SAIB DUAB HMOOB QUB

Kho siab dhau koj cov duab na Maiv Tooj, ntshe yav thaum ub, Hmoob tej tub tej ntxhais tsim txiaj dua nim no ho yom, thiab kev hlub yuav sib nco dua nim no nes, vim nim no es koj tham kuv poj kuv tham koj sev , koj tham kuv txiv kuv tham koj nkawm, ua tab ua tauv tsis muaj kev sib hwm li , txaus nsthai dhau txheej tiam no na, zoo li babylone yav thaum ub rov los raws tau noob neej dua lawm .

Thaum ub tsis hais Hmoob Xeev Kham, Hmoo Mab Teb puav leej hnav tsho luv tib yam. Yog tom qab no Yawg Lis Txhiaj Foom, Phas Nyas Tub Npis txiv mus ua luam tom Nyab Laj teb ais nus yuav ntaub npuag nyab laj, coj los xaws tsho khuam xyaum hnav li Nyab laj, xws li muaj peev feem dua ces Hmoob Xeev thiaj li qog lawv hnav tsho khuam, tseg tsis hnav tsho luv lawm xwb.

Nyob zoo XH.Npuag Tub,

Vuag...! Cas nws mus nrhiav tau TP.Vaj Xwm daim duab nov qhov twg los rau peb saib os...! Ua tsaug ntau nawb. TP.Vaj Xwm yog tus tuaj xyuas peb, thaum peb nyob deb cov Txiv Plig, nws yog neeg As Mes Kas ces nws tau dav hlau caij yooj yim, thaum kuv niam thiab kuv txiv tuag nyob Vees Cam, nws yog tus mus tos kuv tus nus uas tseem nrog TP. nyob pem Hoeisay, nws yog tus pab muag kuv cov paj ntaub rau Tseej Maim, los pab them kuv nqe kawm ntawv nyob tom Dong Dok, thawj xyoo uas kuv tsis tau nyiaj nom pab. Thaum ntawd kuv hnuv nyug thaj tsam 13 xyoos xwb, kuv yuav tsum them nqe noj mov npaum li ib tug xib hwb qhia ntawv lub nyiaj hli, twb yog muaj TP. Vaj Xwm pab kuv es kuv thiaj li nrog luag muaj ntsej muaj muag nrog lub teb lub chaw. Zaum no nws nyob rau Miami, USA. Tsaib no kuv tau sau ib tsab ntawv rau nws, nws kuj teb kuv thiab. Tab sis nws tsis txawj hais lus Hmoob lawm.

Mt,

Kuv mus pom nyob hauv Internet xwb os, kuv twb tsis paub tias yog TP. Vaj Xwm os. Zoo siab nws ho paub zoo os nawv.

Nyob zoo tij laug Hmoob Ntuj Qubqab,

Zoo siab pom nws rov tuaj xyuas peb.
Nws mus ntev ntev, ua rau peb txhua leej tos tos nws.

Ua tsaug ntau rau nws ob daim duab, zoo kawg nkaus. Yog kawg, tej duab qub mas yeej muaj nqes rau peb keeb kwm. Ua li nws tsis hais es cov duab nov yog nias xyoo twg lawm? Thiab nws teev cov npe puas tau.

Ua tsaug.

Nyob zoo Maiv Tooj

Cov Duab qub sauv nws yog lawv cov ua tij lawm yog cov tub kawm ntawv Hmoob samneua
kawm Dongdok ib txhia, muaj Hmoob Yaj, Lauj,Lis ,Vaj tej zaum lawv yees xyoo 1970-71 lawm os,kuv tsuas paub li 4-5 leej xwb ov.

Daim no yog Yang Thao yees nrog cov hluas nkauj Roob Kub Twmlub caij tsiab peb caug

Nyob zoo tij laug Hmoob Ntuj Qubqab,

Ntev ntev tssi tau ntsib nws lawm, nws thiab tsev neeg puas tseem noj qab nyob zoo?

Tij laug, yog nws tuaj pom kuv tsab xov nov no, kuv xav thov nws yees tej duab nroj tsuag me ntsis xa tuaj pub rau kuv tau dhos kuv cov tshuaj ntsuab. Yog nws rov tuaj no ces kuv mam li hais seb kuv xav tau tsob nroj tsuag twg rau nws.

Yog thaum noj Peb Caug no seb nws puas khoom mus thaij duab Tsiab Peb Caug rau kuv tau siv thiab.

Ua tsaug.

Cov duab saud, lawv sau tias yog thaum lub 10 hli ntuj 1993 no tab sis kuv ntsia mas zoo li tsis yog thaum ntawd. Tab sis lawv sau li cas ces kuv tso li lawv sau xwb.

Peb yuav tsum ceev peb tej duab ua ntu zus mus. Txawm yog lub neej niaj hnub, zoo li tssi muaj qab hau los yuav tau yees tseg, vim lub neej hloov zuj zus, yuav tssi zoo li qub lawm.

Nyob zoo Maiv Tooj

Peb sawv saws puav noj qab nyob zoo,tsuas yog ib ntus no hauj lwm ntau zog tsis tshua dim tes xwb.
Lub siab xav ntsoov tias Tij laug neb thiab cov me nyuam txhua leej yuav noj qab nyob zoo thiab.
Ntawm yees duab nroj tsuag los tshuaj ntawv tsis muaj sij hawm mus ncig toj siab li ntshe yuav mus yees tsis tau xwb, hauv tiaj nrag no yuav tsis muaj tej nroj tshuag yus xav tau thiab nas.

Maiv Tooj wrote:

Laj Pob Yaj daim duab thaum yau:

Thaum kuv tseem me kuv txiv kuv yawm kuv puj peb thaij duab ua ke.kuv yawm puag kuv.




Tub Laj Pov,

Daim duab nov nias xyoo twg?
Thiab nws puj nws yawm npe hu li cas?
Tus hnav thab ham ntawm ib sab puas yog nws iv?

Nyob zoo niam ntxawm txooj tub.
Kuv Daim duab no yog nias xyoo 1962 lawm.xyoo 1962 kuv nyuam qhuav muaj 2 xyoos tab sis lub caij ntawd me nyuam 2 xyoo luaj li no xwb.
Kuv yawg hu ua laj pov yaj kuv pog hu ua ntxheb tsab.tus hnav cev ris tsho thab ham yog kuv iv mas.lub caij ntawd kuv iv mus raug mob ces nom tswv thauj mus kho mob rau viang chan thaum rov los nqes nyooj hoom tom tshav nyooj hoom pam las peb mus tos kuv txiv ces peb thaij tseg cia xwb.