Teb ntawv hauv(Yau have no new messages)yog li cas?

Nyob zoo ib tsoom phooj ywg, thov nej tuaj qhia kev teb ntawv hauv "Yau have no messages" rau peb peb tau kawm, vim tias kuv tsi tau txawj es thiaj li nug nej? Thov nej tuaj qhia peb cov ua tsi tau txawj thiab saib yuav nkag mus rau qhov twg thiab qhov twg thij li mam teb tau luas ntawv og. Nyob zoo

Nyob zoo Txawj Tuam,

Qhov ntawm koj pom "Yau have no messages"
Ces yog koj lub Tsev Ntawv uas cov Tswv Cuab muaj npe hauv Forum no sau tau ntawv rau koj li sau hauv E_mail. Sau rau hauv nov ces yog koj ib leeg pom thiab nyeem xwb, cov tsoom sid tssi pom. Yog koj pom ib lub hnub ntsais ntsais thiab muaj ib tug zauv (Number) ces yog muaj neeg sau ntawv rau koj. Koj qheb ces koj pom ib lub hnab ntawv dub dub ces koj nias rau ntawm kab ntawv ces koj nyeem tau cov ntawv uas neeg xa tuaj rau koj.

Kuv yuav xa ib tsab ntawv rau koj tam sim no nawb, yog koj Login npe ces koj yuav pom.

Nyob zoo Niam hlob,

Vim li cas kuv ho tsi pom lub hnub qub koj hais li og, nws nyob rau qhov twg?

Thiab yog peb cov ua muaj npe nyob rau hauv lub forum no lawm es ib tus teb ntawv rau ib tus es yog nkag qhov twg mus?
Thiaj yuav teb tau?
Piv xam li kuv xav xa ib co lus kom koj tib tus pom xwb es yuav mus sau nyob rau qhov twg? Vim kuv nrhiav tsi tau qhov chaw sau ntawv hauv koj lub npe li?
Los yog kuv siv xov tooj xwb es ua tsi tau qhov ntawd?
Thiab thiaj tsi pom lub hnub koj hais los cas. Xws li qhov chaw uas tso duab rau hauv lub forum mas kuv twb sim tso tab si viv kuv lub X.tooj (maiv) hai tsi tau qhov ntaw es thiaj tso tsi tau duab rau nej saib. Thiab nug tias qhov teb ntawv 'Yau have no naw messages' no puas hnyav npaum li qhov tso duab maj?.
Thiab kuv nkag mus hauv koj lub npes es kuv kuj pom ib co ntawv thiab 2 vidao nyob rau hauv thiab, es puas yog luas xa ntawv rau yus es yog qhov ntawd los tsi yog?

Niam hlob kuv nug ntau kawg li ntshai koj laj teb kuv og. Vim yog kuv tsi paub ntawv Aa ky es thiaj nyuaj dhau lawm tsi paub xyov yog mus qhov twg mus. Thov nej pab qhia kuv og nawb.

Tub Txawj Tuam,

Kuv sau ntawv PM ( You have no new messages=Message Private) rau koj tab sis ploj tag lawm xwb. Nag hmo kuv sau ib zaug, tsis nco saib ploj lawm, hnub no koj rov nug, kuv rov sau, mam mus saib naj cia li ploj lawm xwb. Cia ku sau ntawv tseg rau Maiv Paj Lug, yog nws tuaj no ces nws tuaj xyuas seb yog nias yuam kev qhov twg los cas kuv sau ntawv tsis tau rau koj.

Dua li, kuv mam qhia kev siv sau ntawv ib qho zuj zus rau koj.
Thiab kev tso duab mas yog koj muaj koj cov duab nyob hauv koj lub xov tooj lawm mas kuv xav tias koj yuav tsum tso tau rau peb saib xwb. Tsuav koj tuaj tau cab sab lawm ces yeej yuav tsum tso tau xwb. Mam xyuas kom muaj kev yooj yim rau txhua leej.

Thaum koj Login( connexion) tag, koj pom ib lub qhov rais qheb tshiab, koj pom lub hnub qub nrog rau tus lej 1===> ­1 new message.

Ces koj nias saum "Message"; koj yuav nkag tau mus hauv Private Message. mus nyeem tau cov ntawv uas luag sau tuaj rau koj.

Ib tsam hauj lwm los tso mam li qhia qhov uas koj xav sau mus rau ib tug thiab teb lawv ntawv ntxiv.

Maiv Tooj wrote:

Tub Txawj Tuam,

Kuv sau ntawv PM ( You have no new messages=Message Private) rau koj tab sis ploj tag lawm xwb. Nag hmo kuv sau ib zaug, tsis nco saib ploj lawm, hnub no koj rov nug, kuv rov sau, mam mus saib naj cia li ploj lawm xwb. Cia ku sau ntawv tseg rau Maiv Paj Lug, yog nws tuaj no ces nws tuaj xyuas seb yog nias yuam kev qhov twg los cas kuv sau ntawv tsis tau rau koj.

Dua li, kuv mam qhia kev siv sau ntawv ib qho zuj zus rau koj.
Thiab kev tso duab mas yog koj muaj koj cov duab nyob hauv koj lub xov tooj lawm mas kuv xav tias koj yuav tsum tso tau rau peb saib xwb. Tsuav koj tuaj tau cab sab lawm ces yeej yuav tsum tso tau xwb. Mam xyuas kom muaj kev yooj yim rau txhua leej.

Nyob zoo Maiv Tooj thiab txawj Tuam,
Kuv thov nrog nej tham thiab...
Kuv tham txog tso duab: raws li kuv tau ntsib ntau zaus teeb meem mas yog vim txoj sab internet tsis loj txaus ces thiaj tso tsis tau duab, vim cov duab hnyav dua li sau ntawv ntau zaus. hais kom to taub zoo dua piv li kuv saib nej cov vidéos mas nws sij nres nres, yog xav saib ces yuav tau muab nws nres so (pause)ntev li 20 los 30 fiab kom nws rub tau tas tso mam saib thiab tsis nres, ntau zaus tseem tau tos ntev tshaj thiab vim txoj sab internet tsis loj txaus thiab tseem muaj tib neeg siv coob leej. Nyob rau cov nroog loj mas luag tso txoj sab internet loj ces saib vidéo tau ncaj qha tam sis ntawd. Ntawm peb zos Cacao no mas saib tsis tau vidéo ncaj qha li, yuav tau muab rub los (télécharger) kom tas tso thiaj saib tau. Txhua zaus kuv tso duab mas kuv tos lub caij tib neeg tsis coob siv internet tso, tsis li ntawd ces yeej tso tsis tau li.
kuv tham li no vam tias neb yuav to taub lawm.

Y. Suav Nus

Nyob zoo txiv suav Num tej zaum ntshai yog li koj hais lawm, vim nyob rau ntawm peb no mas ntshai lawv ua txoj sab Internet xov tooj ntaw yau dhau lawm los xyov yog kuv lub maiv hai tsi taus es thiaj tso tsi tau duab li. Thiab vim tias thaum kuv saib cov vidao mas yeej khuab khub xws li koj hais kawg li. Saib tsi tau li tsuas yog saib tau ib ntu ib ntu xwb. Txiv suav yog tias Niam Hlob tsis tau khoom tuaj qhia kuv teb ntawv no hauv Yau have new messages no yog nws paub teb no nws sim teb ib rab rau kuv saib yog zoo li cas viam kuv xav nug koj txog ntau ntau yam tiam sis tsi tau koj tus Email li kuv twb nrhiav qhov teb ntawv hauv Yau have new messages tiam sis kuv tsi pom qhov chaw teb ntawv li. Yog nws khoom no ho tuaj qhia kuv, ua tsaug

Tub Txawj Tuam,

Teb ntawv hauv PM ces yog muaj neeg sau ntawv tuaj rau koj lawm ces koj saib nram qab sab xis ntawm nws tsab ntawv, koj nias qhov "quote" ces koj sau tib yam nkaus li sau hauv Forum no thiab xwb. Tsis muaj dab tsi txawv li.

Yog koj xav sau rau ib tug neeg uas nws muaj npe nyob hauv nov tab sis nws tsis tau sau dua PM rau koj ces koj mus ntawm nws lub npe,
piv xam li yog ntawm qhov uas nws sau ib qho post,
Koj nias ntawm nws lub npe, ntawm daim duab sab saud (tsis yog qhov hauv qab daim duab).
Tshwm 3 kab ntawv, nrog tus duab neeg.
Koj nias kab tim 2, uas muaj tus neeg thiab PM

Ces koj sau ntawv tau rau tus neeg ntawd. Koj nco ntsoov rau npe rau thawj thawj kab thiaj li xa tau.

Li no xwb ces tau lawm.

Nyob zoo Niam hlob thov ua Nws tsaug ntau og nws tuaj qhia kuv pom qhov chaw sau ntawv lawm, tiam si thov nug tias: yog thaum uas yus sau ntawv rau tus ntawd tas es yus puas yuav send los tsi Send maj? Thiab thov nug koj tias vim li cas txij hnub koj tias koj sau ntawv teb kuv hauv PM no tas ces yog thaum twg kuv Log in nkag npe tas ces cia li tsi pom koj cov ntawv uas koj sau nyob rau hauv li lawm ? Kuv twb sim ntau ntau qhov chaw los yeej tsi pom li? Tsuas pom lawv cov lawm xwb. Piv li hnub no koj tau sau ntawv qhia kuv ntawd es kuv xav teb koj cov lus. tiam si thaum kuv log in tas ces cia li tsi pom koj cov ntawv ntawd li lawm. tsua pom txij li Txiv suav num wb cov saum toj xwb, tsi paub yog li cas? koj sim xyuas saib puas pom kuv li xwb. Kuv ces tsi pom koj li le lawm. Thov ua koj tsaug ntau uas koj tseem qee sij hawm los qhia kuv thiab og. Nyob zoo

Nyob zoo Txajw Tam,

Kuv twb sau ob peb zaug PM rau koj, tab sis cia li ploj tag lawm xwb. Kuv tssi paub tias yog tim qhov twg li.

Koj sau tau, koj yuav tsum Send tib yam nkaus li uas koj sau hauv Forum thiaj li xa tau mus rau tus tswv.

Tub Txawj Tuam,

Kuv twb xa ib tsab PM rau koj lawm, cas tssi pom koj qheb?
Koj mus saib hauv koj lub "You have no new messages", koj thiaj pom kuv tsab ntawv.

Nyob zoo Niam hlob kuv qhib tau saib lawm og. Thov ua tsau ntau rau nws lub sij hawm tuaj qhia kuv txawj og. Thov kom Huab Tais Ntuj lub zog nrog nraim Nws kom muaj lub zog tuaj qhia peb og nawb, thiab kuv tsi paub hais tias yog vim li cas thaum kuv "Log in" qhib npe tas lawm ces kuv cia li tsi pom koj cov ntawv nyob hauv li lawm, thiab tsi pog qhov chaw teb ntawv "QUOTES" li lawm, tsuas yog sau lwm qhov tshiab los teb koj xwb. Tsuas yog pom lawv thiab kuv li xwb. Yog kuv xav nyeem koj cov ntawv ces yuav yog kuv rov muab kuv lub npe kaw "Log uot" tas ces li rov pom koj cov ntawv qhia kuv li qub. Li ntawd kuv tsi paub xyov yog li cas lawm? Kuv twb mus kom tas cov "Topic" Uas yog muaj koj sau nyob hauv los yej tsi pom li, xyov yog li ca lawm.

Nyob zoo tub Txawj Tuam,

Yog thaum koj nkag npe, Login, koj tsis pom kuv cov posts lawm no ntshe yog koj muab kuv npe nias rau qhov uas hais tias "Koj tsis kam kuv ua koj tus phooj ywg" lawm no...Hahahah...!

Ntawm kuv, kuv twb saib tag, kuv tsis muaj leej twg uas kuv muab tshem li. Yog tsis yog ntawm kuv ces yeej yog ntawm koj li xwb. Tab sis qhov nov mas kuv tuaj kho tsis tau, yuav tsum yog koj kho koj xwb. Kuv twb sim NIAS koj ua kuv phooj ywg tab sis TEB tias: Tsis kam ua kuv phooj ywg, ua tsis tau phooj ywg no ces yeej yog koj nias yuam kev lawm.

Rov kho rau, yuav ua li cas?

Yam li koj nias ntawm " Profile ", nyob ntawm You have no new messages
ib sab ntawm tus zauv 1
Tshwm los ces koj nias ntawm tus zauv 2



Ces koj saib ntawm qhov chaw tus 4, yeej muaj kuv npe nyob ntawd nrog rau tus (-) Ces koj nias ntawm tus (-) uas nyob ntawm kuv lub npe ib sab.
Ces koj yuav rov pom kuv cov ntawv thiab koj yuav sau tau PM rau kuv, kuv yuav sau tau rau koj lawm.



Tej zaud yog thaum koj nias ntawm kuv daim duab, lub npe,
Muaj ob kab ntawv nyob ntawm kuv daim duab sab saud, ntawm koj sab xis,

Koj yuav Add kuv ua koj tus phooj ywg no es koj nias tau kab ntawv hauv qab ces yog hais tias koj tsis pub kuv ua koj phooj ywg no lawm...Hahahah...!

Add to my friends list = Koj yuav kuv ua koj phooj ywg
Add to my foes list = Koj tsis kam kuv ua koj phooj ywg.

Nyob zoo Niam hlob thov ua tsaug ua koj tau qhia kuv rov nrhia tau lawm, thiab kuv rov pom koj cov posts sau hau lawm. Vim yog kuv tsi paub ntawv "Aa kiv" es thiaj li nia rau qhov koj hais lawm. Twb ntshai nyob tsam yuam kev es tsim tau nrog nej txuas lus los tseem yuam kev thiab lais yom hahaha... cia kuv maj mam kawm kom paub, thov nej ua siab ntev qhia ov.

Mas Lias,

Yog koj xav kawm sau Message privé no ces koj mus saib qhov nov.
Koj sim tuaj rau kuv seb puas txog.