PUAS YOG NTUJ XAIV TIAG?

**Maiv Tooj** 11th February 2011, 10:16 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

PUAS YOG NTUJ XAIV TIAG?

Post Maiv Tooj 11th February 2011, 10:16 am

PUAS YOG NTUJ XAIV TIAG?

Nyob zoo tsoom kwv tij phooj ywg, tau ntev los uas kuv xav tham txog ib lo lus...Tab sis hnub dhau hnub, nrhiav tsis tau lub caij nyoog los tham. Hnub no kuv xav los tham ob peb los, nej ho tuaj nrog kuv xav thiab muab tswv yim los yog tham txog tej ib ncig ntawm nej uas nej paub. Qhov xwm txheej kuv yuav tham no, tam sim no muaj ntau zuj zus...Ntau heev li lawm tiag...Kuv thiaj xav tias yuav tsum muab los tham tawm kom meej kom thoob. Hnub qab nram ntsis thiaj li tsis khuv xim...

Qhov kuv xav hais, kuv xav tias peb txhua leej yuav tsum tso siab rau Huab Tais Ntuj tiag tiag, yuav rau siab mus teev Ntuj hnub Chiv, mus txais lub Cim Yug; vim nws yuav pab tau peb ntau yam. Peb txhob ntshaw ua ib cov neeg ntshiab thiab raug Tswv Ntuj xaiv, Tswv Ntuj nyiam tshaj. Peb yuav zoo siab ua me nyuam neeg li peb muaj txoj hmoov tau niaj hnub no xwb. Peb yuav txhob ntshaw kev nto moo, kev muaj hwj chim, kom luag tej hwm, hawm yus...Tsam ces peb raug ntxias thiab yuam kev...

Kuv lam hais ib los lus faj seeb xwb, kuv tsis yog Saub, kuv tsis paub Ntuj lus. Kuv yog neeg ntiaj teb, kuv pom tom ntej, kuv tsis pom tom qab...Tab sis kuv pom ntau yam txawv txav heev los raug Peb haiv Hmoob tau ib ntus no...Tam sim niaj hnub no tsuas suav coob zuj zus xwb...Kuj txaus ntshai thiab poob siab me ntsis...

Tsis xam cov tsis coj kev ntseeg, tab kiag ntawm Tsev Hmoob Ntseeg los yeej muaj coob kawg nkaus lawm...Peb yuav tau ceev faj thiab rau siab mus teev Ntuj, tshwj xeeb rau siab mus ua Mis Xas, mus txais Yes Xus lub Cev thiab mus Daws Txhaum, yuav pab tau peb zoo. Peb txhob ua ib cov neeg ntseeg, niaj hnub tsis khoom mus teev Ntuj, hais tias neeg ntseeg, tab sis tsis paub Kev Ntseeg txaus tiag.

Yus tsis paub lub hauv paus hauv ntsis qhov tseeb, yus ntsib tej yam, hnov tej yam, pom tej yam uas qhia rau yus tias yus yog ib tug neeg Ntshiab, Ntuj Xaiv yus, yus yog tus Tswv Ntuj xaiv los ua tub Tshaj Moo tus coj xai rau ntiaj teb neeg. Ces yus txawm zoo siab heev...Tej lub suab hais hauv yus lub siab tuaj, hais tej lus THOOB TSIB tej lus KEV NTSEEG TXOG TSWV NTUJ ces yus zoo siab heev. Yus xav tias ntshe yog TU TSEEB YOG TSWV NTUJ TIAG...Tab sis yuav tau ceev faj...Yog tias qhov ntawd tuaj ntawm Tswv Ntuj tuaj tiag mas nej yuav tsis txhob nyob nkaum nkoos, nej yuav mus poo luag tej, nej yuav xav mus Dawv txhaum, Mus ua Mis xas, txais lub Cim Yug, nej yuav nyob raws li lub Koom Txoos Kev Ntseeg Catholic Vatican. Mas thiaj yuav tsis yuam kev.

Yog nej hnov ib lub suab los hais tas zog rau hauv nej lub siab, nrog nej tham hauv siab, qhia luag tej lub neej rau nej, kom nej tshaj lub Moo Zoo rau zej tsoom, ua kom nej txawj kho mob, nej pom nws zoo li lub teeb ci pom kev lug, pom nws zoo li ib qho pom kev nqes los rau saum nej, kom nej teev Ntuj ntau heev...Tab sis nej teev nej xwb, nej ho tsis mus nrog Txiv Plig koom Mis Xas, txais lub Cim Yug. Nws hais rau nej tias nej yog ntshiab, nej yog tus Ntuj xaiv, nej rau siab teev Ntuj, nej muaj nqes thiab zoo tshaj cov Txiv Plig los luag tej mas nej yuav tau ceev faj...Tsam tej lus zoo lus mos ntawd yog ntxiav dag kom nej yuav kev xwb.

Kuv lam hais ib los li no, vim kuv pom tias niaj hnub tam sim no, ntawm peb cov Hmoob mas lawv sawv saub coob heev li...Lawv hnov Tswv Ntuj los Ntuj cov Tshiab los hais lus rau lawv, lawv zoo siab thiab rau siab tham tej lus Thoob tsib uas luag hais rau lawv...Tab sis lawv ho tsis mus teev Ntuj li...Vim lawv pom tias lawv tseem loj tshaj cov Txiv Plig thiab lub Cim Yug lawm...Tswv Ntuj twb los nyob hauv lawv thiab xaiv lawv lawm...Tab sis thov kom tib zoo xav tsam yuam kev ces muab tsis tau rov qab lawm.

**Maiv Paj Lug** 11th February 2011, 11:11 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°2

Re: PUAS YOG NTUJ XAIV TIAG?

Post Maiv Paj Lug 11th February 2011, 11:11 am

Maiv Tooj wrote:[size=24]

Kuv lam hais ib los li no, vim kuv pom tias niaj hnub tam sim no, ntawm peb cov Hmoob mas lawv sawv saub coob heev li...Lawv hnov Tswv Ntuj los Ntuj cov Tshiab los hais lus rau lawv, lawv zoo siab thiab rau siab tham tej lus Thoob tsib uas luag hais rau lawv...Tab sis lawv ho tsis mus teev Ntuj li...Vim lawv pom tias lawv tseem loj tshaj cov Txiv Plig thiab lub Cim Yug lawm...Tswv Ntuj twb los nyob hauv lawv thiab xaiv lawv lawm...Tab sis thov kom tib zoo xav tsam yuam kev ces muab tsis tau rov qab lawm.

Kuv thov hais rau cov neeg uas xav tias raug ntuj xaiv los ua tus cev lus rau neeg ntiaj teb, kuv yeej ntseeg nej tias muaj tseeb, nej yeej tsis dag, nej yeej hnov tiag, thiab muaj tus qhia puag hauv nej lub pob ntseg los sis nej lub siab tuaj thiab tseem ua rau nej hnov ib lub suab, tsis pom ntsej muag tiam sis hais lus zoo heev thiab txawj ntse cuag Tswv Ntuj.

Tus neeg twg yog tau taug txoj kev li no, nej yuav tsum tau ceev faj, kuv los yeej tau taug los lawm thiab, tiam sis kuv li kuv raug lub suab ntawv dag tsis ntev, vim kuv tsis ntseeg lub suab qab zib thiab thoob tsib hauv kuv lub pob ntseg.

Lub suab Tswv Ntuj tiag tiag mas nws yuav coj nej mus cuag Txiv Plig xwb xwb li, tiam sis yog lub suab qab zib ua rau nej vam vam xwb mas yog lub suab yuav coj nej khiav ntawm Txiv Plig mus, vim lub suab ntawv ntxias tau nej qaug quav zoo heev.

Hnub twg lub suab ntawv coj tau nej tawm hauv Txiv Plig mus lawm ces lwm yam sab nrauv yog cuav tag nro tsis muaj ib qho tseeb. Yog muaj ib lub suab coj nej mus cuag kom tau Txiv Plig, hnub ntawv lub suab yuav yog Leej Tswv yim Ntshiab, nws yog Ntuj Plig, nws yog Huab Tais Yesxus.

Yus yog neeg dog dig xwb, yus hnov ib lub suab hauv yus tuaj, txhob rawm maj zoo zoo siab, vim tus dag yuav maj mam ntxias hauv nej ntag, nws yuav ntxias ib qho ntxiv ib qho ces yuav ua rau nej dig muag zuj zus thiab qaug nws kev ntxias zuj zus. Thaum tseem tsis tau lig, cia li tso lub suab ntawv tseg, los thov txim rau Tswv ntuj, kom Tswv Ntuj pab ntiab lub suab ntawv tawm hauv nej mus.

Kuv li kuv twb ntiab tau tawm hauv kuv mus lawm, kuv yeem tuag, kuv tsis yeem hnov lub suab ntawv ntxiv, kuv tso plhuav txoj kev mloog lub suab ntawv tseg, kuv xaiv Yesxus txoj kev tuag, kuv tuaj yeem tuag tsis yeem hnov lub suab hais lus rau kuv. Kuv thov Huab Tais Yesxus tuaj nrho kuv txoj sia, yog tias lub suab ntawv yog Tswv Ntuj lub tiag tiag no ces thov kom kuv tuag mus, hos yog tsis yog Huab Tais Tswv Ntuj lu suab no ces kom Tswv ntuj cia li pab kuv ntiab tus tuaj dag kuv ntawv kom txav deb txhob los hais lus rau kuv ib zaug ntxiv, thiab kom Tswv Ntuj txhab zog rau txoj sia kom ntev rau kuv ntag.

Li ntawv tas, txij hnub ntawv los lub suab tsis rov los rau kuv hnov ntxiv lawm. Tseem muaj tej lub caij kuv yuav hnov yuav hnov lub suab dua, tiam sis kuv ntiab kom txav deb ntawm kuv lawm xwb. Kuv ntseeg tag ib puas tsav yam lub Koos Txoos Kas Tos Liv qhia, kuv ntseeg cov Txiv Plig lawm xwb. Yog hnub twg kuv tseem ntseeg lwm tus thiab lwm lub suab sab nrauv tuaj ntxias kuv ces kuv kawg poob qhov ntuj hnub kawg xwb thiaj tag.

Nej txhob khuv xim lub suab nyob hauv nej, nej txhob xav tias tsam lub suab ntawv tsis nyob hauv nej lawm ces yog Tswv Ntuj tso nej tseg lawm. Yog Tswv Ntuj xaib nej tiag tiag, txawm nej tsis kam mloog lub suab ntawv , nej yeem tuag los Tswv Ntuj yeej yuav tsis pub nej tuag. Nej yuav tsum nco txog tus saub Jonas uas khiav Tswv Ntuj, tsis kam ua Tswv Ntuj dej num los Tswv Ntuj tseem cia ntses nqos nws mus tsis pub nws tuag. Nej txhob ntshai yog tias lub suab hauv nej tsis yog Tswv Ntuj, nej txawm ntiab lawm los yeej tsis txhaum rau nej, Tswv Ntuj tseem yuav pub ntau yam zoo sthaj rau nej pom yog nej muaj lub peev xwm kho kom tau nej los ua neeg ncaj hauv Tsev Teev Ntuj.

Cov yaj saub cuav. 7 : 15
15 “Nej ceev faj txog cov yaj saub cuav,
lawv txia ua ib co yaj tuaj cuag nej, tab
sis nyob sab hauv, lawv yog ib co hma
nrhiav ncauj.
PUAS YOG NTUJ XAIV TIAG? Faux-prophete-foule

PUAS YOG NTUJ XAIV TIAG? Faux-prophete-foule

**Maiv Tooj** 11th February 2011, 12:07 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: PUAS YOG NTUJ XAIV TIAG?

Post Maiv Tooj 11th February 2011, 12:07 pm

Maiv paj Lug,

Yog coob tus ceev faj thiab siab tawg, yuav ntseeg los yuav mloog qab mloog hauv, nrhiav paus nrhiav ntsis mam ntseeg li koj hais nov mas yuav zoo dua. Tab sis feem coob, lawv hnov cov suab thiab pom tej qhov ci ci li lub teeb los lub hnub qub los saum ntuj los los yog nyob ntawm lawv ces lawv cia li qaug siab lawm. Thiab ib qho uas lawv tsis ceev faj, tsuav yog tus neeg ntawd paub tau hauv lwm tus lub siab xav, paub tau lwm tus lub neej luag tsis tau qhia rau, paub tau luag tej mob nkeeg ces cia li hais tias ciaj saub lawm. Tab sis lawv twb tsis paub tseeb tias tus uas los tshoj lawv ntawd yog tus Tseeb los tus CUAV, tus zoo los yog tus phem. Tej zaud yog luag muab ib qho me me los ntxias yus ua ntej kom yus qaug siab, tsso siab rau luag ces luag mam siv yus mus lwm yam xwb.

**Maiv Tooj** 13th March 2011, 2:52 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: PUAS YOG NTUJ XAIV TIAG?

Post Maiv Tooj 13th March 2011, 2:52 am

Thaum Mais Xes coj tau cov His Xas Lais dim ntawm Hais Nkws Tos teb los, nws coj lawv los nyob teb chaws Suab puam tau 40 xyoo. Tswv Ntuj tsis coj lawv ncaj qha los rau lub teb chaws uas muaj zib mu thiab mis nyuj meem nias, vim yuav cia lawv nyob teb chaws suab puam kom lim thiab tshau cov neeg tsis ncaj, cov neeg tsis ntseeg txaus thiab mom Tswv Ntuj txheej kom tag mam li coj cov uas muaj txoj kev ruaj nreb mus rau lub teb chaws ntshiab uas hu ua Ntuj pub rau lawv.
Thaum Mais Xes tseem tab tom mus teev Ntuj saum roob, yog lub caij uas Tswv Ntuj txaug 10 LO LUS QHIA RAU COV PHIAj ZEB. Mais Xes rov los txog nram zos, cas nws haiv neeg twb tsis tos nws lawm, lawv twb mus puab mlom kuv, mloom tooj los pe hawm...Qhov nov kuj yog ib teg hauj lwm ntawm tuaj kub (dab phem), uas maj zeeg ntxias neeg kom ncaim ntawm Tswv Ntuj mus, mus ua txhaum, mus teev tej yam cuav uas tsis muaj qab hau, mus sawv saub, mus ua tus loj tshaj qhov tseeb...

Lawv nchuav ib tug mlom nyuj.
32 : 1 - 6.
1 Thaum tsoom pej xeem pom
tias Mais Xes tsis txawj nqes saum
roob los, ces lawv tuaj ntsauv As Loos,
lawv hais rau nws tias :
“Koj cia li ua ib tug tswv ntuj rau peb
teev, kom nws mus ua peb ntej, vim Mais
Xes uas nws coj peb tawm Hais Nkws
Tos teb los, mas peb tsis paub xyov nws
dua twg lawm."
2 As Loos teb rau lawv tias :
"Hle nej cov kauj ntseg kub uas nej cov
poj niam, cov tub, cov ntxhais coj ntawm
pob ntseg, nej nqa tuaj rau kuv."
3 Tsoom pej xeem sawv daws hle lawv
tej kauj ntseg kub ntawm pob ntseg tib si
nqa tuaj rau As Loos. 4 As Loos txais
cov kub ntawm lawv tes los, nws muab
nchuav hauv yeej vub ua ib tug mlom
nyuj. Ces lawv hais tias :
“Cov His Xas Lais, nej ntsia ! Tus no yog
nej tus Tswv Ntuj, tus uas tau coj nej
tawm Hais Nkws Tos teb los !"
5 As Loos pom lawv ua li ntawd, mas
nws tsa ib lub thaj txi mlom rau ntawm
tus mlom hauv ntej thiab nws ceeb toom
rau sawv daws tias :
"Tag kis, nej nqaum paj nqaum nruas cav
txog HUAB TAIS."
6 Tag kis, lawv sawv ntxov, lawv tuaj
hlawv tsiaj thiab nqa ib co txim tuaj txi
lawv tus dab. Tsoom pej xeem tuaj zaum
noj mov thiab haus dej, ces lawv sawv
mus dhia daj dhia luag lom zem.

HUAB TAIS qhia Mais Xes tias lawv teev mlom nyuj.
32 : 7 - 10.
7 Ces HUAB TAIS hais rau Mais Xes
tias :
"Koj kav tsij nqes mus sai, vim koj haiv
neeg uas koj tau coj tawm ntawm Hais
Nkws Tos teb los, twb ua phem lawm.
8 Lawv tos tsis taus, lawv twb maj ncaim
ntawm txoj kev uas kuv nyuam qhuav
qhia kom lawv taug. Lawv twb nchuav
tau ib tug mlom nyuj rau lawv teev, lawv
pe, thiab lawv tua tsiaj txi tus mlom.
Lawv hais tias : Cov His Xas Lais, nej
ntsia, tus no yog nej tus Tswv Ntuj uas
tau coj nej tawm ntawm Hais Nkws Tos
teb los."
9 HUAB TAIS hais ntxiv rau Mais Xes
tias :
"Kuv pom tias haiv neeg ntawd yog ib
haiv neeg xwb qwb txhav dhau. 10 Zaum
no, koj cia kuv npau taws rau lawv, kuv
yuav muab lawv rhuav pov tseg kom tas,
kuv mam li muab koj mus tsim dua ib
haiv neeg loj."

Mais Xes thov kom HUAB TAIS zam rau lawv. 32 : 11 - 14.
11 Mais Xes ua tib zoo thov nws tus
HUAB TAIS Tswv Ntuj kom Huab Tais
zoo siab, nws hais tias :
"HUAB TAIS, vim li cas koj thiaj li npau
taws rau haiv neeg uas koj lub zog loj
thiab koj txhais tes muaj hwj huam tau coj
tawm ntawm Hais Nkws Tos teb los ?
12 Vim li cas koj xav kom cov Hais
Nkws Tos tau kev hnyos tias : 'Yog koj
siab phem koj txhob txwm coj lawv los
tuag kom tas nyob pem roob kom lawv
txhob tshuav ib tug nyob ntiaj teb ntxiv ?'
Koj thim koj lub siab npau taws ceev
thiab tso qhov phem uas koj xav ua rau
koj haiv neeg pov tseg mas. 13 Thov koj
nco ntsoov txog koj cov tub txib Has
Nplas Has, His Xas Has thiab His Xas
Lais, uas koj tau cog lus ruaj rau lawv
tias : ‘Kuv yuav ua kom nej cov xeeb
ntxwv huam vam coob npaum li cov
hnub qub, thiab kuv yuav muab lub teb
chaws uas kuv tau hais rau nej, pub rau
nej cov xeeb ntxwv, ua lawv tug mus ib
txhis.’"
14 Ces HUAB TAIS thim xav, nws tsis
ua phem rau nws haiv neeg raws li nws
tau hais.

Mais Xes tsoo ob daim txiag zeb sau txoj cai. 32 : 15 - 24.
15 Mais Xes nqes saum roob rov los, nws
nqa ob daig txiag zeb Tim Khawv ntawm
tes, ob daig txiag zeb ntawd sau ob sab
huv si, sab saud thiab sab hauv. 16 Ob
daig txiag ntawd yog Tswv Ntuj txaug,
cov npe ntawv los yog Tswv Ntuj sau,
nws muab txaug rau saum ob daig txiag
zeb. 17 Yos Xuas hnov tsoom pej xeem
qw tsheej tsaug, nws hais rau Mais Xes
tias :
“Muaj suab nrov cuag li sib tua hauv lub
yeej !"
18 Mais Xes teb tias :
"Tsis yog lub suab qw yeej ib nthwv rog,
kuj tsis yog lub suab quaj swb ib nthwv
rog thiab. Kuv hnov zoo li yog suab hu
nkauj sib teb."
19 Thaum nkawd los txog ze lub yeej
lawm, Mais Xes pom tus mlom nyuj thiab
tej pab hu nkauj dhia daj dhia luag lom
zem. Ces Mais Xes npau taws heev, nws
muab ob daig txiag zeb ntawm nws tes
pov tseg, ob daig txiag zeb tawg tas
ntawm taw roob. 20 Nws muab tus
mlom nyuj uas lawv nchuav, pov hlawv
hauv hluav taws, nws muab coj los tuav
ua hmoov mos mos, nws muab coj mus
nphoo rau hauv dej, ces nws yuam cov
His Xas Lais haus cov dej ntawd.
21 Mais Xes hais rau As Loos tias :
"Haiv neeg ntawd ua dab tsi rau koj, vim
li cas koj thiaj cia lawv ua ib qho txhaum
loj tas npaud ?"
22 As Loos teb tias :
"Thov koj tus ua Hlob, tsis txhob npau
taws, koj paub tias haiv neeg ntawd yeej
nkhaus.
23 Lawv hais rau kuv tias : 'Koj ua ib
tug tswv ntuj rau peb teev, kom nws mus
ua peb ntej, vim tus Mais Xes uas nws coj
peb tawm ntawm Hais Nkws Tos teb los,
mas peb tsis paub xyov nws dua twg
lawm.'
24 Kuv hais rau lawv tias : 'Leej twg
muaj kub, kom nqa tuaj.' Lawv muab tuaj
rau kuv. Kuv coj mus pov rau hauv
hluav taws, ces tus nyuj uas koj pom no
thiaj tawm los."

Thaum lub Caij 40, HT?Yes Xus mus nyob tom Suab Puam, teev Ntuj thiab yoo mo, dab phem rov ntxias HT.Yes Xus kom ua txhaum li cov His Xas Lais thaum lawv nyob teb chaws Suab Puam kom pe hawm Ntxwg Nyoog, ces NWS yuav tau lub theej kiab zaum kav tag nrho lub teb chaws, kom tau mov noj tsau npo.

Tab Sis HT.Yes Xus hais rau dab phem tias, kuv yuav tsis pev hawm tej yam tsis muaj qab hau, tej yam cuav. Neeg tsis yog yuav tsum yuav mov los yus txoj sia xwb, Tswv Ntuj cov LUS Ntshiab tawm Ntawm NWS lub qhov ncauj los tseem yug tau neeg txoj siab loj tsaj cov zaub mov lawm. Kuv yuav tsis pe hawm tej yam tsis muaj qab hau, tej yam cuav...

L 4,8 8 Yes Xus hais rau dab phem tias :
"Muaj lus sau cia tias :
Koj yuav pe Huab Tais, koj tus Tswv Ntuj,
koj yuav teev nws tib leeg xwb."

Muaj tej yam piv txwv li nov, coob leej uas nej hnov cov suab hais rau nej tias nej yog tus Tswv Ntuj XAIV, muaj txiaj ntsim thiaj hnov cov suab thiab pom tej yam ci ci uas coj nej kev, qhia luag tej lub neej, qhia yav tom ntej rau nej mas yuav tau ua siab tawv thiab txhob ntseeg, yuav ntseeg Huab Tais Tswv Ntuj tib leeg xwb. Txhob ntshaw meej mom, nto moo los kev nplua nuj...Yuav yog ib qho yuam kev loj...Vim dab phem muab tej yam tsis muaj tseeb, yees los ntxias kom yus poob rau dab phem tes xwb...

**Maiv Paj Lug** 25th March 2011, 10:06 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°5

Re: PUAS YOG NTUJ XAIV TIAG?

Post Maiv Paj Lug 25th March 2011, 10:06 am

NYEEM KOOS TXOOS KAS TOS LIV COV LUS INTRODUCTION QHIA PEB HNUB NO

Ua ntej , qhov tseem ceeb tshaj uas peb tsim nyog paub mas yog hauv koos txoos Kas Tos Liv tsis qhuab yuam kom peb ntseeg cov neeg pom miracle tshwm sim, txawm koos txoos kas tos liv lees txais thiab tsis lees txais los tsis yuam kom leej twg ntseeg.

Duav li ntawv , tej yam tshwm sim txawm koos txoos kas tos liv lees muaj tseeb, nws kuj yuav pab tau peb txoj kev ntseeg loj tuaj thiab lub siab ntseeg nyob ruaj. Tiam sis peb yuav tsum ceev faj tsis txhob poob rau lub voj hlua uas khiav khawv khuav lawv qab nrhiav cov neeg pom ub pom no thiab muaj tej yam txawv txawv lawv hnov, tsam peb ho yuam kev mus deb dhau lawm peb ho yuav muab peb tus ntsuj plig ua ploj mus ib sim hauv tej neeg kev cuab ntxiab.

Tout d'abord, il est important de noter que les catholiques ne sont pas obligés de croire à une apparition ou révélation privée, même si elle a été approuvée par l'Église.

Les révélations privées approuvées et reconnues par l'Église peuvent nous encourager ou nous aider dans notre foi. Mais il faut faire très attention de ne pas tomber dans le piège de courir après les visions et phénomènes extraordinaires, car nous risquerions d'y perdre nos âmes.

First, it is important to note that Catholics are not obliged to believe that a private revelation or apparition, even if it was approved by the Church.

Private revelations approved and recognized by the church can encourage us or help us in our faith. But be careful not to fall into the trap of chasing the visions and extraordinary phenomena, because we risk losing our souls.

**Maiv Tooj** 27th March 2011, 9:35 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°6

Re: PUAS YOG NTUJ XAIV TIAG?

Post Maiv Tooj 27th March 2011, 9:35 am

Nyob zoo Maiv Paj Lug,

Ua tsaug rau nws zaj luv ceeb toom no, yeej yog li nws hais lawm, yog peb tsis ceev faj, peb mloog cov uas lawv hnob suab, paub neeg lub neej, txawj kho mob mas tej zaud kuj tsis yog muaj hwj huam tuaj ntawm Ntuj tuaj, tej zaud yog Tuaj kub cuav kom ntxias tau neeg mus teev hawm nws. Tej zaud kuj yog tuaj ntawm Tswv Ntuj tuaj thiab kuj muaj...Qhov yuav tseeb thiab cuav mas yuav pom tau tias tus uas nws muaj hwj huam kho tau mob nkeeg, paub saib, paub hais luag lub neej, hais txog Tswv Ntuj, Niam Mab Liab lub npe tas mus li, tab sis seb tus neeg ntawd puas nyiam mus teev Ntuj, mus txais lub Cim Yug tsis tu ncua mas thiaj yuav ntseeg tau tias yog tseeb...Yog tias ib tug neeg hais tias nws yog Tswv Ntuj xaiv, nws tau hwj huam, niaj hnub hais txog Ntuj tab sis tsis mus teev Ntuj hauv Tsev teev Ntuj, tsis mua txais lub Cim Yug, tsis mus ua Mis Xas li mas ntshe yuav yog nkag lub voj hluas ua cuab raws yus qab li Maiv Paj Lug hais xwb.
Peb ua neeg nyob, peb txawm tssi muaj hwj huam los peb txhob ntshaw kom peb tau hwj huam, vim qhov hwj huam uas peb tau ntawd, tsis paub tias yuav yog tus DAWB los tus DUB ua tus muab rau yus...

**Maiv Paj Lug** 28th March 2011, 4:20 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°7

Re: PUAS YOG NTUJ XAIV TIAG?

Post Maiv Paj Lug 28th March 2011, 4:20 am

hahaha....Maiv Tooj , lwm tus mas kuv tsis paub tiam sis ntawm kuv li kuv ntshai ntshai yuav hwj huam , kuv tsis xav yuav hwj huam...kuv xav tau Leej Tswv Yim Ntshiab los nyob nrog kuv xwb txaus lawm, kuv xav yuav los nyob hauv kuv, kuv tos ntsoov Yesxus yuav rov los xyuas kuv thaum kuv pw . Amen

**Maiv Tooj** 12th June 2011, 9:07 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: PUAS YOG NTUJ XAIV TIAG?

Post Maiv Tooj 12th June 2011, 9:07 am

QHOV POM KEV YOG DAB TSI?

Lub zim txwv no muaj coob leej ntau tus pom ntau yam tshwm sim, ib cov kuj pom xwb ces tag, ib cov pom cev kuj mus deb ntxiv, vim lawv kuj hnov ib cov suab los hais lus rau lawv, los hais ntau yam kev thoob tsib thiab kom lawv ua ntau yam, qhia lawv paub ntau yam txog Huab Tais Ntuj, txog kev Cawm Seej...Qhov ntau, cov uas tau hnov thiab pom no, lawv zoo siab heev tias yog lawv tau Tswv Ntuj lub txiaj ntsim...

Qhov ntau, lawv pom ib qho pom kev, ib qho pom kev ci ntsa iab, pom kev lam lug, pom li ib lub teeb ci, pom li ib lub hnub qub poob saum ntuj ncaj qha los rau nws xub ntiag, pom poob ncaj qha los rau nws lub siab, pom ib lub teeb ci thiab laim deb tuaj, pom li ib lub teeb ntawm tu kheej, pom tej lub teeb lam yus taug kev...Raws li peb txhua leej paub txog kev ntseeg, peb niaj hnub hais txog Tswv Ntuj lub Ceeb tsheej pom kev lam lug ci ntsa iab, ces thaum peb pom xyeem ib qho ci ntsa iab rau lub sim ceeb no, ces peb txawm xav tias ntshe yog tuaj ntawm Ntuj tuaj es thiaj ci ntsa iab li.

Tsis tag li ntawd, ib cov neeg pom qhov pom kev ntawd, lawv tseem hnov ib co suab hais lus rau lawv lub siab, lawv cia li ua neeg paub ub paub no, txawj kho mob zoo, paub luag lub siab xav li cas, paub luag lub neej, txawj hais tej cov lus thoob tsib heev...

Tej yam no, nej yuav tau ceev faj tiag tiag li, vim zaum no Tuaj Kub (Dab Phem) Xas Tas muaj zog heev, nws lij lias txhua txoj kev los ntxias neeg, nws nrhiav qhov uas yuav ua kom neeg ntseeg nws, nws paub hauv tus neeg lub siab qhov ntshaw thiab nyiam, ces nws ua qhov uas tus neeg ntawd nshaw rau nws, kom swm mas nws mam coj kom ncaim deb zuj zus ntawm Huab Tais Yes Xus mus rau txoj kev txhaum, mus rau kev kub kev ntaiv, kev piam sij puas ntsoog. Dab Phem lub hom phiaj yog ua kom neeb txom nyem, chim siab, npau taws ces Dab Phem tau neeg cov Energy negatif ntawd los yug dab phem kom muaj zog. Yog neeg nyob nyab xeeb thaj yeeb ces dab Phem zog yuav nthaug, yog neeg muaj kev iab kav daw, kev cob kev chim ces dab phem muaj zoog heev tuaj. Li ntawd, lub zwj ceeb no Dab Phem ntxias tau neeg coob heev los sib ntxub, tsis sib haum xeeb, tsis sib nyiam tsis sib hlub ces Dab Phem thiaj li muaj zog heev tuaj.

Qhov pom kev, lub teeb ci, ceev faj, qhov nov tsis yog tuaj ntawm Ntuj tuaj, yog tuaj ntawm tus Tshiab Pom Kev tuaj, tus Tshiab Pom Kev yog Dab Phem Xas Tas.

Ntawv Ntshiab 2Kos Lis Nthos 11,14-15

14 Nej tsis txhob poob
siab mog : tab yog Xas Tas tsis kav, nws
twb txawj txia ua Ntuj tus Tshiab xa qhov
pom kev. 15 Ua li mas nej tsis txhob
poob siab, vim Xas Tas cov tub txib kuj
txawj txia ua ib co tub txib qhia kev ncaj.
Tab sis, thaum kawg, lawv yuav tau ib
txog hmoov phem phim lawv cov hauj
lwm.

Nws nyiam txia ua tej tug neeg zoo zoo los dag yus, tab sis yus xav zoo zoo mas yus yuav paub nws tej kev dag. Yam li nws nyiam ntxias yus rau tej yam tsis muaj nqes, yam li hwj huam, kev leev, kev lom zem ywj siab, tsis mloog luag hais, yus yog tus zoo tshaj, tej no yog yuav ntxias yus kom yus mus rau kev puas ntsoog.

Last edited by Maiv Tooj on 19th August 2011, 10:59 am; edited 1 time in total

**NrhiavTswvNtuj** 23rd July 2011, 7:43 pm

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°9

Re: PUAS YOG NTUJ XAIV TIAG?

Post NrhiavTswvNtuj 23rd July 2011, 7:43 pm

Rau hnub tim 17 lub 7 hli 2011

Ib tsoom ntseeg thiab phooj ywg,

Muaj ntau yam yuav piav tsis txhua hauv cov zaj nyeem hnub no. Peb tsuas khaws ob lub ntsiab lus coj los nthuav tseg txhawb peb kev kub siab ua neeg mloog Tswv Ntuj lus hauv lub lis piam no.
Thaum peb tsis tau hnov tsis tau paub dua kev teev Tswv Ntuj, peb tseem teev hawm peb tej dab qhuas Hmoob raws li poj ua tseg yawm ua cia. Peb yeej tsis tau luag lam mus teev tej dab qhuas txawv caj ces peb tej poj yawm ib txwm coj thiab qhia rau peb teev. Vim sawv daws yeej ntshai tsam mus lob nrhab yuav tau nrhab daws. Tus tsis mloog tej laus qhia, nws yuav ua puas dab caj dab ces. Leej twg ua puas dab, tus ntawd yuav tsum tau kho dab nws thiaj li tau zoo nyob tsis raug xwv txheej. Hmoob thiaj pheej hwm kev ua dab ua qhua nruj nreem raws poj koob yawm txwv qhuab qhia rau nyias tej tub ki thiab xeeb leej xeeb ntxwv. Tab txawm yog ib tsob Hmoob xwb los nyias muaj nyias dab qhuas sib txawv. Nyias yuav tsum teev nyias dab raws nyias keeb kwm. Ib xeem Hmoob thiaj teev dab qhuas txawv lawm ib xeem. Nyias kev teev dab qhuas yuam nyias ua raws nyias caj ces, nyias poj yawm txwv koob coj thiab qhia. Tus txiv dab txiv muam yuav tsum paub dab. Hmoob kev teev dab qhuas, muaj caiv loj thiab ua nruj kawg nkaus tsis pub yuam kev ib qho. Vim li ntawd, tej txiab nkeeg thiab xwv txheej ua rau cov Hmoob tseem coj dab qhuas ntshai kawg. Hmoob hais tias tej txiab nkeeg thiab xwv txheej yog dab ua rau neej. Muaj ntsuj muaj xyw hla zej zog rau dev tom tsij qees ntuj tag hmo ntaus cim tseg tias yuav muaj txiab nkeeg thiab xwv txheej, tim dab kev looj koov rau neej tos neej kev tom neej. Muaj ntau yam piv txwv Hmoob teev dab qhuas caiv nruj kawg. Piv li thaum tej ntxhais mus ua neej lawm, mus teev luag dab ciaj luag qhua. Tej ntxhais tuaj yug tsis tau me nyuam hauv niam tais yawm txiv tsev, caiv ua tsis tau, yog tsis caiv yeej kawg puas dab caj dab ces, puas dab vaj dab tsev. Kuj tib yam rau ntawm kev ploj tuag muaj caiv loj kawg nkaus. Tsuas kawg tib cuab kwv tij koom dab koom qhua : Hmoob hais tias txheeb thiaj tsis caiv, ib leeg tuag tau ib leeg tsev. Dua li, ib xeem Hmoob yeej tuag tsis tau hauv lwm xeem tsev, yeej caiv hla tsis dhau tus cai dab qhuas. Kev caiv hauv dab qhuas Hmoob, muaj ntau yam caiv.
Txij li thaum peb tso kev teev dab qhuas Hmoob tseg, los teev Huab Tais Tswv Ntuj, tus tsim lub ntuj lub teb, tsim neej thiab dab, tsim tas txhua tsav puas yam. Huab Tais Tswv Ntuj loj tshaj thiab muaj hwj huam tshaj neej thiab dab. Peb nrauj dab los teev Tswv Ntuj tus loj muaj hwj huam, peb dim plaws txoj kev txhawj kev ntshai dab tom, kev nqaim kev ti los taug txoj kev loj kev dav Tswv Ntuj txoj kev. Txawm muaj dab los dab cia li ua tus swb, tus ntshai peb, khiav deb ntawm peb txoj xub ke. Vim li cas dab tsis los tom peb li thaum ub lawm ? Qhov peb pom no tsis yog tim peb dab ntshai, tim dab ntshai Tswv Ntuj dab thiaj hwm peb. Huab Tais Tswv Ntuj muaj hwj huam, peb ntseeg, leej twg los khaub zig txog Huab Tais Tswv Ntuj, vam khom, teev, mloog Tswv Ntuj lus, tus ntawd txais Tswv Ntuj lub hwj huam. Muaj tseeb tiag, tsis yog lam hais. Hnub peb txais lub Cim Ntxuav, peb tau ntiab dab phem tawm khiav ntawm peb lub cev thiab ntsuj plig. Peb tau lees Huab Tais Tswv Ntuj los ua peb Niam peb Txiv hlub peb tiv thaiv peb. Cov lus peb hais los ntiab dab muaj hwj huam, caum tau dab li peb hais vim yog Tswv Ntuj lus. Peb tau txais ib lub npe tshiab, vim peb yug dua tshiab ua tus neeg tshiab nrog tas lub Koom Txoos ntseeg sawv daws ua Tswv Ntuj tub ki. Ua neej sawv daws yog ib tse, ib cuab kwv tij tsis txheeb lub cev thiab roj ntsha los txheeb hwj huam thiab txheeb Leej Ntsuj Plig, vim sawv daws koom Tswv Ntuj Ntsuj Plig Ntshiab. Tuag los ib tug tuag tau ib tug tsev txawm yog qhua thiab mab sua, yeej tsis caiv li thaud. Vim sawv daws nrauj txoj kev nqaim los taug txoj kev dav, ciaj ua sawv daws kwv tij sib hlub, tuag sawv daws cev tes ntso sib pab. Peb kuj tseem vam tseem ntshaw sawv daws tej poj yawm txwv koob saum qaum ntuj tej koob hmoov roos peb. Vim li ntawd, Tswv Ntuj lub hwj huam ua rau dab phem ntshai peb, zam peb kev tsis los thab peb li yav thaum ub lawm : “13 Dua ntawm koj, tsis muaj lwm tus Tswv Ntuj yuav txhawj xeeb sawv daws, kom koj qhia tau rau nws tias koj txiav txim tsis ncaj ncees.16 Qhov tseem ceeb ntawm koj lub zog yog kev ncaj ncees, tswj tas txhua yam, koj thiaj txuag puas tsav yam.” Peb tib neeg tsis muaj hwj huam dab tsi, yog peb tsis los npuab Tswv Ntuj, dab phem yuav tsis ntshai peb. Tsis tas li ntawd, peb twb paub ntsoov peb tsis muaj zog, tsis muaj hwj huam tiv tau dab phem. Peb tseem ua neeg cam thawj tsis mloog tej xib hwb, tej txiv plig, tej tswv qhia thiab vaj qhia lus, mus ua li peb siab nyiam siab xav. Peb ua neeg cam thawj, peb kawg yuam kev ib yam tus me nyuam cam dhau nws niam nws txiv, nws kawg yuam kev. Ua cas peb thiaj tsis yuam kev, vim peb thuam cov neeg ncaj ncees, thuam cov leej ntshiab, thuam peb leej niam Mab Liab. Yus yog tus yau, yus tsa ncauj thuam yus niam yus txiv, thuam yus tej poj koob yawm txwv luag yog hlob, yus puas tseem muaj ntsej muag rov qhuas yus, nej xav li cas ? Yog peb yuam kev, peb kuj yog tus pluag txiaj pluag ntsim. Yog peb twb pluag txiaj ntsim, peb kuj tsis tau koob hmoov ntawm tej poj yawm thiab ntawm tsoom leej ntshiab, peb yim huab pluag tsis tau Tswv Ntuj txiaj ntsim : “Leej twg mloog nej, nws mloog kuv thiab leej twg thuam nej nws thuam kuv ; tus thuam kuv thuam tus xa kuv tuaj Lk10,16” Peb los ntseeg Tswv Ntuj, peb koom Tswv Ntuj lub cev ua Tswv Ntuj tub ki thiab koom Tswv Ntuj Ntsuj Plig peb thiaj muaj Tswv Ntuj hwj huam. Vim li ntawd, txij peb los teev Tswv Ntuj, dab thiaj ntshai peb tsis los thab peb li yav thaud lawm.
Muaj ib txhia neeg teev Tswv Ntuj txawm xav tias los teev Tswv Ntuj ces muaj ntsej muag nrog Tswv Ntuj hais cai cav kom muaj yeej muaj swb. Lawv pheej tseem xav li thaum tseem teev dab qhuas, twb muab qaib npua thiab nyuj twm ntsuj duab ntsuj plig ntxias tau dab kev looj koov zoo tau los. Twb them ntsuj qaib ntsuj npua ua txim hnyav npaum li ntawd tus rau dab, neej ntsuj plig thiaj rov qab los npuab cev. Yus los teev Tswv Ntuj, yus kuj hais rau xib hwb thiab txiv plig teev ob peb zag ntuj ntxias Tswv Ntuj kom ua li yus siab nyiam, tshem yus tej txiab nkeeg mus pov tseg. Yus thiaj los coj kev cai ntseeg Tswv Ntuj kom dim kev txhawj xeeb. Yus los teev ntuj, los tsis dim, tseem pheej raug qees kev txhawj xeeb, tsam Tswv Ntuj tsis loj txaus. Tseem muaj tej txhia neeg ntseeg Tswv Ntuj txawm xav tias yus twb muaj Tswv Ntuj hwj huam lawm, ho tom thawj ua zaj puav npau suav cuab yus zog sawv saub ces maj zeeg, tsam tos thiab tos ho lig rau yus kev sawv saub, los puas sawv ua xib hwb qus raws li yus nyiam thiab yus txawj. Vim li, thiaj muaj coob leej saub cuav ncig teb ncig chaw kho mob kho nkeeg txhua nrho, teev ntuj tsis tsheej ntuj, teev dab tsis tsheej dab ; cov sawv kws xib hwb qus qhuab qhia thoob teb chaws teev dab teev mlom sib xyaws pes ntxaws. Tsis hais tus saub cuav los tus xib hwb qus los tus neeg cam thawj twg puav leej yuam kev tag nrho. Yog kheev lam lawv tus kheej yuam kev xwb tsis luaj twg. Tiam sis, qhov txhaum Tswv Ntuj loj yog qhov lawv txw thiab pus tau cov neeg ntseeg duj de yuam kev nrog lawv. Peb yuav nco ntsoov Yes Xus cov lus Yes Xus hais rau tus neeg cav ncauj cam thawj coj sawv daws poob zoo : “Tus ua tub qaug ib tug hauv cov me nyuam ntseeg kuv no, muab lub zeb luj zom dai ntawm nws caj dab tog lawm hauv qab thu hiav txwv yuav zoo tshaj rau nws Mt 18,6” Peb yuav tau ceev faj kawg nkaus rau hom saub cuav thiab hom kws xib hwb qus sawv los qhuab qhia neeg tsis muaj paus muaj ntsis, ntxias neeg yuam kev. Tsis yog txheej tshiab no thiaj muaj cov neeg coj kev teev hawm vwm leg ntsuav li ntawd. Yog nej mus thuav ntawv liv xwm chiv keeb Koom Txoos Kav Tos Liv sawv los txog niaj hnub no muaj 20 tiam neeg, tshaj 2000 xyoo, yeej ib txwm muaj cov saub cuav thiab cov neeg cam thawj, kws xib hwb qus. Tiam sis, lawv tsuas sawv ib vuag dua ntais li tej noob nroj tuaj paug teb hauv zaj txhais Yes Xus qhia rau peb mloog hnub no : “Huab Tais, tsis yog koj twb tseb cov noob zoo rau koj thaj teb ? Ua cas ho muaj nroj ?” 28 Nws tsa ncauj hais rau lawv : “Neeg tus yeeb ncuab ua li ntawd.” Cov tub txib hais rau nws : “Koj puas xav kom peb mus xawb rho cuam pov tseg deb?”29 Nws teb : “Txhob ua li. Ntshai tsam nej xawb nroj, nej rho tau nplej nrog 30 Cia ob co hlob ua ke txog caij hlais, thaum ntawd, kuv yuav hais rau cov sau qoob : xub xawb nroj ua ntej, muab khi ua tes coj mus pov hlawv, hos sau cov nplej tso hauv kuv txhab.” Peb los teev Tswv Ntuj, yam zoo peb ua, yog peb mloog Tswv Ntuj lus ua li Tswv Ntuj nyiam. Yam phem, qhov yuam kev yog noob nroj tuaj paug teb, yog dab phem coj kev, peb qaug rau dab phem ua li dab phem zaj. Peb twb pom cov saub cuav, cov kws xib hwb qus, cov neeg cam thawj coj kev teev hawm tsis muaj qab muaj hau, tsis muaj paus muaj ntsis. Peb tsis txhob cia lawv ntxias peb mus yoog li lawv, taug lawv qab. Peb yuav coj kom tau peb lub siab los npuab Tswv Ntuj, teev Tswv Ntuj, tso siab rau Tswv Ntuj raws peb tej xib hwb, tej txiv plig, tej tswv qhia lus qhub. Yog nej mloog cov tseem xib hwb thiab tseem txiv plig qhia rau nej, yog nej mloog Huab Tais Yes Xus qhia rau nej. Yog nej mus raws tus saub cuav thiab tus xib hwb qus qhia nej, yog nej mus raws dab phem. Txawm li cas, yog peb teev Yes Xus raws lub Koom Txoos qhia, tso siab tsis txhob txhawj, Yes Xus yog tus yuav txiav txim rau peb txog hnub kawg.
Ib tsoom ntseeg thiab phooj ywg, lub neej teev Tswv Ntuj ua ntseeg Tswv Ntuj tsis yog ntxuav plig tas ces teem hauv ncoo siab siab pw tsaug zog tom tsev yuav muaj zog thiab ciaj tau neeg ntseeg Tswv Ntuj. Nyias yuav mob siab siv zog ntsos teev Tswv Ntuj, thov koob thov hmoov tsis tseg ntawm Tswv Ntuj tas sim neej twb tseem tsis txaus. Kev mus teev ntuj hnub chiv, yog mus nrog yus cov kwv tij ntseeg pe hawm Tswv Ntuj ciaj Tswv Ntuj tub ki, txais Yes Xus lub cev ua txhiam xws yug yus lub cev thiab ntsuj plig kom muaj zog txhob qaug, txhob poob rau dab phem ntxias. Peb sim tig ntsia cov neeg mloog Tswv Ntuj lus, lawv yeej tsis sav txoj kev teev hawm Tswv Ntuj ib lub caij nyoog li. Tim li cas, tej txhia neeg ntseeg twb tsis mus teev ntuj txog 3 zaug hauv ib lub xyoo, peb yuav ua cas kom Tswv Ntuj pub txiaj ntsim tau rau peb ? Vim li ntawd, cov neeg peb yuav yoog thiab peb yuav tsum mloog yog cov neeg ncaj ncees nyiam Tswv Ntuj raws li Yes Xus qhia rau peb.

13.07.2011
Cwj Vuam Chiv

Thov txim, zaj no kuv muab tso rau 3 qhov chaw diam, vim nws muaj lub ntsiab raws li cov sujets ces kuv thiaj tsom kom sib dhos thiab kuj qhia tau rau peb ras xeev.

**Tub ntsuag** 6th October 2011, 10:48 pm

Tub ntsuag

Tub ntsuag: Phooj Ywg; Messages : 111
Date d'inscription : 2011-10-06

Post n°10

Re: PUAS YOG NTUJ XAIV TIAG?

Post Tub ntsuag 6th October 2011, 10:48 pm

Maiv Tooj wrote:
Nyob zoo Maiv Paj Lug,

Ua tsaug rau nws zaj luv ceeb toom no, yeej yog li nws hais lawm, yog peb tsis ceev faj, peb mloog cov uas lawv hnob suab, paub neeg lub neej, txawj kho mob mas tej zaud kuj tsis yog muaj hwj huam tuaj ntawm Ntuj tuaj, tej zaud yog Tuaj kub cuav kom ntxias tau neeg mus teev hawm nws. Tej zaud kuj yog tuaj ntawm Tswv Ntuj tuaj thiab kuj muaj...Qhov yuav tseeb thiab cuav mas yuav pom tau tias tus uas nws muaj hwj huam kho tau mob nkeeg, paub saib, paub hais luag lub neej, hais txog Tswv Ntuj, Niam Mab Liab lub npe tas mus li, tab sis seb tus neeg ntawd puas nyiam mus teev Ntuj, mus txais lub Cim Yug tsis tu ncua mas thiaj yuav ntseeg tau tias yog tseeb...Yog tias ib tug neeg hais tias nws yog Tswv Ntuj xaiv, nws tau hwj huam, niaj hnub hais txog Ntuj tab sis tsis mus teev Ntuj hauv Tsev teev Ntuj, tsis mua txais lub Cim Yug, tsis mus ua Mis Xas li mas ntshe yuav yog nkag lub voj hluas ua cuab raws yus qab li Maiv Paj Lug hais xwb.
Peb ua neeg nyob, peb txawm tssi muaj hwj huam los peb txhob ntshaw kom peb tau hwj huam, vim qhov hwj huam uas peb tau ntawd, tsis paub tias yuav yog tus DAWB los tus DUB ua tus muab rau yus...

yog log mas maiv tooj thiab maiv paj lug nej nrhav tau tej yam tseem ceeb kawg lawm os nawb raws tim peb no los txawm yog muaj li cov tau hais ko ntag los mas lawv tau hais tias lawv yog tug ntuj tso lo .mas ua rau coob leej los yuam kev lawm tiag .ntawm kuv tug kheej kiag kuj yuam kev thiab .tiam sis txij hnub no mus yuav tsum tau ua neeg xyuam txim txhiaj tsi nkas kev ua txhaum ntxiv .

**Maiv Tooj** 7th October 2011, 8:15 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°11

Re: PUAS YOG NTUJ XAIV TIAG?

Post Maiv Tooj 7th October 2011, 8:15 am

Nyob zoo XH.Ntxoov Tsab,

Txoj kev yuam kev yog ib qho kev kawm,
Tog ib tawg yuav rov sawv dua
Poob ib ncua yuav rov sib rog
Qeeb ib rog txhob rawm txhawj
Lub neej tsis kawg yeej yuav nrog luag zoo ib hnub xwb os nawb mog...!