
    Cov kws hnub qub, sawv tas ntiaj teb chaw tuaj hawm Yes Xus. Lub caij Yes Xus yug los nyob His Xas Lais teb, hauv lub Nroog Npes Les Hes.

    Yog lub caij Hes Los sawv los ua Vaj, thaum ntawd cov Kws Hnub Qub nyob Toob Fab. Thiaj pom lub Hnub Qub tawm tuaj, ces lawv raws lub Hnub Qub tuaj txog Yes Lus Xas Les.
    Lawv thiaj nug tias, tus Vaj Yus Das nyuam qhuav yug los nyob qhov twg? Vim peb tau pom Nws lub Hnub Qub tawm tuaj nyob sab Toob Fab, Peb tuaj hawm Nws!

    Tus Vaj Hes Los hnov lub moo ntawd, nws lub siab nphau npog. Hes Los tau hu cov Leej Choj thiab cov kws ntawv tuaj, nws nug lawv tias: Tus Pleev yuav yug los nyob qhov twg?
    Lawv tau qhia tias tus Pleev yuav yug los nyob Npes Les Hes! Vim muaj ib tug Yaj Saub tau sau tseg tias:
    Npe Les Hes, koj tsis yog lub Nroog me dua cov nyob Yus Das teb. Tus Tswv zov Yaj uas yuav coj kuv Haiv neeg, mas tawm ntawm koj los.

    Hes Los qhia kev rau cov Kws Hnub Qub, ces lawv mus rau Npe Les Hes. Cov Kws Hnub Qub rov pom lub Hnub Qub ua lawv ntej mus rau Npe Les Hes.
    Lawv zoo siab kawg, lub Hnub Qub coj lawv mus so ncaj ntawm lub tsev tus me nyuam nyob. Lawv qhib lawv cov paj tshab los cev rau tus me nyuam.
    Yam li yog nyiaj kub thiab txab txiv yoov, nrog rau tshuaj tsw qab.Tswv Ntuj lub suab qhia lawv kom lawv muab dua lwm txoj xub ke, rov mus rau lawv teb chaws.

    *- Paj Lug kuj hais rau cov Es Fes Xos tias,Tswv Ntuj hais rau kuv kom pab qhib Tswv Ntuj cov lus rau nej. Hnov thiab kom pom xyeem tias, Ntuj qhib txoj kev zais npog nrees nyob rau txheej laus thaud.
    Nyem no Tswv Ntuj qhib rau cov Hauv Paus Xa Lus tias, Nyem no, cov neeg teev pej kum dab. Lawv yuav tau txais ib lub Cuab tam loj xws luag.
    Tswv Ntuj tau cog lus rau lawv kom tau kev los mloog Leej Pleev cov lus, nyob hauv Nws kev nyiam kev hlub.

    *- Tus Yaj Saub His Xais kuj muab Tswv Ntuj lo lus no los piv rau cov His Xas Lais los txuas rau ntiaj teb neeg tias:
    Huab Tais lub hwj chim sawv los nyob hauv nej, Vim Ntuj xaiv nej. Zoo li cov His Xas Lais. Qhov tsaus ntuj cov huab dub, vov lub ntiaj teb thiab lub hiav txwv.
    Nyem no, Huab Tais sawv los ziab rau nej, kom cov Haiv neeg sawv daws tau mus raws nraim Ntuj qhov pom kev.
    Cov ua Vaj nyob ntiaj teb no, kuj yuav raws nraim Nws lub hnub qub. Kom sawv daws tsa muag ntsia, txhua tus yuav tau lub ntiaj teb qhov pom kev tuaj nyob hauv Nws qhov pom kev.
    Sawv daws yuav khiav nplawg ntia tua coob, kom sawv daws muaj kev zoo siab tas. Amen.

    ZAJ THOV NTUJ.
    1. Thov Ntuj rau lub Koom Txoos... 2. Thov Ntuj rau cov Nom Tswv... 3. Thov Ntuj rau cov neeg txom nyem... 4. Thov Ntuj rau yam ub yam no... Thov Ntuj Cov tuaj hnub no...






    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th January 2019, 8:28 pm



    YES XUS YUG LOS CHIV 3 ABC Tim 13/1/2019.
    YES XUS TAWM TUAJ.
    ->.Tsab ntawv His Xais zaj 42:1-4+6-7, hais tias:
    Yes Xus yog Tswv Ntuj Leej Tub, Tswv Ntuj xaiv Nws thiab nres Nws.

    ->. Tsab ntawv hauj lwm, zaj 10:34-38, hais tias:
    Tswv Ntuj xaiv Yes Xus, yam li Tswv Ntuj pub hwj huam rau Yes Xus.

    ->. Xyoo C Lus Kas ntawv moo Zoo, zaj 3:15-16+21-22. Hais tias:
    Yes Xus yog tus siab ntshiab uas Tswv Ntuj nyiam tshaj.
    =Lub caij uas Zam tawm tuaj nyob ntawm tus dej Yos Las Das. Zeej tsoom ua xyem xyav tias, Zam puas yog Leej Pleev?
    Zam hais tias, ntawm kuv mas kuv tsuas ua lub Cim Ntxuav nyob hauv dej xwb. Tus lawv kuv qab tuaj, mas Nws muaj zog dua kuv.
    Nws yuav ua lub Cim Ntxuav, nyob hauv Leej Tswv Yim Ntshiab thiab nyob hauv hluav taws. Thaum Yes Xus txais lub Cim Ntxuav ntawm Zam tas, lub ntuj qhib plho.
    Leej Tswv Yim Ntshiab yees tawm tuaj xws li ib tug Nquab nqes los rau saum Yes Xus. Tam sim ntawd muaj ib lub suab nrov saum ntuj tuaj tias:
    Koj yog kuv Leej Tub, hnub no kuv xeeb koj los.
    Nyob hauv tsab ntawv hauj lwm, Pob Zeb hais tias: Nyiam no, kuv paub tseeb lawm hais tias, Tswv Ntuj tsis kws leej twg cai.
    Nyob hauv txhua Haiv neeg, leej twg hwm Tswv Ntuj thiab mloog txoj cai. Mas tus ntawd ua ntxim Tswv Ntuj siab.
    Tswv Ntuj twb xa Nws lo lus thiab lub Moo Zoo, tuaj rau Tsoom His Xas Lais lawm. Yes Xus Pleev tau pub kev thaj yeeb rau lub qab ntuj neeg.
    Tus Huab Tais saib sawv daws, yog Yes Xus, nej sawv daws txhua Haiv neeg twb paub thiab hnov cov xwm tshwm sim nyob Yus Das teb tias:
    Thaum Yes Xus txais lub Cim Ntxuav nyob ntawm tus dej Yos Las Das. Tswv Ntuj tau pleev thiab pub Leej Tswv Yim Ntshiab rau Yes Xus.
    Kom Yes Xus tau ncig teb chaws ua zoo rau cov neeg mob, cov dig muag ceg tawv uas poob rau hauv dab Phem txhais tes, kho kom lawv tej mob ntawd rov zoo hlo tuaj.
    Nyob hauv tsab ntawv His Xais, kuj hais Tswv Ntuj lo lus tias:
    Nej saib ntawm no, yog kuv tus tub txib, uas kuv xaiv thiab kuv nres Nws. Yog tus kuv lub siab nyiam dua cov. Kuv muab kuv lub tswv yim los roos Nws.
    Kom Nws tau coj kuv txoj cai, tuaj rau txhua Haiv neeg. Kuv tus Tub txib, mas tus txhiav tauj twb lov lawm los nws yuav tsis muab txiav pov tsej.
    Nws yuav tsis ntshaus ceg thiab ntog, Nws yuav nyob kom mus txog lub caij, txoj cai ntsig mus gthoob lub qab ntuj khwb no. Tej haiv neeg nyob deb hauv tej pov txwv kuj yuav tau paub kom thoob kuv Leej Tub cov lus no tas.
    Kuv yog Tswv Ntuj, kuv yuav hwj nws txhais tes vim kuv qee Nws ua tus coj tas nrho kuv txhua Haiv neeg. Cov dig muag los ceg tawv. Cov nyob hauv tsev loj faj kom tau dim txim hauv qhov tsaus ntuj tawm los nyob hauv qhov pom kev.

    ZAJ THOV NTUJ.

    1.Peb thob Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb gthov Ntuj rau cov neeg txom nyem. Cov muaj mob… cov raug kev tshaib kev nqhis cov neej nyob tsev loj faj…
    4.Peb thov Ntuj rau cov xwm txheej peb paub los pom muaj…
    5. Peb thov Ntuj rau cov neeg tuaj teev ntuj hnub no…

    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th January 2019, 6:57 am



    NRUAB XYOO CHIV 2 C Tim 20 /1/2019.


    ->.Zaj nyeem 1 tsab ntawv His Xais zaj 62: 1-5 hais tias:
    Tswv Ntuj txawj zam rau cov neeg nyiam Nws, Tswv Ntuj hlub co ua Nws haiv neeg, xws li ib tug txiv hlub nws poj niam me nyuam.

    ->. Zaj nyeem 2 tsab ntawv Kos Lis Nthos, zaj 12: 4-11 hais tias:
    Leej Tswv Yim Ntshiab pub ntau lub tswv yim sib txawv, rau sawv daws. Vim peb sawv daws nyias txawv nyias, ces peb thiaj sib pab tau.

    ->. Zam ntawv Moo Zoo, zaj 2: 1-12 hais tias:
    Thaum lawv ua tshoob nyob lub nroog Kas Nas, Yes Xus ua kom dej txia ua cawv. Nyob hauv peb lub neej, Yes Xus kuj ua tau kom tas txhua yam hloov los ua tej yam muaj nuj nqes, peb lub neej thiaj lom zem.
    Yes Xus ua hwj huam yees ntxwv thawj zaug yog zoo li ntawd, Tas ces Yes Xus nrog Nws Niam thiab cov kwv tij rov mus nram Kas Fas Naus.
    Hos zaj lus hais nyob hauv tsab ntawv ob, Leej Tswv Yim Ntshiab pub ntau lub txiaj ntsim rau sawv daws. Tas txhua yam txiaj ntsim ntawd yog Leej Tswv Yim Ntshiab ib leeg ua tus faib los rau sawv daws raws li Nws nyiam.
    Hos nyob hauv Tswv Ntuj lub txiaj ntsim, mas nws tawm tuaj xws li lub hnub tawm tuaj, txoj kev cawm neeg, mas nws ci ntsa paug cuag li ib lub teeb pom kev lam luag.
    pom txoj kev ncaj, peb cov neeg ntseeg. Yog peb ntseeg tiag, mas peb yuav hloov siab tig tas nrho peb lub siab los txais txoj kev ntseeg.
    Peb yuav thau tas nrho txhua yam uas yog tej kev kem tsuab nyob hauv peb lub siab tawm mus. { Kev kem tsuab= lus los tsuas hu ua khij Nywuab no.}
    Thaum Tswv Ntuj tej txiaj ntsim nqes los, mas nws nyob tsis tau xyaw cov kem tsuab uas muaj nyob hauv peb nruab siab tsis tau.
    Cov kem tsuab ntawd yam li yog:
    Kev tub nkeeg, kev xam khib, kev npau taws, kev cib nyeej, kev saib tsis taus luag lwm tus. Los kev xav tsis zoo rau luag, thiab kev hais lus xaiv, kom muaj kev sib cav sib ceg mus rau kev ua plaub ua ntug.
    Hais tas nrho lus, yog kev ua tub qaug rau Tswv Ntuj uas hla Tswv Ntuj 10 lo lus qhia mus tib si ntawd ntag…
    Ib tug neeg ntseeg yog nws muaj tej kev kem tsuab no nyob puv nkaus nws nruab siab, mas nws yog neeg yuav lub noe ntseeg Ntuj tab sis nws tsis ntseeg kom mus ti txha nkaus.
    Nws yog neeg nrauj dab xwb, thaum nws tus dab pom tias nws lub siab muaj chaw rau dab phem nyob ntau heev. Mas nws tus dab no yuav mus coj li 9 tug dab los nyob hauv nws nruab siab.
    Ces nws yuav phem dua yav qub thaud lawm thiab, nws yuav muaj peev xwm tawm tsam rau Tswv Ntuj los Leej Tswv Yim Ntshiab mtxiv mus…
    Nws yuav qiv tas nrho Tswv Ntuj tej lus los hais rau luag paub. Tab sis nyob hauv nws nruab siab yog dab phem qhia kom nws siv Ntuj li lus rov los tawm tsam rau Tswv Ntuj thiab tawm tsam rau Tswv Ntuj cov tub txib nyob ntiaj teb no
    Peb yuav ceev faj kaug nkaus li tsam peb tua tsis tau neeg lub cev ces peb tua tau neeg tus ntsuj plig tuag. Tua neeg cov ntsuj plig, mas yog yus coj tau tej pab neeg siab dawb mus ua txhaum tub qaug rau Tswv Ntuj ces lawv tuag nyob hauv lub caij lawv tab tom ua kev txhaum ntawd.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thob Ntuj rau cov neeg txom nyem…
    4.peb thov Ntuj rau tej teeb meem uas peb paub thiab pom muaj nyob ncig peb…
    5. Peb thov Ntuj rau cov neeg tuaj teev ntuj hnub no…


    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th January 2019, 9:05 am



    NRUAB XYOO CHIV 3 C Tim 27/1/2019.

    ->.Zaj nyeem 1 , tsab ntawv Nes Hes Mis zaj 8: 1-6+8-10 hais tias:
    Thaum cov His Xas Lais dim txim rov los nyob Yes Lus Xas Les, lawv ua ib lub txoos teev Ntuj. Yog Es Nras nyeem ntawv Ntshiab thiab nthuav rau lawv mloog tas, ces lawv ua ib rooj mov noj. Nyem no, peb ua lub txoos teev Ntuj no, kuj tseem yoog tus piv txwv ntawd.

    ->.Zaj nyeem 2 tsab ntawv 1 Kos Lis Nthos zaj 12: 12-18+ 26-30, hais tias:
    Lub Koom Txoos yog Yes Xus lub ceb hlob, peb yog Yes Xus tej tes taw. Nyias txawv nyias, tab sis peb sawv daws ua ke yog Yes Xus lub cev ciaj nyob mus li nyob ntiaj teb no.

    ->. Lus Kas ntawv Moo Zoo, zaj 1: 1-4+4: 14-21, hais tias:
    Lus Kas nws nrog tus Hauv Paus xa lus hu ua Pob Zeb,Lus Kas nws xub tshuaj xwm zoo ua ntej. Nws mas sau phau ntawv Moo Zoo no, peb yuav muab siab rau txais Yes Xus cov lus uas Lus Kas sau khaws tseg los pub rau peb tau mloog.

    ->. Lus Kas hais tias, twb muaj ntau leej sau tej xwm tshwm sim los nyob nruab nrab peb lawm. Lawv tau sau tseg raws li lub hauv paus los, lawv ua tim khawv pom thiab ua lo lus lo lus cov tub txib coj tej xwm ntawd los rau peb paub.
    Yog ib co lus ua tim khawv khov kho, yog Leej Twv Yim Ntshiab lub hwj huam, nyob nrog Nws lub moo nto mus thoob plaws rau lub ntiaj teb.
    Uas yog Huab Tais lub tswv yim nyob hauv Nws, Huab Tais tau qee Nws los ua Huab Tais tug. Huab Tais tau Pleev Nws. Huab Tais xa Nws tuaj tshaj lub Moo Zoo rau, cov neeg pluag.
    Huab Tais xa Nws tuaj ceeb toom rau cov dig muag tias, lawv yuav rov pom kev tuaj. Thiab Huab Tais xa Nws tuaj pab cov neeg rau luag hiam tias, lawv yuav tau kev dim.
    Thiab xa Nws tuaj ceeb toom tias, yog lub xyoo Ntuj pub txiaj ntsim. Ces Yes Xus hais ntxiv tias: Zaj nej pob ntseg nyuam qhuav hnov no mas tsheej xeeb lawm.

    ->. Ua li mas, peb yog ib co neeg muaj tes muaj taw sib txawv ntau yam koom nyob hauv ib lub cev yog Leej Pleev tug.
    Vim peb sawv daws txais tib lub Cim Ntxuav nyob hauv tib leej Tswv Yim, kom peb tau ua ib lub cev nyob hauv Leej Pleev.
    Li ntawd, mas qhov muag hais tsis tau rau ob txhais tes tias, kuv tsis yuav neb. Lub taub haus kuj hais tsis tau rau ob txhais taw tias, kuv tsis tas yuav neb li.
    Thaum muaj ib yam raug mob lawm, ces txhua yam kuj mob tas tib si. Ntawm peb, mas peb yog Leej Pleev lub cev nyob hauv lub Koom Txoos.
    Li ntawd, mas ib txhia ua hauv paus xa lus, ib txhia ua Yaj Saub, los ua Xib Hwb, los ua neeg kho mob, tej cov txawj hais ntau xeem lus, los paub txhais tej xeem lus tshiab.
    Puav leej yog los ntawm tib leeg Leej Tswv Yim los tas nrho.

    ->. Peb peb koom teev Ntuj ua ke thiaj muaj zoo li tus Leej Choj nws hloov tus Yaj Saub los tus Leej Choj Es nras thov Ntuj. Ces peb sawv daws tsa tes teb tias, ua li Ua li.
    Ces peb sawv daws koom pe ib tug Tswv Ntuj, Hnub Chiv li hnub no Tswv Ntuj hais rau peb tias, yog ib hnub Ntshiab huv.
    Tus nyiam thiab rau siab tuaj teev Ntuj hnub chiv li no , mas Tswv Ntuj yuav zam txim txhaum rau cov neeg muaj txhaum kom lawv tau ua Tswv Ntuj cov me nyuam dawb huv luv zim txwv lub neej xaus mus tso tso ntiaj teb no tseg.

    ZAJ THOV NTUJ.
    1.Peb thob Ntuj rau lub koom Txoos…
    2. Peb thov Ntuj rau cov Nom Tswv Kav teb chaws…
    3. Peb thov Ntuj rau cov neeg txom nyem…
    4. peb thov Ntuj rau tej xwm txheej peb pom thiab paub muaj…
    5 Peb thov Ntuj rau peb cov neeg tuaj teev ntuj hnub no…


    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 7th February 2019, 8:03 am


    NRUAB XYOO CHIV 4 C Tim 3/2/2019.

    ->.Zaj nyeem ib tsab ntawv Yes Les Mias zaj: 1:4-5+17-19.
    Hais tias:
    Cov neeg ua Yaj Saub lawv yuav tsum qhuab qhia tsoom sid, ntau zaus, mas tsoom sid yuav ntxub lawv. Tab sis Tswv Ntuj lub zog yuav nres lawv.

    ->. Zaj nyem ob 1 Kos Lis Nthos, zaj 12: 31 + 13: 1-13. Hais tias:
    Yam twg muaj nuj nqes dua cov, nyob saum ntuj thiab nyob ntiaj teb no? Yog txoj kev nyiam, txoj kev nyiam tseem ceeb yog txoj kev tuaj ntawm Tswv Ntuj tuaj!

    ->. Lus Kas ntawv Moo Zoo, zaj 4: 20- 30, hais tias:
    Yes Xus cov lus xis cov neeg me, uas lawv tsis muab hlob. Tab sis cov neeg tsis xav tig los yuav lub siab tshiab, mas lawv tsis xav hnov Yes Xus lub Moo Zoo.

    +. Thaum Yes Xus nyeem ntawv tas Nws hais rau Tsoom sid tias, zaj nej pob ntseg nyuam qhuav hnov no, mas nws tsheej xeeb lawm.
    Muaj neeg qhuas txog Yes Xus tias, Yes Xus cov lus pub txiaj ntsim tawm ntawm Nws lub ncauj los zoo kawg.
    Yes Xus mem tau tsoom neeg nyob ntadwd nruab siab, Ces Yes Xus hais tias: Kuv yeej paub tias nej yuav hais zaj paj lug no rau kuv tias!

    Tus kws tshuaj, mas nws yuav xub kho nws ua ntej kom zoo tso.
    Tsoom sid xav kom Yes Xus xub ua nyob hauv lub zos uas nws nyob txawm ua ntej tso. Ces Yes Xus hais rau Tsoom sid tias:
    Kuv hais tseeb rau nej, tsis muaj ib tug Yaj Saub uas lawv yuav txais lawv tus Yaj Saub zoo nyob hauv lawv lub zos. Nej saib lub caij uas tus Yaj Saub Es Lis nyob, lub ntuj qhua tau peb xyoo thiab 6 lub hlis.
    Tsis los ib tee nag poob los li, lub teb chaws raug kev tshaib tas tib si. Thaum ntawd, muaj ntau tus poj ntsuam nyob His Xas Lais teb. Ntuj tsis tau xa Es Lis mus pab cov poj ntsuam, His Xas Lais.
    Tswv Ntuj tau xa Es Lis mus pab ib tug poj ntsuam nyob lub zos Xas Les Tas puag tim Xis Doos teb. Thaum tus Yaj Saub Es Lis nyob muaj ntau tus neeg mob ruas nyob His Xais Lais teb.
    Tsis muaj ib tug neeg tau rov huv tuaj, tsuas yog tus neeg pej kum teb, hu ua Nas Maas thiaj tau huv tuaj xwb. Tsoom sid muaj coob leej lawv npau taws thiab ntxub Yes Xus.

    + Tsab ntawv ob hais tias, yog peb tsis muaj txoj kev nyiam, mas tab yog yus txawj ua Yaj Saub los txawj ntse, paub ua hwj huam yees ntxwv loj, paub tshem kiag lub roob no coj mus txawb rau lwm qhov chaw.
    Mas peb tsis muaj tus nuj nqes dab tsi li, yus zoo li yog yaj ntsis xwb. Tus neeg muaj lub siab txawj nyiam, mas nws coj lub siab ntev, nws coj lub siab sib, tsis txawj xam khib. Nws tsis khav theeb thiab tsis muab hlob. Nws tsis ua tej yam tub qaug rau luag.

    Nws tsis nrhiav qhov zoo rau nws, nws txawj zam rau sawv daws, nws ntseeg sawv daws, nws tso siab rau sawv daws, nws ua siab ntev nyiaj kev nyuaj siab nrog sawv daws.
    Vim li caij no, mas peb pom Tswv Ntuj zoo li pom nyob hauv diam tsom iav xwb tshem tsom iav lawm ces Tswv Ntuj ploj mus zoo li tus duab nyob hauv tsom iav ntawd lawm.

    + Peb yuav nco tias thaum peb tseem xeeb nyob hauv, peb Leej Niam lub cev, mas Tswv Ntuj twb paub tias, peb yuav coj thiab xav li cas nyob hauv peb lub neej lawm.
    Peb sawv daws yuav thov kom peb tsis txhob paub txog txogtxoj kev uas peb yuav txawj ua tub qaug rau tswv Ntuj. Thiab thov kom peb txawj ntshai ua kev phem los quas Tswv Ntuj kom nrug deb mus ntawm peb.
    Tswv Ntuj sab phab ntsa thaiv peb zoo tshaj kev ua txaum txiab puas npaug. Yes Xus tau hais meej kawg rau lub Koom Txoos tias. Dab phem cov rooj loog tsis muaj yeej lub pob zeb no ib zaug li.

    ZAJ THOV THOV NTUj.
    1.Peb thob Ntuj rau lub Koom Txoos…
    2. Peb thov Ntuj rau cov nom tswb kav teb chaws…
    3. Peb thov Ntuj rau cov neeg txom nyem…
    4. Peb thov Ntuj rau tej xwm txheej peb paub thiab hnov muaj nyob ncig peb…
    5.Peb thov Ntuj rau peb cov neeg tuaj teev ntuj hnub no…

    Yaj Zoov Ntxhev X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 7th February 2019, 8:06 am


    NRUAB XYOO CHIV 5 C Tim 10/2/2019.

    ->.Zaj nyeem ib Tsab ntawv His Xais zaj,6:1-9. Hais tias:
    His Xais ntsib tus Tswv Ntuj muaj hwj chim, thaum peb ua lub txoos txi Ntuj, peb kuj tau ntsib Yes Xus nqes los ua Mov kom tau pab peb mus ntsib tus Tswv Ntuj muaj Hwj Huam Hwj Chim xws li His Xais.

    ->. Zaj nyeem ob 1 Kos Lis Nthos zaj 15: 1-11. Hais tias:
    Txoj kev ntseeg uas lub Koom Txoos Ka Tau Liv coj, lub ntsiab yog qhov hais tias:  Yes Xus tuag thiab sawv rov los, yog thawj lo lus uas cov tub tshaj Ntuj lus lawv yuav xub tshaj tawm.

    ->. Lus Kas ntawv Moo Zoo zaj 5: 1-11. Hais tias:
    Cov tub tshaj Ntuj lus yuav vam txog Yes Xus pab qhia lawv lub tswv yim, ces lawv thiaj yuav hais tau cov lus zoo los qhib cov neeg lub siab.  Yes Xus yog tus pab peb puav neeg ib yam li thaud Yes Xus pab cov hauv paus xa lus lus puav ntse.

    +.Muaj ib hnub Yes Xus nyob ntawm ntug pas dej Nkes Nes Xas Las.  Muaj neeg coob los ntsauv nws kom tau mloog Tswv Ntuj lo lus.

    Yus Xus kuj pom ob lub nkoj nres nyob ntawm ntug pas dej,  Yes Xus txawm nce mus hauv ib lub nkoj, yog Xis Moos lub. Yes Xus tau hais rau Xis Moos kom nquam lub nkoj mus deb  ntawm ntug dej me ntsis.
    Yes Xus zaum hauv lub nkoj qhia tsoom sid, thaum Nws qhia tso tseg lawd. Yes Xus hais rau Xis Moos kom mus lawm tom qhov dej tob me ntsis.

    Ces Yes Xus hais kom Xis Moos lawv tso lub puav ntses nqes lawm hauv dej. Xis Moos hais tias:
    Xib Hwb, peb twb khwv tas ib hmos lawm  tsis tau dab tsi li, Yog koj hais mas peb yuav tsos nqes mus rau hauv.  Xis Moos ua raws li hais. Ces lawv puav tau ntses ntau kawg li, ua rau lub puav ntses ntuag kiag. Ces lawv co tes kom lwm lub nkoj tuaj pab lawv.

    Cov ntses ntawd tau puv ob lub nkoj, ua rau nkoj yuav luag tog mus. { lo lus no yog txhais los hais txog tas nrho cov Koom Txoos ntseeg txog Yes Xus lub npe….}. Thaum Xis Moos pom li ntawd nws kim caug pe Yes Xus thiab hais tias:
    Huab Tais koj txav mus deb ntawm kuv, vim kuv yog neeg txhaum!  Pov Zeb thiab nws cov kwv luag lawv ntshai kawg, vim lawv puav tau ntses ntau kawg lawm.
    Yes Xus hais rau Xis Moos Pob Zeb tias, koj txhob ntshai, txij no mus koj yuav mus puav neeg. Ces Yas Kos thiab Zam nkawd nrog Pob Zeb tso tas puas tsav yam tseg lawv raws Yes Xus mus.

    +.Nyob hauv tsab ntawv Kos Lis Nthos, Paj Luag hais rau Tsoom neeg Kos Li Nthos tias:
    Kuv thov kom nej txais lub Moo Zoo thiab nej nyob ruaj rau hauv lu Moo Zoo ntawd. Yog lub Moo Zoo no, cawm tsis tau nej, mas nej ntseeg, los lam ntseeg dab xwb.
    Tej uas kuv tau qhia rau nej no, mas yog tej yam uas kuv xub tau txais lawm. Yes Xus yeem tuag kom tau ntxuav peb cov txhaum pov tseg.

    Lawv muab Yes Xus los rau lub ntxa, hnub peb Nws sawv rov los raws li ntawv Ntshiab tau hais tiag.  Yes Xus tau yees tawm tuaj rau Pob Zeb pom tas, Nws rov yees tawm tuaj rau pab 12 leeg pom thiab.
    Tom qab Yes Yes rov yees tawm tuaj rau ib pab kwv tij  muaj 500 leej ib txhij pom ua ke. Cov ntawd feem coob lawv tseem muaj txoj sia nyob. Kuv paj Lug  yog zoo li ib tug neeg yug los tsis tau puv hli. Tsis kav Yes Xus kuj yees tawm tuaj rau kuv pom ib zaug thiab.
    Tswv Ntuj lub txiaj ntsim tuaj nyob hauv kuv, mas nws tsis nyob dag. Tswv Ntuj lub txiaj ntsim nrog kuv ua cov hauj lwm no, tas cov hauv paus xa lus thiab kuv mas peb tshaj cov lus no ntag.

    =. His Xais hais tias xyoo tus Vaj Os Xias tuag, mas His Xais pom Tswv Ntuj Zaum nyob saum lub theej kiab siab. Tswv Ntuj lub tw tshov dauv los puv nkaus kem tsev Ntshiab.
    Muaj Hwj Chim loj tas nrho, nyob saum Tswv Ntuj sab saud, muaj ib co Tshiab Xas Las Fis, lawv hu nkauj, tug hais rau tug tias:
    Tus Tswv Ntuj Tswv Teb koj siab Ntshiab, siab Ntshiab!  Koj lub npe nto moo lug mus puv lub Ntuj lub teb.  Lub suab ntawd, nrov ua rau tej qhov rooj qeeg nkaws.
    Ces muaj ib co pa taws ncho puv nkaus lub Tuam tsev teev Ntuj Ntshiab, His Xais hais tias: Yog kuv txoj hmoov phem kuv yuav tuag mus lauj.  Vim kuv di ncauj tsis huv.
    Kuv nyob nruab nrab ntawm ib haiv neeg, di ncauj kuj tsis huv. Ces muaj ib tug Tshiab Xas La Fis, nqa ib lub hluav cnaig los so kuv di ncauj nws hais tias:
    Koj cov txhaum ntxuav tas lawm, koj lub txim daws mus thiab them tas tas lawm. Ces kub hnov Tswv Ntuj lub suab hais tias, yog Kuv xa leej twg mus mas tus ntawd, yuav ua kuv tus tub xa xov!
    His Xais teb tias:  Kuv nyob ntawm no, Huab Tais hais rau H X tias:  Koj mus,  koj hais rau kuv hHaiv neeg tias:  Neeg tsis to taub, nej kav tsij tig ntsej los mloog!  Vim nej tsis xav pom, nej kav tsij rua muag los ntsia!

    ZAJ THOV NTUJ.
    1.Peb thov Ntij tau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4. Peb thov Ntuj rau tej xwv txheej peb pom thiab paub…
    5. peb thov NTuj rau peb cov neeg tuaj teev Nuj hnub no.

    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 14th February 2019, 7:02 am



    NRUAB XYOO CHIV 6 Tim 17/2/2019.

    ->.Zaj nyeem ib tsab ntawv Yes Les Mias, zaj 17: 5-8.
    Hais tias:
    Tus tso siab rau neeg, mas nws tsis ntsib kaj kaj.Yog tus tso siab rau Tswv Ntuj, mas nws thiaj yuav ntsib kaj siab lug.

    ->. Zaj nyeem ob 1 Kos Lis Nthos, zaj 15: 12+16-20. Hais tias:
    Tus ntseeg tias, Yes Xus sawv rov los, mas nws thiaj tau txais Yes Xus txoj sia thiab muaj kev sawv rov los.

    ->. Lus Kas ntawv Moo Zoo, zaj 6: 17+20-26. Hais tais:
    Ntau zaus yog cov neeg pluag thiab txom nyem lawv xub ntsib Tswv Ntuj lub Ceeb Tsheej.
    =. Thaum Yes Xus, nrog Nws cov Thwj Tim nqes mus rau nram tiaj. Muaj ib pab thwj Tim nrog rau ib npoj neeg coob tuaj qhov txhia caw tuaj.
    Lawv tuaj mloog Yes Xus thiab coj lawv cov neeg mob, tuaj rau Yes Xus kho. Yes Xus tsa muag ntsia nws cov Thwj Tim,Yes Xus hais tias:
    Nej yog cov pluag, uas nej muaj txoj hmoov zoo. Vim Ntuj lub Ceeb Tsheej hyog nej li. Nej cov uas nyem no tshaib thiab quaj, mas nej txoj hmoov zoo. Vim nej yuav tau noj tsau thiab nyob luag ntxhi.
    Thaum luag ntxub nej, ntiab nej, tsawm nej thiab xyav nej lub npe phem. Vim Leej Neeg tus Tub, mas nej txoj hmoov zoo.
    Hnub ntawd, ces nej yuav tau txais koob haum loj nyob saum ntuj. Nej yuav zoo siab hom khaj, nyob luag ntxhi. Hos cov uas lawv yog neeg muaj, lawv txoj hmoov yuav phem. Vim lawv twb txais kev nplij lawv, thaum lawv ua neej nyob ntiaj teb no tas lawm.
    Cov uas nyem no, nej tau noj tsau npo thiab nyob luag ntxhi, mas nej txoj hmoov phem. Nej yuav ntsib txoj kev los kua muag, nej yuav tau quaj cuag li yog neeg nyiav.
    Vim nej tau txais txoj kev, luag qhuas thiab cav lus zoo txog nej ua ntej lawm. Ces nej txoj hmoov yuav phem. Vim nej phaj txiv twb tau ua phem rau cov Yaj Saub ua ntej lawm.

    ->.Tus Hauv paus xa lus Paj Lug hais tias: Peb pom xeeb tshaj tias, Leej Pleev tau sawv hauv cov tub tuag rov los lawm. Ua li cas ho muaj tej tus hais tias:
    Tsis muaj kev sawv hauv cov tub tuag rov los no! Mas kuj zoo li Leej Pleev tais tau sawv rov los. Yog muaj hais tias, Leej Pleev tsis tau sawv rov los, mas peb txoj kev ntseeg kuj yog cuav.
    Ces zoo li peb tseem nyob hauv kev ua txhaum, Peb cov neeg tuag nyob hauv leej Pleev ces yog cov neeg ploj mus dawb lawm xwb.
    Cov qhia Leej Pleev txoj kev sawv rov los, lawv yog cov neeg raug kev txom nyem loj tshaj zeej tsoom sawv daws tib si.
    Hais teeb tias, nws tsis yog zoo li ntawd, qhov tseeb, mas Leej Pleev yeej tau sawv hauv cov ub uag rov los lawm. Nws yog thawj tug xub sawv los.

    ->.Tswv Ntuj hais tias: Tus neeg tso siab rau lwm tus neeg, mas nws txoj hmoov phem. Nws ib rau ib lub cev neeg xwb, nws zoo li tsob qoob tuaj nyob hauv hav nrog tsuag.
    Nws yuav tsis ntsib kev noj qab nyob zoo, Nws zoo li tus tsa tsev nyob hauv lub teb caws suab puam. Nyob hauv lub teb chaws av daw ntsev tsis muaj neeg nyob.
    Hos tus tso siab rau Tswv Ntuj, nws zoo li tsob ntoo txawm nyob ze ntug dej,
    .Nws cov cag nrhau mus txog qhov muaj dej yug. Tab yog lub caij ntuj qhuav los nws tsis txawj. Nws tej nplooj ntsuab xiab txi txiv nyob mus thawm xyoo.

    ZAJ THOV NTUJ.

    1.Peb thov Ntuj rau lub koom txoos…
    2. Peb thov Ntuj rau cov Nom Tswv Kav ten chaws…
    3. Peb thov Ntuj rau cov neeg txom nyem…
    4. Peb thov Ntuj rau tej xwm txheej peb pon thiab paub muaj…
    5.Peb hov Ntuj rau peb cov neeg tuaj teev Ntuj hnub no…


    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd February 2019, 12:56 am



    NRUAB XYOO CHIV 7 Tim 24/2/2019.


    ->.Zaj nyeem ib tsab ntawv 1 Xas Muas, zaj 26:2+7-9+12-13+22-23. Hais tias:

    Tus Vaj Das Vis siab zoo, nws tsis tua tus xav muab nws tua. Yog tus piv txwv qhia peb tias,peb yuav zam rau peb cov yeeb ncuab.

    ->. Zaj nyeem ob,1 Kos lis Nthos, zaj:15: 45-49. Hais tias:

    Peb sawv daws yug los ua ntiaj teb tug, tab sis peb yuav hnav li tus neeg tuaj saum ntuj tuaj.

    ->. Lus Kas ntawv Moo Zoo, zaj 6: 27-38. Hais tias:

    Yog neeg ua phem rau peb, mas peb yuav ua zoo rau lawv. Thiaj yog txoj kev ua xis Tswv Ntuj siab. Nws yog txoj kev coj Tswv Ntuj cov txiaj ntsim tuaj rau peb.

    =Yes Xus hais nej cov neeg uas mloog kuv mas kuv hais rau nej tias: Nej yuav nyiam nej cov yeeb ncuab mog, nej ua zoo rau cov neeg ntxub nej.
    Thiab nej foom lus zoo, rau cov neeg tsawm nej thiab hiam nej. Nej thov Ntuj rau lawv. Ib tug neeg xav ib ncuav pias rau nej sab plhu, mas nej tig lwm sab rau nws.
    Yog ib tug neeg xav txeeb koj lub tsho ntev, los koj lub tsho khuam, mas koj pub thiab thov Ntuj rau nws. Nws txeeb tau koj lub cuab tam, mas koj txhob thov kom nws xa rov qab.
    Yog nej xav kom luag ua zoo li cas rau nej, mas nej kuj yuav ua zoo li cas rau luag thiab. Yog tias nej nyiam cov neeg nyiam nej xwb, mas lawv yuav nco nej txiaj ntsim zoo li cas!
    Tab yog cov neeg txhaum, mas lawv kuj txawj rov nyiam lawv zoo li ntawd thiab. Nej mas nej yuav nyiam nej cov yeeb ncuab.
    Yog nej txais nyiaj rau luag, mas nej txhob tos dab tsi ntawm luag yuav rov los rau nej. Vim Tswv Ntuj yog tus siab zoo, rau cov neeg mom Ntuj tej txiaj ntsim thiab ua neeg lim hiam.
    Nej txhob txiav txim rau luag, thiaj tsis muaj leej twg yuav txiav txim rau nej. Luag yuav muab ib lub Kawm loj loj, los ntim kom puv puv los hliv rau ntawm nej xub ntiag.
    Yog nej xuas teev los luj rau luag, mas Luag kuj yuav muab rab teev nejj luj rov los luj rau nej.

    =Muaj lus hais tseg tias: Thawj tus neeg uas Tswv Ntuj tsim los Yog As Das, Thaum Ntuj tsim tau los, mas nws muaj ib lub cev xwb.
    Hos tus As Das tuaj tom qab, mas yog Yes Xus, Nws muaj lub tswv yim pub txoj sia. Nws tsis yog lub Tswv Yim sab pom tau tawm tuaj.
    Tus no yog sab cev nqaij xub tawm tuaj lub Tswv Yim mam li tawm tuaj tom qab. Thawj tug As Das tawm ntawm Av los, nws yog ntiaj teb tug. Zoo li peb sawv daws kuj yog ntiaj teb tug.
    Tus As Das tuaj tom qab, yog Leej Pleev, nws tuaj pem qaum ntuj tuaj. Mas Nws yog qaum ntuj tug. Peb xub hnav ntiaj teb tus duab, Yog peb ntseegtxog Ntuj, mas peb kuj yuav tau hnav Qaum Ntuj tus duab thiab.

    =Tus Vaj Xas Ws coj 3000 leej tub rog cov muaj txuj ci zoo tshaj nrog nws mus cawm Das Vis nyob hauv lub hav suab puam Xis Fes, Das Vis thiab nws tus phooj ywg As Npis Sais, mus soj, Xas Ws pab peeb zeej.
    Sawv daws nrog Xas Ws pw tsaug zog tas,As Npis Sais hais rau Das Vis tias: Hnub no Tswv Ntuj tso koj tus Yeeb ncuab tuaj thawj koj tes lawm. Cia kuv muab nws rab hmuv nkaug nws rau hauv av. Das Vis hais rau As Npis Sais tias: Koj tsis txhob tua Xas Ws. Leej twg tua Tswv Ntuj tus Pleev, nws yuav tsis rau txim puas tau!
    Ces Das Vis mus ze ntawm Xas Ws taw Das Vis muab nws rab hmuv thiab lub taub dej. Ces nkawd khiav mus tsis muaj leej twg pom nkawd li.
    Das Vis nkawd mus rau sab hav tim ub, Das Vis mam qw tias: Tus Vaj koj rab hmuv thiab lub taub dej nyob ntawm no! Koj tso ib tug tub txib hla dej tuaj nqa mas!
    Peb li mas peb kuj yuav cia Tswv Ntuj txiav txim raws li peb lub siab ncaj ncees zoo. Tswv Ntuj tau muab Xas Ws tso rau hauv Das Vis txhais tes. Tab sis Das Vis tsis tua Tswv Ntuj tus vaj Pleev Xas Ws.

    ZAJ THOV NTUJ.
    1.Peb thov Ntuj rau lub Koom Txoos…
    2.Peb thov Ntuj rau cov Nom Tswv kav teb chaws….
    3. Peb thov ntuj rau cov neeg txom nyem….
    4. Peb thov Ntuj rau tej xwm txheej….
    5. peb thov Ntuj rau cov neeg tuaj teev ntuj hnub no…


    Yaj Zoov Ntxheb X,H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 1st March 2019, 5:33 am


    NRUAB XYOO CHIV 8 C Tim 3/3/2019.

    ->.Zaj nyeem ibTsab ntawv Npes Xis Las, zaj 27:4-7. Hais tias:
    Neeg cov lus , mas nws tawm ntawm neeg lub siab los, nws thiaj qhia tau kom yus paub neeg nruab siab tau.

    ->. Zaj nyeem ob 1 Kos Lis Nthos, zaj 15: 54-58. Hais tias:
    Peb cov neeg ntseeg Ntuj, mas peb zoo siab ua Tswv Ntuj tej hauj lwm. Vim peb tso siab tias, peb tsis yuam kev, mas peb tus Ntuj Plig. Yuav tau yeej txoj kev tuag nyob hauv Yes Xus lub npe.

    ->. Lus Kas ntawv Moo Zoo, zaj 6: 39-45. Hais tias:
    Peb txhob txiav txim rau luag, yus yuav xub kho kom yus zoo ua ntej tso.{ qib39-42.}
    Yus kho yus lub siab kom zoo tuaj, ces yus thiaj yuav txi txiv zoo. {qib 43-45.}

    =Yes Xus hais tias: Ib tug neeg nws twb dig muag lawm, mas nws yuav coj tau lwm tus kev zoo li cas? Kawg ob leeg yuav mus poob qhov ntuj tas tib si xwb.
    Tsis muaj ib tug Thwj Tim yuav loj dua nws tus tseem Xib Hwb. Tus Thwj Tim zoo kawg, mas nws tsuas txij li nws tus Xib Hwb rov xwb.
    Koj tsis txhob mus ntsia tus saus nyob hauv luag lub qhov muag uas luaj li daim xua nplej. Koj twb tsis pom tus saus loj luaj li ib tug nqaj ntoo nyob hauv koj lub qhov muag.
    Cov neeg zoo nraum daim me tawv, koj xub rho tus nqaj ntoo nyob hauv koj lub qhov muag tawm mus tso. Koj thiaj pom tau daim xua nplej nyob hauv koj tus kwv lub qhov muag.
    Kuv hais rau nej tias: yeej tsis muaj ib tsob ntoo zoo yuav txi tau ib co txiv phem li. Hos kuj tsis muaj ib tsob ntoo phem yuav txi tau ib co txiv zoo li thiab:
    Nej yeej mus de tsis tau ib lub txiv ncuav pias ntawm ib tsob ntoo vaj khaum los. Nej kuj yuav mus de tsis tau ib re txiv cawv los ntawm ib tsob hmab tuaj pos los li thiab.
    Tus neeg zoo nws yuav thau yam zoo tawm hauv nws nruab siab los. Hos tus neeg phem, mas nws kuj tsuas thaum tau yam phem hauv nws nplooj siab los tib yam li thiab.

    =Tus neeg mus hnav lub zam tuag thiab lwj, ces nws kawg tuag thiab lwj mus lawm xwb. Ntawv Ntshiab hais tias:
    Thaum txoj kev tuag, ploj ntais mus lawd, yog nws ntaus rog yeej lawm.Txoj kev tuag rab ntaj yeej yog dab tsi thiab nyob qhov twg?
    Txoj kev tuag rab ntaj, nws yog txoj kev ua txhaum, hos kev ua txhaum lub zog yog txoj cai.
    Kwv tij nej yuav nyob ruaj nreb, tsis txhob txhawj txhawj, nej rau siab ua zoo nyob hauv huab Tais Yes Xus Pleev lub npe. Peb sawv daws yuav ua Ntuj tsaug, vim Nws pub txoj kev yeej rau peb nyob hauv Leej Pleev lub zog.

    =Nyov hauv lub vab tshaus uas yus tshau, tseem tshuav tej yam tsis huv.Yog koj tshau neeg cov lus, mas tseem tshuav tej yam tsis zoo.
    Yeej muaj li ntawd, mas tus puab Lauj Kaub thiab tus kws nchuav nyiaj thiaj sim cov lauj kaub thiab sim nyiaj sim kub nyob hauv hluav thiab lub yeej vub.
    Yog koj hnov neeg cov lus tas lawm, mas koj thiaj paub neeg lub siab. Thiab thaum koj pom tus ntoo txi txiv li cas, mas koj thiaj paub txiav txim rua lub vaj cog ntoo. Yog koj tsis tau hnov tus neeg hais lus, mas koj txhob xub qhuas nws. Yog nws cov lus yuav qhia koj paub tias. Nws yog neeg muaj tsim thiab muaj hwj chim,los neeg txawj neeg ntse.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4.Peb thov Ntuj rau tej xwv txheej uas peb paub…
    5.Peb thov Ntuj rau cov neeg tuaj teev Ntuj hnub no…
    Yaj Zoov Ntxheb X.H.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th March 2019, 9:24 pm


    LUB CAIJ 40 CHIV 1 C Tim 10/3/2019.

    ->.Ntawv phau Tsib (Txoj Cai) , zaj 26: 4-10 hais tias:
    Tus ua hauj lwm tsim qoob loo, los tsim lwm yam, tau paj tshab los. Nws yuav cev ib feem rau Tswv Ntuj, kom tau ua Ntuj tsaug.
    Vim Tswv Ntuj pub kom nws muaj zog thiab muaj hmoo, Kom tsis tau ua neeg kob huam mus thov khawv noj haus rau sab nraud.
    ->. Tsab ntawv Los Mas, zaj 10: 8-13, hais tias:
    Ib tug neeg ntseeg txog Tswv Ntuj, yog nws xav ua zoo rau Tswv Ntuj. Tab sis nws ua tsis tau tas txhua yam ntxim Tswv Ntuj siab, raws li Tswv Ntuj nyiam, los Tswv Ntuj yeej cawm nws.
    ->. Nyob hauv Lus Kas ntawv Moo Zoo, zaj 4: 1-13, hais tias:
    Thaum Yes Xus sawv kev mus tshaj Ntuj lus, Yes Xus raug dab phem ntxias Nws ib yam li peb. Peb txhob xav tias Yes Xus tuaj qhia tej yam nyuaj dhau rau peb.
    Vim Yes Xus xub raug tej kev ntxias ntawd, Nws thiaj qhia kom peb muaj kev ceev faj.
    Yes Xus yeej muaj Leej Tswv Yim Ntshiab, nyob puv npo hauv Yes Xus. Tas 40 hnub lub caij, uas Yes Xus tsis noj tsis haus dab tsi ntawd. Dab Phem thiaj tuaj sim Yes Xus.
    Nws hais rau Yes Xus tias:
    Koj twb yog Tswv Ntuj Leej tub, txhob yoo mov li no. Koj cia li hais kom cov pob zeb no, txia ua mov rau koj noj. Yes Xus hais rau Dab phem tias, Neeg tsis tas yuav, yuav mov los yug neeg txoj sia xwb.
    Neeg tseem yuav, yuav Ntuj los lus los yug neeg siav, neeg thiaj nyob taus. Dab phem tseem coj Yes Xus mus txog ob qho chaw thiab xav sim Yes Xus ntxiv:
    Dab Phem muab cov teb chaws nto moo, rau Yes Xus saib. Hais rau Yes Xus tias, cov teb chaws muaj hwj chim no, yog kuv tug tas tib si, yog koj pe kuv, mas kuv muab tas nrho rau koj!
    Yes Xus hais tias, ntawv sau tseg tias, koj yuav pe koj tus Tswv Ntuj thiab teev Nws tib leeg xwb. Dab phem tseem coj Yes Xus mus txog lub Tuam Tsev Teev Ntuj, nws hais rau Yes Xus tias:
    Koj twb yog Tswv Ntuj Leej Tub, koj sim dhia saum no, rau hauv saib. Ntaws sau hais tias Ntuj cov Tshiab yuav tuaj nqa koj nyob hauv lawv txhais tes. Kom koj taw tsis dawm ib lub pob zeb li no.
    Yes Xus hais rau dab phem tias: Xas Tas koj khiav mus, koj txhob sim koj tus tswv Ntuj. Dab phem ntxias Yes Xus ntev loo tas 40 hnub li ntawd. Dab Phem mam tso Yes Xus tseg.
    Zaj nyeem ib thiab ob, yog txhais hais tias:
    Peb tsoom neeg ua neej nyob hauv lub Sim Ceeb no, mas Dab phem xav yuam peb ua dab phem qhev mus li tas peb sim neej.
    Kom peb pom tsis tau Tswv Ntuj lub hwj chim muaj kev nyiam kev hlub txog lub ntiaj teb neeg. Peb yuav to taub tias, Tswv Ntuj yog peb sawv daws Leej Txiv.
    Ntuj xav qiv peb lub ncauj, peb tes taw thiab peb lub siab, los hlub tas nrho, Tswv Ntuj tsoom tub ki nyob ntiaj teb no. Kom txhua tus los ua peb tsoom txheeb ze nyob hauv Tswv Ntuj lub npe muaj koob meej nyob mus li.

    ZAJ THOV NTUJ.
    1.Peb thov Ntuj rau lub Koom Txoos…
    2. Peb gthov Ntuj rau cov Nom Tswv kav teb chaws…
    3. Peb thov ntuj rau cov neeg txom nyem…
    4. Peb thov Ntuj rau tej xwv txheej peb paub tias muaj….
    5. Peb thov Ntuj rau cov neeg tuaj teev Ntuj hnub no thiab cov tsis tuaj huv si, kom sawv daws muaj yeej dab phem tej kev haub kev ntxias txhua yam mus…


    Yaj Zoov Ntxheb Xib Hwb.








    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th March 2019, 9:31 pm


    LUB CAIJ 40 CHIV 2 C Tim 17/03/2019.

    ->.Tsab ntawv hauv paus, zaj 15: 5-10+17-18, hais tias:
    Tswv Ntuj cog lus tias, Ntuj yuav pub txoj hmoov zoo rau Has Nplas tsoom xeeb ntxwv. Tswv Ntuj paub tias lub ntiaj teb neeg yuav tsis nco txog Tswv Ntuj ntau zaus.

    ->. Tsab ntawv Fis lis Pos, zaj 3: 17-21+4: 1, hais tias:
    Tus xav muaj hwj chim, mas nws yuav nyiam txhua yam raws li Yes Xus nyiam.

    ->. Lus Kas ntawv Moo Zoo zaj 9:28-36, hais tias:
    Cov Thwj Tim pom Yes Xus lub Hwj Chim tawm tuaj, tsis kav thaum Yes Xus raug txom nyem, mas lawv kuj tseem ua xyem xyav.
    Xws li tsoom neeg ntiaj teb. Uas peb tau pom Tswv Ntuj cov txiaj ntsim, los peb nyiam Tswv Ntuj tsawg kawg.

    =>.Thaum Yes Xus coj cov Thwj Tim mus teev Ntuj saum ib lub roob, lawv pom Yes Xus lub ntsej muag tshiab tuaj, Nws tej ris tsho ci li xob laim.
    Lawv pom Mas Xes thiab tus Yaj Saub Es Lis nkawd tawm tuaj nrog Yes Xus tham. Muaj ib lub suab nrov saum twv huab tuaj tias:
    Tus no, yog kuv Leej Tub, kuv xaiv nws, Nej mloog Nws lus mog! Txog lub zim txwv Leej Ntuj Plig nqes los lawd, cov Thwj Tim mam tshaj lo lus no, tawm rau ntiaj teb neeg paub thiab hnov.

    =>. Paj Lug hais rau cov neeg Fis Lis Pos tias: Nej yuav yoog raws li kuv tus lwj lwm, Vim tias muaj ntau leej, lawv ntxub Yes Xus tus ntoo cuam. Lawv tsis ntshai tsam lawv poob mus rau txoj kev tuag.
    Sawv daws yuav paub hais tias, cov neeg ntxub Yes Xus tus ntoo cuam. Lawv tus Huab Tais mas kawg yog lawv lub plab xwb.
    Lub Plab, mas yuav tsis khaws tau ib yam zoo cia ua puav pheej tseg li. Plab sau mus tseg tas ces plab xa mus pov tseg rau nram xub tsuag lawm xwb.
    Tej yam phim twb yuav txaj muag, los lawv khav hais tias, lawv hais kam los lawm. Vim tias lawv tsuas nyiam tej yam nyob ntiaj teb no, ces lawv yuav nyob nrog yam lawv tau nyiam ntawd mus li.
    Hos ntawm peb, mas peb lub tsheej zoo sib zoo nkauj yog lub tsheej nyob saum ntuj. Vim peb tus Huab Tais Pleev Nws tuaj cawm peb.
    Nws tau muab peb lub cev hloov, ua lub cev muaj hwj chim xws li Nws lub. Vim Nws muaj Hwj Chim nyob mus li Nws kav lub ntuj lub teb must sis muaj caij kawg.
    Kwv tij, nej yuav nyob ruaj nreb hauv peb tus Huab Tais, vim nej tau ua tsoom neeg siab ncaj cuab kwv tij. Zoo li Tswv Ntuj tau cog lus rau peb tus Yawg Koob Has Nplas Has tias:
    Yog koj suav tau, mas koj suav cov hnub qub nyob saum ntuj saib. Koj cov xeeb ntxwv yuav coob npaum li cov hnub qub nyob saum ntuj thiab cov suab puam nyob tom ntug hiav txwv.
    Tswv Ntuj twb nrog Has Nplas Has cog lus ces muaj ib ntshua nplaim taws cig loj li ib teg tsau tuaj hla Yawg Has Nplas Has lub rooj txi Ntuj li muaj ntawv teev tseg los li lawd.
    Niaj hnub no Tswv Ntuj kev cog lus kuj tseem nrog peb nyob nraim hauv Yes Xus Pleev zaj lus cav txiaj ntsim ua peb niaj hnub ua koom nrog tsoom Leej Choj.

    ZAJ THOV NTUJ.
    1.Peb thov ntuj rau lub koom txoos...
    2. Peb thov ntuj rau cov Nom Tswv kav teb chaws…
    3. Peb thov Ntuj rau cov neeg txom nyem…
    4.Peb thov Ntuj rau tej xwm txheej uas peb paub.
    5. Peb thov Ntuj rau cov ntseeg tuaj hnub no…

    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd March 2019, 12:18 am


    LUB CAIJ 40 CHIV 3 C Tim 24/03/2019.


    Yog muaj ib pab neeg yuav txais lub Cim Ntxuav xyoo no, mas siv hnub chiv xyoo A zoo dua.
    ->.Tsab ntawv kev tsiv zaj 3:1-8+13-15, hais tias:
    Tswv Ntuj qhia tias, Tswv Ntuj yog tus Nws yuav yog, los yog tus nyob yuav nyob mus li rau Mais Xes.   Peb yuav hu Tswv Ntuj ua tus Tswv Ntuj nrog peb nyob.
    ->. Zaj nyeem ob tsab ntawv 1 Kos Lis Nthos, zaj 10: 1-6 +10-12. Hais tias:
    Peb yuav hwm His Xas Lais Kwv Huam, vim cov hwj huam yees ntxwv, uas Tswv Ntuj ua los pab tsoom His Xas Lais.  Zoo pab peb to taub, txog Tswv Ntuj cov txiaj ntsim Ntuj ua los cawm lub niaj teb neeg.
    Lus Kas ntawv Moo Zoo, zaj 13:1-9, hais tias:
    Yog peb xav kom peb muaj txoj sia ua peb tug, mas peb yuav tig los yuav lub siab tshiab.  Vim Tswv Ntuj siab ntev, Ntuj tsis muab txim rau peb sai.
    =>.Pis Las Tos muab cov Nkas Lis Lais tej roj ntshav los xyaw cov tsiaj txhu roj ntshav los txi ntuj.  Muaj neeg hais rau Yes Xus tias, Pis Las Tos ua li ntawd:
    Yes Xus hais rau tsoom sid tias:  Nej puas xav tias cov Nkas Lis Lais lawv muaj txhaum ntau dua luag tej?  Lawv thiaj raug tej yam zoo li ntawd?
    Thiab pab kaum yim leej ua tus pej thuam Xis Laus Es, uas vau los tsuam lawv tuag tas tib si ntawd?  Nej puas xav tias lawv tshuav nuj nqes loj dua luag lwm cov?
    Yes Xus hais tias, lawv tsis tshuav nuj nqes ntau dua lwm cov!  Yog nej tsis hloov siab, tig los yuav lub siab tshiab, mas sawv daws yuav tuag, zoo ib yam nkaus li lawv!
    Yuav zoo xws li ib tug tswv nws cog tau ib tsob ntoo, txiv ncuav pias, nyob hauv nws lub vaj. Nws tuaj de zaum twg los tsis txi txiv.  Mas nws yuav hais rau tus saib lub vaj tias:
    Koj muab tsob ntoo txiv ncuav pias no, ntov pov tseg mus, nws nyob nkim av xwb. Kwv tij xav kom nej nco txog tsoom His Xas Lais uas lawv tau nrog Mais Xes txais lub Cim Ntxuav nyob hauv tus dej Hiav txwv Liab.
    Lawv thiaj muaj txoj sia nyob los txog thaj av Tswv Ntuj tau cog lus rau tsoom His xas Lais.  Lawv tau noj cov mov poob saum ntuj los. Thiab haus cov dej txhawv ntawm phab tsua los.
    Phab tsua ntawd yog leej Pleev.  Qhov ua lawv tau tuag pawg lug nyob teb chaws suab puam, yog txoj kev qhuab qhia peb tias, peb txhob nyiam kev ua ywj peb siab.  Xws li peb pheej nyiam ua txoj kev pheem.
    Tswv Ntuj hais tias, tus nws khav tias, nws sawv ntsug tau lawm, nws tsis ceev faj, mas nws yuav yog tus ntog.
    =>.Tswv Ntuj tau qhia Tswv Ntuj lub npe tias, Nws yog tus uas Nws yuav yog no. Txais los tias Tswv Ntuj yog tas nrho ntiaj teb neeg sawv daws tus Tswv Ntuj.
    Tswv Ntuj yog tus Nplaim taws qhia Mais Xes tias, Kuv pom kuv Haiv neeg txom nyem raug luag tswj kuv Haiv neeg.  Kuv hnov lawv lub suab quaj vim lawv raug ib Haiv neeg yuam lawv.
    Zoo li cov dab tswj txhua haiv neeg nyob ntiaj teb no, neeg nyob hauv dab kev tswj hwm, Dab qhia kom neeg ua li cas, ces neeg ua raws li dab qhia kom neeg ua.
    Tswv Ntuj hais tias, kuv yog tas neeg ntiaj teb tus Huab Tais saib lawv, txij puag thaum Tswv Ntuj hu cov uas yog yawg koob Has Npas, His Xas Has thiab Yas Kos lawv los txog niaj hnub no. Tswv Ntuj tseem yog neeg ntiaj teb tus Huab Tais Tswv Ntuj li qub.

    ZAJ THOV NTUJ.
    1.Peb thov ntu rau lub Koom Txoos…
    2. Peb ghov Ntuj rau cov Nom Tswv kav teb chaws…
    3. Peb hov ntuj au cov neeg txom nyem…
    4. Peb yhov Ntuj rau tej xwv txheej peb paub muaj….
    5. Peb thov Ntuj au peb pab  neeg tuaj teev Ntuj hnub no…

    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5737
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th April 2019, 12:46 am



    CAIJ PLAUB CAUG CHIV 5 C Tim 7/4/2019.

    ->. Zaj nyeem ib tsab ntawv His Xais zaj 43: 16-21, hais tias:
    Peb yuav nco txog Tswv Ntuj cov hwj huam txheej thaud, thiab peb yuav txawj pom tias: Tswv Ntuj tau pab peb tsoom ntseeg, hla lub caij peb tseem khuam nyob ntiaj teb no. Yog ib yam hwj huam loj tas nrho.

    ->. Zaj nyeem ob tsab ntawv Fis Lis Pos zaj 3: 8-14, hais tias:
    Txij hnub Paj Lug ntsib Yes Xus tas, ces nws tso tas txhua yam uas nws nyiam yav thaud tseg. Nws xav npuab Yes Xus nyob hauv Nws txoj kev tuag thiab kev sawv rov los.

    ->. Zam ntawv Moo Zoo zaj 8: 1-11 hais tias:
    Yes Xus zam txhaum rau neeg ntiaj teb, Vim Yes Xus saib kev ua txhaum tsis yog ib yam me. Yes Xus zam txhaum vim Nws xav pab kom peb yeej kev ua txhaum mus rau yav tom ntej.
    Tswv Ntuj lo lus hais tias:
    Yes Xus mus hauv lub Tuam Tsev Teev Ntuj, Nws qhia tsoom sid. Cov thoob xwm ntawv thiab cov Fas Lis Xais, coj ib tug poj niam tuaj rau Yes Xus. Vim lawv pom tus poj niam ntawd, deev hluas. Lawv hais rau Yes Xus tias:
    Xib Hwb, muaj neeg pom tus poj niam no deev hluas. Nyob hauv Mais Xes txoj cai, mas nws qhia peb tias:
    Kom xuas pob zeb txawb cov poj niam ua li ntawd kom tuag mus! Ua li koj ne! Koj yuav hais li cas? Lawv hais li ntawd, vim lawv xav sim Yes Xus.
    Ces Yes Xus hais rau pab neeg ntawd tias: Nyob hauv nej pab no! Yog tus twg tsis lo ib qho txhaum li, mas nws sim txawb thawj lub pob zeb rau tus poj niam no saib!
    Thaum lawv hnov Yes Xus hais li ntawd, ces nyias rov mus nyias tsev zom zaws tas lawm. Thaum kawg tshuav Yes Xus thiab tus poj niam ntawd lawm xwb.
    Yes Xus hais tias:
    Tsis muaj neeg muab txim rau koj lawm lod? Tus poj niam teb tias: Huab Tais, tsis muaj neeg muab txim rau kuv lawm. Ces Yes Xus hais tias: Kuv kuj tsis muab txim rau koj thiab, Koj mus txij no mus koj txhob ua txhaum ntxiv lawm.
    ->.Paj Lug hais rau cov Fis Lis Pos tias,Vim yog Yes Xus, mas kuv thiaj tso tas puas tsav yam pov tseg. Kuv tau saib tas puas tsav yam, yog tog khaub tog tsuag.
    Kuv xav kom kuv tau Leej Pleev, Kuv xav kom kuv tau ntsib Tswv Ntuj nyob hauv Leej Pleev. Kuv tsis muaj ib txoj kev ncaj tuaj ntawm txoj cai thiab ntawm Leej Pleev tuaj los ua kuv tug li.
    Nyiam no, kuv muaj txoj kev ncaj tuaj ntawm txoj kev ntseeg tuaj, mas kuv xav paub Leej Pleev. thaib xav paub txoj kev sawv rov los lub zog loj muaj npaum li cas.
    Kuv yuav xav sim saib kuv yuav sawv ntawm cov tub tuag rov los puas tau! Kuv yuav khiav ntxiv, kom kuv tuav tau Leej Pleev. Kuv tsuas rau siab khiav mus, rau sab tom hauv ntej, kom mus txog chaw.
    ->.Tswv Ntuj yog tus muaj zog, tho ib txoj kev hla lub hiav txwv. Thiab Tswv Ntuj yog tus ua kom txhua txoj kev ua txhaum, ploj mus xws li Fas Las Oos cov tub rog thiab cov tsheb neeg ploj tog mus nyob hauv qab hiav txwv.
    Peb yuav tsis txhob nco txog yav tas los lawm, peb yuav xav tias: Nyiam no Tswv Ntuj yuav tho ib txoj kev tshiab hla lub ntiaj teb kom txhua haiv neeg tau cav txog Tswv Ntuj lub Koob Meej.

    ZAJ THOV NTUJ.
    1.Peb thov Ntuj rau lub Koom Txoos….
    2. Peb thov Ntuj rau cov Nom Tswv kav teb chaws…
    3. Peb thov Ntuj rau cov neeg txom nyem….
    4. Peb thov Ntuj rau tej xwm txheej muaj uas peb paub…
    5. Peb thov Ntuj rau cov neeg ntseeg tuaj teev Ntuj thiab…
    6. Peb nyias yuav thov Ntuj rau yam muaj uas nyias tau pom thiab paub nyob hauv nyias nruab siab….

    Yaj Zoov Ntxheb Xib Hwb.




    Sponsored content

    XH.Zoov Ntxheb Yaj Nthuav Ntawv Ntshiab. - Page 14 Empty Re: XH.Zoov Ntxheb Yaj Nthuav Ntawv Ntshiab.

    Post  Sponsored content


      Current date/time is 23rd October 2019, 2:42 am