HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tim khawv tus tub Protestant los ntseeg  Catholique . Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    Tim khawv tus tub Protestant los ntseeg Catholique .

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tim khawv tus tub Protestant los ntseeg  Catholique . Empty Tim khawv tus tub Protestant los ntseeg Catholique .

    Post  Maiv Paj Lug 13th December 2010, 9:10 am

    Tim khawv tus tub Protestant los ntseeg Catholique

    Tim khawv tus tub Protestant los ntseeg  Catholique . .communion_saints_s

    Muaj ib tug me nyuam tub muaj 6 xyoo, nws yug los rau hauv tsev neeg Protestant. Nws mus kawm ntawv, nws hnov nws cov me nyuam phoojywg Catholique pheej hu txoj nkauj " Koj nyob Kaj Lug Mab Liab" . Nws nyiam txoj nkauj ntawv heev ces nws muab sau tseg rau hauv ib daim ntawv, nws niaj hnub hais niaj hnub nyeem ces nws cia li hais txoj nkauj ntawv tsis saib ntawv .

    Nws zoo siab heev ces nws los hais qhia rau nws niam, nws muab nws daim ntawv rau nws niam saib, nws niam cem nws hais tias : << Koj cia li tsum, txhob hais txoj nkauj ko ib zaug ntxiv lawm, tsuas yog ib txoj nkauj uas cov neeg Catholique ntshaw kev teev mloom thiab lawv ntseeg tias Niam Mab Liab yog ib tug Poj Huab Tais, tiam sis Niam Mab Liab tsuas yog neeg dog dig xwb. Peb tsis pub koj hu txoj nkauj ko ntxiv. >>

    Ces txij hnub ntawv los tus me nyuam tub cia li tsis hu zaj nkauj " Koj Nyob Kaj Lug Mab Liab " ntxiv. Nws thiaj li ua raws li nws niam hais, nws rau siab ntso nyeem NTAWV NTSHIAB = "VajLugKub=Protestant". Muaj ib hnub nws txawm nyeem los txog ntawm Tswv ntuj tus Tshiab lo lus hais rau Mab Liab tias : <<" Koj nyob kaj lug Mab Liab, txiaj ntsim puv koj lub siab, Huab Tais Ntuj nrog koj nyob! ">> Nws tseem mus nyeem tau qhov Es Lis xas Npes cov lus hais rau Mab Liab tias : << Koj tau koob tau hmoov tshaj txhua leej poj niam tib si! >>...nws thiaj hu nws niam ceev thiaj nws los taw tes kiag rau nws niam tias : << Niam, koj sim saib phau ntawv VajLugKub ntawm no ma, lawv twb qhia li ntawv thiab nev? koj kom kuv txhob hais txoj nkauj ntxiv lawm yog cov Catholique siv los teev mloom xwb no ua li cas hauv peb phau ntawv VajLugKub ho muaj cov lus no thiab?

    Tus me nyuam tub ntawv cia li rov qab niaj hnub hu nws zaj nkauj " Koj nyob kaj lug Mab Liab" li qub thaum nws kawm tau. Nws hu txoj nkauj ntawv txhua txhua hnub, thaum nws loj muaj 14 xyoos, nws thiaj tau nrog nws tsev neeg tham zoo zoo : << Nej hais tias Niam Mab Liab yog ib tug neeg dog dig li lwm tus , tiam sis kuv hais rau nej tias tsis yog , yog tias Niam Mab Liab yog Yesxus Niam ces nws yeej yog TSWV NTUJ Niam, kuv hais rau nej tias nej lub tswv yim twb tsis nyob hauv Ntawv Ntshiab.

    Tus me tub ntawv niam poob siab, nws nsthai tsam muaj ib hnub, nws tus tub hloov siab mus caum cov Catholique. Nws tus tub uas nws hlub tshaj plaws yuav hloov siab tiag tiag li, ces nws chim thiab poob siab loj kawg. Tiam sis nws niam yeej xav tsis yuam kev, tus me tub ntawv loj zuj zus, nws tau mus kawm txog ob hom kev ntseeg ntawm Protestant thiab Catholique. Nws muab coj los ntsuam ua ke, nws hnia thiab cev nws lub siab mus txais Catholique txoj kev taug. Nws mus kawm tiav hauv Catholique tsev kawm los ua ib tug thwj tim qhia Yesxus lub moo zoo.

    Tsis ntev, nws tau ntsib nws tus muam hlob uas yuav txiv, tus muam muab nws cem thiab thuam nws tias : << Koj yeej paub tias kuv hlub thiab nyiam kuv cov me nyuam npaum cas, tiam sis yog kuv ib tug me nyuam tseem mus ua Catholique thiab mas kuv xum muab ntaj los nkaug nws plab kom tuag, kuv tsis xum cia nws mus ua txoj kev cai Catholique ntawm cov Txiv Vaj Qhia. >>

    Ua ciav tsis ntau ntev xwb, nws tus muam tus tub cia li mob nyhav heev. Txhua tus kws kho mob los yeej kawg pab tsis tau lawm. Tus nus uas tau mus ua tim khawv hauv Catholique thiaj rov tuaj cuag nws tus muam, thiaj hais zoo zoo rau tus muam tias : << Me muam, yog koj tseem xav kom koj tus me tub zoo rov los, koj cia li ua li kuv hais, koj nrog kuv hu txoj saw Mab Liab pab rau koj tus me tub, tiam sis koj yuav tau cog lus tias yog koj tus me tub zoo rov los mas koj yuav tsis thuam cov Catholique , koj yuav tsum mus kawm txoj cai Catholique, yog koj ua tau li ntawv, txawm koj lub txim nyhav npaum cas los Tswv Ntuj yuav zam rau koj, nws yuav pab kom koj tus me tub zoo rov los.

    Tus muam tseem ua xyeem xyav, tiam sis nws kuj xav sim thiab ua txhij ua txhua seb nws tus me tub puas yuav zoo rov los tiag tiag. Nws thiaj kam, thiaj lees nrog nws tus nus hais ib zaj " Koj nyob kaj lub Mab Liab ". Tag li ntawv, ua ciav tag kis kaj ntug txoog xwb, tus me tub mob cia li zoo lawm, txawm sawv los taij mov noj, noj mov tas xwb, txawm siv yuav taij sawv mus ncig ua si. Txhua tus kws kho mob lawv xav tsis tawm, lawv coj tus me tub mus ntsuam thiab kuaj npaum twg los tus mob zoo tag nrho. Lawv hais tias tej zaum yeej muaj Miracle lawm tus me tub ntawv thiaj zoo sai ua luaj. Tus muam tsis hais tiam sis nws ua kua muag teev yees, nws lub siab ntseeg tias yog nws tau hu Niam Mab Liab los thov ntuj nrog nws es nws tus me tub thiaj zoo. Nws ua nws tus nus mus ua tim khawv hauv cov Catholique rov los tsaug ntau, txij ntawv los tus muam thiaj coj nws tus txiv mus kawm kev cai Catholique thiab tso siab rau Tsev Teev ntuj Catholique. Tus muam zoo siab heev uas vim muaj nws tus nus, mus kawm hauv cov Catholique thiaj tau los ua tim khawv qhia rau nws qhov tseeb.

    Cov lus tim khawv ntawm nov yog Txiv Plig Rév.Père Tuckwell. yog tus sau :

    Tim khawv tus tub Protestant los ntseeg  Catholique . 1264699440_thumb

    << Kwv tij, nkauj muam, tus txiv neej hloov siab hauv cov Prostestant los ua cov Catholique thiab tseem coj tau nws tus muam los ntseeg Catholique yog tus tab tom sau cov ntawv no ntag, nws yog kuv. Txhua yam tshwm sim saum no, yog vim muaj Poj Huab Tais, peb Leej Niam nkauj tsim txiaj Mab Liab ua tus pab. Kuv thov hais rau nej txhua tus tias, nej yuav tsis txhob tso ib hnub tseg uas tsis hais txoj saw Mab Liab. Kuv thov nej txhua tus thov ntuj pab rau peb cov kwv tij PROTESTANT THIAB! THOV NTUJ TIAG KOM LAWV QHIB QHOV MUAG LOS HLOOV dua SIAB TSHIAB.>>
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tim khawv tus tub Protestant los ntseeg  Catholique . Empty Re: Tim khawv tus tub Protestant los ntseeg Catholique .

    Post  Maiv Tooj 14th December 2010, 6:01 am



    Nyob zoo Maiv Paj Lug,

    Ua tsaug, koj muab zaj tim khawv nov los rau peb nyeem.

    Yog kawg, kuv twb tau mus nrog cov Protestant teev Ntuj thiab ua Cim Cog lus tej lawm. Lawv ua tsis mauj paus ntsi pes tsawg, lawv txais tog txais nta xwb. Kuv pom ib qho ntawm lawv uas kuv tsis nyiam heev mas zoo li lawv ua Ntuj Kev Cai lawm tab sis lawv tseem ntshai dab tshaj cov tseem coj dab thiab. Thiab lawv tsis muaj cov Leej Ntshiab uas ntshiab tiag tiag, muaj hwj huam yees ntxwv thaum ua neej nyob los tuaj lawm. Thiab muab faus tau 30-40 xyoo los tseem zoo nkauj tshaj thaum ua neej nyob lawm thiab. Qhov nov txhais tau tias tswv Ntuj nyob qhov twg thiab nrog cov twg tiag. Tab sis tus tsis paub txog Catholic li kev ntseeg ces hnov luag hais li cas los kuj hais raws, kev thuam neeg no mas tus yuav thuam li cas los yeej txawj, yeej hais tau. Tab sis yuav tsum saib qhov tseeb thiab yog xwb. Yam tseeb ua tsis tau cua, yam cuav yeej ua tsis tau tseeb.

    Cov Protestants tsis xav ua raws li cov Catholic ces lawv muab ib cov Ntawv hauv Phau Ntawv Ntshiab tshem kom txhob muaj puav pheej.
    Kom lawv hais tau tias lawv thiaj yog cov coj yog. Tab sis lawv puas xav tias lawv los txais tog txais nta es lawv yuav ua cas coj tau yog tshaj cov Catholic! Catholic yog thaum chiv keeb puam kwm Yes Xus los mus, cov Protestant nyuam qhuav yog thaum 1685 los mus xwb. Cov Phau Ntawv Faj lem tag nrho yog muaj:72 phau, uas cov Catholic khaws tag nrho raws li keeb kwm Tswv Ntuj pheej txoj kev los mus txog ntua lub caij Nws tus Tub yug los thiab tshaj nws lub Moo Zoo rau ntiaj teb neeg. Tab sis cov Protestants muab ib cov pov tseg lawm, vim lawv xav ua kom txawv cov Catholic ces lawv li lawv tsuas khaws 66 phau xwb.

    Cov Protestants tsis nyiam ua zoo rau luag, mus cawm thiab pab cov neeg txom nyem, vim lawv tsis ntseeg tias yus hlub thiab pab tej neeg txom nyem ces Tswv Ntuj muab koob hmoov rau yus. Lawv li mas qhov yuav tau koob hmoov yog yuav tsum teev Ntuj xwb, li ntawd lawv thiaj hu nkauj ntau ntau xwb tssi nyiam mus ua mission pab cov neeg txom nyem. Thiab thaum lawv mus pab cov neeg txom nyem thoj nam tej mas lawv tsuas pab txij kiag li lawv cov ntseeg xwb, yog leej twg xav tau kev pab ces yuav tsum los ua lawv cov mas lawv thiaj kamù pab.

    Ua tsaug rau koj lub caij los txhais cov ntawv no.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tim khawv tus tub Protestant los ntseeg  Catholique . Empty Re: Tim khawv tus tub Protestant los ntseeg Catholique .

    Post  Maiv Paj Lug 14th December 2010, 9:07 am

    Maiv Tooj, xyov li thiab tiag, kuv yeej tsis thuam kuv cov dab laug lawv pawg ntseeg ,vim lawv yeej txawj sib hlub heev lawm. Kuv pom tau hais tias cov protestant mas lawv nyob tau koom siab ua ib pab ib pawg tiag tiag . Tiam sis pheej tshuav ib yam uas zoo li tsis tiav nyob hauv lawv txoj kev ntseeg, yam ntawv yog Huab Tais Yesxus lub cev thiab cov ntshav, tsis pom lawv muaj pov thawj ces ua rau kuv tsis kaj siab . Kuv mus nrog lawv nyob ib hmo ces pom hu nkauj li hu nkauj, louange li louange xwb ces cia li tas li ntawv, kuj muaj ib tug Xib Hwb Hmoob protestant los nyeem me ntsis vajlugkub thiab thov ntuj qi muag tas ces cia li tas lawm. Kuv tseem xav saib lawv lub thaj txi ntuj rau Tswv Ntuj zoo li cas na tsis muaj, lawv tsuas sib pab hu nkauj zaj tag zaj tuaj xwb ces tsis pom muaj thaj txi ntuj, kuv nug rau peb niam dab laug tias, nej teev ntuj li no xwb los? nws teb kuv tias, aws peb sawv daws hu nkauj ib hmo li no ua kev zoo siab rau tus Tswv Yesxus.

    Kwv tij phoojywg, peb txhob nov qab peb cov kwv tij Hmoob Protestant, peb thov ntuj pab rau lawv kom muaj ib hnub lawv pom kev txog qhov tseeb tiag tiag, thov kom lawv txoj kev hlub Huab Tais Yesxus coj lawv los rau hauv txoj kev ncaj thiab tseem tiag tiag. Tej tus kwv tij Hmoob Protestant mas yeej muab nws lub siab cob kiag rau Huab Tais Yesxus lawm tiag tiag, tiam sis lawv puas paub tias lawv twb tsis tau noj Yesxus lub cev thiab twb tsis tau hausv Yesxus cov ntshav . Qhov no qhia tau tias lawv tsis tau txua siav nrog Huab Tais Yesxus. Peb cov nyob hauv lub tseem tseem Koos Txoos, peb txhua hnub chiv, peb tau noj Yesxus pluas mov, peb tau noj Yesxus lub cev, peb tau haus Yesxus cov nsthav , Li no txawm peb yog cov tau koom Huab Tais Yesxus txoj sia peb yuav tsum ua siab ntev hlub cov tsis tau koom , thov ntuj rau lawv kom lawv hloov siab los cuag Yesxus tiag tiag es tsis txhob qw qw louange xwb tsis tau dab tsi, yuav tsum koom nrog Yesxus ua ib tug thiaj li mua Tswv Ntuj nyob hauv yus .




    Tim khawv tus tub Protestant los ntseeg  Catholique . La_sainte_messe
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tim khawv tus tub Protestant los ntseeg  Catholique . Empty Re: Tim khawv tus tub Protestant los ntseeg Catholique .

    Post  Maiv Tooj 14th December 2010, 9:19 am


    Lo lus Christian=Chrétien=Cov uas ntseeg txog Yes Xus Pleev


    Cov Catholics, Protestants thiab Orthodoxes puav leej yog neeg ntseeg Christian, vim lawv puav leej ntseeg txog Yes Xus thiab ntseeg tias NWS yog tus Cawm Seej uas tswv Ntuj tau cog lus tseg thaum As das thiab Es Vas nkawd ua thawj lub keeb txhaum.

    Ib tug Catholic los yeej yog ib tug Christian tib yam. Tsis yog cov Protestant thiaj yog Christian xwb. Li nov ib tug Protestant los Orthodox uas tsis tau hloov mas yeej yog Catholic.

    Catholic thiab protestant sib txawv li cas:

    -Cov Catholic muaj 72 phau Ntawv Ntshiab, ntxiv rau cov kab kev uas qhia ib txheej rau ib txheej. Cov Protestants tsuas khaws 66 phau Ntawv Ntshiab xwb, yog qhov twg lawv tsis xav ua ces lawv tsis khaws. Lawv nyeem Ntawv Ntshiab lawv tus kheej ib leeg. Tab sis ntawm cov Catholic mas tso rau tus Txiv Plig nyeem thaum ua thaj txiv Ntuj.
    -Cov Catholics ntseeg tias muaj Teb Chaws Them txim (Purgatoire), cov protestant tsis ntseeg.
    -Cov Catholics hwm Nkauj Ntshiab mab Liab yug los dawb Huv, cov Protestant tsuas pom tias yog ib tug poj niam uas Tswv Ntuj foom koob hmoov rau thiab Tswv Ntuj xaiv los ua Nws Leej Tub niam xwb.
    -Cov Catholique Hwm ntawm Vaj Qhia ua lawv tus thawj khov kho, thiab cov Txiv Plig tsis yuav poj niam; cov Protestant tsis lees txais Vaj Qhia, thiab lawv cov Xib hwb yuav poj niam. Lawv tssi muaj mus nyob teeb Ntuj ntsiag to.
    -Cov Catholics cev cov zaj teev Ntuj mus rau Huab tais Ntuj, rau Niam mab Liab thiab cov Leej Ntshiab; cov Protestants lawv cev rau Huab tais Ntuj nkaus xwb.
    -Cov Catholics ntseeg tias Tswv Ntuj cawm cov neeg siab ntshiab uas pab thiab hlub luag tej; cov Protestants hais tias tsuas yog Tswv Ntuj lub txiaj ntsim xwb thiaj cawm tau lawv.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tim khawv tus tub Protestant los ntseeg  Catholique . Empty Re: Tim khawv tus tub Protestant los ntseeg Catholique .

    Post  Maiv Tooj 15th June 2017, 9:25 am


    Kev Sib Txawv Ntawm Catholic Thiab Cov Protestant



    Sponsored content


    Tim khawv tus tub Protestant los ntseeg  Catholique . Empty Re: Tim khawv tus tub Protestant los ntseeg Catholique .

    Post  Sponsored content


      Current date/time is 28th March 2024, 12:46 pm