Yam txawv txawv hem neeg

Thaum nyob nplog teb kuv niam wb mus tev plawv toov laj los noj pem ib lub roob.Qhov chaw ntawd, muaj ib tug tsis paub yog dab tsi, nws lov ib cov ntoo luaj ncaj npab, nws muab ua tej pawg lis rauv taws,hos nws nyob tej lub chaw du du li muaj ib dag tej.Hos tev plawv kav theej thiab plawv tsawb siab puag saum ntsi ntoo los noj. Ces kuv niam txawm mus thov plawv toov laj li ib nyuag ntu, ces kuv nyob to qab no, kuv pom ib tug plawv kav theej mas zoo nkauj txhaj li, lub plawv mas loj loj kawg, nws dauv los rau ntawm tus ntsis cav uas yog tsob ntoo vau lawm. Ces kuv mus taug tus ntsis cav ntawd yuav mus txiav tus kav theej ntawd. Ces cia li ua rau kuv plaub hau xob vog... xob vog... lis kuv plaub hauv sawv tas, ua rau kuv ib ce ua pob qav kaws tas. Kuv tsis paub tias yog ua cas. Kuv txawm poob siab zog. Ces kuv txawm xav tias cas txawv ua luaj ne. Tab tsis kuv ho xav tau tus kav theej dhau vim nws zoo nkauj heev li. Ces kuv ua ib siab mus txiav, ua cas kuv plaub hauv rov xob dua... ua pob qav kaws dua. Kuv thaub qab kuv tsis mus ces yam kuv zoo zog lawm. Kuv ua li ntawd ib pliag, ces kuv txiav siab mus tuav nkaus tus kav theej,ces pib txiav kiag nws lub ntsis xwb... Ua cas muaj ib tsob ntoo siab lis ib ruv tsev hos loj kawg li.Nws muaj peev xwm muab tsob ntoo ntawd co mos nyoos cuag li uas tsob ntoo twb yuav vau. Kuv tseem me thiab ces kuv quaj cuag tsis. Kuv niam dhia los tseem pom tsob nto co co... tab sis wb saib tsi pom dab tsi li.

Tsob ntoo ntawd loj siab, neeg ua tsis tau li ntawd. Yog ib yam uas txawv kawg tsis tau pom dua thiab ua rau kuv ntshai tshaj plaws. Lam muab rau nej xav saib yog dab tsi.

Nyob zoo Bao XMary,

Wow...! Cas nws yuav tham tau ntxim hlub ua luaj li...! Nws mas siab loj dhau lawm lauj...!Yog kuv mas ntshe kuv yeej tuav rawv kuv niam tw tsho xwb tsis tso li...Cas tseem yuav muaj peev xwm mus txiav tus plawv kav theej thiab...Bao, cov uas pheej khaws taws tso tej pawg li ntawd mas lawv hais tias yog "zuaj" no. Zuaj mas xyov nws puas tom neeg, tab sis mas tej thaum mas nwsib tug xwb tab sis nws luag nrov nrov li ib pab hluas nkauj luag...Hib! Hib! hib! no...Zuaj yeej noj ntsuag thiab tiag. Ntshe tus plawv kav theej zoo zoo nkauj ntawd twb yog tus tsiaj ntawd yees rau koj xwb, koj tus plig twb ntshai ntshai lawm, koj tseem tssi paub thiab...Hahahah...! Kuv xav txog xwb mas kuv ib ce qaub tag li lawm...Txheej thaud mas lub neej txom nyem heev, sawv daws peem yuav xwb es thiaj tsis nco qab ntshai xwb...

Nyob zoo Bao thiab Niam Hlob nrog rau MP, Hais txog yav thaum ub mas yeej muaj dab los sis zuaj kawg li, lub teb chaws yeej tsi tau huv npaum li nyem no, thiab vim tias txoj kev ntseeg tseem tsi tau ri tuaj txog peb haiv hmoob ntau xws li nim no, es thiaj li muaj cov nias ntawd los hem peb . thaum kuv tseem hlua muaj ib tus yawg hu ua yawg Tsheej no, nws tham tias nyob rauv lawv zos mas, ib ncig ntug puav leej ua nqaj roob thaiv tas, muaj ib txoj dej ntws saus rauv hauv ib lub qhov tsua lawm xwb no, mas muaj ob lub pob zeb muaj qhov ncauj tib si niaj xyoo tsuas yog nyob pem roob xwb, tiam sis muaj ib xyoos nws cia li ya phua pes roob los tws lub qhov dej sau ntawd, kom dej tuaj nyab lawv lub zos kom tuas tas no, tiam sis zoo nkaus li ntuj yeej pab lawv thiab, thaum lub pob zeb los txog rau nram lub qhov dej sau ces xob cia li tua lub pob zeb tu ob tog lawm, es nws thiaj li tws tsi taus lub qhov saus ntawd lawm. Kuv muab zaj no thiab uas Bao sau ntaws xav mas yav thaum ub mas peb hmoob yeej tsi tau paub kev ntseeg, es thiaj li muaj tej xwm ntawd tshwm sim tuaj raug rau peb hmoob ntau ntau, hog luas lwm haiv neeg mas yeej raug thiab tiam sis raug tsi npuam li peb haiv hmoob. hmoob yeej hais tias ntshai tsi muaj tus Tswv tsim lub ntuj thiab lub ntiaj teb no nov, tiam sis yeej muaj kawg li, txawm yog nyob rau hauv lawv lub zos ntawd tsis tau ntseeg los Tswv Ntuj yeej pab lawv tua lub zeb uas ua phem ntawd kom tus ob tog, li ntawd mas txawm tias thaum ub muaj ntau tsav ntau yam tsi huv, tab si nyem no lub ntuj lub teb kuj tshoj lawm yeej huv dua thau lawm awv, txawm yuav nyob rau fab kis teb, los nyob rau Mis kas, los yog cov teb chaws tsi vam meej los yeej huv dua thaum lawm, nej xav puas yog li kuv hais nav?