XH.Zoov Ntxheb Yaj Nthuav Ntawv Ntshiab.

Cov zaj nyem hnub no muaj ntawv Hauj Lwm, { 1:1-11.} Es Fes Xos, { 1:17-23. }Thiab Mas Tais, {28: 16-20.} hais tias:
Yus Xus hais Nws cov lus kawg rau cov Thwj tim ces Nws muas saum ntuj. Yes Xus hais tias, nej mus kom txog txhua Haiv neeg, coj lawv los ua kuv cov Thwj Tim.
Nej hu txog Leej Txiv Leej Tub thiab Leej Ntuj Plig lub npe. Nej ua lub Cim Ntxuav rau lawv, nej qhia kom lawv paub tas txhua yam kuv tau qhia rau nej.
Ntawm kuv mas, kuv nrog nej nyob mus li, txog hnub uas tsis muaj lub Sim Ceeb no.
Kwv tij li ntawd, mas peb pom Tswv Ntuj lub zog, vim nws tau tsa Yes Xus sawv rov los. Thiab tsa Yes Xus ua tus loj tshaj txhua yam tib si, nyob ntiaj teb no, los nyob saum ntuj.
Yes Xus nyob saum ntuj lawm, Nws tso Nws lub Tswv Yim nrog peb nyob. Nws los nyob txawm rau hauv peb nruab siab, yog tus Leej Nplij neeg Ntshiab.
Yes xus tau raug txom nyem tuag tas, Nws sawv rov los muaj txoj sia nyob. Nws nyob ntev li 40 hnub, mas Nws tawm tuaj xyuas cov Thwj tim. Muaj ib zaug Yes Xus nrog lawv noj mov.
Yes Xus tau qhia lawv kom txhob tawm ntawm Yes Lus Xas Les mus. Kom lawv nyob tos yam uas Leej Txiv cog lus yuav pub rau lawv. Ces Yes Xus hais tias:
Thaud Nej paub Zam ua lub Cim Ntxuav nyob hauv dej. Hos nej mas nej yuav txais lub Cim Ntxuav nyob hauv Leej Tswv Yim Ntshiab.
Leej Tswv Yim Ntshiab yuav nqes los nyob hauv nej. Ces nej yuav ua kuv cov Tim Khawv mus thoob plaws lub qab ntuj khwb no.
Tus nws nyiam kuv, mas kuv Txiv wb yuav los tsa tsev nyob hauv nws. Ces Leej Tswv Yim Ntshiab yuav nrog nws nyob.
Kuv yuav thov kom Leej Txiv xa tuaj, yog tus yuav qhia tas puas tsav yam rau nej yav tom ntej. Kuv hais rau nej, nej txhob ua siab fab ntxiv lawm mog. Amen.

ZAJ THOV NTUJ.
1.Peb thov Ntuj rau lub Koom Txoos, Leej Pleev tus muaj peev xwm ua txhua yam nyob ntiaj teb no, thiab nyob saum ntuj. Peb ntseeg txog Yes Xus, peb yuav coj kom tas lub ntiaj teb los pe hawm Yes Xus rau qhov zoo. Ntuj awb...
2. peb thov Ntuj rau cov Nom Tswv kav teb chaws, Tswv Ntuj Leej Pleev yog tas lub qab ntuj neeg tus Tuam Vaj. Kom cov Nom Tswv txawj hlub tej pej xeem huab hwm zoo Yes Xus hlub. Ntuj awb...
3. Peb thov Ntuj rau cov neeg txom nyem, cov tau mob nkeeg, cov muaj kev ntxhov siab, cov tshaib pab. Kom lawv ntseeg thiab Vam txog Leej Pleev tuaj daws lawv kev txom nyem hauv lawv tej teeb meem ntawd. Ntuj awb...
4. Peb thov Ntuj rau yam peb xav thov nyob nruab siab... Ntuj awb...
5. peb thov Ntuj rau peb cov tuaj hnub no, peb tau hnov leej Pleev zaj lus qhia peb lawm. Kom peb ua Nws cov Thwj Tim thiab tim kawv zoo. Ntuj awb...

Yaj Zoov Ntxheb X. H.

Cov zaj nyeem yog ntawv Hauj Lwm, { 2: 1-17.} 1 Kos Lis Nthos, { 12:3-13.} thiab Zam ntawv Moo Zoo, { 20:19-23.} Hais tias:
Leej Tswv Yim Ntshiab yog tus tuaj tshoj, kom sawv daws paub tias: Yam twg yog zoo thiab yog phem. Leej Tswv Yim yog tus pab kom sawv daws txawj ua nyias txoj hauj lwm nyob hauv lub Koom Txoos.
Leej Tswv Yim Ntshiab zoo li cua thiab hluav taws, Nws ua kom neeg lub siab muaj zog. Thiab kub los pom kev tuaj, thaum Leej Ntuj Plig nqes los, Nws zoo li ib nthwv cua nrov nroo ntws.
Xws li ib nthwv cuaj loj ua ncha tas lub tsev uas cov Thwj Tim nyob. Cov Thwj Tim pom ib tug Nplaim loj tawm los zoo li tus Nplaim taws.
Tus Nplaim ntawd faib ua ntau tus tuaj poob saum cov Thwj Tim taub hau txhua nrho. Ces lawv pib hais tej xeem lus tshiab raws li Leej Tswv Yim qhia lawv hais.
Hnub ntawd kuj muaj ib cov neeg teev Ntuj nyob thoob qab ntuj khwb tuaj nyob ntawd. Lawv hnov lub suab nrov ncha ntws ntawd.
Ces lawv khiav tuaj xyuas cov Thwj Tim, Ces lawv hnov cov Thwj Tim hais lawv hom lus, los cav txog Tswv Ntuj cov hwj huam.
Lawv pib hais tias, ua cas peb yog ntau haiv neeg, peb hnov lawv hais peb cov lus cav txog Tswv Ntuj siab zoo ua cov hwj huam cawm lub ntiaj teb neeg.
Yog Leej Tswv Yim Ntshiab lub hwj huam qhib lawv lub ncauj hais tej lus ntawd. Cov neeg ntawd lawv muaj 3000 tawm leej
Leej Tswv Yim Ntshiab tsis qhib ib tug neeg twg, kom hais tias, Yes Xus ib ib tug neeg phem. Hnub ntawd, Leej Tswv Yim Ntshiab coj ntau lub txiaj ntsim tuaj nyob rau hauv lub Sim Ceeb no:
Yog Leej Tswv Yim Ntshiab saib tas nrho cov txiaj ntsim ntawd. Nws yog tus faib thiab ua hauj lwm nrog tas tsoom neeg thoob tsib.
Yam li ib txhia Leej Tswv Yim Ntshiab pub kom lawv tawj pab luag tej. Ib txhia pub kom lawv ua neeg thoob tsib thiab txawj ntse.
Hos ib txhiab Nws pub kom lawv txhawj kho mob nkeeg, ib txhia Nws pub kom lawv txawj ua hwj huam yees ntxwv. Ib txhia Nws pub kom lawv mem tau tias, yog dab qhia los Ntuj qhia......
Ua li mas cov neeg ntseeg peb yuav sib raug zoo nyob hauv Leej Tswv Yim. Leej Tswv Yim tau qhia peb ib leeg txawv ib leeg me ntsis.
Vim Thaum Leej tswv Yim qhia koj kuv tsis nyob ntawd, Los Nws qhia kuv koj tsis hnov. Vim nyias muaj nyias teeb meem tsis sib thooj.
Peb thiaj yuav sib raug zoo nyob hauv Leej Tswv Yim Ntshiab. Amen.

ZAJ THOV NTUJ.
1. Peb thov Ntuj rau lub Koom Txoos, Kom Leej Tswv Yim Ntshiab coj txhua tus neeg cav txog Tswv Ntuj lub Koob Meej mus thoob qab ntuj khwb. Ntuj awb...
2. Peb thov Ntuj rau cov Nom Tswv kav teb chaws, Kom lawv sib haum xeeb los ua Tswv Ntuj cov Tiam lis dawb huv. Lub ntiaj teb thiaj tau nyob thaj yeeb. Ntuj awb...
3. Peb thov Ntuj rau cov neeg txom nyem, kom lawv muaj zog tiv kev iab kev khwv hauv lawv kev tom nyem. Ntuj awb...
4. Peb thov Ntuj rau cov pab neeg lawv ntseeg txog Yes Xus lub npe, uas ntseeg tau yuam kev raws ib co Tim tswv muab hlob qhia rau lawv. Ntuj awb...
5. Peb thov Ntuj rau cov tuaj hnub no, kom peb mloog thiab ua tau cov hauj lwm Leej Ntuj Plig qhia peb ua. txhob coj li tus neeg ntseeg yuam kev. Ntuj awb...

Yaj Zoov Ntxheb X.H.

Cov Zaj nyeem muaj ntawv Kev Tsiv,{34:4-6+8-9.} 2 Kos Lis Nthos,[ 13:11-13.} thiab Zam,{3:16-18.} Hais tias:
Peb tus Huab Tais Tswv Ntuj yog tus Huab Tais txawj hlub lub ntiaj teb neeg. Nws thiaj tso Nws Leej Tub tuaj pab lub ntiaj teb. Peb yuav zoo siab nyob kaj lug hauv Peb Leeg Huab Tais.
Tswv Ntuj yog Tus Huab Tais txawj hlub neeg, Nws tsis yog tus Huab Tais tuaj qhia txoj cai nruj, nruj rau neeg.
Thaum Tswv Ntuj tuaj qhia Ntuj 10 lo lus rau Mais Xes. Mas Nws ua zoo li ib twv Huab tuaj nrog Mais Xes nyob. Ces Mais Xes tuav ob daim txiag Zeb,Nws hu txog Tswv Ntuj lub npe.
Ces Tswv Ntuj hla nyob ntawm Mais Xes xub ntiag, Huab Tais lub suab nrov tuaj, hais rau Mais Xes tias:
Yog Tswv Ntuj, Yog Tswv Ntuj, Tus Tswv Ntuj siab zoo, khuv leej neeg. Yog Tus Tswv Ntuj Npau Taws Qeeb, Nws Pub Paj Tshab Ntau. Nws Tsis Fav Xeeb, Nws Faib Txiaj Ntsim rau Txhiab, Txhiab Pua Vam Leej.
Mais Xes thov Huab Tais tias, yog koj pom koj Haiv neeg zoo, mas thov koj nrog nraim peb. Vim peb yog ib Haiv Neeg caj qwb txhav, Koj zam txim rau peb.
Ua li mas,kwv tij peb yeej meem muab siab rau, ua neeg zoo kom tiav. Peb thiaj tau nyob kaj lug hauv Tswv Ntuj kev thaj yeeb.
Peb yuav rov sib Foom lus zoo rau peb txhua tus neeg uas Tswv Ntuj nyiam. Vim tias Tswv Ntuj nyiam lub Sim Ceeb kawg.
Nws thiaj tso Nws Leej Tub nqes los yuav lub cev neeg, kom xwv tus ntseeg txog Nws tsis tuag, tus ntawd, yuav muaj txoj sia nyob mus li.
Tswv Ntuj tsis tau xa Nws Leej Tub tuaj ua tus txiav txim, tus tsis ntseeg mas nws twb raug txim lawm. Vim txoj kev ntseeg thiab kev Cawm los ntawm Tswv Ntuj Leej Tub los. Amen.

ZAJ THOV NTUJ.
1. Peb thov Ntuj rau lub Koom Txoos, Kom cov neeg ntseeg txog Tswv Ntuj Leej Tub. Lawv sawv daws muaj Ntuj txoj kev hlub nrog lub Sim Ceeb no nyob. Ntuj awb...
2. Peb thov Ntuj rau co Nom Tswv kav teb chaws, Tswv Ntuj tau khuv leej lub Sim Ceeb no heev. Kom cov Nom Tswv txhob nrhiav kev ua tsov rog, Kom S.D tau nyob thaj yeeb. Ntuj Awb...
3. Peb Thov Ntuj rau cov neeg txom nyem, kom Sawv daws paub tias, Tswv Ntuj tsis yog tus yuav txiav txim rau neeg ntiaj teb. Kom lawv muaj kev tso siab rau Ntuj. Ntuj awb...
4. Peb thov Ntuj rau tas nrho, cov ntseeg txog Yes Xus lub npe. Kom txhob ntseeg yuam kev, tsis musj kev zwm rau peb leeg Huab Tais zoo. Ntuj awb...
5. Peb thov Ntuj rau peb cov tuaj hnub no, kom peb txawj sib nyiam sib hlub nyob hauv Peb Leeg Huab Tais. Li Leej Txiv Leej Tub thiab Leej Ntuj Plig lawv sib hlub. Ntuj awb...


Yaj Zoov Ntxheb X.H.

Cov zaj nyeem hnub no yog ntawv Phau Tsib, { 8: 2-3+14-15.} 1 Kos Lis Nthos,{ 10:16-17.} Zam ntawv Moo Zoo, {51-58.} Hais tias:
Lub Cim yug pub txoj sia rau peb, Peb yuav rau siab niaj hnub mus txais lub Cim Yug. Peb thiaj nyob ruaj rau txoj kev ntseeg.
Lub Cim Yug yog lub Cim tshaj tias, Peb cov ntseeg sib koom siab nyob hauv Yes Xus. Kuj zoo li tias Peb noj cov mov pab peb hla lub ntiaj teb, kom peb muaj zog tiv txhua yam xwv txheej thaum peb tab tom hla lub ntiaj teb no.
Zoo li cov His Xas Lais noj cov mov Mas Nas ntev li 40 tawm xyoo, kom lawv hla dhau lub teb chaws suab puam mus.
Thiab muaj ib yam, uas Tswv Ntuj xav qhia peb tias, neeg mas tsis kawg yuav mov los yug siav xwb. Peb yuav nco ntsoov tias, Tswv Ntuj coj peb tawm ntawm kev ua txhaum los kom txhob raug kev tuag.
Xws li Ntuj coj Tsoom His Xas Lais tawm hauv lub teb chaws ua qhev los. Txoj kev hla lub ntiaj teb no, mas kuj zoo li hla teb chaws suab puam.
Muaj ntau yam xwv txheej, tsis muaj mov noj, tsis muaj dej haus. lub teb chaws muaj nab muaj laum kiav tshooj ntau, ua xwv txheej rau cov His Xais lais ntawd ntau kawg,
Nyiam no hais txog lub ntim Foom hmoov zoo, yog lub Cim cav lus zoo txog peb kev, los npuab Leej Pleev cov Ntshav. Lub ncuav mov, kuj yog ib lub Cim ua kom peb npuab Leej Pleev lub cev.
Vim yog tib co mov no xwb, peb sawv daws koom ua tau ib lub cev nyob hauv Leej Pleev. Yes Xus tau hais lo lus no, nyob hauv lub Nroog Kas Fas Naus tias:
Kuv Yog Cov Mov Nqes Saum Ntuj Los, Leej Twg Noj Cov Mov No. Leej Twg Muaj Txoj Sia Nyob Mus Li. Cov Mov Ua Kom Lub Sim Ceeb Muaj Txoj Sia,Yog Kuv Lub Cev.
Yes Xus Rov Hais Kom Meej dua Ib Zaug Ntxiv Tias:
Yog Nej Tsis Noj Leej Neeg Tus Tub lub Cev, Thiab Haus Nws Cov Ntshav. Mas Nej Yuav Tsis Muaj Txoj Sia nyob hauv Nej.
Kuv Lub Cev Yog Ib Hom Txhiam Xws zoo Noj Tiag, Kuv Cov Ntshav Kuj Yog Ib Yam zoo Haus. Tus Noj Kuv Lub Cev Thiab Haus Kuv Cov Ntshav, Mas Kuv Yuav Nyob Txawm Hauv Nws Thiab Nws Kuj yuav nyob txawm Hauv Kuv.
Leej Txiv Uas Nws Muaj Txoj Sia, Xa Kuv tuaj,Ces Kuv Thiaj Muaj Txoj Sia tuaj Ntawm Leej Txiv Tuaj. Tus Noj Kuv Lub Cev Ces Nws Yuav Muaj Txoj Sia tuaj Ntawm Kuv tuaj Rau Nws. Amen.

ZAJ THOV NTUJ.

1. Peb thov Ntuj rau Lub Koom Txoos,Kom cov Ntseeg muab siab rau npuab Leej Pleev lub cev thiab Nws cov Ntshav. Kom tau txoj sia tuaj Ntawm Leej Pleev tuaj. Ntuj Awb...

2. Peb thov Ntuj rau cov Nom Tswv kav teb chaws, Kom lawv pom tias Leej Pleev yog Lawv tus Thawj Tuam Vaj. Kom lawv muaj ib siab hlub neeg. Ntuj awb...
4. Peb thov Ntuj rau cov ntseeg Leej Pleev lub npe uas tsis muaj lub Cim Yug ua raws li Leej Pleev qhia. Leej Tswv Yim Ntshiab Thov Koj coj lawv los zwm rau Leej Pleev lub Cim Yug Pub Txoj Sia no. Ntuj awb...

5. Peb thov Ntuj rau cov tuaj hnub no,kom peb ntseeg thiab npuab Leej Pleev lub cev,kom peb tau koom nrog Leej Pleev koom ua ib cuab neeg Ntxim rau Tswv Ntuj nyiam thiab hlub. Ntuj awb....

Yaj Zoov Ntxhev X.H.

Hnub no peb nyob hauv hnub chiv 12 nruab xyoo. Cov zaj nyeem muaj,Yes Les Mias, {20:10-13.} Los Mas, {5:12-15.} Thiab Mas Tais, {10: 26-33.} Hais tias:
Tswv Ntuj lub txiaj ntsim, muaj zog dua tas ntiaj teb neeg cov txhaum. Txhua tus neeg ntseeg yuav txhob ntshai kev tshaj Ntuj lus thiab kev ntseeg txog Yes Xus.
Yes Xus thiaj cev tau, Peb sawv daws lub siab ntseeg rau Leej Txiv. Vim peb ntseeg thiab qhia txoj kev ncaj ncees rau ntiaj teb neeg.
Tswv Ntuj yuav pov hwm peb kom yeej kev haub kev ntxias, tuaj ntawm cov ncauj nplaig tsiv tsaim xws li tawm ntawm ncauj zag tsov lo los.
Tswv Ntuj xub ceeb toom ua ntej tias, yuav muaj neeg hem cov tub tshaj Ntuj lus tias. Luag yuav saib cov xwv txheej yuav tuaj raug Ntuj cov tub tshaj lus, saib lawv yuav tiv tau li cas!
Luag tseem yuav txaus siab thiab coj mus qhia rau tej Nom Tswv txiav txim paub tias. Nws yuav muaj peev xwm mus txog thaum twg.
Cov neeg ntseeg uas yog Tswv Ntuj lo lus tim khawv, nej tso siab. Tswv Ntuj lub peev xwm muaj zog, Yuav maj mam tuaj li tus dab ntub, ua kom cov neeg tsaug zog.
Tsis muaj caij sawv los tawm tsam tias, Tswv Ntuj yog ib tug Huab Tais phem. Kom Ntuj tsoom tub ki qaug zog mus.
Ntiaj teb neeg txoj kev ua tim khawv cuav, yog vim tuaj ntawm tib tug neeg tau mloog mloog Dab phem tuaj. Ces kev ua txhaum, thiaj tau coj kev tuag tuaj.
Ces kev ua txhaum thiaj tau nphav tas nrho, ib tsoom neeg kom tau tuag. Vim neeg sawv daws nyiam kev ua txhaum ntau.
Lub Txiaj Ntsim thiab kev ua txhaum, tsis loj sib npaug! Vin tib tug neeg ua txhaum ntawd, mas kev ua txhaum thiaj coj txoj kev tuag tuaj raug rau neeg.
Hos Tswv Ntuj lub txiaj Ntsim pub Paj Tshab nyob hauv Yes Xus, mas haj yam ntsws ntau dua los rau neeg. Lub txiaj ntsim tau rhuav kev tuag pov tseg, kom neeg cov Ntsuj Plig tau rov muaj txiaj sia nyob.
Nyiam no Tswv Ntuj lub txiaj Ntsim pub paj tshab tuaj nyob Yaj Ceeb no lawm. Mas yuav tsis muaj ib yam npog nrees uas yuav tsis qhib los.
Kuj yuav tsis muaj ib yam zais ntshis uas yuav tsis tawm los rau neeg paub li. Tswv Ntuj los lus uas thaud, Nws tau tshaj rau neeg pob ntseg hnov nruab hmo ntuj.
Mas nyem no yuav muab tshaj rau saum ru tsev, kom neeg tau hnov thoob plaws. Yam uas tau tshaj rau nruab hmo ntuj.
Mas yuav muab tshaj rau nruab hnub nrig. Nej txhob ntshais tus tua tau neeg lub cev. Nws yuav tua tsis tau tus Ntsuj plig kom tuag mus.
Tswv Ntuj, mas Nws hais lus tseeb, Ntuj yuav kho ib yam twg, mas tab yog Ntuj siv li 100 xyoo los kho. Mas zoo ib ib feeb xwb Ntuj twb kho tiav log lawm.
Vim tswv Ntuj yog tus nyob mus li, Hos peb Leej tib neeg, mas yog leej twg yuav kho, los hloov siab los ntseeg kom ti txha. mas yuav hloov tam sim no, los hnub no mus.
Txhob tos tag kis los lwm xyoo mam li hloov, Ib tsam thiab tag kis, los lwm xyoo. Tsam koj tsis muaj caij, tig los ua neeg nyiam Tswv Ntuj lawm.
Tus ntxov hloov, sai npaum li cas mas nws yuav zoo siab, npaum li ntawd. Tus yuav tos tag kis ces, yog kev lig, ces nws yuav muaj chaw khuv xim tas ib sim. Amen.

ZAJ THOV NTUJ.
1. Peb thov Ntuj rau lub Koom Txoos, Kom txhua tus muaj kev tso siab rau Lub txiaj Ntsim pub Paj Tshab nyob hauv Yes Xus. Kom ib tsoom Ntsuj plig tau muaj txoj sia nyob mus li. Ntuj awb...
2. Peb thov Ntuj rau Cov Nom Tswv kab teb chaws. Kom lawv txawj nyiam Tswv Ntuj. Txhob nyiam ua tim khawv cuav ua rau ntiaj teb nyob tsis thaj yeeb. Ntuj awb...
3. Peb Thov Ntuj rau cov neeg txom nyem....thiab cov sau npe qhia rau Ntuj paub hnub no kom Ntuj pov hwm lawv thiab mloog lawv zaj lus thov. NTuj awb...
4. Peb thov Ntuj rau yam uas peb paub uas yog teeb meem rau neeg ntiaj teb.... Ntuj awb...
5. Peb thov Ntuj rau peb cov tuaj hnub no peb tau hnov Ntuj lo lus coj peb lub siab. kom peb kav tsij hloov siab tam sim no mus raws Ntuj lub txiaj Ntsim pub paj tshab. Ntuj awb...

Yaj Zoov Ntxheb Xib Hwb.

Hnub no peb nyob hauv hnub Chiv 13,cov zaj nyeem muaj,ntawv 2 Vaj,{ 4:8-11+14-16.} Los Mas, {6:3-4+8-11.} thiab MaS Tais,{10: 37-42.} Hais tias:
Tus nyiam Yes Xus, mas nws yuav tsa Yes Xus ua tus thawj saum puas tsav yam ua ntej tib si. Nws yuav nyiam Yes Xus dua kev nyiam lwm tus, nws kuj yuav nyiam Yes Xus dua nyiam nws txoj sia.
Vim peb txais lub Cim Ntxuav nyob hauv Yes Xus lub npe. Ces peb nrog Yes Xus muaj txoj sia, yog peb txawj nyiam Yes Xus. Mas peb lub siab nyiam npuab kev ua txhaum tuag mus.
Ces txoj sia yuav sawv los ua tus Tswv, kav tus Ntsuj Plig ciaj nyob mus li xws li Yes Xus. Zoo li cov ntawv piav tus Yaj Saub Es Lis Xais uas tus poj niam nyob Xws Nes.
Nws tau ua zoo thiab cav txog Tswv Ntuj tus Yaj Saub, Ces Tswv Ntuj tau pub tub ki rau nws. Muaj ib zaug, Es Lis Xais mus so hauv lub zos Xws Nes.
Tus poj niam nto moo ntawd tuaj tos Es Lis Xais mus noj mov. Nws hais rau nws tus txiv tias, koj saib tus neeg tuaj ntawd. Nws yog Tswv Ntuj ib tug neeg siab ntshiab.
Cia wb ua ib kem tsev me rau saum ru tsev nws tuaj nws tau so, Es Lis Xais hla kev zaum twg, mas nws mus so nyob hauv nkawd tsev.
Es Lis Xais rov tuaj nkawd caw nws mus pw saum kem tsev siab saud. Es Lis Xais pom tias tus poj niam ntawd tau ua zoo rau nws.
Es Lis Xais yuav pub paj tshab dab tsi rau nws! Nws tso tus tub txib mus, tus tub txib rov los nws hais tias tus poj niam ntawd tsis muaj tub ki, nws tus txiv kuj laus lawm.
Ces Es Lis Xais tso tus tub txib mus caw tus poj niam tuaj sawv ntawm qhov rooj, Es Lis Xais hais tias Lwm xyoo txog lub caij no koj yuav tau puag ib tug tub.
Tus poj niam ntawd teb tias. Huab Tais koj lam tso dag rau koj tus ntxhais txib xwb os! Rov txog lub caij Es Lis Xais hais ces tus poj niam ntawd, yug tau nws tus tub los tiag.
Lub Koom Txoos tshaj txog lub Cim Ntxuav, nyob hauv Yes Xus lub npe. Lub Cim Ntxuav uas lub Koom Txoos tshaj tawm, yog Yes Xus txoj kev tuag.
Li ntawd, cov neeg ntseeg txais lub Cim Ntxuav. Lawv nrog Yes Xus tuag thiab nrog Yes Xus sawv rov los. qhov ntawd yog Tswv Ntuj xav hais txog peb tus ntsuj Plig rov nrog Yes Xus muaj txoj sia nyob mus li.
Yes Xus tuag ib zaug kom Nws tau sawv rov los, kom tau txhiv peb cov ntsuj Plig muaj sia nyob li Yes Xus. Yog peb lub cev txhob yuam kom peb tus ntsuj Plig mus ua kev txhaum.
Mas peb cov ntsuj plig yuav sawv rov los thiab coj peb lub cev ua neeg ntshiab huv nyob nrog tus ntsuj plig. Vim Yes Xus tau txhiv cov Ntsuj Plig nyob hauv kev tuag kom muaj txoj sia nyob nrog lub cev nqaij rau yav tom ntej.
Yes Xus thiaj hais tias, tus nws nyiam nws niam nws txiv los nws tej tub ki dua kuv. Mas nws tsis tsim nyog nrog kuv, tus nws nrhiav ntsib tau tus ntsuj Plig txoj sia.
Mas nws yuav ua nws txoj sia ntawm nws lub cev nqaij ploj mus, mas nws nrhia tau txoj sia tseeb tiag. Yes Xus mam hais ntxiv tias,tus twg txais nej, ces yog nws txais kuv.
Hos nej txais luag tej leej twg, kuj yog txais kuv. Tus txais kuv, mas nws txais tus xa kuv tuaj. Tus txais ib tug me nyuam pub ib pas dej txiag rau haus kuj yog txais kuv.
Cov neeg ntseeg uas txais lub Cim Ntxuav lawd, yuav hwm lub Cim Ntxuav ntawd. Tus txais ib tug Yaj Saub, mas nws yeej yog neeg Yaj saub. Amen.

ZAJ THOV NTUJ.
1. Peb thov Ntuj rau lub Koom Txoos, kom txhua phiaj neeg ntseeg txawj tsa Yes Xus ua lawv tus thawj neeg thiab nyiam Yes Xus tshaj txhua yam. Ntuj awb....
2. Peb thov Ntuj rau cov Nom Tswv kav teb chaws, vim muaj cov neeg txais lub Cim Ntxuav nyob hauv txhua lub teb chaws, kom tej nom tswv tsim kev thaj yeeb. Ntuj awb...
3. Peb thov Ntuj rau cov neeg txom nyem... Ntuj awb...
4. peb thov Ntuj rau yam uas peb paub nyob ib ncig peb... Ntuaj awb....
5. peb thov Ntuj rau peb cov tuaj hnub no, peb tau hnov Ntuj cov lus pub txoj sia nyob hauv lub Cim Ntxuav kom peb txawj ua raws nraim li cov lus Yes Xus tau qhia rau peb. Txais cov txheeb ze. Ntuj awb...


Yaj Zoov Ntxheb Xib Hwb.

Hnub no peb nyob hauv hnub Chiv 14, cov zaj nyeem, yog ntawv Ntxas Kas Lias,{ 9:9=10.} Los Mas,{8:9+11-13. thiab Mas Tais,{11:25-30.} Hais tias:
Yes Xus hu cov neeg me tsis muab hlob tsis paub txuj los ua Yes Xus cov Thwj Tim. Nws qhia Leej Txiv cov txuj rau lawv paub thiab Nws pub Leej Txiv lub zog rau lawv txais.
Lawv thiaj txwj tiv lawv lub siab nyiam ua phem, vim lawv ua siab loj mloog Leej Tswv Yim Ntshiab mus txog hnub kawg.
Vim lawv nyiam mloog Yes Xus kev thaj yeeb, uas peb niaj hnub tshaj, rau zeej tsoom neeg nyob ntiaj teb no. Tswv Ntuj hais Nws cov lus rau cov neeg nyob ntiaj teb no, xws li Nws hais rau cov neeg nyob hauv lub Tsheej Xis yoos tias:
Yes Lus Xas Les,Nej yuav ua tej pab neeg lom zem qw suab, zoo siab moog! Nej tus Vaj tuaj txog nej lawm, Nws yog tus Vaj tsis muab hlob siab ncaj.
Nws yuav rhuav cov neeg muab hlob tej tsheb ua rog pov tseg. Nws ceeb toom rau txhua Haiv neeg, kom muab rab hneev ua rog rhuav pov tseg.
Txij nyem no mus nws yuav kav lub Sim Ceeb no, txij ntug Hiav txwv mus txog npoo ntiaj teb kawg. Nej yuav nrhiav kev los nyob hauv Leej Tswv Yim Ntshiab.
Uas yog tus ib txwm Tswv Ntuj yeej npaj cia tuaj nyob txawm hauv nej. Tus neeg uas tsis muaj Leej Pleev lub Tswv Yim nyob hauv nws.
Mas nws tsis yog leej Pleev tug, Lub Tswv Yim nyob hauv Leej Pleev, kuj yog tus tau Tsa Leej Pleev sawv hauv cov tub tuag rov los.
Nws lub Tswv Yim nyob txawm hauv nej, Nws yog tus ua kom lub cev rov muaj txoj sia los nrog tus Ntsuj plig nyob, Kom muaj txoj sia, sib txuas los sib dhos tau ua ke.
Kwv Tij cov neeg ntseeg, mas lawv tshuav ib yam nuj nqes loj. Uas tsis yog lub cev li nuj nqes. Peb yuav txhob ua neej mloog nraim lub cev, cov neeg uas lawv vam txoj Leej Tswv Yim muab lub cev, cov nuj nqes rhuav, mas lawv yuav muaj txoj sia nyob mus li.
Yog lo lus uas Yes Xus ua Tswv Ntuj tsaug, Nws hais tias, Txiv kuv ua koj tsaug. Vim koj yog tsus Tswv Ntuj Tswv teb, Koj tau zais cov lus tseem ceeb no, rau cov neeg txawj neeg ntse.
Koj tau qhiab rau cov me nyuam neeg tsis muab hlob. Thiab tsis muaj leej twg paub Leej Tub. Tsuas yog Leej Txiv thiaj paub Nws Leej Tub.
Kuj tsis muaj Leej twg paub Leej Txiv, tsuas yog Leej Tub thiaj paub Leej Txiv xwb. Thiab tus uas Leej Tub pom zoo qhias rau nws paub, ms nws thiaj paub.
Nej cov neeg me uas nej ris kev iab kev khwv, nej tuaj cuag kuv mas! Kuv siab zoo thiab kuv tsis muab hlob, nej yuav tau so los siav. Amen.

ZAJ THOV NTUJ.
1. Peb thov Ntuj rau Lub Koom Txoos....
2. Pev thov Ntuj rau cov Nom Tswv kav teb chaws...
3. peb thov Ntuj rau cov neeg txom nyem...
4. Peb thov Ntuj rau tej yam peb paub nyob ib ncig peb uas yog xwv txheej....
5. Peb thov Ntuj rau peb cov tuaj hnub no peb tau hnov Tswv Ntuj tej lus qhuab qhia. thov kom peb txawj yoog kom haum li Twv Ntuj nyiam. Ntuj awb...


Yaj Zoov Ntxheb Xib Hwb.

Hnub no peb nyob hauv hnub chiv15 lub caij nruab xyoo. Cov zaj nyeem yog ntawv His Xais, { 55:10-11,} Los Mas, {8:18-23.} thiab Mas Tais,{ 13:1-23.} Hais tias:

Tswv Ntuj lo lus uas cov tub tshaj Ntuj lus cev rau tsoom ntseeg. Yog zoo i cov noob nplej, uas tus tswv teb tseb,rau hauv nws dim teb. Qee lub txi tsis tau txiv, qee lub thiaj txi txiv zoo.
Li ntawd, peb thiaj pom lub ntiaj teb muaj kev txom nyem, muaj ntau leej mus zwm rau kev tuag. Peb yuav tso siab tias, txoj kev txom nyem ntawd, yog ib txoj kev uas lub ntiaj teb rov yug los dua tshiab.
Yog Tswv Ntuj ib txoj kev, ua hauj lwm nyob hauv neeg nruab siab. Kuj yog vim muaj neeg ntseeg, mas Tswv Ntuj thiaj txib neeg, tshaj Nws tej lus rau tsoom sid.
Tswv Ntuj cov lus tau hais tias:
Cov nag cov lwg tau poob saum ntuj los ywg lub ntiaj teb tas, ces cov nag ua kom lub ntiaj teb txi txiv tso. Cov nag mam rov mus lawm saum ntuj.
Tswv Ntuj cov lus, yuav tawm ntawm neeg lub ncauj los, ua kom neeg zoo tas. Ces cov lus kuj yuav mus lawm saum ntuj.
Thaum cov lus, ua Tswv Ntuj txoj hauj lwm tiav lawm, Tswv Ntuj kuj yuav sau cov lus mus cia tseg ua pov thawj. Kom neeg pom tias cov kev txom nyem, uas neeg ris nyob ntiaj teb no.
Yuav muab lo rau lub hwj chim nyob saum ntuj, uas tawm ntawm neeg kev ua zoo tas txhua yam los, rau pom xyeem.
Tas txhua yam uas Ntuj tau tsim los lawv tos ntshis lub hwj chim ntawd. Thaum neeg pom neeg lub hwj chim ntawd, neeg yuav zoo siab tias.
Vim Muaj Tswv Ntuj cov lus ntawd, thiaj ua kom neeg dim ntawm, txoj kev ploj tuag los. Yog cov tso siab thiaj li coj tau neeg mus cuag lub hwj chim.
Nco ntsoov cov neeg ntseeg, peb muaj Leej Tswv Yim Ntshiab lub txiaj ntsim ntawd. Pab peb txhiv peb lub cev nrog tus ntsuj plig los txais lub hwj chim ntawd.
Zooli Yes Xus cov lus, uas Nws tau qhia tias, neeg yog zoo li cov noob nplej. Uas tus Tswv coj mus tseb rau hauv nws daim teb.
Muaj ntau yam xwv txheej, raug cov noob nplej. Yam li:
Cov noob poob rau saum kev, noog los muab khaws tas lawm. Cov poob rau saum pob zeb los poob rau tej koog pos, tsis muaj av tuab thiab pos muab laum ces kuj tuag tas.
Cov poob rau hauv qhov muaj av tuab, lawv hlob tuaj qee tsob txi txiv tsawg, qee tsob txi txiv ncw ncw. nyob hauv cov neeg ntseeg.
Mas peb zoo li Yes Xus tau hais no lawm. Qee leej lawv tsis ntseeg, qee leej lawv ntseeg, tab sis, lawv ntseeg ua xyem xyav ib ntus ces lawv tso pov tseg.
Cov no yog cov poob rau ntawm kev, los poob rau saum cov pob zeb thiab poob rau tej koog pos, hos cov poob rau hauv qhov muaj av zoo. qee leej lawv txi txiv tsawg, qee leej lawv txi txiv ncw ncw.
Yam li, qee leej lawv kub siab tiag, hos qee leej tsis kub siab. Lawv lam caum luag tej xwb, ces thiaj muaj ib co txi txiv ncw, hos ib co txi txiv tsis ncw.
Cov no yog cov noob nplej zoo uas tus tswv yuav sau lawv mus cia rau hauv lub txhab nplej. lawv yuav mus raws li cov nag cov lwg, los ywg lub ntiaj teb tas, ces lawv nce mus zwm rau lub hwj chim.
Hnub ntawd lawv yuav pom tseeb tias lawv kev iab kev txom nyej uas lawv tau tiv nyob ntiaj teb no, mas tsis nkim zog. Amen.


ZAJ THOV NTUJ.
1. Peb thov Ntuj rau lub Koom Txoos, kom cov tub tshaj Ntuj lus lawv yog cov tseem noob zoo txi txiv ncw ncw. Uas yog tus Tswv teb tuaj Ntuj awb...
2. Peb thov Ntuj rau cov Nom Tswv Kav teb chaws, kom txbob ua tej koog pos tuab tuaj lawm cov yub nplej kom sawv daws hlob taus. Ntuj awb...
3. Peb thov Ntuj rau cov neeg txom nyem,.. Cov sau npe rau Tswv Ntuj thov kom Tswv Ntuj daws S.D. tej teeb meem. Ntuj awb...
4. Peb thov Ntuj rau yam ub no uas tshwm sim tuaj...
5. Peb thov Ntuj rau cov tuaj hnub no, Kom peb txawj xaiv thaj av zoo thiab txi txiv ncw ncw. Ntuj awb...Y.Z.N.

Hnub no peb nyob hauv hnub chiv 16 nruab xyoo. Cov zaj lus muaj, ntawv thoob tsib,{12:13+16-19.} Los Mas,{8:26-27.} thiab Mas Tais,{ 13:24-43.} Hais tias:
Niaj hnub peb pom tej yam phem thiab tej yam zoo nyob ua ke, los nyob ncig peb. Peb yuav tso siab tias, qhov kawg yog Tswv Ntuj lo lus yuav yeej.
Yog peb ntsia lub ntiaj teb xwb, mas peb tsis to taub tias, Tswv Ntuj coj lub ntiaj teb no mus zoo li cas thiab yuav mus txog qhov twg!
Peb yuav tso siab tias, Leej Tswv Yim Ntshiab yuav pab teb thov thiab ua kom coj haum haum Tswv Ntuj siab. Tswv Ntuj muaj lub peev xwm loj kawg, thiab Nws siab zoo.
Ntuj tsis yuam leej twg, Ntuj nyiam zam rau txhua tus neeg thiab pab neeg tig los yuav lub siab tshiab. Tswv Ntuj siab zoo thiab nws txiav txim ncaj.
Tswv Ntuj yog tus Vaj kav tas txhua yam thiab hlub sawv daws. Peb neeg ntiaj teb yuav txhob thuam thiab txhob hla Tswv Ntuj lus. tsam neeg tau ntog li uas muaj dab tsi muab neeg qhau kom ntog.
Tab yog cov neeg ua txhaum mas Tswv Ntuj tsis txiav txim hnyav rau lawv. Tswv Ntuj ua Vaj kav neeg ntiaj teb, los Ntuj tsis tswj kom nruj nruj.
Ntuj saib yam twg mas Ntuj lub peev xwm muaj zog ua kom tau. Tab yog ib tug neeg txhaum tsis kam swb, los Ntuj tig tau kom nws ncaj tuaj, yuav lub siab tshiab tau.
Hos tus neeg mloog lus, tsis muaj zog los Leej Tswv Yim Ntshib yuav pab tau kom nws muaj zog cuag li yog Xob Leej tub.
Vim Leej Tswv Yim Ntshiab tsom tau hauv neeg nruab siab. Nws yuav pab thov kom Tswv Ntuj mloog tau tus tsis muaj zog lo lus thov. Kom ua haum Tswv Ntuj siab.
Yes Xus thiaj hais tias:
Ntuj lub Ceeb Tsheej zoo li tus neeg tseb nplej rau hauv nws daim teb. Tsaus ntuj lawm, tus yeeb Ncuab tuaj teb ib co noob nroj xyaw cov noob nplej.
Thaum nplej hlob tuaj thiab txhawv, nroj kuj nrog nplej hlob ua kev thiab txhawv. Thaum txog lub caij sau nplej. tus Tswv yuav xub sau cov nroj coj mus pav ua tej tes.
Yuav xub muab cov nroj hlawv rau hauv lub cub tawg ua ntej. mas sau cov nplej zoo mus cia.
Yes Xus kuj tseem hais ntxiv tias:
Ntuj lub Ceeb Tsheej kuj tseem zoo li ib lub noob zaub. Uas tus tswv muab tseb rau hauv nws daim teb. Yog ib lub noob me me, thaum nws hlob tuaj, nws loj dua txhua yam zaub.
Nws loj li ib sob ntoo, cov noog ya saum ntuj yuav los nkaum hauv nws qhov ntxoov ntawm nws cov ceg. Ntuj lub Ceeb Tsheej kuj zoo li cov poov xab.
Muab los nphoo rau cov hmoov nplej, ua kom cov hmoov nplej su tuaj thiab qab thawm thoob plaws. Tswv Ntuj cov lus yog peb txawj mloog, mas peb yuav hnov tshsaj tej yam nyob zais ntshis, los tsiv nraim txij thaum ntuj tsim teb raug los.
Cov neeg siab ncaj yuav nyob ci ntsa iab li lub hnub, tus muaj pob ntseg to qhov zoo yeej meem mloog kom tshab. Amen.

ZAJ THOV NTUJ.
1. Peb thov Ntuj rau lub Koom Txoos, Kom cov neeg ntseeg muaj kev tso siab, Vim muaj kev phem kev zoo nyob ua ke, Yog Tswv Ntuj lo lus thiaj yuav yeej tau. Ntuj awb...
2. Peb thov Ntuj rau cov Nom Tswv Kav teb xhaws,kom lawv txawj pom lub noob zaub uas hlob los loj dua li tsob ntoo, cia neeg los nkaum hauv lawv cov ceg qhov ntxoov. Ntuj awb...
3. Peb thov Ntuj rau cov neeg txom nyem... kom lawv tso siab tias Leej Tswv Yim Ntshiab yuav coj lawv thov tej yam kom haum Tswv Ntuj siab. Ntuj awb...
4. Peb thov Ntuj rau tej xwm tswm sim tuaj nyob ib ncig ntawm peb.... Ntuj awb...
5. Peb thov Ntuj rau cov tuaj hnub no, uas peb tau hnov Ntuj lo lus. kom peb pob ntseg to qhov thiab hnov Ntuj lo lus meej pem nyob peb nuab siab. Ntuj awb...


Yaj Zoov Ntxheb Xib Hwb.

Hnub no peb nyob hauv hnub chiv 17 A nruab xyoo. Cov zaj nyeem muaj ntawv 1 Vaj,{3:5+7-12.} Los Mas, {8:28-30.} thiab Mas Tais,{13:44-52.} hais tias:
A. Tus hnov Tswv Ntuj lo lus tseeb mas nws yuav saib Tswv Ntuj lo lus muaj nqes dua txhua yam.{44-46}
B. Nyob hauv cov neeg txais lub Cim Ntxuav, muaj qee leej tsis zoo xyaw cov neeg zoo. Txog hnub kawg Tswv Ntuj yuav xaiv cov neeg ntawd. {47-51}
Peb rov hais txog Tswv Ntuj lub Ceeb Tsheej, zoo li lub hub nyiaj. Uas luag muab zais rau hauv ib daim teb, tus neeg ua teb pom, ces nws muab zais dua ib qho chaw tshiab, nws zoo siab kawg.
Cov neeg uas Ntuj hu lawv los ua neeg ntseeg, mas Tswv Ntuj pab lawv tas zog, kom lawv txia tau ua Tswv Ntuj ib leeg tub los ib leeg ntxhais, zoo li Yes Xus uas yog Tswv Ntuj Leej tub kiag.
Tswv Ntuj yuav pub lub tswv yim thoob tsib li Ntuj pub rau tus Vaj Xas Los Moos. Muaj lub tswv yim thoob tsib txawj xav tom ntej tom qab.
Cov txawj thov li ntawd, mas Tswv Ntuj yuav mloog, vim lawv tsis thov kom tau nyob laus nkoos. Lawv thov tias, Tswv Ntuj tsa lawv ua tub txib leg Tswv Ntuj tes hauj lwm, mas kom Tswv Ntuj pub kev thoob tsib rau kom ua tau li Tswv Ntuj nyiam thiab raug Tswv Ntuj siab.
Vim Tswv Ntuj tus tub txib nyob nruab nrab ib npoj neeg coob uas yog Tswv Ntuj xaiv lawv los mloog Ntuj lus. Thov kom Ntuj muab lub siab txawj xav tom ntej tom qab rau tus tub txib uas Ntuj.
Kom Nws paub thiab pom tias yam twg yog zoo los phem. Tswv Ntuj pom zoo vim nws tsis thov kom tau nyob laus nkoos.
Thiab kom muaj nyiaj ua neeg nplua nuj, thiab txawj rhuav cov yeeb ncuab pov tseg. Ces Tswv Ntuj yuav pom pub, vim tsis muaj neeg thov yam zoo li hais no dua los.
Ib tug neeg ntseeg Ntuj zoo, mas nws yuav thov tej yam muaj zog los nres kom laub paub Tswv Ntuj zoo. Cov txawj thov li no, mas lawv thov yoog raws lis Yes Xus Pleev
Thiab cov uas Tswv Ntuj faib txoj hmoov rau, mas Tswv Ntuj hu lawv ua cov Tswv Ntuj xaiv. Mas Tswv Ntuj pab kom lawv ua neeg mcaj tuaj.
Cov uas Ntuj ua kom lawv ncaj tuaj, mas Ntuj kuj ua kom lawv muaj Hwj Chim, nyov hauv Tswv Ntuj lub Ceeb Tsheej.
Yes Xus thiaj hais txog hub nyiaj zais rau hauv daim teb. Tus neeg mus pom ntawd nws muab tas nrho nws lub cuab tam mus muag kom tau yuav daim teb ntawd los ua nws tug.
Ces nws yuav yog tus tub luam npua nuj muaj lub zoo pov haum nyob Ntuj Ceeb tsheej. Nws kuj yuav yog lub vas sua tau ntses ntau tshaj, nws kuj yog tus yub nplej txi txiv ncw dua cov nyob hauv Tswv Ntuj txhab nplej.
Nws yuav yog tus Thoob Xwm thau tau yam qub thiab yam tshiab ntawm nws lub cuab tam los. Yam tseem ceeb yuav ua pov thawj tseeb nws muaj txhua. Amen.

ZAJ THOV NTUJ.
1. peb thov Ntuj rau lub Koom Txoos, kom txhua tus paub Tswv Ntuj lo lus tseeb thiab saib Tswv Ntuj lo lus muaj nqes tshaj txhua yam. Ntuj awb...
2. Peb thov Ntuj rau cov Nom Tswv kav tej chaws, kom lawv txawj ua ib tug neeg zoo, nyob xyaw tsoom pej xeem thiab kom lawv yog tus Tswv Ntuj tau xaiv los ua thawj neeg. Ntuj awb...
3.eb thov Ntuj rau cov neeg txom nyem.... Kom lawv tej kev iab kev khwv tau coj lawv los ntsib Tswv Ntuj cov lus thoob tsib uas Ntuj txib tej tus neeg mus tshaj rau lawv hnov, kom lawv txawj tso kev txom nyem los rau NTuj pab. Ntuj awb...
4. Peb thob Ntuj rau cov neeg ntseeg yuam kev kom Leej Tswv Yim Ntshiab tsoj lawv los ua co Ntuj xai, kom lawv tau txais Ntuj cov paj tshab ua neeg ncaj ncees. Ntuj awb...
5. peb thob Ntuj rau cov tuaj hnub no, peb yog cov Ntuj Xaiv, thov kom Tswv Ntuj txuag peb nyob hauv kev ua tub nplua nuj siv peb lub cuab tam los muas tau daim teb nplua nuj los ua peb tug. Ntuj awb...


Yaj Zoov Ntxheb Xib Hwb.

Hais txog Tswv Ntuj kev hloov, los kho kom zoo dua tuaj nrog txhua yam, kev sib raug zoo.
Hnub no cov zaj nyeem muaj, ntawv His Xais,{55: 1-3.} Tsab ntawv Los Mas, { 8:35+37-39.} Thiab Mas Tais, {14:13-21.} hais tias:
Yes Xus yog tus pab kom neeg ntiaj teb, txawj hloov siab, thiab tuav tau tus Ntsuj Plig loj hlob tuaj. Nyob hauv Tswv Ntuj kev nyiam kev hlub, kom lub cev tau noj qab nyob zoo.
Niaj hnub no, Yes Xus tseem vam txog Cov Thwj Tim. Zoo li lub Koom Txoos, cov Tswv Qhia, tsoom Leej Choj thiab cov tub tshaj Ntuj lus. Pab hloov thiab yug sawv sawv daws los raws li, Tswv Ntuj kev hloov txhua yam kom zoo tuaj.
Yuav tsis muaj dab tsi ua tau, kom tus neeg Tswv Ntuj hloov thiab yug los ntawd. ncaim tau ntawm Tswv Ntuj mus, Yog koj tus kheej, yuav xav hloov nws mus mas thiaj ncaim tau mus.
Tswv Ntuj lo lus hais li no:
Tas txhua yam uas neeg siv nyiaj mus muas los ua neeg tug, mas tsis txawj ua kom neeg puv siab tuaj! Hos Tswv Ntuj cov lus, mas thiaj tsis tau them nyiaj yuav los.
Ntuj cov lus thiaj daws tau neeg kev nyuaj siab, xws li daws kev tshaib nqhis ntawm neeg lub cev. Tswv Ntuj lo lus nrov tuaj tias:
Nej sawv daws uas nej tshaib nqhis, nej tuaj cuag kuv mas! Tswv Ntuj lo lus yog ib yam yug siav, zoo li tej txhiam xws noj.
Yog zoo li nej tsis muaj nyiaj yuav txhuv, yuav cawv, los yuav roj yuav ntsev thiab piam thaj. Nej tsis them dab tsi los yuav li.
Neeg nyiam siv nyiaj los yuav tej yam uas tsis yog daws neeg tej kev tshaib kev nqhis ntawm neeg lub cev. Tswv Ntuj tsuas xav kom neeg siv me ntsis neeeg tus nqi zog mus hnov Tswv Ntuj cov lus.
Ces neeg tau noj tau haus tsau npo, xws li Tswv Ntuj cov txhiam xws muaj qab hau yug neeg lub cev nrog cov Ntsuj Plig kom dawb huv.
Ntuj cov lus nrov tuaj li no:
Nej cug pob ntseg mloog mog! Yog nej tuaj cuag kuv, ces nej tus Ntsuj Plig yuav ciaj. Vim kuv nrog nej cog lus tias, kuv yauv pub ib co paj tshab rau nej.
Zoo li nej yog kuv ib co Pleev. Yog nej tsis txiav siab ncaim kuv mus, mas tsis muaj leej twg yuav tshem tau kom kuv thiab nej, peb sib ncaim mus.
Tsis yog kev raug xwv txheej, los kev mob nkeeg thiab kev ploj tuag. Ua tau kom nej tau ncaim ntawm kuv mus, tsis yog nej tus Tswv Ntuj tau muab kev sib ncaim.
Tswv Ntuj hais tseeb tias:
Tsis muaj ib yam dab tsis yuav muab nej thau tau tawm ntawm Tswv Ntuj mus li. Kawg yog koj rov thau koj thiab koj txiv siab tawm ntawm Tswv Ntuj mus, mas koj thiaj tawm tau thiab ncaim mus.
Hais txog kev sib ncaim, mas tab yog Tswv Ntuj 9 phiaj tshiab nyob saum ntuj, los thau tsis tau koj tawm mus.
Rov hias dua, tus muaj peev xwm muab kev sib ncaim mus, mas kawg yog koj tib leeg txiav txim siab lawm, mas thiaj ncaim mus tau.
Zaj lus uas Yes Xus xav hais txog sab yug neeg cov ntsuj Plig. Yes Xus muab piv rau zaj lus Nws ua kom mov ntau tuaj Nws hais rau cov Thwj Tim tias: Zaum no yog nej yuav muab mov rau tsoom sid noj!
Cov Thwj Tim muaj ib tug hais tias: peb tsuas muaj 5 lub ncauv mov thiab 2 tug ntses xwb. Ces Yes Xus hais rau cov Thwj Tim qhia kom sawv daws zaum ua tej pab.
Yes Xus ua Ntuj tsaug, Nws muab mov thiab ntses ntais ua tej thooj rau hauv cov tawb. Ces Yes Xus kom cov Thwj Tim coj mus faib rau tsoom sid noj.
Thaum lawv noj mov tas, Yes Xus kom cov Thwj Tim rov mus sau cov mov seem ntawd, Lawv sau tau 12 tawb. cov mov los ntawm 5 lub ncuav mov ntawd.
Cov neeg tuaj ntawd tsis tau suav cov me nyuam, cov neeg laus kev yees muaj li 5ooo leej.
Kwv tij, ntawm peb mas peb yuav saib tias, Yes Xus yog tus daws peb kev tshaib nqhis nyob rau sab Ntsuj Plig. Kom peb muaj Tswv Ntuj cov paj tshab los yug peb cov Ntsuj Plig.
Peb nqhis kev ncaj ncees, nqhis kev coj tus yam ntxwv zoo, nqhis txog kev sib nyiam sis hlub thiab nqhis kev txawj sib pab sib zam, nqhis txog kev sib raug zoo txhua yam kom neeg sawv daws tau nyob thaj yeem, thiab kaj siab lug.
Yam Tswv Ntuj xav tsim thiab hloov los kho lub ntiaj tej yog tej yam hais no ntag, Amen.

ZAJ THOV NTUJ.
1. Peb thov Ntuj rau lub Koom Txoos, kom tas txhua phiaj neeg txawj hloov siab ua cov neeg tshaib nqhis txog tswv Ntuj kev ncaj ncees. Ntuj awb...
2. Peb thov Ntuj rau cov Nom Tswv, kav lub ntiaj teb. Kom lawv to taub Tswv Ntuj txoj kev hloov neeg tej siab ntsws. kom lawv pub tau Tswv Ntuj kev sib haum xeeb rau ntiaj teb sawv daws coj. Ntuj awb...
3 Peb thov Ntuj rau cov neeg txom nyem... kom sawv daws muaj kev daws nqhis los ntawm kev tshaib kev nqhis txhua yam los tuav sab Ntsuj Plig. Ntuj awb...
4. Peb thov ntuj rau cov txheeb ze uas peb tsis tau hais lawv cov npe rau Ntuj.... Mtuj awb....
peb thov Ntuj rau cov tuaj hnub no... Ntauj awb..


Yaj Zoov Ntxheb Xib Hwb.

Hnub no cov ntawv Ntshiab muaj, 1Vaj,{ 19:9+11-13.} Tsab ntawv Los Mas,{9:1-5.} Thiab Mas Tais, {14: 22-33.}
Hais tias:
Thaum peb hnov Yes Xus hu peb los ua ib yam dab tsi, mas peb tso siab, thiab peb cia li ua xws Pob Zeb. Uas Nws cia li mus taw saum nplaim dej, mus cuag Yes Xus. Peb yuav tso siab zoo dua Pob Zeb lub caij ntawd.
Tsis hais ib Haiv neeg, los leej twg li, yog Tswv Ntuj xaiv lawm, yuav tso siab thiab kawm tas txhua yam, uas tsim nyog rau Tswv Ntuj pub rau peb, xws li Ntuj pub rau cov vaj, muaj Yaj Saub, ua kws sau ntawv li Tsoom His Xas Lais.
Yes Xus tau yug los nyob hauv Haiv His Xas Lais, Vim Tswv Ntuj xub npaj kom Haiv His Xas Lais ua neeg paub txuj thiab txawj sau Ntuj cov lus tseg rau ntiaj teb neeg siv.
Tswv Ntuj Yeej yog tus muaj zog, thaum txog lub caij yuav qhib tawm los. Ntuj txia ua li tus neeg tsis muaj zog, Nws coj ib lub hwj chim me xws li ib nthwv cua tuaj ntxuj ntxiag xwb.
Tswv Ntuj tsis xav yuam leej twg! Cov tau mloog Ntuj lus, yog cov lawv tuaj yeem mloog xwb. Xws li Tswv Ntuj tau qhia rau tus Yaj Saub Es lis li tias:
Thaum koj tuaj txog lub roob Hos Les, koj nce mus saum lub Roob uas Tswv Ntuj tos koj. Thaum Es Lis nce mus txog, nws hnov Tswv Ntuj lub suab hais rau nws tias:
Koj nce mus saum lub Roob Tswv Ntuj yuav ntsib koj! Thaum Es Lis nyob ntawd, muaj ib nthwv cua hlob loj kawg tuaj. Ua Tswv Ntuj ntej, tuaj phua ua lub Roob tawg tas.
Ces muaj ib co nplaim taws cig hlob kawg tuaj hla lub roob, Tswv Ntuj kuj tsis nyob hauv cov hwj huam loj ntawd. Mam muaj ib ntwv cua tuaj ntxuj ntxiag tuaj.
Tswv Ntuj nyob hauv ntwv cua tuaj laim ntxuj ntxiag ntawd. Tswv Ntuj xav hais rau peb cov neeg ntseeg txog Yes Xus Pleev lub npe tias.
Peb muaj qhov zoo li Yes Xus Pleev, Yes Xus yug los ntawm caj ces neeg His Xas Lais los, Nws tus ntsuj Plig xub yug los nyob saum ntuj ua ntej lawm.
Peb lub cev yug los nrog pog koob yawg koob caj ces,cov Ntsuj plig yug los ntawm Tswv Ntuj los xws li Leej Pleev. Uas Nws yog Tswv Ntuj Leej Tub, yug los kom tau cawm lub ntiaj teb neeg cov Ntsuj Plig.
Txij hnub peb ntseeg txog Yes Xus lub npe los, peb yog ib hom roj ntsha xws li Leej Pleev. Peb yog Tswv Ntuj cov tub ki, thiab yog Nws lub hwj chim.
Peb yog Haiv neeg txawj teev Ntuj thiab, zoo siab txais Txoj sia nyob mus li los ua peb tug. kom muaj txoj sia nyob mus tsis muaj caij kawg.
Nyob hauv ntawv Moo Zoo, Hnub uas Yes Xus yuav ua kom mov ntau tuaj, Nws qhia cov thwj Tim tias: Yog nej yuav muab mov rau tsoom sid noj!
Dhau lub caij ntawd, Yes Xus kom lawv nce nkoj ua ntej mus rau sab ntug dej tim ub. Yes Xus mus teev Ntuj saum roob tas Nws mam los taw saum nplaim dej los cuag cov Thwj Tim.
Thaum ntawd tsaus ntu lawm, cua tuaj plawm dej nphau tej niag twv tuaj ua rau lub nkoj yuav tog. Yes Xus los caum tau cov Thwj Tim, lawv pom, lawv poob siab thiab ntshais tias yog ib tug poj ntxoog.
Yes Xus hais rau lawv tias nej tso siab mas! Yog kuv xwb! Ces Pob Zeb hais tias, Huab Tais yog koj tiag no, kheev kuv tuaj saum nplaim dej tuaj cuag koj!
Yes Xus hais tias tuaj mas! Pob Zeb nqes loo hauv dej mus taw mus cuag Yes Xus. Nws mus li ob peb ruam kev saum nplaim dej, cua rov tuaj ces Pob Zeb pib ntshai.
Pob Zeb pib tog dej mus, Pob zeb hu Yes Xus los pab. Yes Xus thiaj tuav Pob Zeb tes, nkawd mam nce rau saum lub nkoj los lawm.
Peb cov ntseeg yog peb yuav thov kom Yes Xus pab peb, mas peb yuav muaj kev tso siab ntau dua Pob Zeb. Yog cov Thwj Tim muaj kev tso siab.
Mas Ntwv cua tuaj nplawm Pob Zeb yuav ua rau lub nkoj tog dej mus. Tas nrho cov thwj Tim sawv daws yuav tau nrog Yes Xus thiab Pob Zeb nkawd.
sawv daws mus taw saum nplaim dej los txog tim ntug dej tas txhua tus. Vim Tswv Ntuj cov lus twb muaj kev cog lus tias peb yuav tsis muaj kev ncaim ntawm Tswv Ntuj mus li. Tsuav yog peb muaj kev ntseeg thiab tso rau Leej Pleev xwb. Amen

ZAJ THOV NTUJ.
1. Peb thov Ntuj rau lub Koom Txoos, Sawv saws yog cov neeg uas Tswv Ntuj xaiv lawv tib si. Kom sawv daws muaj kev tso siab tias, Ntuj xav pub paj tshab rau txhua tus neeg, kom muaj Tswv Ntuj lub hwj chim xyaum ua neeg zoo mus. Ntuj awb...
2. Peb thov Ntuj rau cov nom tswv kav teb chaws, Kom lawv paub tias, Tswv Ntuj tsis yuam leej twg. Kom lawv txawj txo hwj chim los hwm ntuj nrog hwm neeg, kom lub ntiaj teb tau muaj kev thaj yeeb. Ntuj awb...
3. Peb thov Ntuj rau cov neeg txom nyem, cov muaj mob, cov raug ua neeg thoj nam, cov tshaib plab kom Ntuj tshoj cov neeg muaj mus pab cov txom nyem. Ntuj awb...
4, Peb thov Ntuj rau cov neeg muaj kev sib ntxub sib tawm tsam kom muaj tsov rog,thim xav los sib raug zoo, ua phooj ywg mus. Ntuj awb...
5, Peb thov ntuj rau peb cov tuaj teev Ntuj hnub no, peb yog Tswv Ntuj cov tub ki. thov kom peb thiab lub ntiaj teb neeg txhua tus muaj kev sib haum xeeb nyob hauv Tswv Ntuj kev nyiam kev hlub. Ntuj awb...

Y.Z.N.X.H.

Hnub chiv 20 no, cov zaj nyeem muaj. Ntawv His Xais, {56: 1+6-7.} Tsab ntawv Los Mas,{11: 13-15+29-32.) Thiab Mas Tais,{15: 21-28.} Hais tias:
Tus Poj niam Kas Nas Has, txais Ntuj lub txiaj ntsim. Vim nws ntseeg, Tswv Ntuj tsis saib tias, yog Haiv neeg dab tsi. Ntuj tsuas saib tias, neeg lub siab puas ntseeg.
Tswv Ntuj yeej ib txwm xub hu cov neeg xub ntseeg txog Tswv Ntuj ua ntej. Xws li Haiv neeg His Xas Lais uas lawv xub paub Tswv Ntuj.
Tswv Ntuj Nws tsis xaiv neeg, leej twg zoo siab mloog Tswv Ntuj. Ces Tswv Ntuj xub pab cawm tus ntawd, vim Tswv Ntuj nyiam tas txhua Haiv neeg.
Tswv Ntuj tsis hais hom neeg, tawv daj tawv dub los tawv dawb. Nws nyiam tas txhua Haiv Neeg sib npaug. Tswv Ntuj lo lus hais li no:
Nej sawv daws ua raws li txoj cai, uas neeg nyiam coj nrog kev ncaj ncees xwb mog. Lub zim txwv no, yog txoj kev ncaj yuav tawm tuaj rau nej pom ua qhov tseeb.
Yam li cov Haiv neeg nej hu lawv ua pej Kum Neeg, yuav tig los npuab Tswv Ntuj zoo dua. Lawv yog cov yuav nyiam los tsob hwb Tswv Ntuj lub npe.
Lawv yuav los ua Tswv Ntuj cov tub txib, thiab lawv yuav los nyob hauv txoj kev cog lus, ruaj thiab tseeb. Kuv yuav txais pej kum Haiv neeg los nyob saum kuv lub Roob Ntshiab.
Kuv yog tus Tswv Ntuj, muaj koob meej, kuv yuav mloog thiab txais lawv cov zaj teev ntuj. Kuv yuav txais lawv cov txim txi Ntuj, los rau saum lub Roob ntshiab no.
Kuv lub tsev yuav hu ua, tas txhua tus neeg lub tuam tsev Ntshiab. Tswv Ntuj tseem hais ntxiv tias:
Kuv yuav xa tej tus ua hauv paus xa lus mus txog cov pej Kum neeg tseem teev dab qhia tias, Lawv yog ib hom roj ntsha zoo xws li cov neeg uas Tswv Ntuj nyiam.
Kom sawv daws muaj hwj chim koob meej, sib luag zos nyob hauv Tswv Ntuj lub npe. vim lawv ntshaw txog txoj kev cawm neeg nyob hauv Leej Pleev.
Lawv nyiam kom lub Sim Ceeb no, muaj kev sib haum Xeeb los ntawm Tswv Ntuj Leej tub lub npe los. Kom lub ntiaj teb no hla dhau txoj kev tuag, los rau sab coj Ntsuj Plig muaj txoj sia nyob. Yav thaud, cov pej Kum Neeg teev dab tsis tau paub mloog Ntuj lus. Nyiam no Tswv Ntuj tau qhib Nws txoj kev nyiam loj tas nrho no, pub ua paj tshab rau txhua Haiv neeg.
{ Cov qib lus no yog hais ua paj lug od, rau peb txhua tus cov xub ntseeg, muab los pib rau tus poj Kas Nas Has no. Saib qhov ->!}
->Yuav yog lub caij cov pej Kum neeg teev dab, muaj Tswv Ntuj txoj kev hlub no loj hlob mus thoob plaws lawm. Mas Tswv Ntuj txoj kev hlub mam yuav ntws zoo li tus dej txhawv los nyob hauv tsoom tub His Xas Lais.
Peb yuav paub thiab nco tsoov tias, Cov teev pej Kum dab yuav xub tawg paj txi txiv zoo nkauj ua ntej. cov uas uas cov neeg raug Tswv Ntuj Xaiv.
->Cov yog Has Nplas lub keeb yuav tsa ncauj hu ib tug Pej Kum Neeg teev dab tias: Das Vis Leej Tub thov koj hlub kuv mas!
Yes Xus siab zoo, Nws ua paj lug hais rau tus poj niam tias, Ntuj tsuas xa kuv tuaj pab cov yaj ploj nyob hauv His Xais Lais tej tsev xwb.
Tsis phim muab me nyuam cov mov los pub rau cov me nyuam dev noj! Tus poj Kas Nas Has teb tias, cov me nyuam dev twb tau noj cov tsig mov.
Poob saum tus Tswv lub rooj noj mov los thiab. Ces Yes Xus teb tias, Phauj koj ntseeg zoo lawm. Tseev kom muaj raws li koj thov mog! Ces nws tus ntxhais zoo hlo tam sis ntawd lawm. Amen.
ZAJ THOV NTUJ.
1. Peb thov ntuj rau lub koom Txoos, kom txais tau Tswv Ntuj lub txiaj tsim, txawj ntseeg zoo thiab ua Tswv Ntuj cov hauv paus xa lus.phim txoj kev ntseeg zoo pub rau lub ntiaj teb neeg. Ntuj awb..
.
2. peb thov Ntuj rau cov Nom Tswv kav teb chaws, kom lawv muaj lub sib ntseeg txog Tswv Ntuj. txawj coj kev thaj yeeb nyob hauv txhua pab pej xeem. Ntuj awb...

3. Peb thov Ntuj rau coc neeg txom nyem uas muaj txiab xeeb, cov raug kev tshaib nqhis, cov raug luag hiam nyob thoob ntiaj teb, kom lawv ntsib tswv Ntuj cov paj tshab nplij kev tu siab. Ntuj awb...

4. peb thov Ntuj rau cov neeg muaj ib txoj kev ntseeg nyob deb Tswv Ntuj lub tswv yim thiab lub txiaj ntsim kev nyiam kev hlub. Ntuj awb...

5. Peb thov Ntuj rau cov neeg, tuaj teev ntuj hnub no, kom sawv daws txawj tso siab thiab ntseeg zoo xws li tus poj niam kas Nas Has. kom tau txais Tswv Ntuj kev cawm neeg. Ntuj awb....


Yaj Zoov Ntxheb Xib Hwb.

Hnub chiv no, cov zaj nyem muaj, ntawv His Xais, {22:19-23.} Los Mas, {11:33-36.} Thiab Mas Tais,{16:13-20.} Hais tias:
Xis Moos zeem tseeb tias, Yes Xus yog Tswv Ntuj Leej Pleev. Ces Yes Xus tsa Xis Moos ua Pob Zeb. Ua tus pab lub Koom Txoos sib haum xeeb. Txhim Tswv Ntuj lub Koom Txoos nyob ntiaj teb no.
Vim Tswv Ntuj lub Tswv Yim loj thiab dav heev, peb yuav ntseeg thiab tso siab tias: Tswv Ntuj yuav coj lub ntiaj teb mus zoo.
Cov neeg uas Tswv Ntuj tsa lawv ua ib tug Vaj, los ib ib tug thawj coj hawj lwm. Yog lawv ua tsis zoo, mas Tswv Ntuj muaj cai muab lawv txo tawm mus.
Vim tias ib tug neeg raug Ntuj xaiv lawm, mas nws yuav rau siab, saib Tswv Ntuj lub Koom Txoos. Mus raws kev ncaj thiab sib haum xeeb, nyob hauv zeej tsoom.
Tswv Ntuj twb muaj tej lus hais tias, Yog koj tsis coj raws li tej lus qhia. Mas kuv yuav ntiab koj, thiab rho koj tawm ntawm thaj chaws no mus.
Kuv yuav muab koj lub meej mom koob meej no, rau tus tshiab. Kuv yuav pub kom nws muaj peev xwm ua ntxiv mus, thiab saib Tswv Ntuj lub Koob meej los saib Tswv Ntuj Haiv neeg.
Kuv yuav muab tus yawm sij qhib Tus Vaj lub tsev tso rau saum nws xub pwg. Yog nws qhib lawm yuav tsis muaj neeg kaw tau.
Hos yog nws kaw lawm kuj yuav tsis muaj neeg qhiab tau, vim kuv xav kom lub theej kiab nyob hauv nws txiv tsev muaj koob meej.
Vim Tswv Ntuj lub tswv yim thoob tsib muaj nqes tas nrho. Thiab Tswv Ntuj zaj txuj ci tob kawg, uas neeg tsom tsis tau, paub tsis txog Ntuj zaj lus qhia.
Tswv Ntuj yog tus muaj zog, muaj hwj chim nyob mus li. Tsim nyog yuav hwm nws lub npe ua ntej tas txhua yam. Li Pob Zeb uas yog thawj tug lees ntseeg txog Yes Xus, yog Tswv Ntuj tus Pleev.
Tswv Ntuj thiaj yuav foom hmoov zoo rau peb, ua Tswv Ntuj cov tub Tiam lis mus tshaj Ntuj lub koob meej, rau ntiaj teb neeg paub. Thiab hwm txog txhua leej muaj txoj kev cawm uas Ntuj foom pub los ua paj tshab. Amen.

ZAJ THOV NTUJ.
1. Peb thov Ntuj rau lub Koom Txoos, kom cov neeg ntseeg txhua npoj. paub tias, peb cov ntsuj Plig yug ntawm Tswv Ntuj los. Sawv daws yuav tsos siab thiab txhob npaj kev ncaim ntawm Tswv Ntuj mus. Ntuj awb...
2. peb thov Ntuj rau cov nom tswv kav teb chaws. txhob tso siab tias, nyiaj txiag yuav muas tau Ntuj cov paj tshab los cawm ntsuj plig. Yog kev ncaj ncees thiaj yog qhov tseeb. Ntuj awb...
3. Peb thov Ntuj rau cov neeg txom nyem. Kom lawv tso siab rau Ntuj kev nyiam kev hlub, uas Ntuj faib los ntawm Ntuj tsoom tub ki ua neeg siab dawb los, thiaj yog txoj kev pab tau tseeb. Ntuj awb...
4. Peb thov Ntuj cov xwm txheej nyob ib ncig uas peb paub nyob hauv peb nruab siab... Ntuj awb...
5. Peb thov Ntuj rau peb cov tuaj hnub no, Peb paub tias, Tswb Ntuj lub Tswv Yim tob heev. peb thov kom Ntuj qhib peb tej siab ntsws kom peb yoog tau qhov zoo, raws li Tswv Ntuj nyiam. Ntuj awb..

Yaj Zoov Ntxheb Xib Hwb.

NRUAB XYOO CHIV 22 A Tim 3/9/2017.

Cov Zaj nyeem muaj,Yes Les Mias, {20:7-9.} Tsab ntawv Los Mas, {12: 1-2.} thiab Mas Tais ntv Moo Zoo, {16: 21-27.} Hais tias:
Tus xav ua Yes Xus thwj tim, nws yuav zoo siab ua kom nws txoj sia ploj! Nws thiaj muaj txoj sia nyob hauv Yes Xus.
-Cov neeg ntseeg nyob hauv lub Koom Txoos Ka Tau Liv, ua lub txoos txi Ntuj. Yog vim niaj hnub peb xav muaj peb lub siab lub cev thiab peb tus Ntsuj Plig los txi Ntuj.
Yam li peb xav niaj hnub xyaum, kom peb yog ib co neeg ntshiab ntxim rau Tswv Ntuj nyiam.
-Nyob hauv Tswv Ntuj cov txiaj ntsim, mas cov neeg ntseeg txog Yes Xus tiag. Mas lawv yuav pom Tswv Ntuj cov lus, yog zoo li ib co hluav taws.
-Uas ib tug neeg ntseeg yuav nyob twj ywm tsis tshaj Tswv Ntuj cov lus, mas nws nyob tsis taus. Nws yuav tshaj Tswv Ntuj cov lus cuag li hluav taws cig mus li.
-Vim Tswv Ntuj yog tus muaj zog, peb yuav cia Tswv Ntuj ua tus yeej. Peb yuav tshaj Tswv Ntuj lo lus cuag li lub teb chaws muaj tsov rog kub heev tias:
Yog lub tswv yim phem ntxub Tswv Ntuj ntawd, yuam peb, kom peb ntxeev siab rau Tswv Ntuj. Tig mus xaiv kev ua phem, kom tau ua tub qaug rau Tswv Ntuj, kom peb tau kev ncaim mus deb tsis mloog Ntuj lus.
Ua rau peb lub siab lub cev thiab tus Ntsuj Plig, mob cuag li ib co yeeb ncuab tuaj ntaus peb lub teb chaws. Lub tswv yim phem ntawd, qhia kom peb ncaim mus nrug deb ntawm tus Tswv zoo uas txawj khuv leej peb.
Peb yog ib co neeg ntseeg,mas peb yuav thov tus Tswv Ntuj muaj zog lub npe. Los ntuas peb, kom peb nco ntsoov muab peb tej hauj lwm.
Peb lub tswv yim txawj xav nyob hauv peb kev thoob tsib ua neeg paub tab, los ua ib co txim zoo ntxim Tswv Ntuj siab los ua paj tshab cev rau Tswv Ntuj.
Thaum peb ua lub Txoos, peb yuav nco txog Yes Xus lo lus uas Nws tau hais rau nws cov thwj tim tias:
Leej Neeg tus Tub yuav raug kev txom nyem loj! Vim nws xav daws, kom tas neeg ntiaj teb kom dim ntawm txoj kev tuag.
Kom Sawv daws tau dim ntawm kev ua txhaum, nyob hauv txhua fab kevua phem, kom tau dim. Thaum ntawd Pob Zeb nroo rau Yes Xus.
Yes Xus thiaj ntuas Pob Zeb tias:
Leej twg xav lawv kuv qab, nws yuav txhob nco txog nws tus kheej. Nws yuav kwv nws tus ntaoo cuam lawv kuv qab.Lo lus no: { Yes Xus muab ntoo cuam los piv rau nws txoj kev txom nyem.}
Vim txoj kev txom nyem, mas Yes Xus thiaj hais lo lus tias, tus xav cawm nws txoj sia, mas nws yuav ua nws txoj sia ploj. Cov ua nws txoj sia ploj, vim kuv, mas nws yuav rov tau txoj sia nyob mus li los ua nws tug.
Thiab Yes Xus hais ntxiv tias, vim Leej neeg tus tub Nws yuav muaj txoj sia nrog Ntuj cov Tshiab, muaj lub hwj chim, nyob hauv txoj sia mus ib txhiab ib txhis.
Kwv tij yog peb hnov Peb tus Huab Tais Pleev lo lus hais li no, mas muaj ob txoj kev yuav sib twv!
Peb txhob mus sib tw ua neeg txawj ntse thiab khav teeb tias, kom tau ua tus neeg paub txuj ci siab thiab muaj zog, muaj peev xwm txawj thuam los cem neeg kom yus yog tus yeej sawv daws.
Peb yuav los sib tw saib leej twg yuav yog tus tau ua Nkauj siab dawb, los ua Nraug Siab huv. Tus Tswv Ntuj nyiam mas yog tus ntawd. Amen.

ZAJ THOV NTUJ.
Ua 5 nqe lus kom haum lub teb chaws nej nyob, nco txog lub Koom Txoos, cov nom tswv kav teb chaws txawj hwm Ntuj. Thiab nco txog cov neeg txom nyem, nco ntsoov cov xwm txheej, kev ploj tuag los ntawm kev ua tsov rog, thiab dej nyab teb chaws, nrog lub ntiaj teb muaj xaiv lus ntawd.

Yaj Zoov Ntxheb X.H.

Cov zaj nyeem muaj ntawv Es Xes Kias, {33: 7-9.} tsab ntawv Los Mas,{13:8-10.} Thiab mMas Tais ntawv Moo Zoo, {18: 15-20.} Hais tias:
-Peb ua ke ua tas puas tsav yam, peb yuav ua ke sib pab kom dim ntawm kev ua txhaum.
-Nyob hauv txoj cai, mas muaj lub laj kab, mas peb yuav tsis txhob hla. Txoj kev peb yuav taug, yog txoj kev nyiam. Tsis yog txoj kev peb yuav hla lub laj kab.
-Peb tsoom neeg ntseeg, yuav sib pab mloog Tswv Ntuj lo lus. Yog peb tsis pab kom luag kom tso txoj kev yuam kev tseg, mas peb nrog luag muaj txhaum.
Tswv Ntuj lo lus hais tias:
Leej Neeg tus tub! Kuv tsa koj ua tus thawj peeb zov kuv Haiv neeg lub tsev. Thaum koj hnov kuv lo lus, koj yuav tsum qhia rau lawv paub.
Yog koj hais rau tus neeg siab phem tias, neeg siab phem, koj yuav tuag mus. mas tus siab phem ntawd,yuav tuag vim nws cov txhaum.
Koj yuav qhia kom tus neeg phem tso qhov phem ntawd tseg. Nej yuav ua qhov zoo, thaum kuv nug txog txoj sia, mas nej thiaj tsis tau them. Vim nej yog tus cawm nws txoj sia.
Ib yam li kuv hais rau nej tias, nej tsis txhob mus luab luag nuj nqes. Yam nuj nqes uas nej sawv daws tshuav nyob ntawm luag.
Mas yog nej yuav nyiam luag tej tsis txawj tas li. Nej yuav ua qhov uas, tsuav yog nej tau nyiam luag tej nkaus xwb. Mas nej tau ua raws li txoj cai lawm.
Tas nrhov cov lus qhia lub ntsiab, yog nyob hauv Huab Tais Ntuj 10 lo lus qhia. Tus twg muaj lub siab nyiam tsoom txheeb ze, mas nws yuav tsis txhob ua ib yam txhaum rau tsoom txheeb ze. Txoj cai zoo tiav log , mas yog txoj kev nyiam.
Yes Xus tau hais tseeb kawg rau Nws cov Thwj Tim tias:
Yog koj tus kwv ua txhaum, koj yuav mus ntuas nws. Yog nws mloog koj, mas koj tau cawm nws lawm.
Yog nws tsis mloog, mas koj coj ob peb leeg nrog koj mus. Kom tau ua tim khawv txiav tas puas tsav yam, Yog nws tsis mloog, koj mam saib nws zoo li yog ib tug neeg teev pej kum dab. Kuv hais tiag rau nej, yog nej khi yam twg nyob ntiaj teb no, Ntuj yuav saib, yog khi nyob saum ntuj. Nej daws yam twg nyob ntiaj teb. Ntuj kuj saib yog daws nyob saum ntuj lawm.
Kuv hais tseeb rau nej, yog nej muaj ob peb leeg sib haum xeeb thov dab tsi, mas Kuv Txiv nyob saum ntuj yuav pub yam ntawd rau nej. Vim nej ob peb leeg sib sau los thov txog Kuv lub npe. Amen.

ZAJ THOV NTUJ.
1. Thov Ntuj rau lub Koom Txoos....
2. Thov Ntuj rau cov Nom Tswv kav teb chaws ...
3, Thov Ntuj rau cov neeg txom nyem...
4. Thov Ntuj rau yam ub yam no muaj nyob ncig peb...
5. Thov Ntuj rau cov sau npe nyob hauv phau ntawv...
6. Thov Ntuj rau pab neeg tuaj hnub no...

Yaj Zoov Ntxheb Xib Hwb.

Cov zaj nyeem muaj ntawv Npe Xis Las,{ 27:3. 28:1-7.} Tsab ntawv Loa Mas,{14:7-9.} Thiab Mas Tais ntawv Moo Zoo,{18: 21-35.} Hais tias:
-Peb yuav zam rau luag mus li, xws li Tswv Ntuj zam rau peb mus li thiab.
-Peb ua yam twg, mas peb yuav ua nyob hauv Huab Tais Yes Xus. Vim Huab Tais Yes Xus yog peb tus Tswv.
- Tus tsis zam rau luag, mas nws txhob vam tias, Tswv Ntuj yuav zam rau nws!
+. Tswv Ntuj lo lus hais tias:
Kev cib nyeej thiab kev npau taws, yog tej yam phem tas nrho. Tus pauj rau luag, mas nws kuj yuav raug Tswv Ntuj pauj rau nws. Vim Huab Tais tau suav ntsoov tsis nruam ib qho li.
Yog koj tau zam qhov phem, uas luag ua rau koj. Mas thaum koj thov Ntuj, Ntuj kuj yuav zam rau koj thiab. Yog koj ua neeg npau taws rau luag, mas koj yuav ua zoo li cas los thov Ntuj rau koj.
Koj yog nqaij xwb, koj tseem cib nyeej, leej twg thiaj yuav zam rau koj tau. Koj yuav nco ntssov tias, Huab Tais nyob siab Nws ntsia ntsoov koj! Koj yuav txhob ua tej yam yog kev txhaum.
+ Pob Zeb tau nug Yes Xus tias:
Huab Tais, ua li tej txhaum uas kuv tej kwv tij, ua rau kuv, Kuv yuav tsum zam rau lawv pes tsawg zaus?
Yes Xus hais rau Pob Zeb tias:
Kuv hais rau koj! Koj yuav tsum zam txog 77 zaus. Txhais hais tias, koj yuav tsum zam tas koj sim neej.
Yam li koj muaj 7 xyoo, koj thiaj paub kev ua txhaum. koj yuav tsum zam kom mus txog thaum koj muaj 77 xyoo, uas koj rov tsis paub t thiab nco txog kev ua txhaum lawd.
+ Tswv Ntuj lo lus kuj zoo li, tus tub txib uas tshuav tus Tswv nuj nqes. Tus Tswv zam tas nrho rau nws, ua cas koj yuav tsis hlub koj tus phooj ywg li Tswv Ntuj tau hlub koj.
Yog koj tsis zam tas nrho, puag hauv koj nruab siab tuaj. Rau koj tej kwv tij, mas kuv Txiv nyob saum ntuj. Kuj yuav ua li ntawd rau koj thiab. Amen.

ZAJ THOV NTUJ.
1. Thov Ntuj rau lub Koom Txoos...
2. Thov Ntuj rau cov Nom TSwv kav teb chaws....
3. Thov Ntuj rau cov neeg txom nyem... thiab cov sau npe hauv phau ntawv...
4. Thov Ntuj rau cov xwv txheej muaj tuaj ncig lub ntiaj teb...
6. Thov Ntuj rau cov neeg tuaj teev Ntuj hnub no...


Yaj Zoov Ntxheb Xib Hwb.

Cov zaj nyeem muaj ntawv His Xais, {55: 6-9.} Tsab ntawv Fis Lis Pos, {1:20-24+27.} Thiab Mas Tais, {20:1-16.} Hais tias:
- Tswv Ntuj yuav pub txiaj ntsim nyob hauv lub Moo Zoo, rau leej twg kuj tau! Tsis neeg yuav muaj cai yws yws rau Tswv Ntuj. Vim nws tau txais tsawg, hos luag tej tau txais ntau dua nws.
- Thiab peb yuav txiav tsis tau tias, peb yuav nyob ntiaj teb no, ntev li cas. Peb yuav muab siab rau ua Tswv Ntuj cov hauj lwm, uas Tswv Ntuj npaj rau peb ua.
- Tswv Ntuj yog tus siab dav,peb yuav tso siab rau Tswv Ntuj ua tus coj peb, mus taug txoj kev zoo. Peb txhob nrhiav kev ua txhaum rau Tswv NTuj.
+ Tswv Ntuj ceeb toom Nws cov lus li no:
Nej kav tsij nrhiav Tswv Ntuj mog! Vim nyem no yog lub caij zoo nrhiav Nws, Nws nyob ze ntawm nej,nej hu txog Nws.
- Tus tsis nyiam kev hwm Ntuj thiab kheev ua txhaum, nej yuav tso txoj kev ua phem tseg. Tig los cuag Tswv Ntuj,Nws yog tus siab dav txawj khuv leej neeg.
- Neeg zaj tswv yim thiab txoj kev xav, tsis zoo li Tswv Ntuj zaj. Lub ntuj nyob siab dua lub ntiaj teb lawm ntau npaug. Tswv Ntuj zaj Tswv Yim kuj zoo li ntawd.
Ua li mas tab yog peb ciaj los peb tuag, mas xav kom Leej Pleev lub hwj chim nyob hauv peb lub cev thiab peb tus ntsuj Plig.
Peb thiaj saib txoj kev tuag, yog cov paj tshab tuaj ua rau peb muaj txoj sia nyob nrog Leej Pleev. Leej Pleev tsuas xav kom peb coj lub neej tsim nyog rau Leej Pleev lub Moo Zoo.
+ Tswv Ntuj ceeb toom txog Ntuj lub ceeb tsheej nyob hauv tus Tswv teb tias:
-Thaum kaj ntug, tus tswv teb tawm mus nrhiav neeg tuaj ua hauj lwm. Nws cog lus rau lawv tias:
- Ib hnub Nws yuav muab tus nqes zog ib leeg ib lub txiaj nyiag. Kaj ntug muaj ib pab tuaj, tav li 9 teev kuj muaj ib pab tuaj ntxiv.Thaum hnub qaij ob teev kuj muaj ib pab tuaj, thaum txog 5 teev twb yuav tsaus ntuj kuj muaj dua ib pab tuaj thiab.
- Tsaus ntuj los, tus Tswv hu cov tub zog los, Nws xub muaj paj tshab rau cov tuaj tom qab, ib leeg ib lub txiaj nyiag. mam muab zuj zus los rau cov xub tuaj.
- Nyob hauv cov xub tuaj, muaj ib tug tis zoo siab, nws yws yws rau tus Tswv tias, Peb khwv ib hnub tsaus ntuj kiag. cov tuaj tom qab lawv tseem tau txais ib lib txiaj zoo li peb thiab.
- Tus Tswv hais rau nws tias:
Npawg,Kuv tsis tau ua tsis ncaj rau koj! Txais koj tus nqes zog ces koj mus, Kuv tau cog lus tias: Kuv yuav muab ib lub txiaj rau ib tug tub zog no sad. Kuv xav muab rau tus tuaj tom qab npaum li kuv muab rau koj, kuv tsis muaj cai lod!
-Koj khib vim kuv siab zoo lod! Cov tuaj tom qab yuav los ua ntej. Hos cov xub tuaj yuav los tom qab. Xav kom peb to taub txog Tswv Ntuj lub siab khuv leej neeg no. Amen.

ZJ THOV NTUJ.
1.Peb thov Ntuj rau lub Koom Txoos....
2. Peb thov Ntuj rau cov Nom Tswv kav teb chaws...
3. Peb thov Ntuj rau cov neeg txom nyem... thiab cov neeg sau npe hauv phau ntawv...
4. peb thov Ntuj rau yam ub yam no cov xwv txheej muaj nyob ncig peb....
5. peb thov Ntuj rau cov pab neeg tuaj teev Ntuj hnub no...

Yaj Zoov Ntxheb Xib Hwb.

Cov zaj nyeem muaj ntawv Es Xes Kias, {18:25-28.} Tsab ntawv. Fis Lis Pos,{2:1-11.} Thiab Mas ntawv Moo Zoo, {21: 28-31.} Hais tias:
- Cov neeg xub ntseeg txog Tswv Ntuj,thaum lawv pom lwm tus neeg ntseeg. Los tom qab, mas lawv yuav tsum xav tswv yim zoo, saib lawv puas tau mloog Tswv Ntuj zoo li lawv lub ncauj hais kam los lawd.
- Peb sawv daws yuav saib tias, peb yog ib co neeg me xws li Yes Xus. Uas Nws tuaj yeem ua tus neeg me.
- Thaum peb pom tej xwv txheej tshwm sim tuaj,mas peb txhob saib tias yog Tswv Ntuj tsis pov hwm. Peb yuav nco tias, lub ntiaj teb neeg sawv daws zoo tsis tas.
+ Tswv Ntuj twb xub ceeb tom tias, kom peb tsis txhob hais tias, Tswv Ntuj ua tsis ncaj, Puas yog neeg, los Tswv Ntuj ua tsis ncaj!
Ib tug neeg ncaj, yog nws ncaim ntawm nws txoj kev ncaj mus lawm. Nws tuag, yog tuag nyob hauv nws kev ua txhaum.
Ib tug neeg ua txhaum, yog nws tso txoj kev ua txhaum tseg. Mas Tswv Ntuj kuj saib nws tsim nyog rov muaj txoj sia nyob xws li tsoom neeg siab dawb huv.
Vim nws pom tseeb txog nws txoj kev ua txhaum. Mas nws kuj yuav muaj txoj sia nyob mus li nrog Leej Pleev. Nws tsis tuag mus nrog kev ua txhaum.
-Tswv Ntuj tso Nws cov tiam lis tuaj hu neeg tas zog tias, nej nco txog Leej Pleev cov lus qhuab qhia thiab txoj kev nyiam.
- Nej yuav koom siab koom ntsws, ua kom Leej Pleev muaj kev zoo siab tias: Nej muaj ib lub tswv yim thiab ib txoj kev nyiam xwb.
Nej txhob nrhiav lub Koob Meej Cuav, uas tsis yog tus tseem Nkauj siab daws thiab Nraug siab huv. Nej yuav saib nej me dua luag tej,txhob nrhiav yam zoo rau nej.
Tab yog Leej Pleev, Nws twb yog Tswv Ntuj. Tsis kav Nws tseem hle Nws lub hwj chim kom me dua neeg. Leej Pleev zoo siab txais kev txom nyem, uas neeg liam tias Nws thuam Ntuj.
Nws thiaj tau tuag nyob saum ntoo cuam kom tau txhiv neeg ntawm kev rov muaj txoj sia nyob mus li Amen.

ZAJ THOV NTUJ.
1. Peb thov Ntuj rau lub Koom Txoos...
2. Peb thov Ntuj rau cov Nom Tswv kav teb chaws...
3. Peb thov Ntuj rau cov neeg txom nyem .... thiab cov sau npe nyob hauv phau ntawv thov Ntuj....
4. Peb thov Ntuj rau tej xwv txheej muaj nyob ncig peb uas peb paub thiab pom los peb hnov ntawd...
5 Peb thov Ntuj rau pab neeg tuaj teev Ntuj hnub no...

Yaj Zoov Ntxheb Xib Hwb.

Cov zaj nyeem muaj ntawv His Xais, {5:1-7.} Tsab ntawv Fis Lis Pos, {4:6-9.} Thiab Mas Tais,{21:33-43.} Hais tias:
- Tswv Ntuj muab Nws lub Ceeb Tsheej, rau ib pab neeg saib. Nws tau xaiv ib pab neeg kom lawv los tu lub Vaj kom zoo.
- Zoo li peb cov neeg ntseeg, yuav niaj hnub xav tswv yim zoo. ua neeg tsim txiaj kom phim txoj kev ncaj ncees.
- Tswv Ntuj tso ib co Tiam Lis, kom niaj hnub hu nkauj rau peb mloog. Hais txog Nws lub Vaj Txiv Cawv tias:
- Kuv tus phooj ywg nyiam lub Vaj Txiv Cawv,koj rau siab dawj cov pob zeb, thiab tshav faus. kom cov txiv cawv ntawd txi tau ib co txiv zoo.
Tswv Ntuj vam tias, yuav tau ib co txiv cawv zoo thiab qab zib. Tab sis lub Vaj tsuas muab tau ib co txiv cawv qaub qaub rau Nws xwb.
Yog ua zoo li peb ua no, mas Tswv Ntuj yuav rhuav lub Vaj tej laj kab, kom puas mus. Cia cov tsiaj thiab neeg tuaj noj thiab lwg mus.
Nws kuj yuav txwv kom cov nag tsis txhob los ywg rau lub Vaj. Tswv Ntuj lub Vaj, yog zoo li peb thiab cov neeg xub ntseeg paug thaum ub ntxov ntxov los lawd.
Nws yuav xaiv ib co hmab txiv cawv tshiab los cog dua, kom txi tau ib co txiv cawv zoo thiab qab zib tuaj. Yav tas los, Tswv Ntuj vam tias yuav muaj ib co neeg siab dawb thiab ncaj ncees.
Tab sis Ntuj tsuas pom ib co ntshav ,ntws los tsis tu li. Ntuj tsuas hnov muaj ib co neeg quaj qw thiab ntshai xwb.
Tswv Ntuj hais ntxiv tias, cov me neeg ntiaj teb. Nej tsis txhob ntshai, tsam nej raug kev ploj tuag mus. Yog nej xav kom tau yam zoo raws li nej nyiam.
Mas nej yuav muab siab rau thov Ntuj, thiab ua Ntuj tsaug. Yam nej xav tau, mas nej koom siab nej hais rau Tswv Ntuj paub.
Ntuj muaj txoj kev thaj yeeb zoo tshaj li neeg xav, Nws yuav txuag nej lub cev thiab nej lub tswv yim nyob hauv Leej Pleev.
Nws yog yam dawb huv thiab ncaj ncees, zoo nyiam thiab muaj tsim tas nrho rau nej. Nej yuav xyiv fab nrhiav yam uas nej tau hnob ntawm kuv los.
Leej Pleev thiaj hais txog Tswv Ntuj lub Vaj txiv cawv tias:
Nws tau xaiv ib pab neeg mus tu Nws lub Vaj kom zoo, muab pob zeb dawj kom tas, faus thiab tshav kom du. Rau cov hmab txiv cawv kom txi tau ib co txiv qab zib.
Yam li peb neeg ntiaj teb, peb tsuas nyiam zwm rau kev ua txhaum. Tsis zoo muab cev rau Tswv Ntuj. Peb yog cov hmab txiv cawv qaub qaub ntawd lawm.
Yog zoo li no xwb, mas Tswv Ntuj yuav tsis pov hwm sawv daws mus ntxiv lawm. Ntuj yuav xaiv dua ib co hmab txiv cwv tshiab.
Nws yuav tshais chaws mus rau lwm pab neeg, kom zoo dua cov Nws ib txwm xav cog.
Cov pob zeb thiab cov nroj yog peb sawv daws tej kev txhaum uas tsis muaj kev sib haum xeeb nyob hauv Leej Pleev.
Yam li tus xav mus saib saub los mus saib yaig, mas yog cov hmab txi txiv qaub qaub ntawd lawm. vim lawv tso siab rau tej yam me me tsis muaj zog, los cawm sab ntsuj plig, li Leej Pleev lub peev xwm. Amen.

ZAJ THOV THOV NTUJ.
1. Peb thov Ntuj rau lub Koom Txoos...
2. Peb thov Ntuj rau cov Nom Tswv kav teb chaws...
3.Peb thov Ntuj rau cov neeg txom nyem... cov sau npe nyob hauv phau ntawv...
4. Peb thov Ntuj rau tej xwm peb paub thiab muaj nyob ncig ntawm peb sawv daws.
5. Peb thov ntuj rau cov neeg tuaj hnub no...
Yaj Zoov Ntxheb Xib Hwb.

Peb tsab ntawv hnub no, yog, His Xias, {25:6-10.} Fis Lis Pos,{4:4:13-14+19-20.} thiab Mas Tais,{22:1-14.} Hais tias:
-Tswv Ntuj hu peb los nyob hauv Nws lub Ceeb Tsheej, ua tej yam loj thiab lom zem. Tab sis peb yuav tso peb tej hauj lwm me tseg, peb yuav hloov dua peb lub tswv yim.
-Peb yuav xyaum txais kev pluag, ib yam li kev tau nyob zoo. Vim cov neeg txom nyem, mas Tswv Ntuj yuav pauj rau lawv.
- Tswv Ntuj yuav so lawv cov kua muag thiab pub kev kaj siab kev lom zem rau lawv.
+ Tswv Ntuj cov lus hais tias, tus kav lub Sim Ceeb, yuav npaj ib rooj qav nyob saum Nws lub Roob. Muaj nqaij hno dej caw rau tas txhua xeem neeg.
Tswv Ntuj yuav daws cov Xyom Cuab tej xyom uas lawv ntoo los ua kev tus siab pov tseg. Nrog txoj kev tuag ploj mus, kom txhua lub ntsej muag rov dawb huv tuaj.
Tswv Ntuj txhais tes twb nyob saum sawv daws lub meej mom kev tso siab lawm. Tswv ntuj yuav coj li tus txiv tsev siab zoo. Ua tshoob rau nws tus nyab los tus tub.
Nws tso neeg mus caw sawv daws tuaj nrog Nws noj tshoob. Tab sis cov raug caw lawv tsis tuaj, Nws rov tso neeg mus caw lawv tias:
Rooj tshoob twb npaj tiav lawm nej kav tsij tuaj nrog kuv koos dej koos cawv. Cov neeg tsis liam fab, nyias mus nyias raws li lawv nyiam mus.
Kuj muaj cov neeg muab tus Vaj cov tub txib ntes, ntaus los muab lawv tua.... Tus Vaj hais tias, rooj tshoob tiav lawm, lawv tsis tsim nyog tuaj noj.
Nej mus kom txhua txoj xub kev, ntsib leej twg los hu lawv tuaj kom tas. Tus phem tus zoo los tuaj tib si, tus Vaj chaws los zeem cov qhua tshoob ntawd.
Nws pom ib tug neeg tuaj nws tsis hnav cev tsoos noj tshoob tuaj. Tus Vaj hais tias:
Npawg, koj chaws los hauv kem tsev noj tshoob no, ua cas koj tsis hnav cev tsoos noj tshoob tuaj. Ces tus Vaj kom cov tub txib muab nws tshem mus pov rau qhov tsaus ntuj nyob nraum zoo.
Cov neeg yuav mus noj tus vaj rooj qav nyob saum lub roob Ntshiab ntawd,muaj ntau leej. Ntuj tsuas xaiv leej puav xwb zoo li cov muaj cev tsoos hnav mus noj tshoob ntawd xwb. Amen.

ZAJ THOV NTUJ.
1. Peb thov Ntuj rau lub Koom Txoos...
2. Peb thov Ntuj rau cov Nom Tswv kav teb chaws....
3. Peb thov Ntuj rau cov neeg txom nyem.... thiab cov sau npe hauv phau ntawv...
4. peb thov Ntuj rau tej xwm muaj nyob ib ncig ntawm peb li peb paub...
5. Peb thov Ntuj rau cov pab neeg tuaj hnub no...

Yaj Zoov NTxheb Xib Hwb.

Cov zaj nyeem muaj ntawv His Xais,{45:1+4-6.}Tab ntawv Tes Xas Los Nis,{1:1-5.} Thiab Mas Tais, {22:15-21. Hais tias:
- Cov neeg ntseeg, peb ib txij zwm rau Tswv Ntuj thiab zwm rau cov Nom Tswv kav teb chaws ua ke. Cov Nom Tswv kav sab hauj lwm, hauj lwm nrog kev noj haus, rau kev sib raug zoo mus haum raws kev vam meej.
Hos Tswv Ntuj kav sab nruab siab, nruav tswv yim kom muaj kev sis nyiam sis hlub nrog kev sib haum xeeb nyob ua ke.
- Nrog Tswv Ntuj tej lus qhuab qhia, kom peb muab siab rau ua Ntuj tsaug thiab txais Ntuj lub Moo Zoo. kom peb tau nyob haum xeeb nrog Tswv Ntuj.
- Kom peb txawj sib hwm thiab sib zam, rau cov neeg tsis tau paub Tswv Ntuj zoo. Xws li tus Vaj Kws Los, tso cov His Xas Lais nyob txim rov mus pe hawm Tswv Ntuj nyob Yes Lus Xas Les.
+ Tswv Ntuj cov lus hais tias, Ntuj saib cov Nom Tswv kav teb chaws, xws li Lawv yog Tswv Ntuj cov Pleev. Tswv Ntuj tuav lawv sab tes xis, Ntuj pab lawv tswj tsoom pej xeem, kom mloog cov Nom Tswv lus.
Yog tus Nom Tswv twg, tsis mloog Tswv Ntuj lus, mas Tswv Ntuj yuav tsoo lawv lub loog, kom tsis muaj cov rooj loog.
Vim tias tsoom pej xeem yog Tswv Ntuj ib co tub txib xws li cov Vaj kav teb chaws sib luag. Tswv Ntuj xav tsa leej twg ua tus muaj hwj chim los tau.
Tswv Ntuj ceeb toom tias, dhau Tswv Ntuj lawm, tsis muaj leej twg yuav muaj peev xwm cuag li Tswv Ntuj ntxiv lawm.
Txij toob fab mus txog xib fab, mas Tswv Ntuj yuav nyob ruaj nreb mus li.
+ Tswv Ntuj txib Nws cov Tiam Lis sau Nws cov lus tuaj rau lub Koom Txoos tias:
Xav kom Leej txiv Tswv Ntuj thiab Nws Leej Pleev lub txiaj ntsim, nyob txawm nrog nej txoj kev thaj yeeb thiab nej cov zaj teev Ntuj rau nej nruab siab.
Kom nej muaj txoj kev ntseeg pab nej, nquag ua cov hauj lwm nyiam thiab hlub luag tej. nyob hauv nej nruab siab. Tos Tswv Ntuj ho nyiam peb, mas vim peb yog cov uas Nws tau xaiv los.
Thaum lub Moo Zoo tuaj txog peb, mas muaj ib co hauj lwm tuaj nrog thiab! Yog Leej Tswv Yim Ntshiab lub zog tuaj nyob hauv peb.
Kom cov neeg ntseeg txawj nyob nruab nrab hauv zeej tsoom sawv daws. Thiaj muaj ib pab neeg xav sim yes Xus kom Nws yuam kev.
+ Lawv hais tias, Xib Hwb. koj xav ne! Peb puas yuav them se rau tus Vaj Xes Ntxas. Yes Xus paub cov neeg siab nkaus ntawd, xav hais dab tsi!
Nws teb tias,Ua li cas, nej xav sim nej tus Tswv Ntuj! Muaj ib lub txiaj nyiag rau kuv saib! Yes Xus hais rau lawv tias:
Lub txiaj no, thiab tus duab no, yog leej twg li thiab leej twg tud! Muaj neeg teb tias, yog Vaj Xes Ntxas tus. Yes Xus hais rau lawv tias:
Yam twg yog Xes Ntxas li, mas nej xa rau Xes Ntxas. Hos yam twg yog Tswv Ntuj li, mas nej xa rau Tswv Ntuj. Tswv Ntuj li, yog kev nyiam kev hlub thiab kev zam.
Nej yuav xa rau Tswv Ntuj, yog Nws tug. Amen.

ZAJ THOV NTUJ.
1. Peb thov Ntuj rau lub Koom Txoos....
2. Peb thov Ntuj rau cov Nom Tswv kav teb chaws...
3. Peb thov Ntuj rau cov neeg txom nyem... thiab cov sau npe nyob hauv phau ntawv...
4. peb thov Ntuj rau cov xwm muaj tshwm sim nyob ib ncig ntawm peb...
5. Peb thov Ntuj rau cov pab neeg tuaj teev Ntuj hnub no...

Yaj Zoov Ntxheb Xib Hwb.

*-Tsab ntawv kev tsiv hais tias: { 22:20-26.}
Tswv Ntuj pab peb ntau lawm peb yuav pab cov txom nyem cov Pluag, kom peb tsim nyog hu ua tus Tswv Ntuj siab zoo cov tub ki.
Muaj ib hnub, Tswv Ntuj kom Mais Xes qog Tswv Ntuj cov lo lus rau Tsoom His Xas Lais tias:
-Nej cov uas nej yog kuv haiv neeg, kuv tau xaiv nej los. Mas nej yuav tsis txhob mus nyiag pej Kum haiv neeg tej nyiaj txiag, Thiab txhob mus hiam lawv. Vim tias, yav thaud nej twb yog ib co pej kum neeg los lawm.
- Cov yog poj ntsuam los tub ntxhais ntsuag, nej yuav tsis txhob ntaus lawv.
-Yog leej twg ntaus cov hais no, mas yog lawv yws txog nej rau kuv paub, mas kuv yuav mloog lawv yws txog nej.
-Tej neeg txom nyem no, yog tshuav nej nqi, Lawm muab lawv lub tsho tshaj sab los yuam nqe,mas tsaus ntuj nej yuav rov muab lawv lub tsho rov rau lawv hnav pw. Vim kuv khuv leej lawv.

*-Paj Lug tsab ntawv Tes Xas Los Nis hais tias: {1:5-10}
-Cov neeg ntseeg thiab cov tub tshaj Ntuj lus yuav ua Yes Xus Tim Kawv zoo Tsoom neeg thiaj xav los ntseeg txog Yes Xus lub Moo Zoo. Mas lub ntiaj teb thiaj li tau hnov Tswv Ntuj lub npe nchav ntws nyob hauv lub sim ceeb no. Ces sawv daws thiaj yuav tau los tsob hwb tus Tswv Ntuj muaj txoj sia tseem ceeb. Ua sawv daws Leej Txiv uas yog tus txawj hlub txawj zam rau cov neeg muaj txhaum.

*-Mas Tais ntawv Moo Zoo hais ntxiv tias: {22:34-40.}
-Peb cov neeg ntseeg thiab cov tub tshaj Ntuj lus. Yog peb tham txog kev ntseeg mas txhob tham txog tej yam me me. Peb sawv daws yuav nco ntsoov tias kev ntseeg lub ntsiab yog Tswv Ntuj kev nyiam kev hlub.
-Thaum ib tug neeg ntseeg thiab txais lub cim ntxuav lawd, yog tsis muaj Tswv Ntuj txoj kev nyiam kev hlub nyob hauv nruab siab, Mas tus ntawd yog ib tug neeg tuaj yuav lub npe ntseeg, kom tau sawv daws hlub nws xwb.
-Peb ntseeg mas yuav txais yuav tej yam Yes Xus hais tias, koj yuav ntseeg tas siab tas tswv yim thiab tas zog.
Thiab koj yuav nyiam luag tej ib yam li koj nyiam koj. Cov Yaj Saub thiab cov neeg ua Leej Ntshiab lawv puav leej nyob hauv cov lus no. Tas.

ZAJ THOV NTUJ NRUAB XYOO HNUB CHIV 30 A.

1. Txoj kev ntseeg lub ntshiab uas peb ntseeg yog Tswv Ntuj kev nyiam.Peb yuav zoo siab nyob hauv Leej Tswv Yim Ntshiab kom Huab Tais lub npe ncha mus thoob qab ntuj khwb.Peb thov Ntuj pov hwm Nws lub Koom Txoos kom S.D. ua neeg tsim txiaj. Peb thov koj...

2. Yes Xus lub Moo Zoo hais tias koj yuav nyiam tsoom txheeb ze, ib yam li koj nyiam koj. Peb Thov Ntuj rau cov Nom tswv kav teb chaws, Kom muaj Kev sib haum xeeb nrog tsoom pej xeem, kom lub teb chaws tau nyob thaj yeeb. Peb thov koj...
3. Peb yuav ua Yes Xus tim khawv zoo, kom ntiaj teb paub tias Yes Xus yog Tswv Ntuj Leej tub tuaj cawm lub ntiaj teb neeg. Peb nco txog tsoom neeg txom nyem:
Cov raug luag hiam, cov nyob tsev loj faj, cov muaj mob nyob tsev tshuaj, cov nyob tom vaj tse, cov tuaj ntawm no,Tswv Ntuj koj nco txog lawv mog. Peb thov koj...

4. Koj yuav nyiam tsoom txheeb ze ib yam li koj nyiam koj. Peb thov Ntuj rau peb cov neeg tuaj sib sau teev ntuj hnub no. kom peb S.D. muaj kev sib hlub Tswv Ntuj thiaj txaus siab mloog txhua zaj lus peb thov. Peb thov koj.

5. Peb thov Ntuj rau Peb Haiv Hmoob tsis hais pab pawg twg, cov coj kev ntseg dab tsis li Kom Sawv Saws paub tias muaj tib tug Tswv Ntuj thiaj yog tus tseem ceeb. Kom Haiv Hmoob tig los sib hlub Hmoob yeej yuav tso tsis tau Hmoob tseg li. Peb thov koj....

Yaj Zoov Ntxheb Xib Hwb.

Cov zaj nyeem muaj ntawv Mas Las Kias, { 1:14+ 2:1-+8-9. Tsab ntawv 1Tes Xas Los Nis, { 2:7-9+13.} thiab Mas Tais,{23:1-12.} Hais tias:

- Cov neeg txais Yes Xus kev ntseeg, txhua tus yuav ceev faj. Tsam peb qhia luag tej ua tej yam, uas peb tsis kam ua. Peb ua Yes Xus cov Thwj Tim, mas peb yuav saib Yes Xus yog peb tus Xib Hwb.
- Peb yuav xaiv txoj kev ua neeg me, nyob hauv peb pab neeg ntawd. Kom sawv daws zoo siab rau qhov lawv txais Tswv Ntuj lo lus.
- Nyob hauv Yes Xus lub Koom txoos, cov muaj kab xwm loj. Lawv yuav txhob nyiam ib co dua lwm cov.
+ Tswv Ntuj yog tus nyob siab, Nws yog tus Tuam Vaj, muaj hwj chim. Sawv daws yuav saib Nws lub npe, yog lub npe muaj hwj chim koob meej nto moo lug.
Tus thuam Tswv Ntuj lub npe, nws txoj hmoov yuav phem. Thaum ntawd, yuav muaj ntau leej ntog. Vim lawv tau rhuav Tswv Ntuj lub npe pov tseg.
Yuav muaj neeg thuam lawv tias, nws yog neeg tsis tsim txiaj. Tus nyiam luag tej, mas nws yuav coj li ib leej niam. nyob nruab nrab hauv nws cov me nyuam.
Zoo li nws xav pub Yes Xus lub Moo Zoo rau nws cov me nyuam txhua tus kom muaj txoj sia. Peb yuav tsis txhob ua kom luag ris peb zoo li ib lub nra hnyav.
Yog peb pom tias sawv daws mloog Tswv Ntuj lus zoo lawm, mas Peb yuav ua Ntuj tsaug. kom Tswv Ntuj lo lus ua hauj lwm nyob hauv txhua tus.
Yes Xus hais ib zaj lus rau cov thawj neeg muab hlob tias:
Cov thawj neeg ua neeg muab hlob, lawv zaum Mais Xes lub theej kiab lawm. Nej yuav ua raws li lawv qhia, tab sis nej txhob yoog lawv tus Piv Txwv.
Lawv nyiam zaum tom hauv rooj, nyob ntawm tshav noj tshav haus, los nyob tom tej tshav puam muaj kev sib tshuam.
Kom lug pom lawv, Lawv ua txuj tsab zag zoo, ua neeg muaj hwj chim. Tab sis lawv nog tej lub nra hnyav rau luag ris.
Lawv tsis kam muab lawv ib tug ntiv tes los pab nqa, kom sib rau luag li. Lawv nyiam kom tsoom sid hu lawv ua yawg hlob no tsis tseg.Tswv Ntuj lo lus hais tias, cov neeg ntseeg sawv daws kawg muaj ib tug Xib Hwb xwb, Yog Yes Xus.
Peb yog ib pab kwv tij los nkauj muam nyob hauv Leej Txiv lub tsev. Tus loj dua cov. Yuav ua sawv daws tus tub txib.
Tus nws tsa nws siab, Ntuj yuav txo nws ua tus qis, hos tus nws txo nws qis Ntuj yuav tsa nws ua tus nyob siab. Amen.

ZAJ THOV NTUJ.
1. Peb yuav thov Ntuj rau lub Koom Txoo...
2 Peb yuav thov Ntuj rau cov Nom Tswv kav teb chaws....
3. peb yuav thov Ntuj rau cov neeg txom nyem thiab cov sau npe nyob hauv phau ntawv...
4 Oeb yuav thov Ntuj rau tej teeb meem muaj nyob ncig peb li sawv daws uas peb paub muaj ntawd....
5. peb yuav thov Ntuj rau pab neeg tuaj hnub no...

Yaj Zoov Ntxheb Xib Hwb.

Cov zaj nyeem... Thoob tsib, { 6:12-16.} Tes Xas Los Nis, {4: 13-18.} Mas Tais,{ 25: 1-13.} Hais tias:
- Cov neeg thoob tsib lawv npaj, kom lawv muaj lawv lub teeb thiab muaj roj sam teeb tos tus qhua Vauv yuav tuaj.
- Txog hnub Huab Tais tuaj, cov neeg tso lub ntiaj teb no tseg, mas lawv yuav xub mus cuag Tswv Ntuj ua ntej, Peb cov neeg ntseeg lawv tso siab li ntawd.
- Lub ntiaj teb no, lawv txawj tsim ntau yam, raws li lawv lub siab ntse. Tab sis peb tsis txawj coj peb lub siab, mas peb thiaj yuav vam txog Leej Ntuj Plig coj peb lub neej kom mus zoo.
+Tswv Ntuj muaj txoj kev thoob tsib ci ntsa iab tsis txawj nphob li. Ntuj kev thoob tsib yuav xub tuaj nrhiav cov neeg muaj lub siab xav nrhiav.
Zoo li tus neeg, uas sawv tsees xwb, nws twb npaj mus nrhiav lawm, ces nws yuav ntsib. Nws tsis laj nrhiav, cuag li kev thoob tsib twb tuaj nyob ntawm nws qhov rooj tos nws ua ntej.
Kev thoob tsib nyob tas qhov txhia chaw, tus neeg tsim nyog txais. Mas kev thoob tsib tshwm los nyob txhua txoj xub ke uas nws taug mus.
Peb yuav txhob ua li cov neeg tsis muaj chaw tso siab, peb yuav tso siab thiab ntseeg tias:
Peb cov poj yawm uas lawv mus so nyob hau Leej Pleev lawd, lawv yuav xub sawv los mus nyob hauv Leej Txiv lub hwj chim dua cov neeg tseem ciaj nyob ntiaj teb no.
Yog thaum Tswv Ntuj tus tshiab tshuab Tswv Ntuj lub xyu puab nrov tuaj. Mas tas zeej tsoom mam li mus cuag Tswv Ntuj.
Lub caij ntawd, peb cov neeg ciaj mas mus fim tau peb cov poj yawm. Ces sawv daws yuav ua ke ib txhij mus pom Tswv Ntuj nyob saum cov huab.
Lub caij ntawd,sawv daws yuav tau sib faib li, pab hluas nkauj npaj lawv cov teeb taws mus tos tus qhua Vauv.
Pab ua neeg Thoob tsib yuav npaj teeb thiab npaj muaj roj sam teeb pom kev lam lug. Hos ib pab tsis xyuam xim, lawv npaj lawv lub teeb xwb, lawv tsis npaj roj.
Ces tus qhua Vauv tuaj, lawv mam xeem mus yuav roj, thaum lawv tuaj txog. Lub rooj tshoob twb ntxhee tas lawm. Tus qhua Vauv tsis kam tsob zeem tias, tseem tshuav ib pab nkaj nyab nyob tos lawm.
Tus nkauj nyab uas mus txog, tsis muaj leej twg ua qhua Vauv tos, mas txaus tu siab tiag. Amen.

ZAJ THOV NTUJ.
1. Peb yuav thov Ntuj rau lub Koom txoos...
2 peb yuav thov Ntuj rau cov Nom Tswv kav teb chaws....
3. Peb yuav thov Ntuj rau cov neeg txom nyem...
4 Peb yuav thov ntuj rau tej xwv txheej peb pom tswm sim tusj nyob ncig peb....
5, Peb yuav thov Ntuj rau cov neeg tuaj teev Ntuj hnub no...
Yaj Zoov Ntxheb Xib Hwb.